اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 07-12-2009, 02:47 PM
~.. دلوعه ..~ ~.. دلوعه ..~ غير متصل
©؛°¨غرامي مشارك¨°؛©
 
الافتراضي رواية عيال العز/كاملة




قصه لقيتهاا في منتدى وحبيت انقلهاا

" الـشـخـصـيـات الرئيسيه "

" عيال احمد " " بو يوسف "

يوسف : 25 سنه .. شخصية قويه .. طيب .. متفاهم .. متزوج .. يشتغل بشركة الوالد .. عندهم شركة سياير .. ملامحه عاديه .. شعره ناعم .. لون عيونه سوده ..
امينه : 23سنه .. ما ترضى بالغلط .. تخرجـت من الجامعه وتشتغل بقسم المعاشات والتقاعد .. جـمـالـهـا بسيط .. شعرها طويل لين ظـهـرها .. لون عيونها عسليه ..
فيصل : 21سنه .. قلبه طيب .. لكنه يستهتر ساعات وما همه شي لو عصب .. وسيم .. شعره ناعم .. لون عيونه عسليه .. غرامه البطابط .. بالجامعه سنه 3 ..
نوال : 20 سنه .. بنت وسواسيه لابعد الحدود .. اتخاف من كل شي .. كله عبالها بتموت .. ما فيها جمال بس تعتبر بنت عاديه .. شعرها لين كتفها .. لون عيونها سوده .. بالجامعه سنه 2 ..
نواف : 18سنه .. ولد دلوع لابعد الحدود .. ما عنده شخصيه .. يتشبه بالبنات .. بختصار GAY .. وسيم اكثر من الازم .. يعني جماله جمال بنات .. شعره ناعم وطويل شويه ليمن اذنـه .. وقذلته 24 ساعه طايحه على عيونه .. لون عيونه عسليه بس هو دوم يلبس عدسات زرقه Lol.. بثانويه عامه ..
ساره : 16 سنه .. بنت رومانسيه شويه .. ما تحب احد يحكم رايه عليها .. عاديه .. شعرها طويل .. لون عيونها عسليه .. تحب الرسم .. باول ثانوي ..
ملاك : 15سنه .. هالبنت شكلها على اسمها .. جـمـيـلـه .. بس شيطانه وهم عنيده .. راسها يابس وما تسمع الكلام .. اللي ببالها بتسويه وما همها شي .. شعرها ناعم .. متوسط لا هو طويل ولا قصير .. لون العيون عسليه .. بثالث اعدادي ..
ناصر : 13سنه .. ولد حاله مثل اي ولد بعمره بس الفرق بينه وبين بقية اولاد مدرسته انه مغرور وشايف نفسه ليش انه عايش بـعـز .. هم شعره ناعم ولون عيونه سوده .. يموت بشي اسمه نت .. باول اعدادي ..

***************

احمد ( بويوسف ) : 45سنه ..هو الوالد .. شخصية قويه .. شديد .. ولما يعصب ما يعرف احد ..شعره مو ناعم وايد .. لون عيونه سوده .. يمتلك شركة سيارات .. ما عنده لا اخوان ولا خوات هو الولد الوحـيـد لابوه المتوفي .. بختصار الوريث الوحيد ..

***************

العنود ( ام يوسف ) : 38 سنه .. مرت احـمـد " بويوسف " .. شديده شويه .. شعرها ناعم .. لون العيون عسليه ..

***************

شيخه : 22 سنه .. مرت يوسف .. طيبه وهاديه وهم حلوه .. ما كملت الجامعه وطلعت منها وتمت بالبيت ..

***************--------------------------------------------------------------------------------

" بـيـت الـجـيـران " " عيال راشد " بومحمد "



ابوهم " راشد " متوفي وعايشين مع امهم" ساميه "وهم ناس فقاره وعايشين على قد حـالـهـم "



خلود : 24 سنه .. مطلقه .. بنت عاديه .. شعرها طويل وناعم .. لونه اسود .. ما كملت دراستها الثانويه وهم ما تشتغل ..



محمد : 22 سنه .. طيب وخـلـوق .. ما كمل الجامعه + يشتغل بشركة كيوتل ..



عايشه :19 سنه .. ملامحها حـلـوه .. طيبه .. تحب الناس .. بس وايد تتحسر لما تشوف ان الناس احسن منها .. هي بالجامعه سنة 1 .. شعرها تقريبا لين كتفها ..


حسن : 17 سنه .. صايع نوعا ما .. هو بثاني ثانوي بس ما يحظر وما يدري شي عن المدرسه .. طلباته وايد .. وامه متسندره من هالطلبات اللي ما تخلص ..






***************


ساميه ( ام محمد ) : 44 سنه .. عمرها كبير لانها تزوجت متاخر شويه .. مسكينه على قد حالها ويالله يالله تقدر تصرف على نفسها وعيالها اللي ما يقدرون شي ..


***************


" هناك شخصيات ثانيه بتظهر مع حـلـقـات القصه تدريجيا "


***************


" كالعاده وفي بداية اي قصه ما راح تشوفون احـداث من البدايه .. وان شالله مع المتابعه المستمره بتصير احـداث وايد .. وبالنهايه اتمنى ان القصه تنال على اعجابكم .. وهاللـه هاللـه بـالـتـعـلـيـق = (


" مـلاحـظـه "


" يـمـكـن بـقـصـتـي " عـيـال الـعـز " عـديـت الـخـط الاحـمـر شـويـه بـس هـذا هـو اللـي يـصـيـر بـمـجـتـمـعنـا "


" تحياتي : لـوريـنـا "


********
" قـصـتـي عـيـال الـعـز "


" الـحـلـقـه 1 "


" في يـوم لـعـن بـويـوسـف الساعه اللي حـمـلـت فيهـا مرته الـعـنـود ويابت نـواف"


صـرخ بويوسف صـرخـه قويه هزت البيت باللي فيه : انجلع اذلف بره .. لا بارك الله فيك ولا بالساعه اللي انولدت فيهـا ..


سال نواف بدلع :ليش يبه ؟ انا شـسـويـت الحين ؟


عصب ابوه اكثر :قلتلك انجلع لا ترفع ضغطي اكثر من ما هو مرتفع ! انجلع يالله ..


" مرته العنودحاولت اتهديه بس ما اقدرت .. وعيالهالـ 7 كانوا سـاكـتـيـن يشوفون المشهد بصمت .. لانهم تـعـودوا عليه من كـثـر ما هو يـتـكرر بالبيت "


سال نواف من يديد :انا شسويت الحين ؟


قرب ابوه منه وعطاه كف بويها يسنعه : ابيك تتسنع وتـصـيـر ريال .. خـل عنك حـركـات البنات هذي .. عيب عليك .. لا شكلك ولا مشيتك مشيت ريايل .. استح على ويهك عمرك الحين 18 سنه .. فضحتنا جـدام الناس وفـضـحـتـنـي انا جـدام الريايل .. يسالوني هذا الناعم ولدك ؟ والله استحي اقولهم اي .. بالله عليك انجلع شوف نفسك بالمرايا هذا شكل ريال ؟ ومستانس بعد حـاط كـحـل ومكياج ! ومخلي القذله عالوي ؟ هذي اخـرت الدلع والترف فيك .. حـسـبـي الله ونعم الـوكـيـل ..


" بعدها "


" ما قدر نواف يمسك الصيحه اكـثـر .. بمعنى " ما استحمل الـكـف " حـط ايده على ويهـا وقرب من امه يـصـيـح من صـجـه "


نواف : يمه .. شفتي الوالدشلون عطاني كف ؟ ايده ثقيله ! ذبحني !


" ما قدرت امه تعلق عليه او تقول اي شي .. لانهـا لو تـكـلـمـت الحين ابوه " احـمـد " بيعصب عليه وعليهـا .. فـكـتـفـت بالصمت "


التفت نواف لابوه المعصب يسال : شاسوي اذا انا مو ريـال ؟ يه .. اهو كل شي بالغصب يعني ؟


" انفجر ابوه اكـثـر .. كان وده يمسكه ويذبحه بيدينه بس ولده يوسف تـدخل بالوقت المناسب عشان ما تـصـيـر مذبحه بالبيت "


مسك يوسف ايد ابوه : اقول يبه .. بغيتك بشغله ما عليك امر !


^^


" هذا هو حال بيت بويوسف تقريبا كل يومين او 3 .. " نوافو " يختلق المشاكل بدون ما يحس انه طايح بمصيبه وابوه " احمد " على اتفه الاسباب تشوفونه يعصب عليه .. اما بالنسبه لامه " العنود " صج انها قويه وساعات السانهـا يكون طويل بس مو على بويوسف .. خاصه انها تزوجت وهي صغيره 13 سنه تقريبا بسبب المصالح المشتركه بين ابوها المرحوم وابو بويوسف المرحوم .. لهسبب قدر بويوسف من انه يتحكم فيهـا من اول يوم تزوجهـا .. المسكينه كانت بثاني اعدادي .. يمكن لهسبب بتشوفونهـا قاسيه شويه يمكن من اللي ياها بالدنيا ليش انهـا تزوجت غصبا عنهـا بسن طفولي .. على قولة ابوها المرحوم " البنت اول ما تبلغ لازم يزوجونهـا "

***************
" ببيت الجيران " بيت بومحمد "

" بدار ام محمد "

ما تعب حسن من كثر الطلبات : يمه انتي ليش جـذي ؟ عبالج ان الدنيا رخـيـصـه ؟ اقولج بعزم ربعي عالعشا .. ماعطتني 100 ريال بس ؟ عالاقل عطيني 400 ..

ام محمد " ساميه " : على قد الحال يا ولـدي .. من وين لي انا ؟

تحلطم حسن : شدعوه يمه على قد الحال ؟ قلنا مـساكـيـن وما عندنا فلوس بس مو لهدرجـه عاد !

" بعدها "

" دخـلـت عايشه بالدار تطلب" لو سـمـحـتـي يمه .. ممكن تعطيني700ريال ؟ "

" بحلقت امها بعيونهـا" بك بك بك !!700 عاد ؟ "

التفت حسن على اخته يسال : اشتبين بل 700 ريال الحين ؟ هذا مو وقت طـلـبـاتـج .. انا اللي طـلـبـت قبلج .. فلو سمحتي يعني اسحبي طلبج !

عفست عايشه الويه : عشتو .. يعني اذا انت طلبت احـنـا نسكت وما نطلب شي ! وانت متى ما طلبت ؟ حـيـاتـك كلها طلبات بطلبات ..

رد حسن متنرفز : انا ريال وطلباتي اكـثـر منج .. وبعدين انتي شـكـو اذا اطلب او ما اطلب ؟

عايشه ( بسخريه ) : سلامتك يا بابا .. البنات هم اللي طلباتهم اكـثـر ..

" بعدها "

" عـصبـت امـهـم عـلـى هـالـجـدال" اشفيكم انـتـوا الاثـنـيـن ؟ مـا تـسـتـحـون ؟ تـتهـاوشونعشان بـيـزات ؟ وانتي يا عوشو ما تقولين لي اشتبين بل700ريال الحين ؟ "

عايشه ( تتذمر ) : ابسوي لي عبايه للجامعه .. والله فشله جدام البنات ! كل وحده تلبس عبايه كل يومين وانا اتم بعباتي شهـر !

انصدمت امها : اشدعوه يا عايشه عبايه سعرها 700 ريال ؟ شناويه تسوين ؟ عبايه او فستان ؟

عايشه : يمه انتي شفيج منصدمه ؟ انا بسوي لي عبايه راقيه عالاقل اكشخ فيها بالجامعه جـدام البنات.. وهذي هي الاسعار .. وعلى فـكـره العباية اللي قيمتها 700 ريال تعتبر ارخـص عبايه اذا ما كان فيها موديل كشخه ..

ما اقتنعت امها : انا ما عندي فلوس لعبايه بقيمة 700 ريال .. اعطي منو ؟ واخـلـي منو ؟ بـروحـه اخـوج حـسـون طالب مني 400 ريال .. والمعاش كله 4000 .. شبيبقى لمصاريف البيت ؟

عايشه ( تسال ) : يعني شلون الحين ؟ ما بتعطيني ؟
امها : 200 ريال ما غيرهم .. تبينهم او ما تبينهم ؟

تحلطمت عايشه : اشدعوه يمه 200 ريال بس ؟ والله انها ما تسوي شي !

امها ( بجديه ) : تبين الـ 200 ريال او اعطيهم لحسون ؟

" تليقف حـسـون" لا يمه انا طلبت400مو200 ! رجـاءا لا تنقصين من عندج "

" سالت عايشه بعدها بحباط" ما ينفع اتخلينهم300عشاني ؟ "

امها : انا قلت 200 يعني 200 .. تبينهم او اعطيهم لحسون ؟

" حـسـت عايشه بالاحباط الشديد "okيمه .. عـطـيـنـي الـ200وامـري لله ="(

***************

" ببيت بويوسف "

" توهق يوسف وما عرف شيقول " اممممم "

" ساله ابوه" شنو يا يوسف ؟ ليش يبتني الميلس ؟ شنو هالشغله اللي تبيني فيها ؟"

" ما كان يوسف يبي يقول لابوه شي .. كان مـتـعـمـد يبعد ابوه من الصاله عشان ما يـنـفـجـر معصب من نواف .. ابتسم يوسف" سلامتك يبه .. مـاكـو شي "

تعجب ابوه : من شويه قلت لي ان اكـو شغله بتقولي اياها والحين تقول ماكو شي ! شسالفه ؟

تلعثم يوسف : اممم .. الصراحه انا ما بغيتك تـكـبـر السالفه بخصوص هالهيس نـوافـو .. مثل ما انت عارف هذا هو وهذي شخصيته ..

تنرفز ابوه : ليش ما خـلـيـتـنـي ابرد حـرتـي فيه من سواته واأدبه ؟ وبعدين لا تقول هذا هو وهذي شخصيته ! ماكو انسان يطلع من بطن امه بشخصيه .. بعدين هذا يسمونه منكر مو شخصيه .. هذا نوافو تدلع اكـثـر من اللزوم .. امك الله يهداها لما كانت تشوفه يلبس فساتين ما كانت تمنعه وتقول ما يخالف الولد توه صغير .. للاسف ما درت ان هالطبع يكبر مع الياهل من بدايته ..

تنهد يوسف : والله ما اعرف شاقولك يبه ! كل الكلام اللي قلته عدل بس مهما يكون هذا ولدك وهذي هي الحقيقيه !

ابوه : للاسف ما اتشرف اني اقول للناس هذا ولدي ! والله فشله !





***************
" عند باب الحوش الكبير ببيت بويوسف .. طلع نواف الخديه يغني وهو ماسك موبايله بيده .. انتبه له حسن ولد الجيران وقرب منه يسلم" السلام عليكم "

" رد نواف عليه وهو يتعبث بموبايله " Hi "

" تعجب حسن منه " اقولك السلام عليكم تقولي Hi؟ شنو هالسنع ! "

" رد عليه بنفسيه" اللي يكون .. انت بس احمد ربك لان واحد مهم مثلي رد عليك "

تمسخر حسن : ليش ان شالله ؟ ومن تكون عشان احمد ربي !

" شاف نواف حسن بنظرة غرور" يعني مو شايف بيتي وشكلي ؟ ما تعرف منو انا ومن اكون ؟ "

حسن : امبله الشيخ شايف وهم عارف وخير يا طير يعني ؟

" لف نواف عنه بنفسيه" اقول .. وخـر عني .. انا اعرف سوالف الشباب هذي .. بمعنى لا تتحرش فيني "

" استغرب حسن من كلامه وهم من طريقته بالتعامل .. هل ولد اللي قاعد يكلمه او بنت ؟ منظره الخارجي منظر بنوتي مع هالبودره اللي حـاطهـا بويها .. القذله اللي طايحه عالويه .. الصوت الرقيق الناعم .. البلوزه الضيجه الورديه والحركات الانوثيه " شـسـالـفـه ؟ "

ساله حسن محتار : اقول يا الحبيب .. انتوا عندكم حـفـلـه تنكريه هني ؟

عصب نواف على كلمة الحبيب : امبييه ! انت شقلت ؟ الحبيب ! يا ويلك ويلاه من حـبـيـبـي سلطون لو سمعك تقول لي هالكلمه ! بيسطرك !

" ما فهم حسن" انت شقاعد تخربط ؟ ومنو هذا سلطون ؟ "

" رد نواف متنرفز" انا مو قاعد اخـربـطok؟ انا اقصد سلطان حـبـيـبـي .. افهم عااد "

" ما استوعب حسن بالبدايه .. لكنه تدريجيا فهم السالفه وقعد يضحك على هالمسخره" الحمدلله والشكر يعني معقوله في ناس بالتفكير الشاذ هذا ليما الحين ؟ "

ساله نواف معصب : اشبلاك قاعد تضحك ؟ ما اعتقد اني قلت نكته !

" قال حسن بقلبه " والله انت بكبرك نكته "

"قال بعدها " اسمح لي يا الشيخ .. انا بس تذكرت شي وضحكت " سكت لثانيه .. سال بعدها" الا ما قلت لي انت شسمك ؟ "

" قال نواف عنه بنفسيه" نواف .. اسمي نواف بس ينادوني نـوف "

" مسك حسن الضحكه على كثر ما يقدر من هالاسم" نـوف "

" مشى نواف بعدها مطنشه .. حسن كان يشوف تحركات وتصرفات نواف البنوتيه وهو يقول بقلبه" الحمدلله والشكر "

*************" داخل بيت بويوسف "



" بدار ساره بالتحديد .. البنت بو 16 سنه .. كانت قاعده مجابله النت وفاتحه الماسنجر وتسولف فيه بحماس "

كتبت ساره بالماسنجر تسال : عيل ما قلت لي انت شسمك ؟

رد بكتابه :Nasser

" عفست ساره الويه .. قالت لنفسهـا " قطيعه نفس اسم نويصر اخـوي "

كتبت له بعدها : عاشت الاسامي يا ناصر بس ما قلت لي كم عمرك ؟

ناصر :20 سنه .. وانتي ؟
ساره : العمر كله ان شالله .. انا 16 سنه ..
ناصر : فديت هالعمر انا .. بس ما قلتي لي شسمج ؟

كتبت له : غاليه .. اسمي غاليه ^^

ناصر : عاشت الاسامي يا غاليه .. اسمج عجيب .. رهيب من قلب ..

استانست من هالمديح : Me’3see= مـيـغـسـي

رد متفلسف :Do’3ya= دوغـيـا

سالته بعدها : ما عندك كـامـيـرا ؟

توهق : للاسف No

انحبطت : امممم .. ولاحـتـى صوره شخصيه عشان اشوفك ؟

ناصر : هم No .. انـتـي ؟

كتبت له : امبله عندي .. لكن سوري ما اقدر اوريك +__+

سال متذمر : ليش عاد ؟

ساره : عشان اليوم الثاني تنتشر صوري بالنت واتوهق ها <__> ؟

مثل ناصر دور المسكين : افـاا >__< .. بس انا مو من هالشباب الحمير اللي ما عندهم ضمير عشان انشر صورتج والله ..

ساره : لا تحاول معاي .. قلت لك ما اقدر .. يعني ما اقدر !
ناصر ( يحاول معاها ) : انزين على الاقل شغلي الكاميرا @__@
ساره : ما عندي كاميرا ..
ناصر : عيل بكتب لج رقم موبايلي واتصلي لي الحين عشان نسولف ok ؟
ساره : اسفه .. هم ما اقدر ..

انحبط ناصر : شكو ما تقدرين ؟ كلها مكالمه او 2 .. بسمع فيها صوتـج الرقيق بعدها بسكر ok ؟

كتبت له : وانت شدراك ان صوتي رقيق ؟

رد عليهـا : ما هو امبين من اسمج الحلو .. غاليه .. معناته ان صوتج عـجـيـب !

كتبت له : مو شرط .. وايد بنات اسمهم جميله وهم اشيف ! وبنات اسمهم زليخه وجميلات !

" كتب لهـا" ما يخالف .. انا بسمع صوتج لثانيه وبحكم عليه اذا هو حلو او شين .. وهذا هو رقمي .... 588 "

" بعدها "


" انصدمت ساره من الرقم اللي تشوفه " ابييه ! هذا رقم نويصر اخوي "

***************
" عند باب حوش بيت بويوسف "



" طلعت ملاك بو 15 سنه للحوش تنادي " فصول .. فصول .. عفيه لفلفني معاك بالبطبطه الحين .. بليز "


" ما عطاها فيصل ويه " سوري ملاك .. انا مشغول الحين .. يعني ما اقدر "


" قربت منه تـترجـى" عفيه عاااد .. كلها عشر دقايق بس وبعدها رجعني البيت "


" تحلطم فيصل" ايه .. واذا شافونج ابوي او المطوعه امينو وانتي معاي بالبطبطه بيسون لنا سالفه من ولا شي "


ملاك ( تحاول معاه ) : انتي تعرف ان ابوي معقد وكل شي عنده عيب ! وامينه مطوعه كل شي عندها حرام وما يجوز ! بختصار هالاثنين معقدين من قلب .. شوف انا بلبس ثوب وبتلثم وبركب معاك ومحد بيعرفني .. بليز عاد !


" سكت ما علق "


" سالت بعدها بابتسامه "okفيصل ؟؟ يا احلى اخو بالدنيا "


" تنهد مستسلم " شاسوي فـيـج يا الحنانه .. اشوف بسرعه روحـي داري والبسي ثـوب وتعالي .. بس هاا مو تصيفين ! ترى والله امشي عنج .. فاهمه ؟ "


" تشققت ملاك من الوناسه " ان شالله "


***************


" مجددا بدار ساره "


" مسكت موبايلها واتصلت لـنـويصر اخـوهـا .. شاف رقم المتصل ورد عليها متحلطم" هاا ؟ اشتبين متصله ؟ "


ساره" بالله عليك هذا اسلوب واحـد يـكلم اخـتـه الكبيره ؟ "


" سال متذمر"OFF.. اشتبين الحين متصله ؟ بسرعه خلصيني ! "


ساره : انت اللي قلت لي اتصلك يا الشيخ !


تعجب : انا ؟


ساره : اي انت .. ليش اهو اكو غيرك بالبيت هذا اسمه نـاصـر ؟ على العموم شرايك بصوتي ! حلو او شين ؟


ما فهم : شكو انا اطلب منج تتصلين ؟ انتي اكيد حـلـمـانـه او تتوهمين ! اما بخصوص صوتج يلوع الجبد ! الا اخس من الشين !


ساره : لا والله مو حلمانه ولا حتى اتوهم مثل ما تقول ! اما بخصوص صوتي صج ان ما عندك ذوق ! الحين صوتي يلوع الجبد يا نصور ؟


" تنرفز عليهـا " اقول سارو عن السخافه .. اذا انتي متصله عشان اطفريني ترى انا مو فاضي لج الحين "


" تمسخرت عليه " اكـيـد مو فاضي لي وانت معاك بنت النت غاليه "


ما استوعب : هـا ؟


ساره : ويعا !


" سال بعدها معصب" يا سلام عليج ! انتي حـظـرتج قاعده اتراقـبـيـنـي ؟؟ "


" تمسخرت مره ثانيه" عيل عمرك 20 سنه مو 13 هـا ؟ "


" كرر بعصبيه" انتي حـظـرتـج قاعده اتراقبيني ؟؟ "




ساره : سلامتك حـبـيـبـي .. بس انا نفسهـا غاليه يا بو 20 سنه انته ..



انصدم متفشل : هـا !


***************


" لبست ملاك ثوب اخوها اللي كان وايد طويل عليهـا .. عاد اهي قامت ورفعته وربطته على بطنهـا بعد ما البست تحته سروال طبعـا .. طلعت بعدها بتنزل تحت الا امينه اختها تنتبه لهـا .. سالتها مستغربه " ملاكو .. شعندج لابسه ثوب ريايل ؟ "


" تخرعت ملاك" بـسـم الله .. خرعـتـيـنـي يا امينو "


امينه : ما تخرعتي الا لانج ناويه تسوين شي غلط .. ما تقولين لي شعندج الحين ؟


See u
--------------------------------------------------------------------------------



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 07-12-2009, 02:51 PM
~.. دلوعه ..~ ~.. دلوعه ..~ غير متصل
©؛°¨غرامي مشارك¨°؛©
 
الافتراضي رد: روااايه عــيــــااال الـــعز \\ روااايه مرررره حلووه



" الـحـلـقــه 2 "


" التكمله "


" لبست ملاك ثوب اخوها اللي كان وايد طويل عليهـا .. عاد اهي قامت ورفعته وربطته على بطنهـا بعد ما البست تحته سروال طبعـا .. طلعت بعدها بتنزل تحت الا امينه اختها تنتبه لهـا .. سالتها مستغربه " ملاكو .. شعندج لابسه ثوب ريايل ؟ "


" تخرعت ملاك" بـسـم الله .. خرعـتـيـنـي يا امينو "


امينه : ما تخرعتي الا لانج ناويه تسوين شي غلط .. ما تقولين لي شعندج الحين ؟


ملاك : سلامتج ..ما ناويه اسوي شي غلط وما عندي شي !
امينه ( تسال ) : عيل ليش لابسه ثوب ريايل ؟


" ابتسمت ملاك مستانسه" بلف بالشوارع مع فصول وانا بالبطبطه الحين "


" انصدمت امينه" شنو ! انتي مو صـاحـيـه ؟ استخفيتي ! انتي اكـيـد ينيتي ؟ "


" عفست ملاك الويه" اشفيج انصدمتي ؟ ما فيها شي لو لفيت بالبطبطه مع اخـوي "


" عصبت امينه" هو مو ان فيهـا شي .. الا فيها اشيا .. ما يجوز يا ملاك هالشي والله ما يجوز .. وهالجلب فصول شلون سمح لج من انج تركبين معاه ؟ يا اما انه شارب له شي ! او استخف "


" تحلطمت ملاك " والله ان فصول كان معاه حق لما قال انج بتسوين سالفه ! انا اقول تعوذي من ابليس وبلا هالعقد بليز .. انا ما بركب مع ريال غريب .. انا بركب مع اخـوي الكبير "


" تنرفزت امينه " امحق اخـو كبير ! انتي وين عايشه ؟ ما تقولين لي انتي وين عايشه ؟ عبالج احنا عايشين في اوروبا عشان تلفين لي بالبطابط جـدام الريايل ؟ "


" تمسخرت ملاك " شنو هالتناقض اللي عليج يا المطوعه ؟ هاا ! افهم من كلامج ان لو كنت في اوروبا عادي اركب بالبطبطه ؟ يعني ريايل اوروبا ما يعتبرون ريايل ؟ "


امينه : انا ما قلت جـذي .. فـلـو سمحتي لا تفسرين كلامي على كيفج .. اللي انا اقصده ان مجتمعنا المحافظ يختلف عن مجتمعهم الفري !


" ما اهتمت ملاك للكلام ومشت عنها رايحه لفيصل .. عصبت امينه" ما اتعبرين كلامي وتمشين ها ؟ هين يا ملوك .. عند الوالد "


" طلعت ملاك بعدها لفيصل مستانسه .. شافها فيصل متحلطم " جان ما يتي يا انسه .. تصدقين عاد لو ما يتي خلال هالخمس ثواني كنت بمشي عنج "


" ابتسمت له وركبت وراه متحمسه" يالله حـرك .. عـجـل .. انـطـلـق .. هـيـااا "


" تمسخر عليهـا" الحمدلله والشكر "


***************


" بدار ساره "


دخـل ناصر عليها بالدار معصب : مسويه فيني مقلب بالماسنجر يا الشيخه ؟


ساره ( بلا مبالاه ) : نويصر .. لو سمحت لا تـعـورراسي واطلع بره .. واذا عالماسنجر انا ما كنت ادري ان هالياهل الغبي اللي كلمته هو انت ..


سال متنرفز : حتى ولو ماكنتي تدرين مثل ما تقولين .. انتي حـظـرتـج ليش تـكلمين شباب ؟


ساره : لا تقعد تسوي لي فيها ريال الحين .. توك 13 سنه .. ياهل .. ما طلعت من البيضه .. لا صار عمرك 20 سنه هذيج الساعه تعال حاسبني !


" قامت بعدها متنرفزه وسكرت باب الدار بويهـا" لو سمحت لا تسندري .. انا مو فاضيه لك الحين "


" عصب من هالحركه" هين يا ساروه .. تسكرين الباب بويهي ولا كأنج مسويه شي ! عند الـوالـد "


^^


" المشكله ان كل ما صار شي بالبيت كل واحد يهدد الثاني " بالوالد " مع العلم انهم يتكلمون بدون ما ينفذون كلامهم ! كل هذا خوف من ابوهم " احمد "


***************" بالصاله "


" امينه كانت ادور امها متنرفزه .. شافتها امها مستفهمه" اشفيج يا امينه قاعده اتحوسين بالبيت ؟ "


امينه : كنت ادورج يمه .. ابقولج عن سواة هالملاكو مع الحمار فصول !
امها ( تسال ) : ليش ان شالله .. شمسوين ؟
امينه : هالحمار ولدج مركب ملاكو معاه بالبطبطه وقاعد يلف فيها بالشوارع جدام الريايل !


سالت بعدها معصبه : ترضين بالشي هذا يا يمه ؟ بالله عليج ترضين ؟


امها ( ببرود ) : وشفيها يعني ؟ هذا اخـوها مو غريب ..


تعجبت امينه من هالرد : حـتـى ولو يمه .. ما يجوز هالشي .. والله ما يـجـوز ..


امها : وشنو بالله عليج هاللي ما يجوز ؟
امينه : يعني مو عدله يركبهـا معاه ويلف بالشوارع .. فرضا شافوه ربعه معاها ! شبيقولون ؟؟
امها : ان شالله محد بيشوفه معاها .. واذا شافوها هذيج الساعه يصير خير !


انبطت جبد امينه : يمه انتي ليش بارده جـذي ؟ ليش ماخذه الامور ببساطه تامه ؟


امها : انا مو اني بارده او مـاخـذه الامور ببساطه تامه مثل ما تقولين .. انتي اللي مكبره السالفه على شي سخيف !


" فجاه "


" دخل بويوسف الصاله .. شافت ام يوسف امينه بنظره" يعني سكتي ولا اتيبين سالفه لابوج عشان ما يتنرفز "


" بعدها "


سال بويوسف : ما شفتي يوسف يا العنود ؟


ام يوسف ( العنود ) : اعتقد انه بالدار مع مرته .. ليش تبيه بشي ضروري ؟


" قال وهو رايح للدار " بغيته بشغل "


***************


" بدار يوسف "


" كان قاعد عالسرير وحـاط راسه على بطن شيخه مرته وهو مستانس .. سال بابتسامه" ليش ما يتحرك حـبـيـبـتـي ؟ اشمعنى لما اشيل راسي تقولين لي اكاهو البيبي تحرك ؟ "


" ضـحـكـت شيخه" الظاهر يناحسك "


" ضـحـك يوسف بالمثل" مو احسن له يـنـاحـس ابوه "


" بعدها "


سالت شيخه بابتسامه : ما قلت لي حـبـيـبـي .. لو يبت لك ولد شبتسميه ؟ ولو بنت شبتسميها ؟


يوسف : لو ولد طلال ولو بنت هديل ..


ما عجبتها الاسامي : طلال وهديل ! بالله عليك شنو هالاسامي المو شي ؟؟


يوسف : اذا هذوله مو شي عيل شنو الاسامي اللي ببالج ؟
شيخه : مشعل + ميعاد ..


ما عجبته الاسامي : بالله عليج الحين هذوله اسامي ؟ شنو مشعل وميعاد ؟


ضحكت عليه :ok حـبـيـبـي .. اللي تشوفه .. بس بالاول خل اشوف شنو جنس البيبي اللي ببطني ! كلها اسبوعين ان شالله وبيشرف للدنيا وبنعرف ^^


يوسف : بالله عليج مو لو مسويه تليفزيون عشان انعرف لو بنت او ولد احـسـن لنا ؟
شيخه : بالعكس .. انا ما بغيت اسال .. حـبـيـتـهـا تون سبرايز ..


" بعدها "


" حـط يوسف راسه للمره 2 على بطن شيخه " ما علينا الحين ويالله قولي حـق هالمناحس يتحرك .. ابي اسمعه وهو يرافس بطنج "


" ضحكت شيخه على هالعبط " ان شالله .. من عيوني "


***************


" بالشارع "


" عند المرخيه "


" صرخت ملاك بلا حاسيه وهي على البطبطه " يـااااهـووو يـااا "


" سالهـا فيصل " يا المينونه .. شنو يـااهـوو يـااا ؟؟ قصري حسج ! فـضـحـتـيـنـااا ! "


ملاك : اشفيك انت ؟ لا تصير لي معقد نفس امينو ! ما فيها شي لو عبرت عن وناستي شوي ..
فيصل : اي ما فيها شي .. بس لا تنسين يا الهبله انج بالشارع الحين ومو بالبيت .. والشباب عبالهم انج ولد ! فأنجبي احسن لج وسكري حلجج لا تفضحينا بليز ..


" فجاه "


" مرت بطبطه ملونه من يم بطبطة فيصل .. شاف صـاحـب البطبطه فيصل بابتسامه" اهلين يا الفصيص وينك ما اتبين ؟ وحـشـتـنـا مع فيسك "


" التفت له فيصل " هلااا بابراهيم .. هلا والله .. انا مـوجـود بالدنيا بس متكيسل شويه .. ما قلت لي انت شلونك ؟ وشمسوي ؟ "


ابراهيم : انا الحمدلله بخير .. عايش بالدنيا ..


سال بعدها : ما عرفتنا عالمتلثم اللي قاعد وراك ! هذا اخـوك ؟


" ضحكت ملاك بشويش ورد فيصل بارتباك" اي يا الحبيب .. هذا اخـوي الصغير نـويـصـر " وداس على ريول ملاك " احـم "


ابتسم ابراهيم : عاشت الاسامي .. شلونك يا ناصر ؟


" توهقت ملاك وما قـدرت ترد عليه عشان ما ينكشف امرها وينفضح اخـوهـا معاها .. استفهم ابراهيم" اشبلاك يا ناصر ما ترد ؟ اسالك عن حالك ! شلونك ؟ "


" رد فيصل يبرر" اسمح لـه يا ابراهيم .. المسكين غتم ما يـتـكـلـم موليا "


" تعجب ابراهيم " بس انا ما اخـبـر ان بويوسف عنده عيال غـتـمـان "


" رقع فيصل السالفه " هذا نويصر اخـر واحـد فينا .. شكلك ما شفته وسمعت عنه .. المسكين كان يتلعثم من يوم هو ياهل ليمن انخرس فجاه "


انكسر خـاطـر ابراهيم : الله يشافيه ان شالله .. ما يشوف شر ..


فيصل : الله يسمع منك يا ابراهيم .. تسلم .. الشر ما اييك ..


" مـلاك كانت ماسكه الـضـحـكـه اللي شويه وبتنفجر بس فيصل كان يـدوس على ريولهـا اليسار يعني" انجبي لا تـفـضـحـيـنـا "


***************


" بدار يوسف "


" سال يوسف بابتسامه" ما قلتي لي حـبـيـبـتـي .. شتبين ايب لج من الجمعيه ؟ "


" ابتسمت له بالمثل " سيليلاك "


" ضـحـك" شدعوه سيليلاك عاد ؟ "


شيخه : شاسوي ؟ عاد انا خاطري بسيليلاك الحين ..
يوسف : من عيوني حـبـيـبـتـي .. انتي تامرين امر .. لو تبين القمر ايبه لج !
شيخه : تسلم لي عيونك .. وما يامر عليك عدو ..


" بعدها "


" قام يوسف وباس شيخه على راسها وطلع بره الدار .. نزل الصاله وشاف امه العنود قاعده هناك تسولف مع امينه "


شافت ام يوسف ولدها .. سالته : كلمت ابوك يا يوسف ؟


يوسف : لا ..ليش اهو يبيني ؟
امه : توه من شويه كان يسال عنك .. يبيك بشغل !


" استنتج يوسف " اتوقع يبيني بخصوص السياير اليديده اللي طالبينها .. على العموم انا رايح الجمعيه الحين وان شالله بكلمه ليما ارد "


" سال بعدها بابتسامه" تامرين على شي من هناك يا الغاليه ؟ "


" ابتسمت امه" سلامتك ورضى الله "


" التفت بعدها على امينه يسال" وانتي يا امينه ؟ "


" ابتسمت له" هم سلامتك "


" طلع بعدها من الصاله " الله يسلمكم .. يالله فمان الله "



***************

" بالشارع "



" يم باب حـوش بيت الجيران كانت عايشه بنت الجيران واقـفـه هناك بوسط الشارع وتتحلطم معصـبه .. شافت ساعتهـا متسائله" وينه هالعله ليما الحين ما يه ؟ "


" بهـالحظه ركب يوسف بسيارته الفراري .. طلع من البيت .. فجاه وقف بوسط الشارع وهو يشوف عايشهامجابلته "


" وقف بسيارته .. طلع راسه من الشباك يسال " الشيخه ليش واقفه بوسط الممر ؟ ممكن توخرين شوي ؟ ابي اطوف ما عليج امر "


" بحلقت عايشه بعيونها العسليه عالسياره منبهره " Woow سيارة فراري ! حلم حياتي "


استغرب يوسف هالبرود : يا انسه .. انا اكلمج .. ممكن لو سمحتي توخرين عن الدرب شويه ؟ ابي اطوف بالسياره .. ما عليج امر ..


تفشلت عايشه من نفسها : اسفه الشيخ ما انتبهت لك ..


" بعدها "


" وخرت من الشارع وكمل يوسف دربه .. قال بقلبه " في شي اسمه رصيف وليما الحين في ناس متخلف تمشي بالشارع ! والله حاله "


" تمت عايشه امبحلقه بالفراري ليما اختفت من ناظرها ..مسكينه بنت فقر .. ما شايفه خير .. تنهدت بحزن " ياليت عالاقل تكون عندنا ولو سياره وحده بس بالبيت "


شافت ساعتها بعدها وهي تتحلطم : هاليموزين العله وينه ليما الحين ما يه ؟؟


^^


" هذي حالة بيت الجيران ! كل ما بيطلعون يطلبون لهم ليموزين لان ما عندهم سياره .. على قولة عايشه " على الاقل الليموزين ارقى من التاكسي "



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 08-12-2009, 01:30 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية عيال العز


,’



بسم الله


يعطيك العــآفية
موفقة بـ نقلك إن شـــآء الله


القوانين ، تحديث جديد ؛



,’



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-12-2009, 02:47 AM
صورة Lipton تلقيمه الرمزية
Lipton تلقيمه Lipton تلقيمه غير متصل
©؛°¨غرامي متألق ¨°؛©
 
الافتراضي رد: رواية عيال العز


الروايه شكلها حلوة

و ان شا الله اكون من متابعينك



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 08-12-2009, 04:17 AM
leloo leloo غير متصل
©؛°¨غرامي فعال ¨°؛©
 
الافتراضي رد: رواية عيال العز


يسلمو ع الرواية
بليز كمليها ولا تقطعي علينا
سيو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-12-2009, 06:21 PM
~.. دلوعه ..~ ~.. دلوعه ..~ غير متصل
©؛°¨غرامي مشارك¨°؛©
 
الافتراضي رد: رواية عيال العز


التــكمله بااكــر انــ شااء اللـــه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-12-2009, 04:01 PM
leloo leloo غير متصل
©؛°¨غرامي فعال ¨°؛©
 
الافتراضي رد: رواية عيال العز


ننتظرك
سيو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-12-2009, 05:55 PM
leloo leloo غير متصل
©؛°¨غرامي فعال ¨°؛©
 
الافتراضي رد: رواية عيال العز


هاي دلوعة متى ينزل البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 12-12-2009, 02:39 PM
leloo leloo غير متصل
©؛°¨غرامي فعال ¨°؛©
 
الافتراضي رد: رواية عيال العز


الله يخليك لا تطولي علينا
ننتظرك
سيو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 07-11-2010, 09:40 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: رواية عيال العز


اقتباس:
3 / إغلآق الموآضيع :
تُغلق الروآية في حآل طلب صآحبـ / ـة الموضوع الأصلي ‘ تأخره ‘ توقفه ‘ تجآوزآت في االردود



يُــــــغـــــلــــق


الرد باقتباس
إضافة رد
الإشارات المرجعية

رواية عيال العز/كاملة

الوسوم
مرررره , الـــعز , حلووه , روااايه , عــيــــااال
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 13669 اليوم 06:28 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
رواية من تحت سقف الشقى أخذتني / الكاتبة : نرجسيه فتون الوررد أرشيف الروايات المغلقة - لعدم إكتمالها 2302 08-09-2012 07:04 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 07:29 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم