قصتي مع البواسير

[ASeeeeL]

بسم الله الرحمن الرحيم



الحمدلله الذي شفاني .. الحمدلله الذي شفاني .. الحمدلله الذي شفاني

انا وبعد ما عملت عملية البواسير .. نذرت اذا الله شفاني من البواسير والشرخ أني اقدم نصيحتي وما مررت به لكم اخواني القراء .. فمن الممكن ان يستفيد شخصٌ ما من كلامي ويدعو لي في ظهر الغيب
وقد تكون دعوته سبب في دخولي جنات الله .

قصتي كالتالي :

انا كانت معاي بواسير ضخمة مع شرخ ( على حسب كلام الدكتور ) وكانت البواسير في مرحلة متأخرة .. بحيث انها طالعة من فتحة الشرج وما تدخل حتى لو ضغطت عليها باصبعي .. وبصراحة قبل لا اسوي العملية .. كنت ما احس بآلام من البواسير .. بس في مرة رحت لدورة المياه واعوذ بالله شفت الموت ( الله لا يعيد هذي الايام ) .. من بعدها راجعت مستشفى حكومي وقال الدكتور ان اللي معاي شرخ مع بواسير واعطاني تحاميل هيموبروكت مع مرهم .. وقال لي استخدمهم ثلاث مرات في اليوم .. وظليت استخدمهم لمدة اربع او خمس شهور تقريبا بس مافي فايدة .. اتضح لي في النهاية ان التحاميل هذي مع المرهم ما تنفع الا للبواسير الخفيفة اللي في بدايتها .. اما حالتي اللي البواسير كانت ضخمة وطالعة لبرى ماتنفعني هذي التحاميل لو استخدمتها لسنين بعد .. بعدها بحثت في الانترنت عن افضل حل للبواسير ( لأني كنت خايفة من العملية الجراحية ) فلقيت ان البعض عملوا عملية البواسير بالليزر عند الدكتور حسن عبدالرحيم نصر الاستشاري في مستشفى الاطباء المتحدون في جدة وهم الحين عايشين
طبيعي .. فقررت اتوكل على الله واسويها عند الدكتور حسن .

العملية :

اول حاجة اخذت موعد ورحت للمستشفى ودفعت 200 ريال حق الكشف .. ودخلت على الدكتور ( ما اخفي عليكم اني كنت مرتبكة وخايفة ) ، كشف علي وقال معاك بواسير ضخمة وشرخ ولازم عملية ،
قلت اوكيه بس متى ؟ قال اعملي فحوصات وتحاليل الحين ، رحت واخذوا مني دم وبول وقالوا لي اجيهم الساعة 5 الفجر ( التحاليل حقها تقريبا 475 ريال ) ومنعني من الأكل من الساعة 12 الليل .. جيتهم الساعة 5 واعطوني غرفة فيها تلفزيون وثلاجة ودولاب وخزنة برقم سري بعد ، وقالوا انتي آخر وحدة راح نسوي لها العملية اليوم .. يعني خليك مرتاحة ( لأن الدكتور حسن ماشاء الله عليه يعمل في اليوم حوالي 15 عملية او اكثر )، طلعوا من عندي وانا استسلمت للتلفزيون ، الى الساعة 11 جاء مساعد الدكتور واخذني لغرفة العمليات وطبعا مايحتاج اوصف لكم حالتي ، المهم فقت من البنج الساعة 11:45 تقريبا ، وطبعا كنت احس بألم شدييييد لدرجة اني قمت اصيح ، اتصلت على الممرضة من التيليفون اللي عندي بالغرفة .. جاتني واعطتني مهدي والحمدلله خف الألم ،. طبعا كان الألم بسبب قطعة شاش موجودة داخل الشرج .. جاني الدكتور وشال الشاش وكتب لي شوية علاجات راح اصورها لكم بعدين ،
وقال ممنوع عليك الأكل الحار وانتبهي لا يجيك امساك وراح ينزل من فتحة الشرج نزيف خفيف وافرازات لا تخافين منها لأنها طبيعية ، وبرضو راح يكون فيه ألم عند التبرز في العشرين اليوم الاولانية .

وكتب لي خروج ولما جات الساعة 5 العصر طلعت من المستشفى وجلست بالفندق الين الساعة 12 فالليل اتعشيت واستسلمت للنوم . طبعا في يوم العملية واليوم الثاني ما اقدر اتبرز بسبب البنج ، ثاني يوم كانت طيارتي في رحلة العودة ، والحمدلله جلست طبيعي وماحسيت بألم .




وهذي صور العلاج اللي اخذتها من المستشفى :


في البداية حبوب zinnat وهو مضاد حيوي :




وحبوب dicynone وهذي الحبوب ضد النزيف :



وحبوب daflon :



وحبوب olfen وهو عبارة عن مسكن للألم :



وحبوب بنادول اكسترا وهي مثل ماتعرفون مسكنات :




وهذي تحاميل procto-glyvenol مع مرهم .. وبصراحة ما اخبي عليكم ان التحاميل كانت مؤلمة شوية .. فتحملوها :



وهذي صورة مرهم bactroban :



وايضاًَ اعطاني ابر فولتارين .. وهذي مهدئة ومسكنة للألم .. وتستخدم فقط عند الاحساس بألم .. هو اعطاني سبعة .. وانا استخدمته منهم ثلاث فقط .

وايضاًَ اعطاني ملين اقيولاكس agiolax اللي علبته صفراء .. وبصراحة الملين هذا تعبني لأنه يسبب اسهال شديد لدرجة اني ادخل دورة المياه مرات كثيرة ويصحيني من النوم عشان اروح دورة المياه .. كلمت الدكتور وسمح لي اني اغيره الى شراب ايزيلاكس .


في الختام انصحكم انصحكم انصحكم اذا فيكم بواسير حاولوا تتجنبوا العملية الجراحية حاولوا تتجنبوه .. ولا اقولكم شوفوا حالتهم اللي عملوها جراحة وراح تتاكدون من كلامي ، اجمعوا 8000 ريال تقريبا وسافروا جدة واعملوها عند الدكتور حسن عبدالرحيم نصر في مستشفى الاطباء المتحدون لأنه هو الأفضل في هذا النوع من العمليات .





واتمنى تدعو لي .

[hasayf]

‘،

السلام عليكم

الحمد لله على سلامتج
وربي يشفي الجميع

موفقه :)
‘،

[وحيده مثل القمر]

مشكوره خيتوا الحمد لله على سلامتك والله العظيم يمدحون في هذا الدكتور انه شاااطر واكيد الليزر افضل بكثير من العمليه وعن تجربه اختى كانت مثل حالتك فضل الله ثم فضل الدكتور حسن نصر سوالها عملية الليزر والحين بخير انصحكم فيه غالي بس مضمون ان شاء الله تستاهلين التقييم

[كنوووز العطاء]

الحمدالله على سلامتك والله يشفى جميع المسلمين

بس لا بد من استشارة طبيب متخصص في هذي الحاله


بارك الله فيك

وبانتظار جديدك

[♥´'•.¸ر ̉ﻤ̉وشــهہ¸.•'´♥]

ولله ذا البواسير مسبباتها كثير واغلبها جلوس عالكمبيوتر مده طويله وتقليل من شرب الماي واكل افواكه
وتقليل من الحركه وشرب البارد المجمد والبقاء مدا طويله داخل الاجواء الباردا
مشكلتي انحلت بعد العمليه الولادا القيصريه الاولى جايني اعراض البواسير بسبب البنج
وقله الحركه بعد الجراحه بالايام الاولى لكن حاولت اعالج الامور بسرعه قبل لا تتطور
اعتمدت على الرياضه وشرب الماء الفاتروالفواكه
والظاهر المسكينه بنتي لسا عمرها سنتين و3 شهور وتعاني من البواسير ادف لها من الماي
والعصيرات وما شالله تتحرك كثير بس ماكو فايدا مشكله الجفاف في الامعاء مو راضيه تنحل
عالله لو تأخرت نراجع فيها ثانيه


يسلموووو عالمعلومات