<<< يشم ريحة عطر كوكو شانيل
قلنا بنات لايخشون
امزح مدام دخلتم اتفزلوا حيأكم
بسم الله نبدآ قصتي..
مره من المرارير.وفي أحد الايام.. وبالضبط الصيف ماهو اللي فات ولا اللي قبله .. اللي بيجي السنه الجايه الظاهر
كنت في باريس .. رايح سياحه .. وانا اتمشى في شوارع باريس ..وكنت لابس فنيله علاقي ..لونها احمر ومرسوم فيها قلب منقسم نصين وشورت اخضر زيتي ومنقط بلون تفاحي..
ولابس شراب لونه وردي ومقلم بلون احمر.وفي يدي سلسله ..
وكاتب على كتفي بااور مان (( مدري وش معناها)) ورسمت جمجمه تيس ..
ولابس قبعه.. مو اناسايح ... والناس تمر من عندي ... ويبتسمون رايحين معي ملح وانا مسوي ثقيل.... والبنات يمرون من عندي ويتسدحووون .. اللي تقول ذس از انجنير احساسو فروم اربك قولف ..
واللي تقوول اوووه ماي قاد اروح ملح شوي الا وفيه شايب اعمى يمشي وهو ماسك حبل ... رابطه برقبة كلب ..الكلب شافني وشاف الاغرائات في كراعيني __( رجولي ) __ وقام يلاحقني .. وانا قطعت الشارع والكلب ابن الكلب قطع الشارع واللي راح فيها الاعمى..اخر شي الكلب يلحقني وهو يسحب الحبل بدون الرجال الاعمى.( لاني سمعت صوت فرامل سيارات في الشارع العام وصوت ارتطامات )
وانا اللي افصخ نعوولي واركض بشوارع باريس ..واقول وينكّ يآلووح. وهالكلب وراي وانادي وينك يااستاذ..والكلبّ ابن الكلّب ورآآي.. في الاخير شفت فندق .. خمس نجوم ودخلته بسرعه ..ودخلت اللفت .. واللي باللفت طلعوووا وانحاشوووووو.من الخرعه مادروا هالمخلوق الغريب من وين جاهم واضغط رقم 400 وطلعت الدور ال 400إلا وانا وسط كوووفي شوب شي خيالي .. اول مادخلت طلع لي بودي قارد .. قال لي .. وات از يو نيد قلت له مأنيد شي.. بت اي يهربيييشن فروم كلبييشن ..طبعاانا ارد عليه واطالع لبنات اللي يقدمون الطلبات.. ارتفع ضغط وقال لي قري اوووووت .. قلت له اووووت ولا بلنتي .... واتعافط انا وياه في الاخير .. اخذت قاروره من القوارير المصفووفه وكسرت نصها على الطاوله وجيت بطعنه
<<<<<(( منت بعاقل ياميل جبسون )) ..
شافني واحد لابس نظاره شمسيه وكشخه وفيه حبة خال تحت الدقن ؟؟؟ طالعت فيه وركزت الا وهو الوليد بن طلال ...وكلم البودي قارد قال خله يدخل .. دخلت انا بكل كبرياء وشمووخ وانا اناظر للبودي قارد ... بعين كلها اشمئزاز وسخريه (( اشمئزاز وسخريه يعني جبن بالمربى ))
قال لي الوليد..انت خليجي قلت له ايه..وطلعت له بووكي ووريته صورتي وانا قاعد على طعس عشان يتأكد..ابتسم..وكمل جلسته مع اصحابه..
رحت انا للبنت اللي تقدم طلبات .. جيت اتغزل فيها .. لكن ماعرفت .. قل لها أوووووه يو آر از خـلوووه آند فطفووطه .. طالعت لي..وابتسمت قلت لها أوووووه يووور تيييث از نايس..
ات از لايك حبات اللولو طالعت لي وابتسمت قلت لها اوووووووه شغلي بلوتوثك... راحت وهي تبتسم.. مادرت وش هالكائن البشري اللي طايح عليهم وش يقوول..طلبت لي شاااهي تلقيمه بالنعناع .. قالوا ماعندنا .. طلبت لي سندوتش كبده قالوا ماعندنا ... قلت لهم ابي زي اللي مع ذاااك واشرت على الوليد بن طلال ...جابو لي كووب كافي ومعه فانيلا ومدري وش معه ..شربت وجيت بحاسب .. قلت ياولد..استح على وجهك وحاسب على الرجال هو وضيوووفه...
قلت ها متش كلووووو على بعضووووووو ..صكووووووووووووووني بمبلغ .. خيالي دفعت اللي معي واللي في البطااقه كلها ومابقى في جيبي الا التذكره ... طلعت وانا خانقتني العبره... وأشرت للوليد بن طلال ..وقلت له ترا الحساب واصل .. هو مادرا وش اقول لانه مشغووول باجتماعه.. وابتسم لي ...قلت في خاطري فلووس الدنيا عنده وماصدق خبر ان احد يحاسب عنه...
مايستفاد:
1/اذا كنت رايح باريس لاتلبس فنيله علاقي..
2/لاتكتب على كتفك بااور مان..
3/آلآهم :آذآشفت آلوليد لاتحآسب عنه..:biggrin:
القصه كلها من وحي الخيال مايحتاق اوصوص اسمع
من اليمين وطلع من الشمال
لاتحرومنا مت تعليقكم
العرض العادي
