اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-08-2010, 02:56 AM
صورة دموعي ترويكـ الرمزية
دموعي ترويكـ دموعي ترويكـ غير متصل
©؛°¨غرامي جديد¨°؛©
 
رواية دموعي ترويك / بقلمي


السلام عليكم و رحمة الله وبركاته

هذي الروايا الأولى لي و بدايتي بالروايات انا كنت اكتب روايات من يوم كنت 12 بس كانت اهتم فيهم كنت اهملهم لانه ماكو احد يشجع بهالعمر .. والحين عمري 15 و الحمدالله شجعوني رفيجاتي على هالروايا اني احطها بمنتدى و انشالله اذا لقيت تفاعل و تشجيع اكثر اكيد راح اتحمس و اكتب روايات و قصص اكثر
وذا فقط الجزء الاول من الروايا ...

مابي اطول عليكم خلنا نبدي

بسم الله الرحمن الرحيم ...


كان في ولد اسمه يوسف وعمره 10 سنوات كان ابو يوسف والعياذ بالله يشرب وكان دايما يطقه وام يوسف كانت مقهوره ومتألمه على ولدها يوسف بس كانت تسكت وكانت دايما تبعد يوسف عن ابوه ... لانهم مالهم احد غير ابوهم ...

وكان في يوم كانت في عزيمه ببيت عمه يوسف امه ماكان عندها خوات ولا اخوان وهي فقدت امها وابوها . وابو يوسف كان عنده اخو واحد بس وابوه وامه متبرين منه لانه كان يشرب ...

خـــلــــنـــا نـــــرد لــلـــعــــزيــــمــــه .....
العزيمه كانت لمناسبه حصول عم يوسف على رتبه في الجيش ... فكان يوسف ما يختلط مع الناس واجد والناس ماكانت تقترب منه على شان ان ابوه كان يشرب ... كانت العزيمهكان فيها ناس واجد كانت ام يوسف مشغوله مع الحريم وابو يوسف مشغول مع الرياجيل كالعاده .. كان يوسف متملل كل ماراح عند احد يبتعدون عنه .. فطلع يوسف الحديقه وكانوا الاولاد يلعبون بصوب واهوا بصوب ...
وفجأه !! سمع احد يناديه :. يوووووووووسف ...
قال لنفسه :. لا يمكن احد ثاني اسمه يوسف ! ...
سمع صوت قرب له لف لقى بنت عمه الي ولا مرا شافها .. جت قعدت جنبه .. واهوا عينه ما شالها من عينها .. وكان منبهر من جمالها وكانت البنت في قمه الجمال والحسن ...
وكان اسمها امل ..
أمل :. شلونك ؟؟
يوسف:. أنا بخير !! ..
أمل :. شفيك ؟1
يوسف :. هاا لا مافيني شي ..!
امل:. ليش قاعد بروحك ؟! .. ليش ماتروح تلعب مع الصبيان ؟
يوسف:.لا بس احب اقعد بروحي ..
امل:. ليش ؟؟.
يوسف:. هاا .. !! بس جذي ..
امل :. محد راضي يلعب معاك ؟؟
يوسف :. "نزل راسه وسكت "
امل :. "انكسر خاطرها " ادري من اليوم اشوفك محد راضي يلعب معاك ..
يوسف :. أي
امل :. ليش ما تجي بيتنا اذا ضاق خلقك .. كاهو بيتنا يم بيتكم ..
يوسف :.مادري .. اكلم امي ! ..
امل :. لو حتى بس بالحديقه كاهي حديقتكم يم حديقتنا تقدر تجينا كل يوم ..
يوسف :. ان شاء الله .
امل :. ترا انا ما عندي احد العب معاه ! ما عندي اخوان ولا خوات وابوي دايم بالجيش .
يوسف :. صج ؟!
امل :. أي "ابتسمت"
يوسف :. "الابتسامه خذت عقله وابتسم اهوا بعد " ان شاء الله راح اجيكم .

وخذاهم الوقت وقامو يسولفون ويضحكون ...

ابو يوسف :. يوسف .. يوسف ..
يوسف :. هلا يبااا ؟؟
ابو يوسف :. يلا بنروح البيت .
يوسف ان شاء الله الحين اجي .
امل :. بتجينا مرا ثانيه ؟
يوسف :. ان شاء الله ..
امل :. يلا مع السلامه ..
يوسف :. مع السلامه ..

رجع يوسف لبيته وكان يفكر فيها طوول الليل بضحكتها بأبتسامتها وسوالفها وبكل شي ..
وجا بكره وفكر يوسف ان يروح لها بس ابو يوسف وابو امل ماكانوا يطيقون بعض لان ابو امل كان خايف على سمعته يفسدها ابو يوسف .!..
وكان يوسف دايماا يقعد عند بلكونت غرفته ويطالع حديقة عمه يمكن تطلع امل وكان ينطر بالساعات ... وما طلعت امل .. نطر يوم يومين ثلاث وما شافها ..
وبعد كم يوم طلع على البلكونه يمكن يشوفها .. طلعت امل وشافته واشرت له انه يجي وراح لها !! ...

يوسف :. السلام ... من زمان ما طلعتي ؟! .
امل :. اسفه .. كنت ادرس واطلع مع امي ..
يوسف :. انزين شلوونج شخبااارج ؟؟
امل :. زينه .. وانتا ؟؟
يوسف :. بخير .. والله عاد كان ضايق خلقي ..
امل :. وانا بعد .. ليش ما اجي بيتكم بعدين ؟
يوسف :. "فز وكأنه مصدوم " لأ لأ ...
امل :. ليش ؟؟ "مستغربه من ردة فعله " ..
يوسف :. هاا ! لا بيتكم احسن بيتنا ضيقة خلق ..
امل :. اهاا .. "كملوا سوالف "..

كان يوسف كل يوم يجيها وهذي كانت ايامهم تمر ...
وبعد مرور 5 سنوات وكبروا مع بعض وعشقوا بعض وكل يوم يوسف يشوفها وكبرت معاهم سوالفهم وشقاوتهم ...
في مره كانوا قاعدين بالحديقه وماخذين بجوهم .. وكان يوسف ماسك ايدين امل وهم يسولفون جاهم ابو امل وشااافهم .. عصب ...

ابو امل :. انت شتسوي اهني ؟؟ "واهوا معصب "..
يوسف :. " خايف " انا .. قاعد اسولف مع امل ..
ابو امل :. وشكو ماسك ايدها ؟! شنو حسبالك بنتي للحين صغيره ؟؟
يوسف :. لا والله مو قصدي عمي ..
امل :. يبى ما سوا شي اهوا مو قاصدها .!...
ابو امل :. انتي جب ولا كلمه !! ..
امل :. " عيونها تدمع " انا بسكت .. بس انتا عمرك فكرت انك تونسني كلا بالجيش وهالمسكين جااي يونسني ولا كان بنيته شي مو زين .. انت عمرك فكرت انك تقعد معاي وتسولف وياي ولا تسألني شسويت ؟؟
عصب ابو امل ورفع ايده بيطقها ..
يوسف :. "مسك ايده" تكفى لا تأذيها .. طقني انا عذبني سو اللي تبيه فيني بس هي .. لأ !! "عيونه بدت تدمع "..
امل كانت تبجي وابوها كان معصب حده ..
ابو امل :. اقول ما بقى الا انتاا بعد تمسك ايدي !! .. روح كمل السهره مع ابووك !! وانتي ادخلي داخل خلصيني ..!! ..

ورد يوسف البيت وكان تعابير وجهه عصبيه ودموع وحزن وقهر ...
اول ما دخل البيت وشافته امه ..
ام يوسف :. يوسف !!... شفيك يمه ؟؟
يوسف :. ما فيني شي ..
ام يوسف :. انتا تبجي ؟؟ ...
يوسف :. قلت لج يماا انا ما فيني شي انا رايح داري "بعصبيه" .

وعلى طريقه لداره شاف ابوه قاعد بالصاله بحالته المعتاده "يشرب" ..

ابو يوسف :. انتاا هيه تعال مني ..
يوسف :. انا لي اسم ..!...
ابو يوسف :. خلصني تعال .
يوسف :. "راح لابوه واهو كان معصب" شتبي ؟؟
ابو يوسف :. " طق يوسف طراق " عدل اسلوبك انا ابوك ! ...
يوسف :. "يطالع ابوه واهوا مقهور" ومن متى ؟؟
ابو يوسف :. "شده من قميصه" تبي تتأدب من جدبد انتا ؟؟
يوسف :. "شال ايد ابوه" ومن منو أتأدب من واحد سكران 24 ساعه مايدري لا عن مرته ولا عن ولده ؟؟
ابو يوسف :. لا انتا تبي احد يربيك ..!!! "قام بيطقه" ..
يوسف :. "دزه" انا متربي احسن منك .. فاهم !! انا زهقت من هالعيشه لاعت جبدي قاموا كل الناس يستفزوني وصرت لهم طنازه !! ليش ؟؟ لان ابوي العزيز سكران .. والحين .. " قام واخذ بطل الخمر وكسراه" مابي اشوف هالوصاخه بالبيت ..انا ساكت والله مو عشانك .. عشان امي المسكينه اليتيمه الي حسرت فيها من يوم اخذتك .. واللحين انا رايح داري .. "راح حب راس امه واهيا كانت تبجي" تصبحين على خير ..
راح غرفته وكان ابوه بصدمه من كلام يوسف واسلوبه معاه ..

ومر كم يوم على هالسالفه وفي يوم سمع ان ابو امل حصل على وظيفه برا الديره وقرر ياخذ ام امل واول ما سمع يوسف الخبر قعد يتصل علا امل لما درت عليه ..

امل :. الوووو ..!! " بصوت مخنوق " ..
يوسف :. امل .. صج الكلام الي سمعته ؟؟
امل :. " اخنقتها العبره " اييه ...
يوسف :. متى ؟؟ "كان بصدمه" ..
امل :. بكره ..!!
يوسف :. ابي اشوفج ... الحين !! .
امل :. ما اقدر ..
يوسف :. تكفين لو بس لثواني ..
امل :. والله لو شافنا ابوي بيذبحني انا وياك ..
يوسف :. ابوج مو اهنيي ..
امل :. شدرااك ؟؟
يوسف :. توني شايفه طلع ..
امل :. بس ..
يوسف :. " قاطعها من كلامها " يهون عليج تروحين ولا تودعيني ؟؟
امل :. لا ..
يوسف :. اتحمل وداعج بس ما اتحمل تروحين ولا تودعيني !! انا بطلع تلقيني عند حديقتكم ..
امل :. انزين ..

تلاقوا بحديقة بيت امل ..


يوسف :. "بصوت مبحوح" شلوونج ؟؟ .
امل :. اجذب عليك ان قلت بخير .. "مو قادره تحط عينها بعينه "
يوسف "نزل راسه" راضي تجذبين علي بس يرتاح بالي ...
مسك ايدها وكانت عيونه تدمع ..
امل :. " اسحبت ايدها وهي مستحيه " يوسف .. ماقدر .
اسحبت ايدها وواهوا كأنه انشال قلبه من مكانه ..
يوسف :. ليش؟؟ .. كتى تردين للكويت ؟ ...
امل :. " ستت وهلت دموعها "
يوسف :. ادري ان رجعتكم صعبه بس " مسك ايدها مرا ثانيه " اوعديني ان عمرج ماراح تنسيني وانج تكونين لي ؟؟ ... اوعديني ؟...
امل :. اوعدم والله اوعدك " امسكت وايده بقوه وحضنة ايده وقامت تبجي "
يوسف وقتها كان بحالة شلل كامل ..
امل :. اوعدك مارح انساك وراح اشتاقلك وكل ما قدرت رح اتصل عليك ...
جت ام امل واهيا الوحيده الي تدري عن حبهم ..ز
ام امل :.امل يمى ادخلي داخل .. يوسف روح بيتكم الحين .. لانه ابو امل بالطريق ..
يوسف :. ان شاء الله ... مع السلامه امل ..
امل :. مع السلامه ..


الخاتمه :


الليلة هذي واضحة ليلة فــراق ... حاولت أعديها وعيـت تعــــدي

ظروف ما تنطاق ولا راح تنطـاق ... صد القدر ماهو بصدك وصدي

تعال خذني بين أياديـك مشتــااق ... قبـــــل انتفارق حط يدك بيــدي

بجلس معك ساعة حبايب وعشاق ... مـن بعدها كيفك ولو صرت ضدي

فيني خليط اشواق بأشواق باشواق ... واصل معك من كثرة الشوق حدي

ودي المك واحضنك حضنة اعناق ... يـاشيـب عينـي كـل ما قلــت ودي

في خاطري وش خاطري خاطري ضاق ... الكـون كـلـه ضـاق مـاهـو بقــدي

حتى الدموع الي استحت كبر وأخلاق ... تساقطـت من فـوق خـدك وخــدي

لوحة شعر تبكي على بيض الأوراق ... بـيـحت فـيـها مـن ردى الحـظ سدي

ليـلـة جـفا وافـراق مـا مـثلـه افـراق ... حاـولــت أعـديـهـا وعــيــت تــعــدي


وهذي كانت اقسى لحظه وداع مرت على الاثنين ...

التكمله في الجزء الثاني انشالله عن قريب راح انزله ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-08-2010, 03:23 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية دموعي ترويك / بقلمي


,’



بسم الله
و عليكم الســلام و رحمة الله



يعطيك العــــافية
موفقة إن شـــاء الله


القوانين ، تحديث جديد ؛




,’



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-08-2010, 03:49 PM
صورة دموعي ترويكـ الرمزية
دموعي ترويكـ دموعي ترويكـ غير متصل
©؛°¨غرامي جديد¨°؛©
 
الافتراضي رد: رواية دموعي ترويك / بقلمي


وين الردود !!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-03-2011, 03:28 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: رواية دموعي ترويك / بقلمي


اقتباس:
3 / إغلآق الموآضيع :
تُغلق الروآية في حآل طلب صآحبـ / ـة الموضوع الأصلي ‘ تأخره ‘ توقفه ‘ تجآوزآت في االردود


يُــــــغـــــلــــق


الإشارات المرجعية

رواية دموعي ترويك / بقلمي

الوسوم
رواية دمـوعـي تـرويـكـ الجزء الاول بـقـلـمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية دنيا الاقدار/ بقلمي t3abt ashky أرشيف الروايات المغلقة - لعدم إكتمالها 43 10-05-2013 12:20 AM
رواية تعلمت أزين ضحكتي و القلوب أسرار على إني بخير بعين من يجهل أحزاني / بقلمي مشاعر حاكاها الزمان أرشيف الروايات المغلقة - لعدم إكتمالها 95 03-03-2013 11:32 PM
رواية يا نعيش مع بعض حبيبي .. يا نموت إحنا الإتنين / بقلمي JoDa ^_^ أرشيف الروايات المغلقة - لعدم إكتمالها 23 22-12-2012 02:10 AM
رواية يرحم أمك يا ضيقه الصدر طسي لغيري / بقلمي ڪبرياء الغواليـﮯ أرشيف الروايات المغلقة - لعدم إكتمالها 453 30-04-2012 06:45 PM
رواية بنات فلة مسوين شلة / بقلمي » نمڵــۃ ڵاٻــسھـ ڪعب « أرشيف الروايات المغلقة - لعدم إكتمالها 2472 29-09-2010 01:16 AM

الساعة الآن +3: 07:10 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم