اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 07-07-2010, 09:21 PM
صورة كااافي لاقاالواا كوويتيه الرمزية
كااافي لاقاالواا كوويتيه كااافي لاقاالواا كوويتيه غير متصل
©؛°¨غرامي فعال ¨°؛©
 
B11 رواية رعب / الكاتبة : ReRez ، كاملة


بسم الله الرحمن الرحيم


السلاااااام عليييييييييييكم


أول روااايه كوووويتيه رعب

للكااااتبه ::

ReRez

والكلام اللي على لسااانها :::


بقول هالكلمتين والله من حبي لكم
تره انا ماكتبت القصه بس لمجرد اني استانس اخرعكم او اخليكم ماتعرفون تنامون عدل بالليل لا والله انا كتبتها لأن بإذن الله القصه بتساعد وايد ناس يمكن يكونون مرو حتى لو بربع من اللي مرت فيه فجر او عالأقل يعرفون ناس صارتلهم احداث شبيهه من احداثنا

و تره فجر وايد قريبه مني بس ماراح اقول صلة القرابه و الاحداث كلها واقعيه 100% بس غيرت الاماكن اللي احصلت فيها الاحداث

و بعيد تره القصه تتكلم عن ( العالم الآخر ) و اللي تخاف امنتها الله لا تقراها لأني مو مسؤوله عن اي شي

ومره اخيره اقول لحد يدعي علي و لا حتى بكلمة حسبي الله عليج ماخليتني انام حتى لو قلتيها على غشمره انا بتضايق وايد لأن مابي دعوات من هالنوع

واللي تبي تقراها عفيه حطي تعليق حتى لو كلمتين المهم تطلعين من الصمت ..
---

- 1 -

هالمره روايتي من نوع مختلف .. هالروايه بتكون واقعيه 100% و أحداثها تتعلق بالعالم المجهول ..
و لأن روايتي هالمره غير .. ماراح ارويها انا .. راح ترويها لكم فجر
بسم الله .. نبدي
--








الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 07-07-2010, 09:23 PM
صورة كااافي لاقاالواا كوويتيه الرمزية
كااافي لاقاالواا كوويتيه كااافي لاقاالواا كوويتيه غير متصل
©؛°¨غرامي فعال ¨°؛©
 
الافتراضي رد: ﬗ▁▂▃▅▆▇★☀二【أول روااايه رعب كووووويتيه /كاااااااااReRezااااااامله للكاااتبه】二☀★▇▆▅▃▂▁ﬗ



انا فجر .. عمري 24 سنة صارتلي وايد اشياء بحياتي كبرتني 20 سنة زياده على عمري .. راح تعرفون كل شي بوقته .. بس قبل لا ابدي قصتي .. بعرفكم على بيتنا واللي فيه .. و ماراح تضيعون لأن كل اللي بالبيت 5 اشخاص

- انا ( فجر ) ببداية قصتي كانت سنة 2004 كان عمري وقتها 18 سنة .. كنت توني متخرجة من الثانوية
مواصفاتي : بيضه حيل لدرجة ان العروج تبين بارقبتي و ايدي و كل مكان بجسمي ماحب بياضي لأن اوفر و جسمي صاير يخرع جنه شفاف .. شعري كستنائي فاتح لي بداية جتفي .. عيوني سود عاديه لا كبيره ولا صغيره و خشمي مرسوم ( طالعه على امي ) .. حلجي عادي .. ماقدر اقول عن نفسي حلوه بس الناس يقولون عني ناعمه .. و يسموني بنت غزة ( لأني بيضة حيل و شعري فاتح )
- اختي ( فاطمة ) اصغر مني ب سنتين يعني وقتها عمرها 16 سنة .. اهي عكسي سمره سمارها حلو .. عيونها كبار و خشمها بعد مرسوم شعرها قصير لونه اسوود .. انا اشوفها احلى مني بس الناس تقول اني انعم منها
- امي الغالية ( سعاد ) : ربة بيت ( ماتشتغل ) طيبة و حنونه و اهي بالنسبة لنا الأم والأبو اللي ماعرفناه عدل من يوم ما طلق امي يعني بالضبط من بعد ولادة فاطمة الا اللهم جم مره زارنا فيها وماخذت اكثر من ربع ساعه من وقته الثمين
- يدتي ( ماما آمنة ) : أم أمي و عايشة معانا لأن امي موراضية تخليها تعيش عند خوالي ماترتاح تخليها عند حريمهم لأن يدتي مره عوده و يمكن يتمللون منها .. و هم لأنها امها وماتبي تكون بعيده عنها
- سوما : خدامتنا الهندية ..

- احنا ساكنين بمنطقة الصليبيخات .. قاعدين ب دور أرضي ( ايجار ) .. مع العلم ان ابوي غني حيل عنده خير بالكويت و بره الكويت بعد - و اهو ريال معروف بالديره - بس للأسف لأن امي بنت ناس على قد حالهم ماقدرت تاخذ منه شي بعد طلاقهم .. غير جم دينار بدل اجار و نفقه .. بس الحمدلله على كل حال .. ناكل ونشرب و ننام -

~ سنة 2004 ~
- الصليبيخات -

كانت عطلة الصيف .. طلعت من داري العصر كان الكل نايم ماعدا امي لقيتها قاعده بالصالة .. رحت قعدت يمها و كلمتها

فجر : يمه ابي اسوق
سعاد : اي والله انا ابيج تسوقين اليوم قبل باجر .. عشان يخف الحمل عني
فجر : أي حمل ؟
سعاد : اغراض البيت ماجله .. دوام اختج .. مواعيد يدتج بالمستوصف كل شي
فجر : اوله .. اذا سقت بتخليني اصير كومار البيت .. خلاص هونت مابي اسوق
سعاد : الحين انا صارلي سنييين كومار البيت وماقلت شي يعني ماستاهل تشيلين الحمل عني ؟
فجر : اوو يمه اشفييج ؟؟ انتي امنا شي طبيعي بتسوين اشغالنا بس انا بنتج اذا سقت بسوق عشان اصير مثل غيري بفتح لي سياره بستانس بطلع بتمشى بشوف الدنيا
سعاد : و عسى ان شاءالله بفتح لج سياره بالمليون اللي ينزلي شهريا ؟؟ احنا على الله وعلى هالسياره اللي عندي .. يعني اذا بتاخذينها اخذيها بس سوي شغل البيت فيها
فجر : لا والله مالي شغل راح افتح سياره يعني راح افتح سياره
سعاد : ( كلمتني بصراخ ) من وييين افتحلج ؟؟ شايفتني قاعده على كنز
فجر : يمه انا بنت سالم ال... وكل رفيجاتي يدرون اني بنته والله فشله اذا مافتحت سياره يمه حرام علييج
سعاد : حرام علي انا ؟؟؟ انااا يا فجر؟؟؟؟
فجر : ( قعدت ابجي و اصرخ ) اي حرام عليج انتي .. لو ما تزوجتي واحد متزوج و عنده عيال جان ما يينا على هالدنيا

( بهالوقت حسيت اني مختنقه .. قمت ركضت غرفتي و قطيت نفسي على فراشي وقعدت ابجي حييل .. ابجي على ابوي اللي تركني من كان عمري سنتين و ترك فاطمة اللي توها مولوده .. ابجي على امي اللي طلقها لأن مرته درت عن زواجه و خيرته بينها وبين امي .. واهو طبعا ماقدر يطلقها لأنها بنت عمه و مايصير يطلق بنت عمه عشان وحده ماتزوجها الا عشان يشبع نزواته مو اكثر )

بالصاله خليت امي بروحها .. كانت تبجي بسبتي .. تبجي من قسوة كلامي عليها .. تبجي من هالزمن اللي ظلمها و ظلمنا معاها
سعاد : ( تبجي ) الله يرد لكم حقكم
- اطلعت يدتي من غرفتها -

ماما آمنة : اشفيج سعاد ليش تبجين ؟
سعاد : ( تمسح دموعها ) مافيني الا كل خير
ماما آمنة : شلون مافيج الا كل خير وصوت البجي واصل لي داري
سعاد : فجر تبيني افتح لها سياره و يوم قلتلها اني ماقدر اقعدت تلومني وتبجي
ماما آمنة : عادي ياهل خليها الحين وباجر بروحها تعرف ان انتي مالج أي ذنب .. وكل الذنب على ابوها هاللي مايخاف ربه
سعاد : ( انزلت دمعتها ) الله ياخذ حقهم منك يا سالم
ماما آمنة : لا تبجين و ميخالف هذي ياهل قلتلج باجر تكبر و تنسى
سعاد : تنسى ؟ اشتنسى .. الله كريم بس

- بعد اسبوعين فاطمة قعدتني من النوم الساعه 11 الظهر و يابت معاها خبر تعب نفسيتي اكثر -

فاطمة : ( تقعدني ) فجر فجوووور قوومي بقووولج شي مهم
فجر : ( غصب فتحت عيني ) اشتبييين ؟
فاطمة : نوف ساقت و خذت بي ام موديل السنه
فجر : ( ما استوعبت عدل ) أي نوف ؟
فاطمة : نوف اختج
فجر : ( فزيت من مكاني ) نوف ؟؟؟ اشدراج ؟
فاطمة : ريم قالتلي (( ريم رفيجة فاطمة .. و اخت ريم تصير رفيجة نوف - اختنا من ابونا - ))
فجر : انتي متأكدة ؟
فاطمة : اي والله متأكده .. ريم قالتلي ان نوف امس خذت السياره من الوكاله و راحت بيتهم توري اختها النيوو كاار على قولتها
( بهاللحظة حسيت بحقد .. حسيت بنااار تاكل صدري .. وتذكرت قبل 3 سنين كان عيد الفطر و حبيت ادق على ابوي و اقوله كل عام واهو بخير .. بعد معاناة وافقت امي اني ادق عليه .. كانت خايفه ان ابوي مايعاملني عدل اذا دقيت .. و فعلا دقيت و كان الحوار كالآتي )

فجر : ( بصوت متردد غصب طلعته ) أأ لو ؟
وحده من خواتي ردت علي ماعرف منو اهي بالظبط ( للعلم انا عندي وايد خوات و اخوان ماعرفهم ) : منو ؟؟
فجر : السلام عليكم
اختي ( والله تضحكني هالكلمه لأني للحين ماعرفت اهي أي اخت بالضبط ) : وعليكم السلام منو ؟
فجر : ابوي موجود ؟
اختي : ابوج ؟؟ منو انتي ؟
فجر : أ.. أنا فجر
اختي : فجر بنت سعاد ؟
فجر : ( حسيت من اسلوبها انها مستحقرتني ) اي ممكن اكلم ابوي ؟
اختي : اشتبين فيه ؟
فجر : ابي اكلمه
اختي : ابوي مو فاضيلج هذا عيد و شي طبيعي بيكون مشغول انا راح اقوله انج دقيتي باي ( وسكرت التلفون بويهي )

ماراح اوصف لكم اللي صار فيني بعد هالمكالمة .. وامي لامتني وايد لأني دقيت .. بس انا كنت ملزمه اني اكلمه .. كنت عنيده .. و فعلا بالليل نطرت امي تنام و رحت الصاله خذيت دفتر الارقام من الدرج و دقيت على بيت ابوي مره ثانيه .. وهالمره رد علي اهو

ابوي : ( بصوت يخرع ) الو
فجر : ( خفت اول ماسمعت نبرة صوته وماقدرت اتكلم )
ابوي : الوو ؟؟ منو
فجر : انا فجر
ابوي : منو فجر ؟
فجر : انت ابوي ؟
ابوي : ( سكت مده بعدها قال ) اشلونج فجر
فجر : ( وايد فرحت لأن سأل عني ) الحمدلله انا بخير وانت يبه اشلونك ؟
ابوي : بخير .. ها ليش داقه هالحزه ؟
فجر : ( استحيت من سؤاله و حاولت ارقع موقفي ) يبه اليوم عيد و..
ابوي : ( قاطعني ) اييي يعني تبون عيديه ؟؟
فجر : ( جملته اقطعت آخر اشعرة أمل كنت بانيتها على هالاتصال .. سكت وماقدرت ارد عليه )
ابوي : الوو
فجر : ( دمعتي انزلت من الصدمه ) كل عام وانت بخير يبه ( و سكرت التلفون مانطرت اسمع منه شي اكثر )
--
بعد هالذكرى رجعني صوت فاطمة للواقع
فاطمة : فجووور وين سرحتي .. منقهره صح ؟؟ والله انا بعد انقهرت شكو تاخذ سياره و انتي لأ

( مارديت عليها كان دمي يغلي من القهر .. خليتها و طلعت من الغرفه ادور امي لقيتها بالمطبخ تقطع دياي حق الغدى )

سعاد : ( ابتسمت لي ) ها يمه صباح الخير اليوم بسويلكم مجبوس دياي والعيش أحمر مثل ماتحبينه
فجر : ( ماكنت اقدر اسيطر على اعصابي .. كنت ميته من القهر ) ابي اروح حق ابوي
سعاد : ( هدت الدياي من ايدها ) شنو ؟
فجر : ( دموعي انزلت و قعدت اتكلم بانفعال ) قلت ابي ارووح حق ابوووي وديني الحين حق ابوي
سعاد : يمه فجر اشفيج
فجر : ( قعدت اصارخ ) ابووي شرى حق بنته نوف بي ام مديل السنه .. وانا حتى كورولا مو يايب لي ولا سأل فيني .. وديني له بواجهه
سعاد : ( قربت مني قصدها تواسيني ) يمه فجر..
فجر : ( كنت حيل معصبه ) والله اذا ماوديتيني انا بنفسي راح آخذ تاكسي و اروح له
سعاد : خلاص يمه اهدي شوي .. وانا العصر راح اوديج

( طلعت من المطبخ بروح غرفتي .. بس وقفني صوت يدتي بالصالة وكانت يمها فاطمة )

ماما آمنة : فجر ؟؟
فجر : ( وقفت عند باب الصالة ) هلا يمه
ماما آمنة : تعالي يمي ابي اكلمج
فجر : ( قعدت يمها وانا ماسكه دموعي غصب )
ماما آمنة : يمه فاطمة قالتلي عن اللي صار وتره الله ماينساكم .. اذا ماخذتو حقكم اليوم تاخذونه يوم الحساب ولا تزعلين صدقيني حقكم راح يرجع
فجر : انا اليوم برجع حقنا
ماما آمنة : اشلون ؟
فجر : اليوم بروح له و أكلمه
فاطمة و ماما آمنة : شنوو؟؟
فجر : اي راح اروحله اليوم العصر واكلمه .. فاطمة تعالي معاي خل يشوف ان عنده بنتين يمكن ناسي
فاطمة : لا ماروح لو شنو والله
ماما آمنة : لا تروحين حبيبتي والله ربج بيرد حقكم لا تروحين له اهو مايستاهل روحتج
فجر : لا بروح .. و بتهاوش معاه بعد

- اشكثر حاولوا يقنعوني اني ما اروح بس انا كنت ملزمة على قراري .. و بعد الغدى لبست وطلعت حق امي بالصالة -

فجر : يللا يمه انا جاهزه
ماما آمنة : حبيبتي فجر ..
فجر : ( قاطعتها ) يمه الله يخليج بتوديني ولا اروح بروحي
سعاد : ( قامت ) استغفرالله يارب ( البست عباتها و اطلعت و انا لحقتها )

( كنت عنيده و امشي اللي براسي .. و رحت حق ابوي .. بس ياليتني مارحت )

---
هالله هالله بالردود عشان اكمل *_*



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 07-07-2010, 09:23 PM
مووج الصحاري مووج الصحاري غير متصل
©؛°¨غرامي فعال ¨°؛©
 
الافتراضي رد: ﬗ▁▂▃▅▆▇★☀二【أول روااايه رعب كووووويتيه /كاااااااااReRezااااااامله للكاااتبه】二☀★▇▆▅▃▂▁ﬗ


نستناك حببيبتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 07-07-2010, 09:43 PM
صورة أتعبني الرمزية
أتعبني أتعبني غير متصل
©؛°¨غرامي متألق ¨°؛©
 
الافتراضي رد: رواية رعب كويتيه للكاتبه ReRez


وهـ بسس بآي من عنآنها انها رووووعه
وحبيت الروآيه جد ...لان من عشآق الرعب
فديتك كلمي واحنى معك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 07-07-2010, 10:01 PM
صورة كااافي لاقاالواا كوويتيه الرمزية
كااافي لاقاالواا كوويتيه كااافي لاقاالواا كوويتيه غير متصل
©؛°¨غرامي فعال ¨°؛©
 
الافتراضي رد: ﬗ▁▂▃▅▆▇★☀二【أول روااايه رعب كووووويتيه /كاااااااااReRezااااااامله للكاااتبه】二☀★▇▆▅▃▂▁ﬗ


اقتباس:
المشاركة الأساسية كتبها εïз ģrĩẑỳ βốиey مشاهدة المشاركة
نستناك حببيبتي
ان شاء الله كوني بالقرررب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-07-2010, 10:02 PM
صورة كااافي لاقاالواا كوويتيه الرمزية
كااافي لاقاالواا كوويتيه كااافي لاقاالواا كوويتيه غير متصل
©؛°¨غرامي فعال ¨°؛©
 
الافتراضي رد: رواية رعب كويتيه للكاتبه ReRez


اقتباس:
المشاركة الأساسية كتبها أتعبني مشاهدة المشاركة
وهـ بسس بآي من عنآنها انها رووووعه
وحبيت الروآيه جد ...لان من عشآق الرعب
فديتك كلمي واحنى معك
يفدااااج الكووون حبوبه كوووني بالقررررب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-07-2010, 11:08 PM
صورة ملـآك الروح الرمزية
ملـآك الروح ملـآك الروح غير متصل
©؛°¨غرامي مشارك¨°؛©
 
الافتراضي رد: رواية رعب كويتيه للكاتبه ReRez


يسلمووو عآلرروآيييه

كملييهآ بسررعه

متحمسسه لآني آحب شي آسسسمه رعب ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 08-07-2010, 02:57 AM
سوسه. سوسه. غير متصل
©؛°¨غرامي جديد¨°؛©
 
الافتراضي رد: رواية رعب كويتيه للكاتبه ReRez


يسلمو عالروايه الجنان
وتكفين كملي وانا من متابعينك



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-07-2010, 03:16 PM
صورة كااافي لاقاالواا كوويتيه الرمزية
كااافي لاقاالواا كوويتيه كااافي لاقاالواا كوويتيه غير متصل
©؛°¨غرامي فعال ¨°؛©
 
الافتراضي رد: رواية رعب كويتيه للكاتبه ReRez


اقتباس:
المشاركة الأساسية كتبها ملـآك الروح مشاهدة المشاركة
يسلمووو عآلرروآيييه

كملييهآ بسررعه

متحمسسه لآني آحب شي آسسسمه رعب ..
يسلمج ربي ان شاء الله كوني بالقررررب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 08-07-2010, 03:17 PM
صورة كااافي لاقاالواا كوويتيه الرمزية
كااافي لاقاالواا كوويتيه كااافي لاقاالواا كوويتيه غير متصل
©؛°¨غرامي فعال ¨°؛©
 
الافتراضي رد: رواية رعب كويتيه للكاتبه ReRez


اقتباس:
المشاركة الأساسية كتبها سوسه. مشاهدة المشاركة
يسلمو عالروايه الجنان
وتكفين كملي وانا من متابعينك
الله يسلمج ان شاء الله من عيوني


الرد باقتباس
إضافة رد
الإشارات المرجعية

رواية رعب / الكاتبة : ReRez ، كاملة

الوسوم
روايه كااامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية سرق حياتي / الكاتبة : معاني ، كاملة كـــايـــد الـــريـــم روايات كامله - يتم نقل الرواية هنا بعد اكتمالها 41 08-01-2014 01:56 AM
رواية الموت ما هو من الفرقى و طاريها .. الموت لا طاحت عيوني من عيوني / الكاتبة : أحلى بدوية ، كاملة رايقه بقوه روايات كامله - يتم نقل الرواية هنا بعد اكتمالها 259 19-07-2013 12:42 PM
يوميات حبي و حبه / الكاتبة : تاج الغرور ، كاملة { ترآإآنيم آلشوق ..~ روايات كامله - يتم نقل الرواية هنا بعد اكتمالها 91 16-03-2013 04:54 PM
إفهم إنك تموت و ما تثير إهتمامي / الكاتبة : إنسكاب الجاذبية ، كاملة آحسآس صآمت روايات كامله - يتم نقل الرواية هنا بعد اكتمالها 714 30-08-2012 11:25 PM

الساعة الآن +3: 03:41 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم