اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 831
قديم(ـة) 04-12-2010, 01:45 PM
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: بعض العيون حقدها في نظرها / بقلمي


اقتباس:
المشاركة الأساسية كتبها وردة الزيزفون مشاهدة المشاركة
صباح الخير يالغلا ........ كيفك ياقلبي .......... تسلم يمناك على البارت المتفجر بالاحداث المؤلمة جدا
ياهلا وغلآ..,


الحمد لله انو طيحة فلك مااثرت كثير على حملها بس مازال الخط محاوطها ....... اما بتال اشك انو يحب فلك مثل مايدعي والله شكل العاجي عشقهم عجب العجاب يذبحون المعشوق ويحطمونه بأسم الحب ياسر والظبي وبتال كل واحد عذب الانسان الي يدعي انو يحبه بس انا مااشوفه حب ......... يعني فلك مالها دقايق صاحية والدكتورة منبهة عليهم انو حملها ضعيف والنفسية مهمة جدا جدا لبقاء الحمل وبتال يرش الملح على جروح فلك من انو بيتركها اذا سقطت وانو بيرجع البقرة مناير بس اقول يستاهل كل الاهانات من ابوه وخراب مناير منه قبل مايكون من مقن مااستفاد شي من طلاقها وهذا هو بيرجعها لانها بنت طلال العاجي مافي اي مقارنة ولا اي عدل بينها وبين مناهل ولا فلك الي نفسياتهم في الحظيظ بس اتمنى فلك ماترجع بيت بتال وياسر يجلس معاها في اي مكان علشان يعلم الكل انو وراها سند وكرامتها اهم من عواطفها

الكلام كان كبير بحق بتال..,
وكلآمك عن ياسر صحيح
ياسر ينصر دينك ياشيخ على كل كلمة قلتها لبتال المتحجر والظبي وابوها المتعجرف فعلا وقفهم عند حدهم وعرفهم قدرهم وحدودهم مع البراق وياليت فجر القنبلة بوجه مقرن عن حمل فلك .......... الله يسعده مع رهف وياليته مايصير قاسي معاها ويتعامل معاها على قد رقتها هو صحيح مابيقدر يعطيها قلبه بالبدايه بس لما يشوف العطاء منها ماراح يبخل ياسر على غروره وتعجرفه الي ماخذه من العاجي الا انه حساس ومرهف القلب وحنون حيييييييل مع الي يحبهم ويغليهم وكل الي يسويه هذا تنفيس عن الامه الي داخله هذا غير حرمانه ويتمه وهو في احرج المراحل رهف بتتعب بس بتفوز في النهاية وياسر بيكابر بس بيرضخ ويستسلم لمشاعره القوية في النهاية
ياسر غير بس هو يبطل حركاته القديمه ولآيرجع لها=)

وان شاء الله مهمته الي بيفجرها لجسار بيكون فيها خدمة كبيرة لجسار وملوك وكل الراسي صحيح بتكون بطريقة قوية وقاسية بس هذا الي بيقلع الحية وبيفضحها
=)

جسار للاسف استسلم بسهولة لخداع الافعى وهذا الشي بيخليه يضاعف العقاب لسيوف الي مفتكرة انها خلاص نجت وهي تزيد من فسقها وخيانتها متناسية انو في من يراقبها وعارف خباية نفسها هي مرتاحة ومبسوطة مفتكرة بخداعها انو موضوعها انتهى مادرت انو ربي ممهلها وقت بس يمكن تحس وتتوب لكن للاسف امثالها مسيرهم الشيطان والرغبات المحرمة وهذه تركت زوجها المخدوع ونزلت بكل وقاحة تبث سمومها واكاديبها ...... منتظرة ردة فعل جسار من مفاجأة ياسر بس ياليت يكون عيارها هالمرة اثقل من قبل ......... صحيح جسار مايستاهل وبينكسر بس هالشي هو الي بيصحيه من الغيبوبة الي عاشها هالسنين كلها وماخفي كان اعظم ياجسار ومافي طعنة اعظم من طعنة الحبيب
صحيح
ملوك وعناد

عناد بتعامله بهذي الطريقة مع عناد ممكن تترك لسيوف ثغرة قوية تدخل فيها الوساوس والشك بقلب ملوك ......

اما ملوك صح قرت تردع سيوف للمرة الثانية بس شكلها فهمت زين ليه سيوف تبث سمومها من هيئتها وعدم سترها في بيت مليان رجال مش محارمها وارتباكها وهروبها من عناد يمكن خلى ملوك تفهم حركات سيوف لانها من قبل عاشت مواقف بين زميلاتها وياسر والنغزات الي من تحت لي تحت ويمكن هذا سبب دموعها بس الجاي بيكون اصعب بكثيييييييييييييييييير

صحيح ميه بميه كلامك عن ملوك وياسر
ريان بداية انكشاف زواجه بس الله يستر من هالحادث وترتباته هل بتغادرنا شخصيات جديدة من الابطال ومين بيكون ريان وضي او واحد منهم يمكن يكون ريان وضي تنجو مع جنينها وتدخل عايلة زوجها مع ذكرى من ريان

او ضي تغادرنا قبل ماتنضم لهالعايلة او بينجو الاثنين صعب جدا التوقع بس حاسة انو في ايام حزينة تنتظرنا بالبارتات الجاية وهذا الحدث يمكن يشغل جسار عن كشف سيوف وتقصي الحقيقة

فيه ..أيام حزينه بس بدري عليها الحين..,
مناير العلة مستنقع الزيوت بعد مابغت تذبح مناهل وبعد كل الي سوته فيها تدعي عليها لاوتبيها تكلمها بكل بساطة بس ماتكون بنت العاجي اذا اعترفت بغلطها نفسي اشوف وجهها اذا عرفت انو فلوكة حاااااااااااااااامل اكيد عيونها بتطيح من راسها وبيطلع دخان قوي من راسها عاد دخان مناير بيحشر الحي كله ياليت ياضمضم تتصلين بأقرب مطافي تجي تطفي الحريقة الي براس مناير هههههههههه احس الريحة بتوصلنا للشرقية

ههههههههه

ضمضم متشوقة حيل للبارت الجاي مع اني متوقعته مؤلم وحزين
تسلمين ياراقيه..
اقتباس:
المشاركة الأساسية كتبها الحياة كذا مشاهدة المشاركة


صَباحكْ أَبيضْ .. ^_^
ياهلا وغلآ..

//

بَتال و فلكْ ..

أخذوا الحيّز الأكبر من البَارتْ .. الحمدالله إن فلك ما سقطتْ و لا كان الأمور تعقَدتْ أكثرْ بينها و بين بتَال ..
و كمان لو سَقطتْ وش راح يَفكْ شَخصيه مثل بتال من العَذاب النفسي ,
لكنْ علامة إسَتفهام على بَتال لما قال إنه ما يقدر يتركْ بنتْ عمه و أم بنَـاته و أنه الحياه تمشي
بدون حبْ .. هل القصدْ من هالجُمله أنه يبينْ لـ فلكْ أنه ما يحبها أكثر من حريمَه عشَان يبين لها
خطأ كلامَها لمقرنْ إن عيال العَاجي مذبوحه قَلوبهم عند عتب بَاب البَراق ؟!
أو عَشان يثيرْ غَيرة فلكْ و يبينْ أنه مَناير هي الزوجه المفضله عَنده ؟!
أو قَصده أنْه مستَحيل يَتخلى عنْ اي زوجه من زوجاتهْ دام ربطه فيها ضَنى و فلكْ ينطبقْ عليها
هالكَلام .. و أنه ما راح يَطلقها عَشان اللي ببطنها مو عشان أنه يحبهَا؟!
ما عجبني كلامه لها خصوصاً أن حمل فلكْ مخليَها حسَاسه .. و نفسيتهَا منهَاره اً بعد عَاصفة مقرنْ ..
وَهي شَكتْ له مخَاوفها .. المفروض يَقدر هالمخاوف و يقدر حالتَها ..
أتوقع كَلامه بيكون له أثر عَلى إستقَرارهَا النفسِي اللي هي بأشد الحاجه له بَهالفتره ..
بَتالْ .. جملة فَلكْ جرحته أعتبرهَا إهانه لَه .. و الفتْره الجَايهْ أتوقَع راح يَتصرفْ على أسَاسْ
أنه يَثبتْ لها العَكسْ .. و المسكينه بتاكلهَا على حَسابْ مشَاعرهَا ..
جميع تسائلتك صحيحه..لكن مقصد بتال الاساسي راح يتضح..
بتال كمان انجرح منها..



//

يَاسرْ ..

ماحد يَقدر على هالمَقرنْ غَيره .. شَكل غلا يَاسر عند مقرنْ هي نَقطة ضَعفه
بَعد تَهديده ب إنهم ما يَتعرضونْ للبراقْ و كلامه ب إنهم خط أحمَرْ .. نَقدر نقولْ نَهاية
تجَاوزاتْ العاجي بحق البَراقْ ؟
أعجبني إعتزازيَاسرْ بخَوالهْ .. و ماهزه كَلامْ مَقرنْ و تحقيره للبرّاقْ ..
إلا نفخ الصَدر وَ رفع الراسْ ..
والله إنك يا ياسر مو بَسهل .. أجل إذا ما أعجبتك ما تقعد عندك دقيقهْ
أبشركْ أنها بتعجبكْ .. بس راح تتعبكْ
زين و جاك الزينْ اللي تبيهْ .. و فوقهم رقه و دلَع و ذوقْ ..
بسْ حيَاتهم ماراحْ تكونْ هاديه .. حب رهف للإستقلال .. و قوة شَخصية يَاسرْ .. راحْ تَشعل
الصَراعاتْ بينهمْ .. و بتزيد الصَراعاتْ لما تنكشفْ الحقَائقْ و يتطلعْ أختْ عنادْ أخو جسار
الراسيْ .. العدو اللدودْ لـ يَاسرْ ..
اللي بدا الحربْ الحقيقيه عليه , وعلى العلنْ .. بسْ أكيدْ راح يَستخدمْ هالصَحفيينْ بعيدْ عن سَالفة
الصورْ .. حلو بيَاسرْ تقديرة لخواله و إحترامه لهمْ ..
صحيح
//

عنادْ و ملوكْ ..

الغيره الشَديده .. صَفه عند الأثنينْ ..
و راح تكونْ صَراعاتهمْ على هالجبهه .. من ناحية شَغل ملوكْ .. و غيرة ملوكْ
منْ ناحيةْ وجودْ سَيوفْ بالبيتْ و لبسهَا غير المحتشَمْ .. و الأفكار اللي تبَثهَا هالسيوفْ براسْ ملوك
إن عَناد راعي بَناتْ .. لكنْ ملوكْ ذّكيه وَ ماراح تَخضَع لسيوفْ و بتوقفهَا عند حدهَا ..
لكنْ ممكنْ تَخلي ملوكْ توسوسْ و ترتابْ ..
من نَاحيه ثَانيهْ .. ملوكْ إنقَرصتْ من يَاسرْ منْ نفسْ المشَكلهْ .. عَشانْ كذا راحْ تحاربْ بكل الطرقْ
عشانْ ماتنقرصْ مره ثَانيه من نفسْ الجحرْ .. و ممكنْ بحربَها هذيْ تكشفْ سيوفْ و ألعَابهَا ..
ملوك طيحتها في ياسر والوجع الي نالته..ممكن راح تستفيد منه في عناد..,
والاثنين مثل ماقلتي يغارون ..
و
نتظر ونشوف هـ المزيج كيف يتفقون..,


//

جَسَارْ ..

ضَحى بسمعَته وَ مصداقيتهْ عند الرأي العَام في سبيلْ مبادئهْ ..
ياسرْ وَ جسَارْ .. كَلهم قويينْ بَاس و مو الخصوم السَهله . خَصوصاً إذا دخلْ على الخط عَنادْ ,
بَعدْ ما تصير الحربْ علنيهْ .. ماراح يتوانى عَناد و يغذيه كرهه لَياسرْ و أنه كان بيوم من الأيام
خطيب ملوكْ .. وَ نفس الشيء يَاسرْ يَغذيه حقده لأنه اخذ منه الإنسانه اللي عَشقها و اللي فَضلته
عَليهْ ..
=(
آردفت \هذا الي مثله مايكسب عدو الي مثله يكسب لنا صديق..هذا ماهو شاري له كراسي..ولآ..منصب..ولآ ..تصفيق ناس..

كيفْ بتكسبينه صَديقْ يَا ظبيْ ؟؟!
ضَمضم تَعرفينْ كيف ؟؟ >
لعبه نلعبها كل الخيوط معي ..و..انتمـ عليكمـ تمسكون اطرافها=)
//

ريَان و ضيّ ..

القفله القويه ..:(
سَاعة إنكشَاف السرْ وَ رفع الستارْ .. أتوقع راح تتضرر ضيّ من هالحادثْ ..
و ممكنْ تفقد جنينهَا .. أتوقع عَنادْ له وقفهْ بمحنة ريان ..
صحيح

//

ضَمضمْ ..

مَطرْ ..!
يَهطلْ بعذوبهْ من غيومْ مُثقلهْ بالجَمالْ ..
لا نملكْ سوى الغرقْ ..... وَ ما أجمَلْ الغَرقْ

>>

اقتباس:
المشاركة الأساسية كتبها غيوم11 مشاهدة المشاركة
بسم الله الرحمن الرحيم
السلام عليكم ورحمة الله وبركاته

مساء معطر برائحة الفل
مساء تعبق اجوائه بشذى الياسمين
مساء عامر بطاعة المنان

عزيزتي الجمتني المفاجئة عندما
رايت بضع جمل خطهاقلمي تتراقص فرحا في بداية البارت
فكل الشكر لكي غاليتي .
ف انا سعيده انها راقة لذائقتكي االمتفردة .

وعليكم السلامـ..
يآذوق..آنتي تستاهلين اكثر..,


جسار ّّّّّّّّّّ
انتظر لاتغلق كشكول الحكايا .فلقد تبقى منها اجزاء
استمع لحكاية اليتامى ومبلغ الضمان
الاتعلم ان لضمان بضع ريالات لاتسمن ولا تغني من جوع .
والاسعار حرارتها اشد من لهب النار احتار الايتام
هل نسد قسط التيار ام نسد قسط الدار اولالا
فلندفع لنسد الافواه .
لكن حتى طعام الفقراء اشد غلاء من الريلات .
انتظر فل اخبرك اشد وجبة دسمه عند الايتام
انها الطماطم والبطاطا والخبز والجبن والزيتون .
لكن اتعلم اننا حتى هذه معها في تنافر .
هل اكتفيت ياجسار من الاخبار . ام ازيدك من
الشعر ابيات . لا ساغلق الابواب .واعلم انت التجار
اننا نقبع تحت خط الانهيار .

صحيح..,

جسار ّّّّّّّ ارى ان طعن سيوفك قد تمكن منك والمقاومة ذابت عند اول اغراء . ياترى هل ستعود وتكون السياف .
جميله العبارهـ..قد يكون سياف مجروح

فلك ّّّّّّّّ نعم لقد اثبتي ان الانثى اشد شراسة من الحيونات المفترسة . واثبتي لبتال انكي عاشقة حتى النخاع ,والدليل
خوفك على من ضممتي في احشائكي ثمرة لعشقكي.
بتال ّّّّّ الم اقل ا ن طلاقك لمناير كان مجرد قرصة اذن ليس الا . فعلا انت لرجولة ظاهرا ومضمون .
ياسر ّّّّّّّّ اهداء قليلا فلقد وصلت الرسالة لبتال والظبي ومقرن .
نعم هكذا هم الرجال يتوقون لمجابهة منهم ندا لهم وفي نظرهم اقوياء .وهكذا انت ترى جسار .
الظبي ؟؟؟؟؟؟؟؟؟؟ مذا يدور في خلدكي .

جداً آعجبني تحليلك الواعي للاحداث..من جميع الزاويا الله يحفظك..,

ريان وضي ّّّّّّّّ. انه من المولم ان تكون النهايه ان كانت نهايه فعلا بداية صدمة وانهيار صورة .

ملوك ّّّّّّ قرعة الحرب طبولها ودارت رحاها ولانعلم من يكون في طريقها .
عناد ّّّّّّّّّّ ارتباك !!!!!!!! اين القوة والزمجرة في وجه ملوك .؟؟؟؟؟؟؟
ارتباكه لآيعني خوف..
آرتباكه رقه لحالها..


سيوف ّّّّّّ عندما يكون الشيطان الراعي الرسمي لاحلامنا . فلتخرس الافواه ,ولتجف الاقلام.

صحيح
عزيزتي ارق واعذب التحايا لكي
دمتي بود
تميزتي بـ الرد لـحد معانقة عذوبة الجمال..,

اقتباس:
المشاركة الأساسية كتبها بنت غرام 1 مشاهدة المشاركة
حبيبتي ضمضم كيفك
أنا من قراء روايته ومن ٤ايام وانا أقراء الين وصلت لكم

حياك الله..,
وبصراحة
تعجبني شخصية ياسر ولاكن خسارة حب ملوك يندفن
ورهف أكيد بتحب ياسر بس بتعرف انو يحب وحده غيرها
ملوك يالبيه أنا تعجبني أكيد بتحب عناد لان اصلا ما بين انها تحب ياسر وبعد خيانته طلبت الطلاق
عناد أنا احب شخصية عناد بس اتوقع يخرب عليه حياته اهو وملوك سيوف
سيوف أكيد لتموت من الغيرة والقهر والحقد
وجسار أكيد بيكتش خيانة سيوف وأكيد بيطلقها بثلاث وبيخلي درر ووسن عنده
وننتظرك بكرا


 رابــــــــ عنااااااااااد ـــــــطة
حياك ربي..
ويعطيك العافيه على التواجد
اقتباس:
المشاركة الأساسية كتبها ميناف مشاهدة المشاركة
السلام عليكم ورحمه الله وبركاته

مرحبا ضمني بين الاهداب


قرات روايتك من اقل من اسبوع و

اسلوبك في الكتابه جدا رائع ومشوق

واطفل هو عناد واخذوه ومن ثم غيروا اسمه

لعدم التعرف عليه

وانشاء الله دوم الرقي في الكتابه

تحياتي ميناف
ياهلا وغلآ..
تسلمين..
كوني با القرب..,


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 832
قديم(ـة) 04-12-2010, 01:47 PM
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: بعض العيون حقدها في نظرها / بقلمي


بسم الله الرحمن الرحيم..,
.
.
.
نظرة حقد 32..,
.
.
.
مدخل..,
ياباسقه..طلي..علي..
محتـاج..لإطـلالـة..سـنـا..!!
يافتنة..الما..وإخضرار..
العود..والوجه..الحـسـن..!!
خذتي من الغصن الرطيـب
اللـي تمايـل بالجنـا..!!
مايجعل أشفاه..الشفق..
تضحك على..أهداب..الوسن..!!
ولايغـرك لــو تمـايـل عود..خصرك..وأنثـنـا..!!
اعرف متـى..اروّض شياطينك.
.ليامن..وسوسـن..!!
أنتي غناتي..
كـان باقـي لـي علـى الدنيا..غنـا..!!
وإن..كان..روحك..جامحه..
جيتك..وبيديني..رسـن..!!
يامخملية..عيش..طيـبـي .
بالسعاده..والـهـنـا..!!
شاعرك..ينزف..
عايش..ولكن..بين..
حيطان..المواجع..والـعـنـا..!!!
كنه..يفضفض..ذكرياته..
معك..للشاطـر..حـسـن..!!
نوارس..حروفي..
على..شاطيك..وعيونـي..وأنـا..!!
أخاف..من..بعد..الغياب..
عيونك..النجلاء..نـسـن..!!
ان مـت مـن سـود العيون.
.اللي..تغامر..بالقنـا..!!
والاّ..من..سيوف..الفراق..
اللي..على..قلبي..تسن..!!
يابسمة العرض..الشريف..!!
وضحكة..عيون..الضنا..!!
حاولت..أسخّر..لك..ظروف..
أيام..عمري..وأعبسن..!!
إما..تداركنا..سنين..الـعـمـر..
قـدام..الـفـنـا..!!
والا..مراكبنا..عقب..طول..المكـابـر..
مـارسـن..!!

.
.
.
بدايه..,
آوقآتكمـ كلهـآ سعادة لآتنتهي..,
[جسار & بتال..]..
وآنتقادهمـ من آحبتهمـ...=)
بتال في البارت السابق ملك الهجومـ ولمـ ينازعه الا جسار=$
يا الغوالي المسئله ما ننظر لها من زوايه واحدهـ..
بتال سمع كلمه موجعه لروحه..مثل مافلك تألمت من كلمات مقرن..هو..تألمـ من كلمتها..
الحبيب صعب يسمع كلمه مثل هذي من حبيبته وخاصة في حالة الثنائي العاشق هذا..
بنسبه لكلمة بتال انه ماراح يطلقها الا اذاسقطت الي في بطنها..
بـتأكيد ان مقصد غير هذا ومقصده راح تستشفونه بـ الاحداث..,
.
.
جسار ..رجل ..عاشق...نظر لـقضيه من جوانبها ودعمـها بـأن ياسر قد يكون آراد اغاضته لا آكثر في مسئلة هز ثقته بزوجته ولآيجهله تخطيط العاجي وحبكهمـ لكل شي..
وسيوف شخصيه لآتكل ولآتمل..و..جسار عاشق لـمرأهـ لمـ تنسى قاعده ثابته وهي [ كيد النساء]

.
.
.
جمال من نوع اخر يستوطن آحرف ردBlue Haze
ملوك&عناد
لقاء جميل
ملوك لماذا الدموع تحلي بالقوه هل ستأثر فيك هذه الحثالة ؟؟
عناد أرجو منك التحلي بالصبر والإسراع في أخذ الحلول لإطلاق قيدك من هذه
الخائنه ...
جسار و الخائنه
أوجع قلبي تذكرت قول النبي " إنما الأعمال بالنيات"
جسار ... لِمَ لَمْ تتحلى بالصبر؟؟! يحق لك فأنت لا تعلم أي من الأفاعي ببيتك تبث سمومها بهدوء
الخائنه...الله يمهل ولا يهمل ..كسرا بساقك تتلقينه يارب العالمين...
مقرن &الظبي
ذكرتني هذه الابيات فيه
مسكين من غير المال ممشاه ... ينشد هناء روحه ورحه ذبحها
طعنت جميع القلوب بداية من ابنك الاكبر نهايةً بحفيدك...

.
.
.
لآتلهيكم الروايه عن الصلاة في وقتها..,
.
.
.
بـ الاوتيل..
آنزلت نقابها وسارعت الخطوات لـدورات المياهـ..
ليشدها من معصمها برقه..\آنتي ماتقولين لي وش فيك..؟
ملوكـ بتماسك\مافيني شي..هدني بروح لدورة المياهـ..؟
شدها لتقترب برقه منه ويرفع فكها له بتملك\وش فيك..؟
آرتفعت عيني ملوكـ بآنكسار لوجعاً طرق قلبها من دون آستئذان..
.
.
لآتصدق..
بـ..لآ
تستوعب آن مايحدث لها..
شيٍ آخر تجهله مع ياسر لسنوات..!
وشعرت بـه مع ذاك الذي لم تمضي بقربه الا ليلة بيومـ..
فختصر ماكان يحيرها لـ سنوات!
ينتفض قلبها برتعاش لآتحتمله..
وكأن ذاك القلب مصاباً بـخفقات ..
لآ..تهدئ..
لآ
بـل تأزمـ الوضع بـدآخلها..
و
آصبحت مفضوحه..,
والان يسكب بقربه الـشديد منها ..
كهرباء بجسدها لآتسكن..
.
.
.
آحمرار وجها يقتلني..؟
مالذي قذفت به سيوف بوجها..
ليجعلها بذاك التوتر و الوجه الذي
يبدو ان الدموع محتقنه وفآض بها الكيل لتسكب ..
آرتعاش تلك الاهداب ..
التي تحتبس ورائها دموعها بعناداً لآ آفهمه..
وآنسكاب تلك الشفتين في بحر كلآماً تسآئلت عنه..
و آجهل ماهيته..
لمـا ترتعش بين يدي كـ غصنٍ مورد..؟
.
.
.
وضعت يدها برقه على يدهـ الممسك بـفكها لتتصنع الا ألم وهي تريد الوذ با الفرار من ضجيج قربه
ببحه\عورتني..
عناد\ليش وجهكـ عند امي هيا واضح عليه انك كنتي تصيحين..والحين آوضح..!
ملوكـ ببحه\مآكنت آصيح يتهيألك..وليش آصيح..؟مافي شي يستدعي ان آبكي عشانه..؟
عناد آفلتها وبجديه\آنتي شفافه بشكل ماتتصورينه ..فـ مآيحتاج تكذبين..آنا متأكد ان سيوف قالت لك شي..علميني..؟
.
.
لعنت ملوكـ الكعب الذي ترتديه..فـ ..هو بـ كاد آوصلها لـمقاربة كتفه..!
.
.
بـبحه\ماقالت لي شي..؟
بتسآئل\بس آنا الي سمعته منك يقول العكس..!
رفعت رأسها بـستغراب\آنا..؟
بـجديه\سمعت آخر كلامكمـ...الي هو..[ومع عناد غيورهـ بشكل ماتتصورينه..]!
آبتلعت ريقها بجفاف وهي تحبس آنفاسها الخجله...وتبتعد عنه بهدوء ..
آردف\وش الكلام الي قالته سيوف ودفعك تردين بهذا الشكل..آكيد المقصد ماكان سليمـ بينكم يا الثنتين..
وخاصة ملآمحك لما طلعت لكمـ..؟
ماكانت ملآمح احد رايق ابد ملآمح آحد يبي يفرغ الي بين آهدابه..؟
ملوكـ بـضيقه \مآعجبني لبسها..هذا الي ضايقني ..آما عن الكلامـ..فـ آنت فهمت غلط انا قلت وعناد غيور بشكل ماتتصورينه..لأنها كانت تنصحني بـشغله معينه..و..بس..
تركها ببرود وتوجه لسرير ليردف\آكره شي عندي الـ حريم الي يسون آنفسهم يغارون من بداية ايامهم مع بعض..بربرسة الحريمـ ماحبها..!
و ..
بعدين لا تستعبطين ترى انا سمعي مايخوني!
.
.
.
آستعبط..!
والله مافي احد بعبطك يـعناد..
ياخوفي اني استجرت من الرمضى لـنار..
وان
آنت ياسر جديد..
وخيانات جديدهـ..
مآفي عريس يعامل عروسه كذا..
الا هو شبعان من الحريمـ...
ومآعندهـ مشفوق..على ..زين..و..لآ..عرس..؟
يآخوفي من كلآمك يآسيوف..
.
.
.
توجهت ملوكـ لـ آلآريكه
آنزلة عبائتها..و..حررة شعرها ..
ليتساقط برقه على آكتافها..
جلست بـرقه على الاريكه..
وتجاهلته بـ الكليه..
نعمـ تخفي وجعاً بداخلها...
ان كان عناد فعلاً كما قالت تلكـ..
فـ لآ آدري مآالحل..,
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 833
قديم(ـة) 04-12-2010, 01:49 PM
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: بعض العيون حقدها في نظرها / بقلمي


.
.
عناد بـهدوء\ملوكـ تعالي بـوريك شغلهـ..؟
وقفت ملوكـ بـستغراب وآقتربت منه بخطوات خجلهـ..
ليشير لها ان تجلس بقربه..
بعد ان آستوى بـ الجلوس..
جلست برتباكـ..
عناد مد يدهـ بهدوء لها وبـرقه\تراها متعبتني من خبرك..؟
آنتقلت عيني ملوكـ لكف عناد و مكان الجرح الذي اصبح بسيط جداً لآيكاد يرى..
ملوكـ بـخوف وهي تمسك يدهـ\لآ مستحيل..؟
رفع كتفيه بـ الا مبالهـ\رحت لآ سـتشاري وعطآني كورس معالجه..بس الى الان تجيني نغزات او خدر فيها..
قطبت حواجبها وآحتضنت آصابعها باطن يدهـ لتحركـها برقه\يعني الحين تحس بـمكان الـ ألمـ..
قربها الشديد منه وآنحانئها تحت آنظارهـ..
لتتساقط خصلآت شعرها مع آنحائها..
و
آنفاسها الدافئه..
ومزيج عطرها الذي آحتواهـ
من ثم آصابعها الثلجيه تبحث عن مكان الوجع..
وكأنها تزيدهـ
جعله يبتسمـ..!
لترتفع عينيها فيه فجئه\هنا مكان الا ألمـ..؟
وتنصدمـ بآبتسامه جانبيه تشبه التهكمـ..!
ملوكـ تراجعت بـ ستغراب\تكذب علي صح..؟
عناد بـملآعبه كاذبه \لآ..بس ماودي آحرجك وآقول ان خياطتك الثانيه سببت لي آضرار..كنت في غنى عنها..لكن كنت وقتها عاذرك كنتي مرتبكه من سبة الموقف..!
ملوكـ تصاعدت آنفاسها وهي تتذكر موقف بـكاد نسته..
لـتعبث بها نظرات عناد الـموجعه لها وتعيدها له..!
ملوكـ بآرتباكـ\لآ..مايصير..متأكدهـ خياطتي لجرحك كانت صحيحه..آآ
عناد\آكذب الاستشاري يعني..؟وآذا كذبته..كيف آكذب الـ ألمـ..؟
صمتت لثواني ..
ليردف\والا تبين موقف الشباب الي تعرضو لك يتكرر من جديد ..حتى لو.. و..صلتك وجبتك ماضمن مـمرات المستشفى ولآ آضمن شي ثاني يصير لك..؟
آنتبهت ملوكـ لعبه على وتر وظيفتها لـتفضل الصمت لدقائقـ..
عناد بهدوء يتخلل آصابعه شعرها الساقطـ بنعومه على آكتافها..
ليتتبع ببطئ رحلتهـ مع ليلها السرمدي..
بصمت مطبق..,
و
آنفاسها فقط المفضوحه..
وهي تعلن غرقاً لآينتهي من الخجل..
بهدوئ\تبين بكرا آوصلك عند عمتك تسلمين عليها قبل مانسافر الظهر..!
ملوكـ بـبحه\ياليت..؟
عناد بـآبتسامه\مو مشكله..
بـجديه..\كلميها قبل وتأكدي ان ماعندها آحد وبنزلك عندها..
آشارت برأسها بصمت..,
.
.
.
أبعتذر عن كلِّ شي...؟
إلا الهوى ما للهوى عِندي عذر..!
.
.
.
فتح الباب بهدوء..
والجناح شبه مظلمـ..
وخطئ خطوات بخفه لـمكان سريرها...
طبع قبله على جبينها..
آيقضتها..
بتعب\مين..؟يآسر..؟
آبتسم وهو يفتح الاضائه فوقها..\لبيه..؟
فلكـ تحاول ترفع رأسها بـتعب فـ تصدها يدهـ برقه..\آرتاحي..
فلك بصدمه ونظراتها على الشاش الملفوف على يدهـ\شفيها يدك..؟
ياسر بآبتسامه وبصوت خافت\جرح بسيط..شلونك الحين؟
فلك تلقي نظرهـ على ساعتها لتنصدمـ بساعات الفجر الاولى\ليش جاي ها الوقت..آنا بخير ..
آبتسم بهدوئ وهو يشد الكرسي القريب ويجلس\آبي اتطمن عليك..وما جاني نومـ..
دارت آعين فلك بـ الغرفه بحثٍ عنه لـتنصدمـ بعدمـ تواجدهـ..
لترتخي آهدابها..
وتستكين آنفاسها..,
يآسر بـمحبه\والله وبيجي لي ولد عم آخيراً..يبي لها عزيمه كبيرهـ..هههه ..و..وترى انا الي بتمم له هذا انا اقولكمـ من الحين..
آبتسمت بوجع وصمتت..
يآسر يشد يدها بـرقه\مآعاد احد بيتعرض لك وانا حي بعد اليوم وعد مني..
لينهي كلآمه بتقبيل يدها بـألمـ..
شدته بتعب فـآنحنى بتلقائيه لشدهـا لتقبل رأسه \الله لآيحرمني زولكـ..
ياسر بوجع\ليش سويتي كذا..؟
فلكـ ويدها تعانق يدهـ\لنك تستاهل من يحطك فوق راسه..ماهو بس يفتخر انك ولد آخته..
آبتسمـ بتعب وتراجع بظهره لكرسي..
بعد لحظات صمت قليله..
يآسر ببحه\آذا ماتبين تستمرين مع عمي..هذا الشي راجع لك ماراح اضغط عليك لو ماتبينه..المحبه اذا صارت كلها مواجع بلاش منها احسن؟
بتال بدخول مفاجئ\وهذا الي جابك في هـ الفجر ماخلاك تمسي..؟
يآسر بـتجاهل\هـا خالتي آذا ماتبينه لآيردك الا لسانك وماعليك من اي شي بعدهـ..
.
.
.
قلب فلك ماعاد يحتمل..
مساومات آخرى..
و
وآوجاع..
لمـ تعد تريدهـ..
و
لآ
تطيق فراقه..,
.
.
.
بتال آنزل الاكياس ـ..\ماهو بكيفك ولآكيفها انا مخبرها بشرطي..اذا هي ماتبيني..؟
يآسر بستنكار يلتفت له\شروط يـآعمـ..؟هي لو تبي الطلاق مآتحط شروط تطلقها ونفسك طيبه..
بتال بـجديه وكلمة طلآقها تغيضه\قمـ آنقلع هناك..,
وكزهـ بتال لـيبتعد عن الكرسي لـيجلس فيه ولمح يدهـ الملفوفه\حتى احترام العم ماتعرفه..ويدك وش فيها..؟
عساك بـها الحال وآردى بعد.!
آبتسم بمغايضه لحال بتال المشتعل وبخبث\من حر مافي جوفك ها الحكي..هد آعصابك الحريم واجد ولآني بمقصر معك آذا طلقت خالتي..
آردف\ها ياخالتي..ولآتشلين هم الي ببطنك بخليه يـصرف عليه وهو يضحك بعد..!
رمقه بتال بنظرهـ..آرعبت ياسر ليتراجع مبتسم ويشير بيدهـ و بتهكم\هد آعصابك..!
بتال\والله الي محتر جوفه انت..ومآظني هـ الي في يدك الا منه..على البركه ياعريس يقولون انك الاسبوع الجاي بتملك..؟
آردف\وبنت فهد مكلمتني تسئل عن عمتهاـ..؟مآحبيت آخبرها..لما قالت جوالها مقفل..بس لما سئلتها وينك..؟
قالت عند آهل زوجي...عازمينا..وبكرا بنسافر برى المملكه..الله يهنيهمـ!
آبتسم ياسر ببرودـ..وشيٍ يقتل روحه فـ تسور بـ الصمت ..
ليتراجع لـ الاريكه البعيدهـ بهدوئ ويجلس بـوجع..
آشآح وجه بتال عنه لفلكـ..
ليلتقط تحرر دموعاً مكبوته ولمـ يأن لها ان تهدئ..
آطبق على كلتا يديها وهو يشدهـآ غير آبه لياسر..الجالس بـآخر الجناحـ..
ليشد روحها مع شد يديها..\لآعاد آسمع الطلاق منك..ولآ بلسان غيركـ على اسمك..؟بتقومين معي بعد كمـ ساعه وماراح يصير خاطرك الا طيب..؟
آبعدت يدها لـيجبر كفيها على المكوث بين كفيه..
ويرفض حتى آبسط طرق الآبتعاد عنه..,
ببحه\روحي مجروحه منك..وان جلست معك آكثر بجلس معك بلآ روح..برجع بيت آخوي وبيرجع ياسر معي وانت ان طلقتني من طيب اصلك.. و..ان آبقيتني فـ ترى الروح مجروحه وماآآ..
بتر كلمتها قبل ان تخرج وبحفيف\طلآق آنسي..تفهمين ..آنسي..وطلعه من بيتي ماراح تطلعين..دامك شايله الي ببطنك ولد لي او بنت..فـطلآق شيليه من راسك نهائياً..
فلك بـتعب\يعني ماصار يربطك فيني الا هـ الطفل..؟
بتال بوجع\ بضبط ..و..دام حبي مذبوح عند عتب بابك..فـ ..جربي هـ القلب المذبوح وش يطلع منه ..!
فلك \ماراح تغصبني ..؟
بتال\لآتجربيني..؟
آشاحت وجها لـيعيدهـ له بتحدي\فهمتي..؟
لمـ يمهله لتنطق بـرد..
فـقدمه حركت قاعدة السرير لترتفع له...
فلك تلقي المفرش على رأسها بوجع \وآنت صدقني ماراح تستفيد شي..؟
آبتسم بآنتصار...
من ثمـ التفت لـياسر...و.. تفاجئ انه غارق في النومـ..!
بتهكمـ\خليه يطلقك مني ان كان فيك وفيه خير..وبنشوف بينفعك او لآ..الساعه8 ونص وانتي ببيتك يامدامـ..وآنا الي باخذك مآهو بياسر..!
.
.
.
أبعتذر عن كلِّ شي...؟
إلا الهوى ما للهوى عِندي عذر..!
.
.
.
جناح سطامـ..
التقط مفاتيح سيارته..من ثمـ سقطة ..فـ آخذها...فـسقطة من جديد\أن لله وان اليه راجعون..
آمسكها آخيراً واصابعه ترتجف لـيسارع الخطوات للخارج الجناح
ويتوجه بخطوات سريعه لجناح جسار ويطرقه عدة طرقات خفيفه...
لمـ
يستغرق وقت طويل حتى فتح جسار بـ ستغراب الباب..
جساربـصدمه\يبه...؟
سطام برتباكـ\جسار البس بسرعه متصل علي واحد ويقول ان ريان صاير عليه حادث من الساعه عشر البارحه..؟
شرع الباب جسار بصدمه\وشو...؟ريآآآآن...هو الحين حي و الا ميت..؟
سطامـ بنفاس متقطعه\مدري..آخلص بنتظرك تحت آن تأخرت مشيت ..هو في مستشفى [....]
جسار اشار برأسه ودخل الجناح وقلبه يكاد يخرج من القلق..
سيوف ترفع رأسها من خلف المفرش\عمري فيه شي..؟
جسار بـرتباك\لآ...آرجعي نامي..آنا بطلع عندي شغل...
لبس جسار بـسرعه ..
ونزل بـخطوات سريعه خلف والدهـ..,
.
.
.
أبعتذر عن كلِّ شي...؟
إلا الهوى ما للهوى عِندي عذر..!
.
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 834
قديم(ـة) 04-12-2010, 01:49 PM
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: بعض العيون حقدها في نظرها / بقلمي


.
.
.
الساعه 9 ص..,
آنهت ملوكـ شكلها النهائي وهي تضع طوق من الورد يرفع خصلات غرتها للخلف..,
لتقف ..بدخول عناد..
آقفل عناد جواله ليدسه بـجيبه..\جهزتي..؟
آشارت برأسها ..,
مرر عينيه عليها بنظرهـ خاطفه وسريعه ويخرج الجوال يتصنع فتحه من جديد وبصوت خافت\آنتي فيك رقة آنوثه..!
صمت لثواني ..
ملوكـ بستغراب وخجل \مآكنت آعرف انك تعرف تتكلمـ كلآمـ حلو..؟
آرتفعت عيني عناد \آنا..!
ملوكـ \آيه..حسيت كذا..آنه يصتصعب عليك الكلام الحلو..؟
بخبث وتهكمـ\آها...تبين كلآمـ حلو...آجل مآفيه روحه عشان آسمعك الكلام الحلو..؟
توجه للاريكه وتركها متفاجئه..
.
.
اليومـ مزاجه رائق الى ابعد حد..
و..
السبب الرائحه المحببه الى قلبه آشتمها من جديد بعد آنقطاع..
والاغرب لمـ تعد ترعبه ولآ تسبب بضيقه لـصدرهـ..
مرت بسلآمـ ك نسمه خفيفه آيقضته من النومـ..
لـيجد ملوكـ بقربه..
ونآئمه بـسلآمـ كـ درر ..ونومها الملائكي..,
.
.
ملوكـ بـرتباكـ\عناد الله يخليك لآتسوي كذا فيني..آنا مسويتها مفاجئه لـعمتي..
عناد رفع حواجبه \بعد ماتصلتي فيها وسئلتيها اذا كان عندها احد او لآ...آحلمي ياحلوهـ..
آقتربت منه وجلست على الاريكه وبرجاء\الله يخليك..آذا تبي ماراح اتأخر بس بدخل واسلم واطلع..
عناد آشار برأسه برفض و بتهكم\لا طالع على بالي آسمعك كلآمـ حلو..ماتبينه..ترى ماعلي قصور حافظ كلمتين من آفلامـ آنور وجدي ..و..رشدي آباظه..آسمعكـ ياشاديه كلآم حلو!
غرقت ملوكـ بضحكه صافيه فجئه..من ملآمح عناد المتهكمه..
فـ شدة عناد رنين تلك الضحكه الرقيقه..
وهي تغمض عينيها بطريقه ساحره له..
وتلك الاهداب المصفوفه بـآبداعـ خالقها..
ليبتسم بصدق..
ومن دون ملآعبه من طرفه..
ملوكـ وعينيها مغرقه بـدمع من الضحك\لآتحكي كذا..؟
ليشدها من ذراعها العاري\وآنتي لآتضحكين بـهذي الطريقه مرهـ ثانيه..!
لمـ تتمالك نفسها من الضحك لتضع يدها على فمها ..\طيب طيب..بس الله يخليك مشتاقه لعمتي..
عناد يصد بـ ضيق \قومي آلبسي عبايتك..خمس دقايق..مو آكثر..لأني بروح آسلمـ على رعودي وبجيك ويالله يمدينا على المطار..
ملوكـ بـفرحه\ثواني بس..,
.
.
.
أبعتذر عن كلِّ شي...؟
إلا الهوى ما للهوى عِندي عذر..!
.
.
.
بـفلة بتال..
فلكـ بـعصبيه\مو من حقك تسوي هـذا الشي..آنا مابيك..غصب آهو..؟
بتال يجبرها على الدخول وهو مطوقها بـيدهـ\سوي كل الي تبينه زعل او اي شي ثاني لكن المهم هنا..مآ..تطلعين برى ها البيت ..فآهمه يا مدامـ..وآلآ ..آفهمكـ بطريقتي..
فلكـ تحرر نفسها وتجلس على الاريكهـ\ماراح تستفيد شي وبعدين عطني جوالي آدق على ياسر آخبره ما يرجع لـمشفى..
بتال بآبتسامه\آآآوهـ كلمته على تليفون سيارته تعرفين ماعنده جوال..لآ..تقلقين..!
آردف \على فكرا ترى ملوكـ دقت كثير..وآرسلت تقول آنا بجيك..عندك آحد..؟
آرسلت لها من جوالكـ..لآ...تعالي..
مافيه آحد بتال عند حريمه..!
بعدين قفلة جوالك..!
فتحت فلك أعينها على اتساعها\بتال..!
بتال يرفع كتفيه\صادق ماكذبت عليها انا الان طالع..وآذا فيك خير عتبي ها الباب..ترى ماجربتي شياطيني اذا طلعت..!
آعطاها ظهر يهمـ بخروج\آنا طالع..!
فلك بـقهر\قسم بالله ماتستفيد شي..والله بتندمـ على حركات المراهقين هذي..يآزوج الثلاث..و..آبو البنات..!
آبتسم وهو يشير بيدهـ خارجٍ\مو مشكله ياقلبي الولد مابيه الا منك...و..لآ تنتظريني بـ الليل آرتاحي مابي آتعبك..!
كتمة فلك غيضها الى ان تأكدة بخروجه..لـتبكي بحرقه وتتوعدهـ بشيٍ لآيطيقه قلبه..؟

.
.
أبعتذر عن كلِّ شي...؟
إلا الهوى ما للهوى عِندي عذر..!
.
.
.
ب المستشفى
سطامـ و جسار بمكتب مدير المستشفى..,
الدكتور علي\وجودك يشرفنا دكتور سطامـ وكان بودي نلتقي ونتعرف في وقت آفضل من هذا..
سطامـ بضيق\الحمدلله على كل حال..بعد اذنك راح انقله لـمستشفي عندي...
علي\الامكانيات هنا كويسه فما فيه لزوم لهذا الشي لكن اذا حبيت اكيد ماعندنا مانع..
جسار بهمس\يبه والحرمه الي معه وش قصتها..؟الاطباء الي معها يقولون انها كانت حامل وسقطت جنينها ب الحادث...
وجه سطامـ المسود \علمي علمكـ..ريان ماتجي منه الشينه..صدمتي فيه كبيرهـ..
جسار\حالته النهائيه ماكدت لي وش هي..كل واحد يقول من عندهـ..وراسي التف؟
سطامـ وهو يتوجه لـخارج مع جسار\كسر بـ الذراع الايمن و الرجل رضوض متفرقه في جسمه.. و.. في راسه وهي الي دخلته الان الغيبوبه..
المسعفين قالو انه طار من السيارهـ بعد القلبه الثانيه ..و.. البنت الي معه بقت في السياره وهي أصابتها آخطر منه لكن وضعها شبه مستقر....
جسآر بضيق\حالته بتسمح ننقله..؟
سطامـ\راح انتظر يمر عليه اربع وعشرين ساعه اذا ماحدثت مضاعفة ونجينا من النزيف الداخلي ..فـ ان شاء الله آنقله ..
روح انت خبر امك واهلك وهدهم وطمنهمـ...ودق على عناد يجي هنا..ويلغي سفرته..
جسار\ يبه الله يهديك عناد ماراح نخبره الحين..
نظرات سطامـ القاسيه لـجسار\آخوه بين الحياه والموت وضع ريان مايطمن فاهم..كيف يروح ينبسط وآخوه طايح هنا...هذا اذا ماعفس الدنيا علينا وقال ليه ماخبرتوني..آخلص..
جسار بهدوء\خلآص بأمرك ..آن شاء الله ابشر..
.
.
.
أبعتذر عن كلِّ شي...؟
إلا الهوى ما للهوى عِندي عذر..!
.
.
.
بعد ساعه ..,
بقرب فلة بتال..
عناد يدخل يده في جبيه ويخرج فئات من الخمس مئه لمـ يحسبها لـيدخلها برقه في يد ملوكـ
بـجديه\هذي آهديها عمتكـ وقولي انها منكـ..وسلم لي عليها..وترى ماراح آتأخر ساعه بكثير وآمرك مو آنطر عند الباب..
ملوكـ بـ رتباكـ\عناد مافي داعي لهذا الشي..
آبتسمـ\عيب هـ الحكي..آنتي بس لآتطمعين فيها وتاخذينها..بيجيك رزقك..فيه هديه مخبيها لكـ..!
ملوكـ بضحكه عذبه..\الفلوس خلآص بيدي ماتقدر تاخذهـا.. و..الهديه لآحقين عليها عصفور بيد ولآعشره با الشجرهـ..!
ليسكتها عناد بجديه\لآتضحكين كذا با الشارع اذبحكـ ترى..! وبعدين يآ آم عصفور بيد آدخلي بس..لآهون..
آشارات بيديها بـخوف\لآ ..لآ ..داخله..مع السلامه..
عناد بضحكه رجوليه وهو ينسحب لسيارهـ\مع السلامه
.
.
لتدخل ملوكـ بـفرحه ..وتغلق الباب..
تكتمـ
فرحة ربانيه آنزلها الله بصدرها..
تفاصيله الصفيرهـ تجذبها..
رجولته..
و..
عذوبته وآن آكتست بقسوهـ..
شيٍ آستوطنها..
من الله..
.
.
.
رفعت عينيها بـشتياق لـعمتها ..
فتنصدمـ بتواجد سيارته بـ السور..
ولمـ تمهلها المفاجئه..
الا وهو يغلق الباب وينزل منها..
وبيده آوراقاً لآحصر لها...
آرتفع رأسه بتلقائيه..
لـينتبه لـتواجدها..؟
وعينيه تتفحص الواقفه بـ آرتباكـ على بعد خطوات منه..,
.
.
.
تفرك آصابعها بـضيق من الموقف..
وخوفٍ من يعرف عناد بـوجود ياسر هنا..
مصيبه..
آقسم ان يقتلني..
بـ كلماته المسمومه التي لآترحمـ..
وآن يحرمني تماماً من زيارة عمتي..
ليت الارض تبتلعني لـ آرتاح..
من النارين التي انا فيها..
غيرة لآتنتهي..
وشخصاً لآ آحتمل رؤيته..
يذكرني
بغبائي..
و..
آنوثتي المهزوزهـ تحت ظل خيانته..
.
.
.
يارب..,
آفرغ علي صبراً
فما عدت آطيق..
و..
لآ..
آصبر..
آمامي مرتبكه..
يكسوها السواد..
من قمة رأسها لآخمص قدميها..
لآ..
يكشف الا عن يدين رقيقه..
يزينها نقش الحناء..
آحتفالاً بـ غيري
لينقش على قلبي ألمـ لن يدفن فـ آرتاح منه..
.
.
.
ببحه وخطواته تبتلع الوجع لقربها وبتسائل موجع \ملوكـ..!
بصوت خافت وهادئ\آيه..
لتردف بـقرف و تردد\ماكنت آعرف انك هنا..؟.
تقدمـ بخطوات متعثرهـ\ليه تواجدي يضايقك و ماهو مرحب فيه..؟
ملوكـ آستدارت للخلف لتفتح الباب للخروجـ
ليوقفها كلمات ياسر الـمتعبه\لحظه..آصبري..بطلع اذا مضايقك لهـا الدرجه...!
رد الباب بيدهـ...,
لتبتعد هي بخطوات كبيرهـ عنه\زوجي مانزلني هنا الا كان معتقد مافيه رجال..وآنا ماراح آجلس وهو اكيد مو راضي..
.
.
.
أحضوري غير مرحب به..؟
يـآ...
عذاباً لي لاينتهي.؟
وحضور آطيافك لي كل ليله..!
كل خفاقتي ترحب به...!
من ينصفني من آطيافكـ..؟
التي تأتي الي من غير آذن..؟
و..
لآتسمح لـ غيرها..
ان يقترب حينها عند حضورها كل ليله..
.
.
.
ياسر ببحه \بطلع ..لآ..تضايقين بـهذا الشكل..آدخلي داخل ..؟
ملوكـ\لآ ماراح ادخل..لو سمحت آطلع..آو..طلعت انا..؟
ياسر برقه\طيب بطلع..بس انتي ليش مرتبكه كذا..هو شديد معك..؟
ملوكـ بـستغراب\آنا مو مرتبكه..مو لآزمـ تطلع انا الي بطلع...
فتحت الباب لتهمـ بـ الخروج..
ياسر بخبث\ترى عمتك حامل..وتونا مطلعينها من المستشفى اذا تحبين تسلمين عليها ترى افضل..؟
تراجعت ملوكـ لـتترك الباب مشرع وتدخل لدآخل الفله بخطوات سريعه..,
آبتسم وهو يشتمـ بعبق آطيافها ..,
ويغمض عينيهـ ليتمسكـ بـ آطراف الحلمـ..!
دوكـ الدموع بحاجر العين وقاف
لآانت بمسامحه ولآهي ذروفه
علقتها يامعلق القلب باتلاف
ولخاطرك راحت حياتي كلوفه
لَى قيل حبي لك به جنون واسراف
قلت اه من يملك لقلبه نكوفه
عز الله اني للمخاليق عيّاف
الا انت يالي هيمت بي طيوفه
الله كريم يبدل الجور بانصاف..
يجبر فؤاد موجعاته ظروفه..,
آدركه نسمات ضيقٍ بصدرهـ..ليطلق زفرهـ موجعه..ويفتح عينيه..,
لحظات قليله..من ثمـ بتعب وهو يتذكر آرتباكها \لآ..شديد..ياعناد..بسم الله عليك..مسوي فيها رجال على بنت خالي من كم يومـ. كله سلف ودين وبـ آخوكـ قريب !
.
.
.
أبعتذر عن كلِّ شي...؟
إلا الهوى ما للهوى عِندي عذر..!
.
.
.
بـ سيارة عناد
\خلآص انا قريب من المستشفى..هو طيب او لآ...
-لآتطمني خبرني بـحقيقه ..
-قريب قريب
.
.
.
أبعتذر عن كلِّ شي...؟
إلا الهوى ما للهوى عِندي عذر..!
.
.
.
9مـ..,
بمكتب المدير الذي شرعه لـ الراسي..,
الجدهـ هيا\لآحول ولآقوة الا بالله انك تخليه لـشبابه..لآحول..
آم جسار ببكاء مكبوت مرير..وسطامـ يهدئها..
جسار برقه\يمه الله يهديك..حالته الحمدلله مستقرهـ..
ام جسار\وين مستقرهـ..والولد طايح بغيبوبه..وين مستقرهـ..وآنا ماشوفه الا ورى القزاز..آسكت عني..
من يومـ ناديني في عزيمة اخوه وهو كنه يودعني..
يستهبل ويبوس فيني يخفف دمه علي وانا آصده بيدي..
وآهاوشه..والله لو داريه ان اضمه بصدري واحطه بضلوعي..
الجده هيا\يآدافع البلا..فالتس ماقبلته يامرهـ..وش يودع..آلا ان شاء الله عمرهـ طويل..ماعليتس وانا امتس بيقومـ ان شاء الله يزقح كنه جني عقب كمـ يومـ..!
آبو جسار\تعوذي من الشيطان وقومي صلي ركعتين وادعي له..دعاء الام مستجاب..
وحالته مثل ماخبرتك ومآكذبت عليك مستقرهـ..
والغيبوبه ان شاء الله يصحى ها اليومين منها..
التقطت عيني جسار جلوس شهد بـزوايه بعيدهـ.. و..آجهاشها بـبكاء ..
آقترب منها بخطوات وجلس بـقربها..
ليضمها بحنان\بسمـ الله عليك مافيه الا العافيه..
شهد بـبكاء مرير...\بيموت والله ياجسار بيروح ويتركني والله بيموت انا حاسه انا حاسه قلبي يقوله..
جسار \يمسح على رأسها ويقرى أيات الكرسي بهدوء..
عناد آقترب بهدوء ليجلس بـطرف الاخر من الاريكه..قريب جداً منها..
.
.
يرغب في ضمها..
لكن لآيعرف ردة فعلها..
بشدهـ يريد ان يستكتها..
فـ
بكائها يـؤلمه..
.
.
ببحه\شهد آذكري الله ..
آبتعدت شهد عن جسار ما أن سمعت صوته لـتلقي نفسها على صدرها وتبدئ في رحلة دموع ..
وكأنها لتو بدأت..
عناد برقه\مآيصير تبكين وهو ان شاء الله طيب..
الجدهـ\يابنت استغفري ربتس ولآتجلسين تفاولين على ريان بـها الصياح ..آبعدي عن آخوتس لآتكسرين ضلوعه بـذا الصياح..
آعوذ بالله منكمـ ماتصبرون آذا جات مصيبه..آعوذ بالله..
سيوف بصوت واطي\معليش جسار انا بطلع..البنات هناك وحدهمـ..
آشار جسار برأسه لتنسحب بعجاله..
الجدهـ\وين بتروحين انتي بعد..آصبري لين يوديتس رجلتس..
سيوف\بروح للبنات لوحدهمـ هناك..والسايق ينتظرني تحت...خالتي ام جسار مايشوف شر ان شاء ويقومـ لكمـ با السلامه..آعذروني البنات لحالهمـ عن اذنكمـ..
آشارت ام جسار برأسها وهي لتو بدأت تصمت وتلزمـ الاستغفار..
عناد بـرقه\خلآص شهودي هدي روحك..
شهد بـوجع وصوت خافت\عناد ضي كانت معه بـ الحادث..مدري وش صار فيها...كانو مكلمني بـمطعمـ قبل لآيطلعون..آخاف انها ماتت..
فتح عينيه لأتساعه لتو فقط يتذكرها..
جسار آستدار لها وهو يلتقط الحديث..\وآنتمـ يا الاثنين تعرفون سالفة البنت الي معه..!
شهد آرتبكت وهي تمسح دموعها و وجها مـحمر بشدهـ...
آبعدت خصلات شعرها خلف آذنها\هي زوجته..و..حامل ..!
.
.
.
لآ
مستحيل..!
ريانـ ..
يتزوج ..من خلفنا..؟
.
.
.
جسار شدها بـعصبيه\متزوج..!
لـيشد يدهـ عناد وبحفيف\متزوج..قلتها ماسوى حرامـ..آهد..وين الحرمه فيه الحين..حيه والاميته..؟
نظرات جسار الحارقه لشهد\وانتي يا المفعوصه من متى تدرين عن تهبيب اخوك وماتخبرينا ..!
شهد ببكاء وهي مرتعبه من جسار\هو رافض ان اخبركمـ بشي..مو ذنبي..؟
جسار\مو ذنبك..يعني ماتعرفين الصح من الخطى تجيني وتقول لي او لآمي او ابوي..عاجبك هـ الشي الحين...
عناد بـحدهـ\شهد مالها دخل..شي وصار وانتهى اكيد ماحد راضي فينا..لآكن هو با الاول والاخير با الحلال..,
جسار\آنت آسكت ولآكلمه..نشرهـ على هذولآ..وانت يا الكبير عارف..!
سطامـ بخطوات مقتربه\وش فيكمـ...
جسار بـقسوهـ\ريان متزوج يا يبه..؟الحرمه الحامل الي معه حرمته..؟
سطامـ بصدمه لمـ يتمالك نفسه لـيجلس بـآنهيار على الاريكه..
ام جسار بصدمه يصاحبها خلجات بكاء\ريان متزوج..!ولدي ..!متزوج وزوجته حامل..ليه ماقال لي..ليه ماخبرنا..انه يبي الزواج...؟ليه..؟
آلجدهـ\آيا الخسيس ياقليل الادب..يعني متزوجها با الحرامـ..بـسر..يعني بحرام..!
عناد كتمـ ضحكته في موقف لآيحتمل الضحك \لآ ..يمه السر ماهو حرام..متزوجها بعقد صحيح..لآمسيار ولآغيره..و ..آهلها عارفين بس الي مو عارفين هو آنتم والي يقرب او يعرف ريان..
الجدهـ بحده\معلمتك ياسطيم ان ها الولد الاشهب بجيب لنا العيد..
لكن انت ماسمعت ولآتفهم ولآتسمع من امك..
ويوم انه متزوجها مثل ماتقول..؟
ليه ماخبرنا فيها الوكاد انها فيها عيب..!
مايجيب العدله ذاك الاشهب..قلبي كان قارصني ايه والله..!
جسار بعصبيه\وعناد وآخته دارين بـتهبيب آخوهمـ وماكلفو على انفسهم يقولون لنا تخبيصه...
سطامـ بـعصبيه ونظراته لـعناد القابع ببرود وراء شهد المرتجفه..
سطامـ\ها الحكي مضبوط..
شهد\وربي يبه هو الي مايبي احد يدري..وهي بنت طيبه وحليوه وحبوبه..يارب مايكو ن صاير لها شي يارب..
عناد\شي وصار وانتهى الحين الحرمه كيفها..؟
سطامـ بحده\انت لك وجه تكلمـ..؟ماتستحي على وجهك عارف بـفلتت آخوك وماتوقفه عند حدهـ ومآتقولي...
شي صار وانتهى..!
لآمانتهى يا حضرة الضابط..
آترك آخوك يطيب..وشف وش بيصير بعدها..؟
عناد بتهدئه\انا عرفت هـ الشي بصدفه..وكنت آعتقد انه في يومـ بيخبركمـ...بس هو كان مـختبص انها مو عربيه..كان خايف من ردة فعلكمـ..
آم جسار\مو عربيه..من اي دوله..
عيني الجميع بـتركيز وعنصر مفاجئه لـمـ يبتلعون الاولى لينتظرون هطول الثانيه..,
عناد بآبتسامه\من آيران..!
آردف\هي ايرانيه..بس تتكلم احسن منا كلنا..
الجده هيا تقف وتمسك رأسها\وراها ماخذى من اهله وديرته..!
ليه ماخذى منا وفينا..وش يعيبنا..!
عناد\يمه هي مسلمه..وخذاها با الحلال..خلآص..آنتهينا..آذا فاق آسئلوهـ اما الحين ادعو له..,
.
.
.
بـ قصر العاجي
مقرن\زين زين..!
الظبي تغلق الـعلبه الفخمه\جداً حلوهـ ومرتبه وفخمه الشبكه...صح يامناير..؟
مناير ببرود\راعي البنات تسعون له والا ماتسعون..مافيه فود..!
الظبي \آنتي ماسمعتي اذا كان الكلامـ من فضه فـ الصمت من ذهب..!قولي كلمه صاحيه وزينه او آسكتي..
مقرن بمحبه\آبوي يامناهل شفتي شبكة ياسر..؟
قآلها وهو يشد يدها..
مناهل بـمحبه\الله يوفقه في بنت الحلال الي تسعد شفتها عسى ربي مايخلاه منكمـ ولآيخلاكم منه..
شدهـ ليقبل جبينها\والله انك بنت رجال ..و..بيرزقك ربك ويعوضك ولآهو بمخليك ان شاءالله..البارحه وزعت صدقه عن آهل البيت و انتي بذات حطيت نيتها ان الله يرزقك ويعوضك..ماكنت بقول هذا الشي بـس قلته عشان تعرفين انك غاليه وان كلنا مهتمين فيك..
قبلة يدهـ برقه\تسلم ياعمي تسلمـ..
مناير بـستغراب\وانا ياعمي..وش نيتي في صدقتك...؟عسى بس تذكرتني..؟
رمقها بـنظرهـ\عسى الله يجيب الثبات..والا انتي مافيك رجاء اذا خربتيها بعض الاحيان..!
الظبي بضحكه\طيب العريس الحين وينه..حتى جوال ماعنده ..آبيه يشوف شبكته قبل مانروح لناس...؟
مناير\عند كحيلة العين وموردة الخد الحين عند خالته ياعسى مابه خآله..!
قطب مقرن نظراته مآآن تذكر الموقف..لـيشد رحال الصمت..
بتال بهدوء وهو يدخل\السلامـ عليكمـ..
مناير بـحسرهـ تلقي الشرشرف على رأسها وتسارع الخطوات لـخروج من المكان..,
الظبي\وعليكمـ السلامـ حي الله الغالي..
بتال بـآبتسامه\كيف آلآحوال..؟
الظبي \تسركـ..
قبل رأس مقرن بهدوء وصمت قاتل من مقرن..
بتال\كيفك يابو الظبي..؟
تجاهل كلي من مقرن دفع الظبي لـتدارك الموقف ..
الظبي\تعال هنا الله يطولنا بعمرك..تعال فديتكـ..
آشارت الظبي لمكانها الخالي الذي وقفت وتركته ليجلس بتال بهدوء..
وتقف الظبي لتسكب له القهوه بنفسها...
الظبي وهي تلتقط نظرات بتال لـعلبه
بآبتسامه\هذي شبكة ياسر..!
ببرود\الله يوفقه..
لـيلقي نظرهـ بـآرده لـمناهل\الحمدلله على سلآمتكـ..
مناهل بـرتباك \الله يسلمكـ..
ليتفاجئ بتال بدخول فلكـ وهي ببجامتها و عينيها مليئه با النومـ..
بتال يحضنها برقه\صآحيه من النومـ..
فلكـ بتعب\آنا نايمه بس آمي صحتني تقول انزلي لبوكـ وسلمي عليه..وقولي له آنا وخواتي مشتاقين لك....بآبآ انا كلمتك بس انت جوالك كان مقفل..آشتقت لك..
طبع على جبينها قبله\وآنا بعد..كان قلتي لسايق يجيبك لي هناك..ببيت خالتك فلك..لآزمـ تشوفينها وتعرفين عليها انتي خواتك..هذي انا مسميك عليها..!
فلك بطفوله\لآ..هي مسميها علي..هذا اسمي هي الي قلدتني مو انا..
غرق بتال بضحكه\ماهو بكيفك..!
الظبي \برد فنجالك..!
ليرفع عينيه بـظبي ..لتبتسمـ الظبي وترفع حواجبها بـستغراب من حديثه السمج بنسبه للموجودين..!
تجاهلها بتال ليحرك شعر فلك برقه\بيجي لك آخ او آخت قريب من خالتك فلك..!
وقفت مناهل لتترك المكان بوجعـ لآيطاق..
نظرات الظبي توقفت على بتال الذي يرفع لها الفنجال ويهزهـ بآبتسامه..\بس لآتصبين..!
الظبي بـتردد\آنت صادق ولآ تمازح البنت...!
بتال بـجديه\لآ صادق...وليش آكذب..فلك حامل..
آنزلت القهوهـ لتترك المكان بـغضبٍ لا تريدهـ ان يسكب على النار مايشعلها آكثر..
مقرن بهدوء وقف ليترك المكان فـ يعاجله بتال بتقبيل رأسه\مايرضيني تنامـ وعينك وقلبك زعلآن مني ..
آبعدهـ بيدهـ\رد مناير..ولآ..لآتقربني ولآتطلب رضاي..
بتال \آبشر الليله بردها بس لآتكدر خاطرك علي..
مقرن ترك المكان بصمت ..
لـيحتضن بتال فلك بمحبه وبخبث\والله ياسميتك ذابح أبوك غلآها..!

.
.
.
همسة محبه\
عن ابن مسعود رضي الله عنه أنّه قال : " مرحبًا بالشتاء، تنزل فيه البركة ويطول فيه الليل للقيام ويقصر فيه النهار للصيام ".

ومن درر كلام الحسن البصري قال : "نعم زمان المؤمن الشتاء ليله طويل يقومه، ونهاره قصير يصومه ".

وعن عبيد بن عمير رحمه الله أنّه كان إذا جاء الشتاء قال: "يا أهل القرآن! طال ليلكم لقراءتكم فاقرؤوا، وقصر النهار لصيامكم فصوموا".
.
.
.
اللقاء ان شاء الله الاثنين..,
.
.


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 835
قديم(ـة) 04-12-2010, 02:52 PM
أمــــل أمــــل متصل الآن
خسَرتْ أغّلَى سنِيّنْ العُمر أدَورّ بَعضِي المَفقُود
 
الافتراضي رد: بعض العيون حقدها في نظرها / بقلمي


يعطك الف عافيه بصراحه ابدعتي تعجز كلماتي عن وصف ماتجودين علينا في بداية كل اسبوع عن جد انت قمه في وصف المشاعر والاحاسيس واعتراف ابطال روايتك بم يجول في قلب كل واحد
بتال وفلك الان سيبدا النعاد بينهم وسنتصر حبهم اتمنى ذلك لااريد لها الطلاق ابدا فقلبها تغذب بما فيه الكفايه
عناد وملوك الحب الخجول من قبل عناد اعتقد سيثور بغيرة عناد يمكن لانه لايريد لها ان تعمل وسيواجه معركه من قبل ملوك بسبب حرصها على هذا العمل
جسار وسيوف الى متى هذا الاستغفل من فبل جسار لهذه السيوف اكرهها
في انتظار المزيد من الابداع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 836
قديم(ـة) 04-12-2010, 03:26 PM
][كتكوتة العميد][ ][كتكوتة العميد][ غير متصل
©؛°¨غرامي مشارك¨°؛©
 
الافتراضي رد: بعض العيون حقدها في نظرها / بقلمي


الروايه عجبتني بس ملآحظه خاطري اقولها

ماعجبني شوي التعنصر اللي كتبتيه من طرف الجده

الاعضاء اللي يقرأون الروايه عديدين من كل مكان واتمنى تبعدين شوي عنها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 837
قديم(ـة) 04-12-2010, 04:38 PM
Najoudh Najoudh غير متصل
©؛°¨غرامي متألق ¨°؛©
 
الافتراضي رد: بعض العيون حقدها في نظرها / بقلمي


البارت كان جميل
عناد وملوك اعتقد راح تسير مشاحنات الفترة الجاي اتوقع عشان العمل
ريان اتوقع انو اموت كنت اتمني ضي مرتو تكون حامل بي الشهور الاخيرة
نقول امكن اتقبولوه
جسار وسيوف ربما ينسي موضوع السفر
بتال وفلك اقدر اسميها العاصفة قبل الهدوء
بس والله العظيم محد كاسر خاطري الي مناهل ويتال كلمة عدلة مايعرف اقول صح انو
مايحبها لاكن لايجرح وانا اتمني انها تطلب الطلاق تسير هي اول حدهمن حريمو تطلق
وخاصة انو راح اطلقها بي الساهل لانو مابيناتهم ظني والابتعاد عنو افضل حل لنفسيتها المسكينة



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 838
قديم(ـة) 04-12-2010, 06:18 PM
Noor u.a.e Noor u.a.e غير متصل
©؛°¨غرامي مجتهد¨°؛©
 
الافتراضي رد: بعض العيون حقدها في نظرها / بقلمي


مرحباااااااااااا ضمضم ياحياتي

الباااارات يجننننننننننننننننننننن وقوي

يعطك الف عافيه بصراحه ابدعتي تعجز كلماتي عن وصف ماتجودين علينا في بداية كل اسبوع عن جد انت قمه في وصف المشاعر والاحاسيس

بتال وفلك الان سيبدا العناد ومين يقهر الثاني ومع ذالك سنتصر حبهم والعناد بيخليهم يتمسكون في بعض اكثر


عناد وملوك اعتقد راح تسير مشاحنات الفترة الجاي اتوقع عشان العمل

وسيواجه معركه من قبل ملوك بسبب حرصها على هذا العمل وتمسكهاااااااااااا به

جسار وسيوف الى متى هذا الاستغفل من فبل جسار لهذه السيوف اكرهها<<<حقده وبقوه>>

ومره ثاانيه الله يعطيج العافيه ونترياااااااااااااج



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 839
قديم(ـة) 04-12-2010, 07:23 PM
هدوء السحاب هدوء السحاب غير متصل
©؛°¨غرامي متألق ¨°؛©
 
الافتراضي رد: بعض العيون حقدها في نظرها / بقلمي





يسلمو حوبي وننتظرك الاثنين
وما عدي توقعات


رابـــــ عناااااااااااد ــــــــطة










الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 840
قديم(ـة) 04-12-2010, 07:35 PM
~..~ملكة الغموض~..~ ~..~ملكة الغموض~..~ غير متصل
©؛°¨غرامي مشارك¨°؛©
 
الافتراضي رد: بعض العيون حقدها في نظرها / بقلمي


اهليييين اخباارك..؟ ان شااء الله منيحه

واااااااااااااااااااااااااااااااااااااو مرااا جونااااااااااان البارتااااات

ما شااء الله بلييز كمليها وحطي بااارت طويييييييييل

وتسلم اديااتك على البارتااات


الرد باقتباس
إضافة رد
الإشارات المرجعية

بعض العيون حقدها في نظرها / بقلمي ، كاملة

الوسوم
ملـــوك..ياسر , التزااام التزااام كذا الكاتبات والا بلاااااااش , الظبي لذهبي وبس , الظبي لجسار وجسار لظبي , الظـــــــــــــــــــــــبي , الـنظرات كل سبت وآثنين , الطفل المفقود...؟ , اويييها واعرس البارون اويييها والحلوان على شوشو , بتال , تفتح الراوبط للابطال^_* , يالبى الإبداااااااااااااع , جسار......عناد , رابطة شهودي<<ضمضم , روايه جديده ..لضمني بين الاهداب.. , زهور حسين جمعت الروابط واضفتها ب الصفحه الاولى...ملآك الاحلام شاكره لك جمعك الثاني يا الغلا.. , part44p244 , part45p249 , part47p254 , part50 p 269 , عااااجيه ياضمضم عااااجيه بحروفك وابداعك , فلك..مناف , نظرة 46 ص250 , نظرة 48 ص259 , نظرة 49 ص262 , نظرة 51 ص275
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6653 22-07-2014 07:14 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM
معاني ألوان العيون aaaابن الغرامaaa ارشيف غرام 1 23-04-2007 03:00 PM

الساعة الآن +3: 11:01 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم