اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 31-05-2009, 05:13 AM
غروب الشمس ^_^ غروب الشمس ^_^ غير متصل
©؛°¨غرامي جديد¨°؛©
 
الافتراضي فديت اللي على بالي .. كواني بنار حبه و راح و خلاني


السلام عليكم ورحمة الله وبركاته

هذي احدى رواياتي وهي من الروايات او القصص القصير
اتمني ان اجد فيها تفاعلهم



هذا هو غلاف رواياتي







ابتسمت للدنيا ابتسامة انسان حزين
والندم يمشي بعروقي مع شراييني

بكييت الندم و عيوني كانوا ناشفين
تحسرت من اللي فعلته بسنيني

عشت قصة كذابه بس البشر صادقين
اعيش القصه ونهايتها مو على ايديني

غديت مثل الطفل يوقف ويطيح بثانيتين
يبكي ويصرخ تكفيين يا ارض شيليني

ياما عطيتك يادنيا وانتي عليك تاخذين
يوم تعاتبيني و يوم على حزني تبكيني

لحظتك يا دنيا غدت بعيني مثل السكين
كل لحظت ضعف امرها بظهري تطعنيني

عجزت ادور فيك خير يادنيا لكن وين
وانا من انولدت الدمعه نفسها وسط عيني

بالله يادنيا سؤال بكل هذا وش تستفيدين
ندم وقصه كذابه ودموع تكفين جاوبيني

حرام ازف دموعي بوسط خدي وانتي تفرحين
حرام افرح بنفسي وتجين يادنيا تععزيني

تحسبيني لعبه متى ما بغيتي بها تلعبين
تلعبين فيني ومتى مابغيتي تقطيني

والله لو انك آدميه ماخليتك ابد تتهنين
بخلييك تتمنين الموت بنفسك وعلى ايديني

زي ما سلبتي الابتسامه من وجه المسكين
بقلب حياتك حزن اللين من بالك تشيليني

ما ابي ادخل باحلام ليتك يا احلام تتحققين
واخذ بثاري وابرد كل حره انولدت فيني

هذي حكايت ابتسامة انسان حزين
وانا ما اشكي قلبي هو اللي يشكيني

نهايتي كتبتها الدنيا بصفحات المسكين
لأني عشت قصة نهايتها مو على ايديني



تنفس بعمق وخرج زفرات من قلبه وقفل دفتره وحطة بدرج وشوي يدق الباب
حسام طالع للباب
- ميييييييييييييييين ؟؟؟؟؟
- انا خلود افتح الباب
- خير وش عندك
- افتح بس
- خلود والله مالي خلقك
- طيب كلمتين بس
وقام من مكانه وهو متذمر وطفشان وفتح الباب
- خير وش تبين
- ابي دفتر اشعارك
- ليش
- الجوري تبي تشوفه
- من الجوري
- بنت الجيران
- وش تبي بدفتري
- والله حسام تعرف انا ملقوفة بالعادة قلت لها عندنا اخو شاعر وشعرة حلو فقالت ابي اشوف وروني
سكت حسام شوي وفكر في نفسه "عادى لو شافت شعري اوريها يمكن تطلع احسن منهم وتمدح شعري "
- طيب خذي بس رجعيه بسرعة
- امرك يا شاعر ههههههههههههههههه
- تتريقين انتي وجهك

خلونا نتكلم عن حسام بطل روايتنا
حسام شاب وسيم ,,طويل ,,ابيض البشرة ,,يعتني بلبسه وهندامه كثيرا ,,,وأيضا هو خلوق ,,شجاع ,,جريء ,ذكي ,يتميز بالسرعة والعجلة ,,غير اجتماعي ,,انطوائي ,,سريع في عمله ..والصداقات لديه قليلة ..دائما يشعر انه لا وقتلديه ,,يتمتع بالنشاط والحيوية فترة طويلة من اليوم ..يحب الانطوائية ..حساس بلمرهف الحس ..غامض ..صبور ,,يغضب بسرعة ويرضى بسرعة

جلس حسام ينتظر دفتره وسرح بخياله وغفي شوي وعلى قولتنا اخذ تعسيله
وفي غرفت البنات
الجوري كانت تقلب صفحات دفتر حسام اخذت منها ندى الدفتر
- خلاص قطعتي دفتر اخوي
سحبته منها خلود الدفتر
- مالك شغل حسام أذن لها تشوف الدفتر
- وانتي حارس يعني
- ايه عاجبك مو عاجبك اقضبي الباب .......اصلاً انتي ايش دخلك بيننا الصغار ما يجلسون مع الكبار
- صغار في عينك
الجوري جلست تضحك
- بس خلاص ......خلاص كفايه هواش قسم تموتون من الضحك
ردت خلود بنرفزة
- ماتشوفيها كيف لزقة قسم احسها لزقت جونسن هذيك حقت الظهر....
ندى شهقت
- اههاااااااااه لزقة جونسن انا يا زيت خروع ماينبلع
- يووووو زيت خروع عاد مرة وحدة
- ايه عندك مانع
- مالت عليك يالله برة برة من الغرفة اشوف
- والله ما اطلع غير الجوري هي تقول .....الجوري تبيني اطلع
- لا اجلسي بس اعطوني قلم ابي اكتب لحسام
تجمعت نظرات خلود وندى على الجوري وبصوت واحد
- تكتبين لحسام
- ايه بكتب له
- وش بتكتبين
- عبارات تشجيعيه
- وعسي عجبك شعرة
- ايه يا خلود عجبني بسرعة هاتي القلم
وفي نهاية أخر قصيدة كتبها حسام سطرت حروفها

ماشاء الله
شعرك رائع
تملك حس مرهف
لك مستقبل زاهر

وعلى طول سحبت خلود الدفتر وتوجهت لغرفت حسام ودقت الباب


صحى حسام مفجوع
- ميييييييييييين ؟
- انا ياحضي افتح الباب
- خلود
- ايه خلود افتح بس افتح
فتح الباب وعلى طول خلود عطته الدفتر
- خذ دفترك
- هاتي
- على فكرة تري كتبت لك كلام
- من كتب
- الجوري
- ايش كتبت
- افتح الدفتر وتعرف
وعلى طول صك الباب وراح على سريرة وانسدح وفتح الدفتر ولقى كلام الجوري ابتسم لما شاف الكلام وصار قراء ويعيد يقري في الكلام لين غلبه النعاس ونام
في الصباح اليوم الثاني الكل رايح مدرسته وفي الصف فتح حسام شنطته بيخرج دفترة مادة الفيزياء
- يا الله وين راح الدفتر .............يؤؤؤؤؤؤ أخذت دفتر اشعاري بدل دفتر الفيزياء
وفتح على الصفحة إلي كتبت فيها الجوري الكلاام قراها وابتسم مايدري ايش سر بسمته وهفه الهواء وكتب كلمات على بال المدرس ما يجي
كتب في دفترة

حبيت والله حبيت


ارتحت لك بالحيل وقلبي لك ارتاح
مدري بصراحه كيف روضت قلبي
القلب اعزل وانت كلماتك سلاح
طاحت حصون القلب بعدك وربي



- سلطاااااااااااااااااان
- هاااااااااء وش تبي
- هات دفترك
- ليش
- نسيت الدفتري
- نعم عسي تبيت اخذ دفتري
- لايدلخ ابي انسخ الواحب في دفتر ثاني
- طيب خذ انسخ قبل ما يدخل بسرعة
- ها دخل المدرس غطي عليه الله يخليك على بال ما انسخ
- طيب بسرعة ابطلع دفتر ثاني كنه دفتري وانت انسخ بسرعة
- طيب
ونسخ الواجب بسرعة والمدرس كان يلف على الأولاد إلا وبسرعة حسام يسلم الدفتر للسلطان من غير مايحس المدرس مر المدرس على سلطان وبعدها وصل عند حسام
وقف المدرس على راس حسام واخذ الدفتر يقراء الواجب
- ماشاء الله حسام وسلطان نفس الاجابه
- نعم استاذ حلينا مع بعض
- اها
وصار المدرس يقلب في دفتر حسام ......هنا حسام توهق لأنه كتب الواجب في دفتر الاشعار وصار وجهه الوان المدرس صار يحاول يركز في الكلام وقرأ كلام حسام وتعليق الجوري وركز على تعليق الجوري لأن الجوري وقعت تحت التعليق وبعدها قري المدرس كلام حسام واخر أبيات كتبها
- اها حسام حبيبي شكلك غلطت في الدفتر
- هااااااااااااااااااااااااااااااااااااااااااااااء
واخذ الدفتر معاه
- استاذ الدفتر
- تعال عندي المكتب بعد الحصة عشان تاخذه


هنا حسام ورط ولا عاد يعرف كيف يفكر صار محتار ومرت الحصة ثقيله عليه انتظر خروج المدرس وراح عنده مكتبه ووجه احمر ينتظر الكلام إلي بيجيه من المدرس
- مشاء الله عندنا شاعر
- ايه استاذ
- طيب ياشاعر ليش نسيت الدفتر
- ولا بلغط اخذت هذا الدفتر
- شكلك مرة من كثر ما تحب عمتك عن الدراسه
- احمممم
- ههههههههههههههه طيب الحين خذ دفترك وانتبه لدروسك
- حاضر استاذ
ومر اليوم بسلام كان حسام في قمت خجله من المدرس وحمد ربه محد درى عنه ولا كان صارت علوم
ولما وصل البيت كان جوعان
- يمه حطو الغداء
ورن التلفون وقام حسام يرد على التلفون
- الو
- هلا مين؟
- من معي ؟
- انتي إلي داقة انتي مين ؟
- هذا مو بيت خلود ال ****
- ايه بيتها

- طيب ممكن خلود
- من نقولها
- الجوري بنت الجيران >>>>>ارتبك حسام وتوتر "الله صوتها حلو "
- طيب ..............ياخلووووووووووووود .......ياخالووووووووووود تلفون
جات خلود مسرعة
- خير ....خير علامك تصارخ
- خذي تلفون
- من متى ترد على تلفون البيت
- من اليوم .........خذي بسرعة البنت تتنتظر
وأعطاها السماعة وهو مبسوط وبعد الغداء راح غرفته
"الله صوتها حلوة ايش هذي الجوري إلي معا ها لا ليلي ليل ولا نهار نهار "
وفتح الدفتر وسطر حروفه
روحي تناديلك حبيبي وتدعيك******تعال انا حبيت والله حبيت

تعال واسكن في وسط قلب مغليك****تعال ماغيرك حبيبي تمنيت

تعال واطفي لوعتي بين اياديك***ياما سألت الليل عنك وونيت

ذوبت قلبي يالغضي في تغليك****حتى بنومي يالغلا ما تهنيت

تامر على روحي وانا اقول لبيك**لبيك يامن في
حشا القلب غليت

اسقيك من صافي غرامي وارويك**واطرب ليامن بحالي الشعر غنيت

ولامن بغيت تروح باقول خليك****خليك باقي منكم ما ترويت

اما تجي ولا انا اليوم باجيك****مالك مفر مني ولو عني صديت

انا هويتك وهذا كله من ايديك***شعرك اسرني وامتلكني وحبيت


الي تبيه اليوم قلته بروحي

والله احبك يابعد كل ناسي

القلب لك والشوق ياسيد روحي

خل الجفا والبعد وارحم ياقاسي



ونام وهو سعيد بحبه الجديد مبسوط حس أنه بدا يحب الحياء وتحولت أشعاره من حزن لعشق وحب
وفي يوم زارتهم الجوري وفي غرفة الضيوف
خلود و الجوري كانوا يتكلمون
- يحي الله الجوري .....وينك معد تجي

- وربي ما افضي
- ليش ايش عندك
- تعرفين شغل البيت كله على راسي
- الله يعينك .......دقيقة بروح الجيب القهوة
وخرجت وصادفت حسام
- انتبه لا تجي غرفة الضيوف
- ليش
- عندنا الجوري
- الجوري بنت الجيران >>>>رجعت الربكة
- ايه
وراح غرفته وفتح فترة وجالس يقراء في كلماتها وشوي جت خلود
- حسام عطني دفترك
- أي دفتر
- أي دفتر دفتر الشعر البنت تبيت قراء
- الجوري
- إيه .....يالله بسرعة هاته
- خذي
وعلى طول توجهت غرفة الضيوف واعتها الدفتر وقرت اخر قصيدة حبيت والله حبيت
وفي نفسها الجوري" الله شعرة خيال شكله يحب يابختها إلي يحبها "
- هيه الجوري في ايش سرحتي
- هنا معك وين رحتى بس اقراء
- مدري إيش عاجبك في شعرة
- ترى اخوكم موهوب شعرة من جد خيال ...بس شكلكم ما تشجعونه
- وعيع نشجع خليه في دراسته احسن

- اقول هاتي قلم وخليني اكتبله تعليق انا بشجعه
- حلى هي
- ايه عندك مانع
واخذت القلم وكتبت

شعرك رائع بمعني الكلمة
موهبتك في الشعر ممتازة
أعجبني الشعر اتمنى لك مزيد من التقدم
كان نفسها تكتب يابخت من حبيتها لكن استحت و أعطت أخته الدفتر
خلود على طول راحت لحسام وعته الدفتر حسام ماتوقع انه بتعلق لكن جلس يقلب في الدفتر واول مالقي تعليقها عدل جلسته وجلس يقراء فيه
- احبك يالجوري وربي احبك هذي الناس إلي تفهم الشعر
هفة شوق الشعر وكتب كلماته لها وحبه الجديد يسطر مع القلم كلماته
أحبك وخايف من الزمن ولوعة الكتمان
ومن لي غيرك بعد حبك سوا همي يواسيني
أحبك كلمة فيني وحبك يطرد الأحزان
وأسمك يسري بدمي وطيفك ما يفارقني
أحبك مصدر أحساسي وحبك منبع الحنان
وأحبك حاوطت قلبي وسميتك دفى سنيني
وخايف لنحرم منك وأصير شخص بلا عنوان
مدام حبك جرى بدمي رجيتك لا تخليني
أنا من لي بعد حبك سوا الهم والحرمان
ودموعي عايشه بخدي والضحكه فارقة سني
أنا مسجون والنار سجني والحزن سجان
طلبتك فك من أسري وأمس الدمع من عيني
بقربك الهنا يقرب ويعانق خافقي الولهان
بقربك يقرب الحب وأصير بعالم ثاني
حبيبي..! طالبك طلبت حبيب عايش بنيران
ونفذ مطلبي تكفى ولا تزيد من أحزاني
أبي قلبك لي وحدي ولو كان مهما كان
أبي أخبارك ماتغيب عني ولحظه ما تناساني
وقفل الدفتر وسرح مع افكارة ومع كلماتها وفي نفسه ياتري هي تكتب الشعر مثلي ياليت اشوف شعرها لو كانت شاعرة طيب كيف اعرف اممممممم مالي غير خلود
وقام من فراشه ونادي خلود
- خير ....وش عندك وش تبي
- تعالي زين لااتنافخين .....لصك وجهك كف
- نعم وش تبي
- ابيك تسالني الجوري تكتب شعر مثلي
- اهااا الحين جايبني وتعالي ياخلود على هذا السؤال
- اقول لا تتفلسفين اسأليها وبس
- طيب أمرك..بنسألها

وراحت عند الجوري ودخلت عليها وهي مبتسمه طلت فيها الجوري
- خير شووووو هل الابتسامي على قولت الشوام
- ابد بس حسام كان يبني أسالك
ارتبكت الجوري
- تساليني
- ايه
- عن ايش
- يقول أسليها لو هي تكتب الشعر
استحت الجوري وجاوبتها وهي منزل راسها

- ايه اكتب بس مو شعر اكتب خواطر
- حركات خواطر يادبه اجل لي ما توريني
- هههههههههه طيب ابشري المرة الجايه اجيبها معي


ومرت ايام والجوري ما تزور خلود وحسام اشتاق لها رغم انه ماشافها بس يكفي احساس وجودها عند حسام هذا يكفيه مالقي غير دفترة دفتر اشعارة يدون فيه احساسه وحبه الجديد
اشتاق لك حيل كل ساعه و دقيقه

عـشــقــي انــا مــا هـــو مـثـل الخـليقة
عـشــقـى تـعـــدى و را العشق و فــاق
*****
عـشـقــي انــا لــه اوصــافـــن دقـيــقــه
ما يــدلـهــا غــيـــر العــاشـــق الــذواق
*****
انا راعــي مـزاج و حــب و عـشـيـقــه
و ليل و سـهـــر و ضــمـــة وعـنـــــــاق
*****
انا أدور عــلـى اللي اطــفــي حــريـقــه
و ان مـا طـفــى اكـويــه و ازيـده احراق
*****
راعي مزاج مـثـلي على نفس الطريقه
يـاخــذ و يـعــطـــي بـلــذة المـشــتـــاق
*****
آخـذه و اضـمــه و اغـــب مــن ريـقــه
و اطـفـي ضـما قلبي من عذب الارياق

مـجـمـول لا شافته العـيــن تسـتـشـيـقه
و يـفــز القـلــب مـن طلـعـتـه خــفــــاق
*****
يـجـلـى عـن النـفـس الـهـم و الضـيـقـه
مثل القـمــر نـوره لا بــدى مشــــراق
*****
الا يــا مــن لك الــروحـــي مـسـتـفـيـقه
تحــرّا وصـالك مـتـلهـفــه بـاشـــفــــاق
*****
اشـتـاق لك حـيـل كــل ســاعه و دقـيـقه
لا غبت غاب الـهـوى و زادة الاشــواق
*****
انت اللي مــزاجـي و لا غـيـرك اطـيـقه
باوصافك و حـسـنــك يا طـيب الاعراق
*****
مجـمـول مـا مثـلك صــدق و حـقـيــقـه
راعي حـسـن و ذوق مـكـمّـل بالاخـلاق


وما هي ثواني إلي جرس الباب يدق قام حسام من مكانه بيفتح الباب وخرج لصاله وعلى فتحت الباب تجيه خلود من بعيد
- حسام حسام....اصبر لا تفتح الباب
- خير اشبك
- هذي الجوري عند الباب
ولا شعوري حسام يبتسم
- خير اشوف مبتسم
- لابس تذكرة شي
- طيب امي توصيك مقاضي روح جيبها
- طيب ....طيب وينها
- انت الحين وخر البنت عند الباب وانا ابجيك غرفتك واعطيك هي
- طيب
وراح غرفته مبسوط اخير جت
فتحت الباب ودخلوا لغرفه
- تعالي يادبه ايش هذا القطيع لك اسبوعين ماتجين
- والله الاختبارات
- حتى لو شويه بس
- ابشر خلصتها بلزق لكم كل يوم
- ها جبتي دفترك
- ايه جبته
- الله هاتي هاتي ابي اقراء
- بشويش لا تقطعينه
- هاتي بس
وأخذت الدفتر وفتحته على الصفحة الاولي
- الله خواطرك روعه احسن من شعر الخبل حسام .......يوة نسيت امي وصتني اعطيه الورقه إلي فيها المقاضي دقايق بس
وراحت عند حسام واعطته الورقة
- الجوري فيه
- ايه
- ما تبي تشوف دفتري
- لا والله ما طلبت
سكت حس بغصة خفيفه وفي نفسها اشبها ماطلبته شكلي صدقت نفسي
ورجعت خلود عند الجوري
- هاتي اشوف ابقرا
وفي سوطرها كان مكتوب


كم هي صعبة تلك الليالي
التي أحاول أن أصل فيها إليك
أصل إلى شرايينك
إلى قلبك
كم هي شاقة تلك الليالي
كم هي صعبة تلك اللحظات
التي أبحث فيها عنك

حبيبي
الشوق إليك يقتلني
دائماً أنت في أفكاري
وفي ليلي ونهاري

صورتك
محفورة بين جفوني
وهي نور عيوني
عيناك ..... تنادي لعيناي
يداك ..... تحتضن يداي
همساتك .. تطرب أُذناي
يا حبيبي
أيعقل أن تفرقنا المسافات
وتجمعنا الآهات
يا من ملكت قلبي ومُهجتي
يا من عشقتك وملكت دنيتي

حبيبي
عندما أنام
أحلم أنني أراك ... بالواقع
وعندما أصحو
أتمنى ان أراك ثانية ...في أحلامي

- الله الله من تحبين
- لا بس كلام كذا اكتبه
- يعني انتي ماتحبين
- انا من قال
- الكلاام إلي الدفتر يقول
- طيب طيب الحين ابي اقراء شعر اخوك روحي جيبي الدفتر
- الحين بروح ..........بس لااتصرفين من تحبين
- خلود قلت لكم حد
- طيب محد محد
وراحت غروفت حسام إلا لقت حسام فيها
- انت هنا
- ايه اشبك ليش مارحت تجيب المقاضي
- هاااااااااااااااااااااااااء الحين الروح
- ميى بعد الملاحلات ماتقفل
- خلود اطلعي من راسي
- ماني فيه عشان اطلع هي قوم امي تبي تطبخ الحريم بيجون اليوم
- الحين

بعد ماخرج اخذت خلود الدفتر وودته عند الجوري
والجوري كالعادة تكتب تعليق لحسام
رجع حسام بعد ماجاب نص السوق ودخل غرفته وشاف الدفتر فتح الصفحات يبي يكتب لكن تفاجاء لما شاف تعليها ابتسم وفي نفسه اخذتي قلبي يالجوري جعلي ما انحرم منك يامنى الروح
ومرت الايام وحسام كل يوم يزيد جنون بس اليوم هذا عنده غير
في يوم من احلى ايام عمر حسام كانت الجوري تزورهم وكان حسام ماهو في البيت
ويوم دخل البيت راح عند غرفة الضيوف شاف الجوري وطاحت حصون القلب ما توقعها بهذا الجمال زاد تعلق فيها اكثر من اول
وصارت هي كل الحب والامنيات ابسم في داخلها كثير ارتبك وخرج وراح لغرفته
وكان سعيد كثير وصار حسام كل ما تجيهم الجوري ما يتحرك من البيت
وتعرف على اخوها فيصل وصار سلطان وحسام وفيصل من اعز الأصدقاء
وكان سعيد كثير وصار حسام كل ما تجيهم الجوري ما يتحرك من البيت
وتعرف على اخوها فيصل وصار سلطان وحسام وفيصل من اعز الأصدقاء
ومع الزمن تخرج حسام وفيصل وسلطان من الثانوية وصار كل واحد يدور على وضيفه عشان المجموع ما دخلهم الجامعة
سلطان كان أبوه صاحب شركات و وظف ولده فيها إما فيصل بالواسطة
قدر يدخل الكلية الصحية وفضل حسام يدور على وظيفة وبين الشركات والفنادق يدور
ودخل البيت مكدر وطفشااااااااااان ولقي في وجهه خلود
- هلا حسام بشر لقيت وظيفة
- لا دورت في كل الفنادق على استقبال ولا لقيت و رحت الشركات ما خليت مطرح
- كلها ما حصلت فيها شي
- لا والله بموت قهر كل زملاي إلي توظف ولي كمل دراسة لكن بخت أخوك شين
- لا تقول كذا أن شاء الله تلقي وظيفة في أحسن الشركات
- يا رب
ودق تلفون البيت وكان سلطان خوي حسام
- حسام فاضي
- إيه......... في شي
- لا بغيتك في موضوع
- الحين
- إيه انزل حوش عمارتكم .......أنا تحت
- طيب ابشر
ونزل حوشا العمارة ولقيه على سيارته الكامري ينتظر
- هلا سلطان علامك فجعتني ايش السالفة
- ابد بس بغيت أستشيرك في موضوع
- تستشيرني خير أن شاء الله
- أبي اخطب
- تخطب
- أيه اخطب أخت فيصل
حسام سأل بارتباك
- من هي
- الجوري
- تبي تتزوج الجوري ؟؟؟؟؟؟؟؟؟
- إيه بس مدري كيف أفاتحه في الموضوع
و فجاء جاء واحد مسكين يشحذ عندهم طلع سلطان بوكه ومنها طلع رزمة الفلوس وأعطاه 10 ريالات
سكت حسام وجلس يفكر قال في نفسه " هذا أحسن مني عنده سيارة وفلوس بيسعدها أكثر منى .......لكن ما أتحمل تروح لواحد ثاني ......يا ربي وش ها الخبر "
- حسام علامك ساكت
- لا ابد بس سرحت شوي
- الحين ايش رايك
- والله ما اعرف ايش أقولك لكن فيصل ما بيردك توكل على الله وروح
- اجل بخلي أهلي اليوم يرحون يخطبون
- الله يسهل لك
ورجع البيت والقهر في نفسه "ياربي لو أني موظف وعندي فلوس ما كان أنا أولي بها "
ودخل حجرته وفتح دفتره وصار يتصفح في شعره وحبه الضائع وقراء تعليقها وصار يحسس بيدينه علي كل حرف كتبته وقال في نفسه يا ترى تحبني هي مثل ما أنا مجنون عليها لكن لو رفضت سلطان بروح و أتقدم "
وكتب في دفتره
ابـــو أميـره جيتـك طالب يدها

بنتــــك الى لــها بالقلب شان

اطف لـــهيب شوق احرقني واحرقها

ولهانه لشوفي وأنا لشوفها ولهان

أنا ادري ان أميره غالي مــهرها

وكل غالي ينساق له غالي الأثمان

خذ سمـــعي ومن عيوني نضــــرها

خذ قلـــبي ومـــعه كل شـــريان

ان عطيتني ولـــى ترى بخطفــــها

وارتاح من ليالي الــبعد والحرمان

واعيش معــــها بديرة محد سكنــها

ديره نبتها الحب وارضها الحنــان



ونام على دفتره وفي قلبه أمل أنها ترفض سلطان
وصح الصبح مكسر هلكان كان همه يعرف رد أهل الجوري وبالذات الجوري
وشاف خلود بالصالة وجاء وجلس جنبها
- خلود
- هلا حسام
- كيف وكيف أخبارك
- اها فيها كيفك وكيف اخبارك اخلص وش عندك
- ما عندي شي بس بعرف إخبارك وش عندك من أخبار
- والله على حطت يدك لا جديد
- اها
- إلا اشبك اليوم ناموستك كحلي
- لا بس سهرت شوي
- اهاااااااااء
- يا لله أنا بطلع
- الحين في هذا الظهر
- ايه
- وين
- ارض الله الواسعة
- طيب وين هذي الأرض يمكن نحتاجك
- الجوال عندكم أي شي دقوا عليه
لبس ثوبه وراح لشركة سلطان ولا لقيه مداوم ودق عليه الجوال
- سلطان وينك رحت الشركة ولا لقيتك
- الناس تقول سلام مرحبا و أنت بسم الله ما عندك أسلوب
- أنا أوه معليش ضايق خلقي شوي
- عسي ماشر
- لا بس تعرف الوظيفة
- قلت لك تعال عندي ولا رضيت
- لا أنا ما أحب شغل الشركات علامك ما داومت
- والله أمس مسكونا على العشاء وفيصل ما كذب خبر أخذنا وطلعنا البحر بعد العشاء ما جيت إلا أذان الفجر
- طيب ردوا عليك
- لا والله قالوا بعد أسبوع
- اهااء الله يكتب إلي فيه الخير
- أمين يا رب
- طيب أخليك الحين أشوفك العصر
- اوكي

وقفل الجواله وخرج من سيارته وصار يمشي بالشوارع ما يدري وين يروح بس انه يبعد قدر ما يقدر وجلس يلفلف لين غربت الشمس وحس بالتعب على جسمه
ودخل البيت لا سلام ولا كلام وعلى غرفته نام .........ونام نوم عميق حلم فيه أن الجوري كانت في قارب صغير وكأنها تقوله تعال اركب جنبي في القارب وجدف لكن جاء سلطان وركب جنبها على طول وحرك القارب وخلى حسام على الشاطي كانت نظرات الجوري كلها على حسام وكان في عيونها عتاب ليش ما سبق سلطان وقام من نومه مفزوع وحس أن الجوري بتطير من يده
ومر أسبوع وجاء خبر موفقة زواج الجوري من سلطان الكل فرح إلا واحد الكل زغرد إلا واحد نزلت دموعه واندس في غرفته ومسك كتابه يقري كلامها
كيف الدنيا تمشينا على هواها لكن صبر نفسه وفتح صفحته وكتب كلماته الاخيره في دفتره كلمات كانت أخر شي سطره في هذا الدفتر


قالوا حبيبك راح واختار دنيـاه

قلت ان تركني قربوا الموت ليّه

الموت ارحم من حياتـي بليـاه

يا كيف ببقى في حياتـي هنيّـة

يا موت خذني قبل لا شوف فرقاه

خذني دخيلك قبل تصبـح عليّـه

اختار غيري يوم انا حيل اهـواه

اختارهـا لجـل الحيـاة الدنيّـة

ماقول غير الله يسامح خطايـاه

ويجيه رزقه كل صبح وعشيّـه

صحيح احبه واعشقه واتماشـاه

لو هو تركني دون ذنب وخطيـة

ايه اعشقه والقلب عايش بذكراه

واعشق ترابه واندفن فيه حيّـة

يا عين هلي دمعتك وقت طريـاه

واسقي عيونه لا لفتني المنيّـة

آهات من وقت ٍ حرمني ملاقـاه

وآهات من حظ ٍ تركني ضحيّـة

قسمة وكل ٍ في جبينـه معانـاة

وانا انكتب لي دايم ابقى شقيّة !




وقفل كتابه وخرج من البيت لموج البحر يطالع الموج ويكلم روحه يعزي نفسه في روحت حبيبه خلاص الجوري ما عادة من نصيبه ورجع وكتب أخر بيت
وكان فيه معني أني اليوم بحضر عرسك وكأني بحضر قبري >>>أسموحه ما تذكر البيت
وجت الجوري أخر مره لبيت حسام وطلبت الدفتر وقرت الأبيات وأخر بيت اثر فيها تركت الدفتر ودموعها على خدها وخرجت من بيت حسام ولا عاد زارتهم هنا حس حسام أن الجوري كانت تحبه لكن بعد ما خلاص كلاً راح لنصيبه
وانتهت حكايتنا وهي عن قصة حقيقة






اتمني ان تكون روايتي نالت اعجابكم
ياليت تكتبون رايكم فيها
لن ردكم يشجعني اكثر
تقبلوا تحياتي



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 31-05-2009, 05:45 PM
غروب الشمس ^_^ غروب الشمس ^_^ غير متصل
©؛°¨غرامي جديد¨°؛©
 
الافتراضي رد: فديت اللي على بالي .. كواني بنار حبه و راح و خلاني


ماشاء الله كل ها المرور ولا احد علق
حتى لو ماعجبتكم على الاقل يسلمو


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 31-05-2009, 05:59 PM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: فديت اللي على بالي .. كواني بنار حبه و راح و خلاني


خخخخخخ
ولا يهمكك يابع ــدي

يسلمووو يالغلااا

مااااارة روووعة
بس كسر خاطري حسام يحووب الجوري ولا صارت من نصيبة
<<يكبر وينسى هع هع

لاخلا ولاعدم


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 31-05-2009, 09:48 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: فديت اللي على بالي .. كواني بنار حبه و راح و خلاني


روووعة الرووواية

بس اكتشف فى الاخير ان الجورى تحبه

بانتظار ابداعات جديدة من اناملك المميزة

تحياتى


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-06-2009, 02:42 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: فديت اللي على بالي .. كواني بنار حبه و راح و خلاني


"



هـلآ وغلآ منوره آلقسم
بدآية حلوه’
آلله يعطيكِ آلعآفيه

موفقه آن شاء الله




"


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-06-2009, 07:02 AM
غروب الشمس ^_^ غروب الشمس ^_^ غير متصل
©؛°¨غرامي جديد¨°؛©
 
الافتراضي رد: فديت اللي على بالي .. كواني بنار حبه و راح و خلاني


اقتباس:
المشاركة الأساسية كتبها ven!ce مشاهدة المشاركة
"



هـلآ وغلآ منوره آلقسم
بدآية حلوه’
آلله يعطيكِ آلعآفيه

موفقه آن شاء الله




"

ياهلا والله
اسعدني مرورك
وهي قصه مكتمله وان شاء الله بنزل البقيه



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 01-06-2009, 07:03 AM
غروب الشمس ^_^ غروب الشمس ^_^ غير متصل
©؛°¨غرامي جديد¨°؛©
 
الافتراضي رد: فديت اللي على بالي .. كواني بنار حبه و راح و خلاني


اقتباس:
المشاركة الأساسية كتبها وَرْدَةْ آلحُبْ مشاهدة المشاركة
روووعة الرووواية

بس اكتشف فى الاخير ان الجورى تحبه

بانتظار ابداعات جديدة من اناملك المميزة

تحياتى
ياااااااااااااااااااااهلا والله
والروعه هو مرورك العطر تقبلي تحياتي



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 01-06-2009, 07:05 AM
غروب الشمس ^_^ غروب الشمس ^_^ غير متصل
©؛°¨غرامي جديد¨°؛©
 
الافتراضي رد: فديت اللي على بالي .. كواني بنار حبه و راح و خلاني


اقتباس:
المشاركة الأساسية كتبها البنت الذي كويسة مشاهدة المشاركة
خخخخخخ
ولا يهمكك يابع ــدي

يسلمووو يالغلااا

مااااارة روووعة
بس كسر خاطري حسام يحووب الجوري ولا صارت من نصيبة
<<يكبر وينسى هع هع

لاخلا ولاعدم
ياااااااااااااااااااهلا والله
تسلمين الحمد الله احد عبرني ورد على الروايه
وحسام هذا واحد من الالف إلي كان يحب ولا فاز بمحبوبته إلي تحبه



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 01-06-2009, 07:06 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: فديت اللي على بالي .. كواني بنار حبه و راح و خلاني


,’



بسم الله
و عليكم الســـلآم و رحمــة الله و بركآته



يعطيك العـــآفية
موفقة إن شــــآء الله




,’



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-06-2009, 06:07 AM
العيون الوساع الناعسات العيون الوساع الناعسات غير متصل
©؛°¨غرامي مشارك¨°؛©
 
الافتراضي رد: فديت اللي على بالي .. كواني بنار حبه و راح و خلاني


مرحبا شحالج اختي ......قصتج روعة واسلوبج ما عليه كلام وها مب شي يديد على كاتبه متالقه مثل غروب الشمس مشكورة مرة ثانية وبليييز لطولين علينا في البارت الياي
تقبلي مروري اختج:العيون الوساع


الإشارات المرجعية

فديت اللي على بالي .. كواني بنار حبه و راح و خلاني

الوسوم
....كواني , تالي , بنار , فديت , وخلاني , وراح
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ودي اعرف وش اللي خلاني احبه قصيده رسائل جوال - مسجات - وسائط - sms - mms 13 14-10-2008 02:33 AM
ودي أعرف وش اللي خلاني أحبك ؟ زهرة القمر*** رسائل جوال - مسجات - وسائط - sms - mms 34 05-07-2008 08:20 PM
أحلى المناسبات والتهاني هذا أنا... سجل الأعضاء - للتواصل بين الأعضاء 1707 02-05-2008 03:59 PM
لي حبيبٍ حيل حبيته ** و صار عمري و سيد خلاني البزاية رسائل جوال - مسجات - وسائط - sms - mms 30 23-02-2008 08:51 PM

الساعة الآن +3: 08:45 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم