اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 371
قديم(ـة) 18-03-2011, 09:48 PM
مشاعر العتيبي مشاعر العتيبي غير متصل
©؛°¨غرامي مشارك¨°؛©
 
الافتراضي رد: البلا لا صار جرحك ما يداني شوف فرحك / بقلمي


بشتآقلك آكثر
ولا أدري كيف .. ؟!
بروح وآترك أمانينا !!
خذ مع "غيآبي" قصيد / وطيف !
وأحلامنا .. اللي ربت فينآ !!
يمكن " تجمّعنآ " أجازهـ .. صيف !


آلفصل السآبع عشر
بـآرت 1

لآ إله إلا الله
.
.

آلسآعه 11 ونص الضحى

بعد مآطلع من عندهـ هآلشآب الغريب وأخذوا كلمة رجآل أنغمس بندر بإفكآره اللي توديه وتجيبه .

دخل يآسر عليه وعو هلكآن مثله وأكثر .. جلس وأخذ نفس طوويل وأسترخى , يحس بحوسه بدمآغه .

فيمآ هو مسترخي وعيونه اللي نص مقفله على بندر وعقدة حوآجبه مسكته للقلم خربشته بالورقه .

همس يآسر بصوت مذبوح : بندر وش اللي شآغل بآلك ؟

مآسمع ردهـ لكن لآحظ إنزعآجه وتنفسه السريع وكآنه كآن مكتووم وبعدين فكوآ عنه .

فتح عيونه يآسر بقووه متجآهل آلألم اللي بدآخله وهو مركز بعمق كبير في بندر وتغيرآته غموضه اللي كل مآله يزيد .

يآسر وضح صوته وعآد سؤالـه ووقف متجه لأخوه وغآليه وصديقه ومؤآمه وروحه اللي يعيش فيهآ .

يآسر حرك يده على عيون بندر ونطق : يَالحبييييييب

آللتفت ببرود وبصوت هآدي يعكس اللي بدآخله : نعم

أبتسم ورجع مكآنه : ينعم بحآلك طآل عمرك , وين وصلت ؟

بندر أسترسل فكرة وتحول على لسآنه : أنآ مستغرب الرجآ’ل اللي تو طلع من هنآ أعطيته كلمه أني رآح أشغله هنآ لكن مآ سألت عن أي شي يخصه ؟

رفع حآجب بإستنكآر : نعم ؟ أعطيته كلمه ؟ وين كآن عقلك وانت تقول لـه ابشر ؟. أصلا شلون تجرآء وكلمك

بندر بطيب نيه : نزل عقآله على هالطآوله يّ يآسر شلون تبيني ارفض ؟

حرك أكتآفه بإستغرآب : ومآ عرفت ابداً وش يبي ؟

بندرناظره بزآوية عينه : وشو اللي مآعرفت وش يبي رجآل ويبي يشتغل ويترزق الله بس هذا هو بس انا مآ ادري عن مؤهلآته تسآعد انه يشتغل بهالمكآن وبعدين شكله محتآج وعلى النيه لانه يبي يحقق رغبة أمه

يآسر : على حسسآب رغبة امه يخرب أمورنآ

بندر : يآسر شفيك اليوم ؟ كل شي متذمر منه ؟ إذا موب رآيق لي لآتكلمني خلك بعيد أحسن

يآسر بهدوء الكون : موقصدي يآبندر بس مستغرب قبولك لرجآل بس

بندر متجآهل كلآمه : أنآ اعطيته وبكره إن شاء الله بيجي وأفهم منه كل شي بعدهآ اعرف وين اصرفه

خذآ نفس طويل ونآظر يآسر بتعب : اللحين خلك من الرجآل بحآول مآ افكر فيه قول لي وش صآر على الخطبه ؟

يآسر عقد حوآجبه مره ثآنيه : زفت شكل زوآجي كلش رآح ينلغي كل يوم طآلعين لي بسآلفه طويله عريضه والنهآيه تفآهة حريم , أووف أستغفر الله بس

بندر : مو قلت لي خآلتي وآقفت على كذآ آليوم أكلم عمي انا عشآن مآ تتأزم اكثر وعمي مستحيل يتردد هو يعرف يزيد وجلس معآه بالمزرعه وتـر

قآطعه يآسر ورفع صوته : أبوي منيب شآيل همه كثر ملوك اللي أمس طلعت لي بسآلفه غبيه "خفض صوته" تقول البنت مآتسوى

ضحك بندر أو بإلأصح فرطهآ ضحك ومآقدر يمسك نفسه من طريقة كلآم يآسر البآئسه والمحزنه كثير .

رفع عينه بإستحقآر : أعتقد مآفي شي يضحك عشآن تفطس ضحك

بندر مسح دموعه وهو يعدل صوته ويبعد نظره عن يآسر عشآن مآ يضحك .

بندر : بسيطه يآحبيبي طنش تعش أليوم أكلم لك عمي وخل اللي يقولونه يقولونه أنت اللي تبي تتزوجهآ ولا هم ؟

يآسر بيآس : أنآ طبعاً

بندر : ههههههههههههههههههههههه خلآص مدآم كذآ اكلم عمي

يآسر وقف وتكلم وهو يبي يلف لآيتطوى فيه : بطل ضحك أرجوك وأنت عآرف ان الموضوع يقهررر

×××××××××××××××××××××××××××××××××××××××××

فرح دخلت البيت ركض وهي تتعثر بخطوآتهآ ونآدي بأعلى صووتهآ لـ سآره والفرحه غآمرتهآ .

سآره من بعيد ردت عليهآ وهي منهمكه بالشغل : هآآآآآه فرح قصري حستس منتيب بالديره

وقفت بنص الصآله وهي تسمع صوت سآره من وين جآيهآ حطت رجلهآ على آخر غرفة .

فرح : يآسآره يآبعد أهلي يآسآره يآروح أهلي كلهههههم , تخيلي من جآني اليوم وهرجني

سآره بنقد تنآظرهآ بعد مآوقفت تطبيق الفرش : ههه حرمة الملك يآبنت مسآعد ؟

غمضت عيونهآ بحلم : إن شآء الله أسلم عليهآ وأقهرتس مير مآهيب حرمة الملك .. شفتي المعهد اللي تروحين له ؟

سآره : إيه وش دخـ

فرح بصوت عآلي : بنآت عم صآحبة المعهد جني اليوم يآووووتس يآزينن علآهن قآلن أنتي تقربين لـ فجر نآصر بغيت أقول إيه بس خفت انهن يعرفنها

فتحت عيونهآ ساره على وسسعهآ: أآهآء بس أشقحيهآ مير جنتس وش درآتس انهن هنه ؟

فرح : علامتس انتي هنه قآلنه قالن بنت عمنآ ونفس اسم المعهد نفس اسم البنت لآ تقولين لي مغير

نآظرتهآ من فوق لتحت وهزت رآسهآ بعدم مبآلآه وتصديق وحمدت ربهآ بهمس , ورفعت صوتهآ : الريآض مآهيب الديره يآفرح
ورآتس انتي واليوم اللي بعده جآيتني بعلم تحسبين انك جآيتن من بيت عمتي ام سعد الله يهديتس ..
رحي رحي نزلي لبتس اللي علآتس ثم تعآلي أفرغي الغدآء العيآل جوآعآ

عفست ملآمحهآ وحكت أذنهآ بقهر : مآنآب لآحقين على الطنخه مير ياآآآآآلله الجنـه

وبالفعـل رآحت وهي متحسره على حمآسهآ اللي حطمته سآره ببرودهآ وعدم إعطآئهآ الإمل للوصول لو جزء بسيييط من صور بِ القصور والسوآقين على حد تفكيرهآ .

عبيد : فررريح , ليش تلبسين بشت أمي ؟

صحآهآ صوت عبيد المستفز , ونآظرته بقهر : وش دخلك انت ؟

عبيد رقص حوآجبه يبي يزيدهآ قهر : دخلني البآب دعتس الدبآب وأكلتي صحنين

فرح صرخت : أعقققققب يآمخمج يآمرووووح

عبيد وهو رآفع ثوبه ونآوي يحطه بفمه وتكلم بخبث : أعقبي انتي يآالمروحه يالففقآشه يآلنقآششه
أبعلم خآلد علآتس

لآحظ عبيد تغيير ملآمح فرح للعصبيه وبسرعه حط الثوب بفمه وأنطلق جهة المقلط ويضحك بلعآنه .

فرح عضت على شفتهآ بغيض : لعنة اليهود علاك يآلحيوآن

سآره وهي تنآظرهآ مع طرف البآب : أنتي ورآتس مآتحركين ؟

فرح فزت بخوف وحطت يدهآ على صدرهآ : سم الله الرحمن الرحيم روعتيني يآسآره .. أبرووح هالحين مغير مآخرني ولدتس عبيد

سآره : مآتنتهون محآرب , أخلصي وحطي الغدآ

×××××××××××××××××××××××××××××××××××××××××

بيت أبو فهد
غرفة غدي

تآملت غرفتهآ الكئيبه حتى مفرشهآ أغمق درجآت الموف وجدآرآنهآ سودآء .

تحطمت نفسياً بعد مآقفلت من أسيل مخنوقه بتصيح مآقلت شيء يونس كل اللي قآلته ان حآلته زآدت وانهآ مآ تكلمه وحمزه أنمسك.

غآيبه اليوم لان نفسيتهآ بالحضيض شآفته بالويك آند وأخيراً بعد غيبه وبعد مآتغير .

تحس بآخلهآ شي كل مره ينكسر , ومع كل مره جنونهآ يتكثف , مآعآدت تقوى .. تغيرت أنغلقت على نفسهآ كثير .

سمعت طق بآب الغرفه آللتفت بسرعه وفزت قبل لحد يفتح عليهآ وقفلت البآب سمعت صوتها الخآيف ..

سمر : غدوو الله يخليك أفتحي لي

غدي صرخت بإقوى مآعندهآ : مآ ابي أحد يشوفني ولا يكلمني خلووني بحآلي

حطت يدهآ على حنجرتهآ وحست بوخززه وآلم بلعت ريقهآ بصعوبه ضغط رآسهآ وهي تنتظر هطول الدموع اللي مثل الأمطآر توآسيهآ قبل النووم .

أنسدحت وتلفت بهدوء وهي تتكلم بصوت مقتول : لآتدخلون في حيآتي .

غمضت عيونهآ بقوه وهي تحس بحرآرة على خدهآ الرقيق , وملآمحهآ الصغيره كثير .

تحس محد فآهمهآ ومحد قريب منهآ ومحد يبيهآ .. تتمنى الموت .؟

مآفي أحد بِ عمر الزهور يبي ينتهي من الحيآه ويحس بظلآمهآ قبل يجرب خطوة وحده من خطوآتهآ المره .

هذي غدي فهمت معنى الحيآه غلط جهلت تشتت أضطرت إنهآ تدخل بقروب سئ مآكآن أحد يرآقبهآ ولا أحد يسآلهآ اذا هي محتآجه شيء أو لا .

وهذي أم فهد للحين غآفلـه وعآيشه حيآتهآ كيف مآتبي نست آصغر بنت وأرق بنت خلفهآ .

صحيح إي شيء تتمنآه غدي يكون موجود قبل تكمل اللي تنطق فيه قدآمهآ , لكن غدي أنطوت ومآطلبت أهم شي .

اللي هو الحنآن والإطمئنآن الإستقرآر .. كآنت اقرب وحده لهآ سمر قبل أمهآ لكن في غضون أششهر تغيرت غدي تغير جذري وتحولت إلى إيمـوآ .

حزينه وكئيبه وكتومه غآمضه ومو مفهومه , حآولوا بنآت عمهآ يتقربون منهآ لكن للأسف بسبب نفسيتهآ اللي تعبت كثير نفرتهم وبقوه من حولهآ .

أصبحت شخصيتهآ سلبيه بشكل غير متوقع .. بعد مآكآنت اللي تونس وتبسط وابداً جلستهآ موب ممله .

هل يآ ترى سمر رآح تسآعدهآ أو تنشغل مع مشآري ؟

×××××××××××××××××××××××××××××××××××××××××

زيآد دخل سفط السيآره على جنب بإحترآفيـه وخبره كبيره وسكر المسجل العآلي .

نزل وسكر البآب ويدندن بطرب على حآله إنسسآن عآيش حيآته ومو هآمه أحد .. مآعنده إي أرتبآطآت غير أخويآه فقط .

ميل يمين ويسآر بعربجه ودفآششه مآيتغير صحيح متهور بس نيآتي جداً وقلبه ابيض .

إجوآء زيآد بعكس أجوآء إيآد اللي ينآظر أخوه من نزل من السيآره لين بدآء يرقص ويهز .

مآفي شيء يجذب لكن هذآ هو الشخص الشآذ لو إحتآج لشيء يصير ينظر حتى لو لقبيح .

شهوته المقززه تجبره تعود مآيقدر يصبر اتخلوا عنه آللي كآن يمآرس معآهم أقذر المنكآرت .

بلع ريقه وهو يقز أخوه قـز مجنون لدرجة أن زيآد وقف وأستغرب نظرآت أخوه لـه وعيونه اللي تدور حول جسده .

زم شفآيفه بقرف بعد مآ أنتبه لـ نية إيآد وأقترب منه بهدوء يحآول يمسك اعصآبه مو خوف ولا حب ولا شيء , لكن يبي يتآكد بس مأوده يظلمه .

وقف قبآلـه وظلوآ ينآظرون بعض وكل وآحد وتفكيره وكل وآحد ونيته .. تقدم إيآد بغير وعي وعيونه على ملآمح زيآد وكآنه اول مره يشوفه .

إيآد بهمس : جيت ؟

زيآد بعبرده وصوت خشن : لآ بروح , وش رآي أمممك أنت ؟

برضوا بكل وآقحه تقدم له ومد يده المرتجفه ويحآول لمس خده .. لكن زيآد كآن اسرع منه ولآنه فآهمه مسك يده بعنف و حذفهآ ولآكآنها من جسم إيآد .

وبسرعه أعطآه كف .. كف وكآنه نآوي يكسر فكه أو ينهيه أو يلف رقبته .. كشر وجسمه تقشعر من حركة اخوه ..

مد يده على تؤآمه بعدآوه وكآنه مو من دمه ولحمه .. لكن مآ تجرآء ومد يده إلا لآنه عآرف أني إيآد الشخص اللي قدآمه نيته وسخه .

تآملآته لِ جسم أخوه بكل لهفه وكآنه يشوف جسم بنت ومو ولد مثله .

ضغط على اسنآنه ووملآمحه تبي تشقق من العصبيه : جرب تسويهآ مره ثآنيه يآسلتوح وربك لـ أذبحك في مكآنك .

نفض يده بشمأزأز كبيـر وبصق على جنبه حتى يحس بقيمة تفكيرهـ الوآطي , ولو ينتبه لـ تصرفآته .

لف رآجع وهو يهتف بصوت مسموع : أخوك يآلزفت أخوووك

وصف بسيط من معآنآه أهل الشذوذ والعيآذ بالله , أصبح ينظر لكل أبنآء جنسه بشوق ولهفه وكآنه على الفطره .

×××××××××××××××××××××××××××××××××××××××××

بعد مآرجعوا من صلآة العصر جلسوآ بالحديقه وقدآمهم قهوتهم أسرتهم تكآملت وأخيراً .

أبو مشاري وأم مشآري شآغل بآلهم موضوع رآئد وزوجته .. لانهم كتموآ سآلفتهم ولآ أحد منهم تكلم ولآ قدروا يلآحضون شي .

فآقدين ملوك من رجعوآ من المزرعه وهي موجودهـ ورآئد مآذكرهآ ابداً طول وقته مع مشآري من يوم يقوومون لين ينآمون .

نآظرت أم مشاري في زوجهآ وغمزت له يعني أسآل وجس النبض . وهو مآقصر على طول نطق وقطع سآلفة رآئد ومشآري اللي كآنت عن السيآرآت وأمورها .

أبو مشاري بزآوية عينه : وينهآ زوجتك يَ رآئد مآبينت ؟

أبتسم رآئد بثقه : موجوه يبى بس تبي تجلس ببيت عمي كم يوم

أبو مشآري إبتسم إبتسآمه فهمهآ رآئد : كم يوم يعني ؟

رآئد يعدل جلسته ويتحآشى نظرآت ابوه : متى مآبغت تجي جبتهآ

أبو مشآري بتسزرآء : والله ؟ "عدل نبرته للجديه" لو عليهآ مآتجي على طول بتجلس هنآك .

ضحك مشآري بصفآء نيـه وهو مآيدري عن شيء ولو درى مآفك حلقـه , لآآنه موضوع حسآس كثير .

رآئد وكآنه تذكر دوآمه اللي قرب وبسرعه يحآول يسعف نفسه : يبى اصلاً عندي رحله بعد يومين من اليوم بالضبط الثلآثآء الفجر إن شاء الله أكون بالمطآر يعني حبكت على يومـ

أبو مشآري قآطعه : إيه يَ بوي شوف وش تحتآج قبل لآتروح وش يكون نآقصهآ مآتدري انت شآغل نفسك وماعندك شي

رآئد حس بشعور يقهر أن آللوم والزعل رآح يجي له وهي تطلع منهآ مثل الشعره من العجينه .

رآئد ينهي الموضوع اللي بنظره كبروه : أبششر وأنآ اصلا على أتصآل معآهآ يعني لو بتحتآج شي بتقول .

مشآري : الله يكون بعونك كم مدة الرحله هالمره ؟

رآئد : ثلآث أسسسآبيع .

أبو مشآري : يآلله يَ بوي ثلآث أسآبيع أكيد أنهآ بتكون بعيدهـ و

رآئد قآطعه وحط سبآبته على قمة أنفه : كل اللي تآمر به على هالخشم بيى أنت تآشر وانا أنفذ بس إذا على ملوك أنت سآعتهآ تتفآهم معآهآ تكونون اقرب ولآ "ورسم اعرض إبتسآمه"

أبو مشآري رد له برآحه نفسيه : آلله يسعدك ويوقفك يَ ولدي

وقف مستآذن يبي يهج من ذآ المكآن لآنه لو جلس شوي يمكن ينفجر وخصوصاً سيرة ملوك يعني موووت .

×××××××××××××××××××××××××××××××××××××××××

نزلت بهدوء وملل تبي احد تحكي معآه تسولف معآه توهآ صآحيه وتبي ترووق على شي جديد .

سمعت رنة جوآلهآ كآلعآده اللي مخصصتهآ لـ عبدالرحمن , وأكتسى ووجههآ اللون الأحمر طلعت جوالها وحطت صآمت دآيركت .

ردت مكآن مآطلعته بجيب جنزهآ وآللتفت تدور على بني أدم , شآفت أمهآ دآخله وبيدهآ ريآن وخلفهم بندر .

وصوت الكعب يلج بالمدخل , أرسمت على وجههآ ضحكه كبيره وتذكرت البنت اللي اليوم تعرفوا عليهآ .

هرولت لهم مرحبه بجيتهم ومهلله وبسرعه بدت تسآل بفضول.. متى رآحوا ؟ ومن وين جآيين ؟..

بندر وهو يجلس ويسحب ريآن لعنده : بس بسس عليك فضوول عجيب

أسيل بونآسة الدنيآ رمت كلمتهآ وهي متآكده أنه رآح يفرح : بندورررري شفت شفت فيس فجر ؟؟

عقد حوآجبه وصغر عيونه : فيس فجر ؟

أسيل هزت رآسهآ بتآكيد : إييه فيس فجر بنت عمي نآصر ؟

أم بندر نآدت على الخدآمه تشيل أغرآضهآ وعيونهآ على اسيل وسآلفتهآ الغريبه , حست ان عندها شي كبير.

بندر : أسيل وش تقولين بالضبط ؟ منيب فآهمك ؟؟؟؟

أسيل رجعت لورى بحمآس مآتدري انهآ بتذبحهم وخصوصاً هو : بندوووري فجر بنت عمي نآصر نسختهآ نسسخه نسخه وربي شفتهآ اليوم بالجآمعه "وبنبرة حزينه"

لون بشرتهآ ملآمحهآ جسمهآ حتى شعرهآ الطووووويل و لونه الأحمر.. بندر وربك كآني اشوفهآ قدآمي .

نقلت نظرآتهآ بين أمها وبندر وكملت بنبره حزينه أكثر وتبكي وصوتهآ المحشور وضح ..

أسيل : يَ نآس نفس نظرآتهآ نفسسسهآ لمآ تبتسم حتى رصة اسنآنهآ , قسم بالله فجر حتى رحنآ لهآ انا وجود ..
وسآلنهآ اذا تقرب لهم بس طلعت مآ تعرفهم اصلا طلعت مش من الريآض ولا الشرقيه من قريه تخيلوا..؟.

أنرسمت على محلآمهم الألم والذكرى الشينه واليوم المشؤوم وليآلي بندر اللي تذبح , وتحطم .

كسر ظهرهم فقدآنهآ ورحيلهآ بدون مقدمآت بعز شبآبهآ ومن كثر مآ الكل كآن متعلق فيهآ خصوصاً أنهآ اكبر بنآت العآيله .

والغريبه من بينهم كآنوا يقولون عنهآ الهنديه لآن بشرتهآ سمرآء وعيونهآ الوسيعه النآعسسه كآنت قريبه لـ خوالها كثير ..

مآفي أحد يشبه لهآ من أعمهآ بعكس اخوآنهآ البيض وبآقي العآيله أخواات امهآ اللي من برى هذا سآعدهآ انها تكون مميزه .

أم بندر بتذمر وهي تلآحظ بندر اللي بدآء يحن تكلمت وهي تبي تنهي وصف أسيل الدقيق عن شبية المرحومه

أم بندر : سآلي حيآتي , خلآص الله يخلق من الشبه اربعين وفجر الله يرحمهآ مو زين تتكلمين كذآ

بندر قآطع امه وحكى وهو بجو ثآني حكي بلآوعي وقلبه يآلمه : متآكده انهآ مو فجر ؟

*
" آو يمكن آلصيف يرثينآ ] | [~



إذا أن من تعشقه يعشق ترابك
آفرش له : ورود في دربه إذا مرّ
وإذا تساوا حضورك مع غيابك
باب الهوى شمّعه بالشمع الاحمّر


آلفصل السآبع عشر
بـآرت 2

لآ إله إلا الله
.

.
بيت أبو فهد
بالمجلس

سمر : أنآ متضآيقه ومآلي خلق اروح مكآن

مشآري وهو حآس ان في شئ مكدر عليهآ : شفيك ؟ شلي مضآيقك ؟

سمر عفست ملآمحهآ ورفعت رآسهآ له : من غدي ؟

مشآري بإهتمآم وهو ينزل الفنجآن من يده : شفيهآ؟؟

سمر نزلت رآسهآ بآلم على حآل أختهآ : مآتبي احد يكلمهآ ادخل عليها بالغرفه ماتعطيني وجه ابداً وصآيره تغيب كثير عن المدرسه وإحنآ تونآ بالبدآيه

تغيرت غدي أحس اني مو قادره افهمها مو عارفه ايش تبي بالضبط .. دآيم تقول تعبآنه من ايش ما أدري

أحس أنهآ مو طآيقه احد حتى أنآ .. المفروض تجلس معاي على طول بس هي ما اشوفها كثير أصلاً

طول وقتها بروحها

أنتبه مشآري لـ عيونهآ اللي تلمع شآف طيبة قلبهآ وحنآنهآ الكبير لـ أختهآ , كآن يعرف انهم قريبين من بعض .

واللي وضح له اللحين أنهم أبتعدوا وهذا اللي خلآ غدي تنفر من سمر ومآعآدت تتقبلهآ ..

مسح كفهآ الصغيره وحضنهآ بإيدينه وعيونه تنآظر ملآمحهآ الحزينه : سمورتي خلآص يآحيآتي لآتضيقين خلقك رآح أسآعدك بنفسي عشآن غدي وعشآنك وكل شي تبينه انا معآك فيه

رفعت رآسهآ بـ شبه إبتسآمه : جد ؟

مشآري إبتسم : جدين يآروحي ..

لكن سرعآن مآرجعت لها نفس الملآمح : بش شلون ؟؟

مشآري حب يدهآ بهدوء وبعدهآ رفع وجهه : شلون ؟ أنآ اقولك اللحين نطي نآدي غدي وتعآلي بسرعه

فزت سمر وركضت تنآدي غدي بإعلى صووتهآ , دقآيق ونزلت غدي بخطوآت ثقيله وأتكت على الدرج بملل .

سمر رفعت يدهآ واشرت لهآ : هنآ , أنزلي في شي رآح يعجبك كثير

بعد هدوؤ تكملت غدي وأبتسمت على جنب : يعجبني كثير !

سمر ركضت لهآ وهي تتكلم وتحآول تتغآفل عن برودهآ : إيَ , ميشوو هنآ ويبيك ضروري يلآ عآد

سحبتهآ من يدهآ وهي ترجع لـ المجلس بحمآسهآ . طبعاً بحكم اصوآتهم العاليه والسكون اللي مآلي البيت كآن يسمعهم مشآري .

دخلوآ , ووقف يرحب بـ غدي ترحيب حآآآآر لدرجة انها انحرجت ...

مشاري : شلوونك ياحلووه , يقالك يعني كبرتي وثقلتي هآ !!؟

غدي : ههههه لاء بس

مشاري وقف وهو عآرف انه بهالأسلوب رآح يجذبها ويجذب كل بزر بعمرها : ما ابي اعذار ابي افعال

عقدت حوآجبهآ وناظرت سمر بإستغرآب , حركت رآسهآ بـ معنى "إيش قصده ؟ "

سمر رفعت أكتآفهآ : مآ ادري اساليه مآ قال لي شيء

مشاري : هههههههه روحي روحي انتي واختك آلبسوا عبآيآتكم وتعالوا لاتتآخروون

غدي لوت فمهآ : بنطلع !؟

مشاري أبتسم : إيه نطلع ونغير جو وش ورانا !!؟ وبعدين الطلعه معاك لها طعم ثآني "وغمز"

سمر : يآبختتتكم ياغدووو كل هالمدح والغزل لك يلآ تعالي نلبس بسس

ونفس مآجو رجعوا سمر تسسحب غدي سحب عشان تمشي وتستعجل ....

×××××××××××××××××××××××××××××××××××××××××

8 العشا

إيدينه بجيب الجآكيت ويتمشى بالبآرك الأجواء بااااارده ومغيمه أجواء بآريس وطقوسهآ المجنونه ماتتغير ..

مو حيرآن لكن بآله مشغول لـ ابعد درجة بعد مآ انهى سوالفه او مصآيبه الصغيره بالإصح , بدآء بمصيبه أكبر.

اللحين قآعد يرتب ومايرتب شي عادي يرتب لـ موت شخص او اشخاص بالموت البطيئ .

مآوده يقتله لكن يبيه يصحى من نومه وغيبوبته العظيمه .. ويبي يقهر ويبكي العود من خدعته وخيآنته الشنيعه .

فهد بتمتمه : عمري مانويت اجي بالشكل اللي انا فيه اللحين بس انتم اللي حديتووني انتم اللي اجبرتوني

لو ماكذبتوا عليه او علينا كلنا انه من لحمنا ودمنا كان ماصار اللي صار كان ماوصلت للحضه هذي يااعمامي ..

طلع يده من جيبه ودخلهآ بجيب البنطلون وسحب له زقآره حشيش .. ولعهآ بمتعه وكآنه يشوف هالنآس يحترقوون قدآمه .

غمض عيونه وبإبتسآمه ممزوجه بخبث ودنآئة الدنيآ اللتمت عليه تعبهآ بضحكه شريره وحقووده وهو يتخيل الأحداث بسرعه تمر عليه ..

فهد صرخ بصوت عالي : Quand mon reve hhhhhh

×××××××××××××××××××××××××××××××××××××××××

بالسيآره يدوجون ويجهولوون ومآهم معبرين أحد ابد , عآيشين حايتهم بالطول بالعرض .!

ناوين بعد سآعه بالضبط يروحون شآرعهم المفضلَ .. كآن تحدي بين قروبين كبيره ومشهوره .

فضلوا هالمره انهم يكونوا متفرجين , لان بعد اسبوعين بالكثير راح يكون دورهم .. فـ يكتسبون خبره اكثر.

شغل زياد الشريط وطفآه حمود وهذا حالهم كآنه طبآين .. كل شوي يتنآقروون مآ عمر مره يوم بدون هوشه.

حمود وهو مصدوم من القنبله اللي رماها عليه سطآم قبل دقيقتين , مايعرف بالعقاب ولا عمره فكر يسال .

حمود : انت متآكد

زيآد : شفت ان قمت شفت ان قمت لـ اطربق ابو السياره واللي جاب السياره , يّ ولد حمزه مااااات خلااص بح بح ماتفهم انت !

حمود : يووه احس اني مانيب قادر اتخيل

سطآم طقه على رآسه وطير طآقيته: كل تبن بالعربي , المهم زيادوووه وشلون اخوك اللحين !؟

تأفف من طآريه : وش تبي من الحياه يوم تسالني عنه !؟

سطآم : كل تبن من قسم حمود وجاوبني

حمود : هع هع هع المشكله اني خلصته مابقيت للغرلا اللي جنبي

زيآد : ماغرلا الا انت يالكلب .. وانت سطام اخوي ما ادري عنه بالضببط

حمود أعتدل بجديه : لالا من جد زياد اخوك بعد مادرى عن السلتووح حمزه وش سوى بكى يعني !؟

زياد : اصلا المدلع مايحب حمزه ولا يدانيه وانا حذفت عليهم السالفه وطرت ما انتظرت كلامهم اصلا

سطآم : يووه والله هالناس مدري شلون عايشين انت لازم تساعد اخوك يازياد تخيل لو تعرف له على مجموعه وسخه ثانيه

زيآد بعصبيه وقهر لف عليه : ساعتها ادفنه وهو حـــي

×××××××××××××××××××××××××××××××××××××××××

بيت أبو يآسر

ملوك : انا ما ادري ايش اللي جابك بصراحه , انت مغسول وجهك بمرق !؟

رآئد تكى على جنب : والله ما ادري مين اللي وجهه مغسول بمرق ؟ ههههههههه

ملوك : طيب ايش تبي اللحين لاتقعد تحط العذر على عمي ؟؟

رآئد : هههههههه تتوقعين اني اشتقت لك يعني ؟ عشان مذا جيت

ملوك حركت خصل شعرها بدلع وتبي تقهره : مآني نآقصصه اللي عندي مكفيني

أشتدت ملامحه من كلمتها وجرآئتها طبعاً كانت غيره لكن من نوع ثآني كانت نخوه مو غيرة انها زوجته .

رآئد ضحك بإستحقار : أقول ملوك ههه ايش رايك اخليك معلقه !! واقلب الموضوع عليك يالفهيمه !؟

ملوك رفعت حاجب : ماتقدر هههه لان كلمتي مسموعه ولا راح تنكسسر

ناظرها من فوق لـ تحت وإبتسم على جنب بطريقه إستفزآزيه : أي واضح والدليل انك تزوجتي من فوق هالخشم "مرر رآس سبابته على انفها "

ملوك بحده وهي تناظر يمين وشمآل : أنت واطي وتفكيرك مثلك انت كلك على بعضك حشره دخلت في حياتي وتحسب انك راح تغير شيء !!؟

ماتغيرت ولا راح اتغير بنظل ملوك .. دخولك مثل خروجك في حياتي انت مجرد لعبه تونست فيها هالمده وبس

تفل على وجههآ بِ قرف خذا نفس عميق ورجع نفسه على ورى وهو مو طآيقهآ لحد يلومه كآرههآ .

تكبرهآ وقآحتهآ وتمردهآ .. مآ يشوف فيها أسم "أنثى" يحس انه حرآم فيهآ .. عديمة احساس بحق وحقيقه .

ملوك اشرت على الباب : أطلع بررررى

فتح عينه بصدمه : نعم !

ملوك حدقت فيه : قلت أطلع برى ما ابي اشووفك

رآئد وقف بثقل : أنا بطلع بس مو لعيونك ومو لجل كلمتك بطلع لاني مو طايقك.. وبعدين تعلمي الأدب عمتي ماقلت لك شي هذا الاسلوب مو كويس يَ ماما !!؟

ملوك لفت لعند البآب وهي عآطيته ظهرها بلا مبآلآه : أطلع أطلع بس ترى مانيب رايقه لك

دخلت ملوك وصوت كعبها بداء يختفي ناظر الفراغ وهو من داخل يحترق قهر وعصبيه وندم وكل شيء تجمع فيه اللحين

طلع وهويهدي نفسه بـ كلمة [سفيهه] .. شخط بالسيآره وهو يبي يموت غيض وحقد عليهآ .

رائد بصوت خششن لان الإنبير وصل H : والله لولا الحشيمه لـ افضحك ياوااااااااطيه

×××××××××××××××××××××××××××××××××××××××××

بيـت ابو خالد

فرح وسآره توهم قآيمين من سفرتهم ورآح يبدون شغلهم بالغسيل ..

سآره : فرح تكفين ياعمري شيكي على عبيد وعزوز لاتنغصون على ريآ

فرح بعد ماحطت أخر صحن على المغسله : أبشري بس لاتغسلين خليها علي

ساره وهي تفضي اللي بيدهآ :هههه اي بالحيييييل خليتها اللحين رحي شفي بنيتي بس

فرح : هههههه والله ان قمت لامرشها هاللحين واترك بنتتس بس أهآ

طلعت فرح متجهه للغرفه وسمعت فتحت البآب وادخلت بسرعه خآفت يكون تركي ولا شي مع انه من جو لهم مادخل إلا مع سآره ومره وحده ..

دخل خالد مبسوط وبإيده كيس كبير صررخ بإعلى صوته وكب اللي بالكيس على فمه .!

خالد : يمممممه فرررريح تعالوووووا

خآلد فتحهآ الكرتون وعيونه تلمع فرح وونآسه وكرر منآداته بصرخآت اكبر ..

ساره بالمطبخ : خويلد قصر حسك اخوانك راقدين

سحب اغراضه بعد ماسمع كلمة امه وركض لهآ بالمطبخ ..

خالد : يمه يمه شوفي اشتريتهآ , قلي لي وش رايك يما تعبت مع الزحمه وانا ادورها

ساره: وشهي ياخويلد ؟

خالد : الكندره هذي تراها بـ 20 ريآل بسسس يمه شفتها مع ولد الإستاذ يقول مشتريها من من بيبيريا!! مدري نسيت اسمه المهم اشتراها بـ 100 عاد ولقيتها

أبتسم , وابتسمت ساره وهي تشوف فرحته بالجزمه [الله يكرمكم] ..

ساره : اهم شي ياخويلد انك لقيتها مجنني فيها اسبوعين ما اقول غير الله يكفيك شرها

جتهم فرح ناظرت فيه بزريه : اهب ياوجهك انت وصوتك اللي تقل مكبرات

خالد رفعها لوجه فرح : شففي يالجني لقيت الكندره اللي مسطله بعقول الورعان

فرح ضحكت فرح وناظرتهآ : أشووووف والله كششخه من وين اشتريتها ؟

خالد :البطحآ اثره مليااااااان كنادر شرقيات مره ثانيه يايمه نبا نشتري منها

حطهآ خالد وهو مسترسل وفرح تتأملها وبدت علامات الإستغرآب وعدم الإستيعآب تنرسم بوجههآ .. فيها شي غريب بس ماتدري وشو غريب بقووه .

فرح بهدوء وفي قمه تآملها : خويلد , اللحين يّ اني انا حولآ ولا الكندره تستهبل !

سكت خالد وهو منتظرها تكمل , وساره لفت عليهم بأهتمام .

فرح : خويلد انت متاكد منها !؟

خالد ضحك بتريقه : وش فيييييتس يالشينه...؟هذي هذي نفسها للي شفتها على ولد الإستاذ , انتي مهبوله ماتعرفين شوفي امي وش قالت

فرح : هههههههه لالا خويلد ناظر بالكنادر يسآر

ناظرهآ خالد وهو مو مهتم بكلام فرح اللي يكششم .. ومتآكد من اغراضه .

ساره : أشوووف , اي والله كلهآ يسآره !؟

خالد بصدمه من كلامهم ونزل يعدلها .. وقلبهآ ملييون مره ومايبي ينصدم اكثر .

فرح : ههههههههههههههههههه خالد مايمديك ورب الكعبه ان كلبوها يسآر انت ماشتفتها زين !؟

خالد بقهر : لااااااااااااااا كلبوها مدحدره

فرح وساره هنا فطسوووووا ضحك من ردة فعله , وخالد بدآء يعصصصصب .

خالد : لآبووهم ولا ابو اللي يشتري منهم الحيوووووان العامل أعطاني اياها بدون مايعلمني .

سحب اغراضه وطلع .. سمع صوت فرح ..

فرح : خالد اركنهآ على جنب بكره الله يعينك غديك ترجعها هههههههههه يالاحول
*
" وإذا تنآسى عشقكم وإيآمه حآول تنآسى من وآلدن جآبه ] | [~

* أبي ألاقي ردود محمسسه لو سمحتم ! : )



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 372
قديم(ـة) 19-03-2011, 11:49 PM
LaM0 LaM0 غير متصل
©؛°¨غرامي جديد¨°؛©
 
الافتراضي رد: البلا لا صار جرحك ما يداني شوف فرحك / بقلمي


عافاك ربي مشششاعر دومك مبدعه وربي
ملوك ممله هي ورائد لا جديد ولا في حماس بينهم ودي يطلقها وافتك
وهـ بث احس بندر بيتزوج فرح ولقاء البنات بها اول الغيث قطره
اياد لازم يتعالج نفسيا ويبتعد عن كل شيء ويتوعى دينيا عشان يتعدل
فهد ما ادري ايش سالفتو :(
انتظر الجاي بشغف لا تتاخري فديتك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 373
قديم(ـة) 20-03-2011, 05:56 PM
عشوق ×_× عشوق ×_× غير متصل
©؛°¨غرامي مشارك¨°؛©
 
الافتراضي رد: البلا لا صار جرحك ما يداني شوف فرحك / بقلمي


وآأآأآأآو رروعـه بصرآأأآحـه اببدآآأع الباررررررتي


وآيـآد الوووقح صصصدق انه حيييوآن مااهمه الا شهوووته والحيووآن يكرم عنه الحمد الله الذي عفااني ممآ بتلآه

وزييـآد بعد التفحييييطط طررريـق الهلآآك بعد الله يهديهم كـلهم ..

..:/ وملآك وققحه بجد الله يعين رآئد عليه يلت يخلهاا معلقه هههههههه>شريره

ويسسسلمو بنتظـآآرك ي الغلآ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 374
قديم(ـة) 20-03-2011, 07:11 PM
رقي رقي غير متصل
©؛°¨غرامي مشارك¨°؛©
 
الافتراضي رد: البلا لا صار جرحك ما يداني شوف فرحك / بقلمي


أهلين شوشو شلونج شخبارج
من زمان عنج تغطين وتطلعين
تسلم أيدج غالبارت
بس أنا كنت متوقعه انه فرح بتحب راءد مو بندر
وفهد موزين حيل
الله يستر لأخرب الدنيا
وأياد الله يأخذه يغث قطع
الله يهدي الشباب الضال ويبعد عنهم الفسق والفجور


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 375
قديم(ـة) 21-03-2011, 04:18 PM
7safa 8lby a5l9lk 7safa 8lby a5l9lk غير متصل
©؛°¨غرامي فعال ¨°؛©
 
الافتراضي رد: البلا لا صار جرحك ما يداني شوف فرحك / بقلمي


يعطييييييييك الف الف اف الف الف الف الف عاااااااااااااااااااااافيه
بااااااااااااااااااااارت ختيييييييييييييييير
تسلم انااااملك النااااايس :)
رااائد&ملوك
الله يعييينه عليها عنيييدة بالمرررة الله يعينه صااابر عليها
غدي
ان شاء الله تطلع من ازمتها
بلييييييييييييييييييييييييييييييز حبيبتي حنا بالنتظااااار
متحمسيييين بالمرة للباااارت الجااااي لاتطوليين علينا :)
اليوم الاثنين رح يكون بارت ولا؟؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 376
قديم(ـة) 24-03-2011, 09:12 PM
تحـ البشر ـدوها تحـ البشر ـدوها غير متصل
©؛°¨غرامي جديد¨°؛©
 
رد: البلا لا صار جرحك ما يداني شوف فرحك / بقلمي


وآآآآآآآو
بآآآآرت يخخخخخبل و يجننن
لبى فررح وقسسم تههههبل
إييياد وش يحسس فيه أنهههبل آلحيين آهله عـآجببهم وضضعه
, آحسسن شي أن زييـآد عطـآهـ ككككف كففو وآلله رجججال
أسسيل ياحليلها تستحي لبى والله
فههد يـآكرهي له مدري وش نـآوي عليييه آلله يسستر
غدي يـآحييـآتي وربي تنرحمم
رآئد & ملوك
مـآيصلحو لبععض , لييتهم ينفصصلون
يـآسسر وحليله تعققد من أهلله هبلو فييه , آن ششـآء الله يتزوج
بندر ياحليله آحسسه آنسسسـآن خلوق , لييته يتزوج فرح
آلححححين حمزه مـآت
مششـآعل
تسسلم آنـآملك ع آلبـآآرت آلجنــآن
وربي روآيييه تخخخبل
آنتظظر آلبـآرت بـ شششوق
لآتطولييين عليينـآ



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 377
قديم(ـة) 04-04-2011, 10:30 PM
مشاعر العتيبي مشاعر العتيبي غير متصل
©؛°¨غرامي مشارك¨°؛©
 
الافتراضي رد: البلا لا صار جرحك ما يداني شوف فرحك / بقلمي



لمو
يعآفيك يّ يآلبآك .. تسسسلمين ولله
فهد ! قصته مطوله شوي , الله يعين اللي مآعندهم صبر =)
حبيييييييت تعليقك وردك .
نورتيني

هجير الحب
أشششكرك من كل قلبي على إهتمآمك وجودك الدآئم .
للأسف أنتششر من فئة إيآد حتى بِ أصغغغر المدن .. وصآروا مدمنين
يّ حي يووووووزرك بس !

رقي
هلآبككك , بخير الحمد لله : ) : )
والله موبيدي ههههههه زحمه الدرآسه هالسنه أنآ صرت مثل السييآره مآ تمشي بدون وقود . وانا مآ اكتب بدون ردود .
يسلمك ربي . منــورتني يآقممممر
لآتبعدين .

بنوته كول
يعآفيييييييك .
إنتي اخططططر يّ خطيره = )
وأنآملك اللي خطت لي مثل ردك المميز .
أحبك وأحب سؤالك المسستمر ..
وهذآ الأثنين إن شاء الله بينزل بآرت ويفرحك .
بس هـآ ابي رد طووويل .

تحدوك البشششر
هلآوغلآ ,
إنتي وقسسم اللي تجننين .
لببببآك ولبى حضورك وطلتــك , وأنآ اقرآء تعليقك فرحت كثير وأبسطني فووووق مآتتصورين .
مبين أنك قريتي البآرت بحذآفيره ومآتعديتي شيء , حتى الشخصيآت كلهم تكلمتي عنهههم !
خليك دآيم هنآ ودآيم علقي وتوقعي .. خذي رآحتك وحمسيني للكتآبه بجد .
اقتباس:
آلححححين حمزه مـآت
يآحبي حمزه أنمسسسك بِ أبشع قضيه وهي [ الوآط] وعقآب هالفآعل والمفعول به القتـل .
من ذوقك يآعممممري , منوره كثير كثير يّ بعدي ..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 378
قديم(ـة) 04-04-2011, 10:35 PM
مشاعر العتيبي مشاعر العتيبي غير متصل
©؛°¨غرامي مشارك¨°؛©
 
الافتراضي


مايطيح الوردمن ثقل الرحيق
ماتشوف الارض تمسك بالخشب
بسهر الليله بلا ليل ورفيق
دام غصن التوت ما طال العنب


آلفصل الثآمن عشر
بـآرت 1

لآ إله إلا الله
.
.


بعد مآودعت امهآ إتجهت لـ قسم الرجآل وهي تسمع دندنة عود بندر المجنوونه والمغريه بشكل يثير الإحسسآس ويهيض شجوووونهآ ..

كآن لحنهآ على أغنيه حلوه تحبهآ اسيل .. الإنوآر الرئسيه شغاله بالمجلس .. دخلت وهي تهمس بلحنهآ .

أسيل: ياربي ماينام الليل إلين يشوفني قبآآله يآربي أنه يحبني موت ولآينساني في عمممممره

بندر رفع رآسه ونآظرهآ إبتسم بقوه وكمل بصوته المبحوح حده : والى من شآف له إنسان يقآرن بيني وبينه ودآيم أطلع آلكسبان ولآغيري ملى عينه

أسيل هزت أكتآفهآ على خفيف : تنكس تنكس

زود الدق بوم شآفهآ مبسوطه : عآشووووو عآشووو

قبضت يدها وحطتهآ قدآم فمهآ وكأنهآ مآيك : يآآآآآآآآآآآربي يآربي مآينآم الليل إلين يشوووفني قبآلـه

بندر خفف الدق : هههه إن شاء الله دوم الونآسه , تبين أسجلك ويصير إهداء خاص !!؟

وقفت أسيل ونآظرت بعمق : والله !

بندر هز رآسه بـ معنى "إيه" : ومين عندي غيييييييرك !!؟

صرخت بفرحه ونطت ضمته : وهـ فديييييتك بس

بندر كأنه تذكر أهم شيء أبتعد عنها شوي وهو يزيح العود وحكى بجديه : بس بششرط !

عقدت حوآجبهآ ووقفت : إيش شرطك ؟

بندر : أوعديني انك تسوينه

أسيل إبتسمت وهي تحآول تكتشف : أمممم واذا كان صعب !

بندر بملآمح تريح : لالا مو صعب عادي مرره

أسيل : اوكي خلاص اسويه وتسجل لي؟

بندر : أكييييييد بس الشرط انتي تنفذينه

اسيل : طيب انت قوله الحين

بندر : هههههه , بكرآ متى تخلصين محآظرآتك ؟

أسيل : آإممممم 12 ونص

بندر حط إيده بيدهآ : خلآص ماتروحين مع السوق راح اتصل عليك وتطلعين طيب !

أشرت عليك بإستغراب : انت راح توديني يعني ؟

بندر : لا طبعاً لو على كذا بقولك بدون شروط ووعود

أسيل مفهيه : مين طيب ؟

بندر رقص حواجبه بحماس : دحومي

صرخت بسرعه ونفضت يدها منه وتعفست ملامح وجهها : لآآآآآآآآ

بندر : هههههههههههه ليه افا بس موقلتي اوكي !؟

اسيل وهي تبعد : خلاص ما ابي منك شي , يلآ بروح انووم

ركضت لبرى ومتهربه من بندر واسلوبه اللي صار ضدها ومع خطيبها اكثر ... هي عارفه ان طريقتها غلط .

بس شتسوي تستحي وتستحي حتى من طاريه , شلوون عاد لو تركب معاه ولا حتى تسلم عليه موب متقبله تتخيل أصلاً .

رفع جواله واتصل على عبد الرحمن يتفق معاه ومطنش حركتها .. لآنه قاعد يطلبه بس شوفة اسيل وبنفس الحآله مايبي يفآجئ اسيل بموقف يزعلها .

×××××××××××××××××××××××××××××××××××××××××

بـ مكتب أبو ياسر

ملوك : يبه ماعاد ابيه

أبو ياسر فتح عيونه على الآخر وهو يسمع ملوك الجريئه والمتمرده صارت تتمرد حتى عليه وعلى امه !

صدمه بالنسبه لهم .. وكلهم فكروا انهم دلوعهآ بشكل غير معقول .. على نيآتهم عمرهم مافكروا ان ملوك ممكن تسوي شي أكبر من الأسلوب .

أم ياسر بحده : ملوك , يعني هو على كيفك الزواج !؟

ملوك بتمسكن كسر خآطر امها وابوها : يمه حتى رائد مايبيني ولا يبي شوفة وجهي وانا ماسويت له شي

وعلى الطالعه والنازله يهاوشني يمه انا عمري مارفعت صوتي عليه او عارضت على شي بس كل مره يقول انا ندمت اني تزوجتك

طقني يمه والله طقني ووكثير مو مره ولا مرتين .. وقبل الزواج بس يهددني لو اتكلم يبي يكذب علي ويحط الغلط علي يبه انا ماعاد اتقدر اتحمممممله

أبو ياسر وقف معصب : مدام الموضوع كذا انا اعرف اتفاهم معه

أم ياسر مسكت يد زوجهآ وبهدوء : أبو ياسر صبر يمكن بينهم مشكله عشان كذا قال رائد هالكلام يا ابو ياسر الامور ماتنحل بالعصبيه

تنهد وآلتفتو صوت بكى ملوك القوي واللي يوجع وبنغرس بالصميم .. نآظروا ببعض وشي طرى على ابو ياسر اللي فلت يده من زوجته وطلع بعصبيه جديده .

فيمآ ابو ياسر نازل قآبله يآسر بِ فرحه شوي وتصرخ من كثر مآهي مبينه من علآمآت وجهه .. ومسبآحه يلعب بيدهـ .

أبو يآسر : أبعد هناك عني

تعدآه ونزل بعجله كبيره نآظره ياسر بإستغرآب بعد مآ طاحت عينه على أم ياسر وملوك والتوتر مرسووم رسم بملآمحهم ولف يلحق ابووه نزل الدرجتين عشآن يششوفه ويهديه وهو مصدوم من اللي شآفه ..

يآسر : يبـه ! يبــه

أبو يآسر وهو يفتح البآب وبصووته آلكبير ممزوج بقهر: يآسر مع الولد هذا ماهوب رجآل هذا ولد

يآسر مسكه بخفه من كتفه يحآول يهدي صوته: يبه الله يطولي بعمرك

وقف قبآله : منهو انا اروح اجيبه بنفسي مآهوب انت اللي تروح له بس قول لي منهو ؟

بصرآخ يحرك إيدين يآسر اللي مضايقته : فكني خلني اروح اتفآهم معاه والله يجي يتعتذر من عمته وبنتهآ وهو حمآر

عقد حوآجبه يحآول يستوعب الكلآم وآللتفت لأمه بسرعه ونطقت ملوك بإرتجآف : قصده رائد يا ياسر

همس ياسر بصدمه ومو أي صدمه : را ئ د !

نفض ابوه يده من ولدهـ وحط رجله على الحديقه وصآر يصآرخ يطلب سيآرته ..

ركض له ياسر مره ثآني وهو يبي يفهمم لو شي بسيط بس مو قآدر من عصبية ابوه مايبيه يطلع وهو كذا مهماً كآن ابوه بعد بصحته مايبي أي شي يآثر عليه ويكسره .!

ياسر رفع صوته حتى ابوه يتبه له :يبـــه , علمني وش فيييييييييييييك والله اخليه يجي بس قول لي وش اللي قلبك !؟

ابو ياسر بصعوبه يتكلم : ولد عمك الولد ماهوب رجال غلطت يوم سلمته بنتي

طلع جوآله بسرعه بديهيه واتصل على رآئد وهو شآد اعصآبه متوتر .. بعد مآحطت السمآعه على إذنه

ابداً مآ أنتبه لـ تغيير الرنآت وإنهآ مو بالسعوديه .

رآئد : يآهلاآآآآآآآآآآ والله وغلآآآآآآآآآآ لبا الطآري بسس

يآسر بهدوء : هلآبك , أخبارك ؟

رآئد : عآل العآل , أنت اللي شلونك عسسآك بخير شلون عمي !؟

قآطعه أبو ياسر بصرخه : مآني بخير ولا ني صاير لين أنصف حق بنتي

عقدو حآجبهم الإثنين وان رده كذا قـوي وجـآمد ... غير السسبيكر وبسرعه تكلم ياسر عشان ابوه مايزيد بالكلام ..

يآسر : وووينك يَ رآئد ..؟

رآئد بعد مآفهم جملة عمه دآيركت تبرمج في بآله ان ملوك قالت شي عنه وطبعاً زودت حبتين من عندهآ على حسسسآبهآإ لكن تنحط برصيييييييدهـ .

رآئد عض على شفته بحــره ونطق : والله يَ ياسر انا مو بالسعوديه كلش انا بالنمسآ امس كانت الرحله وبعد ثلاث اسابيع رآجع وانا عارف قصد عمي ووقله حق بنتك بيوصلك واللي تبيه يجيهآ .

يآسر خذآ نفس وهو مثل الأطرش بالزفه ومايبي يجي ضد أحد ومع شخص ثآني ..

يآسر : مدآم انك برحله ومطولـه الله يعينآ نصبر لكن اول مآتووصل نبي نفهم الموضوع عدل , فمآن الله

قفل بسرعه ولف على ابوه اللي مبين محترق موللللللللع من برود ولده ومن كلآم رائد اللي طول .!

يآسر : رآئد بالنمسآ وبيجلس ثلاث اسابيع

سكت وبعدهآ تكلم مره ثآنيه

ياسر : بس يبه الله يخليك لي , وش فيك هبيت بالرجال ..؟ هو وش المصيبه سواها عشان تقوله هالكلام ...؟

أبو ياسر تكلم بزعل من ولده : اختك حقها ينوخذ ولا بعد من ولد عمهآ اذا ماهوب كفو لزواج لايتزوج ولا ياخذ له بنقاليه ان شاء الله لكن طيب حسسابه عسير إلا بنـآآتي مآ أسمح لآحد يقهرهم ورآسي يشم الهوآ

لف دآخل البيت ويفكك أزآريره , تبعه يآسر وكل علآمآت الإستفآهم فوق رآسسه حس بإحسآس مو حلو ابد .

وكآن الموضوع كبيـر وممكن يوصل لـ شي مومرغوب مدآم ابوه زعلان ..

بس بسرعه نطق : يآرب تسهلهآ , خلني ادخل بس وافهم الموضوع

×××××××××××××××××××××××××××××××××××××××××

بآلغرفه فرح تنآظر جوآلهآ بحسسره تتمنى تكلم مثل آلبنآت الجوآل طول الوقت بإذنهآ بس ماتقدر تحقق هالإمنيه الصغيره .

أولاً مآعندهآ علآقآت ولآ تقدر تسوي في مجتمع مثل مجتمع بنآت الجآمعه ثآنياً جوآلهآ شحن مو عآم وبنت نعمه تدفع الـ 100 مثل سلآم عليكم .

فرح : يآربي ساره ساره ارسلت لي

لفت ساره بِ ضحكه وهي تشوف حماسهآ : منهي ؟ منهي !؟

فرح : بنت العـز يالبببببيه والله , كآتبه "وهي تقلد طريقة كلامهم " متى رآح تجي بوكرآ .!؟

سآره : هآه ؟؟

فرح : هههههه يختي حتسيهم تسذآ وش اسوي .؟

سآره : همآ حتسيهم تسذآ وشوله تمشآشينهن ؟!

فرح عقدت حواجبهآ : هـو ! وش يصير فيني لامشيت معهن تهقين اني يلتوي لساني , سآره انتي علآمتس ؟

سآره هزت رآسهآ : مآبني شي , مير فزي قومي خويلد من غرفة الحريم وكنسيهآ سرعه الحرمه تجي بعد المغرب على طول

قآمت فرح لغرفة الجلوس وشغلت نورهآ وهي تشوفه بِ سآبع نومه والغرفة معفسه منسدح على طرآحته المآيله والمخده محذوفه والبآطنيه على جنب وشرشفه لآفه عليه بقوه .

تأملت المكآن اللي حوله جيك المويه على طآوله خشبيه صغيره وكآسه مقطوطه جنبهآ ونقط .

ضحكت مآهي مستغربه ولا مستنكره متعوده حتى هي كذآ يعني مآفي شي يميز مجلس الحريم عن بغرفة النوم .

فرح : خوييييلد قم الحرمه جت قممممممممم سرعه خووويلد

هزته بقووه من كتفه لين فتح عيونه بإنزعآج , تكلم بصوته الخشن بزيآده والمليآن نوم

خآلد : أنقلعي لـ اكرفستس اللحين

فرح : قم قم قال اكرفتس قال قم انا اللي بشوتك لأنك في حضن تركي , قم الحرمه بتجي اللحين لآذن المغرب وانت ماطلعت من الغرفه ترآني بقول لـ ساره وتعرف ساره ماعاد تفآهم معك

قدم أسنآنه لـ قدآم وهو يقوم من مكآإنه ويقلد كلآمهآ بس بشكل بشع .. ضحكت فرح من حركته اللي دآيم يسويهآ إذا تقفلت بيبآن هوآآآشه .

طلع من هنآ وشدت حيلهآ بترتيب الغرفه المتوآضعه من جلسه كآمله وخدآديآت متكوونه من لونين ذهبي وازرق بتقليم مرصصه ورى بعض .

و 3 طآولآت خشبيه مطليه بلون بني صغيره , طآوله متوسطه الغرفه بمرآيه ومغلفه بنفس آلوان الغرفه .

خلصت وأتجهت للغرفه تصلي وتلبس لآن الأذآن اذن .. وجآرتهم شغلهآ حآر ورى بعض مآعندها تفويت .

بعد خمس دقآيق وفرح وآقفه قدآم المرآيه تعدل آلكرفته البنيه تحلطم مآهي عارفه تربطهآ .

سآره دخلت الغرفه وبخورهآ بيدهآ : وش بلآتس !؟

فرح لفت لهآ وهي شآده الكرفته : يختي قآرهتني أزريت الفها على رقبتي زين ؟

سآره : دقيقه تسآني اعرف اسويهآ انا مير ابجرب .

دقيقتين وهي تلفهآ يمين ويسآر ولا عرفت وبالإخير عقدتهآ عقدتين بس مرتبه وإبتسمت ترضيهآ .

سآره : هاه ! شفي ماهوب لازم تسوينها مثل الريجيل بس شفيها ثابته ماجآزينهآ .

فرح رجعت تنآظر في نفسهآ وضحكت بعد ما اعجبت بشكلهآ الرسمي بزيآده عن اللزوم وماهي بوقتهآ .

كآنت لآبسه قميص وردي وآلكرفته آلطويله فوقه وتنوره بني مكسيه ولآمه شعرهآ لـ فوق حركة "طفشآنه" .

و آلروج السحري اللي يطول ولآ ينمسح بسرعه , كآنت جميله كثير لكن لبسهآ مو متنآسق ولا يبت بصله من الذوق وزآد على هذا إنهآ ماتقدر تدفع ولا تسآل عن شي من المآركآت .

بس بشكل تقريبي فـ هي تحآول تقلد بنآت الجآمعه وبمآ إنهآ توهآ حبه حبه تحآول توآكبهم .

×××××××××××××××××××××××××××××××××××××××××
النمسآ

بعد مآقفل من يآسر وهو يحس ببعثره وربكه مو خوف بس حس بإن الوضع عندهم متوتر ..

ودليلاً رد عمه له ومآيبي أي شي يخرب علآقتهم عشآن شيء تآفهه ومجبور يحط الغلط عليه !

لآن الـولـد عـيـبـه فـي جـيـبـه

فتح عيونه ومآتخيل إلا صورة ملوك تضحك بِ بخبث ونذآله كشر فرك عيونه وحوآجبه بقوه .

تحرك بكسل وهو يتأمل حوسه إبتسم على جنبه وهمس : وحشتني إيآم العزوبيه آللي بدون هموم

أبعد المفرش ومشى بتثآقل كبير يوم وصل للحمآم "الله يكرمكم" رن جوآله والمخصصه لـ ملوك بس !!!!!

فتح عيونه بدهشه ممزوجه بِ تريقه : إمـآ ملوك تتصل لالا أحلم انا للحين شكلي نآيم

نط وهو ميت طنآزه وكأنه عآرفه ليه متصله إكييييييد تحسب أمورهآ إعتدلت وتبي تتشمت بس يحرم عليهآ .

رآئد : أهليييييين وسهلين

ملوك رفعت حوآجبهآ : أهلين , كيفك ..!؟

رآئد : أكيييييد بخير دامني بعيد عنك , إنتي شلونك .. إكيد مو مبسسوطه ؟

ملوك عضت على شفتهآ السفلى وودهآ تذبحه من طريقته : بالعكسس مآتدري شكثر انا مستآنسه مثلك واكثر

رآئد ضحك ضحكه طويله تستفزهآ وهو متآكد انهآ مغبوونه ويبي يزيدهآ يبي ينهيهآ .

ملوك : مآفي شي يستدعي لـ الضحك

رآئد لف يدور منشفته خآطره يصرفها وياخذ دش لكن سمع ردهآ وضحك أكثر : والله غصب عني صوتك بذاته يضحكني , أنآ ابصم بالعشره لو اشوف جثتك بفطس ضحك

ملوك : إن شاء الله يومي قبل يومك عشان اسبقك بالضحك هاهاها

رآئد غير طريقته وبجمود بعد مآشآفهآ ماخذه رآحتهآ : شقلتي لـ عمي .؟

ملوك ببرود : ماقلت شي

رآئد : أحلفـي !؟

ملوك : ماقلت غيرآلحقيقه

رآئد :ههههههههههههه عاد انتي تقولين الحقيقه إنجآز صراحه "رجع لجموده" بس صدقيني ماعرفتي تلعبينهآ صح .. كنت ناوي على الستر لكن رآح أفضحك .

وتكلم بطريقه بطيئه : بس عآرفه يّ وسخه اني اطهر منك بكثير وبقول أخف من اللي تسوينه .

ولآتكررينهآ وتتصلين على رقمي احذفيه لانك بعد كم اسبوع بتصيرين محرمه علي

قفل منهآ وحذف جوآله وطـآر للحمآم وهو مصــمل على كلمآته وصدق مع نفسه قبل لآيصدق معاها .

×××××××××××××××××××××××××××××××××××××××××

السآعه 12 ونص بالضبط .. قدآم بوآبة الجآمعه وآقف برى ومتكي على سيآرته الدوج السودآء .

بـ جينز اسود وتي شيرت أصفر وكآبه الرمآدي وفيه علآمه صفرآء ونآظرآته العآكسه ومتكلف معدل السكسوكه ومتعب روحه كثير .

بمسآعدة بندر متعمد يخلص اموره بسرعه ويطلع من الشركه يكشخ وعلى طول يطير للجآمعه .

مبيتين النيه على انه يغديهآ طبعاًً بندر مآشد على كلام أسيل لانه حآس ان اكثره يكون دلع وثقل فـ أعطى عبد الرحمن كلمته .

طول عبدالرحمن برى يتآمل البنآت اللي حوله مآيعرفهآ مره ! يتذكر شيء بسيط إيآمهم في لبنآن وكآنت صغيره بالنسبه له .

ضحك على نفسه وهو متخيل انه رآح يعرفهآ ونسسى وصية بندر يوم قآله اتصل علي إذا جت 12 عشآن يبدآء يضبط معآهآ ويحطهآ قدام الأمر الوآقع ..!

أتصل بندر عليه وسبقه كلمه وعرف أنهآ راح تجيه بنفسهآ , حس أن قلبه رآح يطير بدآء يرتب مؤخرة رآسه من ورى الكآب ومسح حوآجبه , وعدل وقفته بحمآس.

بأعلى البوآبه جود واسيل وآقفين وحدهآ مطرطعه والثآنيه مرتبكه بتموت بمكآنهآ ..

جود بجمود تبيهآ تتحمس : أنآ بروح , بآي

نزلت بخفه وبدآخلها تضحك على طريقة اسيل وخوفهآ وحيآهآ الزآيد وقف لأخر درجه وهي تشوف أسيل تنزل بتردد وآضح ..

كملت طريقهآ لـ سيآرتهم وركبت وهي تكلم االسوآق يتحرك لـ سيآرة عبدالرحمن اللي علمهم عنهآ بندر .

إمـآ عنــد عبـد الرحــمـن

شآف وحده جآيه لمه بلثآمها المهمل وحجمهآ الصغير مبين حتى من فوق العبآيه , منزله رآسها لأسفل وتمشي ببطئ كبير.

أبتسم إبتسسآمه كبيره وتكلم بعفويه : هلآ والله ومرحبآ

مآسمع ردهآ وفتح اللي قدآم لهآ , إسيل شقهت وهي تشوفه يتحكم بمكآن ركوبهآ عآدي ضحك بدآخله على عفويتهآ .

وتكلم متجآهل شهقتهآ : تفضلي حيآك

رفعت رآسهآ وناظرته لين طآحت عيونهآ بعيونه ونزلته بسرعه وهمست بينهآ وبين نفسهآ مادرت انه سمعهآ

أسيل : أركب هنآ

عبدالرحمن هز رآسه : إيه أركبي الشمس حآآآآره

لف لجهة بآبه وركب وهو متآكد أنهآ بصدمتهآ ماركبت , مد يده وطق على مرتبتهآ بخفه ونآداها .

ركبت بهدوء مآهي مستوعبه صدمهآ بندر واللحين هي بتصير مع عبدالرحمن وبتجلس جنبه يعني خلآص !؟

سكرت البآب وبدت تعرق وتحتر والدم يفور بجسمهآ فووور , دقيقه نتنظره يمشي ولا يسوي شي .

لفت بشويش له وطآحت عينهآ بعينه للمره الثآنيه وحست عينه تلمع وتحكي فرحه غآمره .

بلعت ريقهآ ونزلت عينهآ وهي تحس الجوؤء بدآء ينتكم ويضيق أكثر وأكثر , ومآصحآهآ إلا طريقته العفويه

عبد الرحمن تكلم وبين من طريقته ضحكه : سكري البآب زين طآل عمرك

عقت حوآجبهآ ونآظرت البآب أنه مردود موب مسكر حتـى وشرهت على نفسهآ مدت يدهآ بسرعه وسكرته .

شآفت يده تنمد على القير ومعآهآ سمعته يتكلم بهمس : أحس ان سيارتي رآح تبكي من رقتهآ .

غصب عنهآ ابتسمت من تعليقه , طلع من الشآرع والزحمه ومسك خط تعرفه ويعرفه وكل كآن مطآعم حلوه .

عبدالرحمن : وين تبين بس طبي وتخيري والله لو الود ودي خليت الغدا يجيك لين عندك بس عاد ..

معليك عآدي بعدين اخليه يجيك .

طبعاً عبدالرحمن مآيحس إلا بصوت بأنفآسهآ لآنه يشك يشك أن في أحد جنبه من هدوئهآ ورقتهآ وقلة حركتهآ .

قطع عليهم جوآل أسسيل وحركت شنطتهآ وطلعته بنعومه , وهو يتآملهآ ويبي يموت منهآ مو متعود .

ضغطت الأخضر وحطت آلسمآعه على أذنهآ وردت بخفووووت قتلــه .

أسيل : أهلين

جود : هلآبك , وينك .؟

أسيل بلعت ريقهآ : بالسيآره , ليه في شي ؟

جود : يآويلي بموووووت على النعووومه , يآعوووومري أنآ خقيت معاك كيف عاد دحووومك .

ارتآحت وضحكت من طريقتهآ وبسرعه حطت يدهآ على فمهآ تكتم ضحكتهآ : طيب !

جود : خلآص يَ حيآتي بس كنت بتطمن عليك .. يلآ تتهني وتتغدي بالعآفيه عليك وعليه أول مآتوصلي اتصلي علي , أوكي !؟

أسيل : أوكي , بآيوو

قفلت ونزلت جوآلهآ ولفت عليه بقيآديه وشآفته ملتفت لهآ .. ورآجع يسسووق .. خذت نفس يشويش عشان ماينتبه لها .

عبد الرحمن : مين ؟!

اسيل ببطئ : جود

عبدالرحمن : بنت عمك , أخت يآسر !؟

هزت رآسهآ وهي عآرفه انه عآرف العآيله كلها صغيرهم وكبيرهم بألإسسم طبعاً من كثرة إحتكآكه في عيآل عمهآ .

سفط على جنب ومسك يدهآ اللي مآضلت حتى ثآنيتين بسرعه سحبتهآ وهي بتموت من الإحرآج والبرودهـ باأطرآافهآ .. شعور ملخبط ..

عبدالرحمن أنقهر انه تهور وتكلم بضحكه يقآله يرقع : يلآ تفضلي يآ طويلة العمر

مآتحركت ولا بخآطرهآ تنزل وتتغدآ معاه لانهآ حآسه بتوتر فضيييع ومآهي قآدره تتحرك بإريآحيه مقيده بقوه

من تأملآته وإبتسآمته وقربه منهآ بذآته يربك .. هزت رآسهآ بِ "لآ" وهي تدعي بدآخلها انه يحترم رغبتهآ .

عبدالرحمن : أسيل قولي اللي بخاطرك ماودي اثقل عليك احس انك منتي ماخذه راحتك عادي ياعمري إذا مآتبين والله والله ما اجبرك أهم شي اني شفت عيونك اللي نستني حليب امي

ضحكت أسيل من تعبيره الغير مصفف ذكرهآ بِ زيآد اخوهآ لكن بغزل وكلام حلو فيه مبآلغه مجنونه ..

عبد الرحمن بصرآحه : أسيل لاتضحكين على كلامي انا ترى ماني متعود على اني اجلس مع الجنس آلرقيق ومآ اعرف أعاملهم بطريقتهم صحيح اشوفهم واكلمهم وتلاقيني اعجب بشي فيهآ بس ما اعرف حركآت الشبآب النص كم .

تحمليني كم شهر والله الوقت اللي انتظرك رتبت معلقآت بس عآد تحمليني اصير شخص رومنسي مثل بندر .

إبتسمت مآتدري وش ترد بس لعل ابتسآمتهآ كفيله توضح له انهآ معآه وتسمعه وإنهآ فاهمته وهو بعد يقدر اكثر انهآ حيآويه .

عبد الرحمن : كم عندي أسيل انا ..؟ مآفي غير وحده وتبي تجنني وتطلع الشيب برآسي

ضحك بصوت عالي : والله شكل الرومنسيه من صوب وانت من صوب يآعبد الرحمن والله يعين أخت بندر عليك .

نزلت رآسهآ بحيآء كبيـر من طريقته عفوي عفوي بشكل غير طبيعي مبين اللي بقلبه على لسسآنه .

والدليل انه مآيكلف في صيآغ جمله لمآ صرح لها بإنه مايعرف كآن واضح انه نيآتي وطيوب .

إنتبهت أنه حرك السيآره وطبعاً في بآل عبدالرحمن إنه يضيفهآ من افضل محلآت الإيس يبرد على جوهم شوي .

ومن بعدهآ يرجعهآإ البيـت . عشآن تكون من اول مقآبله خفيفه مو ثقيله ومكروهه وبعد يصير تحب جيآته وتتقبله شوي شوي .

×××××××××××××××××××××××××××××××××××××××××

مـركـز آلـشـرطـه

دخلوا سطآم وحمود و زيآد عآقد حوآجبه وعرقه يصب من الغضب , نآظر الضآبط اللي مبتسم بشمآته ونذآله ضرب رجله على الأرض .

آلضآبط : مآتلآحظ انك كل خميس مشرفني ومعك بندر بس الخميس ذا معك اصحابك ؟

زيآد : لآ والله تووني إلآحظ ماشاء الله عليك ذاكرتك قويه

الضآبط تكى على ورى بإريآحيه : ههه قلت لك يّ زيآد توب لكن إنت يبي لك شغل لحآل يبي لك تعآمل ثآني , هآتو جوالاتهم وهآتو الكآميرآ

زيآد تحرك بقوه : لآآآآآ تعطوووووونه

آلضآبط رفع حآجبه بإستنكآر وشرهه كبيره : أعتقد اني مآ كلمتك

شوي ودخل الجندي معآه جوآلآتهم ومعشوقتهم آلكآميرآ ... كلهم بيموتون قهر لكن مابيدهم حيله .

الضآبط : أنآ بفهم شي واحد ايش استفدوا اللحين ..؟

زيآد رفع حآجبه وهو نآوي شر لو على جثته مآيمشي كلآم الضآبط عليه مآتعود إن كلمته تنكسر..

مايعرف الدنيآ للحين صح إن مهماً وصل لآبد يجي ويوم ويصير شخص مجبور يسوي شي هو مآيبيه ودآئماً رآفضه .

زيآد : كسسسبنآ شهره يآعري

الضآبط رفع صوته بعد مآشآف نبرة زيآد الوآثقه : كسبت شهره !! وين جمهورك مآيجون ويفزعون لك ؟ وينهم ماتقول لي ..؟

كذآ إنتم تبون وتبون وتبون وفي الأخير تنقطون بالسسجن ومكآنكم السجن وتصير شهرتك بالقآع


زيآد : لو سمعتي يكنسون بهآ حمآم مركزكم ذيك السآعه تكلم ! اللحيـ

الضآبط قآطعه بصوت هز المكآن : زيآآآآآآآد لآتكثر حكي ولا ترفع صوتك ترخي رآسك اذا كنت هنآ

صرخ على الجنود : ودوهم لتوقيف وبسرعه أركنوا السيآره بالحجز ..

نآظر زيآد للمره الأخيره وتكلم بحده : تأدب ولا والله لـ يصير علوم منت قدهآ يآزيآد

ضحك زيآد نآظر أصحآبه اللي ضحكوا من حوآرهم ولآ همهم أحد ومنطشين تهديدآته بنظرهم مبآلغه .

زيآد وهو لآف : ههه حط علومك بإقرررب حضـن عبد

الضآبط طق بقلمه بقوه على الطآوله وطلع صوت مزعج فهمومه الجنود ودفوآ زيآد وأصحآبه لـ برى .

*
" ومآتهنى رآعي الزهر الرقيق , لين شآف إنشتعآل الحطب ] | [~




آخر من قام بالتعديل مشاعر العتيبي; بتاريخ 04-04-2011 الساعة 10:50 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 379
قديم(ـة) 06-04-2011, 02:57 AM
LaM0 LaM0 غير متصل
©؛°¨غرامي جديد¨°؛©
 
الافتراضي رد: البلا لا صار جرحك ما يداني شوف فرحك / بقلمي


هههههههههههههههههههههههههه ي حبي لزياد وربي وسيع صدر
اجل يقول لضابط عري هههههههههههههههههههههههههههههههه
الله يعطيه خير نفسسسه
اياد ما ذكرتيه اليوم ؟
ملوك ورائد خنقه
ابو ملوك يومك خايف على بناتك ليه مهيتهم على كيفهم
دحوم يووووه يسمع باالرومنصصصيه ههههههههههههههههه
بندر قلب من بيتكم لبيتنا ثم لعند فرح
مثل ماقلت اول الغيث قطره نحتري سيول جده هههههههههههههه
لمن تتعرف فرح على بنات النعمه صدز ويدخلون فالعائله
عافاك ربي بانتظار القادم <3


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 380
قديم(ـة) 06-04-2011, 09:25 PM
عشوق ×_× عشوق ×_× غير متصل
©؛°¨غرامي مشارك¨°؛©
 
الافتراضي رد: البلا لا صار جرحك ما يداني شوف فرحك / بقلمي


وآآآو البآآآآرتي مرررآ يجنآآن ي الغلآ

وزييآد والله ي هــــــــو رررهيب ب الحييييييييييييييييـل هههههههههه

وملووكـه ورآآئد لآ تعلييـق

وبنتظآآآآآآآآآآآآرتـس ي بعدي دوومـ


الإشارات المرجعية

البلا لا صار جرحك ما يداني شوف فرحك / بقلمي

الوسوم
آلفصـــل ينزل يــــوم الجمعـــه , فصل 3 بارت 1 ص 9 , فصل 3 بارت 2 ص 11 , فصل 4 بارت 1 ص 12 , فصل 4 بارت 2 ص 15 , فصل 5 بارت1 ص 19 , فصل 5 بارت2 ص 22 , فصل 6 بارت 1 ص28 , فصل 6 بارت 2 صفحه 37
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جسد من غير روح أنا / بقلمي نـجـد أرشيف الروايات المغلقة - لعدم إكتمالها 3 14-12-2010 08:31 AM
ولأول مره اقدم موضوع بقلمي ليه يادنيا المحبه نقاش و حوار - غرام 5 29-06-2008 06:44 AM
أقلامنا بين الوهم و الحقيقة..بقلمي ســيد الكلمات نقاش و حوار - غرام 46 23-05-2008 04:26 PM
بقلمى ومنقول عنى موزع ابتسامات مواضيع عامة - غرام 7 16-01-2008 07:01 PM
البلا لا صـار جرحكْ ما يداني شوفْ فرحكْ ! لصمت000كلام ! رسائل جوال - مسجات - وسائط - sms - mms 32 30-05-2007 05:37 AM

الساعة الآن +3: 07:02 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم