اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3641
قديم(ـة) 16-07-2010, 01:07 AM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: روايتي الثانية : يا خاطفي وين ألقى عزتي في زمان المذلة !







فهد:رحت اشوف كم شغله هنآ واشيك على المحلات اللي فاتحها قروب الشباب اللي بجده من سنين ماشفتها
شوق أنهت أكلهآ ورآحت تغسل وتأخذ أدويتهآ بعدهآ رجعت عند زوجهآ
فهد بصوت ممزوج حده:أخذتي الدوآء أو نسيتيه
شوق جلست جنبه وجطت رآسها على كتفه : أخذته ياقلبي
فهد:ويش رآيك نطلع بعد المغرب
شوق : اي ابي اروح السوق اشتريلي أغراض وابي أشتري لأختي شهد ملابس حمل أحسهآ متضايقه من ملابسها الضيقه
فهد قربهآ منه وبآسهآ على خدهآ:فديتك يآحنونه أنتي
شوق دققت بملامحه حسته متغير شوي حطت يدهآ على عوآرضه:ليش حلقته ؟
فهد يحك خده:ويش هو ؟
شوق: دقنك ليش حلقته تعرفني احب الستايل الخليجي عليك
فهد ضحك وحط خده على خدهآ:وكذآ مآني عاجبك يآحياتي
شوق بآسته بخفه وسرعه:بكل حآلآتك عآجبني


:::
:::
:::

كآن نآيم أزعجه ضوء الشمس المتسلل من جزء الستاره المكشوف لف على جهتهآ ومرر يده على مكآنهآ الفاضي قآم أخذ له دش سريع وبعدهآ صلى الصلوات اللي فاتته ومشى برى الغرفه سمع صوت أزعآج وحركه بالمطبخ ... عرف أنهآ هنآك
يوسف: لآ مو معقوله شهد شتسوين
شهد فجعهآ صوته : بسم الله علي انت مآتعرف تسوي رجه قبل تدخل دآيم تفجعني
يوسف جلس على الطاوله وأكل من قطع الخيآر اللي بالصحن :قلت ستشوين ؟
شهد :ويش تشوف انت ؟
يوسف : مآقلت لك ارتاحي أنتي نآويه تجننيني يابنت القايد
شهد أبتسمت ولفت تكمل شغلهآ:الحمدلله مافيني الا العافيه ليه مآ أطبخ لروحي وحبيبي ودنيتي كلهآ من يدي الحلوه
يوسف:أنآ لآ أمآنع من هالشي بس خايف عليك ياعمري مابي التعب يسرقك مني
شهد :بيجي ولي العهد ويسرقني منك
يوسف عقد حواجبه وجلس على الكرسي: من جد لو جآء بتكنسليني ؟
شهد أنفجرت ضحك ومشت له: أمآ أكنسلك تبي أموت على طول
يوسف مسك يدهآ :يآلبيه هالضحكه والنغزه اللي بخده ...أذوب أنآ ع الشفه وعذبني حيل خصره
شهد حمرت خدودهآ وفتحت عيونهآ: ويش هالاغنيه
يوسف كشر :هذآ سلمك الله تعبير وآحد عآشق ولهآن حد الجنون
شهد ضمته : الله لآيحرمني نظرة عيونه
يوسف يجلسهآ على حضنه : لآ شهوده كذا ترى والله أمووت أخلصي علي بشي اكله ترى ميت جوع وألا أكلتك
شهد تقرصه بخفه: جرب تقرب وشوف اللي بيصير ..قآمت تسويله فطور وهي حست بالجوع وصارت تشآركه فطوره

في بيت أبو مهآ
مجتمعين كلهم في الغرفه اللي هي مكآن أجتمآعهم
سمر:مهآ متى يخلص زوجك دورته أحس تأخر مره
مهآ: هي ثلاث شهور يعني باقي له شوي أسبوعين او اقل
هنآدي شهقت :وبتروحين عنا
مهآ تتخصر : أجل اجلس عندكم هو بس يجي مآعاد تشوفون وجهي
سحر:هههههه أعترفي انك مشتاقه له
مهآ : آآآآآآآه وأي شوق اللي فيني شوق مو طبيعي
هنآدي تغير الموضوع:يالله كل وحده تقول أمنيتهآ في الحيآه نبدا بمهآ
مهآ:عارفه أنك غيرتي الموضوع وبمشيهآ عجبتني اللعبه ..أمنيتي أربي أولآدي أحسن تربيه وأكون أم مثاليه وبنفس الوقت صديقتهم يقولون لهآ كل شي
هنآدي :في شي ثآني
مهآ : أكون سعيده في حياتي وقريبه من الله في كل أحوالي
هنآدي :وانتي رغد
طلت فيهآ رغد بشرود:أكمل درآستي وأفتح لي عياده خاصه فيني
هنآدي :بــــــــــس ؟!
رغد ببرود:أيه بس
هنآدي:وأنتي سحر ؟
سحر:مثل رغد تقريبا بأختلآف بسيط اللي هو أكون حيآه خاصه فيني
مهآ ابتسمت : يعني تتزوجين ؟
سحر ضحكت : هيك شي
هنآدي:دورك سمور
سمر : كـح أحـم ..امنياتي كالتالي اولا اتزوج الي احبه ويحبني ويسعدني في حياتي ..ثانيا اشوف كل خواتي مبسوطات وسعيدات ثالثا اجيب توأم بنات وتوأم أولاد ثالثا أكون مصممة أزياء او ديكور
مهآ :وأنتي هنادي جاء دورك
هنآدي تفكر:أممم تصدقون مآعندي أي امنيه حالياً
رغد: أحسن لك ليش تتمنين وهو غالبا مايصير
مها:بس الحياه ماهي حياه بدون أحلام وأمنيات
رغد:بالله أيش أستفدنا من الآحلام الا الحزن وضيقة الخلق اذا ماتحققت
سحر:الحياه حلوه بس تبي اللي يفهمها
رغد طلت فيهم ببرود وأخذت الريموت لأنها عارفه نهاية النقاش اللي راح يتسبب بمشكله
لمحت لمعة الحزن بعيون رغد وتعبخآ اللي كل يوم يزيد أكثر
مها :رغد ليش بعيونك نظره حزن؟
رغد أكتفت بالصمت لفت على جهة مهآ ورسمت ابتسامه ذآبله مصفره كأورآق الشجر في وقت الخريف: بالعكس مافيني حزن الحمدلله
مهآ:حآسه ان بقلبك كلام كثير كآتمته ولاتبي أحد يعرفه نظرآتك حركآتك كلهآ تدل على هالشي
احس فيك أنكسار ليش يجيني هالاحساس مدري
هنآدي:أنا نفس الشي اشوفك دآيم سرحآنه ومهمومه أضحكي للدنيا الدنيآ تضحك لك وكشر لهآ تصفقك
رغد ( ياليت تفكيري زيك ياهنآدي كآن الحين مبسوطه ولا في شي يكدر خآطري ):يتهيأ لكم أنا مبسوطه والحمدلله
مهآ حطت يدهآ على كتف رغد بحنيه: ترى كثرة الكبت تولد الأنفجار وحنآ خوآتك سندك وعونك بكل وقت واللي يزعلك يزعلنا
رغد وقفت تحاول تهرب منهم ومن أسئلتهم اللي تعذبهآ أكثر: أكيد اذا في شي بقوله لكم بس انآ زي ماقلت لكم مافيني الآ العافيه بروح غرفتي برآسي نوم صحوني العشاء اذا راحت علي نومه

مشت لغرفتهآ بسرعه وقفلت الباب على نفسهآ أخذت جوالهآ وأتصلت على تؤأم روحهآ شهد
ردت عليهآ وهي تضحك:هلآ رغودتي
رغد تبكي:شــــــهــــــــد ..أئههههئ
شهد خآفت من نبرتهآ وبنبره حاده خايفه:رغد أيش فيك تبكين ؟
رغد تشهق:أنآ تعبانه ..تعــبــآنــه مررره
شهد: ويش تآعبك ياقلبي تكلمي
رغد:كل شي بدنيتي تآعبني أحس أني بموت
شهد خآفت عليها:بسم الله عليك من الموت ياروحي في عدوينك ...ويش رآيك تجين تنامين عندي الليله تريحين أعصابك
رغد تمسح دموعهآ:أخاف يوسف يتضايق انا محتاجتك مرره ياشهد ابيك جنبي
شهد: أفا عليك يوسف مآراح يتضايق منك أبدا البيت بيتك حبيبتي تعالي عندي وكلمي أبوي ترى بتنآمين ماراح أخليك تروحين فهمتي
رغد :خلآص بجيك العشاء يالله باي
قفلت منهآ وتنهدت وحطت رآسهآ على مخدتهآ تفكر بحالتها اللي كل ماحست أنهآ تحسنت زآدت سوء


::
::

ببيت يوسف

يوسف : خير شهد علآمهآ رغد
شهد ابتسمت بذبول: مدري حالتها ماهي عاجبتني بالمره ذآبحه نفسها بالبكاء
يوسف:ماتعرفين أيش مضآيقهآ ؟
شهد ميلت فمهآ: لا والله عشان كذآ قلت لها تجي عندي يمكن ترتاح شوي
يوسف: زين مآسويتي قولي لهآ تأخذ رآحتهآ أنآ بنام عند أمي
شهد شهقت : ويش تنآم فوق لالالا انا كذآ ازعل عليك
يوسف يضحك:أبي اختك تأخذ رآحتها
شهد: راح تزعل اذا نمت فوق عند خالتي وبتحس فعلا انك تضايقت بعدين كيف تتركني انام بدونك
يوسف أبتسم لهآ بحب صادق:كل هذآ حب لي
شهد ترفع حآجبهآ بحده:أنت أدرى
رجع دق جوآلهآ وكآنت شوق
يوسف : ويش ذآ الأهتمام صايره مهمه
ضربته على يده وردت :هلآ شووقه حيا الله الغايبه
شوق تضحك:سلآم
شهد:وعليكم السلام
شوق:انتي ببيتك ؟
شهد عقدت حوآجبها بأستغراب من سؤالهآ:ايه في بيتي وعندي زوجي
شوق : اجل جهزي القهوه بنجيكم أنآ وفهد
شهد:خير ويش الزياره المفاجئه هذي
شوق :يوووه شكل غير مرحب فينآ
شهد: لآوالله مو قصدي بالعكس البيت بيتكم بأي وقت تجونآ
شوق :طيب يالله نص ساعه ونكون عندكم
قفلت منهآ
شهد : تصور شوق وفهد بيجوننآ الحين
يوسف ضحك:لآلآ اليوم في شي مو طبيعي
شهد توقف : انا بسوي القهوه وأنت بالله روح أقرب محل حلويات جيب شي نضيفه فهد أول مره يزورنآ من تزوج شوق
يوسف يوقف :أبشري يالله بروح وانتي مو تتعبين نفسك قهوه بس
لبس ثوبه وكشخ على الأخير ورآح لأقرب محل




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3642
قديم(ـة) 16-07-2010, 01:10 AM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: روايتي الثانية : يا خاطفي وين ألقى عزتي في زمان المذلة !






المغرب
وصلوآ شوق وفهد لبيت يوسف وأستقبلهم
يوسف : حيآ الله من جآنآ .. تفضلوآ
فهد بعد مآ سلم عليه: زآد فضلك عسى بس مآ أزعجناكم بجيتنا
يوسف : البيت بيتك بأي وقت تجيه ..كيفك يآشوق
شوق نزلت رآسهآ وبصوت خافت :الحمدلله
يوسف : شهد جوآ تنتظرك
دخلت شوق بالأكيآس اللي معهآ للدآخل وقابلتهآ شهد
شهد ضمتهآ بقوه :وحشتيني يآلظالمه
شوق تبوسهآ :والله أنتي اكثر
شهد :ويش سر الزيآره المفاجئه
شوق تضحك:بروح أشرب مويه واجي
شهد : والله ماتروحين الحين اجيبلك بس نزلي العبايه
دقآيق وشهد جآيه بصينيه القهوه والحلى وكأس مويه لشوق
شوق : يؤؤؤ تعبتك شهوده
شهد : تعبك رآحه ...اخير ذكرتينا انتي وزوجك وجيتونآ
شوق تضحك :والله ياقلبي قلت لفهد بروح السوق وبعدين أمرك
شهد تطالع الاكيآس: والمنآسبه؟
شوق:شفت كل ملابسك ضيقه قهرتيني مأنتي مهتمه للبسك مآتدرين انه مضر لك قلت اروح اشتري لك ملابس حمل
شهد فتحت عيونهآ على الاخير:بس مابقى شي وأولد
شوق :بالله بالسابع ومابقى شي تونآ باقي لك ثلاث شهور عسآك بتحشرين نفسك بالضيق
شهد أنفجرت ضحك:ياعمري انآ فديت قلبك اللي يحس فيني
شوق:وأشتريت شي للبيبي يعني كل اللي براسي جبته لك
شهد تبوسهآ : الله يرزقك بالذريه اللي تسعدك وتريحك
شوق من كل قلبهآ قالت: أمـيـــــن الله يسمع منك
شوق تفتح الأكياس:يالله قومي قيسي بشوفهآ عليك
شهد أعجبهآ ذوق شوق :ووربي ياشوقه يجنن تدرين عآد اذا طلع حلو علي بروح فيه لخالتي بكره
شوق ترمي الأكياس عليهآ : يالله قيسي بشوفهم عليك

::
::

لو قلت ../ أحبك..
أظلمـ الحب أنـآ
فيكـ .. !!
الحب أصلآ مايقـآس بوجـودكـ
..
مهمـآ أحـأول أرفعه

"
مايوازيكـ
"
ويطيح حظه
.. وينكسر
/
\

!!
في حدودك
!!

كآنت تجهز العشاء لجيه سيف من العمل ... بعد ربع سآعه وصل بعد طول أنتظآر
ريم تضمه : أشتقتلك يآروحي
سيف بوله : وأنآ أكثر ياقلبي ولهآن على شوفتك الله يخس الشغل اللي يبعدني عنك
ريم ضحكت بحيآء:ياروحي كل هذآ شوق ليآ
سيف يتنهد ويجلس على الكنب:وأكثر والله أكثر
ريم جلست جنبه ومسكت يده:ياقلبي أكيد تعبان روح بدل ملابسك وأنآبجهز العشآء
سيف وقف وقال: ثوآني وأنآ مرتز قدآمك
رآح للغرفه رآقبته بعيونهآ لين أختفى عن نظرهآ مرت فتره مآحست بنفسهآ وقالت بقلبهآ (ياعساني مآ أنحرم من زوله وحبه لي ..خلوني احط العشاء قبل يسبقني )
وبسرعه أتجهت للمطبخ تحط العشآء على الطاوله دخل وشآف ألأكل اللي يشهي وريحته مآليه البيت
سيف يبوسهآ على خدهآ:الله يسلم هاليدين اللي تنخدم برمش العين
ريم حمرت خدودهآ:شكل منت نآوي تتعشى
سيف رمى نفيه عل الكرسي تعب:والله ميت جوع ويمكن أكل كل اللي على الطاوله
ريم تحط السلطه وكآسة العصير على الطاوله:صحتين وعافيه على قلبك
سيف يمد يده: بسم الله

نرجع لبيت يوسف
شوق : مشآء الله يهبل عليك ياشهوده
شهد تلف وتشوف تنفسهآ بالمرآيآ:جد حلو احس مخليني دبدوبه
شوق تضحك:ياشيخه حامل ويش تتوقعين تكوني نحيفه يعني
شهد تتخصر: مآ أسمح لك تستهزئين بجسمي الرشيق الله يسآمح يوسف هو سبب هالشكل اللي وصلت له
شوق أنفجرت ضحك:أحد قالك تطآوعيه شكله عآجبك الوضع
شهد ولعت خدودهآ:شووووقووه وجع ان شاء الله
شوق مآتت ضحك على شكل شهد:هذآ الصدق
شهد لفت عليهآ ورمت البلوزه عليهآ:وانتي ليه مآتشدين حيلك وتحملين والا فهد مآيبي ترآكم شيبآن
شووق ابتسمت بذبول( آآه ياشهد لو تدري عن حال أختك ومرضهآ ويش بتقولين):الله مآكتب لنآ والحمدلله أنآ رآضيه
شهد جلست جنبهآ:شوق ترى الرجال مآينضمن جيبيلك ضنى يعزك ويسندك لاكبرتي
شوق كشرت وتفتحت جروحهآ من جديد: مو بيدي هذي كلهآ ارزاق من رب العالمين
شهد : ماقلنآ شي بس لآزم نأخذ بألاسباب بعدين شدي حيلك وجيبي بنوته أزوجهآ لولدي
"وأبتسمت لشوق "
شوق تتخصر:ومن قالك أن بنتي بتتزوج ولد تحلمين انتي وولدك
شهد :ويش احمدي ربك أنت وبنتك اذا خطبهآ ولدي
شوق تضحك:خليهآ تجي بالاول بعدين نتهاوش على كيفنآ
شهد تغمز لشوق:كثري جرعات الرومنسيه بالليل ترى مفعولهآ سحري
شوق انفجرت ضحك :يقلع ابليسك ياشهد والله فصختي الحياء مره وحده
شهد بوزت:شوقه احنا خوات ومتزوجات يعني عادي لو شفتي نصايحي لريم اووف بس فاتك
شوق غمزت لها:والله شاكه أنك خربتي ريم ورغد بكلامك
شهد وقفت بتغير اللي عليهآ:وبالتفاصيل كمآن
شوق فتحت عيونهآ ع الاخير: اقول الحقيني بالصاله بروح اشرب قهوه اعدل مزآجي
شهد قامت تضحك لى شو اللي انصبغ وجههآ بجميع الالوآن وهي عافه أنهآ خجوله مره
شهد :الله يعينك يافهد على حياء شوق الظاهر مطفشته
شوق صرخت : سمعتك يالدوبه
شهد ترفع صوتها : اللهم سكنهم في مساكنهم



:::
:::
:::

بعد شهر

بدت سنه جديده من الدرآسه كل وآحد أنشغل بدرآسته وأعماله اللي شاغلته ووآجباته المفروضه عليه
هنآدي بتأفف: مآتوقعت ان الجآمعه كذآ من الكذآب اللي قال سهله ابي اصفقه على عينه
ريم تضحك:وأنتِ مصدقه انهآ سهله الجآمعه تعتمد على مجهود الطالبه وأنسي التأشير وهذا يجي وهذآ مايجي أعتمدي على نفسك ورآح يبان مستوآك صح
سحر ترمي الكتآب اللي بيدهآ: أحمدوآ ربكم شوفوآ أنآ ورغد كيف متعقدين من الطب هذي أدويه نحفظهآ وهذي اعراض نعرفها وهذا تشريح ووووالــخ قسم بالله قرف
سمر بخوف:سحر كيف تشوفي الجثث وتشرحينهآ
سحر ببرود:عادي تعودت اشوفها زي مآ أشوفك والمسهآ واشرح صح بالاول تعبت مره ونفسيتي انهارت بس هذا اختياري ولازم أتحمل الشي اللي أخترته
ريم:الحمدلله رياضيات وتخب عليا وماشيه فيها زي العسل
هنآدي :ههههههه اقول ويش زين تخصصي تربيه خآصه
سمر تضحك:هنادي انتي مآ تفاهمتي مع ناس بكامل قواهم العقليه كيف بتتعاملين مع معاقين
هنآدي فطست ضحك:الله يعين ياشيخه بكمل درآستي وانثبر عندكم بالبيت ويش زين قعدة البيت تهبل

دخلت رغد اللي صآرت رآبع سنه طب:ويش تسولفون فيه
سحر: عن الدرآسه
رغد: كيف انتي مع الموآد صعبه صح
سحر بتأفف: بقوه صعبه
رغد: ركزي بثالث ترى رآبع كلهآ تطبيق على ثالث الحين جايه أخذ منك كتاب برآجع اعرآض الامرآض وعلاجآتهآ وطريقة الكشف احس بديت أنسآهآ ورآح ابدأ بالتدريب في المستشفى بعد كم يوم
سمر :كأنه بدري شوي التدريب
رغد: لا مو بدري خلاص خلصت حفظ باقي نطبق بالمستشفيات ونستلم حالات وربي رآح أتعب كثير بس الله كريم شي مو سهل
هنآدي بسخريه: هذا الطب اللي متوآ عليه تحملوآ العوآقب
رغد : لو كنت جالسه على الكيمياء كان احسن
ريم توقف:ياكثر هذرتكم بروح اشوف مهآ بالمطبخ اكيد حايسه فيه
سمر تبوس رنيم:ويش رايك نروح معها رنومه
رنيم : يالله حالتو<<خالتو





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3643
قديم(ـة) 16-07-2010, 01:12 AM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: روايتي الثانية : يا خاطفي وين ألقى عزتي في زمان المذلة !














بالرياض
رجعوآ قبل شهر للريآض كآن منشغل بشركآته وأعماله والمشآريع اللي يعملهآ حاليا طول وقته بيزي وماله وقت فاضي أبدآ
أمآ هي مهتمه بنفسهآ وصحتهآ عشان مرضهآ ومنتظمه على الادويه والمرآجعآت للمستشفى وصارت تهتم ببشرتهآ ولبسهآ أكثر من قبل بسبب فرآغهآ الدآيم
شوق بتأفف: والله مآصارت يافهد كل وقتك مشغول حتى في البيت تجيب الملفات وتكمل بالمكتب وناسي انك لك زوجه ولها حق عليك
فهد عقد حوآجبه:شوق ويش صآير لك... لك كم يوم تدورين المشآكل
شوق ظربت الطاوله بقوه :طفشت بس قاعده بروحي بقصر ويش كبره مليت طول الوقت وحيده وانت مو حآس فيني ابد
فهد عصب وقال بحده:يعني ويش أسوي
شوق رفعت حآجبه وبصوت ساخر: ارقص على حبه ونص
فهد جن جنونه من مزاجها المتقلبه هذا الآسبوع:وبعدين معك ياشوق ترى طفشتيني اذا على انشغالي بحاول أخلص اشغالي وأتفضى لك شوي
شوق ابتسمت بأستهزآء:بتحاول وشوي ..كثر الله خيرك اللي فكرت والله
قامت ودفت الكرسي بقوه وطلعت لغرفتها وهي ميته قهر منه ومن أنشغاله عنهآ مآصار يهتم فيهآ زي أول حتى صحتها ماعاد يسألها زي أول مرضها توترت علاقتهم شوي وصآر فيهآ نوع من البرود المتبادل من الطرفين هي تنتظره يحس فيهآ فضلت الصبر والانتظار على موآجهته لكن بعد كل هذآ الصبر فآض بها الكيل وماعادت تتحمل أكثر وبدت تثور لأي شي حولها حتى لو كان هو

{ شوق }
أوووف ياربي متى يحس فيني كل وقته شغل × شغل هذي دبي وجده وتركيا يسافر لهآ كل ثلاث أيام وبعدين يعني مافي أمل أعيش معه مرتاحه كل مآقلت خلاص ياشوق ملكتي فهد وزآنت حياتك معه جآء شي ونغص حياتي من جديد صبرت عليه كثير حتى اهتمامه فيني انعدم وهالشي يقهرني اكثروأكثر شسوي بنفسي أنآ تاركه أهلي وخوآتي عشانه وعايشه معه بوحده فظيعه مايعلم بحالتي الا الله احس حالي مغتربه وانا في ديرتي لا انيس ولا ونيس ..طول عمري وحيده ..حتى بعد زوآجي اللي كل زوجين يستانسون مع بعض وأنا تاركني لحالي

نزلت دمعتهآ من القهر اللي فيهآ والضيقه اللي ماقدرت عليهآ ..دخل وشآفها جالسه على الأريكه متمدده ومنزله رآسها حس أنهآ تبكي بصمت قرب منهآ وهو يضغط على نفسه عشان يتحكم بأعصابه ..حست بخطوآته تقرب منهآ
شوق بحده : شنو تبي لآحقني
فهد:جآي أشوف سبب هجومك المفآجئ علي
شوق رفعت رآسهآ ومسحت دموعهآ وبكل قوه: لايكون ظالمتك بس
فهد ضحك في نفسه عليهآ باين أنها مقهوره من لاخر حد:حشآك يالغاليه بس ودي أعرف "جلس جنبهآ"هالدموع ليش نآزله على خدك
شوق لفت عنه :مـنـك ومن عدم اهتمامك فيني تحسسني أني ديكور فـ هالبيت اللي ويش كبره زي أي تحفه موجوده فيه
فهد لف يده على كتفهآ: افا عليك ياشوق مآتوقعت تقولين هالكلام انتي أميرة هذآ البيت وأميرة قلب صاحبه بعد
شوق لفت وقالت: أميره على شنو على الفرآغ اللي فيه والا على الصدى اللي يتردد
فهد حس بوحدتهآ من كلامهآ قربهآ منه وباس جبينهآ: أنآ أسف ادري اني أنشغلت عنك بس مو بيدي هذي طبيعة عملي المفروض تقدرين ياشوق وتريحيني بدل مآ تزيدين علي التعب
شوق: انت تخلي فرصه أريحك كل وقتك برى وأذا جيت رميت نفسك على سريرك حتى كلام معي ماتتكلم قولي ويش ذنبي أتحمل تعب شغلك ترآني زوجتك مو خدآمتك
فهد عصب :شوق ويش قاعده تقولين
شوق عصبت منه:أسئل نفسك متى أخر مره جلسنآ وسهرنآ مع بعض ..متى أخر مره تكلمنآ مع بعض قولي أنك ماتذكر
سكت ماقدر يرد عليهآ
شوق وقفت : أنآ أذكرك اخر مره في أبرآج طيبه ..لمآ كنا في المدينه من رجعنآ وأنت سافهني موحاس بقلبي اللي يشتاقلك ويحن لك كل يوم اقول يمكن بكره عدى شهر وأنآ كل ليله أتحطم بسببك من أقول زآن حالنا ينتكس
فهد تمآلك أعصابه وقف ومشى لهآ: الحين زعلانه عشآن مآ أسهر معك
شوق طنشته وماردت عليه وعلى وجهها تعبيسه وأثار دموع على خدهآ ..قرب أكثر ولف يديه على خصرهآ وقربهآ لصدره وفارق الطول بينهم وآضح ..رفعت رآسهآ له
شوق:مهمآ بررت ماراح أسامحك على تجاهلك لي
فهد أبتسم :ماهقيت زعلك شين لذي الدرجه أبتسمي يالله
شوق دفته عنهآ وقالت بحده:مآبي أبتسم
عقد حوآجبه بحده وأنقهر من تصرفهآ مسكهآ مع ذرآعهآ بقوه لفهآ عليه:أشوفك قمتي تتطاولين علي ياشوق
شوق خآفت منه وقام قلبهآ يرجف بس مابينت له خوفها:أنآ مابي منك الا تحس فيني وتحسسني أني زوجتك واضن هذآ من حقي والا غلطانه
فهد:مآقصرت عليك بشي كل شي تبينه عندك
شوق رفعت وجههآ له وهو يحس بأنفآسهآ الحاره:قصرت علي بمشآعرك "نزلت دمعه من عينهآ أعقبهآ سيل من الدموع"
بعدت عنه وجلست على الكرسي تبكي ...أمــآ تركهآ تبكي وفتح الدولاب أخذ له شورت قطني للركبه ورآح للحمآم أخذ له دش سريع وطلع رمى البلوزه الحفر على السرير وبيده منشفه صغيره ينشف فيهآ شعره ..وقف قدآم المرآيآ تعطر ودهن يده ووجه بالوشن المفضل له
شآفهآ على هيئتهآ مآتغيرت .. مشى لهآ ووقف عند رآسهآ
فهد: قومي غسلي وجهك وبدلي ملابسك ودي أجلس معك
شوق مآردت عليه ولآزالت على هيئتهآ ..جلس يمهآ وبعد يدهآ عن وجههآ وباسهآ على خدهآ وضمهآ لصدره ورجعت تبكي أكثر من أول
فهد :لالا كذآ تعورين قلبي يالله حبي مآحب دموعك روحي غسلي وغيري أستنآك برى
شوق هزت له رآسهآ وهو تركهآ بالغرفه

:::
:::

عند أهل يوسف
أم يوسف تقهوي شهد : بشري يابنتي مآعرفتي نوع الجنين
يوسف يضحك وهو يطالع شهد بنظرآت: الا عرفت بس رآفضه تقولي تبيهآ مفاجئه
غدير ماصدقت: قول انت ماتبي تقول أمآ أبو مايعرف جنس ولده
يوسف:والله هالمفتريه رآفضه تقولي
شهد تضحك :ايه مابي أعلم أحد حتى خوآتي مآدروآ
مريم : ولآ رغد أعرف هي القريبه منك مره
شهد : حتى رغد يالله مصير الكل يعرف أذا ولدت
يوسف : يمه شوفيهآ لي شهر اطلبهآ وهي رآفضه
ام يوسف :طول عمرهآ قويه شهد
شهد (قويه بس ولدك جنني بحبه من أشوف عيونه تخدرني وتضعفي مدري أنآ بدونه ويش يصير فيني مآ أتخيل نفسي بعيده عنه أسب نفسي كل مآتذكرت بدآية حملي وزعلي منه كنت غبيه مدري كيف سمحت لنفسي أتركه ...يآربي من هاليوسف جنني بحبه كل يوم أتعلق فيه أكثر وأكثر أغار عليه حتى منك يآخالتي اغآر عليه من نفسي والهوآء اللي يتنفسه )كآنت سرحآنه فيه وبعيونه ماتدري عن كلام أمه الموجه لهآ
غدير تتأمل شهد كيف تطالع يوسف والحب بآين بعيونهآ:يآبختك يآيوسف في وحده سرحآنه بعيونك وبسمتك
شهد حست على نفسهآ وأنقلب وجههآ ألوآن وبنفسهآ تدعي على غدير اللي فشلتهآ
أم يوسف برضآ تام عن شهد:وأنا اقول ليه ماترد عليا
مريم :سحر يوسف طآغي لدرجه انهآ حاقرتنآ وتطالعه
شهد حمرت خدودهآ وهي تسب نفسهآ على سرحآنهآ قالت بصوت هادي:مآعليش مآ أنتبهت ياخالتي
يوسف بيزد عليهآ:يآعساني أتهنى وأنآ اخذ بالك وخيالك
غدير تدقه بكوعهآ:وآثق انت يمكن مآتفكر فيك
يوسف :مايحتآج انا أفهمهآ من عيونهآ بدون ماتتكلم
ام يوسف : بس ترى عندي بنآت ماتزوجوآ
مريم : الله يرزقنا
شهد تضحك: أمين يارب
يوسف وقف :يالله حنآ نستأذن الحين ورآنآ مشوآر
ام يوسف: أجلسوآ تعشوآ معنآ
شهد تلبس عبايتهآ: تسلمي ياخالتي بس عندي موعد وبعدهآ بمر خوآتي
يوسف يضحك بنفسه (عاش المصرف ..يالبيه هالطول والخصر آآخ بس لو أمي وخوآتي ماهن موجودآت بس يالله الحين أتوحد فيهآ ):يالله مع السلامه
أشر لشهد اللي مشت قدآمه ونزلت وهو لحقهآ للسيآره
يوسف بحب :قلبي غطي عيونك
شهد كشرت : أخاف اطيح
يوسف:والله عيونك لحالها فتنه هي اللي علقتني فيك وكآنت حبل الوصول لك
شهد ضحكت:مشآء الله بس عيوني عجبتك
يوسف يسوق السياره:انتم يابنات القايد كل وحده تقول الزين عندي وعيونكم آآآه من عيونكم ذبآحه جابت روس الرجاجيل
شهد ماتت ضحك على كلامه:فديتك أنآ
يوسف مسك يدهآ وبآسهآ:آآخ بس متى نوصل المطعم أبي أضمك وأكسر ظلوعك
شهد أبتسمت على كلامه:تدري يوسف اول مره شفتك فيهآ قهرتني كآن ودي أسطرك كنت أسبك عند رغد سب مو صاحي ماتوقعت بيوم أني أموت فيك وأعشقك بجنون ولا تخيلت اني اتزوجك
يوسف ضحك ويتذكر أول مره شآفها فيهآ وكيف كآنت شرسه بالتعامل معه:تذكرين لمآ شفتك في السوبر مآركت وصدمت فيك يوووه كنت أضنك بتقتلين بنظرآتك
شهد قرصت يده:ايه أذكر واذكر زين أنك تحرشت فيني والا نسيت
أنفجر ضحك بالسياره:يووه مآنسيتي
شهد تسوي نفسهآ معصبه: كيف أنسى حركتك الغبيه كنت ودي اطيح فيك واعلمك شلون تلمس صدري
يوسف يغمز لهآ : خلاص الحين لمست لمآ شعبت ههههههههههههههه
شهد انقهرت وقالت : وجع
يوسف : زوجتي حلالي
شهد بعصبيه : سوق بالله زين وخل السوآلف عنك
يوسف بيقهرها:معك أحسن سوآق في السعوديه
شهد :لايكثر وشوف طريقك ترى معك روحين
يوسف يغمض عيونه ويصرخ: مآعذبني غير هالروحين
ضحكت عليه وعلى حركآته اللي فيهآ هبال ودعت ربهآ مآيحرمهآ منه طول حيآتهآ واخير وصلوآ المطعم ونزلوآ عشان يتعشون




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3644
قديم(ـة) 16-07-2010, 01:14 AM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: روايتي الثانية : يا خاطفي وين ألقى عزتي في زمان المذلة !






...: بشر شنو صآر بالموضوع ؟
...:خلاص قربت النهايه
...:كل يوم تقول نفس الكلام الى متى رآح أصبر ؟
...:قلت لك كلها كم يوم ويتم كل شي
...:شوف معك أسبوع وآحد بس عشان تنفذ اللي قلتلك عليه والا انآ بتصرف والمبلغ احلم فيه
...:لاحول ولاقوه الا بالله قلت لك خلاص كل شي رآح يتم ونهاية هذا الاسبوع بعد
...:اللي عندي قلته والباقي عليك والا راح اكنسل اتفاقنا صبرت عليك كم شهر ماعاد فيني صبر
وانقطع الخط بين الطرفين


في بيت أبو مهآ كانت بالغرفه مقفله على نفسه وتسمع لأبو نوره ومنسجمه مع كل كلمه يقولهآ حست بمشآعر غريبه تحركت دآخلهآ ماتدري من نوع ..مشاعر كلهآ غموض مختلطه ببعضها لا تدري اين نهايتهآ او سببها ... قطع انسجآمهآ مسج وصل على جهازها توقعت انه من أحد صديقاتهآ ..فتحت المسج وهي تسمع صوت ابو نوره اللي يصدح في زوايا الغرفه بقلبها وعقلها وكل احساسها
إفتقدتڪ ▪▪

فـﮯ غيــَـَـَـآإبڪ
«

ض‘ـَـَـآإع
مم‘ـטּـﮯ ڪل ششئ ~

يــَـَـآسسرآإب ع‘ًـَـَـآإجز لـآإ أمسسڪـہ

................... يــَـَـآسسرآإب
ع‘ًـَـَـآإجز لـآإ أمسسڪـہ

................................ يــَـَـآسسرآإب ع‘ًـَـَـآإجز لـآإ أمسسڪـہ


شافت الرقم وأنصدمت لكن الصدمه الأكثر أنهآ ابتسمت للرساله وكآنها لمست اعمآقها المظلمه متلذذه بالشعور اللي رآودهآ بسبب هذا المسج ..بعد شعرها عن وجهها وردت على صاحب هذا المسج بمسج اخر كان محتواه

تعال ..
اعلمك كيف
الحبايب لا غدو .. كفار !
يصرّون الوفا ملح
,
... وعلى جرحك يذرونه
!
تعال
..
اعلمك كيف
الغياب اللي غدا جبّار
وحط ابهامك بحلق الوداع و صكّت سنونه
!

أستغرب مسجهآ ودق عليهآ ..ردت بهدوء
هنآدي:نعم
مآجد:سلآم
هنادي :وعليكم السلام ..اخلص علي شنو تبي
مآجد: مقصدك من المسج؟
هنادي :هذآك قلت مسج لارآح ولاجآء
مآجد:طيب وبعدين معك
هنادي بتافف:بعدين معك أنت ترى طفشتني مآصارت كل شوي ورآي
مآجد: الحب يسوي أكثر

هنآدي سكتت مآتوقعته جريء لهدرجه قفلت بوجهه ماهي مستوعبه اللي قالها بعدهآ انفجرت بالضحك وقامت تنقز على السرير ..جآت رغد دخلت
رغد: وين البنات
هنآدي تجلس بأدب:على الـ Tv
رغد:تبين تطلعين معي بروح أتمشى
هنآدي بفرح :يس أفكورس
رغد: بروح أشوف البقيه بيروحون أولآ
بآلصاله
سمر:جآت بوقتها الخرجه
رغد: يالله قوموآ البسوآ بسرعه نبي نتمشى قبل الساعه 11
سحر: أنا بجلس مقدر اروح ابي أذاكر
رغد: اوك يالله سمر انتي وهنآدي معي مهآ قالت بتسوي العشاء


عند شهد ويوسف
بعد مآتعشوآ في المطعم أتجهوآ لشآرع الملك فهد
شهد : أقول حبيبي أيش رآيك توديني أمشي في الممشى المخصص للحوآمل اللي في طريق الملك عبدالعزيز
يوسف يفكر : زين دآمه مو بعيد بوديك تذكرت ان الدكتوره قالت لك لازم تمشي في الثامن والتاسع
شهد مسك يده: يآعسآني مآ أفقدك انت وحنيتك
يوسف يضحك:لآلآ كذآ تخليني ارجعك البيت
اتجه للمكآن اللي تبيه ومآكآن بعيد مره بهذآ الوقت أتصلت رغد
رغد : سلآم
شهد:وعليكم السلام
رغد: وينك ؟
شهد:رآيحه أمشي على طريق الملك عبدالعزيز
رغد فرحت :حلو حتى أنآ والبنات رآيحين هنآك ..سيو
شهد سكرت وهي تضحك
يوسف:ويش في؟
شهد : رغد أتصلت تقول انهم قريبين من الممشى نتقابل هنآك
يوسف أبتسم:حلو عشآن اجل بالسياره مافيني أمشي

بعد عشر دقآيق أتقابلوآ في نفس المكآن
شهد : مشتآقه لكم مووت
هنآدي تحط عينهآ في عين شهد: يؤؤ اشوف الكذب بعيونك لو صدق مشتآقه لنآ تركتي النشبه زوجك وجيتينا
شهد تقرصه : لاتقولي على حبيبي نشبه
سمر تعدل لثمتهآ:وع اكره كلمة حبيبي لآشفتك تقولينهآ لزوجك مو لآيق أبد
شهد :اقول سمر انطمي ابرك لك أنآ واثقه بزوجي اذا يوسف ماينحب من ينحب أنتي وجهك

جآء يوسف قرب وكأنه سمع أسمه وابتسم جوآته عارف ان اخوآتها يحبون يناقرونها
يوسف: كأن أحد حش فيني
هنآدي كآتمه ضحكتها: أعوذ بالله عندك الحآسه السادسه
يوسف فطس ضحك:جآي أسئل مين تبي أيس كريم مع هالجو الحار
رغد اخيرآ تكلمت:تكسب أجرنآ والله ميته حر وابمشي مع هالنفيخه اللي جنبي
شهد :اقول بروح مع زوجي أحسن من المحشآت اللي أخذها منكم على الطالع والنازل
هنآدي تمسك يدهآ: دوعآبه دوعآبه الله لايهينك يوسف جيب لنآ بالشوكولا
يوسف : لا شهد تحب الفانيلا مع الفرآوله
سمر: أنت كريم وحنآ نستاهل جيب لنا على ذوقك
يوسف ضحك: زين لاتبعدون مره عشآن لايسيح
تركهم ورآح لمحل أيسكريم قريب وهم قآموآ يتمشون
هنآدي:سمر امشي معي ابي اهرول من زمآن ماهرولت
رغد بعد مآرآحوآ:فكه رآحوا النشبتين ذولآ ..اقول شهد اشوف يوسف طاير فيك الحمدلله تحسنت علاقتكم
شهد:كثيررر فوق ماتتخيلي بجد يارغد أحسه أمي وابوي واخوي وزوجي وكل دنيتي
رغد أبتسمت:الله لآ يغير عليكم وانتي بعد ماتفارقيه مدري علامك
شهد:مابي أبعد عنه ابدآ هو عوني وسندي بعد الله
رغد مسكت يد شهد وضغطت عليهآ:أقول من زمان عن فاتن وأخبارها تكلميها
شهد : ايه قبل يومين كلمتهآ مره تعبانه من الحمل تقول ان زوجهآ مره طيب وحنون
رغد :الحمدلله ربي ستر عليهآ بعد وفاة ابوهآ وأخوهآ
شهد : على قولك ...متى رآح تبدين التدريب
رغد بتأفف: ألأسبوع الجاي وربي شايله هم
شهد: شدي حيلك ياقلبي ان شاء الله أنك قدهآ وربي يوفقك
رغد من كل قلبهآ:أمــــيـــن

:::
:::

كآنت منسدحه جنبه وحآطه رآسه على صدره العريض العاري
شوق بهدوء:فهد بكره عندي موعد ابيك تروح معي
فهد قربها أكثر لحضنه وكانه يدخلها داخل ظلوعه:ابشري ياعمري
شوق أبتسمت وقالت بنبره غريبه :خآآيفه
فهد عقد حواجبه : وايش سبب خوفك
شوق نزلت رآسهآ بحياء:اللي صار الليله
فهد :ماصار شي اتوقع عادي
شوق بعدت عنه شوي وصارت شبه جالسه: الدكتوره اخر مره قالت لي ان حجم الورم زاد
فهد جلس جنبها: متأكده
شوق :ايه وكنت بقولك بس انت طول وقتك مشغول ...واخاف اللي صار يأثر علي
فهد طل فيها وباسها على خدها وهو يحالو يبعد هذا الشعور عنها:لا ياعمري لاتقولين كذا ان شاء الله مايصير الا كل خير هذي وسوسة شيطان لا تأخذينها في بالك
شوق : ياررب
فهد: لاتفكري كثير بهذا الموضوع وخلينآ ننبسط في حيآتنآ
شوق رجعت حطت رآسها على صدره ويدها على خده: أسفه يافهد عذبتك معي كثير
فهد يمسح على شعرها بكل حنيه: أنآ اللي أسف حرمتك من أشياء كثير
شوق رفعت رآسها: فهد اذا ودك تجيب أطفال أتزوج لآني مستحيل اجيب لك ضنى
فهد ابتسم لها:انا سعادتي معك واخر همي يكون عندي أطفال بس أذا انتي أمك حبذآ واذا ربي ماكتب لنآ انا مقدر أعترض على أمر الله
شوق :بس أنآ مستحيل أكون أم وما ابيك تنحرم انت كبر دخلت الـ 34 ويش تنتظر اكثر من كذآ اللي بعمرك ومستوآك الآجتمآعي عندهم 5أو 6 وانـ..
حطت أصابعه على شفايفها :أوووش مابي أسمع منك هذآ الكلام مره ثانيه انتي عندي بالدنيا كلها وين القى وحده بدينك وأخلاقك وجمالك ماعرفت للسعاده طعم الا معك صحيح عانيت شوي معك بس ربي عوض صبري خير وخلاني التقي بقلبك الطاهر
نزلت دموعهآ بهدوء وانسيابيه غير معتاده مسحها بظاهر كفه وشدهآ لنفسه اكثر: مآ أحب أشوف دموعك
ضمته أكثر وغمضت عيونهآ من التعب الي أهلكهآ وغطت في سبآتهآ


::
::

بالمدينه
بالوقت اللي البنات كانوا فيه برى وبقت سحر لوحدهآ مع مها وبنتها تذاكر..دخل أبو مها
ابو مها : السلام عليكم
مها وسحر:وعليكم السلام
ركضت رنيم لجدتها اللي تحبه مره وضمته واخذها لحضنه: وين البقيه
سحر: طلعوا يتمشون يقولوا طفشوا من المذاكره
ابو مها:اشوى عشان نتكلم على راحتنا
مها شدها كلام ابوها تركت الاوراق اللي في يدها:خير يبه
ابو مها: يبه سحر اليوم جاني خطيب لك وانا لازم اشاورك القرار لك اولا واخيرا
مها : من ولده وويش يشتغل ؟
ابو مها: اسمه معاذ اخو صديقتك لينا اللي ابوه دكتور في الجامعه
كانت بالنسبه لها صدمه ولمها اللي كانت انه مجرد تسليه عابره وشكت بصدقه في كلامه
مها : انت متأكد يبه
ابو مها : ايه يابنتي انا اشوف الولد طيب ويصلي ومتخرج وفاتح له مشروع صغير على بال تجيه الوظيفه ومكون نفسه يعني مافيه عيب ابيك تفكرين زين وتستخيرين وخذي وقتك بالتفكير
كانت ماهي مستوعبه كلام عمها تحس انها بحلم او كابوس ماتدري متى تصحى منه على وآقعها .. قام عمها وتركها مع مها اللي لا تقل صدمتها عن سحر
بعد ربع ساعه من الصمت السائد بينهم
مها :سحر الولد يبيك وشاريك فكري زين
سحر: أحس أني أحلم
مها ابتسمت لها:انتي جميله ومتعلمه عنده ذوق يوم اختارك وفوق هذا يحبك ويبيك رغم مشاكلك مع لينا وصدك لهم
سحر:ماتوقعت ان الموضوع راح يوصل لهذا الشي
مها قربت منها وضمتها:تمهلي وفكري كويس لا تندمين بالأخير انا اشوفه ماينرفض صراحه وزي ماقال ابوي القرار لك في النهايه
سحر قامت للغرفه حاسه انها بدوآمه ماتدري متى تطلع منها جلست على سريرها وانهارت بالبكي ..محتاجه أمهآ وابوها حولها او وحده من شقيقاتها لكن للاسف كلهم بعدين عنها في هذا الوقت
رمت نفسها على وسادتها وراحت في عالم البكاء والصراخ




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3645
قديم(ـة) 16-07-2010, 01:22 AM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: روايتي الثانية : يا خاطفي وين ألقى عزتي في زمان المذلة !





عند البنات
شهد تأخذ الآيسكريم:يابعد عمري تسلم
هنآدي بلقافه : نردهآ لك بالافراح ان شاء الله
يوسف : ان شاء الله ..انا بجلس في السياره وانتي امشي اذا خلصتي دقي علي اقرب لك السياره
شهد بحب : من عيوني
مشوآ هي وخوآتهآ لوحدهم وطاقينها سوالف والممشى مليان نآس
هنآدي :اقول سمر تعالي نجلس ما اعرف أمشي وأكل
رغد بتهديد:لاتتحركون خليكم هنآ نأخذ لفه ونرجع
جلست هنآدي وسمر يسولفون وشهد ورغد يمشون
شهد: كآن براسي سالفه بس نسيتها
رغد بحماس : لاتكفين تذكري الله يخليك
شهد: رغد لا تزعلين بس لازم اقول الخبر احس مقدر اخبي عنك
رغد استغربت: أيش الخبر
شهد : زوجة عبدالله حامل وقريب تولد
رغد بقهر: ويش علي منهم انا يتهنوآ مع بعض ماعاد يهمني امره خلاص نسيته للأبد
شهد ابتسمت وهي عارفه اللي داخل رغد: برآفوا عليك هذا اللي لازم تسويه من زمان وتأكدي ان ربي بيرزقك بوآحد أحسن منه مليون مره
رغد: ان شاء الله بس حاليا شاليه فكرة الزواج من راسي لما اخلص دراسه افكر
شهد ضحكت:يكون الخطاطيب مخلصين هههههه
رغد تضربها على يدها:أسم الله علي لاتتفاولين على عمري
شهد : أمزح ياربي ما ينمزح معك
عند هنآدي وسمر كآنوآ يرآقبون يوسف اللي يلعب كوره مع مجموعه شباب ومتحمس
هنآدي تضحك:والله طلع محترف كوره يوسفوه
سمر:خساره لو شهد في تشوفه وهو يناقز تقول كنغر
هنادي فطست ضحك:يمه لو تسمعك تقطعك تقطيع الشرانيه
كآنوآ جنبهم بنات يأشرون على يوسف ويتكلمون عليه
سمر بلقافه : امشي نقرب منهم احس حركاتهم ماهي طبيعيه
هنآدي:زين امشي واجلسي جنبهم عشان نسمع ايش يقولون
مشوآ بسرعه وجلسوآ قريب منهم بحيث يقدرون يسمعون كلامهم
..:روحي ياغبيه ارمي عليه الورقه اووف منك
..:استحي
..:بنت لاتروحينه عليك وربي مافي زيه يكفي جماله اللي يسحر
..:أول مره اشوف ولد جذآب زيه
..:خلاص بروح له بس اذا خلص لعب
..:وين جرآئتك والا طلعتي من جنبها
..:يووه قلت لك خلاص بروح له بس خليه يوقف لعب

هنآدي انخرست أمآ سمر :قليلات الادب ودي اتوطى ببطنهم صدق راح الحياء
هنادي تسكتها: أووش خلينا نشوف ويش يصير أحساسي يقول في أكشن بيصير
سمر بقهر:أخ بس بالله خليني اروح اسفل فيهم وامسح فيهم الارض
هنادي تمسكها:أقول لا تجيبين لنا مصيبه
سحبتها ورجعوآ مكآنهم وكملوآ ايس كريمهم دقايق وقرب منهم يوسف مو مره وتكى على عامود الاضاءه وفتح بكت دخانه وطلع له سيجاره وبدأ يدخن جآت البنت اللي كآنت جنب هنادي وسمر
..: السلام عليكم
رفع رآسه وعقد حوآجبه بأستغراب:وعليكم السلآم
..:ممكن رقمك
يوسف انصدم من جرآئتهآ وسكت ماقدر يرد عليها وهو لسى مصعوق من طلبها
قربت سمر وقالت بحده : هيه أنتي ويش تبين
البنت لفت على سمر:أيش خصك أنتي أتلهي باللي انتي فيه
هنآدي انقهرت:هيه انتي قومي سفرقي عنآ لا اتوطى في خشتك
البنت:لو سمحتي انا مآ كلمتكم ايش اللقافه هذي
يوسف بأستحقار:نعم ويش تبين ؟
البنت بأبتسامه:رقمك
سمر جن جنونها من وقاحتها:ياوقحه لك عين تطلبين رقمه بعد صدق انك واطيه
هنآدي سحبتها مع عبايتها:أنآ اعرف اتصرف مع هذي الاشكال الرخيصه طسي يابنت الناس في طريقك لاتشوفين اللي مايسرك
يوسف يهدي هنآدي:خلاص اتركيها مالك فيها
البنت:انتم ليش تتكلمون وصاحب الشأن رآضي
يوسف عصب عليها وصرخ بوجهها : تخسين ارضى لك أنتي وأشكالك يالله روحي في حالك ازين لك
جآت رغد وشهد في هذآ الوقت واستغربوآ اجتماع سمر وهنادي ويوسف
شهد تبعد هنادي :يوسف شنو صاير
يوسف :ماصار شي حبيبتي يالله اركبي السياره
هنادي تهمس للبنت :هذي زوجته ياغبيه قومي انقلعي لشلتك السافله مثلك
ورجعت البنت مقهوره مره
شهد استغربت: هذيك البنت ايش فيها
سمر ترقع:طاحت مسكينه وجينا نساعدهآ وطلبنا يوسف يساعدنا
شهد : أهآآ ..يوسف خلينا نمشي تعبت من المشي
يوسف يمسك يدهآ ويمشي بأتجآه سيارته مار من عند شلة البنت اللي جاته فتح الباب لشهد وبعدهآ مشى لمكانه ورجع للبيت
رغد تجلس على الرصيف : هيه انتي وهي تحسبون مرة علي تصريفاتكم ويش صار واحنا نمشي
هنادي: احلفي ماتقولين لشهد
رغد خافت يكون صاير شي كبير: والله ما اقول..خوفتيني شنو صار ؟
بعد ماحكوآ لها السالفه انقهرت ومشت هي وهنادي وسمر وقفت عند الشله
رغد بأسلوب استفزآزي:أي وقحه بينهم ؟
..:خير مضيعه الأخت
رغد بحده:ماكلمتك انتي ..ابي أعرف اي وحده سوت الحركه البايخه
هنآدي تأشر على البنت وهي فاطسه ضحك
رغد تتأملهآ وهي كآشفه وجههآ وتخزها بقوه عين:سبحان الله شين وقوي عين ..عشنآ وشفنا ..يالله بنات مشينا
تركتهم مولعين من حركتهآ وركبوآ السياره
سمر وهنآدي ميتين ضحك على أشكالهم الغبيه
سمر: آآآه يابطني ذبحني الضحك
رغد متنرفزه:بجد ماعندهم اخلاق هذآ الزمن ينخاف منه
هنادي:روقي يابنت الحلال هذا وهو ماهو زوجك سويتي كذآ اجل لو شهد ويش سوت
رغد :أممم اتوقع تنتفهم اعرفهآ متهوره وتسويها بس الحمدلله انكم رقعتوها

بهذا الوقت هنآدي طلعت جوالهآ وأرسلت مسج سريع لعبير وقفلت جوالها وهي تحس بأقبال أملي على الحيآه وإتسآع انفآسها وارتيآحيه لم تشعر بها من قبل ..أخذت نفس طويل ونفثته ببطاء وكأنهآ تحاول أن تستنشق كل جزيء اوكسجين بأنفاسهآ ..غمضت عيونهآ وسرحت ببالهآ تتخيله قريب يشآركهآ أنفاسها شهيقهآ وزفيرهآ وحتى همسآتهآ ..يحسسهآ بأنوثتهآ المبتوره او بألاصح التي تتجآهلهآ لم تشعر بهذه اللذه الغريبه عليهآ والتي كآنت من المستحيلآت السبع بالنسبه لهآ

{ وآآآسفآه قد تـكـون هي القآضيـه لقلبك اليتيم أيتهـآ الـ هـنـآدي }

:::
:::
:::

اليوم التالي لهذه الأحدآث

فتح عيونه بتكاسل يحس بثقل على صدره أتضحت رؤيته وابتسم وهو يشوفها كآنت نايمه على صدره كالطفله التي تبحث عن حضن دآفي يلم شتآتهآ الضائع ويكون ملجئ الامآن بالنسبه لها بهدوء سحب نفسه سحب الروب اللي كآن طآيح تحت لفه على جسمه ومشى لبرى جنآحهم ودخل قسم الحمام وأنتم بكرآمه ... بعد ربع ساعه طلع واتجه للدولاب طلع له بجامه سبورت ونزل ..بعد ماصلى مشى لغرفة الطعام وجلس على الطاوله كانت قهوته جآهزه والجرآيد كالعاده الصباحيه له ..تصفح الجرآيد وبعدها افطر كان يفكر بكل شي حوله واللي قاعد ينفذه بالوقت الحالي فرح لنجاح اخوه بنشاط اعمالهم وشاف أجتهاد باسل وقوته اللي خيمت على السوق وحصوله على صفقات كبيره جدا ونجاحه فيها
فهد ( الله يستر من الجاي قلبي يقول ان شي بيصير لطفك يارب ) صحى من سرحانه على صوت ميري
ميري: سير هذا سواق يقول في سوي حادث بسيط وسياره في ورشه لازم كلم انت
فهد : زين قولي له بعد ما افطر اشوفه
ميري :زين
رآقبت عيونه ميري الى أن أختفت كان سرحان وخايفه من أعماله اللي بالخفاء ماحس الا بلمسه ناعمه على خده وبوسه هاديه كهدوء صباحهم
شوق:صباح الخير
فهد ابتسم لها:صباح الأنوآر ..الله الله ايش ذا اللون من الصباح
شوق تضحك : افطر وعيَّن من الله خير
فهد يطالعها بتفحص: أحمر والصباح مايصحش كده يابت
كآنت لآبسه قميص لحد الركبه أحمر وعليه روب طويل احمر بتطريز ذهبي خفيف بارز صدرهآ وبايضها الصافي
شوق بنبره ساخره: فهوود جوعانه ابي افطر
فهد:خلاص بغمض عيوني والا اقولك بقراء باقي الاخبار ..ولاعاد تعودينها في الصباح هههههه
شوق تبتسم:زين ماتسوي
فتح جريدة عكآظ وانغمس بأخبارها ومساحاتها وهي مسنجمه بفطورها لانها جوعانه مره...بعد فتره من السكوت
شوق: غريبه تأخرت بالروحه للشغل اليوم
فهد ينزل الجريده عن عيونه شوي: ماني رآيح اتصلت على سلطان اعطيته خبر
شوق فتحت عيونها بأستغراب وبنبره مدهوشه:غريبه والله
فهد يضحك:والله مادري عنك انتي اذا انشغلنا قلتي ماتهتم فيني واذا تركنا الشغل قلتي غريبه ويش يرضيك علميني
شوق ضحكت:ياويل حالي أنآ مارحت الشغل عشاني
فهد:ايه عشآنك هو عندي أغلى منك
شوق :بعد قلبي انت..أشوف وجهك منور ومبسوط اثاريك ناوي تهجر الشغل
فهد :اقول خلصي أكل ترى الساعه 8 ومابقى شي على موعدك
شوق ترجع لورى وهي شبعانه:أووف كرهت العيادات والمراجعات والاشعه والتحاليل وكل شي قرف
فهد حزن عليها: ماعليه تحملي ويش قلنا حنا بدينا لازم نخلص هالشي اللي بديناه
شوق تمسح يدهآ بالمنآديل الورقيه:الحمدلله بروح البس
فهد يوقف معه ويترك كل اللي بيده ويمشي لجهتهآ ويمسك يدهآ: يالله عشآن نروح للموعد
شوق تضحك :كمل جرآيدك على بال اخلص
فهد يشدها ويمشي: عارف اللي ببالك بس أمشي لا أشيلك الحين
شوق توقف وتتخصر:أتحدآك
فهد لف عليهآ وبنظرة خبث:قدهآ
شوق ترفع حآجبهآ وتحط يدهآ على خصرهآ:ايه قدهآ وقدود يابعدي
شآلهآ وهو يضحك وطلع فيهآ لجنآحهم

:::
:::
:::

في هذآ الوقت وتحديدآ بالجامعه
هنآدي : وربي ياعبير قال كذآ
عبير بحماس:قلت لك منذ مبطي بس أنتي ماتفهمين
هنآدي:اقول اقضبي ارضك واركدي يابنت لاتفضحينا وخفضي صوتك ذآ
عبير تمد لسآنهآ:مالت عليك هو في أحلى من الحب
هنآدي تلعب بشعرهآ:ياربي عبير ياتبن اقفلي السيره لاتخليني أندم أني قلت لك
عبير تضرب هنآدي:وجع يوجعك بس بالله قولي الصدق ويش شعورك حاليا ؟
هنادي حمرت خدودهآ:أممم مدري احس أني متخربطه كل شي فيني تخربط فجأه
عبير:عشآنك حماره في أحد يعرف ان شخص يحبه ويتخربط جد جد تأكد انك حماره
هنادي صرخت عليها : حمار يرفسك يالدب
عبير تطالع البنات اللي لفوآ عليهم وأنفجرت ضحك هي وهنادي
عبير: مهبوله بسآمحك هالمره كرمال احبك بس والا جربي تعودينهآ قسم لا انتفك يالبطه
هنادي طيرت عيونها فيها: بجد انآ دبه
عبير :اشوف اوقفي خليني اتأكد
وقفت هنآدي ..ردت عليها: لا والله يجنن جسمك بس صدرك لازمه بوتكس
هنادي تخنقهآ:أنطمي وجع في شكلك
عبير تضحك:يعني عاجبك كذآ
هنادي تنرفزت:عبير اتركي صدري في حاله الله يخليك وأمشي مابقى شي عن المحاضره
عبير مشت وهي تضحك على هنآدي اللي صايره على اتفه شي تعصب وتدقق

بمبنى ثآني في الجامعه
كآنت تشوف الجدول اللي نزل ومتضايقه منه مره لان فيه ضغط عليها
رغد تبعد الكرسي وتجلس بقرف:شفتي الجدول الغبي
أسيل شوي وتبكي:شفته حسبي الله ونعم الوكيل بس بنكرف كرف ...بس أحلى شي ان انا وانتي بنفس القروب
رغد ابتسمت:ايه هذي الحسنه الوحيده
أسيل تمد لهآ كأس عصير بارد:بردي على قلبك ..تدرين عاد متحمسه للعملي
رغد رجعت على ورى وهي تحس بشي غريب:نفس الشي عندي بس أحساسي غريب شوي مدري ليه
أسيل تضحك:هذآ قلق يالله اشربي وبعطيك سالفه على كيفك
رغد تحمست :قولي معي نص ساعه بريك مو أكثر
أسيل: طيب يالله أسمعي


^^^
^^

هـنآدي وأي تغير جذري سيحل بحيآتهآ؟
شوق &فهد ..هل من الممكن أنت تبدأ بينهم دوآمه من المشآكل الانهآئيه؟
شهد & يوسف وحيآتهم الرآكده بأي حال ستصبح ؟
رغد..معقول تكشف لنآ عن سر نجهله؟
الأشخآص المجهولين ومؤآمرتهم التي لم تنتهي يحيكون خيوطهآ ضد أي شخصيه من شخصياتنآ؟
والأهم اي شخصيات ستظهر او تضل روآيتنآ مستمره في مجرآهآ؟


كل الحب مني لكـم
على شاطئ النسيان




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3646
قديم(ـة) 16-07-2010, 01:53 AM
كلي غرور*_^ كلي غرور*_^ غير متصل
©؛°¨غرامي جديد¨°؛©
 
الافتراضي رد: روايتي الثانية : يا خاطفي وين ألقى عزتي في زمان المذلة !


واااااااااااااااااااااااااااااااااااااااااااااااو
وأخيييييييييييييرا فتحت الروااية
وببارت مرة حلو عوضنا عن الفترة اللي انتظرناها
بااارت مرة حلو وأحس الباارت الجااي بيكوون مليئ بالأحدااث

أتمنى ماتطولين علينا بالباارت الجااي
لك ودي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3647
قديم(ـة) 16-07-2010, 02:12 AM
صورة ♥ همس الوجل ♥ الرمزية
♥ همس الوجل ♥ ♥ همس الوجل ♥ غير متصل
©؛°¨غرامي مشارك¨°؛©
 
الافتراضي رد: روايتي الثانية : يا خاطفي وين ألقى عزتي في زمان المذلة !


WoOoOoOooOoW
البآرت شششششَيء . .
صصصصرَآحة روآيتك خنفششششششآرية بج’ـد . .
آحححححَم مآعندي شششَيء آقولة بعد . . ضض
شسسسَمة إيه ننتظر البآرت الجآي بأح’ـر من الجججججَمر . .
C u



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3648
قديم(ـة) 16-07-2010, 03:12 AM
صورة مجنونهـ (بسـ) حنونهـ الرمزية
مجنونهـ (بسـ) حنونهـ مجنونهـ (بسـ) حنونهـ غير متصل
©؛°¨غرامي مشارك¨°؛©
 
رد: روايتي الثانية : يا خاطفي وين ألقى عزتي في زمان المذلة !


هـنآدي وأي تغير جذري سيحل بحيآتهآ؟
بتصير بنوته رقيقه تصيح واجد وتحب ماجد وهو يحبها

شوق &فهد ..هل من الممكن أنت تبدأ بينهم دوآمه من المشآكل الانهآئيه؟
والله ماراح اتفاجأ بس ماأتمنى ذا الشي

شهد & يوسف وحيآتهم الرآكده بأي حال ستصبح ؟
بعد ماتولد بتدلع البيبي كثير و تهمل يوسف وبيغار طبعا

رغد..معقول تكشف لنآ عن سر نجهله؟
ودي اعرف السر >>>>>>>> من الحين قررت ان في سر هع هع

الأشخآص المجهولين ومؤآمرتهم التي لم تنتهي يحيكون خيوطهآ ضد أي شخصيه من شخصياتنآ؟
مدري احسه لشوق >>>>>> ياهالشوق المسكينه من مصيبه إلى أخرى الله يرحم حالها بس

والأهم اي شخصيات ستظهر او تضل روآيتنآ مستمره في مجرآهآ؟
العصابه ابيها تظهر ولاجبانه خخخخ



لكي ودي واحترامي : مجنونهـ (بسـ) حنونهـ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3649
قديم(ـة) 16-07-2010, 03:20 AM
صورة HinD abd alwahab الرمزية
HinD abd alwahab HinD abd alwahab غير متصل
©؛°¨غرامي مشارك¨°؛©
 
الافتراضي رد: روايتي الثانية : يا خاطفي وين ألقى عزتي في زمان المذلة !


وااااااااااااااااااو ياقلبوو روااايتك خيااال ..
ننتظرك قلبووو اول مشااااركة لي بالمنتدى ولعيووون روااايتك..
وه وه فديت رغد ياحبني لها الله يوفقها ياااارب..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3650
قديم(ـة) 16-07-2010, 03:22 AM
عيون تميم عيون تميم غير متصل
©؛°¨غرامي فعال ¨°؛©
 
الافتراضي رد : روايتي الثانية : يا خاطفي وين ألقى عزتي في زمان المذلة !


يسلموووووووووووووووو
يعطيك العافيه


الرد باقتباس
إضافة رد
الإشارات المرجعية

روايتي الثانية : يا خاطفي وين ألقى عزتي في زمان المذلة ! / كاملة

الوسوم
..بقلمي , ..روآيتي , ألقي , للكاتبه , آخر بآرت , المذله , الثآنيه.. , بنات , يآخاطفي , جريئه..رومنسيه , ريم سيف .. شهد يوسف.. هنادي باسل .. رغد د. وليد..شوق فهد .. سحر معاذ .. سمر سامر احلى رواية , زمآن , عصبي , وآقعيه.. , وين , وصلت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : تدري بأني أموت فيك و بقربك أصبح شخص غير / كاملة منيه حنيني روايات كامله - يتم نقل الرواية هنا بعد اكتمالها 682 12-10-2014 07:28 PM
روايتي الثانية : كبرتني يا هم دخيلك قول للدنيا أنا عمري كم ! / كاملة "~ع ـطر البنفس ـج روايات كامله - يتم نقل الرواية هنا بعد اكتمالها 1293 08-10-2014 08:14 PM
روايتي الثانية : تبي تنسي أولادك أوجاعهم تزيد الهم ع غمهم / كاملة الشموخـ..~ روايات كامله - يتم نقل الرواية هنا بعد اكتمالها 172 23-03-2014 03:41 PM
مجلس الروايات للإستفسارات والطلبات ؛ الزعيـ A.8K ـمه روايات - طويلة 4012 21-06-2010 03:30 PM

الساعة الآن +3: 01:00 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم