يا عاشقين إسمعوا .. قصة غرام إحكموا .. لا تظلمون الغريم .. بالله عن تظلموا / بقلمي ، كاملة

[مرسى الغلا]

هاهي روايتي الاولى اكتبها انا وصديقتي..
رواية رومانسيه رووعه..واتمنى تشجيع وردود
وانشالله اكمل معكم للنهايه
ياعاشقين اسمعوا .. قصة غرام احكموا ( لا تظلمون الغريم )
بالله عن تظلموا .. عاشقين ارحموا ( الحب شيءٍ ) عظيم..}

[مرسى الغلا]

اعرفكم على شخصياتي
عائلة ابو عبدالعزيز
ابو عبدالعزيز: رجال طيب وحنوون على عياله وهو مدير شركه كبيره ومعاه اخوانه بو فيصل وبو نايف يديرون الشركه معاه..
ام عبدالعزيز:حنوونه وطيبه على عيالها وماتحب تطلع من بيتها كثيير..
عبدالعزيز:(البطل)احلى واجمل شاب بالعايله..طويل جسمه حلوو معضل..خشمه سلة سيف شعره اسسوود..عيونه عسليه ..مغروووور بس يجنن ..واي بنت تتمناه شكله عذاااااااب...يدرس بامريكا ..
سعود: هذا يخقققق..طويل حلووو لون عيونه ازرق..وشعره مايل عالاشقر..حبوووب..مايصدق يجوف بناات ..يحب الجمعات..واذا اجتمع هو ويزيد تكمل السالفه..
رغد:دلوعه وحلوه..قعدتها ماتنمل..شعرها بني غامق وقصتها شلال مدرج..عيونها نفس اخوها سعود ازرق..حبووبه..اذا تجوفونها بريئه بس هاذي ام المقالب..
ريناد:حبووبه وطيووبه..حلووه وجسمها مثل عارضات الازياء..دمها خفيف..كل تتكلم ماتسكت ههه..وتحب الرقص والفرفشه..دايما تحلي الجلسه..
................
عائلة ابو فيصل
ابو فيصل: مافي مثل اخلاقه العاليه..طيب وحنوون..يحب يمشي عياله على طريق الخير..يشتغل في شركته هو واخوانه..
ام فيصل:ام مثاليه..ماتحب عيالها يكونون غلط..ربة بيت ..كانت مدرسه روضه بس الحين لا..طيبه ..
فيصل:هذا الولد غيير ابتسامته تجنن وعنده غمازتين تطيح الطير من السما وحلوو..شعره مايل عالبني..
يزيد:مغرور..وجميل بشكل ماتتصوره..له شوية غضلات..طوله عادي ..عيونه خضرا..وشعره لين كتفه..
العنود:(البطله)هاذي مغروور ودلوعه من حقها لانها بنت حللللوه..مرره تجنن عيونها عسليه غامجه ..شعرها لنص ظهرها لو اسوود..بشرتها بيضه بس حلوو عليها..خشمها صغير وفمها صغير كمان بس مليان شوي ولها ابتسامه حلوه مع غمازتين تطيح الطير من السما..
....................
عائلة ابو نايف
ابو نايف:رجل اعمال يشتغل في شركته هو واخوانه..طيب وحنون مع عياله..عنده وقت الجد جد وقت الضحك ضحك..
ام نايف:ربة بيت..تحب عيالها مووت وتخاف عليهم.. والا تخطب لنايف وحده..
نايف:حلوو ومزيون مررره..حبوب ..ابتسامته تخقق..له سكسوكه حللوه وشعره احلى..وطالع على ابوه..
نجلاء:هالبنت لين جلست معها ما ودك تقوم..قعدتها ونااسه..ومزيوونه مثل اخوها..ودايم همها تكشخ وبس..طيووبه و دلووعه..
انجود:دلوعة امها وابوها..حلووووه مرره..شعرها مب وايد طويل تحت كتفها..لونه بني على كستنائي..عيونها نفس امها..
................

[تــوفي]

بدايهـ موفقة ..

تباعي =)

[الزعيـ A.8K ـمه]

,’



بسم الله
و عليكم الســلام و رحمة الله و بركاتــه



يعطيك العــافية
موفقـــات إن شـــاء الله


القوانين ، تحديث جديد ؛



,’

[هجييييرّ]

بدايه جميله..~~

موفقه بآذان الله..~~

احترامي..~~

[ميرديانا]

بدايه موفقه بانتظارك بالبارت الجاي

[مرسى الغلا]

مشكوووورين عالردوود الناايس
وهذا البارت الاول جاي بالطريج

[مرسى الغلا]

البارت الأول

قراءه ممتعه انشالله
.................................................. .
وصل بسيارته بسرعه جنوونيه
كان يركض في ممر المستشفى بجنووون!! >>>>>>>>>
راح للنرس بسررعه وسالها عن ابوه اللي بالمستشفى من شهر
لحق النرس للغرفه ..وهو يدعي انشالله بخير..
النرس :بس يسمح لك 5 دقايق للجلوس مع المريض..-ماهتم لها ودخل-
جاف ابوه عالسرير ينتظره وشكله تعبااان ..راح لأبوه بسررعه
............:يبه ..يبه انشالله مافيك الا الخير..شصاير تعبان..انادي الدكتور يجــ..
قاطعه ابوه وهو يكح: ما فيـ.. .ــني كح كح الــا الــ.. .ــعافيـ كح كح
دخل بسررعه بو فيصل:شصاير يابو عبدالعزيز.-لف لابوه-.يبه انشالله انت بخير..فيك شي متصل علي..
بو عبدالعزيز:لا مافيه الا الخير..تعال اجلس..
ابوهم:مثل ماتعرفون انا تعبان وفي حاله خطره..وانا حاس ان عمري مو طويل
بو عبدالعزيز:لا يبه مافيـ..
يقاطعه الاب:خلني اكمل كح كح..وابغى اقولكم وصيتي..
يو فيصل وبو عبدالعزيز بحزن:اتفضل قوول يبه
الاب: مثل ماكنت اقول عبدالعزيز لبنتي حبيبتي العنود..وهذي وصيتي..تزوجونهم..وعايلتنا ما تتفرق..وابيكم ترفعون راسي باعمالكم ووووو..-وكمل وصيته-
بو فيصل وبو عبد العزيز كانوا منزلين راسهم ويسمعون..رفعوا راسهم على صوت الجهاز
ولقوا ابوهم مغمى عليه بسررررررررعه نادوا الدكتور وقالتلهم النرس يطلعون برا
انتظروا لمدة ربع ساعه وطلعلهم الدكتور منزل راسه
الدكتور:البقيه بحياتكم
وقفوا مصدومين..مايعرفون شيسوون..ابوهم..ابوهم مات..
بوعبدالعزيز:يبــــــــــــــــــــــــــــــــــــ ــــه –نزلوا دموعهم-
بوفيصل:خلاص ..خلاص ياخوي ابوي راح..ادعي ربك بالرحمه والمغفره له
بوعبدالعزيز:الله يرحمه..الله يرحـــمهـ..
.................................................. ...................
}بــــــــــــــــعــــــــــــــــد مـــــــــــرور شـــــــــهـــــــــــــــــريـــــــــــــــــن{
---عـــــــــــــــــــــــــــرس عبــــــــــــــــــــد العــــــــــــــــزيـــــــــــز والـــــــــعــــــــــنــــــــود---
في غرفة العروس
العنود تصيح:حرااام يمه..حرام عليج..مابي اتزوجه..ليش تغصبوني عليه مابيي مابــــي
ام فيصل: خلاص يالعنود..-بصوت واطي-مثل ماقلتلج هاذا ابوج قالي..دمعت عينها..يعني انتي بنتي حبيبتي تتوقعين اجبرج بشي انتي ماتبينه
العنود حضنت امها وتصيح
ام فيصل :خلاص خلي الحرمه تحطلج المكياج
.................................................. ...................
عند الرجاجيل
يزيد:سعود وين عبدالعزيز للحين ما جا ابوك معصب ينتظره
سعود:مادري بتصل فيه
اتصل سعود لعبدالعزيز
سعود: الو..وينك ياعبدالعزيز
الا يسمع صوت جدامه:انا هنا
جافه سعود بانبهار:وااااو شهالكشخخه ..كله للمدام عنود..
عبدالعزيز:اقول اسكت..والله لو مو وصية جدي كان الحيــ..
يقاطعه بو عبدالعزيز:هلا والله بعبدالعزيز..ليه اتأخررت واايد
عبدالعزيز:كنت بالحلاق..
بو عبدالعزيز:اوك يلا تعال المجلس الرجاجيل يسألون عنك..
.................................................. ...........................
أحاول أخفي إحساسي ,,
ولكن بالعشق مفضووح ,,
تشووف الفرحه في عيني ,,
وحبك بالعقل والرووح ,,
جهزت العنود
كانت رووووووووووعه ..خياااااااال..البنت بالعربي..احلى عروس..
كانت لابسه فستان رووعه..وتسريحه رافعه شعرها والباقي طايح كان حلووو..مكياجها ناعم حلو ومكثرين بالاسود حول العين..وفستانها وطرحتها طوييييل..كانت تجنن

نجلاء:يلا يالعنود لازم تدخلين
العنود بخوف:الحين
نجلاء:اي الحين اصلا تاخرتي يلا
}{داخل القاعه}{
حطوا الاغنيه اللي بتدخل فيه العنود
انطفت اضواء القاعه..وتوجهت ليتات لباب القاعه مع الليزر الملون..وانفتحت الابواب..دخلت العنود مثل الطاووس الحلووو..وتمشي بخطوات هادئه مع الاغنيه..والكل منبهرر من جمالها..
كانت القاعة كبيييره وفخمه وكان كل الكوشه ابيض وفوشي وسكري..مشت العنود وقعدت على الكرسي المخصص لها ..لشخصين..كان لونه فوشي..قعدت المصوره تصورها وتقولها تسوي حركات بالبوكي مل الورد الفخم..كان ثقيل عليها..وروده سكري وفوشي مثل اللي عالكوشه..
جوا البنات سلموا عليها والحريم وخصوصا ام عبدالعزيز اللي كانت طايره من الفرح لان العنود بتصير لولدها عبدالعزيز..
ام عبدالعزيزتسلم :شخبارج حبيبتي..
العنود:الحمدلله انتي شلونج خالتي..
ام عبدالعزيز:دووم انشالله..بخير دامج بخير
العنود:تسلمين
ام عبدالعزيز:منه المال ومنج العيال >>العنود نزلت راسها من الحيا<<..وراحت ام عبدالعزيز
الا وتجي بنت كانت لابسه العبايه وتناظر العنود بنظرات مافهمتها
اسيل من غير نفس:مبرووك
العنود:اللـ..الله يـ .ـبارك فيج..من انتي
اسيل باستهزاء:هه..من أنا!!
العنود تناظرها نظرات استفهام وتعجب
اسيل بغرور:انا اسيل بنت عمر..بنت خال عبدالعزيز..هه مسكينه..انقص عليج
العنود:شتقولين انتي!!
اسيل:اي والله عبدالعزيز يحبني وكان بيخطبني..بس انتي عارفه..اكيد امه اجبرته ياخذج و
قاطعتها امها من بعيد:يالله اسيل اتأخرنا..
قبل ماتروح ناظرت اسيل العنود باستحقار وراحت وتركت عنود منصدمه باللي قالته..
جت رغد وقعدت جمبها:مبرووك يالعرووس
العنود:.....................
رغد:العنووووووود
العنود انتبهت:هاا
رغد:تفكرين بشنوو
العنود :ولا شي.......الا رغد..اممم ابي اسألج بشي بس
قاطعتها رغد:اسألي
العنود:هالبنت اللي جت قبل شوي
رغد:اسيل!!
العنود:اي..صج كان عبدالعزيز يحبها ويبي يخطبها ..
رغد بتعجب:لا..من قال لج..عبدالعزيز مو جذي..واللي قالج هالشي فهو جذب×جذب..>الا من قالج<؟؟
العنود:اا..آسيل
رغد ابتسمت:اي ماعليج منها..هي تحب عبدالعزيز من وهي صغيرة بس هو مو مهتم لها..واكيـد قالت لج هالكلام لانها غيرانه منج..
______ جت انجود _____
انجود:هلا هلا..تحشوون عن من..مبروووك يالعرووس
العنود بحيا:الله يبارك فيج..
انجود:ترى المعرس بيدخل بعد 5 دقايق..يلا تغطوا
اشتغلت اغنية المعرس ودخل عبدالعزيز وبوعبدالعزيز وبوفيصل وبو نايف..مع الرجاجيل
الرجاجيل سلموا وطلعوا الا ابو عبدالعزيز وابو فيصل وابو نايف
العنود كانت مرتبكه يوم دخلوا خصوصا انها مغطيه وجهها ماتجوف شي..حست بأحد جمبها عرفت انه عبدالعزيز..جوا سلموا عليه ابوها واعمامها..
عبدالعزيز نفسه منسده مجبور يتكلم:مبروك الـ العنود
العنود بصوت ماينسمع بس عبدالعزيز وبصوتها الحلوو اللي فيه بحه:الله يبارك فيك
شوي وتجي ريناد
ريناد:يلا عبدالعزيز ارفع الغطا
عبدالعزيز:وقتها الحين
ريناد بعصبيه بس بصوت واطي:يلا بلا كلام فاضي..والله انك يوم تجوفها بتقول انك ماتستاهلها
عبدالعزيز:اقول اسكتي
جا بيرفع عبدالعزيز الغطا وفي باله ان العنود مو حلوة لان كانت تتغطا عنه..لكن فتح الغطا..وو
انصــدم..العنود هاذي..لالا اكيد مو اهي..انقلب مخه 180 درجه..كان بياكلها من عيونه..وقف يجوفها وهو مو مصدق..هالحوريه لي..ابتعدت الافكار عن راسه وتذكر كل شي وانمحت الابتسامه عن وجهه..تذكر هالبنت اللي غصبوه عليها..يالله شلون بيكون حياتي معها
رغد:ماتستحي بوس راسها
اما العنود كان منزله راسها وهي ماتدري شيصير حولينها..باسها على جبهتها..ارفعت راسها..تلاقت عيونهم ببعض..العنود"الله..طالع حلوو..يجنن" لالالا شقاعدة تفكرين فيه انتي..
قطع افكارهم المصوره
وقعدت تصورهم صور عالكوشه
وعبدالعزيز والعنود كارهين الموقف اللي اهم فيه
المصوره تطلب من العنود تسوي حركه بالورده وتدلع بس العنود ماتبي وتعاند واي حركه تقولها المصوره سويها ماتبي..
عبدالعزيز:هي انتي..ساعه تتكلم معاج سوي وفكينا..
انصدمت العنود..شلون يقولها جذي..انا ابوي ماقالي جذي يجي هذا ويتكلم..بعد يناديني هي انتي!!!
العنود بانفعال:مالك خص وبعدين من انت تجي تكلمني كذا..>>تفاجئت من نفسها..شلون قالت جذي<<
>>ابي انا شقلت الحين..من بدايتها جذي بس بعـ..<< قطعت افكارها عزووز
عبدالعزيزبعصبيه:نعم نعم..وش قلتي والله لو ماكنــ..
قاطعته رغد:العنود ..المصوره تقول ماصورتج الا شوي ..ليش ماتتصورين..
العنود:اي بس..
رغد:لا بس ولا شي..امج معصبه وتقول يلا بتروحون الغرفه
العنود:لالا امـ
رغد ماخلتها تكمل..وراحت
جوا ام فيصل وام عبدالعزيز زفوهم لين طلعوا من القاعه ودخلوهم الغرفه اللي بالفندق وقالوا ان المصوره بتجي بعد 5 دقايق..
_______في الغرفه________
كانت قاعده العنود مقابل عبدالعزيز اللي كان يطالعها نظرات مافهمتها
نزلت عيونها وقعدت تلعب باظافرها اللي مسويينله اظافر فرنسيه..
عبدالعزيز:هه يعني تبين تفهميني انج مستحيه مني
العنود سمعته واتنرفزت..بس حقرته وطنشته..
عبدالعزيز .......

------------------انتهى البارت-----------------
صح البآآرت قصير بس هاذي كمقدمه
وانشالله البارت الثاني راح يكون طوييييييييييييل

[الحب في نظرآتي!!]

بدايه جميلـه

مع احداث مشـوقه اتمنى انك ما تطولين علينا

[مرسى الغلا]

تسلمين عالمرور
^^
وربي يعطيج العافيه