هل الحب أساس الزواج أم الزواج أساس الحب

[البسمة الهادئة]

لن أضع الموضوع فلنجب على السؤال الذي بالعنوان وبعدها نضع التعليق أو الرد المناسب

لكم ودي وتقديري


البسمة الـهـادئــة

[ميره الدلوعه]

يسلمو على هالموضوع الشيق ..

مب شرط يكون الحب اساس الزواج ..

عيل قبل ايام الغوص اقصد ايام اول الحرمه لما تعرس ماتعرف ريلها الا ليلة الزفه اصلا ما شافته .. بس مع العشره حبته وقامت تعتني بزوجها كما لو كان بينهم حب من زمان ..

مع العشره ينبني الحب في قلب كل الطرفين ...

ولــي عوده

[ســ الأحزان ــر]

شوفي يالغالية هالشي حسب طبيعة كل الطرفين

يعني اكو ناس تتزوج بدون حب والحب يي بعد الزواج

واكو ناس لازم اتحب قبل ما تتزوج علشان بعد الزواج يقدرون

يواصلون مع بعضهم البعض.. بالنسبة لي ما عندي مانع لو تقدم لي ولد شريف

وله سمعه طيبة وراتب يعني متوافره فيه كل صفات الشخص اللى يستحق الزواج

ما عندي مانع اتزوجه لاني راح احبه بالعشره .. طبعا وجه نظر يحتمل الخطأ والصواب..

تسلم يالغالية على هالموضوع الرائع

والله يعطيك الف عافية..

مع تحياتي لك

[دم القمر]

انا الي اشوفه

هيه الحب اساس الزواج

يعني اذا طرفين ماكانو يحبون بعضهم فكيف بيستمرون؟؟


ولا شو رايكم؟؟؟؟

[القلوب الساهيه]

انا برأيي الحب اساس لزواج
ولا وش اللي يجبرني اتزوج انسانه مااحبها
ولاتقولين الحب يجي بعد الزواج
لاني مااتوقع هالشيء

وشاكر لك مشاركتك