اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-09-2009, 03:09 PM
صورة وميض شمعة الرمزية
وميض شمعة وميض شمعة غير متصل
©؛°¨غرامي مشارك¨°؛©
 
الافتراضي رواية نعم للحب لكن بكرامة ، خسى حب يسقيني مذله


السلام عليكم ورحمة الله وبركاته

وددت ان انثر بين صفحاتكم قصتي الثانية والتي بعنوان:
~ نعــم للحـــب لكـن بكرامـــه خســى حـــب يسقينــــي مذلــه ،، ارد القلـب لـو طاغـي هيامـه واعـز النفـس عـن درب المذلـــه ~

غيرت مساراها عن مسار قصتي الاول
تداركت الاخطاء وبدأت بترميم الفجوات التي كانت في قصتي الاول.

وهاهي قصتي بين اناملكم .
وهي تحكي عن قلوب سوداء ملاؤها الحقد
ملاؤها حب التملك .
ملاؤها الحقد والحسد .
ملاؤها الكره والبغض .
ملاؤها النفاق .
ملائتها الذنوب .
لم يعد للخوف من الله مكان .
في كل مكان في القلب امتلاء كره وحقد وحسد وبغض وذنوب ونفاق .
وقلوب تجردت من الانسانيه.
دنست القلوب الطاهرة .
وقلوب بيضاء.
ترممت على الحب للخير.
قلوب تجرعت من الظلم القاهر .
قلوب تجرعت من الخيانه .
وقلوب تجرعت الانتظار الممل

وهاهي روايتي المتواضعه بين ايديكم
تتقبل كل الانتقادات والتوجيهات بصدر رحب.
انا كاتبة اجزاء من القصة كثيرة
واذا نالت الرواية على اعجابكم
راح انزل في الاسبوع الواحد جزئين
اذا الله اراد

واحب ابلغكم ان الخواطر منقولة




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-09-2009, 03:12 PM
صورة وميض شمعة الرمزية
وميض شمعة وميض شمعة غير متصل
©؛°¨غرامي مشارك¨°؛©
 
الافتراضي رد: نعــم للحـــب لكـن بكرامـــه خســى حـــب يسقينــــي مذلــه قصة سعودية


غ ـرٍيبهـ دنيــــــآيٍْنا

تصدمنا بمن عرفنا
وتكشف لنـا الستار عن أصالة معدن من لم نعرف
تجبرنا أن نجامل من لا نريد
ثمـ نكتشـف بعـد أن نفارقـهمـ أنهـمـ وحدهمـ من استحق
كـل أكوامـ الحُب المتراكمـ في صدور العاشقين

.............


حٍْ ـزٍينهـٍْ دنيـــآيٍْنا

تسلبنــا الحُـب بعد أن ملكناهـ
وتخطـف منـا الحبيب بعـد أن أحببنـاهـ
توهمنـا بسعـادة اللقــــــــاء
ثمـ تصفعنــا بمـرارة الفـرااااق

......................

صغٍْ ـيرٍهـٍْ دنيــــــــآيٍْنا


نلاقـي صنـوف البـشر في غمـرة اللحظـات
نفــــاارٍقهمـ وتمضي السنين
وننساهمـ وينسونـا
ثمـ وبذات اللحظهـ حنونهـ و جميلهـ
نلاقيهمـ بـلا ميـعاد وبصدفـهـ مع القــــدر


.............................

أليمٍْـهـٍْ دنيـــــــآيٍْنا


تشعرنـا بالضعـف والمـرض والعجـز قـلة الحيـلة
تقســو علينـا
بخيانة صديـق وهجـر حبيـب
وفقـد غـآلي ورحيل اعز الناس لدينـا
هي دنيـــا نحياهـا
تقلبنــا بيــن صفحـاتــها
وتنـزلنــا في محطـاتــها
تسقينــا مرهــا
تضحكـنــا وتُبـكينــا تسعدنــا وتُشقـينــا
نحيــا أيـامها وليــاليــها

لنبدأ بالقصة
.
.
.
.
.
.

الشخصيات :

الجدة ام عبد العزيز ( منيرة ):مره كبيرة بالسن بس انها نشيطة بالحيل وطيبة وحنونة وتحب الريم وجواد اكثر احفادها وعندها 4عيال ....

الكبير:عبدالعزيز
(ابو فهد):عصبي جدا ومطلق زوجته ومتزوج وحده ثانية (راح نعرف غموض هذا الادمي مع الاحداث وعنده ولدين وبنتين:
ام فهد:مره شريرة وكل نجاسة الحريم فيها وماتطيق عيال رجلها ريم وطلال وتفتن وتتبلى عليهم دايم(عيالها هناء وفهد)
الكبير فهد:عمره 30 سنة متزوج من بنت عمه رهف وعنده ولد عمره 5 سنوات واسمه عبدالرحمن هوحلووو وبشرته حنطيه وطيب وحبوب وحنون وبنت عمره 3 سنوات سمها عبير
الولد الثاني طلال:عمره 25 سنة وسيم بشكل وطويل شعره لون بني فاتح وفرفوش وماخلى بنت في الديرة الا وكلمها وعصبي شوي ويحب اخته الريم لانها دايم مظلومة وقريبة .
البنت الريم:جميلة بشكل خشمها صغير عيونها نعسانة شعرها طويل اللين نصف فخذها واسوووود كالفحمة وجسمها ملفوف وبيضاااء وتحب ولد عمها جواد بس هومايعطيها وجه عنييييييييدة بالمرة واعصابها باردة
فرفوووشه ومرجوووووجه لاخر درجه وماتحب احد يتأمر عليها ودايم تصير لها مشاكل مع مرت ابوها لانها ماتنفذ اوامرها وعمرها 19 سنة(هي وطلال اخوان اشقاء ومن االمره الاولى )
هناء:اصغر من الريم حلوة وجذابة بس اللي طاغي على جمالها اخلاقها ونجاستها وعمرها 17 سنة شعره قصير لحد الكتف وناعم ولونه بني.


........................

عايلة سلطان:

ابو جواد :اب كبير وحنون ويموت على جواد بس مابين له ودايم يقسى عليه بعض الاحيان .
ام جواد(نور) :مره طيبة وحبوبه وتحب الطبخ وشغل المطبخ وتموت على الريم وتتمناها لسلمان ولدها.
جواد : جميل بشكل خشمه مثل سلة السيف عيونه وساع وحاده ورموشة كثيفة عليه نظرة تجنن وعصبي بالحيل وقاسي القلب لكنه من الداخل حنون ومايحب يبين حنانه وعنيد مرة طويل وجسمه رياضي شعرة اسود ويحب التأمر ومغرور للي مايعرفه عمره 26.
سلمان : ولد حبوب وحلو اسمر وفيه شبه من ابوه كبير فرفووش مررره عمره ( 24 سنه )


نوف : بنوته طيبه ومررره حلوة
شعرها مقصص الين نص ظهرها فرفووشة ودلوعه مسميه لولد عمها رااااشد وعمرها 18 سنة.

...............................................

عائلة محمد

ابوراشد : اب حبوب وطيبويحب عياله كثير .
ام راشد:طيبة وحبوبة .
رهف:بنت حبوبة وطيبه ورزينة ومتزوجة من فهد عمرها 28.
راشد:شاب وسيييم مرررة واغلب خرجاته مع طلال واطباعهم وحده وفرفوش وحبوب يحب يتملك الشئ وعمره 25.
شيماء:بنوته طيبة وحبوبة ودلوعة حلوووة مره وشعر الين نص ظهرها لونه بني وتحب الكشتات مع بيت عمها وهي وريم كالاخوان وكل اسرارهم عند بعض ودايم يسوون مقالب في نوف واحيانا في تركي وهناااء اللي تقلب الدنيا عليهم وعمرها19 سنة .

...............................

واصغر عيالها تركي:شاب وسيم مررررره وحبوب ويحب جواد ويفضله على الكل ودايم مع طلال وجواد طويل وجذاب وشخصيته رزة عمره 28 سنة ومع جواد اكثر شئ فرفوش لابعد درجة

ــــــ _ــــــ_ــــــ_ــــــ_ــــــ_ـــــــ_ـــــــ_ ــــــ

بداية القصة
77777
777
77
7
البيت الكبير

بيت الجدة ام عبدالعزيز

طبعا الجدة مسويه عزيمة كبيرة عازمة فيها كل الاهل والقرايب

الساعه 4:00عصرا

ريم وطلال واقفين عند الباب

طن طن .. طن طن

ماريا تفتح الباب وبابتسامة:مرحبا ريم مرحبا ادخل ادخل ..مرحبا مستر طلال(طبعا بلهجة الجاويات)طبعا ماريا تحب ريم مررره خخخ
ريم تبادلها الابتسامة :اهلين كيفك ماريا؟؟
ماريا:بخير الحمدلله.
دخلوا طلال وريم
طلال يساسر ريم:مو كانك معطيه الجاويات وجه بزيادة؟؟.
ريم:حرام مو اوادم؟؟.
الجدة بفرح:هلا هلا يمه الريم هلا طلال تو مانور البيت.
ريم وهي تبوس راس جدتها:هلا فيك يايمه البيت منور بوجودك ...كيف ان شالله بخير؟؟
الجدة:بخير دامك بخير يايمه.
طلال:زيحي عني ابي اسلم على امي وقرب منها:شلونك يمه ان شالله بخير.
الجدة:بخير الله يسلمك وشلونكم انتوا.
ريم وطلال:بخير الله يسلمك.
الجدة:جايين بدري.
ريم:ايه قلنا نقعد معاك قبل يجوا المعازيم بعدين ماناخذ راحتنا .
الجده:حياكم الله.
وقعدوا سوالف مع الجدة.

................................

الساعه 5:30 عصرا

في بيت بوجواد

جواد بعصبيه:يمممممممممه قووولي للحيوانه اللي فوق تنزل بسرعه ماني سواق ابوها انا.
ام جواد تكلم نوف تعجل عليها:يانوف بسرعه اخوك من اليوم ينتظرنا تحت .
نوف :خلاص يمه بلبس عباتي ونازلة.
وبسرعه لبستها ونزلوا.
جواد واقف على الدرج ويوم شافهم نازلين:بدررري بدررري ليش جيتوا لو قعدتوا شوي.
ام جواد:هوووه ياجواد علامك كانا جينا.
جواد مشى وركب السيارة.
وركبت نوف وامها.
وحررركوا على بيت الجده.
وصلوا ونزل الكل للجدة
.............
بيت الجدة

طن طن..طن طن

الجدة:مريم روحي فتحي الباب .ماحد رد.(طبعا الجدة تسهل الاسم عليها خخخ)
الجدة تعيد مره ثانيه:مريم وكمخه ان شالله.
طن طن..طن طن..طن ..طن وراء بعض
طلال :مافي غيرك ياريم قومي فتحي الباب.
ريم اكره شئ عنده تقوم تفتح الباب:يوووووه
قامت ريم بعصبيه ووصلت لعند الباب

ريم بصوت عااالي:منننننننننننن؟؟؟
جوااااد عصب:فتحي الباب.
ريم قلبها قام يدق .
طن طن طن طن طن
ريم :فتحت الباب
جواااد:بدري كان مافتحتوا .
ريم طنشته
ام جواد ونوف :السلام عليكم.
ريم مرتبكه بوجود جواد:هلا وعليكم السلام تفضلوا.
ودخلوا داخل.
ريم راحت وجلست يمين جدتها.
الجدة :يمه ريم صبي القهوه للعرب.
ريم قامت وهي الى الان الارتباك مسيطر عليها:ومسكت الدله وقامت تصب لهم طبعا يوم وصلت عند جواد حطتها على الطاوله لانها ماتقدر تمدها له.
وراحت قعدت .
الاشوي ويجي عمهم تركي.
تركي:السلام عليكم .
الكل:وعليكم السلام.
ريم بفرح:هلا والله بترروك زمان عنك.
تركي جا وجلس جمبها :هلا فيك والله ياطويله العمر انا رجال بزنس مال يعني عندي اشغال مو فاضي للبزارين.
ريم بسخرية:ههه امحق بزنس مال ؟؟
تركي بثقة:يسسس والا مو عاجبك.
ريم:هههههههه لاوالله مو عاجبني عاجبني اللي يسرق من شنطة امي.
تركي قرصها بقووة.
ريم:آآآآآآآآآآآي.
الجدة قعدت تناظر فيها وفجأه كأن المعلومة توها توصل لها .
الجدة بعصبية:هووو ياتريكي وانا اقول الفلوس كل يوم تنقص اتاريه انت يالحرامي.
تركي:يمممه تصديقنها انا بس احيان مايكون معاي فلوس في البيت واتعيجز اروح للبنك وبدال البنك عندي وشوله المشورة الزايده
ريم:ههههههههههههههههههههههآآآي .
الجدة:والله ماعاد اخلي الشنطة على دربك ياترييييك. وتعطيه ضربه بالعصا على جنبه.
الكل : ههههههههههههههههههههههه
تركي يتوعد الريم:انا اوريك شوي.
الجده:اذا كان فيك خير وريها .
الكل:ههههههههههههههههههههههه.
..............................................

بعد المغرب

بدأوا المعازيم بالتوافد .
بعد صلاة العشاء تقريبا الكل موجود
عند الحريم

سهى بدلع : اوووووووف تفش
ريم بنرفزة: ليش جيتي اجل ؟
سهى ناظرت فيها بحقد : مو شغلك لقاااافة
نوف بهمس : خخخخخخخ لقطي وجهك
ريم تدفها : مو شغلك انت الثانية
شيماء :ههههههههههههه عيونكم تتناقز قدام انت وياها قوموا شيلوها
ريم + نوف : مو شغلك

الكل :هههههههههههههههههههههه

سهى تناظر فيهم وحاقدة ماتدري على ايش يضحكون وقامت راحت المطبخ
جلست وتدور احد من خوياها
وجلست تكلم معاه بمياعه ماصخة

في هذي اللحظة جواد كان يبي يروح المطبخ يجيب القهوة ويتمنا انه يشوف حبيبته سهى
جواد بينه وبين نفسه:يارب اشوفها اشتقت لها كم لي ماشفتها.
ودخل المطبخ
سمع اخر شئ كان يتمنى يسمعه.
سهى بمياعه زايييده:هههههههههههه لاوالله انا والله امووووت فييييييييك..... بدا صوتها يميل للحقد:هآآآآه جوووواد لا ماعليك منه زي الخاتم بصبعي......اقول لك يموت على التراب اللي امشي عليه ....ههههههههههه طبعا من اللي مايحبني .......لسه حبيبي بدري .......لاحموددي والله انا كمان راح اشتاق لك ...باااااي حبي (هنــا جواد انصعق)
مالفت ظهرها الا ذاك الكف على وجها.
جواد:بعصبيه:ياقليلة الادب ياللي ماتربيتي (وراح يمسكها من شعرها)انا اللي اموت على التراب اللي تمشين عليه هآآآآآآآه انا اوريك ويلفها عليه ويعطيها كف قلب وجهها ويجرها مع شعرها...
سهى وهي تبكي:آآآآآآآآآآآآآآآآآآه آآآآآآي اترك شعري آآآآي يمممممه خاااااااااالتي آآآآآآآآآآآه
جواد:سكي فمك ولك عين تتكلمين.
سهى:جواد والله انا ماسويت شئ والله.
جواد يشدها مع شعرها بيد واليد الثانية مسك فيها وجها وضغط باصابعه بقودة على وجها :لا غبي قالو لك انا سمعتك باذني سمعتك بذوووني باقليلة الادب ولاتصدقين اني ميت فيك هه وايش يدريني عنك وعن بلواك يابنت الكلب .
الحريم جوا على الصوت
ام جواد:جواد يمه ايش فيك. وقربت ورمى جواد سهى بقوووة عليها
جواد صار يتنفس بقوة :طلعوووها من هنـــا طلعوها الله يلعنها ويلعن الام اللي ماعرفت تربي.
ام سهى بعصبيه:هييييييييييييييي انت اشفيك على بنتي ماهي عبدة ابوك..
سهى تناظره بخووف والدموع على خدها خايفه يتكلم.
جواااااد بعصبيه وفتح ازرار الثووووب وصار يتنفس بقوووووة: خذي بنتك وانقلعي براااا لابارك الله فيك ولا في بنتك طلعي براااااااااااااا برررررررررا يالله.
الجدة بخوف:جواد ايش فيك يايمة.
جوااد ناظرها بعصيه:مافيني شئ.
البنات كانووا يناظرونهم .
وريم مانزلت عينها عن جواد وقلبها يدق بسرعه.
ريم تكلم نفسها:وآآآآه ياقلبي عليه شكله تعباان.
جواد لف عنهم وطلع برااا.
سهى وهي الى الان تبكي:يمه يالله نمشي مالي قعده هنا.
ام سهى بعصبيه وهي تكلم اختها ام سلمان:هذي اخرتها يام سلمان ولدك يذل بنتي قدام العرب هذي كلها.
ام جواد استحت من اختها:والله يام سهى مادري ايش اقول لك امسحيها بوجهي هذي المره.
ام سهى قامت اخذت عباتها وكلمت السواق يجيها.
ام جواد:بدري توو الناس ياوخيتي.
ام سهى:مالي قعده في البيت اللي انطردت منه انا وبنتي وانهنت فيه.
ام جواد:صدقيني جواد اذا عصب ماينقرب والله العظيم.
ام سهى انفجرت بوجها :وايش دخل بنتي فيه بالله هااااه سكتي زين بالله.
ودق الجوال يخبرهاا السواق انه صل وطلعت هي وبنتها.

........................................

نروح لجواد


♥ิ.•ั
تعرف أننا أصبحنا نخون ((الــحــــب♥))....!!!
ولا نبالي...
ولم نعد نعرف متى يكون ((الــح ـــب♥)) صادق أو كاذب...
أصبحت كلمات ((الـــح ـــب♥)) في هذا الزمان نفاق...و كذب..
و تتنقل عباراته بسرعة مثل البرق...


جواد اول ماطلع من عندهم ركب سيارته ومشى
راح عند مكان يحبه مررره
على البر
جواد قعد على الرمل وانسدح وهو يحس بضيقة مسح على صدرة وهو مكشر بوجه يحس بالم بس مو عارف مكانه
شال الرمل بيده وقعد يتناثر من بين اصابعه .
جواد:ليييش ياسهى سويتي كذا ليش ليش يالخاينة انا احبك والله احبك لو تطلبين عيوني اعطيك اياها بدون تردد....بس (قام قاعد)بس مو انتي اللي انا خاتم باصبعها مو انا اللي تنزلي شموخه بالارضانا اللي اهين كرامتك هه اخر عمري بنت تهيني ورجع انسدح هه ( مسح على شنبه )
حط يده ورى راسه.وانسدح وقعد يفكر.
شوي قام وركب سيارته وحرك.
...................

نروح لبيت الجدة
ريم تكلم نفسها:اموووت واعرف ليش ضربها وقال لها كل ذا الكلام اكيد سوت شئ وابتسمت بخبث :احسن تستاهل خل تتربى قليلة الادب قاعده قدامه بذاك اللبس يارب ماعاد يبيها ويصير لي اناااا ضحكت على نفسها :والله اني خبلة وضربت راسها عيب يابنت ذا التفكير هههههههه
شيماء : الحمدلله والشكر انجنت البنت
ريم انتبهت لها: لاحول ولا قوة الا بالله يعني الواحد مايضحك مع نفسه شوي
شيماء تطنز عليها : لاياقلبي اختلي بنفسك شويات مو شوي منها العيال ومنك المال
ريم ترمي المخده على شيماء : اسكتي واللي يسلمك
نوووف:ريمه.
ريم التفت بشقاوة:هلا.
نوف:تتوقعين جواد ليش ضربها.
ريم :حمدلله والشكر هذا وانتي اخته ماتدرين اجل انا بنت عمه ايش يدريني
نوف:خلاص اسكتي اسكتي الشرهه على اللي تنازل وكلمك
ريم : امحق تنازل ومن تكونين باريس هليتون
نوف : واحسن منها بعد
شيماء : خلاااااااص من جد بزران اسمعوا
النات قربوا يبون يعرفون السالفة : خيرررر
شيماء :شو رايكم نسوي تحريات وتحقيقات ونعرف جواد ليش عصب كذا وضربها
ريم : مرررره يالبى قلبك متأثرة بالمحقق كونان
شيماء : ترا مايتابع ذا الفيلم الا الاذكياء وتاشر على نفسها بس خلوني اكمل لكم وماراح يعرف يجيب لنا السالفة كاملة الا نوف
نوف انصدمت : وشو تبون تذبحوني
شيماء : يالخبلة خليه يوم يكون هادي وفاتحيه
نوف : نونونونونووووووو امبيسيبول ( مستحيل)
ريم باحباط : وااااااااي ( لماذا ) الاخت مسوية فنانة في الانقلش
نوف : حاكم انتم ماتعرفون خيي جواد مايعطي وجهه احد يعني تبون انا المسكينة وتسوي في وجهها حركات اروح واكلمه في موضوع زي كذا
شيماء وريم فقدوا الامل
نوف حزنت على اشكالهم وضحكت
شوي ودخلت هناء ورهف:هاااي بنات.
الكل:هااااي(مجاملة)
رهف : السلام عليكم
الكل : وعليكم السلام
وجلسوا سوالف
رهف:اقول نوفه.
نوف:هلا.
رهف:مدي لي من الحلا اللي عندك.
نوف:تفضلي.
ريم بمزح : هيه رهف مو ملاحظة نفسك انتفختي
رهف تناظر ريم وشوي يغمى عليها : حرااااام عليك
شيماء تحك راسها : تبين الصدق رهف صدق سمنتي بس عاتي
نوف : حاكم الوحدة مننا اذا تزوجت لازم تنتفخ ونحف وتنتفخ وتنحف يعني مافي مشكل
رهف : حراااااام عليكم
هناء تناظر في ريم وتاكل من الحلا : ماعليك منهم ترا ريم بزر ماحد ياخذ في رايها
ريم تناظر هناء وتضحك : والله انتي البزر ههههههه
شيماء يوم شافت الاجواء قامت تتوتر

شيماء قامت واقفه:ريموو تعالي ابيك برا شوي.
ريم وقفت معاها:اوكي .
لبسوا عبيهم وطلعوا.
قعدوا على المراجيح اللي برا وهم يهزوها بشويش
ريم:هلا ايش بغيتي.
شيماء ابتسمت بخبث:مابي شئ بس جواد.
ريم ارتبكت:وش فيه.
شيماء بخبث:ريم اناعارفه انك تحبين جواد.
ريم انصدمت:نععععععععم؟؟؟.
شيماء:ههههههههههههه شوي شوي لا يطق لك عرق ريم انا شيمااء قولي لي من جد صح انا متأكدة كل حركاتك تدل بكذا.
ريم نزلت راسها وقعدت تشخبط برجلها على التراب
شيماء قربت منها ورفعت راسها وابتسمت :ريم الحب مو عيب واعترف لي ابي اسمعها منك .
ريم فجأة نزلت دموعها.
شيماء قربت منها:ريموو حبي ايش فيك.
ريم من وسط دموعها:ايه ياشيماء احبه والله اموت فيه بس هو مو معطيني وجه والوضع اللي انا فيه مايسمح لي افكر اني احب احد وبعد هو يبي بنت خالته سهى وانا وماقدرت تكمل....
شيماء:ريم حبيبتي خلاص لاتبكي ريم ارفعي راسك.
دخل ....... في هذه اللحظة.
ريم بحزن والى الان تبكي: انا في سجن يا شيماء في سجن انا في سجن صغير وضيق انا مثل الاسييييرة في بيت ابوي بدال ماعيش مثل هناء معززة مكرمة انا اخدمها واخدم امها هه وانا بنفس غرفة الخدامة
والله تعبت ماعاد اقدر اتحمل كل يوم اهاناة ومعانة متى انفك من الجحيم اللي انا فيه ابوي حنون مع الكل الا انا فقدته ماقد حسيت بالحنان حرمني من امي اللي اتمنى اعيش بحظنها دايم مظلومة شيماء والله كل يوم اتمنى اموووت تعبت من الدنيا ليتني مت من يوم ولدتني امي ولا اعيش كذا كرامتي بالارض ماقدر افتح فمي بكلمة وان تكلمت سكتني ابوي بطراااق اما بالعقال او بالعصا والله تعبت 19 سنة وانا متحملة من يوم اني صغيرة وانا فاقدة حنان وماكو غير الضرب
تعبت وجلست تبكي بالم بقهر تبي احد ياخذ من همومها شوووي بس شوووي تبي تشيل جبل هد حيلها من هي صغيرة تبي الجبل هذا يتفتت ويصير مجرد بقآآآيآآآ رمل تطاير من الرياح ماتعرف وين ترسي ماتعرف وين راح تتكون تصير صخرة من جديد والا تبقى بقآآآيآآ فتآآآآت
شيماء مسكتها وضمتها : خلاص ريمو خليك قوية واصبري وتحملي وان شالله ربي يساعدك
اللي سمع كل شيء انصدم من معاملة ابو فهد معقولة ابو فهد الطيب الحنون يخليهم يعاملون بنته كذا
ودخل عند الرجال وباله مشغول في ريم

ريم وهي تمسح دموعها :شيماء مابي احد يدري عن اللي قلته لك
شيماء ابتسمت :افا عليك سرك في بير
ريم بادلتها الابتسامه : كفو والله ابعدي
وقاموا ودخلوا عند البنات
ياترى مين الي سمعهم؟؟
.........

بعد مرور الوقت

جواد دخل عند الرجال
جواد : السلام عليكم
الكل وعليكم السلام
ابو جواد بتفحص :جواد يبه ايش فيك
جواد كشر : مافيني شيء
سلمان : جواد انت تعبان
ابتسم جواد : لا الحمدلله مافيني الا العافية
ابوجواد بعدم تصديق : الحمدلله
وجلسوا سوالف وضحك وجواد مو معاهم

وحطوا العشاء والكل تعشا وعين خير
وكل واحد راح على بيته

ـــــــــــــــــــــــــــــــــــــــــــــــ

بعد مرور اسبوع
في بيت ابو سلمان

جواد صحى بدري واخذ شور ولبس ونزل
وحصل امه وابوه في الصاله
جواد :السلام عليكم
ام وابو جواد :وعليكم السلام
وراح حب راسهم وجلس
ام جواد :يمه جواد تراك طولت بالسالفه
وابي اشوف عيالك يايمه بدال ان البنت جاهزة
جواد عقد حواجبه : من تقصدين
ام جواد : هو اقصد بنت اختي سهى مو انت حاجزها خلاص الحين ملك عليها مو حلوة تخلي البنت كذا معلقة
جواد عصب : ببس انا ماعاد ابيها خليها تولي
ابو جواد حط الجريدة من يده وناظر ولده :جوااد ايش فيك من قبل تقول مابي الا هي والحين غيرت رايك
بنت الناس مو لعبة عندك
جواد عصب : انا قلت مابي يعني مابي خلاص واشر على راسه باصبعه وقال بحده: كيييييييفي
ام جواد بعصبيه:الناس كلها داريه عن ان سهى مسميه بك والحين تصير بنت اختي علك بلسان الناس.
جواد بعدم اهتمام:وتصير علك تصير مدري وشو انا ايش دخلني خلها تولي وبزلة لسان انا مو مستعد اخذ وحدة يمكن مشروب من كاسها
ام جواد عصبت : تخسى الا انت بنت اختي متربية احسن تربية
جواد انصدم من امه : انا قلت اللي عندي اللي يبي بنتهم ياخذها انا ماابيها النفس عافتها
ام جواد : لكن ...
ابو جواد قاطعها : خلاص خلي الولد على راحته
جواد ناظر امه ورقى حجرته
ــــــــــــــــــــــــــــــــــــــــ

بيت عبدالعزيز

ريم توها صاحية من النوم
دخلت الحمام وتوضت
وراحت تصلي
ونزلت تحت حصلت ام فهد جالسة
ام فهد : بدري كان ماقمتي
ريم : اووووووووف من عمرك .
ام فهد بعصبيه:هييي انت وايش فيك من صباح الله خير وانتي تتأففين.
ريم لوت فمها وراحت المطبخ تسوي لها فطور.
دخلت المطبخ لقت مريام.
ريم ابتسمت:صباح الخير.
مريام بادلتها الابتسامة:صباح النور.(طبعا معروفة لغة الشغالات )
ريم:سويتي فطور .
مريام:معليش ريم بس مدام يقول لايسوي لها فطور..
ريم نزلت راسها بأسى وبعدين رفعته:اوكي مافي مشكلة .
دخلت هناء:واااااااااو الشغالات هناااااااا .
ريم لوت فمها:يالله صباح خيررر.
هناء قربت منها:اييييش قصدك.
ريم:ولا شئ والا الواحد مايتصبح بوجيه سمحه.
هناء :هييييي انتي المفروض لادخلت تنحنوون وتصبحون مثل الاوادم فاهمة.
ريم:لييش انتي ايش شايفتنا حيوانات.
هناء ضحكت:هههههههههههه طبعا على بالكم اوادم ههههههههههه.
ريم :ياررفع الضغط.
ولفت تسوي لها شاي وفطوور.
هناء تضربها على كتفها:هيييييييي انتي سوي لي شاي بس لايكون خفيف ولا ثقيل سامعه.
ريم:هه والله ربي خلق لك يدين تسوي لنفسك ورجول توقفي على الشاي.
هناء جرتها مع كم البلوزة:اسمعي انا لاقلت شئ تقولي طيب ياطويلة العمر والا بنات العز مايطبخون بذات لاكان عندهم شغالتين ههههههههآآآي.
ريم بعناد:انا ماراح اسوي شئ شوفي مريام.
هناء:مافي فرق بينكم بس انا قلت انتي يعني انتي ساااامعه ولااعيد.
ريم بعناد:بس انا قلت ماراح اسوي شئ.
هناء عصبت وبصوت عالي:ريييييييييم .
ريم ببرود:نعم وبعدين بشويش لاتصارخي انا جنبك.
هناء عطتها كف:انا الامرة الناهيه هنا على الخدم.
ريم التفت لها بحقد وكانت بتضربها بس شافت مرت ابوها ونزلت يدها:وانا مانيب خدامة عندك فاااهمة وشاي عناد فيك ماراح اسوي والله العظيم ماسويه لو على جنازتي.
ام فهد:هيييييييي ايش فيها اصواتكم واصله لاخر الممر.
هناء التفت على امها:يمه شوفيها اقول لها تسوي شاي بس هي ماهيب راضيه.
ام فهد قربت من ريم:وانتي على كيفك هنااا يالله سوي شاي.
ريم:بس مريام هنا ليش ماتسوي لها.
ام فهد:هي امرتك انتي سوي بدون نقاش وسوي لي كمان عصير مريام انقلعي فوق غرفتك.
مريام :طيب وطلعت.
ريم:بس انا ماراح اسوي لها شاي ولا راح اسوي عصير سااااااااامعه.
ام فهد:قربت منها وسحبتها مع شعرها بس انا قلت انتي فااااااهمة.
ريم مسكت ايدها ونزلتها وقالت بعناد:وانا قلت ماااااااااااابيي.
ام فهد ضربتها كف على وجها :هي انتي ايش شايفه نفسك بالله.
ريم جات بتتكلم لكن ابوها دخل وصارت ترتجف مثل الورقة.
ابو فهد :هي انتوا ايش فيكم .
ام فهد:شوف بنتك هذي ماتسمع الكلام قليلة ادب وترادد اقول لها سوي شاي لهنا ء وعصير لي موب راضية وترادد بقلة ادب .
ريم بخوف تناظر ابوها.
ابو فهد قرب منها وعطاها كف بقوته كلها :انتي ليش ماتسمعي كلام عمتك هاااااااه كل يوم هوااااااااش هواش يالله ذلفي وان شالله اشوفك تراددين مره ثانية فاااهمة.
ريم وهي ماسكة دموعها لاتنزل:ان شالله يبه
ابو فهد سوي اللي مرت فيه عمتك وبنتها
ريم رفعت راسها وقالت بقوة واللي فيها فيها:بس يبه انا ماراح اسوي لا شاي ولا عصير
ابو فهد جرها من شعرها اللين قربها منه :بتسوين وغصب عنك .
ريم ماتدري القوة من وين جاتها :اسفه ماني خدامتها.
ابو فهد وهو يحرك شعرها بيدينه:والله لوماتسوين لتشوفين شئ بحايتك وعمرك ماشفتيه .
ريم:عادي طق بس ماراح اسوي..
ابو فهد نزل عقاله وبدا يضرب فيها .
وهي ابدا مانزلت دمعه من عيونه ولا صرخت .
ابو فهد ضرب اللين حس انه تعب.
رماها بقوة على الارض.
وطلع.
ريم طالعتهم بحقد وقهر لكنه ابتسمت ابتسامة قلبت ام فهد وهناء.
انقهروا على الرغم من كل الضرب اللي ذاقته ماذرفت ددمعه
طلعوا من المطبخ وهم مقهورين
المهزوم إذا ابتسم فقد المنتصر لذة الفوز

وريم حست ان نفسها انسدت عن الاكل رجعت غرفتها
حست ان فيها نوم وقررت تنام لها ساعه على الاقل
سكرت دفترها ونامت بهدوء وسكينة
..............
بعد مرور كم يوم
في بيت ابو سلمان.
الكل كان مجتمع على العشاء.
ابو جواد:سلمان يبه نبيك تحجز لنا استراحة والا مزرعه بنسوي فيها عشاء .
جواد:ليييش؟؟
ابو جواد:حلوه ليش نبي نجتمع مع عيال عمك.
سلمان:وين تبيها ومتى.
ابو جواد :احنا نبيه في منطقه باردة طقينا من الحر نبي زي ابها كذا ونروح نقعد فيها اسبوع او اكثر.
سلمان:ان شالله.
نوف: وااااو في ابها بررررررد ....اقول يبه الاسبوع ذا والا اللي بعده.
ابو جواد:لااذا لقينا الاسبوع ذا واذا مالقينا الاسبوع اللي بعد.
نوف:يعني يبي لي اروح السوق.
جواد:يمه صبي لي عصير.
ام جواد صبت له بالكاس:تفضل يمه.
سلمان قام من السفرة:الحمدلله .
نوف:وين ماتعشيت .
سلمان يناظر ساعته:لا انا تأخرت على الشباب ينتظروني وطلع.
.......................
اليوم الثاني
بيت عبدالعزيز.
ام فهد:ريم ريييييييييييييييييييم وصمخ.
ريم نازلة مع الدرج:نعم عمتي.
ام فهد: روحي ونظفي المجلس ورتبيه وغسلي الحمامات بسرعه.
ريم:بس انا امس رتبته ونظفته مررره.
ام فهد:ذاك تسمينه ترتيب روحي شوفي شكله.
ريم :طيب.
ام فهد:اللحين.
ريم بتأأفف:قلنااا طيب
وراحت حطت فحم على النار وراحت للمجلس.
ريم اول مادخلت.
انصدمت:لااااااااااااااااااا ياربي انا امس ماخليته بذا الشكل يوووه
وبدت ترتب فيه اللين خلصت وراحت اخذت البخور من المطبخ وراحت للمجلس بخرته وحطته على الطاولة
ودخلت تغسل الحمام
ريم تحط يدها على خشمها:اففففففففففففففف ايش مسوين في الحمام ذيلا وعععععع.
وبدت تغسل وبعد ماخلصت غسلت المغاسل.


طلال كان نازل من غرفته وهو يكلم
طلال:هلا هلا جواد.
جواد:هلا طلال اسمع انا برا هيا اطلع .
طلال:اوكي اوكي انا بس اتروش واجيك وانت ادخل المجلس.
جواد: طيب بس لاتطول.
طلال:اوكي مع السلامة وسكر الجوال.
طلال نزل المطبخ وقال لشغالة تسوي قهوة وطلع غرفته يتروش.
.................
جواد دخل المجلس وجلس ينتظر طلال.
حس بالطفش ومسك جواله يحوس فيه
ريم وهي طالعه من جهة الحمامات
ريم :اففففففففف مابغيت اخلص الله يرمهم مدري ايش ماكلين قبل لايدخلون الحمام
جواد سمع الصوت ورفع راسه.
جواد كان يناظرها ومو قادر ينزل عينه عنها.
ريم انصدمت وشهقت وطاح الدلو من يدها وقام قلبها يدق ببقوة.
جواد انتبه على عمره ونزل نظره وقام وطلع .
ريم حست برجفة في جسمها كله.
ريم تكلم نفسها وحست بخجل شديييييد:يووه جواد شافني واااي .
وهي تمشي مو بوعيها وتفكر :ايش بيقول عنـــ
و طاحت على الارض طبعا طرحتها المويه والصابون
ريم مسكت ظهرها:آآآآآه .
وشافت الموية اللي على وشك كانت راح تعدم الفرشة
وبسرعه ومسكت المساحة ومسحته بالفرشة (ام شعر اكيد تعرفونها )
وطلعت بسرعه
،،،،،،،،،،،،،،،،،،،،
نروح لجواد
طلع برا وركب سيارته
جواد وهو الى الان حاس انه بصدمة.
جواد:هذي الريم ايه ايه اكيد الله على جمالها(فجأة جات سهى على باله)
جواد:هذي احسن من سهى بمليونين مررره اصلا مافي وجه مقارنه تذكر شعرها اللي كانت مظفرته .
ابتسم على الكلمة اللي قالتها وهي طالعه
ونزل من السيارة ودخل المجلس مره ثانية.
جواد منزل راسه:احم احم .
ماسمع صوت ودخل .
وجلس وهووو يفكر فيها .
..............
نروح لطلال
تروش وبسرعه نزل واخذ القهوة والتمر وراح لجواد في المجلس.
طلال:السلام عليكم.
جواد:وعليكم السلام .
حط القهوة على الطاولة وصب لجواد في فنجان .
طلال:سم.
جواد:سم الله عدوك واخذ الفنجان.
طلال:عسى ماتأخرت.
جواد تذكر الموقف اللي مع ريم وابتسم:لا ماتأخرت مررره .
طلال:اشوة .
وشربوا القهوة وطلعوا .

ــــــــــــــــــــــــــــــــــــــــــــ
توقعاتكم

واتمنى ينال على رضاااكم

واتمنى التفاعل مع قصتي



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-09-2009, 04:04 PM
صورة غلا ksa الرمزية
غلا ksa غلا ksa غير متصل
©؛°¨غرامي فعال ¨°؛©
 
الافتراضي رد: نعــم للحـــب لكـن بكرامـــه خســى حـــب يسقينــــي مذلــه قصة سعودية


روووووووووووووووووووعه


يعطيك العافيه يالغلا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 29-09-2009, 04:42 PM
صورة {{~.عبق الذكريات.~}} الرمزية
{{~.عبق الذكريات.~}} {{~.عبق الذكريات.~}} غير متصل
©؛°¨غرامي مشارك¨°؛©
 
الافتراضي رد: نعــم للحـــب لكـن بكرامـــه خســى حـــب يسقينــــي مذلــه قصة سعودية


ووووووووااااااااااااااااااو إبداع×إبداع كملي بليز

روايتج جوناااااااااان اهنيج


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 29-09-2009, 07:36 PM
صورة وميض شمعة الرمزية
وميض شمعة وميض شمعة غير متصل
©؛°¨غرامي مشارك¨°؛©
 
الافتراضي رد: نعــم للحـــب لكـن بكرامـــه خســى حـــب يسقينــــي مذلــه قصة سعودية


يسلمووو


الاروع حضورك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 29-09-2009, 07:51 PM
صورة وميض شمعة الرمزية
وميض شمعة وميض شمعة غير متصل
©؛°¨غرامي مشارك¨°؛©
 
الافتراضي رد: نعــم للحـــب لكـن بكرامـــه خســى حـــب يسقينــــي مذلــه قصة سعودية


يسلمووو اسيل

من ذوقك يالغاليه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-09-2009, 10:35 AM
صورة وميض شمعة الرمزية
وميض شمعة وميض شمعة غير متصل
©؛°¨غرامي مشارك¨°؛©
 
الافتراضي رد: نعم للحب لكن بكرامة ، خسى حب يسقيني مذله / قصة سعودية


ياهووووو ماعجبتكم

ياخسااارة التعب عليها

شكلها مرررره ماعجبتكم اهئ اهئ اهئ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 30-09-2009, 10:45 AM
صورة copy twins الرمزية
copy twins copy twins غير متصل
©؛°¨غرامي مجتهد¨°؛©
 
الافتراضي رد: نعم للحب لكن بكرامة ، خسى حب يسقيني مذله / قصة سعودية


القصه جميله
صعبانه عليه الريم ومعامله باباها لها
بس اكيد في سبب وهيوضح لنا في البارتات القادمه
انتظر المزيد


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-09-2009, 12:41 PM
صورة وميض شمعة الرمزية
وميض شمعة وميض شمعة غير متصل
©؛°¨غرامي مشارك¨°؛©
 
الافتراضي رد: نعم للحب لكن بكرامة ، خسى حب يسقيني مذله / قصة سعودية


قلب طيب

نورتي يالغلا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-09-2009, 04:29 PM
صورة وميض شمعة الرمزية
وميض شمعة وميض شمعة غير متصل
©؛°¨غرامي مشارك¨°؛©
 
الافتراضي رد: نعم للحب لكن بكرامة ، خسى حب يسقيني مذله / قصة سعودية


وين الناس؟؟؟؟؟؟


الإشارات المرجعية

رواية نعم للحب لكن بكرامة ، خسى حب يسقيني مذله

الوسوم
للحـــب , مذلــه , لكـن , بكرامـــه , خســى , يسقينــــي , حـــب , سعودية , نعــم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 609 22-03-2014 05:17 PM
رواية صدفة حبيتك / رواية الحب المستحيل والتضحية ، بقلمي أسافر في بحر عينك أرشيف الروايات المغلقة - لعدم إكتمالها 591 17-01-2011 10:14 AM
رواية سواد الليل , اول رواية اردينة جوهرة الأردن أرشيف الروايات المغلقة - لعدم إكتمالها 11 16-02-2010 08:17 PM
رواية بنات الرياض الصورة الكاملة رواية سعودية جديدة إنهيار ثلجي ارشيف غرام 2 02-01-2009 06:51 PM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 03:38 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم