اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 81
قديم(ـة) 15-11-2009, 03:56 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك




مشاري انصدم من السؤال وسكت
رغد : يعني ماراح تجاوب
مشاري : يعني وش راح اقول كيف اعترفلها
رغد : طيب انت سألت نفسك يمكن هي ماتحبك ذيك الساعه وش راح تسوي
مشاري : اخاف اعترف لها وانصدم من جوابها اذا قالت انها ماتحبني
رغد : أجل بتقعد كيذا تحبها لمتى أسألها وشوف وش جوابها
يمكن تحبك واذا ماكانت تحبك انساها ياخي
مشاري : الحين قفلي على الموضوع مو وقته
رغد : طيب
مشاري : والسؤال الثاني
رغد : سعود خطيب شوق حلو
مشاري : نعم
رغد : سعودوه خطيب شوقوه حلو
مشاري : برا برا احسب عندك سالفه
رغد : هذا سؤالي وجاوب
مشاري : ماراح اجاوب وش الطلب وبعدين اطلعي
رغد : اوصفلي شكل سعودوه

مشاري: وش سعودوه اقول انقلعي - رما عليها المخده- برا
رغد طلعت وهي تضحك على مشاري
اسيل شافت رغد
اسيل: انتي هنا وانا قالبه الدنيا عليك
رغد: خير في شي
اسيل : لامافي شي بس ماعندي احد اجلس معه قلت ادور عليك
رغد : ليش وين البنات
اسيل تقعد تعيد الموال ان سحر طردتني والبنات عندها ودلع معصبه وتقولها على احمد وان ليان مدري وش فيها وفجر نايمه وانتي والعنود مدري وينكم وشوق تتجهز للملكه ورحت عند خالتي وتقولها على تركي وان رائد طالع
رغد : قصة حياتك مرره تعيسه
اسيل: شفتي شلون
رغد : هههههه طيب الحين وش راح تسوين ترا انا بروح عند سحر
اسيل : بروح معك
رغد : واذا طردتك
اسيل: هههههههه اتحدى تطردني وانتي معي
رغد ابتسمت وراحوا بيت الجد
رغد تفاهمت مع سحر
وسحر خوفاً من رغد وافقت تدخل اسيل
وقعدوا البنات يسولفون
=====================
شوق جالسه بغرفتها فرحانه وزعلانه بنفس الوقت
فرحانه لاني اليوم ملكتها واخيراً راح تشوف سعود الي ملك قلبها
مع انها ولا مرره شافته ولاكلمته بس من كلام امها وابوها عنه حبته من كل قلبها
وزعلانه عشان اختها ماتدري هي وش فيها زعلانه لها فتره وكل ماراحت تكلمها قافله على نفسها الباب
قررت انها تروح تشوف فجر
طلعت من غرفتها وشافت العنود
طالعه من غرفة فجر
العنود : اهلين بالعروسه
شوق استحت : هههههه اهلين فيك
وسلمت على العنود
بعدين العنود طلعت راحت عند البنات
شوق دقت باب غرفة فجر سمعت صوتها من ورا الباب
فجر : مين
شوق : انا ممكن تفتحيلي
فجر : فيني النوم بعدين تعالي
شوق : فجر حبيبتي افتحيلي ابغا اكلمك شوي
فجر استسلمت وفتحت الباب
شوق دخلت الغرفه الي كانت مثل الثلج ومظلمه
جلست على السرير
شوق : فجر حبيبتي وش فيك حابسه نفسك صاير شي بينك انتي وليان
فجر : لا
شوق صارت تطالع فجر وشافت السواد تحت عيونها وباين انها كانت تبكي
بس ماحبت تفاتحها بالموضوع
شوق ابتسمت : يعني الحين يرضيك اليوم ملكتي وماشفتك وابغا اخذ رأيك بأشيا كثيره
فجر حبت تغير جو من اول حابسه نفسها في الغرفه
واليوم ملكة شوق والمفروض تكون فرحانه فما حبت تنكد عليها
وراحت مع شوق لغرفتها
وشوق الابتسامه مافارقتها
من الفرحه
قعدت فجر تساعد شوق بأختيار الاكسسوارات والصندل
وشافت فستانها الي مرره عجبها
وبعدين تفرجوا على التسريحات والميك اب < عاد هذا تخصص فجر
وقعدت فجر تعلمها وش تسوي بشعرها وكيف يكون الميك اب
بعدين رجعت غرفتها تتجهز
اسيل كانت جالسه مع العنود ورغد
اسيل: يلا اعترفوا بسرعه وش فيها فجير
رغد : واحنا وش يعرفنا
اسيل: قالولك حماره كل يوم وانتم عندها
اكيد تعرفون يلاقولوا
العنود : شي خاص
اسيل: افا الحين صار بيننا خصوصيات
دخلت دلع وجلست معاهم
دلع : وش عندكم
رغد : ولاشي
العنود : مو رحتي تنامي وش جابك
دلع : طلالوه الزفت ازعجني ماخلاني اعرف انام تصدقون توني اكتشف ان طلول واسيل لايقين مع بعض سبحان الله نفس الازعاج
اسيل : وعععع انا وطلالوه ابد ماينفع
دلع : هههه طيب " وطالعت العنود ورغد "وش عندها فجر
العنود : ياليل حتى انتي
اسيل : يلا قولوا يمكن نقدر نساعدها
رغد قالت لهم على كل شي
بعدين اسيل قالت انها تبغا تتكلم معاها راحوا بيت فجر وفتحت لهم بعد عناء طويل
رغد وهي تجلس : ترا هذول المزعجات عرفوا بالموضوع
فجر : ومين باقي ماقلتوله
اسيل جلست جنبها : والي يقولك ان عندي كلام ابغا اقوله لك وابغاك تفهمينه زين راح تسمعيني
فجر: خير وش عندك ترا مالي خلق
اسيل: الحين عرفنا انك تحبين بندر وهو بيخطب مشاعل
فجر حست انها بتبكي
اسيل : ليش حابسه نفسك بالغرفه مهما صار خلاص حاولي انك تنسين بندر
لمتى انشاءالله ناويه تحبسين نفسك بالغرفه اليوم ملكة شوق المفروض تكوني اكثر وحده فرحانه لها
لو تشوفين لارا طول الوقت وهي تناقز من الفرحه
صحيح انك مجروح وصدقيني انا مقدره وضعك
بس حاولي قد ماتقدري تنسي او تتناسي بندر
مع اني عارفه ان هالشي صعب بالنسبه لك
لانك راح تشوفينه دايماً
بس الحياه ماتوقف عند هالشي
وصدقيني بندر لو عرف انك تحبينه ولو كان يعرفك زين ما اختار مشاعل بس هذا اختياره ومحد يقدر يغيرله رأيه
ولو كنتي صدق تحبين بندر راح تفهمين الي راح اقوله لك الحين
فجر دموعها نزلت غصب : كملي سامعتك
اسيل ابتسمت : الي يحب يتمنى السعاده للشخص الي يحبه حتى لو كانت مع غيره
اذا كنتي من جد تحبين بندر
راح تتمنيله السعاده حتى لوكانت مع مشاعل
ولازم تكوني اقوى من كيذا يعني مو كل ماتذكرتي بندر صحتي
خليك قويه
فجر ابتسمت وتمسح دموعها : تصدقين ماكنت متوقعه كلام مثل هذا يطلع منك
وانا صدق احبه واذا هو اختار مشاعل الله يهنيهم مع بعض
العنود ابتسمت من قلب لها فتره شايله هم فجر بس حست من كلام اسيل وابتسامت فجر انها بدت ترجع مثل اول
دلع ورغد فاتحين فمهم وكانوا مستغربين كلام اسيل ابداً ماكانوا يتوقعون على خبالها ودلاختها احياناً يطلع منها كلام مثل هذا
جا العصر الكل راح الكوافير
الي راح يقص والي يصبغ والي ميك اب وتسريحه ....الخ
رغد صبغت شعرها خصل لونها موف وطلع شكلها خرافه مرره جنان اللون كان رووعه
رهف قصة شعررها قصير قصته " قصة فكتوريا " وطلع شكلها جنان
العنود قصت شعرها على نفس الطول مدرج
اسيل صبغت شعرها اسود وطان شكلها يهبل
دلع صبغت خصل احمر ناري مرره حلوه
ليان ماحبت تلعب بشعرها وماقصته لاهي ولا لينا



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 82
قديم(ـة) 15-11-2009, 03:58 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك







والكل سوا تسريحات وميك اب
اما فجر وشوق وسحر وندى راحوا مشغل ثاني
ندى قصت اطراف
وسوا الميك اب والتسريحات
جــا وقت الملكه المنتظره
اسيل كانت تمشي في الحوش مع دلع متوجهين لبيت ام اسيل
اسيل كان جزء منها يحس بالشووق والخوف انها الحين راح تدخل البيت مرره ثانيه
وكأن امها موجوده فيه
في قلبها كانت تتمنى اذا دخلت تشوف امها مع المعازيم مع انها تعرف ان هذا الشي مستحيل بس هالشي غصب عنها من شووقها لأمها
تتمنى تشوفها حتى لوكانت امنيه ماراح تتحقق
كانوا مغطين وجيههم عشان حاطين ميك اب كامل
وهم ماشين
دلع شافت تركي كاشخ بالثوب والشماغ وشكله خقق
وشافت ريان الي شكله يجنن كلهم لابسين ثياب
دلع حست بمشاعر غريبه لمن تذكرت كلام تركي
بس بسرعه نفضت هالافكار الي تجيها وكل الي في بالها
" مستحيل احب تركي"
دلع : اسيلوه شوفي ريان وتروك طلعوا حلوين وانا على بالي انهم شيون
اسيل: ايه والله ريان طالع شي بالثوب والشماغ
دلع : ههههههههههههه حتى تركي ليش ماقلتي انه طالع حلو
اسيل: مايحتاج اقول هو دايماً طالع يهبل بس انتي ماتلاحظين
دلع ابتسمت
وصلوا البيت وهم واقفين عند الباب
اسيل ترددت
دلع التفتت عليها : موناويه تدخلين
اسيل : الا بس لحظه
دلع : اسيل فيك شي
اسيل: هههههه لا يلا ندخل
ودخلوا واسيل قلبها يدق بسررررررعه
وهي تطالع بيتهم الي شكله غير وكان فيه معازيم كثير
دخلوا وسلموا على اقاربهم
والكل ماشال عينه عنهم
اسيل كانت لابسه فستان احمر طويل كت وفتحت الصدر على شكل 7 وماسك على الجسم وكانت مسويه شعرها فلو ولونه اسود
طالع شكلها عذااااااااب
دلع لابسه فستان لونه موف توب وماسك من قدام طويل ومن ورا قصير
بعد ماسلموا على الكل
دلع : الحين وش نسوي
اسيل التفتت شافت الطاوله الي جالسين عليها اخوات سعود
اسيل ابتسمت وصرخت : سميــــــــــــــوه
دلع ارتاعت : بسم الله وش فيك تصارخين
سميه التفتت على مصدر الصوت
وشافت اسيل تأشرلها وهي مبتسمه
ابتسمت من قلب وراحت وسلمت عليها
اسيل : وينك اختفيني من بعد العزيمه ماسمعنا عنك شي ولاشفناك
سميه : هههههههههههههه خلاص راح تشوفين لمن تطفشين لاننا طالعين معكم للمزرعه
دلع : والله راح تكون طلعه حلوه غير عن دايماً
اسيل : وانا اشهد
سميه : وانتي الحين ليش تصارخين كان جيتي عندي مولازم تصارخين شفتي شلون الكل يطالعك
دلع : وربي انها خبله شفتي العجوز الي هناك – وتأشر على طاوله بعيده – شكلها كانت بتخطبك لولدها بس شكلها غيرت رأيها يوم سمعت صراخك قالت اكيد هالبنت ماتستحي هههههههههههه

اسيل : هههههههههههه وش اسوي تحمست
سميه : أجل وين باقي البنات رغد والعنود وفجر
دلع هزت كتفها يعني مدري
اسيل : الحين جايين قاعدين يلبسون
دلع مسكت سميه من كتفها : سميوه بيني وبينك سعود اخوك حلو ولا شين
سميه : ههههههههههههههههه وش هالسؤال والله شوق وهي خطيبته ماسألت انتي وش عليك
دلع : كيف وش علي لازم اعرف اخاف يطلع شين وتتوهق
سميه : ههههههههههههههههههه خلاص هي تشوفه وتحكم بنفسها
اسيل : يعني ماراح تقولي اكيد شين
سميه ابتسمت وسكتت
راحوا وجلسوا بالطاوله
" سميه ودلع واسيل ورهف وندى ولينا وهبه ولوجين "
ليان كانت جالسه بطاوله ثانيه مع امها وام فهد وسحر وام احمد والجده
وساكته
" ليان كانت زعلانه لان فجر قافله على نفسها وماكلمتها من اول وكل مرره تحاول تروح عندها تكون نايمه
عشان كيذا متضايقه "
عند رغد والعنود وفجر كانوا يلبسون
رغد لابسه فستان لونه ازرق نيلي فتحت الصدر على شكل 7 وفيه كرستاله كبيره لونها على سكري
وكان شكلها جنااان وشعرها طالع حلو مسويه تسريحه رافعه شعرها ومنزله خصل من قدام وميك اب خفيف مرره حلو
العنود كانت لابسه فستان لونه اسود توب وفيه تطريز بالذهبي ومسيحه شعرها وحاطه ميك اب روعه وطلع شكلها يجنن
فجر لابسه فستان لونه خربزي ماسك على الجسم ومسويه شعرها فلو وكان شكلها حلوو
العنود وهي تلبس العبايه : بنات الحين تتوقعون في ناس كثير
رغد : اكيد اذا يوم العزيمه كانوا ملايين أجل اليوم راح يكونوا بليارات
فجر : هههههه اقول يلا بسرعه تراني متحمسه مرره ابغا اشوف سعود
العنود : بنات ترا والله راح تكون صدمه اذا طلع شين
رغد : تخيلوا بس يطلع شين
فجر : لالا هم يقولون انه حلو
وطلعوا وهم ماشين بالحوش شافوا بندر يكلم محمد
فجر حست انها بتصيح يوم شافته
حاولت على الاقل لليوم تنسا بندر او تتناساه
عشان ماتخرب فرحت اختها

رغد: فجرووه وقسم بالله لو صحتي لا اكفخك خلاص امشي بسرعه ولاتعبريه
فجر طاعت رغد
بندر شاف البنات جايين
بندر: السلام عليكم
العنود ورغد وقفوا اما فجر دعست 180 وماشيه وكأنها صاروخ
بندر استغرب ليش راحت
العنود : وعليكم السلام
رغد : ترا احنا مستعجلين باي وراحو
بندر استغرب منهم بس ماعبرهم ودخل المجلس
راحوا يلحقون فجر
وصلوا لعندها
العنود : خير وش عندك طايره
فجر : مو انتم قلتوا امشي ولا اعبره
رغد : بس هو سلم هههههههههههه المفروض تردين السلام مو صافطه عليه
فجر : ماعلينا انا اليوم بحاول انساه وبفرح لشوق
شافوا تركي ماشي لجهت المجالس
رغد : بنات والله فرصه ماتتعوض
العنود : الي هي
رغد راحت وقفت قدام تركي
تركي : بسم الله وانا كل ما اروح مكان تطلعين لي ابعدي عني تراني مستعجل
رغد : لا مافي روحه اول شي عندي لك سؤال
تركي : خير
رغد : سعود خطيب شوق حلو ولا شين
تركي : هههههه وانتي وش عليك
العنود : بتجاوب على السؤال ولا لا
تركي : بجاوب شفتوا الي واقف مع مشاري عند المجلس هذاك سعود
التفتوا كلهم على المكان الي أشر عليه تركي
وكلهم انصدموا يوم شافوا الي واقف مع مشاري
الولد كان ابيض مررررررررررررررررره ونحيــف < بالعربي شين و بقوه
فجر : لا لا حرام مستحيل هذا سعود < البنت مو مصدقه
رغد : حرام شوق بتاخذ هالشين
العنود مصدومه : هذا الي يقولون عنه حلو والله مافي ذرة جمال
رغد : اكيد شوق اذا شافته بيغمى عليها
فجر خلاص بتصيح : ياويلي شوق بتاخذ هالشين والله لوشافته بتموووت
رغد : ههههههههه والله انا قايلتلها تشوف على الاقل صوره له بس تستاهل
وراحوا بيت ام اسيل
رغد من يوم مانقلوا من بيتهم مادخلته
وكانت تحس بشعور غريب وذكرياات كثير بدت ترجعلها
حست بالحنين لبيتها والشوق لامها وابتسمت وغمضت عيونها " الله يرحمك يمه "
العنود حست برغد بس حبت تبين ان هالشي عادي
فجر دخلت وسلمت على الكل وعيونها تدور على اختها وصديقتها ليان
بس ماشافتها جالسه مع البنات
التفتت على الطاوله الي فيها الجده وشافتها جالسه وبعالم ثاني
راحت لعندها
فجر : ليانوه < انعدت من العنود ورغد
كيفك والله اليوم طالعه تهبلين
ليان التفتت وابتسمت من قلب : فجر يالخاينه وين اختفيتي وقفت وحظنتها
فجر ابتسمت
فجر بعد ماسلمت عليها جلست معها
فجر : ليان الحقيني
ليان : وش فيك
فجر : سعود خطيب شوق شفناه واحنا جايين وربي انه شين
وجلست توصف لليان شكل سعود
ليان : ههههههههههههه مسكينه شوق لاتقولون لها
فجر : شلون مانقول لها احسن نقولها قبل ماتتوهق
ليان : براحتك هي اختك انتي تفاهمي معاها
عند العنود ورغد
رغد صارت تطالع البيت وماتسمع شي مع ان البيت اخر ازعاج والاغاني توصل للشارع
بس هي كانت بعالم ثاني
ذكريات تروح وترجع في بالها
قطع تفكيرها العنود : بتوقفين كيذا امشي خلنا نروح نقول للبنات على اخر اكتشافاتنا
رغد : يلا



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 83
قديم(ـة) 15-11-2009, 04:01 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك


وراحوا ركض لعند البنات بدون حتى مايسلمون
العنود : الحقووا تو شفنا سعوودوه خطيب شوقوه وربي انه شين
" ما انتبهت على اخوات سعود الي جالسين معهم وكانوا ساكتين ويطالعون العنود "
العنود تكمل: ابيض مرررررره كأن عنده برص ونحيييييييييييف كأنه عود اسنان
" انتبهت على اخواته الي جالسين يطالعوها وسميه مبتسمه وتسمع العنود "
العنود ولاهمها شافتهم بس كملت : كان واقف يتكلم مع مشاري انا صراحه انصدمت لمن تركي قالي ان هذا سعود هم قالوا انه مملوح والله مافيه ذرة ملح شــين وبقوه كمان
اسيل فتحت عيونها على اخر شي : شــــــــين
دلع : والله انا قايله انه شين
سميه : هههههههههههههه
استغربوا الكل منها بس ما اعطوها وجه
راحوا فوق عند شوق " دلع ورغد والعنود واسيل وفجر وليان "
رغد فتحت الباب بقوه
شوق نقزت من الفجعه
شوق كانت لابسه فستان لونه ذهبي طوويل وله ذيل وماسك على جسمها وحاطه ميك اب ناعم طالعه قمــرر
العنود : الحقي الحقي
فجر شافت اختها وخنقتها العبره : لا مستحيل هذاك الشين ياخذك
شوق موفاهمه شي وقاعده تطالعهم بأستغراب
رغد : شفنا سعود ياشوق شفناه وياريت ماشفناه شين مررررررررره معفن
شوق جلست على الكرسي على دخلت هبه وسحر
شوق : احسب فيه مصيبه صايره
دلع: الحين هذي مومصيبه يقولون شين ابيض كأن عنده برص
ونحييييييييييييييييييييييف مرررره يحوم الكبد
شوق : انا ماوافقت عليه عشان شكله انا وافقت عليه عشان سمعته الكل يقول انه طيب وحبوب وانا ماتهمني المظاهر
رغد : على الاقل لو كان فيه شويت جمال كان قلنا معليش بس هو شين يابنت الحلال ماتفهمين وش معنى شين يعني مو حلوووووو
شوق ابتسمت : وانا راضيه فيه الحين بدل ماتباركولي جايين عشان تقولون سعود شين
رغد راحت تتحسسجبهت شوق : انتي صاحيه نقولك شــــــــين يعني مولازم تاخذينه
شوق : لعبه هي خلاص انا وافقت عليه وانا راضيه فيه انا يوم ابوي كلمني عنه وكيف اخلاقه وسمعته وافقت وماسألت عن شكله لان هذا اخر شي يهمني
هبه ابتسمت على كلام شوق واعجبت بتفكيرها وحست انها تحب سعود مع انها ماتعرفه
البنات باركوا لشوق بدون نفس وهي جلست تضحك على اشكالهم واضح انهم غير معجبين بشكل سعود
نزلوا كلهمم وقاموا يرقصون وفلوها رقص واستهبال
وبعدين جلسوا وجاتهم ام مشاري
ام مشاري : بنات قوموا سلموا على بنات عمكم
رغد : اي عم
ام مشاري : عمكم صالح يلا قوموا
رغد قامت هي والعنود واسيل ماتحركت من مكانها
العنود :انتي هيه ماتسمعين قومي سلمي
اسيل التفتت عليها بكل برود : مانيب رايحه اسلم عليهم
العنود : ليش انشاءالله
اسيل على نفس البرود : كيذا مزاج
رغد تعرف اختها اذا عندت ماتسوي غير الي في راسها
رغد : يلا عنيد خليها براحتها
العنود : اوكي وراحوا
سميه : اسيل خلاص روحي سلمي وتعالي اكملك السالفه
اسيل : مانيب رايحه لهذي الاشكال انا اليوم فرحانه واذا رحت عندهم ادري اني راح انكد على نفسي
سميه استغربت : ليش
اسيل : بنات عمي يكرهوني كره مدري ليش وكل مرره اروح اسلم عليهم يسفهوني ولا كأني واقفه
سميه : ليش يكرهونك صاير بينكم خلاف
اسيل : والله في حياتي هذي كلها ماسويت لهم شي بس هم اذا شافوني يقعدون يناظروني بحقد وكره مدري ليش
سميه : حالتك صعبه يابنت عمة زوجة اخوي
اسيل : هههههههههههههههه مشوار قولي ياصديقتي احسن
سميه : هههههههههههه طيب
لينا : اسيل تتوقعين رندى جات معهم
اسيل كأنها تذكرت رندى : يووووووه نسيتها اكيد جات خلاص الحين ترجع رغد اقولها تروح تناديها
سميه : ومين هي رندى
اسيل : بنت عمي بس انها عسل تنحب بسرعه
سميه : اها
جات العنود ورغد وهم ميتين من الضحك
ندى : وش فيكم تضحكون
رغد : هههههههههههههههههههههههههههههههه مشا هههههههههههه مشاعل هههههه طاحت مع الدرج هههههههههههههههههههههه
العنود : هههههههههههههههههههههههههههههه آآآي بطني هههههههههه مقدر اتنفس هههههههههههههه كانت واقفه فوق عند الدرج هههههههههههههه شافتنا صارت تطالع رغد وهي نافخه ريشها ههههههههههههه قامت تأشرلي هاي ههههههههه الا نشوفها في ثواني عند رجولنا هههههه
اسيل : ههههههههههه خساره فاتنا الموقف
رغد : ههههههههههههه اقسم بالله ان البنت هذي مصخره هههههههههههههه
اسيل : خلاص تضحكون على البنت يمكن تفشلت
العنود وهي خلاص بتنفجر من الضحك : هههههههه تفشلت الا قامت مثل الحصان عدلت نفسها ولا كأن احد شافها
اسيل : جات معهم رندى
رغد وهي تجلس : لا يقولون مريضه
اسيل : وش فيها
رغد : مدري انا اليوم بكلمها
اسيل: حتى انا بعد الملكه بكلمها
العنود تكلم سميه : اخوك ابداً مايشبهلك انتي احلى بكثييير
من هذاك الشين
سميه : ههههههههههههههههههههههه
رغد بهمس لأسيل : هذي بس تضحك
اسيل بنفس الهمس : مدري يمكن متفشله من اخوها الشين على قولتكم
البنات كل شوي يرؤقصون رقصوا على كل الاغاني
بعدين طلعت فجر فوق عند شوق
فجر بأبتسامه : شوق ترا الحين راكان بيطلع عشان توقعين
شوق ابتسمت بتوتر
فجر : ترا انا اقول على حسب الي شفته احسن شي تغيرين رأيك قبل ماتتوهقين مع الشين
شوق ابتسمت : ماراح اغير رأيي انتم ماتفهمون كل شوي وحده طالعتلي تقولي غيري رأيك انا موافقه عليه حتى لو كان شين هذا الشخص الي من اول احلم فيه وافكر فيه من كلام اخواته وابوي وامي انا احبه وراضيه فيه
شوق ابتسمت على كلام اختها الي باين انها متمسكه بحبها لسعود حتى لوكان مو حلو مع انها ماتعرفه ولا قد شافته بس هي حبته من كلام اخواته وسوالفهم عنه حسته انسان طيب مرره وحبوب
إندق الباب
راحت فجر فتحت شافت امها ولارا وراكان معاه دفتر التوقيع
دخلوا وشوق قلبها صار يدق بقوووه هذي اللحظه الي راح توقع فيها راح تكون ملك لسعود الانسان الغامض الي ماتعرف عنه شي غير كلام سمعته
سمت بالله و وقعت
امها ولارا وفجر جلسوا يصيحون من قلب وراكان يضحك عليهم وجلس يهدي فيهم
بعدين طلعوا
وشوق قعدت لوحدها بالغرفه خلاص كلها كم ساعه وراح تشوف سعود
========================
جا وقت الزفه وإنزفت شوق لوحدها على اغنيه تركيه هاديه وكانت ملكة جمال قليله عليها
اسيل: وين الشين ما انزف معها
رغد : هو اصلاً له وجه ينزف شين
العنود : هههههههههههه خلاص لاتقعدون تقولون شين اخاف تزعل حرم الشين اقصد سعود
شوق قاعده على الكرسي في الكوشه وهي توزع ابتسامات والفرحه موسايعتها
جات عندها ام سعود وامها وسلموا عليها وباركولها
بعدين قالولها تروح المجلس عشان تشوف سعود
هنا قلبها صار يدق بأقوى شي من قوي الدق حست ان الكل يسمع دقات قلبها
راحت مع ام راكان للمجلس
وراكان كان واقف عند باب المجلس
ابتسم لها وبعدين دخل وهي دخلت وراه ومنزله راسها مستحيه ومرتبكه
جلست جنب راكان
سعود انبهر بجمالها
راكان بارك لهم وطلع
سعود: كيفك شوق ؟
شوق بخجل : الحــ ــمدلله
سعود بدون نفس: مبرووك
شوق وهي خلاص بتموت من الحيا وبصوت واطي : الله يبارك فيك
سعود وقف : يلا انا الحين رايح باي
شوق رفعت راسها مستغربه من حركته وش عنده مستعجل
شوق تنحت بسعود " هذا الي يقولون عنه شين "
شوق فهت
سعود استغرب ليش تطالعه كيذا بس ما اعطاها وجه وطلع
× سعود : 25 سنه يشتغل بجده شرطي وعايش هناك جمــيل لابعد درجه اسمراني وجسمه رياضي وعيونه وساع كحيله < بالعربي يخقق
وشخصيته راح نتعرف عليها بالأحداث الجايه
شوق انصدمت مو من شكل سعود من تصرفه معاها هي كانت تتمنى هاللحظه من زمان وهو جلس معها بكل برود وكأنها مايبغا يجلس معها
قعدت متنحه لمن دخلت عندها امها واخوات سعود
سلموا عليها وباركولها
وهي كانت مسرحه وتفكر
في الي صار هبه اخت سعود لاحظت ان شوق سرحانه وبعالم ثاني
طلعت شوق الغرفه الي فوق وهي تفكر بالموقف
دخلت عندها هبه
هبه وهي تجلس:شوق وش فيك
شوق طالعت هبه : عندي سؤال
هبه ابتسمت : إسألي
شوق بشك : سعود آآآآ يعني هو مايبغاني يعني متزوجني غصب
هبه انصدمت من سؤال شوق وسكتت
شوق ابتسمت : هبه قوليلي وش فيك سكتي
هبه رفعت راسها لشوق : بقولك شي عن سعود
شوق : قولي
هبه : سعود ................. << انتظروا التكمله بالبارت الجاي



كيذا يكون انتهى البارت السادس الجزء الاول ملكة شوق



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 84
قديم(ـة) 15-11-2009, 04:03 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك


يــلآاا انتظــر ردوودكـم الحلووووووهـ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 85
قديم(ـة) 15-11-2009, 05:00 PM
صورة غَدق ْ الرمزية
غَدق ْ غَدق ْ غير متصل
✽ | тнєzєєяу
 
الافتراضي رد: رواية إكتشفت إني أحبك


وااااااااااااااااااااااااااااااااااااااااااااااااا اااااااااااااااااااااااااااااااااااااو


جنااااااااااااااااااان رووووعهـ

هههههههههههه اجل طلع الشين زين

ودي اعرف وش فيه سعود

يثلمو ياعثل





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 86
قديم(ـة) 18-11-2009, 06:51 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك


اقتباس:
هههههههههههه اجل طلع الشين زين
ههههههههههههه شفتي عااد
يسلموو حبيبتي على المتاابعه



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 87
قديم(ـة) 18-11-2009, 06:56 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك



البـــارت السادس الجزء الثاني
xX ملكة شوقXx




طلعت شوق الغرفه الي فوق وهي تفكر بالموقف
دخلت عندها هبه
هبه وهي تجلس:شوق وش فيك
شوق طالعت هبه : عندي سؤال
هبه ابتسمت : إسألي
شوق بشك : سعود آآآآ يعني هو مايبغاني يعني متزوجني غصب
هبه انصدمت من سؤال شوق وسكتت
شوق ابتسمت : هبه قوليلي وش فيك سكتي
هبه رفعت راسها لشوق : بقولك شي عن سعود
شوق : قولي
هبه : سعود كان يدرس بكندا و " سكتت "
شوق ابتسمت : هبه كملي
هبه : ولمن كان هناك حب وحده معاه بالجامعه وقرر يتزوجها يوم رجع من السفر وكلم ابوي
ابوي عصب قاله شلون تتزوج وحده موب عربيه و قعد يهاوش سعود وقاله لو فتح هالموضوع مرره ثانيه يعتبر نفسه مو ولده سعود تضايق مررره لانه حبها من قلب واتذكر انه طلع من البيت ومارجع غير بعد اسبوعين او ثلاثه و نفسيته كانت معدووومه بعدين ابوي قاله لازم يتزوج سعود في البدايه كان معارض على هالفكره انه يتزوج وبعدين ابوي عصب وصارخ عليه وتعب ودخل المستشفى سعود بعد ماشاف ان ابوي مرض ومتضايق منه طاع ابوي و وافق انه يتزوج وقال لامي تختار بكيفها لانه ببساطه ماتفرق معاه لانه يحب مايا ومستحيل يحب وحده ثانيه هذا طبعاً على حسب كلامه هو
شوق كانت ساكته ومصدومه من كلام هبه
هبه وقفت : اخوي واعرفه زين عنيد مرره وهو حاط في باله ان مافي وحده مثل مايا
انتي فكري بهذا الكلام والحين القرار لك ياتكملي مع سعود يا لا
شوق كانت في حالة صدمه من الكلام الي سمعته وكل الي في بالها
ليش الحين تكلمت مو من اول
هبه طلعت من عند شوق
الي كانت سرحانه تفكر في حياتها هل راح تكمل حياتها مع سعود وهو يحب وحده ثانيه
او تختار حياه بدون سعود
===================================
عند البنات
" رغد . العنود . سميه . لينا "
العنود: اقول رغد
رغد : نعم
العنود : قومي جيبيلي كاس مويه مرره عطشانه
رغد : خدامتك وانا مدري قومي بنفسك ولاماعندك رجول
العنود : الا عندي بس والله مافيني حيل يلا قومي
رغد تأشر على نفسها بغرور : انا رغد بنت محمد الـ (....) اقوم اجيبلك انتي كاس مويه اقول تلايطي
مرره واثقه من نفسك
العنود : هههههههههههه طيب يا رغد بنت محمد
وراحت
سميه مصدومه : انتي بنت محمد الـــ( .....)
رغد التفتت عليها : ايه
سميه : ابوك الملياردير الي دايماً يطلع بالتلفزيون محمد الـ ( ..... )
رغد : ايه ليش
سميه : لا بس اسأل لاني بصراحه انصدمت
رغد ابتسمت : ليش
سميه : يعني كيف اقولك يعني انتي ابدا مو مغروره او فيك تكبر وماكنت متوقعه انك بنت ملياردير يعني ابدا مو واضح
رغد ابتسمت على عفوية سميه
-------------------------------------------
عند الشباب
ريان : أجل وين سعود ماشفته
مشاري : هههههههههههههههههه ياخي وش مسوي فيكم هالسعود ساحركم
ريان : ليش
مشاري : الكل يسأل عنه وين سعود كيف شكله
وعلى قولت رغد " ويقلد صوت رغد " سعودوه خطيب شوقوه حلو ولا شين
ريان ابتسم
تركي : ياهالبنت مسويه إزعاج وانا راجع من البيت بدخل المجلس حق الرجال
بسم الله مدري من وين طلعتلي هي والعنود وفجر واقولها ابعدي مستعجل تقول لا ماراح ابعد كان ودي اقوم واذبحها وبكل رواقه تسألني سعود حلو ولا لا وانا صراحه اعرف هالسؤال إذا جاوبت عليه بنعم ولا لا راح تتبعه أسأله كثيره يعني راح تجلس تسألني وش لون عيونه ابيض ولا اسمر نحيف ولا متين ... الخ
جات في بالي فكره شفت مشاري طالع من المجلس مع ناصر ولد الجيران واقولهم هذا سعود ههههههههههههههههههههه لو تشوف كيف صارت اشكالهم ههههههههههههههههه
مشاري : ههههههههههههههههههههههه الحين رغد لو عرفت انك لاعب عليها ما راح تتركك الا لمن تردها لك
ريان : يعني هالبنت ماتغيرت
مشاري ابتسم : لا ماتغيرت ولا اضن انها راح تتغير
-----------------------
عند بندر وطلال
طلال: ههههههههههههههههههههههههههههههه عيد هههههههههههههه عيد الي قلته
بندر:طليل عن البياخه لاتجلس تضحك
طلال : هههههههههههههههههههههههههههههههههه آآي يابطني مقدر اتنفس ههههههههههههههههههههههههه قلتلي انك ناوي تتزوج ههههههههههههههههههههههههههههههههههههه صدق ولا جالس تمزح
بندر: من جد اتكلم
طلال: هههههههههههههههههههههههههههههههههههههههههه
بندر : طلول يالخبل وش الي يضحك
طلال وهو يمسح دموعه الي نزلت من كثر الضحك : ههههههه الي يضحك انت
الحين ليش ناوي تتزوج
توك صغير
بندر : صغير بوجهك ومين قال ابغا اتزوج انا بخطب الحين والزواج بعدين لمن اخلص جامعه
واستمر الحديث الي كله طلال يضحك على بندر وبندر متنرفز منه
----------------------------------------
عند رائد ومشعل ومحمد
رائد : يالله من زمان عنكم
مشعل : ايه الي لقى احبابه نسى اصحابه
محمد يكمل : يادنيا ياغرابه يادنيا يا غرابه
رائد : ههههههههههههههههه اي احباب
مشعل : انت من يوم تشوف حسان تنسى الدنيا
رائد : ههههههههههههههه حرام عليك
محمد : ايه والله صادق مشيعيل من يوم يجي حسان خلاص مانشوفك
رائد : حقكم علي راح اعوضها انشاءالله في المزرعه الا شخبار لارا
مشعل : ههههههههههههه تمام تسلم عليك
رائد : هالبنت مغبررره بقوه من زمان ماشفتها معكم
محمد : كله من بندر كل مايشوفها يجلس يخوفها
وهي قالت خلاص ماراح تجي مكان يكون بندر موجود فيه
رائد : اها لايكون يعيد لها نفس القصه حقت جني البر
مشعل : ايه هالقصه الي ذبحنا فيها كل ماشافنا عادها وكل مرره سبحان الله يتذكر اشياء كان ناسيها وماقالها
واستمر الحديث
-----------------------------------------



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 88
قديم(ـة) 18-11-2009, 06:59 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك


[SIZE="5"]
نرووووح عند اسيل ودلع وفجر
كانوا يرقصون على وحده من اغاني راشد الماجد
وكان فيه مجموعة بنات يرقصون ومن ضمن هالبنات مشاعل
فجر حاولت تنسى كل شي يخص بندر على الاقل لليوم بس لمن شافت مشاعل ماقدرت تمسك نفسها
دموعها نزلت غصب > انسانه مجرووحه تحب واحد من زمان بس حبها هذا كان من طرف واحد وكان عندها امل انه في يوم من الايام راح يحبها بس اكتشفت انه يعتبرها مثل اخته لا اكثر ولا اقل <
نزلت بسرعه وراحت الحمام " الله يكرمكم " تطالع نفسها بالمرايا
ودموعها الي تنزل بصمت
تطالع بنفسها وكيف تحس انها مخنوقه وتحس قلبها يوجعها على حالها
كيف بندر ما اختارني ....... كيف يجرحني ...... يعني لوكان يعرف اني احبه هل راح يغير رأيه ولا لا
أسأله كثيــره فكرت فيها
عدلت الميك اب وهي بنفسها قالت خلاص على الاقل اليوم انسيه اليوم ملكة شوق المفروض اكون فرحانه لها ما ابغا انكد عليها فرحتها
وطلعت من الحمام " الله يكرمكم " بأبتسامه عريضه تخفي الحزن والجرح الي فيها

-------------------------------------

مؤلم أن

تجلس بين الناس تضحك تبتسم ....... وأنت تختنق

ولكن

رائع أن تحتضر لتمنح الآخرين ضحكة صافية وابتسامة مشجعه
[/size
]----------------------------------------------------------------------------------------
عند شوق كانت الي الان تفكر بكلام هبه
إندق الباب ودخلت سحر وهبه وليان والعنود ولوجين
الكل جلس وهي ابتسمت لهم
العنود : ها قوليلنا الحين ندمانه انك اخترتي الشين
شوق بأستغراب : حرام عليكي من وين شين والله انه حلو
ليان بهمس للعنود : هم يقولون ان الحب اعمى بس ما اضن لذي الدرجه
العنود: ههههههههههههههههههههههههههههههه حلوه

لوجين : الحين ليش تقولون ان سعود شين
العنود : شفناه الله يحوم كبدك عليكي اخو وععععععععععع شين
لوجين : ههههههههههه صراحه شكل ذوقك غريب لان سعود احلى واحد من اخواني وكل صديقاتي يقولون انه يهبل الا انتي

شوق حست بقهر من كلام لوجين < البنت تغار
العنود : والله صديقاتك متخلفين وش عاجبهم بأخوك والله ان رائد احلى منه بكثير
ليان بأستغراب: وش دخل رائد
العنود : مدري والله بس هالولد شاغل حيز من تفكيري
ليان : ليش وش عنده وش مسوي
العنود : هالولد له فتره يتكلم بألالغاز بس انا له والله لا اخليه يقولي وش فيه
سحر : أجل ادعوله بالرحمه انتي وين تحسبين نفسك لايكون ناويه تكفخينه ترا قبل كم يوم قال لي على البقرتين اسيلوه ودليع انهم كفخوه يوم العزيمه الله لايبارك فيهم حسبالهم انه وحده من البنات تراه ولد جعلهم المرض وهو متوعد فيهم وانا الصراحه اشجعه
ليان : وين احنا في مباراه تشجعينه
العنود : هههههههههههههههههههههههههه حلوه بس لاتعيديها
وقاموا الكل طلعوا
هبه وهي طالعه نادتها شوق
شوق : هبه
هبه التفتت عليها : هلا
شوق : كنت ابغا آآآ اكلمك على الموضوع حق سعود
هبه : شوق انا والله راح اتقبل قرارك مهما كان وصدقيني اذا انتي ماتبغي سعود انـ
شوق قاطعتها بأبتسامه : ومين قال اني ما ابغا سعود
هبه استغربت
شوق تكمل : سعود الحين زوجي وماراح اتخلا عنه عشان قصه حب قديمه وبعدين هذي مو لعبه هذا زواج وانا مستحيل اتخلا عنه مهما صار
هبه : شوق اسمعيني اخوي يحب مايا ويحبها بجنون وهو عنيد مووووت ومستحيل ينساها وش راح تسوين بعدين وترا اسلوبه مرره يجرح وما اضن انك تقدرين تستحمليه
وش راح تسوين اذا ماحبك ولا اذا عاملك بجفا واذا كلامه جرحك لانه هو مو متقبل فكرت انك زوجته
وراح يكون اسلوبه قاسي معك هل راح تستحملينه ولا لا ؟



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 89
قديم(ـة) 18-11-2009, 07:01 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك




شوق بأصرار : راح اتحمل وماراح اتخلا عنه الا بعد ما اعرفه فيني الحين هو مايعرفني
ولا انا ما اعرفه زين بس اني اتركه عشان هالقصه مستحيل حتى لوكان اسلوبه قاسي معي انا راح احببه فيني وراح اخليه ينساها > الي ماتعرفه هبه ان شوق اذا حبت تحب من قلب وشعارها بالحياه





Never giv up
= لا تستسلم ابداً




هذا جزء من شخصية شوق <
شوق شافت ان هبه مستغربه من كلامها
شوق : اسمعيني ياهبه انا راح اعطي نفسي فرصه مع سعود لمن نرجع من جده واذا رجعنا وماقدرت أغير رأي سعود خلاص راح يكون نهاية الي بيننا
هبه ابتسمت و وقفت : انتي عنيده مثله والله انكم لايقين لبعض الله يوفقكم ويعنيكم مع بعض انشاءالله
شوق ابتسمت
هبه طلعت من عند شوق وهي مبتسمه مررره معجبه بشخصيها وكل مرره تجلس معها تحبها اكثر
----------------------------------------------
عند اسيل ودلع و رغد
اسيل : رغد يالبقره عندي سؤال
رغد : بقره بعينك ليش تسبين
اسيل : ماسبيت انا جالسه امدحك
رغد : كلي تبن وش سؤالك
اسيل : اموووووووت واعرف يوم العزيمه وش قلتي لرامي
رغد تذكرت :هههههههههههههههههههههههههههههههه ولاشي
دلع : علينا امانه وش قلتي له حرام يكسر الخاطر وجهه قلب الوان
رغد : والله انا قلتله اني بعلم عليه جدي وبقوله انه اخذ الكاميرا والاشرطه بدون محد يدري وجمع الشباب كلهم عشان يتفرجون علينا
اسيل : الله عليكي طلعتي حماره
رغد : انتي وش قصتك اليوم بقره وحماره خير ترا بدفنك
اسيل بعبط من الطفش ماتدري وش تقول : ياغبيه الحماره احسن من البقره يعني في تطور كنتي بقره بعدين لمن عرفت انك تعرفين تفكرين صرتي حماره الي هي احسن من البقره فهمتي
دلع : وقسم مافي غيرك بقره و حماره انا مدري شلون تفكرين
-----------------------------------------------------------------
جا وقت العشا والكل راح يتعشا وكان بوفيـه مررررره كبير
بعد ماخلصوا المعازيم قلوا
لمن الكل راح ومابقى غير الحريم والبنات
---------------------------------
رغد ودلع قاعدين في الحوش على الدرج حق بيت ام اسيل يستنوا البنات
رغد وهي حاطه راسه على كتف دلع ومغمضه عيونها : فيني النوم
دلع تتثاوب : حتى انا اقول شرايك قبل ما ننام نستهبل على رامي ونهدده
رغد: كلي تبن اول شي هذي فكرتي وانا راح اقرر متى اهدده ولوعرفت انك هددتيه والله لا
دلع قاطعتها : خلاص خلاص ما ابغا اهدده بس اقترحت علكي فكره وجع اكلتيني < ولا كأنهم جالسين يتكلمون عن خالهم
شافوا رامي وريان واحمد جايين جهتهم
دلع ضحكت تو كانت تتكلم عنه وجا
رغد شافت ريان تنرفزت
بس طنشت ولا كأن احد جاي جهتهم
ماغيرت من وضعيتها وغمضت عيونها
رامي : السلام عليكم
دلع ورغد : وعليكم السلام
رامي : كيفكم بنات
دلع : تمام انت كيفك من زمان ماشفتك آخر مرره كانت يوم العزيمه لمن
رغد ضربتها على رجلها وهي على نفس وضعيتها : انتي ماتفهمين ترا راح اذبحك اذا فتحتي فمك
دلع : هههههههههههههههههههههه طيب خلاص بسكت
احمد : وش السالفه
دلع : ولا شي المهم خير وش عندكم جايين
رامي : ابد انا جاي ابارك لشوق والي معي جايين يباركون لام راكان
دلع تعالي شوفيلنا طريق
دلع راحت مع احمد ورامي من الباب الثاني عشان يباركون لشوق وام راكان
اما ريان ماراح معهم لا بارك لام راكان من اول وجلس يستنا الشباب
ريان : كيفك رغد
رغد وقفت : اوووووف تمام وراحت
ريان لحقها
ريان : رغد انا جالس اكلمك
رغد : خير
ريان : خير انشاءالله وش هالاسلوب انا جالس اتكلم معاكي عادي انتي ليش كيذا
رغد : ياخي انا ما ابغا اشوفك ابعد عني انت ماتفهم
ريان وهو يصر على اسنانه : رغد اسمعيني لمن اتكلم معاكي تتكلمي معي بأسلوب عدل فاهمه مو تجلسين تتأفئفين وتسفهيني
رغد ابتسمت على جنب بأستهزاء : واذا مافهمت وش راح تسوي
ريان سكت وهو معصب من اسلوبها
هي طالعت فيه وراحت
طير عيونه لمن شافها سافهته ورايحه
ريان عصب " هالبنت بتجنني "
بعدين الكل رجع لبيته ونام من التعب
ريان ما جاه النوم كان يتقلب ويفكر بأسلوب رغد وهو متنرفز حده من معاملتها له


وبكيذا انتهى البارت السادس
انتظروا البارت السابع بارت المزرعه الي راح يكون فيه احداث كثيره



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 90
قديم(ـة) 18-11-2009, 07:04 PM
صورة بذبۈذ ينقط عثل الرمزية
بذبۈذ ينقط عثل بذبۈذ ينقط عثل غير متصل
©؛°¨غرامي متألق ¨°؛©
 
الافتراضي رد: رواية إكتشفت إني أحبك



ولا تنسوو الردوود



موضوع مغلق
الإشارات المرجعية

رواية إكتشفت إني أحبك / كاملة

الوسوم
احبـك/ سعوديه .. بنات استهبال ورومنسيه , انــي , اكتشفت , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2000 07-02-2011 10:36 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 02:45 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم