السلام عليكم ...
بصراحه انا استخدم ستريم بوكس وكان شغال معي زي الحلاوة وكان عندي ريل بلاير القديم ...
بعد مانزل ريل بلاير 10 واعجبني بصراحه قمت وحذفت القديم ونظفت الجهاز منه عشان اركب الريل بلاير الجديد ركبته وخلصت ... جيت امس كان عندي مجموعه ملفات ram ابغى احولها الى mp3 ؟؟ مادريت الا يوم قالي وين رايح يابو الشباب لازم تركب G2 Player ظف وجهك ورح نزله من موقع ريل بلاير بعدين تعال نتفاهم ؟؟ يعني زي الصورة التالية...
طبعا ماراح اشيله واركب القديم عشان سواد عيونه قلت خلني اشوف برنامج ثاني غيره بس حست بصراحه مالقيت شي حليل وصغير وزي الحلاوة مثله .. قلت مالي االا اني احاول احل المشكله .... وبعد ماتشلخ راسي ...... الحمدالله قدرت اعرف وين المشكله فيه وحليتها فاقلت لازم نفيد فيها حبايبنا اهل
غرام لاني خابر ان فيه ناس كثير يستخدمون ستريم بوكس وراح يواجه مشكلتي الي صارت معي وبيتبهذل خلنا نبطح الحل هنا ونفيد الناس ويدعون لنا انشاءالله ....
اوكيه اصلا وش سبب المشكله ؟؟
سبب المشكله ياطويلين العمر هي في الكودك ؟؟ الريل بلاير القديم يستخدم ملف اسمه cook3260.dll وهالملف يطلبه الستريم بوكس عشان يحول الملفات الي بصيغه الريل بلاير الى الصيغه الي انت تبيها mp3 ... هالملف في الريل بلاير عشره تغير اسمه الى cook.dll ؟؟ فالستريم بوكس ضيع مااعاد يدري وين الدرب معه ... طيب وش الحل ؟؟؟
الحل ياطويلين العمر كالتالي ..
نروح للمسار التالي ::::::
C:\Program Files\Common Files\Real\Codecs
بتلقى الملف cook.dll موجود هناك رح اضغط كلك يمين عليه واختار نسخ ؟؟
بعدين بنفس المكان يعني بالمجلد الي انت فيه اضغط لصق راح يطلع لك ملف بهالشكل
نسخه من cook كانك عربي او بيقولك Copy of cook.dll بعد كذا نروح نغير اسم هالملف
الى cook3260 بدل ماهو Copy of cook ...... يعني راح يكون كلا الملفين cook.dll و cook3260.dll عندك بالمجلد موب تعميها وتحذف cook.dll انتبه !!!
بعد كذا رح شغل الستريم بوكس وراح يشتغل معاك زي الحلاوة ....
ادعولي
العرض العادي
