كيف يريد الرجل الخليجي زوجة المستقبل ؟

عطر الألماس · 30-05-2006, 01:14 PM

مساء الخير

لما يي الريال يخطب يقول ابا حرمة عاقلة شو يعني؟
يعني انها تتحمل معاه شضف العيش ولاشو ( حلوة شضف العيش خخ)

يعني وحده قالت سارت تخطب لاخوها اخوها قال اهم شي زينه اهم شي زينه ماطلب مواصفات قال اهم شي زينه

وبعد وحده قالت لي انه اخوها قال مايباها حلوة استغربوا خواته سالوه ليش؟ قال لاني أغار
المهم سار الريال يبا يدش يوم الملجه شافها يوم مادخل رد قالوله خواته شو فيك ليش ماتدش قال حلوة ! قالوا لازم تتعدل لان حفلتها وبعدين دش !
غريبة والله

انزين وربيعتي اخوها وصف لهم العروس قالت ماخلا شي بيضة شعرها لين الركب وسبحان الله الحين بياخذ وحده غير عن الي وصفها سبحان الله

نفسي أعرف الريال الخليجي كيف يبا زوجة المستقبل ؟
يعني أغلبية رياييل الخليج كيف يبا الزوجة؟

دعونا نتناقش :ssafsagsah:

وداعة الله

عهد · 30-05-2006, 03:01 PM

نبض المحبة

دائما تفكير الشخص بيختلف من فرد لأخر ... بيعتمد على عاداته وتقاليد اتربى عليها وتربيه عاش فيها ونوع تفكير اتعود عليه !!
بمعنى إنه إختياره بيخضع بالنهايه لكل الظروف الي عاشها والتجارب الي استفاد منها بحياته
والرأي بالنهايه للشباب

تسلمي حبيبتي والله يوفقكـ

القلم الجرئ · 30-05-2006, 03:22 PM

يريدها ..

حلوة .. غير جميلة ..!

ملتزمة .. وتفعل السبع وذمتها ..!

طويلة .. وهي أقصر نظيراتها ..!

متوافقة .. ومناقضة مع كل مايريده ..!

صدقيني أنه لا يعلم مايريده ..!

ولكنها ( تشدقات ) قبل دخول المعركة ..!

فالزوجة الصالحة صالحة .. والطالحة طالحة ..!

فهو لايريد إلا الأولى .. ولكنه لازال ينظر بمنظور القول الشعبي :

( يازين كلام السعه ) ..!

وكما قلتي ولن ازيد عليه :

رضا الناس غاية لاتدرك

نبض المحبة ..

لك تحيتي ..

على هذا الطرحـ الرائع ..

سلمت أناملكـ .. ولا عدمنا روعة تواجدكـ ..

أجمل تحياتي ،،،

عطر الألماس · 30-05-2006, 03:33 PM

اقتباس:

المشاركة الأصلية كتبت بواسطة عهد

نبض المحبة

دائما تفكير الشخص بيختلف من فرد لأخر ... بيعتمد على عاداته وتقاليد اتربى عليها وتربيه عاش فيها ونوع تفكير اتعود عليه !!
بمعنى إنه إختياره بيخضع بالنهايه لكل الظروف الي عاشها والتجارب الي استفاد منها بحياته
والرأي بالنهايه للشباب

تسلمي حبيبتي والله يوفقكـ

أم الهنوف · 31-05-2006, 07:44 AM

حلوة الموضوع ختيه

:020104_emm12_prv:

لازم نعرف

عن تجربه شخصيه

سألت مرة اخويه كيف تباها !!

قالي جميله .. قلت كيف يعني

قالي ما يهمني بيضه او سمرة ..

بس يهمني انها بشوشه .. بسمتها عذاب .. و همسها غرام

و دلع .. و طيبه و روحها جميله .. و جميلة الاخلاق و الدين

( ما قال طول و لا قال ابا بياض و لا عيون سولعيه و لا عودها عود البان )

مع انه بعده 18 سنه .. بس عاقل :Animation 249:

^×^×^

اما بالنسبه لولد عميه 23 سنه

يوم سألته .. قال خيييبه شو هالاسئله الاخت مسويه سيرفي ـخخخخخخـ

المهم .. جوابه كان ..

( اباها سمرة , و باقي الصفات نفس اخويه )

استغربت ليش سمرة يعني

قال انا ابيضاني و خواتي نفس الشي .. و امي و ابوي ..

ملييييييييت ابا سمرة .. كع كع كع

:clap:

الآراء تختلف من شخص لاخر ..

و السموحه عالاطاله

اختج

ام الهنوف

:glass:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري