اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-12-2009, 06:22 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رواية سرق حياتي / الكاتبة : معاني ، كاملة


السلام عليكمـ

اليوم سوف انقل لكم قصه من ابداع الكاتبهـ المميزهـ

مــــــــــــــعاني
وهذه القصه نشرت عام 2005م


عنوان القصهـ :

ســـــــرقــ حــياتـــي


الجزء الأول ..


-
باجي ربع ساعة و عمور بيشرف خلينا افاجاه اشويه .
راحت نوره حجرتها و تصبغ ويها بالمكياج كانها مهرج عشان اتخرع اخوها عمور .تعودت نوره على المقالب الحلوه الي كانت تصير بينها و بين اخوها .. كانوا يسلون عمارهم بعد ما صار لهم حد في الدنيا ..الام يعطيكم عمرها و الاب هجرهم سنين بعد ما تزوج و استقر في حتا بعيد عن اهله و ناسه ..و كانت الخاله هي الي بقت لهم في الدنيا و لو انها اتزورهم بالاسبوع مره .

- ياربي ها وايد اتأخر غريبه ! مب بالعاده ..صج انسان ما يتحمل مسؤليه ما يدري اني يالسه ابروحي بها البيت !خليني اسير اجوف المسلسل بعدها الساعه 8 .
سارت الصاله و فتحت التلفزيون و خلصت المسلسل و شافت الساعه 12

-ياربي ها بعده ما ياه و الموبايل مغلق ..الله يستر بس .بدور شي أكله ولا بتريا عمور .
يلست على الكنبه بالصاله و من غير ما اتحس بالوقت نامت ساعتين و قامت على صوت جرس الباب و ابسرعه سارت تفتحت البا ب من كثر ما اتحاتي عمور نست كل المكياج الي في ويها و نست انها اتوايق امنو عند الباب و ع طول فتحت الباب

- بسم الله الرحمن الرحيم منو انتي ينيه

- نعم اخوي انت ياي اخر الليل و تسأل منو انا .

- شو انتي صاحيه ولا مينونه ؟
- انت شو بغيت صج ما تستحي ع ويهك

- عن الغلط .
- منو الي يغلط ع الثاني الحينه !نعم شو بغيت؟
كانت نوره مستغربه ليش ها الريال يطالعها مستغرب جنها وحده شارده من مستشفى الميانين
-اخوج عمر وينه ؟

-مب موجود أي خدمه ثانيه ؟
-متى بيي
- ما ادري .

- انزين خبريه حمد ينشد عنك ما في ينسي زين بابا(ضحك)
صكت الباب بويهه
-قلة أدب
و هي سايره حجرتها عشان اتمشط شعرها
- ناس ما تســ...ابيــــــــه شو ها الويه علشان جي كان يطلعني غير واااا فضيحه
حسبي الله على ابليسك عمووور

سارت اتغسل ويها بعدها سارت الصاله و اتفاجات عمور يالس على الكنبه و حاط ايده على ويه
- عمور خير شو بلاك
- لا ماشي انتي بعدج ما رقدتي
- لا كنت اترياك حتى عشى ما اتعشيت شو فيك ليش ويهك مصفر و حالتك حاله
سكت عمور و كانه متردد يتكلم ولا لاء

- عمور ارمس إذا تبا بيزات بعطيك اتعرف إني ما اقصر بس لا تسكت
- نوره و الله مدري شو اقولج .انتي ما تستاهلين أخ مثلي و الله العظيم .
- ليش شو مسوي بعد ؟ مضارب مع منو

- لو زين كنت مضارب و الله كان أهون
- عيل شووو سارق منو اتكلم عاد خوفتني
.
- نوره انا اليوم ابصراحه (ووقف و سار عند الدريشه يطالع البحر الي كان ينشاف من الدور15)
- عمور صدقني انا و انت مالنا حد في الدنيا اوعدك اني بساعدك انت كل شي بقى لي بحياتي بس انطق
- انا اليوم قامرت

- شووووووو رجعت اتقامر (وسارت صوب عموور ) ليش عمور شو ناقصنك الحمدلله انت و انا نشتغل ليش سويت جي

- ابصراحه واحد استفزني جدام الربع و عرض علي اني اقامر و انا قلته اني ودرت هالشغلات بس قص علي الشيطان

- كم يبا ؟؟!؟!
- ما يبا بيزات ........
- نعم ...شو يبا الشقه ولا العماره بكبرها ..شو عندك عشان تعطيه ولا سيارتك !؟!؟
تقدم عمور من نوره و مسكها من ذراعها و صوته ما بين الخوف و الندم
- يباج انتي نوره .

ردت نوره ورا مب مصدقه الكلام الي تسمعه ..
- كيف رضيت ع نفسك ..عموور تتكلم عن اختك جدام ربعك عمووور
و ما قدرت اتكمل كلامها يلست اتصيح جرب منها عمور لكن نوره صرخت عليه

- انجلع لا تلمسني انت مستحيل اتكون أخ حسبي الله عليك و نعم الوكيل
- نوره انتي فهمتي غلط

- عيل شو الصح انت من صج اتسوي فيني جي ولا ها مقلب من مقالبك
- ياليت مقلب و الله ياليت .(كان شويه بيصيح )

- اسمع عمور انا طول حياتي ما قصرت معاك بهدلتني خليتنا ادخل مراكز شرطه و غيرها بس عشانك لان مالنا في الدنيا غير بعض اتحمل و صبرت لكن هاي اخر سوياك اسمحلي ما اقدر اساعدك و انا من باجر رايحه ايلس عند خالوووه
- نوره و تخليني اسجن اهون عليج

- و انا ما هنت عليك
- صدقيني لحظه غضب و استفزاز حسبت عمري بفوز مثل كل مره
- علشان جي ضحيت باختك .
- نوره افهميني الله يخليج و الله العظيم مب انا مب انا
و يلس على الكنبه و حط راسه بين ايدينه .ما عرفت نوره شو اتسوي
- زين عمور سمعني شو سالفتك
- نوره الله يخليج افهميني الحكم هو الي قرر الخسران يقدم اخته و الرابح هو الي يتزوج
-و ان شاء الله كم مده الزواج (كانت تطنز ع أخوها )
- طول العمر
- عمور ع بالك صدقت
- حلفت لج نوره ولا انا مستحيل اسوي فيج شي يضرج .
- انت ضريتني خلاص
و ركضت حجرها ما اتعرف شو باجر بيصير لها .

______________________________
حمد:-شووووو انت اتسوي بلاويك و اتقطها علي .
خالد:يلا عاد الا هو خمس شهور انت تدري انا مستحيل اعرس لكن انت عاد.

حمد:ليش ان شاء الله عادي و بعدين حتى لو بغيت اعرس باخذ الي انا بختارها مب انت الي مختارنها .
خالد:دخيلك حمد انت تدري انا ابوي ناوي يزوجني بنت عمي يعني ما اقدر اوفي شروط اللعبه(القمار) و انت مب خاطب .يعني عادي و بعدين الزواج مدة خمس شهور و الأيام اتمر بسرعه ؟ها شو قلت.

حمد : و منو هاي ؟؟
خالد: أخت عمور ربيعي .
حمد :خييييير إن شا الله المينونه الي قابلتها من ساعات .لا بوي خلني جي مرتاح .
خالد :ليش انت جفتها ؟!

حمد: يوم ما لقيتك سرت بيت عمور اسال عنك و جابلت هاي الخديه .
خالد و هو يضحك :يلا عاد خمس شهور و خل الوالد يرضى عنك ترا يتمنى ايجوفك معرس .

حمد :لا خلووووود ما اروم اسمحلي ابصراحه لو كانت وحده ثانيه كنت رضيت لكن هاي ما اقدر اجابل مهرج طول حياتي .

خالد: انت ما تبا تكون مدير شركة ابوي
حمد:اتمنـى و الله بس لو يرضى الوالد.

خالد : بيرضى اذا تزوجت .و يوم بتمسك الشركه خلالالالاص طيرها .
حمد: لا حرام بنات الناس مب لعبه بإيدنا.
خالد:خلاص عيل انا بأخذ بنت عمي وبدير عنك الشركه.

حمد :خلاص خلاص باجر انكلم الوالد بس ها مدة خمس شهور .
خالد و يقوم يبوس حمد :فديتك و الله ها الاخو ولا بلاش .

حمد هو يضحك : يا اللوتي


الجزء الثاني


يلست نوره اتفكر معقوله اليوم اتزوج لا و من شخص حتى اسمه لي الحين ما اعرفه ..كل ها علشان عمور و الله انك ما تستاهل .

سمعت صوت عمور يناديها من برع الحجرة
-يلالالالالا نوره اتاخرنا وييييينج .

اخينا مستعيل بعد جنه فراقي عيد ..

و طلعت نوره من حجرتها
عمور: يالله زاهبه .

نوره :هي بس و الله احسه حلم لا مب حلم كابووووووس.
عمور : سامحيني نوره

نوره : مب وقته ها الكلام يالله انخلص هالمهزله L
و في طريج للمحكمة

عمور:نوره اذا ما تبين خلاص و انا اسير باي مصيبه ..

نوره : عمور انا حياتي من اولها خراب لا اب ولا أم ولا اهل و اخ طايش مودني من مشكله لمشكله خلاص كل شي بحياتي انتهى

عمور: نوره لا تحسسيني بالذنب .. و بعدين صدقيني بترتاحين هيل عايله غنية و بتحصلين كل الي نحرمتي منه

نوره : عمور اسكت قبل اسوي شي ما يعيبك .
_____________________

*حمد و خالد كانوا بالمحكمة يتريون العروس
حمد: خالد اسميك ورطتني خلاص خلاص ما اريد ها الزواج

خالد: عاد انت الكبير لا اتصغر مخك العروس بالطريج
حمد : علها ما توصل ...انا خلاص هونت

خالد : شو هونت الدنيا فوضى انت رمست الوالد و الحين يترياك انت و العروس في بيروت .
حمد : و الله هاي البنيه ما اتشجع وين كان مخي و تفكيري قبل لا اوافق و أخذ دورك النحـس.
خالد : بس عاد لا تتحرطم ها عمور و اخته وصلوا اسكت عن الفضايح .

حمد : طاع متغشيه اكيد بتتغشى مستحيل اتروي شيفتها حق حد ..أكيد الحينه مستانسه اخيرا حصلت ريل .
خالد هو يضحك : بس زيييييين اسكت ..فشلتنا.

خالد : هلالالا عمووووور شحالك
عمور : هلا خالد اعلومك و انت يا حمد شحالك .؟
حمد ابخير الله يسلمك ..

فكرت نوره ها الصوت مب غريب عليه..!! الحين أي واحد بيكون زوجها حسبي الله عليه .
سمعت عمور يقول لها : نوره ترا ها حمد خطيبج .
حمد في سره ( و ابويه الله يستر )

رفعت نوره الغشوه عن ويها و رفعت عيونها .علشان اتشوف ريلها و الي بتعيش معاه طول حياتها .

حمد امبطل عيونه و جنه اول مره ايجوف بنيه في حياته هاي كيف صارت قمر.
حمد: معقوله انتي الجنيه شو سويتي عمليه تجميل .

نوره : شوووو انا اتزوج ها الانسان ..قليل الادب
حمد : عن الغلط و أحترمي نفسج .

عمور (مستغرب) شو السالفه .
خالد : حمد هدي اعصابك اشوي .

حمد : انت ما تسمعها شو اتقول
نوره : عموور انت كيف امرابع ها الاشكال .

عمووووور مب عارف شو يقول لانه مستغرب كيف اخته اتعرف حمد.
خالد: ما يصير انتوا بعد شوي بتصيرون زوج و زوجه .

نوره : انا مستحيل أرتبط بإنسان مب متربي .
حمد : قلتلج عن الغلط لإيييج شي ما جفتيه بحياتج
.
نوره : يالله لو فيك خير .
عمووور : نوره شو صاير .

حمد : يلا خالد نرجع البيت زين ييت منهم

نوره : لا تحاول عمور انا مستحيل أقبل بها الانسان .
حمد : عاد انا الي ميت حمدي ربج لقيتي حد تزوجينه يا أم لسان

نوره : عمور انا اترياك في السياره ..


و طلعت برع المحكمة ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-12-2009, 08:26 AM
ارجوان الالماس ارجوان الالماس غير متصل
©؛°¨غرامي فعال ¨°؛©
 
الافتراضي رد: رواية سرق حياتي / للكاتبة : معاني كاملة


بدايتها مشوقة وحلوة كمليها لو سمحتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-12-2009, 12:07 PM
شموخ قطرية شموخ قطرية غير متصل
©؛°¨غرامي متألق ¨°؛©
 
الافتراضي رد: رواية سرق حياتي / للكاتبة : معاني كاملة


بدااااية حلوة ومشوقة وبانتظار البارت الجاي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-12-2009, 03:18 PM
صورة البنت الذي كويسة الرمزية
البنت الذي كويسة البنت الذي كويسة غير متصل
©؛°¨غرامي نشيط¨°؛©
 
الافتراضي رد: رواية سرق حياتي / للكاتبة : معاني كاملة


يسلمووووو



بداية موووفقة وحلوووة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-12-2009, 05:32 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية سرق حياتي / للكاتبة : معاني كاملة


الجزء الثالث

و برع المحكمة لحق عمور نوره .

عمور :- نوره نوره اتريي زين فهميني شو صار .

نوره : اسكت عني عمور .. يا ربي انا شو سويت بدنيتي عشان الاقي كل ها .
وو قفت عند باب السياره تتريا عمور يفتح لها الباب .

عمور : نوره الله يخليج شو صار لج جنج جفتتي يني مب حمد .
نوره : الا ابليس مب ينـــــي .. يالله افتح باب السياره قبل لا اكسر الدريشه .

عمور: شو يعني ما بتزوجين .
نوره : طبعا لا .

التفت نوره للصوت الي كان جريب منها ..
حمد :- ها أم الدويس شو أجلتي العرس .
حاولت نوره تجاهله و تمسك أعصابها .. و اطنشه و ما اترد عليه لانها اتعرف ان عمور ما يقدر يساعدها أو يدافع عنها لان (حمد) باي وقت ايروم يسجنه .

خالد : عمور شو هالحركات ؟ نحن ما اتفقنا على جي ابد .
عمور : اتعرف خلود الشور مب ايدي .

حمد : خلاص ابوي انا غيرت رايي هاي فضحتنا بالمحكمه جدام الي يسوااا و الي ما يسوى.
*نوره امحرجه من داخلها بإي حق يقررون عنها حياتها منو عطاهم الحق صج مهزله .

خالد : ها عمور شو أخر كلامك انروح الشرطه ولا شو ........؟!
عمور منزل عيونه يبا نوره تنقذه من الموقف الي فيه.... بكلمه منها يتغير كل شي بس نوره تمت ساكته .
تغايظ حمد من هدوء نوره و حب يستفزها فقال ..
حمد : يلا خالد انروح ابصراحه انا ما يشرفني ارتبط ناس شرات هييل .و عمور مكانه السجن و العروس امم ..............
و من غير نوره ما اتحس بعمرها نزلت تحت شلت رمل بايدها و فرته بويه حمد حمد :أيي أأأأأي عيوني ..يا الساحره عنبوه مب حرمه شيطانه .
نوره : انت ما جفت شي ..فسخت نعالها الكعب و فرته بدريشه سيارة (حمد)

خالد :_ سيارتــــــي هااااااااي مب سياره حمــــــــد يا الخبله ..
عمور ميودعمره يبا يضحك مب عارف شو يسوي يوقف نوره ولا ينقع من الضحك .

و حمد مب رايم يعلق ع الموقف منشغل بعيونه الي تعوره ..أما نوره لما استوعبت الموقف يلست تضحك بصوت عالي
نوره :_ ههههههههههههههاااي

خالد محرج :_ يلا حمد انسير اول شي المصح العقلي انفر هاي المينونه هناك ... و بعدين انفر عمور بالسجن .

عمور : يا جماعه و الله ما في داعي لها الكلام ها كله بلحظه غضب .. و انت بعد حمد الله يهداك يالس تستفز البنيه ..

حمد :- اسمعي انتي انا تراجعت عن الزواج لكن الحين عناد فيج و بهاي الحركات الخبال الي يالسه اتسوينها بملج عليج غصبن عنج ..

نوره :- يالله اجبرنــــــي اجوف ... رويني .
حمد و هو يفرك عيونه :_ مب انا الي بجبرج عمور هو الي يقرر ولا انا ما اخذ شور حريم ..

خالد : الظاهر عمور مب خبرنج عن الاوراق الي وقعها .إذا ما تم الزواج و الله اخوج بيروح ورا الشمس .

التفتت نوره لاخوها مستغربه .
عمور : نوره ترا خالد مب يالس يجذب عليج انا موقع ع اوراق .
نوره مستغربه : ليش كل ها .ماله حايه !!
حمد : ابصراحه انا لازم اعرس عشان ادير شركة الوالد ...
خالد :- حمد اسكت ..
نوره :_شو بنات الناس لعبه بايدك .و ماشي غيري في الامارات كلها !
حمد :_ و الله بعد هالحركات الي سويتها ما بتزوج غيرج .
عمور :_ نوره انتي وعدتيني اتساعديني الله ايخليج لا تتراجعين باخر لحظه .
نزلت نوره راسها راضيه بالواقع الي فرض نفسه عليها...


مر كل شيء ابسرعه و تمت ملجة حمد ع نورة حست نوره وهي راكبه بالسياره مع زوجها (حمد) بهم كبييييير و أن ها اليوم كان وايد طويل بالنسبه لها ...كانت تتمنى ايكون زواجها مثل باجي

رفيجاتها بصاله و فستان و حركات العروووس و (حمد ) اخر شي كانت تتوقع انها ترتبط بانسان مثل حمد ..صح انه جميل و لها طول و أي بنت تتمناه الا هي ..يمكن بسبب لقاءها الاول معاه ...فجأه سمعت صوت حمد و كان واقف عند كافتيريا ..
..
حمد :- شو تبين تاكلين ؟
التفت نوره لحمد و جافت عيونه حمره يتها ضحكه فإبتسمت و صدت الصوب الثاني و قالت :- شكرا مب مشتهيه شي ء

حمد :- ليش ابتسمتي ..!!
نوره :- حرام !!!!! ولا ممنوع .

راعي الكافتيريا :_ بابا جلدييييي شو يبييي نفرات واجد
حمد :_ عطني 2 كوكتيل و همبرجر خصوصي .
و التفت حمد لنوره و سالها :-
ها ما بتقولين حق شو ابتسمتي .؟!

نوره :_ ابصراحه عيونك الحمره و ضحكت هههههههههه

فتح حمد حلجه عشان يرد عليها بس رن موبايله .. و رد عليه ع طول ..
من خلال كلامه عرفت نوره ان ها ابوه داق يبارك له و الوالده بعد ...بس غريبه ما طلب يكلمها ..

بعد ما صكر يااه راعي الكافتيريا و دفع له البيزات و حرك السياره
نوره :_ وين بنسير ؟؟!؟
حمد :_ البيت
و فتح الهمبرجر :_ ها يودي ..
نوره :_ قلت ما ابا ..و صدت الصوب الثاني اتشوف الشارع و السياره تتحرك فيها .
حمد :_ انتي اكيد ما كلتي شيء يودي ..كلي و لو شويه

نوره :_ ما اشتهي
حمد :_ يلالالاعااااد مصختيها امسكي اقولج ( و هو متنرفز )

مدت نوره ايدها لانها اتعرف ان بيجبرها انها تاكل .و قالت و هي تاخذ الهمبرجر

_الله يعيني ع عنادك .

حمد :_ ما عليه كلها خمس شهور .. و ينتهي كل شي ..

ووقف بالسياره جريب البحر و نزل الدرايش و حط اغنيه دلوعتي لراشد الماجد .
التفتت له نوره مستغربه
- شو قصدك خمس شهور و ينتهى كل شي ..

كان حمد حاط ايده ورا راسه و متكي ع سيت السياره و طالعها
شو شو قصدك ؟ ها بدينا نستهبل !!

نوره :_ لا صدق شو تقصد ما فهمت .
حمد :_ ليش عمور ما قالج ان زواجنا فتره خمس شهور بس .
عصبت نوره وصرخت عليه
نوره :_ انت شووووو تتحرا بنات الناس لعبه بايدك ..
حمد :_ لا اتصرخين ارمسي بآدب تسمعين ولا ..

تحركت نوره ناويه تضرب (حمد) من غيضها فمسك ايدها و هي كانت تصارخ .
- يا الاناني صج انك حيوان انت حتى ما تستاهل ....
.
و يلست اتصيح و حمد تم ماسك ايدها لي ما هدت و لما انتبهت (نوره ) ان حمد للحين ميودنها يرت ايدها و قالت بصوت خفيف
- لا تلمسني يا ..........
قاطعها حمد :_ ما تعبتي بعدج تبين اتسبين انتي الظاهر متعوده ع السب .أهلج ..

فصرخت عليه نوره و اهي اتصيح
لا تطري اهلي و لو كان عندي اهل ما صار ها حالي ولا كنت ارتبط فيك ولا سمحوا لك اتهيني و تلعب بمشاعري .
.
سكت حمد و شغل السياره مب عارف شو ايرد ع ( نوره )


الجزء الرابع


و تموااا نوره و حمد ساكتين لي ما وصلوا البيت ..اتفاجات نوره بالفله العوده وايد عيبها المنظر فله كبيره و حولها اشجار .

.فقالت بنفسها أكيد في النهار بيكون شكلها احلى من ها الوقت ...معقوله هي بتسكن بهاي الجنه .. الظاهر صدق عمور .. وايد برتاح بس طول ما حمد موجود أكيد ما بتجوف الراحه ..

سمعت صوت حمد يقولها :_ متى ناويه تدخلين البيت ..
تحركت نوره بعد ما دش حمد الفلة و ابصراحه حست انها أميره عايشه في قصر ..كان اتجوف مثل هاي الفلل في المسلسلات لكن عمرها ما توقعت انها تسكن في فله عوده مثل فله زوجها ( حمد ) .....

سار حمد يركب الدرج للدور الثاني و لحقته نوره لانها كانت اتحس عمرها بضيع لو تمت ابروحها واقفه ..

و جافت وايد غرف في الدور الثاني و بالوسط صاله عوده ...وقف حمد بنهاية الممر و فتح باب الحجرة و قال لها هاي بتكون غرفتج ..
حمد :_ شو ما تبين تدخلين .
نوره :_ لا بس .....أنا .... ما يبت ثيابي .

حمد :_ عندج في الكبت ثياب أكيد بتكون ع قياسج
نوره :_ ثياب منوه هاي .
حمد :_ اسمعي أنا مصدع الحينه و أبا ارقد باجر عندي وايد أشغال .. و أجلي اسئلتج الي ما اتخلص لباجر .......ممكن ؟؟؟

نوره :_ إن شاء الله

حمد :-_غريبه ..!!!!! شو ياج
نوره :_ ماشي .... تصبح ع خير

و دخلت الحجرة و صكرت الباب بويه حمد ..
تمت حمد واقف عند الباب ثواني و قال بنفسه "و الله انج انسانه غريبه الله يعيني "
و سار حجرته .

في اليوم الثاني نشت نوره من الرقاد و جافت الساعه وحده و نص .

.في البدايه استغربت وين هالمكان و ابسرعه مر لها شريط البارحة ..قامت تفتح كبتها اتجوف
الثياب الي قال عنها حمد .

. و استغربت انها صج يت ع مقاسها ..و الكبت متروس ثياب .. و الظاهر كلها ماركات و من الغالي ..قالت في نفسها

__: ( الحيوان مخطط ع كل شي حتى ثياب شرا لي قبل ما يصير كل شي .. بس غريبه كيف عرف مقاسي !).

شلت لها ثياب مناسبه و سارت تتغسل .. و جافت نفسها بالمنظره حست نفسها صج عروس بها الملابس ..ثواني نزلت تحت أدور ع شيء تاكله .

.و بالطابق الارضي جافت بعد وايد غرف .. و خمنت ان يكون المطبخ جريب من باب الصاله الي دشت منه البارحه .. فتحت الباب .. و انصدمت بالمطبخ و ديكوره .
.
- وااااااي رهيب جنه مطبــــــخ شيوووووخ ..

حمد من وراها من غير ما تدري .
:_ احم احم اخيرا اعترفتي إني شيخ .


ردت نوره لورا متفاجئه من صوت حمد من وين طلع ها .

:_ وين كنت انا ما جفتك يوم تدخل ..
ولااااااااحظت ع ثيابه انه توه ياي من برع . و شال بايده كيس فيه الغدا .

.و في نفس الوقت كان حمد يطالعها و جنه عايبنه كشخه نوره صح انه ما تكلم لكن عيونه كانت اتقول وايد أشياء حتى نوره ما فهمتها ..لما انتبه ان نوره اطالعه ...دخل المطبخ و حط الاكياس ع الطاوله ..

حمد :_ انتي كل يوم تنشين من الرقاد بها الوقت !
نوره :_ لا طبعا بس انا البارحه كنت تعبانه و ما حسيت بالوقت ..اصلا أول مره انش من الرقاد بها الوقت .

حمد :_ انزين تعال يلسي كلي ..
اجدمت نوره و يلست ع الطاوله ... و بدت تأكل بعد ما حمد حط الأكل ع الصحون

نوره :_ رحت الدوام .
حمد :_ هي ليش ؟؟!؟! تسالين .!

نوره :_ أول مره أجوف معرس مداوم ثاني يوم من عرسه .

حمد :_ و أنا اول مره اجوف عروس اتصب عيون ريلها بالرمل قبل الزواج بدقايق

سكتت نوره لانها ما بغت اترد عليه و لو ردت اكيد بيصيير نقاش عود و هي ما تبا هالشيء و قالت في نفسها " الي صار صار ".

كمل حمد أكله و طلع من المطبخ .. و قامت نوره اتغسل الصحون .. و بعدين قامت ادور بين الأدراج "اللبتون" عشان اتسوي الشاي ..

شلت صينيه الشاي معاها ووقفت بنص الصاله ادور على حمد من أي حجره دخل ..

حمد ...؟؟ حمد ...!!
سمعت صوت حمد من الحجرة الي صوب الدري ..
تعالي نواري أنا هني بالمكتب ..

سارت نوره و دشت الحجره و كان الباب شويه امبطل ..
- يبت لك شاااااي اصب لك ؟

لا مشكورة ما أحب الشاااااي .

نوره :__ غريبه !
حمد و كان بنفس الوقت يجلب أوراق بإيده :_
- تعالي يلسي و شربي إذا تبين ..

صبت لها نوره استكانت شااااااااي و قالت
- عيل ما اجووف خالد .. البيت فاضي ..
حمد :_ ها بيتي مب بيت خالد

نوره :_ عيل يوم انه بيتك و انت ما تشرب الشاي ليش موجود بالمطبخ حد غيرك ساكن في البيت
حمد و بدا يرتب الاوراق بإيده
- هي عايشه معاي وحده .
نوره (مستغربه ) :_ أمك .

ضحك حمد :_ هههههههههه لا مب أمي إنتي يا غبيــــــه



نوره :_.ليش كل واحد عايش في بيت!

حمد :_ خالد يسكن في بيت أهلي حتى انا بس حبيت أستقر في بيت ابروحي خاصة بعد ما عرست بدريه اختي ..

نوره :__ عندك أخت !!

حمد :_ هي متزوجه من ولد عمي خليل و عندهم ولدين ..عمر و سالم والحين مسافرين بيروت عند ابوي و أمايه طبعا عندهم بيت هناك ..

نوره :_ ما شا الله راهيييييين ..؟؟

حمد :_ اونج ما تدرين عيل ليش تزوجتيني مب عشان ان راهيييييين ..صج عمور يخطط لكل شي ما يفوته شي ..

.

و تحرك من مكانه و يلس ع الكرسي الي مجابل نوره ... استغربت نوره من طريقة كلامه .فحبت اتغير الموضوع .عشان تجنب المشاكل معاه .
- الفلة شكلها وايد حلو بعدني ما استكشفتها .
-
حمد :_ عندج وقت اليوم لكن باجر ما أظن .
نوره :_ ليش ؟
حمد :_ بنسافر بيروت عشان انسلم ع الوالد و الوالده .
نوره :_ وشغلك .

حمد :_ شي شركات تابعه لها هناك ..(كمل كلامه و هو مستانس)
.و بأخذ معاي هاي الأوراق عشان ابوي يوقع عليهااا ..
نوره :_ طرشها بالفاكس اذا مهمه ..

حمد :_ لا.... لازم انسافر و عن طريق ها الاوراق بدير شركة أبوي

اتذكرت نوره كلام حمد عند باب المحكمة لما قال انه بتزوج عشان يمسك الشركة و خالد كان يحاول يسكته .

.الحينه فهمت ليش حمد كان مصر يقامر عمور عشان يتزوج و يدير الشركه و كانت هاي شروط ابوه ..

نوره :_ أنا ما اروم اسافر معاك ..
حمد :_ ليش ان شا الله ..
نوره :_ انا ما أحب السفر و بعدين انت نسيت شغلي ..انا اليوم غبت من غير ما اقولهم .. و ما وحى لي وقت أخذ إجازة .

حمد :_ لا اتعبين عمرج انا خلصت كل شي عنج ..
نوره :_ ما فهمت .
حمد :_ مب لازم تشتغلين خلاص انا قدمت استقالتج من الاتصالات .
وقفت نوره معصـــــبة
- خيييييير منووووو عطاك الحـــــق اتقدم إستقالتي .. اصلا منو قالك اني ابا استقيييييييييل ..
حمد :_ يلسي مكانج ولا اتمين اتصارخين ..شوو نسيتي إني ريلج و من حقي اقرر تشتغلين أو لا .؟؟

تمت نوره واقفه و ردت عليه
- ع الاقل شاورني قول انك بتصرف ها التصرف مب جيي بشكل مفاجأ .. انت شو حتى الحيوان يحس ..
و قبل ما اتكمل رمستها يرها حمد و يلسها غصب مكان ما كانت يالسه و صرخت نوره من الويع ..

وقف حمد يصارخ عليها :_ اذا سمحت لج قبل اتطولين لسانج ها لانه ما كان يربطنا شي لكن الحين كل شي له حد تسمعين ولا لاء ..؟

كانت نوره مغطيه ويها بايدها لانها اتوقعت ان حمد يمد ايده بأي وقت ..
حمد و هو يصارخ :_ تسمعيييين ولا لاء ..ردي ؟

نوره بصوت خفيف و كانت شويه بتصيح
:_ انزين انزين بس لا تصرخ علي .

رجع حمد ووقف ورا المكتب .. ارتاحت نوره لما ابتعد عنها و حست انها بإمان
نوره :_ زين أبا اسير اسلم ع خالووووه و عموور قبل لا نسافر ..
حمد :_ انزين بعد صلاة المغرب اتزهبي .


قامت نوره من مكانها ناويه تظهر برع الحجرة ..
حمد :_ وين سايره .
نوره :_ ابا ارتاح بغرفتي شويه .
حمد :_ ابرايج عيــــــــل ..

قامت و طلعت من حجرة المكتب .

و في الطريج غيرت رايها و قالت خليني اتمشى اشويه برع ...و طلعت من باب الصاله .. لاحظت ان الحوي مب وايد عود بس الزراعه هي معطتنه مساحه ..
حست براحه و هي تتمشى بين الشير ..

كل شي كان مرتب بها البيت .. و قالت في نفسها "حمد " الي يجوفه و يجوف اسلوبه ما يتوقع ايكون عنده فله بها الترتيب ... بس أكيد مب هو مرتبنها .. يمكن اتكون اخته "بدرية" أو" أمه" او أي وحده يعرفها ..

انتبهت "نوره" لكراسي و طاوله امناسبه للزراعه ..و الي سمتها "حديقه" و كانت هناك نافوره صغيره حوليها حجاره ملونه بلون حلو و مرتبه حوليين النافوره .
.شلت لها حجر و حست ان ملمسه خشن يعني هو يعطي مجرد شكل لكن الملمس مب شي

..فكرت تاخذ معاها واحد تحتفظ فيه .. لانها اتعودت اتيمع الاشياء الحلوه و الأشكال الغريبه .....يلست ع أجرب كرسي .
.و كانت اتكلم نفسها ..
:_ اووه يا ليت يبت معاي دلة الشاي .. بتكون القعده حلوه .

:_العرووس يالسه ابروحها .؟؟!!

اتفاجأت نوره من الصوت الي وراها و ردت فعل طبيعية فرت الحصى ع صاحب الصوت ..

خالد :_ اآآآآآآآآآآي أأأأأأيي اووووف ..
نورة لما انتبهت شو سوت يلست تضحك بصوت عالي ..ههههههههه
هههههههههههههههااي واااي بمووووووت من الضحك هههههههههه

تم خالد يطالعها مستغرب من نوره .. و بعدين تم يشاركها بالضحك و تموا يضحكون .خالد :_ انتي متعوده اتفلعين خلق الله جي ..

نوره :_ و الله اسفه ما اقصد هههههههااااااي بس انت روعتني .
خالد :_ أي ما تقصدين زين بعد ما بطيتي عيوني شرات ما سويتي بالمعرس ..

نورة و هي تضحك "_ هههههههااااااي انا عمري ما سويت هالحركات إلا الحينه .

خالد و هو يضحك :_ بس ما شا الله عليج اتصيبين .

نوره :_ انت كيف دخلت ؟؟!؟؟! اقصد من وين .
خالد :_ الله يهداج شو يعني دشيت شرات الحراميه ..

نوره :_ لا اقصد ما سمعت الباب و هو ينفتح .

خالد :_ عندي مفتاح للفله حمد عطاني ياه قال يمكن احتاجه .. و بعدين أكييييد ما بتسمعين و انتي كنتي سرحانه ...هااااااااااه في شو سرحانه ؟؟؟(يتمصخر)

نوره :_ردت تتمصخر (بحبيب القلب ) ؟؟!! الا ما جفت عمور غريبه ما دق تلفون (و هي تطنز ) يبارك علي .
خالد :_ لا و الله ما جفته .
نوره :_ صح هو ربيع حمد أكيييييد انت ما بتجوفه ولا بتعرف عنه شي ...عيل من وين متعلم القمار و هالسوالف الا منه .

كان خالد بيرد علي نوره .. و يقولها ان اصلا حمد ما يعرف عمور و ان عمور اصلا ربيعـــــه و ان خالد المفروض يكون زوجها .. بس ما يعرف شو الي خل عمور ما يصارح نوره .!

نوره:_ اتعرف ان بنسافر اليوم ؟!
خالد:_ هي الوالد يترياكم ..وايد مستانس .
نوره :_ ما اصدق ..
خالد :_ و اللــــــــــه ما صدق ان حمد يعرس ما تبينه يستانس .!
نوره :_ و أمك ..
حمد :_ شفيها !!!
نوره :_ الاحظ ما ترمسون عنها كثر ما ترمسون عن الوالد ؟
خالد :_بالعكـــــس اكيد بعد مستانسه .. بس هي تباني انا ادير الشركه مب حمد ...يمكن عشان جي اشويه مضايجة .
نوره :_ ليش حمد اخوك العود ..صح ؟؟

خالد :_ هي بس حمد أمايه تعتبر مرة ابوه ..و شي طبيعي أي أم تبغي لولدها الخير اكثر عن أي شخص ثاني ..بس امايه وايد اتحب حمد صدقيني وايد طيوبه و تحبه شرات ولدها لانها هي مربته من كان عمره 3 سنين .......اممممممممم الا وين حمد خذتنا السوالف و نسيت اسلم عليه ..

نوره :_ موجود بالمكتب تعال بوصلك .
خالد :_ ما شا الله دريول تحولتي من ساعه مال التحريات تسالين و تحققين في كل شي .

نوره :_ اممممممم شكلك تبا فلعه غيرها هههههههههااي .
خالد :_ لا ابوي بسني فلعات اليووووووم (و قعد يضحك )

بعد ما خالد دش المكتب ع حمد راحت نوره غرفتها و يلست اتفكر بس بها اليوم عرفت وايد أشياء عن حياة حمد ... و خالد باين عليه انسان حبوب يمكن بتاخذ عليه أكثر عن ريلها ..ضحكت و قالت و هي تطنز و الله مصخره .



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-12-2009, 08:36 AM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: رواية سرق حياتي / للكاتبة : معاني





عوآفـي مجروووح ..

آول ما تنقلهآ كآمللــه بقرآهآ آن شآء الله ..

عسآك عالقووووه آخووي ..





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-12-2009, 08:08 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: رواية سرق حياتي / للكاتبة : معاني


الظاهر الرواية ماعجبتكم


انتظر تفاعل علشان اكملها



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 18-12-2009, 10:32 AM
سهم الغرآم سهم الغرآم غير متصل
©؛°¨غرامي فعال ¨°؛©
 
الافتراضي رد: رواية سرق حياتي / للكاتبة : معاني


هلآ مجروووح

الروآية عجيبة

كملهآآ

بس بلآ تأخير<<<طرآرة وتتشرط....هع

ننتظركـ



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 18-12-2009, 12:42 PM
صورة زهور السوسن الرمزية
زهور السوسن زهور السوسن غير متصل
©؛°¨غرامي مجتهد¨°؛©
 
الافتراضي رد: رواية سرق حياتي / للكاتبة : معاني


/


باين عليها حلووهـ ~


والفرق في الأسلوب واضح بينها وبين آخر روايهـ أنا حر مآ أنهان .. ~



/


مجروح..


يعطيكـ العافيهـ ~


منور غرامـ ~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-12-2009, 02:07 AM
شموخ قطرية شموخ قطرية غير متصل
©؛°¨غرامي متألق ¨°؛©
 
الافتراضي رد: رواية سرق حياتي / للكاتبة : معاني


الروااية واااايد حلوة وبدايتها حلوة

واهم شي نورة تعرف تفلع<<< بخليها تعلمني هع

عوااافي بابا عالنقل


الرد باقتباس
إضافة رد
الإشارات المرجعية

رواية سرق حياتي / الكاتبة : معاني ، كاملة

الوسوم
للكاتبه , معاني , حــياتي , رواية , سرقــ , كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 08:50 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم