اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 05-03-2010, 11:49 AM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي بداوي روحي بروحي وبتم فيني جروحي


||×× بـداوي روحـي بـروحي و بتـم فيني جـروحي ××||
×للكـــاتبـه× ||أمورة دبي||

رووعة ولكن لا تخلو من الخيااال

انا جيت اعشقك نبض و مشاعر ما اعشقك ( تمثـال )
انا جيت اسكنك واحيــــــــــاك , و ابقى فيك وابقى لك

××فـ الطيـارهـ××

قبل الاقلاع بربع ساعـهـ .. كانوا الناس سايرين رادين مثل النمـل .. الي يدور مكانه و الي يحط شنطته و الي و الي و الي .. كان من بين هالناس ^عزوز^ يالس يرمس امه فـ التلفون و يطالع اخوه حارب الي يتصارع ويا شنطة الجيتار مالت عزوز .. غيض عزوز و هوه يرمس امه: ان شالله امايه ... لا توصين ... ان شالله ان شالله ... يبلغ ... و انتي بعد سلمي ... الله يحفظج

بند عن امه و قام صوب حارب: ايييه اييه شو تسوي

حارب بتحرطم: كل ماحط الشنطه اترد اطيح شو هاا

عزوز يشل عنه: قوم لا بتكسره الله يغربلك

حارب يلس ع الكرسي: سير لااا الناس اتسافر عسب تستانس مب اتلصق جيتار ع ظهروها

عزوز: اقول انطب بس

حارب: عزوز؟ بلاك معصب؟

عزوز: ماشي قلتلك اسكت

حارب: اوف انزين .. رشود وينه سار و مارد؟؟

عزوز: بسير اشوفـه

بعد ما حط الشنطه سار فـ نص الزحمه يدور رشود ولد عمه .. شنطه كانت محطوطه ع الارظ و تخرطف بس ماطاح و دعم بجتفه البنيه الي جدامه و طاحت شنطة البنيه .. شل الشنطه و توه بيعطيها اياها .. انصدم مكانهـ من شافهـا...!؟!؟! كان بوده الارظ تنشق و تبلعه ويهه حمر و اتغيريت ملامحه ماتوقع ابد انـه يشوفهـا .. امـا هيـه...؟!؟ حست بحرارتها مرتفعه و ويهها محمر من الصدمه و حست بعوار فـ قلبها بس بسرعه سحبت شنطتها من ايده و هيه تحاول قاومت هالشعـور الي هوه باختصار " الشـوق " ..

ردت لمكانهـا و هيه الدمعه فـ عينها .. جان تقولها فطامي بنت خالها: هنود بلاج؟

هنادي: ماشي وين جواهر؟؟

فطامي تعدل عكازها: جواهر سارت الحمام ..

هنادي: اهـا ..

ميود: فطوم يودي هالككاو و حطيه جدامج

فطامي: ها مال جواهر؟

ميود: هيه .. ياحظهم قوم اميه حصلو مكان فـ البزنس والا نحنا دوم حظنا نحس

فطامي: مثل ماقلت دوم ..

لفت هنادي الصوب الثاني و مسحت دمعتها و تحس بحزن مخلوط ويا فرحـه انها ردت اتشوفه مره ثانيـه مع انه جروحهـا تزيد و تزيد من تذكـرهـ .. بس لين الحينه عهدها على نفسها بيتم عهـد .. بداوي روحهـا بروحهـا و بتـم فيهـا جروحهـا..........؟!؟!؟!؟؟؟؟

نرد لـ سنـهـ طافت عليهـا مثل الدهـر .. كلهـا احداث و احزان و افراح و طيبه و جحود بس ارادتهـا خلتهـا تصبر ع هالاشياء و تتغلب ع حالتهـا النفسيـه الي ادهورت .. اخليكم ويا الاحداث الي طافت .. و من هنيـه تبدا القصهـ ..

نبـدا القصـهـ ..

××.. الجــزء الاول ..××

قبـل مرور سنـه ....؟!!!

ظهرت هنادي من حجرتها و نزلت و هيه تركظ ع الدري عسب اتسير بسرعه صوب مايد و هيه ع آآخر 3 عتبات من الدري طاحت ع اختها العوده جواهر قالت جواهر: هييي هييي بلاج

هنادي اتقوم بسرعه: ماشي بسير عند ميـود

جواهر: هيه عسب التلفون؟؟ حشى مب تلفون يخليج تراكظين جي

هنادي: مب وقتج والله

و سارت تركظ صوب الباب بس انصدمت ما شافت ميود حطت ايدها ع خدها: اويه وين سار؟؟

دشت داخل و يلست ع الدري و هيه تتـأفف .. تريته ما يا جان تقبظ تلفونها و تتصل فيـه: ميووود انته وين؟؟

ميود يستعبط: ان الميود الذي طلبته ليس موجود حاليـاً يرجى الاتصال فيما بعد

هنادي: ميوووود وين مبايلي؟؟

ميود: حشى مب مبايل هاذا عسب تصيحين عشانه؟؟

هنادي منقهره: ما صحت انا يلا وينـه؟؟

ميود: شو هوه؟

هنادي عصبت: تستعبط؟؟ مبايلي اليديد وينووه؟؟

ميود: ههههههه ما اشتريته

هنادي انصدمت: شوو؟؟ والله انك حمار

صكت فـ ويهه و هيه مغيظه .. "والله اراويك يا ميود تقص عليه" .. سارت صوب المطبخ و شربت ماي من الغصه سمعت صوت باب ينصك حطت القلاص ع الطاوله و سارت صوب الباب مالقت حد .. اتصلت فـ ميود بعد مره مارد عليها عصبت من الخاطر و سارت فوق حجرتها و هيه تسمع صوت باب حجرة ميود يتسكر .. توها بتسير صوب حجرته بس دشت حجرتها عسب تحط مبايلها فـ الجرج ..
شافت جيس لونه وردي كله عليه ورود .. سارت صوبه بطلته شافت داخله بكس مغلف طلعته من الجيس و بطلته شافت المبايل الي كانت تباه زاعجت مستانسه جان تظهر برع الحجره صوب حجرة ميود و دشت على طول جان يزاعج ميود: ابدل الله يغربلج

طلعت هنادي من الحجره و ماتت من الظحك: ههههههههههههههههههههه

شوي و بطل الباب و هوه اونه معصب: نعـم؟

هنادي باسته ع خده و اطالعته بنظرات بريئه اونه: مشكوور ع المبايل

ميود: هيه الحينه مشكوره و توه حمار

هنادي: ههههههههههه فديتك ياخوي

ميود: هههه انزين يلا جلبي ويههج ابغي ارقد

هنادي: سير ارقد الله يهنيك فـ رقادك ان شالله

ميود يبند الباب: لازم لازم الحينه حصلت الي تباه

ظحكت هنادي و هيه سايره حجرتها: مب شرط لول

دشت حجرتها و حطت البطاقه فـ المبايل ويا البطاقه و حطته فـ الجرج شويه و وصلها مسج "تعال شاركني شوق لك كتمته .. وفي ضلوعي اسمك والله نقشته .. وبوسط الحشى خيالك رسمته .. وفي عيوني طيفك اللي لمحته .. ومبسمك اللي كلام منه سمعته .. فيك شي يجذبني لك وما عرفتة ؟"

ابتسمت و حطت التلفون ع الطاوله و سارت حجرة امها و دقت الباب و دشت شافت امها يالسه تتدخن: ماماا؟ وين سايره؟؟

ام مايد: سايره بيت عمتج ساميه

هنادي: ليش عندهم عزيمـه؟؟

ام مايد: عازمين وحده من هل العين ربيتعتنا لانها راده من لندن

هنادي تتدخن ويا امها: ليش؟ بلاها

ام مايد: اسميج فظوليه .. مسافره علاج حق ولدها

هنادي: احلى شي فيني فظولي اصلن .. انزين ماما ابغي بيزات حق الرصيد

ام مايد: لا اله الا الله ييبي بوكي

هنادي سارت يابت بوكها و عطتها جان تعطيها امها 50 و قالتها: ما عندي خرده الحينه .. خلي هاي عندج .. مب اتيني عقب 3 ايام تقوليلي رصيد حشى ترمسين منو هالكثر

هنادي ترمس لبناني: رفيآآتي ماما شو بكي؟؟

ام مايد: تفداج البيزات دامج يبتي هالنسبه الزينه

هنادي: فديتني

ام مايد: لو كنتي داشه علمي وايد بيكون احس

هنادي: خليت العلمي حق جوجو

ام مايد: يلا ماباقي شي و تبدا الدوامات .. صح متى بتسجلين؟؟

هنادي: اويــــــه نسيت اقول حق ميود

ام مايد: ميود؟ ميود بتطين لين ما يتعنالج و يسير

هنادي: خلاص بقول حق بابا

ام مايد: هيه ابوج اي شي منه مب ميود

هنادي ظهرت من الحجره و سارت صوب حجرتها شافت جواهر تدور شي فـ مكتبها ..

هنادي: شو ادورين؟؟

جواهر: اوراقي قلت يمكن البشاكير حطوهم عندج

هنادي: شو من ذكاء عليج شوو بييبه حجرتي؟؟

جواهر: ترا حطيته فـ الصاله

هنادي: مادري .. المهم بسير بيت خالي حميد

جواهر: سيري الحقي ع الظرايب بين حريمه

هنادي: وييييدييييه بعدج راقده؟؟

جواهر: ليش؟

هنادي: الحينه خالي ان وحده اظاربت ويا الثانيه حالف يطلقها و كل وحده ميوده عمرها عن تظارب ويا الثانيه ..

جواهر: اويـه .. امسات سايره المستشفى شفت لطيفه هناكي

هنادي: شو مودنج المستشفى؟؟

جواهر: لا بس كنت سايره ويا خلود المستشفى لانه ظهرها كان يعورها

هنادي تلبس شيلة البيت: هيــه

جواهر: وين سايره؟؟

هنادي: بسير عند فطامي

جواهر: هيـه

هنادي: ههههههههه تعالي وياي

جواهر: ليش تظحكين؟؟

هنادي: خاطرج تسيرين اعرف

جواهر تغير السالفه: يلا متى بتسيرين تقدمين ع السواقه

هنادي: ههههه مشكله الي يغيرون السالفه .. عقب اسبوعين

جواهر: اوكي

هنادي تغمزلها: ابلغ سلامي للحبيب؟؟

جواهر تعدل نظارتها الطبيه: سيري ولي لااا

هنادي ظحكت و قالت:يلا برع

جواهر: صبري بدور اوراقي

هنادي: مب وقتج يلا برع

جواهر: اووف انزين

سارت هنادي صوب تلفونها و غلقته و خلته فـ الجرج .. زقت البشكاره و سارت مشي صوب بيت خالها ويا البشكاره ..

بيت خالهـا حميد و خالها ثاني و بيتهم فـ نفس الفريج بس بينهم مسافات شويه .. و عندها خاله اسمها بشرى و بنتكلـم عنهم عقب ..

...

××عايلـة بو مايـد××

بو مـايد .. سـالم .. حياته شغل فـ شغل بي يحاول قد ما يقدر انه ما يقصر ع عايلته الصغيره حنون و طيوب ..

ام مـايد .. شمسه .. حرمه عاقلـه و تحب عيالها بس فـ نفس الوقت تحاول تكون شديده ويا عيالها عشان يصطلبون .. و دوم ويا ساميه اخت ريلهـا .. تشغل اخصائيه فـ مدرسه ..

مـايد .. 22 سنـه .. حبووب راعي سوالف .. يدرس فـ جامعة الشارجه الامريكيه .. و حالياً يقنع هنادي اتي وياه ..

جواهر .. 19 سنـه .. عاقلـه ع امها تفكر بعقلانيـه .. تقدر تتحكم فـ عواطفها عكس هنادي الي عواطفها تحركهـا .. تدرس فـ جامعة الغرير ..

هنـادي .. 18 سنـه .. مرحـه كله تظحك ماتخلي للحزن مكان فـ حياتهـا .. فظوليـه لول .. رومنسيه لدرجه فظيعه و حالميه وايـد .. خلصت الثنويه العامه بنسبة 91.2 ادبي ..

...

وصلت هنادي بيت خالها حميد و هيه داشه البيت كان باب الحوي مفتوح و شافت سيارة هزاع ولد خالها تشتغل .. روحت البشكاره .. و مشت ولا جنه شي مستوي مره وحده ردت السياره ع رييوس بسررررررررررررعه .. زاعجت هنادي لانه كانت بتدعمها و طاحت ع الارظ قبل لا توصللها السياره وحست براسها يدور و غمظت عينها فجأه .....!!!!

××نهـاية البـارت××



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-03-2010, 11:53 AM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


نورت شمعة حياتي يوم شفتك يا غناتي .. حقيقي لي امنياتي ابتدى عمرن جديد .. الصبا في راحتيك والشفى في شفتيك .. والحنان اللي بعنيك ذوب أيام الجليد ..

××.. الجـزء الثــاني ..××

نزل الي كان فـ السياره يركظ صوبهـا .. و تم يهزها: هناادي هناادي

بطلت هنادي عينها و هيه تقول: شو مستوي؟؟

سعيد: ههههههه ماشي بس حبيت اسوي فيج مقلب و انتي قلبج رهيف مايروم ع المقالب

هنادي ميوده راسها: الله يغربلك ان شالله آآآخ راسي

سعيد: ههههههههههه والله يا هنادي اظحكين

هنادي عصبت من مصخرته: قوم قوم عني

دزته و قامت و هيه تعدل شيلتها و ميوده راسها لانه يعورهـا ..

سعيد سار وراها: هنادي هنادي

لفت صوبه: ها؟

سعيد: زعلتي؟؟

هنادي: ها؟ "فجـأه ظحكت" ههههههههه لا شو ازعل بس حركتك بايخه عورتلي راسي

سعيد: والله آآسف تبيني اوديج المستشفى؟؟

هنادي: ههههههه لا مشكور بسير عند فطامي

سعيد: فطامي محد

هنادي: عيل وينها؟؟

سعيد: سارت العياده تغير لون تقويمها

هنادي: اويـه ما خبرتني

سعيد: لااا لانـه حمود سار يغير لون تقويمه فـ سارت وياه

هنادي: اكييد احمررر .. معلووم بتحط احمر رمز المحبه

ثنينتهـم: ههههههههههه

هنيه يا صوبهم حمدان بالكندوره البيظا و متعصم و لابس نظارته العاكسه و عطره واصل آآخر الدنيا: ها اشوف ظحك و سوالف شو عندكم؟؟

سعيد: ماشي انسولف

حمدان: هـا؟؟ سوالف ولا عندكم شي

هنادي ما عيبتها رمسته: شو قصدك

حمدان بلعاانه: انتو تعرفون شو قصدي

سعيد بحزم: حمدان ما اسمح لك

هنادي عصبت من تفكيره الخايس مثله: انتـه ايـه!! ما اسمح لك ترمس عني و عن اخوك جي .. جي؟ انت منو عسب ترمس عنا جي صدق ما تستحي ع ويههك ..

حمدان متعمد ينرفزها: شفتي؟ دامج عصبتي يعني صدق

تنرفزت منه هنادي: كلن يرا الناس بعين طبعه يا ولد خالي

سعيد: حمدان عيب عليك .. احشم بنت عمتك

حمدان: انته تنطب ولا كلمه

هنادي: انت الي تنطب و ما تنطق بشي فااهم .. جانك مب حاشم عمرك كيف بتحشمنا

حمدان: جـب!! مابغي اسمع صوتج .. صدق ياهااال و قامو يطولون لسانهم آآخر زمن والله

هنادي: شو؟ ياهل؟ انا ياهل يالـ

توها بتكمل قطع عليهم هزاع و هوه يزاعج: حمـدااان!!!

عم السكوت ع الكـل .. كلهـم لفوا صوب هزاع الي كان معصب: ما تستحي انته؟؟ هاي رمسه تقولها حق بنت عمتك الي بحسبة اختك؟؟ والله انك قليل ادب .. انجلع من جدامي لا ادفنك الحينه

سكت حمدان و سار صوب سيارته لانه كل حد فـ هالبيت او بالأحرى افراد العايله بكبرها يدرون ان هزاع لو عصب !! ارحم حالك قبل لا اييك .. بس مع هاذا طيوب و راعي سوالف و كله يظحك بس اذا قامت الحزه قام وياها ..

روح حمدان .. تموا هالثلاثه واقفين برع مشت هنادي بدون ما ترمس و دشت داخل و الغبنه ظاربتنهـا ..

هزاع: سعيد سير شوف هنادي و راظها مهما كان هاي بنت عمتنها غاليه علينا لازم ما انزعلها يلا سير

سعيد: ان شالله ..

دش سعيد داخل شاف هنادي يالسه فـ الصاله و معطتنه ظهرها .. تم واقف متردد يسير ولا .. سمع صوت شهقات خفيفه .. سار صوبها و يلس جريب منها و قال: هنـادي؟ لا تزعلين من حمدان ما عليج منه خله يولي هاذا دومه جي خايس

هنادي مسحت دموعها و هي ترمس بصوت واطي: لا عادي

سعيد وايد تظايج يوم شافها مظايجه كان بوده يمسح دموعها جان يقول: صدقيني باخذلج حقج منه

هنادي: لا خله يولي عنك .. ما يهمني اصلن

سعيد بنبره حنونه: دموعج غاليـه بنت عموه

هنادي ابتسمت بحزن: مشكور

تمـوا ساكتين بعدها قال سعيد: انزين بقولج نكته ع السريع

هنادي كان ودها تظحك عليه لانه مب وقت نكت من الاساس جان تقول: يلا قول

سعيد: محشش قام يرابع فـ البيت جان يدعم امه جان تقوله: عمى بعينك ما شفتني قال: شافينج بس مادري وين ههههههه

هنادي و سعيد: هههههههههههه

بعـد 3 دقايق من الظحك جان تقول هنادي: عيل خالي و و خالو وين؟

سعيد: اي خاله فيهم؟؟

هنادي: خالو عليا امك

سعيد: امايه ظهرت ويا ابويه و مزنه فـ طابقهـا كافيه خيرها شرهـا ..

هنادي: اهـا .. و الباقين؟؟

سعيد: قتلج فطامي و حمود سارو العياده و لطيفه من ردت من المستشفى سارت ترقد و حمدان طلع مادري وين سار و هزاع سار مول الامارات

هنادي: هههههه مشالله تقرير

سعيد: شو اسوي ملان فـ البيت من رديت من عزبه ربيعي و يلسنا انراكظ ورا الهوش هههههه

هنادي: ههههههههه

سعيد: هههه و مالقيت حد فـ البيت جان اسير اطالع اخبار كل واحد فيهم مب فايج اظهر مكان لانه جسمي متكسر ..

هنيـه دشت فطامي الصاله و هي تغني: والله فاضي جاي تحكي لي همومك .. و أنت تحسبني أنا من الهم فاضي .. بس تدري شلون آنا ما راح ألومك ........

و هيه يالسـه تكمل الغنيه قال سعيد حق هنادي: من امس معلقه ع هالغنيه مادري ليش؟؟

هنادي: هههههه خبله هالبنت

فطامي: اوه هندوودوو عندنا حي الله من يانا و لفااانا

هنادي تكمل عنها: و الي زارنا و تعناالنااا

سعيد: هههههههههههه حافظه الاسطواانه

هنادي: ههههه مليت ياخي

دش محمد الصاله: لون تقويمي يشبه الزراعه زراعتي اخضر على اخضر و امتزج اخضر مع الحشيش و بحلى التقويم شويه متعدي يلاااا يلاااا يا سـلاااام يا سلاااام << ع لحن غنية وردي مالت حمد العامري خخخخخخ ..

كلهـم: هههههههههههههههههههههههههههههه

هنادي ميوده بطنها: واااااااااااههههههههههه واي بطني بمووووووووت

فطامي: آآخ تقويمي هههههههههه والله حلوه

سعيد: مب وين يـألف مادري هههههههههههه

هنادي: آآخ بطني يعورني من كثر الظحك ..

فطامي: يلا طوفي ويايه فوق بخبرج سالفه

حمود: ابغي اعرف

فطامي تسحب هنادي من ايدها: ماشي سوالف بنات

حمود: ماالت

سعيد: و انت اشلك ياخي

سارن هنادي و فطامي صوب اللفت و سارو الطابق الثاني و دشوا حجرة فطامي .. عقت فطامي عباتها و شيلتها و قالت و هيه تنسدح ع الشبريه: وااااااااي بمووت

هنادي: بلاج متخبله؟؟

فطامي تغمظ عينها: توه فـ العياده واحد ياي جنه موعد تقويم .. موعده عقبنا واااي محلااااتـه عيونه خضر و حنطااوي شعره قطعـه بني غامج و لابس كاب يااا الله محلاتـه .. ولا بعد يلف صوبي و يبتسم

هنادي: هههههههههه من جي متخلبه البنت

فطامي: هههههه ولا بعد حمود اخويه يقول بلاه هالزلمه يطالع والله انه حلو يقول عنه زلمه ليش؟ اكيد يغار لانه هاذاكي احلى عنه

هنادي تسايرها: هيه هيه يغار هههههههههههههههه

فطامي تفر عليها الدبدوب: والله حماره يالسه تطنزين عليه

هنادي: هههههه شو تبين اقولج يعني .. المهـم ميود يابلي المبايل اليديد

فطامي بحسره: يا حظج والله انتي و شيخوه عندكن تلفونات انا الوحيده الي ما عندي اوف شو هاا كله من حمدان المتعقد و سعيد الي يقول لا مب زين هالخربطان ولا هزاع عادي عنده

هنادي: و حمود؟؟

فطامي: لا ها ياهل ماخذ برايـه

هنادي: ههههههههه حلوه منج

فطامي ترفع ايدها: كفج

توها هنادي بتمد ايدها سحبت فطامي ايديها و قالت: تـأخرتي هههههههههههه

هنادي: هههه سخيفه

فطامي تراويها تقويمها: شو رايج فـ تقويمي؟؟

هنادي: وايد نـايس ..

فطامي: ثانكس .. اويه اويه اليوم شو؟؟

هنادي: السبت ليش؟؟

فطامي: هيه اشوه مب الخميس

هنادي: ليش؟

فطامي: كان فـ خاطري اظهر

هنادي: انا ملانه خاطري اظهر الصراحه

فطامي: منو فايق يودينا

هنادي: سعيد

فطامي: ما بيطيع

هنادي: انا برمسه

فطامي: سيري قوليله

هنادي: اوكي

ظهرت هنادي من حجرة فطامي و نزلت تحت بالدري و ما شافت سعيد وايجت من الدريشه شافته يلعب كوره بروحه برع .. ظهرت برع و زاعجت: سعيـد

لف سعيد صوبها: عيـونه

هنادي ما سمعته: شـووو؟؟

سعيد: ماشي .. آآمري بغيتي شي؟؟

هنادي: هيه بس تعال

سعيد شات الكوره بعيد و سار صوب هنادي: هلا

هنادي: سعيد الله يخليك طلب

سعيد: شو هوه؟؟

هنادي: الله يخليك

سعيد: هههههههه قولي انزين

هنادي: ظهرنا

سعيد: بس؟

هنادي: هيه

سعيد: ان شالله ع هالخشم ( و يـأشر ع خشمه )

هنادي استانست و طلعت منها عفويه: فديييتك يا احلى سعود

و سارت داخل و هيه مستانسه تركظ .. سعيد تم واقف مكانه متيمد
" قالت فديتك؟ يا احلى سعود؟ اويـه؟ فديتج انتي والله يا احلى ما شافت عيني .. الله يخليج لي و يحفظج "

...

××عنـد هنـادي××

دشت هنادي حجرة فطامي و هيه تزاعج: واااااافق واااافق

فطامي: قوولي والله

هنادي: والللللللله

فطامي نقزت مستانسه: اخيرا حد بيطلعنا يوم السبت يلا انجلعي بيتكم بدلي ثيابج و انا بتصل فـ شيخوه بخبرهم ..

هنادي: اوكي اوكي باي

و نزلت تحت و هيه تظحك ع عمرها جنه اول مره بتظهر بس هيه مستانسه انها بتظهر و يوم السبت الي الكل يكون مشغول فيه و محد فايج يوديهم مكان و فوق هاذا عندهم اجازه و اهلهم ما يخلونهم يظهرون روحهم الا اذا حد من الشباب وياهـم ..

...

××عايلـة بو هـزاع××

بو هزاع .. حميـد .. ريال هادي .. عصبي .. ما يحب النجره و الحشره .. متفائل دوم بالخير .. ما يفرق بين عياله كلهـم واحد فـ نظره و مب مقصر عليهـم بشي ..

حرمتـه الاولى .. مزنـه .. غيـوره .. تحب تظارب ويا عليا عديلتها .. و حميد كان مفهمها اذا حاولتي بس تكرهين العيال بخوانهم ما تلومين الا نفسج فـ من جي ما يخصها فـ عليا عقب ما حميد هددهم بالطلاق ولا وحده يخصها فـ الثانيه ..

عيـالها ..
هزاع 26 سنـه .. الي يشوفه يقول شيخ .. و حبوب يشتغل فـ البنك .. مصخرجي يحب الظحك و الفرفشه .. و له احترامه من الكل .. و اذا عصب استوى زلزال فـ البيت .. فيه جمال غير عن باقي اخوانـه ..

لطيفـه 25 سنـه .. دكتـوره .. معرسـه بس ريلها مسافر المانيا عنده دوره مدة 4 شهـور و هيه ما قدرت تسافر وياه عسب شغلهـا .. و الله لين الحينه ما رزقها بعيـال ..

حمـدان 23 سنـه .. يدرس فـ كلية الطيران .. مزاجي .. يحب يسوي مشاكل شرات امـه .. و يحب ينرفز يعني صوره طبق الاصل من امـه .. و ماينرفز الا هنادي .. بس مايحب حد يقرر عنه او يفرظ سيطرته عليه و امه تموت عليه و تفظله عن باقي اخوانه ..

حرمتـه الثانيـه .. عليـا .. حبوبه .. بس اذا حد نرفزها ما بتسكت عنه لو شو .. مثل الي يالس يستوي قبل ويا مزنه بس الحينه كل وحده فـ حالهـا ..

عيالهـا ..
سعيـد 19 سنـه و نص لول .. عطوف .. طيـوب .. قلبـه ابيظ يحب الخير للناس .. ما يرظى ع الغلط .. رومنسي .. حلييو يشبهه حمدان شويه يعني الي يشوفهم يقول انهم اخوان .. يدرس فـ الكليه التقنيه ..

فطـامي 17 سنـه .. اصغر عن هنادي بسنـه .. وياهـا دووم .. حلييوه بس مب احلى عند هنادي .. فيها شوية غرور .. غبيـه نوعاً ما لول لانـه استيعابها بطيء ..

محمـد 15 سنـه .. يدرس فـ اول ثنوي .. راعي برستيج و كشخه طالع ع هزاع .. حلو .. يحب دوم يكون الشي الاساسي فـ البيت لانه الاصغر .. دوم يـألف اغاني هههه .. << احبـه وايد لووول ^^
...

××نهـاية البـارت××



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-03-2010, 11:57 AM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


شفت الغالي من بعد غيبه .. ورغم غلاته شوفته زودت غلاه
يوم شفته حسيت بأحاسيس عجيبه .. حسيت إن الدنيا ماتسوى بلاه
ماتغير بس شوي زاد طيبه .. وزود على طيبه زاد حلاه

××.. الجــزء الثـالث ..××

قامت هنادي من ع الكرسي و هيه جاهزه .. اتجدمت من الجامه عسب تشوف عمرها عدل .. عدلت قصتها و ظهرت من الحجره و هيه شاله شنطتهـا فـ ايدها ..

جواهر: ها سايره؟

هنادي: هيه اتريا سعيد و فطامي يمرون علي

جواهر منسدحه ع الغنفه: ودي اي وياكم بس بطني يعورني

هنادي: شو ماكله؟؟

جواهر: هههه ماكله هارديز

هنادي: ههههه ما اتووبين ثالث مره يعورج بطنج و انتي عادي هههه

جواهر: بس لااا سكتي عني

هنادي: هههه يلا انا سايره

و هيه نازلـه تحت رن تلفونها يــآشمـوع العمــر فـيني جـدد الجـرح العذآب .. ذڴـريني بـ اللذي صـوتـه فـتـح جرحـي و غـآب ..

شلت تلفونها من الشنطه و ردت: هلا فطامي

فطامي تكمل الغنيه و هيه مندمجه ولا جنه هنادي ردت: اباخذ قلبي من قلبك اووف ليش ردييتي

هنادي: عيل متصله عسب تسمعين الغنيه يعني

فطامي: هههههههه هيه عيل شو ..

سعيد: يلا قوليلها احنا برع

هنادي: اوه انتوا برع؟ يلا يااايه

فطامي: يلا باي

هنادي: باي

سارت صوب الباب و اطالعة عمرها فـ المنظره الي عند الباب .. و ظهرت من البيت و سارت صوب الباب و هيه تشوف سيارة سعيد النيسان .. بطلت الباب شافت فطامي يالسه ورا و حمود و سعيد جدام ..

هنادي: وين شيخوه؟

فطامي: هاجرت العين

كلهم: هههههههههه

هنادي: اويـه حرام ما بتي؟؟

فطامي: لا سارت بيت حد من اهل امها .. ايلسي يلا بيأذن العشا و انتي بعدج

هنادي استانست: اسميني متحمسه ..

سعيد: اي غنيه تبون؟؟

هنادي: لا تتصلي

حمود: قالو تحبه

فطامي: لا تصيف

حمود: شط الحشا

سعيد طنشهم و حط ع لا تتصلي هنادي زاعجت: واااي فديتني يسمعون شوري

حمود: طاع ويههج

هنادي زاعجت و هيه متجده صوبه: جــــــااااااااب

حمود زاغ و رد ع ورا: اوكي اوكي

هنادي: ههههههههههه

هنادي و فطامي: ههههههههههه

سعيد ساكت و يطالعها من المنظره .. جان تلف بالصدفه صوب المنظره شافته يطالعها جان تبتسم و ردلها الأبتسامه و هوه متقفط .. و نزل راسـه .. تموا يسولفون جان اطلع هنادي تلفونها و تكتب مسج .. فطامي بلقافه: اشوووووف

هنادي اترد ع ورا: ماااباااا

فطامي تمد ايدها بتشل التلفون: الا اشوف

هنادي ترد ع ورا: ايييييييه فطاامي

سعيد: فطووم يلسي مكانج

فطامي يلست: انزين

هنادي اطالع سعيد: وين بنسير؟

سعيد: اب تاون

هنادي: اها

و كملت المسج و طرشته .. شوي وياها مسج ابتسمت و هيه تقراه و تمت ساكتـه ..

وصلوا اب تـاون و نزلهم سعيد و سار يبركن سيارتـه.. سارو فوق صوب المطاعم .. تريوا سعيد و يوم يا ظهروا برع ..

سعيد: اوف حررر

هنادي: بس فيه شوية هواه

حمود:فطوم دخلي شويه هالقصه واايد مطلعه

سعيد: هيه يلا دخلي

فطامي: مب مطلعه وايد..؟؟!!

سعيد:طاعي هنادي مب مطلعه كثرج ..

هنادي: ههههه الا هيه كم خصله بس

حمود: بارك الله فيج

كلهـم: ههههههههههههههه

فطامي: خاطري فـ باسكن

حمود: حتى انا تبون؟

سعيد: لا مابا

هنادي: ابغي ستار بكس

سعيد: لا كله شباب

فطامي: انزين احنا بنسير يلا باي

سعيد و هنادي: باي

هنادي: سعيد الله يخليك خاطري فـ فرابجينو

سعيد: انزين انا بدش انتي تمي برع

هنادي: لا والله اتم روحي؟؟

سعيد: لا دشي محلكم هالوردي

هنادي: هههههههههه كليرز؟

سعيد: هيه كرز ع قولة حمود

هنادي: هههههههه يلا انسير انزين

و سارو صوب ستار بكس و دشت هنادي كليرز و سار سعيد ستار بكس ..

يلست ادور هنادي بملل فـ المحل .. جان تشوف حلق وردي عود تخبلت عليه جان تاخذه و سارت صوب ها الي يربطونه ع راسهم في اشكال و الوان جان تاخذلها كمن واحد و خذت دلاغات ملونه كشخه ..
و سارت تدفع و اتصل فيها سعيد: يلا ظهري

هنادي: صبر بدفع و بي

سعيد: اترياج

هنادي: اوكي باي

سعيد: باي

دفعت هنادي و شلت جيسها و هيه ظاهره جان تشوف ربيعتها خوله: هلا خوله

خوله: اويه هندوودوو

و يتوايهوون: شحاالج؟؟

هنادي: تمام شخبارج؟؟

خوله: الحمدالله .. وينج يالقاطعه ما قمتي تتصلين

هنادي: شو انسوي الاجازه بعد

خوله: ها شو النسبه؟؟

هنادي: ترتوووب

خوله: كم؟

هنادي: 91.2

خوله: زين والله انا 88.6

هنادي: زين والله يلا good luck ان شالله للأيام اليايه

خوله: ها ع وين ان شالله عقب المدرسه؟

هنادي: والله اخوي ميود يقولي اسير ويا جامعة الشارجه و انا متردده

خوله: والله زين سيري دام اخوج وياج

هنادي: مادري والله و انتي؟

خوله: انا التقنيه ويا بنات عموه

هنادي: هيـه

خوله: ويا منو يايه؟؟

هنادي تطالع تلفونها الي يرن: ويا فطامي و اخوانها .. اكوه سعيد متصل فيه من متى اقوله الحينه بس هههه

خوله: هيـييه .. خلاص سلمي عليها يلا بينا كول ها

هنادي: ان شالله

خوله: لا تقطعين

هنادي: هههه ولا يهمج

و سلمت عليها و سارت هنادي صوب سعيد: سوري تـأخرت

سعيد: سنه تسلمين ع ربيتعج؟

هنادي: هههههه من متى ما شفتها

سعيد: هههه خلاص يلا انسير صوب قوم فطامي

و هم يمشون .. يطالعون هنادي و من واحد يشوفها تطالع سعيد ههههههه ع اساس انه يايه وياه .. سعيد مافهم هيه ليش اطالعه بس طنش ..

و يوم سارو صوب فطامي و حمود و فطامي جنها مب شايفه آآي سكريم هههه ..

هنادي: فطووم شوي شوي فظحتينا

سعيد: مب شايفه آآيس كريم؟!

حمود يشرب الملك شيك: هالتخلف طبيعي طبيعي

فطامي تطالعه و تستوعب شو يقول: شو؟

حمود يبتسم اونه بريئء و هوه يراويها تقويمه ..

فطامي: سباال

حمود يجدم اذنه: ما سمعت؟

فطامي: ماشي

هنادي: ههههههه

سعيد: هههه طوفوا طوفوا فظحتونا

فطامي: تعالو انشوف الي يعزفون ع الجيتار

هنيه فز قلب هنادي جان تقول فطوم: يمكن نشوف عمار بالصدفه خله يوقعلي ههههههه

حمود: تخسين والله

سعيد يهز راسه: لا حوول حسنوا الفاظكم

هنادي: ههههههههه ميانين .. صح فطوم شفت خولوه

فطامي: خولوه علي؟

هنادي: هيه

فطامي: قوولي والله؟؟

هنادي: والله

فطامي: تولهت ع ربعي والله

حمود: هاي هيه الحياه

سعيد: عادي بتتعرفون ع بنات غير بعد

فطامي: بس صعب تحصل نفس الربع او نفس الشي ع الاقل وياك فـ المدرسه من زمان وياك تعرفهم من زمان تعرف اسلوبهم و اخلاقهم ........ الخ

سالفـه ورا سالفـه و هم يحوطون .. مره وحده سمعوا .. يــآشمـوع العمــر فـيني جـدد الجـرح العذآب .. ذڴـريني بـ اللذي صـوتـه فـتـح جرحـي و غـآب ..

فطامي: هناادي تلفونج

هنادي ما كانت مركزه كانت تطالع الناس الي متيمعين على الشباب الي يعزفون ع الجيتار ..

حمود يدزها: هناادي

لفت صوبه: هاا؟؟

فطامي: تلفونج

طلعت تلفونها من الشنطه و ردت: هلا ماما

ام مايد: هلا هنود .. ها شحالج؟

هنادي: تمام الغاليه

ام مايد: تسـأل عنج ميره

هنادي: جي ما سارت بيت ربيعتها اليوم؟ قالتلي الاسبوع الي طاف انها بتسير بيت ربيعتها؟

ام مايد: لا كانت تبا اتيج بس قلتلها انج ظهري ويا عيال خالج

هنادي: خلاص عيل خلها اتي باجر

ام مايد: خلاص بقولها اقولج

هنادي: هلا

و هيه تطالع شاشه التلفون لانه ياها خط و قلبها يرفرف جان تقول امها: عمتج تسلم عليج

هنادي مب مستوعبه: ها؟

ام مايد: عمتج تسلم عليج

هنادي: هيه الله يسلمها ..

ام مايد: هنود الساعه 10 و نص تردين اوكي؟

هنادي: اوكي يلا باي

ام مايد: مع السلامه

توها بترد ع الخط بس بند .. ردت تتصل بس الحرمه الي ما ماداني هنادي صوتها قالت: ليس لديك الرصيد الكافي ....

جان تبند قبل لا تكمل لانه باختصار هنادي تكرههـا مووت .. ههههههه

بعدها مروا صوب هالشله مالت الجيتار بس كانت هنادي تحط تلفونها فـ الشنطه و تقول حق سعيد: سعيد ابغي اسير آآخذ رصيد

سعيد يطالع صوب الشباب: اويـه علوه .. حمود سير وياهن و انا بيكم

حمود: اوكي

و سارو صوب محل التلفونات و دشت كان فاظي سارت صوب الريال قالتله تبا رصيد قاللها انه ماشي اتصالات بس دوو كرههت حياتهـا و طلعت من المحل مغيظه و تمشي بسرعه ..

فطامي: هدي هدي هنود

حمود يمشي وراهن: صبروا صبروا ماروم اركظ

فطامي: اعرررف دب

حمود: انا دب والله ماعليه

و هنادي معصبه مب فايجه تصد صوبهم .. شويه الا شافت حمود يركظ تمت تظحك و سارو صوب الحمامات .. دشت هنادي و خلت شنطتها عند فطامي جات تقول فطامي: بلاج مشتطه؟

هنادي ترمس بسرعه: لاني ابغي رصيد و ماحصلت و ابغي اتصل و مب لاقيه اي فرصه اتصل فهمتي ولا؟؟

فطامي بغباء: مافهمت؟؟

هنادي: عااد انتي و غبائج " و تصك الباب فـ ويهها "

فطامي تظحك ع عمرها: هههه

اما هنادي يوم طلعت قالت فطامي: تلفونج رن مرتين

هنادي: اويه؟ مرتين اكيد ماما

سارت صوب المغاسل و غسلت ايدها و نشفتها و طلعت تلفونها شافت مس كول من مايد و رقم ..
تـاففت بقهر شو هالحظ .. دوم يرن و هيه ما تشل ..
عدلت شعرها و زادت القلوس شويه و طلع برع عقب ما قالت حق فطامي .. و هيه ظاهره شافت واحد زلمه قاللها: ياحبيبي ع الجمال

هنادي" طاع منو يغازل ": التعن لااا

و سارت صوب حمود و تريوا فطامي و سارو رباعه .. يا صوبهم سعيد و هوه يشرب من دبة الماي: ها بتتعشون هنيه ولا فـ مطعم؟

هنادي تطالع ساعتها: جي الساعه كم الحينه .. اويييه 9 الا ربع؟؟

فطامي: بسرعه مر الوقت

حمود: خلنا نتعشى فـ مطعم احسن ..

سعيد: يلا عازمكم ع حاتم

هنادي حطت ايدها ع بطنها: بمووت

فطامي: عشقها حاتم هههههههههه

حمود: عيل يلا طوفوا .. بيطوف الوقت و انتو بعدكم ..

و بعدها سارو تعشوا فـ حاتم .. و كان سيره حلوه بالنسبه لـ هنادي مع بعظ الحزن و الاكتآآب .. بس بعد الظهره ويا عيال خالها حلوه وايـد .. و ما نست تاخذ رصيد طبعاً لول ..

بعدها وصلوها البيت ع الساعه 11 الا ربـع و حمدت ربها ان امها مب فـ البيت .. دشت البيت شافت سيارة جواهر و سيارة ابوها و سيارة ميود مب موجودهـ ..

دشت داخل شافت جواهر ترمس فـ التلفون و هيه تبطل الثلاجه مالت المطبخ جان تشوف هنادي: اوه يتي؟؟

هنادي: هيه شو بطنج؟

جواهر: لا الحينه احسن

هنادي: زين

جواهر: شو الطلعه؟

هنادي تغايظها: روووووووووعه

جواهر: اوف كان خاطري اي اففف .. ( ترمس فـ التلفون ) شفتي عااد ما ودووني

هنادي ظحكت و سارت فوق و هيه تعباانه واايد و قبل لا ادش شافت حجرة ابوها مفتوحه سارت دقت الباب و سلمت عليه و قالت: بابا بتسافر؟؟

بو مايد: هيه الكويت اسبوع عندنا مؤتمر هناكي

هنادي: متى؟؟

بو مايد: باجر العصر

هنادي: هيييه تسير و ترد بالسلامه انزين بابا عن التسجيل مال الجامعه؟؟

بو مايد: اي جامعه قررتي؟

هنادي: خلاص بسير ويا ميود

بو مايد: اخيرا استقريتي ع قرار

هنادي: شو اسوي بعد .. الله ايسرها

بو مايد يحط ايده ع جتفها: الله يوفقج

هنادي: ان شالله

طلعت من عند ابوها و دشت حجرتها و هيه توها بتعق عباتها بعد ما حطت شنطتها ع الطاوله .. سمعت فونها يرن .. بسرعه سحبت التلفون من الشنطه لانها ما تبغي تفوت الفرصه مثل ما فوتتها مرتين قبل و فعلاً يوم شافت الرقم و هيه قلبها يرفرف من الفرحه و رد قبل لا يبند الخط : الـوو...؟؟؟!!!

××نهـاية البـارت××



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 05-03-2010, 12:00 PM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


مرات احس اني احبك ومرات .. من كثر ماحبك تمنيت موتك
تبطي وأجمع لك من الضيقه ابيات .. واليا رجعت لي عطيتك بيوتك
ادمنت صوتك لين مليت الأصوات .. شفت شكثر اموت واحيا بصوتك
××.. الجـزء الرابـــع ..××

هنادي: الـو...؟!؟!

عزوز: مرحبا

هنادي: مرحبتين

عزوز: مب جنه توه الناس تردين؟؟

هنادي تبلع ريجها: لا بس يوم دقيت كنت اكلم امي و عقبها بندت انته

عزوز: و ثاني مره؟

هنادي: كنت فـ الحمام

عزوز: ما اترومين تردين تتصلين؟

هنادي تيلس عالكرسي: ما كان عندي رصيد و سرت محل التلفونات قالي ماشي اتصالات

عزوز: تعرفين انقهرت يوم ما رديتي عليه .. الحينه اشوفج و ابغي ارمسج و ماتردين آآخ قهر

هنادي: هـا؟

عزوز: صح نسيت اقولج .. وايد حلو عليج الذهبي

هنادي: اي ذهبي؟

عزوز: ههههههههه هنود شفتج اليوم شكلج وايد نـآايس و كيوت

هنادي وقف قلبها: شفتني؟ انا ما شفتك؟؟

عزوز: تراني اتصلت فيج بس مارديتي المهم ويا منو يايه اب تاون؟

هنادي: ويا عيال خالي

عزوز: ولد خالج اسمه سعيد حميد الـ----ي؟؟

هنادي زاغت: ليش؟

عزوز: لا بس أسـأل .. صح؟

هنادي: هيه كيف تعرفه؟

عزوز: لا ربيع ربيعي علي

هنادي: و انا اقول قال بسير اسلم ع علوه

عزوز: المهـم .. شخبارج؟

هنادي: تمام

عزوز: ولهت عليج

هنادي دق قلبها و ابتسمت: و انا بعد

عزوز: انتي وين فـ البيت؟

هنادي: هيه و انته؟

عزوز: لا يالس اتمشى فـ اب تاون ملااااان ياليتج ويايه

هنادي: هههه بروحك؟

عزوز: هيه بروحي يعني حد بيكون ويايه و انتي وياي؟؟

هنادي احمر ويهها: لاااا .. اقصد انته حد وياك؟؟

عزوز: هـا؟ ههههههههه و انا طاعو ع شو ارد .. هيه بروحي ربعي سارو يتعشون

هنادي: ليش ما اتسير تتعشى؟؟

عزوز: مابا يالس آآكل آآيس كريم

هنادي: احيده باسكن بند؟

عزوز: لا من mc

هنادي: ايوااا

عزوز: عاااشووو

هنادي و عزوز: ههههههههههههههههههههه

هنادي: لحظه عزوز

و عقت عباتهـا و شيلتها و علقتهـن .. و عقت الاكسوارات و انسدحت ع الشبريه و ردت للتلفون: سوري تـأخرت

عزوز: لا عادي

هنادي: ملل فـ البيت

عزوز: تعالي اب تاون

هنادي: توني يايه ههههه

عزوز: ههههه طاعو طاعو هالبنات صدق مستخفات

هنادي: اي بنات؟؟

عزوز: هاييل الي هنيه فـ اب تاون .. من الخااطر ماصخاات

هنادي: ههههههه

عزوز: والله لو ندوي اختي جي والله لاذبحها

هنادي: ويديه ليش؟؟

عزوز: تخسي والله .. ليكون انتي بعد اطلعين قصه؟؟

هنادي ظحكت: شويه

عزوز: ماشي دخلي

هنادي: هههههههه عزوز بلاك؟

عزوز جاد: ماشي .. سمعتي شو قلت لج؟؟

هنادي استانست من غيرته: ان شاللللللللله

عزوز: هيه جي اباج .. احيدج بتباتين بيت خالج؟

هنادي: لا اليـوم هم الي بيون

عزوز: هييه ليش لين الحين ما يو؟

هنادي: لا الساعه 12 بالظبط عندنا يكونون

عزوز: و الي تعدي الساعه 12 و ما يت

هنادي: ما اندخلها

عزوز و هنادي: ههههههههههههههههه

هنيه سمعت دق عند الباب و قالت: منوو؟؟

مايد دش: اناا

هنادي زاغت فـ خاطرها بس ما حاوت تبين: هلا ميود

مايد: ترمسين تلفون؟

هنادي: هيه ارمس عواش

مايد: انزين يوم بتخلصين منها تعالي حجرتي اباج

هنادي: اوكي سير و بييك

مايد: اوكي

هنادي ردت للتلفون: الو

عزوز: مشغوله هنود؟

هنادي: لا بس اخوي يباني

عزوز: بدقيلي الفليل؟؟

هنادي: ان شالله

عزوز: اني ابغي اقولج شي من داخل داخل داخل قلبي الصراحه

هنادي: هههه قول

عزوز يهمس فـ التلفون: أحبج

هنادي غمظت عينها بحالميـه و هيه تبتسم ..

عزوز: الـو؟؟

هنادي: ها وياك

عزوز: تحريتج رقدتي

هنادي: ههههه لالا مارقدت .. انزين بو سعود بسير عند ميود

عزوز: ياحظك يا ميود

هنادي: ههههههه

عزوز: هههه يلا عيل ام سعود سيري عن ميود

هنادي: هههه اوكي يلا بـاي

عزوز: بـاي

بندت عنه و هيه مستانسه .. حظنت التلفون و هيه مغمظه عيونها مبتسمه ع الاخـر .. جان تسير تحط تلفونها فـ الجرج و حولته ع السايلنت .. و عدلت بديها و بنطلونها و ظهرت برع الحجره و سارت صوب حجرة ميود و دشت على طول شافته يالس ع الكمبيوتر جان يلف صوبها: سباله؟ ليش ما ادقين البااب؟؟

هنادي: خنزير؟ هاي حجرة اخوي

هنادي و ميود: هههههههههههههههههههههههههههههههههه

ميود قام من ع الكمبيوتر و سار صوب الغنفه و قاللها: تعالي هنادي يلسي

هنادي حست انه فيه شي و سارت صوبه و يلست: خير ميود في شي؟

ميود لوى ع جتفها: هندودوه حياتي .. انا مول مب متعود اقولج شو اتسوين بس هالمره لازم اقولج .. بس هالشي لمصلحتج انا ابغي لج الخير و ابعدي عن الشر و غنيله

هنادي زاغت: شو السالفه ميود؟؟

ميود: حمدان

هنادي طالعته بعدم اهتمام: بلاه ها بعد

ميود: خليه يولي عنج هاذا راعي مشاكل و ما يترمس ابد خبرني هزاع ع الي استوى .. و انا مابغي اختي تتخالط وياه .. انا مول ما ارتاحله شرات سعيد و هزاع و محمد هاييل احسن عنه بوايد .. طنشيه من تشوفينه اللهم بس ردي السلام الا اذا سلم

هنادي ارتاح قلبها ان الموضوع مب عن عزوز: اوكي

ميود: خلاص الحينه سيري حجرتج

هنادي: طرده؟

ميود: ههههه لا بس شكلج مستعيله ولا لا صح قوم فطامي بيون لا؟

هنادي: هيه الساعه كم الحينه؟؟

ميود يطالع الساعه: 11 و ربع

هنادي: خلاص انا بسير ابدل ثيابي

ميود: اوكي

ظهرت من حجرته و شافت جواهر داشه حجرتها جان ادش الحجره و تقول: خير اخت جواهر

جواهر: ملالانـه بيلس وياج

هنادي: بيون قوم شيخوه الحينه

جواهر: توني مرمسه منى ما قالت بتي؟؟

هنادي: مادريبها ..

جواهر يلست ع الكرسي: اقولج ابويه قالي انه هنوف بتسير ويا ابوها لندن

هنادي: اويـه؟ و عبود؟

جواهر: وياهم

هنادي: اويـه حراام

جواهر: لين متى بيتمون روحهم هنيه؟

هنادي: انزين هم عند خالي ثاني

جواهر: هنوف ما تستغنى عن ابوها و عبود بعد

هنادي: بيستقرون فـ لندن خلاص؟؟

جواهر: هيه

هنادي: حراام

خالة هنادي اسمها بشرى توفت من 4 سنوات .. و عندها بنت و ولد .. هنوف عمرها 12 سنـه .. و عبدالله عمره 14 .. ابوهم مستقر فـ لندن لانه كل اشغاله التجاريه هناكي .. قبل لا تتوفى امهم كانو عايشين فـ دبي فـ نفس فريج قوم هنادي بس الحينه مستقرين فـ بيت خالهم ثاني الي هوه ابو شيخوه و منى برمس عنهـم عقب شويه ..
و هنوف متعلقه بـأبوها وايد و قرر ابوها انه يشلهـم وياهـ لندن ..

...

دقت السااعه 12 و فطامي واقفه عند الباب تتريا هنادي تفتحها و وراها شيخوه شكلهم يظحك ههههه .. نزلت هنادي ببجامتها الناعمه و هيه تغني: احترت اعبر عن شعوري من غلاهـ .. و احتارت ابياتي بحقق قليلـه

بطلت الباب و هيه تغني: كيف الحكي يقدر يوصل مستواك يالي غلاك الكون عيا يشيله

شيخوه: توه النالس الشيخه هنادي

هنادي لفت عنهم و هيه تغني بعدها: سبحان من ابدع وصوفك و سواك من عزني في قلب مابه مثيله

فطامي: حوووووو تعالي شلي ويانا الاغراظ

هنادي ركبت الدري: من حقق تتغلى و تتباها بحياك يالي معك تقصر دروبن طويله

دشت حجرتها و نقزت ع الشبريه و بطلت لابها و هيه بعدها تغني ..

دشت شوه و فرت الاغراظ ع الارظ: ويه ويه ويه تعبت

فطامي تسكر الباب: الله يغربلها ما يت تساعدنا

شيخوه عقت عباتها و سارت انسدحت عدال هنادي: شو اتسوين

هنادي: حالي شرات الليل مظلم بلاكم .. و الليل دون البدر ظلمة و سكوني

شيخوه تـأشرلها بمينونه: بكري؟؟

فطامي: ههههههههههههههههههههه

هنادي:ههه أشوفني بموت أتبع خطاكم .. صارت حياتي بييدكم صدقوني

فطامي مره وحده عفدت ع الشبريه و مره وحده سمعوا صوت شي انكسر .. صخوا كلهـم ولا حد فيهم رمس .. اطالعوا بعظ بغباء .. و مره وحده: وااااههههههههههههههههههههههههههههههههههههههههه

هنادي: ههههههههه شبريتي هههههههههههه آآآخ بطني

شيخوه: هههههههههههههههههههههههههههه طاع ويهي فطوم يوم نقزت هههههههه الشبريه انكسرت هههههههههه

فطامي طاحت ع الارظ من كثر الظحك: ههههههههههههههههه

و هنيه زاد ظحكهن ههههههههههههههههههه

هنيه دشت جواهر: شو مستوي؟؟

فطامي تحاول تقوم: آآي آآي بطني ههههههه

هنادي: شبريتي ههههههههههههههههههههههههههه

جواهر تظحك عليهن: شو السالفه

شيخوه: ههههههههه ههههههههه فطوم اونها تبغي تيلس ع الشبريه جان تنقز تتحرا عمرها بطير جان نسمع صوت شي ينكسر ههههههههههههههههههههههههههههه

كلهـم: ههههههههههههه ههههههههههههههه

جواهر: هههه ايه صوتكم عالي وصوا صوتكم ولا انزلوا تحت احسن

هنادي تبند الاب: ههههه يلا ننزل

سارت جواهر حجرتها جان تقول فطامي و هيه واقفه عند الباب: سويلنا درب عن يطلع ميود بالغلط

هنادي: ههههه يلا ظهروا

و هن نازلات من الدري ظهر ميود من حجرته: حوو شو هالحشره

هنيه ركظوا قوم فطامي و هنادي تظحك: هههههههه

ميود: ايه وايد حشره لا تزاعجون

هنادي: اوكي يلا سير ارقد هههه

ميود دش حجرتـه و صك الباب .. تذكرت هنادي فونها و دشت حجرتها و خذت فونها و شلت لابها ويا الجرج ماله و نزلت تحت ..
قوم هنادي عندهم مثل الصاله تحت زجاجيـه صوب المطبخ يعني مب اي حد ينزل يشوف منو هناكي الا اذا لف ورا صوب المطبخ و سار هناكي .. المهم من بدت الاجازه و هن كلهن يباتون فـ بيت وحده ما عدا بيت فطامي لانه كله شباب .. يعني يا بيت قوم هنادي او شيخوه .. و اكثر شي بيت قوم هنادي لانه ييلسون روحهم تحت ..

حطت الاب ع الطاولـه و ركبته فـ الجرج .. و حطت فونها فوقه و قالت: ايـه بطلوا التلفزيون بدا المسلسل

سارت شيخوه بطلت التلفزيون و حطت ع مسلسل صاحبة المتياز .. و قامت فطامي: انا بسير المطبخ تبون شي؟؟

هنادي: ييبي جبس صحار و روب و دقوس

شيخوه: و فيتامين سي

هنادي: و انا كندراي احمر

فطامي: اقول هزن طولكن و تعالو ويايه

شيخوه: يلا لااا متهايزه

هنادي: قومي قومي ترا بعده المسلسل ما بدا الا غنيه

شيخوه: انزين

و سارو المطبخ و كل وحده سارت اتييب الي تبـاه .. و سارو الصاله و فروا كل الاكل ع الطاوله و يلسوا يطالعون المسلسل و يسرطون ..

هنادي تشرب الكندراي: اقولكم خلاص بسير ويا ميود

شيخوه: ياحظج خلصتي و افتكيتي انا امايه ملزمه الا اعيد السنه

فطامي: عادي عسب اتمين وياي ههههههههههه

شيخوه تظربها: حقييره

فطامي: ليش تظربين؟؟

شيخوه: لانج غلطتي عليه

فطامي: والله اراويج

و تعفد فوقها تمط شعرها هنادي تظحك عليها و تطالع التلفزيون .. طرى ع بالها عزوز تفدتـه فـ خاطرها و ان فـ خاطرها ترمسه بس قالت خله يخلص المسلسل و يصير خير ..

هنيه رن مبايل شيخوه: اي الحقوا هاذاكي الي خسسنا فيه رد يتصل

كلهـم: ههههههههههه

شيخوه: ارد؟

فطامي: ييبي ييبي

شيخوه: شو بتقولين؟

فطامي: اوني ريال عاده

و ردت و هيه صدق مسويه صوت ريال: الـوو؟؟

هنيه بند الخط و ماتوو كلهـم من الظحك: ههههههههههههههههههه

فطامي: آآآخ احبالي الصوتيه ههههه

هنادي: هههههه وابويه عليج الا الو قلتيها

فطامي: ترا يباله جهد ..

كلهم: ههههههه

شيخوه: يلا سكتوا خلنا نطالع المسلسل

ملت هنادي من التلفزيون جان تسحب لابها و يلست ع المنتدى .. و عقبها شغلت شيخوه فلم يايبتنه و يلسوا يطالعون لين 3 الفجر .. اتصلت فـ عزوز و مارد عليهـا .. يلسوا يطالعون التلفزيون مسلسل ورا مسلسل .. و رقدت هنادي ع الغنفه بدون ماتحس بعمرهـا ..

همسـهـ :

عـزوز .. 22 سنـهـ .. شاب فـ بداية عمره .. ابيظاني و عيونه بنيه غامجه خشمه عادي .. معظل و اسلوبه جذااب للكل .. يدرس فـ جامعة دبي الامريكيه

و عنده اخوه اسمه حارب 16 سنـه .. يدرس فـ ثاني ثنوي .. حبوووب و قلبه حنون .. عطـوف وايد .. مايحب الظلم ابد ..

و عنده اخت اسمها ندى اول ثنوي .. 15 سنهـ .. الابتسامه ما تفارق ويهها .. بشووشه و متعلقه فـ امها واايـد ..

و امهـا و ابوهـا سالفتهـم سالفهـ ان شالله عقب بتكلم عنهـم ..

××نهـاية البـارت××



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 05-03-2010, 12:03 PM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


خذني على قد قلبي .. وافهـم احساسي .. ومن بعدها لا تفكر .. " وانطق بـ قلبك ".. لو تسمع النبض بين سطور كراسي'' .. تلقــاه يملا مداك أحبـك .. أحبـك .." شفني زفرت الوله مع دافي انفاسي .. شفني شهقت الغلا يوم الهوا قربك ..

××.. الجـزء الخـامس ..××

××الصبـح ..××
××بيت بو هـزاع ..××

نزلت لطيفه بكل اناقه من فوق و هيه لابسه عباتها و شيلتها و سلمت ع الموجودين: السلام عليكم

هزاع+مزنـه+بو هزاع: و عليكم السلام و الرحمه

سارت باست راس امها و ابوهـا ..: شحالكم؟

كلهـم: الحمدالله بخير

مزنـه: ها اميه سايره الدوام؟

لطيفه: هيه و يمكن اليوم اتـأخر شويه

بو هزاع: الله يوفقكم

هزاع: ابويه

بو هزاع: هلا؟

هزاع: عمي سالم بيسافر اليوم

بو هزاع: صدق؟ ليش؟

هزاع: عنهم مؤتمر فـ الكويت امس شفته فـ ميلس غانم ال-----ي ..

بو هزاع: هييه الله يرده بالسلامه .. عيل عليا وينها؟؟

مزنـه بنفس خايسه: خامده

بو هزاع: هييه .. شخباره عادل ريلج اميه؟

لطيفه: الحمدالله بخير ..

مزنـه: شو الجو هناكي

لطيفه: يقول وايد حلوو و بارد

هزاع: الله يرده بالسلامه

كلهـم: آآمين

لطيفه تشرب آآخر شفطه من الحليب و تلف شيلتها و تقوم: يلا انا اترخص

هزاع: يلا انا وياج

مزنـه: ماكلتي شي اميه؟

لطيفه: لا فديتج شبعت يلا عن اذنكم

مزنـه و بو هزاع: اذنج معاج

هزاع: يلا فامان الله

مزنـه: الله وياك فديتك

و يوم طلعوا قالت مزنـه: مادري متى ايريح قلبي هالولد و يعرس

بو هزاع: خليه ع راحته .. و اذا هوه يبا خله يـأشر بس

مزنـه: يالله تهديه

بو هزاع: آآمين ..

...

××اما عنـد هزاع××

مر هزاع صوب بيت خاله و هوه ظاهر اصلن هـوه فـ دربه .. شافت سيارة جواهر ظاهره من البيت جان يظربها هرن و ردتله الهرن .. استغرب هيه شو مطلعنها الصبح؟ قالت بتصل فيها يطمن ..

جواهر: هلا هزاع

هزاع: اهلين شحالج جواهر؟

جواهر تبتسم و هيه قافطه: تمام و انته؟

هزاع: الحمدالله بخير .. شو مظهرنج الصبح؟

جواهر: ماشي بسير العياده

هزاع بهتمام: عسى ما شر؟

جواهر: لا بس عيني تعورني شويه احسبها تحرقني بسير اشوف شو فيها

هزاع: يمكن النظر ناقص عندج

جواهر: يمكن

هزاع: يالله خير ان شالله

جواهر تعدل نظارتها و هيه ترمس: ليش تسـأل؟

هزاع ببتسامه حلوه: اطمن

جواهر ظحكت: هههه

هزاع: هههه .. يلا عيل طمنيني عليج و ع عيونج تراها غاليـه

جواهر استحت: ان شالله

هزاع: يلا الله يحفظج

جواهر: و يحفظك

و صكت عنه و هيه تتنهد و تبتسم بعفويـه ..

...

××ع السـاعـه 9 ..××

نشت هنادي يوم حست بشي فوقها .. بطلت عينها بصعوبه شافت ريول فوقها شلتها و شافت فطامي جالبه صوبها جان تقول بنزعاج: الله يغربلج

و ردت اونها بترقد بس شافت الساعه كانت 9 .. تستانس يوم تنش هالوقت خخخ .. قامت تغسلت و تمت ببجامتهـا .. سارت و نزلت تحت شافت البشكاره يالسه تشل الريوق الظاهر امها و ابوها كانوا يتريقون .. جان تقول: خلي خلي ابغي اتريق يوعانه

البشكاره: تبين أسل؟؟

هنادي: هيه خلي .. جواهر راقده؟؟

البشكاره: لا جواهر في سير برع

هنادي: شو؟ من صباح الله خير وين بتسير؟ سيري ييبي مبايلي من فوق

البشكاره: وين حطيتي؟؟

هنادي: ع الطاوله الي وين ارقد و ييبي السماعه بعد

البشكاره: اوكي

طلعت من الطبقه جباب و حطته عليه جبن و يلست تاكل متلذذه: يااااي لذييذ

يابت البشكاره تلفونها و اتصلت ع جواهر و حطت السماعه فـ اذنها و هيه تاكل .. و يوم ردت قالت: جواهر وينج ظاهره من صباح الله خير؟؟

جواهر: و انتي شو موعنج من صباح الله خير؟؟

هنادي: ههههههه نشيت يوم حسيت بريول فطامي فوقي هههههه

جواهر: هههههه انزين .. الحينه شو تبين؟؟

هنادي بدلع: جوووجووووووو

جواهر: هااااااا؟؟

هنادي: الله يخليج

جواهر: ههههههههه انتي من تقولين الله يخليج اعرف انه عندج شي حشى ماتغير هالاسلوب هههه

هنادي: هههههه فديتني .. تبين؟؟

جواهر: شو؟

هنادي: جباب؟؟

جواهر تغايظها: لا فديتج الحينه بتريق فـ ستار بكس

هنادي احتجت: شووووووو؟؟ لالالالالالا اصبري مري علي اول

جواهر: شو امر عليج انا الحينه عدال ستار بكس

هنادي: جووجوووو فديتج لا ترديني الله يخليج

جواهر: يالله .. انزين يلا تلبسي بمر عليج و بسج صرااط

هنادي: اووكي بسير اوعي قوم فطامي

جواهر: والله انا بوقف و بظرب هرنين و ان ما زهرتوا اقصد ظهرتوا بروح

هنادي: واااااااااااهههههههههههههههههههههههههههه زهرتوا ههههههههههه

جواهر: و ان ما سكتي والله مب ماره

هنادي: هههه والله خلاص خلاص يلا انا بسير فوق

جواهر: يلا باي

هنادي: باي

شلت فونها و سارت غسلت ايدها و روحت فوق و سارت تسبحت و يوم ظهرت بندت المكيف و بطلت الستاير: يلااااااااا قوووموووا

شيخوه تلحف عمرها: هنوود يالحمااره بندي الستاره

هنادي: يلا قوموا

فطامي: سيري لاا

هنادي: كيفكم بظهر ويا جواهر روحي

شيخوه تبطل اللحاف: وين بتسيرون؟؟

هنادي تعدل شعرها: بنتريق برع .. خيسوا هنيه انتوا

شيخوه: شووو ( نقزت ) انا بسير

و ركظت صوب الحمام .. فطامي: انا برقد

هنادي: خيسي هنيه .. ( تغايظها ) بنتريق و بنسوق و بنتشرا و بتم لين العصر

فطامي تزاعج: ما لقيتي تظهرين الا الحينه؟؟ الصبـح؟؟

هنادي: هيه يلا تمي انتي هنيه

و سارت طلعتها بنظلون جنز و بدي قالت بتلبس عباه مسكره عطت ثيابها البشكاره و ردت الحجره وقالت حق شيخوه: شو بتلبسين؟

شيخوه: الحمدالله ان روحي يايبه ثياب احطياط بس عباتي مسكره!!!

هنادي: عادي انا حتى بلبس عباه مسكره

قامت فطامي صوب الحمام: انا ما يبت ثياب بس جلابيه؟

هنادي: بعطيج من ثيابي بس المشكله انتي واايد ظعيفه بدورلج لبس ظيج

فطامي دشت الحمام: مشكله المتان

هنادي: سباله

شيخوه: ههههههههههه مياانين .. ( لفت شيلتها ) بسير اعطي البشكاره تكويلي ثيابي

هنادي: عقي شيلتج ميود راقد ما بينش الحينه

شيخوه: الاحطياط واجب

هنادي: هههههه هيه والله ..

شويه و يت البشكاره و يابت ثيابهم و بدلوا و خبروا قوم شيخوه أهلهم انهم بيسيرون و خلوهم .. و فطامي سنه ادور لبس آآخر شي استقرت ع بدي احمر و بنطلون جنز .. تجهزوا و جي و شويه الا ظربت جواهر هرن و نزلـوا تحت و ساروا السياره ..

هنادي تركب جدام: ما تـأخرنا

جواهر: هيه زين ولا كنت بروح

فطامي: حشى ماشي صبر

جواهر تحرك السياره: الي اي وياي لازم يتقيد بالواعيد

هنادي: لا حاولون هاي ما تتريا ابدن

شيخوه: حشى

هنادي: زهرتوا ههههههههههههههههههههههههههههههههههههه

جواهر توقف: انزلي انزلي

هنادي: هههههه لالا خلاص

جواهر: تطنزين علي ها حيوانه

شيخوه: هههه شو السالفه؟؟

فطامي: سالفتها سالفه الظاهر

هنادي: لاااا ههههههه ترا ....

صخت من شافت جواهر تطالعها بنظره و سكتت و نزلت راسها اونهـا .. تموا ساكتين جان تقول هنادي: آآخ بطني هههههه

جواهر زاعجت: هنااادي

هنادي تزاعج عليها و هيه فيها الظحكه: شو اسوي اذا انتي نقعتي هههههههه

جواهر معصبه: بتسكين ولا شوو؟؟

هنادي: خلاص خلاص

فطامي: جي السالفه

شيخوه: استر على اخيك المسلم يا هنادي هههههههههههههه

كلهـم: ههههههههههه

ظحكت وياهم جواهر غصبن عنها لانها اصلن فيها الظحكـه ..

وصلوا الفستفال ستي .. و هم نازلين قالت شيخوه: جواهر؟ هنيه ماشي ستار بكس؟

جواهر تعدل نظارتها و شيلتها: اعرف بس شي كوستا

هنادي: هيه و بعد شي ماذكر شو اسمه هالمحل ما الدونات همم ياربي شو اسمه

فطامي: هيه اسمه كرسبي كريم

هنادي: واايد حلوو الدونات مالهم بسير آآخذلي

و دشوا السنتر .. و تموا يسولفون و هم سايرين صوب كوستا و يلسوا ع طاولـه .. جان تقول جواهر: اويـه ماقلت حق امايه الحينه بتحتشر

و اتصلت فيها جان تقول شيخوه: انا بطلب نسكافيه و كيكة الجوكلت

هنادي: انا هوت جوكليت و كرواسون

فطامي: هممم انا بطلب كافيلاتيه و جيز كيك

بندت جواهر عن امها: قلتلكم بتحتشر بس الحمدالله رظت

هنادي: شو بتطلبين؟

جواهر: اثق فـ ذوق فطامي الصراحه

فطامي: اشكر فنج بنت عموه

جواهر: ههه شيخوه زقري الحرمه

شيخوه: انزين

و زقرت الحرمه و طلبوا و بعد ما طلبوا روحت الحرمه .. قالت شيخوه: اليوم المبيت بيتنا

هنادي: اويـه ميره بتي اليوم

فطامي: بنت عمتج؟

هنادي: هيه

جواهر: اوييييييه نسيت منى ماقلتلها

شيخوه: اووبس كيف نسيتها

جواهر: لا تقوللوولها بتزعل

فطامي بنذاله: بقولها بقولها هههههههه

جواهر بترجي: يلا لاااااا

شيخوه: خلاص خلاص ما بنقول

جواهر: شفت هزاع اليوم

فطامي بخبث: هااااا جواهر شفتي هزااع حيج

شيخوه بصوت عالي: هزااااااااع

جواهر: جبببب لا تزاعجين

هنادي كانت مندمجه ويا الغنيه الي يالسه تسمعها جان اطرش مسج حق عزوز " عزوز انا فـ دبي فاستيفال ويا بنات خالي و اختي .. اتصلت فيك كنت راقد اظني .. بتصل فيك يوم برد "

بعدها يابت الحرمه الأكل و يلسوا يتريقون و جي .. و هم يسولفون .. بعدها قامو يتمشون .. سارو صوب قسم ايكيا .. سارو صوب باسكن و خذت فطامي آآي سكريم اذا ظهرت و ماكلت باسكن بتتخبل خخ .. بعدها سروا القرشي و خذت جواهر كمن عطر و شيخوه خذت بعد .. اما هنادي و فطامي سارو محل wizz صدق انهم ياهاال خخخ .. خذت هنادي مروحه و فطامي بعد عن الحرر ..

و دشوا هايبر باندا صوب الافلام .. ما حصلوا فلم حلوو جان يسيرون صوب الابتوبات ..

فطامي: بقول حق ابويه ابغي هدية نجاحي لابتوب

بطلت هنادي عينها: و الهدايا الي يابها ابوج؟ و اللي يابهن هزاع بعد؟؟

فطامي: لا ابغي لابتوب

هنادي: انا عندي هاذا الـ hp و جواهر عندها اكبر عن مالي بشويه

فطامي: انتي صح شو عطوج هدية نجاحج؟ والله نسيت

هنادي: ترا هالابتوب من اميه و 5,000 من ابويه و سلـة باتشي عوودهـ و مبايل من ميود و بكس كله عطورات من جواهر .. و ابوج فديته عطاني 5,000 ..

فطامي: ياحظج

هنادي: شدي حيلج بتفلحين ان شالله

فطامي: ان شالله

هنادي تطالع تلفونها: يلا هاي جواهر تتصل الظاهر بنرد البيت

فطامي: جي الساعه كم الحينه؟

هنادي: 12 و نص .. ( ردت ) هلا جواهر ... اوكي يايين ... وين؟ ... اوكي اوكي بـاي

فطامي: وينهم؟

هنادي: هم صوب باسكن يلا انسير صوبهـم

سارو صوبهـم جان تقول هنادي: ابغي كرسبي كريم

جواهر بتعب: بسرعه انزين تراني تعبانه من الصبح نااشه

هنادي: انزين سيري السياره و احنا بني منو بي وياي؟؟

شيخوه: انا تعبت بسير ويا جواهر

فطامي: انا بسير وياج يلا

و سارو صوبه و هم يسولفون عن المدرسه و هالسوالف ..

يوم وصلوا طلبوا و سارو بسرعه لانه شيخوه كل شوي تتصل فيهـم .. بس وقفت هنادي و قالت: خلينا نطلب غدا

فطامي: هييه والله مابغي اتغدا من اكل البيت اليوم

هنادي: انزين يودي اتصلي فـ جواهر خبريها شو تبا من هارديز

و طلبت هنادي حقها و حق فطوم و قالتلها فطامي جواهر و شيخوه شو يبوون .. و بعدها شلوا الاغراظ .. و ردوا البيت ..

...

دشت هنادي الجحره و وراها شيخوه و فطامي حطوا اغراظهم و عقت هنادي عباتها و تمت بالجنز و البدي اما قوم فطوم بدلوا و لبسوا جلاليب و نزلوا تحت بعد ما صلوا الظهر و الصبح لانهم نسوا يصلون ..

تغدوا و خلصوا و جي و اتصلت هنادي فـ امها تسـألها ميره متى بتي قالت الفليل .. اتصل فيها عزوز بس مارامت ترد عليه لانه جواهر يالسه وياهـم .. طرشلته مسج انه اختها عندها .. و جي ع الساعه 1 سارو يرقدون من التعب ..

...

××ع السـاعه 4 و ربـع العصـر .. ××

بعـد الصـلاه كانوا كلهـم الكبار متيمعين فـ بيت بو هزاع عشان سفر بو مايـد .. ما عدا هنادي و شيخوه و فطامي لانهم رقود .. بس جواهر يت عشان خاطر منى اخت شيخوه لانها قالت بتي و محد هناكي .. و ميود بعد يا و حمدان كان راقد و ما نزل ..

بو منى ( بو شيخه ) : الطياره متى يطير بو مايد؟؟

بو مايد: الله يسلمك الساعه 5 و نص

هزاع: عيل ماشي وقت

بو مايد: لا الغالي شي وقت ترا الا فرة حصاه المطار

ام منى: بتخبركم فاهم ( ريل بشرى اختهم الي توفت ) صدق بيشل عياله و مروح؟؟

بو هزاع: هيه صح يا ام منى .. مادريبه مصر الا يشل العيال وياه

ام مايد: بس حليلهم هناك منو بيراعيهم ع الاقل هنيه ويا خوالهم و جي بيعتنون فيهم اكثر و جي

بو منى: هوه مصر الا ياخذهم

منى: بس حرام يعني هناكي هوه بروحه وين بيلحق يجابلهم و جي

سعيد: يمكن ياخذ اجنبيه

مايد: ههههه صح

بو هزاع: اجنبيـه؟؟ لا تفاول يا ولدي عن يسويها صدق و ياخذ اجنبيه

عليا: ياخذله من بنات البلاد احسله مكوداات

ام مايد: هيه والله

مزنه بنغزه: بس عاد ياخذله وحده زينه مب نجريه

عليا اطالعتها بنظره بس مزنه طنشت .. خخخ والله صدق انهن عداايل من الخاطر ..

بو منى: جان فكر يخطب اكيه نعيمه اخت ام منى شيخه البنات .. بنيه و النعم فيها

ام مايد: هيـه والله اخلاق و ادب

ام منى: ظاهره ع اختها

كلهـم: هههههههههههههههه

جواهر: انتوا فاتحوه اذا فكر يخطب و جي

مايد: بس صدقوني بيسويها و باخذ اجنبيه و ها ويههي

سعيد: لا تفاااول ياخي

منى: ههههههههه احلى تفائل

مايد: هههههه اقولج ..

هزاع: هههه يلا ان شالله ما يسويها .. هوه متى بيرد؟

بو منى: فـ رمظان ان شالله

بو هزاع: ع خير ان شالله ..

ام مايد: الا هنوف و عبود عند منو الحينه؟؟

ام منى: بيت عمهـم لين يرد ابوهم ..

بو مايد: عيل حمود وين؟

هزاع: توني ياي من فوق كان يالس ع النت

بو هزاع: ما يشبع من النت هاذا

عليا: خله فديته يستانس احسن من ما يعفن و هوه راقد ( تنغز مزنه بالرمسه )

مزنه اطالعتها بنظره بس كلام بو هزاع سكتها: ما علينا بو مايد متى بترد بالسلامه؟

بو مايد: ان شالله بالجمعه

ام مايد: يالله غداكم عندنا

مزنه: ماتقصرين يا ام مايد

عليا: عيل البنات وين ما اشوفهم جواهر؟

سعيد: صح فطامي و هنادي و شيخوه وينهم

جواهر: لا ترا اليوم ظهرنا نتريق و جي فـ نشن من الصبح و الحينه سارو يرقدون من التعب

هنيه منى بطلت حلجها ..

مزنه: ويعيهن خليهن يسلمن ع ريل عمتهن

بو مايد: لالا يا ام هزاع خليهم راقدات ان شالله بتصل فيهم و برمسهم

جواهر: على ما اعتقد نست هنادي ان اليوم سفرك

سعيد استانس من طروها: ما تنلام من التعب

جواهر: الظاهر جي

و طول الوقت و هيه ترمس عين هزاع عليها حست فيه من جي اربكت شويه بس ما بينت لـ حد ..

منى ترمس جواهر بصوت واطي: ليش ما تخبروني؟؟

جواهر: والله العظيم نسيت

منى اونها زعلت: هيه هيه نسيتي اونه

جواهر: والله سوري فديتج لا تزعلين

هزاع وياهم ع الخط و الكبار كانوا يسولفون و ما ينسمع قوم جواهر شو يقولون: خلاص منى لا تزعلين منها كله ولا الجوهره محد يزعل منها

جواهر احمر وييهـا و قالت اونها تمشي الموضوع: ها سمعتي خلاص لازم ما تزعلين

منى بخبث: اووووووووونه

جواهر انحرجت: بس عااده

هزاع: هههه المهم .. شو قالو عن عيونج؟؟

جواهر: ماشي بس لازم ما اعق النظاره فتره طويله الا يوم ارقد لاني امس يلست ع الاب بدون نظاره

هزاع: ليش؟

جواهر: نسيت

هزاع: مب زين جواهر .. لا تهملين نفسج ترا والله بزعل عليج

جواهر ابتسمت: ان شالله

هزاع: بسير اشرب ماي عطشان تبين؟

جواهر: لا مشكور

منى: هزااااعي ييبلي ماي

هزاع: ههههههه بشكارج هزاعي

منى تقردنه: افا و الله افا انته اعلى من جي ولد عمي

هزاع: هههههه خليني اسير احسن

منى تظحك: احسنلك خخخخ

و روح هزاع صوب المطبخ و لفت جواهر صوب منى و حط ايدها ع ويهها: واااااي ويههي احترق

منى: يحبج

جواهر: جب لااا

منى: ههههه طاع ويههج المشكله انج بيظه من جي بسرعه تحمرين شكلج يظحك يالشلقى هههههههه

جواهر بطلت عينها: انا شلقى؟؟

منى: هههههههههه عيل ليش تلبسين نظااره؟؟

جواهر: جب جب اسكتيي عني ولا اخبر هزاع

منى: لاااااااااااا والله اخاف هههههههههههههه

جواهر: ههههه مينونه و حمااره نفس هنادي

منى: هههه هاي الوحديه الي طالعه علي ..

جواهر: اذا اجتمعتوا انتي و هنادي يستوي زلزال فـ العالم تعرفين

منى: هيه اعرف ههههههههه

جواهر: غبيه .. المهم افكر اسويلي عدسات احسن من النظاره

منى: احسنلج

جواهر: بسير باجر اليوم مالي بارظ

...

××المهـــم ..××

ع السـاعه 5 الا عشر سار بو مايـد المطار و وصلـه ميـود .. و سعيد سار يرقد شويه لين المغرب و قوم جواهر ردوا بيتهـم ..

قام بو هزاع: يلا انا ساير صوب العزبه اطالع الزرع مايندرابه هالهندي اليديد شو سوى

مزنه: بتعشى هنيه؟؟

بو هزاع: لا بسير ميلس واحد من الربع ..

هنيه دشت لطيفه: السلام عليكم

الكل: و عليكم السلام

سلمت ع امها و ابوها و مرت ابوها و يلست: شحالكم؟

كلهـم: بخير

بو هزاع: شخبارج بنتي؟

لطيفه: الحمدالله

مزنه: شكلج تعبانه

لطيفه: هيه وايد حالات عندنا فـ المستشفى اليوم اووف هلكت

عليا مبتسمه: يالله الله يوفقج

لطيفه ترد الامتسامه: الله يسمع منج

بو هزاع: يلا انا ساير

لطيفه: صح عادل يسلم عليكم

كلهـم: الله يسلمـه

هنيه نزل حمدان من فوق و شكله توه ناش من الرقاد و كان لابس كندورة البيت: السلام

كلهـم: و عليكم السلام

بو هزاع: داش ع يهود؟؟

حمدان ماله بارظ: ابوويه دخييلك توني ناش

بو هزاع عصب و هوه يشوفه ييلس عدال امه: و انته بس هاي شغلتك؟؟ ظهره و اكل و رقاد؟؟

حمدان تنهد و هوه منزعج و لف الصوب الثاني ..

بو هزاع عصب من الخاطر: ارمسك اناا

حمدان لف صوبه و هوه طفران: شوو؟؟ ابويه لا تنكد عليه من الحينه

مزنه يالسه تدزه ع الخفيف عشان يسكت و حمدان معاند: حشى لازم هالاسطوانه كل يوم؟

بو هزاع: معلووم .. لازم اسطوانه دامنك جي معفن .. لا صلاه ولا حياه حتى احترام للأبو ماشي خساره تربيتي لك .. الله يغربلك من ولد

و طلع من البيت معصب .. جان تقول مزنه: هاي رمسه اتقولها حق ابوك؟؟

حمدان: اوووهووو ( قام ) ها غلط الي ييلس وياكم

لطيفه: ما تستحي انته

حمدان: سيروا لاااا

و سار فوق و لحقته امه .. جان تقول عليا فـ خاطرها " صدق ماعرف يربيه حميد .. صدق ما يستحي هاي رمسه يقولها حق ريال عود و بعد منو ابوه .. والله دنيا ": انا سايره فوق

لطيفه: بسير وياج ..

...

××ع المغـرب .. ××
××فـ بيت بو مايــد .. ××

نشوا البنات ع صوت هرنات برع .. بالاصح كلهن بس بطلن عيونهم منزعجين اما فطامي نقزت من مكانها و سارت صوب الجامه و شافت كروزر سودهـ و بيظا و كمن فتك ورا بعظ كانو مشغلين أغاني و مطولين آآخر شي و يظربون هرنات و ملزقين ع السياره كله اشعار مال نادي الاهلي .. خمنت فطامي فازوا فـ مباراه ولا شي .. بطلت فطامي الدريشه معصبه و زاعجت: اللللللله يللعنكم

و بندت الدريشه قبل لا يشوفنها .. و يلست تظحك ع عمرها و سارت تغسلت و وعت قوم هنادي و نشوا كلهـم و وحده ورا الثانيه ع الحمام .. و صلوا و جي ..

المهـم بعدها سارت شيخوه بيتهم و فطامي بعد عسب يبدلون لانه ميره بنت عمة هنادي بتي .. سارت هنادي طلعتلها كندوره مخوره ما تفيجت تلبس بنطلون و قالت حق قوم شيخوه يلسبون نفسها .. و تكشخت و جي و كلمت عزوز جي ربع ساعه و صكت عنه لانه ربعه عنده و تمت ترييا ميره لين اتي .. ع الساعه 7 و نص وصلت ميره بيت عمها و سلمت ع هنادي و جي و كانت وياها بنت اخوها رايه .. واايد تستحي فديتهـا وايد كيوت ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 05-03-2010, 12:08 PM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


المهـم سارو مشي صوب بيت قوم فطامي و هم داشين شافت حمدان طالع من البيت سوتله طاف و سار عنه و هيه ميوده ايد ميره و تسحبها وياها .. جان يقول حمدان بصوت عالي: السلام ببلاش بنت العمه

دشت داخل و هيه منـأرفه منه جان تقول ميره: ها منو سعيد؟؟

هنادي: وي بسم الله ع سعيد من هالجني .. ها حمدان الجلب

ميره: هههههه ليش جلب؟؟

هنادي: راعي مشاكل

ميره: هههه .. خليه عنج وينهم قوم فطوم؟؟

هنادي: تعالي بنسير فوق عند حجرتهـا

و سارو فوق و فـ اللفت شافوا حمود نازل جان يقول: اوه هلا هنود

هنادي: هلا حمود شحالك؟

حمود يطالع ميره: تمام .. ماعرفتينا منو الاخت؟

ميره: افاا حمود نسيتني؟؟

حمود: اوه ميروووه والله ما عرفتج شحالج؟؟

ميره: تمام شخبارك من زمان ما شفتك

حمود: انتي ما قمتي اتين

ميره: ههههه شو انسوي بعد ..

هنادي: بسكم سوالف .. فطامي فوق؟

حمود: هيه ويا شيخوه

هنادي: يلا بنسير

و سارو فوق .. جان تقول ميره: حمود كبر والله و استوى ريال

هنادي: ههههه هاي الدنيا

و يوم طلعوا من اللفت شافت هنادي عليا مرت خالها: خااالووووو عليا

عليا: حي الله من يانا

و سلمت عليها و يت بتسلم ع ميره: هلا و غلا بميره نور البيت

ميره: منور بـأهله

هنادي: تعرفين خاالو من متى ما شفتج

عليا: تقولي فطوم دوم تسـألين عني فديتج .. بس انتي اتين فـ وقت انا محد

هنادي: خلاص المهم شفتج هههه

عليا: ههه وااي فديت هالحلوه تعالي حبيبتي منو هاي؟

ميره: هاي رايه بنت اخوي ناصر

عليا: مشالله عنده بنت ناصر؟ تعالي حبيبتي

ميره: ههههه لزقه ما بتي صوبج تستحي

عليا: هههه فديتها .. يلا انززين سيروا عند فطامي و شيخوه و بقول حق البشكاره تييبلكم كيك و عصير ..

هنادي: اوكي

و سارو صوب حجرة فطامي و دشو: السلااااااااام علييييييييييكم

شيخوه و فطامي: و علييييييييكم السلااااااااااام

و عفدوا كلهـم صوب ميره يسلمون عليها و وينج يالقاطعه و وينج يالقاطعه هههههه ..

المهـم ..

بعدها يوا مريم و يزوي خوات شيخوه و خذوا رايه وياهم عشان يلعبون وياها و جي .. يلسوا ياكلون الكيك و هم يسولفون جان تقول هنادي: الساعه كم؟

شيخوه: 8 و ربع

هنادي بخبث: يتني فكره جهنميه

فطامي: الله يستر شو؟

هنادي: جهنميييه

ميره: بنت خالي و اعرفج ههههههه

كلهـم: هههههههههه

هنادي: ههههه سعيد هنيه؟

فطامي: ليش؟

هنادي: سيري شوفي سعيد هني ولا

فطامي: اوكي

و سارت .. شيخوه: ع شو ناويه؟؟

هنادي: صبري بس

ميره: هههه يالله سترك

شوي وردت فطامي: يتسبح

هنادي: شفتي سويج سيارته؟

فطامي: هيه ع الطاوله

هنادي: سيري ييبيه

فطامي: شو بتسوين فيه؟؟

هنادي: هههههه ييبيه و انتي ساكته

روحت فطامي و قالت ميره: اقولج ليكون ناويه تعيدين سالفة اخويه غنووم؟؟

هنادي: هههههههه تقريباً

شيخوه: شو السالفه؟؟

هنادي: بتعرفين يلا شلي شيلتج بسسرعه

و لبسوا شيلهم و يت فطامي و وياها السويج و طلعوا برع جان تبطل هنادي سيارة سعيد النيسان: يلا ركبووا

فطامي: ايـــه هنادي؟؟ انتي ما تعرفين تسوقين؟؟

شيخوه: لا مره ساقت

هنادي: ههههه ويا ميود يلا بنجرب شعلينا

ميره تركب: يالله ترحمنا

كلهـم: ههههههههههه

هنادي تشغل السياره: يلا بسم الله

و ردت ريوس و كل شوي توقف بريك ههههههه ..

شيخوه: ايييييييييه ماتعرفين تسوقين اوقفي عيل

هنادي: جب جب

ميره: انزين شغلوا شي

فطامي: صبري بشوف السيديات

و حطت سي دي الجسمي و ع غنية احترت أعبر .. ارتبشووااا من الخاطر .. و تموا يحوطون فـ الفريج و هنادي حرييصه انها ما تدعم ..

شيخوه: ايييييييييه طاعوو هاذا

فطامي: اندووكم حاط دنادش

ميره: هههههههههه

هنادي تلف ورا: ههههههه اي وااحد؟؟

ميره: راعي الهمر

هنادي: وين وين؟

و تلف السكان بالغلط ع اليمين و دحت بريك بالقوووووووو لانهـا شافت جدامها واحد .. و دعم راسها فـ السكان .. و حست انه فـ هاللحظه انها ممكن تكـون السبب فـ موت انسان.............؟!!!!!!

××نهـاية البـارت××


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 05-03-2010, 12:09 PM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


عيون الَّليل أنا بالحيل أحب أسهر لياليها ..
وأحب أبكي وهي تبكي وأفرح للفرح فيها ..
حبيبي لو ضَمنت اليوم أعيش الشَّكِ في باكِر ..
يجي مُستقبل الايَّام يغيَّر في هوى الحاضر
يغيِّرك الزَّمان بعدي تعَّلم طبعها الغادر

××.. الجـزء السـادس ..××

.................؟؟!!

الهـدوء عم ع المكـان ..!! ماعدا صيـاح شيخوه من المنظر الي شافتـه .. لانها شافت الشخص الي كانو بيدعمونه طااح ع الارظ بكبره .. فطامي تطالع جدامها: اويييييه ليكون ماات

شيخوه تصيح: انا الغبيه الي ييت وياكم

ميره: خلاص خلاص اهدي حصل خير ..

فطامي تنزل من السياره: بشوفه يمكن مات ولا

ميره: هنادي هنادي

هنادي: ...................

ميره تهزها: هنادي قومي

شيخوه بطلت عينها: ليكوون استوابها شي

هنادي بصوت مبحوح و هيه راسها ع السكان: لا تحاتون

اما فطامي كانت واقفه وين الولد كان طايح و هيه ترتجف و توها بتتجرب منه جان يبطل عينه و يقوم و ردت ع ورا بسررعه .. جان يقول: انتي ماتعرفين تسوقين؟؟

فطامي: ..........

الريال قام معصب: و شلكن يالبنات بالسواقه .. هاذا غلط الي يعطي البنات هاللياسن

فطامي ميوده عمرها عن تصيح: .........

الريال: ماعلينا .. شي صابكن؟

فطامي تبلع ريجها: السموحه منك

الريال: هههه لا عادي بس فلم هندي الصراحه .. شي صابكن؟؟

فطامي: لا

و سارت ركبت السياره و صدت صوب هنادي: اييه قومي

هنادي رفعت راسها و عيونها تغرغر من الدموع و ترمس و هيه ترتجف من الموقف الي صار: شـ ـشو اسستـ ـوى؟؟

فطامي: ماشي الريال بخير .. يلا انرد البيت

هنادي بعدها ع نفس الحاله: ممارووم اسووق

و نزلت من السياره و هيه مب قادر تمشي جان تتيود فـ مقبظ السياره .. و ركبت ورا و الريال يالس يطالعها و مستغرب بلاها .. ميره تلوي ع جتفها: هنوود بلاج

هنادي تتنفس بسرعه: مادري مادري تعباانه و راسي يعـ ـوررررني

شيخوه تزاعج ع فطامي: ايييييه اتصلي فـ سعيد

هنيه قامت هنادي تصيح و تشاهق بطريقه مب طبيعيـه .. و ميره تهديهـا ..

فطامي تقبظ تلفون هنادي الي وين القير و توها بتتصل فـ سعيد جان تسمع دق عند الدريشه جان تبطلها: نعم اخوي؟؟

الريال: تبون حايه محتايين شي؟ ماصابكن شي؟؟

فطامي عصبت: قلنالك لا خلاص افففف

و تبند الرديشه و روح الريال مفتشل ..

اتصلت فـ سعيد: هلا سعيد

سعيد معصب: شحقققققه صارقين سياااتي؟؟؟

فطامي: سعيد مب وقته تعال بسرعه صوبنا

سعيد: ليش شو مستوي؟؟

فطامي: كنا بدعم واحد بس الله سلم .. بس هنادي مادري بلاها

سعيد فز قلبه: شووو؟؟ هنادي؟؟ يلا يلا انا ياي وين انتوا؟؟؟

فطامي: صوب البيت البرتقالي الي فـ آآخر الفريج

سعيد صك فـ ويهها و التلفون و فـ ثواني هوه ياي بـ سيارة الدريول صوبهـم و نزل و بطل الباب الوراني: شو مستوي؟؟

شيخوه تمسح دموعها: هنادي تصيح

سعيد: هنااادي بلاج؟؟

هنادي صاحت بصوت عاالي: ودووني عند امااااااايه ابغييي اماااااايه

سعيد: ان شالله ان شالله

اتصل فـ الدريول اي ياخذ سيارته و ركبت هوه النيسان بس شاف ريال ياي صوبهم و نزل يشوف شو يبا و خبره و جي و سعيد استسمح منه و جي .. و طيران صوب بيتهم و ساعدت ميره هنادي انها تدش داخل كانت ترتجف بكبرها و سعيد عاجز مب عارف شو يسوي ..

كانت لطيفه يالسه فـ الصاله و يت صوبهم: شو مستوي

شيخوه: لطييفه الحقي ع هنادي

لطيفه قامت بسرعه: دخلووها هالحجره بسرعه

دخلوها و تموا فطامي و شيخوه برع و شيخوه يالسه تصيح و فطامي تسكتها ..

لطيفه تمسح ع راس هنادي: شو استوابها؟؟

ميره: خذنا سيارة سعيد و قالت تبا تسوقها و مرت همر عدالنا و كانت تبا تشوفها بس لفت بالسكان ع اليمين و كانت بتعدم واحد و دحت بريك بالقووو ..

لطيفه تهدي هنادي: خلاص فديتج اهدي اهدي ..(يلست تقرا عليهـا ) .. و ( اطالع ميره ) هاي اطرابات نفسيه من الي استوى ..

ميره: يعني مافيها شي؟

لطيفه: لا الحمدالله بس قولي حق فطامي تييب الحبوب المهديه من حجرتي بتلقاهم ع الطاوله

ميره: اوكي

و طلعت من الحجره و قالت حق فطامي و سارت فطامي فوق و يا سعيد صوب شيخوه: ها شخبارها؟؟

شيخوه: لطيفه قالت انها اطرابات نفسيه

سعيد: الحمدالله

...

بعد ما هدت هنادي قالت حق لطيفه: ابغي اسير البيت

لطيفه: ان شالله بقول حق سعيد يوديج

و طلعت من الحجره وياها و قالت حق سعيد يوصلها و وافق على طول .. و قوم شيخوه وياها .. ودوها البيت و شافهم ميود و سـألهم: بلاها هنود؟

ميره: تعبانه شويه

و ودوها حجرتهـا و بدلت ثيابها .. انسدحت ع الشبريه و لحفوها و غمظت عينها بسرعه .. و تموا عندها شويه و بعدها رقدت هنادي بسلام .. و قالت ميره: ناصر اخويه ياي الحينه

فطامي: تعشي عندنا

ميره: لا فديتج الساعه 9 و نص لين اي 10 ولا 10 و ربع لازم ارد جميرا

شيخوه: ع شو مستعيله؟؟

ميره: لانه ام رايه تباها ترد من وقت

فطامي: يا خساره كنا نباج اتمين اكثر

ميره تبتسم: المره اليايه ان شالله ..

فطامي: ان شالله

روحت ميره و تموا فطامي و شيخوه عندها و بعدها روحن كل وحده بيتهـا .. و يوم يت جواهر من عند منى خبروها السالفه و يوم كانت بتسير عند هنادي شافتها راقده .. ماحبت تزعجها و ظهرت و سارت حجرتهـا عسب ترقد ديايه هالبنت ههههه ..

...

××السـاعه 2 و نص الفليـــل ..××

كانت تسمع شي يهز بس مطنشه و تمت تتجلب بس هالصوت ماوقف ابد .. لفت صوب الطاوله شافت مبايلها يرن شافت رقم عزوز و ردت بصوت مبحوح: الو؟

عزوز: صبااح الليل

هنادي: هههه هلا

عزوز: وين الي بتتصل اونها

هنادي: ههههه اصبر علي شوي .. بسير اغسل ويههي و بتصل

عزوز: يلا اترياج

هنادي: اوكي

عزوز: يلا باي

هنادي: باي

بندت عنه و سارت تغسلت و جي و عدلت شعرها و اتصلت فـ عزوز: تـأخرت؟؟

عزوز: لا عادي

هنادي: انزييين شحالك؟؟

عزوز: تمام شخبارج؟

هنادي: اووكيي .. تعرف اليوم ( سكتت تذكر )

عزوز: شو اليوم؟

هنادي شهقت: اوييييييه ليكون ماات

عزوز: منو ها؟

هنادي سكتت و هيه تذكر الموقف الي استوى يوم دعمت هاذاكي الريال .. و حست برجفه و تمت تتنفس بسرعه ..

عزوز: هناادي؟

هنادي مب رايمه ترمس: ها؟

عزوز: بلاج؟

هنادي تتكلم بصعوبه و دمعتها فـ عينها: دعمت واحد اليوم

عزوز: عادي كل الناس تدعم

هنادي: لااااااا .. بالسياره

عزوز مستغرب: سيااره؟ اويـه من متى تسوقين؟؟

هنادي ترمس بصوت واطي: لااا صرقت سيارة ولد خالي

عزوز: استوابج شي؟؟

هنادي: ............

عزوز: الـو؟؟

هنادي تصيح: ...........

عزوز: هنوود؟ حبيبي؟؟ وينج؟؟

هنادي: هنيه

عزوز: تصيحين؟

هنادي: ........

عزوز: بلاج هنوود رمسي

هنادي تصيح و هيه ترمس: مادري كيف حسيت فـ اللحظه كرهت السواقه و الي سواها

عزوز: انزين فديتج اهدي حادثه و مرت

هنادي: بس كنت بجتل انسان مادري كيف حسيت خفت وايد كنت ابغي امايه فـ هاللوقت

عزوز بحنان: ماكنتي تبغيني انا؟

هنادي ابتسمت و زادن دموعها ماتدري ليش ..

عزوز: هااالووو

هنادي تمسح دموعها: ههه وياك

عزوز: هناادي؟

هنادي: عيونها

عزوز: فديت عيونج خذيلج حبة كلينكس و مسحي دموعج بسسرعه

هنادي: هههه ان شالله

و مسحت دموعها بالكلينكس و هيه تقول: مادري بدونك شو بسوي

عزوز: فديتج والله

هنادي: عزووز اوعدني ما تعشق حبيبي سوايا

عزوز: و اوعدك ما اعشق سواك انته يازين

ثنينهـم: ههههههههههه

هنادي: اليوم ميره يت بيتنا

عزوز: منو ميره؟

هنادي: بنت عموتي

عزوز: اتصدقين توني اعرف

هنادي: ههه لأني ماجد طريتها لك

عزوز: جنه

عزوز: هنادي صبري صبري عندي خط

هنادي: اوكي

و رد ع الخط جان تقوم هنادي صوب الثلاجه و التلفون فـ ايدها .. شافت باونتي و فيتامين شي ولبن أب و ...........الخ .. خخخ الثلاجه مترووسه .. جان تاخذ توكس و لبن و سارت بطلت التلفزيون و يلست تتطالع و تاكل و يوم توها بتبند لانه عزوز علقها .. جان يرد عزوز: الـو؟

هنادي: اوف علقتني

عزوز: هههههه هاي طفرتني

هنادي بغيره: منوو هـاي؟؟

عزوز: آمنه الي ويانا فـ الجامعه

هنادي: شو تبا؟

عزوز: متصله تسولف

هنادي: عزوووز لا ترد عليهم والله اغار

عزوز: حياتي خلج كول الي هم ربع بس

هنادي: مايخصني ماباك ترمسهم

عزوز: ما تثقين فيني؟

هنادي: ..............

عزوز: المهم انه من بين هالبنات كلهم احبج انتي و بس

هنادي: بس بعد

عزوز: هنود صكي الموضوع .. خلينا نرمس عنا نحنا

هنادي ابتسمت: شو تباني اقول؟

عزوز: مب فـ خاطرج انكون انا و انتي ع البحر الحينه

هنادي غمظت عينها بحالميه: همم

عزوز: و اعزفلج ع الجيتار لحن رومنسي هههه

هنادي بعدها مغمظه عينها: هههه و بعدين

عزوز: و انتي جريبه مني و نسولف عن كل شي يخصنا نحن و بس

هنادي: بس عااد عزوز لا تخليني احلم واايد

عزوز: ليش؟

هنادي: لانه يمكن ما يستوي صدق

عزوز: و يمكن يستوي

هنادي: ان شالله ( هنادي تاكل توكس ) تبا؟

عزوز: شو؟

هنادي: توكس؟

عزوز: هيه ابا ( اونه يبطل حجله ) آآآآآ

هنادي تظحك: اندووك

ثنينتهـم: هههههههههههههههه

عزوز: الساعه كم الحينه؟؟

هنادي: 3 و خمس

عزوز: 3 و ربع بسير ارقد ( يتثاوب ) والله تعباان

هنادي: هههه انا طار من عيني الرقاد تصدق

عزوز: متى راقده؟

هنادي: مادري من استوت السالفه انا رقدت

عزوز: هيييه

هنيه دش عليه اخوه حارب: عزووز

عزوز: ها؟

حارب: عطني المايك مالك مالي اخترب

عزوز: اكوه ع الطاوله

حارب: طاانكيووو

عزوز: يلا برررررع

هنادي: ههههههه حليله

عزوز: هههه يبغي المايك عسب يغازل ع المسن

هنادي: ههههههه طالع ع منو؟

عزوز: فديته طالع ع اخوه

هنادي: لا واالله

عزوز: ههههههه بس لا حرووب مول مايخصه فـ البنات حروب مطوع

هنادي: هههههه يحليله .. انزين .. بسـألك سؤال

عزوز: سـألي

هنادي: انته شو حياتك؟؟ خبرني عنها؟

عزوز: حياتي انتي و الجيتار

هنادي: ..................

عزوز: ليش السكوت و انته تموت

هنادي: ههههههههههههههه

عزوز: هههههه ماحب السكوت

هنادي: لازم تتعود ..

تموا يسولفـون لين 3 و نص و ماحسوا بالوقت و سار عزوز يرقد و هنادي حطت فونها فـ الجرج و يلست تطالع التلفزيون و حست بصداع فـ راسها بس طنشت .. و سمعت حس فـ الصاله و صوت باب يتسكر .. جان تحط التلفزيون ع ميوت .. و سارت و بطلت الباب و شافت ميود طالع بالوزار و الفانيله و زاغ من شافها: بسم الله

هنادي: هههه شو تسوي؟؟

ميود: ماشي يعت و قلت بنزل تحت

هنادي بندت باب و قالت:دامك واعي بيلس وياك ملااانه روحي

ميود: تعالي بنيلس فـ الصاله الي تحت

هنادي: صبر ببند التلفزيون ..

و سارت بندت التلفزيون و طلعت و بندت الباب و نزلت ويا ميود تحت و سارو صوب المطبخ جان يقول ميود: ابغي اندومي

هنادي: حتى انا

ميود: تعرفين تسوويين؟؟

هنادي: لا

ميود: عيل؟؟

هنادي: سير انته و انا بتصرف

ميود: انزين انا بسوي الفراخ

هنادي: اوكي

و سوت هنادي ماي حار و كسرت الاندومي و حطت البودره ماله و جي و صبت الماي الحار.. جان تحط عليه صحن و تمت جي دقيقتين .. جان تقول حق ميود: تعال اطعم

ميود: اشووف

و خذ الخاشوقه و كل جان يعفس بويهه: يـابس

هنادي: هههههههه ماعرف اسوي

ميود: مالت .. تعالي بناكل فراخ شلي 2 كولا من الثلاجه

هنادي: اوكي

و سارت يابت و الكولا و لحقته و قالت: اويـــــــه نسيت اسلم ع بابا

ميود: سـأل عنج بس قلناله راقده

هنادي بحزن: حرام ما سلمت عليه

ميود: اتصلي فيه باجر ..

هنادي كانت تبا تقوله سالفة الحادث بس سكتت .. لانها اذا قالتله بيعصب حتى السواقه ما بيخلها تسوق .. فـ قررت تسكت ..

و على هالحال اكل و سوالف و مطالع التلفزيـون .. و تموا جي ليـن السـاعه 6 و نص الصبـح .. و سارت هنادي صلت و سارت ترقد .. و ميود بعد سار المسيد يصلي و رد و رقـد ..

××نهـاية البـارت××


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 05-03-2010, 12:11 PM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


كل ما أتّصل لك قلت مشغول .. الى متى هـذا التّغلّي؟
ان كان باب الوصل مقفول .. أرجوك صارحنــي و قلّـــي
خلّيتني حايـر و مذهول .. الله يعلم وش حصلّــــــــــــي

××.. الجـزء السـابـع ..××

××بعـد مـرور اسبـوعين××

تدربت هنـادي فـ تعليم السواقه و نجحت من ثاني تراي لـول .. و ميـود خلص كل اجراءات الجامعـه و شيخوه بودها تسير ويا هنادي الجامعه بس نسبتها ما تساعد و امهـا مصره انهـا تعيد السنـه عسب تييب نسبـه احسن .. اما فطامي عايبنها الوظع ويا تقويمها الاحمر هههه .. و رد بو مايـد من السفر و بيشتري حق هنادي سيارهـ و هنادي مستانسه من الخاطر لانها بتسوق اخيرا بس بعد مظايجهـ .. و السياره بتوصل بعد كم يـوم ..
امـا الحينه ماباقي ع الدوامـات الا يومين يعني باجر آآخر يوم فـ الاجازهـ ..

×× عنـد قوم هنـادي ××

كانو يالسيـن عند الدجه مالت بيتهـم .. يطالعون الساير و الراد .. و فطامي تغني: لي خل لا ينشد ولا يسال .. عنه ودايم ناسينه .. وانا عليهم شاغل البال .. وش اللذي تبياه مني ..

شيخوه: مشغول فكري فيه ولازال .. ماكننا كنا وكنا .. راح الزمن وتبدل الحال واسأله ليه مجافينه ..

هنادي ساكتـه و تطالع الهوا الي يالس تشل الرمل و الافكار توديهـا و تييبهـا و تحس راسها يعورهـا وايد من التفكير .. كانت تايهه بين هالدنيـا .. عزوز ماقامت ترمسهـ وايد او بالاصح هالايام كلـه مشغول ويا اهله و ربعـه...؟!!

تحس بالنقص بدونـه جان تتصل فيه و هيه تطالع الشاشه بتمعن و حطت التلفون ع اذنها و تم يرن و يرن تقرياً 3 رنات و رد: الـو

هنادي: السلام عليكم

لفوا فطامي و شيخوه صوبها و رد عزوز: و عليكم السلام

هنادي نزلت راسها: شحالك؟

عزوز: تمام

هنادي: مشغول؟

عزوز: هيه شوي

هنادي: متى اروم ارمسك؟

عزوز: يوم بفظى بتصل

هنادي: خلاص اوكي يلا باي

عزوز: بـاي ..

شيخوه تطالع هنادي: غريبه ماحيدج تصكين عنه

فطامي ترمس عن هنادي: قام ينشغل عنها هالايام وايد

شيخوه: ليش؟

فطامي: مادري

لفت شيخوه صوب هنادي: هنود يمكن انتي تتصلين فيه فـ اوقات هوه مشغول فيها

هنادي ميوده عمرها و ترمس بصوت واطي: يمكن

و قامت و دشت داخل و هيه مظايجـه حدها و هيه سايره فوق شافت باب حجرة امها مفتوح و صوت التلفزيون ينسمع كانت بدش حجرتها بس كانت محتايه حظن امها عشان تخفف لو شويه من الهم الي فيها .. فرت تلفونها فـ الحجره و سارت و دقت الباب و دشت و تمت واقفه عند الباب ..

ام مايد: هلا والله بهنـّـادي

هنادي منزله راسها: ...............

ام مايد: بلاج واقفه؟ تعالي غناتي

سارت هنادي و يلست عدالها و لوت ام مايد ع جتف بنتها و قربتها منها: شو مظايجنج ماما؟

هنادي ظمت شفايفها و احمرت عيونها .. زاغت عليها ام مايد و خلت راسها فـ حظنها: بلاج ماماتي؟؟

هنادي بدت دموعها تهل بصمت و شوي و بدت شهقاتها تنسمع .. هنادي كانت مجروحه من داخلهـا!! كانت فـ اي وقت تظايج تقول حق عزوز و الحينه اي شي يظايجها ماتروم تقوله لانه ماشي وقت اصلن ترمسه .. قام ينشغل و يتعذر واايـد .. هنادي فـ البدايه رظت بالواقع بس بعدها قام ما يرمسها الا ربع ساعه و يبند .. حست بتغيره صوبهـا حتى ماقام يدلعها شرات قبل ..!! حتى كلام حلو ماقام يقولهـا .. هيه وايـد تحسست من هالموضوع و تحاول اطلعلـه امية الف عذر حقه بس لين متى؟؟

ام مايد: هنـّـادي؟؟ حياتي قولي شو فيج

هنادي تصيح: مظاايجه مااماا

ام مايد: منو شو فديتج؟؟ حد زعلج؟؟ ميود قالج شي؟؟

هنادي تهز راسها بـ لا ..

ام مايد: جواهر سوتلج شي؟

هنادي ردت تهز راسها ..

ام مايد: مظاربه ويا شيخوه ولا فطامي؟؟

هنادي تشاهق بصوت حزين: لاء محد قالي شي

ام مايد: عيل شو فيج؟؟

هنادي: بس جي احس بظيجه ابغي اصيح

ام مايد: فديتج يا عل الهم ما يظويج يا بنت سالم .. بس غناتي قطعتيلي قلبي تعوذي من ابليس و سيري توظي و اقريلج كمن صفحه بترتاحين ان شالله ..

هنادي هزت راسها بـأوكي ..

و قامت و سارت حجرتها و غسلت ويهها و توظت و سارت قرت كمن صفحه من سورة القيامه .. حست بشويه من الراحـه .. سارت صوب المنظره و يلست ع الكرسي و خوزت جحالها الي ساح و طالعت تلفونها يمكن وصلها مسج ولا شي .. بس خاب ظنها لا مسج و مس كول .. قبل تلفونها ما كان يسكت ثواني اما الحينه ماتدري شو الي تغيـر.........؟!!!!؟!؟!

كانت تبغي اطرش حق عزوز مسج بس ماعرفت شو اطرش .. جان ادش عليها شيخوه: شو تسوين؟

هنادي تطالعها: ماشي .. ابغي اطرش مسج حق عزوز بس ماعرف شو اطرشله .. عند مسجات يعني تناسب؟؟

شيخوه: صبري بطالع

هنادي: عيل فطامي وين؟؟

شيخوه تدور فـ فونها: سارت بيتهم لانه هزاع مطرش البشكاره و كان يباها .. هااا اكوه مسج صدق ينااااااااسبكم

هنادي: هههه ليش تزاعجين انزين؟؟

شيخوه: هههه لانه يناسبكم اقري اقري

هنادي: ييبي بطالع و قرت المسج

كل ما أتّصل لك قلت مشغول .. الى متى هذا التّغلّي؟
ان كان باب الوصل مقفول .. أرجوك صارحني و قلّي
خلّيتني حاير و مذهول .. الله يعلم وش حصلّي
قول بصراحة يا الغلا قول .. حالي تعَب و القلب ملِّ
حبّيت شخصك حب مذهول .. حبٍّ حقيقي هب تسلّي
اشوف صوبك مالي ميول .. و دموع عيني لك تهلِّ
"ل" اوّل معي عالخط "ع" طول .. لو أتّصل لك تتصلّي
معقول تبغي البعد معقول .. من عقب ما انته صاحبٍ لي
ان كنت ناوي الصَّد بقول .. ابعد حبيبي عن محلّي
كل مل أتّصل لك قلت مشغول .. الى متى هذا التّغلّي؟

هنادي: الله عليج

شيخوه: هههه اطرشلج؟؟

هنادي: اكيد

و طرشتلهـا و هنادي على طول قبظت تلفونهـا و طرشت المسج حق عزوز .. تريت جي 5 دقايق بس مارد عليهـا .. حز فـ خاطرها و تنهدت بالقو .. و قامت من مكانها و سارت صوب المكتب و شغلت لابها و دشت المسن و حط نك نيمهـا ••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف •• ..

شيخوه: منو اون لاين؟؟

هنادي: همم خولوه ربيعتي و حمود ولد خالي حميد و خلود محمد وحده كانت وياي فـ الصف .. و منو ها؟ صبري بشوف

و تطالع الايميل هاذا من متى مسولها آآد بس كله اوف لاين .. جان يرمسها ..

شفتك بعيني وشفت معنى الخيانه .. لاطاب جرحي واصبح الجرح جرحين:-

مرحب

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

مرحبتين

شفتك بعيني وشفت معنى الخيانه .. لاطاب جرحي واصبح الجرح جرحين:-

شو العلووم؟؟

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

تمام .. منو؟

شفتك بعيني وشفت معنى الخيانه .. لاطاب جرحي واصبح الجرح جرحين:-

راشد الخاصوني

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

هههههههههههههههههه صدق؟؟

شفتك بعيني وشفت معنى الخيانه .. لاطاب جرحي واصبح الجرح جرحين:-

هههه اتمصخر اتمصخر .. انا عامر

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

انزين؟

شفتك بعيني وشفت معنى الخيانه .. لاطاب جرحي واصبح الجرح جرحين:-

شو انزين؟

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

من وين يبت ايميلي

شفتك بعيني وشفت معنى الخيانه .. لاطاب جرحي واصبح الجرح جرحين:-

من منتدى --------

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

اها و شو تبا؟

شفتك بعيني وشفت معنى الخيانه .. لاطاب جرحي واصبح الجرح جرحين:-

ابغي اشكي الحال

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

حال شو؟

شفتك بعيني وشفت معنى الخيانه .. لاطاب جرحي واصبح الجرح جرحين:-

حالي بعد شو

شيخوه: اقولج هنود؟

هنادي مندمجه فـ الاب: ها؟

شيخوه: اليوم ماشي مبيت

هنادي تلف صوبها: ليش؟

شيخوه: باجر بنظهر من الصبح نتشرااا حق المدرسه ويا امايه و فطوم بتي ويانا

هنادي: انا باجر بسير ويا جواهر اتشرا سكارفات حق الجامعه

شيخوه: انزين انا بسير البيت بيـأذن المغرب و ع أذان العشا بنتيمع فـ بيت قوم فطوم اوكي؟

هنادي: اوكي

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

انزين و انا شلي؟ يلا باي

شفتك بعيني وشفت معنى الخيانه .. لاطاب جرحي واصبح الجرح جرحين:-

شو باي؟ صبري صبري دخيلج خاطري ارمس محد عندي اون لاين و الله قلبي يعورني

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

من شوه؟

شفتك بعيني وشفت معنى الخيانه .. لاطاب جرحي واصبح الجرح جرحين:-

اقري نكي بتعرفين

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

يعني حبيت و حبيبتك خانتك؟

شفتك بعيني وشفت معنى الخيانه .. لاطاب جرحي واصبح الجرح جرحين:-

هيه .. والله سالفتي سالفه

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

انزين حمستي يلا قول

شفتك بعيني وشفت معنى الخيانه .. لاطاب جرحي واصبح الجرح جرحين:-

قولي ياني فظول هههههههه

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

هههههههه اويه كيف عرفت؟؟

شفتك بعيني وشفت معنى الخيانه .. لاطاب جرحي واصبح الجرح جرحين:-

بعد

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

المهم يلا قول

شفتك بعيني وشفت معنى الخيانه .. لاطاب جرحي واصبح الجرح جرحين:-

انا كنت احب وحده من الهير

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

وشو الي نقزك الهير؟؟

شفتك بعيني وشفت معنى الخيانه .. لاطاب جرحي واصبح الجرح جرحين:-

ههههههه شفتها مره فـ بيتنا يوم العيد و عيبتني

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

يعني من اهلكم؟

شفتك بعيني وشفت معنى الخيانه .. لاطاب جرحي واصبح الجرح جرحين:-

هيه .. المهم حبيتها من اول نظره كانت حوريه يوم العيد خبلتبي .. خذت رقمها من اختيه و اتصلت فيها كانت فـ البدايه ماطيع ترمسني اونها و مع الايام تقبلتي و اونها بادلتني نفس الشعور

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

اويـه و بعدين؟؟

شفتك بعيني وشفت معنى الخيانه .. لاطاب جرحي واصبح الجرح جرحين:-

بعدها بشهر تقريباً قطعت ماقامت تتصل ولا شي استغرب .. اتصل كله مغلق و جي .. المهـم طرشت ربيعتها عشان تقولي انه اي اخطبها بـأسرع فرصه استغرب و قلتها ليش؟ قالت لانه اخوها جكاها انها ترمسك بس ماعرف انا منو .. و جي و انا ماشي 1 2 كلمت امايه و ماطاعت اول شي اصلن هيه دوم اتقول هالبنت قويه ماتروم عليها و ملسوونه و مادري شو و عقبها قنعتها و جي و سارت هي و خواتي عشان يخطبونها حقي .. بس قالوا امايه انه البنيه انخطبت الاسبوع الي طاف و وافقوا عليه ..

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

كيف جي؟

شفتك بعيني وشفت معنى الخيانه .. لاطاب جرحي واصبح الجرح جرحين:-

بتيج السالفه .. المهم انا استغرب واايد .. بس عقب عرفت من اختي انها ترمس الف و انا من هالالف و انا كنت منهم بس الله يسلمج اخوها جكاها انها ترمس واحد من هالألف و حلف يزوجها اول واحد اييها من جي قالت حق ربيعتها اتكلمني و تقولي جي .. شفتي عاد النذاله؟ تباني انقذها اونه ..

هنادي عورها قلبها و دمعت عينها دمعه ورا دمعه ع حاله و ماتدري ليش حطت عمرها فـ هالموقف بس هزت راسها برفظ و كتبت ..

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

omg حرام .. صدق حيواانه

شفتك بعيني وشفت معنى الخيانه .. لاطاب جرحي واصبح الجرح جرحين:-

تعرفين لو ماقلت لج السالفه الحينه و رقعتيني بلوك شو كان بسوي؟

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

شو؟

شفتك بعيني وشفت معنى الخيانه .. لاطاب جرحي واصبح الجرح جرحين:-

كنت بقطع شعر راسي بسوي شي مب زين فـ عمري من القهر

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

خلها تولي عنك مب بنيه الي تسوي فيك جي

شفتك بعيني وشفت معنى الخيانه .. لاطاب جرحي واصبح الجرح جرحين:-

ما تتصورين شو كثر كنت احبها .. لو تيلسين ثواني فـ قلبي بتخبلين شو كثر كنت احبها

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

خلاص روحك قلت كنت اتحبها

شفتك بعيني وشفت معنى الخيانه .. لاطاب جرحي واصبح الجرح جرحين:-

هيه بس .. شو بيطفي النار الي فـ قلبي؟ ماجربتي جرح الخيانه بعدج

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

ان شالله ماجربه بس الي اعرف انه جرح مايبرى

شفتك بعيني وشفت معنى الخيانه .. لاطاب جرحي واصبح الجرح جرحين:-

هيه والله .. السموحه اني ظايجتبج

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

لا عادي انته مثل اخويه

شفتك بعيني وشفت معنى الخيانه .. لاطاب جرحي واصبح الجرح جرحين:-

حتى انا اتصدقين .. احسج مثل اختي نوف

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

لـول^^ عندك اخت اسمها نوف؟ اي صف؟

شفتك بعيني وشفت معنى الخيانه .. لاطاب جرحي واصبح الجرح جرحين:-

همم ثاني ثنوي

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

و انته؟

شفتك بعيني وشفت معنى الخيانه .. لاطاب جرحي واصبح الجرح جرحين:-

انا ادرس فـ جامعة الامارات

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

اوه الاخ من العين؟

شفتك بعيني وشفت معنى الخيانه .. لاطاب جرحي واصبح الجرح جرحين:-

هيـه نعم و انتي من ايميلج عرفت انج من دبي

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

ههههههه اعرف .. الا بسـألك كيف تدرس و كنت بتخطب هايج البنيه؟؟

شفتك بعيني وشفت معنى الخيانه .. لاطاب جرحي واصبح الجرح جرحين:-

منو؟ نوره؟ لا انا ادرس و اشتغل فـ نفس الوقت

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

هيه ماشالله عليك .. الا هيه اسمها نوره؟

شفتك بعيني وشفت معنى الخيانه .. لاطاب جرحي واصبح الجرح جرحين:-

هيه الله ياخذها

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

هههههههههه حلوه حلوه

شفتك بعيني وشفت معنى الخيانه .. لاطاب جرحي واصبح الجرح جرحين:-

ههههه .. خليها تولي هيه و الي خذته مع اني افكر اخبر ريلها كل شي

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

لا دخيلك عامر هدها فـ حالها خلها تولي ربك بياخذ حقك منها .. و ان شالله بنتفظح جدام ريلها

شفتك بعيني وشفت معنى الخيانه .. لاطاب جرحي واصبح الجرح جرحين:-

ان شالله .. المهم ماقلتي شو اسمج؟

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

لازم؟

شفتك بعيني وشفت معنى الخيانه .. لاطاب جرحي واصبح الجرح جرحين:-

اذا سمحتي

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

اسمي هند

هنادي تظحك ع عمرها: ههههههههههههههه حذفت اوني الالف و الدال خخخخ

شفتك بعيني وشفت معنى الخيانه .. لاطاب جرحي واصبح الجرح جرحين:-

عاشت الأسامي .. يلا عن اذنج برب بسير اصلي اذن

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

انذك معاك حتى بسير اصلي

شفتك بعيني وشفت معنى الخيانه .. لاطاب جرحي واصبح الجرح جرحين:-

بدشين الفليل؟؟

••لاآ تصيف وانتُهـ مٌَِزعلِني ،، راآضنٌِي مٌِن قٌِبل ماآتٌصِيف ••

بشوف .. يلا تيت

مارد عليها و ظهر اوف لاين .. و قامت توظت و صلت و يلست تستغفر و جي .. جان ادش عليها امها و هيه تبتسم: شخبارج الحينه

هنادي تلف صوبها و تبتسم: الحمدالله

ام مايد: انا سايره ويا ام شيخوه عند يارتنا ام يمعه بتين؟

هنادي: عند بشاير؟ هيه بي بس بقول حق قوم فطامي

ام مايد: سيري خبريهم و تلبسي انا بسير اتلبس

هنادي: اوكي

...

×× عند حمـدان××

حمدان: انزين بعدني ما تسبحت

مبارك: توك ناش ان شالله؟؟

حمدان يتثاوب: هيه توني

مبارك: سبال .. انزين انا الحينه فـ فريجكم بمر بيت يدوتي شويه بسلم عليهم و بييك على طول انزين؟؟

حمدان يقوم من ع الفراش: انزين يلا باي

مبارك: انزين باي

وصل مبارك بيت يدته و نزل و بند السياره و سار ظرب الجرس جان تبطل البشكاره الباب سـألها: يدوه هنيه؟

البشكاره: هيه

دش مبارك داخل توه بيهود بس شده الي شافه .. شاف وحده منسدحه ع الغنفه و بطله شعرها و متلحفه ببـرنوص و عدالها طاوله كلها كلينكس و قابظه الكلينكس لانه الزجام ذابحنها و تكح بالقـوو و تطالع التلفزيون: اوف شو هالبرامج الكجره اوف كح كح ( و ردت راسها ع ورا و غنت بصوت عالي) صدقني انك على بالي لو فرقوا بينك و بيني

مبارك يطالعها و وده يظحك عليها .. جان تزقرها امها من بعيد: هااااااااااا امييييييييه

امها: تعااالي الحجره بعطيج دواج

بشاير تقوم: اهيىء اهييء من وقته

و سحبت اللحاف وياها و هيه ميوده راسهـا: آآخ راسي .. وينك يا مبارك اهيييييء

هنيه تشقق ويهه مبارك من الفرحه و رد ع ورا و رد دش داخل اونه خخخ حركاات و هود: هووود هوود

هنيه يت ام بشاير الصاله: هداا هداا هلا وغلا بالغالي ولد الغاليه اقرب اقرب فديتك

مبارك سار باس راسها: شحالج خالو؟؟

ملاحظهـ: مبارك يستوي ولد خالة بشاير و ولد عمها فـ نفس الوقت .. ابو بشاير اخوه ابو مبارك و ام بشاير و مبارك خوات ..

ام بشاير: بخير ربي يعافيك .. شحالك انته و اشحال امك و ابوك و اخوك؟

مبارك يلس: الحمدالله كلهـم بخير و يسلمون عليج

ام بشاير تييلس عداله: الله يسلمهم ان شالله .. شو تشرب فديتك؟

مبارك: لا عموه فديتج مابا شي .. ترا انا الا مار بيت ربيعي بس هوه بعده ماخلص قلت امر صوبكم

ام بشاير: منو؟ ولد مزنه؟

مبارك: هيه

ام بشاير: هيـه .. عن اذنك بزقر البشكاره و بي

مبارك: انذنج معاج بس بسير عند يدوه .. هيه فـ حجرتها؟

ام بشاير: هيه

و سار مبارك صوب حجرة يدوته و هوه يبتسم من تذكر بشاير و يلس يتفداها فـ خاطره و دق الباب ع يدته جان تقول: ادخلي ادخلي بشاير

مبارك يوايج من الباب: انا مبارك مب بشاير

يدته استانست: هلا والله بالهملي تعال تعال فديت روحك

مبارك سار باسها ع راسها و لوى عليها: تولهت عليج يدوه

يدته: وينك حبيبي ماقمت اتي ولا شي تحيرت علينا هالمره

مبارك: اسمحيلي يدوه والله انشغل يلا ان شالله مااقطع المره اليايه ..

يدته: ان شالله

هنيه دشت بشاير و هيه لابسه شيلتها و مدخله كل شعرها و قابظه الكلينكس فـ ايديها و خشمها محمر: السلام عليكم

مبارك و يدوته: و عليكم السلام و الرحمه

سارت صوب مبارك و مدة ايديها: شحالك مبارك؟

مبارك يبتسم بابتسامه حلوه: تمام انتي شحالج؟

بشاير بأبتسامه عفويه: الحمدالله

يدته: من يومين طاحه حمى و زجام و كحه مادري شو صابها

مبارك" يعله فيني ولا فيها ": سلامات بنت عمي

بشاير تيلس عدال يدتها: الله يسلمك

هنيه رن جرس الباب جان تقوم بشاير: بسير اشوف منو عند الباب

مبارك قام: لا يلسي انا تراني مروح و بشوف منو ع الباب بالمره

يدته: توه الناس ياولدي

مبارك: يدوه ربيعي يترياني

يدته: خلاص فديتك .. سلم ع هلك الغالي

مبارك: يبلغ ( يطالع بشاير و يبتسم ) يلا فامان الله

بشاير: الله يحفظك

يدته: وصلي ولد عمج عند الباب

بشاير: ان شالله

و سارت وراه و يوم وصلوا عند باب الصاله جان يلف صوبها: صوتج حلو ترا

بشاير مب رايمه تستوعب: ها؟

مبارك: هههه يلا تحملي ع عمرج

بشاير انحرجت و ابتسمت: ان شالله و انته بعد

مبارك: يلا مع السلامه

بشاير: الله وياك

و يوم طلع لوت بشاير ع عمرها و هيه تتنهد مستانسه ..

...

×× عند مبـارك ××

طلع من عند بشاير و الدنيا ملونه فـ عينه من الفرحهـ .. و سار بطل الباب و شاف حرمتين و 3 بنات جان يرد ع ورا عسب يدشون ..

ام مايد: السلام عليكم

مبارك منزل راسه: و عليكم السلام و الرحمه

جان تقول ام مايد: ام يمعه داخل؟

مبارك منزل راسه: هيه داخل اتفظلوا

ام مايد: دام فظلك ياولدي

و دشوا داخل ..

شيخوه تصاصر هنادي: ياربي محلاه .. وسيم ماشالله عليه

هنادي: هههه سكتي فظحتينا

فطامي ترز بويهها: شو السالفه؟؟

هنادي: بس بس سكتوا ..

و سارو يسلمون ع ام بشاير و بعدها يت ام يمعه و سلمت عليهـم و يلسوا .. و بشاير وياهم ..

ام بشاير: ماشالله شمسه هاي بنتج هنادي؟

ام مايد: هيه نعم

ام بشاير: ماشالله كبرت البنيه و انته فاطمه؟؟

فطامي: هيه خالو

ام بشاير: و انتي منى؟

ام منى: هههههه الله يهديج يا ام بشاير هاي شيخه الصغيره .. اما منى فـ الجامعه الحينه

ام بشاير: اسمحيلي يا ام منى كبرن البنات ماقمت اعرف منو فيهم الثانيه هههه

ام يمعه: هههه خلاص البنيات كبرن و باجر بيعرسن هاي الدنيا ترى

ام منى: هيه والله

ام مايد: اشحالكم شخباركم؟؟ من زمان ماييتونا يا ام بشاير ولهنا عليكم

ام بشاير: الحمدالله بخير .. والله اشغال الدنيا يا ام مايد

×× صوب البنـات ××

بشاير: وينكم قاطعات؟؟

شيخوه: انتي الي وينج .. ماقمتي اتين موول

بشاير: والله قفطه انا اي تعالو انتوا

هنادي: اصلن هالاجازه كل يوم نتيمع و انبات فـ بيتنا او بيت قوم شيخوه

بشاير: الله وناسه .. انا هالاجازه املل اجازه فـ الحياه اوف ورا باجر الكراف ع اصوله فـ الجامعه

فطامي: انتي عكس هنادي واايد متحمسه

بشاير: اوه انتي اول سنه لا؟

هنادي: هيه

بشاير: وياج شيخوه لا؟

شيخوه: لا بعيد السنه انا

بشاير: ليييش؟؟حرام..!!

شيخوه بابتسامه باهته: نسبتي ما تساعد

فطامي: يلا ان شالله تعوظها السنه اليايه

كلهن: ان شالله

هنادي: شوفي اذا يابو سيارتي باجر بنمر عليج و بنتحوط

بشاير بحزن: اميه مابطيع

فطامي: بنقنعها

شيخوه: الا بسـألج .. منو ها الي يوم دشينا طلع؟؟

بشاير احمر ويهها: ولد عمي

شيخوه: ماشاالله عليه وسيم

فطامي: يشبهج شويه

هنادي: هيه صح يشبهج

بشاير: تراه ولد خالتي و ولد عمي فـ نفس الوقت

هنادي: ايوااا ..

××نهـاية البـارت ××


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 05-03-2010, 12:13 PM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


عودتني كل يوم أسمع أنا صوتك .. وعودتني لي ضاق صدري ماتخلينيوالله وغيابك اسبابه طال مدري وش .. وان غاب صوتك خيالك باقي ابعيني .. ان كنت زعلان قلي شنهي اذنوبي .. الكون يزعل ولا تزعل يامحبوبي .. اظيع من دونك واظيع اجمل ادروبي .. يخوفي تنساني وتنسى كل عناويني .. عودتني كل يوم اسمع انا صوتك .. وعودتني لي ضاق صدري ماتخليني

××.. الجـزء الثـامن ..××

××اليـوم الثـاني××

دشت فطامي الصاله شافت هزاع و حمود و سعيد يالسين فـ الصاله .. و يلست وياهم و يلست تخبرهم شو استوى وياهـا اليـوم ..

هزاع: لالا .. بتسوق خلاص؟

حمود يدقدق ع الكيبورد: هيه خلاص

سعيد: لازم بتسوق ولا بتم طول عمرها جي

هزاع: بس احس بعدها صغيره ع السواقه

فطامي: هيه كانت وايد متحمسه و تريا السياره اليوم بس قاللها ابوها انه السياره بعدها فـ الوكاله و باجر بييبونها اسميها حست باحباط من الخاطر ..

هزاع: و باجر ويا منو بتسير؟؟

فطامي: ويا مايد ترا فـ نفس الجامعه

هزاع: اهاا .. حمدان وين؟

فطامي: محد طلع

هزاع: ها كله برع البيت؟ ماجد شفته قار فـ البيت؟؟ يا توه ساير يرقد يا توه بيظهر

سعيد: قالتلي لطيفه انه ابويه قبل امس هزبه و حمدان رد عليه برد مايعيب ابويه

هزاع عصب: قسم بالله ما يستحي .. دواه عندي هالسبال

سعيد: و انتي جنه وراج باجر مدرسه و انت ويا هالسبال

حمود يطالعه بنص عين: انا مب سبال

هزاع: ذكرتني فديتك .. يلا يالسبلاااااان ارقاااد

فطامي: هزاع توه الناس الساعه 10 و ربع

هزاع: لا مب وقت ولا شي يلا فاارجوا

سعيد: صح اميه وين؟

فطامي: سارت بيت خالو علا

حمود يشل لابه وياه: اسير بكرامتي

هزاع: احسلك

فطامي تنقز من مكانها و ترد تيلس: انا بيلس ع قلوبكم

هزاع: يلا فطامي قومي

سعيد: باجر بترقدين فـ الصف

فطامي معانده: ماابااا لا تيلسون تقنعوني

هزاع عصب: يلا قوومي

فطامي نقزت من مكانها: اوكي

و ركظت فوق .. بس وين بييها الرقاد و هيه متعوده ع السهر لين الفجور .. سارت قفلت باب حجرتها و يلست ع النت ..

...

××صوب شيخوه××

كانت يالسه ويا منى اختها الي يالسه تطلع ثيابها حق باجر ..

شيخوه: والله لو كنت يايبه النسبه الي ابغيها جان انا فـ حالتج اليوم اطلع لي ثياب و احتار اي عباه البس و مادري شو

منى: شيخوه؟ كم مره بتعييدين هالاسطوانه؟ كم يوم عاد؟ بتتعبين نفسياً والله

شيخوه: شو اسوي كل فـ خاطري ادش الكليه التقنيه

منى: يلا ان شالله السنه اليايه ( تسمع صوت ابوها ) ابويه يزقرج سيري

شيخوه سارت صوب ابوها .. كان يالس فـ الصاله ويا امها جان تيلس عداله: نعم ابويه؟

بو منى يحط ايده جتفها: مظايجه شواخ؟

شيخوه سكتت ..

بو منى: شواخ حبيبتي .. لا تكدرين عمرج كملي حياتج عادي هاي هيه الحياه .. تجارب

شيخوه ابتسمت ابتسامه باهته: ان شالله

ام منى: الا هيه سنه بتمر مثل البرق

شيخوه وقفت: الله كريم .. يلا بسير ارقد

بو منى: الله وياج

...

××امـا عند راعيـة الحزن و الكـآآبه××

بعد ماطلعت كل الي تبا تلبسه حق باجر و كانت متحمسه وايد وايد بس بعد مظايجه لانه السياره باجر بييبونها مب اليـوم .. بس حاولت تودر هالشعور الي هوه " الحـزن و الكـآآبه " و قررت تعيش يـومها بكل مافيـهـ ..
يلست ع الغنفه و هيه تطالع الثياب الي طلعتهن .. سرحت شويه و هيه تذكر امس شو استوى ..
يـوم كانت ترمس عامر رن تلفونها و كان رقم عزوز تشققت من الفرحه بس مارن وايد الا هيـــه رنتين كانت هنادي فيهم تستوعب انه عزوز متصـــل فيها عزوز الي فتره قطع عنها و هيه الي دوم تتصل فيه تسـأل عنه و هوه ولا بالهمـه .. هالافكــار كلها دارت براس هنادي و يوم يت بتشل التلفون بند .. اتصلت فيهــ بس مارد .........................!!؟!؟
حست جنه انه ندم انهـ اتصل فيهـا...؟!!
حست بعوار فـ لقلبها و قالت حق عامر انها بتطلع و بدون ماتقوله ليش و يلست تصيح .. و هيه تقول فـ خاطرها " ليش تغيرت علي يا عزوز؟ يعني في حد فـ حياته؟؟ عسب جي يصدني؟

هزت راسها برفظ .. جنها تبا تنسى الموضوع و سارت انخشت فـ الفراش و هيه مافيها ارقاد بس من الحماس تبا ترقد .. حاولت ترقد مارامت .. قامت و يلست ع النت يلست تسولف ويا فطامي و عامر كان اون لاين بس بزي .. رمستها لين 2 و نص و سارت هنادي ترقد ..

...

××الصبـح××

نشت هنادي الصبح ع صوت المنبه مال فونها .. سارت تسبحت و لبست بنطلون جنز ويا تنوره زرقا و بدي سماوي ايده قصيره .. سارت صوب المنظره رفعت قصتها و يلست تتعدل .. و بعدها سشورت قصتها و اتناثرت ع ويهها .. تعطرت و خذت عباتها اليديده كانت مثل الفراشه .. و عليها دزاين روعه بالسماوي و لبست شيلتها وياه .. حطت فونها فـ الشنطه و طلعت من الحجره و نزلت تحت و دشت غرفة الطعام: السلام عليكم

ام مايد و بو مايد و جواهر: و عليكم السلام و الرحمه

سارت سلمت ع امها و ابوها و يلست: شحالكم؟

كلهم: الحمدالله بخير

ام مايد: شو اصبحتي اميه؟

هنادي: الحمدالله .. وين ميود؟

بو مايد: توه ناش البشكاره تقول

هنادي: هيه

بو مايد: يلا شدي حيلج يابنتي

هنادي: ان شالله

جواهر تقوم: يلا انا مروحه

ام مايد: الله وياج فديتج

جواهر: فامان الله

كلهم: فـأمان الكريم

بعدها نزل ميود و تريق وياهم و عقبها قام: يلا هنود تـأخرنا
هنادي قامت: يلا

ام مايد: الله يحفظكم

و طلعوا من البيت و ركبوا سيارة ميود .. ميود طول الدرب ساكت لانه روحه فيه رقاد من جي ساكت .. بس كان كاشخ ع الاخر عصامه حمرا و كندوره بيظا و ريحة دهن العود واصله آآخر الدنيا ..

هنادي: اسميه البنات بيتخبلن عليك ميود

ميود ظحك: هههه مب فايجلهم روحي فيه رقاد

هنادي: متى راقد امس؟

ميود: الساعه 5

هنادي: واال .. انا راقده 2 و نص

ميود: كيف ياج رقاد؟

هنادي: من الحماس الي فيه

ميود: ههههه حليلج ..

...

××صوب فطوم××

ركبت سيارتهم هيه و حمود و مرت ع شيخوه و يلست تترياها برع .. شوي و يت شيخوه ركبت ورا: صباح الخير

فطامي: اي صباح خير و احنا سايريين المدرسه

شيخوه: هيه والله ياحظها هنود سايره الجامعه

فطامي: يلا عقبالنا السنه اليايه

شيخوه: ان شالله

حمود يحط الكاب ع راسه: سكتواا فيه رقااد

شوي و صلوا المدرسه لانها مب بعيده و سار الدريول يوصل حمود .. و يوم نزلوا دشوا داخل بعد ما سلمو ع الناطور هههه .. شافو الوكيله واقفه تتفحص البنات الي لابسه حلق و الي حاطه قلوس و الي مجحله بجحال ازرق و اخضر .. ههه ..

فطامي: اويه بشل حلقي

شيخوه: الحمدالله انا مب مخالفه اليوم

و يوم مروا عدال الوكيله: هلا مس شحالج؟

الوكيله: الحمدالله بخير شحالج انتي؟

فطامي: تمام

الوكيله: ها شو مخالفه انتي و شيخه؟

فطامي: لا الحمدالله مب مخالفات

الوكيله: زين الله يهديكن

ظحكوا و دشوا داخل و ساروا فوق صوب صفهـم .. شافوا بنات صفهم متيمعات و من شافتهن: سلااااااامي علييكم

شيخوه: واي ذكرتيني بهنود

و يلسوا البنات ايسلمون ع بعظ و جي .. و البنات كلهن مستغربات انه شيخوه ردت المدرسه .. و يلسوا يسـألونها و جي .. شويه و رن الجرس و دشت المس و يلسوا البنات كل وحده فـ مكانها ..

...

××عند هنادي××

كانو هيه و ميود واقفين فـ نص الجامعه كل شوي اي واحد و يسلم ع ميود .. هنادي كل شوي تتـأفف: يلا ميود

ميود: شو؟

هنادي: بنتم واقفين جي؟

ميود: صبري بعدها الكلاسات ما بدت

شوي و شافت هنادي وحده من بنات صفهم فـ المدرسه: اويه حمدوه؟

ميود: منو حمدوه؟

هنادي: وحده ويايه فـ الصف صبر بسلم عليها

و سارت صوب حمده الي واقفه تطلع شي من شنطتها: حمده؟

لفت حمده صوب هنادي: اويه هنادي؟

و سلمت عليها: شحالج؟؟

هنادي: تمام انتي شحالج؟

حمده: الحمدالله بخير .. صدق صدف انتي بتدرسين هنيه؟

هنادي: ههه هيه

حمده: انا اخترت تخصص ادارة اعمـال و محاسبه

هنادي: اويـه نفسي

حمده: الله كشخه حد ويايه

هنادي: زين بنكون ويا بعظ

حمده: وايد زين

هنادي: صبري بسير اقول حق اخوي اني بي وياج

حمده: يلا اترياج

سارت هنادي و قالت حق ميود و ردت عند حمده ..

هنادي: اقولج انا ما عندي الجدول مال الكلاسات؟

حمده: بعطيج .. يلا عندنا كلاس الحينه

هنادي: يلا انسير تعرفين اي قاعه؟

حمده: هيه

...

××الظهـر××

ردت هنادي البيت و هيه تعبانه من الخاطر ويا ميود الي خلص محاظراته و هنادي باقلها بعد محاظره بس ميود قاللها طنشي هههه لانه كان يبغي يرد البيت و يرقد ..

دشوا و سلموا ع امهم ابوهـم بس جواهر بعدها مايت .. و يلسوا يسـألون هنادي ع الجامعه و جي و قالت كششخه لول .. المهم قالتلهم عن ميود احتشرت ام مايد و بعدها هدت و نست السالفه هع هع هع .. بعدها ابوها قاللها ع الساعه 5 يباها ظروري ..
استغربت بس عقبها سارت فوق بدلت ثيابها و نقزت ع الفراش ..

نشت ع الساعه 4 و نص .. سارت تسبحت و هيه تحس عمرها متنشطه وايد .. نزلت تحت بكندورتها المخوره الي دق فـ راسها تلبسها هههه .. لقت ابوها يالس يشرب جاي فـ الصاله .. سارت يلست عداله و قالت: ها ابويه الساعه خمس

بو مايد يحط الاستكانه ع الطاوله: لا خمس و ربع

هنادي: ههههه كنت اتسبح

بو مايد: ههههه يلا عيل قومي

هنادي: وين؟

بو مايد: تعالي انتي

هنادي تمشي وراه: اوكي

و يوم طلعوا صوب الحوي شهقت من شافت الي جدامهـا .. و مدلها ابوها فـ ايدها " سويـج السيـاره " .. استانست لانه السياره اصلن كانت مفاجـأه من ابوها و ما قاللها اي سياره بياخذ و لوت عليه مستانسه ههههه ..

هنادي: فديييتك بابا نفس السياره الي فـ بالي

بو مايد: هههه مثل ما قلتي لومينا سوده

هنادي: ماتدري شو كثر مستانسه ..

بو مايد: يالله ان شالله دوم

هنادي: ان شالله .. بس ابويه؟ منو قالك اني ابغي هالسياره؟

بو مايد: منو غيرها جواهر

هنادي تطالع السويج: ههه .. انزين بابا عادي آآخذ السويج و امر ع فطوم و شيخوه و نسير باسكن؟؟

بو مايد: شلو حموود ولا سعيد وياكم لا تسيرون بنات روحكن

هنادي: ان شالله

و سارت لبست عباتها و شيلتها بسرعه و قالت حق البشكاره تييب مبايلها من فوق و شلت سي دي من سيارة الدريول و ركبت السياره و هيه مستانسه و يلست تقرا آآيات قبل لا تسوق السياره .. و حطت السي دي ع غنية تنحط ع الجرح ..
و سارت صوب بيت قوم فطامي و اتصلت ع بيتهم و رد حمود: الو؟

هنادي: الو هلا حمود شحالك؟

حمود: تمام

هنادي: وين فطامي؟

حمود: فوق

هنادي: ازقرها

حمود بهيازه: مب متفيج والله

هنادي: يلا عاد

حمود: والله تعبان

هنادي: انزين سير ازقرها و خلها تلبس عباتها و شيلتها و تعالو برع يلا اباكم ظروري

حمود: ليش شو عندج؟

هنادي: مفـاجـأه

حمود بلقافه: يلا يايين

هنادي: هههه يلا باي

حمود: ههه باي

بندت عنه .. شوي و طلعوا فطامي و حمود من الباب جان اطول هنادي ع الغنيه ع مقطع ..

حنون ربي يصونك في طيبتك في عيونــــــك
دنياك حبي و كونك يا طيب عمري و يا عطره

هنيه زاعجت فطامي و ركظت مثل الخبله صوب السياره و ركبت جدام: اللله ونااااااسه

حمود واقف عند دريشة فطوم: اوه اوه مبروك ع السياره

هنادي مستانسه: الله يبارك فيك

فطامي: خوز خوز بنتحوط

هنادي: ابويه قالي شلوه حمود ولا سعيد وياكم

حمود يركب ورا: فديت ريل عموتي والله ماينساني

هنادي: هههه يلا بنمر ع شيخوه

و سارت طيران صوب بيت قوم شيخوه و فطامي تصفق مستانسه و حمود يقولها هيدي هيدي هههههههه ..

و يوم وصلوا اتصلوا فـ شيخوه و نزلت تركظ و كانت مريومه واقف عند الباب تلعب ميرحانه و من شافتهم يت تركظ و ركبت ..

فطامي: يلا يلا ماشي ياهال

مريومه: حرام انا بي

هنادي: خليها اتي تشاركني فرحتي هههه

حمود: تعالي يالظعيفه خلي اختج تيلس مناك

مريومه: يلا سيروا بسرعه قبل لا اتي يزوي

فطامي: وي كله ولا يزوي النحسه لازم ما انوديها

هنيه ركبت شيخوه السياره: ياعييني ع الكشخه مارووم

هنادي: ههههه اقولج

هنيه يت غنية سلام العشق ارتبشت فطامي: وووووووووووووو

و طولو آآخر شي و كانوا منزلين نص الدرايش و الكل يغني و مرتبش و كل ما تمر سياره يظربولهم هرن لوول .. و حمود يالس ع طرف الدريشه و مريومه من الصوب الثاني .. كان المنظر ولا احلى .. و هم مارين كانت سيارة حمدان يايه و نقزت فطامي و ظربتله هرن و وقف حمدان سيارته عدال سيارة هنادي: اوه اوه مبروك ع السياره

هنادي تخف ع صوت الغنيه و هيه تطالعه: الله يبارك فيك

حمدان بتحدي: ها تترايسين؟؟

شيخوه: لا بويه السياره يديده

حمدان يطالع مريومه: اوه مريومه حييج وين يالسه

مريومه: هيه عيل وين تباني ايلس يعني؟؟

حمدان: وي؟ ماحيد فيج السان؟

فطامي: عادتها يزوي

هنيه جان تغير فطامي الغنيه و يت غنية صدقني مالت الجسمي جان يقول حمود: طولو طولو

حمدان: يعني ما بتترايسون؟؟

البنات: لااا

حمدان: عيل اندوكم

و يشخط بالفتك و يطير بها ع جدام يلسوا قوم شيخوه يزاعجون خخخ استهبال .. بعدها يلسوا يحوطون فـ الفريج و بعدين مروا باسكن الي عدال بيتهم و نزلوا ..

فطامي: ايه هنادي عادي تنزلين بالكندوره؟؟

هنادي: ههههه عادي

بعدها دشوا داخل .. و طلبوا و تموا يتريون طلبيتهم و يوم خلصوا ظهروا و عدال فطامي كان واحد جان يقولها: ياعيني ع التقويم الحمرر

فطامي اطالعته بنظره و مشت .. جان تقول شيخوه: هههههههههههه ماخليتي حد ماقالج عن هالتقويم الاحمر؟؟

فطامي منحرجه: خله يولي

هنادي تطالع حمود الي ركب السياره: حمدوا ربكم ان حمود ماسمعه جان سواله عرس

البنات: هههههههههه

بعدها ردوا البيت و يلسوا البنات فـ بيت قوم هنادي لين الساعه 9 و تذكروا بشاير ان مارو عليها و تلوموا واايـد .. و اتصلوا فيها تعذروا و جي .. وبعدها سارو بيتهم .. و تعشت هنادي ويا جواهر و امها و ع الساعه 11 و ربع سارت ترقد .. بس قبل لا ترقد كانت بتتصل فـ عزوز بس الرقاد غلبهـا و رقدت ..

××نهـاية البـارت××



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 05-03-2010, 12:15 PM
صورة Tdmeer الرمزية
Tdmeer Tdmeer غير متصل
©؛°¨غرامي فعال ¨°؛©
 
الافتراضي رد: بداوي روحي بروحي وبتم فيني جروحي / رواية في قمة الروعة


بتوقف لين هني .. اذاا شفت منكم ردود حلوة ان شاء الله بكملها .. ^_^


الإشارات المرجعية

بداوي روحي بروحي وبتم فيني جروحي

الوسوم
تداوي , بروحي , جروحي , رواية/ , روحي , فيني , وبتم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجنون سارة snuor ارشيف غرام 23 27-12-2012 11:48 PM
الايازمان بشكي جروحي بنوته أتعبتها دنياها ارشيف غرام 3 23-12-2009 05:21 PM
من يشفي جروحي سوى مالك روحي مشاعردافئه ارشيف غرام 2 18-12-2009 03:16 PM
مساء الجرح يا أجمل جروحي وينها دنياك الناجم2007 ارشيف غرام 6 17-07-2009 11:05 PM
من يشفي جروحي سوى مالك روحي Roses' Dew مواضيع إسلامية - فقه - عقيدة 19 12-04-2009 03:48 PM

الساعة الآن +3: 04:04 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم