اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 471
قديم(ـة) 19-10-2010, 02:57 PM
صورة بائــعة الورد الرمزية
بائــعة الورد بائــعة الورد غير متصل
©؛°¨غرامي مشارك¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !


بسم الله الرحمن الرحيم
>>الجزء الواحد والعشرون

من يرغب في الكثير لا ينال شيئاً

..0..الحزن..0..
هو أن أكون بقربك بعيدة وأن أشعر بوجودك بقربي رغم المسافات الطائلة بيننا!،،،


طلع من عمله مستعجل
تقابل عند بيتهم مع وافي وفيصل وسلمان وأبوه
وهذا هو الحين واقف قدام باب بيت أخته
سم بالله ودخل تفضلوا حياكم
الكل الله يحييك
ربت على كتف فيصل وهم جالسين
ناظره بتوتر كبير
طلال
ابتسم له يطمنه آمر وأنا خالك شفيك كانك دجاجة ترجف هذا وإنت تبيها وغمز له
فيصل بتوتر أكبر أقول ممكن تنقطنا بسكاتك ولف على وافي... وافي
وافي بابتسامة هادئة آمر معرسنا
فيصل بارتباك زايد لأنه عرف أكثر عن خويه عبد الله إنت متأكد إنه بيملك
طلال رفع حاجب الحين من الصبح راجنا وآخر شي هالسؤال طالع قدامك يكون أحسن بس
ولفه خلاه يواجه أبو سلمان
اللي كان ينتظره
ابتسم باحترام شلونك ولدي فيصل
فيصل بلع ريقه الحمد لله بخير وصحة
طيب خلنا نكمل الإجراءات...

داخل وبوسط البيت
في الصالة المفتوحة الكل مجتمع والفرحة والتوتر عنوانهم
نزلت من الدرج أم خالد وبيدها اليمين ماسكه بحنان ذراع بنتها
فستان أبيض ناعم على قد جسمها وشعرها الأسود منسدل على كتوفها مع لمسات خفيفة من الميك أب من يد سارا إختها
هذا طلبها ما تبي تفرح بطريقة البنات وبهرجتهم لأنه الفرحه بكبرها بعيونها هي زواجها من اللي حبته وأخلصت له
جلست ع الكرسي
جمانة بفرحة تزغرد كلللللللللللللللللللللللللللوش وقولوا بسم الله على...
سكتتها وديم بحركة من يدها وهي تعدل تاج لمار الصغير مالت ع الصوت تقول طقاقة حلقها مشروخ
فتحت عيونها بصدمة نعم نعم وش قلتي ست وديم؟؟
وديم بغرور كلام الملوك لا يعاد
وما تلاقي الا بيد جمانة بشعرها ملوك هاااا وتبن !
وديم بصرخة عربجيه اااااااي شعري يا مال الـ...
فكتهم ربى بتنهيده يا ربييي منكم ارحموا العروس ع الأقل
جمانة بتصفيره شو ها الحلا ربى ؟
ابتسمت بحيا ما عليك زود جموون
وديم بخبث إلا عمك المكروه يا جمانة ما بيدخل يسلم ع العروس
قزتها ربى بنظرة وانشغلت بلمار لموو حبي وريني الإبتسامة أشوف مين قدك بتاخذي فيصلوه حبوب العيلة
لمار ودقات قلبها تزيد ربى بربك هذا نفس الإحساس اللي أحسه حسيتيه يوم ملكتك على خالي
ربى ضمتها بحنان لمار حبيبتي شي طبيعي الخوف إنتي لسى قدامك حياة جديدة وإنسان مسؤولة عنه بس لا تتورتين زيادة تدرين إنه الإنفعال ما ينفع لك
لمار تعدل شعرها بتوتر وبهمس اوكيه
وبخبث جات ساره بنات يللا سلموا ع لموور بياخذها فيصل
كنت أسلم عليهم وأحس روحي بتطلع من الخوف والربكة خلاص يعني بصير زوجة فيصل ع سنة الله ورسوله
تنهدت بارتباك وأمي تلبسني العباه
جات جدتي ضمتني وبكت
بكيت معها ما قدرت أمسك حالي
سحبتني خالتي سلاف وعند الباب شفته واقف ومنزل راسه للأرض وأول ما شافنا
رفع عيونه لي
مرت دقايق ساكنة
العيون تحكي حكي القلوب
وكأنه الكون كله فضى وما بقى فيه غير هالقلبين
طلال بحنان مسك يدي وغطاها بكف فيصل الدافي
: أنا اليوم ارتحت وأنا أشوفكم سوا وكأنكم لوحة وريشة فنان
حسيت بربكته الله يسعدك يا خالي ويوفقك وين ما كنت
وبردة فعل غريبة ترك الكل ومشى معي
في السيارة طلال يسوق وحنا الإثنين هاديين
نتأمل الكفوف المودعه لنا...!

....!ّ أحبـك لــو تكون حاضـر احبك لـو تكـون هـآجر ومهما الهجر يحرقـني رـاح امشي معـآآك للأخـر....!ّ
لبست بنطلوني الجينز الفاتح مع التيشيرت الأبيض وعليه الترانج كوت الأسود
حطيت الجونتي والشال الصوف بشنطتي وطلعت انتظره بالصالة
لكني شفته واقف ينتظر
قلت باعتذار سوري تأخرت
ناظرني نظرة سريعه ومسك يدي لا عادي
لمسة يده عفويه لكن أثرت بقلبي الصغير
لين طلعنا وركبنا القطار وأنا للحين سرحانه بهالإحساس
صوته شدني لتيــــــن!!
: هاااا
وش اللي ها لي ساعة أكلمك
حمرت خدودي بحيا وأنا أنزل عيوني ليدي اللي للحين بحماية يده
رفع حاجب باستغراب وناظر مكان ما أناظر لمحت شبح ابتسامة على شفاته وبعدها ترك يدي
ومن غير إرادة رجعت مسكت يده وأنا أناظر من الشباك المساحة الخضرا الواسعة
حسيت فيه يشد على يدي غمضت عيوني باضطراب وهمست بداخلي
يااارب ترحمني برحمتك..!

....!ّ يوم اللقاء لا تعتذر عن غيابك
طاب الخفوق الي بهجره تماديت
اقولها بقلب صافي هلا بك لك وحشةٍ يومك عن العين ابطيت
ارتاح انا لشوفتك وانسى عذابك
ومهما حزنت افرح لجيتك لا جيت
غصبٍ علي حبك لحضرت جنابك يغفر ويسمح الى منك اخطيت
ارجوك لا تقطع حبال الرجا بك
ياما عليك ارهيت دمعي وهليت
ويا ليت طيفٍ في خيالي سرابك يسري بطيفي وتعرف اش منك قاسيت ....!ّ
للحين واقفه قدامه مثل ما أمرني من عشر دقايق
عيوني في الأرض لأني حاسه بنظرات التأمل تسبق حروفه وتغطيني
غمضت عيوني يوم حسيت بيده تحاوطني
ضمني
بحنان ولهفة وشوق وعذاب وألم
سمعت همسه وحشتيـــــــــني يا حياة الروح !
ما كان مني إلا إني رفعت يدي بتردد وضميته
دفنت راسي بأعلى خصره يمكن الحين عرفت ليه جمانة دايم تقولي قصيره أنا ويارا
وبصوت عذب كمل وهو يجلسني ع طرف السرير لمار
رفعت عيني له غرقت بالدموع وأنا أشوف معاناتنا مع بعض
مكتوبه بعيونه اللامعه
مسح الدمعه بطرف اصبعه الحاني وابتسم أحبك يا حياتي
................................!

: اييه وش سويت بعدين
رفع حاجب وش يعني وش سويت خلود اشفيك انت بدخل معهم مثلا
بس في أمان الله ورحت
خالد يحك يده بتوتر طيب اختي كانت مبسوطة
ربت على كتفه فهد اذكر الله يا خالد هذا سؤال أكيد مبسوطة إن شاء الله
زفر بضيق الله يوفقها
طلال ابتسم والحين يللا كل واحد يضف وجهه على بيته أنا تعبان
وتركهم ودخل
فهد بابتسامة يا رجال فكها ما صارت
خالد بحزن إنت ما تدري شكثر أختي تعذبت إن شاء الله ما تجيها الحاله بس
فهد وهو يفتح له باب السيارة الله يوفقهم آميين إنت ادخل وعين خير بعد اسبوع بيبدا دوامك صح؟؟
خالد هز راسه اييه مع المدارس
فهد لحظة الحريم وينهم؟؟
خالد ضحك ضحكة قصيرة من غير نفس رجعوا من زمان مع أبوك وخالي إبراهيم
فهد اها ناظر الساعة اوفف 2:30 الفجر مع إن فيني نوم بس خلنا نوقف ع الكورنيش لين يأذن نصلي وارجعك
ما عارض لأنه يحتاج يترك نفسه قدام البحر ياخذ همومه

....!ّ انا آسف على ازعاجك رجيتك تقبل الاعذار
تجمّل بالذي يكتب حروف الشعر من دمّه....!ّ

تخصرت بطولها قدامه وبين العصبية والحنان رويد ممكن تقولي اشفيك؟ وش اللي قاعد يصير فهمني
متربع ع السرير ومنزل راسه وبتعب تاله اتركيني بحالي

جلست جنبه وبصوت هادي رودي بليز رد علي شصاير فيك ليه كذا مهمل نفسك شوف كيف صرت الاتصالات ما وقفت ع جدتي ومديرة أعمالك تبيك تنهي آخر آلبوم الناس تنتظر الحفل
رفع راسه لها وبعد عنها شوي وكانت لحيته طالعه ونحفان أضعاف وبألم
ايوه فليو تاله انهي كل شي
" أنا أريد "
تاله انحرجت ووقفت قدامه بعيده شوي باستغراب من تصرفاته المتحفظة الغريبة عليه
تنهي كل شي؟!!
شلون يعني؟؟؟
زفر وهو يناظر فيها بترك الغنا وبروح مع دادي لروما
تاله بصدمة جلست ع الطاولة نعم!!
ليه؟؟
عبس وبلهجة غريبة بصوته لأنه لغته الأساسية ايطاليه هذا بدل لا تساعديني
فكت الحجاب اللي كانت لابسته بتأثرها من لتين وصارت تهوي فيه على نفسها!!
نزل عيونه عنها سكوزا تاله ممكن تلبسي حجابك
وبصدمة أكبر وشك همست رويد ممكن تخبرني وش اللي قاعد يصير أكيد طايح بمصايب البنات كالعادة قولي أساعدك
مسح وجهه نو الموضوع مو كذا
وبناء لطلبه لفت الحجاب ع راسها زين وقربت كرسي تسمعه
ناظر للشباك وقال تاله إنتي سوريلا وهذا سر ما تطلعيه لأحد
وبحذر أنا أختك يا رويد بس قولي وش اللي غيرك؟؟
سكت ثواني ومسح وجهه للمره الثالثة وبعد شعره عن عيونه بربكة آآآ
ايوه أحب
" أنا أحب"
رصت ع أسنانها وين المشكلة شي مو غريب عليك لا تقولي مسيحيه وجدتي ما بتوافق
رويد وبدا يعصب من عقل اللي قدامه مسيحيه وبترك فني عشانها؟؟؟!
ضربت ع راسها بصدمة أجل ؟؟
ضيق عيونه ونطق وياليته ما نطق حسيت كف صقعني فيه
" أحب لتين مرة أخوك "
فتحت فمي بصدمة نعم!!!
قام وعطاني ظهره واقف قدام الشباك
شفتي حتى إنتي أدري إنه غلط بس مو بيدي
يا ويلي والله لو يدري بسام ليذبحه ويشرب من دمه مو كافي هو من زمان ما يطيقه
مع إنهم لايقين لبعض
لو سمعني بسام بيذبحني على غير قبلة
شوي استوعبت
طالعت فيه إلورا رويد وش بتسوي الحين؟؟
لف عن الشباك وناظرها اديسو لازم انهي كل شي واروح لروما
تاله يا ربي وربي شكله يحزن أحس رويد طفل حرام يتعب بهالشكل ويفكر بجدية
كان خاطري اروح اضمه وامسح ع راسه واهديه لكن مستحيل تعلمت من لتين احفظ كرامتي كبنت مسلمة صحيح ضايعه وما تعرف للتربية شي صح
لكن مثل أخلاقها وإلتزامها بحجابها ما شفت
عضيت ع شفتي وأنا اسمعه
احس سوفيرنتسا كل ما أشوفها
" أحس بالألم كل ما أشوفها "
بلعت ريقي هذي مصيبة وطاحت ع روسنا لو أحد عرف راحت عليه
طيب وش بيده صحيح الحب بلوه
وقفت إلورا رويد إنت غير ثيابك أنا بجلس مع ماما إللين تخلص ونروح سوا نلغي أمور التعاقد وخاصة حفل التدشين اللي ما بقى له أقل من شهر
هز راسه إلورا

....!ّ وما كنت ممن يدخل العشـق قلبه و لكن من يبصر جفـونك يعشق ....!ّ
كنت داخلة آخذ عباتي خالتي ليلى تركتني وراحت أول ما خرج فيصل معلوم رايحه تكمل السهره مع دادي شكلها
ابتسمت وأنا بفتح الباب
شي سحبني من يدي
: تعالي إنتي وين رايحه
شهقت بخفوت طلال
ابتسم بثوبه وشماغه عيون طلال وقلبه
سحبت نفس بربكة وحيا ااا بروح البيت الحين
مين بيوديك؟؟
السواق يمكن أو ماجد
كل هذا قدام الباب الله يستر لاحد يفتحه وراحت عليك يا ربى
رفع حاجب وأنا وش صفتي واقف قدامك
بلعت ريقي بس..
لوح بيده اتركيك من هذا وبابتسامة خبث ما وحشتك؟؟
نزلت عيوني للأرض وأتمنى لو تنشق وتبلعني
رفع ذقني بيده برقة
وبهاللحظة فتحت وديم الباب
كل اللي شفته عيونها المعلقة على طلال بصدمة
انشليت وطلال عادي ولا حرك ساكن
وبسرعة حطيت يدي على صدره وبعدته
لكن ما تحرك خييييييييير قاعد يناظر في البنت
شوي تحولت ملامح الصدمة لاحتقار على وجه وديم
اففففف ماااااالت عليك
ورقعت الباب وراها
ابتسم
وأنا جاتني الضحكة
صحيح المرأة ما تقدر تخفي كرهها!
ناظرني شفيها بنت خالتك عليّ
هزيت راسي مدري
قرب مني أكثر إلا تعالي إنتي ليه شلتي يدي قبل شوي؟؟
أنا بخوف آآآ لأنها كانت واقفه
قاطعني بهمس وأنا!مو زوجك؟؟
.................!

....!ّ عيناك نازلت القلوب فكلها إما جـريح أو مـصاب الـمـقـتل....!ّ
أشر بيده لفوق شوفي ذي طيب حلوه وبتعجبك
أنا بخوف لا بليييز بسام أخاف أطيح من بين حدايدها
ضحك من قلب وهو يناظرني
حسيت انحرجت
تأملته وهو يضحك بدا قلبي يخفق بقوة حتى ضحكتك حلاها غير
عيونه البنية وهو يناظرني بترجي اربكتني يللا عاد لتين من الصبح أدورك بالألعاب وإنتي كله خايفه جربي خلي عندك روح المغامره
ابتسمت مو لكلامه لا لأني لاحظت عيونه الواسعة ونظرتها الغامضه لي ذكرتني
براكان اللهم في نظرة بسام نظرة غموض ما يوجهها إلا لي أنا خاطري أعرف بايش يفكر أما راكان كله براءة فديته وحشني
شدني له الحين ممكن تقولين لي بوشو سرحانة؟
بلعت ريقي وضحكت بتوتر وأنا ابعد عيوني عنه لأنه قلبي بدا يخرج عن سيطرتي
تذكرت راكان
ما لحقت أكمل الكلمة إلا سحبني من يدي وعطا الموظف تذكرتين وركبني غصب جنبه
قلت من بين أسناني بسام نزلني
ما رد علي وتكتف
ابتسمت ع شكله وكأنه طفل ينتظر لعبته تبدا
فجأة بدت اللعبة من هنا ولصقت فيه من هناك دفنت وجهي بكتفه وصرخت بساااام
ضحكته هي اللي سمعتها
خاطري أذبحه بهاللحظة أنا خايفه وهو يضحك بكل راحة !

....!ّ بثثت شـكواي فذاب الـجلـيد و أشفق الـصـخر و لان الـحديد....!ّ

الصباح 10:00
فندق كورال إنترناشيونال
اضغط على الصورة لرؤيتها بحجمها الطبيعي
فتحت عيوني حسيت بثقل ع صدري وكتفي اليمين
ابتسمت يوم داعبت أنفاسي ريحة عطره الباريسيه
خدودي وردت الحين كيف أقومه ؟!
قلت أتركه شوي يمكن يقوم من نفسه
أمس كانت أحلى لحظات عشتها بحياتي وأنا بجنب فيصل
أخيرا اجتمعنا من غير مانع الحمد لله
دعيت بقلبي الله يحفظه لي
لفيت براسي ع الكمدينة شفت الساعة عشر وخمس
أكيد الحين لازم نزور خالتي سلاف
الجوال سمعته يدق ويدي بدت تألمني وأول مره أدري إنه فيصل بهالثقل مشاء الله
وبحذر حاولت أقوم
ما في أمل ولا حاس أبد يا عمري عليه لهالدرجة تعبان
توكلت على الله ودفيته بقوتي ولا شي كانت قدامه وبعدت يدي
رجع نفس ما هو ولا تحرك
عقدت حواجبي وأنا هزه بخفه وهمس فيصل
فيـــصل حبيبي قوم تأخر الوقت
قربت منه شفته نايم شعره طايح ع جبينه ومن غير حركة أبدا
وبحركة أقوى هزيته من كتوفه فيصل قووووم فيـــــــصل
قمت تحت تأثير الصدمة
أخذت جوالي ودقيت ع طلال أول واحد خطر ببالي
رد علي بصوت كله نوم وبشبه عصبية نعمم!!
وبهدوء وبراءة طلال الله يخليك تعال قوم فيصل مو راضي يقوم
وبعصبيه خفت لما عرف إنها لمار لموو حبيبي عيب هذا زوجك آجي أقومه أنا بالصبحية
لمار بإلحاح خالو والله مو راضي يتحرك من ربع ساعة
طلال وبدا يصحصح رمى البطانية وقام
سحب الثوب من العلاقة
اوكيه لمار لا تحركيه أنا الحين جاي لا تخافين أكيد تعبان لأنه صار له يومين يشتغل لزواجكم
طلع بسرعة ودق ع خالد يجيه بفندق كورال بأسرع وقت
.
يتبع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 472
قديم(ـة) 19-10-2010, 03:10 PM
صورة بائــعة الورد الرمزية
بائــعة الورد بائــعة الورد غير متصل
©؛°¨غرامي مشارك¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !


كنت أحط صحون الفطور مع الخادمة وأنا اتجنب نظرات القاعدين أحس إني طايحه من عينهم بعد موقف طلال أمس مع إنه ما شافتني إلا وديم يا ويلي من لسانها الحين وش ينسيها
تنهدت يا قلبي عليه هالإنسان جريء ما في شي يردعه
ابتسم ماجد وليه تتنهد الأخت أوريه طلول معذب أختي الوحيده
ضحكت ليلى وهي تحط كوب الشاي قدام أبوي حرام عليك مو بس أخوي وناظرتني
لو ما ربى عذبته كان ما قرر وخطبها بعد هالسنين
ابتسمت بحيا وأنا أنزل عيوني للصحن
أبوي بصوته الدافي ماجد يا ولدي أبيك تجيب فستان عرس اختك يوم تسافر
ماجد أشر على عيونه من عيوني الله يهديك يبه خربت المفاجآة
لفيت عليه بصدمة وأنا أجلس تسافر؟؟!!
ماجد بابتسامة عندي سفره مهمه ثلاث أيام وراجع إن شاء الله
على وين؟؟
:فرنسا
برطمت بقهر لو ماني مملكة كان قلت خذني معك
أبوي بضحكة أجل الحمد لله إنه طلال رابطك
الكل هههههههههههههههه
كملت أكلي وأنا حاسه ورا هالسفرة المفاجآة حكاية

طولنا وحنا راجعين
راسي دايخ و أحس بقلبه من اللعب
كلها لعبتين لكني مو متعودة ع الدوران والهيصة
وثاني شي أخاف من الأماكن المرتفعة والملاهي
بس وش أسوي دام بسام معي!
حطيت يدي ع فمي حسيت للحظة إني برجع غداي
كانت وصلت السيارة
نزلت بعدم اتزان
وعند باب الفيلا وبسام يدخل الكارد
مسكت نفسي بالقوة
لف علي وقرب خاطرك بشي معين ع العشا
بعدت عنه وهزيت راسي بلا
رجع قرب باستغراب شفيك؟؟
قلت بتعب ابــــــــعد
وكعادته لما يعند وتركب براسه لتيـ...
ملابسه الملطخة ودموعي الجمته عن الكلام
بكيت بإحراج وقرف وقهر قلت لك ابعد
ناظرني بهدوء وتفاجؤ وثيابه معدومة
عقد حواجبه وهو يطلع منديل من جيبه ويمسح وجهي كل هذا من لعبتين؟؟
لمست الازدراء بكلامه وطرى في بالي سطام يوم يمسح ترجيعي عليه يوم الجريمة اللي حصلت بالمحل
عضيت ع شفتي وأنا امنع دموعي تدري فيني أخاف بس أنت أصريت
بسام بابتسامة جانبية وهو يدخلني معه بس..
: بس وشو؟؟
بس تخافين من الألعاب المرتفعة
ولعبارته وسؤاله وابتسامته مغزى لا تسألوني عنه بسام صرت أفهم ظاهر تصرفاته
وكيف ما أفهم عشيقي!
ارتبكت يدري فيني أحبه وأخاف من حبه وغموضه
نزلت عيوني من غير لا أرد
الحين أنا وش موقفني هنا وأنا بهالقرف ناظرته بخجل بروح اتحمم
صغر عيونه فيني
رمشت
غمض عيونه وهو يشد ع يدينه اوكيه خاطري أبوس عينك قبل تنامين مثل كل يوم
شهقت بداخلي يعني اللي كنت أحس فيه كل يوم صح
كل ما أنام أحس إنه حد يقرب مني
ومن غير نقاش قرب
غمضت عيوني بهدوء
طبع قبلته برقة تصبحين على خير
همست كان المفروض تأجلها بعد ما اتحمم عن لا أقرفك زيادة
سكت من غير ما ينطق ويوم شفته كذا انسحبت ع غرفتي أخذ شاور وأنام بلا عشى

شبر الممر رايح جاي بتوتر وحيرة وش صار له أمس كان طبيعي ما فيه شي
يا رب رحمتك كلنا مو ناقصنا وما صدقنا نفرح فيه أخيرا
طلع دكتور
رفع راسه له دكتور ممكن تطمني
اعتذر بلباقة دكتور سعد داخل وهو المسؤول عن حالته
وبإحباط تركه ورجع تسند ع الجدار
دق جواله بجيبه
تركه لكن الحاحه خلاه يرفعه وكانت ليلى
وبصوت مرتبك هلا
ليلى بحب طلال حبيبي شلونك شرايك تجي تتغدا عندنا اليوم
وبجملة وحده خلاها تنهار
: ليلى فيصل بالمستشفى ما أعرف وش فيه
وبصرخة فيصل؟؟ ليه وش صار له
طلال ماسك أعصابه يوم طلع الدكتور شال التلفون ها دكتور
أشر للممرضين ينقلوه للعناية المركزة وبأسف قال دخل بغيبوبة سكر
طلال بصدمة وشوو؟؟
برزانة عاد غيبوبة سكر الله عالم متى يطلع منها
طلال بذهول بس ما عنده السكر
دكتور سعد يصبره الظاهر إنه تعرض لصدمة قوية إما حزن شديد أو فرح شديد وكلاهم ممكن يجيب السكري ادعيله
وراح
طالع الجوال وصوت ليلى تناديه
رفعه بوهن نعم!
ليلى تبكي سمعته غيبوبة سكر يا عمري عليه ما تهنى بشبابه توه ما دخل الأربع وعشرين
طلال بشخصيته القوية الواثقة دائما صبر نفسه وحمد ربه إنه مو شي أكثر من كذا
استهدي بالله يا ليلى وخبري سلاف ولمار بقول لخالد يخبرها
سكر منها وضغط على جبينه بتعب الله يستر من الجاي

....!ّ فياليت هذا الحب يعشق مرةً فيعلم ما يلقى المحب من الهجرِ....!ّ
انسدحت ع السرير بعد يوم طويل مرهق مقرف حلو مربك مزيج من المشاعر خالجتني بهاليوم
رجع لي موقف بوسة بسام وهو أصلا ما غاب عن بالي لحظة وحدة
أتمنى اعيش معه مثل الأوادم ولو طلب مني أنسى اللي سواه مستعدة أنسى بس نعيش ببال صافي وقلب أبيض مليان حب وشوق ولهفة
انتبهت من أفكاري يوم شفته واقف عند السرير ويهز الجوال لتيــــــن
رديت بإحراج امم نعم
وينك لي ساعة أناديك وأشر لي ع الجوال خذي أمي تبيك
من سمعت طاري ماما يلدا نطيت ومن الربشة طاح الجوال من يدي وتكسر غطاه
عضيت ع شفاتي بحيا إذني حمرت صار كم موقف محرج اليوم مع بسام كافي إني ما أوريه وجهي لبكرة وبحذر رفعت راسي له أنتظر ردة فعله
شفته يناظرني سرحان
نزلت أخذ الجوال
رفعني ونزل أخذه هو
وببساطة بكره تكلمينها إن شاء الله
حكيت خدي بإحراج بسام أنا آسفـ...
قاطعني اششش لا تكملين
ومثل ما دخل بهدوء طلع بهدوء أكبر وخلف فراغ كبير بعده

هزته بقوة وعيونها غرقانة تكلم فيصل وش فيه ما عدت صغيرة تخبون عني المرض مو عيب ولا حرام
غمض عيونه بألم مو قادر يقولها يعرفها ويدري فيها شلون بتنهار وكافي قلبها المريض ما يتحمل
: فيصل جاه السكر ودخل بغيبوبة
تركته ببطأ ولفت ع سارا
شهقت بعذاب طيب ليه ما قال لي انه عنده السكر
خالد بضيق ما كان يدري الظاهر لأنه ولا أحد ما يعرف والدكتور يقول من أثر الفرحة يمكن
مسحت دموعها بيدين ترتجف بانهيار خالد خذني له واللي يسلمك أبي أشوفه واتطمن عليه بنفسي
ما قدر يرفض لها طلب بهالوقت وبألم هز راسه بنتظرك هنا
ناظرت فيه سارا وأمي مين وصلها
راحت مع خالتي سلاف
جلست ع الكنب بتنهيدة والله مسكينة أختي الظاهر مالها حظ في علاقتها بفيصل
خالد بهدوء إنتي قولي إن شاء الله يقوم بالسلامة والله كأنه عين وصايبته ما شاف يوم حلو بحياته معها حتى بزواجه تنكد
دخلت لمار بعبايتها وبصوت مخنوق يللا
قام مسك يدها وشد عليها لمار اصبري وخليك ثابتة عشان الدكتور يسمح لك تدخلين له
هزت راسها وهي تمسح بقايا الدموع إن شاء الله

جالس ع الكرسي متلثم بشماغه
ومسند ذقنه ع كفه
دخلت مع أخوها وخالتها
شافته
تقطع قلبها أول مره بحياتها تشوفه بحالة ضعف وانكسار
قربت بخفة وجلست جنبة
وبرقة حطت يدينها ع كتفه وبهمس طلال
رفع راسه وناظرها
بعد الشماغ وابتسم وعيونه تحكي حكايا الحزن والأسى
هلا وغلا وضمها مع كتوفها
ربى بإحراج حاولت تبعد طــــــلال
طلال وانبسط بحياها نــــعم
من بين اسنانها شوف إخوانك موجودين انفضحنا
وبحده مصطنعة ليش إنتي مو زوجتي
ربى بخوف وحيا إلا بسـ...
وسوى فيها زعله لا بس ولاشي وبعد عنها
نزلت راسها ربى وبدت الدموع تتجمع يا ربي ما يفهم إني استحي وش يبغاني أسوي مثلا اضمه قدام الرايح والجاي
وبمكر ناظرت فيه طلال حبيبي
لف عليها وهو منهبل ع نبرة صوتها المتهدجة وبرفعة حاجب نعم
بلعت ريقها لا تشيل في خاطرك أنا ما أسوي كذا لأني ما أحبك بس لأني استحي وإلا والله إني أحبك وما قد حبيت شخص مثلك
ونزلت عيونها بحيا يزيد بدل لا ينقص
طبعا طلال تمنى إنه في بيته بهاللحظة كان عرف شلون يرد عليها
تحمحم بعد قلبي والله فديتك ورجع ضمها بأقوى
هالمره صوتها احتد بعصبية طـــــــــــــــــــلال
ضحك بفرحة عيـــــــــــــــــــــــونه
أشر له فهد خير؟؟
ابتسم مالك دخل أنا وزوجتي
وبحركه خرب عليه لمار جت
وقف طلال شوي رب رب خلني أشوف المسكينة
راح وهو يدعي لها اللي خلت قلبه ينسى الحزن ع أحب أولاد إخوانه لحظات

....!ّ عذبة أنتِ كالطفولة كالأحلام كاللحن كالصبح الجديد....!ّ

عند الشباك المزين بستارة موردة بزهر أحمر وبرتقالي وأصفر تناسب لون المطبخ البني
تأملت المروج الخضره والمرتبة بعناية تشهد على وحدانية خالقها
السحب زرقا والسما صافية والجو روعة
مر بياع الحليب ووقف عند السياج وبكلمتين طرده حارس الفندق
نفخت الهوا اللي بفمها سبحان الله متضادين
بائع حليب وحارس هوتيل
لكن من السعيد ومن الشقي حتى يطرد الثاني
صوت مطربان الجبن ع الطاولة نبهها على وجوده
لفت بانتباه ودار معها فستانها
ستايلها صباحي كان
فستان أصفر قصير شعر كيرلي مربوط وسطه على ورا وخصل ملفلفه طايحه ع صدرها العاري من أي إكسسوار
روج مشمشي زاد جاذبية شفاها وعين مكحلة بلون العشب
ناظرته ورجعت ناظرت اللي ع الطاولة
كيس ورق مليان
شبكت يدينها ببعض اش هذا؟؟
زم شفته وبدا يطلع الأشياء دامه إنه آخر يوم قلت نطلع طلعة بحر
وجبت هالأشياء عشان نسوي شطاير سوا
ما ردت
رفع نظره لها بخلسة
شاف وجهها متغير ليكون تعودت ع الدلع وما تبي تطبخ
جاوبته لتين بخوف بحـــــر!
ترك من يده ايه بحر ليكون بعد تخافين منه
هزت راسها وعيونها تلمع بخوف ايه
قرب منها وهو يحاول يحافظ ع رزانته
شكلها يخلي الحجر يلين
رفع ذقنها ليه تخافين منه؟؟
لتين وتناظر عيونه أحس بموت فيه
ابتسم ابتسامة صغيرة أنا معك ما له داعي الخوف
تمسكت فيه بسام بليز ما أبي أروح
مسك يدها وقربها معه ع الطاولة وهو يطلع شرايح الخبز ويحطها في المحمصة
قلت لك ماله داعي الخوف وإنتي معي وبنبرة هادية لها معنى أنا محافظ عليك طول عمري
كنت بقوله احلف؟؟ واللي كنت تسويه فيني كنت محافظ علي بعد؟؟
لكني أخذت شرايح اللحم المقدد وحطيتها بصينية صغيرة دخلتها الفرن وبابتسامة
إلورا أنا استنتجت من جلستي في بيتكم إنك تموت باللحم المقدد
صح؟؟
ضحك بخفة حتى إنتي
رمشت بعينها يعني إنت منتبه وش آكل أنا
بسام يغير الموضوع منتبه ع الكل عطيني الخس
تحبطت اوكيه
غسلته وحطته قدامه وقعدت تتفرج
قال بشطانة ما كأني اشتغل لحالي
وبمشاعر راكدة قالت أتفرج.. ما كنت أعرف إنك تعرف تطبخ
أخذ الماسك وفتح الفرن طلع شرايح اللحم أنا خبير بالساندويتشات جست غير كذا لا تسأليني
ههههههههههههه زين إنك مو سمين
: الرياضة تفيد
على طاري الرياضة ههههههه فديته راكان هذاك اليوم مـ...
قاطعها وهو يناظر الساعة يللا يللا تأخرنا البوت محجوز وبيروح الحجز علينا
لاحظت كل ما أجيب طاري راكان يسكتني!!

انسدحت ع الكنب مام ما تحسين إنه البيت صاير كئيب من غير بسام ولتين
راكان من جد
يلدا بابتسامة وهي تأكل ميرا الفجر إن شاء الله راجعين
ودادي متى راجع
يلدا ناظرت ساعتها بعد ساعتين رحلته إلا وينها لين
تاله تقلب القنوات تقول عندها موعد مع وسن
آها صح تذكرت قالت لي
وعلى هالجملة نزلت وسن وهي تلف حجابها الوردي ع راسها
طلعت جوالها من شنطتها الفوشيا يللا ماما أنا رايحه
يلدا لا تتأخرين لين أبوك بيوصل بعد ساعتين
ابتسمت بصفاء كلها ساعة وراجعة إن شاء الله
أفضل إنك ما تنزلين من السيارة خلي وسن هي تجيك
ماما كل ما جيت أروح لها قلتي لي هالجملة ابتسمت بحب لا تخافين علي إن شاء الله ما يصيبني مكروه قارئة الأذكار كاملة
الله معك حبيبتي
ناداها راكان وهو يلعب باللابتوب لولو جيبي لي معك رافيولي
لين إن شاء الله
تاله وإنت ما تشبع من أكل الشوراع
Not your work ok!
يلدا راكان لا تخليني أحلف ما تجيب لك
كمل لعبه ولا التفت عليها
("رافيولي" من أشهر أطعمة الشوارع في إيطاليا كالهوت دوغ في أميركا وهي عبارة عن عجينة منفوخة محشوه بالجبن أو السبانخ أو أي من الحشوات المرغوبة عند الإيطاليين أشبه بالبف في المنطقة الغربية من المملكة العربية السعودية تباع بعبوات صغيرة مكشوفة ومغطاه بجبن البارميزان وتغمس بصوص أحمر

)


ظهرت الألوان في السما معلنة بدأ غروب شمس هالدنيا
الجو خلاب
الخضرة تحف المكان والطيور ترفرف بسعادة وكأنها تتمنى صلاح الحال لهالأثنين
تحرك الزورق باتجاه الشط لين رسى بخفة
وقف وهي ضامه يدينها لبعض بخوف ومغمضه عيونها بساام بنطيح
وبثواني لقت نفسها ع الرمل
تمسكت فيه بقوة وهي شبه تبكي لاااااااا
هههههههه شفيك فتحي عيونك أشوف
فتحتها بحذر
وناظرت المكان ورجعت ناظرته
أخذ سلة الأكل وباليد الثانية حوطها ع خصرها وهم ماشيين
انبسطتي
لتين بصدق اييه
: خفتي
شوي كأول تجربة
مو قلت لك إنك بأمان معاي
شدت ع يدينه بصمت
ومشوا باتجاه السيارة المنتظره لهم

....!ّ أشكو الغرام إليكم فاقبلوا شغفي ولو شكوت لصخر لرق واحترقا....!ّ
بلبسها الأخضر المعقم كامل باست يد أمها لا تخافين علي ماما المصايب علمتني وقوتني
يا بنتي إنت مريضه قلبك ما يتحمل كل هذا
لمار بحزن إلا فيصل كل شي اتحمله بهالكون لجله
ابتسم طلال بحزن يللا تعالي معي
وقبل لا تروح قربت منها يارا وضمتها وهمست الله معك
أخذها بين وقوف الكل خايفين يسمعون خبر انهيارها بأي لحظة
دخلها ع الغرفة ووقف ينتظرها بالخارج
.
.

وينه فيصل؟؟
مو مبين منه شي ما أشوف إلا أجهزة متراكمة بكل مكان وأصوات مرعبة تصدر منها
قربت أكثر وقلبي تزيد دقاته
شفته نايم بسلام مرت علي لحظات ليلتنا السابقة وكيف كان يضحك بفرحة ومبسوط
ارتجفت من هالذكرى ولا إراديا نزلت دموعي وأنا المس يدينه البارده بستها بألم والله كنت معي كنت جنبي بقربي وش اللي بعدنا
جهاز نبضات القلب على ما هو ما زاد ولا نقص
بكيت بانهيار تام ظنيت نفسي قويه وبقدر اتحمل
شكل فيصل أقوى مني
ليته فيني ولا فيك يا كل حياتي

كنت جالسه أنتظرها بالسيارة أصرت إني أنزل لأنه باقي خصلتين من شعرها ما سشورتها
يللا خلصت
لين بزهق وسن زودتيها
عدلت الخصلة وسكرت السشوار أخذت الشنطة يللا سوري لين بتعرفي صحيت متأخر ودادي علئ سماي بدو يبرك معي
ابتسمت اوكيه يللا لا نتأخر
طلعنا سوا والسيارة واقفه بعيد لوليتا وراي أكره هالشعور لكن بهالمكان تحديدا مستحيل أقولها ترجع السيارة
المنطقة اللي ساكنة فيها وسن للنصارى المتعصبين وكلها بارات ودور باختصار شي يخوف ويقزز
مرينا من وحده من البارات الصوت يضج بداخلها وريحة الواين منتشرة بطريقها
مسكت يدها بخوف بسرعة وسن
وأنا الف لمحت شي وقفني


تركت يدها مسيرة ماني مخيرة
وسن لتيييين تعي لهووون وين ريحه والله بيروحوكي فياا
ما رديت عليها المصيبة اللي قدامي أعظم
وقفت عند الباب
تغرغرت عيوني بالدموع والله ما أستاهل وربي اللي خلقني حرام عليه
مو داري عن شي وبين يدينه وحده من الصيع مثله
هزيت راسي بصدمة وذهول شلون أنا غبية ومصدقته
ومن غير شعور رفعت يدي وطبعتها بوجهه أحس يدي تحرقني من قوة الصفعة
ناظرني مو مميز زين ليــ..ن شـ..شنو تبييييين
تفلت عليه باللحظة اللي كانت جاتني فيها وسن
سحبتني بصدمة أقل وكأنها تدري عنه
إلتلك هالشب بطال اتركيي ما رديتي عليا
امشي حبيبتي ما يهمك هاد واحد حقير ما بتردي عليه
مشينا لآخر الممر فجأة لفت وين لوليتا
كنت أبكي بقهر وصدمة وإهانة جرحني بفعلته وش ناقصني حتى يتركني ويروح للحرام
اللي ما عرفه سطام إنه اللي الله رزقه فيها قمة الأنوثة أما اللي معه مجرد دمية بلا روح
جات لوليتا ونفسها يعلى وينزل لا تخافي مدام لين ضربته
وسن برافو عليكي امشي ع البيت
وبالسيارة ما في إلا صوت شهقاتها ودموعها ما وقفت
الله ياخذك يا سطام مثل ما لعبت فيها
دخلت البيت تجري وهي تبكي
لحقتها وسن لييييين
أول ما دخلت عليهم بالصالة وكانت يلدا توها مقفلة من بدر اللي تأخرت رحلته لبكره الصبح
وقفوا كلهم لما دخلت تجري ع الدرج وهي تبكي
يلدا بخوف لييين
دخلت وسن وهي تلهث خالتو ليـــ..ن
يلدا برعب وتاله بدت تبكي على طول شفيها تكلمي
وسن بمصيبه شافت سطام في بار
يلدا شهقت وهي تحط يدينها على خدودها ياويلي ع بنتي
راكان بعصبية وصراخ ما قلت لكم هالحقير الواطي ما يناسبنا
ووقف بيطلع
يلدا راكان ارجع
يمممه بروح أأدبه ابن الكلـ##
يلدا اجلس مكانك خل يجي بسام أبوك ما يقدر يجي اليوم
تاله وهي تبكي بطلع أشوفها

....!ّ لأخرجن من الدنيا وحبكم بين الجوانح لم يشعر به أحد....!ّ
بما أني مغطيه كنت متسندة ع الجدار أتأمله
سر إعجابي فيه وحبي له هو شكله الأكبر من سنه وقوته وصبره وشيله المسؤوليه ع ظهره من غير مساعد
بس الظاهر خالد مو ناوي يفهم
كان متكتف ويتكلم مع فهد وطلال
قربت سارا يارو شرايك تجين معنا البيت
قلت بألم يا ليت لكني مقدروعيونها للحين عليه
سارا وتأكدت شكوكها ليه انزين
: بس كذا اريح لي
همست الظاهر إنتي ولمار مالكم حظ بحبايبكم
ناظرتها بمفاجآة ورفعت حاجب أنا معك حق لكن لمار إن شاء الله لا بيقوم فيصل وبتعيش حياتها معه
وبخبث اوكيه يمكن بعد انتي لا
بثقة وشو لا
ضحكت بخفة إنتِ الوحيدة اللي خذيتي ثقة خالي طلال ولا حد ما طلع عليه
: وش مناسبة هالكلام سارا
امممم مناسبته حبك لأخوي
ما أنكرت ناظرته كان يضحك دق قلبها بقوة وبابتسامة
يمكن هذي خيرة بس أنا حتى لو ما صار اللي أتمناه عادي في ألف غيره
: من قلبك هالكلام
غمضت عيونها من قلب قلبي
سكتت سارا وهي في بالها الكثير تسويه

6:00 الفجر
اضغط على الصورة لرؤيتها بحجمها الطبيعي
نشاط دب فيني أول ما قربنا من البيت
ماني مصدقة بحضن ميرا أسبوع ما شفتها وحشتني مرا
لف علي وابتسم
رديت الإبتسامة ودخلت أول ما فتح البواب البوابة
رميت شنطتي وأشيائي أول ما خذتني خالتي يلدا وتاله بالأحضان
وحشتوووني
يلدا بحب يا قلبي البيت مو حلو بدونكم
قلت بحيا والله إني من أول تمنيت أكون معكم
راكان مد راسه وأنا مالي سلام
ضحكت أنت أكثر واحد وحشتني وميرا
وسلمت عليه وبجرأة حضني
دخل بسام عقد حواجبه
ارتبكت اوكيه شفيها بعمر أخوي الصغير
تأكدت إلا بصمت بالعشرين إنه يغار منه
تركته وأخذت ميرا اللي نزلتها الخدامة حضنتها بقوة وأنا أجلس
وبلا مقدمات بكيت والله وحشتني هالبنت أشوف نفسي فيها
تاله الحين ليه البكى؟؟
ناظرتهم أحس فيه شي متغير كلهم على وجيههم آثار مصيبة مو كعادتهم الفرحة هي المرسومة ع الكل
وبنفس الوقت سألنا أنا وبسام وين لين؟؟
رمى راكان علبة المناديل بعصبية وهو يجلس أما تاله قعدت تبكي فجأة
يديني ارتجفت ووقف بسام بخوف وينها؟؟ فيها شي؟؟
يلدا وهي تبكي ع بنتها من أمس مقفله الباب خرجت مع وسن وهم ماشيين شافت سطام في بار
شهقت وأنا أحط يدي ع فمي
ناظرني بسام
زاد الرعب لأنه المتلثم كان يشوف سطام وهو ناشب لي وطلع بسام
وبنبرة الرعب الهاديه قال وينه أبوي؟؟
الحين جاي
نزلت لين وعيونها منفخة وشكلها يكسر خاطر العدو مو بس القريب
دخل بدر
السلام عليكم
راحت له لين وضمته ودخلت بدوامة بكى سكتت الكل
ناظر ولده وهو يمسح ع شعر بنته بعصبية
تعال معي والله وهو الواحد لأخليه يندم إنه نزل دمعة من عيون بنتي..
.
.
.
من ايطاليا.. العيش يوما كالأسد أفضل من العيش مائة سنة كالنعجة
>> نهاية الجزءالواحد و العشرون

ابغا ردود تفتح النفس ترا كنت ناويه أأخر بارت اليوم لأن الردود اللي قبل ما تشفي
بالتوفيق
بائعة الورد



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 473
قديم(ـة) 19-10-2010, 03:44 PM
لملومة غرام لملومة غرام غير متصل
©؛°¨غرامي مشارك¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !


واااااااااااااااااااو
بارت روعه يسلمو غلاي..

ننتظرك يوم السبت..
يا ناس يا عالم فديت اللي يغارووون انا..
أحب لتيين مارا..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 474
قديم(ـة) 19-10-2010, 03:45 PM
آهــآٺ شآمخـﮧ آهــآٺ شآمخـﮧ غير متصل
©؛°¨غرامي جديد¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !








ويلومني في حب هـ آلبسسِإم
وقسسم أنه خقه آلله يرزقنا بوـإحد مثله يإ رب يأ رب يأ رب <<- --- فآصخه آلحيا



لين أكسرت خاطري ما ودي صأر لها هالشيء
وسطام الله يقرفه أكرهه من أول لقاء له مع لتين


وهـ بث وهـ لتين من قدها تعجبني حييل قويه على قد ماهي ضعيفه في نفس الوقت

وركان أحس بيجي يوم وبسأم بيعطيه هالكاف آللي يخلي مزاجه يمشي طبلوِن


أمممممـ عبدالله ما عاد صرتي تتكلمين عنه وـأجد
أحس بندر له صله فيه أتوقع أخوِهـ






تسلمين يا الغلا على هالبارت







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 475
قديم(ـة) 19-10-2010, 03:52 PM
نوسآ نوسآ غير متصل
©؛°¨غرامي جديد¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !


لا حرام عليك والله
كملي وبقوووووووه بعد

والله راجعه من المدرسه انتظر بس متى تنزلينها

لبى قلبك ك

يسلمووووووو على البارت الروعه

وين عبود مابين

واتوقع فيصل بيصحى وخالد بيتزوج
وبعد مدري ليه احس طلال بيموت والله

ووافي يارب يتزوج وحده تموت فيه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 476
قديم(ـة) 19-10-2010, 04:34 PM
لين القحطاني لين القحطاني غير متصل
©؛°¨غرامي جديد¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !


البارت وربيي يخقق والله اني اليوم مارحت الجامعه واخرت محاضرات عشان البارت اليوم بنزل
توقعاتي : فيصل يقوم من غيبوبته
لتين : بتكتشف ان بسام يحبها
بسام : شخصيته تعجبنني حيل بس مو في كل شيييي
واخر شي
رايي فيك انتي مبدعه بمعنى الكلمه
وقليله في حقك مبدعه
وانا احبك وايد واتمنى لك التوفيق



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 477
قديم(ـة) 19-10-2010, 05:20 PM
صورة ألم طفلة •• الرمزية
ألم طفلة •• ألم طفلة •• غير متصل
©؛°¨غرامي مشارك¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !


اقتباس:
المشاركة الأساسية كتبها الوليد! مشاهدة المشاركة
8
8
8
8
انا بنووووووتهـ مو ولد
ههههه ولايهمج مشكوورة اختي ^___^

بائعة الورد .. بااارت رووووووووووووووووووووووووووووووووووووووووووووووووو وووووووووعة واكثر من الروعة ميرســـي على الباااارت الحلو مثلج *___^ اتمنى عجبج رديـ خخخ لاني موب كاتبة مثلج وماعرف اعبر ههه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 478
قديم(ـة) 19-10-2010, 05:36 PM
صورة مـــوكــآآ الرمزية
مـــوكــآآ مـــوكــآآ غير متصل
©؛°¨غرامي مشارك¨°؛©
 
رد: روايتي الثانية : خنقت الورد يا يمه و بيدي إنكسر ذبلان !


ســلآم لآ الآ انــك تــأجلي البـآرت عشــآن الردود اذآ تبيـن اكـتب لك 100 رد ولآ انـك تـحرمينـآ من ابـدآعــك

بســــآم << آهـ يــآ لبــى قلبـك يخــقق >> مـآ الومـك يـآ لتين لآ عشــقتيه
لتـين << كــــــيووتـه تجنن بس في نـفس الوقـت دلخـهه شووي وحـزينه حبتـين << لآ عـآد انتـي اللـي ابـد موو دلخـه
تـآلـه << حســــــــــآسه مررة ويـآليـت لو تـزوجيهـآ عبـود يصلحـوون لبـعض .., !!
ليــن << احـسسن و هي مـآ تستــآهل هـذآك الـزفت و زوجيهـآ رويــد او بنـدر او اي وآحـدد يخـقق
رآكــآن << يجــــــــــنن يـآ لبــى قلــبه الوآحــد غصــب يحـــــــبه
ام لتـين << حـزنتنـي احس انهـآ مـآ تركتهـآ بـ ارآدتهــآ << وكـآمل قوآهـآ العقليـه << خخخخ احب الجملة هـآذي ونفسي اقولهـآ
عبـوود << واللـه انـه يشهـيني يـصير عنـدي اخ كبيــر
بنـدر >> خـــــــــــووقــــآقي انمـآ ايـه (( امـزز مـووزه ))
فيصـل & لمـآر << يحــــزنون ويـآرب يقـووم بـ الســلآمة ..., !! (( اللـــه يخليـك لآ تمـووتيـه ))
خـآلد & يـآرآ <> يـآ لبى قلبـك يـآرآ تجنـينين الوآحـد وحبـذآ لو تـأخذ خـآلد
ميـن بـآقي نســيت ..., ! !

ايـووه رويـد >> رفــــــــعع ظغطـــــي بس رحمــته ..,! << كيـف تجي هـآذي ؟ لآ حـد يســأل

اذآ نسيـت احـد مشـي لآ تـعلقي ولآحـظي انـي صـرت خطــآبــة >> لآ تو تـدرين >> ســــــــــــــــلآم اشـووفك بعــدين




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 479
قديم(ـة) 19-10-2010, 06:23 PM
وردة هادئه وردة هادئه غير متصل
©؛°¨غرامي جديد¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !


سلمت اناملك بائعة الورد وربي انك كاتبه مبدعة مبدعة والله اعجز اني اوصف روايتك بس الاكيد انها ماخذه عقلي لاني من يووم جيت من الجامعة وانا انتظر البااارت
بساام <<<غموضه يقهر بس كأنه بدا يظهر شخصيته شوي ششوي بس لو يعدل وضعه مع لتييين ياسلااااام
لتين <<<ياربي ع ذي البنت حالها يحزني المفروض تصارح بسام وخلاص
فيصل ولمااار<<<هذولي الاثنين يحزنووووووووون خلاص بيوعة خليهم يعيشون بسعادة كافي اللي صااار لهم
بس انا حاسه ان تعب فيصل وراه شي زين مدري ليه راودني هذا الاحساس<<تكفين لا عاد تحسين
اهم شي بيوعه لا تموتينه تكفييييييييييييييييييييييين
يارا <<<والله وطحتي من زمااان وانا شاكة انها تحب خالد من يوم عطاها الكف هههههه
ربى و طلال <<<الله يتمم عليهم هم اللي معطينا امل بالروايه
سطااام<<<اخيرا انكشفت يالحقييير آه بس ما محزنني غير لين الرقيقة ماتتحمل الله يصبرها بس وبساام وبدر مابيقصرون بياخذون حقها ان شاء الله

اخيرا بيوووعه تكفين لايخطر ع بالك يووم تأخرين البارت والله في نااس ينتظروون ع احر من الجمممر
و ع قوله موكا نكتب لك الف رد بس لاتتاخري علينا
دمتي بود



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 480
قديم(ـة) 19-10-2010, 06:49 PM
(ح)ـسآفة بزمـآ(ن)ـي (ح)ـسآفة بزمـآ(ن)ـي غير متصل
©؛°¨غرامي مشارك¨°؛©
 
الافتراضي رد: روايتي الثانية : خنقت الورد يا يمه و بيدي إنكسر ذبلان !


هــــــــــاآاآاآي
البـــارت حلوو رووعه وانتي أحلى وارووع يـــابائعة الورد ^ــــــــــــــــــــــ^


بســام:اكـــيد هوو وأبوه بيروحون الى سطاموو وبســـام بيعطيه كـــــــــــــــــــــــف.....
وأكـــيد هو يحب لتين وهي تحبه ^،ــــــــــــــــــ،^

لتين:يــــاحبي لهالبنت تجنن مرره....~^ــــــ^.....~

طلال:احلى شي في الروايه هوو ووبســـام متحمسه لزواج طلال وربى^ـــ^

ربى:ياعمري فديتهــــــــــأ....~^ــــ^....~

راكــان:ياحليله قــام يعصــب<<<~هههه~بس معــاه حق الموضوع يعصـــب

تاله:ياعمري عليــها حاسه أنـــها تحـــب رويــــد....

لين:فديــتها كسرت بخـــاطري والحمدلله اكتشفت حقيقة سطاموو .....

جمانه:ههههه هالبنت فله ^ــــــ^

وديم:هي مع جمانه هالبنتين فله وناآاآسه لو كنت معأاآاآهم متى وديم تتزوج مـــاجد^ــــــ^

عبدالله: مستغربه لــيه بندر ماقــال له عن مكــان لتين؟؟؟

بندر:طبعــــا هــو أخــو لتــــين


بــــــــــــــــــــــــــــــــــاآاآأي


الرد باقتباس
إضافة رد
الإشارات المرجعية

خنقت الورد يا يمه و بيدي إنكسر ذبلان / بقلمي , كاملة

الوسوم
آلبآرت 210 , آلبآرت 231 , أخر بآرت 202 , البآرت 219 , البارت 36/ ص231 , الرواية موو حلوة أصلا , احلى روايه اسلوب جذاب وفكره حلوه والتزام بالمواعيد , بسآم ولتين , يالبيه من زمان عن الروايات الحلوه , خنقت الورد , روايه جدا جميلة الكاتبه ملتزمه بالمواعيد تسلم والله ما قصرت فديتها (إحساس أنثى..~) , ورد، خنقت، يايمه، رواية رووووعة، حماس، أجنبي، رومانسيه، ذبلان، انكسر، حلوووه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
معشوقين من الصغر/ بقلمي ، كاملة محبوبة المجتمع وبس روايات كامله - يتم نقل الرواية هنا بعد اكتمالها 198 16-12-2013 05:22 AM
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
الوان الورد واسراره احساس إمراة مواضيع عامة - غرام 7 14-03-2011 10:04 PM
كيفية عمل الخلطات والعطور والدخون نبضة قسم المواضيع المخالفه للفترات الزمنية 1 18-01-2010 03:07 PM
" شخبوط " و " غيرة الورد " ... قصة حبي الفاشله غيرة الورد نكت - ضحك - وناسة - فرفشة 38 04-12-2006 08:24 PM

الساعة الآن +3: 12:11 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم