إذا كنت مكانها من تختارين

[الفيلسوف]

حسن الكلام

قيل لامرأة أسر الحجاج زوجها وابنها وأخاها : اختاري واحدا من هؤلاء

فقالت : الزوج موجود ، والابن مولود ، والأخ مفقود : أختار الأخ !

فقال الحجاج عفوت عن جماعتها لحسن كلامها.

[القلب المحطم]

من أختار ؟؟؟

بالتأكيد أخي ... ودون تفكير أو جدال ..

بالفعل الزوج بدله زوج .. والإبن بداله عشـرة .. لكن الأخ !! لا اعتقد أن بداله أخ ..


الفيلسوف .. هالقصه سمعتها من كان عمري 11 سنه .. وكنت أفكر وقتها ليش هي أختارت الأخ مو الزوج ..

بعد ماكبرت وفهمت عرفت أنها على حق .. الأخ ما يتعوض .. حتى لو بهالزمن صارت الأخوه الحقيقيه نادره .. يبقى الأخ أخ .. يمشي بعروقه نفس الدم اللي بعروقي .. وعمر هالدم ما يتعوض .. ولا اقدر أقارنه بزوج أو ولد ..


أخي الفيلسوف .. تسلم على هالطرح ..

ودمت بود،،

[ليل]

و الله موقف صعب
و مثل ماقلت
الابن و الزوج يعوضون
و الاخ مايتعوض
بس مهما كان
كل منهم مالك قطعة من القلب
صعب التفريط و التخلي عن أحد منهم
الله لايحطنا في هالموقف الصعب

شكرا اخي العزيز على طرحك
الله يعطيك العافية

[ســ الأحزان ــر]

اكيد الموقف راح يكون صعب

وانا عن نفسي ما راح افرط

في اي منهم واختارهم كلهم

حتى لو طريت افدى بروحهم

لجل يكونوا سالمين..

[زهرة القمر]

هو صح الموقف صعب
لان كل منهم غالي وكل منهم ما نقدر نستغني عنه
بس انا في هالحاله اختار اخي
كلهم يعوضون
لكن الاخ هو السند وما اعتقد ان في احد ثاني راح يعوضوه او يسد مكانه اذا راح
هو الب اقدر استند عليه وقت الشدائد
الله يعطيك العافية