اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-10-2009, 11:41 AM
صورة حنان انثى 11 الرمزية
حنان انثى 11 حنان انثى 11 غير متصل
©؛°¨غرامي مشارك¨°؛©
 
الافتراضي عيب الرغي عقب الهدير / الكاتبة :عنود السيح ، كاملة


عيب الرغى عقب الهدير
للكاتبه :عنود السيح
~~الجزء الأول ~~

جراح : احس النار شاعله بي ..
زيد : ايييه بالله عليك بعز الصيف وبالقايله وش ودك يكون حالك ..
جراح : والله ودي ارمي حالي بالغدير ..
زيد : اييه جا وقت الهبال ..
جراح : بالله عليك ما ودك ترمي حالك ..
زيد : ودي ..
جراح : اجل ارمي هدومك وتعال معي ..
زيد : ذا الحين ؟؟
جراح : ايه بالله ذا الحين ..
زيد : ايه تصبر بالاوله تروح النسوان وبعدها نرمي حالنا ..
جراح : للا حلاته والنسوان متجمعه عليه ..
زيد : تهقى ؟؟
جراح : اي انت ارمي حالك وتمنظر بيهن ..
زيد : اجل وش تنتظر قم ارمي هدومك ..
جراح : ايه بالاول نصعد فوق ونرمي حالنا ..
زيد : ايه ايه قم قم والله احس النار اللي بيك بدت تسري بي ..

****

عواد : ههههه بالله عليك ورميتو حالكم ..
زيد : اي بالله ههههههه وما صحينا الا ورجال الشيخ مكتفينا وساحبينا للشيخ ..
عواد : هههههههه ..
زيد : اييييه ما كان يمر اليوم بدون ما نزور الشيخ بعد الشكاوي اللي تجيه وان مر يوم وما شكا احد للشيخ كان يقول للرجاله تفقدو زيد وجراح اليوم ما شفتهم ..
عواد : هههههه على الشكاوي اللي تجيه من عمايلكم كان يعزكم ..
زيد : ايييييه الله يرحم ذيك الايام ..
عواد : ايييه والله شوقتني لشوفة جراح من حكيك عنه ..
زيد : والله انا المشتاق له يا ليتني اعرف وين داره ذا الحين ..
عواد : وشلون اختفى فجأه ؟؟
زيد : مدري يا عواد مدري آآآه مدري وشلون اختفى وتركني لحالي ..
عواد : الله يرده بالسلامه ويجمعكم سوا ..
قام زيد وناظر بعواد : قم يا عواد قم ..
عواد : لوين ودك تروح ؟؟
زيد وهو يرمي هدومه : الغدير ..
عواد : هههههه انت انهبلت هذاك كان زمان اول ذا الحين انت رجال وش كبرك ..
زيد : ودك تجي ولا وشلون ؟؟
عواد : للا يا زيد بطل هبال ..
زيد : ودي انهبل ..
عواد : بالعون انك رجال صاحي وش اللي قلب حالك كذا ؟؟
زيد : انا ودي اروح ودك تجي ياحياك ..
عواد وهو يبعد الغبره اللي جته من سرعة زيد وهو رايح للغدير : انا اشهد ان الرجال انهبل ..

***
يا نسواااااااااااااااااااااااااااااااااان تغطن ..

طشششششششششششششششششششش


*****************************

الشيخ خلف وشرار الغيض ينبعث من عيونه : اسحبووه واربطوه عندكم يومين بلا اكل ولا شرب خلووه يتأدب ..
وبعد ما جلس الشيخ وهو يحاول يهدي نفسه
واحد من الرجال : يا شيخ هذا هو زيد ..
الشيخ خلف وهو يناظر زيد : اتركوه وخلونا لحالنا ..
الرجال : بمرك يا شيخ ..
الشيخ خلف وعلامات الغضب لا تزال تنرسم بوجهه : وش اللي سويته يا زيد ..
زيد : ولا شي يا شيخ حسيت بالنار تولع بي وقلت ارمي حالي بالغدير لجل اطفيها ..
قام الشيخ وتقرب من زيد : وهاذي سواة رجال يرمي حاله بالغدير بلا هدوم والنسوان متجمعه عنده ..
زيد : لا بله يا شيخ مير انا مدري وش اللي جاني ..
الشيخ : هههههههه ..
زيد وهو يناظر الشيخ وابتسامه ترسم شفاه
الشيخ : اييييييه يا ولدي يا زيد ما تدري وشلون مشتاق للشكاوي عليكم ..
زيد : وانت ما تدري وشلون انا مشتاق لكلامك القاسي ..
الشيخ : اييه هذا هو انا احاول اني اكون قاسي معك مير اني ما قويت ..
زيد : هههههه
الشيخ : ما تدري وشلون فرحت يوم جابو لي اسمك ويتشكو عليك مدري ليه حسيت ان جراح معك وطول الوقت انتظر يدخل معك انت صار لك زمان ما تسولف ولا تساوي هالسواه ..
زيد : يا شيخ جراح رحل وما ظنتي انه يعود ..
الشيخ : بإذن الله يعود ونفرح به ..
زيد : وليه نفرح به النفس عافته ما ودي اياه يعود خل الدار اللي لقيها تضمه ما له مكان بيننا ..
الشيخ : وش اللي جالس تقوله يا ذيد هذا ماهو حكيك..
زيد : لا بالله هذا هو حكيي اللي ما يبينا مالنا حاجه فيه ولا نبيه ..
الشيخ : الغايب عذره معه ..
زيد : عمره ما رحل من الديره الا وانا معه ينام وانا معه يصحى وانا معه يشرب ياكل يسولف يضحك كل هذا ما يساويه الا وانا معه ليييييييييييه ليه يوم رحل ما تركني ارحل معه ليييييييييييييييه..
الشيخ : تعوذ من ابليس يا ولدي ..
جلس زيد وهو يمسح دمعته اللي من سنين ما انزلت ..
الشيخ : انت ما تدري لأي ديره رحل لها ؟؟
زيد : ما قال لي يا شيخ يومها تقاتلنا انا وهو ..
الشيخ : تقاتلتو ؟؟
زيد : ايه لأنه ما تركني ارحل معه ياليتني كنت اعرف اني ماعاد بشوفه كان ما رفعت ايدي عليه ولا قلت له الكلام اللي قلته ...............................قلت له ارحل ماعدت رفيقي ولا عاد ودي اشوفك مرتن ثانيه وكاد ان كلامي هو اللي خلاه يهج ولا يعود ..
الشيخ : اقطع الهرج ما هقوتي كلامك هو اللي وخره وكاد ان به حاجه ..
قام زيد وهو يمسح دموعه : ما همني ولاهمتني هالحاجه بالنسبه لي هو ميت من زماان والله يرحمه ..

*****************

الهنوف الهنوف للا لا تسرعي بالفرس لالا ..
الهنوف : ههههه وش بيك يا ظبيه ما هقيتك تخافي ..
ظبيه : للا ما اخاف مير مير اا...
الهنوف : هههههههه اجل ؟؟
ظبيه : انتي وش بيك احد يلحققك لجل تسرعي مثل البرق ؟؟
الهنوف : هههه ذالحين دورك ودك انتي اللي تمشي بالفرس انا ودي انزل عن ظهره ..
ظبيه تضغط بيديها على ثوب الهنوف : لالا ما ودي ...ودي انزل معك ..
الهنوف : هههه صار لك سبوع وانتي على هالحال وشلون ودك تتعلمي ان كنتي تخافي ؟؟
ظبيه : انتي كبيره وتعرفي له مير انا صغيّره وشلون ودك اتعلم بهالسرعه ؟؟
الهنوف وهي تنزل عن ظهر الفرس بحركه سريعه : اجل ودك تنزلي لحالك ..
ظبيه وهي تحاول تتماسك وتضبط توازنها : لالا تكفين لالا ..
الهنوف : هههههههههه ..
ظبيه وهي تمسك في شعر الخيل : لاااااااااااا بمووت تكفيييين ..
الهنوف : ما انتي بميته حاولي تنزلي عن ظهره لحالك انا ودي ارجع لجدتي ..
ادارت الهنوف نفسها وبدت تخطو مبتعده ووقفت على صوت من خلفها : تعالي تعالي هاتي ايدك وشلون تمتطي الفرس وانتي ما تعرفي تنزلي عن ظهره ..
ظبيه : حامد اخوووووووووي يا بعد روحي ايه ايه ساعدني تكفى ..
حامد : هههههههه مسيكينه..
الهنوف : ايه لقيتي من يساعدك اجل قولي له يعلمك كيف تمتطي الفرس انا مالي لزوم اعلمك ..
ظبيه وهي تضرب على كتف الهنوف : وشلون تتركيني لحالي ها ... انا هونت ما ودي اتعلم امتطيه ..
حامد : هههه اجل كان ودك تتعلمي وشلون تمتطي الفرس ؟؟
ظبيه : ايه ايه كاااان ودي ذالحين هونت ما ودي ..
الهنوف : بنات الشيوخ مدللات ما ودهن يتعلمن حاجه ..
ظبيه : ايه ما ودي بنت شيخ وما ودي هه ..
حامد : هههههههه وش اللي صار بيكن كنتن ثنتين يامحلاكن ؟؟
اكملن الهنوف وظبيه كلامهن وحامد يحاول يهدي ما بينهن وانتهى ان تركنه لحاله واقف وكل وحده منهن راحت لبيتها ..
حامد : الله لايجوزكن رجال واحد ..

************

الشيخ ظاعن : ايه وش هي علومك يا ولدي ؟؟
طلال : سرك الحال يا شيخ كل الامور طيبه ..
الشيخ ظاعن : وش بيك يا ولدي انا وانت لحالنا ليه ما تناديني جدي ودي اسمعها منكم ومنك انت بالذات ..
طلال : اللي تشوفه ..
صياح : السلام عليك يا جد ..
الشيخ ظاعن : وعليكم السلام هلا بولدي..
صياح وهو يضع راسه على رجل جده بعد ما باس راسه : ايه وشلونك يا جدي ؟؟
الشيخ ظاعن : دامك انت واخوك بخير انا بخير ..
صياح يفر راسه ناحية طلال اللي كان يناظره بنظرات غضب : شف شف يا جدي وشلون يناظرني ..
الشيخ ظاعن : وش بيك يا ولدي على اخوك ؟؟
صياح : وكاد انه يغار مني لجل اني تمددت على رجلك ..
الشيخ ظاعن : انتم كلكم غلاكم واحد ما هذا اغلى من الثاني ..
طلال : تسلم يا شيخ عمري ما شكيت بغلاتي عندك مير اللي يسويه ما هي سوايا رجال ..
الشيخ ظاعن : شيخ مرتن ثانيه اسمعو يا عيالي ما ودي بهالحاجز اللي بانينه بيني وبينكم انا جدكم ما ودي اياكم تعاملوني معاملة الغريب ..
طلال : ما انت بغريب يا جدي مير لزوم الاحترام بيننا وبينك ..
الشيخ ظاعن : ايه ما علينا يا عيال عندي لكم حكي ودي اياكم تسمعوه ..
اعتدل صياح بجلسته وهو يناظر جده ..
الشيخ ظاعن : كان ودي اقول هالحكي لبوكم الله يرحمه ..
صياح +طلال : رحمة الله عليه ..
الشيخ ظاعن : مير ما كانت قبيلتنا وقتها تقوى تساوي حاجه وذالحين الحمدلله الخير واجد والشجعان واجد ..
طلال : عسى ما شر يا شيخ ؟؟
الشيخ : ماشر يا ولدي ودي اكمل حكيي وبعدها اقول لكم وش اللي ودي اياكم تساووه..
طلال : انت تامر يا جدي ونحن تحت امرك ..
الشيخ : كفو يا ولدي ......

***************

عند غدير قبيلة الشيخ خلف

ثريا : علامك يا زيد تدور حاجه ؟؟
ذيد : ها ؟؟ اي جواهر هي وينها ؟؟
ثريا : جوااهر ؟؟ ايييه اشوفك مهتم بها كثير اخوها قال لك خل بالك عليها ما قال لك اعشقها وخلها تعشقك ..
زيد : وش له هالكلام ؟؟
ثريا : والله انت كاسر خاطري ليه تجبر حالك عليها ما هو لزوم تساوي بحالك كذا البنت عايشه مع عمتك بأحسن عيشه وش له انت تدللها بكلامك وتلاحقها بكل مكان انت نسيت عليا عليا تهواك وانت كنت تهواها عليا وحده من بنات قبيلتك وشلون تبدي هالبنت الغريبه عليها وكاد انها لعبت بعقلك عليا ودها تتجوز يا زيد لزوم انك توقف هالجواز ..
زيد : الله يهنيها بجوازها ويوفقها معه ..
ثريا : انت وش اللي تقوله ؟؟
زيد : انهيتي كلامك ولا عندك كلامن ثاني ودك تقوليه ؟؟
ثريا : هه وكاد انه انجن ...ما عندي كلام اللي عندي قلته وانت حر باللي تسويه ..
وقف زيد يناظر ثريا وهي تبتعد عنه والتفت للصوت اللي خلفه ..
زيد : جواهر ...جواهر هاذي انتي ؟؟
اقترب زيد من الصخره وشافها جالسه وسانده ظهرها على الصخره ..
زيد : انتي هنا ؟؟
التفتت له جواهر وناظرت به ..
زيد : وش اللي مجلسك هنا تراني حيييل جوعان وودي آكل من طباخك يالله قومي ..
وقفت جواهر ومشت عنه وهي تناظر لتحت ..
وقف زيد يناظرها وهو يعيد ذكرياته لورى
((( زيد : نقذتني من الموت انا مديون لك بحياتي ..
علي : ان كان ودك ترد الدين خذ اختي ابعدها من هنا خذها لمكان آمن بعيد عن ديرتنا ..
جواهر : للا ياخوي ما ودي ارحل معه انت ودك تجي معي ..
علي : للا ياخيه لزوم ارجع للديره واوقف مع رجالها ماودي اطلع مثل الجبان..
جواهر : اجل ودي اعاود معك ...
علي : للا ياخيه ان عاودتي ياخذوك معهم ووقتها ما راح تشوفي غير الشقى ..
جواهر وهي تمسح دموعها : اخوي ..
علي : خذها تكفى خذها ابعدها من هنا ..)))


***********


ظبيه وهي تقترب من الهنوف : زعلتي مني يا الهنوف ؟؟
الهنوف : وانا اقوى ازعل منك ؟؟
ظبيه : يا بعد روحي انتي ...اجل جدتك وين؟؟
الهنوف : مدري عنها وكاد ترجع ذالحين ..
جدة الهنوف : اييييييه وش هالحريم وش هالرجال مدري وش له شايفين حالهم ما طاح من النجوم خف للسما ..
الهنوف تقاطع جدتها : اي جدتي هلا وشلونك ؟ شوفي ترى ظبيه جت عندي اليوم ..
الجده تناظر بالهنوف : ايييه وش اللي جابها ؟
الهنوف : ها اا لي جت لي لجل اا ...
ظبيه : وشلونك يا جدتي ؟
الجده : ماني بجدتك ..
ظبيه : اييه ما علينا وشلونك ؟
الجده : مثل ما تشوفي عايشه والحمد لله ..
الهنوف : جدتي وكاد انك جوعانه اقوم اجهز لك الغدا ..
الجده : للا ما ودي انا ودي اريح شوي ..
الهنوف : مثل ما ودك اجل انا وظبيه نروح لجل تريحي لحالك ..


********

طلال : وشلون يا جدي اشلون كل هالسنين مخبي هالحكي ؟؟
الشيخ : قلتلك يا ولدي ماكان به رجال لجل اسند ظهري بيهم كانت القبيله ضعيفه ما تقوى ترد اي غزو يجيها ..
طلال : هالحكي ما يبيله رجال انا ودي آخذ بثارك يا جدي ..
صياح : تصبرو انا هالحكي ما هو بداخل راسي وشلون صار اللي صار ووش اللي ودكم تساووه؟؟
طلال: ودنا نساوي اللي ساووه بينا..
صياح : يعني ودك اا... ههه وش هالحكي انت جنيت انهبلت ..
طلال : للا هذا هو اللي يبيه جدي ..
صياح : لالا جدي كان يسولف ويحكي عن اللي فات واللي فات مات ماكان قصده بشي ..
الشيخ : للا يا ولدي كان قصدي بشي وطلال هو اللي وده يساويه ..
صياح : ودكم تشعلو نار الحرابه ؟؟؟ ياجدي خل اللي فات يفوت صارله زمان ما حكيت به ونحن الحمدلله عايشين بأحسن عيشه وش له تخلي اللي فات ذالحين يغير عيشتنا؟؟
طلال : هذا ثار ولزوم ناخذه ..
صياح : اقصر الهرج ثار .....يا جدي يا جدي اللي ساووه ما يساوونه رجال وش له تكون مثلهم ...
الشيخ : ودي اعلمهم ان اللي اهانوه واستهانو به يقدر يهينهم ويستهين بيهم ..
صياح : يا جدي ..
طلال : اقطع الهرج يا صياح اللي يقوله الشيخ هو اللي يمشي ماله داعي للجدال ذالحين ..
الشيخ يبتسم لطلال : كفو يا ولدي كفو الحي يحييك والميت يزيدك غبن ..


*******************

جواهر : ابعد ايدك يا عواد ..
عواد : لييه؟؟
جواهر : كذا ..
عواد : تكفين وشلون كل هالزين قدامي وما تبيني احط ايدي عليه ..
جواهر : خل زيد يجي ان ما خليته يوريك..
عواد : انتي وش تبين فيه وكاد انه ذالحين عند الغدير عند نسوان القبيله..
جواهر : زيد مايساوي كذا هذا انت اللي تساويه ..
عواد : اييه اييه ..
جواهر : قلت لك ابعد ايدك لا اكسرها لك ذالحين ..
زيد : وش بيكم ؟؟
عواد يرفع ايديه للسما : انا ما ساويت حاجه كل الحكايه اني جوعان وودي آكل وهي ما خلتني امد ايدي على الغدا تكفى تعال مد ايدك لجل امد ايدي ..
زيد : هههههههههههه ..
جواهر : جهزت لك الغدا ليه توخرت ؟؟
زيد : ايه كنت عند الغدير ..
عواد : ما قلتلك وكاد انه كان عندها ..
زيد : ايه كنت عندها ..
جواهر تناظره بنظرة غضب : من هي ؟؟؟
زيد : هي ..
جواهر : عليا؟؟
زيد : ههههههههههه
تقرب منها وحط ايده على خدها : الكلام اللي سمعتيه عند الغدير انسيه تراه كلام ماهو صحيح قلبي ما يهوى غيرك..
جواهر : ومن هي اللي عند الغدير ؟؟
زيد : فرسي ..
ناظرت جواهر لتحت بخجل : ودي اروح لعمتي وانتو تغدو وما ودي اياك تخلي حاجه بالصحن ..
زيد : ان ودك توكليني الصحن بعد باكله..
جواهر : للا الصحن ودي اياه لا تاكلوه ..
زيد : بأمرك يا جواهر ..
عواد : ايه تعال تعال ذالحين ترى مابي حييل اصبر ..

**************


الهنوف : ها وش فيكي تشوفي الفرس بهالشكل ودك تمتطيه..
ظبيه : ها للا للا ما ودي مير سرحت شوي ..
الهنوف : وش اللي ماخذ عقلك ؟؟
ظبيه : جدتك ..
الهنوف : ها ؟؟؟!!!!!!!!!!! جدتي ..
ظبيه : انا ادري ان جدتك ما تحبنا ولا تحب احد من الديره ..
الهنوف : للا ما هو قصدها كذا هي ................
ظبيه تقاطعها : للا يا الهنوف كافي كل شي باين مثل الشمس هي ما تحبك انتي بعد جدتك تكره الجميع ..
الهنوف : ايييييييه هي هي مدري وش اقولك يا ظبيه جدتي اممم..
ظبيه : ما عندك جواب جدتك تحيرني وشكلها محيرتك انتي بعد ..
الهنوف : تكفين اعذريها مدري وش فيها ..
ظبيه : كل اللي محيرني وشلون عايشه معها وشلون متحملتها ؟؟
الهنوف : هاذي جدتي ومره كبيره ومالها احد وانا مالي احد غيرها لزوم احترمها واتحملها , انا تعودت على هالعيشه ..
ظبيه : الله يعينك عليها تدرين لو انا مكانك كان هجيت من العيشه معها ..
الهنوف تحاول تغير السالفه : ايييه ومع من ودك تهجين ها؟


************


صياح : هي هي انت انهبلت وش هالهرج اللي تهرجون فيه انت وجدي ..
طلال : ماهو هرج يا صياح اللي سمعته وده يصير حكي كل القبايل تحكي به ..
صياح : وشو ؟؟انت اللي ودك تساويه حتى ما ينحكى بين رجال ما هو انت اللي يساوي مثل هالسوايا ..
طلال : انت وش له معارض جدي وش اللي ودك تخسره ؟؟
صياح : ماني بخاسر حاجه مير انا اقول لك ان اللي تساوونه ماهي سوايا رجال ..
طلال : ادري مير جدي ما وده انهم يظنون انه ظعيف وما يقوى ياخذ بثاره ..
صياح : لكن .........اممم وش له احكي معك انا ادري ان اللي براسك وده يصير ..


*******************

في اليوم الثاني

طااااااااااااااااااااخ طاااااااااااااااااااااااااخ طااااااااااااااااااااااااااااااخ


جواهر : وش هذا وش اللي صاير ؟؟؟
عواد : هذا طخيخ ..
جواهر : ادري مير وش له هالطخيخ كله ؟؟
عواد : اييي هذا واحد من الرجال وده يتجوز ..
جواهر : اييي صحيح قالت لي عمتي ودها تروح لجل تهني العروس ..
عواد : وليه ما رحتي معها ؟؟
جواهر : للا انا ماودي ..
نطق اخيرا زيد اللي كان متكي براسه على المخده جنب النار : ليييه ..
جواهر : ها ؟؟؟ .
زيد : اممم في احد مضايقك يقولو لك حاجه تضايقك ؟؟
جواهر : ها ؟؟ للا ما هو كذا مير انا غريبه عنهم و....
زيد : اقطعي الهرج وما ودي اسمعه مرتن ثانيه ..
جواهر : اللي تشوفه ..

طاااااااااااااااااااااااااخ طااااااااااااااااااااااااااخ

عواد يناظر زيد : اممممم زيد انت ما ودك تروح عندهم ؟؟
زيد : للا ..
عواد : ايييه ولا انا ..
جواهر : وش له انتم ما تروحو ؟؟
عواد : انا ادري فيه ..
زيد : عواااد ..
عواد : آمر ..
زيد : قم انت رح لهم شكلك يقول انك ودك تروح ..
عواد : للا ما ودي ..
زيد : اجل هذا امر ما هو طلب رح لهم ..
عواد : وانت ؟
زيد : انا ودي اتمشى بالفرس لحالي ..
جواهر : ودك تروح تتمشى ..
زيد : اييه ..
عواد : اجل اسمحولي ودي الحق عليهم ..
بعد ما رحل عواد
جواهر : وش بيك يا زيد قلبي يقول ان بك حاجه ؟؟
زيد : مابي حاجه ارخصيلي ودي اروح ..

**********


ومكان بعيد عن الديره وقفت الهنوف لحالها وهي تشوف القمر
الهنوف : وينه قل لي يا قمر وينه صار له سنين غايب عني ..طمني قل ان كان به شي ...اشتقت لشوفه ...آآآآآه مدري وش اللي وده يصير لي اخاف افضح حالي بين البشر اخاف انطق بأسمه بينهم ...قل له اني مشتاقه له قل له ودي اسامحه على غيابه لكن خله يجي بالأول لجل اشبع عيوني بشوفته ......
: الهنووووف ..
فتحت الهنوف عيونها وهي تبتسم : هذا انت ؟؟
حامد : الهنوف ..
الهنوف : حاامد !!!!!!!!!!!!!!!!!
حامد : وش بيك جالسه هنا لحالك ؟؟
الهنوف :انت من متى هنا ؟
حامد : انا شفتك تبعدي عن الديره وقلقت يوم ابطيتي قلت اجي اشوف ان كان صار بك شي ..
الهنوف : انا مابي شي تطمن تقدر ترجع ..
حامد : للا ترجعي انتي معي ..
الهنوف : للا ودي اجلس هنا لحالي ..
حامد : الوقت توخر لزوم ترجعي المكان هنا بالليل ما منه امان ..
الهنوف : لا تقلق انا دايم آجي هنا مابه احد ..
حامد : ما تدري بالايام ..
ناظرت الهنوف حامد نظرة يأس : اييه اييه خلاص ودي ارجع ..
مشت الهنوف مبتعده عن حامد تاركتنه وراها يناظرها
حامد"ليتك تحسي بالنار اللي تشعل بقلبي كل ما اقرب منك "


***************


وبمكان ثاني كان زيد يتمشى قريب الغدير ويناظر شخصين كانو جالسين جنب الغدير يضحكو ويلعبو بماء الغدير قرب زيد منهم وشافهم ووضحت ملامحهم كان هو ومعه عليا الفرحه باينه بعيونهم والضحكه راسمه شفايفهم ضحك زيد وهو يشوف هالمنظر وفجأه اختفو بعد ما جاه صوت من خلفه التفت زيد للصوت ..
: زيد ..
زيد بعد ما تقرب من هالشخص وبانت ملامحه : عليا !!!!!!!؟؟
عليا : بتجوز يا زيد ..
زيد : ..................................
عليا : زيد قل لي لا تتجوزي قل لي انك تحبني قل ان قلبك بعده ينطق بأسمي ..
زيد : ...........................
عليا : قل لي واوعدك اني ما راح اتجوز ..
زيد : ....................................
عليا وبدت دموعها تنهمل : تكلم قل شي تكفى ..
زيد : عليا لزوم تنسي الماضي ..
عليا : ليه ؟؟؟؟؟ليه ؟؟؟؟ لجل جواهر .....وش اللي لقيته عندها وما لقيته عندي ؟؟
زيد : وكاد انهم يدوروك ذا الحين ..
عليا : انت ما تحبها يا زيد انت تحبني انا شلون تنسا حبنا شلون تنسا كل هالسنين شلون تنسا كلامك لي ولا كنت تتسلى بقلبي ..
زيد وهو يحاول يخفي الالم اللي بدا يسري بقلبه : عليا لزوم ترجعي الليله زواجك والناس كلها تنتظرك ..
عليا : ماني بماشيه قبل ما تقول لي انك ما تحبني ..
زيد : وش هالهرج يا عليا ..
دنت عليا من زيد وهي تجر هدومه : شوفني حط عينك بعيني وقلها قل انك ما تحبني ..
باعد زيد نظره عن عليا وابعد ايدها عنه : قلتلك ارجعي واتركي هالهرج عنك ..
عليا وهي تمسح دموعها تبكي ونفس الوقت تضحك : انت تحبني تحبني يا زيد ما ودي ارجع لهم ما ودي اتجوز ..
زيد بغضب : الهرج هذا ما هو صحيح تطمنتي ذا الحين ..
عليا : ما ودي ارجع ما ودي ..
مسك زيد يد عليا وبدا يمشي ناحية الديره ويجرها معه : اسمعي ودك ترجعي يعني ودك ترجعي واتركي هرج الحب عنك ..
عليا وهي متألمه من قبضة زيد : وش تساوي هدني اترك ايدي ماودي اتجوزه انا ما احبه ..
زيد : ماهو بلزوم تحبيه ..
عليا : ما ودي اساوي مثل اللي تساويه انت ما ودي اتجوز انسان ما احبه هدني ..
زيد : ترجعي عندهم وتحكي هالحكي لهم ..
عليا : للا ما ودي خلهم يعرفو اني احبك ولجلك ما تجوزت ..
وقف زيد ولف ناحيتها وكان وجهه مقابل لوجهها وبدت قبضته تقوى على ايدها : اسمعي يا بنت هرجك هذا ماهو عاجبني وان كان جوازك راح يتم بالكلام اللي ودك تسمعيه راح اسمعك اياه ..
عليا بخوف ودموع بدت تنزل بغزاره وهي تضغط على اذنها لجل ما تسمعه: للا يا زيد لا تقولها لا تقولها ..
زيد يبعد ايديها : الا ودك تسمعيها ..
عليا : هدني ما ودي اسمعها اتركني لحالي ودي ارجع لهم ودي ارجع ..
زيد وهو يمسك وجهها ويناظرها بعيونها وقالها بغصه وداس على قلبه : انا ما احبك ما احبك ما احبك ..
عليا بعد ما ابعدته عنها : لاااا لا ..
زيد : ما احبك ..
فتره من الصمت
واخيرا نطقت عليا وهي تمسح دموعها : ذا الحين توكدت واللي ودك اياه يصير وده يصير لكن ودي اياك تعرف ان مهما تزوجت شخص ثاني وعشت معه ما راح انساك ولا قلبي راح ينسى حبك ..
زيد : ................................................
عليا : الله يصبرني على بعادك ويصبر قلبي ..
تقربت عليا منه وامسكت ايده واتركت فيها حاجه وابتعدت عنه ..
ناظر زيد العقد اللي بيده وناظر عليا وهي تبتعد "شلون قلتها يا زيد شلون "
التفتت عليا لزيد وناظرته آخر نظره تودعه فيها " قل لي لا ترحلي قل لي ارجعي لي "
زيد "الله يعلم وش كثر قلبي يهواك لا ترحلي ابقي معي قولي ما يهمني كلامك اللي قلته لا ترحلي """

التفتت عليا عنه واكملت طريقها

زيد وهو يمسح دمعته : كل من حولي ابتعد وما بقى لي احد................ بالاول انت وذالحين هي وش آخرتك يا دنيا وش اللي ودك تساويه فيني بعد ..


((قف وناظر دمعتي يوم ادرجت~~ يوم شفتك ناوين ترحل بعيد))

************************


ان شاء الله تعجبكم >> يالله عاد نريد تفاعل لا تفشلونيه ...

ملاحظه : اذا كانت اللهجه غير مفهومه لا تتردون وقولوليه حق اعدلها ..

ترقبو الجزء الجاي ...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-10-2009, 11:59 AM
صورة ..&جوجو&.. الرمزية
..&جوجو&.. ..&جوجو&.. غير متصل
©؛°¨غرامي جديد¨°؛©
 
الافتراضي رد: عــــيب الــــرغى عقــــب الهديــــر (رواية بدوية )


ههههههههههههههههههههههههههههههههه
صراحة رواية غريبة ومميزه تغيير يعني
هههههههههه
بداية موفقة
تقبلي مروري
جوجو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 07-10-2009, 12:48 AM
صورة حنان انثى 11 الرمزية
حنان انثى 11 حنان انثى 11 غير متصل
©؛°¨غرامي مشارك¨°؛©
 
الافتراضي رد: عيب الرغى عقب الهدير رواية بدوية


منوره جوجو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 07-10-2009, 12:54 AM
صورة حنان انثى 11 الرمزية
حنان انثى 11 حنان انثى 11 غير متصل
©؛°¨غرامي مشارك¨°؛©
 
الافتراضي رد: عيب الرغى عقب الهدير رواية بدوية


الجزء الثاني




""""""""""""""""""""""""""""""""""""""""""

فزع زيد من نومه وطلع السلااح ووجهه بحركه سريعه للشخص المقابل له : ارمي سلااحك وارفع ايدك ..

عواااد بخووف : هااااااااااااااا لالالالالا وش فييك يا رجاال هذااا اناا عواااد..
انتبه زيد ووطى سلاحه : وش له تساوي فيني جذا ..
عواااد: ما كان ودي اصحييك ..
زيد : الله يسامحك , احمد ربك ما طخيتك بالسلااح ..
عواااد : ايه ايه الحمدلله ..
جلس زيد وهو ماهو بمستوعب اللي كان وده يساويه ..
عوااد : وش له نايم هنيا لحالك البارح جوااهر تحاتيك طوول الليل وهي تروح وتجي ..
زيد : اي مادريت بحالي الا وانا ناايم ..
عواد : اييه اجل يالله تحرك نعاود ..
زيد : عوااد ما ودي اعاود للديره ..
عواد : ها وش تقوول لييه ؟؟
زيد : انا ودي اطلع من الديره وبأذن الله اعاود ..
عواد : زيد وش فيك انت صاحي ؟
زيد : انت اللي وش فيك ؟
عواد : ها للا مابي شي ميير ان كان ودك ترحل ودي ارحل معك ..
زيد : للا انت لزووم تبقى ..
عوااد : وش بيك يا زيد ودك ترحل مثل جرااح ولا تعاود ؟؟
زيد : بأذن الله اعاود انت لا تهتم ..
عواد : وليه ما ودك ارحل معك ؟؟
زيد : لزووم تبقى عند عمتي وجواهر ..
عواد : اي اي اي وشلوون تترك جوااهر وانت اللي عمرك ما رحلت عنها ..
زيد : وانا ماني براحل للابد ودي اعاود لها بأذن الله ..
عواد : والله قلبي ما يطاوعني اتركك ترحل لحالك وانت بهالحاال ..
زيد : بهالحااال وش تقصد ؟؟
عواد : ادري ان قلبك موجوع يا زيد ..
زيد : يا عواد ما به شي من اللي يدوور في بالك ..
عواد " ايييه تقص علي يا زييد اعرفك زيين وادري ان كل هذا لجل عليا "
عواد : مثل ما ودك ارحل لكن لزووم ترجع ..
زيد : باذن الله ارجع انا مالي مكان غير هالديره ولزووم اني برجع لها ..
عوااد : اي ما ودك تسلم على العمه قبل لا ترحل ..
زيد : توصل انت سلامي لها ..
عواد : وجوااهر ؟؟
زيد " هذا آخر اسم ودي اسمع به "
زيد : يالله ارخص لي ..
عواد :مرخوص الله معك ..


*********************


تقرب صياح من طلال اللي كان يشرب قهوته جنب الناار
صياح : صبحك الله بالخير ..
طلال اللي كان سرحان وعينه بفنجاانه : .......................
صياح : انت تهوجس كثير ايه وكااد انك تفكر بكلام جدي وتفكر وشلون ودك تاخذ بثاره..
طلال : ماله لزووم التفكيير كل شي جاهز واليوم بأذن الله اتحرك بفرسي ..
صياح : البارحه يوم شفتك سهراان وتفكر قلت وكااد انه غير راايه ميير نسيت انك عنيد و عند كلمتك ..
طلال: ودك تخاويني ؟
صياح : لا بله >>وبأستهزااء< انا اجلس هنا لجل ما يصير مثل اللي صار..
طلال : تهرج يا صيااح ذا الحين صار كلام الرجاجيل هرج عندك ..
صياح : هذا ما هو كلام رجاجيل ..
طلال : انا ما ودي مخوتك ولاني بحاجه لها ولا لحاجه لاحد غيرك ودي اروح لحالي وآخذ ثار جدي لحالي ..




**************************



ظبيه بصوت مفاجأ: انتي هنيا ما لقيتج وقلت وكاد بمكانها المعتااد..
الهنوف : هلااا ظبيه ..
ظبيه وهي تناظر الهنوف اللي كانت تسرح وهي تشوف بمكان بعييد : وش فيج يا الهنوف من اياام وحالتج ما هي بعاجبتني ..
الهنوف وهي تشوف ظبيه اللي حستها انها هالاياام صاارت قريبه منها : مابي شي ..
ظبيه : تكفيين لا تخبيين عني حاجه ..
الهنوف : اللي بي لزووم ما تعرفيه انتي , لا صرتي بسني تفهمي ..
ظبيه : وش قصدج يالهنوف انا ما عدت صغيره وان كاان على اللي بيج انا اعرفه ميير ما ودي احجي عنه ..
الهنوف : تعرفييه ؟؟
ظبيه : ايييه اعرفه اعرف ان قلبج يهوجس وعقلج ماهو بعندج ..
الهنوف : اا....ماهو جذا..
ظبيه : لا تحسبيني مااعرف اللي صاير فيج انتي واخوي حاامد..
الهنوف :ها حامد !!!!!!!!!!!!!!!!!!!!!
ظبيه : ايه حامد انتي وهو تعشقو بعضكم ..
الهنوف : للا يا ظبيه الحجي اللي تقولينه ما هو صحيح ..
ظبيه : انا سمعته يهوجس فييج ويقصد القصيد بأسمج حاامد يعشقج ووكاد انج انتي تعشقيه..
الهنوف : يهوجس ويقصد للا وكاد انج انهبلتي وشلوون حامد يعشقني ؟؟
ظبيه : وليه وشلوون ؟؟
الهنوف : انا اللي اقصده اني ما اعشق حامد وهو مثل اخووي ..
ظبيه : ها ؟؟؟
الهنوف : انتي اللي براسج ما هو صحيح وانا لزووم اعاود لجدتي لزووم انها تناديني ..
ظبيه : اصبري اصبري .


********************

جواهر : ماهو صحيح شلون يرحل وما يقول لي ؟؟
عواد: انا لو اني ما جيته كان رحل بدون ما يقول لي ..
جواهر :للا وكاد ان به حاجه ماهو بمعقوول يرحل وما يقول هو كان لا جا يروح جنب الغدير يقول لي..
عواد : والله ماني داري وش فيه ..
جواهر : وانت شلوون تتركه يرحل لحاله ؟؟
عواد : انا اللي شفته ان رحيله لحاله احسن له..
جواهر : وشلووون ؟؟
عواد: يا جواهر زيد اا..
جواهر : وش فيه ؟؟
عواد : لزووم اسكت ماني بقادر احجي كلام ماني متوكد منه ..
جواهر : وش اللي يدور براسك يا عواد ؟؟
عواد وهو يحاول يلاقي له اي اجابه ثانيه عن اللي براسه : ااا انا اللي اقصده انه هو اا..
جواهر : هو ؟؟
عواد: ااا اي اي اي جراح جراح رفيقه هو لزوم رحل لجل يدور عليه ..
جواهر : جراح ؟؟ من هو جرااح ؟؟؟

****************

طلال : نسلم عليكم ..
الشيخ ظاعن : بحفظ الرحمن يا ولدي الله يسهل عليك امرك ..
صياح : يا خووي فكر باللي ودك تساويه وش ذنب اللي ودك تخليه يذوق غلطت غييره ؟؟
الشيخ ظاعن : يا صيااح يا ولدي ان كان هم ما كان بقلبهم رحمه باللي ساووه لزووم نحن بعد ما نرحمهم ..
ناظر صيااح جده اللي تعود انه يكوون قاسي على رجاله وحريمه وشلوون ما يقسى على غيره "لكن انت يا طلال وش ذنبك تطيح بفعايله كل هذا لجل تكبر بعيين الشيخ ما اخذت من جدي غير القسوه "
طلال : لا تفكر تجي معي انا لحاالي ودي آخذ بثاار جدي ..
صياح : اييه ما ودي افكر الله يكوون بعونك ..
الشيخ ظاعن : اييه يا ولدي ما ودي اياك ترجع الا وانت مسااوي اللي قلتلك علييه ..
طلال : لا توصي يا جدي اللي تبغااه يصير بأذن الله ..



****************



فزع زيد من نومته : عووذبالله من الشيطان الرجيم وش ذا الحلووم , حتى بحلومي ماني بمرتااح يا ليتني ماجيت حوول ديرتكم يا جوااهر ويا ليت اخوج خلا المووت ياخذني .........آآه استغفر الله وش اللي جالس اقووله أيييه الله يصبرني باللي يصير فيني ..
تلفت زيد يناظر المكاان من حوله : والله مدري لوين ودي اوصل ..

*****************




اشعل طلال الناار وجلس جنبها وهو يهوجس بكلام صياح"يا خووي فكر باللي ودك تساويه وش ذنب اللي ودك تخليه يذوق غلطت غييره"
طلال : ذنبه انه منهم ولزووم آخذ ثار جدي منهم , وكاد انهم نسيو اللي ساووه من سنين لكن لزووم يذكرو ويندمو على كل حاجه ساووها....


**********************



في اليوم الثاني

جواهر : ابعد ايدك يا عواد ..
عواد : وش بيج يا جواهر جوعاان..
جواهر : اي بالاول يجي زيـــــــــ ................
عواد : اي اي زيييد نسيتي انه ماهو بهنيه ..
جواهر : اي نسيت مد ايدك يا عواد بالعافيه ..
عواد ناظر وجه جواهر اللي بدا عليه الحزن : يا جواهر وش بيج ليه احس انج مهمومه زيد رحل وبأذن الله يعاود ..
جواهر : لا ما هو كذا ميير انا تعودت على وجوده وماني بعارفه اجلس في هالديره من دونه احس حالي غريبه ..
عواد : ااييييييه وش هالحجي اللي تقوولينه وانا وعمتي نسيتينا افا يا جواهر ..
جواهر : للا ما نسيتكم مييير اا .....................


**********************


في الليل جلست الهنوف بمكانها اللي تعودت تجلس فييه وهي تناظر القمر وتهوجس باللي في قلبها

حامد : وش اللي تهوجسي فيه ؟؟
الهنوف اللي تفاجأت بالصوت : حامد ؟؟ وش اللي تساويه هنيا؟؟
حامد : جيت اتطمن عليج اليووم توخرتي اكثر من اول ..
الهنوف : وشلون ؟ قصدك طول هالايام وانت تراقبني ؟؟
حامد : انا ..... كل السالفه اني خايف عليج ..
الهنوف وهي تذكر حجي ظبيه : للا اي اي انت بحسبة اخوي والاخو لزووم يخاف على وخيته ..
حامد اللي استغرب من حجي الهنوف " وش اللي تقصده "
الهنوف : اعذرني يا خوي حامد والله ما كان قصدي اخليك تخاف علي والحين اترخص الوقت توخر لزوم اعاود لجدتي ..
مشيت الهنوف وتركت حامد وراها وهو يفكر بكلمة اخوي " ما هو هذا قصدي يا الهنوف وشلون ابين لج اللي بخاطري "


**********************


ابعد ايدك وارمي السلاح
صحا زيد على الاصوات من حوله وشاف واحد مصوب السلاح صوبه ..
طلال : صبحك الله بالخير ..
زيد وهو يناظر طلال بأستغراب :وش اللي ودك فيه مني ؟؟
طلال : ما ودي بشي ..
وبحركه مفاجأه اطلق طلال رصاصه من سلاحه ..
اغمض زيد عينه وهو ينطر الموت وفتحها بعد ما سمع ونين من خلفه ..
طلال : انت اللي جنيت على حالك ..
التفت زيد وشاف الرجل اللي خلفه وهو ما يعرف وش اللي صاير من حوله ..
طلال : التعب خلاك تنام نومن ثقيل وشكل خوينا كان وده يبوق حلالك ويذبحك..
فهم زيد اللي يصير : تسلم يا وجه الخيير اشهد انك شهم ..
طلال : الشكر لله , وانت لزووم تحاسب نومك الثقيل البواقيين بكل مكان ..
زيد : تسلم ..
طلال : الرجل لزووم له جماعه ووكاد انهم ما هو ببعيدين لزووم تلحق وترحل من هنيا ..
زيد : وذا وش نساوي فيه ؟؟
طلال : اتركه يتوجع لحاله وجماعته ودهم يشوفوه انا طخيته برجله ماهو بميت بأذن الله ..

تحرك زيد مع طلال وابتعدو من المكان اللي كانو فيه طول الطريق وهم يحجو



*********************


الشيخ سرور : وش اللي تحجي فيه يا مصلح ؟؟
مصلح : اللي سمعته يا شيخ , انا حجيت لك عن اللي شفته ... ويشهد الله اني ما حجيت هالكلام الا لجل ما يشوف احد غيري اللي شفته ويحجي به عند النااس ..
الشيخ سرور : انت متوكد من اللي شفته ؟؟
مصلح : اي بالله اني متوكد , ووالله لو اني ماهو بخايف على سمعتك وسمعة القبيله كان ما حجيت عن حاجه ..
الشيخ سرور وعلامات الغيض بدت بوجهه : يا رجال جيبو لي حامد قولوله الشيخ يريدك ذا الحين ..


*********************


طلال : سواليفك ماهي بغريبه وكني قد سمعتها زماان ..
زيد : وشلوون ؟؟ هاذي السواليف ما يعرفها غيري انا وجــــــــــــ
وقف زيد بفرسه وهو يناظر طلال اللي تقدم وهو يسولف لحاله
حس طلال ان اللي معه ما هو بمعه والتفت بفرسه : وش اللي فيك يا رجل علامك وقفت بمكانك ؟؟
زيد : جــ جــ جـــراااح ..
طلال : ها ؟ وش اللي تقوله ؟؟
زيد : هو لزووم يكوون هو لزوووم ..
طلال : علامك يا رجال وش اللي صار فيك ؟؟
زيد : هو انت اي هو لزووم يكوون هو .
ناظر طلال زيد وهو ماهو بداري وش اللي يقوله
طلال: ؟؟؟؟؟؟؟؟؟!!!!!!!!!!!!!!!
تقرب زيد بفرسه صوب طلال : اللي تقصده اللي سولف معك وشلوون متى ووين ؟؟؟؟؟؟؟




_________________________________________________

ابي اشوف تفاعلكم عشان نكمل الروايه.................










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 07-10-2009, 01:20 AM
صورة سالفتي سالفه الرمزية
سالفتي سالفه سالفتي سالفه غير متصل
©؛°¨غرامي جديد¨°؛©
 
الافتراضي رد: عيب الرغى عقب الهدير رواية بدوية


حلو حلو حلو

كمليها بليز

شكل طلال بيسوي غاره على قبيله وبيسبي بناتهم وناااااااااسه

عاد تكون الهنوف وحده من هالبنات وتلعب فيه لعب صج صج وناسه

ننتظر التكمله لا تطولين حنونه

اختك

سالفتي سالفه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-10-2009, 01:41 AM
صورة دلوعه ومزيونه الرمزية
دلوعه ومزيونه دلوعه ومزيونه غير متصل
©؛°¨غرامي مجتهد¨°؛©
 
الافتراضي رد: عيب الرغى عقب الهدير رواية بدوية


كمليييييييييي خيتووووووووووو ننتظرررررررررج


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-10-2009, 06:04 PM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: عيب الرغى عقب الهدير رواية بدوية


/





ـهلآ وسهلآ منوره
والله يعطيك العآفيه
روآية خطييرة بجد :$


بآلتووفيييق



|


|


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-10-2009, 06:21 PM
Nzof Nzof غير متصل
©؛°¨غرامي مشارك¨°؛©
 
الافتراضي رد: عيب الرغى عقب الهدير رواية بدوية


وااااااااااااااااو
الرواية خطنطر مـــرة
والحـلـو فيهآ أنهآ بدوية وكذآ’
أممم كنت في البدآية متوقعة أنوو جرآح هو نفسه طلآل ...
بس الحين أتوقع أنو طلآل قآبل جرآح على كذآ صآيرة سوآلف زيد مو غريبة عليه ...!

وبانتظآركـ ...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 07-10-2009, 06:28 PM
الاميره روزي الاميره روزي غير متصل
©؛°¨غرامي مشارك¨°؛©
 
الافتراضي رد: عيب الرغى عقب الهدير رواية بدوية


السلام عليكم


متابعه لكـ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 09-10-2009, 12:42 AM
صورة حنان انثى 11 الرمزية
حنان انثى 11 حنان انثى 11 غير متصل
©؛°¨غرامي مشارك¨°؛©
 
الافتراضي رد: عيب الرغى عقب الهدير رواية بدوية


سالفتي سالفه
دلوعه ومزيونه
ven!ce
عنقود عنب
الاميرة روزي
مشكوريـــــــــــن ع المتابعه منورين



الرد باقتباس
إضافة رد
الإشارات المرجعية

عيب الرغي عقب الهدير / الكاتبة :عنود السيح ، كاملة

الوسوم
(رواية , الــــرغى , الهديــــر , بدوية , عــــيب , عقــــب
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
المنهجية في طلب العلم *سعادتي في رضا ربي* مواضيع إسلامية - فقه - عقيدة 9 28-12-2012 08:41 PM
تصوير مسجد الجبري بالاحساء بعدسة محمد الفهيد عاشق الإحساس تصوير فوتوغرافي - تصوير احترافي 22 10-05-2011 11:56 AM
ارقام هواتف وإميلات المشايخ ҳoO×غـღــرﯙﯙر أنٽـღـﮯ×Ooҳ مواضيع إسلامية - فقه - عقيدة 17 05-07-2010 05:25 PM
هواتف و إيميلات المشائخ هـــوى الــبــال مواضيع إسلامية - فقه - عقيدة 8 13-01-2008 10:17 PM

الساعة الآن +3: 02:26 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم