اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 21-02-2010, 12:39 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
حبيب الحب : خالد و نوره / كاملة


السلام عليكم ورحمة الله وبركاته

الأعزاء اعضاء وعضوات منتديات غرام ، أود ان أنقل لكم قصة أختي الكاتبة ( مـــنـــيــــرة خـــالــــد )


وعسى ان تحوز على اعجابكم ،،،،،،

=======================================



بسم الله الرحمن الرحمن
ولا حول ولا قوة إلا بالله
السلام عليكم ورحمة الله وبركاته
-------------------------------------------------
أتشرف بتقديمي لكم أول إنتاجي الأدبي من الرواية { قصة : حبيب الحب خالد ونوره} هذه القصة من وحي الخيال ، أخواتي أنتم تعلمون بأن المجتمع الخليجي متنوع بأهله وفئاته منهم الحضر ومنهم البدو وكلن له عاداته وتقاليده ، وتدور أحداث قصة عن أبناء القبائل وعلاقتهم بالحضر وكيف أصبحت وكذلك عن عادات قبلية لازالت تتمسك بها بعض العوائل من أبناء القبائل والكثير منهم من تركها .................
أهدي القصة لكل زوجة لم ترى زوجها إلا ليلة العرس .......... وأقول لها قد تكون هذه قصة حبك .


أختكم / منيرة خالد



ملاحظة : من ارادت أن تنقل قصتي لمنتدى آخر أرحب بذلك ولكن ارجو منها الامانة بأن لا تنسى أسمي .
************************************************** ***************

البـــــــارت الأول
---------------------------------------------
الكويت عام 1978
مطار الكويت

<><><><><><><><><>

فهد : حمدلله على السلامة

محمد : حمدلله على السلامة

حمد : الله يسلمكم هلا والله بأبو صالح ، هلا أبو راشد

محمد : على البركة الشهادة ما بغيت تخلص أبك 6 سنين من سواها قبلك

حمد : يا أخوي الدراسة صعبة شسوي

فهد : صعبة وإلا تنطر الجو يخلص وترد معاه

حمد : استر على ما واجهت

فهد : ليش خايف خيرته الوالد بيعرف لي فتحت موضوعك

حمد : الله يستر

محمد : اشفيكم تتساسرون

فهد : لا سلامتك أسأله عن الجو بمصر

محمد : يا لله اخلصوا الرجاجيل ينطرونا بالديوانية ، الوالد مسويلك عشا على سلامة الوصول .



عند باب الديوانية بمنطقة الرقة ، وقف أبو صالح ( الجد ) يستقبل أبنه حمد ، حيث كانت الديوانية مزحومه برجال العائلة والجيران والاصدقاء أتوا للسلام على حمد وتلبية لدعوة العشاء بسلامة الوصول والحصول على الشهادة ( حمد متخرج من جامعة القاهرة تخصص هندسة من سنه وقعد بمصر يتدرب بمكتب هندسي علشان يكون قريب من نوال حتى تنتهي من دراستها الجامعية ) .


سلم حمد على الرجال واستأذن للسلام على والدته وأخواته حيث استقبلنه باليباب والكللللللللللوش


أم محمد : حمد على السلامة يا وليدي وألف مبروك الشهادة

موضي : أخيرا ما بغيت تخلص

شيخه : أي والله عاد اللحين لازم نزوجه علشان نرتاح عدل

ام محمد : خلوني استانس بولدي وبعدين لاحقن على العرس توهه ورع

موضي : هههههههههه أي والله توه ورع

شيخه : يمه قولي لا إله إلا الله عمره 26 سنة بس معاد ورا لازم نزوجه

موضي : حمد دش دش بصالة الاستقبال سلم على عماتي وخالاتي وحريم عماني وخوالي وبقق عيونك ببناتهم واللي تعجبك اخطبها لك اللحين .

< همس حمد بأذن موضي >

حمد : موضي تبين تزوجيني منهم وأنتي خامرتن على سالفة جايده

موضي : يغربل ابليسك وانت للحين مصملن على رأيك

حمد : أي وابيج تقنعين امي

أم محمد < مقاطعتهم > : اشفيكم ........ يالله حمد دش سلم

حمد : جر موضي : امشي بس خليني اسلم وارد الديوانية .

بعد ما انفض المجلس من زواره وبقى حمد وفهد بالديوانية :

حمد : فهد منت رايح لمرتك

فهد : هههههههه المره عند أهلها إنفاس وإلا نسيت >> زوجت فهد أنجبت له ولده البكر راشد

حمد : زين روح نام وراك زام ( دوام )

فهد : وأنت اشعندك بتقعد بالديوانية والساعة 12 من الليل

حمد : ما عندي شي

فهد أكييييييييييييييد وإلا مواعد الجو

حمد : دامك تدري قوم قوم أهو وورنا قفاك

فهد : ههههههههههه وقام يغني أغنية فريد الاطرش : قدام عينيّ وبعيد عليّ مقسوم لغيري وهو ليّ

حمد >> قاطعه بسرعه : فال الله ولا فالك إن شاء الله انها من نصيبي قصبن عليك .

فهد : هههههههههههههههههه

مسك حمد سماعة الهاتف وأدارة قرص الأرقام لمنطقة النزهه :

نوال : ألـــــــــــــو

حمد : هلا بهالصوت ما أقدر أنام من غير ما اسمعه

نوال : هلا حمد

حمد : بس حمد

نوال : لا ......... حبيبي حمد

ودارت المحادثة بين حبيبين يترجون الله بسرعة لقاهم على سنة الله ورسوله .

*********************************


بعد عدة أيام : المكان : ديوانية أبو محمد

حمد : فهد ...... كلمت الوالد

فهد : حمد الله يهداك بس اشلون اكلمه قبلك ، كلمه أنت وان شاء الله سهالات ما راح يعارض الوالد ........ واذا صار شي لك مني أنا اللي اقنعه

حمد : والله خايف يا فهد ........ أخاف اسمع منه كلمة لا ... والله أموت من القهر

فهد : لا قهر ولا شي وان شاء الله بيوافق ........ أنت بس توكل على الله وكلمه

أبو محمد ( الجد ) : السلام عليكم

فهد وحمد : وعليكم السلام ورحمة الله وبركاته .......... وقاموا وحبوا رأس أبوهم وخشمه

أبو محمد : لا هنتوا ................. وأجلسوا جميعاً

حمد : يبه ........ تعرف خالد بن ناصرالــــــــــ

ابو محمد : أي اعرفه تاجر مشهور بالسوق ودايم اتواجه معاه بسوق الجت ( سوق المناخ سابقاً كان بسوق الجت )

حمد : تنحنح ..... بنته كانت تدرس معاي بالجامعه وتخرجت معاي

أبو محمد : وبعد مثلك قاعده 6 سنين

حمد : لا يبه أهي خلصت 4 سنوات بالضبط

أبو محمد : ومستانس وأنت تقولها البنت حسن منك

فهد : ههههههههههههههــــــــــــــ

حمد : { حمر عيونه على فهد } لا يبه أنا دراستي غير عن دراستها أنا مهندس وأهي تدرس إدارة أعمال

أبو محمد : أي الله يوفقها

حمد : بغيت أقول بعد إنها خوش بنت وخلوقه وماشيه سيده وحتى أمها كانت معاها ما خلتها بروحها بمصر .

أبو محمد : أي الله يستر عليها .

حمد : يبه .... يبه

أبو محمد : أقول قوم صبي لي قهوه بدال يبه يبه هاللي مالها معنى

حمد : إن شاء الله

فهد : خلك أنا اقوم .... كمل سالفتك عسى انخلص على خير ..... ولا ننهبد بالدله على رأسنا اليوم بسبتك

أبو محمد : خير اشكلت

فهد : سم يبه القهوه

أبو محمد : سم الله عدوك

حمد : يبه .... يبه

أبو محمد : خير اشعندك ............. سالفه تستحي منها يا بوك بدها .... اخلص علي

حمد : ان شاء الله ......... { واخذ نفس عميق } أبي أخطب بنت خالد بن ناصر الـــــ

أبو محمد : والفنجان ثابت عند شفايفه وجامد ...............إلا منبهر !!! ونزل الفنجان وفكر شوي وألتفت على حمد وقاله : أنت مسود وجهي بفعلة شينه ؟؟؟

حمد : هاااااااااا ............ قام وحب رأس أبوه : لالالالا يبه كل السالفه إني شايفها بالجامعه وعاجبتني ولي خاطر أتزوجها بس وما بيني وبينها شي .

ابو محمد : اي يعني ان قلت لا عادي ما تفرق معك

حمد : قام وحب رأس ابوه وخشمه : تكفه يبه تكفى لا تردني أبيها على سنة الله ورسوله

وقام فهد وحب رأس أبوه وخشمه : يبه لا ترده

أبو محمد : يا بوك ترا طبعهم مو مثل طبعنا واحنا غير عنهم صحيح خالد بن ناصر .... رجال اجودي وتاجر وسمعته بالسوق مثل ليرة الذهب ........... أخاف باجر لي أخذت بنتهم طبعها ما يوالم طبعك وما ترتاح وتقول يا ليت ابوي حالف علي ما أخذها ............. ترا أنا ما اغصبك على بنات عمك أخاف الله .

حمد : يبه أنا فكرت من زمان وأبيها وراضي بطبع أهلها وان شاء الله ما بينا فرق واختلاف انا جامعي وأهي جامعية وأنت ما عليك قاصر تاجر وعندك حلال وابوها تاجر .......... ما بينا فرق إلا بالاصل أهم حضر واحنا بدو بالاسم بس وإلا عيشتنا بوسط الديرة وساكنين ببيوت مثلنا مثلهم .

ابو محمد : يا بوك فكر واستخير ....... وعقب ثلاث ايام رد علي إذا انت مصمل على رأيك اخطبها لك ...... بس ها ما علي من أمك انت تولاها

حمد : أمي ما تطلع عن شورك يالغالي أنت راعي الأوله

أبو محمد : الله يوفقك ....... والرد عقب ثلاث أيام .

سارت أمور الخطبة على خير بين حمد ونوال وإن شابتها زعل من أم محمد بسبب إنه ما أخذ من بنات عمه وتصميم نوال على السكن عند اهلها بعذر انها وحيدة اهلها من البنات واخوانها متزوجين وساكنين بفلل مستقله .

(( في بداية زواج حمد ونوال إلتزمت نوال بزيارة أهل زوجها كل شهر او شهرين مره وبالمناسبات ومع السنوات تباعدت الزيارات لمره واحده في اول شهر رمضان وقبل عشر سنوات اقطعت نوال بأهل زوجها وعذرها ان خالتها ام محمد وعمها أبو محمد توفوا فماله داعي تزور الجنات اذا يبونها يدلون بيتها . وكانت تعذر عن حضور مناسبات الزواج بدعوا مره انها مسافره او عندها عزا من اهلها وكثيره اعذارها ، أما حمواتها شيخه وموضي تزورهم بشكل متقطع ونادر ، لكن حمد ظل ملتزم بزيارة اهله كل جمعه يتجمع مع اخوانه وعيالهم بغدا بديوانية فهد بعد ما شرا البيت من اخوانه وهده من ساسه وشرا البيت المجاور له وبناءه فله فخمه >> فهد الوسطي بس لأنه شرا بيت ابوه التزموا بجمعتهم يوم الجمعه بنفس بيت الوالد ابو محمد))



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 21-02-2010, 12:42 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البــــارت الـثــانــــي
----------------------
الكويت 2008


عائلة صالح بن محمد ( ابو محمد )
الجد أبو محمد والجده ام محمد ( توفوا قبل عشر سنوات )
العيال

*******
محمد { ابو صالح }عمره 59 سنه : زوجته وضحه 53 سنه
أبناءة : صالح متزوج 32 سنه{ بنت خالته هيا }
سعد 24 سنه ، مساعد27 سنه { متزوج ساره بنت خاله } هند 26سنه سلوى 23سنه مها 18 سنه

****
فهد { ابو راشد } عمره 58 سنه زوجته وسميه 50 سنه
ابناءه : راشد 30 سنه{ زوجته هند بنت محمد } فايز29 سنه{ زوجته تهاني بنت موضي } طلال 24 سنه{ مالج على مناهل بنت عمته شيخه } نوره 19 سنه

***
حمد { ابو خالد }عمره 56 سنه : زوجته نوال 52 سنه
ابناءه : خالد 28 سنه ريم 25 سنه داليا 16 سنه

***
شيخه : { ام بدر } عمرها 54 سنه
ابناءها : بدر 31 سنه { زوجته سلوى بنت محمد }سعود 27 { زوجته أمل بنت عمه } محمد 24 مناهل 20

***
موضي { ام عادل } عمرها 51 سنه
ابناءها : تهاني 25 سنه عادل 26 سنه { زوجته خلود بنت عمه } عمر 20 سنه



بتكون هناك شخصيات مهمه بالقصة بتكلم بوقتها عنها
-----------------------------------------------


18 / 4 / 2008 يوم الجمعه الساعة : 10.00 صباحاً
منطقة النزهه : بفيلا فخمة تم تجديد ديكوراتها حديثاً بعد وفاة صاحبها خالد بن ناصر وشراءها من قبل أبو خالد { حمد بن صالح } تتكون من طابقين الأول عبارة عن صالتين استقبال وغرفة معيشة مفتوحه على غرفة الطعام وقريب منها المطبخ مع المغاسل وغرفة مكتب وديوانية للرجال وتابع لها طبعا مغاسل وحمام كرمكم الله والدور الثاني عباره عن صاله كبيرة تتصل على جوانبها اليمين غرفة ام خالد وأبو خالد مع غرفة الملابس وحمامهم الخاص ، وبجانبهم بنفس الجهة غرفتين مقابلتين لبعضهم البعض للبنات ريم ودلال مع حمام مشترك بينهم ، وجهة اليسار عبارة عن شقة استديو صالة ولها مطبخ تحضيري مفتوح على الصالة وغرفة نوم كبيرة معاها غرفة ملابس وحمامه الخاص كرمكم الله خصصت لخالد الولد الوحيد بالعائلة .

حمد أبو خالد : صبحج الله بالخير يا وجه الخير

نوال ام خالد : صبحك الله بالنور يا الغالي

حمد ابو خالد : وين خالد >> بعد ما جلس على كرسي طاولة الطعام للفطور

نوال ام خالد : اظن نايم

حمد ابو خالد : صحيه للصلاة وقوليله خلي يروح معاي بيت اخوي فهد ما صارت هذا صار له عشر سنين ما جا غدى الجمعه ، قص وجهي كل ما اسألوني عنه تعذرت اول شي بدراسته بأمريكا وبعدين عنده دورات وكله مسافر ....قاطع هالولد مدري اشفيه .

نوال ام خالد : مدت بوزها وضغطت على اسنانها : خله على راحته واذا يبي يوصلهم يدل بيتهم . وبعدين ولدي مو قاطع يوصلهم بالمناسبات

حمد او بخالد : اقولج عشر سنين ما حضر غدا الديوانية تقولين يوصلهم بالمناسبات .

نوال ام خالد : زين .... زين .... اروح اقعده

راحت تركض لغرفة ولدها تصحيه للصلاة >>> خلوني اوصف لكم خالد : عمره 28 سنه يتميز بالطول 185سم مثل اهل ابوه كلمة وسيم قليله عليه ومأخذ سماره البرونزي من امه وطبعا مثل كل شباب الديره لازم الديرتي الشوارب والقفل ، متخرج من امريكا ادارة اعمال وماسك شركة ابوه واهي عباره شركة لمجموعه من وكالات الاجهزة الكهربائية ولوازمها ولهم عدة محلات منتشرة بالديرة من السالمية الى العاصمة والفروانية والفحاحيل والجهرا

و ........... : خالد خالد يووووه خالد قوم يا ماما ما بقى شي على الصلاة ......... اسمع ابوك يبيك تروح معاه عند عمانك غدا الجمعه .......... واحنا معزومين عند خالك وتراه ملزم علي تكون معاي .. خالد


خالد : هااااااااا يمه زين اقوم اللحين

نوال : انت سمعت اللي قلته قوووووووووم اصحه

خالد : هلا يا غلا كاني قمت خير >> وتعدل بقعدته

نوال : اقولك تروح معاي بيت خالك لا تروح مع ابوك عند عمانك بعدين يزعل خالك وانا ما اقدر على ازعله .

خالد : زين اقول لأبوي

نوال : لالالا لاتقول بتروح عند اخوي قوله ربعك عازمينك زين .... خو تعرف ابوك بيظن اني قاصدتها

خالد : زين يمه اقوله ..........

كملت نوال طريجها لغرف البنات أول غرفة مرت غرفة ريم >> ريم عمرها 25 سنة مخطوبه لولد خالها عبداللطيف وأسمه أسامه ، ريم جميله جمال يوحي بالهدوء متوسطة الطول طالعه على أمها بالجمال متبتبه شوي بس بتنسيق مو مخربط جسمها متخرجه من جامعة الكويت كلية الحقوق وتشتغل بالشئون القانونية بمؤسسة البترول

نوال : ريم ريم قومي ماما .... ترا غدانا اليوم عند خالج عبداللطيف >>> طبعا ريم من اسمعت اسم خالها اقمزت على طول مو حبا بالخال وبس لا علشان تشوف الخطيب !!

وطلعت نوال من غرفة ريم واتجهت لغرفة آخر العنقود داليا >> يا ربي هالبنت كيوت حدها عمرها 16 سنه تدرس بالمدرسة الانجليزيه تتكلم بالبطيء وشوي شوي وباردة بحركتها وكلامها كله دلع تأثير الدلال عليها بيضه مثل اهل ابوها وطولهم وتشبه اختها ريم بالجمال بس مختلفه عنها بالطول والبياض واضعف منها بوايد

نوال : داليا داليا ماما >> وجلست بقربها وباستها واحضنتها

داليا : ماما خلاص I'm big now

نوال : no you still my little baby


===================

بفيلا فخمه بمنطقة الرقة : فيلا فهد بن صالح { ابو راشد }كانت عبارة عن فيلا تتكون من ثلاث ادوار الدور الارضي يتكون من صالة استقبال مفتوحه مفروشة بثلاث جلسات أوروبية يتوسطها سلم لولبي وبجانبها صاله اخرى صغيرة خصصت لأستقبال صديقات نوره علشان تأخذ راحتها مع صديقاتها وصالة للمعيشة وفيها طاولة طعام وقريبه من المطبخ وطبعا الديوانية الملحقة بالبيت لها مدخل خاص من خارج البيت الدور الثاني يتكون من غرفة نوم لأم راشد وابو راشد وبنفس جهتهم خصصت غرفة نوم لنورة ولأنها وحيده فقد خصصت لها غرفتين مفتوحتين على بعض الغرفة الاولى كانت بها جلسة مؤثثه بجلسة امريكية وتلفزيون بلازما ومكتب للدراسة وغرفة نومها باللون الفوشي مع السجاد الابيض والكوشيات باللون الاسود والابيض والفوشي وفي الجهة المقابلة خصصت شقة لطلال تتكون من غرفة نوم رئيسة وصاله ومطبخ وغرفتين وحمامهم والدور الثالث عبارة عن شقتين نفس نظام شقة طلال خصصت لراشد مع زوجته هند وفايز مع زوجته تهاني .

فهد ابو راشد : السلام عليكم

ام راشد ونوره وطلال وفايز : وعليكم السلام

وقاموا العيال وحبوا راس ابوهم >> كانوا قاعدين على الارض يتفطرون وتاركين طاولة الطعام مجرد برستيج وأكمالة ديكور بالبيت >> ما حبوها بس حطوها لتجميل الديكور .

نوره : صبحك الله بالخير يبه >> وصبت فنجان القهوه ومدته لأبوها

فهد : لا هنت يا سميت الغاليه سهمج عندي اليوم خضر>> ام محمد الله يرحمها كان اسمها نوره

نوره : ههههههههههه يبه والله مأثره عليك البورصة

حمد : وين راشد ؟

ام راشد : بشقته ... يمه نوره اتصلي عليه خليه ينزل بسرعه يلحق على الصلاة وشوفي هند اذا تبي شي صارت ثقيله وقرب شهرها الله يهون عليها .

نوره : ان شاء الله يمه

ورفعت سماعة التلفون واضغطت على الرقم الداخلي لبدالة البيت

نوره : آلوووووووووووووو

راشد : وجع مادة الألو هلون ليه

نوره : واي بدوي ما كو فايده فيك كلش راشد انت شا ط عنا كلنا حجيك بدوي جق

راشد : والله ما تقول كلمة جق إلا البدويه .... اخلصي اشتبين

نوره : امي تقول بسرعه انزل تقهوه وروح للمسيد ... وعطني هند بكلمها

راشد : زين نازل اللحين وهاج هند

هند : آلو

نوره : هلا والله بنت عمي ومرت اخوي

هند : هلا نوره وما ودج بعد اصير حماتج

نوره : حمر وجهها وضحكت بصوت خافت : لا ما بيج تصيرين حماتي

هند : ليش سعد ما يعجبج

نوره : طنشت : اقول لا تزيدن بالحجي امي تقول تبين شي وتبين نصعدلج الغدا مثل كل يوم وإلا تنزلين تتغدين

هند : لا والله نوره والله ما اقدر انزل حاسه اني ثقيله وريولي متورمه . صعدولي الغدا .

نوره : اوكي ياقلبي انتي تأمرين امر

وسكرت هند التلفون وكان راشد توه خالص من لبسه ويعدل شماغه والتفت عليها وقال : هند اشفيج انزلي شوي وسعي صدرج وغيري المكان صارلح شهر بشقتج

هند : والله ما أقدر راشد حدي تعبانه يالله اوصل الطبيب للمراجعه وبعدين توني داخله شهري وحاسه بثقل من التوأم مو طبيعي

راشد : بعد انتي يالله حملتي تأخرتي

هند : رااااااااااشد اشفيك هذا عطيت رب العالمين اني ما احمل إلا عقب العلاج واذا مضايقتك هالسالفة ليش صبرت علي 8 سنين وبعدين تقدر تتزوج ترى محد رادك ،اففففف احمد الله واطلبه يرزقنا بعيال كاملين وبصحتهم افففففففففــــــــــــ

راشد : قرب منها وباسها على راسها : اسف يا قلبي والله ما اقصد ، >>> وصرخ : ومره ثانية لا تتأففين مني ترا هذا انذار لج ترا والله اسمي العيال على كيفي وما اشاورج

هند : هههه انت ما كو فايده منك تتأسف وتهاوش اقول قوم قوم تعوذ من ابليس وروح للصلاة .

راشد : زين هالمره بطوفها لج انا رايح . سلالالالالالالالالام

-----------------------------------------

بفيلا محمد ابو صالح { بيتهم مقابل فيلا اخوه فهد }

محمد ابو صالح : السلام عليكم

ام محمد : وعليكم السلام ، صبحك الله بالخير

ابو محمد : وين العيال ؟

ام محمد : صالح راح يودي مرته لبيت اهلها ، ومساعد وسعد بدواماتهم >> ضباط بالدفاع . ومها نايمه .

ابو محمد : زين انا غداي بديوانية اخوي فهد انتي وين بتروحين ؟

ام محمد : بنطر مها تقوم من النوم وبتغدي عند ام راشد داقه على من الصبح وعازمتني .

ابو محمد : صبي قهوه ................

-------------------------------------------
بديوانية فهد ابو راشد بعد الغدا

الشباب : صالح ولد محمد ، راشد وفايز وطلال عيال فهد، بدر سعود ومحمد عيال شيخه، عادل وعمر عيال موضي : بعد الغدا كلٍ راح بيته >> يحبون نومة الظهر

اما الأخوان : فهد وحمد ومحمد قعدوا يسولفون مع بعض وعقبها استأذن محمد وطلع من الديوانية وتم فهد وحمد

فهد ابو راشد : ابو خالد ورا خالد ما جا الغدا من زمان خبري فيه من عيد الضحيه

حمد ابو خالد : والله مشاغل يا خوك الشركة والمحلات ماخذه وقته كله بعد لازم يتدرب على الشغل ما لي غيره يمسك الشركة بعد عيني

فهد ابو راشد : عسى الله يطرح فيه البركة ويطول بعمرك وتشوف عياله

حمد ابو خالد : الله يسلمك يا خوي

فهد ابو راشد : اقول ابو فهد المثل يقول اخطب لبنتك ولا تخطب لولدك ، ترا أنا زوجت عيالي من بنات اخواني وبقت عندي نوره وما ودي تطلع عن عيال اخواني وعندي ولدك خالد وسعد ولد اخوي محمد ودي ان واحد منهم يأخذها .

حمد ابو خالد : والله يا بو راشد هاذي الساعة المباركة اللي اشوف فيها نوره سميت امي ببيتي وماني لاقي بنت بزينها واخلاقها يكفي انت ابوها .

فهد ابو راشد : الله يسلمك يا خوي بس لا تستعجل انت شوف اولدك يمكن له خاطر ببنت ولا ماله نيه للزواج ......... بعد الزواج ما هو غصب .

============================



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-02-2010, 12:45 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البـــارت الثالث
-------------------------



المساء بنفس اليوم بفيلا ابو خالد

ابو خالد : اتصل على خالد : الو

خالد : هلا يبه

ابو خالد : وينك ؟

خالد : طالع مع ربعي

ابو خالد : متى ترد البيت ؟

خالد : ان قدرت بعد ساعه

ابو خالد : انطرك باغيك بسالفه

خالد : ان شاء الله

بعد اكثر من ساعه كان ابو خالد بصالة المعيشة يسولف مع ام خالد بكل شي إلا السالفه اللي بيقولها لخالد . دخل عليهم

خالد : السلام عليكم

ام خالد وابو خالد : وعليكم السلام

ابو خالد : طولت يا بوك وانا بنام وبكلمك بالسالفه

خالد : شسوي يبه خذتني السوالف

ابو خالد : >> قوم يا بوك دش غرفة المكتب : عن اذنج ام خالد

ام خالد : خير في شي

ابو خالد : بعدين بعدين عقب ما خلص من خالد اكلمج

دخل غرفة المكتب وجلس ابو خالد على الكنبه الجلد وقال لخالد : تعال اقعد يمي

ابو خالد : يا خالد انت عمرك 28 سنة وخلصت دراستك واشتغلت وانا مسكك الشركة وما شاء الله عليك دايرها من احسن ما يكون

خالد : اي يبه الحمد لله

ابو خالد : بقى شي واحد وطلبتك يا بوك ما بيك تردني جان لي معزه عندك قول تم

خالد : تم يبه مالي احد اعز منك

ابو خالد : ابيك تملج على نوره بنت اخوي فهد

خالد : ..............>> توقع يكلمه عن كل شي إلا الزواج كان يتمنى انه يختار زوجته بنفسه لكن ما شاف اللي قلبه هواها .

ابو خالد : قول تم يا بوك ترا أنا معطي اخوي موافقه لا تحرجني جدامه

خالد : قام وحب رأس ابوه : ما عاش اللي يحرجك تم اللي تبيه

ابو خالد : على بركة الله بطلع اعلم امك والله يعيني

صعد ابو خالد لغرفة نومه وشاف نوال تمشط شعرها بعينه بعدها البنت الحلوه اللي عشقها .

ابو خالد : شهالزين شهالزين

ام خالد : هههههههههـــــ الله يسلمك عيونك الحلوه يا قلبي ......... تعال ماني مرتاحه لقفلة باب المكتب عليك انت وخالد شالسالفه ؟

ابو خالد : عاد تصدقين كنت متأكد انج بتسأليني قبل لا اتكلم فيج عجله بعلمج

ام خالد : خير اللهم اجعله خير

ابو خالد : انا خطبت نوره بنت اخوي فهد لخالد

ام خالد : هااااااااااااااااااااااا ليش خالد قال يبي يتزوجها

ابو خالد : لا بس السالفه وما فيها ان اخوي .......................>> وكر السالفه اللي دارت بينه وبين اخوه

ام خالد : ما علقت >>> وراح فكرها لسالفه قديمة بعيد الفطر كانت زايره حمولتها ومعاها ولدها خالد وكان عمره 9 سنين وكانت زوجة فهد توها طالعه من النفاس ببنتها نوره ولما شافت خالد قالته تعال تعال حب بنت عمك باجر اذا كبرت زوجتك اياها ورديناك لأهلك .......... كلمة رديناك لأهلك ترقع بقلب ام خالد اي اللحين فهمت معناتها زين يا ام راشد تبين تردين خالد لأهله جني بايقته منكم لا والله ما عطيكم اياه والله ثم والله لأخليه يملج عليها ويطلقها قبل العرس وافشلج ............ ما اكون نوال بنت خالد ان ما سويتها .

ام خالد : زين خالد شنو قال ؟

ابو خالد : ما قال شي انا طلبته واهو ما ردني .

ام خالد : زين عن اذنك بكلمه وارد عليك

خالد بغرفته محتاس وضايع حاس انه استعجل وعطي ابوه كلمه اهو مو قدها قام وقال بكلم امي يمكن تأثر على ابوي يغير رأيه >>> وقبل لا يطلع دق باب الجناح ودخلت عليه امه

خالد : هلا يمه

ام خالد : هلا حبيبي

خالد : يمه ابوي قالج عن سالفة زواجي

ام خالد : اي يمه انت اشرايك

خالد : والله يمه انا كان ودي انا اختار زوجتي مو تنفرض علي

ام خالد :>> اشوه ما راح اتعب مع خالد : شوف يمه ابوك انحط بموقف محرج مع عمك وما قدر يرده

خالد : وانا شنو ذنبي

ام خالد : حبيبي لا تخاف انا ادبرك

خالد : اشلون ؟؟

ام خالد : حبيبي ملج على البنت وتم ثلاث او اربع اشهر وبعدين طلقها

خالد : يمه اشلون املج واطلق

ام خالد : حبيبي اسمعني انت اذا ملجت عليها رفعت الاحراج عن ابوك ، وبعدين انا ادبرك واطلقك منها ومن غير ما تحرج ابوك .

خالد : اكيد يمه لا توهقيني ما ابيها تعرفين شنو ما ابيها ، ما أبي أتزوج هالطريقه أبي اختار زوجتي بنفسي .

ام خالد : انت ما لك شغل واي شي يقولك ابوك علمني ولا تتصرف من وراي زين

خالد : زين يمه

ام خالد : تصبح على خير

خالد : وانتي من اهله .

=====================

بفيلا محمد أبو صالح :

سعد : تكفى مساعد كلم أبوي أنا قلت لعمي فهد أبي نوره ، بس ما ردلي جواب

مساعد : والله ما ادري ياخوك ليش عمي فهد ما قال خل ابوك يكلمني رسمي

سعد : قالي اصبر يصير خير ولا تقول لأحد ، تهقى شنو قصده

مساعد : سعد انطر ليش مستعجل دام قالك انطر يعني في شي يا إنه بشاور بنته أو

سعد : أو شنو في أحد خاطبها قبلي أنا ولد عمها وأقرب لها من أي واحد

مساعد : إي زين انطر على شنو مستعجل

سعد : مساعد انت ما تفهم أنا أبيها يعني بالعربي أحبها

مساعد : بينك وبينها شي

سعد : لا ، مو أنا اللي اتحرش ببنت عمي ، أنا أحبها من زمان واللحين اشتغلت واستقريت بدوامي أبي أكمل نص ديني وإهي اللي اختارها قلبي

مساعد : عين خير يا بن الحلال وان شاء الله تكون من نصيبك

======================

ثاني يوم السبت اتصل ابو خالد على اخوه وبشره بأن خالد موافق على نوره وقاله ابي الملجه بتاريخ 1 / 5 / 2008 .
كلم ابو راشد ام راشد بالموضوع وقالها شاوري نوره او بالاحرى اقنعيها بالغصب !!

نوره من تعرفت على صديقتها أماني قبل سنة معاها بالجامعه بكلية التربية وأتعرفت أم راشد على أهل أماني وثقت فيها وصارت تسمح لنوره إنها تطلع معاها حسب ظروفهم أو مشاويرهم الى السوق او المكتبات طبعا ما تخليها تسوق سيارتها إلا للجامعه اما المشاوير العادية فتطلع بالسايق ومعاها سيلفيا خدامتهم>> نوره واماني مدمنات قراءة القصص والروايات ، كانت نوره توها راده من مكتبة جرير حول الساعة 12.30 الظهر سلمت على امها وراحت فوق على طول تبدل ملابسها علشان تقعد مع أمها قبل الغدا لكن ام راشد اصعدت لبنتها .

ام راشد : يمه نوره ............ ودقت الباب ودخلت غرفة نوره

نوره : هلا يمه ..... اللحين ابدل وانزل

ام راشد : لالا ..... تعالي تعالي قعدي يمي >> وقعدت ام راشد على الكنبة اللي بغرفة نوره

نوره : نعم يمه خير

ام راشد : بغيتج بسالفه ....... يمه نوره انتي كبرتي وكثروا خطابج

نوره : ............

ام راشد : وأمس عمج حمد كلم ابوك واخطبج لولده خالد

نوره : ............. >>> الوجه يعطي الوان مدري ليش

ام راشد : أبي اعرف رأيج

نوره : يمه أنا ما اطلع عن شور ابوي وانتوا تعرفون مصلحتي

ام راشد : الله يكملج بعقلج اي يمه البنت مالها إلا بيت رجلها .. ... وانتي ما شاء الله عليج كامله والكامل الله عاقله ورزينه وثقيله ...... يما ترا حنا ما نغصبج فكري .

نوره : يمه مممممممــــــــ اهم شي عندي اكمل دراستي ، وانا ما عندي مانع اتزوج اي واحد بس اللي يختاره واللي يرضى عليه ابوي .

ام راشد : يا رب يا بنتي الله يوفقج ويسعدج ، يا رحمن يا رحيم اذا لبنتي نوره نصيب بهالزواجه يسر امرها وارزقها واسعدها واذا فيه عذاب لها ابعده عنها .. >> وبقلبها : الله يستر من ولد الحضريه .

بعد المغرب : بصالة بيت ابو راشد

ام راشد : هلا والله بهند حياج الله زين انج نزلتي توسعين صدرج من هالشقة اللي حابسه نفسج فيها

هند : الله يحيج خالتي ، بعد شسوي مليت بروحي والله تعبانه بس قلت بأضغط على نفسي وبنزل

تهاني : هلا هند الله يهون عليج والتوأم يصيرون دبل توامه

نوره : ههههههههههه آمييييييييييين

هند : دام قلتي جذي بعطيج واحد منهم يسليج ، عسى الله يقدني أربي هالأثنين .

ام راشد : آمين يا رب العالمين يهون عليج ويرزقج توأم بنت وولد بصحتهم وعافيتهم ويسعد قلبج انتي وراشد .

تهاني ونوره : آآآآآآآآآآآآآمييييييييييييييييييييين وكلوووووووولوووووووووش

وهند : ههههه قلبتوها عرس

تهاني >> تلفونها يرن : هلا يمه اشلونج ، الحمد لله بخير ، خالتي عندي ...... خاله امي تبي تكلمج

ام راشد : السلام عليكم ام عادل ، عساج بخير يا مال العافيه ، بغيتج بسالفه >> وبعدت عن البنات

ام عادل : أمري يا ام راشد

ام راشد : نوره قربناها لخالد ولد اخوج حمد والملجه ان شاء قريبه

ام عادل : يا عله مبارك ، ام خالد اتصلت واخطبتها

ام راشد : لا والله ولا ارفعت التلفون الخطبة من تحت رأس الرياجيل

ام عادل : الله يستر من نوال ، بس عساها راضيه لا تعقد هالزواجه وتنح وتعفسكم

ام راشد : والله هذا اللي خايفه منه مدري إهي راضيه وإلا لا

ام عادل : ويه ما عليج منها رضت وإلا بالطقاق ، هاذي بتأخذ نوره زينة البنات ، وبعدين دام انها من تحت رأس الرياجيل يا ام راشد ، خليها تولي طول عمرها شايفه نفسها . والله يوفق نوره وخالد ويسعدهم .

ام راشد : آمين . قولي لأختج ام بدر بعد انتوا عمات العيال

ام عادل : ولا يهمج يا ام راشد اقول لأم بدر والله يهني نوره ويسعدها مع السلامه

ام راشد : مع السلامه

============================

قبل الملجه بيوم اتصلت بوقت الضحي ام خالد على ام راشد وقالتها إنها بتزورها بنفس اليوم .
اتصلت ام راشد على نوره بالجامعه وقالتها اليوم بتزورهم ام خالد اتصلي على محل حلويات يوصلون للبيت >> حلو قهوه وفطاير

كانت نوره وأماني يتمشون بممر الطالبات بكلية التربية ورايحين السكوير الأول

نوره : هاذي أمي تبيني أتصل على محل يوصل حلو قهوه وفطاير

أماني : ليش اشعندكم اليوم

نوره : مرت عمي حمد .... أم خالد اللي باجر ملجتي عليه وأنا ماشفته

أماني : واي نوره اشلون تتزوجين واحد ما شفتيه

نوره : عادي يا قلبي عادي .... فيه واجد بنات مثلي على أنه ولد عمها والأهل نظرتهم نشتري رجال .... والرجال مخابر مو مناظر

أماني : نوره انتي متعلمه ومثقفه وتلبسين بدل ومو متنقبه الرياييل اللي بالشارع كلهم شافوج واللي تبين تتزوجينه ما شافج اشلوووووووووووون ماني قادره استوعب ، وبعدين وين القبول يمكن نفسج ما ترتاحله

نوره : قابله فيه دامه ولد عمي حمد

أماني : لا تيننيني إنتي بتتزوجين الولد مو عمج

نوره : أماني خلاص باجر الملجه وبعدين يمكن يطلب يشوفني بعد الملجه

أماني : واي وبذيج الساعه يكون طاح الفاس بالرأس

نوره : حلو المثل اللي قلتيه خالد الفأس وانا الرأس

أماني : واي نوره أحر ما عندي أبرد ما عندج ....

نوره : أقول سكري على هالسالفه وعطيني لستة اسامي المحلات اللي عندج كلها خليني اشوف من وين اطلب أبي شي راقي وغريب .

العصر بفيلا ابو راشد :

ام راشد بعد صلاة العصر دقت باب غرفة بنتها نوره :

ام راشد : نوره

نوره >> كانت نوره توها طالعه من الحمام بعد ما خذت شور وتبي تستشور شعرها : هلا يمه

ام راشد : اشراح تلبسين ؟

نوره : والله ما ادري يمه

ام راشد : يا يمه بتجي مرت عمج عقب صلاة المغرب وللحين منتي عارفة شنو تلبسين .

نوره : مممممممـــــــ عندي بدل بس محتاره

ام راشد : لا تحتارين ولا شي اي شي تلبسينه انتي تزهينه يا نوره

نوره : يمه ............ مو جنه الخطبه قاصرها شي يعني ........ عمي كلم أبوي وحدد موعد الملجه بسرعه ومرت عمي ما زارتنا بالمره إلا اليوم وباجر الملجه ........ووووووو

ام راشد : شنو ........... ووووووو قولي ما شفتيه انتي اللي قلتي ما اطلع عن شور ابوي

نوره : اي يمه بسسسسسسس خالد معقوله ما يبي يشوف البنت اللي يبي يتزوجها

ام راشد : ما ادري يمه ؟ مهما كان انتي بنت عمه . والزواج يا يمه قسمه ونصيب وفي ناس واجد ما يشوفون حريمهم إلا بليلة العرس . ويمكن اليوم جاي مع امه أنتي بس تزيني وألبسي عدل وأنزلي اذا ناديتج .

نوره : ان شاء الله يمه

تهاني زوجة فايز : طقت الباب >> ممكن ادخل

نوره : هلا تهاني حياج

تهاني : خالتي أنا قلت لميري لا تسوي القهوه انا اللي بسويها إهي ما تضبطها

ام راشد : تسليم يا قلبي ... مو تخليني بروحي اذا اوصلت ام خالد تعالي وقهويها ترا والله ما اقدر اصب لهم

تهاني : لا توصين خالتي أنا بصب القهوه والجاي واقدم العصير ما راح اخلي الخدم يقربون منا . لا تحاتين

نوره >>> طلعت بدله : تهاني اشرايج بهالبدله

تهاني : تهبل ولونها حلو ويكفي انها من d&g



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 21-02-2010, 12:47 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البــارت الرابع
-----------------




بعد المغرب :

وقفت سيارة خالد ومعاه ابو خالد جدام فيلا ابو راشد وألتفت أبو خالد على ام خالد : يالله انزلي

ام خالد : وين ؟

ابو خالد : اشفيج هذا بيتهم

ام خالد : هالفيلا بيتهم من متى ؟

ابو خالد :اشفيج ام خالد نسيتي إحنا بعنا نصيبنا من البيت على أخوي فهد عقب وفاة الوالد وأهو شرى البيت اللي يمه وهدهم وبناه هالفيلا .

ام خالد : عشتوا من وين له ؟

ابو خالد : وأحد قالج اخوي عليه قاصر مدير بوزارة ويملك عقارات وتاجر اسهم بالبورصة ، وإلا بعينج التاجر بس اهو اللي يملك شركة !!

ام خالد : ودام عنده ليش ساكن بهالمنطقة ؟

ابو خالد : اشفيها الرقه منطقه مثل مناطق الكويت وشوفي حواليج كله فلل فخمه ...نزلي الله يهداج .

ابو خالد : يالله خالد امش الديوانيه .

ام خالد >> كانت مأخذه معاها بنتها ريم : يالله ريم نزلي خلينا نشوف آخرت هالخطبه .

بعد ما دخلت ام خالد البيت انبهرت بالأثاث الراقي بصالة الاستقبال

ام راشد : حيا لله من زارنا يا هلا ومرحبا

سلمت ام خالد بطرف خشمها : هلا هلا ام راشد اشلونج > جنها امس شايفتها مو غايبه عنهم 10 سنين

ام راشد : بخير الله يسلمج ...... والتفت على ريم : هلا والله انتي ريم صح

ريم : اي خالتي يا هلا

ام راشد >> تطالع تهاني : هاذي تهاني بنت حماتج شيخه مرت ولدي فايز

ام خالد >> حست انها نغزه عليها لأنها ما حضرت العرس وباركت بالتلفون بس : وي أي اعرفها اشدعوه ..... هلا هلا والله تهاني اشلونج ؟

تهاني : هلا خالتي بخير الله يسلمج ....... هلا ريم عاش من شافج

ودارت سوالف عن العيال ودراستهم والأهل واخبارهم وتجنبت ام خالد إنها تتكلم عن الخطبه
بعدها بفترة اتصلت ام راشد على الرقم الداخلي لغرفة نوره وقالتلها تنزل

كانت ام خالد وريم قاعدين بمكان يشوفون اللي ينزل من السلم اللولبي ..... رفعت ام خالد عينه وشافت : بنت تتميز بالطول مثل كل عيال عايلة ابو صالح الجسم منحوت نحات والبياض هادي مو ساطع كأنه تمثال والشعر أسود بسواد الليل ومدرجات على طوله لي نص ظهرها وفيها شي يلفت النظر عيونها وساع وساع ومغريه حط الله الجمال كله بعيونها وصحيح انها جميله كلها على بعض بس العيون فتانه ...

نوره : السلام عليكم >> وقربت تسلم

ريم وام خالد : وعليكم السلام

ام راشد : هاذي نوره يا أم خالد شفتيها اشلون اكبرت

ريم >> مبهوره أما ام خالد >> مستحيل اخلي خالد يشوفها : هلا والله بجنتي هلا اشلونج نوره

نوره : بخير خالتي الله يسلمج

ريم : هلا نوره اشلونج

نوره : الحمد لله

واكملت الجلسه بتنشيف ريج نوره بالاسئله دراستج وتخصصج بتكملين بتشتغلين انتي تسوقين وبعد ساعتين استأذنت ام خالد مع إن ام راشد احلفت عليها بالعشا بس تعذرت انها مسويه رجيم وتحافظ على جسمها .

اتصلت ام خالد على ابو خالد اللي كان قاعد بالديوانية مع أخوانه وعيالهم وكان أبو خالد تكلم بالخطبه بشكل رسمي والكل باركه بس كان واحد من العيال حاس بخنقه بعدها أستأذن ابو خالد وخالد لانهم بيوصلون ام خالد للبيت .

بعد ما وصلوا البيت أمسكت ام خالد ريم وخذتها لغرفتها

ام خالد : شوفي يا ريم والله ان فتحتي حلج بكلمه غير اللي اقوله لخالد لقص السانج قص تسمعين

ريم : ليش يمه شنو بتقولين

ام خالد : سكتي سكتي وسمعي ولا تزيدين على الكلام اللي اقوله بس هزي رأسج سامعه

ريم : زين

اتصلت ام خالد على خالد اللي كان قاعد مع ابوه بصالة المعيشه علشان تكلمه وصعدلها بغرفتها :

ام خالد : يمه خالد الله يعينك شنو هالبلوى اللي طحت فيها

خالد : ليش يمه شنو صار قولي والله مالي خلق من قالي ابوي جني بنت وغاصبينها .... زين يمه ما اقدر اشوفها على الاقل قبل الملجه .

ام خالد : اسكت واسمع يمه .......... بيتهم من بره فخم بس من داخل عادي جلسات على الارض ... عارف انت اشلون بدو اهل ابوك ما خلوا طبعهم ... وعقب ساعه وعقب الحنه على مرت عمك يالله وافقت اني اشوف البنت .... تقولي احنا ما نوري بناتنا ، اللي يبي يتزوجها يأخذ بنت رجال ....... عاد هذا كلام

خالد : يعني شنو ما شفتيها

ام خالد : لا يمه شفتها وياليتني ما شفتها بطه ومتينه وقصيره وسمره وما عليها حلا كلش ما فيها زين ........... واي خالد يا حسرتي عليك

خالد : خلاص يمه كلمي ابوي وقوليله أبي أشوفها وعقب بقول إنها ما اعجبتني ومن حقي ارفضها

ام خالد : وي وي يمه أنا يالله خلوني اشوفها الدور عليك ....اقولك امها تقول احنا ما نوري البنت لريلها إلا ليلة العرس .

خالد : ماني متزوجها شنو ابوي ما يغصبني !! باجر ماني رايح الملجه وخلي ابوي يتوهق بروحه .

ام خالد : لا يمه لا تسويها أنا ماراح اخليهم يتهنون فيك مو اهم كادوا لك واعرضوا بنتهم علي ابوك وأحرجوه ، ما أكون ام خالد ان ما رديت لهم الطراق طراقين ،أنت املج وأياني وياك تقول بشوف البنت أرفض هالشي وقول عقب العرس علشان ما يكون لهم عذر باجر يقولون عقب ما شافها واهي متنقبه وكشف ويها يقول ما ابيها

خالد : يمه اشلون تخلصيني عقب الملجه بيحددون الزواج وتطيح بجبدي

ام خالد : لا تخاف انا بقولهم الزواج عقب العيد تدري احنا اللحين شهر خمسه ( مايو ) ورمضان بشهر تسعه ( سبتمبر ) والزواج عقب العيد ، خل بنتهم تجهز وما تفرح بالعرس . بنعطيهم ورقة طلاقها ونقول والله ما كو نصيب انت استخرت وما ارتحت وبس .

خالد : يمه عاد هذا حجي ، لا توهقيني البنت جيكره

ريم : انا بروح عند داليا بشوفها وينها ؟ >> خايفه لا يسألها خالد وتتوهق ما تعرف ترد

ام خالد : ماما خالد لا تردني بس ملجه بس ... ولا تشوفها ولا تشوفك ... واليوم اللي اقولك طلق طلقها

خالد : شنو تفكرين فيه يمه لا تحطيني بويهه المدفع

ام خالد : مو أهم كادوا لي من وراي علشان يأخذون ولد الحضريه ويردونه لأهله مثل ما قالوا أنا بفشلهم واخلي ولد الحضريه اهو اللي يعوفهم .

خالد : متى قالوا هالحجي ؟

ام خالد : سالفه قديمه ........... انت باجر اكشخ واملج والباجي علي . قوم بحط العشا .

وانزلوا عند ابو خالد علشان يتعشون .

-----------------------------

بشقة هند زوجة راشد : ارفعت التلفون واتصلت على امها

ام صالح : ألو

هند : هلا يمه اشلونج

ام صالح : هلا يمه .... ها بشري اشلون الثقل معاج

هند : والله يمه تعبانه بس اتمشى بشقتي مالي خلق انزل واليوم عندنا مرت عمي حمد

ام صالح : عجب ام خالد زايرتكم من متى ؟ صارلها فوق العشر سنين ما شفناها

هند : وي يمه بقولج على سالفه باجر ان شاء الله ملجة نوره

ام صالح : لا والله لا تقولين يا ليتني خطبتها لسعد بكلم ابوج لا يملجون ولد عمها اولا من الغريب

هند : يمه اي غريب نوره اليوم عمي حمد خطبها رسمي لولده خالد بالديوانية وأبوي اللحين يدري

ام صالح : الله ولد الحضريه يأخذ نوره ....... اشلون تنازلت نوال ورضت ؟

هند : والله يمه ما ادري بس السالفه صارلها اكثر من اسبوع بس ساكتين عماني وما اعلنوا إلا اليوم وباجر الملجه .

ام صالح : الله يهنيها



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-02-2010, 12:51 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البــارت الخامس
-----------------



1 / 5 / 2008 يوم الملجة

ببيت محمد أبو صالح >> قبل الملجه بساعه

بغرفة سعد :

مساعد : سعد الله يهداك اشفيك خلاص البنت خذت نصيبها وبعدين اهو ولد عمها مثل ما أنت ولد عمها

سعد : بس انا ابيها وكلمت عمي فهد قبل لا يتكلم عمي حمد ويخطبها

مساعد : اي بس اهو قالك أصبر والظاهر كان قصده يشاور عمي حمد ، وبعدين خالد اكبر منك

سعد : واذا اكبر مني أنا خطبتها قبل

مساعد : سعد خلاص يا خوك لا تفضحنا قوم عماني وعيال عماني موجودين بالديوانية علشان الملجه وانت لازم تحضر

سعد : ما اقدر يا مساعد ما اقدر قلت لعمي ابيها وكلمته ويروح يعطيها خالد

مساعد : كل يأخذ نصيبه يا سعد وانت مالك نصيب معاها ، لا تفشلنا قوم

سعد : تبيني احضر ملجه حبيبتي

مساعد : استح على وجهك ، خلاص بتصير من نصيب غيرك ، اخلص قوم انت رجال اضغط على نفسك وابتسم وقلوب الرجاجيل صناديق مقفله محد يدري عنها .

تمت الملجة بين الرجال بعد صلاة المغرب بديوانية فهد ابو راشد وكانت بين رجال العائلة فقط .

أما النساء : تجمعوا ببيت ابو راشد ، العمات وبنات العمات والخالات وبناتهم وجاراتهم وباقي نساء العائلة باركوا لأم راشد ملجة بنتها ،وخاصه انه من عادة أهل نوره انه الملجه تكون بين الرجال اما النساء فما كان فيها اي نوع من الفرح غير الأستقبال لتهنئة ام العروس أما البنت تكون بعيده عن نساء العائلة >> طبعا البنات اصعدوا لنوره بغرفتها وباركوا لها وطبعاً اول الحضور صديقتها أماني . بغرفة نوره

أماني : كلوووووووووش ألف مبروك >> وباستها

نوره : الله يبارك لج >> وبهمس : الفال لج يا قلبي

أماني : آمييييييييييييين

تهاني : ههههههههه لاحقه على العرس ان شاء يا أماني ونرقص بعرسج ، الف مبروك نوره

هند : الف مبروك

نوره : الله يبارك لكم

مها : الف مبروك نوره ، وناسه بتأخذين واحد اكيد ما راح يخليج تلبسين عباية

مناهل : هذا اللي يهمج ، الف مبروك نوره

نوره : الله يبارك لج ونرقص بعرسج قريب ان شاء الله

هند : مها اللحين هذا اللي يهمج بالزواج العباية

مها : أي هذا ساكن النزهه مو مثل عيال الرقة من يأخذ البنت من اهلها لبسها عباية ونقاب

تهاني : لا مو كلهم

مها : لا والله وانتي شنو تلبسين ؟

تهاني : فايز دين علشان جذي لبسني بوشيه بعد مو نقاب ، وبعدين تعالي انتي اشدراج ان ولد خالي حمد ماراح يلبسها عبايه ونقاب

نوره : حرام عليكم لا تتكلمون عن العباية والنقاب خلوني مستانسه بين امي وابوي يا حلوهم مخليني على كيفي جنزات وبدلات وكل كيف كيفي الله لا يغير علي

مها : آمييييييييييييييييييين وأجمعيييييييييييييييييين

سلوى : هههههه الله يغربل ابليسج يا مها ، بنزل تحت عند الحريم اذا قعدت بعد شوي مها بتحرشنا على رياجيلنا

هند وتهاني : ههههههههههههههه

أماني : اللحين ما عندكم حفلة ملجه كلش

مناهل : لا ما في حفلة ملجة بس عرس .

أماني : والله صج كل ناس لهم طبعهم وعاداتهم

===================================

بعد الملجه بأسبوعين : جامعة الكويت كلية التربية – كيفان

أماني : نوره .......... نوره ............ نوره

نوره : هلا أماني يا صباح الورد والياسمين

أماني : هلا نوره

نوره : أنتي ما عندج محاضره هالحزه ليش مداومه

أماني : أبي اكلمج بموضوع مهم

نوره : اشدعوه بينا التلفون

أماني : لا الموضوع لازم اقوله بويهج

نوره : يا ماما أماني خرعتيني اشفيج

أماني : نوره أنتي مو اللحين عندج محاضره ...

نوره : اي

أماني : خلاص بعد ما تخلصين تعالي الكافتيريا انطرج

نوره : اوكي يا قلبي ............ يالله باي

بعد ساعه بكافتيريا كلية التربية.

أماني : تعالي نوره أهني

نوره : هلا أماني يالله قولي لي الشي الخطير اللي خلاج تطلعين من بيتكم قبل محاضراتج

أماني : نوره ....... أنا ما قدرت انطر عقب ما سمعت بالسالفه

نوره : اي سالفه

أماني : قلبي يعورني بس لازم اقولج .......... نوره لا تزعلين مني

نوره : اماني خرعتيني اشفيج ..... تحجي

أماني : اوكي ........... سمعيني ولا تقاطعيني ............ البارحه زارتني بنت عمي مرام أهي تدرس معانا بالجامعه بس سنة التخرج ........... ومع السوالف قالتلي سالفه عنج !!!

نوره : شنوووووووو ؟؟

أماني : سمعي نوره والله أنا مو متأكده اذا صاجه او تجذب

نوره : اي قولي جننتيني

أماني : الله يسلمج مرام صديقتها الروح بالروح غدير وهاذي البنت متزوجه واحد اسمه جاسم واهو صديق خالد ولد عمج وزوجج

نوره : زيييييييييييييييين

أماني : ومن كلام غدير تقول انه خالد قايل لجاسم أنه عمه اجبره يأخذ بنته بتحريش من امها وأهو اضطر انه يوافق على الملجه بس ناوي يطلقج بعد جم شهر ....... وبعد يقول انه امه تقول عنج عقب ما شافتج انج قصيره ومتينه وسمره وشينه وأنه امج رفضت انه يشوفج وقالت ما عندنا بنات يتكشفون على الرياييل قبل العرس ما يشوفها إلا بليلة العرس .

نوره : نعم أنا أمي تقول هالحجي .......... بس ما صار وأمي أنطرت امه تقول انه يشوفني بس اهي ما تحجت واحنا ما نقدر نبدي لازم الولد او امه اهي اللي تتحجي وبعدين امه ليش تقول عني اني قصيره وسمره ومتينه وبعد شينه ليش ليش أماني قوليلي ليش ؟؟؟؟

أماني : ما ادري نوره ؟ السالفه فيها إن

نوره : آهـ آهـ آهـ ليش يقول عن امي جذي ؟

أماني : أي وغدير قالت لمرام خلي بنت عمج توريني صديقتها نوره ابتأكد صج اهي شينه

نوره >>> نزلت رأسها : أماني أنتي وصفتيني لمرام

أماني : لا أنا اصلا طقتني البوه وتبلعمت ما تحجيت من الخرعه وبعدين ادخلت علينا امي وضاعت السالفه ما كملتها .

نوره : زين أماني ابي منج ما تتكلمين مع مرام بنت عمج عن السالفه وكل ما اسألتج قولي ما ادري ولا توصفيني لها ابدا ابد زين ؟

أماني : زين بس ليش ؟؟

نوره : آهـــــ يالقهر ابي ادوس برأس هالعله خالد ويا امه وانتقم منهم على الكلام اللي قالوه عن امي .

أماني : شنو تبين تسوين ؟

نوره : ما ادري ما ادري ............ خليني افكر بقلبي نار على امي ....بس ما اكون نوره بنت فهد ان ما اطبخ له السم ووكله اياه

أماني : واي مو جنه نوره اللي قاعده قبالي .... انتي وحده ثانيه ......... نوره بليز فكري عدل لا تتهورين .

نوره : أماني .... مرام بنت عمج بأي كليه ؟

أماني : اهي بكليه الآداب مع غدير رفيجتها اللي قالت السالفه

نوره : زين ابيج تعرفيني على غدير بس لا تقولين لها اسمي الصجي .

أماني : نوره ليش ؟

نوره : بس جذي بشوف هاللي قالت عني هالسالفه .

أماني : يا بدويه لا يكون بتيبين معاج عجره وبتطقينها

نوره : ههههههههـــــــ يغربل ابليسج يا اماني وانا راعية هالسوالف صبي شايفتني جدامج .

أماني : ما ادري انتي صج من بره تلبسين بدل وفري وكشخه بس ماجربتج اذا عصبتي شنو تسوين خو انتوا يالبدو تخرعون لي بغيتوا تأخذون حقكم .

نوره : هههههههـــــ اماني والله انج نكته

أماني : يا رب هالضحكه دوم ............. نوره لا تزعلين الله يخليج يمكن هالكلام مو صحيح ومبالغ فيه

نوره : مو علشان جذي ابي اتعرف على غدير علشان اتأكد من الحجي بنفسي

أماني : اشلون

نوره : اتصلي على مرام وشوفيها وينها

أماني : اوكي

مرام >>> أماني يتصل بك : آلو

أماني : هلا مرام اشلونج يا قلبي

مرام : بخير الله يسلمج

أماني : اقول مرام إنتي وينج اللحين

مرام : بكافتيريا الآداب قاعده مع غدير

أماني : اوكي ...... اقدر امرج

مرام : حياج

أماني : يالله نوره مرام وغدير قاعدين بكافتيريا الآداب

نوره : اماني اذا عرفتيهم علي قولي اسمي : نوره خليفه بن عبدالله الــــــــ

أماني : ليش ومنو خليفه بن عبدالله الــــــ

نوره : هذا الله يسلمج اسم خالي واهو اصلا ما عنده بنات بس عنده صبيان ، وبعدين اذا قلتي ان اسمي نوره هالاسم الكل يعرفني بس باقي الاسم محدد يدقق عليه

أماني : اوكي ...... خليني احفظ : نوره خليفه عبدالله الـــ ، نوره خليفه عبدالله الــ ، نوره خليفه عبدالله الــ

نوره : بس بس سويتيها نشيده

بكافتيريا كلية الآداب

أماني ونوره : السلام عليكم

مرام وغدير : وعليكم السلام

أماني : مرام هاذي رفيجتي نوره خليفه عبدالله الـــ

مرام : هلا والله غدير هاذي بنت عمي أماني ، أماني هاذي غدير رفيجتي

غدير : هلا والله

بعد التعارف والسوالف قالت مرام : أماني مو أنا قتلج وريني رفيجتج نوره فهد

أماني : اي بوريج اياها ان شاء الله بس اليوم ما داومت

نوره : ليش اشفيها نوره

غدير : الله يسلمج هاذي ملجت على رفيج ريلي وودي اشوفها

أماني : نوره قتلج السالفه .... غدير الكلام اللي قلتيه لمرام صج

مرام ويها عطي الوان بس غدير من النوع اللي تحب الحش ما همها : اي والله هذا الكلام اللي قاله جاسم من السان خالد بنفسه .

نوره : يعني علشان اهي قصيره ومتينه ما يبيها

غدير : اللي عرفته انه اهو ما شافها بس هذا وصف امه .... عاد نوره صج اهي جذي

نوره : اي صج بس اهي حبوبه واخلاقها عاليه ومحترمه .

غدير : والله ما ادري ، بس هذا الحجي اللي عرفته من جاسم واهو قال >> وعادت نفس الحجي اللي وصلته لها أماني من لسان مرام .

أماني ونوره استأذنوا من مرام وغدير لأنه عندهم محاضره واتفقوا انهم يلتقون كل يوم بالكافتيريا بساعه معينه يكونون كلهم فاضين فيها .

----------------------------------------------------
راشد وهند بمستشفى لندن >> كانت تنطر دورها للدخول على الدكتورة المتابعه لحالتها :

السستر : مدام هند

راشد : يالله هند قومي

هند : يالله أفـــــ حاسه بثقل

راشد : ان شاء الله تقومين بالسلامه ونفرح بعيالنا .... خلي الدكتوره تسويلج سونار بتأكد جم واحد ما يصير بس اثنين

هند : راااااااااااشد قول لا إله إلا الله ويا ربيييييي احفظ عيالي من عيوم ابوهم

راشد : ما قلت صايره مركب

هند : " قل اعوذ برب الفلق "

عند الدكتوره بعد الفحوصات : هند إنتي لازم تدخلين المستشفى باجر إن شاء الله

هند : ليش ؟؟؟

الدكتوره : شوفي هند انتي حملتي بعد علاج وعندك الحوض صغير أوي وانا موش عاوزه أازيك بأخذها من قاصرها وأولدج بعملية قيصرية وانتي دلوأتي بالأسبوع 38 وده انسب وقت للولادة .

هند : زين دكتوره ما اقدر اكمل لي نهاية حمالتي يعني اكمل 40 اسبوع

الدكتوره : ليه هند انتي اول وتاني حتولدي قيصرية ..... الافضل الوقت ده عشان ما تحصلك اي مضاعفات

هند : زين بنادي زوجي يدخل قوليله

الدكتوره : خليه يخش ، هو أنتي خايفه تأوليله وإلا ايه

هند : اي ..................

راشد بعد ما بلغته الدكتوره قام بإجراءات دخولها لثاني يوم الصبح

وهند اتصلت على امها تبلغها



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 21-02-2010, 06:06 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البارت السادس
----------------



خالد بالشركة >> كان حاط ايده على رأسه مو مركز بالأوراق اللي جدامه من ملج قبل شهر واهو يفكر متى أمه بتقوله يطلق واشلون موقفه مع ابوه وشنو راح يكون عذره ؟ محتار ومتعذب !!! رن تلفونه >> جاسم يتصل بك

خالد : هلا جاسم

جاسم : هلا خالد وينك ؟

خالد : يعني هالحجزه وين اكون غير بالشركة

جاسم : يالحبيب قاعد بحلال ابوك تدش وتطلع على كيفك مو مثلى طاقلي كرت

خالد : والله انت اللي متعب حالك وتشتغل بوزارة طايح حظها ، اطلع واشتغل بالقطاع الخاص .

جاسم : ما لي خلق كراف ، خلني جذي شاي وقهوه وسوالف ومعامله وحده بالشهر ننجزها

خالد : والله حاله ، عزالله مشى شغل الوزارة من وراك

جاسم : اقول اخلص تعال معاي ستاربكس البدع

خالد : تدري ضايق خلقي ما ادري اشفيني بمرك وبعدين ارد للشركة

====================

ريم وخطيبها >> أسامه يتصل بك

ريم : أهلين هلا حبيبي

أسامه : هلا ، يا قلبي .............. ترا مليت متى بتحددون الملجه والعرس

ريم : واي أسامه اشفيك انا للحين اجهز وبعدين قايلتك بشهر سبعه بسافر مع امي بييب بدلة العرس من ايطاليا .

اسامه : زين وبعد ما توصل البدله شنو راح يصير

ريم : تقدر تحدد العرس بشهر عشره يناسبك

اسامه : زين نطقتي اللحين بتصل على امي تحجز كل شي ملييييييييييييت

ريم : هههههـــــــ ، خلاص جهزوا كل شي بس هاااااا اتصلوا على أمي وأسألوها أخاف لها رأي ثاني

اسامه : لالالالالالالالالالالا قلتي شهر عشره يعني عشره . يا لله باي بسوي اتصالاتي

=========================================

طلال( ولد أبو راشد ) بالكوت مع صديقه جمال >> جمال أخو جاسم رفيج خالد .

طلال : هلا جمال

جمال : هلا طلال ......... الله اش هالقعده الحلوه نوافير وكافيهات ، ما هقيت مجمع الكوت بهالحلا

طلال : اي اشعبالك ، هذا الكوت

جمال : اقول طلال أنت خالد بن حمد يصير ولد عمك

طلال : اي يا ذكي ما تشوف الاسم متشابهه

جمال : انا اشدراني ...... ما ادقق على الاسامي ... وفوق هذا اكثر من مره أي اتغدى عندكم بالديوانية ما عمري واجهته .

طلال : إي اهو لاهي بالشركة ويسافر علشان الشغل واجد

جمال : زين اهو ملج على بنت عمك وإلا اختك

طلال : لا اختي ........... تبي شي

جمال : لا يا حمش ما بغيت شي .... بس ان شاء الله عن قريب انبارك لك بالعرس

طلال : ان شاء الله ، وانت بعد شد حيلك واخطب .

====================

أم خالد ببيت أخوها تخطط لطلاق خالد >> بشاي الضحي قاعده ام خالد ومرت اخوها ام اسامه يشربون قهوه فرنسية

ام خالد : واي يا سبيجه مت من القهر اشلون لبقوا السالفه وورطوا حمد بسالفة زواج خالد من بنتهم بس والله ماني مخليتهم يتهنون فيه ..... والله لطلقها واخليهم يتفشلون .

ام اسامه : الله يهداج يا نوال ، يمكن البنت زينه وسنعه واخلاقها عاليه ويتقبلها خالد

ام خالد : ابد لو شنو تكون ، ما راح اخليها على ذمته اطلقها اطلقها

ام اسامه : كيفج ولدج وانت حره فيه

ام خالد : اقول سبيجه ، اذا تعرفين بنت وتكون جميله ومن عائله زينه قوليلي عليها

ام اسامه : هوهو ليش من له تبينها

ام خالد : لخالد طبعا

ام اسامه : الولد املج اشلون بتزوجينه ؟

ام خالد : انتي ما عليج ، دوري لي البنت بالمواصفات اللي قلتها وخلي الباجي علي .

ام اسامه >> اسامه يتصل بك : بلغ اسامه امه عن موعد الملجه والعرس وقالها قولي لعمتي ام خالد ، وطبعا تغيرت السالفه من خالد لي ريم واسامه



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 21-02-2010, 06:08 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البــارت السابع
--------------

ستار بكس البدع

خالد : بمشي تأمر على شي

جاسم : اقعد لا تروح ، لين توصل غدير

خالد : وأنا اشغتل عندك خلاص بمشي شربت قهوتي وسولفت معاك يالله باي

جاسم : زين انطر شوي كاهي على وصول توها دازه مسج ، ما احب اقعد بروحي

خالد : يالله وهاذي قعده لين يوصل البدي قادر خو أنت تخاف تقعد بروحك

جاسم :ههاااااا قول اللي تبي بس اقعد

============================

الجامعة : فترة اختبارات الفاينل

بعد ما قدموا الاختبار أماني ونوره مروا كافتيريا كلية الاداب يشوفون غدير لأنه مرام اتصلت على أماني واطلبت منها توصل غدير معاها لأنها ما عندها سيارة

غدير : هلا أماني هلا نوره

أماني + نوره : هلا والله

نوره : اشلون الاختبار معاج بشري

غدير : واي حدي خايفة تدرين آخر كورس وملييييييييت من الجامعه ابي اشتغل

نوره : ان شاء الله تتخرجين وبإمتياز

غدير : اتخرج وبس مابي أي شي خلالالالاص أقول للجامعه عافج الخاطر

أماني : والله ما عندج سالفه أحلى أيامنا نقضيها بالجامعه

غدير : أي هذا لأنج أنتي ونوره توكم سنه ثانيه .......... أقول أماني قالتج مرام ابي احد يوصلني

أماني : اي اتصلت علي ، ما عندي مانع بس أهم شي السواق يرضى

غدير : هااااا وليش ما رضى سايقكم

أماني : الله يسلمج اليوم سايقي نوره

أماني + ونوره : هههههههـــــــــــ

نوره : أوصلج يا غلا ، أنتي آمريني بس وأوديج المكان اللي تبين

غدير : وي فشله .... أنا زوجي الله يهداه وصلني للجامعه وقالي خلي أي وحده من صديقاتج توصلج لستار بكس البدع ............ الأخ مواعد رفيجه خالد هناك وماله خلق يمرني يقول انتي مريني وبعدين نرد البيت مع بعض .

نوره : افا عليج ما طلبتي شي ..... أوصل اماني بيتهم باليرموك وبعدين أوصلج ستاربكس .

غدير : أخاف مو طريجج

نوره : لا يا قلبي طريجي ......... أنا ساكنه بمنطقة سلوى

غدير : اشوه زين

أماني { اقرصت نوره } : يالله نمشي ما نبي نتأخر

وصلت نوره أماني لبيتهم وكملت طريجها للبدع :

غدير : واي نوره اللحين ريلي قاعد مع رفيجه خالد بن حمد عرفتيه ريل صديقة اماني نوره فهد .

نوره : أي

غدير : إن شاء الله يكون موجود هناك ........... واييييي نوره شوفيه اشلون يزوغ مو حرام تأخذه وحده قصير وبطه مثل بنت عمه نوره

نوره : هذا قسمته ونصيبه وكل واحد يأخذ نصيبه بهالدنيا

غدير : اي والله صاجه >>> ومدت إيدها وافتحت الراديو وإلا أغنية عبدالمجيد عبدالله :

لأن بطلتك هيبه كما هيبة ملك
أنا في حضرت ما أملك إلا ارتبك
كل ما تقترب ألهث كأني قد قطعت أميال
لا ناظرتني اهدا و حالي يستقر بالحال
حضورك سيدي طاغي ،و هو يطغي علي
انا من هولت الموقف {خطر يغمي علي
تعزفني بهمساتو كلام اعذب من الانغام
تاخذني من الواقع الى اخر مدى الاحلام
تودعني و تتركني ،وانا بحالت ذهول"
تهرب صورتك مني مع الطيف العجول
استنجد بـ’اوصافك و افشل غالب الاحيان
تخيل اني ما اذكر عيونك ايش من الالوان
وصلت نوره لكافيهات البدع واسفطت سيارتها واهي تغني مع غدير الأغنية وقالت لها : بنزل معاج لازم أوصل البضاعه لراعيها يداً بيد
غدير + نوره : هههههههههـــــــــــ

مشت نوره يم غدير وبعد ما تعدوا مواقف السيارات وبدأت تقرب من طاولات ستاربكس وأدخلوا البوابة وبعدها نوره ارفعت نظارتها الشمسية ودقات قلبها تزيد وتفكر
[[يا ترى للحين قاعد مع صاحبه جاسم وإلا راح ، أول ما أشوفه راح أعرفه ]]

وأهي رافعه رأسها شافت شاب وقف من طاحت عيونه بعيونها وحست بيدها تعرق وقلبها يرجف وشفايفها تنفض >> وإلا
غدير تقول : نوره ... نوره شوفي هذا خالد بن حمد شوفيه واقف يم زوجي .

نوره : هاااااااااااااا هذا خالد

غدير : اي شفتي اشلون يزوغ ، صج تنطبق عليه الأغنية لطلته هييييييييبه

قربوا غدير ونوره منهم : السلام عليكم

ردوا جاسم وخالد : وعليكم السلام

غدير >> لفت على نوره : خلاص نوره مشكوره يا قلبي وصلتيني لريلي

والتفت على جاسم : هاااا وصلت سليم صاغ

جاسم : أي حمدلله

نوره : يالله غدير مع السلامه

خالد : دام اوصلت المره وأنا بعد مع السلامه

اطلعوا كلهم من بوابة ستاربكس وإلبست نوره نظارتها ، جاسم وغدير مشوا للجهه الثانية لمواقف السيارات علشان يروحون بيتهم ، أما نوره ردت لسيارتها تمشى وفي أحد يمشى يمها أمبيه هذا ليش يمشي يمي بوصل السياره وأهو قريب مني أشيبي مني أمبييييييييييه يا قلبي وصلت نوره لسيارتها وخالد يمشي معاها وقريب منها ما تحملت وقفت عند دبة سيارتها ولفت عليه

نوره : نعم ليش لاحقني

خالد : أنا لاحقج ليش ؟؟ أنتي اللي لاحقتني

نوره : نعم نعم ، اشلون انا لاحقتك وانا واقفه يم سيارتي >> واشرت على سيارتها الـ bmw

خالد >>طالعها من فوق لي تحت ولبس نظارته الشمسية: وأنا هاذي سيارتي >> واشر على سيارته الـ البورش اللي نوره صافطه يمها

نوره >> توهقت بس ماراح اتخليه : تعال انت اشلون تقول عني اني لاحقتك

خالد : انتي اللي بديتي

نوره : لا انت قلت اني لاحقتك وهذا معناته انه نيتك شينه فيني صح

خالد : هااا وانتي بعد

نوره : خلاص صار خير اعتذر لأنك شكيت بنيتي

خالد >> ابتسم : اعتذر واانتي بعد تعتذرين لأنج بعد شكيتي فيني

نوره : زين انت اعتذر

خالد : آسف >>> طبعا واهو يصر على اسنانه

نوره : اوكي باي >>> واضغطت على كنترول سيارتها وافتحت الباب واركبت

خالد >> من شافها سوت جذي راح صوب الباب اللي يم السايق ويم باب سيارته وطق على جام السياره

نوره >> آهــ يا ربي شسوي ..... افتحت الجام : نعم

خالد : ما اعتذرتي

نوره : تصدق حاولت اقولها بس ما قدرت ما ادري ليش

خالد >> طلع كرت من جيبه وحطه على كرسي السياره : اذا ما تقدرين تقولينها اكتبيها ودزيها مسج
وبسرعه ركب السيارة وشغلها وشخط جدامها قبل لا تفكر وتقطع الكرت جدامه ، من شافها تمشي مع غدير وقف بسرعه حس شي بقلبه يقول انه يعرفها من زمان شي فيها مميز ما يدري شنو ، واتصل على جاسم >> خالد يتصل بك

جاسم : هلا خالد

خالد : اللحين اللحين تسأل مرتك عن صديقتها اسمها بالكامل كل شي عنها بسرعه خلصني

جاسم : ليش ؟؟؟

خالد : اقولك اسألها !!!

جاسم : غدير شسم البنت اللي وصلتج ؟

غدير : نوره خليفه ......... بس نسيت باجي اسمها

جاسم : سمعت ........... وبعد وين تدرس وبأي سنه

غدير : معاي بالجامعه بس بعدها سنه ثانيه أي وساكنه منطقة سلوى .

نوره >> بعد ما تحركت من مكانها بالمواقف منبهره معقوله يا خالد انت سهل إلي هالدرجه اي بنت تشوفها تعطيها رقمك ، بس احسن كنت متوقعه اني بتعب معاك سهلت على الامر مسكت تلفونها واتصلت على >> نوره يتصل بك

أماني : هلا والله بهالصوت

نوره : أماني أماني أنا بغني طاير من الفرحه طاير .... صدته بسهاله

أماني : هاااااااااااا نوره قولي يالله بسرعه بسرعه شاللي صار وبالتفصيل

نوره >> وكانت تسوق السيارة وادخلت بمنطقة سلوى شارع سلوى علشان تضيع خالد اذا كان لاحقها وعلى طول الاشارة تحت الجسر يسار والخط السريع رايحه للرقة وكانت تسولف وتقول لأماني اللي صار كله

اماني : معقوله نوره صج والله ما اصدق اشلون بهالسهاله

نوره : ما ادري بس والله هذا اللي صار .... ابي منج خدمة بليييييييز أماني

اماني : امري يا قلبي

نوره : ابي خط ايزي بأسم هندي

اماني : هههــــــــــ ليش

نوره : اماني اشفيج تبيني اكلمه بتلفوني واهو مسجل باسم ابوي ؟

اماني : اهاااااااااااا اللحين فهمت ...... اوكي باجر ما عندنا اختبار تعالي معاي نفطر بمرينا مول

نوره : ليش ؟؟

اماني : نفطر بمطعم بمرينا مول وبعدين نروح مجمع منيرة فوق بالدور الثاني محلات تلفونات انا اتعامل مع واحد يعطيني خط ............. اوكي

نوره : اوكي .......... الوعد الساعه 9.30



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 21-02-2010, 06:10 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البارت الثامن
--------------



ثاني يوم الساعه 9.30 صباحا – مطعم living room مرينا مول ( نوره وأماني ما كان عندهم اختبار بهاليوم ) وكانوا قاعدين يتفطرون بالمطعم

أماني : نوره ..... بعد ما تشترين الخط ....شنو ناويه عليه

نوره : اتعرف عليه طبعا

أماني : ليش ؟؟ شنو تبين منه ؟

نوره : اماني اشفيج .... ابي اتعرف عليه ومع الوقت لابد بيقولي عن سالفه زواجه وأبي اعرف منه اهو الصج ما أبي اظلمه من حجي رفيجه علشان اذا تصرفت ما أكون ندمانه .

اماني : وشنو تقصدين بالتصرف

نوره : ارد له المهر واطلب الطلاق وأقول لأبوي وأمي السالفه علشان افشله وافضح امه

اماني : واي نوره واشلون بتقولين لأمج وابوك انج تكلمينه واهو اللي قالج

نوره : هااااااااا ما ادري .... اماني خليها بوقتها اشوف لي حيله

أماني : ديري بالج يا نوره لا ينقلب السحر على الساحر

نوره : اقول متى بنروح ناخذ الخط وبعد بشتري تلفون ثاني غير اللي عندي .

أماني : نطري شوي بس تصير الساعه 10.15 نروح

بعدها قامت نوره واماني واطلعوا بره مجمع مرينا مول واخطروا الشارع وراحوا مجمع منيره الدور الثاني وفي محل الهواتف >>

أماني : هلا أمير اشلونك

أمير : تمام انتي اشلونج

أماني : الحمدلله ..... اقول امير ابي خط بأسم هندي

أمير : ليش ... حطي الخط بأسمج

أماني : لا انا ابيه ضروري ومو بأسمي

أمير : خلاص انا اعطيج خط بس مو بأسم هندي بأسمي

أماني : يعني مكحلها أنت باكستاني

نوره : بعد أبي تلفون نوكيا

شرت نوره الخط والتلفون وشغلته وبسرعه دزت مسج

{ تصدق حاولت اكتب الكلمه بس ما قدرت لأني متأكده إنك لاحقني }



خالد بهالحزه كان بمحل الاجهزة الكهربائية اللي تابع لشركتهم اللي بالسالمية يتكلم مع مدير المحل حسام :

حسام : استاذ خالد .... نحنا بدنا نغير من ديكور المحل ... انت بتعرف هيدا اقدم محل للشركة وكتير الارفف صارت مهتريه .

خالد : اي حسام .... انا كلمت شركة ديكور واليوم بيمرك المهندس مدحت علشان يشوف المحل ويأخذ القياسات وهذا رقمه علشان تتصل عليه وتنسق معاه الشغل .>> طلع خالد تلفونه علشان ينقل حسام الرقم وشاف جايله مسج فتحه ما عرف الرقم لكن عرف صاحبته . .... بسرعه عطى الرقم حسام واستأذن منه وراح السيارة يفكر يرد بمسج او يتصل .

حرك سيارته متجه لمجمع مرينا مول مواعد صديقه الدكتور احمد بستار بكس >> بسرعه سفط السياره بمواقف مرينا ونزل ركض لستار بكس لأنه احمد حرق تلفونه بالاتصال

خالد : هلا والله احمد اشفيك جم اتصال

أحمد : وعليكم السلام يا أخي تأخرت .... وتدري اليوم ما عندي دوام وقلت بقعد معاك على راحتي واسولف معاك خبري فيك من زمان وحضرتك تتغلي على ما وصلت .

خالد : كاني دخلت المجمع وينك

احمد : ويني يعني ... بستار بكس قاعد قبال محل H&M

وصل خالد لأحمد وسلموا على بعض واقعدوا يسولفون وقام أحمد علشان يطلب ، كانت نوره وأماني توهم رادين من مجمع منيرة وداشين مجمع مرينا بيمرون محل جس guess وأول ما صاروا قريب من محل H&M لمحها خالد >>> وبسرعه
الانتقام يتصل بك

نوره : أماني .... أماني شوفي خالد يتصل

أماني : ردي عليه مو هذا اللي تبينه ؟

نوره >> خذت نفس عميييييييييييق يا ربي والله اول مره اكلم شاب ..... بس شيلي هالفكره هذا زوجج : آلـــــــــو

خالد : هلا والله .... تدرين انا اللحين اللي متأكد انج انتي اللي تلحقيني

نوره : أنا ليش علشان دزيت مسج

خالد : لا لأنج تشوفيني وين اروح وتلحقيني ...... وإلا ليش يايه مرينا

نوره >> وقفت منبهره : وين ؟

خالد : قبالج بستاربكس

نوره >> شافته : ممممممم انت من متى أهني .

خالد : صار لي 10 دقايق من وصلت ليش ؟

نوره : لأني أنا من الساعه 9.30 بالمجمع ههههه طلعت انت اللي لاحقني يالله تأسف مره ثانيه

خالد : اتاسف ليش لا ........ بس لا تحرميني من سماع صوتج مره ثانيه

نوره : .............. عضت علي شفايفها واهي تطالعه

خالد : آآآآسف ......... راضيه .

نوره : اوكي راضيه

بهالحظه وصل أحمد لطاولة خالد وحط القهوه وشاف من بعيد أماني بنت خالته >> وتذكر أمس كانت أمه مشاورته ليش ما يخطبها واهي بنت خالته ، أماني عمرها 19 سنه ، وطولها 165 سم ، وجسمها روعه وكانت بيضه تميل للصفار وتتميز بدورة وجها وحلوه :

أحمد >> هد خالد وراح لأماني : أماني أماني

أماني : هلا أحمد اشلونك

أحمد : هلا أماني انتي اشلونج

أماني : الحمد لله طيبه

أحمد >> توهق البطل ما يدري شنو يقول بس امبحلق عيونه

خالد اول ما شاف أحمد متجه لنوره ورفيجتها خاف شالسالفه ؟؟ أحمد من الصدمه التفت لخالد : خالد خير

خالد : انت اشفيك

أحمد : لا ابد بس اسلم على بنت خالتي ........ يالله اماني مع السلامه وسلمي على خالتي

أماني : الله يسلمك يوصل ان شاء الله .

نوره لأماني شفتي اللي مع ولد خالتج هذاااااااااا خالد

أماني : حلفي >>> أماني ونوره كملوا طريجهم وسوالفهم ، وأحمد وخالد ردوا لطاولتهم

أحمد : خالد قولي شخبارك ومتى العرس ان شاء الله يا أخي تزوج علشان تشجعنا نتزوج عقبك

خالد : الله يخليك أحمد لا تيب طاري العرس

أحمد : عسى ما شر

خالد : أبد ما شر ، مأجل العرس بس .

أحمد : زين قولي روتينك يا حلو عقب ما مسكت الشركة

خالد : من الصبح إلى الساعه 3.30 بالشركة وأريح بالبيت ساعه وعقبها للنادي والليل أقزره مع جاسم وإلا بديوانية خالي ابو اسامه ..... مرنا أحمد

أحمد : والله يا خالد الدوام مأخذ كل شغلي تدري دكتور ، بس بأحاول ودي أشوف جاسم خبري فيه من زمان .

خالد : عاد والله يا الشغل بس قاعد تشلع بضروس الاوادم

أحمد : هذا انت المثقف نظرتك لي جذي المتخلفين شنو يقولون

خالد : هههههههــــــــــــــ اتغشمر

=========================



المسااااااااااء بغرفة نورة >> قاعده ورا المكتب تدرس .


تلفونها الثاني يرن >> الانتقام يتصل بك

نوره >> لازم نفس عميييييييق بالاول : ألوووووو

خالد : ....................

وبدأت المكالمات بين خالد ونوره ، كانت نوره صادقه بكل كلمه قالتها لخالد آمالها أحلامها روتينها اليومي شنو تحب وتكره وشنو تقرأ وتشوف من الافلام وتسمع كل شي نوره صادقه فيه ألا ........... أهلها صورت لخالد بيت خالها خليفه بن عبدالله انه أهو بيتها .
وخالد ما خش شي عن نوره كل شي تكلم عنه ما عدي سالفة ملجته



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 21-02-2010, 06:12 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البارت التاسع
------------------


اتصلت أم راشد على أم خالد >>>

ام راشد : السلام عليكم ام خالد

ام خالد >> بنفس : وعليكم السلام ام راشد

ام راشد : ام خالد اعزمج على اطلوعت جنتي مرت راشد من النفاس يوم الخميس ان شاء اهلب .

ام خالد : امممم حمد لهل على سلامتها ، شنو يابت

ام راشد >> الحمدلهط والشكر هذا وانا متصله عليها ومبشرتها : الحمد لله جابت توم بنت وولد

ام خالد : اي مبروك ما ياكم ، بس واه.. يا ام راشد اعذريني ما اقدر اي عندي استقبال من اهلي

ام راشد : عذرج معاك يا ام خالد ............. مع السلامه

ام خالد : مع السلامه

===========

الخميس : عزيمة طلوعت هند من النفاس وردتها من بيت اهلها لبيت حولتها ، كانت العزيمه كبيرة لأنهم أول عيال راشد ( توأم فهد ونوره )

بغرفة نوره العصر بعد ما أخذت شاور وصلت الكوافيره اللي مواعدتها اهي ومرت اخوها فايز تهاني ، ما كان لها خلق تطلع للصالون وخاصه انها تحط مكياجها بنفسها فما يحتاج تروح علشان تسوي شعرها >> طقت الباب الخادمه

نوره : نعم

الخادمه : هاذي كافيره يجي

نوره >> افتحت الباب : كافيره عاد ...... هلا سوسن تعالي

سوسن : اهلين كيفك نوره ان شاء الله تكوني منيحه

نوره : منيحه يا قلبي

سوسن : شو بدك اعمل الك بالاول الماكياج او الشعر

نوره : لا أنا اليوم بس شعري وتهاني شعرها ومكياجها

سوسن : اي وينا تهاني

نوره : بالاول خلص شعري وبعدين اطلعج شقة تهاني فوق

سوسن : اوكي شو بدك اعمل بشعرك

نوره : استشوار عادي وارفعي لي من فوق بف

سوسن : اوكي

تهاني >> تطق على الباب وتدخل : وصلت سوسن

سوسن : اهلين مدام تهاني

تهاني : هلا سوسن ، نوره اذا اخلصت سوسن منج خليها تطلع عندي فوق

نوره : اوكي انا توني قايله لها

تهاني : نوره ............. ما حددوا عرسج ؟

نوره >> حست بنغزه بقلبها : لا بعد ما قالوا شي بس الاكيد بعد رمضان تدرين اغلب الناس مسافره بهالوقت بعد عطلة الصيف

تهاني : زين تبي تجي مرت خالي حمد العزيمه

نوره : ما ادري امي اتصلت عليها واعزمتها بس هذا اللي اعرفه >> طبعا نوره قالت لها امها ان مرت عمها اعتذرت

تهاني : زين انا صاعده شقتي باي

نوره : باي

المساء : كانت صالة الاستقبال ببيت ابو فهد مزحومه بالناس اللي اعزموهم بسلامة هند وطلعتها من النفاس وكان اغلب الحريم يسألون عن زوجة حمد ام خالد وليش ما جت العزيمه واهي اللحين صارت نسيبتهم ؟؟ هالشي حز بخاطر نوره >>> وصممت انها تنهي الزواجه بسرعه


==============

الساعه 12 بالليل نوره ردت لغرفتها واهي تعبانه يالله خذت لها شاور علشان تريح جسمها من بعد تعب العزيمه ، طرى على بالها خااااااااالد >> وراحت شافت تلفونها الخاص بخالد وكانت حاطته على الصامت إلا .............. 20 مكالمه مس كول وبسرعه اتصلت على خالد >> نوره يتصل بك وبسرعه رد

نوره : هلا خالد

خالد : وينج صارلي ثلاث ساعات اتصل عليج ولا تردين

نوره : خالد اشفيك اسم اهاع عليك ......... انا قايله لك عندي استقبال

نوره : اول شي التلفون كان كان الصامت وبعدين مو لازم اكلمك كل يوم

خالد : شنو ؟ شنو مو لازم ؟ ................. نوره تدرين انتي شنو بالنسبه لي اللحين

نوره : لا انت ما قلت

خالد : نوره واه م قمت ما اقدر انام إلا لما اسمع صوتج ، صورتج ما تفارقني ، ليش لما اتذكرج احس بنغزه بقلبي انتي شنو مسويه فيني

نوره : ما سويت شي هذا احساسك انت

خالد : تدرين ............ احبج

نوره : بسرعه جذي احنا ما صار لنا شهر نعرف بعض

خالد : نوره انا جاد بعلاقتي معاج ............ ما هي سوالف ليل

نوره : اكيد خالد

خالد : اكيد

نوره : زين ليش خاش عني انك مالج على بنت عمك ؟

خالد >>> سكت شوي : انا ادري ان غدير زوجة جاسم رفيجتج واهي اللي قالت لج ان مالج

نوره : كنت اتمناها تطلع منك .............. مو غدير اللي تقولي

خالد : صدقيني يا نوره تراها مجرد حبر على ورق وراح اطلقها

نوره : ليش اهي شنو سوتلك

خالد : انا انجبرت عليها ما ابيها ، علشان ابوي بس ملجت عليها وراح اطلقها عن قريب صدقيني نوره ما اقدر اظلم بنت عمي معاي وانا ما ابيها ، وأمي بعد ما تبيها بالمره

نوره : انت لما شفتها ليش ما قلت لأبوك انك ما تبيها

خالد : انا ما شفتها ولا أبي اشوفها

نوره : يمكن اذا شفتها تغير رأيك

خالد : خلاص يا نوره انتي اللي بالقلب اللحين وبنت عمي بطلقها والله يرزقها

نوره : شسمها بنت عمك ؟

خالد : هههههه شفتي الصدق بنت عمي نوره وحبيبة قلبي نوره

نوره >> اضحكت مجامله واهي تحترق من الداخل

خالد : نوره مشاق اشوفج

نوره : ممممممممممم انا بعد ولهانه على شوفتك

خالد : اشرايج باجر

نوره : لا تحلم

خالد : ليش ؟

نوره : حبيبي

خالد : آآآخخخخخخخخخ قوليها بعد مره ثانيه

نوره >> حست الكلمة اطلعت منها عفويه : ...........

خالد : ليش ساكته قوليها تكفين ابي اسمعها مره ثانيه

نوره : حـ حـ حبيبي

خالد : آآآآهــــــ حياتي بشوفج مشتاااااق

نوره : خالد ...صحيح اني اسوق سياره بس هذا ما يعني اني اطلع على كيفي السياره بس للجامعه ، واذا بطلع اي مشوار مع امي او وحده من حريم اخواني بالسايق

خالد : يعني شنو ؟ انتي اللحين بإجازة الصيف ما اقدر اشوفج بالمره

نوره : لا تقدر ، يوم الاحد يبدأ الكورس الصيفي ، وأنا استأذنت من أمي أروح سوق شرق بعد ما اطلع من الجامعه

خالد : ليش اشعندج بشرق ؟

نوره : بمر دبنهامز بأخذ عطر

وتموا سهرانين لي الفجر

==============

يوم السبت بعد المغرب بيت أماني صديقة نوره زارت أم احمد أختها أم يعقوب

ام يعقوب : هلا واهطت ، اليوم مارتني اشعندج

ام احمد : ما عندي الا الأخبار اللي تفرح

ام يعقوب : خير اللهم اجعله خيراً

ام احمد : شوفي عاد يا أختي أنا يايه وطالبتج ما ترديني

ام يعقوب : بشنو تأمرين

ام احمد : أنا يايه اخطب أماني لولدي احمد

ام يعقوب : صج واه ش ، وانا موافقه خلاص على بركة الله

ام احمد : اشفيج وافقتي على طول وين رأي البنت وابوها

ام يعقوب : ابوها ياقلبي يعز احمد ولا يمكن يرده ،واماني ما عليج منها بتوافق

ام احمد : لا واهقم يا أختي ، ما تغصبين اماني حلفتج بالله ، اخذي رأيها وشاوريها

ام يعقوب : ان شاء اهوأ موافقه ، وين بتلقى مثل احمد

وتمواااااااااااااااا يسوووولفووووووووووون



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 21-02-2010, 06:14 PM
كل الحلا والزين كل الحلا والزين غير متصل
©؛°¨غرامي جديد¨°؛©
 
الافتراضي رد: حبيب الحب : خالد ونوره


البــارت العاشر
--------------




صباح يوم الأحد : من الصبح وصل مسج لنوره { ناطرج على نار ، والوعد الساعه 11.30 }

نوره تمغطت وأهي بفراشها تتذكر كل كلمه قالها لها خالد ، وقلبها محتار اللي تحس فيه حب أو نصر بالأنتقام حاااااااااااااااير يا قلبي حاااااااااير ، وبسرعه قامت وأخذت شور وحطت كريم حمايه وماسكرا وكحل خفيف وقلوس وطلعت جينز مع قميص أبيض طويل والبست عليه أكسسوار من ألدو وطلعت جنطتها الغوتشي مع شحاطته، وأنزلت على طول ومرت صالة المعيشة

نوره : السلام عليكم

ام راشد وطلال : وعليكم السلام

طلال : على وين ان شاء الله ؟

نوره : اليوم أول دوام الكورس الصيفي

طلال : جم الساعه محاضرتج ؟

نوره : من الساعه 9.30 إلى الساعه 11.00 , وأنت ليش مو مداوم

طلال : اليوم تبدي إجازتي ، وبسافر العمره مع ربعي بالسيارة تبين ادعيلج

نوره : اي والله يا طلال دعوه أبيها من قلب ، ان الله يسر أموري كلها وأنجح ويصير اللي بالي مثل ما أبي

طلال : بالله شنو اللي ببالج

نوره >>> توهقت : يعني شنو كل شي أبيه الله يحققه لي مهما كان هذا قصدي

طلال : زين بدعيلج بس ترا مو بلاش

نوره : استغفر الله دعوه بفلوس هونت ما أبيها

طلال : هههههههــــــ بعد طلباتج اشكثر اشلون اتذكرها

نوره : أنت بس قول يا رب حقق لنوره كل أمانيها .

أم راشد : متى بتمشي ؟

طلال : انطر ربعي اللحين بيمروني ، سلمت على الوالد قبل لا يطلع وراشد وفايز اتصلت عليهم .

نوره >> بعد ما شربت القهوه العربيه والتمر قامت حبت أخوها : يالله مع السلامه انا ماشيه بروح الجامعه وأنت تقبل الله طاعتك لا تنسى الدعاء .

أم راشد : الله يحفظج ، ديري يالج بالطريج .

============================

أماني ونوره بالجامعه مأخذين مع بعض نفس المادة بالكورس الصيفي

أماني : هلا نوره ، وييييييييييييه الويه ينور

نوره : عيونج الحلوه يا قلبي

أماني : لالالالالالالا أنا اعرفج مبين عليج شي

نوره : أمشي حر خلينا نروح قاعة المحاضرة وأقولج

أماني : نوره من صجج لا تتهورين قلنا تلفون علشان تعرفين بنفسج السالفه وما تبين تظلمينه بس شنو سالفة المواعد

نوره : ما ادري ؟ لا تسأليني

أماني : نوره عطيني الخط وخلاص بجذي تنتهي السالفه وأطلبي الطلاق قبل لا أهو يطلقج مو هذا اللي تبينه ؟ أو اعترفيله وشوفي شنو موقفه منج .

نوره : لا ، بعد ما أنتهت السالفه ، أبيه يعرفني عدل علشان يندم على الكلام اللي قاله عني . أبي أعرفه منو نوره بنت عمه فهد ........... مو البدويه اللي أمه عطته فكره مهي زينه عني وأني ما أناسبه لأنه حياتي تختلف عن حياته ، لالا يا أماني إحنا صج اصلنا بدو بس متحضرين من زمان ندرس ونسوق ونشتغل ونلبس الغالي والماركات ونسافر وعقلنا متفتح ............ محنا متحجرين .

أماني : يا خوفي يا نوره باجر تندمين

نوره >> عضت على شفايفها : .........................والفكر بعيد مع هالقلب اللي كل ما فكر بخالد حست بنغزه .

أماني : نوره ......... سكتي ما قلتج على آخر أخباري

نوره : شنهي آخر أخبارج

أماني : انخطبت ........................................

وبعدها دخل الدكتور للقاعه ..............

============================


ســـــــــــوق شــــــــــرق: عند بوابة دبنهامز كان خالد قاعد بالكراسي اللي تحت الدرج المتحرك ينطر

نوره ............. فز قلبه اول ما شافها داخله من البوابه وشق الابتسامه . مشت نوره إقباله وشافته وعينها بعينه ، قام ومشى يمها وادخلوا محل دبنهامز


خالد : هلا حياتي ، منوره يا نوره

نوره : هلا خالد ، تعال صوب هالعطور أبي أشوف العطور .

خالد : بلحقج وين ما تروحين من غير ما تقولين

نوره >> ابتسمت له : شم هالعطر ، كارتير غرامي أعشقه كل مره أخذه

خالد : اي اكثر تعشقين أنا وإلا العطر

نوره >>> قلب وجها احمره : تعال بأخذلك العطر الرجالي منه ابيك تستعمله

خالد : دامج تحبينه بأحبه معاج

نوره>> لفت على البياعه : العطر الرجالي ابي منه اثنين والنسائي واحد

خالد : ليش اثنين

نوره : واحد لك والثاني لي برش منه كل يوم على المخده علشان اذا اتصلت اسمع صوتك واشم عطرك

خالد : دايم جذي انا بعد ابي من عطرج أبي اشم ريحتج ، معنج دايم معاي بكل مكان >> ولف على البياعه وقالها : العطر النسائي اثنين

حاسب خالد قبل لا نوره تقرب من الكاشير ، وأصعدوا الدور الثاني لدبنهامز صوب ستاربكس وأقعدوا يسولفون وبعدها استأذنت نوره علشان ما تتأخر والوعد بالتلفون بالليل .


================


علاقة خالد بنوره تطورت بشكل سريع ، وكانت محلفه خالد أنه ما يعلم أحد بعلاقتهم أقنعته علشان محد يحسدهم أو يوصل الحجي لأهلها ، بآخر شهر سبعه سافرت ام خالد وريم ودلال وأبو خالد ايطاليا اسبوعين يتشرون لجهاز ريم وخاصه انهم حددوا زواجها بآخر شهر عشره اكتوبر . وردوا بمنتصف شهر ثمانيه اغسطس .


أعلنت خطبة أماني لولد خالتها الدكتور أحمد بشكل رسمي وأتفقوا أن الملجه ثالث ايام عيد الفطر .


==================



الرد باقتباس
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم