اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها

الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-01-2010, 05:41 PM
Gul Gul غير متصل
©؛°¨غرامي مشارك¨°؛©
 
B9 رواية جيتك أمانة أنقذيني / للكاتبة : شمعة الصداقة ، كاملة



[..جيتـك أمـانة انقذينـي..]
بقلم : شمعة الصداقة

[..مقـدمـة..]

طالعت ساعتها (12)التفتت حولها فهالشارع الفاضي..والجو البارد..الجوال على اذنها تنتظر.. ..وهو يرن..يرن..يرن!!..

تذكرت قبل شهور..ذيك الليلة..لما كانت في غرفتها،

طالعت الساعة (12) التفت حولي اتأمل غرفتي..راح تكون هالليلة آخر ليلة لي في هالغرفة..
ذكرياتي فيها راح آخذها معاي لــ لندن..انا رايحة ادرس على حساب شركة ارامكوا في لندن بعد ماخلصت سنة تحضيرية هنا
(اهم شي اخذنا تقوية للغتنا..واخذنا المواد العلمية بالانجليزي..الرياضيات والفيزياء والأحياء والكيمياء)..
رجعت اتأمل في جدران هالغرفة اللي سكنتها بعد وفاة ابوي بشهرين من 7 سنوات تقريباً (ابوي توفى "سكتة قلبية" لما كان عمري 12 سنة)
شخبطت على جدرانها كثير برسوماتي واخيراً صبغتها من ثلاث سنوات ورسمت عليها آخر رسمة..وهذا سريري اللي ياما كتم بؤسي والمي بين اغطيته ومسح دموعي بمخداته..بالزاوية مكتبتي اللي اخليتها من كتبي وقصصي المفضلة
(خاصةً قصص اجاثا كريستي..تفكيري اجرامي شوي..وقصص قماشة العليان اللي تحاكي فيها بؤس حياتي)..
وعلى جنبي نافذتي اللي ياما طليت منها عالشارع ابادل "عزيز" نظرات الشوق..وطاولتي اللي كتبت عليها رسايلي له..
واللي شهدت معاناتي مع ثالث ثانوي قبل سنة..فلتت مني دمعة وانا اسمع الاستريو يغني
>>افترقتوا مو هذا اللي تبونه ليه طيب كل واحد في الم..ماتعبتوا من شعور تكتمونه ولا هي مسألة عزة بأثم<<..
يمكن تكون يارابح يمكن!!..رجعت لسريري ورميت نفسي عليه طاحت بين ايديني "مخدتي الباسمة" (هاذي مخدة smile face بس عيونه قلوب "يحبني" وله ابتسامة كبيرة وايدين حنونة "تخيلات"هدية من اختي الكبيرة علياء)
ابتسمت هالمخدة في اسوأ الأوقات واحلكها تخليني ابتسم ضميت "نيمو" (تسميتي للمخدة) وغمضت عيوني
السـاعة 8:30 الصباح
..رن المنبه..رن..رن..ضربته بقوة وطفيته وكملت نومي..
انفتح الباب وفجاة حسيت بأحد "يدغدغني"فقمت معصبة..أكره احد يلمسني:هاي انتوا وشو هذا!!ماتخلون احد يرتاح بنومته؟؟
طلع صوت ضحكة صغيرة:لـيش تصرخين خالتي!!والله والله امي اللي قالت لي روحي صحيها!!
انا..التفت على الصوت:غرام؟!!انتي هنا؟؟وامج وش جابها عندنا من الصبح؟؟..وطالعت الساعة اتأكد..حشى من الساعة 9 صاحية ومعسكرة عندنا!!تكون مفكرة عمرها بالحسا امج المصون؟؟
غرام..ضحكت:أمي صحتنا من الساعة 8 وقالت يالله بنروح نشوف خالة الرزان قبل ماتسافر،انتي وين بتسافرين خالتي؟؟
انا..قمت بعصبية:للقمر،يالله اشوف خليني اغسل وجهي وابدل يـلا برا
غرام..مدت بوزها:انتي شريرة..وطلعت ركض
انا..ابتسمت وسكرت الباب:من زمان،بس توج تدرين!!..
ودخلت الحمام (وانتوا بكرامة) وغسلت وجهي وطلعت ولبست وطالعت المرايا بنكد..استغــفر الله يارب،اللهم بك اصبحنا وبك امسينا وبك نحيا وبك نموت وإليك النشور،اللهم حسن خُلقي كما حسنت خَلقي..
ورحت للصالة وتفاجأت بخواتي واخواني وخالاتي وخوالي كلهم موجودين!!..السـلام عليكم ،صبحكم الله بالخير وش مناسبة هالجمعةََ!!
علياء:صبحج الله بالنور،مجتمعين نودع سموج الكريم
نوف..تضحك:تقصد يقرفون سموج الكريم بالنصايح العشر قبل السفر
انا..رفعت حاجب وانا اتمصخر:من جد!!ياحظي،الفطور بليـز لأني مرة مرة مرة جوعانة
خالد..يضحك:بالثلاث بعد!!
انا..رحت وجلست جنب خالد:من شدة الجوع خالو،شلونك شخبارك؟؟
خالد..يبتسم:الحمدلله،بخير بشوفتج
انا..يوووه منه مايبطل وانا مالي خلق:شكـراً
عادل..يضحك:واحنا مالنا رب يعني!!بس هو اللي تسألين عنه؟؟
انا..روقان هالعلم من الصبح!!:شخباركم كلكم؟؟شلونكم كلكم؟؟عسى مافيكم خبيث؟؟
الكل قعدوا يضحكون
علياء:الله يقطع شرج،ذكرتيني بالحساوية
هند..تخز في علياء:اشفيهم الحساوية؟؟
طلال..يضحك:عاد ماتكلمتي علوي الا قدام الحساوية!!
نهلة..دخلت بصينية الفطور:ياحلاتهم الحساوية كل من يتمناهم،قوموا غسلوا يدينكم وسموا عالفطور،الرزان روحي جيبي بقية الصحون من المطبخ
انا..حتى بآخر يوم لي معاكم يا ماما!!:حتى بآخر يوم بيشغلوني!!
نوف..تضحك:بقوم أساعدج
انا:تعالي يكون أحد جاب معاه بزارينه!!علوش؟؟
علياء:كلهم اثنين يالدبة مابيأذونج
انا:غرامو بتأذيني،بس فارس عسل على قلبي، وينه؟؟
علياء:بالغرفة يلعبون
انا:حد جاب بزارين؟؟
أحمد:ماحد،روحي جيبي الفطور خلصينا!!
انا:اول شي قولها بأدب
أحمد:رزان خلصينا احسن لج
خالد:حمود!!تادب مع أختك
أحمد:طيب،لو سمحتي الرزان احنا جوعانين جيبي الصحون
انا..رحمته:ان شـاء الله
وبعد دقايق حطيت الصحون عالسفرة..واجتمع الكل عالسفرة وبدوا ياكلون
انا..خلصت وقمت:الحمـدلله
إبراهيم:وين ماأكلتي زي الناس!!
انا:الحمـدلله خالي شبعت
إبراهيم:قبل شوي جوعانة جوعانة!!
انا:أخذت كفايتي،وبعدين ماصدقت اعدل وزني عشان أرجع أخربه
علياء:صار هالوزن هاجس عندج!!
انا..مالي خلق هالمناقشات عالصبح:اقول خليني ساكتة احسن،عن اذنكم
عبدالرحمن:تعالي بس لاتزعلين من اختج تمزح معاج،احنا جايين عشان نقعد معاج
انا..ماحبيت ازعلهم:لا والله ياخالي مازعلت ادري فيها اختي دمها ثقيل،تسلم والله بس بروح اشيك على شنطي واغراضي،إلا ياجماعة البنات مو جايين؟؟
إيمان: إلا بيجيبهم السواق
انا:فكرت بعد،يـلا بروح أشيك على عفشي
ورحت لغرفتي وجلست اسكر الكراتين والملم آخر الأغراض اللي بقت لي..لما وصلت لكرتون عند النافذة وقفت وفتحت الستارة شوي..
غمضت وفتحت ثلاث مرات
وتأكدت انه موجود فعلاً وواقف عند باب بيتهم جالس على سيارته (في هالحرارة وش طلعك يالخبل!!..ودي ادعي عليك تحرقك هالشمس بس ماقدر بيننا عشرة سنين)..(اظن انه مازال على حبه)..ارتعت وتفاجأت بالصوت والتفت (خالي)
خالد:كريهة خالي هاذي احسها تكبرني،خليج على خالد بس
انا..ابتسمت له:خالد حاف يعني!!
خالد..يبتسم:ايوا خالد حاف بدون أي القاب..راح عند النافذة لما وخرت عنها..ياترى ياهل ترى ليش واقف هنا؟؟
انا..رفعت كتوفي:مادري!!!غريب مو!!
خالد:بالنسبة لي مو غريب مرة
انا..التفت عليه:شلـون؟؟
خالد:اكيد لما سمع خبر سفرج جا
انا:من مين بيسمع وهو في الرياض واهله هنا!!
خالد:مافي شي يسمونه تلفون يالذكية!!
انا:حتى لو شالمناسبة اللي تخليهم يقولون له!!
خالد:يمكن يمكن لأنج خطيبته سابقاً
انا:سابقاً شي صار وانتهى،عالعموم انا مايهمني فيه
خالد:على فكرة مازلت اسمي سفرتج هاذي هروب،انتي تدرين ان الكل مازال معارض صح!!
انا:يوه ياخالد،قلتها لك من قبل هي فعلاً هروب من امي ونظرات العتاب اللي في عيونها ومن حياتي اللي صارت جحيم في السعودية،وبعدين مرت سنة وهم لسه مو متقبلين الفكرة!!واذا معارضين مايهمني يبوني اتزوج يعني واجلس مقابلتهم لا طبعاً
خالد:ماحد قال كذا!!
انا:ماحد قال كذا!!،على مين تلعب ياخالد كلهم يبوني اتزوج واقعد (الزواج ستر) هذا اللي تردده امي عليّ من تخرجت من الثانوي انا ماجبت 97 بعد طلعة الروح عشان اتزوج واقعد بالبيت ،قولي اذا انا غلط وهم صح!!
خالد:شوفي هم معاهم حق في شي وانتي معاج حق في شي ثاني،مافي احد على حق تماماً
انا:وضح لي؟؟
خالد..سحبني من يدي:جلسي اول وهدي أعصابج!!،امج معاها حق في معارضتها لانها خايفة عليج من الغربة وخصوصاً ان طلال زي ماالكل يعرف اخلى مسؤوليته وقال (مالي شغل فيها) بصريح العبارة!!فشلون بتدبرين امورج بدون رجال!!
انا..قاطعته:اتفقنا انا وطلال اني اظل معاه لين ماالقى لي مكان انا والبنات اللي معاي،ماعلينا خوف واحنا بنات مع بعض
خالد:إذا كان هذا رايج!!،اما اخواني فما ادري ايش وجهة نظرهم بس الأكيد اني انا ومبارك مؤيدين لج وخالاتج بعد
انا:الا خالتي هند اللي تشوف اني لازم اتزوج واقعد ببيتي زي دعاء،الله يعين وعد ورغد بعد التخرج وش بتسوي فيهم!!
خالد..يبتسم:انتي متأكدة من قرارج؟!!
انا:انا متأكدة من اول ماقدمت على ارامكوا
خالد..باس راسي:الله يوفقج

* * * *

الأسم:الرزان محمد الـ.... ..
العمر: 19 سنة..
المهنة:طالبة جامعية(سنة اولى) مبتعثة ضمن برنامج الـ(CPC) من شركة ارامكوا السعودية..
الجامعة:University Collage London..
التخصص:Chemical Engineering "هندسة كيميائية"..
السكن:Londn-Marylebone..
الجنسية:سعودية (حساوية الأصل)..


>>>

[..الجـزء الأولــ ..]

رجعت الرزان للواقع..وهي تحاول تدفي نفسها لما ماحد رد..سمعت صوت وراها التفت..
لقت واحد تعرفه عدل يبتسم
:ليش طلعتي!!مااستانستي بحفلتنا!!
الرزان:لو سمحت اتركني بحالي،انا مااكلم امثالك
:امثالي!!،وانا من أي نوع برايج؟؟
الرزان..طالعته من فوق لتحت:انت تعرف مين امثالك،اللي مااتشرف بمعرفتهم يااستاذ تركي
تركي..يضحك:استاذ!!كذا عطيتي امثالي اكبر من حجمهم!!
الرزان..عصبت والتفت عليه:قلت لو سمحت اتركني،ياخي مابيك تقرب جنبي خليني في حالي
تركي:ماكنت ابي شي،بس حبيت اساعد
الرزان:روح ساعد حبيبتك وشوفها رامية نفسها على مين في هاللحظة!!
تركي..بابتسامة ماكرة:حبيبتي على قولتك ماتسوي كذا،عندها تموت ولا تروح لغيري وتموت ولا اقرب من غيرها
الرزان:اجل الله يخليك قبل لاتموت روح لها
تركي:بس انتي ماعندك احد يوصلك!!
الرزان..التفت عليه بعصبية:احد شكى لك الحال!!؟،ولا يكون انت اخوي ولا ابوي ولا تقرب لي وانا مادري
تركي:ابداً،بس حرام اخلي هالحلا واقف في هالبرد!!
الرزان..عصبت اكثر:احترم نفسك وبعد احسن لك
تركي..ضحك وماتحرك من مكانه
الرزان..طلعت جوالها بسرعة من شنطتها كانت مترددة تدق على هالرقم بس دقت بسرعة (هاللحظة مافيها تردد)..رد عليها صوت دافي يعاكس البرودة اللي تحس فيها..
:this is fars yes??
الرزان..بصوت واطي وتركي يراقبها من وراها:فارس انا الرزان
فارس..تفاجأ:لحظة..قطع اجتماعه وطلع..الرزان!!خير في مشكلة؟؟
الرزان..صوتها مبحوح:ممكن ممكن تجي تاخذني؟!
فارس:انتوا مو في الحفلة!!صار شي؟؟
الرزان:ماقدر اقول الحين ممكن تجي تاخذني الحين؟؟
فارس:اكيد،دقايق واكون عندج،انتبهي لنفسج
الرزان:مشكور
فارس:العفو
الرزان..سكرت الجوال..ورجعت للأنتظار بدون ماتهتم للي واقف..وتتذكر كيف التقت بفارس،
نزلنا من الطيارة يومها وراح طلال يجيب الشنط وانا على اساس الحقه لكني ضعت..قعدت اتلفت حولي ومانتبهت الا وانا صدمت في واحد طويل عريض التفت عليّ فبدأت اعتذاراتي تنهال على لساني وانا ارتجف وارتعش:أنا آسفة..أنا آسفة ما انتبهت آسفة
قاطعني..بابتسامة:حصل خير..انا كنت واقف في مكان غلط
انا كان الضيق يخنقني:آسفـة مرة ثانية
ابتسم وانا رجعت اتلفت وادور طلال!!"وين اختفى"
سمعت صوته للمرة الثانية:اساعدج بشي اختي؟؟
انا..التفت برد عليه لكن سمعت صوت ثاني من جنبي
:الرزان!!
انا..التفت لهالصوت المألوف:هنـادي!!
هنادي..ضمتني:هـلا والله،شخبارج؟؟
انا..تضايقت اكثر وارتحت شوي:الحمدلله،وانتي؟؟
هنادي..ابتعدت عني شوي ومسكت ايديني:تمام الحمدلله،وش جابج قبل الوقت بأسبوع؟؟
انا..ابتسمت:جيت مع طلال،قلت استغل الفرصة،انتي بعد جاية قبل!!البنات قالوا لي بيجون يوم الأثنين فكرتج بتجين معاهم؟!
هنادي..بابتسامة واسعة:اخوي اللي ساكن هنا قال بيجي الخميس قلت اجي معاه وش وراي!! واتعرف عالجامعة والمنطقة ككل مع اني اعرفها بس للأحتياط..طالعت وراي واشرت..هذا هو اخوي فارس
انا..التفت محل مااشرت:هذا اخوج!!..تداركت افكاري اللي طلعت بصوت عالي وهزيت راسي له باحترام ورجعت همست لهنادي..انا ضيعت اخوي مادري وينه؟؟
هنادي..ضحكت:ولايهمج الحين نلقاه،اشرايج نسوي له نداء طلال تعال استلم الرزان
انا..مع كل الخوف اللي بداخلي بس حسيت بطمأنينة:خوش فضيحة!!
وبمساعدة هنادي واخوها فارس لقيت طلال اللي قعد يضحك عليّ!!
،وتذكرت بمرارة كيف طنش اتصالاتها قبل شوي!!(وش هالأخو!!كفو والله ترمي اختك بعد شهر بس وتتخلى عنها!!)..
حست بألم كبير داخلها وألم ثاني من الكعب اللي لابسته ففصخته ورفعت ذيل فستانها لايتوصخ ورجعت لجو ذكريات كيف تعرفت على اللي واقف وراها،
بعد اسبوع استقرينا انا و البنات "غادة،سديم،أصيل" في شقة على قدنا وكان يوم الأثنين أول يوم دوام لنا بالجامعة مرينا احد مقاهي جامعتنا..طلبوا البنات وراحوا لمبنى الـWellcome Collection وبقت معاي غادة..العامل الذكي حط لي خمس اكواب (الخامس لهنادي) بدون أي شي اشيلهم فيه!!جات غادة وشالت اثنين وتركتني مع ثلاثة!!..اضطريت اشيلهم لأن العامل صفطني وانا انادي عليه عشان يجيب لي كيس او شي اشيل فيه!!لما لفيت وانا شايلة الثلاث اكواب فاجأني واحد وراي فانكب عليه الكوب الثالث..اعتذرت مايقارب مليون مرة وهو يطالع فيني بنظرات غريبة..فاضطريت امسح اللي كبيت واشيل الكوب بسرعة وسمعت صوت بنت وراي وشكلها تكلم اللي كبيت عليه الـ
Hot chocolate
:تركـي حبيبي!!ايش اللي سوا فيك كذا!!وش اللي انكب عليك؟؟
التفت اشوف المزيون (توني انتبهت انه مزيون) اللي كبيت عليه كوبي ومعاه وحدة تحطم (تحطيم بمعنى الكلمة..لابسة تنورة بنية فوق الركبة وجاكت برتقالي ويكفي ان عليها جسم ماشاء الله بس زيادة شعرها بني طويل وناعم..وجمالها من النوع الجذاب جداً جداً)بس طاحت من عيني لابسة هاللبس وهي سعودية..وطاح من عيني هو لانه (مخاويها..اذا فهمتوا عليّ!) عيب عليهم الصراحة لاتقولون اسأت الظن (الكتاب باين من عنوانه)..انا طنشتهم شلت الكوب ورميته بالزبالة (وانتوا بكرامة) وطلعت من المحـل (وعزمت مارجع ادخله ابداً)
،ورجعت للعالم لما سمعت صوته..
تركي:اعتقد ان اللي تنتظرينه ماراح يجي وشرايك اوصلك؟؟،احسن لك صدقيني
الرزان..بعصبية:استغفر الله،وشهالأشكال اللي ماعندها كرامة!!
تركي..يضحك:في الحب ياكل الحلا مافي كرامة ولا كلام فاضي!!
الرزان..التفت عليه وفي عيونها نظرة "غاضبة":حب أي حب اللي انت تتكلم عنه،أنت واحد منافق اصلاً بدون قلب واحساس،وماامداك تحب وحدة ثاني مرة تشوفها اليوم!!
تركي..تقدم لها:حب من أول نظرة
الرزان..حست بخوف لما تقدم:خلك مكانك،الظاهر تشوف افلام كثير وتقرا روايات كثير
سكت وظل واقف جنبها لكن بعيد وعلى وجهه ابتسامة لامبرر لها!!..ورجعت هي تتذكر الحفلة الفاشلة اللي كانت فيها!!،
وحدة من الطالبات السعوديات اللي معانا مسوية حفلة عيد ميلادها وعزمتنا و اصرت سديم اننا نروح تغيير جو..وكشخنا مع اننا صعب نكشخ لحفلة واحنا متحجبات!!.. وغصبتني هنادي اني البس واحد من الفساتين اللي عندها باكمام طويلة وساتر..وبعد عطتني معاه كعب!!وانا ماعمري لبست كعب الا بالاعراس وبالغصب بعد .. المهم تفاجأت بنوعية الحفلة (بسيطة وفي مطعم..عشا وكيكة بس!!)..بس المطعم غلط كله شباب وبنات (مزحوم فيهم) ورقص ومصاخة!!..والجو مخنوق بالدخان..طالعت بزاوية وانتبهت لتركي!! يدخن ومعاه صديقته تسولف مع واحد ثاني وهو ساكت يطالع بعيد ولما انتبه لي حرك لي يده وغمز!!..استغربت وبنفس الوقت اشمئزيت وحسيت بقرف وعصبت لأن المكان كله ينرفز فاستأذنت وطلعت ركض..وقفتني غادة بس اقنعتها تتركني
انا:مالي خلق قلت لكم من الأول،بعدين شوفي المكان شلون!!بختنق من هالدخان؟؟
غادة:خلاص براحتك،بس كيف حترجعي؟؟
انا:باخذ تاكسي او بتصل بطلال
غادة:انتبهي لنفسك اوكي؟؟
انا..ابتسمت لها بس بضيق:اوكـي
وطلعت ركض من المطعم إلى زاوية الشارع
،رفعت راسها لما سمعت صوت سيارة..شافت الرنج روفر الأسود يقرب بزاوية الشارع قدامها..
نزل منه فارس وهو يطالعها وفي عيونه تساؤل وفتح لها الباب..طالعت فيه واشرت بعيونها على اللي واقف جنبها..
فارس..طالع فيه:خير اخوي في شي!!
تركي..بابتسامته:أبداً سلامتك
فارس:ياليت توقف بعيد مرة ثانية،انا فاهمك ترا فرجاءً لا عاد تضايقها او تقرب منها،حدك 10 مترات
الرزان ركبت السيارة وسكر فارس الباب وراها..وحرك السيارة ومشا..انتظر دقايق وهو يلاحظ ان دموعها تتجمع بعيونها وبعدين تكلم..
فارس:الرزان اشصاير؟؟
الرزان..نزلت دموعها وقعدت تصيح وماقدرت تسكت اكثر:احس الدنيا تحطم فيني يوم بعد يوم،أمي بس تردد ارجعي ارجعي،
واخوي مايبيني هنا عشان ياخذ راحته ولما استقريت لحالي ماصدق ولا عاد سأل عني!!،
والدكتور يحب يستهبل عليّ انا بالذات!!ليـش ياربي ليـش!!
فارس..مد لها كرتون المناديل ووقف السيارة على جنب:ليش انتي مكبرة كل هذا؟!،عادي امج اقنعيها ان هذا مستقبلج وماتقدرين تضحين وتتراجعين الحين وذكريها ان الرجعة حالياً مستحيلة
لان ارامكوا بتخليهم يدفعون ثمن اللي ضيعتيه من وقتهم وفلوسهم،
اما عن اخوج فمادري بصراحة وش مشلكته عشان يتركج كذا!!،بس انتي لاتكبرين كل شي
واذا الدكتور يحب يستهبل عليج!!ترا مليون طالب غيرج يعانون من الدكاترة حول العالم..ابتسم..يمكن الدكتور معجب!!
الرزان..مسحت آخر دمعة وابتسمت:معـجـب!!،أنا آسفة لأني أشغلتك وازعجتك بـس...
فارس..قاطعها:ولايهمج،هذا الواجب

وصلها فارس للشقة ولما تطمن انها دخلت الشقة..رجع لشغله واجتماعه!!

>>>

[..الجـزء الثـانيــ ..]

يوم الأحد..العاشـرة صباحاً
هنادي:انا بمر عليكم مع فارس
الرزان:اول مرة ياخذ ويكند زي بقية العالم؟؟
هنادي..ضحكت:مو ويكند عنده شغل اليوم بعد في منطقة بعيدة شوي من هنا،بيوصلنا بعدين يروح
الرزان:وين تبين نروح أصلاً؟؟
هنادي:من الصبح شقول!!،بنروح نتمشى في البارك ونلعب شوي ونتنطط
الرزان:نتنطط!!قويـة هاذي!!
هنادي..ضحكت:عيشي حياتك رزونه!!
الرزان:الله يخليج بلاه هالدلع اللي يلوع الكبد
هنادي..ضحكت:من عيوني،نص ساعة وأمركم كونوا جاهزين
الرزان:ان شـاءالله
هنادي:ياويلك اذا ماكنتوا جاهزين!!
الرزان:خـلاص قلنا ان شـاء الله
هنادي:See u
الرزان:See u
سكرت الرزان وراحت تبلغ كل وحدة من البنات..غادة هي الأقرب لها كلهم تعرفت عليهم لما بدت دراسة في الـ CPC..
في كورس السنة التحضيرية تعرفت على غادة اول شي وصارت هي الأقرب بينما البقية مجرد زميلات شوي شوي صاروا صديقات لما دروا انهم بيسافرون مع بعض لنفس الدولة..
لبسوا البنات وصعدوا للصالة (الشقة عبارة عن دوبلكس صغير..شقة بطابقين..فوق صالة متوسطة الحجم..
والمطبخ صغير مفتوح وغرفة للغسيل اما تحت اربع غرف كل وحدة لها غرفة..وكل غرفة اصغر من الثانية!!..
طبعاً ايجار الشقة عالي لكنه مقسم على اربعتهم كل وحدة تدفع من مكافأتها..ومكافأة طلاب ارامكوا محترمة)..
جلسوا ينتظرون بالصالة..
سديم:تدرون انا يعجبني فارس،جنان هالرجال
ضحكوا..
غادة:يا شيخة ركزي في شي مهم،اتركي الرجال في حاله وارتاحي ماحياخدك
الرزان..ابتسمت:من جدها غادة ارتاحي،من جد ترا لاتعبين نفسج وتحطين عينج عليه لان عايلتهم ماياخذون من أي عايلة
سديم..ارتبكت بس حاولت تغطي بالاستهبال:ياسلام!!وش هالحالة ياربي،انا ماصدقت الاقي واحد مزيون!!
أصيل:أنتي هذا كل همج مزايين وبس!!،تعالي ماشفتي المزايين الأماراتيين
سديم:ياويل حالـي أي اماراتيين؟؟
اصيل:لا ماشفتيهم!!،فـاتج نص عمرج،خقـاق الصراحة هالأماراتيين خقـاق بالقووة
سديم:صج،صج!!
غادة:ايش بك انتوا كذا بتهبلوا في البنت!!،وربي انهم عاديين يعني مش حلوين قد كده؟؟
أصيل:لا عاد دودي مالج حق،كل ذاك الجمال ومش حلوين قد كده!!
الرزان:أسكتي، و طلعت دودي يبغالها نظارة
وضحكوا..
غادة:قليلات الحيا،بتضحكوا عليّا طيب انا حاوريكم
الرزان:ايش بك ياأمي هدي أعصابك،لاتتوتري قد كده!!
غادة:الرزان!!،انتي وحدة حمارة طيب
الرزان..ابتسمت:طيب تامرين امر،حمارة عشانج بس
ورجعوا يضحكون..رن الجرس فشالوا شنطهم وعفشهم وطلعوا كلهم ركبوا المصعد الا الرزان..
(ماتحب المصاعد الا في الضرورة) نزلت ركض بالدرج عشان تلحق عليهم وتأخرت دقايق..
ووصلت وهي تلهث..
هنادي..شافتها وضحكت:بالله ايش سر هالعقدة اللي عندك من المصاعد؟؟
الرزان..حست بحرارة من الفشلة:سالفة قديمة
هنادي:شاركينا فيها...
فارس:هنادي خلي البنت بحالها،يكفي اليوم شرك منتشر على القاصي والداني
هنادي:القاصي والداني!!،مين هذول؟؟
ضحكوا..
فارس..ابتسم:ذكاء طبيعي ماشاء الله عليج،ذكريني شلون نحجتي باختبارات الوزراة بنسبة 97%؟؟
هنادي..ضحكت:يقولون حـظ!!
غادة:أما عليكِ حظ يفلق الصخر!!
هنادي:وي قولي ماشاء الله!!
الكل:ماشـاء الله
فارس:الحين أي بارك تبون؟؟
هنادي:أي بارك كبير نقدر نلعب ونتنطط فيه على راحتنا
فارس:ياذا التنتنط اللي نازل عليج!!،لاتنسين انج طالبة جامعية وكبيرة ويفترض يفترض انج عاقلة!!
هنادي:يصيـر خير
كتموا ضحكاتهم..
الرزان:انا عني ابي بارك هادي ومناظره حلوة زي الروايات
هنادي:زي الروايات!!،لحظة وين عايشة انتي؟؟هاذي لندن مو احد الضواحي ولا الريف؟؟، عيوني شكلنا يبيلنا ناخذج يوم الريف تراكضين فيه براحتج
الرزان:اراكض؟!!
فارس..ابتسم:انا اشغالي بعيد شوي عن وسط لندن،هناك في parkكبير وفاضي وهادي اذا تبون وصلتكم هناك واذا خلصت شغلي رجعت لكم؟!!
هنادي:الرزان من جدج؟؟
الرزان:اذا ماتبون مو لازم،أي بارك والسلام
غادة:لا لاهنوده خلينا نروح بعيد عن كتمة لندن وخنقتها،الله يوفقك
هنادي:براحتكم وانا مالي!!
سديم:خلاص الريـف على قولتج مابوه مشكلة
هنادي:اشرايج اصوله؟؟
أصيل:الراي رايكم،والشور شوركم
هنادي:أهم شي،الأخت اصيل احد سألج اذا تبين العريس ولا لا؟؟سألناج وين تبين تروحين
أصيل:يوووه منج هناديوه،على قولة غادة وربي أنك غلسة
غادة:كم مرة اقولها،ثقالة دمك مالها حدووود
هنادي:كذا!!طيب نزلهم هنا يافارس هنا احذفهم الا الرزان طبعاً
الرزان ابتسمت..
سديم:ياسلام وانا يعني،انا ماقلت شي!!
هنادي:خلاص وسديم بعد،بس هالثنتين،اجحتهم برا
غادة:اشحتهم!!ايش هادي اشحتهم؟؟
أصيل:اجحتهم،معنى آخر لأطردهم
غادة:استريحي بس،قال اطردهم قال هيا انثبري
الرزان..همست لغادة:ياجداوي ياقوي انت!!
غادة..ضحكت وهمست لها:استريحي انتي بعد،ايش بك ساكتة كده؟؟
الرزان..بهمس:تبيني اصرخ يعني،ولا بس اسولف!!،السكوت من ذهب
غادة:والكلام من فضة والله ندري خلاص اسكتي طيب
وضحكوا ثنتينهم..
هنادي:همس و اسرار من ورانا؟؟،لايكون لايكون تحشون فينا؟؟
غادة:انتي ليه مشككه في نفسك،تكوني عاملة حاجة!!
هنادي:أبداً بس يعني،الشعب السعودي ماله امان
سديم:وانتي ايش الشعب الأمريكي،ولايكون حولتي للشعب البريطاني!!
ضحكوا عليهم..وصلوا للمنطقة اللي قالهم فارس عليها..وفرشوا سجادتهم في ظل شجرة وحطوا سلالهم وجلسوا..
سديم وهنادي واصيل قاموا يلعبون و (يتنططون)..اما غادة تسندت عالشجرة مع الرزان وقعدت تقرا قصة دانيال ستيل "المعجـزة"..
اما الرزان تقرا كتاب عن علم النفس!!كانت تطالع صفحات الكتاب ومو فاهمة شي ثاني لانها بعالم ثاني..تفكر بكلام سديم قبل عن فارس!!،
انا حسيت بشي غريب في كلام سديم عن فارس وكأنه كان في تلميح..أو كأنها تبي تعرف راينا فيه!!
،التفتت على غادة..
غادة..انتبهت للرزان والتفتت لها:خـيــر؟؟،اشبك؟؟..طالعتها وانتظرتها تتكلم بس ماتكلمت الرزان..فالتفتت تتأكد ان مافي احد قريب..اتكلمي مافي احد قريب!!
الرزان..التفتت حولها:سديــم...و...فــارس...
غادة..فهمت عليها:حسيتي؟؟،انا حسيت من قبل شهر انو بينهم شي!!
الرزان..هزت راسها موافقة على كلام غادة:بس هي ماقالت شي!!،مع اننا...
غادة..كملت عنها:عادي مع بعضنا!!،بس هذا مايعني اننا قريبين من بعضنا كفاية عشان تحكيلنا اشياء زي كده..سكتت شوي بعدين هزت كتوفها..والله ماعرف هم الاثنين كدا غريبين وغامضين!!
الرزان:بس مبين من نظراتهم معجبين ببعض،الا بينهم شي اكيد،وبعدين سديم نظراتها وتعابير وجهها كاشفتها بقوة
غادة..ابتسمت:هادي الاشياء اختصاصك انتي،تعابير الوجه نظرات العيون..ضحكت..
بس شكلك كده بتتكلمي عن خبرة..غمزت للرزان..عن جد حكيلي
الرزان..استغربت:عن ايش؟؟
غادة:تفاصيل قصتك مع عبدالعزيز
الرزان..ما استوعبت للحظة وبعد ثواني فهمت:تقصدين عـزيـز!!
غادة:هــو دا،يعني مرة اختلفت عن عبدالعزيز؟!
الرزان:انا مااعترف باسم عبدالعزيز،من وانا صغيرة ماعرفه الا عزيز فما تعودت على عبدالعزيز!! ،ايش تبين تعرفين؟؟
غادة:انتي قلتي انكم كنتوا مخطوبين بس!!،ابغى القصة كلها على بعضها
الرزان..سكرت الكتاب اللي بين ايدينها:راقبي الجو اذا احد قرب
غادة..ابتسمت:حاضر،هـيا اتكلمي
الرزان:امممممم،احنا نقرب لبعض ابوه يصير ولد عم جدي ابراهيم ابو ابوي طبعاً،وهم من القلة اللي نعرفهم من عيلة ابوي الله يرحمه
غادة:اوه عشان قصة جدك!!،قلتيلي من قبل،وبعدين كملي
الرزان:كانوا جيراننا بعد كنت مصاحبة اخوه الصغير شاكر هذا بنفس عمري وكنا التوأم المخرب، وقتها ماكنت العب مع بنات واجلس مع بنات اصلاً بس اقضي وقتي العب في الشارع كورة
مع الأولاد..سكتت لحظة (وغباء هذيك الأيام بظل اندم عليه العمر كله)..المهم تعرفين لما يجي الاخو الكبير ويستهبل عالصغار ويهبل فيهم كذا كان يسوي
عزيزوبس يستهبل عليّ انا وشاكر ومعانا فيصل ولد خالي،كنت اكرهه بقوة لانه دايماً يخرب علينا اللعب،ودايماً بس يسميني الساحرة!!،
آخر مرة كان يناديني فيها الساحرة كان عمري 8 سنوات بعدها انا اختفيت عن العالم وانعزلت لاسباب وماشفته مرة ثانية الا بعد سنين في عزا ابوي الله يرحمه،كنت طالعة للشارع اركض لاني حسيت الدنيا تخنقني داخل البيت ولما كنت اقطع الشارع كان في سيارة ماشية بسرعة وكانت بتصدمني
وتبين الصراحة هذا اللي كنت اتمناه عشان ارتاح..اخذت نفس..المهم البطل المغوار
عزيز انقذني لما سحبني بقوة بعيد عن الشارع عطاني تهزيئة محترمة،صحيح ماكان كبير
بس كبير بالنسبة لي كان عمره 16 سنة،وبعد التهزيئة جرني عالبيت وسلمني لخالي خالد
ومن بعدها صرنا نتصادف كثير في الشارع واحنا طالعين رايحين المدرسة ولا رايحين أي مكان،
الغريب اني ماكنت انتبه له قبل لهالدرجة بس صرت انتبه لوجوده اكثر واكثر ويوم بعد يوم اعجبت فيه
وبعد ما التقينا صدفة اكثر من مرة وسولفنا مع بعض سوالف سطحية احياناً واحياناً سوالف خاصة فينا
حبيته يوم ورا يوم،طبعاً ماكنت ذاك الوقت اتغطى بس بعد سنة وشي تغطيت ومن وقتها صرنا من بعيد لبعيد نطالع بعض ونتواصل عن طريق اخته افنان وهاذي اكبر مني بسنتين بس كانت مع شلتنا
انا وبنات خالتي،ظلينا على اتصال بالرسايل شهور بس بعدها سوينا ايميلات وتواصلنا بالايميل مو الماسنجر
لاحظي ايميلات بس،بعد فترة هو انشغل بالكلية اكثر واكثر وانا لما صرت باول ثانوي انشغلت كثير بالدراسة والمشاكل
اللي فجأة زادت بالبيت بيني وبين امي لانها بعد شهور اكتشفت اني على علاقة فيه مع اني مااسميها علاقة يعني بمعنى الكلمة!!
المهم حصل خلاف كبير بيني وبين امي انا كنت من قبل قايلتله عن المشاكل بيني وبين امي وبالنهاية قلتله اني اكتشفت سبب المشاكل واننا لازم نبتعد عن بعض ونقطع هالايميلات،
المهم بعد اسبوع من هالرسالة امه كلمت امي وقالت لها انهم يبون يحجزوني لعزيز طبعاً امي
كان ودها تزوجني وتفتك بس لما كلمت اخوي عادل وخوالي رفضوا سالفة "الحجز" هاذي
بالنهاية قرروا ان الرجال يجون ويخطبون رسمي ولما اخلص ثالث ثانوي نملك ونتزوج،
عم السلام سنتين بيني وبين امي لانها تطمنت اني مخطوبة وبالنهاية بتزوج طبعاً رجعنا انا وياه
نتواصل بالايميل وتطورنا للماسنجر..ضحكوا ثنتينهم..شفتي شلون!!،ماعلينا نهاية السنة بثالث ثانوي
بديت اطرح افكاري عن الجامعات للكل ولما تكلمت عن البعثات اللي سكت واللي نصحني انسى الموضوع
وامي طبعاً ماعندها الا تزوجي وقعدي ببيت زوجج احسن لج ولما تناقشت مع عزيز رفض فكرة السفر كلياً
غادة:لحظة لحظة،انتي ماقلتيلو من قبل انك تبغي تدرسي برا!!،ولا الفكرة نفسها طلعت معاكي فجأة!!
الرزان:تبين الصراحة انا من بداية ثالث ثانوي حطيت ببالي اني ابي اسافر ادرس برا بس ماقلت لأحد
إلا خالي و ريما بنت خالي المقربة،عشان كذا عزيز تفاجأ بس هو يدري ان طموحي اكمل دراستي الجامعية
غادة:المهم انك اكيد اكيد عناد في الكل رحتي وقدمتي!!
الرزان:مش سالفة عناد!!هذا طموحي اخوي عادل وافقني وخالي خالد بعد فرحت مع اخوي عادل وقدمت على وزارة التعليم،
بعدين نصحني عادل بارامكوا بس انا خفت كيف اروح بدون محرم!! بس اقنعوني هم الاثنين وقدمت طلعلي في ارامكوا
قبل وبعدين في الوزراة فنصحوني بارامكوا،رحت وسألت عزيز طبعاً عصب عليّ كيف اروح اقدم بدون مااقوله!!
وامي بعد سوت لي سالفة بس انا ماهتميت لان امي في النهاية بتتقبل الامر والواقع ،حاولت اتفاهم مع عزيز
بس ماقدرت راح وكلم اخواني وخوالي وسوا سالفة طويلة عريضة!!انقهرت بقوة لما تهزأت من خوالي بسببه
وتهاوشت معاه كيف ايدخلهم بينا،ظلينا شهر على هالحالة وانا مستمرة في الاجراءات وانسحبت من بعثة الوزراة
وقدمت باقي اوراقي لارامكوا،تفاجأت بعد يوم بس من تقديم بقية الاوراق بصراخ امي وهي تصحيني
..سكتت وبلعت ريقها..بالعصا وضربتني ضرب وكان ظهري بيتكسر على ايدها
وكانت تصرخ وتصرخ انا مافهمت شي من اللي قالته بعد نص ساعة من الضرب انا اغمى عليّ بس هي استمرت بالضرب



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-01-2010, 05:43 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


وبعد ساعة كان خالي الكبير مار علينا البيت وسمعها،المهم اخذني المستشفى وظليت اليوم كله مغمى عليّ
واليوم الثاني لما صحيت حكت لي ريما عن اللي صار لي لما سألتها عن السبب اللي خلى امي تسوي كذا انقلب وجهها
وحاولت تصرف الموضوع لكني اصريت بالنهاية اقرت..غيرت نظرها الى جهة هنادي والبنات وهم يلعبون..الأستاذ عزيز اتصل بأمي انا ماعدت ابي بنتج خلي بنتج الصايعة
عندج وقال ايش انا كنت اقابله بالسر واكلمه وارسل له رسايل مع افنان وانا اسوي واسوي واسوي،
كلام فاضي ماله آخر صدمة عمري كانت ذاك اليوم...
غادة..انصدمت:انتي تتكلمي من جد!!،هادا مجنون ولا...حقير ولا حمار ولا اش بالضبط!!،هادا اش نوعوه من البشر!!،ليه طيب!!ليه كذب كده!!ليه سوى كدا؟؟
الرزان..ابتسمت بمرارة:مادري،مافهمت ليش يومها ولا حاولت افهم ولا ابي افهم خلاص
قد ماكنت احبه قد ما كرهته مليون مرة
غادة:ممـكن تسامحيه؟؟
الرزان:ماطاب الجرح لسه،يمكن اقدر بعد سنة سنتين يمـكن...
غادة:هو ماحاول يكلمك مرة ثانية؟؟
الرزان:انا سويت له بلوك وديليت من الماسنجر ومن حياتي بعد رميت كل رسايله و هداياه،
هو ماحاول يكلمني مباشرةً واصلاً هو يشتغل بالرياض وكان يجي كل ويكند لكن بعد اللي صار ماصار يجي الا بالشهر مرة
..سكتت تتذكر..بس شفته يوم سفري واقف بالمكان اللي كان يوقف فيه كل مرة عند نافذتي،ماعرف ايش اللي خلاه يجي
ولا يوقف بذاك المكان!!بس مااهتميت...
غادة..مسكت وجهها وطالعت بعيونها:الرزان!!،عيني بعينك كده..سكتوا ثنتينهم وعم الصمت للحظة..مازلتي تحبيه!!
الرزان..التفتت الجهة الثانية:لا طبعاً،بس مشاعري اتجاهه مازالت مشتتة وفي حالة صدمة من فعلته،ماتخيلته
في يوم يصير لئيم لهالدرجة!!بس عشاني ماسمعت كلامه وعشاني اصريت عالسفر وهو رافض!!
غادة..حطت يدها على كتفها وضمتها:خلاص انسـي وسكري الموضوع،لو بعرف القصة كده ماكنت سألت عنها حتى،انســي وعيشي حياتك ياحبيبتي...
يالله..غادة ماتطلعين حنانج الا بالضم!!،تضايقت الرزان شوي من ضمتها..
:تؤ تؤ تؤ،وشو وشو هذا!!الصراحة عيب عليكم يعني عشان ماحد حواليكم ماخذين راحتكم!!
الرزان وغادة..تخرعوا والتفتوا جهة الصوت:فـــارس!!
غادة:والله رعبتنا،اللـه ياخـ...
فارس..قاطعها:استريحي ولا تدعين عليّ،لانج اذا دعيتي عليّ مافي احد بيرجعج.......
الرزان سرحت بعيد عنهم،
عزيز درس بكلية تابعة للحرس الوطني بالرياض شي بالعلاج التنفسي
واشتغل بمستشفى الحرس الوطني هناك..كان شغوف بتخصصه مع اني مافهمته كثير بس حسيت بحبه لهالتخصصوشكثر هو مستانس فيه..
هو اللي علمني احب الدراسة اكثر واكثر وللأسف هو اللي كان يبي يحطم طموحي!!..
مادري اذا مازلت احبه مادري!!..بس حب ست سنوات مش ممكن ينسي في يوم وليلة..
(كيف قدرت تسويها ياعزيز كيف!!هانت عليك العشرة!!هان عليك الحب اللي بينا؟؟..
ليــش سويت كذا؟؟ليتني افهم بس ليش!!..
تبي تقهرني!!تمنعني من السفر!!تبي تربطني جنبك ومعاك وبس؟!!)..
غباء اني اتعب نفسي وافكر فيه اصلاً ليش اتعب عمري على ناس ماتستاهل!!
،انقطعت أفكارها بـ صوت فـارس يناديها..
الرزان:سوري كنت سرحانة،ايش كنت تقول؟؟
فارس..ابتسم:لاسلامتج ولاشي..قام من مكانه وعينه على جهة البنات..انا بروح اتمشى شوي
غادة..اول مابعد عنهم شوي:لا تقوليلي مالا حظتي من سرحانك نظراته ليها!!
الرزان ابتسمت وهي تهز راسه ورجعت تقرا بالكتاب..تقلب في صفحات الكتاب بدون ماتقرا فعلاً!
غادة:انتي خليكي فعالمك احسن لك،وربي انا متأكدة انك بتقلبي في الصفحات بدون ماتقري!!
الرزان راحت بعيد مرة ثانية وهي تشوف هنادي تنطط ومعها اصيل بينما سديم شوي بعالم ثاني،
واضح وضوح الشمس من نظراتهم بينهم شي..لكن افعالهم كلامهم مافي شي يدل..
غامضين فعلاً وخصوصاً فارس متحفظ بمشاعره ومايبين عليه ابداً استغرب شلون يقدر يسطير على مشاعره لهالدرجة!!
،فارس راح يمشي قريب من هنادي واصيل وسديم ويكلمهم من بعيد،
مع اني ماقدر اسمع اللي يقولونه الا انه مليون بالمية يتحرش فيهم ويستهبل عليهم..هههههه مكشوفة..
الحين بيقولها (سديم شرايج تجين تمشين معاي وتتركين هالمخابيل!!)..
ياللـه شلون مكشوفين..افهم سر الاعجاب اللي بينهم شخصياتهم متناقضة صح..
بس هذا يجذبهم لبعض اكثر..سديم حلوة مو بس حلوة الا جميلة ومملوحة وهو طول بعرض و وسامة..
بس هو حساوي وهي قصيمية..لو كان هو من أي عيلة حساوية قلنا ماعليه بس هو من عيال اكبر عوايل الحسآ
(الهوامير على قولتهم) يعني مابيخلونه ياخذ أي وحدة وأظنه حاط بباله هالشي ويعرفه..
اما هي من عايلة عادية بسيطة صح ابوها منصب في ارامكوا بس العايلة مستواها الاجتماعي عادي
،التفتت عليهم مرة ثانية شافت فارس وسديم ماشين بعيد شوي و هنادي واصيل ومعهم غادة جالسين يركضون ويلعبون،
مسكينة غادة اكيد طفشت مني بس جالسة ساكتة..ريما بنت خالي عبد الرحمن متعودة عليّ كذا..
ريما هي اقرب بنات خوالي وخالاتي لي..شلتي هناك..وحشوني والله
(ريما عبدالرحمن الـ.... .. 20سنة.. تدرس بجامعة الملك فيصل سنة ثانية هندسة داخلية (تصميم ديكور))
و(اماني سامي الـ... ..21 سنة.. تدرس بجامعة البحرين سنة ثالثة تخصص صحافة)
و(وعد ورغد صالح الـ .... ..18 سنة.. ثالث ثانوي علمي>>بنات خالتي هند<<)..
بس طبعاً الاهم بالنسبة لي قدوتي و اخوي الكبير وكل الدنيا بالنسبة لي
خالي (خالد عبدالله الـ... ..33 سنة..طيار تبع القوات الجوية (أو اسمه الدفاع الجوي!!) ..مو متزوج)
رغم فارق السن بيننا الا اننا قريبين من بعض وهو اقرب لي من كل الناس الا ريمو طبعاً
(هاذي الآنسة غير ماكو في مثل غلاتها احد)..وما انسى طبعاً صديقتي
(نورة ناصر الـ.... ..19 سنة..تدرس بجامعة الملك فيصل سنة ثانية تخصص تسويق)
هاذي في قائمة حبايب الروح مع خالد وريمو..
انا وياها مع بعض من ثاني متوسط..طبعاً في شلة من المدرسة بس نوني (غـــلاتها بالقلب اكـــبر)..
ياللــــــه شلون مشتاقة لهم
،وتنهدت..
:عسـى ماشرقاعدة كنج قطو لحالج!!ولا بعد تنهدات وحركات!!
الرزان..نقزت مكانها:بسم الله الرحمن الرحيم،وجــع كل شوي تخرعني!!،استاذ فارس
ماتعرف شي اسمه احم احم او أي حركة تدل على دخولك للمكان!!
فارس..ابتسم:دخولي للمكان ها!،مادريت اني داخل بيتكم ولا غرفتج
الرزان..طالعته:صج صج،مايضحــك
فارس..ضحك:ماقلتيلي ليش قاعدة لحالج؟؟يالقطو
الرزان:مـالي خلق العب
فارس:ما مليتي من كلمة مالي خلق؟!مع اني بس اعرفج من اربع شهور الا اني سمعتها منج اكثر
من أي شخص أعرفه من سنين!!،كم مرة اقولج هونيها وتهون
الرزان..طالعته:طيــب طيــب
فارس..استغرب نظراتها:في شي؟؟نظراتج اليوم غريبة،تبين تقولين شي؟!
الرزان:انت تبي تقول شي؟؟
فارس:الرزان بتقعدين تلعبين معاي!!،بقولج مالي خلق العاب مالها داعي،قولي اشعندج؟؟
الرزان:الصراحة حلوة وانا خايفة على صديقتي،انت عارف عن مين اتكلم اكيد
..سكتت تنتظر رد هو بقى جامد..المهم انا مادري ستتوقع في النهاية بعد هاللقاءات والمكالمات شالنهاية ياترى!!
زواج؟؟انت تدري اهلك ماراح يوافقون وواثق بعد،من الحين اقولك واحذرك لاتلعب بمشاعرها
وانت اكبر من هالشي وهي صغيرة هبلة وغبية
فارس:انتي كبرها ماشوفج هبلة وغبية،بالعكس تفهمينها وهي طايرة،ليش ممكن تكون هي هبلة وغبية!!
الرزان:الفرق بينا كبير وكل انسان وله شخصيته،اكيد انت تعرف شلون شخصيتها بالضبط مو؟؟
..و بعد مارد وظل ساكت..هي كذا هبلة وعبيطة وعلى نياتها،لسه ما انضجت لسه فيها المراهقة اللي...
فارس..قاطعها:انا فاهمها عدل لاتتعبين نفسج في الشرح،
انا ماراح ارد عليج ولا بفسرلج تصرفاتي لانج مو امي ولا ابوي،انتي بعد مازلتي مراهقة زيها
لكن انتي المراهقة اللي تكره نفسها وكل اللي حولها،وهاذي مرحلة الاكتئاب
في المراهقة راح تستمرين فيها للأبد لو ماشفتي لج حل...
الرزان..بعد ماوصلت عندها قاطعته:رجاءً ياواعظ زمانك خل نصايحك لنفسك،
لاتنصحني في اشياء انت ماتدري عنها،لا تتجرأ حتى
فارس:وطــي صوتـــج
الرزان..قامت من مكانها بعصبية:مو موطيته انزين،انا نصحتك من باب الخوف على صديقتي،
من باب الأخوة اللي بينا،بس هذا مايسمح لك تتمدى وتتعدى حدودك وتتكلم
في اشياء ماتدري عنها
فارس:الرزان!
الرزان:اسمعني انت هالمرة،تبي تعيش وتستمتع بشبابك يااستاذ روح بعيد عنا،افرد عضلاتك بعيد يا بابا...
البنات سمعوا الصراخ وجاوا ركض..
غادة..سمعت الرزان فسحبتها بسرعة:الرزان!!،لاتخلي اعصابك تأثر عليكي!!
الرزان..طالعتها:ههه تمزحين!،هالجنس هذول كلهم واحد يبون يفردون عضلاتهم على أي احد والسلام
بدون مايفكرون شاللي بيصير بعدين،كأننا تسلية لهم الشهر هاذي بكرا هاذيــ...
قبل لاتكمل كان فارس بيعطيها كف بس..
سديم..مسكته:فـــارس!!
الرزان كانت عيونها بعيونه..اول مارفع ايده ارتجفت ورجعت على ورا..لما مسكته سديم غمضت عيونها وراحت تركض بعيد..
غادة..طالعت فيه وهي رايحة ورا الرزان:مهما قالت مالك حق ترفع يدك عليها،لاتنسى نفسك مرة تانية...
وراحت تركض ورا الرزان..
فارس..فك يده من سديم وراح للسيارة والتفت قبل:اذا رجعوا لحقوني عالسيارة
هنادي واصيل وسديم راحوا بعد يدورون مع غادة نص ساعة ومالقوا لها اثر!!فراحوا لفارس..
اللي رجع يدور عليها معاهم ومرت ساعة ورا ساعة بدون مايلقونها!!..
الرزان راحت تركض وتركض وتركض وبعد ماتعبت جلست عند شجرة،
عالأقل في نور والدنيا لسه نهار
،ارتجفت من البرد اللي حسته فجأة والخوف اللي كبر داخلها فجأة لأنها اكتشفت انها ضاعت،
شاللي خلاني اهرب زي الخبلة كذا!!..ياغبية ياالرزان ياغبية..الحين كيف ارجع بعد ماضعت!!..
كيف بيلقوني بعد ما ابتعدت هالمسافة!!
،ظلت ترتجف..سمعت صوت وراها والتفت بسرعة طلعت قطوة تركض..
الخوف صار يكبر بداخلها كل دقيقة..وتذكرت اللي صار لها قبل 12 او 13 سنة،
هاوشتني امي على اللعب بالشارع مع الأولاد وكيف انه مايصير العب مع الأولاد لانه عيب ومادري ايش..
انا استنكرت وعاندت جآت بتضربني (كالعادة مو شي جديد الضرب)..
كردة فعل هربت للشارع وكان الناس توها مخلصة صلاة المغرب وبعد آذان المغرب ماكان في احد يطلع يلعب بالشارع..
فظليت اركض بالشارع وتخبيت ورا عمود غريب ومكسر مادري تبع وشو!!قعدت نص ساعة جالسة عند هالعمود..
وبعدها شفت ظل طويل وراي فكرته خالي خالد ولا ابوي ولا عادل اخوي التفت..
طلع سواق بيت جدي الكريه مع اني اكرهه الا اني شفت فيه وقتها النجاة..
قلت له اني ابي اروح عند جدتي وقال (مافي مشكل)..
رحت وياه ومن تعب اللعب بالكورة في الشارع طول النهار والنحشة من امي نمت بالسيارة..
بعد مادري كم ساعة صحيت طالعت حولي ظلام ولا شي يبان مو السيارة!!ولا بيت جدي!!..
كنت بارجع اكمل نومي بس لما انتبهت لخيال فوق راسي وخيال قدام عيوني طار النوم..
كل واحد كان يفصخني ملابسي من جهة..صرخت وصرخت وهذا كل اللي قدرت اسويه..
رغم اني صاحية تماماً الا ان جسمي ماكان يتحرك ابداً كان زي اللعبة بين ايدينهم..
ظليت اصرخ لين مااختفى صوتي واكتفيت بالدموع وكأنها ممكن تهون العذاب اللي كنت اعيشه واغمض عيوني عشان مااشوف بس ماابي اشوف..
يومين كاملين ظليت في ذاك المكان المظلم وكل يوم كان في اثنين هم نفسهم غيرهم مادري!!الكلام نفسه مايتغير لكن الاصوات يمكن تتغير!!..
عشت الجحيم خلال هاليومين.. ألمي الأكبر كان اختفاء ابوي وخالي ليش ماسألوا عني!!..
ليش ماحد يدور عليّ!!يعني مايحبوني ومايبوني لهالدرجة!!عادي يقطون بنتهم للهنــود!!!..
بعد هاليومين رموني رمية الكلاب ملفوفة بشي يسمى فوطة(منشفة) عند اول الحارة..
وانا ماحسيت بشي بعدها لاني دخت ونمت..صحيت شفت ابوي فوق راسي ويصيح!!واخواني وخواتي كلهم وخالي بعد..
وشفت امي بزاوية تطالعني بنظرات (عمري ماراح اقدر افهمها)..
ابوي لما انتبه اني صحيت ضمني وبوسني انا صرخت وصيحت وضربته ماكنت ابي احد يقرب مني مابي احد يلمسني كافي اليومين اللي حسيت فيها بالايادي تمسح على جسمي..
كنت بالمستشفى لمدة اسبوع فحوصات ومهدئات ومادري وشو بالأخير طلعت وصرت لاصقة بجدار غرفتي ماتحرك من غرفتي الا للضرورة مرت الأيام ورجعت للمدرسة..
مرت سنة وسنتين وثلاث قربت ادخل بالـ 12 فلما جا عيدميلادي اصروا اننا نحتفل بمطعم..
رحت للحمام (الله يعزكم) مع اختي نوف وطلعت قبلها وانتظرتها عند الباب..
فجأة شفت وجه مألوف بالنسبة لي كان احد اسباب معاناتي خلال هالسنين (هم كانوا اربعة زي مااكتشفوا الشرطة..
منهم سواق بيت جدي اللي لقوه واسجنوه طبعاً واخذ مايستحقه بعدين..و واحد ثاني معاه..
والثالث لقوه بعد سنة ) فكان هذا هو الرابع صرخت لا ارادياً اول ماسمعت صوته وعرفته وهو بعد عرفني (وكيف يقدر ينسى) انقض عليّ رفسته لكمته سويت كل شي اقدر عليه لكنه كان اقوى واكبر حجماً بكثير..
مادري كيف ماحد انتبه " أي احد!!"..جرني وهو كاتم انفاسي بيده الكريهة..
انا تدريجياً اختنقت واغمى عليّ لكني ظليت احس بكل شي حولي لين صحيت وانا على سرير وعلى وجهي شي ساعدني اتنفس بس ريحته كريهة..
وجسمي على شراشف بيضاء ونوف على راسي تصيح وخالد ماسك ايدي غمضت عيوني وقتها..
وكأني كنت صاحية لما قرر ذاك الحقير انه ينتقم مني للمرة الأخيرة ويسرق آخر اللي بقى لي من جسمي بعد ما انتهكه للمرة الاولى ومزقه..
رجع يكرر فعلته قطع عبايتي وملابسي وقضى عليّ للمرة الأخيرة
،ارتجفــت وارتجفــت وكأن كل هذا صار اليوم..
صرخت بصوت عالي وصرخــت:بــــابــــا،بـــابـــا
فتحت عيونها بعد ماكنت مغمضتهم..الشمس خلاص غربت وبدت الدنيا تظلم..
ارتجفت وارتجفت ورجعت تصــرخ:بــــابــــا،خـــالـــد،بـــابـــا
سمعت صوت مألوف يناديها:الرزان،الرزان،الرزان انتي وين؟؟،الرزان تسمعيني؟؟
الرزان..صرخت بقوة وهي ودها تقوم تركض له بس رجولها ماتشيلها:طـــلال،طـــــلال
وخنقتها العبرة وقعدت تصيح..سمعت صوت يقترب..
طلال..كان يحاول يهتدي لصوتها وين مكانه:الرزان،الرزان وينــج؟؟
الرزان..حاولت تصرخ:طـــلال،طـــلال انا هنا ورا الشجرة
وسمعت صوت ركض ركض وكل شوي الصوت يقرب اكثر..
طلال..كان ينادي عالباقي:خـــلاص لقيتها،لقيتـــها..قرب وصار فوق راسها وبهمس..الرزان
رفعت راسها وشافت وجهه اتطمنت وتمسكت فيه بقـــوة واغمى عليها..شالها على طول..
خالد >>واحد من اصدقاء طلال<<..شافه وراح له يركض:اغمى عليها من وقت ولا توها؟؟
طلال:توها اول ماشافتني اغمى عليها،سرعة خلينا نروح للمستشفى
طلعوا ثلاثة من وراهم >>من اصدقاء طلال<<..
خالد:شباب احنا بنسبقكم في سيارة فارس
طلال ركض للسيارة فارس اللي كان مشغلها وينتظرهم..
ركب خالد قدام جنب فارس وطلال ورا مع الرزان..
غطاها خالد بجاكيته وحسب سرعة نبضها والتنفس >>طالب طب<<..
ودوها الطوارىء حطوا عليها مغذي وجهاز التنفس وحاولوا يدفونها.....
فارس لما مالقوها بعد ساعتين دور رقم اخوها ولقاه >>يشتغل بالسفارة<<..
طلال كان مسافر من اسبوع برا لندن >> هذا اللي نسته الرزان يوم دقت عليه ذاك اليوم<< وكان هو وربعه راجعين بالطريق لما دق عليه فارس..
طبعاً هزأ فارس وشرشحه وطبعاً فارس ماقصر ورد عليه وتهاوشوا وبعدين فرقوا بينهم ربع طلال وذكروهم بالبنت الضايعة......
بعد ساعات صحت وتطمنوا عليها وقرر الدكتور يخليها يوم عشان ترتاح وبعدين يطلعونها..
طلال:انا آسف ماكان قصدي والله ماكان قصدي اتركج لحالج..مسك يدها وباسها..آســف
الرزان:طـلال مااتصلت باحد صح!!
طلال:تقصدين اللي بالسعودية،لا لا ماحبيت اخرعهم بس لو مالقيناج كنت باتصل،فارس الزفت هذا شسوى لج؟؟
الرزان..طالعته:لايروح بالك لبعيد طلال!!،كانت هوشة عادية انا اللي كبرتها
و بكل غباء رحت اراكض كني خبلة
طلال:انتي يالخوافة سويتيها!!،مو معقولة لازم سوى شي خلاج تهربين كذا؟؟
الرزان..لفت وجهها الجهة الثانية:كان...كان بيعطيني كف لاني طولت لساني عليه،وكان من حقه انا اللي مصختها
طلال..طالعها بشك:مع اني مو مصدق،بس كنتي كسرتي له يده عشان يعرف شلون يمدها
الرزان..نزلت من عيونها دمعة:انا خفت من النظرة اللي كانت بعيونه،ذكرتني بنظرة أمي لما طالعت فيني ذاك اليوم و...
طلال..مسك ايدها بقوة:خلاص ياالرزان لاتفتحتين في الجروح،عطيها فرصة تلتئم وتطيب لاتصيرين انتي والزمن على نفسج!!
الرزان:لو يمـر دهر كامل مابتلتئم،أي شخص بيلمسها بترجع تنزفــ...
:احــم احــم
طلال:تفضلي!!
الرزان..التفتت:غــادة
غادة..قربت منها وضمتها:ياشيخة طاح قلبي عليكي من الخوف
الرزان..ابتسمت وفي عيونها الدموع:ولايهمج ماصار شي
غادة..جلست عالسرير:يابكاشة!!اش هو دا اللي ماصارشي!!،وكل الأزمة هادي ليه؟تكون عشاني يعني!
الرزان سكتت واكتفت انها تتبادل مع غادة نظرات..
غادة..فهمت فحاولت تخفف من الألم اللي بصديقتها:اتصلك الحين بخلودي وتنسي وجع العالم كلو اش رايك!!
الرزان..ابتسمت:أي والله..التفتت على طلال..اتصل على خالد ابي اكلمه
طلال..طالع ساعته:أي خالد في الساعة هاذي!!،الساعة وحدة الحين اكيد عندهم 3 ولا اربع كلميه بكرا لما تهدين وتروقين
..حبها على راسها..انا بانتظر برا وراح تطلعين وتظلين عندي بالشقة لين ماتشبعين اوكي
الرزان:وربعـك!!
طلال:مافي الا خالد بيطس مع الربع البقية،الا صحيح يتحمدون لج بالسلامة ويقولج جراح خطاج الشر،قسم إن هالكويتي تحفة
الرزان..ابتسمت:حرام عليك!!،خطاه اللاش والله يسلمهم
طلع طلال وترك غادة تعالج جروح الرزان..لكن الرزان تحفظت وماحبت احد يعالج جروحها..
فابتسمت لها بكل هدوء...


[..الجـزء الثالثــ ..]

طلعت الرزان من المستشفى وصار لها اسبوعين بشقة اخوها..
تصالحت مع فارس وصالحته مع اخوها وعرفتهم على بعض زي الناس..
التقت أكثر من مرة بصديق اخوها خالد >>الشقة حقتهم تبع السكن الجامعي..
و "شقة" طلال وخالد عبارة عن "استديو"..غرفتين وصالة ومطبخ صغير"بقوة" ..الرزان اخذت غرفة طلال..وطلال نام بغرفة خالد<< والتقت بـ جراح وسعود التحفة الثنائي ...
دق جرس الباب >>مع ان عنده مفتاح الباب<< أدب يقولك يعني!!..
وبعدين فتح الباب بمفتاحه ودخل..طالع يمين يسار مافي احد بالصالة!!،
وين راح طلول!! يكون طلع !!بس اليوم سبت وهو داري اني جاي؟؟،..
حط اغراضه على اول كنبة قدامه..شوي ورفع راسه توه ينتبه انهم مشغلين شي،
وشهالهم والغم..ساعات!!يا طلول ساعات!!..يعني مافي اغنية غيرها بسي دي راشد!!..وبعدين من متى تسمع هالنوع من الأغاني؟!
،راح وغير الأغنية بالاستريو وحط على سلامات،
ههههههههههه..وهاذي لك ياطلول..من جد سلامات ههههههههههه،
:طلـول وعمى ليش تغير الأغنية،قيس وليلى هــا،هذا كله تأثير غادة الدبة،رجعها احسن لك
خالد تجمد لما سمع صوت الرزان وظل معطيها ظهره ولاتحرك..مايبي يحرجها ويحرج نفسه..
وهي مااهتمت ولا لاحظت الفرق لان طلال بطول خالد ولهم نفس الجسم بس الشعر غير وخالد كان لابس قبعة..رجعت ودخلت الغرفة..،
معقولة ماانتبهت لصوت الجرس!!..ههههههه صج هبلة ..دائماً هالانسانة كئيبة اجل قلوا الاغاني الا ساعات..ســلامات!!هههههههه
،وظل يحوس بالاستريو وصل لعشان الحب سمع صوت ركض من وراه..
:لا لاتغير رجاءً لاتغير..فجأة صمت..هههه لاتخاف استوعبت انك خالد
خالد لف شوي شوي وهو ماسك ضحكته..
الرزان..ابتسمت:تقدر تضحك مافي مشاكل..ولفت راجعة للغرفة فقعد يضحك ويضحك.. طلال بالمطبخ يبي يسممك بأحدى طبخاته العجيبة
خالد قعد يضحك،
والله مادري مين العبيط و الخبل انا ولا انتي!!..بس الظاهر احنا الاثنين!!
،ورجع يضحك شال اغراضه وراح للمطبخ:مساء الابداع ياشيف طلال!!،شالدعوة الآنسة تقول تبي تسممني
طلال مارد ولا التفت..فانتبه انه حاط باذانه سماعات..
خالد..شال وحدة وصرخ بعيد عن اذن طلال: طـــلول وصمخ!!
طلال..تخرع وكب على نفسه من الخبيط اللي يسويه:الله ياخذ العدو،ياشيخ خرعتني خلك مؤدب وذوق ولو لمرة في حياتك،ابي اعرف
انت شلون دكتور وانت بتقتلني في يوم من الايام!!
خالد..ضحك وباسه على خده:ومن الحب ماقتل،شسوي اذا انا اموت عليك،اموووت عليك
طلال..دفـه بعيد عنه:بعد عني بلا قرف،ايش حركات البنات اللي انت طايح فيها!! يكون قلبت الى...
خالد..قاطعه وضربه على ظهره بقوة:عمى بعينك طلول والله لو كنت نطقتها كنت تبريت منك،قلة ادب صج!!
طلال..ضحك وهو يشوف خالد قعد على كرسي مقابله وهو يسوي نفسه معصب وزعلان:مادري عنك احياناً تتهور وتسوي حركات تنفهم غلط
..يبي يكحلها عماها مرة وحدة..لأن خالد عطاه نظرة.. آ،آ،آسف ياخي خلاص يمـا منك ماحد يمزح معاك!!
خالد..رفع حاجب:لما تبي تمزح امزح زي الناس،بعدين من فينا اللي قلب!!،
اشعندك جالس تطبخ ولا بعد مع اغاني وحركات مايسوونها الا...
طلال..ضحك:من الحب ماخسبق،ههههههههههههه
احبك ياخي وحبيت اسويلك شي من يديني الحلوين
خالد..ابتسم:سديت نفسي،حسيتك بقوة منهـم مع هالحركات البايخة!!
طلال:لا اعوذ بالله،اسكت وانا اخوك لاتقول هالكلام لاحد يسمعك ويصدق...
:يصدق وشو؟؟
خالد..ضحك:ان اخوك قلب لـ....
الرزان..انقلب وجهها:رجاءً لاتكمل،فهمت..وقفت لحظات تستوعب..عيـب عليكم اثنينكم وشهالكلام!!
طلال:اقول استريحي ياللي تبي تقلب ولد!
خالد..انصدم:ولــد!!!
الرزان..مااهتمت:بس اني ابي اكون ولد شي واللي تتكلمون عنه شي ثاني
طلال:بس هذا يعني انك...
الرزان..شهقت:لاتكمل وش مشكلتكم انتوا اليوم!!،مو صاحين اكيد،طبعاً مو كذا بس احس حياتي بتصير اسهل كولد
خالد..التفت عنهم:اللــه يعيــنك على نفســك
الرزان:ليش ان شاء الله!!
خالد:بـس
الرزان:Where ever,I don't care think as you like لان ببساطة هذا رايي،طلال
ابي اروح مكتبة الجامعة عندي اختبار بكرا
طلال:ماقدر الحين!!
الرزان:يوه لو انا اسوق كان اخذت مفاتيحك ورحت،شفتوا ان حياتي كولد اسهل
طلال:اللهم لك الحمد،روحي وخذي رخصة وسوقي السيارة براحتك،بس مالك حل الا تروحين مشي ماهي بعيدة!!
الرزان..تغير وجهها:اروح مشي لحالي!!
طلال:كنتي تبين تروحين بالسيارة لحالج شالفرق!!
الرزان:ا،خـ،خلاص امري لله
وطلعت من المطبخ..
خالد:حرام عليك،شكلها خايفة تروح لحالها
طلال:ادري بس لازم تتعود،انا مابظل دايماً لاصق فيها
خالد..ابتسم:بس هي شكلها خوافة!!ليش من اول فكرت تدرس برا؟؟
طلال:مادري عنها!!،احياناً احس عناد واحياناً احس تهرب وهرب
خالد:عناد في مين؟؟وتهرب وهرب من وشو؟؟
طلال:عناد في امي وفي الكل،وتهرب وهرب من امي ومن الزواج
خالد:غريــب فعلاً!!
طلال:اختي طول عمرها كذا غريبة
الرزان كانت تبدل ملابسها وقفت قدام المرايا تطالع بنفسها،
اكره المرايا ومازلت اكرهها..مادري ليش!!بس طول عمري كذا اطباعي دفشة (ولادية) على قولتهم..من صغري البس بس بنطلونات اكره التنانير(شي اكيد..
لانها ماتنفع للعب الكورة والمراكض)..واتكلم بصوت عالي واصرخ بدون مااهتم بالرقة والنعومة..
طبعاً بعد اللي صار زاد هالشي..كرهت اني بنت أساساً..ومازلت اكره هالشي
،طالعت بجسمها هالمرة..و كانت بعيونها نظرة شفقة على نفسها!!،
بعد ما توفى ابوي زاد وزني تدريجياً.. لاني صرت آكل وآكل واحط حرتي بالأكل..
بس لما وصلت ثالث ثانوي وقرب وزني للستين حسيت اني لازم اتدارك نفسي..
مو لشي بس اكره اصير دبة..مو كافي اكره نفسي وجسمي بعد زيادة اصير دبة لاماله داعي..
وهاذي انا صار وزني 45 نحيفة زيادة عن اللزوم لان طولي صار 158..
يعني يانحيفة يادبة يارزون!!
،ورجعت تكمل لبس..اللي صار لها اثر عليها كثير..كرهت انها تكون انثى فعلاً..
كرهت تظهر انوثتها..فكانت تلبس دائماً بنطلونات وتي شيرتات..
حتى في الأعياد مايهمها بتهزيء امها وتعليق خواتها تروح تشتري بنطلون و معاه أي بلوزة محترمة والسلام..
حتى لما جات تجهز للسفر اشترت جاكيتات طويلة وبلايز طويلة تلبسها مع البنطلونات وبالغصب اشترت لها ثلاث تنانير ومارضت الا بالجينز..
طبعاً هالقاعدة كانت تتغير في الأعراس فهي ماتبي تصير شاذة زيادة عن اللزوم فتلبس فستان وتلبس كعب وتستشور شعرها لكن ماتحط ذاك المكياج وتكتفي بشي خفيف جداً وكان هالشي يقهر خواتها..
صحيح اللي حولها يتفهمون ليش بس صعب انهم يتقبلون هالحالة..وخصوصاً لما انخطبت صار صعب انهم يتقبلون انها تكره انوثتها..
خلصت الرزان لبس وضبطت حجابها وطالعت في المرايا تتاكد من الحجاب وشالت شنطتها وكتبها وطلعت...
الزران..نادت بصوت عالي:طلال يــلا انا طالعة،اذا تبي شي دق عالجوال
طلال..طلع من المطبخ:مابي شي، بس دقي اذا وصلتي المكتبة
الزران.. فهمت عليه:ان شاء الله،يـلا مع السلامة
طلال:فمان الله
طلعت..وطلال سـرح بعيد،
مادري بتكون بخير ولا لا!!..ادري هي خايفة تروح لحالها..و للحين من جات لندن ماطلعت الا ومعاها احد من صديقاتها..
الله يحفظها من كل شر..احس بالذنب لاني انشغلت عنها بالجامعة..بعد مارجعنا بشهر كان عندي اختبارات لمدة شهر..
وبعدين اشغلتني الدنيا..بس والله مااستحي على وجهي اعرف حالتها واتركها لحالها بهالغربة..
دائماً كنا قراب من بعض هي اقرب وحدة من اخواني وخواتي لي وانا اقرب واحد لها طبعاً بعد خالي..
بس بعدنا بعد سالفتها مع عزيز..عزيز صح صديقي بس..بعد اللي طلع منه ما عدت اطيقه..
انا اعرف اختي كانت تحبه..بس ماني فاهم شلون وهي كانت تكره كل ذكر على وجه الكرة الأرضية(طبعا! غيرنا احنا)..
لما يبتسم لها أي واحد ولا يغمز لها تكره الدنيا بكبرها..مادري شلون حبته فعلاً!!كنت اقولها ماتحبينه هاذي اوهام..
بس ترجع تقول هو غير انا وياه كأننا ربع كأني واحد من اخوياه يضحك معاه ويسولف معاه مافي كلام حب ومافي هالكلام الفاضي..
وهالشي اكد لي دائماً ان اللي بينهم مو حب..ممكن يكون أي شي لكن ماهو حب اكيد..
عزيز مافكر في يوم من الأيام انها مو مستعدة تتزوج أبداً لانه مايدري باللي صار لها..
واللي انا متأكد منه انها مافكرت بالدراسة برا الا عشان تهرب من الزواج بأي طريقة..
كانت تظن انها تحب عزيز لكنها ماكانت مستعدة تتزوجه فعلاً لو ايش يصير!!
،قاطع افكاره...
خالد:انت ياخووووي،وين سرحان!!يكون تأثير غادة على قولت اختك؟!
طلال..ضحك:أي غادة يا خي روح منك،هي كذبت الكذبة وصدقتها
خالد:يعني من جد مانت معجب؟
طلال:أبداً والله ولا فكرت حتى!!
خالد:احسن كذا خلك عاقل
طلال..ضحك:ياسلام،يعني بس حلال عليك انت تخطب وتتزوج واحنا لا!!
خالد..طالع يده اليمين ودبلته:اكيـــد
طلال..ضحك عليه:رجاءً خلنا ناكل،مو وقت سرحانك بحبيبة القلب
خالد..ابتسم:طــس مناك،مالت عليــك
الرزان في الطريق للمكتبة..اخذتها تمشية وتطالع الناس حولها..ووقفت عند الأشارة تنتظر السيارات تمشي..
وكان بالزاوية اللي وراها مقهى..فالتفت تتفرج عالناس..كان في واحد جالس لحاله وقدامه كوب ويدخن،
متأكدة يشرب قهوة..بس ليش يدخن!!..أكره اللي يدخنون موت ..ريما المسكينة دايماً تختنق من الدخان لأن عندها ربو..
وانا بعد عندي حساسية بالصدر واختنق منه (هههه مكملينها احنا الثنتين!!)..
معظم اللي يدخنون احسهم يا ادمان وتعود على الدخان.. يا لأنه معصب ومقهور أو حزين ومهوم..
هذا احسه يسحب الدخان ببطء ويطلعه ببطء..كأن هم الدنيا كله فوق اكتافه..اووووه هونها وتهون..
توني احس بقيمة هالكلمة يافارس..هههه
،شافت وحدة ثانية جالسة ترضع ولدها!!..فشالت عيونها عنها بسرعة،
يعععععععع..وش هالقرف.. اكره اشوف وحدة ترضع ولدها ولا بنتها..ولا هاذي جالسة قدام العالم!!..صحيح مغطية بلحاف البيبي بس حتى لو!!..
انا ما اؤيد ان الوحدة ترضع قدام الخلق!!..يخب عليه رضاعة هالبيبي
،شافت واحد من الواقفين جنبها شايل بنت صغيرة و معاه ولدين جالسين يتهاوشون وهو جالس يصرخ عليهم ويحاول يمسكهم ،
يووووه ياكرهي للبزارين..هم على القلب استغفر الله..ومسؤولية كبيرة بعد..
مادري ليش بس اكره الأطفال مااحبهم وماعرف كلش اتعامل معاهم!!..مني مناك مافي يعني حتى عيال خواتي بالغصب بالعتهم..
بعض الناس يقولون وين الحنان اللي مفروض يكون طبيعي فيك؟؟..ياعمي روح مناك..
بس هذا اللي يؤكد اني ماني انثى بطبيعة الحال
،ابتسمت ولما شافت الناس بدت تعبر الطريق السيارات موقفة مشت و كملت طريقها..
وهي تطالع بالسما اللي كانت مغيمة..طالعت ساعتها،
الساعة 5 ونص!!..كأن الوقت متأخر..ياويلي عالبرد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-01-2010, 05:45 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


،قعدت تفرك ايدينها ببعض عن البرد وتنفخ فيهم..ولفت جاكيتها عدل حولها..
مرت بجنب زجاج عاكس فطالعت بنفسها باستغراب شوي..
كانت لابسة كالعادة بنطلون جينز كحلي غامق بقصة واسعة و قميص احمر وفوقه كنزة سودا صوف ناعمة والجاكت طويل لونه رمادي مخطط بأسود قماشه الصوفي الثقيل..
و الجزمة بوت سبورتي اسود اما الحجاب رمادي وفيه خطوط حمرا عالأطراف..غير شنطتها السودا الكبيرة والكتب اللي بيدها ،
ملابسي دائماً بألوان كئيبة..تشبهني كثير..مادري اذا راح تتغير معاي بيوم!!
،رجعت تمشي وهي تطالع بالجينز،
دفعت فيك كل ماعندي..هههه ..شف الخراط!!..اول مكافأة استلمتها من ارامكوا رحت واشتريت فيها ثلاث جينزات كل واحد مايقل عن الـ150 ريال..
اذكر امي لما انفجعت وهاوشت وصرخت لاني صرفت 1500 على الفاضي..بالنسبة لها على الفاضي مو بالنسبة لي..
انحرمت من اني اشتري الغالي طول عمري وطبعاً لما تصير الفلوس عندي ومن حر مالي ماراح ابخل على عمري..اذكر بعد اني رحت مع ريما وخواتها غالية وهلا الظهران واشتريت لي من بيرشيكا و المحل اللي قدامه (اسمه صعب دايماً مااعرف انطقه)..
بس طبعاً كل شي شريته كان للسفر شي اقدر البسه هنا..عشان اكشخ..ظليت شهور وانا كل مااستلم المكافأة اشتري الأشياء اللي احتاجها..
وتهورت بمرة وطلبت من نوفي اختي 1000 زيادة ورحت واشتريت لي ساعتين من Guess وحدة بـ 750 والثانية بـ 975 فرحت شريت وحدة ثالثة من Dkny بـ 500 و اصرت عليّ اماني نشوف بعد وحدة رابعة مدام باقي فلوس!! فاشتريت وحدة من Swatch ب 370..
طبعاً ماتتصورون ردة فعل امي ولعت عصبت وبغت تاخذهم مني عشان ترجعهم..لكن انا مااهتميت لانها دايماً كذا طبعاً الشهر اللي بعده رجعت لنوفي فلوسها..
بس رجعت استلفت بعدين عشان اشتري شنط كبار كشخات للجامعة اشتريت من Guessاكيد..وحدة كبيرة بـ 700 و وحدة عادية بـ 480 ومن Dkny وحدة كبيرة بعد بـ 599 ومن ليزكليبورن كبيرة اكيد وبـ 789 و وحدة عادية من باريس غاليري ماركة هيرميس بـ 1200..
ههههه صج بنت فقر انا..بس فعلاً كنت محرومة سنين وانا ادري مافي امكانيات لا على حياة ابوي الله يرحمه ولابعد موته..
بحياته كان راتبه مايكفينا وهذا واحنا ست بس وعلياء تزوجت قبل وفاة ابوي وعادل كان يشتغل بس هذا ماخفف المصاريف مع ان البيت صغير..
(دور واحد باربع غرف..انا ونوفي وعلياء كنا بغرفة لكن ارتحنا منها بعد زواجها..طلال واحمد وعادل بغرفة..وابوي وامي بغرفة..والغرفة الرابعة كانت مكتبة وفيها طاولة وكراسي عشان نذاكر فيها..
وفي صالة صغيرة مفتوحة على مطبخ وغرفة غسيل..غير المخزن الصغير الضيق المزحوم بالأغراض والعفسة وكان مكان للصياح والتخفي احياناً لي..
وفي مجلس وغرفة صغيرة للحريم) بس للأسف هالبيت كان ايجار..طار راتب ابوي الله يرحمه عليه..
ومصروف لنا وللبيت!! ماكانت الـ 7 آلاف اللي ياخذها ابوي الله يرحمه كراتب تكفي اكيد!!..
اعترف دائماً كنت ابي البس مو ماركات عالمية وغالية لا عالأقل من zara,mango هالمحلات..بس كان هذا ممنوع..
اما في العيد كنت آخذ 700 لملابس العيد بس فكنت اشعر بالحرمان..ليش ماكنت مثل غيري..مثل ريما وخواتها مثل باقي بنات خوالي وخالاتي!!..
حتى بعد وفاة ابوي الله يرحمه انتقلنا لبيت جدي الله يرحمه وسكنا مع جدتي وخالي خالد وخالتي ايمان ماكان البيت يكفينا كلنا بس عادل اخذ شقة وتزوج بعد فترة..
بس الحمدلله تدبرنا امورنا..(البيت دورين فوق اربع غرف..وتحت غرفتين وحدة منهم مخلينها جلسة وصالة ومطبخ وصالة ثانية ومجلس كبير تقريباً..
امي كانت مع جدتي بغرفة..احمد وطلال استولوا على غرفة خالد الغرفة الكبيرةبس فضت بعد مااحمد تزوج وطلال سافر فرجع اخذها خالد وقط اغراض طلال بغرفة ثانية..
انا بغرفة.. ايمان ومعاها نوفي بغرفة..ماكان عندي مانع تكون معاي نوفي بس ايمان اصرت انها تكون معاها..
اذكر خالد قعد يضحك ويقول "الدنيا حظوظ انا انطرد من غرفتي وناس تاخذ غرفة لها لحالها!!"هههه..
بس بعد نوفي تزوجت وفضى الدور لنا انا وايمان وخالد وطلال كل واحد بغرفة) طبعاً البيت شارينه خوالي وخالاتي كلهم جمعوا واشتروه لما كان جدي الله يرحمه عايش لانه ماكان يشتغل..
ومازالو خوالي كل واحد منهم يعطي جدتي مصروف مع ان خالي خالد يصرف على اغراض البيت ويعطيها مصروف..
وايمان بعد تحط بمصروف البيت وتشتري اغراض للبيت احياناً كلهم مو مقصرين..كان يمشي لنا راتب من الشؤون الأجتماعية امي خلته مصروف لنا..
ومافي راتب من الشركة اللي اشتغل فيها ابوي الله يرحمه!!..وبعد خوالي كانوا يجمعون ويعطونها كل شهر 3آلاف (ماقصروا ربي يحفظهم لنا)..
وفي العيد لكل واحد منا 1500 غير العيديات 100 ريال من كل واحد (ببساطة اغرقونا بكرمهم..معنوياً بعد)..
يوووه انا شاللي ذكرني بهالغثا ولوعة الكبد!!
،هزت راسها تبعد هالأفكار ورجعت تطالع الغيوم ،
لندن مدينة الضباب!!هـه..احس هالمدينة تشبهني كثير كئيبة جداً عملية جداً روتينية جداً..
الناس كل يوم تلبس وتروح اشغالها وبيدها كوب قهوة مايضحكون ومايلعبون ومافي عندهم وقت دائماً..بعد هم يشبهوني..
لانهم كئيبي الوجوه مايبتسمون للغرباء مايحبون السوالف والضحك كثير يمشون لطريقهم ومايطالعون يمين او يسار..
بس في هالشي مايشبهوني هههه احب اتفرج عالناس كيف تعيش حياتها!!وأألف لهم مية قصة وقصة بناء على تصرفاتهم!!احس بفضول اتجاههم!!..
صحيح " من راقب الناس مات هماً" بس انا ماتنطبق عليّ هاذي المقولة لاني ماامل من مراقبتهم!!
،رجعت تطالع حولها الناس الماشية وعلى وجوههم نظرات جدية واغلبهم ماسك جوال ويتكلم فيه..واللي يركض مستعجل..
بالغلط طاحت عيونها على اثنين،
استغفر الله..يعني مافي مكان الا الشارع تعبرون فيه عن مشاعركم..الله يقرفكم..قلــة ادب والله
،وخرت عيونها بسرعة وارتباك وركضت لا ارادياً..تكره تشوف هالمناظر..
يمكن تقولون اشدعوى ماشافت افلام!!..البوسات اللي في الافلام تختلف وبعدين نص محطاتنا الحمدلله يقطعون..
البوسات اللي في الواقع تختلف لما تشوفون هالشي قدام عينكم!!..وقفت ركض وهي تلهث بعد ماحست بتعب وماقدرت تتحمل الركض اكثر..
الناس حولها تمشي مو مهتمة بأنها تطالعها حتى،
لو في السعودية كان الحين قالوا "اشفيها هالخبلة تراكض!!"حتى لو كان واحد يركض بالشارع بيقولون نفس الكلام..
إلا اذا كان يسوي رياضة ولابس لبس رياضي
،تفاجأت لما سمعت صوت...
: هاي،هـا يالخبلة شتسوين؟!
الرزان..التفت تطالع مصدر الصوت كان جاي من سيارة وقفت جنبها بالشارع وطلع صوتها همس:تــركي!!
تركي..ابتسم لما طالعت فيه مع انه ماسمعها واشر لها بأيده:هـاي،شلونج؟؟،تعالي اوصلج
الرزان..حست بخوف وبنفس الوقت استحقرته،
بكل ثقة يفكر اني بركب ببساطة واروح معاه صج بلاهة..وبنفس الوقت حقارة..والله خايفة وش بيصير لي من وراه
،وطنشته وعدلت نفسها وكملت طريقها..لكن هو مااستسلم وظل يمشي بالسيارة الدودج الحمرا جنبها..
عشر دقايق وفقدت اعصابها..
الرزان..التفت عليه:خير ايش المشكلة!!
تركي..بابتسامة:أي مشكلة؟!
الرزان:تدري انت المشكلة،لو سمحت تتركني بحالي مو ناقصتك
تركي..كان بيتكلم..فطنشته وبعدت ومشت بعيد عن جهة الشارع..بعد 5 دقايق كانت وسط الحرم الجامعي..
بدون ماتهتم اذا هو موجود وراها ولا لا كملت طريقها..راحت المكتبة وطالعت بساعتها،
الساعة 6 وثلث؟؟..قال مو بعيدة قال!!اوريك ياطلول..بس صج ماحسيت بالوقت ورجولي سليمة الحمدلله
،دخلت المكتبة رجعت الكتب اللي ماخذتهم من قبل واختارت كتبها اللي تحتاجهم وجلست على طاولة تطل على برا و في زاوية،
موقع ممتاز تماماً..للمذاكرة اقدر اراقب الناس اذا مليت ..وبنفس الوقت اكون بعيدة عن الازعاج
،ابتسمت وجلست...

[..الجـزء الرابـعــ ..]

قاعد بمكتبه..طالع بالملفات و الأوراق بكآبة،
يعني متى بطلع من المكتب على هالحالة!!اففففففف يالقرف..يعني ماخلصنا من المقابلات والمكالمات نجي لملفات واوراق!!..
من قالك يافارس تختار هالشغل من قالك
،ضرب راسه..وشد شعره الناعم،
حتى شعري طول وانا مو منتبه!!..متى طولت ياشعري وانا مادري؟؟متى؟؟..
يبي لي اروح اقصه بكرا
،طالع التقويم اللي قدامه،
اليوم الاربعاء..لا بكرا عندي اربع مقابلات ووعدت سديم اتغدا معاها..آآآآه ياعمري ياسديم ندري احنا مو لبعض لكن...
والله احبها وماقدر على فرقاها؟؟..يوه منج يالرزان ليه دخلتي هالفكرة براسي!!..انا ادري لو اقنعت امي بتقتنع..
لحظة..تلعب على نفسك يافارس وابوك يعني صـالح الـ..... يشوف ان أي وحدة ماتليق بمقامه ومقام العايلة..
كأنه هو اللي بيتزوجها!!..اقول خلك باوراقك يافارس احسن لك
،رجع لشغله..بعد ساعة انفتح باب المكتب..مااهتم يرفع راسه اكيد السكرتيرة...
:مسا الحب مسا العشق مسا الورد وجنونك..مساءٍ ولا يحلى حبيبي بدونك
فارس..اول شي استغرب من هاللي تغني وبعدين عرف الصوت رفع راسه وهو مبتسم:مسا الحب مسا العشق مسا اللهفة لشوفك ..مسا العطر اللي يشبه حبيبي حضورك،هلا وغلا باحلى سديم بهالدنيا شهالمفاجأة الحلوة حياتي؟!!
سديم..بابتسامة حطت الباقة اللي شايلتها بايده على مكتبه وجلست عالكنبة البعيدة:اشتقت لك ماقدرت اصبر لبكرا
فارس..ابتسم:ورد لي انا؟!،مو مفروض انا اللي اجيبلج ورد؟؟
سديم..ضحكت:انا دايماً غير تقليدية،ولا لسه ماتعرفني!!
فارس..قام من مكانه وهو يبتسم:اكيد اعرفج واعرف جنونج،بس احياناً تفاجأيني بقوة
سديم..باحلى ابتسامة:جبت لك الورد عشان تحطه في غرفتك
فارس..ضحك:غرفتي!!،عيوني حياتي انتي انا مااحط ورد بغرفتي
سديم:حتى لـو يكون مني؟؟
فارس..سوى نفسه يفكر:والله مادري يمكن تصير!!،بس خليني احطه بالمكتب احسن،تعالي شلون دخلتج سارة بدون ماتقولي؟!!
سديم:قلتلها زيارة خاصة ومفاجئة،فتحت فمها بالأول بس بعدين قالت تفضلي
فارس..ضحك:لا والله حركات زيارة خاصة!!ههههههههههههه..رجع للمكتب وكلم السكرتيرة تجي ورجع جلس قدام سديم..
بخليها تاخذ الورد تحطه بفازا وتجيبه..اندق الباب..تفضلي سارة ..دخلت السكرتيرة بأدب..
شوفي الباقة اللي على المكتب خذيها وحطيها بفازا وحطي لها ماي
سارة..توجهت للمكتب:ان شاء الله استاذ،أي شي ثاني؟؟
فارس..التفت على سديم:تبين تشربين شي حبيبتي؟؟
سديم..بالابتسامة المعتادة:أي والله حبيبي عطشانة موت،وأي شي منك حلو
فارس..ابتسم وغمز لها:تامرين امر حياتي،سارة جيبي لي القهوة المعتادة و للآنسة عصير توت خفيف
..وجه كلامه لسديم.. زين ولا لا حياتي؟؟
سديم:كل شي منك حلو حبيبي
فارس:تسلمين حياتي..رجع يكلم سارة..خلاص كذا وبسرعة لو سمحتي
سارة..تحركت وهي تتحلطم:على امرك استاذ
وهي تسكر الباب طالعت فيهم ،
رجعنا للمصخرة يااستاذ فارس!!
،وسكرت الباب وراها بقوة..راحت تحط الورد بفازا وهي تصب له ماي،
يعني ظنيت اننا خلصنا من هالسوالف قبل ثلاث سنين!!..لكن تجي وحدة جديدة..متى بتتزوج وتفكنا ياخي..
الا انا وش عليّ منه ان شاء الله يحب مليون ويصاحب مليون وحدة.. عليّ من شغلي وبس
،وهي راجعة للمكتب بالفازا سمعت الضحك وهزت راسها بأسف..كان فارس جالس يضحك على سوالف سديم واللي سوته هي والرزان في استاذهم..
فارس..وهو يضحك:من صجج!!،مااتخيل الرزان تسوي كذا
سديم..وهي تضحك معاه:اجل ماتعرفها ماعندها في احد،بس من صج وصلت حدها منه،عاد انا ماصدقت طلبت مساعدتي
فارس:غلطانة،مابغت الا انتي المجنونة تطلب مساعدتج!!
سديم..بوزت:لا والله،تراك مصختها،مجنونة مجنونة اربع وعشرين ساعة!!
فارس..ابتسم ابتسامة غريبة:اكيد مجنونة،مجنونة بحبي
سديم..ابتسمت غصباً عنها:ياربي منك دايماً تسكتني
فارس..مسك ايدها:ماعاش من يسكتج ياعمري،تكلمي زي ماتبين
سديم..ابتسمت بحيا:نسيتني وش كنت باقول
فارس..ضحك:بكــش على قولة غادة
سديم ضحكت..وقاطعهم دق الباب..
فارس:تفضلي سارة
انفتح الباب بهدوء..
:ســـديم!!فـــارس!!
فارس..التفت:هنـادي!!،هلا والله شهالمفاجأات اللي تهل اليوم!!
هنادي..ابتسمت وهي بداخلها متضايقة:هلا فيك،أبداً والله بس كنت جايبة لك العشا..ورفعت الكيس اللي بيدها..
كنا انا والرزان رايحين نجيب لنا عشا وخذت لك معانا لانك قلت بتتأخر وقلت بطريقي امر اعطيك اياه
فارس:ياحظي فيج والله يااختي
هنادي..ابتسمت بدون نفس:هــه،تفضل..حطت الكيس على اقرب طاولة جنبها..
بالعافية على قلبك..وقالتها بمعنى..تصبح على خير،نشوفك على خير سديم
سديم..ابتسمت لها:على خيـر ان شاء الله
فارس:تسلمين يااحلى اخت بالدنيا،وتصبحين على خير
هنادي..طلعت بدون ولا كلمة زيادة والتقت بسارة:اهلين سارة،شخبارج؟؟
سارة..ابتسمت لها:هلا والله بهنادي!!،بخير الحمدلله،وانتي؟؟
هنادي:تمام،اقولج سديم تجي كثير المكتب
سارة..استغربت:لا،اول مرة اشوفها اليوم،تعرفينها!!
هنادي:ياليتني ماعرفها،مشكورة،يـلا نشوفك
سارة هزت لها راسها..وهنادي راحت للمصعد بصمت وتفكير،
ماني فاهمتكم انتوا الاثنين!! ..درينا تحبون بعض لكن شالنهاية؟؟..
يمكن تلعبون على بعض!!يمكن تتسلون!!..بس انت ياخوي غبي أي غبي..وانتي ياسديم الهبلة اغبى واغبى..ياربي في حل للي جالس يصير ولا مافي حل!!..
اقول لأمي فارس يحب وحدة ماتنفع له وهي تتصرف؟!!ولا انتظر يعقل ويستوعب ان علاقتهم غلط وارتباطهم مستحيل؟!!..بس
،وصل المصعد للطابق الأرضي،
تدرون شلون مالي خص فيهم..بالطقاق اللي يطقهم..يتحملون مسؤولية اللي يسوونه
،طلعت لسيارتها البورش الزرقا ركض ..ركبت السيارة..
الرزان:تجمدت من البرد،ليش طولتي؟؟
هنادي:أبداً،شفت الآنسة سديم بمكتب اخوي
الرزان..انصدمت واستغربت:وش جابها؟!،معقولة هالبنت ماصارت تفكر كلش!!،صج هبلة وغبية واكبر حمارة!!
هنادي..مشت:اللوم مو عليها على الحمار الكبير اللي معلقها فيها،صدقيني هو يقدر ينهي كل شي ،بيده يسويها بس لسه ساكت!!
الرزان:اثنينهم اغبى من بعض
وسكتوا..كل وحدة تفكر بشي،
ليش تسوين كذا ياسديم!!بعد مادريتي مافي امل!!بعد مادريتي نهاية هالحب وشو!!..
طيب وش تنتظرين منه بالضبط؟؟..ماظنج توصلين لدرجة انج.....
لالا انا متأكدة ماتسوينها..بس شالهدف كلام الحب الفاضي والسخيف!!..ولا الحب ذات نفسه!!..
والله انج اكبر مراهقة شفتها بحياتي!!
،طلعت سديم بعد ساعة قعدتها في مكتب فارس بين السوالف..وتعشوا مع بعض من العشا اللي جابته هنادي >> لو درت ذبحتهم<<..
وهو رجع يكمل شغله.. وبعد ..فترة زمنية مو قصيرة.. وقف وطالع بساعته،
افففف الساعة 12 الا ربع وانا لسه ماخلصت.. سارة طلعت من الساعة 9 واكيد المكاتب كلها فاضية..من قالك يافارس من قالك..متى اصير سفير وافتك من هالهم!!
،رجع يكمل شغله بعد ماشرب كوب القهوة اللي ممكن يكون العشرين في هاليوم!!..
الرزان كانت جالسة تسوي الــhomework اللي عليها وتحضر وتقرا وعفسة الكتب حولها..وبآذانها سماعة الآيبود لكنها بعالم ثاني بعيد عن كل هذا،
فديتك ياخالي..احلى هدية بحياتي هي هالآيبود اللي منك..لا وpink بعد غصب اصير بنت يعني!!هههه..بس احلى هدية والله..يعني اقدر اشوف فيه صوركم اللي رازها لي!!..واسمع فيها الاغاني اللي تحبونها عشان اتذكركم!!..بكل ثانية وبكل دقيقة معاي ياخلود
،رجعت لمكانها لما جات اغنية "مشتاق لك موت" لـ أحمد الهرمي..
هاذي اهداء خالد لها دائماً يسمعها اياها و يلوع كبدها فيها..
الرزان..ابتسمت وجلست تغني:مشتاق لك موت ياللي طول غيابك**ذبحني الشوق وانت عني مو داري،اتذكرك كل يوم واموت واحيا بك**واقول وينك تجي تسأل عن اخباري،مشتاق لك موت والله عود ياعمري يالله كل عمري فدالك**ارجوك ياحب غالي عود مالك بدا لي وانا مالي بدالك...
:ياعيني ياعيني!!،ماابغى احطمك بس والله صوتك مو حلو
الرزان..شافت غادة واقفة على باب غرفتها فشالت السماعة:هلا وش قلتي؟؟
غادة..ضحكت:تبغي تفهميني انك ماسمعتيني!!،طيب مو مشكلة،كنت باقول ان صوتك مو حلو
الرزان..ابتسمت:وانا ماطلبت رايج،بغيتي شي مهم ولا مع السلامة لاني مشغولة
غادة..حطت يدها على قلبها:بتطرديني!!،طيب طيب انا حـ وريكي،بس برضو كنت ابغاك تساعديني بالـmathmatics لاني مافهمت شي اليوم
الرزان..طفت الآيبود وشالت السماعات:امري للـه،تعالي انثبري عشان اشرح لج
غادة:والله لولا اني محتاجتك كنتي شفتي حاجة تانية يادبــة
الرزان:شوفي ترا والله اهون ومااشرح لج
غادة..جلست قدامها:خـلاص سكتنا
وحطت يدها على فمها..الرزان ابتسمت وقعدت تشرح لها...

[..الجـزء الخـامسـ ..]

قاعدة بالمقهى تطالع فيها..مرة تطالع بساعتها ومرة تطالع بالباب!!..ابتسمت،
اكيد تنتظر احد ولا ماراح تطالع بالساعة كل ثانية تمر وبالباب كل مادخل احد!!..انا ما امل الانتظار عادي عندي بس هي شكلها مرتبكة..ويمكن مشتاقة بعد عشان كذا ملت الانتظار..ان شاء الله يوصل اللي تنتظره بسرعة احس اعصابي احترقت وانا انتظر معاها..هههه وانتي وش دخلج يارزون !!خلج بحالج،..
:من راقب الناس مات همـاً
الرزان..تفاجأت وهي تراقب بذيك البنت فالتفتت لمصدر الصوت:فارس!!اهلين
فارس..ابتسم وجلس قدامها:صباح الخير،وش مطلعك بدري اليوم السبت؟؟
الرزان:دائماً اصحى بدري واطلع امشي بعدين اروح افطر،تعودت
فارس:خوش عادة!!
الرزان:وانت!!وينك اسبوع ماحد يشوفك؟؟،وقاط اختك بعد عندنا!!
فارس:ماقالت لكم هنادي!!،كنت بالسعودية
الرزان:قالت لي سديم ،الحمدلله عالسلامة،متى رجعت؟؟
فارس:الله يسلمج،توني امس
الرزان..رجعت التفتت على البنت اللي تنتظر:اهـا
فارس:ليش تراقبينها؟!
الرزان:بس كذا
فارس:وش فهمتي من سالفتها!
الرزان..ابتسمت لأول مرة من شافها:جالسة تنتظر احد مشتاقة له موت
فارس..ضحك:وشلون عرفتي؟
الرزان..هزت كتوفها:مادري،بس شي طبيعي لانها تطالع بالساعة كل ثانية وتطالع بالباب كل ماحد دخل
فارس..هز راسه وضحك:والله غريبة،طيب وانتي ماتنتظرين احد؟
الرزان..(شالقصد يافارس؟!) بدون ماتلتفت له:لا،ليش؟
فارس:ممكن يفسر جلوسك كذا بانك تنتظرين احد
الرزان..طنشته:جلوسي عادي ومو مستغرب
فارس:البنات نايمين!!
الرزان:اذا تقصد سديم فـ أي نعم نايمين
فارس..ابتسم:تفهمينها وهي طايرة يعني!!
الرزان:واضح من السؤال،رجاءً اذا ماعندك سالفة مع السلامة
فارس:طردة يعني!!
الرزان..التفتت عليه:مالي خلق الناس ابداً،عشان كذا دائماً افضل الوحدة
فارس..ابتسم:ماتملين!!
الرزان..رجعت للي تراقبها:أبــداً،الناس عندي ترف مستغنى عنه
فارس..بابتسامة غريبة:You are so creepy!!
الرزان..ماهتمت الا ان اللي تراقبه وقفت:وقفت وقفت
فارس..تحمس فجأة والتفت يطالع ورجع جلس:وصل يعني!!
الرزان..طالعت مكان ماتطالع هذيك:أي هذاك اللي واقف عند الباب مو منتبه لها
فارس..التفت وشافه:أي شفته،بتبوسه ولا بتضمه ولا ايش!!
الرزان..طلعت منه الا ارادياً:هذا حبيبها اكيد بتبوسه..ولما فعلاً وصلت البنت للي تنتظره ضمته و التفت الرزان بسرعة..يـو مالي خلقهم صج..قامت بدون اهتمام لفارس وشالت شنطتها والجاكت حقها..يـلا نشوفك على خير
فارس..كان مخه يشتغل بسرعة ومستغرب:وين!!،اذا تبين ممكن اوصلج
الرزان:لاشكراً،احب امشـي براحتي،مع السلامة
فارس..ماعطته فرصة فاستسلم:مع السلامة
مشت وطلعت وهو يطالعها مستغرب..نادوا على رقمه فتحرك وسط الزحمة ياخذ طلبه..وطلع وهو يفكر،
هالبنت احياناً احسها مو صاحية!!..يعني شلون اجزمت ان ذاك حبيب البنت!!شلون عرفت انها بتبوسه!!..ولا قالتها بدون ماتهتم!!غريبة جداً..هنادي تهزأ اذا سمعتني اقول كذا.. بس الغريب لما حست بالقرف "يو مالي خلقهم صج!!" نفهم انها تستحي تطالع لكن تحس بقرف!!..هاذي البنت ببساطة من اغرب واكثر الناس كآبة شفتهم بحياتي..كأن فيها حزن كبر الدنيا كلها..وكأن الدنيا بكبرها والعالم مايهمونها بشي
،تذكر مشكلته فجأة ونساها ونسى غرابتها ..من اسبوع رجع فجأة للسعودية بعد اتصال من ابوه..عرفوا بطريقة ما عن سديم..
ما كانوا يهتمون بعلاقاته السابقة!!..لكن هالمرة كان الكل يعرف عنها ويقولون يحبها يعني ممكن يفكر يتزوجها..
فعصب ابوه.."مو كافي ماتزوجت مع انك بالثلاثين!!بعد ناوي تتزوج وحدة ماتليق بمقامنا" تذكر كلام ابوه..
"تركنا لك الحرية بأنك تعيش حياتك،ماحاسبناك لماسمعنا انك مشيت مع فلانة وفلانة وطلعت مع فلانة وفلانة"..
فتح ابوه ماضي وانتهى بحياته هو..لكن على مايبدو ماانتهى بالنسبة لأبوه ولغيره..
هوعاش معظم حياته برا من بعد ماخلص دراسته في جامعة هارفرد الامريكية(تخصص:علوم سياسية..درجة الماجستير في الدبلوماسية)..
وتوظف في وزارة الخارجية وهو من بلد لبلد وسكن بلندن قبل اربع سنوات بس..وقبلها كان سنة في (بروكسل – بلجيكا) وقبلها سنة في (بكين - الصين)..
والبداية كانت سنتين في (سيدني – استراليا)..تخرج وعمره 23 سنة..توظف في الوزارة شهور وبعدين ارسلوه للسفارة السعودية في استراليا واستمر من سفارة لسفارة..
شي اكيد كان صغير وابتدى يحب ويطلع مع وحدة ورا الثانية مايستقر مع وحدة لأكثر من خمس شهور!!>>بس في امر زين بالسالفة..كانت علاقاته بريئة<< الا وحدة غلط فيها غلطة عمره وندم عليها وكانت قبل ثلاث سنوات وانتهت بسرعة مثل مابدت>> شهر واحد بس استمرت<<..
لما اعجب بــ سديم حسها بتكون الأخيرة المختلفة مافكر بالأول بأبوه بالعايلة ومقامها السامي وبمستواها العالي >>سخــافــة وتفــاهــة<<..
لكن استوعب بعد فترة من هي ومن هو وصارحها هي مااهتمت وهو مااهتم لأنه يحبها >> زي مايظن!!<<..فجأة سمع صوت احد يدق نافذة السيارة..
التفت شاف "الغريبة" فتح النافذة:هـلا؟!
الرزان:ماعليك امر،كم التاريخ اليوم؟
فارس..استغرب:ماعندج جوال؟؟
الرزان:لا نسيته بالشقة
فارس..انصدم:ناسية جوالج بالشقة يالخبلة!!،لا انتي اليوم اكدتي لي انج مو صاحية!!
الرزان..عبست:يمـا اكلتني،وبعدين الشقة في اللـفـة وتبعد خطوات مو بعيدة،المهم كم التاريخ؟
فارس:لحظة،أي شقة اللي هنا؟؟
الرزان:يووه علينا،انا في شقة اخوي من يومين تعبان ومزكوم وصديقه خالد زي قلته مشغول دائماً فقلت ابقعد معاه،خلصنا تحقيق!!،الحين كم التاريخ؟
فارس..ابتسم:سلامته،ليش مصرة تعرفين التاريخ؟!
الرزان:الله يسلمك،ومصرة اتأكد ياخي قول وفكني ذليتني حشى!!
فارس..فتح جواله:اليوم 13/12/2008،يوه احنا بشهر ديسمبر توني انتبه يعني اجازتنا قريب!!
الرزان..تغير وجهها:شكرأ
التفت وراحت..
فارس..انتبه لوجهها و نزل بسرعة:وين؟؟،الرزان اشفيج؟؟،رزااان ماتسمعين؟!
الرزان..انتبهت ولفت:هـلا!
فارس..استغرب منها اكثر:اشفيج؟؟
الرزان..هزت راسها وبلعت ريقها:لا ولاشي
فارس:لا شكلج فيج شي وشي بعد!!
الرزان..كانت بدنيا ثانية:لا ولاشي،يـلا مع السلامة
وراحت تمشي وطنشت فارس اللي يناديها..فجأة صارت تركض باتجاه الشقة..ماتبي تكون برا بهاليوم ممكن تصير مصيبة لها ممكن تصير كارثة،
الله ياخذني ليش طلعت بدون مااشوف التاريخ ليش..رزون يالحمارة يالغبية ياللي مادري شقول
،حست بيد قوية توقفها وتسحبها فارتجفت ووقف شعر جسمها،
قلت بيصير لج شي يالحمارة..فقعدي صيحي العمر كله نتيجة تهورج وغباءج
،التفتت تطالع بصاحب اليد القوية..
وتنفست بقوة:الله يقطعك يافارس ،بغى قلبي يوقف
فارس..تركها:انتي مجنونة!!مو صاحية!!،اشفيج تركضين مثل المصروعة!!
الرزان..غصباً عنها ابتسمت:مصروعة!!،هـهـه والله ذكرتني بأمي ودوم تذكرني بأمي!!
فارس..طنش كلامها الأهبل:اشصاير؟؟
الرزان:أبداً بس اهرب عشان اتخبى واختفي بعيد عن الكوارث اللي ممكن تصير اليوم
فارس..استغرب:ليـش!! وش اليوم؟؟
الرزان:اليوم عيد ميلادي،يوم المصايب العالمي 13/12
فارس..استغرب اكثر واكثر:وشو؟؟،ياربي ليتج تكونين طبيعية مرة وحدة بحياتج
الرزان:ماقدر ربي خلقني كذا،مو طبيعية مو مؤهلة للعيش بشكل طبيعي،ومنحوسة بهاليوم بشدة
فارس:شاللي عطاج هالفكرة!!
الرزان:السنة الماضية انكسرت رجلي،وقبلها مات جدي ابو امي،وقبلها صار لي حادث،وقبلها طاح فوقي دولاب،وقبلها ولد جيرانا وصديق الطفولة صار له حادث،وقبلها ابوي توفى،وقبلها ابتدى الحظ العاثر لما جات لأبوي جلطة بالقلب...
ضاع صوتها في زحمة الألآم..
فارس ..كان مصدوم مو قادر يتكلم او يفكر (ليـش!!..ليش هالحظ العاثر اللي يلاحقج بعيد ميلادج!!):بعد تفكير،اشوف المشكلة مش متعلقة بيوم عيد ميلادج ولا انج منحوسة،هي حوادث صارت ممكن تصير بأي يوم في السنة
الرزان:لاتتعب نفسك،انا بلحق على اخوي لايصير فيه شي وعلى عمري بعد لا يجيني شي مني مناك
فارس:ممكن اروح معاج..ابتسم..احميج لايصير لج شي
الرزان..كانت حابسة دمعة:لاتتعب نفسك،اقدر احمي نفسي
فارس:مافيها تعب،تعالي اركبي معاي عشان اوقف السيارة عند العمارة اللي فيها الشقة
الرزان..ترددت:طـيب،امري لله
راحوا وركبوا السيارة وراح عند العمارة المقصودة..
الرزان..اشرت له:لف مناك،مواقف السيارات تحت
فارس..ابتسم:كالعادة،بعدين عرفت العمارة صديقي لما كان يدرس هنا سكن هنا بعد
الرزان:صديق ولا صديقة!!
فارس..طالع فيها:ليش قالولج ماعرف الا بنات!!،صديق تطمني
الرزان:مايهمني،بس..مسكت لسانها..ولا بلاش خلينا حلوين
فارس..ابتسم:وخلينا عاقلين،لاينقلب اليوم منحوس ها!!
الرزان:امــزح بكيفك،مايهمني
وقف السيارة ونزلوا..بالمصعد ضغطت الطابق الـ20..سرحت بعيد،
يارب احميني..يارب لا اسألك رد القضاء لكن اسألك اللطف فيه..يارب يارب والله مافيني اتحمل زيادة..تعبت وقلبي صار ميت من الصدمات من الألآم من الجروح..يارب...
،سكتت ومسكت يد فارس بقوة لما وقف المصعد فجأة!!..طالعوا ببعض..هو مستغرب وهي بعيونها شي ثاني..
فارس:معقولة!!
الرزان..شالت يدها بسرعة وهي تتألم من داخل:الحمدلله الحمدلله الحمدلله ،هذا ولا شي ثاني
فارس..طالعها لما فكت يدها:من صجج!!،ممكن نختنق بهالمصعد
الرزان..استجمعت نفسها:لا ،الصيانة موجودة اليوم سبـت ويجون يشيكون على المبنى كامل
فارس:غريب عندنا يجون الأحد!!
الرزان..(الله يقطعهم هم ومصاعدهم..مادري ليش ماعندهم درج!!):عندنا يجون السبت شسويلهم!!
فارس..جلس:اقول ياليتني شلت اكلي معاي،جوعـــان
الرزان..طلعت من شنطتها عصير وشوكلت:تفضل،اذا ماتقدر تنتظر 10 دقايق!!
فارس..اخذهم:بمـوت،شكراً
الرزان مااهتمت وسرحت بعالمها ،
لحظة يعني هذا ممكن يكون كل شي!!..طلال نبهني ان السبت المصعد احياناً يعلق 10 دقايق ويرجع عادي...،
فارس..قاطع افكارها:بتظلين واقفة!!
الرزان:اريح من الجلسة بهالتنورة الغبية،شاللي خلاني اطلع فيها!!
فارس..ضحك:جلسي بالطريقة اللي تريحج،بس لاتوقفين فوق راسي بهالطريقة
الرزان..تضايقت:مابي اجلس،ولا تتكلم في الموضوع اكثر
افففف من هالحالة..اكره انحط بمواقف مع رجال >> ذكور<<..شاللي خلاني البس هالتنورة اليوم..يعني يارزون الغبية تفتحين الدولاب ماتشوفين الا التنورة الجينز الفاتحة اللي فوق الكعب وتمسكين فيها!! ..ليش ماتراجعتي ليش ماشفتي البنطلون الكحلي الكاروهات اللي صار له اسبوع يترجاج تلبسينه!!..غبية غبية وتستاهلين اللي يصير لج..لا لا ماستاهل يصير هالشي بالذات لي..كفاني تركي اللي ملوع كبدي بتعليقاته..شاللي محببه فيني مادري..لاني جميلة مثل صديقته اللي تجنن قليلة عليها..ولاني من نوعيته حتى!!
،الرزان مو جميلة جميلة..ملامحها عادية لكن جذابة بطريقتها >> بس ماتقدرون تقولون جميلة!!<<..لها خشم عادي لاكبير لاصغير ولا مفلطح ولا سلة سيف على قولتهم..
لها وجه بيضاوي وبيضا بيضا مرة وخدودها احياناً تكون موردة طبيعي..بس عظام وجنتها بارز ولها خدود مع انها ضعيفة!!..شفايفها كبيرة شوي ومليانة ولها لون وردي زي التوت و غريب..
عيونها هي احلى شي في وجهها يمكن >> بعد شفايفها<< لاهي كبيرة ولاهي صغيرة بس رموشها طويلة وكثيرة كأنها حاطة كحل أو مسكرا!!..
وحواجبها كثيفة سودا وعريضة شوي بس بشكل حلو..تشبه حواجب الممثلة آنا هاثاواي>> في حواجب كثيفة وعريضة بشكل مقرف او بشكل غبي<<..كان لها هالات سوداء فظيعة لكن تخلصت منها في السنة التحضيرية قبل لاتجي لندن>>بذيك السنة اشتغلت على عمرها من قلب..
حطت كريمات عشان الحبوب اللي بوجهها واختفت الحبوب وآثارها..حطت كريمات للهالات السوداء حول عيونها وراحت..
و ماننسى شعرها الكشة..سابقاً..كانت الشعرة ناعمة صح لكن ملتفة ومكشوشة بعد!!..لكن بعد الخلطات صار انعم وكيرلي بس بطريقة حلوة "مثل الويفي اللي يسوونه الممثلات والمغنيات" وطايح ماهو مكشوش ولا شي<<..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-01-2010, 05:46 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


كانت تكره شعرها يصير طويل ظلت سنين كل مرة تقصه وتقصه وتقصه بحيث مايتعدى تحت رقبتها الطويلة لكن السنة الماضية خلته فجأة و رحمته ووصل الى تحت كتوفها بشوي.. والحلو فيه اسود وله لمعة مميزة >> ماشاء الله..لايطيح من عيوني<< ..نروح لجسمها النحيف لكن بأناقة..
تعبت على جسمها بالرياضة بعد ماخففت وزنها >> مازلت تمشي بالبارك القريب من شقتهم..
كل يوم قبل الدوام بساعة تمشي لمدة 45 دقيقة<< واشتغلوا هي وريما ومعاهم نورة السنة الماضية يتبادلون خلطات للجسم و كل وحدة عدلت اللي تبي تعدله >> لإرضاء نفسها..عشان تتعلم كيف تحب نفسها..
بعد ماحصلت على الجسم المثالي اللي تتمناه أي وحدة<<..لكن للأسف هالشي ماخلاها تحب نفسها اكثر لانها مازالت تكره انوثتها وتحاول تخفيها بكل الطرق..
رجعت لواقعها بعد ماكانت تفكر باللي كانت تسويه السنة الماضية عشان تحصل على الجسم المثالي اللي لقته،
مادري ليه سويت كذا!!..يعني زواج مستحيل مستحيل اتزوج.. وانوثتي اكرهها من كل قلبي..والرضى عن نفسي ماحصلته ابد بعد شهور من التعب!!..ليش تعبت نفسي عالفاضي!!
،التفتت على فارس اللي كان ماسك جواله ويكتب رسالة الظاهر..
:كم مر!!
فارس:الساعة 10 ونص،واحنا طلعنا من السيارة 10 الا خمس
الرزان:تقصد انه مضى اكثر من 10 دقايق!!
فارس:بالضبــط
الرزان..تذكرت فجأة:يووه على غبائي،نسيت ادق عليهم
فتحت الصندوق اللي بالمصعد وشالت السماعة وكلمت..مر الوقت ثقيل وهي بتتكسر رجولها..
و فارس انقهر لأن شحن جواله خلص بعد ماكان يكتب رسالة وهو مو منتبه للشحن..كل واحد منهم يطالع ساعته..صارت 11 الا ربع!!
فارس..قام:والله ماصارت انا بديت اختنق،احس الهوا بيخلص واحنا هنا من...
الرزان..حسبت الوقت وقاطعته:من 40 دقيقة بالضبط
فارس..طالعها:لاحول ولاقوة الا بالله،طيب متى نطلع!!
الرزان:قالو ان المصعد فيه عطل نص ساعة وتنتهي المشكلة،ان شاء الله يكونون صادقين وبعد 15 دقيقة نطلع لاني ماقدر اتحمل اكثر وبتكسر
فارس..ضحك وسط قهره:قعدي من ماسكج!!
الرزان..غمضت عيونها:كرامــتــي
فارس..ضحك:الله يعينج عليها
الرزان..تجاهلته:15 دقيقة يارب هونــها وتهــون
فارس:أي والله
الرزان طلعت الآيبود حقها من الشنطة..شغلته وقعدت تتفرج على الصور..
فارس:ياكشخة I-pod touch ولا pink بعد!!
الرزان:هدية من خالي لما جيت اسافر،ولونه اسود اساساً بس خالي عمداً دور له pink cover يعنني انتي بنت خلج زي باقي البنات
فارس..ابتسم:غلطان خالج،مايدري انج مو ممكن تكونين مثل باقي البنات أبداً،بس كشخة الهدية
الرزان..طالعت فيه باستغراب (شلون عرفت اني مو ممكن اكون مثل باقي البنات أبداً!!):حاولت اقنعه اني مو مثل باقي البنات،بس فضلت احتفظ في الهدية مثل ماهي لانها منه ببساطة
فارس:مابتسمعينا شي؟
الرزان..شغلت الأغاني وعطته سماعة وخذت سماعة:خليني اوريك بعض الصور اللي حطها..فتحت على صورة لها ولخالد في البر..هذا خالي خالد اصغر واحد بين خوالي واقرب واحد لي..بعدت شوي وهي تحوس في الصور على صورة لأبوها..اوه هاذي صورة أبوي الله يرحمه
فارس..طالعها وطالع الصورة:تشبهين خالج اكثر مما تشبهين ابوج!!
الرزان..ابتسمت:في عيلتنا ماحد يشبه احد،بس انا فيني لمحة من امي وخالد
فارس..ابتسم:خالد!!،تمونين ها!
الرزان:بقـوة..ورجعت تحوس بالصور لقت صورة لأخوانها مع ابوها..هاذي صورة قديمة لها 10 او 11 سنة..واشرت عليهم واحد واحد..هذا ابوي طبعاً وهذا اخوي الكبير عادل وهذا اخوي احمد وهذا طلال واللي مرتز هنا زوج اختي الكبيرة عليا نواف و هالصورة ماخذينها بالعرس
فارس..ابتسم:مامرة تكلمتي عن بقية اخوانج!!
الرزان..طالعت فيه:يفترض اقولك انت ليش؟!
فارس..ضحك:مقبـولة منج،يعني الحين ماورانا شي كلميني عنهم
الرزان:طيب انت قول،هنادي تقول عايلتكم كبيرة!!
فارس:هي كبيرة كبيرة..ابتعد واستند على الجدار اللي مقابلها..الله يسلمج عندنا صالح عبداللطيف الـ.... ابوي وحرمه المصون منيرة أحمد الـ..... وأكبر عيالهم خالد 34سنة متزوج وعنده ثلاث اولاد وبنت وحدة بس وبعدين في زياد 33سنة متزوج بعد وعنده بنت وولد،بعدين طال عمرج اجي انا عاد واكسر القاعدة وبعدي مناهل الرجة 29سنة وشي اكيد متزوجة ولها من البنون اثنان والبنات واحدة هههههههههه،المهم بعدين أمل 27سنة متزوجة وعندها بنت وحدة وبعدين الدكتورة دلال 25 سنة لسه تدرس وماتفكر تتزوج الا بعد عمر طويل على قولتها،بعدين عاد الاهبل المرجوج عبود عبدالله 22سنة ومتزوج ياللصدمة وعنده ولد عمره سنة وبالأخير دلوعة ابوها هنادي،الحمد لله خلصت تفضلي انتي
الرزان..ابتسمت:ماشاء الله 8 بس على مبالغات هنادي فكرتكم 10!!
فارس..ضحك:بسبب عيال اخواني تحس اننا اكثر،يـلا وانتي!
الرزان:احنا 6 بدون امي اكيد،اكبر واحد عادل 29سنة متزوج وعنده ولد وبعدين علياء27سنة متزوجة وعندها ولدين وبنت واحد منهم اسمه فارس تصور!
فارس..ابتسم:احم احم،اكيد هذا احلى واحد واكشخ واحد
الرزان..ابتسمت:والله اذا على الحلا هو احلى واحد في بزارين العايلة بعد اخته غرام،بس هو اللي دمه خفيف وكتكوت،والأهم الوحيد اللي ابلعه من البزارين
فارس:نادر تبلعين احد الظاهر!!،يـلا كملي
الرزان:ايه من باقي،أحمد25سنة متزوج وعنده بنت وولد وبعده نوف23 سنة متزوجة وعندها بنت،ويجيك بعدين طلال21سنة وبعدين انا بالأخير وعمري كمل اليوم 19 سنة
فارس:19 بس!!؟،مو مفروض تكملين 20!!
الرزان:عـاد ربك شتسوي!
فارس..ابتسم:العمر كله ان شاء الله
الرزان:لا مابي يكفيني الى الأربعين
فارس..انصدم:استغفر الله،شتقولين انتي استخفيتي!!
الرزان:جد والله مافيني اعيش اكثر
فارس..التفت عنها:انتــي!!..تراجع عن اللي كان بيقوله بعد تفكير..مـامـنج امل!!
الرزان:احـســن
فارس..ظل ساكت (هاذي خبلة صج!!..قال يكفيني الى الأربعين قال!!..لهالدرجة ماتبين الحياة!! ماتبين تعيشين يا...لحظة اسمها ايش يعني؟؟):ايش يعني اسمج؟؟
الرزان:مثل رزان،الرزانة والعقل
فارس..باستهزاء:عاد انتي ام الرزانة والعقل،طيب ليش الرزان مو رزان!!
الرزان:ابوي حب يخليه فخم..بمصخرة..عشان يناسب مقامي الرفيع
فارس..ابتسم:ليش تصغرين من حجمج!!وتستهينين بنفسج!!
الرزان:انا مااستهين بنفسي ولا اصغرها بس هذا الواقع،الوليد بن طلال يليق عليه فخامة الـ التعريف لكن انا!!
فارس..(يعني انتي ولا شي بنظر نفسج!!..غريبة وغريبة جداً بعد):طيب ينادونج الرزان ولا رزان؟!
الرزان:طبعاً الرزان،لما احد يناديني رزان ما ارد عليه لان مو هذا اسمي
فارس:ياسلام!!تناقضين نفسج احياناً ترفعين نفسج واحياناً تنزلينها!!
الرزان:مايهم هذا مايغير واقع ان اسمي الرزان مو رزان!!
فارس:بس كأنه ثقيل بالنطق الرزان
الرزان:ثقيل مو ثقيل هذا هو وماراح يتغير عشان يكون خفيف على لسانك!!
فارس..ضحك:آسفين عمتي غلطنا بحقج،بس بالنهاية الاسم فخم وحلو
الرزان:مابي افشلك واقول ماطلبت رايك
فارس..رجع يضحك:قلتيها وخلصتي
سكتت وماردت عليه وهي تطالع بساعتها كل شوي..وأخيراً تحرك المصعد..
الرزان:Finlly thanks god
فارس بس ابتسم،
احياناً تكونين عفوية بطريقة ماتقدرين تمنعينها..بالرغم من حالة الحزن والكآبة الدائمة اللي انتي فيها
،..وصلوا للدور الـ 20 ونزلت ركض..
فارس..ضحك:مستعجلة لهالدرجة!!
الرزان..وهي تفتح باب الشقة:والله ماصدقت انزل،ابد ماراح اركب مصاعد مرة ثانية انا كنت متعقدة منها الحين تعقدت اكثر،بغيت اموت بهالكتمة!
فارس..وهو يضحك:زين مامتنا،لاني صراحة ماودي اموت مع وحدج مثلج ابداً
الرزان..ابتسمت:يعني ممكن تحب تموت لو كانت وحدة حلوة ومن النوع اللي ببالك
فارس..ضحك:اكيـد ليش لا
الرزان..دخلت قطت المفاتيح على طاولة جنب الباب ووراها الشنطة وفصخت الجاكت حقها:صج فراغة،يعني انتوا عليكم مخ فاضي مادري شلونـ..لما لفت تفاجأت باللي واقف بالصالة وتوها انتبهت له!!..عــ،عــزيز!!
شملها بنظرته من رجولها لراسها..من البوت الرياضي الكحلي حق converse اللي يغطي الكعب والتنورة الجينز الفاتحة اللي فوق الكعب والكنزة الصوفية الرمادية وعليها معينات كحلية وخطوط حمرا وتحتها قميص ابيض الى الحجاب الكحلي والوجه الصافي الخالي من المكياج..
عبدالعزيز..(تغيرتي كثير يالرزان..محلوة.. وبالتنورة صايرة غير عن آخر مرة شفتج فيها بالجينز..اشتقت لج بكل مافيج اشتقت لج):الـرزان،كل عام وانتي بخير
الرزان..تنرفزت(كيف يتجرأ ويجي هنا!!كيف يسمح لنفسه!!والله كل يوم تطيح من عيني اكثر يااستاذ عزيز):من زمان خلص العيد..التفتت على فارس..حياك ادخل،هذا عبدالعزيز..التفتت على عبدالعزيز..شقول!!خطيبي السابق..رفعت حاجب..بس لا اظن لو اقول نكرة احسن
عبدالعزيز:ماله داعي هالكلام
الرزان:رجاءً مابيني وبينك كلام اصلاً
فارس كان مصدوم،
خطيبها السابق!!انا ظنيتها مو من النوع اللي يفكر بالزواج ابداً
،سمعوا طلال من داخل ينادي..الرزان بدون أي كلمة راحت له..
طلال..جلس عالسرير:انتي متى طلعتي؟؟
الرزان:الساعة 8 او 7 ونص
طلال:استغربت انج طالعة اليوم!!
الرزان..جلست عالسرير جنبه:من غبائي ماشفت التاريخ
طلال:هبلة،صدقيني بأذن الله مابيصير شي
الرزان:لا اصلاً صار وخلص،المصعد علق فينا انا وفارس مايقارب ساعة الا خمس دقايق و...
طلال..كمل عنها:وعزيز برا
الرزان:شاللي حذفه علينا؟
طلال:يقول كان مسافر وقال بالطريق يمر يسلم
الرزان:يسلم ولا يكمل عالناقص..سكتت شوي تطالع بالفراغ..كل يوم اكتشف ان اللي بينا كان كذبة لا حب ولا خراط فاضي،اللي مثلي لايمكن يحب
طلال:خلينا من هالكآبة،الرجال مهما كان ضيف
الرزان..قامت (إن شاء الله مايطول بس..لاني راح اطرده وقتها بنفسي):اكرام الضيف واجب
وطلعت غصباً عنها بتضطر اتعامله بأدب،
لالا..ليش اتأدب معاه وهو اللي....ماعلينا بس باتجاهله وبضيفه حاله حال فارس
،شافتهم جالسين بالصالة..
الرزان:عن اذنكم
فارس:وين رايحة!!..وحب يتحرش فيها..عيب عليج ماضيفتينا
الرزان..(يوه على فضاوتك وفراغة بالك يافارس!!):لا افا عليك،ثواني بس بروح ابدل
فارس:اجل اذنج معاج،بس لاتطولين تراني جوعان
الرزان:لاوالله!!،صج مصاخـة
وطنشته وهو يضحك وراحت غرفتها..بينما عبدالعزيز استغرب كيف هالأخ فارس قاط الميانة!!.. بدلت بسرعة عشان تتخلص منه بأسرع وقت..ولبست بنطلون صوف كحلي بقصة واسعة ولبست نفس الكنزة اللي كانت لابستها لكن تحتها هاي-نك كحلي وتحجبت بحجاب رمادي..لبست شراب يدفي مع شبشب البيت..طلعت وكان في معاهم طلال..
الرزان:تشربون شي معين؟؟
طلال:شي يدفي وبس
فارس:لا والله انا ابي coffe،ماشربت اليوم قهوة واحس اني بموت
الرزان..(احسن عالأقل نرتاح منـك):أي شي ثاني؟
فارس:لابس كذا تسلمين،اوه صح لاتنسين ابي شي محترم آكله
الرزان..(يا أني بذبحك اليوم يافارس..وبتاكل لحمك الذيابة..صرت مجرمة بسببك اعوذ بالله) :هذا اللي صج ماينعطى وجه!!
وراحت المطبخ.. وطلال وفارس يضحكون..فتحت الفرن على طول كان في صينية الكب كيك اللي سوتها امس،
استفدت شي من ورا ريمو عالأقل..لو ماعلمتني شلون اسوي كب كيك ماكنت عشت لليوم..صحيح انا مو من النوع اللي يطبخ ويدخل المطبخ كثير..بس اعرف امشي حالي بسندويشات واشياء سريعة وخفيفة..بس عشقي الكوكيز والكب كيك..الكوكيز تعلمته على يد اختي علياء اللي تعرف طريقته بس تتعيجز تسوي..هالمرة فيها كسل مو طبيعي!!..والكب كيك على ايد المصون ريما..بس اكره ازينه يصير حق بنات بقوة!!..وانا اعشقه بقطع الشوكلت الهيرشي يجنن..ولا اذا حطيت فيه مربى زي حق ستاربكس يطلع شي ثاني..انا سويته مافن اصلاً مو كب كيك
،جهزتهم بصحن..وسوت قهوة تركية،
عشان لايموت الأخ فارس..هاذي قهوة تركية مرة وحدة..تضبط الراس عدل
،طلعت ساندوتش حلومي باقي من اللي سواهم خالد امس وحطته بصحن ورتبت الصينية وطلعت..حطتها قدامهم وشالت كوب hot chocolate مسويته لعمرها..
الرزان:وهاذي قهوة يااستاذ فارس،وحلومي بعد،تامر شي ثاني
فارس..ابتسم وهو فيه الضحكة:تسلمين والله،بس وين رايحة؟
الرزان:بروح اقرا قصتي
طلال:يوووه من هالقصة،ماخلصتيها لسه!!صار لج يومين فيها!!
الرزان:شسوي بعد طويلة!!..اخذت لها حبة كب كيك..إذا احتجتوا أي شي عطوني خبر
طلال:تسلميـن
راحت غرفتها..سكرت الباب وهي تتنفس بقوة،
يراقبني!!يراقب كل حركة اسويها..كل كلمة تطلع مني!!..كل نفس اتنفسه!!..ايش ناوي عليه بهالجية ياعزيز!!!ايش ناوي!!!
،اخذت نفس وجلست على سريرها..شغلت اللاب توب وتمددت عالسرير..فتحت القصة وقعدت تقرا..
الساعة 11و55 دقيقة فجأة طفت الأنوار وطفا شاحن اللاب توب،
بسم الله!!خير ان شاء الله؟..ياربي لاتكون احدى كوارث هذا اليوم
،قامت بسرعة لفت حجابها وفتحت باب الغرفة..
الرزان:طلال!!فارس!!عزيز!!،طــلال وينكم؟
ماسمعت ولا صوت ولا نفس!!..استغربت،
لايكون طلعوا وانا مو منتبهة!!..يـــارب
،كان خوفها من الظلام كبير ومن الهدوء اكبر واكبر..قلبها صار يدق بسرعة..ينتفض بخوف..
وجسمها يرتجف..وحلقها جـف..حاولت تتلمس طريقها بالظلام..سمعت صوت وراها..
وقفت ثواني..وقلبها يــدق يـــدق يـــدق..التفتت بشـــويــش..ويدها على فمها تكتـم صرخــة...
:ســــبرايـــز
انتفضت بقوة..لما اشتغلت شموع وسط الظلام..وشافت وجه غادة شايلة كيكة وعليها شموع الرقمين19..
وراها هنادي و فارس واصيل وسديم وطلال..تفاجأو هم اكثر بدموعها ونظرة الخوف اللي بعيونها..
طلال..بسرعة راح لها:الـرزان!!،كان قصدنا نفاجأج بس
كان متردد يقرب اكثر لكن..اشرت له "لا" والتفتت ركض لغرفتها..سكرت الباب بقوة واستسلمت للدموع والشهقات..
كانت مرعوبة تماماً..تكره الظــلام تكرهه..مافكروا هم بردة فعلها من اول!!..
غادة:ياغبائنا!!كان مفروض اعرف انها بتخاف بعد ذاك اليوم!!
راحت وحطت الكيكة عالطاولة بعد ما رجعوا شغلوا الأنوار..
طلال..سكت كان متوقع تخاف:ذكرتج وطنشتي قلتي "مومعقول حتخاف بسرعة كده"،خلي تنفعج توقعاتج ومفاجآتج بعد مارجعتي ذكريات الخوف
غادة:ماكنت متوقعة تكون حساسة لهالدرجة من حادثة وحدة!!،وبعدين انت تبغاها تظل على الفكرة الغلط عن عيدميلادها!!
طلال:لا بس مو...
فارس..قاطعه:ماله داعي الهواش الحين ،لانه مابيفيد بشي،دقايق وتطلع ولا كأنه صار شي
طلال..تنـهد:بالضبط
مما يعني ان الجرح انفتح..وصار اكبر..ولا راح تنسى مرارته طول يوم عيد ميلادها..حلو هذا اللي كنت ابيه بالضبط!!!
،بعد حرب نفسية..دخلت الحمام "الله يكرمكم"..طالعت دموعها بالمرايا،
لاتلومينهم يارزون مايعرفون.. مايدرون..بس حبوا يفاجأونج يفرحونج..مع ان طلال يعرف صعب اني احب هاليوم او افرح فيه صعب..اليوم مرت على حادثتي 8 سنوات..اليوم مر على وفاة ابوي 7 سنوات بالتمام والكمال..آآآآآه خلاص انسي بس انسي وحاولي تجارينهم لباقي اليوم بعدين اختفي واطلقي العنان للدموع
،مسحت دموعها وغسلت وجهها..وبعدين غيرت ملابسها ولبست شي اكشخ شوية..بنطلون اسود واسع وبلوزة صوف هاي-نك وطويلة لفوق الركبة بشوي حمرا ومرسم عليها بالاسترس واللماع وحجاب اسود عليه استرس ملون..طالعت نفسها في المراية الطويلة بنظرة اخيرة،
حلو..كذا يضبط التمثيل اكثر..متألقة وبناتية شوي مايضطر..بس صاحبة عيد الميلاد..بس اســود لالالا..مو بالضبط المقصود
،قررت تلبس بنطلون سكيني ابيض "حق غادة"..وغيرت الشيلة بوحدة زيها بس بيضاء..
بعد نظرة تأملية..رضت عن الوضع..فتحت الباب وطلت براسها وهي مبتسمة..
الرزان:Hi
غادة:أخيراً حتتكرمي وتورينا وجهك السموح
الرزان..طلعت وهي تبتسم:شفتي شلون،يــلا وين الكيكة ولا هونتوا!!
هنادي:لا هونا ولا هونا،طيران اجيبها
الرزان:سوري خرعتكم،بس والله مو متعودة احد يدلعني ويسوي لي هالحركات فانفجعت وغمرتني الدموع
سديم:عادي حياتي،تحصل بأحسن العايلات
جابوا الكيكة طفوا الأنوار شغلوا الشموع..
اصيل:يلا انفخي،don’t forget to wish something
كانت اصيل بيدها الكاميرا وتصور..1 2 3..happy birthday to you happy birthday to you سنــة حــلوة ياجميل سنــة حـلـوة يارزون سنــة حلــوة يالرزان..
غمضت عيونها وانفخت،

يارب اسعدني..دخل الأمل بحياتي..دخل الفرح بقلبي..طمعانة في الأمل يــارب

،طفــت الشمــوع..قصت الكيكة..واكلت منها اول قطعة وهي تبــتسم..

[..الجـزء السـادسـ ..]


مرت الأيام بسـرعة..تعافى طلال..رجعت الرزان لشقتها..رجع عبدالعزيز السعودية..
اليوم الأربعاء 17/12/2008..
الرزان جالسة تجهز شنطتها عشان راجعين للسعودية يوم الخميس..
بمناسبة اجازة الكريسمس..طلعت شنطة كبيرة وحطت فيها اول شي الهدايا اللي شرتها للكل "تقريباً"..
وبعدين بدت تطلع الثياب اللي تحتاجها..التفتت لما سمعت ازعاج بالصالة!!..طالعت الساعة 8:30 الليل..
طلعت من الغرفة وهي مستغربة وصعدت فوق للصالة..الا البنات مشغلين الاستريو على اغنية Jingle Bells لـ Crazy Frog وجالسين يرقصون وينططون..
ابتسمت وهي تهز راسها "الحمدلله والشكر"..وكلهم كاشخين بملابس حمرا وخضرا..سحبتها غادة وهي تحاول تخليها ترقص..
غادة:هيـا هزي شوية طيب
الرزان..بابتسامة:مالج امل،ماعرف ارقص
سديم:من صجج!!
الرزان..هزت راسها "أي":أي والله
أصيل..مسكت راسها بدرامية:ياويلي،ياويلي عليج يالرزان حالتج صعبة ياوخيتي،ياويلي ويلاه
الرزان..ابتسمت:لهالدرجة!!
أصيل:وأكثر!!،ماتتخيلين شلون حالتج صعبة
غادة..مسكت رزان:تعالي بس،روحي البسي لك شي احمر واخضر كدا،ولا اقولك انا بلبسك من عندي،وبدون أي اعتراض رجاءً
الرزان..حاولت تقاوم غادة اللي تجرها:لحظة لحظة،طيب ايش مناسبة هالاحتفال!!
سديم..بدلع:انخطبــت
الرزان..فلتت يد غادة:تمزحين!!،مين فـارس؟
سديم..ابتسمت بحزن:لا،مالنا نصيب مع بعض انا وياه،بس هذا احسن منه
الرزان..رفعت حواجبها باستغراب:والله حركات!!،من متى في احسن منه!!
أصيل..ضحكت:بنات ماينعرف لهم على قولتج
سديم..بابتسامة متألقة:والله مو لشي،بس والله هذا احسن بالنسبة لي ولأهلي،يعني وش ابي احسن رجل اعمال ،وسيم،ماعنده خوات يعلون قلبي،وامه مافي احسن منها زي العسل،كل هذا وماتبوني اقول احسن!!
الرزان..ابتسمت:اهم شي انتي،والله يسعدك ان شاء الله
سديم:آآآآآآمين،يالله عاد روحي اكشخي الحين جايه هنادي،وبتجي الكيكة والأكل
أصيل..نططت بحماس:ووووووو بنفلـها الليلة،قبل لانرجع للسعودية،فديت السعودية واهلها
الرزان..(الود ودي مارجعت ابد..لولا ان اهلي هناك..وريمو فديتها ونوني والشلة..يوووه اشتقت لهم موت..بعزمهم يجون بالعزيمة اللي بتسويها جدتي):كل هذا شوق للسعودية!!
غادة:ايوا اشفيها يعني..بهمس..انا عارفة انتي ليش مااشتقتي بس هونيها يااختي!!،هيا امشي اجهزك على مزاجي
الرزان ماحبت هالشي بس استسلمت لها..لأنها تعزها وتحبها..غادة حاست بدولابها وطلعت تنورة قصيرة خضرا وبلوزة صوف حمرا..الرزان هزت راسها "لا"..
غادة:الله!!ليه طيب!!
الرزان:مسـتحيل،ولا تسألين ليه،بس كذا ماحب البس تنانير
غادة:لو تحبيني،ولو ليا خاطر عندك البسيها عشاني
الرزان:لاتحرجيني ياغادة،تدرين انك مثل اختي واعز
غادة:عشان خاطري طيب،بس اليوم ضحي ياشيخة عشاني
الرزان..ابتسمت:يوووه منك ياغادة!!
غادة..جرتها:هيـا هيـا روحي بدلي،شوي واجيب لك الشوز
الرزان:بعد!،رجاءً طيب لايكون كعب
غادة:انتي روحي البسي ولايهمك
الرزان استسلمت وراحت وهي تجر نفسها جر..لبست وقعدت تطالع بنفسها في المراية،
ياويلي طالعة انثوية..اكره هالشي..اكره هاللبس
،غمضت عيونها بقوة عشان ماتشوف..وطاحت دمعة وجرت وراها دمعات..لما سمعت دق باب الغرفة..
ركضت تغسل وجهها..وتفتح الباب..وكانت..
هنادي..طالعتها مستغربة:كنتي تصيحين؟
الرزان..بلعت ريقها واستجمعت نفسها:لا،بس عيوني منفخة من كثر النوم
هنادي..ماصدقتها بس مشتها:هذا الشوز من غادة..ومدت لها بوت احمر طويل وكان بيدها شي ثاني..ومعاه هلاهوب،وكمان حلق واسوارة
الرزان..خذتهم وهي مفجوعة بالبوت:غادة هاذي بذبحها،اقولها مابي كعب تجيب لي هذا!!
هنادي..ضحكت:على فكرة طالعة تجنن عليك التنورة
الرزان..ابتسمت مجاملة:تسلمـين
هنادي..ابتسمت:اقدر اساعدك!
الرزان:ناويه تكملينها!،حيـاج
هنادي..ضحكت:عيشي حياتج ياحلوة،تراج حلوة ماشاءالله وعليج جسم بعد ماشاء الله تنحسدين عليه،ليش معقدتها كذا!!
الرزان..كانت تفكر بشي ثاني (اكره اني اكون حلوة..اكره ان يكون لي هالجسم حتى):لا ابداً،ادخلي لاتظلين واقفة عند الباب
دخلت هنادي..لبست الرزان الهلاهوب والبوت..واستسلمت لهنادي اللي اصرت انها تلبس الاكسسوارات..
وحطت لها مكياج مع ان الرزان احتجت بس اصرت عليها واقنعتها وجرتها بعد عشان تجلس وتحط لها..
لما خلصت سحبتها هنادي ووقفتها قدام المرايا..
هنادي..بابتسامة:شوفي شوفي شلون طالعة قمر،جنــان وربي جنــان
الرزان ماكانت تبي تشوف..ولما شافت انصدمت،
يالله لهالدرجة المكياج يغير!!..يخدع!!..ويخلي القرد قمر!!..هـه..تفرجي يارزون على انوثتك الطاغية..هــه..تنقطين انوثة وجمال ماشاء الله
،كان في عيونها نظرة احتقار لنفسها!! وهي تشوف شكلها..من البلوزة الصوف الحمرا اللي فيها زي الفتحات فلبست تحتها بدي اخضر..
و التنورة الخضرا المخمل القصيرة فوق الركبة بشوي بس كانت تغطي الركبة لانها مثلثات من تحت..
ببساطة التنورة مطلعة جسمها جنان..إلى البوت الأحمر الطويل بكعبه العالي "عالي"..
و وجهها بالظل الأخضر الغامق واللمسة الذهبية والكحلة اللي مطلعة عيونها تجنن والبلاشر اللي لونه خوخي ومعطي وجهها لون غريب وشفايفها صايرين حمر حمر من الروج الأحمر اللي كان عليها شي ثاني..
وشعرها زي ماهو مفتوح >>اول مرة تتركه مفتوح<<..
وماانسى حلق غادة الذهبي الطويل واسوارتها الذهبية الناعمة..كانت كلها على بعضها تجنن ببساطة بس بنظر نفسها ولاشي!!ولاشي!!..اجبرت نفسها تبتسم..
الرزان..بابتسامة:تسلمين ياهنادي
هنادي..باستها:ولو حاضرين للطيبين،يـلا عاد انا الحين ابي احط مكياج
الرزان..ابتسمت:يعني اروح انا
هنادي..مسكتها:لا وين وين،مافي طلعة الا معاي عشان اشوف ردة فعلهم
فصخت هنادي شيلتها وعبايتها..وبدت تحط مكياج..
كانت لابسة فستان احمر لف عالجسم وبف من تحت وقصير فوق الركبة وهي لابسة ليقنز اخضر مع بوت طويل اخضر بدرجة اغمق..
والاكسسوارات سلاسل ذهبية طويلة وحلق ذهب وفيه ياقوت والماس نفس الخاتم الكبير اللي لابسته..
خلصت مكياجها اللي كان يشابه مكياج الرزان بس ان الروج حق هنادي عنابي وظلها مايل للذهبي اكثر..
عدلت شعرها البني القصير>> قاصته فراولة<< بالاستشوار شوي مع ان شعرها ناعم..
هنادي..التفتت على الرزان:هـا كيف؟
الرزان:قمر لااله الا الله
هنادي..غمزت لها:دا انتي اللي قمر ياعسل
الرزان..ابتسمت:يـلا نطلع
هنادي..مسكت يدها:يـلا نطلع
ولما وصلوا للصالة وقفوا..
هنادي..اعلنت بصوت عالي:احــم احــم،سمو الأميرة هنادي وسمو الأميرة الرزان وصلوا
البنات التفتوا..وكلهم شهقوا مرة وحدة..
أصيل:ومخبية عنا كل هالجمال يالرزان!!
سديم:لا لا غطيتي عليّ،الصراحة اغار
الرزان..ابتسمت بس مو من قلبها:يـالله شلون تبالغون!،بسكم مجاملات
غادة:وربي مو مجاملات،اشبك انتي مافي ثقة ابداً،قمـر والله قمـر لو يشوفك واحد الحين يذوب عند رجولك
الرزان..بلعت ريقها بقوة(هذا اللي ابداً ماابيه ولا اتمناه):مابيه يذوب مشكورة
هنادي..ضحكت:تعالي بس تعالي،خلونا نفلها
أصيل..عطتهم قبعات مثل قبعة بابا نويل:البسوا هالقبعات،الآنسة سديم اشترتها خصوصي لحفلة اليوم
هنادي:هـا سديم الكريسمس اليوم وانا مادري!!
سديم..ضحكت:شفتهم واغروني اشتريهم،خطيرين مو؟
هنادي:بقــوة،من وين؟؟
سديم:بعدين اقولك،يـلا ارجعي شغليلنا Jingle Bells
رجعوا شغلوها وسووا دائرة وشدوا معاهم الرزان وهم يدورون ويصفقون ويرقصون ويستهبلون..
الرزان حاولت تدخل معاهم بالهالمزاج "الجنوني،المرح" لكن لقت صعوبة..
ظلت تصفق لهم وتشجعهم لكن يصرون يسحبونها وياهم بالرقص..راقبتهم يرقصون،
على ان اللي عندنا مايقصرون بالرقص خصوصاً ريمو..الا اني ماحبيت اتعلم ولا بغيت..جروني اكثر من مرة لكن ظليت ارفض والعب دور المشجع بس واكتفي بالتصفيق..اهز على الاغاني وانطرب أي بس ارقص مااحب.. بس احسه وناسة ومتعة.. وتفريغ للطاقة احياناً..لحظة انا تعلمت من ريمو اخس رقص..الرقص المصري..يعني انا انا ماتعلمت الا رقص مصري!!..مادري وشهالجنون والغباء اللي خلاني اتعلمه!!
،شافت هنادي ترقص على "مكانه وين" لـميريام فارس بدلع،
هنادي نعومة بقوة..ورقصها زيها ناعم وغنوج
،ابتسمت وهي تصفق لها..لأن الكل وقف واخلى لهنادي الساحة..وهي طلعت مواهبها بالهز والدلع..
هنادي..تتدلع قدام الرزان:تعلمي ياعمري تعلمي
كانت الأغاني تختلف من مصري..وخليجي..و الدسكو..غير الخبال..وفيها يختلف الرقص.. فشافت الرزان رقص ماشافته بحياتها!!،
اللي عندنا مايرقصون الا خليجي ولا مصري..هذول عندهم رقص استهبال..ورقص دسكو..والله هبــال!!
،جـات اغنية "يشهد عليـا" لـعمرو مصطفى >> تموت بأغانيه غادة..وتشاركها الرزان هالشي <<..
جرتها غادة عشان يرقصون هم الثنتين بس..وقعدت تعلمها كم خطوة..
وظلوا يرقصون مع بعض..وبعدين اهدوا لسديم اغنية "منتهى الرقة" لـرابح صقر وهي تكرهه فغصبوها ترقص عليها..
{في منتهى الرقة في منتهى الذوق..حبيبتي في كل حاجة عجيبه
إذا حكت تعرف تخليني اروق..واذا بغت اتجيب راسي تجيبه}
أصيل..تحمست:جيبي راسه يا سديم ما وصيج
سديم..بدلع وغرور:سديم بنت فهد الـ... تجيب راسه وراس عشر من امثاله
تحمسوا البنات (وووووو..ماقدر انا) وتصفـيق لها..وجات اغنية "يعشـقنـي" لـيوسف العماني واللي تموت فيها الرزان..
أصيل:تعالي تعالي بعلمك ترقصين عليها
وسحبتها وهي تعلمها بعدين تتركها تكمل الرقصة لحالها..وبعدين اتركتها ترقص لحالها..فانحرجت الرزان لما قاموا يصفقون لها بحماس..
هنادي:دلــع اكثر طيب
غادة:انتي احمدي ربك طلع هالرقص منها،بعد تبين دلع!!
هنادي..ضحكت:في منها امل صدقيني..راحت ومسكت خصر الرزان وهزته..كذا ياماما كذا
الرزان انتفض جسمها وغمضت عيونها بقوة..تكره احد يلمسها..
لكن حاولت تبتسم وتمثل ان مافي شي وكملت رقص حسب تعليمات هنادي..
وبعدين على اغنية "ينسـى" لـفايز السعيد الكل تحمس..وسديم نزلت تجيب عشاهم والكيكة اللي وصلت..
وجات اغنية"انت عارف ليـه" لـروبي >>يالغبــار!!<<..
طبعاً ماحد يضبط الرقص المصري الا غادة فهي اللي رقصت وجرت معاها الرزان يعنني بتعلمها لكن تفاجأت بالرزان تعرف ترقص مضبوط!!،
ادري ماتوقعوا يطلع مني هالرقص..انا الدفشة والاقرب الى الأولاد من البنات..اعرف ارقص مصري!!..غريب
،فضت غادة الساحة لها وجابت لها شيلة..هي رفضت يربطونها لكنهم اصروا..
و ابتسمت وهي تشوف اصيل تصفق جنبها وهي تهز فرفعت شعرها وميلت خصرها بدلع..
اصيل وغادة وهنادي مصدومين كيف كل هذا يطلع من الرزان وتقول ماتعرف ترقص بعد!!..
اللي كانت ماتحس بمتعة لما ترقص مصري..ماتهمها ان هالرقصة انثوية زيادة عن اللزوم..
كانت تحس بأنها نفسها بأنها سعيدة لما تطلع حرتها بالهز!!..دق الجرس وماحسوا فيه ودق مرة ثانية..
هنادي:هاذي اكيد سديم،هي ماخذت المفتاح؟!
غادة:لا مااخدتوا روحي افتحي لها
هنادي راحت تفتح الباب..وكانت سديم ومعاها أغراض الدنيا..عشان كذا هنادي افتحت الباب على آخره..
بعدين تفاجأت بفارس اللي جا ورا سديم شايل كرتون كبير وفوقه باقة ورد..
فارس كان مبتسم لهنادي واختفت ابتسامته لما انتبه للي وراها،
معقولة هاذي الرزان!!..لالا لا مستحيل الرزان اللي كلها رزانة وثقل..ترقص بهالطريقة!!..وبعدين على كل الثقل اللي فيها تعرف ترقص بهالطريقة!!..والله مو مصدق عيني..بس اول مرة انتبه انها بهالجمال وهالأنوثة
،سمع هنادي..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 06-01-2010, 05:47 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


هنادي..تفاجأت ولما شافته فتح فمه استوعبت وردت الباب بسرعة:هاي انت ماتستحي على وجهك فاتح فمك بعد!!
سديم..ضحكت:ياشيخة انا بعد فتحت فمي،من متى هالتطورات!من متى الرزان الرزان ترقص مصري؟!!
هنادي:هاي انتي بعد،ياويلك تجيبين هالطاري قدامها..هددت فارس..وانت ياسواد ليلك لو لمحت قدامها انك شفتها والله لا تسوي بعمرها شي البنت لو درت انك شفتها
فارس..ابتسم:يمــا منج رعب،طبعاً ماراح اقولها،ليش انا غبي اروح اقولها والله وتعرفين ترقصين مصري يالرزان كنتي خطيرة الصراحة..وكمل وهو يضحك..ابدعتي
هنادي..اخذت منه الاغراض وضربته على كتفه:مالت عليك،صج قلة ادب
فارس..مازال يضحك:يــلا مع السلامة..وغمز..استانسوا بالحفلـة ماوصيكم
سديم..ضحكت:تـامر امر
ودخلوا هنادي وسديم الشقة..جهزوا البنات الأكل وبدوا ياكلون..الرزان انتبهت لباقة الورد الكبيرة اللي كانت عالطاولة..
الرزان:بنات من وين جات هالباقة؟!
سديم..ابتسمت وهي فيها الضحكة:هاذي من فارس شفته عند باب العمارة
الرزان..استغربت من هالأنسان:والله حركات،لج يعني بمناسبة الخطوبة!!
سديم:أي،عادي ترا رجعنا اصدقاء زي ماكنا قبل
الرزان..قربت منها وبصوت واطي:عالأقل طلع عنده ذوق بالنهاية
سديم..ضحكت وهي تتذكر وش قال قبل شوي:مسكين ليش ظالمته!!
الرزان..هزت كتوفها:ظالمته!!،مايهمني بشي لمجرد انه ذكــر
سديم:متى بترحمينا من عداءك اللي بدون سبب للذكور
الرزان:انتي ماتعرفين اسبابي بس صدقيني انها قوية ومقنعة
سديم:تراهم نصفنا الثاني زي مااحنا نصفهم الثاني،الذكور والأناث مايقدرون يعيشون بدون بعض بالنهاية
الرزان:بس انا اقدر اعيش بدونهم بكل سهولة
أصيل..انتبهت لهم:هاي انتوا بسكم مساسر،عن وشو تتكلمون
سديم:اسمعي الأخت الرزان وش تقول
أصيل:وش تقول!!
سديم:تقول انها تقدر تعيش بدون الرجال والذكور على قولتها بسهولة
الرزان:بكــل سهــولة
هنادي:عيني بعينك الرزان،تقدرين تعيشين بدون أخوانك!!
غادة..غمزت: تعالي هنا اقولك،تقدري تعيشي بدون خلــودي
سديم:بعد فيها خلودي!،وتقولين تقدرين تعيشين بدونهم!!
الرزان:هذا خالي،الصراحة لا ماقدر اعيش بدون طلال وخالد بس ولا البقية مستغنية عنهم لأن وجودهم زي عدمهم
سديم..حبت تتحرش:والمسكين فــارس!!
الرزان..استغربت ورفعت حاجب:ايش دخله؟؟!!!
سديم..طالعت بهنادي:ماهو صديق وعزيز عليك؟!ولا وجوده بعد زي عدمه
الرزان..ملت من تلميحات سديم:ماني فاهمة تلميحاتك،بس عادي عندي فعلاً وجوده زي عدمه،مايهمني بشي،مع احترامي لك ياهنادي
هنادي..وهي تخز بسديم:ولا يهمك،فعلاًهالأخ وجوده زي عدمه
أصيل:شف شف!! أنتي اخت جاحدة!!
هنادي:ياشيخة روحي مناك،اللي يقول حاطني على راسه من فوق،تبين الصراحة هو بعد الأناث عنده فيهم ولا بلاهم مايفرق عنده،يعني ممكن سديم كسرت هالقاعدة لشهور بس بعدين زي ماتشوف عينكم رجعت الحالة الأولى مايفرق عنده
الرزان:هذا احسن شي لازم مايفرق عنده،لأن كلا الجنسين يقدر يعيش بدون الثاني،يعني ماراح يموت بدونه!!
أصيل:اسكتوا بس غثيتونا،تراها حفلة خطوبة،البنت بتتزوج لاتخلونها تهون
سديم..ضحكت:لاتخلوني مااعزمكم،ترا اسويها
غادة:ازا كانت العزيمة بزل مانبغاها خلص،مو لازم نجي
سديم:لا ولو اصلاً بدونكم ماتصير شي
هنادي:زواج ولا الملكة بس!!
سديم:الزواج بالأجازة الطويلة مو الحين،الحين الملكة بس أمه تبغاها حفلة كبيرة وفخمة لأنه اول واحد يتزوج من عيالها واكبر واحد بعد
أصيل:تعالي ماقلتي لنا التفاصيل!!
سديم..ابتسمت:أي تفاصيل؟؟
أصيل:اسمه عمره،شفتيه من قبل ماشفتيه!!
سديم..ضحكت:متحمسة اصول!!
أصيل:فضول ياشيخة،اشبعي فضولي
سديم:من عيوني،الله يسلمك اسمه على اسم ابوي فهد عبدالرحمن الـ.....،عمره 29 سنة،رجل أعمال زي ماقلت يعني عنده شركة خاصة فيه
غادة:والله وطحتي لك طيحة محترمة يا سديم
سديم..ضحكت وغمزت:اعجبك،المهم انا شفته كثير لانه صديق اخوي الكبير سليمان
هنادي:يعني صديقه صديقه ولا عادي مع بعض؟!!
سديم:لا صديقه الروح بالروح من ايام الثانوي مع ان سليمان اكبر بسنة
أصيل:شافك من قبل؟؟
سديم:أكيد،كان يطلع معانا البر أحياناً والتقي فيه صدفة
أصيل:وسيم وسيم ولا عادي؟؟
سديم..قعدت تتذكر:آخر مرة شفته قبل ماأسافر بيومين كان جاي يتغدى في بيتنا،كان مازال هو هو لاني ماكنت شايفته شهور،طوله عادي بس بالنسبة لي اكيد طويل..ضحكوا لأنها قصيرة.. بس عيبه نحيف نحيف
هنادي:يعني انتي اللي متينة!!
سديم:انا مليانة شوي مو زي..التفتت على الرزان..هالعصقولة
الرزان:لاتحطيني مثال رجاءً،لان حالتي غير ترا كنت امتن منج بكثير
سديم..طالعت فيها:انتي!!اشك والله
أصيل:ماعلينا كملي،ماوصلتي لوسيم ولا لا!!
سديم:تقدرين تقولين وسيم،يعني المميز فيه خشمه شوي دقيق بس مو سلة سيف،والسكسوكة عليه شي ثاني تعطيه هيبة..حطت يدها على قلبه وهم يضحكون..ياويل قلبي على ذيك الهيبة، بس آخر مرة شفته كان مسوي سكسوكة ولحيته ستايل اماراتي يجنن
هنادي:الأخت قزت الرجال قز!!،اقول الأخت متأكدة ماكنتي معجبة مغرمة
سديم..ضحكت:معجبـة اكيــــد بس مغرمة لا
غادة:اصبري عليها اسبوع بعد الملكة وتصير هيمانة ومغرمة وعاشقة وكل حاجة
سديم:مو بيصير زوجي،حــلال عليّ اذوب عليه
أصيل:بي بي،اثقلي ياامي مو من الحين،بعدين لازم يشوفك ثقيلة..وغمزت لها..عشان تجيبين راسه بسهولة
الرزان..هزت راسها:صج فـراغة!!..خلصت اكلها وقامت..الحمدلله،يـلا تصبحون على خير
هنادي:وين وين!!،انثبري بس خلينا نقص الكيكة ونصور بعدين روحي اخمدي زي ماتبين
الرزان:من صجج!!،يعني مطولين؟
غادة..قامت:لا خلاص الحمدلله خلصنا عشا،الحين ثواني ونقص الكيكة وبعدين نصور
الرزان:مصدقين عمركم مع هالكيكة!!
أصيل:خلينا نحتفل بصديقتنا ترا مو كل يوم تنخطب وتتزوج
الرزان:افرحوا افرحوا ماني ماسكتكم
سديم..ضحكت:ايوا خليك عاقلة لاتصيرين هادم اللذات ومخرب الحفلات
الرزان:استغــفر اللــه
قصواالكيكة كل مرة وحدة مع سديم وأصيل تصور..ومرة وحدة كلهم مع بعض يقصونها مع سديم وضبطوا الكاميرا وصوروا..
بعدين صوروا مع بعض >> مرة وحدة مدام كاشخين<< وكل وحدة مع الثانية وحركات واستهبال بالصور >> على كيف كيفك<<..
وكانوا مصورين كل الحفلة من اول بكاميرا الفيديو كانوا حاطينها ومثبتينها وأحياناً تاخذها أصيل وتستهبل وهي تصورهم >> عاشقة التصوير أصيل <<..
وانتهت الحفلة اللي بدت رسمياً الساعة 9 مساءً الساعة 2 صباحاً.. تمددت وهي تلبس بجامتها..
تحس جسمها مكسر من الرقص خصوصاً انهم خلوها ترقص اكثر من مرة مصري..
بس اكثر شي استانست عليه رقصتها هي وهنادي على اغنية"مشتاق لك موت" لـ أحمد الهرمي رقصوا برواقة..ابتسمت لنفسها بالمرايا،
شاللي صاير رزون بديتي تتغيرين!!.. في منك امل على قولتهم!!..يمـــكن..مو يقولون مافي شي مستحيل..بس فعلاً احس نفسيتي تغيرت شوي..بديت اضحك احياناً!!..ابتساماتي كثرت!!..اليوم انجزت شي مهم وتعلمت اشارك واتأقلم مع البنات اكثر..ابتسمت بالصور واستهبلت مع غادة بالصور..تحملت ان احد يكون لاصق فيني ويضمني!!..تعلمت رقص الدلع على قولة هنادي..استانسي رزون انجــزتي شي مهم اليوم
،التفتت على هداياها اللي بزاوية الغرفة مقطوطين بأكياسهم،
انجزي اكثر وافتحي هدايا عيد ميلادج
،الكل جابوا لها هدايا..حتى خالها وعدها بهدية لما ترجع..ونورة وريمو..
راحت وشالت الأكياس وحطتهم عالسرير..وبدت في كيس كبير اسود وكشخة شكله،
هذا من هنادي الظاهر!!
،فتحته وطلعت منه وحدة من العلب..علبة فوشية دائرية كبيرة فتحتها وتفاجأت بـ بجامة شتوية كروهات فوشي وبرتقالي ومعاها روب شتوي لونه فوشي ومن داخل برتقالي..
طلعت علبة ثانية اصغر منها سوي تفاجأت اكثر لما فتحتها،
ander wear ياهنادي!!..لا وبعد المقاس مضبوط!! ..ودي اذبحك بهاللحظة..شلــون شلــون عرفتي المقاس!!
،انقهرت ورمتهم من يدها..كانوا ملابس داخلية برتقالية،
يقالك مطقمة مع البجامة
،وكانوا من النوع اللي تكرهه الرزان "انثوي زيادة عن اللزوم"..تجاهلتهم وفتحت آخر علبة صغيرة بالكيس..
كان فيها شبشب برتقالي >> كله تطقيم مع البجامة<< بس باين على الأشياء كلها ماركة وغالية..
بالأخير فتحت البطاقة اللي كان عليها صورة بنت so cute ولابسة بجامة،
إلى ست البنات..الحلوة..الأمورة الــرزان.. كل سنة وانتي احلى البنات ياقلبي هالبجامة عشان لما تنامين تذكريني..والروب عشان لما تتدفين بعد تذكريني..والـ ander wear to be ..... be ..... girl و عيشي حياتك..(اللــه ياخذ العدو ياهنادي وش هالكلام!!يعني هذا اللي تعلمتيه من الانجليزي)..اما الشبشب عشان حتى لما تمشين وانتي دفيانة تتذكريني..بكــل لحظة تذكرينــي لأني صديقتـك الحبوبة هنوده..بوســة لك منــي اموووواه..(استغفرك يارب البنت مستخفة من يوم يومها!!..بس نردها لك في الأفراح ياهنـوده!)
،ابتسمت فجأة ورجعت الأشياء بعلبها وحطت الكيس على جنب..ومسكت كيس صغير بس راقي..
ماتذكرت من مين.. فتحته وطلعت منه علبة فتحتها وتفاجأت بساعة جلد صفرا مستطيلة وميناها ذهب اصفر ومن داخل بيضا ويحيطه الماس باجيت بشكل غريب نازل وطالع حول مستطيل المينا..
قرت الماركة "BACKES & STRAUSS"،
ياويلي لاتكون من محل المجوهرات نفسه اللي مرينا عليه انا وسديم ذيك المرة!!..لا مو معقول..بس الا هذا اسم المحل واسم الماركة..بس مين اللي بيشتري هالساعة الغالية لي انا!!
،انتبهت لأسوارة بنفس علبة الساعة..اسوارة ذهب اصفر ناعمة وفيها باجيت الماس اصفر كبير والماس عادي صغير،
وااااو..صرت ابي اعرف من اللي جابها اكثر واكثر
،طلت بالكيس ما شافت الا علبة اصغر فتحتها كان فيها حلق ذهب اصفر الماس نعوم..دمعةصغيرة من فوق تقابل دمعة اكبرمن تحت..مسكت شهقة من حلاة الحلق ونعومته،
رغم اني اكره الأكسسوارات والمجوهرات بجميع انواعها..الا ان هالحلق حببني فيها..ياويلي على لمعته..صج صج الالماس يخطف الانفاس
،تأملته دقيقة وبعدين رجعت العلب بالكيس اللي كان بدون بطاقة ولا شي!!..
حاولت تعصر مخها وتتذكر من اللي عطاها هالكيس بس ماقدرت تتذكر احد عطاها هالكيس..
اللي عطوها هداياهم بايدها هم هنادي وغادة وطلال بس!!،
من مين ياربي!!..من أصيل!!..مستحيل.. ونفس الحالة سديم هي تتمنى اصلاً احد يعطيها بس خاتم الماس..يبقى عندنا فارس!!وخالد!!!.. بس خالد!!لا لاماظن..فارس!!بعد ما اتوقع..من مين ياربي!!!..ابسأل غادة بكرا اذا شافت احد يحط هالكيس عالطاولة!!
،رجعت تطل بالكيس وشافت بطاقة صغيرة مندعسة بالزاوية..بسرعة سحبتها وكلها حماس وفضول قرتها
[جيــتك أمانــة انقــذينــي من الخـوف
خايف بدونك والشتا محتويني
شوفي شفاتي فوقها ترجف حروف
حروف منها {من الشتا احتويني}
ضمي ضلـوعي الولــه يحرق الجــوف
واضح على نظرات عيني حنيني
من السهر..والخوف..والبرد..ماشوف
على ذراعك لاغفيت اتركيني
قولي طفل جاني من البعد ملهوف
من الشتات المر فيك اجمعيني
واضح على وجهي من البرد مخطوف
شوفي بدونك كل شي يبيني
مدام يتك والمجي كله اظروف
خايف بنفس الشارع اترجعيني
جيتك امانة انقذينــي من الخــوف
لاتتركيني والشتــا محتوينــي]
استغربت وانصدمت من هالأبيات،
ومكتوبة بخط اليد بعد!!..واضح ان اللي كاتبها واحد!!..مين ياربي مين!!!..وش انقذيني!!واحتويني!!.. تعرفني!!.. تحبني!!..وشالقصد!!..ميــن تكون؟؟؟..احس اني باستخف فجأة!! ..بس مصيري اعرف
،رجعت البطاقة في الكيس وحطت الكيس على جنب مع اللي قبله..مسكت علبة حجمها وسط ماتدري من مين بعد..
عجبتها العلبة نفسها جلاد نحاسي وفوقه نقش بالمخمل الأسود ومربوطة بشريطة سودا كبيرة >> فخامــة<<..
فكت الشريطة و فتحت العلبة..كان فيها شنطة تقريباً كبيرة >>بحجم شنطها المعتاد للجامعة<< من "BURBERRY" ومن آخر مجموعة لهم..
شافت بالعلبة شال من نفس الماركة وتفاجأت بشوز "فلات" نفس الشنطة..بابتسامة كبيرة،
انا دايماً باحتفل بعيد ميلادي عشان تجيني هالهدايا السنعة..صح خالتي ايمان وخالي مبارك وخالد وخواتي واخواني مايقصرون..وما انكر هدايا خالد الغالية من الشنط والعطور والساعات..بس ماعمرها وصلت الى ساعة الماس..رزون احمدي ربج ولاتصيرين جاحدة لاتنسين شنطة L.V اللي منه..ولا ساعة BURBERRY..يـلا عاد انثبري..بس ونـــاسة..ياويلي من صجي صرت استانس فجأة عالهدايا اللي ماكنت احسها بقيمتها قبل!!!..شاللي صاير بالدنيا!!
،رجعت الأغراض وحطت العلبة على جنب بعد مااخذت البطاقة المحطوطة تحت الشريطة،
إلى أخت صديقي العزيز..وأختي التي لم تلدها أمي قط..كل عام وأنتي بصحة وسعادة..عام جديد تنفتح لك فيه دروب جديدة "بأذن الله"..اتمنى لك عمراً مديداً وحكماً سديداً "على قولتهم هههههههه" ..اخــوك/خـالد..ملاحظة:والله ماجيت عشان عندي دوام..والله..اعذريني عاد وانا اخوك
،سكرت البطاقة وهي تبتسم وتضحك،
اهبل هالخالد والله!!..بس ذوق بعد..انا استبعدت من الأول يكون صاحب ذاك الكيس..الحين يبقى فارس!!بس احتمال ضئيل يكون هو
،رجعت البطاقة مع العلبة .. ومسكت كيس مربع داخله علبة مربعة فتحت العلبة...وتفاجأت بعد بكاميرا وباقي اغراضها مرتبة بطريقة حلوة..بس مافي بطاقة مع الكيس ولا العلبة!!،
اظنها من أصيل..يمكن لهوسها بالتصوير تهدي الناس كاميرات!!..عالعموم خطيرة هالهدية ومفيدة بشكل فظيع..عشان أصور فيها قبل لا اسافر
،قعدت تحوس وتشغل الكاميرا..وقررت تصور الهدايا بعد ماتفتحهم..وصورت الغرفة بعفستها..
حطت العلبة والكيس على جنب..واخذت كيس غادة..كان صغير وفيه علبة صغيرة فتحتها وشهقت..
كان فيها سلسلة وتعليقة فضة ومرصعة الماس واحجار كريمة باسمها بالعربي طبعاً>> مثل اللي يسونها بالفضة..
بس هاذي مرصعة الماس واحجار كريمة..وراقية<< وجاية على شكل دائرة ..
تذكرت كلام غادة يوم تقول "ترا جاية طلبية ومخصوص هالهدية..وغالية لأنو الغالين مايليق بمقامهم الاالغالي"،
تسلميلي يا احلى دودي..الله لايحرمني منك يالغالية
،ابتسمت ..حطت العلبة وكيسها على جنب..مابقى الا هدية طلال وكيس..هدية طلال كانت بعلبة..
عجبتها العلبة لأنها نفس علبة هدية خالد بس هاذي اصغر..الظاهر شارين العلب مع بعض!!..
فتحتها وكلها فضول وش بتكون هالمرة..ابتسمت وشالت الكورة الزجاجية >>عرفتوا الزينة..
مادري وش يسمونها..لها قاعدة من تحت وفوق نص كورة زجاجية وبداخلها يكون تمثال ولا شي وحولها ياثلج يا لماع!!..عرفتوا!!<<..
كانت هاذي هداياه من اول ثانوي وهو يعطيها نفس هالكور..بس كل مرة لها معنى مختلف وشكل مختلف..كان في ورقة لاصقها على الكورة،
شغلي اللمبات من تحت!!
،قلبتها وحركت الزر اللي تحت..وشافت كلمة Happy Birthday وعلى حرف وحرف لمبة كأنها شمعة..
ولما هزت الكورة صار يتناثر حول الكلمة لماع ملون،
وااااو يجنن..بس ياترى شالمغزى ياطلال!!
،شالت البطاقة اللي مع العلبة وقرتها،
ليكون عيد ميلادك لهذه السنة مختلف..لتبدأي بحياتك من جديد مع دخولك ااـ19..كــل عام وتألقك وجمالك وسعادتك تزداد "بأذن الله" بدأً من هذا اليوم..تذكري ان هذا 13/12/2008 كان مختلفاً بكل ماللكلمة من معنى هذه السنة..إذ لم يكن يوم المصائب!!..أترين ان هناك أمل بالحياة..حتى النائم بغيبوبة منذ سنين قد يفيق يوماً..وانــتِ لك يوم وترين الحياة فيه بمنظار مختلف "منظار ملون"..إليك يانجمةً اخفيها بعيداً عن اعين الناس "لكني اتوق بكل حماس أن أريها لهم" من أخيـك العــزيز
،وبتوقيع من طلال..اثر فيها كلامه..حطت كل شي على جنب واستلمت آخر كيس..
طلعت منه شي >>اغلب الظن انه لوحة<< ملفوف بورق..شالت الورق ..تفاجأت وانصدمت بلوحة لنفسها!!..
راسمين وجهها وشعرها زي ماهو بالرصاص وعلى وجهها ابتسامة لكن تطيح من عينها دمعة!!،
لا هاذي اغرب من سابقاتها!! ..شالقصة..وشالمقصد من ورا هالرسمة!!..ليش ابتسامة ودمعة!!..هالناس تبيني استخف بالغصب!!
،انتبهت للي مكتوب تحت {تتظاهــر..انك سعيد..وانت بعيونك حزن!!..تمثل الابتسامة..وتطيح من عينك الدمعة!! ..انت..مرتــاح؟!..ولا..تصنع الراحــة؟!}..استغربت..وانفجعت!!كانت مشوشة ومرتبكة..
{ لاتتظاهــر..انك مثل معظمهم..تراك غصب..طيب..غير عنهم..تدري معاك..اعرف صج ان..المظاهـرخداعــة!!}..
حست نفسها كتاب مفتوح لهالشخص!!،
كيف يدري عني هالأشياء!!.. مو معقولة تكون من سديم!!أبداً مو معقولة!!
،طلت بالكيس..شافت فيه اشياء مغلفة بالورق بعد اثنين بس..شالتهم كانو خفيفين وكأنهم ملابس!!..
شالت الورق عن وحدة..استغربت اكثر لما شافت مايظهر انها بلوزة..فوقها محطوطه بطاقة،
عليـك بالعافية البسي هالفستان واكشخي فيه.. بس اتمنى اكون موجود لما تكشخين فيه..لانك بتكونين فيه غير عن باقي البنات..وانتي طول عمرك مو مثل باقي البنات
،بدون توقيع بدون شي!!..شكت بشي وقامت بسرعة جابت البطاقة اللي مع الساعة الألماس..وتأكدت،
مين تكون!!..الله ياخذ عدوك هبلت فيني!!.. يعني هديتين منك شالمناسبة!!..شهالهدف من كلامك الغريب..والله ناوين عليّ انتوا!!
،نفضت الفستان وشالته وطاح منه حزام..كان فستان صوف ناعم وخفيف بني "بس درجة غريبة من البني" قصير الى الركبة بالضبط واسع واكمامه طويلة وطرفها واسع ..
مع الفستان حزام جلد اصلي ويلمع عريض اصفر وجاي مع الساعة تماماً!!..فتحت اللفة الثانية وقرت،
هذا اكيد ماقدر اشوفها عليك.. بس اكيد اكيد بتطلع عليك تجنن..لحظة..لاتقهميني غلط..واي صح..الشبشب تحت عشان تدفين عدل
،انقهرت..وهي تشوف قميص شتوي ثقيل بأكمام طويلة وقصيرإلى الركبة لونه اصفر وعليه رسمة كبيرة لأرنب كيوت بالوسط..
كان حلو وهذا اللي قهرها اكثر!!..شافت المقاس xs وانقهرت بعد يعرف مقاسها!!..
شالت الشبشب من الكيس..كان بني ناعم ومنفوش ويدفي،
مادري ليش القهر ان ذوق هالأنسان حلو!!..والأشياء اللي يشتريها حلوة!!..بس لازم اعرف مين يطلع.. لحظة انا ليه مكبرة السالفة!!..لا كلامه بالبطاقة الأولى كبير!!..والرسمة واللي مكتوب!!.. والله غريب
،قررت تطنش وشالت الأوراق قطتها..ورتبت الأغراض مع بقية الهدايا عشان ترتبهم..بس لحظة،
وين هدية سديم اجـل!!..صحيح جابت باقة ورد بالأخير اختربت..بس انا متأكدة جابت شي ثاني!!
،التفتت تدور حولها..لقت كيس طايح جنب السرير وبين بقية الأكياس..سحبته وفتحت كان فيه علبة طويلة،
الظاهر اسوارة!!
،وطلع تخمينها صح..اسوارة ذهب ابيض ناعمة وفيها كرستال احمر..وابتسمت الرزان وهي تقرا البطاقة،
شوفي والله مايغلى عليك شي..تراها ذهب ابيض مو فضة..والكرستال شوارفسكي اصلي >>كل كرستالة تقول الزود عندي<< ..وترا غلاك بالقلب اكبر يــالغــلا كله..انتي بمليون كرستالة شوارفسكي اصلية >>خخخخخ..تشبيهات مادري من وين اطلعها<<..اسمعي عشان افتن بس..ترا اصوله جايبة كاميرا وهنوده جيابة بيجامة وملابس داخلية >>قلتلها استحي يابنت بس اصرت..تصدقين فكرت اجيب لك ذاك الشي "عرفتيه!!"بس هونت خفت ترتكبين فيني جريمة<< ودودي طلبت تعليقة بأسمك من السعودية >> عجبتني فكرتها..ياليت سبقتها فيها..يـلا الجيات اكثر<<.. كل سنة تمضي من عمرك وانتي اصغر واصغر >>خراط<< وكل سنة وسعادتك اكبر واكبر >> ياحي ياقيوم<<..عن اذنك >>ســدومه ^_^<<
،ضحكت وضحكت،
قال عن اذنك قال!!..رجه ياسدومه بس بذوق
،رجعت البطاقة و الأسوارة للكيس وحطته مع باقي الأكياس..وصورت الهدايا كلها مع بعض..
بعدين شالت اللي تبيه وحطته بالشنطة وشالت بقية الأغراض حطتهم بمكان محترم..

وجهزت وش بتلبس بكرا وهم طالعين للمطار وهي تبتسـم ابتســامة خبيــثة!!..


[..الجـزء السابعــ ..]

لبست وتأكدت من شكلها مضبوط بالمرايا..طلعت وراحت غرفة غادة..
الرزان:غادة؟
غادة..كانت تلف حجابها:هـ،ايش هدا!اش الكشخة دي!اش الروعة هادي!!،يكون كله تأثير امس!!
الرزان..ابتسمت:بعدين اقولك،ممكن بوت بني لو سمحتي؟
غادة:بس كدا!من عيوني،طويل ولا عادي!!
الرزان:طويل اكيد
غادة:فكرت يمكن تتهوري وتتشخلعي علينا
الرزان..ابتسمت:لا تطمني ماوصلت لهالدرجة من الانفتاح العقلي
غادة..انتبهت للساعة اللي بيد الرزان وشهقت وهي تمسك ايدها:واااااااو،ايش هدا؟!،من فين جبتي هادي الساعة؟؟من اداك هيا؟؟
الرزان..بابتسامة خبيثة:هـدية
غادة:نعرف هدية،بس من مين ياحلوة؟؟
الرزان:اذا تعرفين قوليلي!!
غادة..استغربت:كيــف؟!!
الرزان:تبين تعرفين!،جيبي لي البوت وتعالي الغرفة
طالعت نفسها لآخر مرة بالمرايا..الفستان البني والحزام الأصفر..وحجاب اصفر..
ولبست ليقنز اصفر مناسب من سديم >>كثير يتبادلون ملابس واشياء!!<< والبوت البني الجلد >>يشابه جلد الحزام الاصلي اللامع<< طويل و كعبه العالي >>وش سالفة غادة مع الكعوب!!<<..
وكاشخة بالساعة والاسوارة..اليوم لبسها بناتي وانثوي حده!!..لكن مااهتمت بس في سبيل تعرف صاحب هالهدايا!!..
ورت غادة الهدايا وسألتها مين ممكن يكون حطهم!!..
غادة:ماانتبهت!!،مين ممكن يكون؟؟
الرزان:مادري،بس على وشك استخف لان كلامه غريب!!
غادة:بقــوة!!،يـلا ماعليكي اهم شي طلعتي بهدايا حركات وكشخة
الرزان..ابتسمت:على قولك،اهم شي،بس انا خمنت انه ممكن يكون فـارس؟!!
غادة:فـارس!!لالالا مو هو،هو اللي جاب الكيكة وباقة الورد
الرزان..ابتسمت:اهـا الباقة منه!!،كنت افكرها من سديم،يـلا بالنهاية بعرف من مين هالهدايا
طالعت ساعتها..الساعة 9:35الصباح..خلصوا لبس كلهم..وقفلوا الشقة وشالوا شناطهم لما وصل فارس ومعاه طلال..
ركبوا كلهم معاه طلال قدام والبنات ورا..طلال قعد يستهبل على الرزان >>على كشختها<< وحاط لها اغنية "هذا اللي شايف نفسه" لـ فيصل الراشد..
وشوي "ارحمني" لـ فايز السعيد..وقعد يغني ويغمز لها..والكل يضحك عليه..
{ارحمني ارجوك كافي لعب باحساسي..ماتخاف ربك بهذا اللي مسونه
عام(ن) ورا عام حالي حال ياناسي..وان سجينك مابين النار والجنه
ارحمني..ارحم..ارحمني ..ارحمني..ارحم... }
الرزان..ابتسمت:طلال يـلا عاد بلا سخافة!!
طلال:ارحمنـي ارحم،ارحمنـي ارحم،ارحمنـي ارجوك
الرزان:وبعدين يعني!!
طلال..ضحك وغمز لها:شسوي استخف،استخف اذا شفتج كاشخة،تعالي لايكون فرحة بالرجعة للسعودية
الرزان..تلقائياً:لا وع..تداركت نفسها..مو لهالدرجة!
طلال..فهم عليه:اجل وش سر الكشخة؟،لايكون لايكون يابنت محمد طايحت لج طيحة من وراي؟! ،بس انتي مشكلتج لاطحتي ماحد يسمي عليج،اعترفي واقري!!
غادة:والله زليوتها،يعني حرام تتزين وتتكشخ
طلال:مو حرام عندج انتي وغيرج بس هي عندها حرام،فـلازم يكون في انه وقصة وسالفة ورا الكشخة،خصوصاً ان وحدة كانت تبي تكون ولد لسنين طويلة فجأة ترضى بواقع انها بنت وتكشخ مثل باقي البنات؟!!!
الكـل شهق:ولــد!!
هنادي:لاتصدميني بحياتي يالرزان،وتقوليلي ان البنت نفسها اللي امس تبي تصير ولد
سديم:بعد ذاك الـ...ضربتها هنادي ووقفت عن الكلام
فارس..ضحك على اشياء و اشياء:والله ناس محتارة بعمرها،اللي يبي يصير بنت واللي تبي تصير ولد!!..وبجدية اكبر..ليـه مو عاجبتكم خلقة ربي!!متكبرين عليها!!وتبون تتحكمون بخلقة ربي!!
طلال..ابتسم:صـادق والله،عطها خل تسمع الغبية،هذا اللي شايف نفسه...
الرزان..قاطعته:بس الله يخليك،انا ماتكبرت استغفر الله،ولا تذمرت اعوذ بالله،بس مجرد تمني لاني لو كنت ذكر..(يمكن كانت امي حبتني اكثر..يمكن ماكان صار اللي صار)..يمكن كانت حياتي اسهل
سديم:بس امس ماكنتي تبين الذكور!!
فارس..باستهبال:ماتبي الذكور!!،ليه مو مالين عينك!!،اجل ليش تبين تصيرين وحدة منا!!
طلال:لاتتعب نفسك موقفها متناقض معنا،أحياناً تبي تصير وحدة منا،أحياناً ماتطيقنا وتبي تذبحنا،أحياناً احنا العالم كله بالنسبة لها
الرزان:عاد الثالثة عمرها ماصارت،بس الثانية تصير كثير
فارس..ضحك:اجل ينخـاف منك!!
سديم..بتلميح وهي تضحك:انت خصوصاً لازم تخاف على عمرك،احتمال قتلك كبير
فارس..فهم وش تقصد وضحك:بتأكد اني احط لي حارس على راسي اجل،بس ماظنتي انا اللي بنقتل الا يمكن ناس تخون فيني
اصيل:عفواً لايجوز إنكم تلمحون تلمحيات احنا مانفهمها،ياتفهمونا ياتسكتون
هنادي:والافضل تسكتون،لاني ابي اعرف سر الكشخة يا الرزان!!
الرزان:يــاربي خلاص عاد
طلال:لا لا،شاللي خلاك تكشخين مثل باقي البنات هـا!!
فارس:اختك هاذي مستحيل تكون مثلهم..طالعها بالمرايا وهي وراه..مو انتي غير عن باقي البنات وطول عمرك مو مثل باقي البنات
الرزان تغير وجهها ماقدرت تتكلم،
شالسالفة!!شالقصة!!،معقول!!،..
طلال:بعد معاك حق،بـس شي غريب!!الله يعين يوم يشوفك خالد بيغمى عليه من الصدمة
الرزان كان راسها تدور فيه مية فكرة وفكرة وماردت عليه..
فارس:تدري لعانة فيك،بحط اغنية "هم مالهم بينا"
اصيل:وشهالغبار يافارس!!هيثم سعيد مرة وحدة!!
فارس:نكايــة في طلال مع اني مااحب اسمع اغاني
الرزان..استغربت:بس مالها علاقة!!
فارس..ابتسم لطلال:بيني وبينه
طلال..ضحك:طيـب،صدقني عشان اللي بيني وبينك ماراح اسويلك شي..فجأة سكت فكر واستنتج..تعال يعني سويتها!!..لما ضحك فارس..يالدب قلت لك لاتسويها انتظر،دايماً عجول ورا ماتركد!!،وش كبرك شايب وتتصرف كأنك بسن المراهقة
فارس..ضحك:انــا!!،صح صح
هنادي:ترا قدامكم بس كذا ولا هو شي ثاني بالبيت وبأي مكان ثاني،و لا المزاج اللي يقلب فجأة على ناس وناس فـارس
فارس..ابتسم:ليش تهاجموني!!انا وشسويت لكم!!،والله اني طيوب وحبوب مااستاهل كل هذا
طلال:على بـابا ياماما!!
فارس..ضحك:طلول تراها العكس
هنادي:يـلا خلصوني قبل لاننزل ابي اسمع "مكانه وين"
الرزان:ماشبعتي منها امس!!
هنادي:لا ماشبعت ..وهمست بأذنها..ابي اتعلم اهز عليها مثلج
الرزان..ابتسمت:ماينفع عليها!!
هنادي:نصابة!!تعرفين وماتبين تعلميني،وانا اللي تعبت عليج امس!!
الرزان..ابتسمت:خلاص ولاتزعلين،يوم السبت بالعزيمة بعلمج
هنادي..باستها:تسلمين لي يااحلى رزون بالدنيا
الرزان:مصــالح
طلال:لحظة،لحظة من متى؟؟من متى!!
الرزان فهمت انه يقصد البوسة وطالعته..وهو فهم عليها فسكت بلا تعليق..
نزلوا مطعم وافطروا على حساب فارس اللي اصر..وبعدين راحوا عالمطار..الساعة 12 الظهر اقلعت الطيارة والكل عليها..
الرزان توهقت لما جلست بين فارس وطلال وهم سوالف وضحك وتعليقات عالمضيفات!!..
لحظات تحس بتتهور وتقوم تكفخهم..البنات كلهم نايمين وفي سابع نومة!!..كانت بتبادل مع طلال بس طنشها!!..
حست بقهر منهم من قلب..ومالقت الا شنطتها >> كاشخة بالشنطة الهدية من خالد<< طلعت منها قصة "ذهب مع الريح" لـ مارغريت ميتشل..
فارس:انتي من صجج،بتقرين هالرواية!!
الرزان ماطالعت فيه وفتحت القصة..
طلال:نصحتها ماتقراها،انا ماخذها من خالد قبلها وقريتها كلها كآبة في كآبة
فارس:كلها الم في الم قصدك،ترا انتي مو ناقصة!!
الرزان..رفعت حاجب و ببرود طالعته:والقصــد من ورا هالكلام!!
فارس:لاتقرينها احسن لج
الرزان..رجعت للقصة:اوردي بديت اقراها من قبل،و وصلت للنهاية تقريباَ
طلعت الآيبود وحطت السماعات وشغلته..وطنشتهم واندمجت بالقصة..وفعلاً انقهرت من النهاية ..سكرتها بقوة،
قال ذهـب مع الريـح قال..وانا وش اسويله يعني..بعد كل هالعذاب!!..بس فجأة غير رايه وماعاد يحبها!!..شهالغباء!!..صحيح مالي خبرة ابد بالحب بس ماظن ان الحب يموت بسهولة..صعب صعب يموت بهالطريقة!!،..
طلال..ضحك لما شافها تنافخ:هـا شلون حلوة مو!!
فارس..ابتسم:اكيد استانستي عالنهاية خصوصاً
الرزان طنشتهم،
سخيفيـن!!
،..طالعت ساعتها وشافت انهم قربوا ويوصلون..قامت وراحت لبست عبايتها وبدلت الحجاب بالشيلة..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 06-01-2010, 05:49 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


طلال..ابتسم:اشتقت لشكلج بالنقاب والله
الرزان..ببرود:ماجبت وياي نقاب اذا تذكر
طلال..يستهبل:احسن لج كشفي وارتاحي
الرزان..طالعته:صح عشان امي تذبحني وهي ترتاح بعد
طلال..ضحك:والله مو مرتاح الا انا منكم انتوا الثنتين،انتي تتذمرين وامي تهزىء وانا طايح بالوسط،فقير(ن) مسكين (ن) ومالي ذنب
الرزان:حــرام!
فارس:طيب قولي الصراحة،مو احسن لو كنتي تكشفين بالسعودية؟!
الرزان:اكيد لا،اخاف مطافيق السعودية يجيهم شي اذا كشفت
فارس:يعني يقالك ماشفتي مطافيق السعودية بلندن!!
الرزان:اذا طلعوا برا يتغيرون!!
فارس:غريب،بس انتي مو واثقة بنفسج بشكل اغرب!!
طلال:مين واثق!!،اختي!!،مسكينة كلمة ثقة ماتدخل بقاموسها اصلاً ماتتعامل بهالكلمة ولاتعترف بوجودها
الرزان:ياليت تبطلون مصخرة،التفتوا على شي ثاني غيري تسولفون فيه
رجعوا يتغامزون ويتهامزون على شي ثاني..وهي بآذانها سماعات الآيبود..
وأخيراً وصلت الطيارة الى مطار الملك فهد بالدمام الساعة 5 بالضبط..نزلت وهي تتنفس الهوا >>يقالك هوا السعودية غير<<وتلثمت سريع بالشيلة..
ومشت وكلها شوق "بس له"..دخلوا المطار وشافته ينتظرهـا "هي بس"..
كاشخ بالثوب والشماغ "عريس حشى!!" فسخ النظارات الشمسية لما لمحاها..
اول مرة تحس بنفسها تقدر تضمه وتضمه بقوة..اشر لها بيده..راحت ركض وهي مطنشة اللي معاها وضمته..
هو انصدم اول مرة تسويها!!بحياتها ماسوتها!!و اول مرة قدام الناس!!..بعدت وباس راسها..
خالد:شاالتطورات يا قلب خالد؟؟
الرزان..ضحكت:قال قلب خالد قال!!،انت وين زوجة المستقبل عنك!!
خالد..غمز لها بابتسامة:بعدج عفت الحريم
الرزان:خــالي،اشتقت لك موت
خالد..ضحك:قلبي مايستحمل كل هالحركات
الرزان..ضحكت معاه:سـلامتك
خالد:اعترفي مين لعب بعقلج مين!!،هـا يابنت طايحة لج على شب هيك ولا هيك!!
الرزان:وع وع،بعدك انت مافي شب يملى عيني
خالد..ابتسم:ايوا كذا خليج مؤدبة،بعدين وخري شوي ابي اتنفس،والناس بدت تشك
الرزان:اوووه الحين يفكرون اكيد خويته،ايه ايه راجعة من السفر وهو كاشخ وجاي يستقبلها
خالد..ضحك:يقطع ابليسج،تفكيرج هذا هو ماتغير،توي عرفتج
طلال:ياهوووو،ناسينا بعد ماشفت حبيبتك هـا
سلموا على بعض وبالأحضان..
خالد:نساك الموت ياولد اختي،وبعدين ليش مو واثق بمعزتك!!
طلال:قدام هاذي،ماظن احد بقى له أي معزة
الرزان:حقد ولا غيرة حدد!!
طلال:عليج بالعافية انتي وخالج،تصطفلوا وانا مالي
خالد:تعالوا بس تعالوا،خل ناخذ الشنط ونتعرف على المزايين اللي معكم
الرزان:هيييه انا صديقاتي ترا ماياخذون شياب
خالد..يستهبل:ادري من الغيرة تقولين كذا
تعرف خالد على فارس..وطلال عرفه عليه لغرض معين!!..هذا اللي حسته الرزان في طول الوقت تلميحات بكلامهم!!..
طنشت وراحت تسلم عالبنات وتأكد عليهم على العزيمة يوم السبت..وشافوا خلوووود على قولة غادة..
سديم:يعني هذا طلع خلودي!!
الرزان:كنتي تتوقعين شي ثاني!!
سديم:توقعت واحد اصغر!!
الرزان..ابتسمت:خالي شباب بدون شي
غادة:اوووه اشتغل الدفاع ياسدومه ليه تفتحي فمك،هيا اسكتي
هنادي:بس والله مزيون خالج
الرزان:قزي قزي على راحتك ماعندي أي مانع
هنادي..ضحكت:اروح اخطبه عادي
الرزان:حلالج،بس ماتقدرين توصلين
هنادي:لا ناس مافي منهم امل مابي،هونت خلاص
:الـرزان يـلا حياتي
أصيل:خطير بعد يدلع،والله مو هين ياهنادي لاتضيعينه من ايدك
وقعدوا يضحكون..
هنادي:تبينه اتنازل لج عنه مافي مشاكل
الرزان..ابتسمت:لعبة بين ايدينكم خالي!!،يـلا بس انثبروا ؟،اشوفكم يوم السبت
غادة:بيننا الو اوكي
الرزان:اوكـي،نشوفكـم
راحت مع خالد..اشرت للبنات "بـاي" وانتبهت لفارس واشرت له "بـاي"..

وطلعت ماسكه ايده وهي تبتسم..


[..الجـزء الثـامنــ ..]

طاحت عالسرير وهي تطالع بجدران الغرفة بضيق..ودها تكسر راسها على وحدة منهم،
هاذي بدايتها!!..العيشة بالسعودية تضيق الخلق!!..لاطلعات لاتمشيات لافطورات!!..آآآآآخ الله يصبرني بس..
والنهاية طيب!!..النهاية ياامي العزيزة ياامي الحنونة النهاية!!
،كانت الرزان..توها مهزئتها امها بدون سبب..
"بس رحتي بريطانيا سافرتي بس وتكبرتي علينا!!تعالي ساعديني!!قولي امي تحتاج مساعدة وتعالي ساعديني!!تذكري امك اللي ناسيتها من شهور ببلاد الغربة وحني علينا شوي وساعديني"..،
مافي خدامات يعني!!..طول عمرج تطردين الخدامات عشان اصير لج خدامة!! وبعدين..الحين جاية باجازة ابي ارتاح بعد شهور الكرف بالدراسة وآخر الاسابيع كان علينا اختبارات.. ابي ارتاح..لكن وين الراحة وامي الحنونة على حنانها هذا!!
،دلكت يدها اللي تكسرت..ورجولها وهي واقفة ساعة بالمطبخ بس تغسل بالصحون!!..
قامت من على السرير وهي ماسكة ظهرها.. تذكرت انها الصباح مسحت الغبار اللي بالمجلس كله..
والنتيجة "الحــلوة"شرفت،
اكــره نفسي اكرهها
،طاحت عالسرير مرة ثانية وهي تصيح..وتصيح..وتصيح.. صارت الساعة 7:30..
سمعت "طق طق" على الباب..قامت بألم من على السرير وهي تطالع الساعة مفجوعة!!..
نامت وهي تصيح!!لـ اربع ساعات!!..ركضت الحمام"الله يكرمكم" وجسمها متكسر غسلت وجهها بسرعة..
وفتحت الباب..طبت عليها وضمتها وبالمرة كسرتها..
الرزان:ريمـا فكي عني كسرتيني!!
ريما..بعدت عنها بابتسامة:فديت هالوجه والله،كل يوم اشتاق لج اكثر
الرزان..رجعت دخلت الغرفة:توج شايفتني امس وقبل امس!!
ريما:اقولج اشتاق لج كل يوم اكثر..طالعتها وخزتها..انتي كنتي تصيحين
الرزان:لا ،كنت نايمة والحـلوة جاية
ريما:مايبيلها كلام،الحـلوة يعني ام الصياح ليل ونهار،كنتي وش زينج امس وش صار بين ليلة وضحاها!!
الرزان:أمـ...
سكتت عشان ماتنزل الدموع اللي ماتبيها تنزل..
ريما..جلست جنبها:ياعمري خلاص هونيها وتهون،يوم من الأيام صدقيني ربي بيفرجها
الرزان:يارب يكون هاليوم قريب،لاني اختنقت وممكن اموت على هالحالة
ريما..قامت وسحبتها:قومي قومي،جايينك ضيوف اكشخي يااكحل العين،وانا رايحة اجيب لك دارسين وحبة بنادول سحرية تطير الألم وتخليك غزال يرقص
الرزان ابتسمت واستسلمت للأمر الواقع وقامت..طلعت ريما..
وهي جلست تبدل ولبست برمودا بيج "موديل علاء الدين" ولبست قميص خالتها ايمان "burberry" احمر وماسك على جسمها ومعاه شال "burberry" اللي معا هدية خالد وكشخت بساعة "burberry" بعد هدية خالها >>بس قديمة<< ولبست معاها الأسوارة اللي من سديم..
بس وقفت واحتارت وش تلبس شوز!!..دق الباب..
الرزان:تفضل
ريما:قولي تفضلي طيب!!
الرزان..طلعت لها لسانها:تمييز عنصري انزين
ريما..عطتها كوب الدارسين والبنادول:وش هالحركات!!من متى تلبسين ضيق وحركات بنات على قولتك!!
الرزان:خلاص انكسرت القاعدة
ريما..حطت يدها على راسها:ياويلي ويلاه خربوج بنات العنجليز!!
الرزان..ابتسمت:وهو كذا ياجدتي
ريما:بس الساعة المباركة يوم يخربونج بهالطريقة،ايوا اخيراً خلونا نشوف هالحلا وهالجمال
الرزان:تعالي بس وش البس شوز!!
ريما:تعالي نحوس يمكن نلاقي شي احمر يناسبج
ولقوا بدولاب الجزم فلات احمر وناعم ومافيه أي حركة..عجبها وشالته..
ريما:بس هذا عادي!!
الرزان:هذا يناسب جداً فلا تخليني اتهور والبس البوت السبور حقي
ريما:خلاص خلاص هذا يجنن،تعالي نحط لك لمسة لهالعيون الكحيلة
حطت لها كحل عادي وكحل سايل فوق الجفن لمسة بلاشر وروج احمر..وطلعت جنان..رفعت لها شعرها من قدام بف..
ريما:و لا احلـى
الرزان:عيونك والله اللي حلوة
ريما:ادري عمرك ماراح تقبلين مجاملات ومدح الا بطلعت الروح،يلا قدامي
انزلوا..كان اول الواصلين صديقاتها من ايام المدرسة نورة و نوف >>نوف سعد الـ... ..20 سنة ..
اقرب وحدة للرزان من بعد نورة في شلة المدرسة..وتقرب لنورة بعد بس من بعيد شوي..
تدرس بجامعة الملك فيصل سنة ثانية تخصص علاج طبيعي<<..
نورة..وقفت مكانها اول مادخلت تغمض وتفتح تغمض وتفتح:ماني قادرة اصدق،نوفو تشوفين اللي اشوفه!!
نوف:والله مو قادرة اشوف شي عيوني صار عليها غمامة
الرزان:يالسخيفات!!
سلموا وهم مستغربين..مصدومين..مو مصدقين..فرحانين..بتغــير الرزان الغريب!!..
جاوا بعدهم الخالات "هند" و"هيفاء" وبناتهم..وبعدين زوجات الأخوال "ابراهيم"و"سامي"و"عبدالرحمن"و "احمد الله يرحمه" و"مبارك" وبناتهم..
وبالأخير شرفوا غادة ومعاها اختها معين >>معين ..16 سنة..طالبة ثاني ثانوي علمي ولها توأم اسمه معن<< واصيل واختها..
غزلان >>غزلان..22سنة..متزوجة وعندها ولد عمره سنة<< وسديم مع اخت خطيبها!!..
رشـا>>رشا ..18 سنة..طالبة ثالث ثانوي ادبي<< وهنادي مع زوجة اخوها..
بدور>>بدور..19 سنة..زوجة عبدالله اصغر اخوان هنادي <<..واكتمل الجمع بحضور افنان اخت عبدالعزيز >>افنان..21 سنة..متزوجة وعندها بنت وولد<< ..
واختها الصغيرة نورة>> نورة.. 16 سنة..طالبة اول ثانوي<<..ابتدأت الحفلة..
الحريم قعدوا بغرفة الحريم والبنات ظلوا بالمجلس رقص واستهبال على اغاني الدي جي ايمان>>خالتهم<<..
الكل انصدم وتفاجأ بالرزان لما قامت ورقصت مع البنات..وحتى البعض انسحب بس عشان يتفرج عليها!..
وهي ماقصرت "تبي توريهم من هي الرزان" طلعت كل اللي عندها وابهرتهم..وبعدين وقفوا للعشى..جلست جنبها هنادي وبدور..
هنادي:والله يابدور اقولج والله ماكانت تعرف شي يوم الاربعاء هذا بس تعلمت!!
بدور..ابتسمت:معقول!!ماشاء الله عليج يالرزان الرقص معاج يصير شي ثاني
الرزان ابتسمت وماعلقت..
هنادي:بعد العشا الوعد يارزون،ولا ناسية!!
الرزان:ابد والله،وطلبت من ايمان تحط الاغنية بعد
هنادي:حلـو
بدور:خالتج ماشاء الله عليها عندها اغاني فلــة
الرزان:هي بكبرها فلـة
هاجمتها من ورا..
:وش هالحـلا كله!!اذوب انا مااستحمل ترا،خفي علينا
وباستها..
الرزان..بعدتها:وعععع نورة واللي يسملج بعدي
نورة:يحق لج،هذا اللي شايف نفسه ماشي ولا معبرني
هنادي..ضحكت:صادق طلال
نورة:اللي غناها اسمه فيصل الراشد،مو طلال!!
الرزان:تقصد طلال اخوي،قعد يرددها طول الطريق للمطار لوع كبدي
هنادي:وزادها بـ"ارحمني"
نورة:اكيـد معاه حق،ارحمينا شوي طيب،حبة حبة لاتجينا سكتة مرة وحدة
الرزان:روحي بعيد بس،متى ملكتج؟!
نورة..جلست على كرسي قريب:من قال في ملكة!!،من قال اصلاً بتزوج!!
الرزان:ياســلام والخطيب وش صار له؟؟
نورة:اقول عشم ابليس بالجنة آخذ هذا اللي لاراح ولا جا،رفضته
الرزان..استغربت:وابوك سمع كلامك؟!
نورة:لاطبعاً قوم الدنيا وقعدها،بس بالأخير اخواني قالوا الزواج قسمة ونصيب،تدرين كان ودي اشوف وجهه وهم يقولون له رفضتك،فقدت خشته هالكريه
الرزان:والله خبلـة،مو كنا نموت على هواهم شاللي غير الحال؟!!
نورة:يخسى الا هو ولا عشرة من امثاله،انا لاحبيته ولا ابي احبه،الله ياخذ عدوه كريه كريه بشكل لايطـااااق يارزون،تدرين لو كنت اخذته كنت كل يوم بتصبح بخشته البهية والتكشيرة!! والكلام العسل اللي ينقط من كلامه كل ثانية ولا الدرر والحكم ياعيني ياعيني
الرزان..ابتسمت:الله يعينك على نفســج الصراحة
نورة:ليـه لاني ابي نفسي وشاريتها!!،ترا مو رخيصة عندي نفسي اعطيها لأي واحد والسلام ولا ابيعها
الرزان:ان شاء الله ان شاءالله،بس لاتبدين محاضراتج في احترام الذات
نورة..قامت ومسكت يدها:مابرد عليج،قومي ابيج ترقصين معاي يمكن اتعلم واتعدل شوي
الرزان:لحظة اغسل ايدي طيب
نورة:بلا فلسفة مااكلتي فيها،ولا لمستي الأكل فيها
سحبتها ورقصوا مع بعض على "اتهمني" لـ سعود ابو سلطان..وجلست الرزان بعدين..جات وجلست جنبها..ومبين على لسانها كلام..
الرزان:اشفيج افنان!!،تبين تقولين شي؟
افنان..ابتسمت:تغيرتي كثير!!
الرزان..ابتسمت:للأحسن ولا الأسوء
افنان:شخصياً اشوفه للأحسن اكيد،اولاً طالعة قمر وثانياً عليج رقص اسم الله ابدعتي
الرزان:ياسلام،لسه ماشفتي شي
افنان:مافيني اشوف اكثر،اخاف يوقف قلبي من الفرحة،بنستأذن انا ونورة
الرزان:وين تو الناس؟!،تو الليل توه
افنان..ضحكت:لاوالله تأخرنا وبكرا وراها مدرسة الأخت نورة
الرزان..ابتسمت:وجاسر بعد مايقدر على فراقك اكثر
افنان..بابتسامة:اكيـد
الرزان..ابتسمت:بعد!!
افنان..ضحكت:ثقة عمياء،يـلا نشوفك على خير ياعمري
الرزان:على خير ان شاء الله
الساعة 12:20بالليل..كل اللي وراهم مدارس وجامعات وداومات انسحبوا..
بقوا ريما واختها هلا >>هلا..15 سنة..اول ثانوي << واماني وبنت اختها حلا>>حلا..16سنة..بنت اخت اماني الكبيرة سارة..طالبة ثاني ثانوي علمي<< ورغد و وعد..
وبنت خالهم "احمد الله يرحمه" انفال>>انفال.. 21 سنة..متزوجة وعندها ولد عمره سنة<<واختها الصغيرة نوف >>نوف..16 سنة..طالبة ثاني ثانوي علمي..صديقة حلا وهلا الروح بالروح<<..
وسديم بقت لحالها ونفس الحالة هنادي..اما اصيل راحت مع اختها..وغادة اقنعت اختها تقعد وتتعرف على شلة "حلا وهلا ونوف"..
ريما..تتحرش في الشلة:هـا شلة الشرور،شالمقلب الجديد اللي بتسوونه في المعلمات بكرا!!،ولا بتغيبون وتقصرون الشر!!
نوف..حطت يدها على قلبها:ياويلي اغيب،تذبحني امي،بكرا عندي اختبار احياء
اماني:ياعيني!!،سمعتوا عندها اختبار احياء وقاعدة لهالوقت!!،اقول متى ذاكرتي؟؟
نوف..بثقة:ذاكرت الخميس والجمعة،ماني غبية
ريما:لاتخافين عليها امون،هاذي راس الشر والدفارة بعد،يكفيها اخت فصول اللي الدفارة تنقط منه اللهم ياكافي!!
الرزان:قولي ماشاء الله،لايصيب ولد خالي شي من عيونج ريموه،بعدني عيب يعني ان الواحد يصير حريص على الدراسة،نسينا ماكلينا!!ولا عشان تخرجنا وافتكينا من المدرسة ريمو!!
ريما:لاعيوني مانسينا،بس ماكنت دحيحة لهالدرجة ولا دافورة!!،ولاتنكرين انتي بعد
وعد:فكونا بس الله يقرفكم مالقيتوا طاري الا طاري المدارس
رغد:أي مو اللي ايده بالموي مثل اللي ايده بالنار!
هنادي..ضحكت:ههههههههههه،يالظالمين المدرسة صارت نار!!،والله مافي احلى من ايام الثانوية قمة الوناسة والعباطة
وعد:عفواً بس الأخت من أي كوكب بالضبط!!
رغد:حقت ارامكوا!!،اكيــد كوكب الدحيحين،احلى ايام الدفارة هـا؟؟
هنادي..ضحكت:ههههههههههه والله ماشديت حيلي بثالث،ولا اول وثاني انواع الوناسة واللعب
وعد:هذاك اول يامـاما
رغد:مو اقولك اللي ايده بالموي مثل اللي ايده بالنار
حلا:ترا حتى احنا ثاني نعاني اكثر منكم ياثالث
وعد:ليه عيوني!!من يقوله!!
نوف:نفس النظام علينا وعليكم،كلنا بالهوا سوا
حلا:أي والله ودرجاتنا بعد بالهوا سوا
انفال..حطت ايدها على راسها:الحين وش يفكنا من التحلطم،خلاص خلاص سدوها سيرة
جلسوا بنقاشات وسوالف الى الساعة 1ونص صباحاً..راحت الرزان المطبخ تاخذ لهم بندول..
:السلام عليكم
الرزان..التفتت مصدومة:فيصل!!،وعليكم السـلام
فيصل..ابتسم:يفترض الف واروح بهاللحظة!!
>>فيصل..19 سنة..ولد خالها احمد..طالب سنة ثانية بجامعة الملك فهد للبترول والمعادن تخصص هندسة كهربائية والكترونية<<
الرزان..ابتسمت:يفترض
فيصل..ضحك:طيب،شخبارج؟شلونج؟،أي صح الحمدلله عالسلامة
الرزان:الله يسلمك،انا تمام الحمدلله،وانت؟
فيصل:عال العال،وين البيت فاضي؟؟
الرزان:بس في البنات بالمجلس،وش تبي؟؟
فيصل:جاي آخذ الست هانم نوف ونفول،واللي يبي حياه الله معاهم
الرزان..ابتسمت:بعد عزايم..غمزت..مو لله ها؟
فيصل..بابتسامة:لناس لله في لله،بس ناس ثانية لا طبعاً
الرزان:يـلا عطنا مقفاك اشوف،مابي احد يجي ويسوي لي سالفة
فيصل:يوه مازالوا على اغنية "تغطي عن فيصل"،ترا صارت قديمة وبايخة،وبعدين انا مابغيت الا انتي اطالعها!!
الرزان..ابتسمت:وانا مالقيت الا واحد اصغر مني اطالعه،قطيعـة هذا اللي ناقص
فيصل..ضحك:لا والله وتغيرنا وشفنا عمرنا..وغمز..ها وش أخبار لندن معك يابو الشباب؟
الرزان..ابتسمت:تسلم عليك بو الشياب
فيصل..ضحك ورجع غمز:ايوا اعترف اعترف،شايف (ن) لك شوفة؟
الرزان:يوووه عليكم،ماتشبعون من هالسيرة!!
فيصل..ضحك اكثر:شنسوي تافهين وفاضين وماعندنا سالفة غيرها
الرزان:بعد تقولها وانت مبسوط!!،صج الحمدلله والشكر
فيصل..ضحك:بس تدرين،حاس وربي حاس بو الشباب شايف(ن) له شوفة!!،انا رايح قولي لسموهم الكريم يتنزلون ويعجلون لأن وراي دوام بكرا على عكس ناس
الرزان..ابتسمت:قهر وغيرة
فيصل..ابتسم:اقول بس نشوفك على خير،لما نتأكد من الطيحة اللي طايحها
الرزان:ماراح تشوفني ابد اجل،روح تحلم روح
فيصل..ضحك:مو الحلم ببلاش!!خليني احلم،ســلامو
الرزان..ابتسمت:ســلام
فيصل..لف وهو رايح:ركبي بريسس باسرع وقت اسنانج حالتها خطيرة!
الرزان..ضحكت:مالت عليك
راح وراحت معاه انفال ونوف وحلا وهلا و وعد ورغد..وبعدين راحت غادة واختها ومعاهم سديم ..
بينما ظلت ريما واماني وهنادي اللي بعد طلعة الروح امها اقتنعت انها تنام عند الرزان لان مافي احد يجيبها بهالليل..
طلال كان بالشاليهات مع ربعه..اما خالد تنازل وترك غرفته ونزل ينام تحت>> عشان هنادي تاخذ راحتها<<..
الرزان ماكانت غرفتها صغيرة فلقت مكان بسهولة لهم عشان ينامون ريما واماني مع بعض قدام السرير وهنادي جنب السرير..
انسدحوا وطفوا الأنوار >>بس نور الأباجورة لأن الرزان ماتنام بدون نور..من سابع المستحيلات!!<< وظلوا يسولفون ويسولفون..عن الجامعة..عن لندن..
واكثر شي تكلمت هنادي عن عايلتهم واخوانها وخواتها.. وعن مايقالك مغامرات الرزان في لندن!!..
وحكت لهم عن التمشيات..الفطورات..الطلعات الصباحية.. والحنين والشوق خذها للنـدن..

وابتـسمت بعد مادق النوم باب الغرفة..
[..الجـزء التـاسعــ ..]

صحت وهي تتمدد..طالعت حولها كلهم نايمين بهدوء وسلام..طالعت بـ"نيمو" اللي بين ايدينها.. ضمته بقوة،
احترت..احترت بنفسي..اروح لها يمين تجيني يسار!!..وش اسوي بعمري يانيمو!! ..وش الحل!!..اتغير؟..ولا..امسك مجنوني لا يجيني اللي اجن منه؟..ماله دعوى صح!!..بس اخاف تنعفس حياتي اذا عشت مثل باقي البنات!!وانا مو مستعدة نفسياً اصلاً..بس مين بيستفيد اذا ظليت على حالتي هاذي!!
،حست بألم شديد ببطنها..غمضت عيونها بقوة..ومسكت بطنها وشدت عليه،
مين يتهنى بعيشته بوجودج يالعلة!!..انتي اكبر اثبات اني بنت..واني انثى..انثى لكن مجهولة المعالم
،قامت ولبست الشبشب البني..وهي كاشخة بالقميص >>الهدية<<..ولبست الروب اللي من هنادي وتسحبت برا للحمام "الله يكرمكم"..غسلت وجهها..وعلقت عيونها وهي تطالع نفسها بالمرايا!!،
ما اشوف فيج ذرة حـلا..وهم يتمدحون في جمالج ليل نهار!!..ليش يكذبون!!ليش يجاملون لهالدرجة!!..على بالهم بينفع معاي يعني..اعذروني بس مالكم امل
،رشت الماي على وجهها وفركت عيونها..طلعت وجات بتربط شعرها..بس حست جلدة راسها تعورها كأنها مشدودة!! فتركته مفتوح..
تسحبت برا الغرفة ونزلت للمطبخ سوت لها شرابها ..
..Hot chocolateالساخن المفضل
اخذته وطلعت للحوش..طول عمرها تعشق انها تطلع برا..اذا حست بضيق من حبسة الجدارن على طول تطلع برا..
التفتت وهي واقفة قدام باب المدخل..على يمينها باب المجلس وعلى يسارها غرفة الغسيل و المراجيح..
ابتسمت وهي تطالعهم..هالمراجيح قصتهم قصة كانوا لهـلا بنت خالها عبدالرحمن..لكن اضطروا يتخلون عنهم لما جاوا ينقلون لبيتهم الجديد..
طبعاً هلا صيحت وسوت سالفة "هذول مراجيحي انا شلون تاخذونهم مني،ليش تسوون كذا، انتوا اكيد تكرهوني"..
وظلت على هالموال وريما ضحكت عليها "صارت عجوز الأخت ومازالت تبي مراجيح!!،اصحي يابنت ترا عمرج 13 سنة مانتي لسه بالابتدائي!!"..
وكانت المحظوظة هي الرزان لما جابوهم هنا وهي تعشق المراجيح..صارت على طول بالحوش تتمرجح..
امها ياما هزئت انو ممكن ينتبه لها احد بس هي ولا عليها..تموت بالمراجيح والهواء الطلق مو بايدها..
الرزان ابتسمت وهي تطلع الآيبود من جيبها..وحطت السماعة بآذانها وتسمع "لو قادر" لـ عمرو دياب
{لـو قادر بص في عيني وقولي عملت لك ايه..مش فاكر مرة خلفت بوعد وعدتك بيه..
والله ماشفتش مني غير الحنية عليك
علمتك معنى الحب واجمل شوق وغـرام..وما علمتكش القسوة دي مش محتاجة عـلام
اصل انت اكيد من الأول كده والقسوة دي فيك...}
وتنفخ في كوبها اللي مو قادرة تشرب منه لانه حار وهي تطالع قدامها ولاهي شايفة..
ماحست ببرد رغم انها فصخت الروب بالمطبخ لانها حست بالحر..وجات اغنية "تملي معاك"..
{تمـلي معاك..ولو حتى بعيد عني في قلبي هواك
تملي معاك..تملي فبالي وفقلبي ولا بنساك
تملي واحشني لو حتى بكون وياك}
وانفعلت وهي تغني معاه..بس بعدين انتبهت بظلال قدام باب البيت الرئيسي!!..فشالت السماعة الا والباب ينفتح..
ودخل طلال ومعاه اثنين..هي من هول الصدمة شهقت بصوت غير مسموع..بس طاح من يدها الآيبود وطاح فوقه الكوب..
هي طاحت من عينها دمعة مو لشي على الآيبود اللي راح فيها تحت الكوب المكسور والشراب اللي انكب فوقه..
وصرخت بعد ثواني لان ارجولها احترقت من حرارة الشراب..توهم بس انتبهوا لها..
التفت طلال بحدة مقهور بس لما سمع صرختها الثانية ..ركض لها..
اما اللي كانوا معاه ولد خاله عبدالله >>عبدالله..22 سنة..طالب كلية التقنية<< وفارس انسحبوا لما فارس مسك عبدالله بسرعة وطلع وياه..اما داخل طلعت نهلة امهم وهي معصبة على الرزان..
نهلة:انا ساعة ادورك ياقليلة الحيا،وانتي طالعت لي برا تتمشين!!
وماراعت حالة بنتها اللي رجولها تحرقها..ودموعها مغرقتها وكانت منهارة عالأرض..
الرزان..حاولت تقوم وهي تعتذر:انا آسفة،كنت طالعة...
ماكملت كلامها الا وبكف على وجهها..حطت يدها على خدها وهي تتألم من داخل ومو حاسة بألم الكف اللي جاها من أمها..
طلال:مـاما،البنت محترقة رجولها اتركيها الحين
حاولت الرزان تقوم مرة ثانية وهي تلملم شتات نفسها..ونجحت محاولتها وقامت..
الرزان:خلاص ياطلال،انا آسفة ماكان قصدي...
طلال..قاطعها:ولا يهمك اكيد تفاجأتي لأننا جايين بهالساعة
نهلة..مارضت عن اللي يصير:بعد مترززة قدام ربع اخوك بهالقميص ياقليلة الحيا!!،وانا ادورك بغرفتك من ساعة وانا خايفة عليك اثاري حضرتك طالعة تترززين بالحوش...
الرزان ماسمعت اكثر،
خايفة عليّ هـا..طل بوجهي اذا كنتي خفتي عليّ بحياتك مرة يا أمي العزيزة..يا أغلـ...
، وماحست بعمرها الا دايخة والدنيا تدور فيها..طلال تداركها ومسكها قبل لاتطيح عالرخام والكوب المكسور..
طلال..التفت على امه:مـاما!!تحركي سوي شي،نادي خالي،الرزان رزونه حياتي قومي
ضربها خفيف على وجهها..لكن ماقامت..لاحظ انها تتنفس بصعوبة..
امه دخلت داخل بلاهدف!!..شالها هو بسرعة ودخلها للصالة وحطها عالكنبة..
نادى خالد اللي صحى بسرعة.. ظلوا نص ساعة يحاولون يصحونها ماصحت..ركض خالد ونادى على ريما..
ريما..كانت بالحمام"الله يكرمكم" ولما سمعته يصارخ ويناديها طلعت وهي تشوف أماني وهنادي صحوا من الصراخ ركضت هي واماني يطلون عليه من فوق:خــير وش صاير؟!!
خالد:جيبي عباية للرزان بسرعة تحركي..وصرخ..بسرعة
ريما ظلت جامدة من الخرعة ماتحركت..اماني هي اللي تحركت بسرعة وركضت تجيب عباية الرزان وشيلتها ونزلت ركض واخترعت لما شافتها على الكنبة ماتتحرك!! وماانتبهت لوجود طلال اللي معطيها ظهره..
اماني..مدت له العباية:اشـ،اشفيها!!اشفيها الرزان!!
خالد..اخذ العباية:اغمى عليها،انتي ناسية عمرج يـلا فارقي!!
اماني استوعبت وجود طلال وركضت لفوق..وهو ماالتفت ولا تحرك..
لبسوها العباية بسرعة ولفوا الشيلة وغطوها..نزلوا في ذيك اللحظة البنات لابسين عبايتهم..
ريما:خلينا نروح معاكم عمي واللي يعافيك
خالد..شال الرزان:بسرعة حركوا
طلال طلع ركض..تقاجأ بوجود عبدالله وفارس!!..
عبدالله:خير طلال صاير شي؟؟
طلال..مستعجل:بعدين بعدين،الرزان اغمى عليها
وركض شغل سيارته..طلع وراه خالد والبنات..فارس شاف هنادي >>لانها تكشف<< ووقفها..
هنادي:فارس ابي اروح معاهم مو وقتك
فارس:تعالي معاي طيب
هنادي:طيب بسرعة
ولحقوهم..على اقرب مستشفى وعالطوارىء..ركبوا لها مغذي وجهاز قياس نبضات القلب وقعدوا يحوسون..والكل برا على اعصابه..
الدكتور..طلع من عندها:السـلام عليكم،مين منكم ابوها ولا اخوها؟؟
الكل رد السلام..ونط لها طلال وخالد..
خالد:انا خالها وهذا اخوها طمنا؟
الدكتور:الحمدلله ماعليها شر ان شاءالله اخوي،بس هبوط في الضغط وضيق تنفس،بس رجولها احترقت من ايش؟؟
طلال:انكب عليها حليب حار الظاهر
الدكتور:اهـا،الحمدلله حتى الحروق مو خطيرة مع العلاج تخف ويروح اثرها بعد
خالد:مشكور دكتور يعطيك العافية
الدكتور:هذا الواجب اخوي
راح وتركهم الدكتور وهم ينتفسون بارتياح..طلوا عليها خالد وطلال والبنات يشوفونها..وراحوا خالد وطلال جلسوا مع فارس..
طلال..تذكر شي:خالد ليش كنت موجود بالبيت اليوم؟؟
خالد..طلع منديل من جيبه وهو يعطس:انفلونزا جاية بالطريق
فارس..ابتسم:مدامك بالمستشفى قوم تلاحق على عمرك،لاتصير انفلونزا جامدة
خالد..قام وهو يعطس:أي والله وانت صادق،انا بروح وبرجع طلول لاتروح مني مناك
طلال..ضحك:يعني وين بروح واحنا بالمستشفى والطوارىء بعد!!
فارس..ضحك وياه:يجوز تقوم تغازل الممرضات
طلال:هالفلبن!!،لا ناوي على عمري انا عشان ما اخلص من نق نق نق حقتهم
خالد..ضحك:اركد،وانا مطمن عليك مع فارس
فارس..ضحك:ايوا صرنا المربية من الحين!!
طلال:اذا كانت المربية انت ابد مابي مربيات،بس اذا مزيونه مافي مشاكل ابد
خالد..عطس بقوة :الحمدلله
طلال وفارس:يرحمكم الله
خالد..من قلب:يهديكم الله ويصلح بالكم
طلال..ضحك:حاقد الأخ!!،روح توكل ماني متحرك خطوة
بعد ثلاث ساعات..12 الظهر..رجع طلال من الصلاة وجلس على كرسيه جنب السرير..فتحت عيونها بألم وهي مكشرة..
طلال:يامساء الخيـر والسرور
الرزان حاولت تتكلم بس من الألم اللي تحس فيه ماقدرت..تحس النفس تاخذه بصعوبة مو قادرة..
اشرت على حلقها وهي تحس بكتمة فجأة..طلال قام بسرعة ونادى الممرضة اللي جات ركض..
الرزان تحاول تتنفس بين شهقاتها ماقدرت..حطت لها الممرضة قناع الأكسجين..
فبعد ثواني اخذت انفاسها ترجع لطبيعتها..
طلال:وش صاير يالرزان!!ليش مكتومة!!
الرزان ضاقت بها الدنيا بهاللحظة ودمعت عيونها وانهالت الدموع على وجهها بألم وحزن..جا الدكتور وشافها مرة ثانية..
ورجح ان الكتمة بسبب حساسية الصدر اللي عندها وانه ممكن من التوتر والضغط احياناً الواحد يعاني اضطراب في التنفس..
طول اليوم ماقدرت تتكلم وظلت مع الدموع..وطلال معاها ماسك ايدها بينما خالد جا وطل عليها من بعيد عشان مايعديها..
وجاوا نورة ونوف و غادة وسديم واصيل وهنادي وريما واماني ووعد ورغد وخواتها..وامها تنزلت وطلت عليها وخالاتها وخوالها بعد طلوا عليها شوي..
قالوا بيخلونها يومين ثلاثة بالمستشفى لين ماتشد حيلها شوي..اقترح طلال ينام معاها بس ممنوع..
وتوهقوا خصوصاً ان خواتها مايقدرون يتركون بيوتهم عشانها..زي ما امها ماراح تتنزل وتجي تنام معاها..
ريما كان بودها بس ابوها مارضى ونفس الحالة الباقي..لكن الأقوى بالأقناع هنادي اصرت على امها وكلمت فارس يقنعها وبالأخير وافقت امها وهي مو راضية انها تنام يومين ورا بعض برا البيت ولحالها >>وش تقول الناس!!<<..
جاب طلال اغراض الرزان من البيت..وفارس جاب اغراض لهنادي..
طلال:فارس!!،انا بشوفك كل يوم يعني ماكفاني مقابل خشتك اربع وعشرين ساعة بلندن
فارس..ابتسم:يقال يعني انا ميت عليك وياهالخشة!!
طلال:ودك انت بس بخشتي
فارس:صج ماعندك سالفة،دق الباب فكنا لا ادق راسك الحين
طلال دق الباب..ولما سمع تفضل دخل..
طلال:السـلام عليكم
هنادي:وعليكم السلام،أخيراً يـلا ياحلوة بنبدل لج هالمصخرة اللي ملبسينك اياها..الرزان استسلمت لها ومسكت يدها..التفتت هنادي على طلال..مساعـدة يالأخو!!
طلال ضحك وسند الرزان عشان تقوم من السرير ووصلها للحمام "الله يكرمكم"وبعدين طلع من الغرفة وتركهم..الرزان سندتها هنادي داخل الحمام "الله يكرمكم" وهي تغسل وجهها..
رجعتها للسرير بعد مالبستها الروب الدافي حقها ومابدلت لها قميص المستشفى لانه اريح لها بالحركة..
وطلبت الممرضة وقالت لها تجيب لها اكل..دخل طلال مرة ثانية..
هنادي:تعال شوف حضرة جنابها،ماتبي تاكل قال!!
طلال:الرزان،ماتبي تطلعين بسرعة وتفتكين من المستشفى؟
الرزان..بصوت رايح ومبحوح:اليوم قبل بكرا
طلال:اجل اكلي والا اخليهم يقعدونك اكثر ماعندي مشاكل ترا
هنادي:الحين يجي الأكل وتاكلين بدون اعتراض مفهوم؟
الرزان هزت راسها باستسلام..تكره المستشفيات وريحتها وشكلها..تعقدت منها من بعد اللي صار لما جابوها المستشفى ومابقى تحليل ماسووها لها عشان يكتشفون مين الجناة!!حست وقتها بألم فظيع يكبر بداخلها وهم يسوون التحليل بدون مايحسون بشعورها والذل والمهانة اللي هي فيها والضياع اللي تحسه..
بعد كل التحليل اكتشفوا من الحمض النووي الجناة واطلعت هي سليمة نوعاً ما!!..مازالت تذكر الضياع اللي عاشته وهي تسمع سليمة نوعاً ما!!،
يعني ضعت وضاع كل اللي املكه بهالدنيا شرفي!!
،..الرزان كانت بعالم ثاني بعيد عن هنادي وطلال بعالم الذكريات..
هنادي:ماشفت فارس!!انتظره يجيب لي اغراضي؟؟
طلال:الا كان برا بس لما دخلت ورجعت طلعت اختفى،انا طالع اشوفه،الرزان!!الرزان!!الرزااان!
الرزان رفعت راسها وبعيونها تسأله "خـير؟"
طلال:سـلامات وين سرحانة!!،يـلا بلا دلع ترا احنا بأجازة لاتخربينها علينا عاد
وطلع..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 06-01-2010, 05:52 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


هنادي:مزعجك شي؟؟،تبين شي؟؟،اخليهم يجيبون لك مسكن عشان الحلوة!!لأن شكلها خابصة عليك الدنيا!!
الرزان..هزت راسها بألم وبصوتها المبحوح:مصيبة الواحد يطيح وهو عنده الحلوة
هنادي..ابتسمت:عشان كذا دختي بسرعة؟!
الرزان:لا انا اتعب فيها صح لكن مو لهالدرجة!!
هنادي..بابتسامة:بس اكيد لها اثر،احمدي ربك الدكتور مافشلك وقال قدام خالك واخوك
الرزان..ابتسمت غضباً عنها:اشدعوى مايدرون،صدقيني هم مقابليني قبل اربع وعشرين ساعة وحافظين نفسيتي كيف لما تجيني وكم عدد ايامي بعد
هنادي..ضحكت:الله الله!!،وانتي عادي عندج!!
الرزان اشرتها بيدها "مايهمني"..قاطعت كلام هنادي اللي بتقوله الممرضة وهي داخلة بصينية الأكل ووراها طلال..
طلال:فارس شوي وجاي،تحجبي عدل يالتعبانة
هنادي:من بيطالع فيها وهي زي الأشباح!!
طلال..قرب من الرزان وقرص خدها:اشباح!!،وهالخدود الحمر وشو!!
الرزان ابتسمت وهي فاهمة التلميح..
هنادي:صج!!وجهج غريب مصفر بس فيه خيال احمر على خدودك..ضحكت..حالتج صعبة..حطت طاولة الأكل قدام الرزان وجلست فوق السرير قبالها وبدت تأكلها..يـلا بسم الله ياحلوة
طلال..ضحك:طـفـلـة!!
هنادي:روح بعيد بس وخلها تاكل
طلال:لا ما بفوت فرصة اني اتفرج على الرزان وهي تجبر عالأكل
الرزان تذكرت كيف كان ابوها يغصبها على الأكل بعد ماصارالحادث الأول..كان يجيها بالصينية للغرفة ويغصبها تاكل..بس بعد الحادث الثاني هو طاح تعبان وماعاد احد يهتم فيها..الا خالد..
:ياسلام عالدلع ياسلام!!،احنا مايحصلنا لامرضنا كل هذا!!
هنادي..التفتت على فارس وهي تضحك:نسينا ماكلينا!!،ياناكر المعروف امي كانت تسهر عشانك لجاتك انفلونزا ورايحة جاية بالشوربات
طلال..ضحك وطالع الباقة اللي بايده:كشخات فارس هاذي لي!!
فارس..ابتسم:يكون حضرتك المريض وانا مادري!!
طلال..بابتسامة:لابس قلت يمكن اشتقت لي لما فارقتك فرحت تجيب لي ورد
فارس..ابتسم وغمزله:من ناحية اشتقت لك فانا كل ثانية تغيب عن عيني اشتاق لك فيها
هنادي:الله يقطع عدوينكم صجيتونا خلوا البنت تاكل برواقة
طلال..ابتسم:بعد رواقــة!!
فارس..حط الباقة على جنب وشنطة هنادي عالأرض:الحمدلله عالسلامة يالتعبانة،ماامداج توج جايه السعودية وطحتي علينا،يكون كل هذا من شوقج للسعودية!!
طلال..ضحك واتمصخر:بالضبط ماشالتها رجولها من كثر الشوق!!
فارس:ليش يعني السعودية مو بلادها وطنها لازم تشتاق لها
الرزان خلصت اكل..وهي بدنيا غير الدنيا وعالم بعيد عن هالعالم،
انا مااحتاج مستشفيات حالياَ.. انا عارفة وش احتاج بالضبط..مافي الا هالحل اذا بغيتي تصيرين سعيدة نسبياً حتى..الدكتور النفسي هو الحل..باكلم خالي بكرا ان شاء الله عشان يشوف لي احد
،شافت اللي حولها لاهين بالسوالف..وهي فيها النوم وماتقدر تقاوم..غمضت عيونها وحاولت تمسك نفسها وماتنام الحين..
هنادي..التفتت عليها شافتها تقاوم النوم فابتسمت:يـلا فارقونا نبي ننام لو تكرمتوا
فارس..ابتسم:طردة عيني عينك،بس يـلا تصبحون على خير،ماتشوفين شر الرزان
ضحكوا لما هزت راسها وهي عين مفتحة وعين مغمضة..بس وصلوا طلال وفارس للباب الا وهي منسدحة ونايمة...
الساعة 9 الصباح..فتحت عيونها وهي تاخذ نفسها بصعوبة..قامت بشويش..شافت هنادي نايمة على سرير جنبها فابتسمت،
الله لايحرمني منج..والله اكثر من اخت..ماتوقعتج تتعبين نفسج عشاني وعلاقتنا مو ذاك الزود!!..بس طلعتي اصيلة وعن عشر رجال بعد ماشاء الله
،نزلت من السرير بهدوء و خفة..جرت المغذي معاها للحمام "الله يكرمكم"..كانت الشمس مشرقة بقوة تبعث السرور في النفس..
بس الرزان ماحست ببهجتها ودخلت الحمام"الله يكرمكم" تغسل وجهها.. وطالعت بالمرايا تشوف وجهها الأصفر الشاحب والمورد بنفس الوقت!!،
ماكنت امرض ابداَ بهالطريقة..كنت اظل ايام وايام بدون اكل ولا اتضرر ولا يغمى عليّ ولا اطيح هالطيحة!!..فجأة صايرة اتعب بسرعة!!..يعني ذاك اليوم لما ضعت اغمى عليّ لثاني مرة في حياتي كلها..وهاذي الثانية!!مرتين بالسنة!!..شي غريب وماعمره صار!!..على كثر ماتجيني انفلونزا واتعب منها كثير بس ماوصلت لدرجة اني اتنوم بالمستشفى او احتاج طوارئ!!..لاتصيرين ضعيفة لهالدرجة يارزون قوي عمرج اكثر تحملي التعب تحملي..يعني طول عمرج تتحملين ليش الحين بديتي تفقدين السيطرة!!
،انزعجت اكثر من نفسها والهشاشة اللي صارت عليها والضعف!!..هزت راسها تنفض هالأفكار عنها وطلعت من الحمام "الله يكرمكم"..راحت عند النافذة..
و تفاجأت بأربع باقات ورد كبار!!..عرفت وحدة اللي جابها فارس امس بس البقية..مدت يدها لـ أكبر وحدة فيهم تلمس ورودها..
كانت روز وردي غامق ومايل للفوشي ومعاه روز افوايت واطرافه وردية..عجبتها كثيروقربت منها وشمتها وهي ترتجف ويالله تاخذ النفس..
كان في عصا بالوسط فيها الكرت اخذت الكرت {يـامنى الروح..وشذى عطري..ولحن عودي..شـدي حيلك..ترا لك عاشق..ببحر عيونك غارق..وبهواك صادق..بعيد الشر عنك..يالغلا} عرفت الخط على طول،
مين هذا!!..وش يبي وراي وراي!!بلندن وبالسعودية!!..مين يكون ياربي!!..والله هالأنسان غريب!!وتقريباً مو صاحي!!
،رجعت الكرت مكانه..
:من العاشق الغارق اللي بهواك صادق؟!،من ورانا يارزون
الرزان..التفتت مبتسمة نادراً يدلعهاأحد بهالأسم بس هي تنادي عمرها كذا:ابداً والله ولا اعرفه، صباح الخير
هنادي:صباح الخيرات والليرات ياحلو،اشوف..اخذت الكرت..تصدقين كأن هالخط مألوف!!
الرزان..استغربت وتحمست بنفس الوقت تعرف مين:والله!!خط مين طيب!!
هنادي..فكرت وفكرت بس ماوصلت لجواب:والله مادري،بس مية بالمية قريت مثل هالخط في مكان
الرزان..شكت:يكون وحدة من البنات تسوي فيني مقلب!!
هنادي..ابتسمت:يكون ليش لا!!،هـا اطلب الفطور؟
الرزان:اطلبـي براحتج
هنادي..ابتسمت وهي تهدد:ترا انتي اللي بتاكلينه مو انا
الرزان هزت راسها باستسلام..راحت عنها هنادي للحمام "الله يكرمكم"..ورجعت هي للورد اخذت الكرت من الثانية..
كانت ورود كبيرة بيضا و روز برتقالي واصفر..تعطي حيوية وبهجة ..
ابتسمت لما قرت الكرت { ماتشوفين شر ياقلب خالد..زين كذا طاح قلبي من مكانه!!..ياويلك تطيحينه مرة ثانية..انتبهي على قلبي ترا انا ماقدر اعيش بدونه!!..سـلامتك الف سـلامة ياقلب خالد}،
ماتبطل حركاتك ياخالي!!..يارب توفقه بحياته ويلقى بنت الحلال..اللي تستاهل انها تكون قلب خالد
،رجعت الكرت..وقربت من الباقة الكبيرة "بس مو اكبر من ذيك"المحطوطة بفازا واللي جذبتها وشدتها لها..
روز بنفسجي فاتح و معاه روز ابيض وملفوفة بورق "نبات" اخضر وطويل..شمتها من قلب وبصعوبة بعد..
واخذت الكرت اللي محطوط جنبها {فــي العدوين ولا فيــك يالغـلا..ماعليـك شـر ان شـاءالله..اختك..نوفـي..و..خالتك..إيمان..وبنت خالك..ريمـووو}،
يسلمكم من الشر ربي..ثلاث في وحدة!!..يـلا منكم كل شي حلو..واهـم شي افتـكرتوا
،أخيراً استلمت اللي من فارس..بعلبة شفافة مستطيلة وطويلة..الورد اللي فيها ابيض وطويل واكثر من وردة بالغصن الواحد "ماعرفت اسم هالنوع!!" وفيه اوراق منثورة حولها من الروز الوردي الغامق المايل للفوشي
..والعلبة مربوطة بشريطة عريضة بنفس اللون الوردي ومثبت تحتها بطاقة شالتها ..
عليها صورة كاريكتيرية واحد منسدح بالسرير ومتلحف بقوة بالغطا وفي فمه مقياس الحرارة وعليها تعليق..ضحكت عليها ورجعتها مكانها..
رجعت سريرها بشويش..طلعت هنادي من الحمام "الله يكرمكم"..
هنادي:هـا ماجا الفطور؟؟
الرزان..وهي سرحانة:هـا!!،لا لا
هنادي..ابتسمت وجلست قدامها عالسرير:في ايش وشو سرحانة؟؟
الرزان..التفتت لها:بروح دكتور نفسي
هنادي..ابتسمت وهي تمد يدها لها:اذا ماتقدرين تحلين المشكلة اللي انتي فيها هذا افضل حل
الرزان..ترددت ومسكت يدها:ماتبين تعرفين ليش!!
هنادي..بابتسامة:لا طبعاً،لو تبين تقولينها براحتج،بس انا مالي حق اتدخل
الرزان ارتاحت لأسلوب هنادي..تلقائيتها..وطيبتها..خلتها تفضل تصارحها..بمشكلتها الأولى..
وهي الآثار اللي تركتها حوادث التحرش الجنسي في حياتها..ومشكلتها الثانية..وهي امها..
ومشكلتها الثالثة..وهي عدم قدرتها على التواصل مع الناس بشكل طبيعي!!..
هنادي لما سمعت انصدمت وماحبت تبين لـلرزان مشاعرها وردة فعلها..
لانها تأكدت انها ماراح تتقبل منها شفقة ولا راح تتقبل الصدمة والمبالغة في التعاطف والمشاعر عموماً..
مسكت نفسها ودعمتها بهدوء وطمنتها ان احسن حل هو الدكتور النفسي..ومضى اليوم مابين الزيارات..
الساعة 09:10 جا خالد..
هنادي:عن اذنكم،انا بروح اكلم امي
الرزان:جلسي بس انتي تدرين،مالها داعي هالحركات..وطالعتها..لاتخليني ازعل منج
هنادي..ابتسمت:لا لا،كله ولا زعلج..رجعت قعدت..وهاذي قعدة
خالد..ابتسم:خير!،وش الشي الخطير اللي وراكم!!
الرزان:انا قررت،ابي اروح لدكتور نفسي
خالد..انصدم لكن استانس:متأكدة!!
الرزان..هزت راسها:مية بالمية،انا اشوف ان الموضوع لو طول اكثر راح يتعقد اكثر
خالد..ابتسم:الحمدلله،ولايهمج من بكرا راح اسأل عن دكتور كويس،ولا ليش بكرا من اليوم ان شاء الله
الرزان:بس مابي احد يعرف،مو لشي بس تعرف انا وامي...
خالد..فهمها:ولا يهمج انا بتصرف بهالموضوع..طالع ساعته 9:15..يـلا انا استأذن الشباب عازميني على العشا
الرزان:أي شباب؟!
خالد..ابتسم لها:قلتي شي ماما!!
الرزان..ابتسمت:أي شباب؟!
خالد..ضحك:اخوها فارس..هز كتوفه..عزمني انا وطلال وعادل واحمد وعبدالكريم وعبدالله وفيصل
الرزان:لحظة لحظة،أي عبدالله؟؟
خالد:عبدالله ولد اخوي يعني مين عبدالله!!
الرزان:عندنا اكثر من عبدالله في العايلة،هنوده وش عنده اخوج مسوي فيها حاتم الطائي!!،قوليله ترا مو كل الناس يثمر فيهم
هنادي..ضحكت:مالج خص انتي،خليه يعزمهم،مانتي مسؤولة عنهم!!ولا مسؤولة عنه!!
الرزان:انا اقول بس في ناس ماتستحق
خالد:هاي هاي،استريحي بس عشان هالعبدالله ماتطيقينه صرنا كلنا ناس ماتستحق!
الرزان:ماقلت كلكم،يـلا روح مع السلامة
خالد..سلم عليها وهمس بأذنها:لاتحطين في خاطرج على الخلق اكثر
وابتسم لها وطلع..الرزان حست بضيقه..تكره هالعبدلله ماتطيقه..
هنادي: اشفيج على ولد خالج؟!
الرزان:ماحبه اكرهه،صدقيني كذا من ربي مااحبه،احسه انسان خبيث،ماحب قربه من طلال،واستانس لان خالد يختلف معاه كثير وماهو قريب منه
هنادي:اف اف،لهالدرجة!!وش مسويلك الرجال؟!
الرزان:دائماً كان يطالعني بنظرات!!،كأنه يستحقرني!!يشمئز مني!!،انا طيب وش مسويتله!!
هنادي:غريــب!!،ولاتفكرين فيه ولا يهمك،يـلا بس نامي
كل وحدة منهم انسدحت في سريرها..الرزان ماقدرت تغمض عيونها حتى..وهنادي نفس الحالة..
هنادي:الرزان فيج النوم؟؟
الرزان:لا
هنادي:حتى انا،خلينا نسولف
الرزان:لا،مالي خلق سوالف
هنادي:طيب نلعب!!
الرزان:اوكي
وقعدوا يلعبون "لعبة الأغاني"وحدة تقول مقطع من اغنية والثانية تقول مقطع يبدا بنفس الحرف الأخير من مقطع اللي قبلها..
خالد في مطعم "جنـدولا" مع طلال وعادل واحمد اخوان الرزان وعبدالكريم ولد اخوه "عبدالرحمن" وعبدالله وفيصل عيال اخوه "احمد-الله يرحمه" وطبعاً فارس اللي عازمهم ومعاهم اثنين من ربعه سعد عبدالعزيز الـ.... (صديقه من ايام الدراسة..32 سنة) و عبدالملك خالد الـ....(ولد عمه وصديقه الأقرب..31 سنة..طيار في القوات المسلحة"رتبة ملازم أول".. زي خـالد)..
قاعدين ينتظرون العشا على الطاولة اربعة من كل جهة واثنين على الطرفين عادل وعبدالكريم ..خالد بين فارس وطلال ومعاهم سعد..
خالد..التفت على طلال وبصوت واطي:اقولك تعرف دكتور نفسي كويس؟؟
طلال..استغرب والتفت عليه:لا، تبي اسألك الربع؟؟
خالد:تسوي خير..التفت على فارس وبنفس الصوت الواطي..اقولك فارس
فارس..التفت عليه:آمـر؟!
خالد:مايامر عليك عدو،بسألك ماتعرف دكتور نفسي كويس؟؟
فارس..ابتسم:افا عليك،سعد هو المطلوب
خالد..ابتسم:سبحان الله صدف،خويك دكتور نفسي!!
فارس..ضحك:واشطر دكتور نفسي بعد،شفت شلون رب صدفة خير من الف ميعاد!!..خالد ضحك..اسمع اذا ضروري تقدر تكلمه الحين،واذا مستحي اقدر اسأله لك
خالد..ابتسم:لا وش مستحي،بس اخاف نضايق الرجال وهو ماصدق يفتك من الشغل!!
فارس..ضحك:سعد مايصدق يفتك من الشغل!!،لا ماعليك هذا يموت بالشغل ويركض له ركض..كان سعد جنب طلال ويسولف معاه ومع عادل..هـابو فارس شالأخبار؟؟
سعد..ضحك:الا غصب اسمي ولدي عليك!!ياخي مااحب اسمك وماني مسمي عليك زين!!
ضحكوا..
فارس..ضحك:استريح بس،انت تزوج وجيب هالولد وماكون فارس ان ماسميته عليّ
عبدالملك..سوى نفسه معصب:علي الطلاق ماتكون صديقي لو سميته على هالخكري
فارس..سوى نفسه معصب اكثر:انا خكري!!،عيب عليك تقول عن ولد عمك وصديقك خكري،والله انك ماتستحي،وبعدين تطلق بنت الناس وانت مابعد تتزوجها اصلاً لهالدرجة بايعها!!
عبدالملك..ضحك:انثبر مكانك بس،صدق فلسفة
فارس..ضحك عليه:ماعلينا،وش أخبار الشغل بو فارس؟؟
سعد..ضحك:لا اله الا الله مصر بعد!!،الحمدلله يسلمون عليك المرضى
فارس..ضحك:بـالله!!،الله يسلمهم من كل شر،آخر القضايا؟؟
سعد..طالع بنظرة:كم مرة اقول ممنوع اتكلم عن مرضاي!
فارس..ابتسم:ماقلنا شي،سألت بس عن القضايا الجديدة
طلال..ضحك:فارس لاتتحرش بالرجال!!قالك ممنوع يعني ممنوع،بس ماعرفنا وش تخصصك ياسعد؟؟
سعد..ابتسم:الصحة النفسية والعقلية
فيصل..ضحك:يعني دكتور المجانين كما يعرف
خالد:الله يفشلك،وش دكتور مجانين!!،فيصل بأي عصر انت!!احنا في 2008 ترا ومقبلين على
2009
فيصل..ضحك:حشى مايسوى عليّ كلمة قلتها،خلاص آسفين
عبدالملك..اللي كان جنبه طقه خفيف على راسه:مشكلة البزارين مايثمنون الكلام اللي يطلع منهم
فيصل:والله احسن من العجايز،اللي مايدرون وش يقولون اصلاً
عبدالملك:عجوز مين يابابا!!،استريح
فيصل:كل واحد عدى الخمس وعشرين يعتبر عجوز
فارس:اقول لااطردك الحين برا المطعم وتتعشى مع القطاوة،اصلاً الرجل لايتعبر رجل بمعنى الكلمة الا لما يدخل الثلاثين
احمد:نعم!!،ليه مو مالين عينك مو رجال احنا!!
فارس:لسه بزارين ارتاحوا مكانكم..ضحك..لاتصدقون امزح معاكم،خلاص فضوها سيرة
فيصل:قالك بيكحلها قام عماها!!،وين العشا ياعالم انا بطني قام يطلع اصوااات
طلال:تستاهل من كثر الهذرة،الا خالد مو كنت تسأل قبل شوي عن دكتور!! شوف الصدف!
خالد..طالع فيه بنظرة "ماتسكت!":الا والله صدف
فيصل..ضحك:سلامات عمي من اللي خلاك تتعقد،انا متأكد انها الخبلة رازنو...
هاجموه..عادل واحمد وطلال:هـــاي انت!!
خالد..عطاه نظرة:اقول فيصل تراك مصختها اليوم،اسكت لا الحين يجيك شي ماشفته
فيصل..مد بوزه:حشى ماحد يمزح معاكم!!
طلال:احياناً مزحك يصير ثقيـــل،فماله داعي تمصخها
وظلوا ساكتين لثواني..
احمد:صج خالي حق شنو تسأل عن دكتور نفسي؟؟
خالد..(يوه منك ياطلال الحين وش يفكني من اسألتهم!!):شي شخصي ومايخصكم،ولاتطولونها
سعد..ابتسم:أي شي تحتاجه انا حاضر..طلع بطاقته ومدها لها..تفضل،بأي وقت كلمني
خالد..ابتسم له:تسلم والله،ماتقصر..كان بيقول شي بس تراجع..بيني وبينك شي مستعجل فياليت اليوم اذا مافيها ازعاج
سعد:لا ولايهمك،اذا خلصنا نروح بعيد عن هالحوش وناخذ راحتنا
عبدالملك:حوش!!،احنا ياسعود حوش!!الله يسامحك
سعد..ضحك:وانا صادق،مادري وش مشكلتكم في الحياة!!بس يبيلكم جلسة معالجة
فارس..ضحك:تبي تطبق علينا!!،لا الله يخليك
قاطعهم القرصون بالعشا..انشغلوا بالعشا..الساعة 11:30 كانوا رايحين لسياراتهم..
سعد:هـا خالد خلينا نروح عند سيارتك شوي!!
خالد:يـلا
وبعدوا عن الكل.. ووقفوا عند سيارة خالد..
سعد:آمـر وش اقدر اخدمك فيه؟؟
خالد:مايامر عليك عدو،الصراحة انا مااعرفك قبل اليوم بس ارتحت لك وفارس بعد ماقصر ومدح فيك،عشان كذا بقولك السالفة ومافيها
سعد:اسمح لي قبل لاتكمل كلامك،اذا تبي باعطيك اسم اكثرمن دكتور كويسين تقدر تسأل عنهم وتختار الأفضل لك والأريح
خالد..ابتسم:انا متأكد انك ثقة وقدها،وزي ماقلت من قبل انا مستعجل ماعندي وقت كثير اسأل وادور
سعد:بس الأفضل لك تسأل وتدور،انصحك خذ لك يومين أو يوم عالأقل اسأل فيهم عن كم دكتور عشان ترتاح لما تحط ثقتك بواحد منهم..كان خالد بيقول شي..بدون لاتقول أي شي انا اصر،ماراح اسمع منك أي شي قبل لاتسوي اللي قلت لك عليه
خالد..ابتسم:خلاص امري لله
سعد عطاه اسماء دكاترة وارقامهم وقاله عن سمعتهم..
خالد:ماقصرت ياخوي،تسلم
سعد..ابتسم:هذا الواجب ياخوي،بالتوفيق،وانتظر اتصالك عشان تقولي من اخترت
تبادلوا ارقامهم وسلموا على بعض وافترقوا...هنادي نامت مع الوقت اما الرزان فاخيراً استسلمت للنوم وهي تبتسم!!..

>> خريطة عائلة الرزان <<
عائلة الـ....
محمد (الأب) متوفـي
نهلة (الأم) 49 سنة
عادل 29 سنة
منال..زوجة عادل..27 سنة
محمد..ولد عادل..7 سنوات
علياء 27 سنة
نواف..زوج علياء..31 سنة
فهد..ولد علياء..10 سنوات
غرام..ينت علياء..8 سنوات
فارس..ولد علياء..6 سنوات
أحمد 25 سنة
فاطمة..زوجة أحمد..22 سنة
سارة..بنت احمد..5 سنوات
سلطان..ولد احمد..سنة
نوف 23 سنة
عبدالله..زوج نوف..25 سنة
يارا..بنت نوف..4 سنوات
طلال 21 سنة
>> الرزان 19 سنة<<

عائلة الـ...
عبدالله (الأب) متوفـي>>جده ابو امها<<
لطيفة (الأم) 75 سنة>>جدتها ام امها<<
إبراهيم 59 سنة
سامي 56 سنة
عبدالرحمن 52 سنة
نهلة 49 سنة
أحمد 45 سنة(متوفي)
هند 42 سنة
مبارك 39 سنة
هيفاء 37 سنة
خالد 33 سنة
إيمان 28 سنة

عائلة إبراهيم الـ....>>خالها الكبير<<
فايزة (زوجته)متوفية
عبدالله 32 سنة
سهى..زوجة عبدالله.. 25 سنة
ضاري..ولد عبدالله..7 سنوات
ملاك..بنت عبدالله..سنتين
فؤاد 28 سنة
مها..زوجة فؤاد..25 سنة
إبراهيم..ولد فؤاد..5 سنوات
عدنان 25 سنة
أحمد 20 سنة

عائلة سامي الـ...>>خالها<<
شريفة (زوجته) 53 سنة
سارة 34 سنة
ماجد..زوج سارة..40 سنة
حـلا..بنت سارة..16 سنة
سامر..ولد سارة..10 سنوات
زيد..ولد سارة..6 سنوات
أسماء 29 سنة
عبدالله 26 سنة
أشواق..زوجة عبدالله..22 سنة
سامي..ولد عبدالله..3 سنوات
رانيا 24 سنة
فوزي..زوج رانيا..30 سنة
رامي..ولد رانيا..5 سنوات
>> اماني 21 سنة<<

عائلة عبدالرحمن الـ....>>خالها<<
خديجـة(زوجته) 49 سنة
عبدالكريم 31 سنة
سلمى..زوجة عبدالكريم..27 سنة
خديجة..بنت عبدالكريم..5 سنوات
أمـل 28سنة
فكري..زوج أمل..35 سنة
ميساء..بنت امل..11 سنة
عبدالرحمن..ولد أمل..6 سنوات
غاليـة 25 سنة
>> ريما 20 سنة <<
هلا 15 سنة

عائلة أحمد الـ...>>خالها المتوفي<<
(متوفي)
بسمـة (زوجته) 39 سنة
عبدالله 22 سنة
أنفال 21 سنة
نواف..زوج أنفال..26 سنة
سالم..ولد أنفال..سنـة
>> فيصل 19 سنة<<
نوف 16 سنة

عائلة هند الـ.... >>خالتها<<
صالح (زوجها) 50 سنة
دعاء 23 سنة
سعد..زوج دعاء..29 سنة
ريف..بنت دعاء..3 سنوات
>> وعد ورغد 18 سنة<<
أحمد 16 سنة
عبدالله 11 سنة

عائلة مبارك الـ.... >>خالها<<
ليلى (زوجته) 28 سنة
سلطان 10 سنوات
سارة 5 سنوات

عائلة هيفاء الـ.... >>خالتها<<
عادل (زوجها) 45 سنة
إبراهيم 17 سنة
رنيم وريم 15 سنة
شوق 12 سنة
دانة 8 سنوات
فجر 6 سنوات


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 06-01-2010, 05:55 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


[....لكن حط يده على كتفها..
الرزان: الجـزء العـاشـر..]

شالت شنطتها بتشيلها!!،احسن تريحني
خالد..ضحك:اصلاً انتي فيج قوة تشيلين عمرج عشان تشيلينها!،يـلا اشوف تحركي قدامي
طلعوا من المستشفى..
شمت الهواء بقوووة وهي مستانسة انها رجعت تتنفس بسهولة بعد هاليويمن اللي قعدتهم بالمستشفى،
عالأقل انتفعت بشي..وما انحبست بين اربع جدران عالفاضي
،التفتت على خالها اللي ماشي جنبها للسيارة..
الرزان:خالـي
خالد..التفت لها:يوه من خالي ذي!!،لو سمحتي انا خالد وبس،تكبريني ليش!!
الرزان:والله مو صاحي!!..ابتسمت..انت عجزت وخلصت اصلاً
خالد..رفع حاجب:انا عجزت!!،تكلمي عن عمرج،انا بالنسبة لج قمة الشباب يالعجوز
الرزان:ماعلينا يالشايب،ماقلت لي وش سويت عالدكتور؟؟
خالد..طالع ساعته"الساعة 11:00 الظهر":اليوم عندج موعد الساعة 4:45
الرزان:قريب الصلاة!!
خالد:لا،بعد صلاة المغرب
الرزان:طيب مين هو الدكتور؟؟
وصلوا لسيارة الجيب "فولكس واجن" اسود حق خالد..وطنش سؤالها وفتح لها الباب وراح يحط الشنطة ويركب..
خالد سأل عن كل الأطباء اللي اعطاه سعد اساميهم..لكن لما سأل عن سعد شاف ان هو اللي ممكن يثق فيه وهو احسن واحد..
الرزان..قاطعت افكاره:طيب دكتور ولا دكتورة؟؟
خالد..كان مركز بالسواقة:وشو!!..استوعب..ايـه،لا دكتور،في مانع؟!
الرزان..عبست: لا عادي،مايفرق،بس...
خالد..طالعها بطرف عينه:وشو اللي بس؟؟
الرزان:شلون اقدر آخذ راحتي اذا كان دكتور!!
خالد..ابتسم:عجيبة هاذي!،عادي تخيلي كأنج تسولفين معاي اذا هي صعبة يعني
الرزان:طيب يصير انت تدخل معاي؟
خالد:بأول جلسة ممكن،لكن بعدين مايصير
الرزان:طيب..ترددت..مادري شلون اسأل!!
خالد..استغرب:تسألين!!،عن وشو؟؟
الرزان:اذا يصير،يصير...
خالد..طالعها:يصير وشو!؟،الرزان نطقي بسرعة،اشفيج!!
الرزان:ولا شي،بس يصير يعني،يصير افصخ نقابي؟!!
خالد..رفع حاجب ورجع نظره للشارع:ليش ان شاء الله؟؟
الرزان:عشان آخذ راحتي،من صج ما اقدر آخذ راحتي واتكلم زي ماابي وانا قاعدة بالنقاب!!
خالد:الــرزان لاتخليني اندم اني نصحتج بهالشي!
الرزان:ياخالد ماقدر آخذ راحتي!!
خالد:مو ضروري
الرزان:يفترض انها معالجة!!،يعني لازم ارتاح
خالد:خليني افكر
الرزان سكتت..لانها تعرف مو في صالحها تتكلم اكثر لما يقول خليني افكر..
كل اللي كانت تفكر فيه كيف راح تبدا تتكلم!!..او من وين تبدا وفي ايش!!...
وصلوا البيت وبدون ولا كلمة نزلت و دخلت البيت..وقفها الصوت العالي من غرفة جدتها..
:متى بتخفين عالبنت!!متى بترحمينها!!
:يمـا هاذي بنتي وانا حرة بتربيتها
:هاذي مايسمونها تربية هذا يسمونه تعذيب!،الحين بدال ماتحرصين عليها وتدارينها بعد اللي صار لها تقومين تزيدينها!!،تظنين الى متى البنت بتستحمل يعني!!ماتخافين تسوي بعمرها شي بسبة معاملتج لها!!،شلون بتقابلين ربج بعدين!!
:يمــا انا وش مسوية عشان تقولين هالكلام!!
:ظلمتيها سنين وتقولين وش مسوية!!،هي اللي تعذبت وتبهدلت ترا مو انتي هي اللي اعتدوا عليها مو انتي،ولا هي السبب هي ماقالت لهم تعالوا اختطفوني واعتدوا عليّ،يابنتي الله يهداج ابوها الله يرحمه توفى من حرقة قلبه عليها مو بسببها،انتي تدرين ان عنده القلب،وماقدر قلبه يستحمل اللي يصير في بنته،وهذا اللي ربي كتبه،مو بيدها اللي صار كله لاتلومينها،هذا اللي ربي كتبه...
ماسمعت زيادة وصعدت ركض لغرفتها..تصيح من القهر..بعد نص ساعة اندق الباب..
ركضت للحمام "الله يكرمكم" غسلت وجهها..وطلعت فتحت الباب..
خالد:بسم الله الرحمن الرحيم،كنتي تصيحين!!..لما نزلت راسها..وخري عشان ادخل الشنطة طيب
دخل وحط الشنطة عالأرض وسحب كرسي المكتب وجلس عليه..هي سكرت الباب وظلت واقفة عنده..
خالد:يعني عاجبج الباب لهالدرجة وتبين تتصورين عنده!،تعالي جلسي اشوف
تحركت الرزان وجلست عالسرير..وحرك الكرسي وقابلها..
خالد:ليش تصيحين؟؟..بدون رد..ترا ماعندي النهار بطوله،عندي شغل لازم ارجع،يلا تكلمي
الرزان:مافي شي،بس سمعت جدتي تكلم امي عني
خالد:عادي هاذي مو اول مرة،شاللي مضايقج فالموضوع؟!
الرزان:مـادري،بس ماحب جدتي تكلمها،احس انها تكرهني زيادة
خالد:انتي مالج خص هاذي امها ولازم تنصحها،ولولا انها اختي الكبيرة ولا كنت انا هزئتها مو بس كلمتها
الرزان:لا والله،استريح بس
خالد..ابتسم:استريحي انتي ولا تقعدين على كل كلمة والثانية تصيحين!،ترا لوعتي كبدي!!
الرزان:ماحد قالك
خالد:وش ماحد قالي!!،هذا جزاي عشان احبج،بس قالوها {خير(ن) تعمل شر(ن) تلقى}
الرزان..ابتسمت:امـزح،خلاص امسحها بوجهي
خالد:اصلاً من يوم يومج وانت وجهج خرقة بس نمسح فيه
ضحك وابتسمت له..وقام..
الرزان:يـلا بس،شغلك ينتظرك
خالد:رايح رايح،اصلاً انا ودي لو اسكن بالشغل ولا ارجع ابد احسن من مقابل هالخرقة المبلولة
الرزان..ابتسمت:ضـف وجهك انزين
خالد:هيـه بنت،انا خالج لاتنسين
الرزان:يوه علينا،طيب ياخالي والله على راسي من فوق،بس يـلا عاد ابي ارتاح
خالد:خلاص رايح،بس ماعليه شغلج بعدين
الرزان:ان شاء الله،تعال ماقلت لي وش اسم الدكتور؟!
خالد:سعد الـ.....
الرزان:سعودي!!
خالد:أي،يلا انا بتأخر،مع السلامة
الرزان:مع السلامة
انسدحت عالسرير..واخذت جوالها ودقت على هنادي..الأخيرة طالعة تفطر مع زوجة اخوها"زياد" ليلى وزوجة اخوها"عبدالله" بدور في الراشد..
هنادي..ردت بسرعة:هـلا والله،الحمدلله عالسلامة
الرزان:الله يسلمج،طلعتي يالخاينة؟
هنادي..ضحكت:والله هاذي بدور الدبة حلفت الا اطلع وياها هي وليلى،وانا بعد حسيت بالذنب مايصير اخليها تصوم بعد ماحلفت..ضربتها بدور..آآآي!!
بدور:تستاهلين يالكذابة الحين انا حلفت!!
هنادي:مو اصريتي عليّ!،يعني تقريباً حلفتي،بعدين انا قلبي طيب مااحب افشل احد
الرزان:بسم الله عليج ياام قلب طيب
هنادي..ابتسمت:اهم شي،شالأخبار؟؟
الرزان:الحمدلله،اليوم اول جلسة مع الدكتور
هنادي..ابتسمت:والله!،عالبركة عالبركة،تبيني اروح معاج!!
الرزان:لا وين!،خالي بيروح معاي
هنادي:بيدخل ولا لا؟؟
الرزان:قالي بس اول جلسة يقدر يدخل بس بعدين لا
هنادي:ولا يهمج،شدي حيلج انتي بس،وجمدي قلبج
الرزان:والله خايفة،ماني عارفة شلون ابدا ومن وين ابدا!!
هنادي:اقولج من صج تبيني اروح معاج، مافي مشاكل اروح!!
الرزان:مادري،لا لا مو لازم
هنادي:براحتج،متى طيب بتروحين؟؟
الرزان:الساعة 5 الا ربع
هنادي:بعد الصلاة!!
الرزان:أي
هنادي:طيب،واحد ولا وحدة؟؟
الرزان:وش واحد ولا وحدة!!..استوعبت بعد وقت..ايه،لادكتور
هنادي:مين يطلع؟؟
الرزان:اسمه سعد الـ....
هنادي:وشو!!،عيدي عيدي الاسم؟؟
الرزان:سعد الـ....،سمعتي عنه؟!
هنادي..ابتسمت:أي طبعاً،هذا صديق فارس الروح بالروح
الرزان:لا تقولين!،اكيد اجل خالي سمع عنه من فارس
هنادي:مايبيلها كلام،بس حمدي ربج يقولون مرة شاطر وكويس
الرزان:نشـوف
هنادي:يالدبة لاتبدين من الحين بالتشاؤم!!
الرزان:ماقلت شي
هنادي:نشوف هاذي تكفي وتوفي،خليج طبيعية وبس فهمتي!
الرزان:ان شاء الله عمتي
هنادي..ضحكت:شاطرة ياماما،خليج دايماً كذا واسمعي الكلام
الرزان:يـلا انزين اتركج تفطرين
هنادي:اصلاً ماصار فطور،حشى عليهم ساعة ننتظر!!كأننا طالبين غدا!!،اوكي يـلا حياتي ،لاتنسين تكلميني بعد ماتخلصين
الرزان:اوكي،سـلام
هنادي:سـلاموز
سكرت ورجعت الجوال مكانه..طالعت الساعة "11:30الظهر"..وقامت تتوضا للصلاة..شوي واذن ..وطلعت من الحمام"الله يكرمكم"وتذكرت ان ماعليها صلاة..ورجعت انسدحت ونامت..دق الجوال..دق دق دق دق دق دق..وهي نايمــة...
دق الجوال مرة ثانية..دق دق دق..وأخيراً رفعت الجوال طالعت كم الساعة "2:27الظهر"،
اوووه.. شوي ويأذن العصر اقوم احسن..مين اللي داق!!،وتوها افتكرت تشوف مين اللي دق،اوف هاذي ريما داقة 4 مرات!!متى!!غريبة ماسمعته!!..يوووه نسيت قالت لي لما تخلص محاضراتها بتدق ..ياويلي منها الحين بتفضحني
،قامت وغسلت وجهها..وجلست تقرا قرآن شوي الى ما اذن العصر.. وبعدين رجعت انسدحت ودقت على ريما..اللي كانت تحوس بغرفتها بعد ماصلت..
ريما..طالعت بالجوال بحقد بعدين ردت:الحمدلله عالسلامة،انتي وين مضيعة عقلج!!يكونون بس سوو فيه شي بالمستشفى!!
الرزان:يمـا منج،كنت نايمة!
ريما:كنتي نااايمة!!،انزين ماعلينا صليتي ولا ماوراج صلاة؟
الرزان:ماوراي صلاة،بس ليش تسألين!!
ريما:لاني مطولة معاج،وادري لو وراج صلاة مابتعطيني لاحق ولا باطل الا بعد الصلاة،تعالي اليوم شنو؟؟
الرزان:الثـلاثاء،ليش بعد مضيعة وماتدرين بأي يوم احنا!!
ريما:مو مني من فيصل العلة اللي لوعوا كبدنا وقضوا على مستقبلنا تماماً
الرزان:ليـش؟
ريما:مادري جامعة الزفت هاذي بتطلعني من طوري،ولا الدكاترة الحلوين فديت الشباب والحيوية اللي تنقط منهم
الرزان:حشى حشى،كل هذا حقد عالجامعة!!
ريما:سكتي ياشيخة،مو بس حقد الا كره وكل شي كل شي،بس ماعلينا الحين احنا مو في الجامعة ،فيك انتي
الرزان:وش فيني!!
ريما:قوليلي لقى عمي دكتور ولا لا؟؟
الرزان:لقى،واليوم اول جلسة الساعة 5 الا ربع
ريما:وش اسم الدكتور؟؟
الرزان:سعد الـ....،و طلع صديق فارس تصوري!!
ريما:اخو هنادي!!،اكيد اجل هو اللي نصح عمي فيه،وش بتسوين؟
الرزان:ولا شي ،وش اسوي يعني!!
ريما:يوه عالأستهبال،طيب اروح معاج؟
الرزان:ياليت،انا قالت لي هنادي قلتلها لا ماحبيت اشغلها زيادة معاي
ريما:تستريح انا اللي بروح وبدخل معاج بعد،يصير صح؟
الرزان:يقول خالي اول جلسة بس
ريما:ماعليه،هي الصعوبة في اول جلسة بس،بعدين تتعودين،بس تعالي انتي كم بقى لج اسبوع هنا؟؟
الرزان:ثلاث اسابيع
ريما:ياحظكم شهر اجازة!!
الرزان:قولي ماشاء الله،بعدين هي مرة وحدة في السنة وانتوا اجازاتكم ماتخلص!!
ريما:مالت علينا بس،اقولج انا بكلم عمو واقنعه اجي معاكم وانتي لاتقصرين قوليله ابيها معاي
الرزان..ابتسمت:ان شاء الله
ريما:يـلا الحين ضفي وجهج،بروح اكلم عمو وبعدين احضر لعفسة بكرا،واخيراً بينتهي هالأسبوع مابغى!!
الرزان:الحمدلله والشكر،يـلا انزين ضفي وجهج
ريما:سـلاميز
الرزان:سـلام
قامت من السرير لعند الاستريو..تذكرت سي-دي المنوعات اللي بشنطتها..طلعته وشغلته ..وجلست فوق المكتب وهي ضامة "نيمو"..
{لما عن عيني بتغيب..شمسك ياحبيبي بتغيب
وبيحملني بحضن الغيم..بياخدني ع بلاد الغيم..وبصيربعالم غريب
انسـاني مابنساك..انساني مابنساك..مابزعل منك ياحبيبي لاني بهواك
حبيتك بجنون..لانك حنون..اتركني بعيونك ياحبيبي ماعشقت لولاك... }

{ياللي في بالي..حبيبي ياغالي..يا اغلى انسان
ماني قادر ابقى ناطر..راجع لك ولهان
راجع لك ياحبيبي بعد غياب..عيني مشتاقة وقلبي ذاب
راجع لك متلهف لك..حبيــبي... }

{ياقلبي ريح اعصابك..كذا طبع الزمن قاسي..ترا مايسوى عتابك..صراحة اوجعت لي راسي
تعبت اعلم جروحك..تغير سيرة الماضي..ترد وتعتزل نوحك..انا جد مو فاضي
ياقلبي ريح اعصابك... }
قطع عليها اندماجها..صوت الباب..نزلت من فوق المكتب..فتحت الباب!!..
نوف..تبتسم:وين يااختي وصلتي؟؟..انتبهت وش جالسة تسمع..وع وش هالألم،لا وفهد الكبيسي بعد!!وعين،سلمي طيب!!
سلمت عليها..
الرزان:اهليـن،وش اللي حنن قلبج علينا؟
نوف..ضحكت:حنن قلبي!!،ليش انا من متى قاسية!!،مأثر فيج فهد الكبيسي بقوة،تعالي وين اخوج الدب مختفي هالأيام ماحد يشوفه!!
الرزان:ماشفته اليوم،بس امس كان عندي بالمستشفى
نوف:قليل الحيا عازمته اليوم عالغدا ولا اتصل ولا جا!!
الرزان:يمكن انشغل،حياج دخلي
نوف:اول غيري هالشي اللي يلوع الكبد ويغث القلب!!
الرزان:طيب بس دخلي فكينا..راحت وطفت الاستريو..وش تبين تسمعين يعني!!
نوف..ابتسمت:من اللي يسر الخاطر
الرزان..رفعت حاجب:وش هالكلام الغريب!!
نوف..ظلت على ابتسامتها:اهدي لي شي خطير لو سمحتي
الرزان:اهدي لج!!،ليش وش المناسبة؟؟
نوف:اول اهدي لي شي ،واذا عجبني بقولج
الرزان استغربت وطالعت فيها بنظرات..بعدين قعدت تحوس في الـ سي-دي"ز حقينها..حطت سي-دي منوعات..
{لو بغيت الروح ماتغلى عليك..كل عمري لك ولو تامر عليه
ولو بغيت القلب في مدت ايديك..كيف انا بعطيك قلب (ن) انت فيه... }
الرزان:وهاذي اهداء لاحلى نوفي،آمري بعد
نوف:مشكورة،بس مو كشخات الأغنية مرة
الرزان:كشخات!!،الله يعينج على نفسج يااختي،نويف يـلا نطقي وش عندج!!
نوف..ضحكت:باركي لي
الرزان:على شنو!!،خلصتي سنة الامتياز!!
نوف..خزتها:مالت عليج باقي لي اربع شهور لسه
الرزان:اجل على شنو ابارك لج؟!
نوف..ابتسمت:انا حامل بالشهر الرابع
الرزان..رفعت حواجبها مصدومة:من صجج!!،صج ماعندج سالفة،يعني بتخلصين الامتياز وانتي حامل بالشهر الثامن!!،خبلـة
نوف:مالت عليج،صج انج حمارة وماعندج سالفة
الرزان:لاتسبين
نوف:انتي بعد لاتسبين!
الرزان:مبـروك،يتربى بعزكم
نوف..ابتسمت:تسلمين
الرزان:شلون تقبلت يارا الخبر؟!
نوف:اسكتي لسه ماقلت لها،عبدالله قال نقولها من الحين،بس انا اقول احسن ننتظر اسبوع اسبوعين لما يكبر بطني،بعدين راح تستوعب
الرزان:اشدعوى عمرها سنتين ماتفهم!،ترا عمرها 4 سنوات كبيرة ماهي بزر ماتفهم!!
نوف:حتى لو،بعدين صعب تتقبل بسرعة ان في احد غيرها بيشاركها فينا
الرزان:طبعاً مع دلع ابوها الماصخ،ياخوفي تكفخ البيبي وتفترسه
نوف..ضحكت:حرام عليج!!
الرزان..ابتسمت:من صجي،بنتكم هاذي صج دلوعة بس تحت القناع متوحشة وينخاف منها
نوف:طالعة على خالها الدب
الرزان..ابتسمت:مين طلال المسكين!!،لا حرام عليج طلال طيوب ماعنده هالحركات
:احم احم،بعد قلبي والله اختي تدافع عني،هاذي الاخت ولا بلاش،مو الخوات اللي يحشون من ورا لورا!!
نوف:من عمايلك السودا،اجل اعزمك يالدب ولا تجي ولا حتى تتصل!!
طلال..سلم عليها:تو مانور البيت،والله ثم والله ان الجوال كان مخلص شحنه ومقفل وانا كنت بالصناعية مع صديقي سيارته خربانة ورحنا نجيبها
نوف:بس هذا انتوا حق الربع طاقين الصدر،بس حق خواتكم شي ثاني
طلال..ضحك:ظالمتنا والله،وبعدين وش هالأجواء الرومنسية الرزان!!
الرزان:أي رومنسية انت الثاني!!،وخر مناك اشوف
قامت وغيرت السي-دي..
{حان موعد سفرهم..ويل حالي بلاهم
يعل ربي يحفظهم..لي في قلبي غلاهم
حـــان موعــد سفــرهــم
جيف ابسلى عقبهم..جيف ابنسى هواهم
جيف البي لزقرهم..دون مااسمع نداهم...}
طلال:حالتج صعبة انتي وبنت خالج مع الاماراتيين!
نوف..ضحكت:شلون تفهمون وش يقولون؟!
الرزان:اشدعوى يتكلمون فرنسي ولا عبري!!،مجرد ان لهجتهم تختلف شوي عنا
طلال..ضحك:شوي بس!!،هذول لهجتهم بشرق واحنا بغرب
الرزان:انثبر مناك بس،ترا كله ولا الامارتيين ماارضى عليهم
طلال..ضحك:ادري مو هم اخوانج،اما انا ولد الجيران
الرزان:مــضـبــوط
{ياقلب وين تروح عني معاهم..ياقلب مالك في المجفين مربوح
تعلن عن العصيان وتتبع خطاهم..ماكنهم قبل امس خلوك مذبوح...}
نوف:ذاك وعرفناه خالد بن محمد،لكن من يطلع هذا بعد!!
الرزان..طالعتها بنص عين:الوسمي
نوف..قلبت عيونها:ومين يطلع هذا!!
الرزان:ماتعرفين الوسمي!!،وين عايشة انتي!!على كوكب المريخ!!
طلال:فلسفة الرزان!،هذا الله يسلمج يانويف مغني اماراتي جديد
الرزان:ماهو جديد!!
طلال:الا جديد توه طالع من سنتين!!
الرزان:مايعتبر جديد!
طلال:انثبري زين،أي صح مبروك خيتو ويتربى بعزج
نوف:الله يبارك فيك
الرزان:الناس تقول يتربى بعزكم!
طلال:انا ابيه يتربى بعز اختي بس اشدخلج!!
الرزان:غبــاء!
طلال:اسم الله عليج يالذكية
نوف:هاي انتوا يالبزارين،بس عـاد
{ياويل يا من زاد بالهم..بات ليله به سراتي
بايت سهير والليل خيم..والعين تذرف عبراتي...}
نوف:لا لا،انا بينفك راسي وانا مو فاهمة كلمة من هالكلام!!..قامت..انا طالعة،وانتي بعد طلعي من غرفتج بيصير عندج توحد ترا
الرزان..ابتسمت:مع السلامة..طالعت في طلال..وانت بعد يـلا مع السلامة
طلال..ضحك:اول شي فسر لي وش يقول ذا!!،اخافه يتكلم هندي!!
الرزان:اقول اذلف بس،لا احذف عليك فازا من هنا ولا هناك
طلال..ضحك:حـشى متوحشـة!!..وقف عند الباب..توني اكتشف الأماراتيين يتكلمون زيج!!
سكر الباب لما رمت عليه قـلم وهو يضحك..
الرزان:مالت عليك،ثقيل دم
طالعت الساعة "3:45العصر"،
باقي ساعة اقوم آخذ شاور واتجهز احسن لي
،طلعت لها ملابس واخذت روبها ومنشفتها ودخلت الحمام"الله يكرمكم"..طلعت وهي تنشف شعرها وشغلت الدفاية ..دق جوالها..التفتت عليه..مس كول من ريما..دقت عليها..
ريما:مرحبا مليون ولا يسدن
الرزان:مرحبا ملايين،خير!
ريما:انا في الطريق سوي لي درب اذا سمحتي
الرزان:مع مين جاية!!
ريما:الثنائي الحبيب سلوم وأمول
أمل:اصغر عيالج!!
ريما:امون اختي اشدعوى!!
أمل:استريحي بس
الرزان..ضحكت:تستاهلين
ريما:ياللئيمة لما تضحكين ماتضحكين الا عليّ!،المهم انتي تكشخي لاني جايتج يـلا سيوو
الرزان:سـلام
ريما:سـلامووز
لبست جينز غامق وهاي نك مخطط رمادي واحمر وفوقه بلوزة كت وواسعة سودا..مشطت شعرها اسود وبيج كبيرة اللي من خالد..ولبست ساعة L.Vورفعته..طلعت شوز اسود سبورت وشنطة
سودا وكبيرة..طالعتها "الساعة 4:20 "، Gusse
لهالدرجة طولت بالحمام"الله يكرمكم"!! ولا باللبس!!
،طلعت عبايتها..عادية بس قصة اكمامها عريضة وواسعة ومافيها زينة الا على طرف الأكمام شريط دانتيل اسود عريض وفيه كريستال اسود صغير..
طلعت لها شيلة عادية غير شيلة العباية الدانتيل..عشان تقدر تغطي فيها وماله داعي تلبس نقاب..
قطت الشيلة على راسها ولبست شوزها وشالت شنطتها وطلعت..
خالد:توني كنت جاي اناديج،يـلا بنتأخر
الرزان:يـلا،جات ريمـا!!
خالد..ضحك:قاعدة بالسيارة من اول ماوصلت
الرزان:الخاينة مادقت عليّ!!
خالد..ضحك:تلاقينها تحوس بالسي-ديات
ضحكت لفت شيلتها عدل وقطتها على وجهها الشاحب..ركبوا السيارة..
الرزان:انتي يالخاينة مادقيتي عليّ!!
ريما:انشغلت ادور شي عدل بهالسي-دي"ز
الرزان:عسى لقيتي شي!!
ريما:لا خالج ماعنده سالفة يبي لنا نجدد اللي عنده
خالد:لا لو سمحتي خلي حقيني زي ماهم
ريما:من صجك!،تصوري اجدد شي عنده 2007!!وجديد 2008 ولا شي!!
خالد:عندي حق رابح
ريما:وعععع هالمزنوط،هذا اللي قدرك ربي عليه!،سمعي هذا شي قديم بس فلة،واتحداج تذكرين اسم الأغنية!
{بنوب بنوب..بنوب..عني لاتتغرب..ياعيوني لاتنامي حبيب الليلة مسرب
وياليت نلاقي الدوا..ونلاقي الوجع انقضى..والوقت ابتدى يمشي عالهدى لو شاف الموعد قرب...}
الرزان:ياويلي عالقدم!،نجوى كرم"بنوب"
ريما:غريبة عرفتيها!!
الرزان:ليش يعني،اول مرة اركب سيارة خالد انا!!مقطعتها ترا من كثر ماركبتها وسمعت هالسي-دي
ريما:اثاريج طلعتي قديمة على خالج!!
الرزان:استريحي مكانج بس،يازينه خالي
ريما:لاتدافعين عنه،ترا منعني ادخل معاكم قال بس تنتظرين برا
خالد:أي بعد وش لج تدخلين وانا بدخل!!
ريما:مو لازم تدخل انا بدالك
خالد:لا!،اقول استريــحي بس
الرزان ابتسمت وسكتت..خلال ربع ساعة وصلوا..لعمارة كلها عيادات..ركبوا المصعد..زاد توترها ..
ريما مسكت يدها وضغطت عليها..ريما متنقبة وحاطة كحل ومسكرا وكاشخة بنفس عباية الرزان بس الكم اصغر شوي مو زي حقها وعلى طرف الكم تطريز ملون..
وطالعة بلوزتها الصوف الخضرا وساعتها الحمرا..وشايلة شنطة"برادا تقليد" كبيرة حمرا..
الرزان..همست لها:انتي ليش متكحلة؟؟
ريما:يعني اول مرة اسويها!!
الرزان:مادري عنج متى بتبطلين هالعادة!!
ريما:لما تحج البقر على قرونها انزين
وسبلت بعيونها تقهرها..طنشتها الرزان لانها متوترة بقوة..وصلوا الدور الثاني عشر ونزلوا..
قدامهم واجهة زجاج كبيرة وحتى من الجنبين زجاج..ولوجو دائري كبير مكتوب فيه بالأسود سعد على باب زجاجي..
فتح خالد الباب ودخلوا..المكان كبير وواسع..رخام لامع اسود وابيض "شطرنج" ومكتب الأستقبال قدامهم خشب اسود وخلف اللي واقفين " ثنتين وواحد" جدار رخام رمادي وعليه نفس اللوجو الأسود اللي برا..
خالد قدم وراح يكلم اللي بالأستقبال..
خالد:السـلام عليكم
التفتت عليه وحدة من اللي واقفين:وعليكم السـلام،هـلا اخوي اخدمك بشي؟
خالد:عندنا موعد الساعة 4:45
:باسم مين الموعد؟
خالد:خالد عبدالله الـ....
وهي تتاكد من الموعد بالكمبيوتر ورفعت راسها:يـاهلا اخوي خالد،تفضلوا استريحوا..واشرت له على صالة الانتظار..خمس دقايق وتدخلون عند الدكتور سعد
خالد:شكراً
:العفو اخوي
راحوا وجلسوا في صالة جانبية..كنباتها ابيض ورمادي والأرضية رخام لامع اسود..ريما قعدت تتأمل الديكور..
ريما:والله كشخات ديكورهم،ابي اتعلم علي يد اللي صمم هالمكان،مو العجايز اللي عندنا اللي يدرسون تصميم وماعندهم ذوق اصلاً!!
الرزان:بس تتحلطمين!!
ريما:التحلطم مفيد عشان مااعاني كبت نفسي بعدين
الرزان:تأثرتي بالجو الظاهر!
ريما..ضحكت:شـكلي تاثرت حبتين..بعدين طالعتها..تعالي انتي يالمتناقضة شلون لما تدخلين بتكشفين!!
الرزان:قبل لا ادخل بشيل الغطا
ريما:والله تناقض!
الرزان:ماارتاح ولا آخذ راحتي بالكلام وانا متغطية!!
ريما:انتي حـرة،انا وش علي منك ومن حالاتج النفسية
الرزان..ابتسمت:مالت عليج
فجأة نادا خالد واحد..
:خالد مو؟
خالد:أي نعم
:تفضل اخوي،الدكتور ينتظركم
خالد:يـلا الرزان..التفت على ريما..انتي لاتتحركين من هنا احسن لج
good luk ريما:يمـا،انزين
..مسكت ايد الرزان وضغطت عليها..الرزان مانطقت..ومشت جنب خالها..مرتبكة و ضايعة..اللي قدامهم وصلهم للمكتب وراح..
شالت الغطا..وانفتح الباب..فلفت الشيلة عدل وقطت طرفها على كتفها..
سعد:هـلا والله..وسمعت خالها يسلم..تفضلوا حياكم
دخلت ورا خالها وهي ماتشوف شي..وجلست عالكنبة اللي اشر عليها وهي ماتسمع شي.. ماانتبهت الا..
سعد:اسم الكريمة؟؟
الرزان..رفعت راسها طالعت فيه بعدين نطقت:الرزان
سعد:الرزان!،اسم غريب وحلو عاشت الأسامي
الرزان رفعت حاجب،
وكاني طلبت رايه!!..وبعدين وش دخل اسمي تمدح فيه!!،..
سعد:طيب آنسة الرزان...
الرزان..قاطعته وهي متنرفزة:ماله داعي آنسة تخلي اسمي ثقيل
خالد كتم ضحكة..
سعد..ابتسم:براحتج،الرزان عندنا ساعة يومياً ماعدا الجمعة لمدة ثلاث اسابيع راح تظلين فيها ساكتة كذا!!،ترا كذا ماراح نقدر نحل شي!!
الرزان..(وش تبيني اقول يعني!!..صج...) وقالت بحدة:وش يفترض اقول!
خالد..ضحك ضحكة مكتومة ودرى انها تنرفزت فقام:انا عطشان بروح اشرب ماي
سعد:وين!،استريح الحين اطلب لك ماي
خالد..ابتسم:لا مشكور،بعدين بروح اشوف الثانية اللي برا لاتكون فجرت في شي
سعد..ابتسم:براحتك
الرزان كانت تخز في خالها وهو "صفطيشن" ،
طيب ياخالد طيب انا اوريك بالبيت انا اوريك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 06-01-2010, 05:58 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


،..طلع خالد وظلت هي مقابلة سعد اللي جالس بكنبة صغيرة قدامها..كان ينتظرها تتكلم!!..
سعد:احم احم،يعني انتي راح تظلين ساكتة فعلاً!
الرزان..(شكله هو اللي يعاني من مشاكل نفسية!..وش يبيني اقول!!):وش يفترض اقول!
سعد..عدل جلسته ونظارته:قولي أي شي،وابدي من وين ماتبين..سكتت وماردت..طيب اسألك انا ،وين تدرسين؟؟
الرزان..(وش هالسؤال البايخ!..تكلم بزرة انت!!): في لندن
سعد:اهـا بعثة يعني؟!
الرزان:مع ارمكوا
سعد:ماشاء الله،وش تخصصك؟؟
الرزان:هندسة كيميائية
سعد:حلو،صعب ولا سهل؟؟
الرزان:لا كذا ولا كذا يمشي الحال
سعد:الحمدلله،شاللي خلاك تدرسين برا؟؟
الرزان:اهر ب او اتهرب
سعد..(أخيراً وصلنا للموضوع):تهربين من ايش؟؟او تتهربين من ايش؟؟
الرزان: اهرب،اهرب من الحياة الجحيم اللي كنت ولا زلت اعيشها هنا،واتهرب من امي والزواج
سعد:اشفيها الحياة هنا؟؟
الرزان:جــحيـم
سعد:شاللي خلاها كذا؟؟
الرزان:امي اول شي،وبعض الناس...
استمروا ساعة سؤال وحكاية..سؤال وحكاية..الين ماخلصت وهي واقفة عند الباب..
سعد:هاذي الحبوب راح تسهل عليج النوم،بس لمدة اسبوع،مانبي تتعودين عليها..فتح لها الباب.. لاتنسين تجيبين اللي قلت لج بكرا ضروري
الرزان:ان شاء الله،مع السلامة
سعد:مع السلامة
كانت تنتظره يسكر الباب عشان تتغطى وتمشي..لكن ماسكره..فمشت و بعد خطوات قطت الشيلة على وجهها..
وطلعت من الممر اللي فيه المكتب..كانوا خالد وريما ينتظرونها بالسيارة..
استغلوا الوقت وراحوا "جو فريز" اللي على الكورنيش لانه قريب تقهووا وحلو ورجعوا..
بعد مارجعت البيت ظلت بالغرفة هي وريما يسولفون..وجاتهم هنادي..
ريما:امانة امانة،شلون شكله!!
الرزان:بـلا فضاوة
ريما:يـلا عاد،مزيون ولا شين؟؟ولا عادي؟؟
الرزان:مادقـقـت!!
هنادي:انا من سنين شفته ومازلت اذكر،كان طويل وعريض مرة وعادي لامملوح ولا شين احلى مافيه عيونه الخضر!
الرزان:من صج !ترا مادققت،بس اللي انتبهت له فعلاً انه طويل وعريض
ريما..وهي تسوي نفسها مسكينة:وعاد احنا اقزام ومساكين فنشوفهم عماير
هنادي..ضحكت:لا عاد احنا مو اقزام،يمكن انتي قزمة عشان اقصر منا شوي
ريما:لا والله،استريحوا بس يالطوال
هنادي..ضحكت:غصباً عنك،الا اقول رزون بتروحين كل يوم!!
الرزان:كل يوم الا الجمعة
ريما:ياحظك بتطلعين كل يوم
الرزان:وين رايحة انا اتمشى!!
ريما:عالأقل بتطلعين،وانا محبوسة
هنادي..ضحكت:كلن على همه سرى
ريما:بـالله!،وانتي ياآنسة وش همـج؟!
هنادي..ابتسمت:الحمدلله لحد الحين،قلبي خالي الهم
ريما..ضحكت:اما عني،قليل الهم،بس الرزان اكسترا هم،مليان للأخير
هنادي..ضحكت:يعني كثير الهم!
الرزان..ضحكت:حليب!!ولا لبن!!
ريما: بـلا هم بـلا كلام فاضي،خلونا نرقص بس..راحت عند الاستريو..رزون وين سي-دي تركي الجديد؟؟
الرزان:مع السي-دي"ز،في الألبوم الأخضر
فتحت ريما البوم السي-دي"ز الأخضر وحطت سي-دي تركي "رسـايل" في الاستريو..
{اسمـع اقولك على فكرة..الحين فرقاي مو بكرة
منك تعلمت كيف اكره..
وان جيت بترجع وصالك..بقول ذا بدري على اشكالك
كذاب ايوا ومية كذاب..يـلا توكل وصك الباب
منك ترا خاطري قد طاب..
وان جيت بترجع وصالك..بقول ذا بدري على اشكالك... }
الرزان:حطي رسايل
ريما:لا وع وش رسايله
الرزان:اقول استريحي وهاتي الريموت
ريما..مسكت الريموت وخبته وراها:فيج خير خذيه مني
الرزان:قال فيج خير قال!!،هاتي بس احسن لج
ريما..ضحكت:فيج خير!،تعالي خذيه
الرزان راحت ومسكت يدها وحاولت تاخذ منها..وقعدت ريما تدور بالغرفة وتنطط فوق السرير..
وصاروا هنادي من جهة تحاول تمسكها والرزان من جهة..بعدين طلعت ريما من الغرفة..
وقعدوا يركضون بالصالة ويدورون..ونزلوا تحت وهم يركضون ويصرخون على بعض ويضحكون..
الا يد قوية تسحب رزان وجاها كف قوي على وجهها..
الرزان..رفعت عينها:مـامـا!
نهلة:خيـر ان شاء الله وين احنا قاعدين!!،بدال ماتقعين تصارخين وتراكضين كنج عنز كنتي جيتي ساعدتيني بالمطبخ..الرزان حاولت تتكلم..ولا كلمة مابي اسمع منج شي،ذلفي على غرفتج
الرزان ركضت فوق لغرفتها..اما هنادي وريما مصدومين شلون قدرت امها تسوي كذا وقدامهم!!..
ريما لأول مرة بحياتها طالعت عمتها باحتقار وركضت لفوق و وراها هنادي..دخلوا الغرفة ماشافوها!!..
سمعوا صوت بالحمام "الله يكرمكم"..
ريما..دقت الباب:الرزان!،رزون حياتي مو زين تصيحين بالحمام طلعي..بدون رد..رزون الله يخليج مو زين تصيحين بالحمام!!،يـلا عاد ماعليج منها،طنش تعش تنتعش
هنادي..قربت:رزون ولايهمج مصيرها بيوم من الأيام تتغير،يـلا عاد غسلي وجهج وطلعي مايصير تتركين ضيوفج لحالهم وبدون ضيافة،عيب عليج
ريما:مرة ثانية ماني جاية عندج ماضيفتينا وين كرم الضيافة عند الحساوية!!
الرزان ابتسمت..وقامت غسلت وجهها..وعدلت نفسها وطلعت..
هنادي:اخيراً رحمتنا البرنسيسة
ريما:امشوا نطلع نتعشى برا!!
الرزان:نعم!،خبلة انتي بعد اللي جاني قبل شوي،لاسوري مابي آخذ لي كف ثاني
ريما:انا باكلم ابوي واخليه يكلمها مابتقول شي،ادق على اماني وادق على غالية الحين ونروح لسلوم وامول، هم رايحين الراشد نروح نتعشى في فدركرز
الرزان:يـلا دقي عشان اذا رضى ادق على غادة بعد تجي
هنادي:أي والله من زمان عن البنات!،حسافة لو سديم واصيل موجودين
ريما:وينهم!!
الرزان: امس سديم راحت القصيم،واصيل راحت الكويت
ريما:ياحظهم
الرزان:لا حول ياهاذي!،يـلا دقي على خالي
ريما:ان شاء الله،لا تدفين بقوة
ضحكوا..وافق خالها وكلم امها واقنعها تطلع الرزان مع البنات..ورضت بعد حنت امها فوق راسها ..
طلعوا البنات مع سواق هنادي ومروا على اماني وبعدين غالية وبعد وعد ورغد اللي امهم بالعافية رضت تخليهم يطلعون ..
خصوصاً انه وسط الأسبوع وهم ثالث ثانوي >>مادري ثالث ثانوي يعني مايعيشون!!<<..
قابلوا سلمى وامل عند البوابة وراحوا تعشوا في فدركرز بعد جولة قصيرة على بعض المحلات..
وقابلتهم غادة هي واختها خولة في المجمع..واللي طلعوا من زمان في المجمع جايين يتسوقون..
رجعت البيت وهي شايلة اربع اكياس بكل يد..طالعت ساعتها.."الساعة 10:30 ليلاً"،
ادخل من المطبخ واروح ركض للغرفة احسن لي..واسلم لي
،دخلت من الباب الخلفي حق المطبخ وبشويش..راحت للدرج وصعدت بشويش..ولما وصلت ركضت للغرفة وسكرت الباب وراها..
وقطت الأكياس والشنطة وقفلته..واخذت نفس وابتسمت لنفسها..فصخت نقابها وعبايتها وعلقتهم..
بدلت ملابسها ببجامة قطنية خفيفة بس كم طويل وشغلت الدفاية..غسلت وجهها واسنانها..وطلعت اللي شرتهم من الأكياس ورتبتهم..طالعت الساعة " 11:25ليلاً"..
طلعت لها حبة من الحبوب اللي وصفهم لها الدكتور..شربت ماي وبلعت وحدة..

انسدحت عالسرير تقرا قصة قعدت تضحك على سخافتها..ونامت وهي تـبـتسـم..


[..الجـزء الحـادي عشـر..]

مر اسبوع والرزان كل يوم تروح للدكتور..خالد حس بأنها تحاول قد ماتقدر تحسن نفسها..
وكان واضح تغير اسلوبها تلقائياً..في التصرفات..في الكلام..حتى في اللبس..
صارت تتحمل وتصبر على امها اكثر..وامها فاجأتها بأنها رخت الحبل شوي..ماعادت توقف لها في الرايحة والجاية..
وتسمح لها تطلع مع صديقاتها بس مع وحدة من خواتها..بس الرزان اصلاً ماتطلع مع صديقاتها كثير الا اذا وصلها خالها ولا اخوها ورجع ياخذها..
لانها تكره تطلع مع السواق وترجع معاه حتى لو في وحدة معاها..وماعادت امها تقط كلام يسم البدن زي قبل كثير..
وبطلت الضرب والكفوف مرة وحدة..وبكذا تحسنت نفسية الرزان كثير..صحيح مازال لأمها بعض الحركات بس هالحال احسن ...

اليوم الثلاثاء..30/12/2008..2/1/1430

...

الساعة 6:30 مساءً

...


تسمع اغنية "رنـة" الجديدة لـ سلمان حميد..وهي تنتظر خالها بعد ماطلعت من عند الدكتور..
حاطة رجل على رجل وتهز رجلها اليسار اللي حاطتها فوق اليمين..
وتحرك اصابعها الطويلة عالآيبود الوردي>>اللي صلحه خالها..بعد ماطاح عليه الكوب<<..
لابسة شوز "burberry"الذهبي وجنبها الشنطة اللي معاه..حولت الى اغنية"اللي لقا احبابه" جديد راشد الماجد..

{يـادنيا يـاغرابـة..يـادنيا يـاغرابـة
اللي لقى احبابه نسى صحابه
يـادنيا يـاغرابـة..يـادنيا يـاغرابـة
كان العشم يبقى لي ويموت فيني لحالي
لا ماطرى في بالي كذا الغالي ينسى ويطول غيابـه
اللي لقى احبابه نسى صحابه
يـادنيا يـاغرابـة..يـادنيا يـاغرابـة...}
ولأن صالة الانتظار فاضية خذت راحتها..وهي تطق بأصابعها >>مو بالطريقة السوقية!!..لا.. تطق الابهام بالسبابة..مصدرةً صوتاً..خخخخخ..من صج البنت اخذت راحتها!<<..
وودها لو تقوم ترقص لانها تحب هالأغنية>>من صجها!!..بس الصراحة الأغنية ترقص..خخخخخخ<<..
كانت متغطية بالنقاب..لانها صارت تجي بالنقاب وتشيله اذا دخلت داخل!!..
اما هو كان داخل..وصديقه طالع يلاقيه..تلاقوا بنص الطريق عند الاستقبال..وبعد سلامات..
:وش الأخبار بوتركي يقولون قررت تتزوج خلاص؟!
:هالدب عبدالملك متى بيعرف يسكت!!،أي والله ماني قادر استحمل ضغط ابوي عليّ زيادة،وقلت تجي مني واختار اللي ابيها،احسن ماتجي منهم ويختارون على كيفهم
:فارس،قول الصج وش ناوي عليه؟؟
فارس..طالع بعيد عن سعد وهو يفكر:كل خير ان شاء الله وبـ..سكت فجأة لما شافها بس مااهتم..بتعرف بوقتها..ورجع طالع فيها وعرفها..الرزان!!..طالع في سعد..مريضة عندك؟؟
سعد..طالع بنفس الجهة وابتسم:الرزان أي،تعرفها؟؟
فارس..سرح بعيد:أي،صديقة هنادي،واكيد قالت لك انها تدرس بلندن فشي طبيعي نلتقي احياناً..والتفت بيروح..انا بروح اسلم
سعد:استريح،بس تبي تفشل البنت!
فارس..ابتسم:احسن خلي تحس على عمرها،بس ناقصها تقوم ترقص!
سعد..ضحك:وانت وش دخلك!،تعال بس نقعد بالمكتب
فارس:لا والله مااروح قبل مااسلم،عيب بينا عشرة شهور واقل شي اروح اسلم
سعد..ضحك:كشخة ياللي تعرف الواجب والذوق!
فارس..ابتسم ورفع حاجب:غصباً عنك
سبحان الله وشهالصدف اللي خلتنا نلتقي اليوم!
،وراح عندها..هي ماانتبهت انه وقف قريب كانت مندمجة مع الأغنية..فتقدم وطق اصابعه قدام عيونها..تفاجأت..
الرزان..رفعت راسها:فـارس!
فارس..رجع ورا وهي وقفت:هـلا والله،شـخبارج؟
الرزان..ارتبكت:بخير الحمدلله
فارس..تجرأ وسأل اللي بخاطره:وش جابج هنا؟،عسى ماشر!
الرزان..طالعته بحدة وخزته:ابداً..وتكلمت بحـدة..عقد نفسية واحاول اعالجها
فارس..ابتسم:الحمدلله وأخيراً استوعبتي ان عندج عقد نفسية
الرزان..انقهرت من سخافته:نعم!..شالت شنطتها بتروح مع انها دارية ان خالها ماجا..عن اذنك خالي ينتظرني
فارس..التفت وراه لـسعد وغمز له:خالد!،توني امس شايفه بس وحشني،سلمي لي عليه
الرزان..طالعته من فوق لتحت:يـوصـل
كان بيتكلم..بس مشت وطنشته..
الرزان..مرت من جنب سعد:مع السلامة دكتور
سعد..ابتسم:مع السلامة،موعدنا بكرا الساعة 4
الرزان:ان شاء الله
وطلعت من العيادة وركبت المصعد على طول..ومن حسن حظها خالها اتصل فيها وهي نازلة من المصعد..اما فارس قعد يضحك..
سعد..ضحك وياه:وش تستفيد يعني اذا نرفزتها!!
فارس..وهو يضحك:مادري بس كذا احب انرفز الناس
سعد..ضحك عليه:فيك حالة نفسية ويبيلك تتعالج
فارس:يـلا على يدك
سعد..ضحك:بس مشكلتك ماتحب تنرفز الناس كلها،بس تنرفز البنات!!
فارس..ابتسم:اشكالهم حلوة اذا عصبوا وقاموا يعطونك ذيك النظرات،يقالك يخزون!
ضحكوا..
سعد:تعال بس،بدال هالوقفة نروح نقعد بالمكتب
فارس:يـلا
وراحوا للمكتب وقعدوا..
سعد:قولي الحين مين سعيدة الحظ،او عفواً تعيسة الحظ اللي تبي تخطبها!!
فارس..ضحك:والله مو هي التعيسة انا اللي تعيس الحظ،ماراح اقولك اخاف منك تسوي لي فضيحة
سعد..استغرب وابتسم:اسويلك فضيحة ليش!!،مسوي شي؟
فارس:ابد بس اللي بخطبها...
سعد:وشفيها!،مين تكون يعني؟
..الرزان بالسيارة شغلت سي-دي راشد الجديد..شرت سي-دي"ز جدد لخالها لانها ملت من الغبار اللي عنده..وحطت "الريش"..
{والله وطلع لك ريش يالزين وصرت اتطير
الملح ويا العيش ماله معك تأثير
ربينا دلعنا وقلنا النهاية خير
وآخرها بايعنا ورايح لحضن الغير

* * * *
مقيولة وانت ادرى وتعرفها يالمزيون
احذر عدوك مرة وحبيبك مليون
ماجات في بالي العب على المضمون
سلمت لك حالي مااحسبك يوم اتخون...}
خالد..ضحك:بـالله هاذي اغنية الحين!!،اجل احذر عدوك مرة وحبيبك مليون!!،صار الحبيب هو العدو!!
الرزان..بجدية:معاه حق
خالد..طالعها بطرف عينه:وش اللي معاه حق فيه؟!
الرزان:انك تحذر حبيبك اكثر مما تحذر عدوك
خالد:وش هالمنطق الغبي!!،اجل ليش يحب!!يرتاح ولا يحب احسن
الرزان:هو بعد احسن واريح
خالد..طالع فيها:مافاد فيج العلاج عدل
الرزان ضحكت...بينما...في الجهة الأخرى مصدوم!!..
سعد:من صجك تتكلم!!
فارس:أي من صج،لاتفضحنا سعود واللي يعافيك،ياليتني مافتحت فمي
سعد..ضحك:لا مو كذا،بس من صجك يعني،صدقني ماراح توافق
فارس:ادري هي رافضة الفكرة اساساً،بس مو بكيفها
سعد:لا والله!هي اللي بتتزوج شلون مو بكيفها!!
فارس:مو هي بتضطر توافق عشان اللي بالي بالك،هي تبي احد يساعدها وانا ابي احد يساعدني خلاص كذا اثنينا نحل مشكلتنا
سعد:والله انك مو صاحي،وهي مالقت الا انت تساعدها!،بس خلني اقولك،ترا مو من صالحك ابد تاخذها غصباً عنها
فارس:شوف بعد مايصير كل شي رسمي احنا بنتفق،وكل واحد بيكون في حاله وماله دخل بالثاني ،انا مو غاصبها على شي
سعد:تـمزح!!،بـالله اذا كان لكل واحد حياته بعيد عن الثاني ليش سموه زواج!
فارس:هالزواج غير،هذا زواج لاسباب هادفة اكثر من الاسباب العادية التافهة اللي تخلي العالم تتزوج
سعد:الحمدلله والشكر،ماظن ان الواحد لما يفكر يكف نفسه عن الحرام يكون سبب زواجه سخيف! ،ولا لما يبي يجيب عيال ويكون اسرة يكون سببه تافه!،بس انا اشك في قدراتك العقلية هالأيام! ،ماانت فارس اللي اعرفه
فارس..تنهد:انت مو مستوعب الضغط النفسي اللي انا فيه،امي من جهة تحن تزوج وتزوج ابي اشوف عيالك...
سعد..قاطعه:طبعاً مسكينة خالتي بهالزواج ماراح تشوفهم ابداً
فارس..ضحك ضحكة مو من القلب:يمكن بعد عمر طويل ماتدري!،ماعلينا،ابوي بعد من جهة واحس العايلة كلها فجأة صارت تبيني اتزوج بعد سالفة سديم!!،خواتي كل مايشوفوني يكلموني عن فلانة وعلانة وهاذي حلوة وهاذي بنت ناس!!،خلاص انا ملـيت وفهمت الهدف من ورا هالألحاح وهو تـزوج حالاً بالاً!!
سعد..ضحك عليه:لهالدرجة!!
فارس:واكثر،ماتتصور شلون صايرين،ماصرت اقعد بالبيت وقررت انتقل لبيتي احسن لي
سعد:انتقلت واخيراً؟!
فارس:أي الحمدلله قبل امس نقلت اغراضي وامس اول يوم كامل لي بالبيت،فاتك ابوي شلون عصب وامي طنشت ولا عطتني وجه مـرة
سعد:الله يعينك..وابتسم..بس شكلك نويت عالزواج لانك خفت تجلس بالبيت لحالك
فارس..ابتسم:يعني يقالك هي اللي بتوخر الخوف!!،انا اخاف اقعد معاها بمكان لحالي تستفرد فيني وتذبحني!
سعد..ضحك:يـلا بس،صج ماتستحي
ضحـكوا...وقف السيارة قدام البيت..
خالد..طالعها:يـلا نزلي وش تنتظرين!!
الرزان..حطت ايدنها على خصرها:بـالله وين كنت سرحان!!،صار لي ساعة وانا اقولك ابي اروح الراشد!!
خالد..ضحك وحك راسه:يوه والله كنت افكر بشي مهم،وش تبين من الراشد؟؟
الرزان:ملكة صديقتي بكرا وابي اشتري شوز للفستان حقي،وابي اشتري هدية لها بعد
خالد:حلـو،يعني مطولة؟
الرزان..ابتسمت:تقدر تقول
خالد..ضحك:تقدر تقول!،اجل مطولة بقوة،يـلا امرنا لله نوديج مو انتي القلب ماينرد لج طلب
الرزان..ضحكت:مـرسو خلودي
خالد..ضحك:خـلودي ومرسو!للمصالح بس،بنات آخر زمن
الرزان قعدت تضحك..وطفت السي –دي لانه اذن..وصلوا المجمع وراح كل واحد منهم يصلي.. ورجعوا التقوا..داروا المجمع الى الساعة 9:15 وبعدها طلعوا وراحو يتعشون في فرايديز اللي بالكورنيش على حساب خالد >>انا ابي مثل هالخال..خخخخ..مصالح بس<<..
ودخلوا البيت الساعة 11 بالضبط..
خالد..وهم يصعدون الدرج:احـس رجولي متكسرة،وركبي ماتشيلني
الرزان..ضحكت:هذا الكرش ومايسوي
خالد..طق بيده على معدته المشدودة من كثر مايتمرن:الحين هالرشاقة كلها وتقولين كرش!!
الرزان..ضحكت:من زود رشاقتي اشوف الكل بكرش
وحركت كتوفها بدلع..
خالد..رفع حاجب:رشاقتج!،تقصدين عصاقيلج..وباستهزاء..ثقة عمياء بعد!،قال رشاقة قال، روحي مناك يالهيكل العظمي
الرزان..ابتسمت:حرام عليك،والله زايدة كيلو هالأسبوع
خالد:والله!،زين زين في امل يعني
الرزان:لا وشو مابي ازيد اكثر،تخيل ارجع زي قبل،كان انتحر
خالد..ضحك:خبلة وتسوينها،اصلاً هالكيلو اللي زاد ماسوى شي!
الرزان:عشان طولي زاد،تخيل آخر مرة قسته امس بالعيادة طلع 160!!
خالد..ضحك:تلاحقي عمرج اجل وزيدي كم كيلو،وانا اقول اشفيج ممدودة ومفعوصة!!
الرزان..ضحكت:أي والله،بفكر ازيد كيلو كيلوين واصير 49 عالأقل
خالد:وش 49!!صيري 50 ويـالله يفيد فيج
الرزان:لا لا،it's to over
خالد:بالعكس بيصير في فرق بين طولج ووزنج 10 يعني زين وحلو
الرزان:49 احلى
خالد..حط الأكياس لها عند الباب لما فتحت غرفتها:براحتج،يـلا تصبحين على خير
الرزان:تلاقي الخير
راح غرفته..وهي شالت الاكياس وحطتهم عالسرير..فصخت عبايتها وقطتها عالسرير،
اففف يالحر!..مصدقين عمرهم ويقولون برد!..ماشافوا صعيق لندن والثلوج..افففف شكلي اليوم مصيفة مصيفة بهالحرارة،كانت لابسة بلوزة كمها قصير وخفيفة مع جينز،بس احلى شي الجينز ما يخلي الواحد يحتر..ولا كنت الحين مطبوخة من الحرارة
،ابتسمت وطلعت لها بيجاما قطن صيفية.. برمودا اسود ومخطط بأزرق والبلوزة كم "شبه كت"زرقاء ومرسوم عليها ورود بالأسود..ودخلت تتسبح..وطلعت واحد يدق عالباب!!..عدلت روب الحمام حولها وفتحت الباب..
خالد..انفجع:انتي خبلة تتسبحين بهالبرد!!
الرزان..تحركت لعند المراية وهي تنشف شعرها:أي برد انتوا قاصين على عمركم،انا انطبخت من الحرارة!
خالد..راح يشغل لها الدفاية:صج صج خبلة..وطالع البيجاما اللي حاطتها فوق المكتب..لا وبتلبسين هالبيجاما!!،اشك بقوة انج بكامل قواج العقلية!!
الرزان..ضحكت:والله حر،انت ماعشت صعيق لندن وثلوجها هالجو هناك يتعبر ربيع وحر بعد!! ،ماعلينا وش عندك؟؟
خالد..ضحك:نسيت اقولج شي مهم،بس بروح وبرجع لين ماتلبسين..وهو طالع..تبين اجيب لج شي من المطبخ!!
الرزان:شـاي اذا سمحت
خالد..ضحك:صرتي من الانجليز فعلاً،مايمر يوم ماتشربين فيه اكثر من ثلاث اكواب شاي!!
الرزان..ضحكت:من عاشر القوم
خالد ضحك وطلع..سكرت الباب ولبست بجامتها ومشطت شعرها..ودق الباب..
الرزان:تفضل،مفتوح
خالد..دخل وبايده كوب وكاس ماي:كنت ابشرب شاي بس غيرت رايي لان وراي دوام
الرزان..ضحكت:يعني الحين الشاي بيسهرك!!
خالد:انا اتأثر بسرعة من الكافيين،مو زيج تشربين كوفي وشاي من هنا وتنامين من هنا!!
عطاه الكوب وجلس على كرسي المكتب..شالت هي الأكياس من على السرير ومدت له مشطها..
الرزان:اجلس عالسرير ومشط شعري
خالد..ضحك:حنيتي لتسريحاتي الخطيرة
الرزان..ضحكت:بقـوة
خالد..جلس عالسرير وجلست هي عالأرض قدامه وقعط يمشط شعرها:وش تبين اسوي فيه؟؟
الرزان:أي شي،يـلا طيب قول وش عندك؟
خالد..مشط شعرها وبدا يجدله "جديلة-ظفيرة فرنسية":الموضوع ومافيه بدون أي لف ودوران انج انخطبتي
الرزان..مااهتمت لانها انخطبت مرتين قبل ورفضت:طيب ويعني!!
خالد:هالـمرة مو زي المرتين الماضية
الرزان:شاللي غير فيها؟؟
خالد:امج ماراح ترضى بالرفض أبداً
الرزان:لـيش؟؟
خالد:لان اللي متقدم لج ماينرفض بسهولة
الرزان:ليش ،مين يطلع أمير مثلاً؟؟
خالد:بالنسبة لأمج هذا أمير
الرزان:مين يكون اللي سحر امي وسلب لبها؟؟
خالد..ابتسم:فـارس
الرزان..مااستوعبت:فـارس بلا جواد!،فارس ايش يعني؟
خالد:فـارس صـالح الـ....
الرزان تحركت من مكانها من الصدمة..
خالد:ثبتي مكانج الحين تخترب الجديلة!
الرزان..رجعت تعدلت وضمت ركبها لصدرها:فارس ماغيره!
خالد:ايـوا
الرزان:وش يبي فيني،يعني وكأنه مايعرف اني هربانة من الزواج ومابي اتزوج!،وبعدين كيف يتجرأ يخطبني وهو كان يحب صديقتي!!
خالد..فكر:ماظن انه كان يحبها،وبعدين شكله يعرف ان بينج وبين امج مشاكل وانه لو تقدم هي ماراح ترفضه وبتقنعج توافقين
الرزان..سكتت فترة من القهر:سخيف وماعنده سالفة،وماعنده احساس..تذكرت شي.. وعلى مااظن طلال كان يعرف من قبل؟!
خالد:أي هو كلمني وكلم طلال من قبل ماترجعون،وانا كلمت عادل وقلتله
الرزان:ماشاء الله!،بقى احد في العايلة مادرى!!
خالد:لاتزعلين مني بس انا ماكان لي داعي اجي اقولج انه كلمني ويبي يخطبج قبل لايكلم اخوانج وخوالج رسمي
الرزان ظلت ساكتة،
يعني شالهدف!!تخطط وتكلم وانا آخر من درى..وش تبي فيني!! اشمعنى انا بالذات..يدري ان أي وحدة بمستواه ممكن توافق عليه بسهولة..يجي يخطبني انا وهو داري برفضي لفكرة الزواج وغير كذا كيف وافقوا اهله وانا مو من مستواهم!!..هو من الـ... الهاي وانا من الـ.... العاديين!!..وراك شي يافارس وانا حاسة
،خلص خالد شعرها..
خالد..قطع افكارها:خلصت شعرج،وش بتسوين؟،ترا هو طالب يشوفج قبل
الرزان..قامت وتخصرت:نعم!، وش يشوفني بعد!!ماشافني يعني في لندن وشبع من شوفتي!! يستهبل حضرته
خالد..ابتسم:في فرق لما يشوفج بالحجاب وبدون زينة؟،واكيد بدون كشخة كعادتج،ولما يشوفج كاشخة ومتعدلة،يمكن يغير رايه بعدين
الرزان:لا والله!،انا بسويها بس عشان يغير رايه انزين
خالد..ضحك:لاتتهورين،اسمعيني انتي فكري،وهو طلب الشوفة يوم الخميس،بعدها فكري اكثر على راحتج وخذي قرارج
الرزان:انت داري ان القرار مو لي،شوفة وبشوفه غصباً عني بمباركة امي العزيزة و الموافقة بتصدر وغصباً عني،وش فايدة التفكير يعني بس اصدع راسي عالفاضي!!
خالد:خليه يشوفك انتي طيب،بعدين فكري عدل واستخيري،يمكن ترتاحين له ماتدرين،اذا ماحصل ماراح نخليك تتزوجينه غصب انا بكلم امك كلنا بنقنعها برأينا،بس انتي عطي نفسك فرصة وفكري،واتطمني زواج بالغصب ماراح يصير،يـلا تعطليني وراي شغل بكرا
الرزان..ابتسمت له"بس مو من قلبها":تصبح على خير
خالد..وهو طالع:وانتي من اهله
الرزان ماتحركت من مكانها،
وش صاير!!..ماني فاهمة شي!!..كان يحب صديقتي اللي بتملك بكرا..وجاي يخطبني!!..اثبتوا هالاثنين نظريتي في الحب..انه كلام فاضي وماله أي اساس في الواقع!!..مجرد اغاني نترم فيها..وكلام نردده..وترهات نتحلم فيها!!..خلي كل شي لبعدين هذا مو وقته..وراي اشياء كثيرة اسويها بكرا
،شالت الاكياس وطلعت هدية سديم..شرت لها حلق كبير الماس واحجار كريمة ملونة..
حطته بعلبة كشخة وكيسة رزة وخلته فوق المكتب..وفتحت اكياسها وطلعت شوزها و جهزته مع الاكسسوارات اللي بتلبسها وطلعت الفستان..
بكرا جدولها مزحوم جداً..يبيلها تستشور شعرها ..وتروح للدكتور!!..
ومع كذا لازم تكون عند سديم بدري!!..قعدت ترتب جدولها وتحسب الوقت..

وفركت عيونها بتعب وهي..تبــتسم!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 06-01-2010, 06:00 PM
Gul Gul غير متصل
©؛°¨غرامي مشارك¨°؛©
 
الافتراضي رد: رواية جيتك امانة أنقذيني للكاتية:شمعة الصداقة


[.. الجـزء الثـاني عشـر..]

31/12/2008..3/1/1430

آخـر يوم في السنـة الميـلادية!..احس في اشياء كثير تغيرت فيني بهالسنة..شخصياً احسها للأحسن والحمدلله..بس مازالت في خيوط معقودة في حياتي ولازم تنفك..ضروري تنفك هالعقد..
اففففففف الى متى يعني بظل انتظر!!
،بس رفعت راسها الا نادتها الكوافير جا دورها..وهنادي تبتسم لها وتأشر عالساعة...

ســابقــاً>>

صحت الرزان من النوم الساعة 9 الصباح..اخذت شاور عدل وتفركت الين ماصارت تلمع"هههههه" ..
الساعة 12 راحت للمشغل وحفت وجهها وسوت بدكير ومنكير..وبالمرة نصحتها ريما اللي كانت رايحة وياها تقص شعرها..
طالعت شعرها بالمرايا..شافته طول اكثر وشوي وبيوصل لنص ظهرها..
الرزان:يوه طول مرة،يبيله حش بقوة
ريما:لا لا انا ماقصدت تحشينه،انا قصدت انه يبيله قصة تحدد شكله بدال ماهو كذا بدون قصة واضحة!!
الرزان:انا خاطري احشه مرة وحدة
ريما:لا عيوني!تبدين تصدمين الرجال اللي بيجي يشوفج بكرا
الرزان..ابتسمت:الله يمكن ينصدم ويغير رايه
ريما..ضربتها بخفيف:يالخبلة،وبعدين كانه ميت عليج يعني!!
الرزان:معاج حق،بعدين هذا الانسان احسه لو وشو اذا حط بباله شي ماحد يقدر يغير له رايه ابدا
ريما..ابتسمت:علاقتكم قوية ماشاء الله
الرزان..ضربتها:انثبري مكانج،عادي كل مابينا مثل أي شخصين يعرفون بعض سلام وسؤال عن الحال وسوالف عادية،يعني ماحنا قراب من بعض
ريما:انا ماني فاهمة مدام يعرفج،اكيد يعرف دفاشتج واسلوبج اللي يجيب الهم..ضربتها الرزان مرة ثانية..آآآي وهذا اكبر دليل على دفاشتج،انا متاكدة انه راح يندم بدال المرة مليون لانه خطبج وفكر فيج اصلاً
الرزان..ضحكت:اللي يسمعج يقول سهران الليالي يفكر فيني!!،يـلا بس
ريما..ضحكت:تعالي بس عشان تقصين شعرك،وماراح تحشينه مفهوم، بس تضبيط
الرزان..ابتسمت لها:ان شاء الله عمتي،طيب وش تبيني اقص؟؟
ريما:صج يصير انا اختار لج القصة بكيفي!!
الرزان..جلست على كرسي واشرت للكوافير تجي:اكيد براحتج العبي بشعري
ريما..نقزت من الفرحة:واااي وناسة،اول مرة احد يعطيني وجه
الرزان..ضحكت:يدرون ماتنعطين وجه
ريما..ضحكت:لاتخليني اخليها تخرب لج شعرج
جات الكوافيرا وقالت لها ريما عن القصة اللي تبيها للرزان..نفس قصة تولاي بمسلسل"لحظة وداع"..
ستريت بس مدرج من قدام من الجهتين والغرة ستريت تحت الحواجب بالضبط..
ريما..طالعتها بعد ماانتهت الكوافير:كذا تمام،طالعة تجنن عليج القصة،والغرة غطت جبهتج العريضة،من حظج ان شعرج صار ناعم ومايحتاج تستشورينها
الكوافير:أي ماشاء الله شعراتك بدون تضبيط بيجننوا
ريما..قربت من الرزان وهمست لها:قل اعوذ برب الفلق
الرزان..ضحكت والتفت على الكوافير:يعطيج العافية
الكوافير:الله يعافيكي،نعيماً،ماشاء الله شو طالعة بتجنني
الرزان:الله ينعم عليج،تسلمين من ذوقج
ريما..سحبت الرزان ونزلوا تحت عند الاستقبال يدفعون:هاذي بتعطيج عين وش قصتها؟!
الرزان..ضحكت:يالشكاكة!،ماقالت شي المرة حرام عليج!
بعد مادفعوا الحساب لكل وحدة..جلسوا..
ريما:مين اللي بيجي ياخذنا؟
الرزان:خالد يعني مين
ريما:دقي عليه طيب وش تنتظرين؟؟
الرزان دقت على خالد..وقالها انه مشغول ومايقدر يجي ياخذهم..
الرزان:يقول مشغول،بتصل في طلال
ريما:خـوش خـوش
الرزان:وشـو؟؟
ريما:لاسلامتج،دقي دقي على اخوج خلصيني
الرزان دقت على طلال..و الأخير كان نايم..
طلال:من وين اجيبكم؟؟
الرزان:من مشغل لاميزون بالعقربية ماتعرفه!!
طلال:الا عرفته،انتوا مين وداكم؟؟
الرزان:خالي عبدالرحمن وصلنا
طلال:اهـا،اوكـي انتوا مخلصين يعني؟
الرزان:أي
طلال:خـلاص نص ساعة واكون عندكم
الرزان:اوكي،يـلا مع السلامة
طلال:مع السلامة
سكرت الرزان..
ريما:بيجي؟؟
الرزان:أي
ريما:قهر ناس عايشه بنعيم ونايمه؟،وناس تراكض باشغالها ومدارسها وجامعتها
الرزان..ضحكت:وانتي وش حارج!،اخذتوا اجازات اكثر منا ومستكثرين هالشهر علينا!!
ريما:احنا اجازتنا مقطعة اما انتوا مرة وحدة شهر!!
الرزان..ضحكت:قولي ماشاء الله
ريما:قومي بس نطلب شي وناكل لين مايجي اخوج،انا رحت الجامعة بدون ما آكل شي
الرزان:الله الحين الساعة 2 وانتي من الساعة 7 مو مآكلة شي!!
ريما:شسوي انا مو مثل بعض الناس...
الرزان..سكتتها:بس بس،امشي بغديج على حسابي
وراحوا قعدوا عند الكوفي وطلبوا لهم غدا..بعد ربع ساعة دق الجوال..
الرزان..طالعت جوالها:يوه هذا طلال داق!
ريما:لااله الا الله ماامداه يوصل في ربع ساعة!!
الرزان..ردت:هـلا طلال
طلال:جالسة تاكلين؟
الرزان:أي من صحينا ما اكلنا شي فاستغلينا الفرصة
طلال:كم بقى لكم وتخلصون؟؟
الرزان:يمكن نص ساعة!
طلال:اجل انا بروح مجمع الظهران اتغدى،واذا خلصتوا عطيني مس كول اوكي؟
الرزان:اوكي
طلال:يـلا مع السلامة
الرزان:مع السلامة
وسكرت..
ريما:هـا وصل؟؟
الرزان:ايه،بس بيروح يتغدى في الظهران،واذا خلصنا بيجي
ريما..ضحكت:ايوا ايوا حق القز الظهران
الرزان..ضحكت:مااسمح لج تقولين عن اخوي كذا،مسكين بيروح يتغدى،وبعدين يقز مين!!مين يروح الظهران هالوقت!!
ريما:ياسلام،اليوم اربعاء ونص العالم يروحون يتغدون هناك
الرزان:عليه بالعافية خل يقز بكيفه انزين
ريما:لا والله!!
خلصوا غداهم بعد مااذن العصر..وجاهم طلال بعد الصلاة..وصلوا ريما بيتهم..وراحوا البيت..
الساعة3:30..جهزت اغراضها عشان بتلبس بالمشغل وبتحط مكياجها هناك بعد..
هنادي هي اللي بتمر عليها مع اختها دلال وبيروحون مع بعض المشغل..وهناك بتنتظرهم ريما ويطلعون من المشغل مع بعض..
حطت اغراضها في كيسة كبيرة..ولبست عبايتها ونقابها..وشالت شنطتها الحمراء وشالت كيسها وبسرعة لسيارة خالد اللي ينتظرها..
خالد:لامابغيتي!!
الرزان..ابتسمت:والله محتاسة بهالأغراض
خالد..طالع بالكيس مفجوع:بـالله هذا وين بتحطينه بالعيادة؟؟
الرزان:مادري بخليه عند نورهان اللي بالاستقبال
خالد:خـوش!،اهم شي مانسيتي أي شي؟؟
الرزان:لا الحمدلله شيكت مرتين على الأغراض
خالد:مشينـا اجل
الرزان:مشينا
وشغلت آخر سي-دي لـ طلال سلامة..وحطت اغنية "انت لي"..
خالد:غيريه،وع ماحب اسمع لهالأنسان مرة
الرزان:اسمع هاذي حلوة
خالد:وع،غيريه غيريه
واضطرت تغيره..شغلت سي-دي لـ سلمان حميد فيه اغنيته المشهورة "لحن المفارق"..
{يمكن تمر الضلوع وبيتها بيتها**ماغيرتها السنين وماتغيرت انا
يوم كشفت عن مفاتنها وضميتها**قالت لي الحب وشهو قلت بيت الهنا...}
خالد:صج ماعنده سالفة اللي كتب كلماتها
الرزان:لا عاد حدك،هاذي من كلمات فزاع
خالد:يوووه وانا اقول ليش مقطعة الأغنية من كثر ماتسمعينها!
الرزان:اجـل شلـون
خالد:بس كلماتها منافية للآداب
الرزان..ضحكت:كشخات يامنافية للآداب!!،بـالله من وين تجيب هالكلام؟!
خالد..ضحك:يطلع تلقائياً
الرزان..ضحكت اكثر:لا لا مااقدر عليك،يطلع تلقائياً هـا!!
وظلت تضحك وهو قعد يضحك وياها..
خالد:يـلا غيري،ابي عبدالله الرويشد
الرزان:"قبل نبعد"!،لا لا مافي
خالد:وخري بس، بحطها بعني بحطها
الرزان:لا لا مابي
خالد:مو بكيفج!،يـلا بسرعة حطي السي-دي
الرزان:لا
وظلوا يتاهوشون..ونفذ راي خالد بالأخير..بس بعد ايش!!وصلوا للعيادة..نزلت لحالها وصعدت مع كيسها..دخلت العيادة..
نورهان:يامساء الخير على الحلوين
الرزان..ابتسمت لها:مساء النور،شخبارج؟
نورهان:الحمدلله،وانتي ؟
الرزان:تمام الحمدلله،ممكن طلب؟
نورهان:آمري؟
الرزان..رفعت كيسها وحطته على طاولة الاستقبال قدام نورهان:ممكن تحطين عندج هالكيس؟
نورهان..ضحكت:اللـه وش كبره!،خلاص ولايهمج بالحفظ والصون
الرزان:تسلمين..التفت لما سمعت احد يكلمها..هـلا
مريم..موظفة الاستقبال مع نورهان:كيفك ياحلوة؟؟
الرزان..ابتسمت لها:تمام الحمدلله،كيفك انتي؟؟
مريم:بخير،جاية اليوم بدري؟!
الرزان:غيرنا الموعد اليوم للساعة 4
مريم:اهـا،غريبة ما قال حمد!!
الرزان:وين راح؟؟
نورهان:داخل عند الدكتور،الحين يطلع ويدخلج
مريم:شنو هالكيس؟عندج حفلة؟؟
الرزان:أي والله،ملكة صديقتي اليوم
مريم+نورهان:مبـروك
الرزان:الله يبارك فيكم
نورهان:يـلا عقبالك انتي بعد
مريم..ضحكت:وعقبالي انا بعد
نورهان..ضحكت:استريحي انتي يالخبلة،اصلاً بس يشوفك عريس الغفلة بيهرب
مريم:ليـه عيوني!!
نورهان..ضحكت:من خبالج
مريم:روحي بس
الرزان قعدت تضحك عليهم..وشافت حمد..موظف الاستقبال والمسؤول عن المواعيد..
حمد:مساء الخير
الرزان:مساء النور
حمد:تفضلي الدكتور ينتظرك
الرزان:شكراً..التفتت على نورهان..انتبهي على كيستي
نورهان..ضحكت:بعيوني ولو
الرزان..ضحكت:تسلمين
دخلت المكتب وقعدت على الكنبة المعتادة تنتظر..طلع سعد من المكتب الثاني..
سعد:السلام عليكم
الرزان:وعليكم السلام
سعد..جلس عالكنبة قدامها:مساء الخير،شالأخبار اليوم؟؟
الرزان:مساء النور،الأخبار زفت
سعد:ليش؟؟وش صاير؟؟
الرزان:الأستاذ فارس خطبني،لا وحضرته يبي يشوفني بعد،يعني مادري كيف يفكر هالأنسان!!،بـالله ماكان يشوفني في لندن وكم مرة قعدنا مع بعض يعني هالشوفة بتغير شي!!، بس اكثر شي يقهر انه كان يحب صديقتي بعدين يجي يخطبني!!،هالناس ماعاد فيها عقل ولا ايش!!،والله قهر وكأنه مايدري اني رحت ادرس بلندن عشان اتهرب من الزواج اللي امي تبي تفرضه عليّ بالغضب!!
سعد:هـدي هـدي طيب وخذي نفس،وحدة وحدة عشان افهم شاللي مضايقج بالضبط؟!
الرزان:امس ماقدرت اقول شي قدام خالي ادري بيحاول يقنعني برايه،وبعد مادري كيف مسكت نفسي وماانفجرت قدام ريما بعد،كلهم مو فاهمين ان انا مو معترضة عليه كشخص،انا مو ببالي فكرة الزواج وبس،انا ودي لو يحطون عندي لوحة ممنوع الاقتراب او التفكير بالزواج من هالانسانة،كذا السالفة وبس انا مابي بكل قواي العقلية وبكل مشاعري واحاسيسي وكلي على بعضي مابي اتزوج
سعد..ابتسم:انتي مو قاعدة تتكلمين منطقياً حالياً!
الرزان:عشان رافضة الزواج!،ادري فكرتكم عن كل بنت على وجه الارض انها تبي تتزوج وتعيش بسعادة ماهي موجودة اساساً،وتجيب عيال وتقضي عمرها وهي تربي فيهم وفي ابوهم وبـس
سعد:ابداً هاذي مو فكرة أي احد عن البنات،هاذي فكرتج انتي
الرزان:بس مو تقولون كل بنت ونهايتها تتزوج وتروح لبيت زوجها!
سعد:هذا واقع،وهاذي سنة الحياة
الرزان:شفت شلون،انا مابي انتهي بالزواج مابي،لان الزواج نهاية فعلية لحياة أي بنت بس هم اغبياء ومايستوعبون هالشي
سعد:لهالدرجة!،طيب غير انج رافضة فكرة الزواج اساساً،ايش اللي مضايقكج؟؟
الرزان:انه فكر يخطبني اساساً،كأنه مايعرفني!كأنه مايعرف طريقة تفكيري!،انا وياه ببساطة مانصلح لبعض،هو في وادي وانا في وادي ثاني
سعد:ليـش؟؟
الرزان:هو كذا،مادري ليش!بس احنا مانجي مع بعض كذا،هو انسان غامض ودبلوماسي وانا مكشوفة وصريحة على طول
سعد:الأشخاص المختلفين يناسبون بعض اكثر من الأشخاص المتشابهين،وهذا واقع علمي
الرزان:!Whatever،بس خليني اكون صادقة معاك،وراه شي انا متاكدة ان وراه شي،يعني انا عرفت من اول ان هالخطبة وراها شي،هو عنده شي عشان كذا خطبني
سعد..استغرب:مثل ايش؟!!
الرزان:مادري!،بس الأكيد ان في شي،هو مايبي يتزوجني حباً فيني
سعد:غريب،طيب وايش بعد مضايقج؟؟
الرزان:صديقتي،هو وصديقتي سديم واللي ملكتها اليوم كانوا مع بعض،وكان واضح انهم يحبون بعض،لكن اكدوا نظريتي ان الحب كلام فاضي،وكل واحد منهم راح بطريق!!بدون أي اهتمام!!
سعد:الحب مو كلام فاضي زي ماتعتقدين وهذا شي ثاني بنخليه لبعدين،بس اكيد ماافترقوا الا في ظروف منعت ارتباطهم
الرزان:كانوا يعرفون من البداية بهاذي الظروف!!،كان يعرف ان اهله مستحيل يوافقوان عليها ويرضون فيها،ونفس الحالة ماراح يوافقون عليّ او يرضون فيني،هو صحيح جدتي وامي يقربون لامه وخالاته من بعيد لكن،امه بكل صراحة شايفة نفسها،وابوه زي مافهمت من كلام هنادي يهتم للمناصب والمراكز كثير
سعد:ماظن يهم لو ولدهم اتخذ قراره،وطلعنا عن موضوعنا،انتي يهمج مرة اذا كان يحب صديقتج؟؟
الرزان:الوضع راح يكون غريب!!،مع انه مايهمني يحب اللي يحبها براحته،بس انا وضعي غريب مع صديقتي
سعد:بس هي مو بتتزوج،ماظن راح يهمها!!
الرزان:سديم مكشوفة اكثر منه،انا فهمتها وفهمت انها تقبلت بطيبة خاطر انهم مايقدرون يرتبطون واضطرت ترضى بصديق اخوها لان مافيه عيب واهلها معجبين فيه وشارينه فماكان لها حجة ترفضه،بس مازالت تحب فارس وقلبها محترق بسببه،بس هو الله اعلم اذا همته اصلاً!!
سعد:كأنج ماخذه فكرة غلط زيادة عن اللزوم عنه!!
الرزان:انا افهم اللي اشوفه واحسه وبس،وهو غامض مايوضح شي!!،هنادي وهي اخته مو فاهمته!!،ماعلينا انا اللي مأزمني موضوع الشوفة
سعد:ليـش؟؟
الرزان:مادري ليش يبي يشوفني!!،وانا لو دخلت فعلاً ممكن اخربها
سعد:كيف يعني؟؟
الرزان:يعني ممكن اقط كلام،وبعدها كلنا نندم عاللي بيصير
سعد:انتي مكبرة الموضوع،خذي السالفة بالهداوة ولا تتهورين،اما عن سالفة ليش يبي يشوفج ،فهذا حقه،صحيح شافج كثير بلندن بس في فرق كبير لما يشوفج مو متحجبة وكاشخة، يمكن يغير رايه،انتي لاتحطين ببالج كثير سبب طلبه هذا،اهم شي انتي تذكري تاخذين كل شي بالهداوة، وخطوة خطوة،بالاول خليه يشوفج زي مايبي،وبعدها خذي وقتج بالتفكير واستخيري، لاتستعجلين،مو تبين الخيوط المعقدة تنفك!!هذا اول واحد لازم ينفك...
انتهت الجلسة الساعة 5:15..طلعت الرزان لهنادي واختها..
الرزان..ركبت السيارة البي ام دبليو "الحوت" العنابية:الـسلام عليكم
هنادي+دلال:وعليكم السـلام
هنادي:اخبار؟؟
الرزان:ماشي الحال،وانتي؟
هنادي:اسكتي حاقدة بس بعدين اقولك،هاذي اختي دلال
الرزان..مدت يدها لدلال:هـلا والله
دلال..بغرور طالعتها ومدت يدها ببرود:هـلا فيك
الرزان:شخبارج؟؟
دلال:بخير ونعمة
الرزان..حست بغرور دلال واستوعبت انها مو بالعتها!..همست لهنادي:يالدبة يعني كان لازم نروح مع سواقكم!!
هنادي:ياحياتي انا واختي موجودين،لاتخافين انتي بس
الرزان..وطت صوتها اكثر:بتروح؟؟
هنادي..طالعت اختها بطرف عينها:لا طبعاً
الرزان:انا كلمتني نوفي وقالت انها بتجي مع ريما
هنادي:كم بطاقة عطتك سديم؟؟
الرزان:ثلاث،غير اللي لي
هنادي:اها يعني زيي
الرزان:يالزطية مع كذا ماعزمتي احد؟؟
هنادي..همست:امي بتجي ومادري مين غير مناهل بتجيب معاها!!
الرزان:امج واختج بيجون!!
هنادي:غريبة مو!،بس مادري عنها امي امس سألتني اذا عندي بطاقة وقلتلها أي،اخذتهم كلهم وقالت انها بتروح!!،طبعاً ماقدرت انطق بحرف ولا اسأل شالسالفة!!،بس على ماظن بسبب اللي في بالي
الرزان:وشو؟؟
هنادي:بعدين اقولج
وصولوا مشغل "بروفايل"..نزلوا ودلال راحت..هنادي بدت قبلها وهي قعدت تنتظر..وجاوا نوف وريما وبدت ريما ونوف وهي لسه!!..

>>الآن

خلصت استشوار واخيراً..الساعة 6 الا عشر..هنادي كانت لابسة قبل وكلهم بعد لابسين بس دخلوا يحطون مكياج بغرفة الملابس..راحت لهم..
هنادي..انصدمت:واااو قصيتي شعرج !!
نوف:مرة خطير،حلوة الغرة مغطية جبهتج
الرزان..ابتسمت:لهالدرجة جبهتي عريضة!!
ريما:مو مرة
الرزان:جبي انتي
ريما..ضحكت:بس حلوة حركة البـف
هنادي:مرررة تجنن مع القصة
ريما:يـلا دخلي لبسي ولا تعطلينا
الرزان:والله حالة،طيب مين بيجي ياخذنا!!
ريما:احم احم سواقنا
الرزان:اللـه يعيني عليكم اليوم
ودخلت تبدل ملابسها..وحطت لها هنادي المكياج..
الرزان..طالعت حولها:يـلا قوليلي وش اللي في بالج؟
هنادي:امي تبي تشوف اللي كان يبيها ولدها وتشوف اللي خطبها..لما تغير وجه الرزان..توني دريت اليوم بالصدفة،ولا كان ماحد تعب نفسه وقال لي
الرزان:شلون دريتي؟؟
هنادي:ماكنتي بتقولين لي!!
الرزان:الا طبعاً بس مو اليوم،بكرا عشان تجين تؤازريني قبل لايجي
هنادي:مين اللي يجي؟؟
الرزان:ماتدرين!،اخوج المحترم بيجي بكرا يشوفني
هنادي:من صجه!!،السخيف ماعنده سالفة،قاهرني وحاقدة عليه
الرزان:ليـش؟
هنادي:يستغل مشاكلج مع امج عشان مصلحته السخيف،مافيه خير وهو يدري ان امي وابوي بيوافقون على اختياره هالمرة بس عشانج حساوية مثلنا وامي ماتقدر تقول لا عشان جدتج وامج يقربون لها
الرزان:يعني عنده سبب ورا هالزواج صح؟
هنادي:مادري عن اهدافه واسبابه،بس الأكيد ان مو صح اللي سواه!،شوفي اذا استخرتي وماارتحتي لاتخلين امج تغصبج لو وشيصير
الرزان..تنهدت:اخوج حطني في وضع حرج،امي بتكون بصفها جدتي هالمرة وحتى خوالي صحيح خالد معاي بس البقية كلهم مع امي
هنادي:ولا يهمج غيمة وتزول،يـلا شوفي وجهج
الرزان..شافت مكياجها بالمرايا وابتسمت:تسلم الايادي الفنانة
هنادي..ابتسمت:الله يسلمج،انتي حلوة بدون شي
الرزان..بمصخرة:مـرة
خلصوا كلهم واتجهوا لفندق "موفنبيك" اللي مسوين فيه الحفلة..وصلوا وافصخوا عبايتهم وكل وحدة عدلت عمرها..والتقوا بـ...
هنادي..التفتت عن المرايا:منـاهل!!خالتي!!
مناهل:الناس تسلم بالأول
هنادي..سلمت وهي تبتسم غصباً عنها:هـلا والله..وسلمت على خالتها..هـلا خالتي،شخبارج؟؟
:الحمدلله،شخبارج انتي؟وينج مانشوفج؟؟
هنادي:موجودة انتوا اللي ماتنشافون،ايه اعرفكم الرزان صديقتي اللي تدرس معاي بلندن،واختها نوف،بنت خالتهم ريما
مناهل..خزت في كل وحدة من فوق لتحت وابتسمت:هـلا
نوف+ريما+الرزان:هـلا فيج
هنادي:هاذي اختي الكبيرة مناهل،وخالتي سميرة
سلموا على بعض..وبعد انتهاء المجاملات الدبلوماسية رجعوا البنات للمرايا..و خلصوا وراحوا يدخلون القاعة..
اللي كانت كبيرة ومليانة..وبدخول الساعة 9 امتلت اكثر..دخلوا اول شي الرزان وهنادي وريما وبعدهم مناهل وخالتها ونوف..
العالم التفت على الثلاث الداخلين واللي جذبوا الانظار لهم..
هنادي بطولها تجذب النظر>> طويلة ونحيفة بس مو مرة..بيضا بس مو ذاك البياض..لكنها مملوحة..خشمها سلة سيف..وعيونها عسلية واسعة..وعظام وجنتها بارزة بشكل جذاب..<<لابسة فستان فوشي كوكتيل من فوق و مخصر الى الخصر في شك بالكريستال الأسود خطين على شكل x من قدام ومن ورا وتحت الخصر واسع وفيه كسرات "بلاسيه" صغيرة ويوصل الى الركبة وفوق الفستان جاكيت فرو اسود قصير ربع كم..وتحت الفستان لابسة هلا هوب اسود خفيف وبوت مخمل اسود الى نص الساق..وحاطة مكياج سموكي اسود وروج فوشي فاقع شوي بس يجنن عليها وبلاشر وردي..اما شعرها البني القصير مستشور وصاير شويه بف ومنفوخ..
اما ريما اللي تلفت النظر بنعومتها>> قصيرة ونحيفة زي الرزان بس هي مو عريضة ونعومة..بيضا بيضا زي الرزان بس الرزان ابيض شوي..لكن ملامحها عادية..عيونها صغيرة صغيرة بس رموشها كثيرة..وخشمها عادي..وماعندها خدود..<<لابسة فستان قصيرابيض مشكوك بالاسود ومرسوم عليه بالاخضر..من فوق كوكتيل ومزموم وتحت الصدر مشد اسود مشكوك بكرستال اسود وتحت المشد واسع ومنفوش شوي مرسوم عليه بالاخضر وشك خفيف بالكرستال الاسود وتحت اطراف الفستان تل اسود ويغطي الفستان الركبة..ومعاه لابسة صندل عالي دانتيل اسود ومن الموديلات اللي "فيه فتحه صغيرة من قدام" وفيونكة صغيرة سودا..اما مكياج عيونها ظل اخضر ومعاه اسود شوي وابيض تحت الحواجب وماسكارا اسود بس الكحل ابيض عشان يوسع عيونها شوي والبلاشر وردي غامق عشان يعطي وجهها لون لانه شاحب والروج وردي غامق بعد مرة تجنن..
اما الرزان فغطت عليهم بفستانها الاسود..زي فستان "نيكول كيدمان" اللي بدعاية عطر شانيل بس انه كت و قصير بدون ذيل ومخصر عالجسم الى الركبة..من قدام نفس فستان نيكول بس فوق فيه شك بعرض الأصبع بالكرستال الملون بجميع الألوان ويمشي لورا حول فتحة الظهر ..نفس فتحة فستان نيكول بس مسكرتها و مغطية ظهرها بقماش بنفس لون بشرتها تقريباً وداخل عالقماش شوية كرستال..كان روعة الفستان على جسمها..وكشخت بالساعة الصفرا اللي جاتها هدية ومعها الاسوارة والحلق النعوم اللي جاها هدية بعد..وباليد الثانية خاتم ذهب اصفر كبير والماس وبالوسط حجر الماس اصفر كبير "حق خالتها هند"..واهم شي حاطة مناكير احمر على اظافر اصابعها الانيقة..وبأظافر رجولها بعد مع الصندل اللي اشترته امس ودفع عنه خالها ماركة"Louis Vuitton" جلد اصفر وكله مطبوع عليه "LV" وفيه فيونكة حمرا عند الفتحة الصغيرة اللي من قدام "نفس موديل صندل ريما"وكعبه احمر عالي ونحيف وطالع جنان مع المناكير الاحمر..وكأنها تدري ان في احد جاي يتفحص فيها ويشوفها فكشخت كشخة معتبرة..كان معاها شنطة جلد صغيرة حمرا من"LV" أنيقة جداً..اوه صح ماننسى مكياج هنادي اللي حطته لها ومرة يجنن..الظل خفيف اصفر مدموج مع وردي والماسكارا السودا والكحلة السودا اللي غمقتها هنادي طلعت عيونها تجنن والبلاشر وردي فاقع شوي بس مع بياضها اكيد طالع يجنن والروج لونه بين الفوشي والاحمر"من الالوان الجديدة" وفاقع شوي بس بعد يجنن..اما شعرها مسوينه بـ فير السيراميك "الـiron" ستريت بس بف شويه من ورا وفاتحته زي ماهو..
نوفي ضحكت وهي تقولها "تشبيهين تولاي في مسلسل"لحظة وداع" بقوة نفس قصة الشعر!!"..دخلت الرزان لاول مرة في حياتها للمكان بكل ثقة..
بس عشان توري اللي يراقبونها انها مو سهلة وتعلمهم من الحين من هي الرزان..
اول سلموا على ام سديم واختها وام العريس..ووقفوا سولفوا مع خوات سديم شوي..

عائلة سديــم
عائلة الـ....
فهد (الأب) 60 سنة
عائشة (الأم) 54 سنة
حنان 32 سنة
علي..زوج حنان.. 36 سنة
نورة..بنت حنان.. 13 سنة
عائشة..بنت حنان..12 سنوات
مطلق..ولد حنان..9 سنوات
فهد..ولد حنان..5 سنوات
سليمان 30 سنة
أماني..زوجة سليمان..25 سنة
فهد..ولد سليمان..9 سنوات
قمر..بنت سليمان..7 سنوات
عايش 26 سنة
محمد 23 سنة
>> سديم 19 سنة<<
عبدالمجيد 18 سنة
عبدالله 16 سنة


الرد باقتباس
إضافة رد
الإشارات المرجعية

رواية جيتك أمانة أنقذيني / للكاتبة : شمعة الصداقة ، كاملة

الوسوم
للكاتية:شمعة , أنقذيني , امانة , الصداقة , جيتك , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
من يحبك كثر ما أحبك أنا / رواية للكاتبة : جنيه إن ذى قوطي ، كاملة ♫ معزوفة حنين ♫ روايات كامله - يتم نقل الرواية هنا بعد اكتمالها 94 29-07-2013 11:56 PM
رواية شكيت من حظي وخيبتني ظنوني / للكاتبة : بحر الغلا ، كاملة خايف ياقلبي روايات كامله - يتم نقل الرواية هنا بعد اكتمالها 97 26-07-2013 09:50 AM
رواية الموت ما هو من الفرقى و طاريها .. الموت لا طاحت عيوني من عيوني / الكاتبة : أحلى بدوية ، كاملة رايقه بقوه روايات كامله - يتم نقل الرواية هنا بعد اكتمالها 259 19-07-2013 12:42 PM
دنياك دنياي / الكاتبة : لح ـظة وفا ، كاملة ↙ツ آًﻤـيـﯜﯢڒهےツ ↘ روايات كامله - يتم نقل الرواية هنا بعد اكتمالها 237 29-04-2012 04:56 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 07:25 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم