اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 25-09-2009, 05:16 AM
صورة االحب خالد الرمزية
االحب خالد االحب خالد غير متصل
©؛°¨غرامي مشارك¨°؛©
 
الفرق بين عيال العليا وعيال النظيم


الفرق بين عيال العليا والسلمانية وعيال النسيم والنظيم... بالرياض




الفرق الشاسع بين ورعان حي العليا والسليمانيه (الهاي هاي) وورعان حي النسيم والنظيم بالرياض ..!!
(
ورعان العليا والسليمانيه بالرياض
)
في الصباح حيث يبدأ يوم هؤلاء الورعان عندما يستيقظ على صوت
الكناري اللي بغرفته , بعدها يتوجه للحمام يتروش ويفرش أسنانه ويطلع
من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على أمه وأبوه وأحلى
بوسه ياخذها منهم
ويفطر ذاك الفطور طبعا عباره عن كورن فليكس أبو ديك وبيضه وحده بس!!
وكاس عصير وشوية زبده مع العسل على خبزه
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه
(
ورعان حي النسيم والنظيم
)
هؤلاء الورعان مايصحوا من النوم الصبح إلا بعد ما يطلع الواحد عين أهله ولازم جميع أفراد العائله تمر عليه
عشان تصحيه وكل واحد وطريقته
الاب: قم جعلك الهزل ..!!
الأم: قم جعلك الجدري ..!!
الأخ: والله إذا ما تقوم لافقع وجهك ..!!
أخته: < تسوي نفسها بتدلعه> : يالله قوم وأعطيك شنطة أخوك تروح فيها

للمدرسه ..!!

بعد ما يقوم يمر الحمام على السريع ويغسل وجه
وبعدين ياخذ أقرب كتب عنده ويربطها ويجيك مدحدر يدور الفطور ويتفاجأ
أنهم ما حطوه ..!!
بعد ما يجي الفطور وهو كالعاده فول شكشوكه وخبز تميس + حليب ..!!
يبدأ الورع بالأكل وشوي إلا وهو حاذف أخوه بعلبة الهندسه ..!!
عشانه سحب صحن الفول من عنده <مسكين ما يطوله> وشوي الا وهو
مسدد بقس عنيف يمشي مليوووووووووووون لأخوه الثاني!!
لأنه سرق فسحته..!!
أبوه يتكلم معه يا ورع أركد وأفطر وعين خير أنت وش بلاك؟.. وراك مدرسه
يرد الورع عليه: انت ما تشوف سعيدان سارق فسحتي ..!!
<<سعيدان اكبر سروق بالبيت>>
أبوه على طول يصدق ويصـــــــك سعيدان كف صدقي ..!!
المهم بعد ما يخلص الفلم اليومي يروح الولد للسياره يلقى أخوه فاتح
الكبوت ويصب ماء للرديتر المشقوق تقفل أخلاق الورع وينقز للشارع ويأشر لأقرب سياره ويروح للمدرسه ..!!
(
ورعان العليا والسليمانيه
)
بعد المدرسه يرجع الورع ويلقى المربيه في استقباله تاخذ
الشنطه وتوديها لغرفته بصحبته
يغير ملابسه ويغسل وجهه ورجليه
ويستريح له ساعه في أنتظار افراد العائله عشان يتغدى وبعد الغداء
الرايق
يروح لغرفة الجلوس ويشرب شاهي للتهضيم , ويحلي بقطعة كيك وبعدين
يروح لغرفته ينام له ساعه قبل العصر.
(
ورعان النسيم والنظيم
)
الورع منهم يجي من المدرسه وثوبه قالب لونه بني<< تقول جدار مدرسه >>
ولا دخل البيت رمى الشنطه بالصاله وفصخ ثوبه
ووينك يالشارع << أخوياه يحترونه>> وهاتك ياللعب
كوره بذي القايله وعاد الشارع مولع من الحراره وهم عادي مررره
ولا كأنه فيه شيء واهله ما يدرون ..!!
في هذه الأثناء يرسل أبوه كتيبه من اخوانه للبحث عنه ولا لقوه وجابوه
للبيت قام يصيح طقوني وسحبوني قدام الناس << والله ما أحد لمسه النصاب>>
المهم يحطون الغداء <<معروف كبسة لحم>> غيره ما فيه ..!!
يتغدى الورع الكريم ويصــــــــــــــــــك بعدها لتر لبن
بعدها يجلس ساعه فاتح فمه
يحتري من يوديه يغسل له يديه ..!!
(
ورعان العليا والسليمانيه
)
ورعان العليا والسليمانيه لاجاء العصر جابوا دروسهم وشافوا وش عليهم من
واجبات وحلوها وحضروا دروس بكره بمساعدة الماما والبابا
بعدها يروح لغرفة الألعاب ويجلس على البلاي ستيشن 2 وخذ لعب
لمدة ساعتين تقريبا يعني الى وقت ما بين المغرب والعشاء
بعدها تطلبه أمه مع بقية أخوانه عشان يجتمعون ويشربون العصير
ويسولفون سوالف رايقه
(
ورعان النسيم والنظيم
)
يجي وقت العصر وهو نايم << مفعول اللبن >> يقوم قبل المغرب
وياخذ دروسه وواجباته << وأقلامه ناسيها في درج الطاوله اللي بالمدرسه>>
ويروح عند أخته ويتحايل عليها بكل ما أوتي من قوه علشان تحل له
الواجبات واذا قالت لا ياويلها يا سواد ليلها..!!
بعد كذا أنواع الدجه مع ورعان الحاره ومن هم على شاكلته ما يخلون
هندي الا وسرقوا سيكله ..!!
مايخلون شارع فيه تفحيط إلا ومروا عليه وخذ إزعاج ووجع راس لخلق الله ..!!
ولا رجع البيت << على الساعه 11 الليل تقريبا >> تلقى راسه مفلق من
جميع الاتجاهات والشرطه تدوره وجارهم مسوي أعلان عليه مطلوب
حي أو ميت ..!!
وأهله مساكين مايدرون عنه ..!!
(
ورعان العليا والسليمانيه
)
بعد مايتعشى الواحد منهم ويمسي على أهله يروح لغرفته ويجلس
على النت ساعه أو ساعتين إلى موعد نومه << الساعه 10 تقريبا >>
بعدها يغير ملابسه , وتجي المربيه وتحكي له قصه اللين ينام تغطيه وتطفي النور ..!!
(
ورعان النسيم والنظيم
)
لا رجع البيت<<الساعه11الليل>> ما يدخل مع الباب لا
ينط من فوق السور علشان ابوه ما يمسكه..!!
وعلى طول لغرفته ويسكر الباب ويطفي النور ويطل من الشباك على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه ..!!
وفي أثناء ذلك يستغل الفرصه ويدز للمطبخ وياخذ منه جبن << جبنة البقره الضاحكه >>
وخبز ويرجع لووووووووووكره (( غرفته ))
ويقفل باب الصندقه << الغرفه>> ويتعشى من ذا الجبن والخبز
الين يدوخ <على الساعه 3>> لا وأزيدكم من الشعر بيت ما ينام
إلا وهو متلطم ..!!

هههههههههههههههههههههههههههههههههههههههههههههههههه هههههههههههههههه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 25-09-2009, 05:43 AM
صورة !! أنـثـى الـ خ ـيـآلـ !! الرمزية
!! أنـثـى الـ خ ـيـآلـ !! !! أنـثـى الـ خ ـيـآلـ !! غير متصل
حَرمٌ رآإشدُ إلمآجٌدٍ
 
الافتراضي رد: الفرق بين عيال العليا وعيال النظيم


يسعدك ربي
العذر منك و السموحه
مكرر هون
الفرق بين اطفال الاجانب واطفالنا المهبل


ينقل للارشيف
/



موضوع مغلق
الإشارات المرجعية

الفرق بين عيال العليا وعيال النظيم

الوسوم
العليا , الفرق , النعيم , عيال , وعيال
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
وش الفرق بين المحبة والمعزة؟؟ ~ d7mani ~ نقاش و حوار - غرام 11 11-10-2008 03:14 PM
محافظة قرية العليّا (معلومات & صور) مرآيــم سياحة و سفر 11 24-08-2008 10:32 AM
الفرق بين البخل والشح عالي خليجي مواضيع إسلامية - فقه - عقيدة 11 09-04-2008 05:42 AM
الفرق بين الزوجة والسكرتيرة أبويامن نكت - ضحك - وناسة - فرفشة 10 25-03-2008 08:16 PM

الساعة الآن +3: 05:58 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم