اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 24-11-2009, 04:58 AM
بنت أبو ظبي بنت أبو ظبي غير متصل
©؛°¨غرامي مبدع¨°؛©
 
الافتراضي رد: سوالف يهال


الجزء الثامن.....


تمت مريوم متبيسة مب قادرة تتحرك وقال سيف: منيرة اشفيج؟
مريوم: سيف أنا ماقدر أكلمك خلاص...... كل اللي بينا خلص اشتبي بعد؟
سيف: بغيت أعرف عنوانكم حتى ايي أخطبج....
مريوم: أنا مخطوبة ألحين ومافي داعي انك تكلمني مرة ثانية فاهم؟
وسارت عنه وهي تبعد قرب منها أحمد وشافته معصب..... أحمد:مريوم منو ها؟
مريوم:ما اعرف....
مسكها أحمد من ايدها بقو وقال: كيف ما تعرفينه وهو قاعد يكلمج؟
مريوم: منو قال انه يكلمني؟ وبعدين أحمد نحن ألحين بالسوق مب بالبيت حتى تعاملني جي....
أحمد:سيري للسيارة جدامي..... يلا تحركي.
وسارت مريوم للسيارة وايدها على قلبها..... شو اللي ممكن يسويه أحمد بها...... صح انه ولا مرة عصب عليها لكنه من النوع الللي ان عصب مايشوف قدامه......
كان طول الدرب للبيت وهو مبوز..... ماعطاها فرصة تدافع عن نفسها..... ومن وصلوا البيت ساروا على طول صوب غرفة مريوم وهناك......
أحمد: مريوم منو هذا ما قلتي....
مريوم: أحمد صدقني ما اعرفه.....
أحمد: كيف أصدقج وهو يكلمج وانت تردين عليه؟
مريوم: أحمد......
أحمد: ماكان هناك حد غيركم...
مريوم: أحمد.....
أحمد: شو؟ مريوم ليش؟؟ كيف قدرتي تخوني الثقة اللي عطيناها لج؟؟ بعدين انت ما فكرت بنفسج؟؟
قاطعتها وهي تصيح: أحمد اسمعني........ ولاشي من اللي قلته صح.... أنا مستحيل أوصل للدرجة اللي انت تتصورها بس....
أحمد: بس شو؟ بعدين كيف تعرفتي عليه؟
مريوم: بس انا ما اعرفه....
أحمد: كيف ماتعرفينه وانتو قاعدين تتكلمون جدام الكل....
مريوم: شفتني وانا ارد عليه؟
أحمد:..........
مريم: انت ماشفتني فشو دليلك؟ مب ممكن يكون واحد ياي يرقم؟
أحمد: ملتحي ويرقم؟ عجيبة......
مريوم: المهم ان أنا مايخصني فيه.....
أحمد: بصدقج ألحين بس للأسف...... ترى مب كل مرة تطلع مثل هالمرة.....
وبعد ما طلع حاولت مريوم تمسك نفسها وما تصيح.....شبعت من كثر ما تصيح..... وهذا الشي اللي كان يحسسها بانها ضعيفة..... بعدين هذا سيف من وين طلع؟ واشيبي ألحين؟؟؟
دخلت عليها شيخوة وقالت: مريوم شواللي صار؟
مريم: كيف يعني؟
شيخة: شفت أحمد طالع من هني معصب.....
مريوم: وان كان معصب.....
شيخة: أول مرة أشوفه معصب جي....
مريوم: لا تخافين ماصار شي....
تمت شيخة تطالعها وهي متشككة : انزين......اممممممممم
مريوم: سيخة تكلمي بسرعة.
شيخة: لا ماشي .....تبين شي انت؟
مريوم: لا شكرا.....
شيخة: بكيفج.
وبعد ما طلعت شيخة اتصلت مريوم بسلامة......
مريوم: السلام عليكم....
سلامة: وعليكم.
مريوم: اشفيج؟ زعلانة؟
سلامة: وليش ازعل؟ زين انج تذكرتي ان عندج رفيجة اسمها سلامة..
مريوم: ولو... أنا اقدر انساها؟
سلامة:قصي علي انت الحين.
مريوم: سلوم لا تعصبين ...... انا ابا حد يواسيني مب يحرق اعصابي اكثر.
سلامة: وانا بشو يهمني جان احترقتي ولا...... ماني مهتمة.
مريوم: سلامة؟؟؟ انت تقولين هالكلام؟
سلامة: مانبي اللي ما يبينا.
وصكرت.... تمت مريوم ماسكة التيلفون وهي مبطلة عيونها.... معقول تكون سلامة زعلانة؟
واتصلت بسلامة مرة ثانية ومن ردت عليها تمت مريوم تعتذر ... وما خلت كلمة أسف ما قالتها... وهي تكمل كلامها سمعت حد يضحك.....
سلامة: هي الهبلة صدقتي اني زعلانة؟
مريوم: والله مليت من حركاتج..... ما تعرفين تتكلمين مثل الأوادم؟
سلامة: بدون حركاتي كنت كلمتيني؟ ما اتوقع.
مريوم: هبلة هبلة هبلة هبلة هبلة......
سلامة: مشكورة..... ما عندج زيادة؟
مريوم: وسخيفة بعد.
سلامة: هههههههه .... انزين ليش متصلة؟
مريوم: نسيتيني...
سلامة: خلاص أصكر عنج..
مريوم: هي انت والله علي الفاتورة اشفيج؟
سلامة: نسيت.... الفاتورة عليج.... يلا قولي كل اللي بقلبج وطولي كثر ما تبين.
مريوم: ما بقول غير...
سلامة: حفظناها.... الله يهديني ويهدي الجميع.
مريوم: سلوم بغيت أقول........
سلامة: اسمعج.
مريوم: ملاااااااااااااااااااااااااااااااااااااااااااااااا ااااااانة.
سلامة: حسب معلوماتي المفروض انج كنت بتسرين السوق...... انلغت الطلعة؟
مريوم: سرت ورديت.
سلامة: ووين الملل بعد؟
مريوم: ابا اكلم حد.
سلامة: عندج شيخوه...
مريوم: شيخة؟ انت ينيتي؟
ودخلت شيخة الغرفة وقالت: وشو اللي ناقصني؟
مريوم: سلامة لحظة.
وقالت لشيخة: انت قاعدة تسمعين الكلام من برة؟
شيخة: لا...... بس ابوي يبيج تقعدين وياه..........
مريوم: أوكي بخلص تيلفوني وبنزل.
وردت لسلامة: سلامة: روحي لابوج.
مريم: بل ......سمعتي الكلام؟
سلامة: ماشالله ماشالله....
مريوم: انت لو اقول عنج أي شي مابتتأثرين.
سلامة: خل أصكر قبل لا اصير صمخة.
مريوم: ماشالله عليج....
سلامة: ألحين ارتحت.
مريوم: وشاخباره العريس؟
سلامة: ما يخصج.....هذا لي.
مريوم: مالت.... ومتى الملجة؟
سلامة: بعد تقريبا 3 شهور.
مريوم: يلا..... قلت لج انج بتعرسين قبلي قلت لا ومستحيل وانا أساسا ما بعرس وما ادري شو...
سلامة: بس بس... ما عنج سالفة.
مريوم: زين بخليج ألحين...... بسير أقعد مع ابويه.
سلامة: مع السلامة.
وسارت مريوم تقعد مع ابوها وهم يسولفون دشت الوالدة وقالت: ها مريوم.... اشتريتي اللي بغيتيه؟
مريوم: هي اشتريت.....
الوالد: انا بعرف انت شو تستفيدون من هالاشياء اللي تييبونها؟ كل وحدة قامت تتصبغ بميت لون وتقص الشعر جنها صبي.....
مريوم: يبه اللي اشتريته سوية مكياج وكمن بدلة....
الوالد: وهذا المكياج بشو يفيدج؟ طالعي امج ماخذنها من 27 سنة.... ولا مرة حطت من هالصبغ.
مريوم: يبه هذاك زمان والحين زمان.. والوحدة ألحين ما تتطلع من البيت قبل لا تكشخ ولو بالكحل.
الوالد: كحل. بس كحل مب أخضر واصفر وازرق وما ادري شو بعد...
مريوم: ههههههههه الله يهداك...
الوالد: ويهداكم ياعيالي.
ودخل أحمد وكان بيقعد بس من شاف مريوم شل عمره وطلع......
الوالد: شفتي يا مريوم أخوج؟ والله ما منه فايدة...
مريوم: بسير أشوفه.
الواد: اشتبين فيه؟ خليه يذلف...... انا مرتاح من دونه.
مريوم: يبه انت ليش ما تحب أحمد؟
الوالد: لانه ما منه فايدة.....
مريوم: بس يوم انا مرضت هو اللي خذاني المستشفى وظل معاي هناك.....
الوالد: هذا الشي الوحيد اللي سواه زين بحياته.
مريوم: يبه انت تظلمه..... اصلا أحمد واحد حبووووووووووووووووب.
الوالد: بالنسبة لج..... أما انا فخلاص..غسلت ايدي منه.
الوالدة: خليج من كلام ابوج.... دايما يخربط..... ولا أحمدو وين نحصل مثله؟
الوالد: أنا اخربط يام أحمد؟ الله يسامحج.....
وسارت عنهم مريوم وخلتهم يتظاربون وسارت هي غرفة أخوها أحمد....
مريوم: ما بتشوف امك وابوك وظرابتهم عليك؟
أحمد بدون لا يصد صوبها: ليش شو صار؟
مريوم: ما شي ابوي يقول انك ما تنفع وامي تدافع عنك.
أحمد: وانت اشتبين؟
مريوم: أحمد.....انت زعلان؟
أحمد: ومنو قال؟
مريوم: أحمد قلت لك اني ما اعرفه.....
بس ما كملت كلامها لان أحمد قام وقف جدامها......
نزلت مريوم راسها ما قدرت تصد لعيونه...... فرفع أحمد راسها وقال: متأكدة انج ما تعرفينه؟
حاولت مريوم انها ماتبكي بس ماقدرت......
أحمد: دموعج اعتراف؟
مريوم: غي اعرفه..... كانت غلطة وصححتها.
أحمد: بالانتحار؟
مريوم: أنا ما انتحرت علشانه.
أحمد: علشان غيره؟
مريوم: ليش تكلمني بها السلوب؟
أحمد: أوكي بغيره..... ليش حاولت تنتحرين؟ ما فكرتي بعقاب ربج؟
مريوم: أحمد الله يخليك..... السالفة خلصت.
أحمد: ما خلصت معاي...... ليش؟
مريوم: ..............
أحمد: مريوم ردي...... خليني ارتاح.
مريم: واشتبيني اقول؟
أحمد: ليش؟
مريوم:أحمد الا هذا....
أحمد: ليش؟
مريوم: أحمد أرجوك.......
أحمد: ردي....ليش؟
مريوم: لان ما حد يحبني...... ما حد يبيني.
أحمد: ومنو قالج هالكلام؟
مريوم: ماحد...بس أنا اعرف.... ما حد يبيني.
أحمد: مريوم: كلنا نحبج وانت تدرين......
مريوم: أحمد أنا ادري...
أحمد: بشو تدرين؟ هذي كلها خيالات...... وبعدين حتى لو ما كان حد يحبج فهذا ما يبرر انج تنتحرين.
مريوم: أحمد...... أنا كرهت كل شي..... ما تم لي شي ابقى علشانه.....
أحمد: كلامج دليل على جهل...... حياتج مب ملك لج حتى تتخلصين منها متى ما بغيتي..... لا تنسين ان لج رب بيحاسبج على اللي سويتيه يوم الدين..... والانتحار ماله عذر أبدا...... وبعدين في ناس غير أهلج مهتمين بج.
مريوم: منو؟
أحمد: ياني اليوم واحد تعرفينه.... وما اعتقد انج تقدرين تنسيه...... الوحيد اللي كان يدافع عنج يوم كنا صغار..... والوحيد اللي كان يغصبنا نلعب معاج...... ياني يطلب القرب....
مريوم استحت..... عرفت قصد أحمد..... وما قدرت تتكلم...
أحمد: شفتي انج بتسرعج كنتي بتضيعين لنفسج فرصة...
مريوم: أحمد بسير غرفتي.....
أحمد: ليش مستعيلة.؟؟؟؟ ما سولفنا..
مريوم: بعدين بعدين.
وطلعت وعلى طول لغرفتها...... نهيان تم ناطر للحين؟ وهي أبدا مب معبرتنه....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 24-11-2009, 05:00 AM
بنت أبو ظبي بنت أبو ظبي غير متصل
©؛°¨غرامي مبدع¨°؛©
 
الافتراضي رد: سوالف يهال


الجزء التاسع...



سلامة متلعوزة بحجرتها..... ملجتها قربت وهي بعدها ما جهزت شي وماعندها حد يساعدها..... كانت تبي تسير السوق وما حد عندها.... مستحيل تروح مع خلود.... وامها مالها خلق تسير السوق كل يوم..... وعلى طول اتصلت بمريوم.....
سلامة: مريوم طلبتج...
مريوم: ماعندي فلوس....
سلامة : يالبايخة...... بغيتج تيين وياي باجر المول.
مريوم: كرهت طلعات المولات ..... خلاص قررت اني ما اسير السوق وياج.
سلامة: وانا اشذنبي؟ مريوم الله يخليج عدي أشغال وابا أخلصها......
مريوم: في السوووووووووق؟
سلامة: مريوم الهبلة انتي نسيتي؟
مريوم: شو؟
سلامة: ملجتي قريبة وابا أجهز اغراضي.
مريوم: هااا.
سلامة: ويعااااااااااااه... بتيين؟
مريوم: أوكي.... ماعندي مانع.
سلامة: وياريت لو تييبين معاج موزوه.
مريوم: على أمرج.... ما تبين شواخي بعد؟
سلامة: لا مشكورة..... خليتها لج.
وسمعت صوت يقول: ليش انا اشفيني؟
بنفس الوقت كانت مريوم تصارخ على شيخوه......
مريوم: آسفة سلوم...... هذي شيخوه كانت رافعة السماعة الثانية.
سلامة: ما عليه..... المهم انتي رديلي خبر.
مريوم:يصير خير....
اتصلت مريوم بموزة وقالت لها عن سلامة وطبعا موزوه وافقت على طول....فسارت مريوم تخبر سلامة........
مريوم: متى بسيرين باجر؟
سلامة: على العصر....
مريوم: بتفوتين علي أفلام الرسوم......
سلامة: نسيت اني أكلم ياهل........
مريوم: انا اكبر منج....
سلامة: بكم؟
مريوم: نص شهر... مب كفاية؟
سلامة: والله انج فاضية..... أخليج اوكي.
مريوم: بااااااااااااي أشوفج باجر.
سلامة: للأسف.... مع السلامة.
مريوم: شرف لج انج تشوفيني باجر.
سلامة: أدري.......
مريوم: ههههههههههه بااي.
سلامة: بايين...
وسكرت عن مريوم وسارت تخبر نهيان لأنه هو اللي بيوصلهم....
نهيان: منو قال اني فاظي باجر؟
سلامة: نهيانو.... لا تفشلني جدام رفيجتي.
نهيان: مب شغلي...انت ماشاورتي قبل.
سلامة: اعتبرني أشاورك ألحين وبعدني ما قلت لهم.
نهيان: آسف.... يلا أنا بطلع تبين شي؟
سلامة: ...............
نهيان: زعلتي؟ كيفج..... ولكني مابوصلكم.
سلامة: متى آخذ الليسن.
نهيان: خلصي دراستج أول.
سلامة: ما يخصك.....
وطلعت عنه وهي معصبة ودقت على مريوم تخبرها....
مريوم: زين سلامة اتصلتي..ما كان عندي رصيد بالتيلفون وكنت ابى أكلمج.
سلامة: خير؟
مريوم: أول شي في حد عندج يوصلنا؟
سلامة: ليش؟
مريوم: موزوه قالت انا بنسير مع ريلها.
سلامة: ريحتوني.... نهيان رفض انه ياخذنا.
مريوم: ليش؟
سلامةك ماادري... اسأليه.
مريوم: ماعليه ألحين نحن حصلنا اللي بياخذنا....
والله اني مفتشلة منكم.
مريوم: هي بدينا بهالكلام....سلامة.. نحن خواتج.
سلامة: يعني نقدر نسوي فرقة الأخوة الاماراتية؟
مريوم: هههههههههههه شوف منو اللي قعد ينكت .....وانا اقول ان سلامة حزينة وتكسر الخاطر....
سلامة: عيش حياتك..... المهم أخليج ألحين .... مامي وصلت وباتكلني لو شافتني أتكلم بالتيلفون.... من طلعت ونا ماسكتنه....
مريوم: أوكي مع السلامة...
وصطرت مريوم عن سلامة وسارت تقعد بالصالة......ودخل أحمد...
مريوم: ها حمود شو الاخبار؟
أحمد: عطيناهم ويه نادونا حمود..... ماتستاهلون.
مريوم: انزين خلك من الخرابيط.... أشوفك داش مبوز وحالتك حالة.
أحمد: هذا مديرنا يقهر.
مريوم: خير شو سوى؟
أحمد: باجر بيزور شركتنا مدير الشركة الرئيسية اللي فدبي...... ترى نحن فرع مب أصل.
مريوم: ويوم بيي مدير الشركة؟ شو الشي المهم هني؟
أحمد: تراج من دوم ثور... خليني أكمل.
مريوم: تفضل.
أحمد: من عادة المدير يوم يمر علينا ياخذ قائمة بأسماء الموظفين المتميزين وينقلهم عنده دبي........ عاد مديري الحمار حلف أنه مايحط اسمي بينهم.
مريوم: ليش؟
أحمد: وانا اشدراني...
مريوم: قصدي: أنت متميز من بينهم؟
أحمد: وشهادات التقدير اللي صافنها هني؟ صج الكلام مع اليهال متعب.
مريوم: اقعد ما كملنا.... انزين ومديرك ليش مب راظي يحط اسمك؟
أحمد: يقول والله اني ينخاف مني..... يخاف يحط اسمي وهناك اترقى مدير على الشركة وافصله.
مريوم: مدير الشركة مرة وحدة؟ جي؟ وين عايشين؟ هذا ان ماصار المدير واحد هندي.
أحمد: جب لا تتكلمين بالسياسة....... بسير أرقد.... ولا لحظة...... شو صار بسالفة نهيان؟؟
مريوم تمت ساكتة فقال: أقوله ييب أهله و....
مريوم: .......
أحمد: بسج دلع وتكلمي حتى اقدر أرد له خبر.....
مريوم: ما عندي مانع.......
فسار عنها ودخل ابوها وقال: بلاه مستعجل؟ ليش ماقعد؟
مريوم: انت تقول هالكلام؟
الوالد: ليش مب ولدي وانا مسؤول عنه؟
ضحكت مريوم ودخلت شواخي وقالت: شواللي يضحكج؟
مريوم: يبه انت تدري ان شيخوه تشل سماعة التيلفون الثانية وتسمعني يوم أكلم رفيجاتي؟
الوالد: ماستحيتي ياشيخوه... جي تسوين؟ ان كنت تبين تسمعين كلام حد سمعي أخوج شويقول...
نزل أحمد وقال: اكسر ايدها ان سوت جي.... بعدين انا ماستخدم تيلفون البيت....
الوالد: وانت وين ساير؟ ما تمل من الهياتة؟
أحمد: طالع مع ربعي..... اقعد معاهم.
الوالد: ونحن ناقصين لسان حتى ما تقعد معانا؟
أحمد: مابى اثقل عليك بيلستي معاك....
وكمل طريجه وطلع.....
الوالد: شفتي يا مريوم أخوج؟
مريوم: يبه انت اللي بديتها.... لو يلست معانا أول ماييت جان ما سوى أحمد جي.
الوالد: ما سمعت شي أنا....... وين أمكم؟
شيخة: سارت بيت خالاتي.
الوالد: وليش ما خذتج وياها؟
شيخة: عندي امتحانات.
الوالد: وليش قاعدة هني؟ سيري راجعي.
شيخة: على فكرة..... في غيري عندهم امتحان باجر وما راجعوا..... يقولون مب مهم المهم ننجح.
وسارت شيخوه وصد الوالد صوب مريوم وقال: صج اللي تقوله؟
مريوم: هي عندي امتحان بس ماقلت الكلام اللي وراه.
الوالد: يلا انزين سيري راجعي انت بعد.
وسارت مريوم على طول صوب غرفة شيخوه ودخلت عليها وقاموا الثنتين يحتشرون ودخل عليهم الوالد وقال: اللي ما بتسكت وبتسير تراجع منكم ترى الخيزرانة موجودة.
وطلع عنهم وهو يقول: انا اشلي بصدعة الراس؟ وين امكم خل تشوفكم.



عند أحمد بالقهوة.......


سلطان: بلاه الريال ساكت من وصل؟
مايد: خله.... ممكن في وحدة متعبتنه.....
وضحكوا الربع...... وقال أحمد: بلاكم اليوم طايحين تطنيز علي...... مالكم شغل عاد فيني اللي فيني.
نهيان: وشو اللي فيك؟
أحمد: وانت اشخصك؟
سلطان: لا تكلموه..... أخاف ينفجر..هههههههههه
أحمد: سخيييييييييييييييييييييييييف.
وشل عمره وطلع ولحقه مايد.... أما نهيان وسلطان فكملوا قعدة التعليقات....
مايد: لا صج أحمد بلاك؟
أحمد: ميود خلني.
مايد: قول اللي عندك وريح نفسيتك....
أحمد: مايد..... مايخصك.
مايد: أفا يا أحمد.... جي تكلمني؟
أحمد: السالفة مايخصك فيها عاد انت اللي راز ويهك....
مايد: أنا مارزيت نفسي عليك..... بس بغيت أتطمن.
أحمد: واتطمنت خلاص؟
مايد: ليش ؟؟ انت قلت شي؟
أحمد: أوكي بقولك ولكن بشو بتفيدني؟
مايد: انت تكلم بالاول.
أحمد: أبوي.....
مايد: بلاه؟؟
أحمد: تعبت وياه كل ما سويت شي حتى اراضيه ...ما يعجبه ..........
مايد: وهو ليش معصب؟ انت مسوي له شي؟
أحمد: ماذكر اني سويت له أي شي....
مايد: ما تذكر؟ كيف يعني انت سويت له شي ولا ماسويت؟
أحمد: ..........
مايد: أكيد سويت شي.
أحمد: للأسف ماسويت شي.
مايد: عيل ليش؟
أحمد: أقولك مادري يا أخي.... يعني لو كنت ادري كنت قلت لك؟
مايد: انزين لا تعصب..... تبى شوري؟ سيرله اليوم وتسامح منه.
أحمد: وانا سويت له شي حتى أتسامح منه؟
مايد: سويت أو ما سويت..... هو بروحه بيحسها حلوة منك.
أحمد: بشوف.
مايد: لا تشوف ولا غيره......تسير له ألحين وتتسامح منه.
أحمد: اوكي...وانشالله ييب نتيجة.... بسير ألحين......سلم على السخفاء اللي معاك.
مايد:هههههههههه الله يسلمك.... مع السلامة وسوق شوي شوي.... مافينا يصير نفس اللي صار هذاك اليوم.
أحمد: على فكرة اللي كان يسوق ذاك اليوم كان الغشيم مايد..... تعرفه؟
مايد: لا ما اعرفه..... ممكن تعرفني عليه؟ ههههههههههه... يعني انت ما تعجبك سواقتي؟ خلاص ما بسوق بكم مرة ثانية.
أحمد: خل عاد ولا نحن اللي متشوقين.
مايد: روح روح..... ما عندك سالفة.
أحمد: مع السلامة يالغشيم.
مايد: مع السلامة.
وسار أحمد البيت وهناك كان أبوه بروحه قاعد بالصالة وامه بعدها ما يت.... قرب منه وسلم عليه وحبه فوق راسه وقعد يمه.....
الوالد: من وين ياك هالأدب كله؟
أحمد: أنا من دومي مؤدب بس.....
الوالد: بس شو؟
أحمد: مادري بس أحس ان أي شي اسويه ما يعجبك....
الوالد: وانت بعدك تحس؟؟؟؟؟؟ أبوي تأكد.
أحمد: ليييييييش؟
الوالد: لأنك ما تعرف اللي تبيه..... كله تهايت ومن قالوا خواتك بنسير مكان خذيتهم على طول وسيبتهم هناك ومن قالوا تعال خذنا سرت لهم..... ماتدري انه بأسلوبك هذا تضيعهم؟
أحمد: بس خواتي عاقلات.
الوالد: أي عاقلات هذيلا بعدهم يهال ماشافوا الدنيا.....
أحمد: وهذا اللي مزعلنك؟ لك علي اني ما اطلعهم غير بعد ما افتح تحقيق معاهم....
الوالد: تتطنز؟
أحمد: لا يبه محشوم.
الوالد: أحمدو انت تدري اني ريال كبير وباجر أو بعده بودعكم وبخلي البنات مانة عندك...... ماباك تضيعهم..... هذيلا بناتي ياحمود..... فاهم؟
أحمد: يبه مافي داعي لهالكلام من ألحين....انت ألحين عايش وبناتك انت تربيهم.....
الوالد: انا بس أذكرك واياك انك تضيع الأمانة....
أحمد: الأمانة محفوظة يبه.... تطمن...
كانت شيخوة تشوف كل شي من فوق ..... صج فرحت بعد اللي سمعته وشافته وسارت تخبر مريوم.....
مريوم: خير؟ اشتبين؟
شيخة: عندي لج خبر فريش.
مريوم: شو؟
شيخة ما بقول.....
مريوم: يلا عاد..... تكلمي.
شيخة: سالفة أحمد والشايب خلصت على خير.
مريوم: ابويه وأحمد تصالحوا؟ متى وكيف وليش؟؟؟؟؟
شيخة: أنا مابقول التفاصيل..... دوريها بروحج..... باااااااااااي.
وطلعت من عند مريوم وهي متأكدة ان مريوم ما بتعرف تراجع قبل لا تعرف التفاصيل.....
( شطانة بنات المدارس)......
.
.
.
.
.
.
في اليوم الثاني وأحمد بالدوام...... دخل مكتبه المديرالأستاذ جاسم ومعاه مدير شركة دبي الاستاذ سالم.......
الاستاذ سالم: انت أحمد؟
أحمد: هيه أنا....
الاستاذ سالم: مبروك عليك.
أحمد: شو؟
الاستاذ سالم: راح انقلك معاي انت ومجموعة من الموظفين للشركة الرئيسية في دبي.
تم أحمد يطالع ويه الاستاذ جاسم اللي قال: ايه للأسف..... حطيت اسمك معاهم بالقائمة....
الاستاذ سالم: ها أحمد.... موافق؟
كان أحمد يطالعه بدون لا يرد..... في البداية كان خاطره يسير يشتغل في الشركة بدبي..... بس كلامه مع أبوه أمس خلاه يحتار..... يوافق ولا؟؟؟
الاستاذ سالم: أحمد لا تفوت عليك فرصة العمر..... راح يكون معاشك أعلى طبعا وعندك امتيازات أكثر.... فشو ردك؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 24-11-2009, 05:03 AM
بنت أبو ظبي بنت أبو ظبي غير متصل
©؛°¨غرامي مبدع¨°؛©
 
الافتراضي رد: سوالف يهال


الجزء العاشر




تم أحمد يطالعهم بدون لا يرد..........الاستاذ جاسم: ها أحمد...... نقول مبروك؟
ابتسم أحمد وقال: هيه.....وافقت.
الاستاذ سالم: يالله استعد للانتقال لمقر شغلك اليديد....
أحمد: انشالله....
وطلعوا عنه وساروا يكملون جولتهم..... وتم أحمد يفكر بقراره.....حس انه تسرع.....معقول؟
ومن رد البيت خبر مريوم بالسالفة.......
مريوم: معقول؟ مديرك حط اسمك بالقائمة؟ شي عجيب بهالزمان...
أحمد: عاد صار واستوى... شو شعورج وانتي مابتشوفيني بالبيت طول الاسبوع؟
مريوم: كفاية اشوفك بالويك اند....
أحمد: حلفي بس.... ومنو بياخذج المول طول الاسبوع؟
مريوم: قررت اقعد بالبيت..... احسن لي من الهياتة..... عل العموم انا اليوم بسير مع موزوه السوق.
أحمد: توها تقول بتقعد بالبيت.....طنش..... ومنو بياخذكم؟ ليكون انا؟
مريوم: لا استريح..... بنسير مع ريل موزة.
أحمد: ريحتيني.... سيري قولي لامي وابوي عن سالفتي....
مريوم: وانت؟
أحمد: ان سمعوها منج بيعصبون ولكنهم بالاخير بيهدون لين يشوفوني....
مريوم:هيه حطني بويه المدفع.
أحمد: يالله انت حبوبة ابوج.
مريوم: وانت؟
أحمد: بتقوليلهم ولا أقولهم بروحي واخليها ظرابة؟
مريوم: خلاص خلاص...... سير وانا بخبرهم.
وسار أحمد غرفته ومريوم سارت للصالة.......
مريوم: ابويه.....
الوالد: لبيه...
مريوم: ابويه دريت ان أحمد بيسير يشتغل فدبي؟
الوالدة: وعيني عليه وليدي..... كل يوم بيطلع من هني يضرب خط سيرة وردة لشغله اليديد؟
مريوم: لا يمه.... أعتقد انه بياخذ له شقة هناك...
الوالدة: كيف؟؟ ولدي بيسكن بعيد عني؟ لا أنا ما بخليه...
الوالد: بلاج يام أحمد؟ ولدج مب ياهل حتى تقولين جي.... ولدج ريال ووين ما بغى يشتغل فبكيفه....
مريوم: يعني انت موافق يبه؟
الوالد: أخوج ريال شوره بايده.... وان كانت هذي رغبته فبكيفه....
مريوم: وانت يمه؟
الوالدة: شوري من شور ابوج..... ما اقول غير الله يوفقه.
عاد مريوم استانست من سمعت كلامهم وسارت تخبر أحمد....
مريوم: أحمد... امي وابوي وافقوا...... بس انت متى بتسير؟
أحمد: قريب انشالله.... بس انت متأكدة ان امي وابوي موافقين؟
مريوم: هيه متأكدة.
أحمد: انزين طلعي...برقد شوي.
مريوم: شواللي يرقدك والعصر ألحين بيأذن؟
ومن خلصت كلامها أذن العصر فسار أحمد يتوضا فطلعت عنه مريوم وسارت غرفتها.... ودقت عليها موزة تذكرها بالمشية وطلبت منها تأكد على سلامة وقت الطلعة .....

فبيت سلامة.....
الوالدة: ها سلامة خلصتي؟
سلامة: هيه خلصت....
الوالدة: يلا انزين .... ناطرينج بره.
سلامة: طالعة أحين.... أماية بغيتي شي؟
الوالدة: لا سلامتج الغالية.....
سلامة: يلا مع السلامة.
ومن طلعت سارت خلود عند الكمبيوتر ودشت ع الماسن......
خلود تكلم رفيجتها فطيم: ها يبتي ايميله؟
فطيم: طبعا حبيبتي.... هذا ايميله(................).
خلود: لا ايميله شي.... أخاف انه مب شي....
فطيم: باجر تشوفينه وتعرفينه.
خلود: بعدني مب متطمنة اني أطلع مع واحد.....
فطيم: منو قال انج بتطلعين وياه؟ راح تشوفينه ببيتنا.
خلود: ببيتكم؟ وامج ؟
فطيم: امي على طول مشغولة وبعدين هي مالها خص فيني.... أسوي اللي أبيه.
خلود: عيشتج بصراحة روعة.... اتمنى لو اني مثلج...
فطيم: ههههههههههه ولا يهمج يالغالية.....
قلتي ان اختج بتتزوج عن قريب.... بعد ما تسير بيت ريلها......
خلود: انت عبقرية..
فطيم: من دومي عبقرية... يلا سويله اد وكلميه.... تراه ينطر...
خلود: أوكي غناتي بخليج ألحين...
وطلعت عن خلود وعلى سوت لهذاك اد وقعدت تكلمه..... ومن سمعت امها تناديها على طول طلعت بدون لاتقوله حتى باي وبندت الجهاز بسرعة وسارت لامها.....كان كل خوفها ان امها تشوفها قاعدة جدام الكمبيوتر وتسير تخبر سلامة.....
.
.
.
.
.
ومرت الأيام..... نهيان خطب مريوم بشكل رسمي وتحدد موعد الملجة..... أحمد انتقل لشغله اليديد فدبي..... وسلامة ملجت وهذا اليوم المفروض ان مايد يزورهم فالبيت..... كان نهيان قاعد معاه لين وصلت سلامة.... دخلت عليهم وسلمت وتم نهيان قاعد شوي وبعدين طلع..... حاول مايد يتكلم بس ماقدر وشافته سلامة فضحكت وقالت: كنت اتوقع اني انا اللي ما بقدر اتكلم طلعت أحسن عنك.
مايد: هههههههههه .... منو قال اني مستحي.... انا ناطرنج انتي تبدين بالكلام.... ليديز فيرست.
سلامة: ههههههههه.
مايد: ما عيبتج الحفلة؟
سلامة: بالعكس كانت فنانة.
مايد: منو أحلى شخصية كانت موجودة؟
كان ينطرها تقول انت بس هي قالت: بالطبع أنا .....مب أنا العروسة..
مايد: وانا المعرس...
سلامة: هالايام ما حد يصد للمعرس.... يشوفون العروس حلوة ولا لا.....فستانها وين مفصلتنه.... مكياجها بأي صالون.... بس المعرس هذا هو شكله ابد ما يتغير ..... شو يبون فيه بعد؟
وتموا يتكلمون عن الملجة... وبعدين استأذن مايد عنهم وسار.....
نهيان: خليتوا شي ما تكلمتوا فيه؟
سلامة: وانشالله كنت تبانا نقعد ساكتين نطالع بعض؟
نهيان: نسيت ان الكلام ببلاش.... يلا تبين شي؟
سلامة: وين رايح؟
نهيان: ساير عند القمر...
سلامة: شوووووووووووووو؟
بس نهيان طنشها وطع..... سار صوب البحر..... القمر بدر.... والهوا بارد.... والموج هادي..... منظر جدا رائع..... ومسك تيلفونه ودق على مريوم.....
نهيان: السلام عليكم.
مريوم: وعليكم السلام....
نهيان: شاخبارج اليوم؟ تمام؟
مريوم: نهيان وينك؟ صوتك مب واضح.
نهيان: مشتاق لصوتج.
مريوم: قلت شي ما اسمعك.... صوتك مب واضح..... بخليك...
وصكرت عنه.... سمعت كلامه الأخير بس من كثر ما هي مستحية ما قدرت تكمل معاه فصكرت عنه.... حست بندم لانها ما فكرت فيه من الاول.... بس الحمدلله انه تم مصر عليها.... يااااااااااه........ بها اللحظة حست انها فعلا تحبه.... فعلا تباه وما تبا غيره..
.
.
.
.
.
.
دبي.....
أحمد بدا شغله هناك ومن فترة.... كانت معاه بنفس القسم بنت من دبي اسمها شوق... بنت محترمة ومؤدبة وبعمر مريوم وسلامة.... بالبداية كان كل شي عادي عنده بس في يوم تغيبت فيه عن الشغل وحس بهذاك اليوم بفراغ.... سأل عنها قالوله مريضة... حاول يتصل بها بس ما عنده رقمها.... تم طول اليوم يفكر شو مرضها .... هي ما بتغيب ان كان عندها شي بسيط..... معقول يكون مرضها خطير؟
فاليوم الثاني داومت.... أحمد: سلامات ما تشوفين شر.
شوق تمت تطالعه وهي مستغربة... وقالت: شر؟ سلامات؟ ليش شو صار؟
أحمد: امس تغيبتي عن الدوام وسألت عنج وقالولي مريضة...
حست شوق بفرح داخلها.... أحمد سأل عنها لمن غابت بس تصنعت الجد وقالت: أنا ماكنت مريضة..... بس السيارة ما اشتغلت معاي فخذوها الكراج وأخذت أنا أجازة بالمرة.... ليش اتعب عمري واليوم مبين نحس من بدايته....
أحمد: عل العموم زين انها ما تعطلت بالشارع....
شوق: مع زحمة دبي؟ الحمدلله انه جدام البيت مب بعيد.
وطلع أحمد يخلص شوية أشغال عنده وتمت شوق بالمكتب.....أحمد سأل عنها لمن تأخرت.... الحين كيف بتكمل شغلها؟ مستحيل تقدر تسوي أي شي من الفرحة.... معذورة.
.
.
.
.
.
.
يوم الخميس في بوظبي.....
أحمد قاعد مع أبوه فالحوش يتكلمون وقال أحمد: يبه...... أنا نويت أتزوج....
الوالد: مبروك ياولدي وباجر بكلم عمك خالد بالسالفة....
أحمد: شو؟؟؟ وعمي اشخصه؟
الوالد: كيف اشخصه؟ مب انت بتاخذ بنته بشاير؟
أحمد: بشاير؟ ليش؟
الوالد: مب بنته بشاير محيرة حقك....
.
.
.
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 24-11-2009, 05:05 AM
بنت أبو ظبي بنت أبو ظبي غير متصل
©؛°¨غرامي مبدع¨°؛©
 
الافتراضي رد: سوالف يهال


الجزء الحادي عشر




أحمد: بس أنا مب مجبر اني آخذ بشاير....
الوالد: عيل بتاخذ منو؟
أحمد: ...........
الوالد: توك قلت انك تبي تتزوج..... منو البنت اللي تباها؟
أحمد: وحدة عندي فالشغل.....
قربت منهم امه وقالت: ها ماشالله ...... قاعدين مع بعض..... شوالسالفة؟
الوالد: أحمد يبي يتزوج وحدة معاه بالشغل.....
الوالدة: لا مستحيل..... ما بتاخذ برة العايلة.... انت بتاخذ بنت خالك سلطان....
الوالد: شو؟
الوالدة: خير يابو أحمد؟ قلت شي غلط؟
الوالد: أحمد بياخذ بشاير بنت عمه.
الوالدة: بس بشاير كبره ويمكن أكبر..... يباله وحدة أصغر منه مب أكبر.
الوالد: بشاير مب أكبر منه بعدين منو من بنات خاله تبين له؟
الوالدة: عيوني شمة.
أحمد: منو؟؟؟؟ شموه؟ مستحيل....
الوالدة: أحمدو جب. هذي بنت خالك لا تتكلم عنها جي.
أحمد: بس هذي عقلها صغير..
\الوالد: ها زين..... طلع عيوب العايلة كلها... سمعتي ولدج شو يقول؟
أحمد: أنا ما باخذ من العايلة.... بعدين بتصير ظرابات بينكم على ماشي...... كفاية اللي يصير ألحين.
الوالد: قلت لك بتاخذ بنت عمك بشاير.
الوالدو: لا يابو أحمد..... ولدك ما بياخذ غير شمة بنت أخوي.
أحمد: يبة... يمة.... أنا قلت لكم اني بتزوج وحاط البنت اللي اباها فبالي..... بتسيرون تخطبونها لي ولا أهون عن سالفة الزواج مولية.
وشل عمره وطلع وخلاهم محتارين..... منو يخطبونله من بين الثلاثة.... منو؟
.
.
.
.
.
.
.
مريوم قاعدة بغرفتها ملانة.... فدقت على سلامة....
مريوم: السلام عليكم....
سلامة: ها يالمزعجة اشتبين؟ وعليكم السلام والرحمة.
مريوم: ها بوي؟ بلاج جي؟ مستعيلة وراج شي؟
سلامة: عيل شو؟ عبالج فاظية مثلج؟
مريوم: اشقصدج؟ تكلمي اشقصدج؟
سلامة: ما قصدت شي سلامتج....هههههههه.
مريوم: سلوم... متى عرسج؟
سلامة: منو قال اني بسوي عرس؟
مريوم: ليش؟
سلامة: ما ابا أخسر ريلي.
مريوم: خل عاد.... حريصة من ألحين.... عيل هو ليش اسمه ريال يصرف على البيت؟
سلامة: اسمع..... وانتي ليكون ناوية تفلسين أخوي..... ترى ازنطج....
مريوم: ما ترومين.... هو بيدافع عني.
سلامة: يوم بيكون محبوس بسبة الديون ما بيحصل الوقت حتى يدافع عنج.
مريوم: انتي صدقتي؟ بعيد عنه الحبس وغيره.... مالت عليج وعلى أفكارج.
سلامة: ما اسمح لج....
مريوم: انزين ما قلتي....متى العرس؟
سلامة: بتاريخ(.........).
مريوم: قريب.
سلامة: غيري اللي بيملجون يوم بدخل عيالي المدرسة.
مريوم: منو قال؟ انا ملجتي قريبة.
سلامة: بعد ما اعرس.
مريوم: المهم اني خلاص قربت.
سلامة: عقبال شيخوه.
مريوم: وخلود عيل؟
سلامة: خليها بحالها.
مر يوم: أوكي... أخايج عيل....بااااي.
سلامة: سي يو.
.
.
.
.
.
.
.
سارت مريوم تقعد مع امها وابوها..... مريوم: بلاكم جيه متغيرين؟
الوالد: ما فينا شي...
مريوم: شاخباره خطيب شيخوه؟ ليكون هون؟
الوالد: لا بعده موجود.... بس خل تخلص اختج دراستها وبعدين يصير خير....
مريوم: وين أحمد..... ما شفته.
الوالد: كان قاعد معنا وطلع.
مريوم: ليكون زعلته؟
الوالد: شازعا فيه أخوج ما يأثر فيه شي.
مريوم: يوم أحمدو ما يتأثر....
الوالدة: هو ما طرا جدامج سالفة الزواج؟
مريوم: لا.... لييييييييييييييش؟
الوالدة: لا بس سألت.... قلت الريال ألحين ما ناقصنه شي فيمكن فكر بوحدة هني ولا هناك....
مريوم: ما ادري.... بس يبه، يمه...... لا ان اختار لا تغصبونه على وحدة ثانية والا ...... تعرفون النتيجة.
الوالد: بيسوي فلم هندي وبينحاش مع اللي يحبها وبيتزوجها بمكان بعيد..... صح؟
مريوم: ان كان أحمد حاط وحدة فباله فأكيد بتكون مربية ومتأدبة ومستحيل تسوي الفلم اللي انت تتوقعه.
الوالد: الله يعين ولو ان اخوج احيانا مخه يخرخش.
مريوم: بس مب لها الدرجة..... بسير أرقد تبون شي؟
الوالدة: مشكورة بنيتي ما نبا شي بس سيري شوفي أختج وين قاعدة.... من قربت الامتحانات وهي ابدا ما تنشاف.
مريوم: أحسن لها....
الوالد: ياريت غيرؤها مثلها يهتمون بدراستهم شوي.
مريوم: انا باقي لي سنتين واتخرج.... انتو بس ادعولي.
وسارت عنهم صوب غرفة شيخوه....
مريوم: ألووووووووو....
شيخوه: مريوم بروحي متلعوزة خليني بروحي.
مريوم: بعدها الامتحانات ما بدت عيل لو بدت شو بيصير؟ يلا بطلي الباب وخلي عنج الدلع.
وبطلت شيخة الباب وقالت: خير؟ اشتبين؟
مريوم: بغيت اتطمن....بعدج عايشة؟
شيخة: الحمدلله عايشة... غيره؟
مريوم: مب منج من اللي ياي يسأل عنج.....سلام.
وطلعت عنها وهي معصبة.... من متى شيخوه تكلمها جي؟ يلا بتمشيها... معذورة ثانوية عامة.... انها عاد مصدقة.
.
.
.
.
.
.
يوم الجمعة بعد صلاة الجمعة...أحمد قاعد مع امه وابوه....
الوالد: أحمد تندل مكان بيت رفيجتك هذي؟
أحمد وهو مب مصدق عمره: ليش؟ خلاص بتخطبونها لي؟
الوالدة: وشو اللي نقدر نسويه غير هذا؟ يلا المهم عاد خذ من اهلها موعد حتى نسير لهم.
أحمد: أفا.... من عيوني.... الاربعا الياي من أرد من الشغل باخذكم كلكم الشقة هناك نقعد فدبي والخميس سايرين لهم.
الوالد: هيه مجهز كل شي.... آه منكم يا عيال اليوم آه.
أحمد: ههههههههه أستأذن.
.
.
.
.
.
ويا الخميس بسرعة.... وساروا أحمد وامه وابوه لبيت شوق وخطبوها من اهلها اللي وافقوا بعد ما شاوروا شوق..... ولكن واحد منهم ما عيبه الكلام..... حسن ولد خالة شوق واللي بكبرها كان يباها له.... ولكن أحمد خرب عليه كل شي.... لازم يبعد أحمد عن شوق حتى تبقى له....لااااااااااازم.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 24-11-2009, 05:08 AM
بنت أبو ظبي بنت أبو ظبي غير متصل
©؛°¨غرامي مبدع¨°؛©
 
الافتراضي رد: سوالف يهال


الجزء الثاني عشر


خلود قاعدة بغرفتها تنطر سلامة لين تطلع مع نهيان..... كان المفروض انها تسير وياهم علشان بروفة الفستان حق عرس سلامة بس قالت لهم انها تعبانة وما تقدر تسير أي مكان.... تمت ناطرة لين ساروا وعلى طول لغرفة الكمبيوتر ..... شغلت الجهاز ودشت المسنجر..... وقعدت تكلم كم وحدة من ربعها كانوا اون لاين..... تمت ناطرة رفيجها اليديد ( حمد) بس مادش..... واتصلت بفطيم....
خلود: فطيم وين حمد ليش مادش المسن؟
فطيم: شوي شوي عليه ولا تبين تطفشيه من البداية؟
خلود: كان كل يوم يدش الساعة 5 وألحين 5.30 وللحين ماشرف….
فطيم: اسمع هذي….. وانت ناوية تتحكمين فيه من الحين؟
خلود: مب قصدي أتحكم ولكن….
فطيم: ولكن شو؟ شوفي يا عزيزتي الشباب ما يحبون البنت اللي تعاملهم على أساس انهم يهال …. ولا البنت اللي تعاملهم باستهبال وتقول انها ما عرفت اللي يبونه…..فاهمة؟
خلود: أفهم من كلامج انه اشتكالج؟
فطيم: لا ناطرنج….. انت اشبلاج؟ ليش ما تتجاوبين وياه؟
خلود: كيييييييييييييييييف؟
فطيم: لا تستهبلين فاهمة قصدي.
خلود: فطوم صدقيني حمد جاوز الحدود بكلامه وياي.
فطيم: وليش تسألين عنه دامه جاوز الحدود؟
خلود:……………..
فطيم: اليوم بخليه يدق على تيلفونج….. ردي عليه وسايريه ولا ترى…… راح يدور غيرج.
خلود: مستحيل يسأل عن غيري.
فطيم: وليش مستحيل؟ دام انه يقدر يحصل اللي يباه مع غيرج فليش يسأل عليج وانت ما عاطتنه ويه؟ فكري فيها واحسبيها بروحج….. حمد ما يبي غير انج تكلميه شوي بدلع ودلال…. صدقيني ما بتخسرين شوي لو جربتي….. بس مرة. وألحين أخليج… أوكي حبيبتي….تشاااااااااااو.
وصكرت عن خلود اللي كانت حايرة…. تطاوع فطيم ولا تطنش....
وبالأخير استقر رايها انها تكلمه...شو اللي بتخسره...... وفعلا تمت ناطرة طول الليل لين دق عليها الساعة 2 فالليل.....
خلود: ألو...
حمد: هلا حياتي..... شاخبارج؟
خلود: تمام... وانت؟
حمد: طالما اني أكلمج فانا بأحسن حال حياتي....
خلود: حمد ممكن ما تناديني جيه؟
فاالبداية تم حمد ساكت وبعدين قال: ان ما حبيتي اني أكلمج جيه فليش تكلميني؟
خلود: أنا بس.........
حمد: أنا الغلطان لاني أكلمج....
كان بيصكر بس خلود قالت: حمد أرجوك لا تصكر...
خلود: حمد.... أنا....
حمد: خلود دخيلج تكملين....
خلود: ما أقدر.
حمد: خلود سمعيني زين...... أنا ما كنت ناوي على هالشي معاج بس شكله لازم اتصرف جيه.....
خلود: حمد اشقصدك؟
حمد: للأسف عندي تسجيلات لصوت وحدة وهي تكلم واحد أسمه ...... أعتقد انه..... علي؟
كله كلام حب وهالسوالف....... ها كفاية ولا أكمل؟
خلود: ومن وين يبته؟
حمد: نسيت أقول لج ان علي من أعز ربعي..... واحب انج تعامليني مثل ما كنتي تعاملينه وأكثر بعد.
خلود: مستحيل.
حمد: للأسف ما عندج خيار.... إما تعطيني اللي أباه أو............. أعتقد انج فاهمة قصدي.
وصكر عنها وخلاها برعب حقيقي من الياي...... هذي جزاتها...... حاولت سلامة انها تساعدها بس هي أصرت على الغلط وهذي النتيجة..... كيف تصلح غلطتها؟ ماراح تقدر تصلحها.... اللي انكسر ما يتصلح.
.
.
.
.
.
.
فبيت عبدالله ال........
شيخوة قاعدة مع امها بالصالة اللي قاعدة توصيها بدراستها ودشت مريوم الصالة...
مريوم: السلام عليكم
الوالدة + شيخة: وعليكم السلام....
الوالدة تنغز مريوم: شيخة سيري سويلنا العشا اليوم خل خطيبج يذوق طباخج.
شيخوه احمرت ومريوم قالت: مب مشكلة.... بييب طباخة تطبخ لي ولريلي.
دخل الوالد وسمع كلام مريوم وقال: عيل بقول لنهيان يتزوج الطباخة ويخليج دام انج بتقعدين علة على قلبه.
مريوم: يبه..... منو قال اني بقعد له علة...... يعني انا بسويله ريوق..... بيض وبس.
الوالد: الله يعينه.... بيعفن من كثر البيض اللي ياكله.
ضحكوا شيخة والوالدة وحاست مريوم ويهها وبنفس اللحظة دخل أحمد وهو يغني..... فقالت مريوم: تدرون اني أمس شفت كياس باريس غاليري بغرفتي؟ أنا فرحت وقمت أبش فيهن لقيتهن فاضيات.... منو اللي حطهن هناك؟
وصدوا صوب أحمد اللي ابتسم وقال: بلاكم تطالعوني؟ حد قالكم انه أنا؟
الوالد: من ألحين يا حمود؟ عيل بعد العرس شو؟
أحمد: جيه ما تستاهل؟
الوالدة: من جهت تستاهل فهي تستاهل ولكنك نسيت ان عندك خوات بعد.
أحمد: ومنو قال اني نسيت... اللي نبش بغرفتي ما صد فوق الكبت... ولا مريوم؟
مريوم: أنا ما كنت أفتش.
أحمد: يعني فعلا كنت انتي.... خلاص الهدية اللي كنت يايبنها لج بعطيها لهدى بنت موزة.
مريوم باستخفاف: ويعني شو اللي بتكون يايبنه لي؟ ساعة بو عشر؟
أحمد: عدة مكياج كاملة من كرستيان ديور حق هدى...... فكرة حلوة بسير أوصل الهدية لهدوه حد يبي شي؟
مريوم: شو؟ عدة كاملة؟ أحمد حبيبي وين رايح كنت أسولف..... أحمدو انطر.
وسارت تراكظ وراه.
الوالد: هالبنت خبلة..... شيخة اللي يخليج لا تصيرين مثلها.
شيخة وبكل هدوء: أكيد يبه.
ودشت مريوم وسمعت شيخوه وهي تتكلم وقالت: هذي مين وين يتها الرقة؟ كله متعودة تصارخ.
الوالدة: وانت اشحارنج؟
مريوم: انا مب محترة ولا شي.
الوالدة: عيل؟
مريوم: شيخوة سيري طبخي لريلج.
الوالدة: مريوم..... شيخة تقدر تسير متى بغت.
فصدت مريوم لشيخة وشافتها مطلعة لسانها لها.... فقالت: يبه شوف شيخوه.
الوالد: شاشوف فيها؟
مريوم: طلعت لسانها لي.
شيخة وهي تتصرف بكل براءة: أنا؟ أنا طلعت لساني لج؟
ضربتها الوالدة على ظهرها ضربة خفيفة وقالت: بدينا بالحركات شيخوه؟
ضحكت شيخة وقالت: بس هي تستاهل.
الوالد: شيخة مريوم أختج العودة.... لا تتكلمين عنها جيه......فاهمة.
شيخة: أمرك يا سيدي.
.
.
.
.
نخليهم ونرد لخلود..

كانت كله تقعد بغرفتها أبد ما تكلم حد واهتمت بصلاتها اكثر ودرت التيلفون والمسنجر.... كانت فطيم على طول تقد لها وهي تطنش.... سلامة استغربت منها بس هذا الشي ريحها.... ألحين بتطلع من البيت وهي متطمنة على خلود......ومرة دخل نهيان على خلود بنفس يوم ملجته الصبح..... شافها قاعدة بعدها بالغرفة.....
نهيان: خلود ليش بعدج قاعدة؟
صدت له خلود وشاف الدموع بعيونها.....
قرب منها نهيان وقعد على طرف الشبرية: خلود اشفيج؟
خلود: نهيان سامحني.......أرجوك سامحني.... ولوت عليه حيل....
نهيان: اسامحج؟ ليش انت شو مسوية؟
خلود: مب لازم أسوي شي علشان تسامحني.
نهيان: مسموحة خلود مسموحة.... بس خلاص لا تصيحين وسيري تجهزي للملجة.
خلود: نهيان....... ما بسير.
نهيان: شو؟ انا ما عندي هالكلام يلا سيري.
وطلع عنها..... لازم تسير تدري ان نهيان ما بيخليها بحالها.
.
.
.
.
.
.
وصارت الحفلة وخلصت وكلهم اكدوا انه مريوم كانت قمر ونهيان مب أقل منها وكلهم بعد اتفقوا ان خلود اخت المعرس ما كانت عادية هذاك اليوم....فيها شي.
وقالت وحدة من بين الحريم اللي ساروا الحفلة لام نهيان : خلود أكيد حد حسدها أو عملو لها عمل....... ما كانت جيه من قبل.
أم نهيان: باسم الله على بنيتي.... ومنو اللي بيحسدها بعد وهي ما تطلع ولا تشوف حد؟
أم حسن: ولو يام نهيان لازم تاخذينها للمطوع يقرا عليها.
سمعت سلامة الكلام من برة ونطرت لين ساروا الجماعة وقالت لامها: ليكون صدقتي كلامهم؟
الوالدة: مب مهم أصدق أو لا ..... بس شكلي بييب لها المطوع.
سلمة: يمة...
الوالدة: سلاموه بس.... انت ما يخصج بها السوالف.
ودخلت خلود اللي سمعت الكلام وقالت: يعني يمه انتي تشوفيني خبلة؟ يعني الواحد لو اهتم بدينه صار خبلة؟ خلاص أنا خبلة..... أنا خبلة ولكن مشية لمطوع وغيره ماني سايرة. وسارت غرفتها وهي تراكظ.....وهناك دعت ربها من كل قلبها انه ينتقم من علي وحمد..... ويفضحهم مثل ما فضحوا بنات الناس.... يا رب.

.
.
.
.
.
بنفس اليوم فالليل.... كانوا علي وحمد طالعين من سقة واحد من ربعهم بعد ما شربوا لين........
كانوا يمشون يالله يالله يشوفون جدامهم وركبوا السيارة وعلي اللي بيسوق....
علي: حمود... تتوقع... هذي... اللي اسمها خلود...... بتوافق ولا لا؟
حمد: أكيد بتوافق يا ...... انت شاسمك؟
علي: هههههههههههه عزوز انت خرفت؟ انا من متى اسمي شااشمم... ما ادري انت اشقلت.
وضحكوا مرة ثانية.....كان علي يرد بالسيارة لورا حتى يطلعها من الباركن.... وبالغلط داس عل البترول وردت السيارة بسرعة لورا وطلعت وراهم بنفس الوقت شاحنة..... حالتهم والوقت ما كانوا يكفون انهم يسون أي شي...... و........صار التصادم واثنينهم مع سايق الشاحنة روحوا بلحظة وحدة.....
.
.
.
.
خلود بغرفتها وسمعت سلامة تناديها: خلووووووود تيلفون ردي.
خلود: منوووو؟
سلامة: رفيجتج فطيم.
خلود: قوليلها مريضة.
سلامة: بس هي قاعدة تصيح.
استغربت خلود فردت على التيلفون...
فطيم: خلود حمد واخوي علي ماتوا أمس بحادث سيارة.
خلود: كيييييييييف؟
فطيم: يقولون انهم كانوا سكرانين...... مستحيل أخوي يسكر.
خلود: لا عادي.... الله طلع اللي سووه بالبنات فيهم.... انه عزيز ذو انتقام.
فطيم: خلود..... خلود.... ليش تقولين هالكلام؟
بس خلود ما ردت عليها وصكرت عنها...... ألحين ارتاحت من هم حمد وعلي.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 24-11-2009, 05:11 AM
بنت أبو ظبي بنت أبو ظبي غير متصل
©؛°¨غرامي مبدع¨°؛©
 
الافتراضي رد: سوالف يهال


الجزء الثالث عشر




دبي....

كان أحمد يتمشى بواحد من المولات مع ربعه..... وهم طالعين تلاقوا مع حسن ولد خالة شوق اللي من شاف أحمد حاول يعامله مثل غيره بدون حساسيات وبنفس الوقت كان يفكر بسالفة يقدر من خلالها يبعد أحمد عن شوق، وفعلا وصلت الفكرة.... شوي جريئة بس تنفع.... فاقترح على أحمد انه يتمشى معاه وبعدين بيوصله بسيارته..... فوافق أحمد طبعا ما يبي يزعله...... وهم يتمشون قال حسن: تدري ان شوق غيرت رقمها؟
أحمد: وانت اشدراك؟؟؟
حسن: ما يحتاج تعصب..... أنا اللي طلعت لها الرقم اليديد..... تدري اني اشتغل فاتصالات.
أحمد: أوكي وبعدين؟
حسن: تدري ليش؟
أحمد: شو اللي ليش؟
حسن: تدري ليش غيرت رقمها؟
أحمد: كيفها وانا اشعلي؟
حسن: عاد انت اللي مقصود بالسالفة مب أي حد غيرك.
أحمد: ما فهمت عليك....
حسن: أنا ما بقول لك ها الكلام غير لاني حسيت انك ما تستاهل شوق....
أحمد ببرود: اشقصدك؟
حسن: قصدي انك تستاهل اللي احسن عنها....
أحمد: بس انا ابيها هي مب غيرها.
حسن وهو معصب : أحمد انت تدري ليش غيرت رقمها؟؟؟؟؟ انا بقول لك..... لانها خلاص انخطبت وتبي تبعد عن اللي كانت تكلمهم قبل.
تم أحمد يطالعه بدون لا يرد فكمل حسن كلامه: كل ربعي تقريبا يعرفونها وكنت استحي أقول لهم انها بنت خالتي.... ولكن انت..... انصحك تبعد..... شوق ما تستاهلك.
تم أحمد منصعق من كلام حسن اللي تظاهر بأنه يمسح دمعة نزلت وغير صوته وهو يكلم أحمد ( لزوم المسرحية ) وقال: وين تبيني أوصلك؟
أحمد:نزلني هني.
حسن: ما يصير أنزلك بنص الشارع.
أحمد: قلت لك نزلني هني.
فوقف حسن السيارة ونزل منها أحمد على طول وكمل دربه بروحه...فكر يتصل بشوق بس حسن قاله انها غيرت الرقم......كيف ما قالت له؟ وليش ما طرشت له رقمها اليديد؟
.
.
.
.
.
بعد يومين خذ فيهم أحمد إجازة وصلته مسج من شوق فيه رقمها اليديد...... فطرش لها " توه الناس!"
فدقت عليه أول مرة ما رد بس ثاني مرة رد عليها وقال: خير ليش متصلة؟
شوق: أحمد... شو هالحركات؟ أحيد البنات يتغلون على الشباب مب العكس.
أحمد: ماشالله ماشالله...... خبرة ها؟
شوق: أحمد... اشتقصد من ورا كلامك؟
أحمد: ما قصدت شي...... اللي على راسه بطحة.
شوق: الظاهر انك مب صاحي..... مع السلامة.
وصكرت فاتصل بها ومن ردت طاح فيها......
أحمد: كيف تصكرين وانا أكلمج؟
شوق: أنا كنت أكلم نفسي.... انت مب معاي.... مافهمت من كلامك شي.
أحمد: وشو اللي ما ينفهم من كلامي؟ وبعدين ليش ما طرشتي رقمج من أول ما طلعتيه؟
شوق: انشغلت.
أحمد: وليش غيرتيه.
شوق: صار جديم.... نزلت أرقام أحلى.
أحمد: أرقام جديدة ولا ........
شوق: اشقصدك؟
أحمد: أقصد الكلام اللي قالوه صج.
شوق: أي كلام؟ ومنو قاله.
أحمد: مب مهم منو قاله المهم انه باين صج.
شوق: لا تقول انه حسن.
أحمد: بس أنا ما قلت انه حسن.
شوق: لا هو حسن أنا متأكدة.
أحمد: وشو اللي يخليج متأكدة؟
بس شوق ما ردت عليه صكرت عنه وهي تصيح واتصلت بحسن....
حسن: ألو....
شوق: حسن انت متى بتودر هالسوالف؟
حشن: شوق بلاج تصيحين؟
شوق: انت ليش جيه؟ خاف ربك حرام عليك..... كلما خطبني واحد قمت وطلعت علي كلام.... هذا وانت ولد خالتي عيل لو ما كنت تقربني شو سويت؟؟ انت عارف اللي تسويه؟ حاس بالخطأ اللي مصر تكرره كلما اخطبت؟؟ صدقني مهما سويت أنا مستحيل أرضى فيك بعد اللي قاعد تسويه..... مستحيل.
وبعدين فكر فيني وفاللي انا أبيه..... أنا كل اللي أبيه أني أعيش حياتي مثل أي وحدة.... فليش مصر انك تحرمني من حقي...... بعدين حسن...... أنا أكبر منك......أكبر منك خاف ربك حرااااااااااااااام اللي قاعد تسويه...... تخيل انك مكان أحمد وان غيرك يقول له نفس الكلام اللي انت قلته شو بيكون شعورك؟ رد.
لكن حسن ما رد عليها..... أول مرة تكلمه شوق بالموضوع مع انها تدري من البداية انه ورا كل شي صار قبل..... حس بحزنها الحقيقي هالمرة..... كانت أول مرة يحس فيها كل هالمشاعر..... فصكر عن شوق وعلى طول سار لشقة أحمد.....
سمع أحمد باب شقته يندق فسار يطالع منو..... ومن فتح الباب شاف قدامه حسن
أحمد: هلا حسن .... تفضل.
حسن: لا اسمح لي.... عندي كلمتين بغيت أقولهم قبل لا اسير.
أحمد: تكلم.
حسن: أنا آسف ولكن.......
أحمد: خير؟
حسن: كل الكلام اللي قلته عن شوق....... مب صحيح.
أحمد: يعني انت قاعد تقص علي ؟
حسن: قلت أنا آسف.... وانا ألحين بس بغيت أعتذر منك وأرجو انك تقبل اعتذاري........
أحمد: الكلام اللي انت قلته ما فيه مسامحة...... ولكن شاقول..... مسموح ..... مسموح بس لا تعيد هالحركات ولا بيكون بينا شي ثاني.
حسن: لا انشالله ... ما بعيدها.
وهو ساير.... كان حسن يفكر باللي كان يسويه....... ما كان قادر يصدق انه قدر يسوي هذا كله بشوق.... ولكن خلاص..... الله هداه وانشالله ما بيعيد هالسوالف مرة ثانية.... انشالله.
.
.
.
.
.
.
كانت خلود تتناقز بالبيت وتنط من غرفة لغرفة وسلامة استغربت منها وقالت: هي انت بلاج اليوم جيه؟
خلود: قرب عرسج وبعدي ما فصلت الفستان ولا اشتريت الاكسسوارات... ولا ولا ولا ....
سلامة: شو شو؟ وليش كل هالفرحة؟ كل هذا لاني بطلع من البيت؟
خلود: أفا انا افرح لانج بتسيرين عني؟ لا مستحيل.....
سلامة: هيه صدقت أنا الحين.
خلود: كيفج صدقتي أو ما صدقتي.... المهم اني فرحانة لج وايد وايد.
سلامة: ما ادري ليش احس انه في شي ورا هالكلام.
ورن تيلفون سلامة فسارت ترد أما خلود فكانت تطالعها من بعيد وهي ندمانة..... سلامة للحين تشك فيها.... كيف تقدر تغير نظرتها لها.
أما سلامة ومريوم.....
مريوم: هي انت وينج؟ يعني قرب العرس خلاص تقطعين؟
سلامة: بل بل.... وين خاشة هذا كله.
مريوم: ما خشيت أي شي.
سلامة: انزين ليش متصلة؟
مريوم: حرام أسأل؟ حتى السؤال حرام؟
سلامة: مريوم زعلتي؟
مريوم: لا ما زعلت بس بغيت أعزمج على ملجة أخوي... الخميس الياي.
سلامة: ها مبروك...... بس ما جنه بسرعة؟
مريوم: أحسن خل نفتك.....
سلامة: عقبال عرسج.....
مريوم: ليش نهيان ما قال لكم؟
سلامة: شو يقول؟
مريوم: اتفقنا انه ما بنسوي حفلة.
سلامة: صج ولا مثل ما سويت فيج قبل؟
مريوم: لا صج....
سلامة: ليش؟
مريوم: ما شي وقت المناسبات مالية الدنيا ولو بننطر لين نحصل وقت ييون فيه الناس العرس جان العرس بعد سنتين.
سلامة: ما عليه.... أحسن من ماشي....
مريوم: على قولتج..... ولا تنسين تعزمين أهلج على الملجة.
سلامة: انشالله.
مريوم: يلا باااااي.
سلامة: مع السلامة.
.
.
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 24-11-2009, 05:13 AM
بنت أبو ظبي بنت أبو ظبي غير متصل
©؛°¨غرامي مبدع¨°؛©
 
الافتراضي رد: سوالف يهال


الجزء الرابع عشر والأخير



اليوم نتايج الثانوية
كانوا كلهم قاعدين بمكان واحد متيلسين جريب الراديو..... مريوم قاعدة على النت تحاول تدش الموقع..... وشيخة شوي وتصيح..... " ادري اني ما بييب نسبة..... ".
مريوم: هي انجبي..... بعدنا ما شفنا النتيجة.... لحظة دخلت....... شيخة كم رقم الجلوس مالج؟ يلا بسرعة....
وعطتها شيخة الرقم ودخلته و........... قامت مريوم تشاهق. فصدت شيخة للشاشة وشافت نسبتها وفجت هي عيونها بعد......
الوالد: حد يتكلم ها..... كم النسبة؟
مريوم: يبه بنتك عبقرية..... يايبة 94.2 % ...
الوالدة: بسم الله على بنتي..... فديتج شيخوة بيضتي ويهنا...
مريوم: ليش وانا؟
الوالد: 88 % مب شي جدام نسبتها.....
مريوم: يبه انت تقول جيه؟ خلاص. ما راح أكلمك.
الوالد: خل عاد زعلتي انتي الحين؟
مريوم: لا انا ما أزعل..... عادي عندي أي شي يصير.
شيخة: واضح.
صدت لها مريوم بدون لا تتكلم.... وسارت شيخة تتصل بربعها تشوفهم وتشوف أخبار نسبهم.....

.
.
.
.
.
.

يوم عرس أحمد
كانت الاستعدادات لعرس أحمد شاغلة الكل....... حتى مريوم قعدت من الصبح بس حتى تشيك على الأغراض وراحت تقعد شيخوه ودقت على موزة و...............
شافتها امها وهي تحوص من غرفة لغرفة وقالت: مريوم انتي لملجتج ما قعدتي من الصبح.
طلع أحمد من غرفته وقال: تبى الفجة مني.
مريوم: افا أحمد انت تقول هالكلام؟
الوالدة: خلي عنج هالسوالف وخلي أخوج يسير يخلص شغله.
مريوم: أي شغل؟
أحمد: اليهال لا يتكلمون.
مريوم : خل ولا انت عاد الكبير.
طنشها أحمد وسار طلع وردت مريوم لغرفة شيخة وتمت فوق راسها لين قعدتها...
شيخة وهي تفرك عيونها تبي تكمل رقادها: ها اشتبين؟
مريوم: مليت وبغيت حد أقعد معاه.
شيخة وهي معصبة : حد جبرج تقعدين من الفير؟
مريوم: انا أصلا ما رقدت.
شيخة: خير امي؟ وليش ما رقدتي؟
مريوم: ما ياني رقاد.
شيخة: سيري رقدي لانا بنسير الصالون العصر وما بترقدين بعدين لين باجر الفير.
سارت مريوم صوب الباب وقالت: ما برقد..... بسير اطالع التلفزيون.
وسارت قعدت بالصالة مرة تطالع التلفزيون وشوي تفرفر الجريدة وهي على هالحال دخل ابوها واستغرب قعدتها هني من الصبح
الوالد: خير مريوم ليش قاعدة من ألحين....
مريوم: ناطرتنك اتريق معاك.
الوالد: هذي مريوم حبيبتي .
ضحكت مريوم وما ردت عليه..... واحليله ابوها قلبه طيب وحست انها فعلا تحبه وما قدرت تتخيل بعدين عقب ما تعرس كيف بتخليه هني.....فسارت صوبه ولوت عليه وتم ابوها يطالعها وهو مستغرب..... بلاها مريوم تتصرف جيه اليوم؟.....
وسارت عنه تجهز الريوق ودخلت شيخة وراها..... مريوم: ها شو اللي قعدج؟
شيخة: وحد يقدر يرقد بعد حشرتج هذي؟ شو مسويين ريوق؟
مريوم: قدامج شوفي....
شيخة: وين ماخذتنه؟
مريوم: بتريق مع الوالد .
شيخة: نطري بيي وياكم.
الوالد كان ناطر مريوم تدخل عليه بس من جاف شيخة وياها بطل عيونه حيل.... هذيلا بلاهم اليوم؟
وقعدوا يتريقون وهم يسولفون..... كانت القعدة حلوة وهي جامعتنهم وخاصة بعد ما قعدت امهم وياهم ووصل أحمد وقعد معاهم..... كان الوالد يطالعهم وهو يتخيل البيت بعدهم..... كل واحد منهم بعد فترة بيطلع وبتكون له حياته الخاصة...... كان يتذكر هذيك الأيام وهم صغارية يلعبون بالحوش مع عيال الفريج...... صج صاروا كبار ألحين..... كان يطالعهم وهم يضحكون ويسولفون وبدون لا يحس نزلت من عيونه دمعة مسحها بسرعة قبل لا يشوفها حد..... عياله صاروا كبار وهذي أول نقطة تحول..... بعدين بيونه عيالهم يقولون يالشيبة...... هذا اللي ناقص.
.
.
.
.
.
.
على العصر ساروا البنات الصالون وتمت مريوم هناك تتشرط وعجزت العاملات بطلباتها اللي ما حد فهمها..... لكن بالأخير كانت فعلا كشخة..... وشيخة كانت ولأول مرة أحللى وحدة من بينهم هذا الشي اللي خلا مريوم تتشرط أكثر..... وهم رادين مع أحمد حط شريط معلاية وقعدوا يغنون وهم بالطريج.... موزة قاعدة يم أحمد ومريوم وشيخة ورى..... كانوا مستانسين وفجأة طلعت جدامهم شاحنة و..............
.
.
.
.
.
.
.
.
صرخت مريوم بالحيل...... فصدوا لها كلهم وشيخة تقول: طالعوا هذي..... يوم أقول لها ارقدي بالبيت ما رضت والحين رقدت ....لا وقدرت ترقد بكل هالحشرة بعد.
ضحكت موزة وقالت: بس صرختها خرعتني..... وين خاشة هالصوت؟
أحمد: تلقون كل اللي كانوا يمنا يطالعون يبون يعرفون من وين طلع هالصوت..هههههههههههه.
موزة: انتي شو اللي خلاج تصرخين؟
مريوم كانت قافطة ومحمرة بس قالت: خليها مستورة أحسن....
وكملوا طريجهم وهم يغنون لين وصلوا مكان الحفلة........
.
.
.
.
.
كانت الحفلة رووووووعة..... أحمد ما قصر........ ما خلا شي ما سواه بس حتى تكون الحفلة أحلى ما يمكن وقدر على هالشي...... كانت مريوم تكلم سلامة اللي قالت: حفلتكم حلوة.... متى الألعاب النارية؟
مريوم: صبري ياينج كل شي بالطريج.....
سلامة: عقبال ما نشوف عرسج كيف بيكون.
مريوم: اولا انا قلت اني ما بسوي حفلة وخلاص........ وبعدين لا تنسين اني جان سويت شي راح يكون على ظهر اخوج عاد هو وفليساته.....
سلامة: حبيبتي أخوي جان بغى بيسوي الأحسن من هذا بس هو شوي.... تدرين فيه ما تهمه هالأشياء.
مريوم: خل عاد.....
وبعد فترة دخلت العروس ......
وبعدها فترة دخل أحمد وبدت مريوم بحركاتها معاه لين طفرته ........ ويوم ساروا يتصورون داخل ما رضى يتصور معاها أي صورة...... وبعد محاولات صوروه وهو قابض على رقبتها......
وخلصت الحفلة...
تدرون شو صار بعدين؟؟؟
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

.
.
.
.
.
.
.
.
.
.
.
.
.
شو هالفضول؟؟؟؟؟؟؟؟ ياخي خل الناس بحالهم لازم تعرف كل شي نازل لين هني؟ صج فضول.
.
.
.
.
.
.
.
.
.
.
.
.
.
.
.
.
.
.
.
.

عرست مريوم عقب سلامة بشهرين تقريبا وبعد فترة درت ان سلامة حامل.... مريوم ما صدقت عمرها قامت تراكض بالسوق من محل لمحل.... بالأول كانت تشتري هدية لسلامة.... لكن من شافت ثياب البنوتات قامت تشل وتحط..... ما خلت شي ما شرته.... وسارت لسلامة اللي من شافت الاغراض قالت: منو قال اني بييب بنت؟
مريوم: ثياب البنات حلوة..... شوفيها وبتييبين بنت.
سلامة: لا والله....
مريوم: بس سلامة..... انا اشتريتهم لانهم حلوين وان ما يبتي بنت عطيها لأي حد...
سلامة: أخاف أعطيها لج...
مريوم: حلفي بس..... عطيها لأي حد الا أنا.... الهدية لا ترد....
سلامة: يالله.... انشالله نردها لج.
مريوم: حسبي حساب صبيان...ههههههههههههههههههههههه.
سلامة: بيدج هو.... وبعدين شو الفرق بين الصبيان والبنات؟
أنا أشوف البنات أحلى....
مريوم: هههههههههههه ....يلا بسير. أشوفج مرة ثانية.
سلامة: يالله مع السلامة...
ومرت الشهور ويابت سلامة بنت..... فالبداية مريوم ما كانت مقتنعة انها تييب عيال.... بس بعد ما شافت بنوتة سلامة..... اقتنعت بالسالفة وصارت هي المسؤولة عن البنوتة اللي سموها العنود ان احتاجت امها تطلع تسير أي مكان....
وبعد فترة مب وايد طويلة يابت شوق حرمة أحمد توم ولد وبنت.... وتمت مريوم متحسرة.... تمت الوحيدة بدون عيال..... وبوحدة من قعداتهم العائلية قال الوالد لمريوم: ها بنيتي.... متى دورج؟
مريوم: ليش يبة؟ ما ني مستعيلة..... العيال بس حشرة عالفاضي.....
شوق: عيالي ساكتين لين يشوفونج.... ما ادري شو يصيبهم...
ضحكوا كلهم الا مريوم اللي قالت: أصلا من يحسون فيني يصيحون يبوني أشلهم.....
أحمد: ومنو قال اني بخليهم وياج؟
شوق: لا بالعكس..... مريوم عندها خبرة بعد قعدتها مع سلامة..... إلا أقول شاخبارها هي بعد؟
مريوم: تسلم عليكم وتقول يعني شوق ما بتفتحين عندج حضانة؟؟؟
شوق: وانا قادرة على عيالي حتى أمسك عيال غيري؟ قوليلها خيرها فغيرها.
.
.
.
.
.
.
.
.
.
وبعد فترة مب وايد طويلة حملت مريوم ... الكل فرحوا لها وهي بعد ما كانت مصدقة وما خلت كتاب يتكلم عن سوالف الحمل وأيام الولادة إلا ويابته ولكن......
للأسف الجنين ماكمل له 3 أشهر ولكن فقدته....
الكل مستغرب كيف فقدته جيه بدون سبب وبدون شي ولكن قدر الله وما شاء فعل.....
مريوم يتها بعد السالفة حالة اكتئاب..... حاول نهيان يخفف عنها بس ما قدر وسارت قعدت ببيت أهلها كمن يوم لأنهم هناك بيهتمون بها أحسن من قعدتها بروحها.... ومرت الأيام وقدرت مريوم تتجاوز هذي الفترة بفضل وقفت ريلها معها ولكن ماقدرت تحسم فكرة العيال..... هل تحاول مرة ثانية بعد اللي صار ولا خلاص....
مرة وهي قاعدة مع سلامة وبنتها....
سلامة: تدرين مريوم... أحس اني استعجلت يوم يبت العنود.... كلما قلت لمايد خل نطلع قال: خلج قاعدة مع بنتج أحسن لج....
ضحكت مريوم وقالت: مب مشكلة أنا مستعدة أقعد مع بنتج...
سلامة: هذا ألحين ويوم بتييبين عيال وين بوديها؟
مريوم: خليها تربى مع عيال أخوج..... أحسن لها.
سلامة: هيه وتطلع لي مثل خالها......لا مستحيل.
مريوم: عيل أنا اللي بخلي بناتي يطلعون مثل عمتهم؟
سلامة: فخر لهم..هههههههههه.
مريوم: لا تصدقين أخاف تغترين.
سلامة: خل عاد ليش شو ناقصني؟
مريوم: بس بس بدينا نتظارب..... خل نشوف لنا سالفة ثانية أحسن.
.
.
.
.
.
.
.
بعد وحدة من زيارات مروم للعيادة عرفت انها حامل ومن ردت البيت وهي متلعوزة.... مب عارفة تتصرف.... خايفة تفقد الجنين مرة ثانية.... فقال لها نهيان: انتي ليش خايفة؟ توكلي على الله وانشالله ما بيصير غير كل خير....
مريوم: بس أنا خايفة...خااااااييييففففففففة.
نهيان: وليش؟ تخيلي انها أول مرة لج..... ولا تفكرين باللي صار قبل.
مريوم: ما أقدر.
نهيان: تقدرين....
مريوم: وان فقدته هو بعد؟
نهيان: وليش تفكرين بهالسالفة؟ هذا ماض راح وولى.
مريوم: بالنسبة لك.
نهيان: ولج بعد. سمعي كلامي وتوكلي على الله وانشالله ما بيصير شر.
مريوم: انشالله.
ويا موعد الولادة..... مريوم من خوفها ما قدرت تتعاون فاضطروا انهم يسوون لها قيصرية.....
ويابت مريوم ولد....
ومن فرحتهم كلهم سووا عزايم طول أسبوع كامل مرة ببيت أهلها ومرة ببيت هل نهيان....
وكبر ولدهم خليفة مع عيال عمته وعيال خاله ورد بيت عبدالله ال... مليان بالعيال.... وردت الجمعات بنهاية الأسبوع مرة ثانية وكانه ما تغير شي.....
كانوا كلهم يتجمعون كبارهم وصغارهم بدون موعد وكأنه قدر...... كلهم ييون ويتجمعون ويلعبون وردت سوالف اليهال لبيت عبدالله ال......





The end


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 24-11-2009, 05:16 AM
بنت أبو ظبي بنت أبو ظبي غير متصل
©؛°¨غرامي مبدع¨°؛©
 
الافتراضي رد: سوالف يهال


تحيااااااااااااااااااااااااات
بنت بوظبي

تم النقل بحمدالله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 08-12-2009, 07:13 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: سوالف يهال


,’



بسم الله


يعطيك العــآفية




,’



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 08-12-2009, 11:33 AM
صورة ج ـنونـ بنوته الرمزية
ج ـنونـ بنوته ج ـنونـ بنوته غير متصل
©؛°¨غرامي فعال ¨°؛©
 
الافتراضي رد: سوالف يهال / كاملة


يعطيييييييييييييييييييييك العآفييه


الرد باقتباس
إضافة رد
الإشارات المرجعية

سوالف يهال / كاملة

الوسوم
يهــــــــــــــال , سوالف
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
و هل للحب أمال / كاملة بنت أبو ظبي روايات كامله - يتم نقل الرواية هنا بعد اكتمالها 29 28-07-2013 11:26 PM
رواية بدفن حبي و راسي عالي / للكاتبة : ملح الحياة ، كاملة ليمونة الحلوة روايات كامله - يتم نقل الرواية هنا بعد اكتمالها 66 20-04-2011 01:18 PM
لعبة النمر الوردى .. كاملة و حصريا mrtawfik العاب - مسابقات 6 04-02-2011 10:46 AM
قصيدة الأطلال كاملة كما كتبها صاجبها إبراهيم ناجي بن لحكوم ارشيف غرام 3 19-11-2008 11:27 AM

الساعة الآن +3: 10:11 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم