اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 10-06-2009, 01:46 PM
الحنين الى الماضي الحنين الى الماضي غير متصل
©؛°¨غرامي جديد¨°؛©
 
الافتراضي قلبي للحين يحبك / بقلمي







[ .. قلبي للحين يحبـڪ .. ]

.
.

أحداث حُكتها من نسيجَ خياليّ, مع مُقتطفات من واقعيّ
.. صُغتها من تراتيل العشق .. و عالم الهوى حد وصولهُ إلى الجوىً

سأبعثرها هُنا بين هذهِ الأوراق ., لألملم ألامهم وبقايا شظاياهُم التي أنختمت بعقدا من أوجاع سعسعة دجى الليل ..

في صفحتي هُــنا .. ستـرون [ الجنون, العشق, الغرور, الكبرياء, الألم, العذاب, الحزن, ولن أنســى يوماً الفرح ]

, و كل شخصية بينَ أصقاع روايتي تتجلى فيها أسمى مُفردات الرقة والعذوبة ! فرغـمَ كُلَ شيء إلا إن دوماً أفئدتهم تقرعُ وتنبـض بالحُــب !
لذا أعذروهم , إن توغلتهم الخطايا يوماً مـا , !!!

وأعذروني أنا إن ماطلتُ فيّ أحزانهُم.. و إن لُفحت قلوبهُم بوسام الأوجاع
فأنـا هُنا فقط لأبعثر أشلاء أفراحهم وأشجانهم ...

استــعدوا
الآن !!

لـكُم كُل الود






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 10-06-2009, 01:47 PM
الحنين الى الماضي الحنين الى الماضي غير متصل
©؛°¨غرامي جديد¨°؛©
 
الافتراضي رد: قلبي للحين يحبك \ رواية جريئة مرة بقلمي


بســـم الله الرحمــن الرحيـم


[ .. قلبي للحين يحبـڪ .. ]

* الجـــزء الأول *
.
.
في إحدى البيوت الفخمة , بجانب منطقة سار " الجنبـية " بالبحريـن

(( داخل حجرة هيفاء, الساعة 9:33 دقيقة مساءاً ))

ابتسمت , وهي تخلي لها الكحل على عيونها السودة الواسعة .. و تغني بصوت ناعم وهادئ : انتَ عندي حاجة غير , هذي ما فيها كلام ,, عمري وحبي الكبير , منت واحد والسلام .. " وبعد ما رسمت عينها اليسرى واليمنى خلت القلم على جنب في الطاولة بداخل علبة المكياج .. وقامت من الكرسي المطلي باللون الخشبي " طقم مع الغرفة " وهي تدور عينها بالغرفة من الملل !!
اتجهت للبلكونة ,, وفتحت الباب وهي تستنشق الهواء
ظلت تتأمل في حديقة بيتهم الواسعة وهي تستذكر أحلى أيامهم ,, وشلون كانت تلعب مع أخوها فهد وهم يتعاركون وبالأخير يجي أبوها , ويفاككهم !! كانت أيام لا تنسى , وين راحت هالايام حتى اخوي فهد اللي كان قريب مني وايد ما هو مثل قبل , تغير وفوق كل هذا .. ما عاد يجلس معانا وايد .. ومن بعد ما تزوجت أمل فضا المكان أكثر وما بقيت اللا انا ,! وكل شخص لحاله, منعزل.. وميساء صحيح انها تجلس بعض الاحيان وياي بس بعد ما بتملي مكان أمل .. ولا نوف اللي سارت عننا , وما عدنا نشوفها اللا وقت العطل
تنهدت وسكرت البلكونة مرة ثانية .. وطلعت من الحجرة بعد ما حملت جوالها وسكرت اللمبات والمكيف..


سكرت الباب بهدوء .. ومرت على حجرة أمل وميساء وفهد ,, وهي نازل من على الدرج بسرعة !!
ابتسمت لما شافت ميساء وأمها وأبوها جالسين بالصالة..
انضمت لهم بمرح وقالت هيفاء " 17 سنة ": متجمعين الحلوين, وأنا فوق ولا تقولون لي
ابتسمت أمها " أم فهد " , وقالت: ما حبينا نزعج توقعتج نمتي بكرة حفلة تخرجكم من الصبح تروحوا تتدربون !
قالت باستذكار وهي تعفس ملامحها : يووه ذكرتيني يا امييي .. قايلة اني راح اتصل لرفيجتي جمانة عشان أشوف متى بكرة نروح , وعشان امر عليها بالطريج لأن أخوها وأبوها بالشغل ما يقدرون يجون لها اللا وقت الحفلة بس !
أمي: مدام جيه أوصلكم أنا عيل
هيفاء وهي تاخذ قطعة كاكاو من ع الطاولة : لا , لا تتعبي نفسج , انا بخلي السواق يوصلنا بس ساعدني الله عليه هالهندي الغبي !!
قالت امها بعصبية: حرام عليج !! انا الف مرة قايلة لج هالكلام لا تقوليه , الهنود ما لهم امان فرضاً سوالج شي عبالج اهم !! ما يفهمون .. باللي قاعدة تقولينه
ابتسم أبوها , وقال: ما تجوزين عنه , شمسوي لج ..
هيفاء بانفعال : غبيي ! ابد يوبه ! أقوله ذاك اليوم ودني المكتبة اللي جنبنا ! وداني مكتبة مدري شو ! ولا ,, الكتب اللي أنا بغيتها .. مب موجودة هناك مدري من أي سنة هالمكتبة وفوق كل هذا لما جيت له لقيته نايم بسابع نومه اصحيه ! ما يرضى يقعد ! وحضرته مسكر السيارة بعد والله لو ما اتصلت لفهد وجا لي و عصب عليه كان ابد ما جلس من نومته ! وكملها
ضحكت ميساء " 15 سنة " بعفوية , وقالت: بالأصل هو من يشوفج يظل يعاندج لأن أنتي تعطيه لسان شطوله !
نوف: اللي قاصر يشتغل ببلاش ! اهو بفلوس .. شرات ما يبي يشتغل ويحصل فلوس , يجي يشتغل نفس الناس والعالم ,, لازم يتعب عيل من وين يحصل هالفليسات ..

(( فـي القهوة , عــند الشبــاب ))
هادي: مب ناوين , تمشون ؟
فهد بابتسامة ساخرة " 23 سنة ": ليش نرجع , ما ورانا دوام ولا شي .. ؟
ضرب على كتفه جهاد " ولد عمه , 25 سنة " وقال: تتكلم عن نفسك أنا وراي .. دوام قم وصلني ..
فهد بملل: خلونا اهني , شفيكم .. توها السهرة مبتدية ..
هادي: يالله .. يوم ثاني .. انا تعبان اليوم
تنهد وقام وهو يتوكل على الله ..
.. مشـوا بعد ما سلموا على بعض وركبوا السيـارة
.. مشى فهد وجهاد بنفس السيارة بعد ما ربطوا الحزام..
وكان الوضع هادىء بس صوت .. الجوال قطع عليهم الهدوء ابتسم فهد لما شاف الاسم وقال وهو يطالع جهاد بنص عين: تمشي؟
فهم قصده جهاد , وهز راسه !
بركن السيارة فهد ع جنب وتبادلوا الكراسي..
" ضغط فهد ع زر الاتصال .. وبعد ما وصله صوت ناعم "
ابتسم بخبث وقال: يا هلا بهالصوت
" سكتت بخجل "
ضحك بصوت عالي وقال: فديتهم انا فديتهم الخجولات اللي يستحون !
قالت بعذاب من صوته: حرام عليك فهد لا تعذبني اكثر !
ابتسم وقال: افا انا اعذبج والله اذبح عمري اذا اعذب احلى قمررر بهالدنيا !! , هو احد يرضى بتعذيب ملوكته؟
ملاك بخجل اكثر: بس خلاص توب عاد فهد ! ترى اذوب
ضحك ,, وخلا السماعة بيده بعد ما نزلها وقال لجهاد: هالصيدة لقطة بشكل مو طبيعي مصدقة عمرها قال ايش قال اذوب ههههههههههههه
ضحك جهاد وقال: سكره سكره فهد !! والله انا نفسي انسدت منها , صج فارغ شلون تكلم هالاشكال !!
ابتسم وقال: بعد شنسوي للضرورة أحكام ..
رفع السماعة وقال: هلا عمري , لا ما رحت مكان بس رفيجي يناديني , شنو .. ايه ما عليه .. ما بنسى .. لا اكيد بتصل , بس اذا ما اتصلت فيج عمري لا تحاتيني اوك تحملي بعمرج ,, في امان الله ..!
سكره وهو يضحك بويه جهاد ,, طالعه جهاد وهو يهز راسه بغير رضا وقال: حرام عليك يا فهد اللي تسويه ببنات الناس ترى صدقني انها بترجع على خواتك ! اذا ما تخاف على نفسك خاف عليهم شوي !! خلّ عندك .. ذرة مسؤولية لي متى عاد خلاص ؟ بتصك 24 وانت بعدك مب عاقل ابدا وصايع صدق .. عمي لما قال حتى ولدي الوحيد ما اقدر اعتمد عليه ..!
ضحك فهد وقال وهو يميع صوته: سوق عدل اقول بس لا تصك راسنا بنصايحك .. وكمل وهو يقول: انا متى ما ابي !! ما اكلم احد !! ما بكلم وبعدين انا شذنبي اني جذاب وحلو .. وما اسلم من البنات حتى لما اطلع " يقعدون يرقموني من كثر ما هم ميتين علي يبون نظرة بس نظرة .. مب قادرين عليّ
ضحك جهاد بسخرية , وقال: اقول شرايك تكرمنا بسكوتك !! لا القعدة معاك تونس ولا حتى كلامك نفس العالم والناس
فهد بنفس النظرة: من زين القعدة معاك "على صوته وقال " قم اذلف انزل من سيارتي
طالعه جهاد وقال بصدمة : حرام عليك تونا في البداية باقي شارعين على ما اوصل للبيت
فتح له الباب وقال: مو شغلي .. تبيني اطق مشوار من اهني لسار وفوق هذا تتفلسف علي .. طالعه جهاد بحقد , وقال: الحين انا اتفلسف هذا يزاتي .. قاعد أنصحك قبل لا تصير لك بلوى على راسك !! .. ما عليه انا بطلع من السيارة وبطقها مشي للبيت بس صدقني يا فهد بتندم يوم من الأيام ! وبتقول يا ليتني سمعت كلام جهاد
فهد بعصبية : قم زين اذلف !! , متفرغ لكلامك انا عـلى هالليل!
نزل جهاد بعد ما عطاه أخر نظرة ونزل فهد من السيارة وراح مكان السواق .. ومشى وهو يضرب هرن "بوري" وبعصبية لف عشان يتجه لبيتهم !!!

(( في بيــت عائلة بو محمـد , بالتحديد " الصالة ))

جوري وهي تركض وراه " 18 سنة " : سلمان تعال قلت لك مو ناقصتك انت
سلمان وهو مبرطم ومتخبي ورا الكرسي : لا لا لا ماأحد قالج تحربين بالونتي رفيقتي !!!
جوري : بسرعة تعال لا تحصل كف على ويهك الحين ,
سلمان وهو يلتفت لأبوه اللي دخل من باب الصالة , وركض له بسرعة وهو يصييح !!
فتحت عيونها جوري ع الاخر
حمله بو محمد , وقال: هلا هلا بسلوم " طالعه , وقال " : شبلاك؟
صاح بقوة , وقال: جورية الكريهة البشعة .. حـربت "خربت" بالونتي وشوهتها
ابتسم بو محمد , وقال وهو يمثل العصبية : ليش جوري سويتي في ولدي جيه ؟
جوري بصدمة من ابوها : يوبة !! عطيته بالونة ثانية ونفختها له اهو اللي متفلسف وقاعد !! يتدلع
صرخ عليها سلمان وقال بقوة: انتيي اللي حربتيييييها ما ابي من عندج شي يا غبية
اندهش أبوه , وقال بعصبية : شهالكلام سلمااان
دمعت عيونه , وقال: والله اسف , ما بقولها ! " وببراءة " : عطني بالونة ؟ " وهو يمد يده له "
ابتسم ابوه .. وضمه له وهو يقعد على احدى الكراسي , وقال : وين امج ؟
تنهدت جوري , وقالت : قالت لي أنها راحت بيت بو عيسى .. عندهم حفلة بمناسبة رجوع ولدها من أمريكا
هز راسه , وقال : ليش سلمان للحين قاعد
جوري: يوبة وهو راضي المسه عشان انومه , طلع لي قرون
وكملت وهي تقوم بسرعة: ومدامك ييت استلمه أنا وراي امتحان بكرة ولازم انام بكير !
هز راسه , وقال بابتسامة ابوية : الله يوفقج
باست راسه , وقالت بسرعة وهي تركض للدرج : تصبح على خير
طالع أبو محمد " ولده " , وقال: تبي بالونة
هز راسه بسرعة , وقال: ايه وابيها حمرة
ابتسم له ابوه , وقال: بعطيك بس بشرط توعدني انك تروح غرفتك وتنام .. عشان لما تجي الماما ما تعصب عليك , وكمل وهو يطالعه بنظرة حنونة : اتفقنا ؟
هز راسه .. بابتسامة .. , حمله ابوه ومشوا " لـغرفة سلمان " اللي كانت جنب غرفتهم ..

( فوق في حجرة جوري )
تركت القلم على الورقة .. وابتسمت لما لقت دفترها المزين بلون الاصفر والوردي " كانت من احلى ذكرياتها " لما كانت بالمدرسة "
فتحته الدفتر ولمست ثلاثة الصور اللي كانت لـ رفيقاتها الثلاث " العنود و بشرى وميعاد " .. وجنبها كلمة " للأبد اصدقاء "
قلبت الورقة ,, وفتحت ورقة ثانية وظلت تقرا اللي كان مكتوب عليها

" عندما تثمل روحيّ بالرنو إلى مُقلتيك تجتاحنيّ ذكرياتٌ موجعة
تتوغل قلبيّ المنتشيّ بعالم الخيال.
اشعرُ وقتها إني بحاجتكَ لجانبيّ, لكي استسقي منكَ " الأمان "
لا أعرف إن كُنتَ يوماً صادقة في مشاعريّ.. لكنيّ لا أعرفُ أية أحاسيس تشتقُ قلبيّ عِند النظر إليك , تجعلنيّ أتمرد على ذهنيّ في مطاولة التأمل لتقاسيمَ وجهك !
, ولا اعرف , كيفَ ومتى أصبحَ ذلك ! لكني اعرف جيداً إني عندما ابتعد عنك تختفي ابتساماتي,
فهل سيكون هُناكَ يوماً تنتشل فيه هذا الضياع الذي يُبدد قلبيّ وتستبدلهُ بدثر الأحزان من عالمــي ؟
إني اختنق, بالفعل اختنق, ولا اعرف إن كان هذا وهم ؟ أم حقيقة أم إنها مشاعر أزلية !!
عملني يا سيدي ؟ , كيفَ لي أن أتخلص من هذا الشغف والشوق لرؤيتك الذيّ يضطرم في أصقاع صدري كُلما تذكرتك , علمنيّ يا من أهواه كيف ليّ أن أعيش براحة وقطع أوصال حيرتي اللا منتهية في أجواف أعماقي ؟
علمنيّ, فأنـا أميـةٌ في حُبك ولا أفقه سوى حُبك! "

ابتسمت , بعد ما دمعت عينها , مسحت دمعتها
وقالت بهدوء: يا ترى شتسوي الحين؟
دق قلبها بقوة لما تذكرت طيفه, وسكرت الدفتر بسرعة خاطفة وهي تطالع في السقف ..
تنهدت وقامت من الكرسي بتعب وحست برغبة كبيرة انها تنام
نطت لسريرها " وبعد خمس دقايق تقريبا " راحت في سبات عميق !!


بعيد عن أجواء البحرين
( بيت بو ماجد , بالصبح )
رهف " 19 سنة " وهي تركض من على الدرج: امييييه الحقي علي , شوفي ولدك
ام ماجد " 40 سنة " : شنو صاير من صباحة الله خير ؟
سامي وهو يتقدم لامه بعصبية: ما شفتي بنتك شسوت أنا قايل لها لا تدخل غرفتي ولا تلمس سيدياتي , "طالع رهف" ودك بشريط روحي واخذي لك بس انا سيدياتي ما أحب احد يلمسهم , وأنتي تدرين بهالشي !
ام ماجد : كافينا شر جنيك , شبلاك شفيها يعني اذا اشتركتوا بنفس الأشرطة وانتوا وبعدين وياكم لي متى ؟ ما بتعقلوا تخلوا هالسيديات تفرقكم ويا ليتها أناشيد ولا شي !. اللا أغاني للفقر ..
سامي " 20 سنة " : يمه انا ما لي دخل بالموضوع أدبي بنتك هذي , ولا تخليها تدخل غرفتي مرة ثانية "واشر على رهف اللي كانت متخبية ورا أمها " وكمل وهو يقول: , والسيدي اللي اخذتيه ترجعيه ,, أشوفهم قبالي بعد ما ارجع .. واذا ما شفته بتشوفي شغلك عندي
أم ماجد وهي تستوقفه: تعال كل لك شي , على طول رايح تطير شبلاك حتى أنا ما قمت تحترمني ولا تعتبر لي قيمة
تقدم لأمه بابتسامة , وقال وهو يبوسها على راسها : افا يا امي لك الحشيمة والكرامة بس بنتك الدفشة دي طلعتني من طوري
هزت راسها بعدم تصديق , وقالت: لا تخلي اختك حجة انت مدري شفيك هالايام رايح جاي ودك تهاوش الكل .. تعال كل لك لقمة .. وبعدين اطلع
هز راسه , وقال: ما عليه يا امي انا مواعد ربيعي .. وانتي عارفة زحمة الطريق وغيرها .. راح أكل لي شي في الطريق
تنهدت , وقالت: انزين اشرب لك شاي عن الأقل ! , ولا ما تبيه لان من ايديني
هز راسه بابتسامة .. و تقدم للطاولة الواسعة اللي كانت تكفي لـ 12 شخص " اخذ له زيتونة وصب له شاي ع السريع..
طالع اخته اللي تقدمت ومعاها صحن فيه لبنة وطماطم و خيار .. وقال لها وهو يطالعها بنص عين لما قعدت على الكرسي اللي كان مقابلنه : ليه ماخذة السيديات ؟
طالعته وهي تميل بشفايفها وقالت: انا قايلة لك ان بيجوني ربيعاتي ومسوية حفلة بسيطة .. يوم الخميس .. وقلت لك ييب الأشرطة خلني اختار وأنت خبر خير ما انت راضي تجيبهم
سامي وهو يعقد حواجبه: وفرضا جوا هنا رفيقاتك, يعني خير يا طير.. تعفسونا دنس وردحه؟
رهف: كل رفيقاتي كذا , وبعدين هم مو جايين هنا يجلسون جلسة عادية جايين حفلة ..
سامي: إيه بس أنتي عارفة إن هالحفلات خطيرة .. وممكن توديكم بداهية مثل ما ودت غيرك
رهف بغرور: أنت عارف إني ما اجلس مع أيا كان وما أرافق أي احد.. وأنا واثقة إني مو مسوية خطأ , وبعدين أنت عارف اني ما أعمل شي اللا باستئذان أبوي وأبوي راضي باللي أسويه , فيعني كرمنا بسكوتك أحسن ..
تنرفز سامي مرة وحدة ومشى بعد ما اخذ مفتاح السيارة والبوك على السريع ..
طالعته رهف باستغراب وقالت بصوت خفيف وهي تخزه : الحمد لله والشكر , الله يسكنهم في مساكنهم
قامت بعد ما خلصت اكل , وقالت بصوت عالي: يمه السواق جاهز ؟
علت صوتها امها , وقالت: ايه , أستنيني لأني رايحة معك اقضي شغلة
هزت راسها وراحت اخذت عباتها من فوق الكرسي , وابتسمت لما سمعت صوت جوالها , وهو يرن بأسم بنت عمها جوري
ردت بلهفة , وقالت: يا هلا
جوري بابتسامة واسعة: يا هلا ويا مسهلا بالقاطعين
ابتسمت رهف , وقالت: أنتي اعرف بالضروف يا جوري ..
ضحكت وقالت: انا عارفة بكل شي يا رهف , بس امزح معاج ..
رهف: كنت اتمنى اني أكون معكم مثل أي عايلة كبيرة
ابتسمت جوري , وقالت بمزح : ممكن هذي نعمة من الله عشان احنا نكون اقرب من بعض والحب يزداد يقولون ان الشخص كل ما ابتعد زادت غلاته
ضحكت , وقالت: ايييه بس انا غير , اللي يجلس معي ما وده يقوم ابد !
جوري: يا مغرورة , علمينا أخر أخبارك ؟
رهف: ابد عراك مع سامي , و جامعة , وبس !
جوري: وانتي ابد ما تخلي عنج اخوج ؟
رهف: الله يسلمك قطعينا من هالسيرة ذي , من زينه من أخو , اهو داخل طالع يعارك مين ما كان عسى ما لقا له احد عارك الطوفة
جوري: حرام عليج رهف , لا تقسين عليه انتي ما تعرفين سامي , ما في احد منكم فاهمه اهو شخصيته , حلوة بس هو ما يعمل جيه اللا يبي احد يهتم فيه ويحس به
رهف: فكينا من سيرته , عاملة يوم الخميس حفلة مع ربيعاتي , يا ليتك تكوني معنا
ابتسمت جوري , وقالت: كنت اتمنى بس انتي اعرف , ابوي سمعته اخر مرة يقول لعمي بو محمد ان بنجيكم قريب كلنا , ومقررين يروحون المزرعة بس على ما نخلص من الجامعة خبرج احنا أخر ناس نخلص بالمملكة
رهف: يالله , الحال من بعضو , ابيك تستفسري لي متى بتجون وقولي لي ها
جوري: ما عليه انا راح اقول لأبوي واعطيج كل المعلومات
رهف بصوت مخنوق: والله اشتقت لكم كلكم ولجلساتي معكم ... هنا ما لي احد ..
جوري: افا انا معك ,, صحيح اني مب ساكنة جنبج ولا معاج بس انا معاج بقلبي وهذا انا مب مخليتج ابد من اتصالاتي
رهف: كنت اتمنى ان تكون لي عيلة .. نتجمع وقت ما نبي , مو على الجلسة نتفق .. سنة
جوري: هونيها وتهون يا رهوف .. انا بخليج الحين لأن المحاضرة بدت حبيبتي اوكي؟
رهف: اوكي .. ضايقتك معي
جوري: لا كله واحد , يالله تحملي بنفسج
رهف: تسلمي لي ونتي كمان !!
جت أمها من وراها وقالت : يالله نمشي ..
هزت راسها وخلت العباة فوق راسها بعد ما حملت شنطتها ..

( في جـامعة البحـرين )
جوري: بالله مو قلت لكم ان احنا راح نتأخر ..
العنود " 19 سنة " : شسوي بعد , تبيني اجي هنا بدون ما اعدل شكلي
جوري: والله ان عصبت علي , بقولها منج .. وبعدين انتي بتتعدلي بالله لمنو , لحبيب القلب مثلاً ,,
خزتها العنود , وقالت: بالله محد ضربج على يدج وقالج تعالي انتظريني , انتي اللي انتظرتيني ,, والله
بشرى : بسكم انتوا , لا تسمعنا الحين وتعصب علينا اكثر .. يالله خلنا نطق الباب ونتوكل على الله وبعدين لسا بكير خمس دقايق تأخرنا عليها
تقدمت جوري , وهي تطق الباب و تقول: ميعاد ما حضرت للحين ؟
العنود: بلى , قالت لي أنها راح تتأخر وعلى طول بتدخل المحاضرة
فتحت الباب الدكتورة , وقالت : yes?
جوري طالعتها بخبلة من شكلها بس خبت ضحكتها ..
الدكتور: Why are you late?
جوري: sorry doctor but the traffic jam and ….
وقفتها الدكتورة وقالت : Ok ok But this last time
هزوا راسهم ,, ومشوا بسرعة لكراسيهم وهم يطالعون ميعاد ويضحكون ..
راحت جوري لأذن العنود , وقالت: شمسوية بعمرها الدكتورة متشببة
العنود: يمكن مفكرة تتزوج واحد من الجامعة
ضحكت جوري , وقالت وهي تطالع تنورة الدكتورة : شوفي شوفي لا يفوتج التنور فيها فتحة من الريل لي فوق !! لو لابسة قصير أهون عليها,
بشرى وهي تسمع معاهم قالت: ولا مختارة لون الأصفر يعمي العين عشان الكل يلاحظه ويتطمش
ضحكوا بصوت عالي , وقالت الدكتورة وهي معصبة , وتطالعهم : شتب !
سكتوا مرة وحدة ونزلوا راسهم .. بسرعة
" وبـعد ما خلصت المحاضرة "
جوري وهي تضحك: حرام عليكم أما اليوم ذبحتوني من الضحك عن جد ويا حجية فاتي
بشرى: هاي ويه حج , خليها مستورة بس اقول
ابتسمت ميعاد , وقالت: شبلاكم اليوم البنات
طالعتهم العنود , وقالت: حنينا لأيام أول الشطانة والصرقعة
ضحكوا مرة وحدة , وقالت جوري: ايام لا تنسى , تذكروا لما معلمة الانجلش كانت لابسة شال وعلى شالها .. رسمة " كلب " ظلينا نضحك طول الوقت ولما الفتت لنا راحت للعنود عن انها انسانة مؤدبة وشاطرة وبتقولها كل شي , وقالت لها قولي لي شاللي صاير ..
العنود: ولا تذكرون لما كانت معلمة الريض ماخذة الفرصة نصها وظلينا ندعي عليها دعاوي من قلب وبس راحت تنزل ع الدرج تدحرجت وما قدرت تقوم ابد
ميعاد : يا ربيي لا تذكريني اتذكر بذاك الوقت كنت قبالها .. واهيا مسكينة.. منسدحة على الدرج , ومب عارفة لا تتحرك يمين ولا يسار .. عورت قلبي بعدين
تنهدت جوري , وقالت: يالله خلنا من الذكريات
العنود : أنا وراي محاضرة الحين في مبنى فورتين !
جوري: انا عندي استراحة ساعة اللا ربع
بشرى: وأنا بعد وراي محاضرة باقي عليها ربع ساعة بس على ما اروح ما بقى شي , يالله تحملوا بنفسكم
ميعاد+ جوري: ونتوا بعد



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 10-06-2009, 01:49 PM
الحنين الى الماضي الحنين الى الماضي غير متصل
©؛°¨غرامي جديد¨°؛©
 
الافتراضي رد: قلبي للحين يحبك \ رواية جريئة مرة بقلمي


- الجزء هذا مجرد بداية
في البداية حبيت أقولكم , إني احب استخدم اسلوب " الروايات " اللي ما يعرفون على الشخصيات من البداية
" بالاخص ان المعلومات تتنسى "
احب ان بالاجزاء تتعرفون على الاشخاص اكثر واكثر تدريجياً

وكل شي لي اهني لي واذا " كان شي مب لي " بقول ان شاء الله

.. واتمنى ان يكون في تفاعل " عشان انزل الجزء الثاني "
وانا بانتظاركم لا تخيبون لي املي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 10-06-2009, 03:13 PM
الحنين الى الماضي الحنين الى الماضي غير متصل
©؛°¨غرامي جديد¨°؛©
 
الافتراضي رد: قلبي للحين يحبك \ رواية جريئة مرة بقلمي


يا حسافة انا كنت متوقعة انكم تردو علي !!

وينكــــــــم ؟؟ ما عيبتكم الرواية


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 10-06-2009, 03:37 PM
صورة لا قال اسمي فز قلبي يلبيه الرمزية
لا قال اسمي فز قلبي يلبيه لا قال اسمي فز قلبي يلبيه غير متصل
©؛°¨غرامي جديد¨°؛©
 
الافتراضي رد: قلبي للحين يحبك \ رواية جريئة مرة بقلمي


السلام عليكم ورحمة الله وبركاته

الله يعطيك العافيه

مشكوره ..ويالله لا تطولين علينا

الروايهـ بدايتها حلووووهـ



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 10-06-2009, 06:07 PM
الحنين الى الماضي الحنين الى الماضي غير متصل
©؛°¨غرامي جديد¨°؛©
 
الافتراضي رد: قلبي للحين يحبك \ رواية جريئة مرة بقلمي


مشكورة يالغلا على ردك ..
اسعدني تواجدج

بنااات بلاكم " توقعت ردود اكثر "
75 مشاهدة , 1 رد كذا تحبطوني


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-06-2009, 06:11 PM
دلوعة حاتم دلوعة حاتم غير متصل
©؛°¨غرامي مشارك¨°؛©
 
الافتراضي رد: قلبي للحين يحبك \ رواية جريئة مرة بقلمي


بداية حلوة .. كمليها ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-06-2009, 07:38 PM
الحنين الى الماضي الحنين الى الماضي غير متصل
©؛°¨غرامي جديد¨°؛©
 
الافتراضي رد: قلبي للحين يحبك \ رواية جريئة مرة بقلمي


مشكورة غلاتي دلوعة ع تواجدج اللي اسعدني

\
/
\
،


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 11-06-2009, 01:28 AM
الحنين الى الماضي الحنين الى الماضي غير متصل
©؛°¨غرامي جديد¨°؛©
 
الافتراضي رد: قلبي للحين يحبك \ رواية جريئة مرة بقلمي


محاولة للترفيع

ردودكم هي الي تحكم ان كنتوا تبوني اكمل ولا لا

" وابي اعرف اذا ما تبوها عشان ما اكمل "


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-06-2009, 02:42 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: قلبي للحين يحبك \ رواية جريئة مرة بقلمي


"



هلآ وغلآ نورتي القسم :)
والله يعطيكِ آلعآفيه
وآيد حلووه


بآلتوفيق





"


الإشارات المرجعية

قلبي للحين يحبك / بقلمي

الوسوم
للحين , بقلمي , جيتك , جريئة , رواية , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
ثورة براكين الماضي / للكاتبة : دمعة يتيمة ، كاملة عذبـــﮧ الاطبـــآآع ...{ روايات كامله - يتم نقل الرواية هنا بعد اكتمالها 196 01-09-2014 02:53 PM
و لكبريائي رواية / بقلمي A7la-b3nt أرشيف الروايات المغلقة - لعدم إكتمالها 11 30-08-2010 04:26 AM
والله أحبك (بقلمي) "كلي حلآ" أرشيف الروايات المغلقة - لعدم إكتمالها 70 28-07-2009 02:21 AM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM

الساعة الآن +3: 09:24 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم