اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 22-07-2009, 12:23 AM
$ بسمة أمل $ $ بسمة أمل $ غير متصل
©؛°¨غرامي فعال ¨°؛©
 
توصي شي أنا بكره مسافر / بقلمي , كاملة


بسم الله الرحمن الرحيم
هكذا هي الحياة محطة نقف فيها للراحة قبل إعلان وقت الرحلة لا أحد منا بعلم ماذا سيحدث له قد يخطط ويعمل ويكافح لكن تسير
على غير ما يتمناه الإنسان لم يخطئ الشاعر حين قال :
ما كل ما يتمنى المرء يدركه //// تجري الرياح بما لا تشتهي السفن
نعم .... هي كالبحر الذي تلاطمه الأمواج يمنة ويسرة أحوالها متقلبة نتأمل قليلاً أحوالنا أحياناً نشعر بسعادة تغمرنا وفي حين آخر
نشعر بالحزن يكسونا ... في روايتي هذه التي قمت بكتابتها حاولت أن أجسد فيها الواقع الذي يدور من حولنا
حتى تكون أقرب للحقيقة مبتعدة عن الخيال والمبالغة ... هذه أول رواية قمت بكتابتها لذا آمل أن تحوز على رضاكم
أحبائي : إذا وجد في رواياتي ما لا يرضيكم فأنا أتقبل آراءكم .. ومن كان لديه نقد فأنا أيضا أتقبله بكل رحابة صدر
محبتكم : $ بسمة ألم $
((( توصي شي أنا بكره مسافر )))
^_^ الــجـــزء الأول ^_^
ابتدآ خوفي يزيد .. وخوفي إني أفقدك .. خوفي إني فيك أضيع .. ومن بقي غيرك بعد .. إنت اللي في
حياتي احتفلت بمولدك .. لا تموت أحلى الأماني خلني بحيا الوعد .. آآه لو تدري حبيبي كم أحاول أسعدك جيت
كلي من عذابي أرتجي لحظة سعد .. (( هواجيس سارة ))

سديم تصارخ : لميس ... لميس ... لميس قومي وصمه إن شاء الله
لميس : همممممممممممم سديم بلا إزعاج خليني أنام
سديم : أقول قومي لميس أنا نجحت
لميس : ................
سديم : نامي يا كيس النوم صدق لا قالوا نوم الظالم عباده مالت عليك
سديم تنزل مع الدرج : يمه ... يمه
أم فراس : ها يمه وراك تصارخين عسى ما شر
سديم تحضن أمها : باركي لي يالغالية نجحت
أم فراس فرحانة : ألف ألف مبروك يابنتي كم جبتي
سديم : 99,64 %
أم فراس : يا عساني أفرح فيك دوووم
سديم : آآآآآآآآمين بروح أكلم غلا وليان
أم فراس : إلا كم جابوا
سديم : غلا 93,80 و ليونه 97,90
أم فراس : ما شاء الله يالله أنا بروح أجهز الغدا لين ما يجون أبوك وإخوانك من الشغل
سديم : ألوووووو وين غلا
باسل : الناس تسلم بالأول
سديم : أوه سوري السلام عليكم
باسل : وعليكم السلام وراك طايره
سديم : بعدين تعرف أعطني غلو بالأول
غلا تسحب السماعة : هلا سدومه هلا حبيبتي
سديم : غلاااااااا نجحنا يالهبلى
غلا تصارخ : قولي والله
سديم : والله
غلا : كم النسب
سديم : أنا 99,64 % وإنتي 93,80 % وليان 97,90
غلابفرح : الحمد لله ياربي أجل لازم نقدم بالجامعة
سديم : إن شاء الله بكره نروح أنا وياك وإلا أقول الله يخلي الإنترنت نسجل عن طريقه إلا وين ليونه
غلا : ليان تتروش
سديم : سلمي لي عليها والله إنها أحسن من كيس النوم اللي عندي ما رضت تقوم
غلا: هههههههههه أوكي حياتي وش رايك نتجمع بعد المغرب
سديم : أوكيه بس وين
غلا : بأي مكان
سديم : خلاص أجل السهره عندي
غلا : أوكيشن بااااااي سلمي على عمتي
سديم : يوصل إن شاء الله

نجي نتعرف على أبطال قصتنا ....
أبو فراس : ( عبد الرحمن ) 50 سنه / أم فراس : ( سعاد ) 42 سنه / فراس : 27 سنه متوظف مع أبوه بالشركة وسيم عيونه وساع ورموشه
كثيفه .. ( غامض ومغرور ) / عبد الله 25 سنه عسكري وما يقل وسامه عن فراس ( هادي وحنون والكل يحبه )
هاني 23 سنه متوظف .. أسمر وعيونه نعاس وملامحه حلوه ( اجتماعي الكل يحبه نكوتي وما يرضى بالغلط يدافع عن
الكل ويوقف مع الحق ) / سديم 19 سنه رايحه لأول جامعة .. بيضاء وطولها متوسط قوامها رشيق شعرها أسود وعيونها عسلية علاقتها
بأخوها هاني كثير قوية بس دائما في حرب مستمرة ^_^ / لميس 17 سنه ثاني ثانوي آخر العنقود وإخوانها يحبونها حلوة وبيضاء
تشبه فراس كثير ..
أبو إياد : ( محمد ) 48 سنه أخو أبو فراس ويشتغلون كلهم مع بعض بشركة أبوهم الله يرحمه / أم إياد: ( حنان ) 45 سنه
إياد 26 سنه متوظف بنفس الشركة وسيم وحلو وعلاقته بأولاد عبد الرحمن قويه خاصة فراس / باسل 23 سنه بعمر هاني متوظف
وهم أصدقاء الروح بالروح حلو وجذاب ( هادي ) / غلا 19 سنه رايحة أول جامعة حلوة وبيضاء شعرها بني مايل للأشقر وعيونها زرقاء
طالعة على جدتها أم أبوها اللي من أصل ( تركي ) / ليان 19 سنه توأم غلا بس ما تشبها بيضاء وشعرها أسود
( يحبون بعض كثير )
أبو خالد : ( سلمان ) 45 سنه أصغر إخوانه / أم خالد : ( أماني ) 43 سنه / خالد 27 سنه أسمر عيونه سوداء وساع رموشه كثيفه
هادي والكل يحبه / فجر 24 سنه تدرس بالروضه حلوة وبيضاء طالعة على أمها إنسانه إجتماعية ومثقفة وتعرف تتعامل مع النفسيات
سحر 16 سنه أول ثانوي سمراء عيونها ناعسه فيها جاذبية وعندا أسلوب في الإقناع مجتهدة وتحب الدراسة / سمر 5 سنوات آخر العنقود
دلوعة ومتعلقة بخالد كثير


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 22-07-2009, 12:42 AM
$ بسمة أمل $ $ بسمة أمل $ غير متصل
©؛°¨غرامي فعال ¨°؛©
 
الافتراضي رد: ((( توصي شي أنا بكره مسافر ))) روايتي الأولى .. رواية سعودية رومنسية


ها حبايبي أكمل وإلا لا ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-07-2009, 12:44 AM
ترآآآآآآنيم ترآآآآآآنيم غير متصل
©؛°¨غرامي متألق ¨°؛©
 
الافتراضي رد: ((( توصي شي أنا بكره مسافر )))


امممم بداية مشوووقة.. الشخصيااات تحمممممس..

بليييز كملي عشان نتحمممس اكثررر..


تقبلي مروري..


ترآآآآآآآآنيم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-07-2009, 12:47 AM
<\3 Broken Heart <\3 Broken Heart غير متصل
©؛°¨غرامي ذهبي¨°؛©
 
الافتراضي رد: ((( توصي شي أنا بكره مسافر )))


بداية حلـــــــوة ومشوقة
وننتضر البارت الثاني عشااان نحكم اذا الرواية حلوه او لا مع اني متأكدة انها حلوه
وكملي ليش لأ
موفقة انشاء الله
سلاااااااااااااامو
تحياتي
ليال الكووووووووون



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-07-2009, 12:47 AM
$ بسمة أمل $ $ بسمة أمل $ غير متصل
©؛°¨غرامي فعال ¨°؛©
 
الافتراضي رد: ((( توصي شي أنا بكره مسافر )))


من عيوني عشانك راح أكمل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-07-2009, 12:50 AM
$ بسمة أمل $ $ بسمة أمل $ غير متصل
©؛°¨غرامي فعال ¨°؛©
 
الافتراضي رد: ((( توصي شي أنا بكره مسافر )))


وآآآآآآآآآآآآخيراً خلصت من سرد الشخصيات بالصراحة تعبت بس ماعليه كل شي يهون عشانكم يالله وش رايكم نكمل القصة
في الشركة .....
أبو فراس : راكان
راكان : سم طال عمرك
أبو فراس : قول لجميع الموظفين اجتماع الحين بغرفة الاجتماعات
راكان : ابشر تامر على شي ثاني
أبو فراس : دق على بيتي وخبر أهلي إني بتأخر شوي
راكان : إن شاء الله
في بيت أبو فرااااااس .......
ترن .. ترن .. ترن .. ترن .. ترن
أم فراس : لميس يمه ردي على التلفون
لميس معصبة : طيب
سديم : هههههههههههههه روحي بسرعة قبل لا يخلص عليك المسلسل
لميس : كلي تبن
ترن .. ترن .. ترن .. ترن .. ترن
سديم : ههههههههههههههههه
لميس معصبة : نعممممممممم
راكان : إحمممممممم
لميس : أخلص بسرعة ميييين
راكان : السلام عليكم
لميس : وعليكم السلام
راكان محرج : لا بس بغيت أقول إن عمي أبو فراس قال لي أخبركم إنه بيتأخر
سديم : لميييييييس خلص هههههههههه
لميس : كلي تراب يالزفت
راكان : نعمممم
لميس : سوري خلاص باقي شي
راكان : لا مشكوره على الأسلوب الحلو
توت .. توت .. توت .. توت ..
راكان مستغرب : معقوله هذي بنت أبو فراس هههههه والله شي
بغرفة الاجتماعات ......
أبو فراس : إنتوا كلكم تعرفون إن في شركة جديدة منافسة لشركتنا عشان كذا لازم تاخذون احتياطكم
فراس : بس طال عمرك إحنا لازم نعرف كل شي يتعلق بهذي الشركة
إياد : يعني لازم نجمع معلومات من الحين
أبو فراس : ها يا أبو إياد ما سمعنا رايك
أبو إياد : شوركم وهداية الله بس على الموظفين يتجنبون أي خطأ ممكن إنه يخلينا نخسر الصفقة الجايه
أبو فراس : عموما كلكم اللي هنا أبغى الشغل يكون جدي راكان إنت بس أبغاك تهتم بالمواعيد وأي شي يستجد
بالشركة تخبرني تعرف إنك ساعدي الأيمن واعتمد عليك بكل شي
راكان : ابشر طال عمرك
أبو فراس : و إنت يا محمد أبغاك تركز على الحسابات زين إنتبه أي خطأ بتكون إنت المسؤول
محمد : ابشر طال عمرك
أبو فراس : وإنتوا كلكم خالد , عبد الله , منصور , زياد ، مالك , حمد.. أتوقع ماله داعي أوصي عليكم
الكل : لا توصي حريص
أبو فراس : الحين كل واحد يقدر يتفضل لمكتبه مجرد ما يخلص دوامكم تروحون على البيت
فراس : يبه
أبو فراس : نعم
فراس : إنت متأكد من هذي الصفقة
أبو فراس : إن شاء الله
إياد : مو أحسن إننا نفكر في الموضوع شوي
أبو إياد : ها يا أبو فراس وش قلت
أبو فراس : توكلنا على الله والله يكتب اللي فيه الخير يالله مشينا
أبو إياد : تتغدون معنا
أبو فراس :تسلم والله بس أهلي ينتظروني يالله فراس مشينا
إياد : أشوفك فراس بعد المغرب
فراس : أوكيه
في بيت أبو فراس .....
أبو فراس + فراس : السلاااام عليكم
الكل : وعليكم السلام
أم فراس : هلا والله حياكم وراكم تأخرتوا
أبو فراس : كان عندنا شوية شغل
أم فراس : الله يعينكم
سديم تحضن أبوها : يبه حبيبي نجحت
أبو فراس يسلم على راسها : ألف ألف ألف مبروك يا روح أبوك
لميس : لا والله
أبو فراس : ههههه حتى إنتي نجحتي وباركت لك
لميس تسلم على راس أبوها : هههه أمزح معك
فراس يحضن سديم : ألف ألف مبروك عقبال الدكتوراه
سديم : الله يسمع منك
أبو فراس يطلع من جيبه ثلاث آلف ريال : هذي يا سديم هدية نجاحك
سديم : مشكور يالغالي
أبو فراس : وهذي ألفين ريال للحلوة لموسه
لميس تحضن أبوها : ثانكس .. ثانكس .. الله لا يحرمني منك مع إنك أعطيتني هديتي من قبل ^_^
أبو فراس : عشان ما تزعلين علينا
أم فراس : الله يخليك لنا إن شاء الله ولا يحرمنا من شوفتك
الكل : آآآآآآآآمين
فراس : يمه جوعااان ما فيه غدا
أم فراس : يخسى الجوع يا ولدي يالله أطلعوا غيروا ملابسكم وتلقون الغدا جاهز
أبو فراس : وين عبدا لله وهاني
أم فراس : هاني بيتأخر شوي عنده شغل أما عبد الله الله يعينه مرابط لين بكره
أبو فراس : قلت له من أول أترك العسكرية و اشتغل عندي بالشركة بس ما سمع كلامي
أم فراس : يحب شغله الله يوفقه إن شاء الله
في شركة طلال ............
طلال : محمد
محمد : سم طال عمرك
طلال : قول لهاني يجيني بغرفتي
محمد : إن شاء الله
محمد : السلااام عليكم
هاني + باسل : وعليكم السلام
محمد : هاني المدير يبغاك
هاني : أوكيه دقيقتين وجاي
باسل : غريبه وش يبغى
هاني : والله ما أدري علمي علمك
باسل : يا خوفي ينقعنا بالدوام أنا تعبت أبغى أرجع البيت
هاني : الله يستر
باسل : لو إننا اشتغلنا بشركتنا مو أحسن
هاني : لا اللي فيها يكفون بعدين أنا أبغى أعتمد على نفسي أبغى أحس إني مثل باقي الموظفين
باسل : روح روح لا يغسل طلال شراعك
هاني : ههههههههه وش فيك عليه
باسل : يا خي أحس إنه شايف عمره
هاني : ههههه بس خلاص نكمل بعدين دعواتك
باسل يحذفه بالقلم : بالتوفيق
في غرفة طلال ...
طق .. طق .. طق ..
طلال : أدخل
هاني : السلام عليكم
طلال : هلا والله وعليكم السلام
هاني : !!!!!!!!!!
طلال : تفضل اجلس
هاني : طلبتني طال عمرك
طلال : هههههههه فكنا من الرسميات يا شيخ أنا اسمي طلال
هاني : !!!!!!!
طلال : ههههههههه وراك مستغرب
هاني : هااااه لا أبد بس
طلال : اسمعني بالشركة هنا ومع الموظفين قول طال عمرك بس لما نكون بلحالنا قول طلال أوكيه
هاني : ههههههههههههه تصدق ما دخلت مزاجي
طلال : هههه اسمعني بالصراحة إنت أعجبتني بتعاملك وأسلوب وبشغلك وبكل شي وبالصراحة أنا ارتحت لك وودي
نصير أصحاب وش رايك
هاني : أفكورس ما عندي أي مانع
طلال : حتى خويك باسل أحس إنكم تمونون كثير على بعض
هاني : إيه هذا ولد عمي وصديقي الروح بالروح
طلال : ما شاء الله عليكم أوكيه إنا عازمكم على الغدا في المطعم
هاني : مشكور والله ماله داعي تكلف على نفسك
طلال : أفا تردني
هاني : ههههه ما عاش من يردك
طلال : حتى باسل قوله يجي معانا
هاني : أوكيه
طلال : وإلا أقول لك أنا بأقول له يالله مشينا
هاني : تفضل
طلال يدفه : هههه أقول امش بلا رسميات
هاني يبتسم : بالصراحة إنت صدمتني يبغى لي وقت عشان أتعود على الوضع
عند باسل ..........
باسل : وراه هذا تأخر غريبة الله ياخذك يا هاني وش مسوي
طلال : وراك إنت تدور كأن شي لاقصك
باسل : !!!!!!!!؟؟؟؟؟
طلال : ههههههه بتسوي لي زي ولد عمك هاني
باسل : آسف طال عمرك بس أنا ما سويت شي
طلال + هاني : هههههههههههههههه
طلال : خلصت شغلك
باسل : إيه خلصته
طلال : يالله أنا عازمك على الغدا
باسل : هاني وش السالفة
هاني : السالفة يا حبيبي إن طلال عازمنا على الغدا بالمطعم
باسل : طلال تستهبل إنت تقولها حاف
طلال : لا تستغرب أنا ما أحب الرسميات وبالصراحة إنتوا أعجبتوني ونبغى نصير أصحاب
باسل : هههههه أصحاب أصحاب ما فيه خلاف
طلال : زين ما طولنا معك زي هاني الي كل شوي هااه هاااه
باسل + هاني :ههههههههههههههه
استراحة.....
حين ترتشف فنجان قهوة تذكر أن الابتسامة تخترق قلب الآخرين وتجعلك قربا منهم دائما
...........
في المطعم ...
طلال : أنا كنت متزوج بس زوجتي ماتت
هاني + باسل : ماااتت
طلال بحزن : إيه الله يرحمها قبل 4 سنوات
هاني + باسل : الله يرحمها
هاني : طيب ما فكرت تتزوج بعدها
طلال : لا ما عمري فكرت
باسل : طيب عندك أولاد
طلال : إيه بس واحد عمره 3 سنوات
هاني : بس ولدك صغير ويحتاج لأم تربيه وتعطف عليه
طلال : جبت له مربيه وأمي وأختي ساكنين عندي بالبيت
باسل : حتى ولو أختك ما راح تجلس طول عمرها عندك أكيد بتتزوج وأمك الله يحفظها ما تدري كم باقي لها من عمرها
هاني : صح باسل صادق
طلال : عارف بس أخاف أتزوج وما تتحمل ولدي
هاني : الله يكون في عونك ما عليك يا ولد الحلال ربي بيفرجها من عنده
طلال : ونعم بالله يالله تغدوا
في بيت أبو فراس ....
سديم تستشور شعرها : لموسه
لميس : هلا
سديم : محتاره وش ألبس
لميس : البسي برمودا جنز مع التيشيرت الأصفر
سديم : أوكيه
لميس مستلقيه على السرير وتفكر : .......
سديم : لميس
لميس : همممممم
سديم : وراك كل شوي مسرحة
لميس : شفتي لما دق التلفون
سديم : ههههه إيه اللي قطع عليك المسلسل
لميس : إيه سكرتير أبوي
سديم : وش فيه
لميس : عصبت عليه وانحرج مني ولما سبيتك قال لي مشكوره على أسلوبك الحلو وصكيت السماعة بوجهه
سديم تشهق : الله يفشلك يالمجنونة وش سويتي كل هذا عشان مسلسل
لميس : وش اسوي ما لقيت إلا هو أحط حرتي فيه
سديم : الحمد لله والشكر
لميس تبتسم : بس تصدقين صوته يخقق
سديم تحذف عليه المشط : قليلة أدب
لميس : هههههه لو سمعتيه ما لمتيني
سديم : صدق إنك مهبولة قومي تجهزي ما بقي شي على المغرب هذا أنا خلصت
لميس : أوكيه
تحت بالصالة ....
هاني : يمه .. يمه
أم فراس : هلا حبيبي
هاني يسلم على راسها : وشلونك يالغلا
أم فراس : بخير الله يحفظك جوعان حبيبي أحط لك الغدا
هاني : لا يمه تغديت ... إلا وين أبوي وفراس
أم فراس : تغدوا ونانموا
هاني : أوكيه أنا بأنام إذا أذن صحوني
أم فراس : إن شاء الله
في غرفة البنات ....
طق .. طق .. طق ..
سديم : ادخل
هاني : سلاااام للحلوين
سديم تحضن هاني : هلا بقلبي وروحي
لميس تدف سديم : وخري خل أسلم عليه
هاني : هههههههه
لميس : وش لونك
هاني : أحمر
سديم + هاني : ههههههههههه
لميس : سخيف
هاني : وش عندكم
سديم : عازمين بنات عمي محمد بعد المغرب
هاني : ما شاء الله
سديم : هاني هات البشارة
هاني : وصلتك
سديم : أنا نجحت بنسبة 99,64 %
هاني : ألف ألف مبروك يا قلبي عقبال كل سنه يارب إنتي ولموسه
سديم + لميس : آآآآآآمين
هاني : يالله أنا بأروح أرتاح بغرفتي إذا أذن صحوني
سديم : إن شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-07-2009, 12:56 AM
<\3 Broken Heart <\3 Broken Heart غير متصل
©؛°¨غرامي ذهبي¨°؛©
 
الافتراضي رد: توصي شي أنا بكره مسافر


مره حلوه
يله كملي
نحنى ننتضرك
سلااامو
تحياتي
ليال الكوووون


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 22-07-2009, 01:07 AM
$ بسمة أمل $ $ بسمة أمل $ غير متصل
©؛°¨غرامي فعال ¨°؛©
 
الافتراضي رد: توصي شي أنا بكره مسافر


^_^ الجزء الثاني ^_^
أعطش لشوفك وترتوي بك عيوني .. لأنك غدير اللي من الوجد عطشان .. أشتاق لك شوق يحرك شجوني ..
شوق المحب اللي تعلق بخلان .. أهواك لآخر حد يرضي جنوني .. وأبقى ( أحبك ) طول عمري والأزمان ..
وإن ناقشوني فيك أو اسألوني ..؟ أقول : ما حبيت مثله ولا إنسان ..
بعد المغرب ...
غلا + ليان : السلااام عليكم
أم فراس : هلا يمه وعليكم السلام
غلا تسلم عليها : كيفك ياعمه
أم فراس : بخير الله يسلمك
ليان تسلم عليها : وشلونك عمتي
أم فراس : أحمر
غلا + ليان : هههههههه
ليان : من معلمك عليها يا عمتي
أم فراس : هاني في غيره الله يحفظه كيف أمكم ليه ما جت معكم
غلا : والله إنها ما تقدر مشغولة بس قالت أوصل لك سلامها
أم فراس : الله يسلمك ويسلمها تفضلوا حبايبي حياكم .. سديم .. لميس تعالوا بنات عمكم جو
سديم + لميس : هلا وغلا
غلا + ليان : هلا فيكم
البنات يسلمون على بعض ....
سديم : أحس إني اليوم فرحانه كثير
غلا : هههه دوم إن شاء الله
لميس : وين تبونا نقعد
غلا : عادي أي مكان
ليان : نقعد بالحوش
سديم : أوكيه .. ميري .. ميري
ميري : نعم سديم
سديم : خذي الفرشة وافرشيها بالحوش وودي القهوة والشاهي هناك لين ما نجي
ميري : أوكيه
أم فراس : سديم .. أنا رايحة عند أم عبد العزيز توها مكلمتني انتبهوا لأنفسكم وضيفي ضيوفك ولا تخلينهم يطلعون من
البيت لين ما يتعشون فهمتي
سديم : ابشري يالغلا
أم فراس : يالله أنا بأروح أبدل ملابسي
أبو فراس نازل من الدرج : هلا والله بنات محمد هنا
غلا تسلم على راس عمها : كيفك عمي وكيف صحتك
أبو فراس : بخير ربي يسلمك هلا ليونه
ليان تسلم على راس عمها : هلا فيك يا أبو الشباب كيفك وش أخبارك
أبو فراس : ههههههه تمام الحمد لله ( الشيب براسي وتقولين أبو الشباب )
ليان : والله ما شاء الله عليك يا عمي ما فيه أحسن منك
سديم : ههههه تبي واحد من أولادك
أبو فراس يبتسم : تبشر والله
ليان محرجه : لاااااااااااااااا
الكل : هههههههههههه
أبو فراس : يالله تامرون على شي
سديم : لا سلامتك
أبو فراس : أنا بأروح مع أبو إياد عندنا شغل نبغى نخلصه يالله مع السلامة
الكل : مع السلامة
فراس + هاني : ياولد
لميس : لحظة اصبروا شوي
دخلوا البنات المطبخ .....
سديم : يالله انزلوا
فراس : أبوي راح
سديم : إيه توه وين على الله إنت والأخ هاني
فراس : طالعين نتمشى مع إياد وبااااااااااااسل ههههههههه
هاني : إيه فديت بااااااااااسل
سديم معصبه : كل تراب إنت وياه ياللي ما تستحون
فراس يسلم على راسها : تامرين على شي ياالغلا
سديم : لا سلامتك
هاني : ها حبيبتي تامرين على شي ^_^
سديم : هاااااااااااني
هاني : هههههه أوكيه آآآآسف يالله باااي
سديم : باااااااي
طلعوا البنات الحوش وجلسوا يسولفون ويتقهوون
لميس : يالله وش رايكم نلعب لعبة صراحة
غلا محرجه : لا ماله داعي
سديم : اللي ما يبغى يلعب مو لازم
غلا : يالله أمرنا لله
ليان : أنا بأبدأ
البنات : أوكيه
ليان : لميس
لميس : هلا
ليان : صراحة وإلا جرأة
لميس : أمممممم جرأة
ليان : أوكيه ما طلبتي ممكن تروحين بيت أم عبد العزيز وتسلمين على راسها
سديم + غلا : لاااااااااااا وش هذا
لميس تبتسم : أوكيه
لبست لميس عبايتها وراحت
تن .. تن .. تن .. تن
أم عبد العزيز : عبير يمه روحي افتحي الباب
عبير : إن شاء الله يمه
لميس : السلام عليكم
عبير : هلا والله وعليكم السلام ليه ما جيتوا مع خالتي
لميس : معليش عشان بنات عمي موجودات في أحد عندكم
عبير : لا بس أمك تفضلي
لميس : السلام عليكم
أم عبد العزيز : هلا وعليكم السلام حياك يا بنتي
أم فراس : وراك جيتي صار شي
لميس : لا يمه ما صار شي
لميس تسلم على راس أم عبد العزيز : خالتي ممكن تخلين عبير تجي عندنا
أم عبد العزيز : هههههههه إيه عادي
لميس : يالله عبوره روحي البسي عبايتك مشكوره خالتي
البنات : سويتيهاااااااا
لميس : ههههههههه إيه
عبير : السلام عليكم
البنات : وعليكم السلام
سلموا البنات على بعض
سديم تصب القهوة لعبير : تفضلي
عبير : زاد فضلك
غلا : يالله نكمل اللعبة
عبير : وش تلعبون
سديم : صراحة وجرأة
عبير تغمز : آهااا أثاري حبة الراس مو عشاني
الكل : ههههههه
سديم : يالله دوري .. غلا
غلا : هلا
سديم : صراحة وإلا جرأة
غلا : صراحة
سديم : تحبين أخوي فرااااااس
غلا محرجه : أحممم .... إيييه
البنات : أووووووووووووووه حركات
غلا : وجع هههههه
عبير : دوري .. لميس صراحة وإلا جرأة
لميس: صراحة
عبير : وش شعورك لما هزأتك أبله ليلى لما قلتي لها أعربي أحبك موت والله
البنات : لميسووووووووووووه
لميس : ههههههههه
سديم : وش سويتي يالمهبولة
لميس : مره بحصة النحو كنت طفشانه المهم لما جينا للإعراب قلت أستاذة ممكن أعرب على السبورة قالت تفضلي ....
عبير : هههههههههههه
لميس تبتسم : شب يالفضيحة فضحتيني
غلا : كملي
لميس : المهم كتبت أعربي : أحبك موت والله .. قالت عبير : ضمير منفصل من قلب خله .. قلت : أنا إعرابي عكس الكلام
هو ضمير متصل تقديره (( إنت الكون كله )) وانفجروا البنات بالضحك بالصراحة أكلت لي تهزيئة محترمة بس الأبلة سامحتني
لأني ممتازه
البنات : ههههههههههههههههه
سديم : هههههه والله إنك هبلى
غلا : سديم صراحة وإلا جرأة
سديم : جرأة
غلا : أمممممم دقي على باسل وغني له
سديم : لا حبيبتي ما حزرتي وش قالوا لك
البنات : لا ما يصير كلنا نفذنا والحين لما جا دورك ترفضين
سديم : غلو حبيبتي اطلبي شي معقول
غلا : طلبي ما أغيره
سديم : والله فراس لو درى يذبحني
غلا : صدقيني باسل ما راح يعلم
سديم : دقي عليه من جوالك
غلا تدق : يالله خذي كلمي
عند الشباااب .....
فراس : هههههههه الله يقطع شرك يا إياد
إياد : هههههه و أنا صادق تقول بزر مضيع أمه
باسل : هلا غلا
سديم محرجه : ........
باسل : ألو غلا وش فيك
سديم تغني : بس قول أبغى وأنا أقول حاضر .. إنت الوحيد اللي كلامك أوامر .. خاطرك عندي ترى مو مثل غيرك
خاطرك يسوى ترى مليون خاطر ... توت .. توت .. توت
هاني : وراك مفهي وش صار لك
باسل : هاااه لا ولا شي بس هذي غلا تستهبل
هاني : إنت بس لو تشوف شكلك هههههههههههه
باسل يكلم نفسه : آآآآآآآه يا قلبي لا متى بأصبر (( صوتها عذاب )) صدق إني طحت ولا أحد سمى علي
عند البنااااات ........
سديم : الله ياخذكم إحراج وش بيقول عني الحين
غلا : المسكين فهى ما عاد يدري وين هوى داره
البنات : هههههههههههههه
ميري : سديم العشى جاهز
سديم : أوكيه يالله بنات ندخل جوه .. ميري حبيبتي شيلي الأغراض
ميري : أوكيه
بعد ما تعشوا البنات ...
عبير : يالله مع السلامة بالصراحة استانست معكم
سديم : حياك الله حبيبتي في أي وقت
فراس + هاني : يا ولد
سديم :هلا حبايبي تعشيتوا وإلا أحط لكم عشى
فراس : لا حبيبتي تعشينا وين البنات
سديم : هناك جوه
فراس : قولي لهم إياد وباسل يستنونهم برى
سديم : أوكيه خلاص اطلعوا فوق
هاني : إيه والله إني تعبان بروح أنام بكره عندي دوام تصبحين على خير
سديم : وإنت من أهله
أم فراس : السلام عليكم
فراس + هاني + سديم : وعليكم السلام
أم فراس : ما بعد يجي أبوكم
فراس : إلا توه كلمني يقول جاي بالطريق
استراحة .....
حين ترتشف فنجان قهوة تذكر أن الصديق الحقيقي هو الشخص الذي تجرؤ أمامه على أن تكون على
حقيقتك .....
اليوم الثاني بالصباح .....
عبد الله : السلام عليكم
الكل : وعليكم السلام
أم فراس : هلا يمه تعال أفطر
عبد الله يسلم على راس أبوه : كيفك يبه
أبو فراس : بخير الله يسلمك
عبد الله يسلم على راس أمه : كيفك يالغلا
أم فراس : بخير حبيبي
سلم عبد الله على إخوانه وجلس على الطاولة يفطر
فراس : عبد الله وأنا أخوك اترك العسكرية واشتغل معنا أريح لك
عبد الله : لا ما راح أتركها
هاني : طيب ليه ما تشوف نفسك كيف تعبان
عبد الله : اتعب وأضحي عشان وطني بعدين هذا حلمي من يوم أنا صغير
أبو فراس : الله يهديك يا ولدي
عبد الله : آآآمين .. طلعت نتيجتك سدومه
سديم بفرح : وأخيرا سألت أنتظرك من أول تسأل إيه حبيبي نجحت
عبد الله : ألف مبروك يا حلوة كم نسبتك
سديم : 99,64 %
عبد الله : ما شاء الله عقبال كل سنه نفرح فيك إنتي ولميس .. وش تبغين هديتك
سديم : وجودك معنا تسوى عندي الدنيا كلها هذي هديتي
عبد الله : فديت لسانك اللي يقطر عسل .. يالله أنا بأروح أرتاح بغرفتي تامرون على شي
الكل : لا سلامتك
أبو فراس : يالله فراس مشينا
فراس : يالله هاني متى بتروح
هاني يقوم من الكرسي : هذا أنا رايح الحين يالله مع السلامة
أم فراس + سديم + لميس : مع السلامة
فراس : إلا صحيح سديم قدمتي بالجامعة
سديم : لا الحين بأروح أسجل اسمي عن طريق النت
أبو فراس : طيب وش ناوية تدخلين
سديم : إدارة أعمال
أبو فراس : زين الله يوفقك
في الشركة ........
أبو فراس : السلام عليكم
راكان : وعليكم السلام
أبو فراس : أحد اتصل يطلبني وإلا في مواعيد
راكان : إيه طال عمرك تو أبو عبد الله مكلمني وطلب موعد عشان يقابلك
أبو فراس : خلاص قول له يجيني الساعة 10 الظهر إذا يناسبه
راكان : ابشر طال عمرك
بغرفة أبو إياد .....
أبو إياد يكلم أبو فراس بالتلفون : هلا أبو فراس
أبو فراس : تو أبو عبد الله ماخذ موعد من راكان
أبو إياد : أبو عبد الله ( طلال ) اللي يشتغلون عنده عيالنا
أبو فراس : إيه هو ما غيره
أبو إياد : طيب متى حددت الموعد
أبو فراس : الساعة 10 مناسب الوقت
أبو إياد : إيه مناسب
أبو فراس : خلاص إذ جا أبغاك تجي إنت وفراس وإياد بغرفة الاجتماعات عشا نشوف وش يبغى
أبو إياد : خلاص بأحاول أخلص الملفات اللي عندي بسرعة يالله تامر على شي
أبو فراس : لا سلامتك مع السلامة
أبو إياد : مع السلامة
بغرفة فراس وإياد ....
فراس : إياد
إياد يوقع الأوراق اللي عنده : همممممممم
فراس : طالعني لأحذفك الحين بالكاس اللي عندي
إياد : هههههه أعصابك طيب هاا هذا أنا أطالعك وكلي آآذاان صاغية
فراس : أنت ما تلاحظ شي بحمد
إياد : الموظف اللي عندنا بالشركة
فراس : إيه هو ما غيره
إياد : وش فيه إنسان محترم من حاله في شانه
فراس : ركز معي زين أنا أحس إنه يسوي شي من ورانا
إياد : مثل إيش
فراس : ما أدري عندي إحساس إنه يعطي معلومات عن شركتنا لشركة منافسة
إياد : إحساس يعني مو أكيد ماله داعي نظلم الرجال
فراس : بس أنا كل ما أدخل عليه ألقاه يصك التلفون بسرعة وهو مرتبك
إياد : والله ما أدري وش أقول لك بس إحنا لازم نتأكد قبل ما نسوي أي شي
فراس : وهذا المطلوب
طق .. طق .. طق .. طق ..
فراس : ادخل
حمد : السلام عليكم
فراس + إياد : وعليكم السلام
فراس : من متى وإنت واقف عند الباب
حمد مرتبك : هااه ... إيه .. إيه توني قبل شوي
إياد يطالع فراس : أممم طيب وش تبغى
حمد : عندي الأوراق هذي وتحتاج إلى توقيع وختم
إياد : أوكيه حطها على الطاوله وأنا راح أطلع عليها
حمد : مشكورين
فراس : صك الباب وراك
حمد : ابشر طال عمرك
فراس : أنا ما قلت لك
إياد : معناه إنه سمع كلامنا قبل شوي وأكيد إنه راح ياخذ احتياطه عشان ما نكشفه
فراس : صدقني إنه بينكشف وعلى إيدي أنا
إياد : الله يستر أوكيه لازم نخلص هذي الأوراق بسرعة
فراس : عطني أشوف
.............


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 22-07-2009, 01:29 AM
آلشقرآ .~ آلشقرآ .~ غير متصل
©؛°¨غرامي فضي¨°؛©
 
الافتراضي رد: توصي شي أنا بكره مسافر


.,

هلا وغلا
يعطيك العافيه
بالتوفيق


.,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 22-07-2009, 01:30 AM
ترآآآآآآنيم ترآآآآآآنيم غير متصل
©؛°¨غرامي متألق ¨°؛©
 
رد: توصي شي أنا بكره مسافر


وااااااااو..حمااااااااااااااس..

اممم شكل سديم تحب باااسل..وغلا تحب فرااس<<ماشاءالله مرررة ذكية

(حين ترتشف فنجان قهوة تذكر أن الصديق الحقيقي هو الشخص الذي تجرؤ أمامه على أن تكون على حقيقتك.. )<<اعجبتني مرررة


ننتظركـ يالغلا..


تقبلي مروري..


ترآآآآآآآآنيم


الرد باقتباس
إضافة رد
الإشارات المرجعية

توصي شي أنا بكره مسافر / بقلمي , كاملة

الوسوم
مسافر , تنسى , بكره
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6653 الأمس 07:14 AM
رواية ما دريت إن الليالي غيرت قلبك علينا ما خطر لحظة ببالي تنسى كل اللي عطينا / بقلمي ، كاملة •}.جُـgد الـζـزِنْ •° روايات كامله - يتم نقل الرواية هنا بعد اكتمالها 468 06-10-2013 09:19 AM
ليش ما تعترف بحبك لي ؟ / بقلمي ، كاملة اح ـساس م ـحششه روايات كامله - يتم نقل الرواية هنا بعد اكتمالها 130 29-06-2013 04:05 AM
رواية ضحية زمن / بقلمي ، كاملة شاربه فليت و مضيعه البيت روايات كامله - يتم نقل الرواية هنا بعد اكتمالها 95 23-04-2013 08:56 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 06:04 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم