اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 15-05-2009, 11:34 PM
صورة قويه باس الرمزية
قويه باس قويه باس غير متصل
©؛°¨غرامي مشارك¨°؛©
 
الافتراضي رد: يكفيني عن العالم حنانك / أول ما كتبت خيال مختلطة بواقع


مشكورين ياللي رديتو علي وترى الردود جزء من الدعم النفسي لي عشان كذا طالبت فيه لو من اول بارت احتاج لدعمكم انا وروايتي محتاجين لكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 16-05-2009, 04:34 AM
صورة قويه باس الرمزية
قويه باس قويه باس غير متصل
©؛°¨غرامي مشارك¨°؛©
 
رد: يكفيني عن العالم حنانك / أول ما كتبت خيال مختلطة بواقع


ان شاءالله انزل البارت اليوم
اي صح نسيت صباح الخير ...



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 16-05-2009, 01:33 PM
صورة قويه باس الرمزية
قويه باس قويه باس غير متصل
©؛°¨غرامي مشارك¨°؛©
 
رد: يكفيني عن العالم حنانك / أول ما كتبت خيال مختلطة بواقع


((البارت الثاني))

قامت ساره مكسله بعد الفطور وراحت غرفتتها تنسدح شوي فكرت في هالانسان اللي كلمته تكلم نفسها:
انا غبيه ليش سويت كذا وش ابغى فيه اكلمه انا الحمدلله والشكر بنت عاقله واللي سويته بيجر علي مشاكل كثير لالا بس انا ماسويت شي يستاهل اني الوم نفسي عليه هو اللي كلمني وانا ماقبلت اضافته اقوووول بس يانفسي بلا فلسفه زايده ان شاءلله ماهنا الا العافيه
فتحت دوابها وطلعت لها بنطلون سكيني فاتح مع بلوزه خضراء بلون العلم اللي يختلط مع لون بشرتها الفاتح قوه ويكسبها براءه وطفوله فوق على جمالها واخذت لها دش بارد يصحيها مع بعض من كريمات الترطيب وقلوس واخر خطوه ختمتها بعطر مميز دايم تتميز فيه .. نزلت تحت لقت ابوها وامها جالسين قالت بنفسها يووووه الحين يفتحون لي سيره الزواج مره ثانيه احسن لي اسلم بسرعه واطلع غرفتي
ابو نايف وام نايف في الصاله يسولفون ويشربون القهوه...
ساره: السلام عليكم
ابو نايف وام نايف: وعليكم السلام
ام نايف: ها سوير وشلون بطنك خف الالم
ساره: الحمدلله احسن
ابو نايف: الله يديم عيلك الصحه يابنيتي
ساره: اللهم امين يبه عن اذنكم بروح اكلم امل اشوف اذا هي فاضيه ودي اروح عندها اغير جو
ابو نايف:مايخالف يابنيتي روحي غيري جو وانبسطي بس لا تتأخرين
ساره: سم يا أغلى من روحي علي
ابو نايف: يسلم روحك يا قمر الدنيا انتي
ام نايف: وانا ياااااسلااااام؟؟؟؟
ساره: انتي الكل بالكل لا خلا ولا عدم ماما
ساره وهي مقفيه: يلا اشوفكم ان شاءلله بروح الحين اكلم امل
راحت ساره لغرفتها ومسكت جوالها واتصلت على امل : يارررربيه انتظار انا ابفهم هذي الانسانه ماتطفش؟؟
لكن والله لأزعجهم الين يقفلون قليلين الادب وش بقو للزواج
بعد الاتصال الـ20
امل: خالد حبيبي معليش بقفل والله سوير ازعجتني
خالد: استغفرالله هذي ضرتي والا وش سالفتها ماتفهم اننا تونا معاريس ابتهنى واكلمك صددددق نشبه
امل بدلع: كلش ولا سوير ياخالد ترى مارضى عليها
خالد بخقه: ياشيخه الله يسلم ساره وقلب ساره وكل الناس اللي تعرفينهم وشغالتكم وسواقكم
امل وهي مستحيه: خلوووووووووووووود << بدلع
خالد: لبيه ياقلب خلود انتي سمي آمري تدللي
امل: خلاص بقفل بشوف سوير وش عنده وادق عليك طيب
خالد: تكفين صرفيها قولي لها أي شي والله مفضي نفسي عشان اكلمك اليوم
امل: سم حبيبي يلا باي
خالد: لحظه لحظه وش قلتي؟؟
امل: قلت سم
خالد بذووووبان: لا اللي بعد سم؟؟
امل وهي بتصيح من الحيا: خالد جز عني خلاص ياخي والله استحيت
خالد: هههههههههههههههه خلاص ياعمري روحي كلمي النشبه
امل: يلا باي هههههه
خالد:باي
(((ساره واصل عندها الضغط ألف))): اخيرا عطيتنا وجه؟؟ الحمدلله انك مو الاسعاف والا كان متنا وانتي مارديتي
امل: ههههههههههه يختي وش اسوي زوجي ويكلمني ولا اقدر اقفل بوجهه
ساره: ايه خقي اكثر من كذا بس الوعد بعد شهرين
امل: خلاص ياموسوسه لا توسوسين فيني معك المهم وش فيك داقه كثير؟؟
ساره: لا ياشيخه صح النوم كنت بجي الحين هونت غيرت رايي
امل : لاااااااااااااااااااااااااااااااااااااااااااااا سوير تكفين تعالي
ساره: لا لا لا خلاص منب جايه انتي مارديتي علي وطابت نفسي
امل: يختي انتي ليش كذا دلوعه
ساره: من حقي ههههههههههه
امل: ثقه شنيعه
ساره: برضو من حقي هههههههههههههههه
امل: سووووويره بتجين والا شلون؟؟
ساره بنفس حده الصوت: لااااا شلوووون
امل: طيب ياساره زعنت
ساره: ازعني وروحي لخالد يراضيك
امل: كذا؟؟ طيب هههههههههههههههههههههه
ساره: ايه ألف كذا بعد
يلا طسي روحي كلمي عريس الغفله بيباي
قفلت ساره وفيها احباط الدنيا تحس بملل زوهق واحباط وتناظر الساعه : يووووه تونا الساعه 9 ياربيه وش اسوي اهلي مايسمحون لي اطلع لحالي وخواتي كل وحده مع زوجها ونجود في عداد الذكريات من تزوجت هالعله ماعاد نشوفها الا ماندر واملوه تكلم هالعله خالد تدرين ياسوير افتحي السكاي يمكن فيه عبووود متصل من زمان عنه<< اخوها من الرضاع
فتحت جهازها ولقت عبووودي على السكايب اون لاين فرحت بتلقى احد بتقضي وقتها معه
عبوووود: هلااااااااااااااااا سوير كيف الحال
سوسو: الحممدلله ياخوي بخير انت شلونك شخبار استراليا
عبووود: والله تمام بس زهق سويره دوري لي بنت حلوه مثلك بكل شي ودي اتزوج واجيبها معي
سوسو: صدق؟؟
عبووود: أي والله صدق ياختي مليت لحالي كني موسوس في شقتي لحالي
سوسو: بعد عمري اخوي ابشر .... مايمديها ضغطت انتر وارسلت الكلام الا وجاها :
الحنووووووون: اوووووه انتي فيه
ترددت سوير بعدين ردت بعصبيه
سوسو: وش تبي انت وراك نشبه؟؟
الحنووووون: مابي شي انا لا علاقه ولا هم يحزنون طفشان وبسولف معك بس وش رايك نسولف بجد ونسوي هدنه
سوير بنفسها مايبي حب ولا شي خليني اسولف معه اقل شي اقضي وقتي واذا ماعجبتني السوالف ابقفل منه على طول واسوي له بلوك
الحنوووون: هي وين رحتي شكلك مشغوله اوكي ماعطلك
سوسو: هلا لحظه بس
الحنوووون: اوكي
رجعت لعبود اللي لطعته شوي ..
سوسو: عبود اخوي شوي على اذنك بروح تحت مشغوله وبرجع
عبووود: خذي راحتك سوسو
رجعت للحنون وجلست تسولف معاه..
سوسو: ايام باك
الحنوووون: هلا والله احلى باك
سوسو: يسلموووو
الحنوووون :ممكن اتعرف عليك؟
سوسو: قلت لك عمري 26 ومن الرياض
الحنوووون : والاصل؟؟
سوسو: اصلي من القصيم بس ساكنه بالرياض
الحنوووون: خخخخخخخخخخخخخخخخخخ ونعم والله حتى انا بعد مثلك
فرحت سوسو: كم عمرك؟
الحنوووون: عمري 27 سنه اكبر منك بسنه
سوسو: العمر كله لك
الحنوووون: ولك
سوسو: موظف؟
الحنوووون: أي نعم
سوسو: لا تقول لي ضابط
الحنون في نفسه: يمه وش دراها ذي؟ّ!
لالا مو ضابط بالاتصالات لكن ليش سألتي ضابط بالتحديد
سوسو: لأن عندي عقده منهم ابوي ضابط واخوااااني اثنين ضباط وطليقي
الحنووون: انتي مطلقه؟؟
سوسو: ايه تملكت وانفصلت
الحنوووون : ربي يوفقك ان شاءلله
سوسو: واياك
وجلسو يسولفون مع بعض ماحسو بالوقت لا سوسو ولا الحنون اللي فتحو قلوبهم لبعض مع قليل من التحفظ في بعض الاشياء ولا حسو بالوقت الا عالساعه 2 وربع
الحنوووون: سوسو تشرفت بمعرفتك لكن انا عندي دوام اشوفك بكره على خير
سوسو وهي تطقطق اصابع ايدينها من التعب وكتبت له: ااوووكي تلقى خير مع السلامه
ياترى اللي سويته صح والا خطأ؟
وش يعرف عني حتى اسمي ماتجرأ يسأله اما الحنون قام لفراشه وهو يفكر فيها وش كثر هالبنت حبوبه وخفيفه دم ومرجوجه بس احس فيها حزن او عقده بنفسها مادري وشهي يلا ياخبر اليوم بفلوس بكره يصيير ببلاش سمى بالله تلحف ونام
((في بيت ريم اخت ساره))
فيصل: ريم ياقلبي ياعمري انتي ماتفهمين انا عندي شغل ابوي معتمد على وش اسوي اكثر من اللي اسويه موفر لك كل شي بس قدري ظروفي تكفين
ريم: ودي فيصل بس تعبت ما القى مجال اجلس معك زي أي زوجين الصباح انا بدوامي وانت بدوامك والظهر ارجع وانام اقوم واطبخ الغدا واستناك يجي الليل وحنا ماتغدينا أي عيشه ذي حببيبي العمر يخلص والشغل مايخلص اذا بنستمر على هالحال انا ماقدر استحمل انا احبك وتبكي
فيصل: ليش البكى ياقلبي خلاص وعد مني هالاسبوع افضي نفسي واتفرغ لكم وش تبين بعد قرب منها يضمها
ريم زادت بكاها مثل الاطفال: وعد فيصل؟
فيصل: وعد ياعيووون فيصل انتي وشالها وداها الغرفه وضمها ونومها بحضنه يمكن هاللحظه تعوضها عن غيابه في النهار
((في بيت نايف اخو ساره))
دخل بيته وشاف زوجته تصلي ..
تأفف وجلس على سريره ينتظرها الين غفت عينه وهو ينتظر جت هدى زوجته قومته: نايف نايف قم ادخل بفراشك ونام زين
نايف بعصبيه: انتي متى تحسين فيني ياهدى
هدى: يوووه يانايف لاطاعه لمخلوق في معصيه الخالق
نايف يرفع صوته من القهر: انا قلت لك اعصي الخالق؟ انا اقول وقتك لا تقضينه كله على السجاده ربي يقول ولا تنسى نصيبك من الدنيا انتي حرمتي علينا كل شي حتى حقي الشرعي فيك انا يوم اخطبك فرحت ان ربي رزقني وحده ملتزمه تخاف الله لكن انتي ياهدى بزياااااااده نستيني ونسيتي عيالك وبيتك وين الدين اللي يرضى هالشي انتي حتى ماتعطيني من نفسك وقت.. لزوجك في الدين عليك حق انتي حتى حقي حارمتني منه
هدى: نايف تصبح على خير
نايف هز راسه بلا تعليق وتغطى ونام
((في بيت وليد))
دخل وليد بيته على الساعه 11 ونص لقى الانوار طافيه ومافي احد تحت جا بيصعد الدرج الا ويلقى على كل درجه شمعه والورد منثر على كل درجه ابتسم بنفسه وقال الله لا يحرمني منك يانوره وطلع عالدرج ودخل غرفته اللي لقاها مليانه ورود ومفرش جديد ابيض والورد لونه احمر والشموع ماليه المكان والطاوله قدام التلفزيون مجهز عليها عصير وكيك وحلويات وشيبسات لزوم السهره وحاطه موسيقى سلو هاديه وريحه الفواحات معبيه المكان جلس يدور على نوره لقى ورقه عالسرير مكتوب عليها :
حبيبي وليد نورت بيتك ياقلبي انا مجهزه الحمام وملابسك خذ لك دش دافي ربع ساعه واجيك
زوجتك حبيبتك: نوره
ابتسم وليد ابتسامه اعطت ملامحه الرجوليه جاذبيه اخاذه وراح للحمام اللي مجهز بطرقه لا تقل اناقه من الغرفه وبدا ياخذ دشه بالوقت اللي نوره تناظر شكلها بالمرايه كانت لابسه قميص نوم طويل احمر ورافعه شعرها شينون بسيط وحاطه فراشه حمرا من كريستال السوارفيسكي على جنب من ناحيه اذنها وحاطه فل ميك اب بروج احمر ومتعطره بعطر قوي وجذاب بدت عليها ملامح الرضى على شكلها وعلى جمالها الطبيعي الفاتن كيف عاد بالميك اب صارت اميره اساطير وطلعت لغرفتها من غرفه الملابس وشافت وليد طالع من الحمام ببجامته البيج وقطرات الما تتساقط من شعره وهو مبلم يناظرها بشوق وفتح يدينه وجت دخلت بحضنه
وليد: ياحظي بأميرتي ياناس
نوره: انا اللي ياحظي بأميري الحلو
وليد: وش هالليله الحلوه؟
نوره بثقه وهي تضرب على صدره بقمه النعومه: ليش يعني ماتعودت على الدلع مني؟
وليد وهو يضمها لصدره بقوه: الا والله مدلعتني ربي لا يحرمني منك ياقلبي وكملو ليلتهم بكل ماحملت من مزح وجد ولحظات حميميه
اما راكان فبما انه ضابط فكان في دوره خارج الرياض وقضى ليلته يكلم زوجته سهى بالتليفون وحال عبدالعزيز ماكان احسن من حاله لأنه يفكر بزوجته بدور وسفرته معاها للخارج عشان يكمل دراسته
صلت ساره ركعتين اخر الليل وطلبت من ربي انه يشفيها ويستر عليها بالدنيا والاخره وحاولت تنام
((الصباح))
ابو نايف على الفطور: وين ساره؟
ام نايف: نايمه
ساره من ورا امها: لا مانمت
ام نايف وابو نايف: بسم الله من وين طلعتي
ساره: وش اسوي فيكم مندمجين بالاكل لدرجه انكم ماشفتوني
جلست ساره بكرسيها وبدت تفطر وتسولف مع ابوها وامها وهي تقول بنفسها ربي لا يحرمني منكم انتم اللي مالين علي حياتي.. بعد الفطور راحت تشيك على رسايل الايميل وفتحت السكايب بتشوف اذا الحنووون اون لاين والا لا وكان موجود..
الحنووون: صباح الخير << فز قلبه يوم شافها اون لاين
سوسو: هلا صباح النور<< بدت تنتفض ماتدري ليش
الحنووون: كيف اصبحتي؟؟
سوسو : الحمدلله تمام وانت؟
الحنووون: دوووووم يارب انتي الحين عاطله عن العمل مالك اهميه بالحياه؟؟
سوسو بنفسها تقول (رجعنا لقله الادب): لا انا موظفه بس عندي اجازه
الحنووون: ليه ماخذه اجازه
سوسو : وش دخلك حره انا
الحنوووون: مو قلنا نسوي هدنه؟؟
سوسو: من متى المعرفه اسوي هدنه
الحنوووون: تصدقيين بديت احس انك تمساح
سوسو: تمساح ياكلك
الحنوووون: انا راح ادري بطريقتي اذا انتي تمساح والا لا
سوسو: اقووول وش بتسوي يعني؟
الحنووون: بكل بساطه اهكر الجهاز واطلع على كل مافيه
خافت ساره قوه
سوسو: ليش تهكره بعدين وش سويت لك انا وبعدين ما اسمح لك ولا احللك في اشياء خاصه
راحت بسرعه المستندات تمسح صور اختها خلود اللي كانت مسافره وترسل لها بعض الصور من فتره للثانيه
قفلت الجهاز بوجهه حتى بدون باي وهو حس بتأنيت بالضمير بس كان يمزح معها وعمر اخلاقه ماتسمح له يسوي هالحركات
نهايه البارت



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 16-05-2009, 03:48 PM
صورة قويه باس الرمزية
قويه باس قويه باس غير متصل
©؛°¨غرامي مشارك¨°؛©
 
الافتراضي رد: يكفيني عن العالم حنانك / أول ما كتبت خيال مختلطة بواقع


عجبكم؟؟ ان شاءلله يارب يعجبكم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 16-05-2009, 04:28 PM
العيون الوساع الناعسات العيون الوساع الناعسات غير متصل
©؛°¨غرامي مشارك¨°؛©
 
الافتراضي رد: يكفيني عن العالم حنانك / أول ما كتبت خيال مختلطة بواقع


ناااااااااااااااااااااااااااايس تسلمين حبوبه ....
احس ان الحنون بيحب ساره
قصتج وايد حلوة وتسلم الانامل ال كتبتها بليييييز كملي نتريااااااااااااااج


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 16-05-2009, 05:21 PM
صورة قويه باس الرمزية
قويه باس قويه باس غير متصل
©؛°¨غرامي مشارك¨°؛©
 
الافتراضي رد: يكفيني عن العالم حنانك / أول ما كتبت خيال مختلطة بواقع


العيون الناعسات تسلمين يالغاليه على الدعم وربي ماراح انسى نكك اول مره احس احد متفاعل معي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 17-05-2009, 02:18 AM
صورة قويه باس الرمزية
قويه باس قويه باس غير متصل
©؛°¨غرامي مشارك¨°؛©
 
الافتراضي رد: يكفيني عن العالم حنانك / أول ما كتبت خيال مختلطة بواقع


ووووووووووووووووووين التفاعل :(


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 17-05-2009, 02:48 AM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: يكفيني عن العالم حنانك / أول ما كتبت خيال مختلطة بواقع


روووواية خيال روووعة

بانتظار البارت القادم

تحياتى


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 17-05-2009, 02:29 PM
صورة قويه باس الرمزية
قويه باس قويه باس غير متصل
©؛°¨غرامي مشارك¨°؛©
 
الافتراضي رد: يكفيني عن العالم حنانك / أول ما كتبت خيال مختلطة بواقع


تسلمين ياورده الحب



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 17-05-2009, 05:30 PM
صورة غلا ksa الرمزية
غلا ksa غلا ksa غير متصل
©؛°¨غرامي فعال ¨°؛©
 
الافتراضي رد: يكفيني عن العالم حنانك / أول ما كتبت خيال مختلطة بواقع


روعه مشكوره


الإشارات المرجعية

يكفيني عن العالم حنانك / أول ما كتبت خيال مختلطة بواقع

الوسوم
يكفيني حنانك ساره الحنوووون
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
الاسطوره زيزو s_a_u_d -_- 24 كووره عربية 18 20-12-2010 05:46 PM
القصه ألأولى والثانيه المش همس اعر ارشيف غرام 10 21-03-2009 01:17 AM
الاوائل في كأس العالم للأندية أمير الأطلس كووره عربية 10 17-12-2008 12:09 AM
ما رأيكم بمصير هذا الظالم ؟ ســ الأحزان ــر قصص - قصيرة 7 30-01-2005 02:52 PM
ترتيبك بين أثرياء العالم ROMANTIC-PEN مواضيع عامة - غرام 6 09-01-2005 03:12 AM

الساعة الآن +3: 05:44 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم