اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 16-07-2009, 10:53 PM
سموأنثي سموأنثي غير متصل
©؛°¨غرامي مشارك¨°؛©
 
الافتراضي رد: يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


سلام ختووو أخبارك ياحلوه

والله الرواية روعه مره كمليها بليزززز

جاري الانتظار



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 16-07-2009, 11:07 PM
صورة ام ابوها الرمزية
ام ابوها ام ابوها غير متصل
©؛°¨غرامي مشارك¨°؛©
 
الافتراضي رد : يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


hi
البارت رووووووووووووووووووووعة
تسلم اناملج الذهبية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 53
قديم(ـة) 17-07-2009, 02:55 AM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
رد : يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي










الــــــــــبــــــــــــــــارت الــــــــخــــــامــــــــــــــــس

؛؛؛
؛؛
؛



أنا أحاول كل يوم أرسم وأوشم جروحي على ورق
أحاول أترجم إحساسي ومشاعري
إلي ذبلت بس بالنهاية ........!!!
اكتشفت إني أكتب صدى جروحي على رمل



:::
:::
:::





فهد : هاه بشر كل شي جاهز
وليد: جهزنا كل شي ... بس باقي كم شغله
فهد : خلاص الباقي خله علي وبيومين اخلصه
ريان: طيب ما اخترنا المكان بالزبط فين ؟
فهد: صـــح .. ويش رايكم ننزل المدينه نشوف المكان اللي يعجبنا
رامي: ريح نفسك انا قلت لواحد من اقربي يدور لنا محل وهو قال اذا حصل بيكلمني
فهد : شوف معاك ثلاث ايام ما كلمك ... راح ننزل المدينه
وليد: اوكي .. بس ما تكلمنا على الديكورات والاشياء الثانيه
رامي: نلقى المحل بالأول وبعدها يصير خير
فهد: مثل ماقال رامي .. اول شي لازم نشوف المكان وبعدين نحكم ..الا اقول محد شاف خالد
وليد: اي خالد ياعم ؟؟!!... الولد من خطب اتغير وماصار خالد بتاع زمان
فهد : والله هالولد فيه شي ماهو طبيعي .. كذا فجاءه يتغير
رامي: الله الهادي .. وان شاء الله نتغير مثله
فهد : محد ناوي يتزوج منكم بعد
ريان : والله انا قلت لامي خلاص ياشيخ مليت من العزوبيه .. عشتها بطولها وبعرضها
وليد: عني مبيت نيه الزواج ؟؟
ريان : ان شاء الله بس امي جالسه تدور لي عروس مناسبه
فهد: والبنت اللي تحبها ... وينك ماتخطبها
ريان : اتزوجت قبل اسبوعين ..
رامي : اجل هذا السبب اللي خلاك تفكر بالزواج
ريان : هذا واحد من الاسباب .. صراحه ماني مصدق الى الان انها اتزوجت
وليد: كل بنت مالها الا بيت زوجها يعني اكيد بتتزوج
رامي : شكلك متأثر شوي ... مبين اصلا صاير ماتجي الا نادر
ريان : لا متاثر ولا شي بس مهما كان 4 سنين مع بعض والله عشرة تصعب على الكافر
فهد : اقول انت وهو .. لا تصجون روسنا بهالسيره .. قوموا نلف بالدراجات
وليد : امش يالله بدل الجلسه اللي مالها لازم



::
::
::


ريم ماسكها سلسالها : مين جابه ؟؟
سحر : اكيد اللي طحتي عليه ... اعطتها ريم نظره سكتتها
رغد بدت تشك : ويش بينكم ..هاه ومين اللي طحتي عليه
سمر: سحر قصدها اللي طاحت عليها ...صــــح
سحر: ايه البنت اللي بالمدرسه .. دخل السلسال بشعرها
ريم : وقالت لي احاول انزله بالبيت وارسله لك
رغد عصبت : ترقعون انتي وهي ... انا عارفه اني في شي يالله قولي
والا قسم بالله اقول لشوق ومها وهم يتصرفون معكم
هنادي : يابنت الحلال انا اقولك السالفه بس اوعدينا ما تقولين لاحد
رغد: وعد بس تكلمي هيا ابي اعرف
ريم تغير ووجهها : انا بروح الغرفه ....
وركضت للغرفه وانسدحت على سريرها ...وهي تفكر ومليون سؤال وسؤال ببالها
ريم (( مين هذاك .. وكيف عرف بيتنا .. ياربي الحين رغد بتدري وراح تهاوشنا ..
طيب كيف عرفني وعرف بيتنا .. احسن شي اروح اسئل جلالي مافي غيره )) اخذت عبايتها .. ونزلت لغرفة جلالي

بالغرفه اللي البنات جالسين فيها ويتفرجون على التلفزيون
رغد : احلفي انك ماتبالغين
هنادي : وربي ... حتى اسئل سحر
سحر: صادقه .. بس تعرفين فضولنا
رغد عصبت عليهم : فضولكم كان بيوديكم بداهيه
هنادي : لاتسوين ناصحه حبيبتي ... لاجات ريم تفاهمي معاها
رغد : ريــــــــــــــم ... ريــــــــــم ..ز
جات والف علامة استفهام ببالها ... كل شي مـــجـــهول × مـجـهـول
ريم : هــلا رورو
رغد حست ان مالها داعي تهزئه : خلاص خلاص مابي شي
ريم : اجل بروح انام ... تصبحون على خير
الكل : وانتي من اهل الخير ....
اتجهت لغرفتها .. وكان هو عذرها الوحيد .. لانها تبي تنفرد بروحها
ريم : ويش اللي قاعد يصير ... كل شي مثل الاعصار يجي فجاءه ويروح فجاءه
طيب هو ليش ارسل لي السلسال ... يمكن مو هو .. ايه اكيد مو هو .. اكذب على نفسي انا .. الا اكيد هو ...اصعب شي انك تتعامل مع شي مجهول بالنسبه لك ... لكن مصير
الايام تخليه لي ورق مكشوف ..


::
::
::



شوق : تامريني بشي عمتي
ام خلود : سلامتك حبيبتي .. تعبتك معي
شوق : تعبك راحه .. يالله تاخرت على البيت مع السلامه
خلود وامها : مع السلامه
خلود: قولي للبنات بكره راح اجيهم
شوق : ان شاء الله ...

::
::
::

قبل ماتفتح الباب .. سمعت كلام الجمها عن الكلام .. حست الارض تدور فيها
اخر شي توقعته يصير هالشي .. عرفت انها بدت تلمس الخافي .. ترددت تفتح الباب
او تكلم وتسمع الباقي .. لكن غيرت قرارها باخر لحظة
...: مين تكلمين ؟؟ ... قفلت جوالها بسرعه وبان عليها الارتباك وتغير لونها
...: صديقتي ..
...: اها صديتك طيب ليش خفتي
...: ............................

:::
:::
:::



ندى : ليان وينك ... من متى اتصل عليك ماتردين
ليان : طفى شحن الجوال... ويش تبين انتي؟؟
ندى : مابغيت شي بس ابي اسولف معك..... وانتي بالوقت اللي نبيك خراج التغطيه
ليان : ويش فيك معصبه علي ... هدي شوي بلا حركات بزارين
ندى : دانا معك ؟؟
ليان : ايه .. تبين تكلمينها ...
ندى : اووف على تصريفاتك القويه ... اعطيني دانا
دانا : مرحبا خالتووو
ندى : مراحب ... ما تقولون في وحده نمر عليها .. دايم بلحالها طفشانه
دانا : والله هذي ليان .. مرتني ورحنا النادي ..
ندى : اهـــا .. اجل بدخل معكم .. بدل الطفش اللي انا فيه
دانا : بس وقفوا الاشتراك لان النادي وصل للــ off

ندى : طيب طيب .... يالله باي
بـــــســـيـــآآرررره لـــيـــان
دانا : شكل ندو زعلت منا
ليان : بالطقاق تزعل .. ويش علي منها
دانا : ترى معها حق احنا مانسال فيها هي اللي تمشي ورانا
ليان : اقولك خالتك هذي متخلفه ... شغاله نصايح وماتعجبها طريقه مشيتنا ولا كلامنا ولاشي وكل شي تطلع فيه عله ... خليها تولي اصلا هي اخر وحده افكر فيها
دانا : من ناحيه انها ماتحب حركاتنا فهذي معاك حق .. بس مهما كان تنجرح اذا رحنا مكان وهي ماهي معانا
ليان : والله حبيبتي عندها بدل السياره كراج ملينا ... وبدل السواق عشر الله لايهينها تاخذ نفسها وتروح مكان ماتبي .. ماعندي استعداد اخذها معاي اصلا هي فشلتني بالسكوول... وتبيني حتى بالخرجات اخذها اعوذ بالله عشان من جد يطيح برستيجي
دانا : انا بقول لجدتي تخليها تاخذ كورس اتيكيت
ليان : ماراح يجيب نتيجه ... لانها ببساطه قرويه ... حتى ذوقها وووع
دانا : والحل ... انا مقدر اشوفها كذا وما اسوي شي
ليان : سوي اللي اقولك عليه .. واعطيها اكس بالعريض

نتكلم عن ليان وادنا
ليان
(( بنت مغروره .. وشايفه نفسها على الكل ...بسبب جمالها ومنصب ابوها العالي ..وتحتقر اللي اقل منها بشكل فظيع وانانيه بصوره فظيعه .. تهتم بنفسها وماتهتم باي احد غيرها .... واح نتعرف عليها اكثر بالاحداث الجايه ))
دانا
(( مسالمه لابعد حد ... وتسمع كلام ليان بالحرف الواحد .. عاديه جدا وطبعا ابوها وابو ليان اخوان .. وله منصب عالي كمان ))

::
::
::



بعد ماجات من بيت عمتها .. وتطمنت على الكل .. دخلت غرفتها وفتحت لاب توبها
وقلبت بصفحات النت تسلي نفسها .. حست ان في شي بخاطرها نفسها تكتبه
بدون تردد فتحت على الوورد .. واخذت تكتب اللي في بالها
:
:
:


يلومني الليل ويعاتبني الى متى ..!!


|||




متى سترضى ..!!

متى ستمتلك القناعة ...!!!

آما آن الآواان لتؤمن أن كل الطرق مشوهة مبكية

مدمَرة ... بل أصبحت أمور

لا يتجآوزها حتى .. الموت !!!

وماسر هذا الإصرار ..؟؟!

هكذا إذن !

فـ أيُه الليل كفآك مع ـآتبة


أتعتقد بأنها مصيبةً .. كآرثة ً ..


لاوربك ,, فـ انظر ..

::

تحدثت كثيرا وصمتي هو الحكم

أما آن الآوان لكي تتنفس كلماتي

وآما آن الآوان لتتهاواى عباراتي ويزفر بوحي المقتول

هكذا لسانك ولسانهم وهكذا تعتب ويعتبون

وإن لم يعتبوآ فإني أؤمن بأن هذا مالديهم ومايجول بخوآطرهم

فأجعل من شاء التحدث ومن شاء العتب

فليع ــآآتب كثيرا كما يشاء وأكثر ..!!

فهكذا خلقت .. لا أستطيع بل هو المستحيل أن أقتنع بالمستحيل وإن هلكني

آحترم واقعية مآقلت

ولكـــن !

تأمل إن شئت كثيرا وإن شئت فاللمحة تكفيك

هكذا هي عيناي الذابلة

وهكذا هو ضمأي القاسي

وهكذا هي شفآهي المتيبسة

وهكذا هو (بياآض) شع ـري

فهو الإصرار .. فسوف أستمر !

كلمات قلتها في أول المشواآر مهماآ أتع ــبتني الآقدار

فلن أرضى ولن سأسمح أن تتمتع الظروف بالإنهياآر

فلا .. وألف لا ..
فهو شغ ــف لآينتهي ولن ينتهي .. !!

فـ كن وآثق بأنني أعددت

أسلحتي لمستقبلي ..

فإمــا (حيــــاة) تسر الصديق

//

وإما مماتُ يغيض الع ــداآء


::

قفلت الاب توب .. وجلست على سريرها .. تتآمل حكايه رسمها لها القدر .. وواجهت
المستحيل والا مستحيل بنظرها .. تأذت من عيون الناس .. ومن السنتهم الاذعه
عانت وعانت في حياتها الكثير ولكن لاتزال صامده امام الصعاب ..
مأسي وذكريات لا تنسها وربما وجدت لها مكانت لتنغرس بها .. وتهاجمها بين حين واخر
وتسقى من سحابة عيناها ...
شوق : آآآآه يــاقــلبــي ... ويــنــك وويــن الــرآآآحـــه ؟؟!
سمت بالله ونامت ..
لكن بجزء ثاني من البيت
سحر بهدوء تتكلم : ريم .. ريم
ريم تلف على جهتها : هــلا
سحر : اطلعي برا ابي اكلمك
ريم : ولــيــش ؟؟
سحر : امشي بسررعه مابي هنادي وسمر يحسون
ريم : يالله .. بشويش لايصحون ... وطلعوا على اطراف رجلهم
بعد ماطلعوا ... جلسوا بالصاله يسولفون
ريم مصعوقه ودمعتها قريبه : مـــيــن قـالـــك ؟؟
سحر تبكي : عرفت بالصدفه .. تكفين ريم لاحد يدري خصوصا سمر وهنادي انا
ترددت لين قلت لك ... هذي اختي مهما صار وبيصير
ريم نزلت دموعها : واختي بعد ... سحر احس انه حلم والله حلم .. كل اللي قلتيه لي كذب
سحر: كنت زيك .. بس انصدمت صدمة عمري .. ماتتخيلين ويش شعوري حسيت ان الكلام ضاع مني ... اتمنى ان كل هالكلام كذب ..
ريم تضم سحر : خلاص حاولي تنسين وهالموضوع قفلي عليه لاتجبين سيرة نهائيا
سحر تمسح دموعها : اكيد ..اكيد .. بس انتبهي تزلين فيه
ريم : لاتخافين سرك ببير ....
<< ريم بنت ساحره بمعنى الكلمه .. بهدوئها وناعمه نعومه الريش .. ملامحها طفوليه .. كل شي فيها صغير .. شفايفها .. وجسمها وجهها .. كانه طفله بريئه... وحساسه بالمرره
وحالمه جدا .. كل شي تتعامل معه بهدوء وعقل .. وطبعا هي عاقله جدا



:::
:::
:::


جلس بمكتبه اللي دائما يناجي به وحدته ... اخذ فرشته وجالس يرسم ..وتفكيره بمكان ثاني ... او في شي بالمجهول .. بعد ما انتهى من الرسمه تاملها ..واستغرب كيف رسمها كان بحاله الا وعي ... مو هو اللي يرسم الشخص اللي بداخله هو اللي يرسم
رسم لوحه .. فيها بنت تبكي .. ودموعها دم واثار الجروح بخدها المتشوه ... وتحتها ورد
جاف وذابل ... وفازة الورد مكسوره ...


:::
:::
:::



بــــعـــد اســـبـــوع


عبدالله : يوسف ... ترى طفح معي الكيل ويش السوات
يوسف : تبي حل سريع , ومايتعب ابد
عبدالله : ايه .. حل سحري ابي
يوسف : اخطبها وريح راسك ... بلا اوهام بلا خرابيط دامك حبيتها وتعرف بيتها دق الباب
يابن الحلال
عبدالله سكت وماعرف ويش يقول ... ومبين ان بداخله كلام لكن مايبي يقوله
يوسف : ياعبود الله يصلحك البنت ماهي داريه عن هواء دارك وانت ذابح نفسك تفكير فيها لك اسبوعين ماتنام زي الناس
عبدالله : شف انا بروح اكلمها هذا اخر كلام عندي
يوسف : طيب اوكي وانا بروح اساندك اخاف تجيك هجمه مرتده
عبدالله : ياسخفك .. احر ماعندي ابرد ماعندك

::
::
::



بـــالــجامـــعــه ..

كانت تمشي على عكازها ... وشافت شهد جالسه لحالها .. وراحت لها
رغد : هـــاااااااااي
شهد : هااااايات .. اجلسي تراك تعبتي نفسك
رغد : لا تعب ولا شي .. بس مشكله هالعكاز .. عور يدي
شهد : يالله تحملي ... جات كوثر معصبه
كوثر : وربي ان الدكتوره ماعندها سالفه
رغد وشهد : ليش ؟؟
كوثر : تخيلي تو المحاضره بدت وانا ماتاخرت على طول دخلت قال لي ... تقلد الدكتوره ..

اي اده هو انتي الوقت على كيفك امتى مابدك بتحضري وامتى مابدك مابتحضري ...وطردتني ..فشلتني قدام البنات
رغد وشهد : هههههههههـــآآآآآآآآآآآآآآآآآآآآآآآآآآآآي
شهد : عادي عادي .... تصير باحسن العائلات
رغد : الحمدلله مابقت عندنا محاضرات .. ويش رايك نرجع البيت
شهد : طيب يالله .. قسم بالله حررر فظيع
رغد : هيا اجل نرجع ... وراي موعد بالمستشفى
شهد : الساعه كم .؟؟؟!!!
رغد : بعد ساعه ونص على بال ما اروح ارتاح واغير ملابسي
شهد : طيب بروح معك اغير جو
كوثر : تغيرين جو بالمستشفى
شهد : ايه ... اسمه مكان غير عن الجامعه والبيت
رغد : يالله شهد .. كلمت جلالي يقول بالطريق
شهد: مشينا ... سيوووو كوكو
كوثر : ســـيـــو قــيــلــز
طلعوا للبيت ... ولقوا شوق جالسه تنظف
شهد : انتي بس تشتغلين ماتملين من هالقرف
شوق : والله هوايتي واحبها ... لايكون عندك اعتراض يا انسه شهد
شهد : اصلا عمرك ماراح تتطورين بس جالسه بين اربع جدران ولا تعرفين العالم ويش صاير فيهم
شوق : ماحب اطلع غصب يعني اطلع
رغد : والله انك مريحه راسك .. احسن شي تسوينه مافي الطلعات وناسه
شوق : انا شاغله نفسي بنفسي
شهد : لو بالبيت ام .. كان وجودك وعدمه واحد .. سكتت يوم سمعت كلام شهد وماردت عليها لانها عارفتها وعارفه اسلوبها وحبها للتجريح
رغد : احمدي ربك انتي الثانيه في احد يهتم بالبيت وبالطبخ والغسيل والا انتي على يدك نقش الحنا .. شايله يدك من كل المسؤليات
شهد : مخليه المسؤليات لاصحابها ... هم قدها وقدود ... واعطت نظره لشوق .. ودخلت الغرفه .. وطبعا رغد ماعلقت وراحت تغير ملابسها وتستعد
شوق ( بعد كل شي سويته عشانها تقول هالكلام ... الله يصلحك بس ياشهد متى بتحسين
متى تتركين هالاسلوب اللي كله جرح ... ويش سويت لك انا عشان تكرهيني ))
راحت تكمل شغلها وبالها مشغول ويفكر بشهد

:::
:::
:::


عبير : هنوده .. تعالي ابيك بموضوع .. جاتها هنادي
هنادي : خير ويش فييك
عبير : ماقلتي لي على موضوعك ويش صار عليه
هنادي تضحك : تــمـــآآآآآآآم .. والله ياهي وناسه ياعبوووره .. ويش رايك تروحين معي اليوم ...وتجربين
عبير بخوف : امممم خليني افكر والعصر قبل لاتروحين مري علي ..
هنادي : اتمنى تغامرين ولو مره وحده ..
عبير: الا اقول ماتخافين السواق يقول لاهلك
هنادي : هههههههههههه جلالي ... اصلا جلالي هو اللي يحمسني يقول..(( تقلده )).. كويس كويس مررره هنوده ... انت مررره قوي
عبير تضحك : حتى السواق ... الظاهر العيله كلها خاربه
هنادي : واي واي واي ... سحر وريم اكبر جبانات ... سمر كل شي تقوله لشوق
شهد خليا بالموضه .. وفلانه وعلانه ... ورغد مثلها ....بس على اخف واحسن
عبير : اقول توكلت على الله بقول لامي بنروح للمكتبه والا اخترعي لنا شي
هنادي : بسيطه بنروح نسوي عمل لاي ماده عند خطاط ... قولي تسذا
عبير : اوكي ياتسذا ... خلينا نرجع نجلس

:::
:::
:::



رغد : تدرين شهد بقولك شي بس لاتقولين لاحد
شهد : ويش هو ...؟؟
رغد : مو مره طلبنا طلبيه من مطعم .. يوم جات مهاوي اخر مره
شهد : ايـــه اذكـــر .. بس ليش ؟؟
رغد : المهم اللي وصل الطلب واحد سعودي
شهد : طيب ويش الجديد بالموضوع
رغد : الجديد ياطويله العمر ... انه هوعبدالله اللي ساعدني يوم طحت
شهد : طيب ويش دخل ذا بذا
رغد : ماله دخل ... بس انا ... خلاص قولك انسي السالفه
شهد : لالا ماني بناسيه .. كملي
رغد : طيب لاتضحكين .. وقدري مشاعري الجياشه
شهد طلعته بنظره غريبه : لاتقولين حبيتيه ؟؟!!!
رغد تحط يده على فمها وتضحك : خخخخخ ... تعجبيني بذكائك
شهد : الحمدلله والشكر ... جرى لعقلك شي .. الظاهر انه ملحوووس
رغد تتخصر : وليش ملحوووس ... ؟؟
شهد : تحبين لك واحد فقير .. ويوصل طلبات بمطعم ... اشهد بالله انك مانتي بعقلك
رغد : والله مدري عنك انتي وافكارك الغريبه ... انا ماقلت احبه يعني احبه .. بس شخصيته جذابه وشهم ورجال ماعليه كلام ... وكمان ملامحها تجنن .. يعني الغنى مو كل شي
شهد : ياماما لما تحبين ... حبي واحد يناسبك وتناسبيه .. مو واحد مادري من وين طالع لك
رغد : والله ياقلبي انا حبيته لذاته مو لفلوسه
شهد: الله واكبر ... حبيتيه يعني طاح الفاس بالراس ... وين كلامك اول .. وين احلامك ... وفارس احلامك اللي تبينه يجيك على لكززسه الابيض ... كل شي تغير ..
رغد : تفكيري الراسمالي ... تركته عرفت ان الواحد مايدور الا على جوهر الانسان مو على مادته ... ومركزه
شهد انقهرت : احسن انتي اللي خسرانه بالاخير ... خليه يجيك على سيارته حقت توصيل الطلبات .. وياخذك على عشته
رغد : صدق انك غريبه ... نشوف بكره مين المقرود اللي بيتزوجك .. انا بطلع اروح الموعد
شهد : طيب .. طيب بروح معك ..

:::
:::
:::


يوسف : يالله بنمشي اكيد رجعت تعبانه وبتنام
عبدالله: لا تتحرك عندي احساس يقول انها بتطلع
يوسف: ذبحتنا الاحاسيس .. بتسنى خمس دقائق فقط لاغير
عبدالله" ويش الحنه هذي قلت لك اصبر
يوسف: نصبر امرنا لله
عبدالله طلعت عيونها : شوف شوف .. قلت لك بتطلع
يوسف : بس معها اللي دايم نشوفها
عبدالله: يمكن توائمها
يوسف يقزها : وه وه وه شف جسمها كيف ..... يؤؤؤؤؤؤؤ تحطيم
عبدالله : ياعينك ذي اللي يبي لها طز
يوسف : بنسكت ... عشان نلحقهم كالعاده ... لو اني ماجرك واستفدت
عبدالله : تراني خويك ... لاتنسى
يوسف : بلاك ماتدري ويش مصبرني عليك
عبدالله : ويش قل ؟؟
يوسف : اني احبك .. ياخي احبـــــــــــــــــك
عبدالله : لايطق لك عرق بس
يوسف : مشوا خلنا نمشي وراهم ... واخذوا طريقهم

:::
:::
:::


...: بشر ويش اخر الاخبار
...: كل شي مثل ماتامر ياطويل العمر
...: يعني جبت لي كل شي ... طلبته
...: ايه .. وكله كاتبه بالملف هذا
...: مشكور ... الحين شوف شغلك
...: مع السلامه ....
(( الحين كل شي قدامي ... ماناقص الا اكلم الوالد ... واقول له كل شي وهو يتصرف
يعني ما اشيل هم ...ابـــــداً))


:::
:::
:::


شهد : هيه انت ماتشوف طريقك اعمى
الولد : قلنا اسفين والصدمه بدفع لك قيمه تصليحها
رغد : لالا مانبي لا تصليح ولا شي
شهد : بس ثانيه مره لاتسرع كنا بنموت وانت السبب
الولد : المشكله انك قمر ... وحنا مانزعل من قمر ....
فتحت باب السياره ونزلت ... وهي معصبه من وقاحته وقاحة اللي معه
شهد : ياتحترم نفسك وتنقلع يابتشوف اللي مايسرك ... وراح اوقفك عندك حدك
الولد بكل جراءه وثقه مسك يده ومتطمن لانهم بنات ومع سواقهم
الولد : ويش رايك تاخذين الرقم
شهد تدفه : هـــيـــه من تحسب نفسك ... وبعدين معاك انت ياوقح
اللي معاه : وي وي ... ياقلبي على المعصب فديته انا
رغد : خلاص ادخلي خلينا نمشي
الولد: والله ماتمشون الا والرقم معك .... حلفت انا
شهد : اقول اتكلم عربي والا انجليزي انا ... ماتفهم يابن الناس
اللي معاه : طيب هدي اعصابك ... حنا غلطانين والغلط راكبنا من ساسنا الى راسنا
ونبي نصلح غلطنا
رغد : مشطورين بس اتركونا قلنا لكم مانبي شي

فجأءه جاء يوسف ومعه عبدالله
يوسف : خير انت وياه .. ويش تبون
الولد: ومين حضرت جنابك .. ويش لك دخل
عبدالله : مالك خص مين احنا .. وجه كلامه لشهد .. روحي سيارتك .. وتيسري
شهد : ومين انت ... احد طلب فزعتك ؟؟!!
رغد : شهد ... خلاص اركبي
عبدالله كان وده يصفقها كف يعلمها كيف تحترم الناس .. لكنه فضل السكوت
شهد : اوكي ... بركب ... وبخلي هالناس الهمج .. تتصرف مع بعضها
يوسف : ياخت انتي ماتحسين انك طولتيها وهي قصيره ...
شهد : لا تعال اضربني احسن
يوسف : والله يبي لك احد يعلمك كيف تتكلمين
شهد : تراك تجاوزت حدودك ... انتبه
عبدالله: يوسف هد اعصابك .. وانتم خلاص تيسروا
يوسف : ماتشوفها ياعبدالله ماتعرف الاحترام
شهد : انا اعرفه قبل لاتعرفه انت ...
يوسف : اقول امش خلها تحل مشاكلها بنفسها ... الشرهه على اللي بيساعدها
عبدالله يطالع برغد اللي متخذه موقف الحياد .. ونفسه يكلمها لكن شهد رمت عليهم كلام قوي شوي
عبدالله : يالله ..نمشي
تركوهم مع العيال ومشوا ...
الولد : يؤؤؤ شكلك شرانيه
شهد : يالله مابقى الا المبزره يجون يتكلمون .. ركبت السياره وخلت جلالي يمشي
رغد : ويش اللي سويته .. هذا جزاهم انهم بيساعدونا
شهد : محد طلبهم ليش الملقفه
رغد : بس هذاك عبدالله ...
شهد : اللي كلمتيني عنه بالبيت
رغد بزعل : ايـــه هو ...فشلتيني عنده
شهد مستغربه : كيف شافنا ونزل
رغد : مدري
شهد تفكر : لايكون يراقبك ... ساعدك عند الصيدليه .. والحين يفزع لنا ... مستحيل تكون صدف
رغد وليش اساءت الظن ... يمكن صدف
شهد : ما اظن ...
رغد : انتي دايم كذا ... مستعجله بكل شي ...

:::
:::
:::



ويش بيكون موقف عبدالله ويوسف ؟؟

شوق ... بتكشف لنا سرها الغامض ... او بتحتفظ فيه ؟؟

سحر ويش قالت لريم ...؟؟

فهد ... ليش الغموض لازال يدور حوله ؟؟

ليان ودانا ... معقوله يكرهون ندى ... او ايش السبب اللي خلى ليان تطنشها ؟؟

ندى ... في شي جديد بيطري عليها ... لكن ايش هو ؟؟

هنادي ... وعبير .. ويش اتفقوا عليه ... ؟



اتـــــــركـ لـــــــكـــــم الــــتــــوقـــــعـــــــات


ودي لأ رواحــــــــكــــــــــم



؛؛
؛



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 54
قديم(ـة) 17-07-2009, 05:36 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


روووعــــة البارت

يسلموووو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 55
قديم(ـة) 17-07-2009, 05:54 PM
صورة ღ Zain ღ الرمزية
ღ Zain ღ ღ Zain ღ غير متصل
©؛°¨غرامي نشيط¨°؛©
 
الافتراضي رد: يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


بـآآآآآآآرت ج ـنآآآآآآآآآآآآآآن ..
تسسلم يمنـآك ..

: ) ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 56
قديم(ـة) 17-07-2009, 09:57 PM
صورة اغليك يعني اعشقك الرمزية
اغليك يعني اعشقك اغليك يعني اعشقك غير متصل
©؛°¨غرامي مشارك¨°؛©
 
الافتراضي رد: يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


السلام عليكم
يابنات لازم نحمس الكاتبة انها تكتب
اذا ماشافت ردود اكيد بصير فيها احباط
وبعدين لاالة الا اللة عليها روايتها مررة حلوة
يابنات اماااااانة خلونا نحمسها اكثر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 57
قديم(ـة) 17-07-2009, 11:04 PM
صورة ام ابوها الرمزية
ام ابوها ام ابوها غير متصل
©؛°¨غرامي مشارك¨°؛©
 
الافتراضي رد : يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


هااااااااااااااااااااااايااااااااااات
البارت فيه حماس
بلييييييييييييييييييييييييييييييييز نبي بارت في اكشن اكثر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 58
قديم(ـة) 18-07-2009, 12:48 AM
سموأنثي سموأنثي غير متصل
©؛°¨غرامي مشارك¨°؛©
 
الافتراضي رد: يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


سلام ختوووو والله البارت فيه حماس مش طبيعي

كمليها بليززززززز



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 59
قديم(ـة) 18-07-2009, 01:09 AM
صورة ترآآآآآآنيم الرمزية
ترآآآآآآنيم ترآآآآآآنيم متصل الآن
©؛°¨غرامي متألق ¨°؛©
 
الافتراضي رد: يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


وااااااااااااااو..حماااااااااااااااس..خياااااااااا ااااااال..


ننتظركـ يالغلا..


تقبلي مروري..


ترآآآآآآآنيم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 60
قديم(ـة) 18-07-2009, 02:02 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: يا خاطفي وين ألقى عزتي في زمان المذله / روايتي الثانية واقعية جريئة رومنسية بقلمي


مشكورة ياقلبي على البارتات ياني متحمسة اعرف سر شوق وعندي احساس انو لها علاقة بالشخص الغامض الي كان يرسم مع اني اتمنى انو تلتقي بفهد ويتزوجها مااتمنى انو ياخذ هنادي المغرورة عديمة الاحساس ابي اعرف ليه تعامل شوق كذا انا عندي شك انو شوق تكون تعرضت للاغتصاب وهي صغيرة واذا كان هذا صحيح فشوق مالها ذنب

شنو سالفة الشخص الي التقت فيه ريم بالمزرعة ومتى راح تظهر شخصيته

رغد اتوقع راح يزيد حبها لعبدالله وان شاء الله تصير من نصيبه

اما هنادي شكلها تتنكر بزي ولد وتطلع تسوق بالسيارة في الليل وتغامر

منو هذا الشخص الغامض الي يجمع معلومات وعن مين وليش وشنهي المعلومات

ياقلبي والله متحمسة وعندي فضول اعرف الغموض الي في الرواية منتظرينك في البارت الجاي


الرد باقتباس
إضافة رد
الإشارات المرجعية

روايتي الثانية : يا خاطفي وين ألقى عزتي في زمان المذلة ! / كاملة

الوسوم
..بقلمي , ..روآيتي , ألقي , للكاتبه , آخر بآرت , المذله , الثآنيه.. , بنات , يآخاطفي , جريئه..رومنسيه , ريم سيف .. شهد يوسف.. هنادي باسل .. رغد د. وليد..شوق فهد .. سحر معاذ .. سمر سامر احلى رواية , زمآن , عصبي , وآقعيه.. , وين , وصلت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الثانية : تدري بأني أموت فيك و بقربك أصبح شخص غير / كاملة منيه حنيني روايات كامله - يتم نقل الرواية هنا بعد اكتمالها 682 12-10-2014 07:28 PM
روايتي الثانية : كبرتني يا هم دخيلك قول للدنيا أنا عمري كم ! / كاملة "~ع ـطر البنفس ـج روايات كامله - يتم نقل الرواية هنا بعد اكتمالها 1293 08-10-2014 08:14 PM
روايتي الثانية : تبي تنسي أولادك أوجاعهم تزيد الهم ع غمهم / كاملة الشموخـ..~ روايات كامله - يتم نقل الرواية هنا بعد اكتمالها 172 23-03-2014 03:41 PM
مجلس الروايات للإستفسارات والطلبات ؛ الزعيـ A.8K ـمه روايات - طويلة 4012 21-06-2010 03:30 PM

الساعة الآن +3: 11:10 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم