قاتل 1000 يطلب التوبه قصه غير طبيعيه؟؟؟؟؟

[عــاشــق الحـــريه]

بسم الله الرحمن الرحيم السلام عليكم ورحمة الله وبركاته هذي اول مشاركه لي بالمنتدى وهي عباره عن قصه صارت قبل الاسلام < منقوله> ولكن بنقلها بأسلوب شبه كوميدي وبالهجه العاميه...........البدايه تتكلم عن رجل كان شايف البشر حشــر وكان يمشي ويقتل في الناس ومن قوته كانو الناس عنده مثل الدجـــاج يمشي ويذبح في الناس ولين في يوم قرر انه يتوب اتجه الى احد المعابدلقى هناك بياع شروخ......يعني وش بيلقى في المعبد اكيد شيخ من شيوخ المعبد تكلم مع هذا الشيخ العالم وقال: يا شيخ انا اذنبت وابغى اتوب قال له العالم وش اذنبت قال الرجال انا قتلت 999 رجل قال العالم هل قتلتهم بوجه حق قال:لا قال العالم طالع الشجره الي داخل المعبد اذا اثمرة قبل الله توبتك الرجال ناظر الشجره لقاها شجره ميته من جذورها حتى الاغصان عرف انه ماله توبه قا ل العالم انا ماشي بروح اتغدى في كنتاكي تامرني شي ..... لا طبعن ما قال له كذا مشى من غير ما يتكلم وهو ماشي صادف مروره على مقبره دخل المقبره وقرر يعيش باقي حياته داخل المقبره الين يفطس ... وهو في المقبره مرت عليه جنازه قال لواحد من الجنازه وش السالفه قال له ان وحده من بنات البلده ماتت ما اهتم في الموضوع وسند سيفه وجلس انتهت الجنازه وراح الكل في حل سبيله وخيم الليل وهو في الليل كان يلعب بجواله.......... اكيد ماكان عنده جوال كان نايم سمع صوت راح بيشوف وش الي صاير شاف واحد ينبش قبر البنت الي ماتت في النهار عشان يلعب معاها شطرنج لا لا لا لا كان ناوي يعمل بها الفاحشه والعياذ بالله الرجال تضايق وعصب وسحب سيفه وراح وطير غطى الكوكا كولا الي هي راس الي حفر القبر وهو الراس رقم 1000 وفي اليوم الثاني كان العالم مع مجموعه من الشيوخ رايحين الكوفي شوب لا لا لا لا كانو متجهين المعبد وانصدم العالم لما لقى الشجره الي بالمعبد حيت واثمرت بقدرت الله وقال الله قبل توبت فلان وقال: جيبوووووووه راح واحد ما اعرفه ينده الرجال الي قال اسبقني وبجيك وفعلا جاهم بكامري موديل364م واتوقع انه كان تكرمون جحش بس متطور لأنه ما كان كبليتر كان بخاخ ....المهم اتجه لالشيخ الي قال له وش الي سويت انت حتى ان الله يقبل توبتك قال له الرجال كملت لحيت ابوي وقتلت ال1000 ...... اتمنى تكون القصه عجبتكم بعد التعديل على اسلوب الحريه علما بأنها منقـــوله من كتاب قصص الانبياء ل الشيخ نعمة الله الجزائري قسم نوادر بني اسرائيل وانتظرو مني الجديد اخوووووكم عاشق الحريه

[أبورينااااد]

يعطيك العافيه

اخوي عاشق الحريه

[احساس عاشق]

تســــلم

اخوي عاشق الحريــه على القصـــه

وبانتظار جديدكـ يالغلا