اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1241
قديم(ـة) 25-01-2011, 02:53 PM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: بعض العيون حقدها في نظرها / بقلمي


عذراً لـ رواحكمـ...
تقفل لـمدة آسبوع او اسبوع ونصـف لـحين تواجدي ان شاء الله..,
.
.
.
آي غالية على القلب لـم تعلق على البارت.. تتهادئ بـ دلال محبب لـقلبي لـمـلفي..سـ ..ينفتح لـجميع..,
.
.
شوشو من وتين الـقلب شكراً...,
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1242
قديم(ـة) 30-01-2011, 09:08 PM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
B11 رد: بعض العيون حقدها في نظرها / بقلمي


مساء المحبه .,
.
.
بكرا ان شاء الله ينزل بارتين...
اذا ماحـصلتوني على الموعد فـهذا من الاتصال لكن ان شاء الله مايخلف الله موعدي...
موعداً باكراً
.
.
رجاءٍ نبتعد عن ردود الانتظار المخالفه ونرتقي لـردودكمـ التي عودتوني عليها...
.
.
محبتي الخالصه لـجميع المتابعات الـغاليات على الروح..,
.
.
تفتح الروايه
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1243
قديم(ـة) 31-01-2011, 01:40 AM
صورة samor الرمزية
samor samor غير متصل
©؛°¨غرامي مشارك¨°؛©
 
الافتراضي رد: بعض العيون حقدها في نظرها / بقلمي


بإنتظآرك يالغلآ

ولآتشيلين هم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1244
قديم(ـة) 31-01-2011, 02:25 AM
جـوريْ جـوريْ غير متصل
©؛°¨غرامي جديد¨°؛©
 
الافتراضي رد: بعض العيون حقدها في نظرها / بقلمي


البآرت كآن جداً رآئع = )
و رح آنضم لـ متآبعينك ..
وعلى فكره ^_*
انا من عشآق ومتآبعين روآيتك الاولىآ
بـ إنتظآر البآرت ق1


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1245
قديم(ـة) 31-01-2011, 03:55 AM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: بعض العيون حقدها في نظرها / بقلمي


بسم الله الرحمن الرحيم..
.
.
.
نظرة حقد 45
.
.
.
مدخل..,

‏جيتك عشان آبشرك
جانا مطر .. !
دوّرت عذر وجيت لك
مثّـل معي ..

قلّي بآنك ما دريت
واندهش ..!
قلّي عشان آقول لك
برا تطش
والغيم هذا يشبهك
قبل افقدك ..!
يومك تجيني واحتفي
مطر ,
مطر ..!

صوتك
/ عيونك/
ضحكتك
رجفة يدك ..!
جنونك اللي فوق ارضي
ينهمر ..!

سؤالك المملي حنين
وفيض حُب
سكوتك اللي ما يشابه
للسكوت ..!

صدق قلي من قلت آنا :
آشتقت لك
كذب ب ب ليا من قلت لك :
حبّي نقص

آيامي الحلوه . . سمآك
وغيمتك ..!
رجعْتك ، من بعد الضياع
فـ غيبتك ..!

آشياء كثيرة غآيبه
كانت مطر
واليوم من جانا `مطر
جيت اسبقه

جيتك عشان آبشرك :
بأن الغصون تبللت
الا . . . ( أنــا ! )
الا...[أنـــا..!]
الا...[أنـــا..!]


.
.
.
بدايه..,
آوقاتكمـ كلها راحة من الرحمن ..,
هآ..انا اطرق ابواب قلوبكمـ من جديد...
لـسبب ب الروح ..لآ...ب الحرف...
هنا راحة لـروح ٍ متوجعه ..و..متكئ لـ آستباحة مكنونها...
هنا شـكر لجـميع من وقف..
وقآل..ســ..تعود ب نفس الموعد..بذن الله..
على الـرغم من آعطائكمـ موعداً واضح...=)
الا..ان بعض الأحباب استعجل..
آو...شكك ب العوده...و الاخر قال سـ نسى الاحداث..!
لآ..
آعتب على آحد..=)
وب الاصل..ليس لي طاقة ب العتب على أحد...لآصحيٍ ولآنفسياً..
وآيضاً وجدت لـبعضكم الاعذار..بدل العذر ..سبعون^^
وكـل الشكر لـمن آعطاني شآرة الثقه..فقد..قلدني..وسآمـ..لآينافسه اي تميز ولآ اي عطاء...
كل الردود الواثقه بـبعض العيون..قرأتها حرف ..حرف...
وآنسكبت بروح بعذوبة مطلقه..
طوقت معصمي ب آساور من الـورد..؟
من يخذل تلك الـقلوب الواثقه..؟
الا قـلمـ...
لآروح فيه..
آو
قلمـٍ آنحنى بـوجع لـظروف...
.
.
.
تنويه صغير قبل البدء..,
ب الاجازه انا مسافره واتصالي آبداً مو تمامـ فـ آذا نزلت بارت ب يومـ السبت راح يكون بآرتين...بـمعنى بارت السبت و الاثنين....واذا مانزل يوم السبت راح ينزل يوم الاثنين ويكون بارت السبت وبارت الاثنين
فـهمتو..؟
يعني يا السبت يكون بارتين...ي الاثنين بارتين.. راح نستمر بهذا الشكل بفترة الاجازه حتى لآ انقطع عن بارتين ب الاسبوع...,
الي مافهمـ النظامـ الجديد في التنزيل آتمنى بـصدق تـساعدونه يا الغوالي...
وان شاء الله تـتعدل الظروف الصحيه والـنتيه=)
مـليت وربي ابي آرد على ردودكمـ...
آشتقت..آشتقت..آشتقت=(
وكل شي عاندني الصحه والاتصال..الله يعين=)>>ضمضم الي تعرفونها العجوز الي تقول يالله حسن الخاتمه^^
.
.
آهلنا بمصر...أهلنا بتونس..قلوباً معلقه بـ دعوات صادقه لـ ربٍ لآينام ولآيغفى..يبدل خوفكمـ أمن..ويبدل رعبكمـ طمأنيه...
آيامـ قليله وتمضي...هي فقط تمحص الـمؤمنين..وتمتحن الايمان..
الرقيقه وردة ناديا..رجاء خاص طمنيني عنك ب الخاص او العام اذا سمحة لك ظروفك
.
.
.
.
بعض العيون..؟
وهـبتيني بعد الله محبة صآدقة لـ آعضاء لو آفنيت الحروف..مآسطرت شكرهمـ..
.
.
.

لآتلهيكم الروايه عن الصلاة في وقتها..,

.
.
.
9ص..
ملوك ب ابتسامه مغتصبه\بوسه لـ كوكه..
رعد يطبق بقبله طفوليه على خد ملوك..
فلك بخبث\مآنتي بـهينه ي مليك انتي وهـ الغرفه...ذوقك حلو..
ملوك\مو ذوقي...ذوق عناد..
آغلقة آزرة رعد العلويه..
وآجلـسته على طرف الـسرير لـتلبسه[ الشراب وجزمه]آكرمكم الله..
فلك\ايه ذوق هتلر..الا وش سوى هتلر البارحه..؟
رفعت كتفيها ببرود\ولآشي..مآقال شي..؟
فلك ابتسمت\شـفتي ان خوفك ماله داعي...الـحمدلله آجل..نـلغي مسمى هتلر ..ندور له اسم جديد..
ملوك تعطر رعد\وش تبين بـرجلي انتي...يالله اخلصي البسي عباتك وتوكلي على الله مناف مو داق تو يقول انا تحت اطلعي..؟
فلك\بروح..بسم الله الرحمن الرحيمـ..
أحكمت آغلآق عبائتهامن ثم اردفت بهدوء\ملوكـ...وش سويتي ب ديانة فهد...؟
آبتسمت برقه\خلآص لآتشيلين همهم الكم قرش الي معي..على الي عطيتني بتكفي وتزيدـ..كم يوم وآخلي مناف يسددهم كلهمـ..
حملت ملوكـ رعد تتبع فلك بخطواتها الى ان وصـلت الباب ..
فلك ب ابتسامه لـرعد\آن شاء الله اجيب واحد كذا مزيون ومتختخ مثلك..بس عاد ماهو بنفس حظك..
قطبت حاجبيها فلك وهي تطبع قبله قويه على خد رعد..
الذي آحتمى منها بـصدر ملوكـ..
ملوك بـتهكمـ\الحمدلله والشكر الحمل هـبلك...آتركي رعودي...
آمالت ملوك جسدها قليلاً ..
لتبعد رعد عن قبل فلك..
وتـعطي فلك كتفها..
آردفت ملوك\وبعدين بسم الله على رعود وش في حظه...؟
فلك بـهمس\آبوه متزوج غير امه..و..أمه متزوجه غير ابوه...وهو بنص...شفتي حظه كيف منسدح...!
آبتسمت وهي تشير برقه باصابعها لـرعد...
الممتلئه عينيه دمعٍ من قبل فلك...!
.
.
.
ببساطه.
القت كلماتها تلك..
كـ
أبراً حاده..
تساقطت على جروحٍ مكشوفه..!
ماقسى بعض الكلمات..
و
بتأكيد..
ان لامسة سنا الحقيقه..
.
.
مآ اقسى العيش...
في سآحات امٍ متأبطه ب ذراع شخصٍ اخر...آرتمى تحت شرعية [زوج ام]
ومآشنعها...
آذا كان الاب يهمس ب حب لـ مابين قوسين [زوجة اب]...!
وآنا...
وقلبي...
وآوردتي...
آي عالمـ سـ يحتويها تحت سقفه..
مشتت..!
مابين بيتاً و بيت...!
مابين شداً..و..جذب..
عذراً من الجراح...!
عذراً من اليتمـ...
انا ايه اليتمـ...لست يتيمـ..!
فـ
والدي...و...والدتي...آحياءٍ يرزقون..
بل...
وآبتسامتهمـ...تزعج سبات الـنائمون..!
ايه اليتمـ...
آبحث لي عن مسمى آخر...
انا هنا...
على ذاك الرصيف واقف..
آنتظر...!
آشير بيدي....!
لـعل الـقلوب تفقه..
والعيون ترى...
انا يتيمـ...لكن امي وابي آحياء يرزقون..
يآعيون...لآ...تدمعي...!
واقفاً هنا...
مابين...بيتاً..وبيت..!
.
.
.
آحكمت التفاف آذرعتها ب جسده الصغير وآمالت رأسها بهدوء له..لتقبله..
من ثمـ عادت آدراجها لـجناحها...ب ..صغيرها..!
.
.
منذو الصباح الباكر...
لـم تجده ب كل آركان الـبيت...
بتأكيد لـم ينم البارحه هنا...
انت ياعناد...
ب آعماقك شيٍ آجهله..
شكٍ ممزوجاً بغيرةٍ...
وآشياء اخرى لآ علم لي بها..
محصنه قلاعك عن الحب...
مشدودة اسوارك بحراسٍ من الشك لآطاقة لي بهمـ..
جيوشك قوادهمـ نظرات غيرة لآ قبل لي بها...!
انت..
من اي ريحاً قذفت بك ب اعماقي..!
هكذا..!
من دون طرق ابوابٍ..
ولآتشريعها..!
.
.
.
ليش تبعد.؟! وآلليآلي في .. خييآلي تحتريك ..
وآنت تدري / في غيآبك ، تنهدم فيني منآبر .
.
.
.
ب شركة الـعاجي..,
وآقفاً بغضباً مكبوت...
ومقرن العاجي متـرئس الاجتماع...!
منذو اشهر عديدهـ...مقرن لـم يترئس الاجتماعات..
آكتفى ب بتال وب ياسر....
واليومـ مترئس الاجتماع...
وذاك الـشخص بجانب الايمن منه..!
سـ آقتل نفسي كمداً لامحاله..!
سآري ب حسٍ فكاهي\يالله انك تحييه بمحله..آقلط!
عيني يآسر التي دارت بغيض على الموظفين الذي كل شخصٍ فيهمـ يحاول جاهداً
السيطره على نفسه من الانفجار بضحكاتٍ مدويه...
.
.
.
أمعه..!
غبي..!
جاهل..!
تافه..!
لايعرف اللباقه...!
متطفل..!
ذاك الشخص سا اقتله او سيقتلني..!
.
.
مقرن بهدوء\ابو عبدالعزيز..متأخر عشر دقايق عن الاجتماع..المؤمن مايخلف موعد يعطيه..؟
تقدم بخطوات ثقيله...لـيتجاوز ذاك الساري.
الذي يتمنى ان يطبق كلتا يديه على عنقه..
همجيٍ جاهل يترئس اجتماعات بارونات الحديد...
آي فشلاً ذريعاً ينتظراً بشوق..!
قبل راس مقرن وبهدوء\العذر والسموحه...
تقدم بخطوات لـيجلس ب الكرسي الـملاصق لـبتال..
سآري بتهكم\ورآسي انا بحسبة جدك....؟
رمقه بنظرهـ مشتعله..
من ثم جلـس يـقلب الاوراق التي بين يديه...
سآري\ولـد عبد العزيز..مآربيته يامقرن..ماربيته..وش هـ الاحترام..مايحب راسي..وانا بحسبتك عندهـ..
الله يرحمـ يوم ارقص ابوهـ في حضني..لكن جيلاً نسئل الله السلامه منه!
.
.
هدوء تامـ من الموظفين والعيون مشدودة لـيآسر...ولـسآري المتهكم..
والموظفون متشوقين لعاصفة ساري فهم يعرفون ساري..!
و ب المقابل..
دعواتٍ لـ اقتلاع ياسر...من مكانه..
فـ هو شديداً ولآ يقبل الارخاء وغير قريباً من قلوبهمـ!
.
.
.
مقرن مقاطع لـساري بثقلاً يتراقص بساحات عاجيته\بسم الله الرحمن الرحيم...نبدا الاجتماع بحول الله وقوته..بتال...!
بتال\الـغت وزارة التجاره رسوم استيراد حديد التسليح لتخفيف العجز مع ارتفاع أسعاره. .
الغرض من هذا تشجع التجار على استيراد حديد التسليح..
وكانت المشكله في دفع رسوم على الشحنات بسبب آرتفاع أسعارها..
المملكه تريد تفادي أن يؤدي العجز إلى تأخير في مشروعات البناء..
وبإلغاء الرسوم تسقط المملكة تعريفة نسبتها خمسة في المائة..
كانت قد فرضتها في يناير.
وهذا اللغاء بعد ارتفاع كريات الحديد البيليت في منطقة البحر الاسود. ..
الحكومة الان تبحث عن طرق لمنع التجار من تخزين الحديد ..
وتخطط للتفتيش على مستودعات الحديد. .
وهذا كله يهدف لمنع حدوث نقص مصطنع ينتج عن قيام التجار بتخزين الحديد ثم بيعه بسعر أعلى فيما بعد..
مقرن \ابو عبد العزيز...كم شركه داخله معاً في المشروع..والسعر الـتقريبي لـ الكلفه الاجماليه النهائيه لـمشروع كـ كل..؟
يآسر بهدوء...آغلق الدوسيه الانيق ومد لـ مقرن..\كل شي محسوب ب الريال الى الاجمالي عندك ب الاوراق..ومراجعه ومدققه من آربع موظفين..
.
.
.
بعد سآعه ونصف...
مقرن بهدوء\تقدرون تتفضلون...
آنسحب جميع الموظفين بـهمزاً ولمز...
عن كلمات سآري الـملغمه..الذي يلـقيها مقاطعٍ ياسر..
ومتهكمـ ببتال...
ومكذبٍ لـ آحد مدراء الشركات...
.
.
تفحص ياسر ذاك الساري بنظرات محتقره..
شخصٍ نحيل..تـميل بشرته لـسمار..
ذو لحية خفيفة ممتدهـ لكنها قصيرهـ..
عينيه صغيرهـ...آنفه طويل..
خاتمٍ ضخم يقبع ب آخر آصبع من اصابع يده اليسرى..
ثلآثة اقلاماً ب جيبه ..!
عمره مابين اواخر الخمسين ومنتصف الستين..!
كثير الحركه...!
لآيترك ارتداء بـشته...
ذو اللون البني الفاتح..!
ومسواكٍ يستبدله احيان ب عود آسنان..!

.
.
.
ليش تبعد.؟! وآلليآلي في .. خييآلي تحتريك ..
وآنت تدري / في غيآبك ، تنهدم فيني منآبر .
.
.
.
خرجت من دورة المياهـ لـتنصدم بتواجده ب المكان..
يرفع رعد ويقبله بهدوء..
من ثم آنزله وبهمس حازم\لـيش مآرحتي مع آخوك..؟
ملوك بهدوء تتجاهله\مآدخلت هذا البيت فـ اطلع منه من غير سبب مقنع...!
رمقها بنظره جانبيه\آنا ما ابيك...تبين سبب مقنع آكثر من كذا..؟
ببرود مشتعل\والدليل...مآتطيق تشوف ياسر ولآتسمع اسمه ينطق على اي لسان..و..الدليل انك تحولت لبركان من يوم شفته....
لمـ ضربتني..وطلعت من بيتكـ...
ضآقت كل الـصدور لك ومآرضيت الا تحط راسك بحضني...!
آيه ماتحبني...وياكثر ها الادله على صدق كلآمك
من هـ البيت ماراح اطلع فآهمـ..!
.
.
.
لـبوه..!
مفترسه..!
ثوب آخر ترتديه..!
آي نظراتٍ متحديه...؟
.
.
شدها برقه من ذراعها لـتقترب آلآجساد...
وتكاد تتعانق الارواح الـمتوجعه...
بـحفيفٍ قاتل\والله العظيمـ آذبحك اذا دخل هذا البيت..بعلمي ..او ..من غير علمي..!
لـتهمس له بجموح آنثى\مشكلتك فيك شي وماتبي تقوله لي..؟
آرتفع حاجبيه \وش تظنين مثلاً..؟
بهمس قاتل\آم رعد..وش سبب طلاقك منها..!
همس\مآحصلت فيها مطـلبي..!
ملوك بخبث\ولآحصلته فيني بعد..بس آنتبه..
آرتخت ملآمح\ويعني...!
آبتسمت\الملوك اذا دخلو قرية دمروها..!
آبعدها عنه..
من ثمـ توجه بخطوات قليله لـ آخر المكان لـيجلس به..,
.
.
.
ليش تبعد.؟! وآلليآلي في .. خييآلي تحتريك ..
وآنت تدري / في غيآبك ، تنهدم فيني منآبر .
.
.
.

نقش الحنا..
خلف آبواب الـحنان..
يطرق
رآئحة تتراقص..
على قلباً مشتاق..
ثوبٍ ترتدينه...
يـعلق فيه رآئحة من الـخزامئ ب الحنايا...[يمه]...
.
.
.
يآسـلسبيلاً...
يسقيني بطهر..
وبقعة ضوء بروحي تسكني..
ب آهازيج آحفظها منكِ ..[يمه..]..
.
.
يمه..!
تراتيل طهر..
ثوب عفاف..
دفئ صدر..
آهات قلبي...
وسكنات روحي..,
وحبٍ مصفى..
رويداً رويداً...
..فـ ...آنتي روحٍ ب القلب قآبعه...
.
.
.
يآشجرة الـسدر..ب البيت العتيق..
بـجانبكـ..
كانت ضحكاتٍ و ثرثرات طفوليه...
و شد اذن وعقاب..
من تلك الـحنون...!
آشتقتي لنا..؟
آمـ...ترسبات الاتربه..آخفت ذاك الشوق..؟
لـ ضحكات آطفالاً متحلقون...
يـقذفونكـ ب حجراً صغير...
.
.
.
يآ تعب جسد...
رفقاً ب من [جنة] الرب هي تحت قدميها...
مهلاً ب ذات القلب الـحنون..
آشفاقاً وربي...
فـ ذاك
القلب هو ب الاصل عليل.....
.
.
يآ
آيامـ تنطوى..؟
الآ سبيل لـ آهدائك لـهالة[ النور]
التي تسكن [معاليق الحشا]..!
.
.
مـحتضنه لـقطعة من ملآبسه...كآنت قبل ليالي رحيله ...تشتمها بعبق..
وتعطرها...بقبلاتها الكثيرهـ...
وبيد الاخرى القريبه من الـصدر...ثوب أخر..لطفل صغير...
تشده بقوهـ..
لـعل تلك الحنايا تستكين...!
عبد المجيد يدلف الباب بهدوء\آلغيوض...!
آرتفعت عينيها بـدمعاً محتقن..
وخدين موردهـ...من شلآل دموعاً منهمر..!
آرخت رأسها ب خجل..
وهي تمسح بقايا الدمع..بملابس الـمفقود..!
جلـس بطرف القريب وهو يشدها الى صدرهـ..\وش جد البارح الله يهديك..؟
همسـت بوجع بقرب من آذنه\لآتناديني بـ آسمي مرهـ ثآنيه..!
آردفت\مابي اسمه بعد ينخطف مني...كل ماقلتو لـي آم عساف ..فز قلبي من بين ضلوعه..لآتوجعوني بعد زيادهـ..
شد آطراف الثوب الاخر...بعد ان ابعدها قليلاً من صدرهـ...
وآجتمعت آطرافه بين يديه..
كل الـدموع آرحمـ..
من آحكام آغلاقها ب الصدر..
لآ تمتهن الرجوله المزعومه فـ تسقط وتزيد الوجع..
بهمس موجع\الـله يرحمـ آحمد..مآبرد حرة موته بصدري الى اليومـ..بعض الليالي آفز من مكاني..آبي اتفقدهـ...!
آردفت\تذكر آلآتصال...!
عبد المجيد\صرت آكره استقبل مكالمات من بعد الساعه عشر..
آنخرطت ببكاء مرير وهي تقع على ركبها وتحتضن كفيه المتشبثه بثوب احمد وبقايا انفاسه..!
آرتجفات يد عبد المجيد...
وانحنائه بتعب عليها لـيقبل رأسها..
ويهمس بوجع\بس يا الغاليه بس...والله الـعظيم السنين خذت مني حيلي ...
آم عساف بـحزن\آحمد وراح تحت رحمة ربه..وعساف وينه..وينه...تكفى عبد المجيد وين الي قلت لي اذا جيت السعوديه بـحط لي رجال يدورنه لك..؟
وينهمـ...تكذب علي..!
تبيني بس ارجع هنا...لوجعي ..و..لحرقة روحي....
تكفى عبد المجيد ...
انت جربت حرقة الجوف...مره..!
انا جربتها مرتين...وآضعاف..آضعاف..الي تحس فيه...
انا بلسعة البرد..آقول بدال اهـ اهين...
أه ب ولداً ب القبر...وآه ب ولد مدري وين آرضه من سماهـ..
عبد المجيد...آنت تفز ب الليل..مرهـ!
انا افز مرات و مرات...
عبد المجيد بربك الي تعبدهـ وترجي رحمته...لآتوفر تعبك في عساف...!
انا مافقدة الامل..مافقدته..وماراح افقده لـين يوسدوني اللحد..!
آحتضن كتفيها وشدها بجانبه...
بتعب روحي\آكثر من ثلآثين سنه يا الغاليه..وين تبينا نـحصل آرضه...وين نبدا فيه..وش الخيوط الي بنمسكها...وين تبينهمـ يدورون..كيف شكله...
وش نقول لـناس....وش علآمته....؟
ام عساف\دور لك رجال..وآكرمـ ريالك...وآنا بحط الي قدامي و وراي ..ماعاد فيني صبر والله العظيمـ ماعاد فيني صبر..
صرت اشوف الي في الشوارع عساف...
صرت آشوف الوجيه الغريبه وبعمرهـ هو..
آشوف العيون عيونه..والملامح هو...حطت براسي ملآمحه وهو بـهذا السنه..
حطيت له من ملآمح آحمد...وعيون رهف...وبسـمتي الي ماتت...
حطيت له بـكل الوجيه الي تقرب له لمحه..ماهو طالع من لمحتهمـ...
الله ماراح يقطعني كل هـ السنين..
يوسف...بعد سنين رجعه ربه لـ يعقوب..!
شفت كيف ربي ورحمته...
كلهمـ فقدو الامل ونبياً يعقوب مافقدهـ...
كيف تبيني افقدهـ والله محذراً من القنوط من رحمته...
عبد المجيد بهمس\واذا كان ميت وش يثبت انه حي...؟
ام عساف\آنا اثبت لك.. الحلم الي يزوني كل ها السنين ها اليومين ماصار فيه حيه الطفل الي يلعب ب اللوللو مآصارت الحيه تـجيه...
الطفل عساف واللوللو شي مافسرته...!
والحيه اكيد خطر كان بـجيبه وصده ربي عنه..
ولدي حي ولدي حي..
دوره لي عبد المجيد دوره..!
عبد المجيد بحزن\طيب آبشري...آبشري من اليومـ آجيب رجال متخصصين وان شاء الله مانقنط من رحمة الله..
آبتسمت ب آمل...
والخيوط من جديد تعود..!
آردف بـ آبتسامه محترقه\رهف مابقـى على زواجها الا آسبوع..
لملمت الملابس الـموجعه و وقفت بـهدوء لـتسكنها ب الـدولآب...
وجلـست من جديد بجانبه\الله يـصلحها..مآتركت شي بخاطرها...
آبتسم\وليش تترك شي بخاطرهـا..هذي بنت عبد المجيدالدايس..اذا تركت شي بخاطرها..من الي ياخذ اجل الي بخاطرهـ...لها كل شي آتعب آجمعه وآستثمرهـ...
ربتت على كتفه\الله يخليك لنا..
عبد المجيد\وخذت ولد مقرن...آسمه بسوق يثقل ب الذهب...كلمته ثابته..وممشاه واحد..الله يوفقهمـ ويجمعهمـ ب الحلال وبخيره وبركته..
.

.
.
آسـبوعاً..آكثر..آقل...آسبوع..!
.
.
آسـتكان قليلاً...
وهدئ...
لـكن لمـ يقترب مني ولـو ب الهمس..!
حـتى لم يتناول وجبة واحده معي ومع صـغيري...
يـملى الثلاجه من مالذ وطاب...!
ويرحل...
ولآ يأتي الا بـ ساعات الفجر الاولى..
يطمئن على رعد..الذي ب الغرفه المجاورهـ...
وخطواته تنتهي ب آرتماء جسده المنهك على الجانب الاخر من الـسرير...
بـعض الليالي..آشعر بـشداً رقيق بـخصلآت شـعري..
آو
نسمات دافئه..تقترب...مني..ثمـ تعود آدراجها...!
.
.
.
دلـف البآب..
و
صوت جسآر...يـعتلي بفخامة رجوليه مسيطرهـ...
نبرة صوته اشبه بقرع طبولاً لـمعركه قادمه...
كلماته ..كـ ...فجراً ابيض..يشق صدر الليل ويقطع استارهـ..
بحماسه المعروف...
و
صولته وجولته ب الـنبال..!
هو...
كـ
الحلمـ..!
آجمل..
آجمل..
آجمل..
الـسكرتير بمقاطعه هامسه\ عذراً لمقاطعه..لكن مثل ماطلبت استاذ جسار...الاستاذ طارق...هنا..
آرتفعت اعين جسآر
من مكان الـمترئس لطاولة الاجتماع الطويله...
غآضب..!
غآضب..!
بل بركان..و..طوفان...ورياحاً كا صهيل الخيول...!
لما لآيغضب...!
و
كآرثة تكرر..!
بكلمات حازمه\آستاذ طارق تقدر تتفضل ب الركن الثاني من المكتب...لما نخلص الاجتماع...
آبتسم طارق وتوجه ب الفعل لـجلسه القريبه من الاجتماع..
مبتسمـ...
لـ صآحب الحرف الرنان..
.
.
.
بغضب كاسح\سيول جدهـ مأساهـ مأساهـ...كارثه...يومـ الاربعاء..كان كارثه بكل المقايس وآعلاها...!
الاعلام هنا...مايكمم..
حريه تامه للكلمه...!
انت مسؤل وآخطيت بمجال عملك...تعزل...!
لآمجال لـ عملات النقديه من تحت الطاولات..ولآ...لـضحك على الدقون..!
70% من الاعلام المقروء والمسموع...له الحريه الكامله في كشف الحقيقه ب المملكه...
آذا هولاء المسؤلين الموضوعين ب اماكن ماهي لهـم....
متهاونين بحجم الكارثه...
بثقل المصيبه..
ب اهدار الامانه ...
ورفسها تحت الاقدام بدل حملها فوق الظهور وعلى الاكتاف...
يتنحون جانباً...
ويتركون القيادهـ لـ لآشخاص اصحاب الكفائات الكبيره والمؤهله لـ هذي الامانه..!
الخلل..
وين الخلل ب سيول جده..!
وين العطب...والجرح...والـوجع...!
هـ التسيب والعشوائيه والـعدمـ تخطيط ولآتكنيك..وين..
اي مسؤل هو وراء هـ الاهدار التام والتهاون ب ارواح الـمواطنين...!
كم جريح وكم غريق وكم مفقود وكم متوفى...؟
كم يتيم وكم ارمله وكم ثكلى..!
جده عروس...!
لآ
جده اليوم آرمله...!
الوضع مايحتمل..ولآ..يقبل اي تهاون او صمت من جانب اعلامنا...
ينزل لـجده اليومـ..
كادر كامل من الصحفين والمصورين...لـتغطيه تامه وكامله لـسيول والكارثه والمعاينه لـحجمها..
والتدقيق والتمحيص..بكل مسؤل تهاون بـكوارث تكررة على العروس...
اذا تهاونا بـ حق اهل جده...
آذا مرة كارثة الاربعاء مرور الكرامـ...
اذا مانعزل مسؤلين كبار..
ولآ...آنضرب على ايدي المفسدين والمتهاونين...
ينـغلق كل مقر اعلامي ب المملكه..
لن الكارثه لـيست في المسؤلين ..!
الكارثه ب اعلامـ...
مايضرب على ايدي الـمسؤلين ب التقريع والـمحاسبه العلنيه...!
سـجل يا فيصل عندكـ...المنشت الـعريض لـ عنوان الصفحه الاولى...
[جده...عظم الله آجرك في موت الـضمائر...!]
آردف بحزم\يعقوب آنت حاول تآخذ تصريحات من المسؤلين....سالمـ آنت آتخذ لقائات مع المحتجرين من الـطالبات ب الجامعات...و رسيل راح تساعدكـ هناك ب التغطيه...
سلطان انت توجه الان لـ دكاترة الجامعات وآخذ معهمـ لقائات مطوله عن السبب الرئيسي في عدمـ آخراج الطالبات بعد ماظهرة بوادر الكارثه لـ اماكن آمنه...
رسام انت آخذ لك مقابله مع الاهالي الضحايا..
الـكل...الكل....يكون على آهبة الاستعداد..والتغطية ابيها على مدار الساعه..أنا راح انزل لـجده بنفسي اشرف على تغطيتكمـ....
آبداً..آبداً..مارضى بتقصير بأي شي صور حوار محتوى اسئله و تصريحات..
الكل واقف على ها الكارثه ومعطيها جل اهتمامه بداية من الملك مروراً ب الامير نايف نهاية بـ طفل صغير يمشي ب الشارع..
تغطيه كامله وشامله هذا هو المرجو منكمـ..
آنتهى الاجتماع..!
.
.
.
ليش تبعد.؟! وآلليآلي في .. خييآلي تحتريك ..
وآنت تدري / في غيآبك ، تنهدم فيني منآبر .
.
.
.
آبتسمت وهي تفتح الباب بـترحيب\حياك ربي يا الغاليه..ياهلا والله نور البيت وربي...
الجده هيا \حكي حكي..ياكثر الحكي مانشوف الغلا...وينكم ماجيتونا قلنا نجيكمـ...
قبلت ملوك رأسها وانحنت ليدها مقبله...
من ثم ساعدته ب الدخول واغلقت الباب...
دخلت الجده الـصاله الانيقه ووقعت عينيها..
على صينة صغيرة وقهوه وتمر وقليل من المكسرات...وفنجال واحد..!
ورعد منثوراً حوله قطع مكعبات وسيارات صغيره من ثم يلعبها بهدوء...
ملوك ب فرحه عارمه\يمه والله ان بيت نور..يا الغاليه ماقلت لي بتجين .؟
الجده بتهكمـ\وين آبو هـ الصغيرون...
آبتسمت ملوكـ\نايمـ فوق ...
الجده بـغضب\آجلـسي آجلـسي...خليني اخذ علومكـ...
جلـست ملوك برقه وشدة الصينيه لـتسكب القهوه وتمدها لـجده\وشلون صحتك يمه كيف عمي والاهل ..
آرتشفت القهوه\طيبن طيبن...رعيد تعال يمك سلمـ..
نظرات رعد المتجاهله لـها ...
ملوك تشد رعد برقه وتحمله لـيسلمـ على الجدهـ...
وضعت بـحضنها وآبتسمت\يمه بروح اصحي عناد والله لـو يصحى ويشوفك بيخانقني ماصحيته..
آبتسمت الجده و آشارت برأسها ب الموافقه..
.
.
.
نقف هنا..
.
.
.
همسة محبه\الاستغفار..سيد الاذكار=)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1246
قديم(ـة) 31-01-2011, 03:57 AM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: بعض العيون حقدها في نظرها / بقلمي


بسم الله الرحمن الرحيمـ..
.
.
.
نظرة حقد..46..
.
.
.
مدخل...,
.
.

.


و أغنّي له :
واشوف الليل
يصغي لي ويُومِي له ..
يمر ر ر الوقت
وتبلّ الأغاني من : طَعَم جرْحِي ,, مواويله
وو أغني له :
وترجع مع صدى صوتي ..
عذاباته / و ترتيله !!
ووو
أغني له :
كنت أحبّك ,,
إيه لكن : كنت أخاف
كنت أعيشك / إييييه
لكن : .... كنت أموووت ,
أنسج لك من :
أبيض الغيمة / لحاااااف !!
و أتوسّد راحتي ,, واسقيك .. توت
كنت أغنّي
,,,, وبلّل اللحن | ارتجاف ,,
صوتٍ استسقى عذابي منه " صوت !!
طفلتك ]
ماكان يرهبها الجفَاف
لا ولا كانت عن : احساسك ,, تفوت
طفلتك ]
ماكان يغريها الهُتَاف
ما لـ غيرك / تسكب الشعر : فـ بيوت
وينك إنت ؟
وكلّ ما عَقَّبت قاف
يعزف إحساسي لأجلك نوت ..| نوت !!
و النواظر تحتضر
........ والريق جاف !!
يوم كانت شوفتك / للقلب ,, قُوت ..
من بعد غيبتك ,,
هذا إعتراف :
{ ,, النّوى جَرحٍ تداوى ب السكوت !!
...... { ,, النّوى جَرحٍ تداوى ب السكوت !!
........... { ,, النّوى جَرحٍ تداوى ب السكوت !!





ندى الجبر
.
.
.
بدايه..
آن شاء الله يكون هـ البارت نسمه دافئه على قلوب المحبين..
.
.
.
لآتلهيكم الروايه عن الصلاة في وقتها..
.
.
.
جسآر بـهدوء\آنت تشوف آدخل بـ هذا المشروع بـثقل جريدتي وبمصداقيتها...
انت تعرف مقرن بـشكل خاص...
هل هو صآدق...؟
هل هو شفاف بـكلامه هذا...
آو حنكته وتلاعبه مايتركه ويخطط لـشي بعيد...
طارق يضع دوسيه صغير\قبل اقول لكـ راي...أنت طلبت مني أي ورقه ضد العاجي اجيبها لك..
وهذي الدوسيه كافيـ...
فيه فقط عشر اوراق..ممكن يقلب قوانين اللعبه كلها...
آذا هم لاوين ذراعك..
انت تكسر ذراعهمـ بهذي الاوراق...
بس الاهمـ....أنا ماعطيتك شي...
انت غالي ...وهم ..غالين...
لكن انت صديق آبديه على نفسـي..والي في هذي الاوراق شي تحتاجه اذا هم لآعبين معك لعبه وسخه...
تقدر بنفس قذرات لعبة ياسر تلعب..
وبميدانه...وتغلبه...
جسار يشد الدوسيه وتسلتقي راحة يده عليه..
وبهدوء\آترك هذا الدوسيه بوقت الحالي...ورد علي بـهذي الشغله الي كلمتك عنها..
طارق بـهدوء\مقرن آنسان كلمه..آذا قالك شخصياً كلمه...فـ كلمته مثل [رنة جنيه الذهب ب ميزانه...!]
كلمته تـغنيك عن عقود..أو...أي شروط وبنود مخالفه..
اذا قالك المشروع هدفه كذا..و...كذا...ف اكيد هذا هدفه...
بغض النظر عن الـشغل الي يشتغله..
فـهو تآجر...
وممكن نخالفه او نأيده وهذا بـحسب الظروف وتغيراتها...
لكن مقرن بـحق رجل كلمه...
اذا طلبك اعلامياً بمجال شغله...فـ آكيد يبي شغله ينجح آعلامياً ويـصير حديث اصحاب المراكز الكبيرهـ...
او التجار..او حتى الـمواطن العادي ب الشارع..
اكيد له غايه بهذا الشي وله هدف...
فـ آعتقد برأي الشخصي
انه هذا المشروع لـه عدة مجالات...
شخصي لـمقرن العاجي ولـعائلته
وعام لمواطن وتثبيت آساسيات لـ ياسر بما أنه يدير المشروع الضخم هذا..
اكيد يبي الـتجار يثقون ثقه تامه
بأن ياسر هو الـوريث لـمقرن...ويتعاملون معه من هذا المنطلق...
والدليل
تسلميه مشروع بهذي الضخامه وهذي الكلفه الاجماليه الاكثر من ضخمه...
آيضاً يخدم المواطن ويعطي فرص كبيرهـ لـ العاطلين...
ولآتنسى اذا وافقت انت على المشاركه بهذا المشروع
فـهذا مكسب كبير جداً لمقرن هو انه كسبك شريك اعلامياً كبير وصاحب كلمه مسموعه لـ الشعب ...
ولغاء كل الخلفات والعدوات القديمه الي بينكم..
وكل شخص راح يتفهم وجهة نظر الاخر ويحترمها..
هذا راح يعطي مدى طويل لـهذا المشروع
ممكن انت تقنعه بوجهة نظرك على طاولة الحوار...
ممكن تكون بينكم صداقه طويله مثل هذي العدواه الطويله...
جسار مقاطعه\عدواتي مع مقرن ابداً ماكانت شخصيه الا من فتره قريبه...وعدواتي مع مقرن عدواه مهنيه بحته...
قلتها بدال المره الفين...يتحكم بجنون اسعاره و يمسك زمام الجشع في الحديد الخارج من مصانعه...
راح يكسبني صديق له...
غيره مايكسبني ولآ أي حال من الاحوال...
طارق بهدوء\ممكن هذا المشروع يقرب وجهات النظر بينكم...توكل على الله وادخل معه ...وغطى المشروع تغطيه اعلاميه...,
جسار\شخصياً ماراح ادخل اعلامياً راح ادخل..!
طارق بتقطيب حاجب.\فهمني اكثر..؟
جسآر\جريدتي راح تتكفل بـ النقاش والتغطيه وكل شي يخص المشروع كـ كل..
لكن انا راح اوقف بصفتي فقط الموجهه لـ الهذي التغطيه
قلمي ماراح يخط أي حرف...مثل ماسبقت وعزمت على توقفه...
آمال فمه بطريقة آستغراب\ألمهم تكون مرتاح..بكل الاحوال...عن اذنك...
وقف طارق مودع لـجسار...
آبتسم جسار بـ محبه\نسيت ابارك لك...وترى هدية ملكتك بتوصلك قريب...
طارق بعتب\كيف توصلني الهديه وراعي الهديه ماحضر الملكه..
جسآر بـ ابتسامه\العذر والسموحه تعرف حالة ريان..؟
آشار برأسه مودع\ياكثر اعذراك..!
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.
بعد ساعه ونصف
.
.

يآسر يريح رأسه بـ الـكرسي وراء مكتبه...
بعد ان فرغ تماماً من علبة الدخان الاولى وآبتدى ب الاخرى..!
بتال بـغضب وحفيف\وش هـ الاجواء الي كتمتنا فيها....الحين وش محرق اعصابك بهذاالشكل...
ياسر يطفئ السيجاره بعرض الطاوله..\ آصدقني ياعمي آبوي داخل ب اعمال مشبوها مع ساري..؟
بتال بعـصبيه\ماتستحي على وجهك وهـ الكلامـ...مقرن العاجي يدخل ب اعمال مشبوها...
ممكن تجينا صفقات فيها حقل الاغامـ لكن مشبوهـآ...مقرن يخاف ربه...
آشار بيده بغضب\وهـ الشبها الي اسمه ساري..قآعد مع بارونات الحديد وش يبي...وش يخطط..وش يخربط...!
آنت شفت الاسماء الكبيره الي راح تدخل معنا...
وتتمنى بس تحط يدها بيداً في هذاالمشروع...؟
آسماء تهـز سآحة التجاره..
فـسر لي..؟
بتال بستغراب\افسر لك ايش..ساري عقليه تجاريه بغض النظر عن كل شي وهذا الي يربطه ب ابوي..
مع العشره والسنين..صآر بينهمـ محبه واحترام متبادل...
آنت بس اترك عنك الموضوع السخيف هذا...
وقول لـي اخر المناقصات الي رست هـ الشهرين على سابك والجميح...
عطني التقرير الي كنت تقراه قبل شوي..؟
يآسر بـعصبيه\انا مايرفع ضغطي الا الثلاث اقلام الي بجيبه..وعود الاسنان...
يآعم الرجال طالع لنا من حواري مدري من أي عصر اغبر..؟
آغلـق الاوراق التي بقربه وبـختناق\آنا بـروح لـمكتبي الجلسه معك مامنها فايدهـ....
مآان آدار بتال ظهره حتى آبتسم بـصدق\مبسوط يامناف بينا..؟
مناف يستئذن بمقاطعه\صبحك الله ب الخير يابو فلك..,
قبل رأسه...
بتال \صبآحك رضى...
آردف مناف\آكيد طال عمرك مرتاح هنا ومبسوط ..
بتال بهمس\قآل لك شي الوالد يوم شافك..آذا قال شي تحمله ترى قلبه ابيض..
مناف ب آبتسامه\لآطال عمرك ماقال شي...وسـلمت عليه...,!
بتال انتقلت نظراته لـياسر المنشغل بـ آخراج شيٍ ما من درج مكتبه ..
من ثم
آبتسم بتال وربت على كتفه بـ آبتسامه\لآتخلي عمتك بعد بكرا...انا بليلة عرس ياسر بعد مايخلص العرس بسافر برى المملكه كم آسبوع..,
آرتفعت حاجبي مناف بـ ستغراب\تبـيني آجيها ببيتك طال عمرك واجلس عندها والا آجيبها عندي..؟
بتال \براحتكمـ..بس ببيتي آفضل...وانتم براحتكمـ..
مناف\آبشر طال عمرك لآتشيل همـ...
ربت على كتفه وشد الخطوات لـخارج المكتب..
مآ ان خرج بتال حتى همس مناف بتهكمـ\كيف اعصابك هـ اليومين ياعريس..؟
آرتفع ياسر بـ جهازين جديدهـ وحديثه وهو يخرجها ويدخل الشرائح بها..\عادي...وش بيكون يعني..؟
مناف يجلس\مرتبك...مبسوط...كل المشاعر الحين كيفها...؟
ياسر بـستغراب\لآ..ولآشي من هذا كله..بس شايل هم الناس الي بيحضرون ابي كل شي ب الحفل يكون تمام ومثل المسطره..
مناف\لآ ماقصد هذا الشي...آقصد انت والعروس..؟
آنهى جملته مناف ب ابتسامه خبيثه وغمزة عين...!
ياسر منشغل فقط بـ آدخال الشرائح وبهدوء\شايل هم بس انها دلوعه زياده عن اللزومـ..
انا كنت ابي وحده راكزه وعاقله وتتحمل وتصبر معي في كل شي....
والي خذتها كارثة دلع بجميع المقايس...
مناف بـمناقشه جاده\الله يهديك مدام ماجازة لك من هـ الناحيه لـيش كملت...
وبعدين الدلع ماهو مشكله ...؟
ياما بنات كانو مرفهين ودلوعات عند آهلهم ...و...لما دخلو في بيوت رجالهمـ صارو شي ثاني تماماً ..يحتون الزوج والابناء والاهل..
آنت بيدك تغير طباعها والحرمه من رجالها..؟
وبغض النظر عن هذا كله..
الي بتاخذها بتكون مرفهه عندك...
انت مو ناقصك شي ليش ماتبيها دلوعه وذوق في هاالمجال..
وبعدين
انت بنفسك تحب الدلع والـغنج في البنت..
يآشيخ الشباب الحين يتمنون هذا الشي...
آجل تبي تتزوج مرهـ بثياب رجال..الله ينولني الدلوعه بس..
آبتسم وركن آجهزة جواله الحديثه بـجنب من ثم\تبي تعرس صدق يامناف..؟
مناف تراجع قليلاً وبهمس\الحين لآ...
آرتفعت حاجبي ياسر\وليش..؟
مناف بحراج\لسا ماكونت نفسي...يمكن بعد خمس سنوات او اكثر..اخذ لي قرض وتتسهل ان شاء الله..
ياسر\تكاليف عرسك علي تنقى انت بس البنت ولآ تشيل هم شي ثاني..
مناف بـحزم\لآلآلآ...يابوعبدالعزيز ماقصرت ب الاولي والتالي خيرك سابق وانا مارضى اتزوج الا لما اكون نفسي وادفع انا مهرها من الريال لـ الف....مبيضاً انت وجهك ب الاولي والتالي...,
تراجع ياسر لـكرسي وصمت تحت اصرار مناف...
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.

.
رهف تضع كميه كبيره من الاكياس الانيقه بجانب السرير..\تقريباً مابقى شي خلآص...
الفستان راح يوصل اليومـ...وبكذا انتهى كل شي...
آم عساف وبيدها مسبحه انيقه طويله تستغفر ب همس من ثم\طـلعي صدقه بنية طرح البركه والمحبه بزواجك...
رهف تجلس على طرف السرير وتنزل جزمتها العاليه من ثم تمسح كاحلها برقه\آآآو يا الغاليه طلعتها الحمدلله قبل حتى لآتذكريني فديتك..
شدة ام رهف كيس فخمـ ..
من ثم اخرجت منه علبة ب اللون الاسود وبهمس\هذي هدية ابوك...هو متأثر هـ اليومين انك بتتركينه حتى لو ماوضح لك شي..
لكن لآتزيدينها عليه بحركات الدلع الي اعرفها منك...
قرصت خديها برقه
آنخرطت رهف بـ بكاء و ضمت كلتا آيدي والدتها واغرقتها ب قبلٍ كثيره وانكبت بـحجرها...
تسكب دموعٍ لابد منها=)
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.

قفز عناد مآ ان سمع ملوك تخبره بحضور الجده..
عناد بـفزع\ليه وش جابها...فيه شي..!
ملوك بستغراب\تسلمـ...
عناد يخطى الخطوات الواسعه لـدورة المياه لـيشطف وجه بسرعه ويخرج يمسحه بفوطه ويرميها بـ الطاوله...\تسلمـ...!ماعمرها جتني هنا بزاوجي الاول...تقولين الحين جايه تسلم...!
ملوك تتبعه بخطوات \وانا كيف اعرف بهذا الشي...ماتوقع فيه شي امي هيا طبيعيه وملآمحها هاديه مره...
هد نفسك مافيه شي..
تجاوز الدرجات ب التهامه الدرجه درجتين ...
وآستقرار بعد ثواني بـ توسط الصاله...
وبـستغراب\حياك الله يمه....حياك الله...
آبتسمت الجده على ترحيب عناد وصوته الفخمـ يستوطن قلبها قبل آذنيها...
قبل رأسها من ثم آنحنى لـكلتا يديها يغرقها بقبلاتٍ رقيقه..
تحت نظرات ملوكـ الـمتفحصه لـكمية الرقه التي تنسكب منه بحضور الجدهـ...
الجده بتهكم كاسح\الله اكبر عليك مشتاق يعني لي..حتى التلفون ماتشله علي...
قم فارقني هناك انا جايه اسلم على هـ الصغير...
و...على هـ المزيونه اما انت يا الـي ماتستحي على وجهك مالك عندي سلآم ...
قم فارق هناك...
عناد يغرق يديها بقبله ويتمتم بهمس\اما يمين القلب او يساره بندور لنا عذر...وبنـلقاهـ...
من ثم اردف\الله..الله..خواتمٍ جديده...!
شد اصابعها المجعده وهو يتفحص تلك الخواتمـ...
ذات الطابع الـجميل ثلآث خواتمـ صغيره..
اشبه ب الدبل والمحابس فوق بعضها البعض..
واخر بلون الفيروزي القديمـ...
واخر نقوش الذهب به...
شي جميل يعبق ب الماضي ويتغنى به..
الجده بـحزم\الله يذكرك الشهادهـ..ترى ماشفت الخاتمـ الي ضيعته...انت مالقيته...!
آبتسم عناد برتباك وهو يستحضر مقصد الجدهـ...
رفع كلتا يديه ب خبث\الا حصلته وبعته...!
الجده بحزم\والله لا ادري انك صآدق...آنك بعته ان اقطع هـ الاذنين...
آبتسم عناد\ماصارت هديه يمه تسألين عنها..خلاص اهديتها خلآص مالك شغل فيها عقب!
آردف وهو لآيـتوجه بنظراته لملوك\جيبي لـ آمي شي من الي بمطبخ..فواكه او عصير او آي شي عندك داخل...
ملوك ب ابتسامه لجده \ان شاء الله....
آنسحبت ملوك بهدوء لـيتكلم عناد بقلق\يمه وش فيه...؟
الجده بستغراب\مافيه شي وش فيه..؟
عناد\ماعمرك سويتيها وجيتي لـي فيه شي اكيد يوم انك جايه بها الوقت...جسار فيه شي..؟
الجده\لآ..وانا امك مافيه شي..والكل مافيه الا العافيه يحمد ربه فيها ويشكر...
انت بشرني عن امورك وامور زوجتك...
عناد بستغراب\آموراً طيبه...لـيش ..؟
الجده\آتطمن وانا امك اتطمن الا فيه شي..؟
عناد\يمه الله يهديك فيك شي...ماتجين هنا لنك مارضيتي ان انا اسكن ببيت لحالي من ايام عبير...
تجين الحين وبها الوقت وتقولين مافيني شي جايه بس اسلم...
بعد تكلمي بشي اصدقه الله يهديك..
الجده\آيه...عساك اجل ماصدقت..!
ملوك تدخل وتضع سـلة الفواكه والصحون المرصوصه بجانبها...\حياك ربي يمه هيا والله ماتصدقين بفرحتي انا ورعودي فيك...
الجده\شفت الي يرحب ويهلي...ماقول الا ساقها ربك لك مثل الغمامـ والا انت و وجهك..منت بكفو هـ الزين..!
آرتفعت حاجبي عناد بـستغراب وتهكمـ\لآتجين يمه هيا وتشيشن حرمتي علي..وش الي ماني لها كفو...وش شكت مني..!
رمق عناد ملوكـ بنظره متسائله ومشككه..
من ثم اردف بـخبث\وانا لها مثل السماء الي تحضن الغمامـ...والا وش رايك يابنت فهد..!
ملوكـ بخجل تراجعت وهي تلم بقايا الخصلات المنتثره على كتفها للخلف..
وآكتساها لون الحمره \راي ان أحنا نرحب بـزيارة امي هيا بشي سبشل...
عناد ابتسم لـجده\شفتي تقول سبشل...وش رايك سبشل والا ذبيحه..!
الجده بـحزم\لآوالله العظيم ماذوق الذبايح ولآآحط يدي فيها عطنا هـ السبشل وانا امك وآترك منا الكلافه..
غرق عناد بضحكه صآخبه ..
قطبت ملوك حاجبيها لـعناد مع كتمـ ضحكتها...
ملوكـ\يمه هيا....عناد ها اليومين ثاقل دمه بزود...ماعليك منه...
الجده\يآمك والله اني داريه بـصدره الضيق لـكن يمك آنفضيه مثل الردا.. ان كان فيه خير ماطار..!
غرقت ملوك بضحكه رقيقه..
لـيردف عناد\رادتها لي يمه هاآآ..
وقف وبـ آبتسامه\بنتغدى في البر مع هـ الاجواء...وانا بـسوي غدا امي هيا بيدي..
الجده \يامك انا مابي الكلافه انا جايه اسلم وبروح عندي يامك شغلات واجد...
عناد بنفي قاطع\مالك لوا..غداك عندي..وانا بنفسي بوديك لشغلاتك الواجده..
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.

بـ المستشفى..
شهد بـشوق\خلآص بتطلع اليومـ..وبروح لـشقتك الـي اشتراها ابوي...آمي محضره كل شي فيها وحاطين لك حفله صغيرونه كذا ...
ابتسم ريان ونظراته تراقب ترتيب ملآبسه ب الحقيبه من قبل ضي..
حرك اصابعه بخصلات شهد الـمبعثره \على خير ان شاء الله...
شهد بهمس\وامي هيا اليوم رايحه لـعناد عشان يحضر الملكه....انا عارفه مستحيل يحضرها مستحيل..هو اساساً ماهو موافق
يعني انت وعناد ماراح تحضرون...وش هـ الملكه...وش هـ الفرحه المخنوقه...
حتى جسار تعبان من السالفه..
آنا مابي اتملك الحين لكن امي الله يهديها مدري وش صار فيها..
آوضاعنا مكركبه..
نفسيتاً زفت و آزفت من الزفت...
ومع كذا تبي تسوي الملكه في ها اليومين العصيبه علينا...
ريان ببحه\الحمدلله على كل حال..المهم انتي والكل بيكون بخير...واذا أخرتي الملكه..
بتغير شي يعني...
جسار مجروح ومذبوح..
وانا ابوي مستحيل يرضى علي بعد اليوم
وعناد مايبي رواف..
امي قرارها صح..ولآتأخرين شي...
آردف\ضي يرحم امك آطلعي لها الدكتور التعبان يـعطيني آسبرين او شي...مدري كيف كاتبين خروجي وهـ ألم فيني..
ضي بهمس\هذا من نفسيتك التعبانه..آهد نفسياً ويخف الوجع..
ريان بـحزمـ\لآ ياشيخه...آنتي يعني آبخس بوجعي نفسي والا عضوي...آظن الكسور فيني..و...الوجع فيني...روحي بس نادي لي هـ الدكتور...
ضي..\ممكن تهدى شوي..وماتحط كل عصبيتك فيني...بطلع انادي لك الدكتور بس ماراح يفيدك بشي...
ريان بتهكم\ايه نفسية يا حضرة الاستاذه انتي ابخس من الدكتور...
شهد بمقاطعه\وش صار...هدو شوي...يآلله ريان قومـ اساعدك كثير تأخرنا على امي بشقه ...
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.


آدآر مفتاح الباب لـيدلفه بهدوء...
ويدخل بخطوات هادئه...
توسط المكان ...
وآرتفعت عينيه لـ خطواتها الهادئه النازله من آعلى الدرج...
سقطت عيينه عليها..
والمبخرة بيدها كانت بتأكيد تـبخر البيت او جناحهما..
.
.
.
من يقنع من آدور بفلك عشقها الان..؟
ماهي الاسباب التي تقنعها...
كيف لـي
آصـبر قليلاً عن تلك العيون الـخجوله..
وذاك المبسمـ الـقاتل لـوريد..؟
آنا
كيف لي آن اصبر عن الابتعاد قليلاً عنها...!
.
.
.
قبلة خده..بعد ان رفعة اطراف آقدامها
وبهمس آنثوي يـبعثره\مآقلت بـتجي مبكر فديتك..؟
آبتسم بعد ان طوق معصمها..
ورفع يدها لـيقبل آناملها بشوق\وش اسوي بشوق..؟
فلك بـ آبتسامه\وش فيه الشوق..وش مسوي فيك؟
لم تمهله بـ الكلامـ
بـخرته بعد ان ابعدة اطراف شماغه..
وتراقص رآئحته ب اجوائه..
من ثم ركنة الـمبخره بـ طاولة الاستقبال...
بهمس \عندي لك مفاجئه..؟
بتال بعذوبه\قوليها..؟
فلك ب آنثويه\لآ..حبيبي ...بـتركها بـ الليل..هذي المفاجئه يبي لها اجوائها..؟
بتال يـدخل اصابعه بـ خصلاتها ويحررها من ذاك المشبك ..
لـينثر ذاك الشعر الـحريري على اكتافها..
ويبعثره بـ آصابعه برقه\ولها اجواء بعد...لآ...وش يصبرني لـ الليل...قولي وش مفاجئتك...
آشارت بـ آناملها\تحلمـ آقوله لك الان...فـ..لآتحاول تمـسكن ماراح اقولك يا قلبي انت...
بتال بـبحه\قلبي..و..حبيبي..وفديتك...لـيش مجمعتها لي اليومـ ناويه مثلاً تموتيني..؟
فلك تعانق آصابعها شفتيه\وش هـ الطاري الله يهديك...مفآجئه حلـوه..
وتستاهل التشويق يآكل دنيتي...
مو بس قلبي وحبيبي وفديتك...لآتشك بـحبك بتال عندي...؟
حرك حاجبه\لآ آشك....آنا مو شاك...آنا انسان ذآبحني الـجفاف منك...
آنتي الي متأكده بـحبك بصدري...
وعشان كذا دايم تختبرين غلآك..!
قبل آنفها برقه\والله العظيمـ يذبحني الشوق حتى وانا جنبك...
تراجعت فلك بخجل\بتال اليوم منت بطبيعي..خف شوي..والا ترفق...؟
غرق بضحكه\تعالي فوق ماهو على كيفك ماتقولين لي المفاجئه...بتقولينها والا لـ الليل هـ اللون الاحمر بـوجهك...
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.

مناهل تراقب ترتيب الخادمه لـملابسها وملابس بتال بـ الحقائب...
مناهل\لآتنسين شنط المكياج دخليـها جوى ب الشنطه..ممكن تنسونها لما تطلع الشنط برى...
مناير \يآختى انا اقولك لآتروحين ولآتجين..
الحريم يابنت الحلال في طبهم بركه..وش لـتس بخرابيط الآجانب وحكيهمـ..
.صرف فلوس على غير سنع..
مناهل\تكفين مناير الله يخليك..ماصدقت بتال بـيتفضى لـي ها اليومين وبنسافر اتعالج...
والطب الشعبي انا مانكره انا اقول ماناسبني..وماخذيت منه أي فائده...وسكرة ملفه..ممكن غيري يـفيده...
ويـتعالج يطيب...لكن انا ماناسبني وخسرة طفل..من سنين اتمنى احمل فيه...
ماراح اكرر التجربه هذي مرتين ماراح اكررها تفهمين..
مناير\هو بسم الله..يابنت الحلال الله يشفيك..والله يا البزران ان مارزقنا ربي فيهمـ غثى وانا رزقنا ربي فيهمـ غثى...الله بـس يعطينا صلآح الـعطا...
هقوتس بنت البراق..بتقول شي..!
مناهل بـستغراب\مالها دخل ب الاساس..هي لو ان الانجاب عندها متأخر بنقول شي..آحنا...
تحمد ربها وتشكره على هـ النعمه العظيمه الي هي فيها وغيرها محروم ويطامر يمين وشمال يدورها...
مناير بستغراب\لـقطت هـ القطوهـ على طول...وثبتت آساسها....
الله يرزقتس ياختي الي يقر عينتس ويفرح قليبس...
.
.
.
ليهْ ؟ | الألمْ | يرسّمْ على صُوتَهْ دَليلْ ,
دامْ الوعَدْ فِيْ لهَفْةَ أطّرْآفَ الحَكِيْ
.
.
.


مقرن العاجي لـسكرتير بحزمـ\خـله يتفضل...وش تنتظر ...؟
تراجع السكرتير ب ارتباك..\حاضر طالع عمرك...
ساري بـستغراب\المتجسر الي ناشراً غسيلك..وش يبي الله يـحذفه في ديرة خلى هو و خرابيطه الي ماتخلص..
من يوم تقرى خباله تقول ان الشعب بمجاعه..
والكل بخير ومافيه الا العافيه..!
والا رواتب هـ الخدم الي كل بيت مايخلي منهم...
وها السواقين...
وهـ الاسواق الي ماتفضى ماغير الحريم يطامرون فيها..
وش هم ماهم سعودين..؟
في خير ونعمه..
الله من الخزبقه في ها الرجال الي ماتخلص..وش يبي..!
.
.
ثواني معدوده..
و
توسط جسار المكان
بـحضورهـ الـهادئ...
.
.
مقرن بترحيب حار\حياك الله يابو سطام حياك الله ...
مد يده جسار مصافحاً لـمقرن \الله يـبقيك...
مقرن \الـيومـ كنت مداوم من بدت الشهور الي طافت...شـفت ان كل شي يترتب لنا...وان شاء الله مشروعاً جامع الخير..
آبتسم جسار ببرود...
من ثم صافح ساري ...
سآري\حياك الله الـي يمد مقرن يده له نمد يداً له والي يبعدها ماندنيها..!
جسآر بـهدوء\جيتي ماهي لـمدت ايد وحبة خشم...جيتي هنا آكبر من آفزع لي وآفزع لك..!
آبتسم مقرن \صدقت..تفضل آجلس...حياك...
جلـس جسار بكرسي المقابل لـساري..
ودخلت القهوه بعد ثواني لهمـ...
مقرن\هآ يآبو سطامـ..نقول جيتك بداية صفحه بيضا بينا...
جسآر\جيتي مالها علاقه بشي الا بـ المشروع..آنا قررت ان جريدتي تدخل بـثقلها ب المشروع وتدعمه اعلامياً...
بشرط كل الاوراق والاحدثيات تـجي لـنا اول ب اول..
مقرن\ماطلبت ابشر..
من ثم اردف\ماهي بجريدك وبس يابو سطام نبي ثقل قلمك...
صمت جسآر وآرتشف بقايا القهوه بفنجاله...
سآري تفحص جسار بنظراته من ثم ارتشف فنجاله وآنزله...
.
.
.

نقف هنا..
.
.
.
همسة محبه\يقول الشيخ العريفي حتى تعرف الثلث الاخر من الليل عليك ان تحسب ساعات الليل من المغرب الى الفجر فـآ ذا وجدناها 12 ساعه قسمها الى 3 اجزاء
ففي كل جزء نجد اربع ساعات..
من الساعه 6و7و8و9 هذا الثلث الاول من الليل
ومن الساعه 10و11و12 و1 هذا الثلث الثاني من الليل
ومن الساعه 2و3و4و5 حتى اذان الفجر هذا الثلث الاخير من الليل..

.
.
.
اللقاء...
آذا كتب الله لنا عمر
سبت او اثنين..بحسب الاتصال=)
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1247
قديم(ـة) 31-01-2011, 05:09 AM
صورة a7la lmmos الرمزية
a7la lmmos a7la lmmos غير متصل
©؛°¨غرامي مشارك¨°؛©
 
الافتراضي رد: بعض العيون حقدها في نظرها / بقلمي


تسلمي ع البارتين
و يشرفني اني اكون اول وحدة ترد
تحياتي a7la lmmos


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1248
قديم(ـة) 31-01-2011, 07:34 AM
صورة صبراً يازمن الرمزية
صبراً يازمن صبراً يازمن غير متصل
©؛°¨غرامي فضي¨°؛©
 
الافتراضي رد: بعض العيون حقدها في نظرها / بقلمي


ضمني

صباحك سعاده تملأ قلبك

وإن شاء الله تكونين بصحه وسلامه وموفقه بسفرك

مو مجامله بس فعلاً قلة الكاتبات مثلك ولو غبتي يغفر لك التزامك الدائم وغيابك راح يكون لسبب قوي

ولك العذر منا كمتابعات نحترم ليس قلمك وحسب وإنما أيضاًشخصيتك الراقيه والمحببه لقلوبنا

يعطيك العافيه ع البارتين وعلى حرصك حتى وأنتِ مسافره ماراح تقصرين

ربي مايحرمنا منك




.......................


توقعت تكون لك إطلاله على أحداث جده

ماشاء الله عليك لاتغفلين عن شيء ولك موقف بكل ما يمر من أحداث أثناء طرحك لرواياتك

اولله يحفظ أهالينا بجده وإن شاء الله ماتنعاد هالأحداث المره

ولــ تونس ومصر الأمن والإستقرار وحفظ الدماء

اقتباس:
ذاك الشخص سا اقتله او سيقتلني..!
ننتظر زواج ياسر وياترى فيه خطر عليه من شغله مع جده

اقتباس:
سآري\ولـد عبد العزيز..مآربيته يامقرن..ماربيته..وش هـ الاحترام..مايحب راسي..وانا بحسبتك عندهـ..
الله يرحمـ يوم ارقص ابوهـ في حضني..لكن جيلاً نسئل الله السلامه منه!


ترقص أبوه بحضنك وجاي تخطب الظبي

ياترى فعلاً خطبها ولا مجرد كلام من مقرن


عناد وملوك

مثل البحر مابين مد وجزر

وكل هــ الترحيب والحب الي يحمله عناد للجده ياترى سينتهي بمعرفة أمه ودور الجده في بعده عنها

و الخبر الي جايه الجده عشانه ياترى راح تكون ردة فعله قويه ولا يترك لشهد خيارها هـ المره

حلو إسلوب طارق وكلامه عن مقرن بالرغم الي صار بينهم وهذا يدل على طيب أصله

ودائماً اللقاء مابين جسار وطارق فيه شفافيه وروح نقيه تجمع بين الأثنين

مقرن وجسار شو توابع هـ القرب من بعض وماهي نقطة النهايه

أم عساف

فعلاً شعور صعب وإنتظار كل هذه السنوات

جداً بشوق للحظات التى تجمعها بولدها

والحلم يمكن اللولو ملوك والحيه ياترى سيوف وإنتهت ولا شي جديد بطريق عناد ؟؟

بتال وسفره مع مناهل ياترى فلك راح تمسك غيرتها بوجوده مع مناهل وشو توابع هـ السفر على كلاً

من مناهل وبتال

شهد هدوء وتغير كبير بشخصيتها ياترى في الوقت الي تغيرت للأفضل ممكن رواف يكون سبب شقائها

ريان يمكن لأنه ضي الشخص الأقرب منه عشان كذا قاعد يفجر كله غضبه فيها

وهي ماشاء الله قويه يعنى المفروض تكون أكثر تفهم للي يمر فيه



ضمني

لاأملك سوى دعوه من القلب لكِ بالتوفيق والصحه

ولاحرمنا الله وجودك بيننا





رابـــــــ ♣ عنـــــاد ♣ ــــطة



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1249
قديم(ـة) 31-01-2011, 02:43 PM
صورة وحيدة كا لقمر الرمزية
وحيدة كا لقمر وحيدة كا لقمر غير متصل
©؛°¨غرامي مشارك¨°؛©
 
الافتراضي رد: بعض العيون حقدها في نظرها / بقلمي


مساء الخير ضمني
بارتات كانت بجد روعه
اولا: سلامات ماتشوفين شر (بس سؤال شخصي شوي انتي طالبه اومدرسه ,بس اتوقع انك مدرسه عربي )سوري على السؤال اذكان يطا يقك
نجي التوقعات عناد يطلق ملوك اويرجع ام رعد اويتزوج الضبي والله شي الويصير كذ
الان عناد ما ينطاق كله شك غيرة انسان رجعي
اما ياسر رحمته بجد اتوقع بعد زواجه تتطلق ملوك
اما فلك بيصير بينها وبين بتال شي قوي
بس ليش ما بلغها بسفرة اللخارج ليش قال المناف
اما الضبي خاطري اقتلها مالوم طارق فيها (طارق شخصيه مميزة )
اما لجد اتوقع خسارته قريبه
بس طلب واحد بس الضبي ما تتزوج جسار
الان الضبي انسانه وقحه بجد اتمنى انها نكسر
بس هذا الي عندي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1250
قديم(ـة) 31-01-2011, 04:47 PM
أعتزاز انثى أعتزاز انثى غير متصل
©؛°¨غرامي جديد¨°؛©
 
الافتراضي رد: بعض العيون حقدها في نظرها / بقلمي


مساء الخير حبيبتي
روايتك مره حلوه فيها غموض حلو يخليني ماتوقع اللي حيصير
بس لما توصفي حاله الشخص او مشاعره يصير كلامك يميل للفصحى
اممم عندي سؤال انتي لما قلتي ان عبدالعزيزتزوج ام ياسر عشانها زوجه صاحبه
اللي مات طيب ذكرتي ان له اولاد يعني ان لياسر اخوان من الام اتمنى انك فهمتي قصدي
وشكراااا



الرد باقتباس
إضافة رد
الإشارات المرجعية

بعض العيون حقدها في نظرها / بقلمي ، كاملة

الوسوم
ملـــوك..ياسر , التزااام التزااام كذا الكاتبات والا بلاااااااش , الظبي لذهبي وبس , الظبي لجسار وجسار لظبي , الظـــــــــــــــــــــــبي , الـنظرات كل سبت وآثنين , الطفل المفقود...؟ , اويييها واعرس البارون اويييها والحلوان على شوشو , بتال , تفتح الراوبط للابطال^_* , يالبى الإبداااااااااااااع , جسار......عناد , رابطة شهودي<<ضمضم , روايه جديده ..لضمني بين الاهداب.. , زهور حسين جمعت الروابط واضفتها ب الصفحه الاولى...ملآك الاحلام شاكره لك جمعك الثاني يا الغلا.. , part44p244 , part45p249 , part47p254 , part50 p 269 , عااااجيه ياضمضم عااااجيه بحروفك وابداعك , فلك..مناف , نظرة 46 ص250 , نظرة 48 ص259 , نظرة 49 ص262 , نظرة 51 ص275
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6672 12-09-2014 06:13 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
معاني ألوان العيون aaaابن الغرامaaa ارشيف غرام 1 23-04-2007 03:00 PM

الساعة الآن +3: 12:28 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم