قساة أضعفهم الحب / بقلمي ، كاملة

[أنين الورد]

هلا وغلا بملح الحياة
اول ماشفت اسمك نحن الرواية دخلت من غير تفكير
وحبيت أرد قبل لا أقراها لأنك وببساطة مبدعه ومتميزة
ننتظر الأجزاء القادمة على أحر من الجمر
تقبلي مروري

[مـ الاحلام ـلاك]

هلا وغلا بمبدعتنا

بداية جميله ورائعه

بإنتظار الاحداث المشوقه

وبطلاتنا ودورهم في تغيير صفات الغرور والعجرفه

المتفشيه في العائلتين

بالتوفيق إن شاء الله حبوبه

تحياتي

[غموض انثئ]

هلا والله بملوحه تو مانور المنتدى

كيفك يالغلى وش اخبارك مع الحمل

والله يعينك ويقومك بالسلامه يارب

متابعه لك على الدوام

[بنوته كيوت"A"]

يعني الا كيد انها متميزه مدام انتي الي كاتبته مايحتاج عاااااااد

بس عندي ملاحظه يعني الكل احسها شر بروايه يعني جسار وخاوتها وبعد ضاري





يللا ننتظرك وان شالله مثل كل مره كل يوم بارت

[البنت الذي كويسة]

السلآم عليكم ورحمة الله

واول شي حبيت اسلم عليك

واسألك عن اخبارك وعلومك

ان شاء الله تمام

من جد وحشتيني كثييير واشتقنالك

واهنيك ع مولودتك الجديدة((قساة اضعفهم الحب))

واكيد الموضوع يقصد ((جاسر & ليالي)) وبرضه(( وضاري &اصيل))<<بكيفها البنت زوجتهم
هههههه

بس ماادري اتوقع ترتيبي صح خخخخخخخخ<<شكلة بيطيح وجهي بالبارتات الجاية


وشخصيات الشباب

ضاري & جاسر وبرضو صديقهم نفس الشي الطيور ع اشكالها تقع ههههههههههههه


مايستاهلون البنوتات ليالي واصايل

مساكين اكيد بالبداية بعانون من اولاد عمهم كثيييير
بقبول الزواج


متحمسة لبكرا مييييييييير


وان شاء الله تكون البارتات يومية

يابعدي

تصدقين تو انتبه انو توقعك مثلي
حزن العيون ههههه

من جد صدفة هههه



سي يو

[نونه الاموره]

هلا وغلا بملح الحياااااااه ..
يووووووووووووه احس من زماااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اان عنك ..
يسلمووو دياتك ياعسل ...
وننتظرك زي العاده إلا اذا غيرتيها..

[مدوخه حبيبها بدلعها]

اول ماشفت اسمك بالرواية تنحت مثل كـذا >>>
بعدين استوعبت >>>توها واصله المعلومـة
انك المبدعة لـرواية شـرعك اللهم لااعتراض
وهذي باين انها ماتقل عن روعة الرواية السابقه
يعطيك العــافية وتسلم ايدك
وبـأنتظـار بارت فيه احـداااث مشـوقـة
ونبقى احداث غير متوقعـة مثل ماسويتي بالرواية اللي قبل
ودي ’
’

[زهور حسين]

هلا وغلا بملح الحياة وسكرها صباح الخير
شخبارك وأخبار سارونه والبيبي أن شاء الله تكوني بخير
بدايه موفقه أن شاء الله
ليالي الله يعينها أن أخذت واحد منهم.
أصايل عصبيتها وفلتان لسانها بيساعدها أنها تاخذ حقها منهم.
جسار وضاري الله يعينهم على أنفسهم.
أبوعبدالله حرام ترخص في بناتك .
ننتظرك في البارت الجاي باحداث مشوقه أن شاء الله.
دمتي بود يالغلا أختك زهور حسين.

[ملح الحياة وسكرها]

[size="4"]اول شي حابة اشكركم على حفاوتكم واستقبالكم الرائع وعلى كلامكم اللي دايم يحرجني واتمنى من كل قلبي اني اكون عند حسن الظن فيكم ومااخيبكم ابدا....
وتفضلوا نشوف البارت الثاني,,,,[/size

]البارت الثاني,,,,,
ام جاسر/شنو يعني طلب غريب..لاتقول انه بياخذ ابوه عنده لانه عمره ماطلب ها الشي...
ابو جاسر/لا..هو اصلا ماجاب طاري ها الشي ولاحتى سال عن ابوي ولاقال بيمر يسلم عليه...
ام جاسر/شنو اجل..
ابو جاسر/سمعي..........
**************************************ام ضاري وقفت وقالت بعصبية/هذا ياتجنن ياصاب عقله شي؟
ابو ضاري/...............
ام ضاري بحدة/وانت شقلت له؟؟؟
ابو ضاري/ماقلنا شي...سكتنا انا واخوي اصلا احنا تفاجاْنا من طلبه...
ام ضاري باحتقار/صدق ناس ماتستحي...بحياتي ماشفت مثل ها الاوادم!!!احد يجي عيني عينك ويقول خذوا بنتي لولدكم!!وين عايشين احنا...ولدي انا مشاءالله عليه وحوله وحواليه ياخذ ها البدوية القروية؟؟حشى لله...ماياخذها...مالقوا غير ضاري ولدي يرمونها عليه..هذا بس بيسمع الخبر بيقلب علينا البيت فوق تحت؟
**************************************اليوم الثاني...
عبير/انا هذا اللي سمعته امس منهم,,,
ام احمد (اختها الكبيرة)/متاْكدة اخوي بنفسه جاي يخطب لبناته,,,
عبير/هذا اللي صار...اكيد ام ضاري قالبة الدنيا اللحين هي من غير شي ماتواطنهم بعيشة الله لو بس تسمع سيرتهم..
ام احمد/أي بس ماله حق يسوي كذا في بناته..وش فيهم حلوين ومستورين لو بس علشانهم يتامى ماوراهم ضهر...
عبير/المشكلة مو فيهم ياقلبي ولافي طلب ابوهم..
ام احمد/اجل وين المشكلة؟
عبير بتنهيدة/بتقنعين منو فيهم...الام ولاولدها ولاابوه ..هم لو فيهم خير اخوانك قاموا بابوهم مو ها الساع تبينهم ياخذون بنات اخوهم اللي مايشيلهم الا البداوة ومايحطوهم الا القرواة واللي بحياتهم ماالتقوا فيهم..
ام احمد/الله يعين ياعبير يااختي...والله مو رايحين فيها الا اصايل وليالي..تلاقي ها الفكرة من ام عبد الله الله يصلحها...
عبير/وابوهم يبيها من الله...
ام احمد/البنت الكبيرة لعيال الرميحي,,,عندها احمد وتهاني وبسمة...
عبير/اخر العنقود في العيلة عمرها من عمر جاسر وضاري يعني على الثمان وعشرين سنة عندها بنت وحدة اسمها روعة والكل في العيلة يحط لها تقدير واحترام حتى ضاري وجاسر علاقتهم فيها حلوة,,,
**************************************جاسر ببرود يفتت الاعصاب/انا المقصود ولاغيري...
سكتوا الباقيين وناظروا فيه...
ام جاسر/أي...انت وضاري ولد عمك...
جاسر بلامبالاة/اخاف عمي مضيع بسوق الغنم بس!!
شمايل حطت يدها على فمها تكتم ضحكتها لان الموقف متاْزم وبتروح فيها لو يشوفونها تضحك,,,
ابو جاسر/جاسر..
جاسر/خير يبى,,,
ابو جاسر بتنهيدة/انت شرايك...
ام جاسر بصرامة/انتهينا من ها السالفة يابو جاسر...
ابو جاسر بحزم/بس انا ابي رايه هو...
جاسر بكبرياء/في شنو يبى؟
ابو جاسر/بالعرس من بنت عمك؟
جاسر بعصبية/يبى انت اكيد تمزح!!
**************************************رانيا/ههههه
ضاري باحتقار/عسى ماشر ليش تضحكين؟
رانيا/ياربي مو قادرة اتخيل..تصور نفسك ياضويري تاخذ ها القروية!!
ام ضاري بحدة/تكلمي عدل قالت ضويوي قالت؟ضويري بعينك هذا تاج راسك وتاج راسكم كلكم,,,
ضاري بشماتة/سمعتي!!
رانيا انفجرت بالضحك/مااتخيل ابدا ان ها البديوة القروية تعيش في بيتنا وتلبس وتاكل مثلنا..احسه شي غريب,,,
ريم/ليش هم مو عايشين في بيت...يمه هم عايشين بخيمة!!
ام ضاري/وشايفتني كل يوم زايرتهم بالله!!قلعتهم وين ماكانوا..
ريم بسخرية/اقول ضاري ماودك تجرب ها التجربة العويصة؟؟؟
ضاري باحتقار/الا ودي...ليش ماودي؟اقول يمه جهزي اغراضي وراي بكرة سفر وقولوا لها يقولك ضاري اعرفي انتي منو وشنو قدرك بعدين خلي ابوك يخطب لك؟؟؟
**************************************

[ملح الحياة وسكرها]

كان قاعد بسيارته بروحه...ويطالع الناس من حوله وهو يحس نفسه غريب عن ها الارض وها الدار...
بس هذا القرار الافضل...
انه يكون هنا مو هناك..على الاقل هنا اقرب لهم ويشوفهم بسهولة ...تنهد بقوة وهو يتذكرهم...ماظل عنده غيرهم يعوضونه عن اليتم والهم اللي هو عايشهم طول عمره ...
ويعوضونه عن الوهم اللي عاشه ثلاث سنين باسم الحب وتوقف بلحظة وحدة من لحظات ها الزمن القاسي اللي مايرحم...تنهد بقوة اكبر يوم ذكرها وذكر برودها الغريب ولامبالاتها باخر اتصال بينهم!!وكاْنها نست شي اسمه حب دام ثلاث سنين!!ورجعت فيه ذاكرته لذاك اليوم الاسود اللي قالت له فيه انه لازم ينساها لانها بترتبط بانسان ثاني!!!
/**************************************
اول ماسمعت الخبر دخلت غرفتها وقفلت الباب لاينتبه احد الى تغير الوانها.وربكتها..معقول يصير ها الشي؟معقولة بتشوفه مرة ثانية بعد ها الثلاث سنين؟؟وبيعرف انها كذبت عليه وانها ماارتبطت وكانت بس تبي تقطع علاقتهم!!!!لامو معقولة...شفيك انتي..اصلا هو مايدري منو انتي ومنو تكونين ..ليش خايفة بس..ليش؟
وقف قلبك من سمعتي بها السالفة وحسيتي انك ممكن تشوفينه..تدرين ليش يابنت........لانك بعدك تحبينه وتبينه بس غرورك مانعك من الاعتراف بها الشي....اه ياقلبي اه...
**************************************
راحت عند اختها وهي تمسح دموعها وتردد كلام ابوها(جهزوا اغراضكم انتي واختك كلها كم يوم وتتزوجون انا خطبتكم لعيال اعمامكم امس)
فتحت باب الغرفة ودخلت وسكرته وراها وتسندت عليه..
كل ماحاولت تمسح بها الدموع يزيدون اكثر واكثر...
ليالي بخوف/اصايل وش عندك يابنت ليه تبكين؟
غطت راسها بيدينها وزاد بكيها...
ليالي بحنان ممزوج بخوف/علامك يابنت تراك خوفتيني...لاتقولين متهاوشة معهم من جديد المفروض تكونين تعودتي على ها السالفة خلاص صار لنا خمس سنين من وفاة امي الله يرحمها واحنا بها الحال...
اصايل وهي تمسح دموعها/انتي عارفة وين كان ابوي امس بالشرقية وليه؟
ليالي بهدوء/ابوي...
اصايل/كان رايح ينهي مصيرنا...
ليالي بخوف/شتقصدين بكلامك يعني راح ينهي مصيرنا؟
/////////////////////////////////////////////////////////////////////
اشوفكم في بارت بكرة ان شاءالله واللي بيكون في الصباح...(وخلوا الاحداث تمشي شوي بعدين بحط لكم توقعات ترى ماني ناسيتها ههههه)ولاحد يقولي البارت قصير بلاعيارة ههههه