خنقت الورد يا يمه و بيدي إنكسر ذبلان / بقلمي , كاملة

[سوارة الذهب]

الروايه قليله في حقها روووووعه وانا سجلت بس علشان ارد على الروايه وتوقعي نفس توقع الوليد
ان بسام ولتين بيسافرون للخبر علشان زواج ربى ..

[ابنة أبيها]

رووووووووعة ...... وبصراحة كنت متابعة من ورى الكواليس ...
وبجد كان بارت ولا أرووع ,
وننتظرك في البارت الجاي ...
ابنة أبيها

[انجلي روش]

السلام عليكم ََََََََََََََََََ

ابدعتـــــــــــــــــــــــــــــــــــــــــــــ ـــي والله ................ وبصراحة كنت متابعة من ورى الكواليس ...........

بس عندي سؤال صغينون بام يوم قال حتى انا ما بك وهي مده بس يعني شنو قصده منها وبعدين يغير عليها
بصراحه ذبحنا الفضول والغموض اللي في الرويه وبصراحه الروايه وكتابتك حلوه فوق الوصف
..............موفقة خيتو تروحي وترجعي بالسلامة والله يوفقك بامتحاناتك .............................

[عسل مخلوط شقاوه]

هاااااااااااي حبيبتي اخبارك؟
انا متابعة من وراء الكواليس
بصراحة اتعب وانا اقول ابدعتي رواية ولا احلى
انتظركـ لا تتأخرين علينا

[بائــعة الورد]

السلام عليكم ورحمة الله وبركاته
ردودكم تحفزني إني أكمل روايتي وأضعها بين أيديكم
الله يسعد كل وحده ردت علي ويوفقها
دعواتكم لي بالتوفيق...
بائعة الورد

[بائــعة الورد]

مشاء الله تبارك الله لا حول ولا قوة الا بالله ولا تضره

بسم الله الرحمن الرحيم
>>الجزء الثالث والعشرون

لا يمكن لأي إنسان أن يصبح عالما بمعنى الكلمة، حتى يكون قبل ذلك إنسانا بمعنى الكلمة

..0..الحزن..0..
هو أن أبكي على ثوبك فيزداد رطوبة وتزداد تجلدا ،،،

بقوة وصبر مسحت ع راسه وهي تختم سورة ياسين
﴿إنَّما أمرُهُ إذا أرادَ شيئًا أن يقولَ لَهُ كُنْ فَيَكون
فَسُبحنَ الذِي بيَدِهِ مَلَكوُتُ كُلِّ شَيءٍ وإِلَيْهِ تُرْجَعُونَ﴾

صدق الله العظيم
لفت ع لمار قومي يا بنتي خلينا نرجع بكره وراك دوام
لمار بحزن وهي تضم يدينه خليني يا جدتي بجلس عنده
أم إبراهيم بحزم يا بنتي يا لمار مو حاس فيك سوينا اللي علينا وإذا الله أراد يقومه بيقومه لو بهاللحظة
باست جبينه البارد بحب واضح بعيونها الله يسمع منك
دخل خالد لمار انتظري شوي مع جدتي بدخل خوي فيصل جاي يشوفه
هزت راسها بصمت
وطلعت مرافقتها
بهالحاله ينعرف الصاحب من الخايب
مشاء الله أصحابه كثار ومن يوم دخل وهم يوزرونه باستمرار
قرب منه
وبقلب متأثر من منظر خويه
همس بصوت شبه مسموع فيصل شد حيلك وقوم مو اتفقنا نروح لعبد الله
أنا وياك
ابتسم له خالد خذ راحتك سامر أنا بروح
أومأ براسه مشكور
رجع ناظره وهو يكبس برقة ع يده
تأمل عيونه الغايرة شعره الكثيف بدا يتساقط
بشرته البيضه زاد اسمرارها مع ضعف صحته
وعلى ما هو كأنه نايم بعمق وراحة تناقض ملامحه الذابلة..!

اعتزاله أحدث ضجة كبيرة في وسط الفن الإيطالي وخاصة إنه مغني من يومه
وله شعبية وجمهور كبير
وقفه تجمهر الصحافيين حوله وهو طالع من القصر
البادي قارد اللي معه حاولوا يبعدوا الصحافيين عنه بشتى الطرق
رويد واقف بزهق ونظارته السوده آخذه نص وجهه بطريقة زادته جاذبيه
أصوات الصحافيين تعلى
المايكات تتوجه له من كل صوب
Ci può dire qual è la causa di arte Atzalk improvvisa?
Intende tornare a cantare di nuovo?
Il signor Roed E la cerimonia di inaugurazione e il tuo contratto
Con altre società globale?
يمكنك أن تخبرنا سبب اعتزالك للفن بشكل مفاجئ؟
هل ستعود للغناء مرة أخرى؟
سيد رويد ماذا عن حفل التدشين وعقودك مع الشركات الأخرى العالمية؟
ما اهتم لأي سؤال بالوقت اللي فتح له السايق الباب وركب متوجه لآشلا ينهي عقده معها

ناظرته بطرف عيني اليوم ما بيروح المعهد عشان رجوله
وش هالورطة ماحد موجود بالبيت غيري الكل بدواماته
وخالتي يلدا راحت المستشفى لموعد ميرا
تذكرت أمس يوم رجعنا وشافت رجوله سوت مناحه لين طمنها إنه بخير
ومن طيبتها عرفت إنه كان يساعدني ما زعلت بالعكس فرحت باهتمامه
الله يستر لين أصرت إنها تروح الجامعة يا خوفي تشوف المقرود سطام
غمضت عيوني مصطنعة النوم لما سمعته يناديني
لتـــين
خفت لا يكشفني
أنا منحرجة منه لأنه سبب طيحته أنا ويوم اعتذرت منه ما رد علي
ونبرة صوته واضح إنه مبتسم
: أدري إنك مو نايمه قومي
رمشت بعيوني ولفيت عليه
صغر عيونه قومي سوي لي حليب
حليب؟؟!
ايه حليب أول مره تسمعينها
تنهدت لا بس طلب غريب
ما غريب إلا الشيطان وأنا ما فطرت معكم اليوم قولي للخدامة تجيب لي فطور
هزيت راسي إن شاء الله
وقمت
أخذ الجوال ودق عليه بعد ما لقى مكالمة منه الصبح
آلوو
هلا ماجد
ماجد وأصوات عنده حياك بسام
بسام بإحراج إن شاء الله وصلك المسج مني
ماجد بود اييه وأنا أخوك لا تشيل همي الحمد لله على سلامتك أنا بمطار دبي الحين
اعذرني يا ماجد ما قمت بواجب الضيافة وقصرت معك
ماجد بابتسامة بسام اللي سويته لي بالخبر ما أنساه لك كافيه الشهرين اللي جلستها بشقتك
بسام ينهي المكالمة بدخول لتين واجبي هذا أشوفك إن شاء الله
إن شاء الله في أمان الله
حطت الصينية قدامه
بسام يتمغط بألم اخخخخ
لتين بخوف شي يألمك؟ أجيب لك بندول؟؟
أشر لها لا وبصوت ضعيف أكليني
رمشت خييير وش دخل رجوله بيدينه بس لأني أنا السبب بطيحته ما عارضت
أخذت شريحة التوست دهنتها بالزبدة أشرت ع مربى الفراولة والتفاح خاطرك بايش؟؟
أشر لي باستمتاع ع التفاح
دهنته بقليل منه وقدمته له
فتح فمه
بلعت ريقي وبارتباك أكلته
ابتسم عصير
الحين مو قبل شوي قايل يبي حليب
أخذت كاسة العصير وعطيته هي
شربيني!
صغرت عيوني مو كأنك انبسطت
ابتسم لي يللا عاد مكسر وحالتي حاله لو فيه وحده من خواتي أو أمي كان ما طلبت منك
رفعت حاجب يعني ايش يعني يتمنن علي والا يحسسني بعدم قيمتي
تركت الكاس من يدي والأكل
انزين خليهم لما يجون يأكلوك
وقفت رميت المنديل وطلعت من الغرفة
ناظر الباب لما ارتد بقوة يطلب رحمته
ابتسم وابعد الصينية من قدامه

بعدت التصميم من قدامها اييه وبعدين
جيهان وهي تشخبط بالقلم ع الورقة الكبيرة قدامها اممم بس وماما رويدا حطته له مع الفستان
تاله بتفكير يعني فستان لتين خذته ربى صديقتها
هزت راسها بدلع اييه بس طبعا لتين ما تدري يا ويلك تقولين لها
تاله معقدة حواجبها اهاا وخالتي نجد وش صار عليها
جيهان واكتست ملامح وجهها اليأس نفس الحالة للحين موجود وما تقدر تطلع بغير شوره تعرفينه ما ينطاق
تاله قامت ع العموم إنتي قوليلها من غير بسام لا يدري إني قلت لك لتين خاطرها تشوفها بأقرب فرصة
بعدت شعرها عن عيونها بقولها بس ما بزيدها غير هم
تاله وهي تطلع التصاميم من الدواليب المرصوصة إلورا وولد أختك متى راجع
هزت كتوفها
I don't now
حكت راسها يوم فتحت السكرتيرة الباب
Ooh Miss. attesa iMovie Talah non indossava la forma ancora
"آوووه آنسة تاله السيدة موفي بانتظارك لم ترتدين النموذج بعد؟"
تاله بتعب طلعت الفستانين كوالي؟؟
"آيهم؟"
أشرت لها ع الآوف وايت كويستو
هزت راسها إلورا
ودخلت غرفة القياس واسعة تحفها المرايا من كل الجهات
سكرت الفستان بمساعدة جيهان الواقفه وراها
أشرت لها بيرفكت
تاله تقلدها بمياعتها بيرفكت جد وإلا تجاملين
جيهان ههههههه لا والله جد
قربت من وجهها تاله وهي طالعه خاطري أعرف مين علمك تنطقين المياعه هذي كلها
تركتها وهي تتمخطر بالفستان
ابتسمت جيهان وراحت تتأمل تفاصيلها بالمرايا العاكسة

ناظر مكتبه وهو داخل
وقفوا الموظفين كلهم رهبة وتحية
أشر لهم برسمية السلام عليكم
: وعليكم السلام ورحمة الله
رجع ناظر مكتبه
طالع في السكرتير إبراهيم أنا بطلع وبرجع بعد نص ساعة أبي آلاقي الملفات كلها جاهزة ع مكتبي
إبراهيم حاضر دكتور وافي
وخلال ربع ساعة كان واقف عنده
جلس مقابله
السلام عليكم فيصل
اليوم رحت الدوام المفروض اليوم يكون أول يوم لك
لكن الله قدر وصار اللي صار
أبيك تتطمن إنه مكانك ومكتبك موجود متى ما قمت فتحناه لك وقبلها قلوبنا مفتوحه تنتظرك
حط يده ع كتفه
لف عليه وابتسم هلا طلال
جلس بقربه تفاجآت يوم شفتك
وافي بأمل دخلت الشركة شفت مكتبه ما قدرت أمنع نفسي من زيارته
مسك كفه طلال وأنا بعد قلت أمر عليه قبل أروح دوامي
نزل عيونه له ومسح ع راسه فيصل قبل شوي كانت لمار هنا بس إنت ما حسيت عليها جات تزورك وتسلم عليك قبل لا تروح دوامها
ناظر ساعته اليوم كملت أسبوعين بالضبط
تغير صوته وهو يدعي له
وافي ربت ع كتفه استمر يا طلال مثل ما خبرك الدكتور كل ما جيتوه المس جزء منه وكلمه وصدقني هالشي بيخليه يستجيب بسرعه أكبر
زفر طلال وهو يقوم ويغطيه زين إن شاء الله
يللا
ألقى عليه نظرة أخيرة وافي وطلع معه

كنت جالسه ع الطاولة ومتسندة ع ذقني اتفرج ع دادا لينزي طباخة الفيلا
ابتسمت لي
رديت الإبتسامة
Cosa stai facendo?
"شتسوين؟"
Bass sulla strada fiorentina"سمك القاروس على الطريقة الفلورنسية"
آهاا
تابعتها وهي تحط المكونات في الطاوه
لفت علي
Miss Lateen Vuoi andare a fare shopping con me?"هل تذهبين للتسوق بصحبتي؟"
مادري خليني أسأل بسام أخاف يهاوشني لو أطلع من غير شوره وبحركة عفوية هزيت راسي إلورا
بالي مع بسام قهرني بحركته
ليش دايما يحسسني إني مالي قيمه في حياته وجودي وعدمه واحد
أكره شي عندي أحد يتجاهلني وهو بيستخدم هالطريقة بإسلوب ملتوي
حسيت بشي على عيوني
آثاريها يد
يد أعرف تفاصيلها زين قاومت ابتسامتي وبصوت مغنج مايل للعصبية بسام اتركني
تركني وهو متسند ع الطاولة بيده شتسوين هنا؟
ناظرته بعتب زي ما تشوف إنت وش قومك من السرير على أساس مو قادر تاكل لحالك بعد
ابتسم بوجهي ببرود ليش معصبة
عصبت زيادة بسام ترا كافي إني متنرفزة منك
مد يده وحطها ع خدي شوي شوي يا حلوه ما تنفع العصبية الزايدة لك
صغرت عيوني وأنا اتكتف بقهر بروح السوبر ماركت مع لينزي
رفع حاجب بهدوء روحي أحد ماسكك
ناظرته بشك من جده وإلا يستهبل علي
ناظرتنا لينزي بضحكة
Preparare il piatto preferito di dissalazione d'infanzia di tuo, Signore
"سأعد لك طبق التحلية المفضل لك منذ طفولتك سيدي"
ابتسم لها بحماس غريب عليه
Budino
صرخت بحماس العجايز سيييييي
ضحك وهو يناظرني
قلت بقهر شرايك تعطيها كفك بعد
ابتسم وهو يمشي بصعوبة قرب منها وهو طالع وباصبعه داعب انفها الواقف بشموخ أحب الغيرة بعيون ناس
تأملته وهو عاطيني ظهره خارج
تنهدت الله يعين قلبي شلون بيتحمل باقي العمر قربك وجفاك..!

....!ّ هنا ترمي صباح الخير... قبل لا تروح وادعي لك
وهنا تضوي مساء الخير... في عيني من هلالك....!ّ
الكلاس شبه فاضي بما إنه أول يوم
نظراتها ع الدكتورة وعقلها مشتت هذا أول يوم سنة جديدة من غيرها
تخيلتها يوم تجلس متضايقة من بسام وأوامره
أو ملامحها يوم تلين وهي تذكر أخوها عبدالله
وهنا وهي تضحك على حركات وديم
حتى وهي تبكي من جور عمها وظلمه!!
ضربت الطاولة قدامها ست ربى ممكن تتفضلي لبرا
عقدت حواجبها باستغراب
الدكتورة بعصبية أناديك مطنشة من أول يوم تفضلي قدامي
ربى ولأنه مالها خلق ما ردت عليها سحبت شنطتها وعطتها نظرة مالها معنى وطلعت
جلست ع كرسي الكافتيريا
نزلت راسها بألم يجتاح قلبها الصغير
وينـــــــك يا لتين
لو لحظة وحده ألاقيك تخليني اتنفس بعدها براحة...
وقفت قدامها متخصرة وتحرك الجوال آلووو سرحانة فيه الللي ما يستاهل وهو صار له ساعة يدق
أخذته وردت باقتضاب مرحبا طلال
مرحبتين حبي صباح حلو بالجامعة إن شاء الله
مسحت دمعة طاحت لا...لتين مو معي طلال
طلال بحنان بوديك لها رباي بس لا أسمع هالنبرة منك
شهقت كان زين بسام الحقير مو راضي
طلع من عند الموظفين وخرج للحديقة الخارجية بعمله ربى حبيبتي هدي ما قلنا لازم تخليك متفائلة كل شي بالبكى ما يمشي
وديم قدامها متأثرة وبنفس الوقت متنرفزة من طلال
وبلحظة سألت نفسها أنا ليه لهالدرجة أكرهه
اممم لا ما أكرهه اتنرفز منه لأنه مغرور وشايف نفسه
حاست بوزها خلص حضرة الأخصائي النفسي مواساته أشك صراحة بإنه يعرف يقول كلمتين على بعض بهالأمور
ابتسمت ربى وهي تمسح أنفها حرام عليك وديم اتركي زوجي بحاله
قزتها قالت زوجي قال أمحق زوج
ربى بابتسامة اليوم ماجد راجع
وديم بحيا جد؟؟
ربى بدلع وآثار الدموع واضحه عليها اييييه جد انتهبي لا تذوبين
وديم بعصبية وليه وش شايفتني ترا عااااادي
:مراااااااااا واضح
إنتي وش جابك هنا؟؟
جمانة وهي ترفع النظارة الشمسية عن عيونها كذا ترحبين بالناس
وديم قربت وجهها أناا كذاااا وأشرت ع راسها
ابتسمت جمانة وهي تضربها على كتفها مااااااالت عليك بتتزوجين مجووود أنا أولى فيه
وديم تحك إذنها نعمممممم؟؟! وش قلتي عفوا ما سمعت؟؟
جمانة بخوف تخفيه هذا المطلوب
وش تبون أطلب لكم؟؟
ربى بهدوء عصير برتقال فريش
غزا الألم صدرها كل شي بهالجامعة يذكرني بلتين كل شي
ربتت على كتفها جمانة وابتسمت وإنتي وديم
وديم بتفكير اممممم ببسي وسنكرز وكوروسون وووو
جمانة خيييير بس هذا كله وبكره بتملكين الله يعينه أخوك يا ربى
ضحكت ربى أما وديم صرخت بخوف وجععععع قولي مشااااء الله
جمانة ههههههههههههه مشاءالله اللهم زد وبارك
ناظرتها وديم عن العبط جمووون تبيني أسمن يعني
اففففف ما فهمنا لك ست وديم
رتبت شعرها بغرور إلا أقول ربى متى بيجي مجوود
فتحت عيونها جمانه قلة حياااا
ضحكت ربى خليها هذي وديم والأجرعلى الله
سمعتي؟؟ من حسن إسلام المرء تركه ما لا يعنيه سألتها هي مو إنتي
جمانة بضحكة تخيلوا شكل وديم وهي لابسه فستان منفوووش والكعب عالي ومسويه مستحيه ووهههههههههههههههههههههه
ابتسمت ربى أما وديم قامت تصفي حساباتها
بالوقت اللي نفذت فيه جمانة بجلدها


أخذت لحم البروشتو مع المحار
لينزي اليوم ناويه تسوي لنا سفرة ثمار البحر
والسلطة بسرطان البحر
أنا هالشي كم مره يتواجد لكن ما أجرب أذوقه أحس أقرف منه بسبب شكله
ناظرت ساعتها جوليتا ?Miss Lateen passerà Jimmy rakan è Tmaenain
"آنسة لتين سيمر جيمي لأخذ راكان هل تمانعين؟؟"
ابتسمت راكان؟؟ بعد قلبي ليه أمانع ناظرتها إلورا
اشترينا الأشياء الناقصة واشتريت بعض التسالي قلت نسهر اليوم عليها دامه أربعاء
في السيارة كان راكان موجود لف علي تشآآو لا بيلا
ناظرت جوليتا متفاجآة بوجوده مو قالت بنمره
راكان ههههه لا تستغربين مدرستي قريبه من هنا جابني قبلكم
ناظرت جنبه جالسه بنت أموره وشكلها بآخر الإبتدائي بس من ثيابها واضح إنها بعمر راكان
راكان بابتسامة آناليزا لتين بس ممكن تناديها ليزا
لتين بابتسامة ونظرة متوعده بينفونوتي ليزا
ولما نطقت الإسم تذكرت العجوزة اللي كنت جالسه عندها عبست أفضل آناليزا
راكان إلورا إلورا لا تعصبين آناليزا ليزا بطيخه أهم شي تكونين مروقة
ضحكت غصب عني وين إليسار على كذا
يووووه خبرك قديم من زمان دشرتها
ههههههههههههههه والله يا راكان ينخاف منك إذا كبرت
ناظرني بعصبيه وش شايفتني بزر
ايييه بزر للحين ما كبرت
زفر بعصبية مقبولة منك يا لابيلا
ضحكت آناليزا سي لا بيلا راكان
ابتسمت ع لكنتها بست خدها الناعم غراتسي بابي
" شكرا حبيبتي"
اممم إلورا فينفيتو آنا
ابتسمت لي وعيونها الزرقا لمعت سيي لا بيلا
هههههه راكان علمتها على كلمة لا بيلا الحين وش يفكني منها
راكان بطريقة مسرحية هذي الحقيقة لا تهربي منها لتين أنتِ جمييييلة
رفعت حاجب اااه خليني أكلم بسام
هاااا لااا لااا خلاص سكوزا إلا الغول
هههههههههههههههههههههههههههههههههه احترم نفسك راكان
اوخص ياللي ما ترضى
ابتسمت لأني ما قدرت أرد عليه هذا الظاهر ماحد يقدر يوقف بوجهه

طلع من الحمام وهو مغطي نص جسمه السفلي بالمنشفة
عــبد الله
مد راسه وهو ياخذ التيشرت حقه
عبــــــــــــــد الله عبووود
لبس البنطلون
طلع الصالة وهو يسكر أزارير التيشرت العلويه
استغرب وينه هذا
نادى الخادم الألماني
غاسبي
وقف قدامه

Ja, Sir"نعم سيدي"
بندر وهو يلبس الترانج كوت حقه Wo ist Abdullah?"أين عبد الله"
غاسبي

Park Gehäuse"بحديقة السكن"
بندر آهاا مشط شعره على ورى

Vielen Dank"شكرا"
نزل الأصنصيل تعود على هالشقة الصغيرة رغم إنه ما عمره بحياته عاش بمثلها
صحيح غاية بالفخامة لكنه تعود يسكن القصور
بساطة عبد الله وصفاءة خلته يحب حياة الشقق بعيد عن الخدم والحراس الملازمينه بكل مكان وكأنهم خياله
شافه واقف بعيد يتأمل الرايح والجاي بقرب شجرة اللوز
ابتسم وهو يمسك كتفه وين اختفيت عبوود
التفت عليه بحزن هذاني قدامك
بندر بعصبية شف عبد الله لو ما فردت هالبوز والله بنادي لك كاتيا
عبد الله بقرف قطيييعه
بندر هههههههههههههههه دواك
شتبي يعني الحين؟
مسكه من يده خلينا نتمشى شوي ناكل ذرة مشويه نتعشى ندخل سينما نسوي أي شي بس نغير الروتين الكئيب اللي إنت عايش فيه
تنهد عبد الله اوكيه يللا وديني وأنا أروح معك
سحبه بندر معه بنروح لمطعم فيكتور
قزه عبد الله تستهبل أقولك ما أبي أشوف وجهها
ههههههههههههههه حرام عليك تموت بنظرة من عينك
ناظره بحزن تدري تذكرني بلتين يوم تعايرني بسيتا شغالتنا
بندر باهتمام ليه شفيها شغالتكم
عبد الله يناظر بعيد زي كاتيا
ضربه ع كتفه والله وطلع لك حبايب من كل القارات عبوود
عبد الله بابتسامة ناظر وراك
شاب عربي معه بنت وبإيدهم كاميرا
لو سمحت إنت ولد التاجر محمد الصايغ
وظهرت الجدية ع وجهه بلحمه وشحمه
البنت بابتسامة اوكيه ممكن صوره
لو قبل سنة كان وافق لكن بعد ما قابل عبد الله وباللي صاير معهم خلاه يشوف هالأشياء قمة بالتفاهه
ابتسم بلباقة اعتذر
الشاب اوكيه صورة وحده معي
بندر سحب عبد الله معه اوكيه تعال عبوود
وبلحظة طبعت صورة حلوه صارت بعد أيام موزعه ع صفحات الجرايد والملصقات
بعنوان عريض
" بندر نجل تاجر الآلماس السعودي المليونير محمد الصايغ سائحا يجوب ربوع سويسرا برفقة أحد أبناء بلده "
.
يتبع

[بائــعة الورد]

على طاولة الطعام
ملتفين حولها بشكل ودي حميمي يبعث الدفئ والأمان
مدت لفافة البروشتو بالمحار لبدر بدوري تفضل حبيبي
ناظرتهم وابتسمت الله لا يغير عليهم
راكان يممممه في صغار معنا وأشر ع آنا
هههههههههههههه
تاله تكفى يا كبير ترا كبرك البنت
بدر بابتسامة بتجلس هنا اليوم
راكان يناظر تاله بقهر قلت بعد الأكل نوديها بيتها ونمر السينما أنا ولتين
بسام بعد صمت لا السينما احلم فيها بعد اليوم
راكان بنقاش ليييه؟؟
بسام ناظر أبوه
أومأ براسه وكأنه يعطيه الصلاحية
حط عيونه بعيون لتين بس لأنها ما تنفع
وللحين عيونه بعيونها ماهي من طبايعنا نروح هالأماكن
راكان بغيض إنت مو من طبايعك بس حنا متعودين من يومنا نروحها
بسام ينهي النقاش وهو يقوم أعتقد إنك تفهم عربي لا وما بقول شي أنا من فراغ السينما ماهو جو مناسب لك كونك إنسان مستقيم بغض النظر متمسك بدينك أو لا
وبعدين تعال قاعد تناقش وإنت توك ما دخلت الـ 16
حاس بوزه ما راح تفهمني أبدا
وهو طالع الدرج و لا أبي أفهم
حطت يدها ع كفه آنا بمواساة

Non preoccupatevi il mio amico" "
"لا تقلق يا صديقي"
انحرج راكان وحمر وجهه
تاله تغمز للين
ابتسم عمي بدر بوجهي وضحكنا كلنا سوا
ابتسمت آنا كوالي؟؟
راكان يقوم وهو منحرج وشكله يضحك لأنه ما قد صارت وشفته انحرج

Nulla"
"لا شيء "

سارا بخوف لمار شفيك؟؟
حطت يدها ع راسها بإرهاق ولا شي بس تعب مع الشمس
سارا بشك اوكيه وين رايحين
نزلت عيونها بهدوء قلت له يمر المستشفى أشوف فيصل قبل أرجع البيت
سكتت سارا ما عندها شي تقوله
يكفي محرومه منه حسيا تنحرم منه معنويا حراام
عضت شفتها أقول لموو
ناظرتها بتعب وشوو؟؟
ليه يارا ما داومت اليوم
يارا هزت كتوفها مدري تقول أول يوم ماله فايدة
وجدولها؟؟
تتصرف فيه هي
آهاا لمار دامها هي قريبة منك ما قد قالت لك شي على خالد
خالد أخوي؟؟
اييه
سكتت لمار وبعد مدة ردت باقتضاب هي ما صرحت بس أنا أدري إنها تحبه
سارا اييه طيب وشرايك إنتي شنسوي
لمار بألم أنا أقول سارا سوي نفسك عميه ما تدرين أحسن لهم ولنا أنا ذقت المر وما أبي ناس تعز علي تذوقه أخاف تقولين لخالد ويقولك ما أحبها ما أبيها ذيك الساعة وش بنسوي؟؟
بعدين تدرين إنه خالد هو الكبير في البيت وما هو ناوي يتزوج الحين
تنهدت سارا صادقه لموو
فتحت الباب بابتسامة يللا فصولي بانتظارك
نزلت برقة حلوه منك
مسكت يدها وشدت عليها تثبتها وهم داخلين

....!ّ ذقـت مـنـها حـلواً و مـراً و كـانـــت لـذة الـعـشـق في اخـتـلاف المــتــذاق....!ّ
نشفت شعرها بعد الشور البارد اللي خذته شمس الشرقية بالحر تذوب الحجر
فديتها كل شي حلو فيها
مشطت شعرها القصير على ورى
سكرت سحاب التنورة القصيرة
نزلت بابتسامة السلام عليكم
: وعليكم السلام
جلست بكرسيها ع الطاولة
أبو ماجد ما مد يده ع الأكل شلونك رباي
الحمدلله زينه شلونك إنت والعمل
تمام كله إن شاء الله
ليلى تغرف لها
ربى باستغراب بابا ليه ما تاكل؟
ابتسم أنتظر عزيز وغالي
فتحت الخادمة الباب ودخل طلال بصحبة ماجد
وقفت لا إراديا
غمز لها ورمى بوسه بالهوى خلسة السلام عليكم
ابتسمت بحيا وراحت تسلم عليه وعلى أخوها
ماجد يضمها شلون الغالية
ربى بابتسامة اشتقت لك مجوود والله البيت من دونك ما يسوى
طلال بعد ما سلم ع ليلى وعمر
ناظرها وهو فاتح يده وطلال ماله سلام؟؟
حكت خدها بإحراج وحيا من الجالسين
وابتسامتهم مرسومه ع شفاههم سعادة بهالنسيب
قربت منه ومدت يدها
شف؟! فاتح لك إيدي تمدين يدك سحبها له
ضمها وباس راسها شلونك؟؟
ضحك عمر وماجد استحى تعال كل يا طلال لا يبرد عليكم الأكل
طلال يضحك على حياها وهو يجلسها ويجلس لاحقين ع الأكل يا عمي لكن بنتك
مين يقاومها؟؟
عضت على شفتها وعيونها بالصحن
ليلى ههههههه طلال اترك البنت تتغدا
ابتسم عمر الله يسعدكم
الكل آمييين

....!ّ وصالـك جنـتـي لـكـن نـفـسي تـفـضـل في مـحبـتـك الـعـذابـا ....!ّ

11:00 مساءً
جدتي تناظرنا من فتره شفيها؟؟
كل شوي تناظرني أنا وبسام وفي شي شاغل بالها
قربت من بسام وقالت شي بإذنه أومأ براسه اييه وصل
ناظرتها ابتسمت لي لتين على فكرة فستانك انباع
رديت الإبتسامة ورفعت عيني لبسام مين اشتراه؟؟
حط يده ورا ظهري مال بجلسته وسند راسه ع كتفي واحد سعودي اشتراه لأخته
استحيت بس ما قدرت أبعده وما اهتميت كثير لسالفة الفستان لأني ما عشت ليلته بمعناها
جلس خالي بشير قدامنا توه راجع راح يوصل آنا مع راكان واستغربت لأنه في سايق
واللي رد على استغرابي هو دخولها
ناظرتها لمدة ولا إراديا وقفت يوم جات لي
ضميتها وخرجت كلمة غصب عني افتقدتك
مسحت ع راسي وهي تضمني زيادة سكوزا يا حياتي محمد ما يخليني أطلع دايما
ما رديت عليها أصلا أنا متعوده على غيابها لكن وجودها يحسسني بإني شي له وجود هنا مو كأني غريبة مع إنهم كلهم أهلي بس إحساس الأم غير
ابتسمت وهي تجلسني وتجلس
شمسويه مع بسام؟ وناظرته بود
ناظرها ببرود وناظرني
حطيت عيني بعينه وبعدتها بتوتر نظرته اللامعة دايما تردني يائسة
همست الحمدلله
تاله تقلب بالقنوات
لين بانكسار تلوو حطي اللي قبلها شوي
رجعت للقناة
سكتنا كلنا وحنا نتابع باهتمام
فيديو رويد وهو خارج من القصر والصحفيين حوله
استرسلت بحديثها المذيعه
Seguiamo i titoli più importanti ..
star canto italiano Rudy ritirarsi dal canto di fama mondiale sorprende i suoi fan e ha detto che il suo ritiro e vide la sua amante ..
نتابع أهم العناوين..
نجم الغناء الإيطالي المشهور عالميا رودي يعتزل الغناء مفاجآ معجبيه ويقال بأن اعتزاله ورآه عشيقه
تاله تبلع ريقها بخوف وهي تقلب القناة
راكان باعتراض رجعييي
جدتي باهتمام تاله رجعي خلينا نشوف الإشاعات
تاله بخوف رجعت إشاعات! وربي لو يفهم بسام راحت عليه الله ياخذ ابليسك رويد كيف الناس عرفت افففف أكره الصحافه كلها
اختلست النظر لبسام ولتين شفته ماسك يدها ويرسم خطوط عشوائية باصبعه
بيفكر
الله يستر من بسام لا بدا يفكر يطلع المخفي والمستور
ناظرني راكان بعصبيه شفتي روحتي الخبر علينا
لين بهدوء اوكيه اعرفوا الخبر منه هل هو من جد اعتزل عشان كذا
بشير بغموض هذا اعتقادي رويد ما في شي غيره كل هالسنين فجأة انقلب
رويدا بحزن وربي كاسر خاطري هالولد على طول ساكت وما ياكل
تكلمت ماما بأناقة مؤيد وينه مو قال رويد بيروح له
يا ربي وجودها بيننا كأنها وحده من عالم آخر صحيح كلهم أغنياء لكن ماما في هالة حولها غريبة وكأنها من طبقة مخملية
ما تنوجد غير بالأحلام
رويدا بيروح لكنه قاعد يلغي العقود مع القنوات والشركات المنتجه له
سكرت تاله التلفزيون شرايكم بجيلاتو النوتيلا
أيدت الفكره لأني أعشق الجيلاتو
راكان وهو مسدوح ع الكنبة تلوو جيبي لي معك وانتبهي لا يذوب كالعادة لين تحركين رجولك الممشوقة
تاله بغيض تخصرت ما بجيب لك شرايك
خالتي يلدا تناظر الأوراق اللي مع زوجها راكان رخي صوتك ميرا نايمه
دق تلفون البيت ولأنه قريب من بسام رفعه وبرسمية نعم..
هلا خالي إياد
:................
كلنا بخير شلون أهل السعودية

:................
ههههه مبرووك يتربى بعزكم إن شاء الله
:................
هذي هي
مد التلفون لجدتي يمه هذا خالي إياد جاه ولد
أخذت التلفون ووجهها تهلل بحفيدها ولد الغالي
يلدا بفرحة والله فرحت له مسكينة جنى كانت تعبانة من شهر راحت لأهلها
متوقعة تولد بأي لحظة
شدت ع يدي أمي عقبال ما نشوف عيال لتين وبسام حولنا
خالتي يلدا وعمي بدر آمييييييييين
ارتبكت ونزلت عيوني لصحن الجيلاتو لما عطتني هو تاله بغمزه
وبسام ما حرك ساكن
وكأنه الموضوع ما يعنيه أو يدور حوله
راكان اففف من قلب يقولونها والله وباستعطاف حراام بسام خاطرهم يشوفون ولدك قبل لا يموتون
شهقت تاله ولين بسم الله عليهم
بشير فال الله ولا فالك يالتعبان
راكان بضحكة سكوزا خطأ لفظي
وقرب من أمه ضمها فدييتك يمه جعل يومي قبل يومك
وخرته عنها بزعل ابعد تفاول علي بعد
راكان يبوس يدها وخدها بسم الله عليك الغالية أهون عندك يممممه
ضمته بحب وهي تمسح ع شعره لا والله ما تهون حبيبي
ناظر تاله اللي رافعه حاجب بغيره
مد لها لسانه يعايرها
قزته بنظرة ولفت وجهها
بدر ههههههههههههههه ولا يهمها حبيبتي كم عندنا تلو احنا تعالي
قامت تاله بدلع وضمته
بشير ههههههههههه روحي لين بعد وأنا بروح لأمي
الكل ههههههههههههه
فجأة وقف ووقفني معه يللا تصبحون على خير حنا بنروح ننام
ناظرته لاااا بجلس مع أمي لكن ما قدرت أقولها لأنه أمي سكتت ما قالت شي
الكل وإنتوا من أهله

دخلت الغرفة بالبيجامة وأنا اتثاوب مجوود اييه وش كنت بتوريني
ماجد ترك الكتاب اللي بيده وقام
فتح الدولاب وطلع كرتون كبير حطه بصعوبة ع السرير
هذا لك
أشرت عليه باستغراب وش هذا؟؟
ابتسم فستانك
نقزت بحماس جججد !
ماجد ههههههههههه انتظري بقولك شي أول
بوديه غرفتك وافتحيه لحالك وبتفهمين كل شي
ربى بفضول اوكيه
نقله بصعوبة لأنه ثقيل ع غرفتها
نفض يده يللا افتحيه وإن شاء الله يعجبك
ربى ضمته بأخوة دامه منك أكيد بيعجبني
باس راسها تصبحين على خير
بعدت شعرها عن عيونها وهي تحاول تفتح الكرتون المغلف بلصق شفاف
شافت ملصق مكتوب عليه
From: Italy
عقدت حواجبها وهي تاخذ مقص الأظافر الصغير وتقطع اللصقات
وأخيرا انفتح
رفعته بحالميه وقلبها يدق وكأنها لبسته ووقفت قدام طلال فيه
ذهلت من أناقة الدانتيل الأبيض ومن ملمسه واضح إنه من أرقى أنواع الدانتيل الفاخر
الفستان الأبيض له إحساس غير للأنثى لأنه حلمها من الطفولة
معه كرتون صغير بعد فتحته كان بداخله التاج
لمعت عيونها بلمعة الألماس قربته منها بتدقيق تتأكد هل هو فعلا ألماس حقيقي أو اكسسوريز مثل الدارج هالأيام
ابتسمت هذا ألماس حر مثل طقم أمي بليلة زواجها
طاح منه مظروف تركت التاج ع السرير وأخذته
طلعته باستغراب وش هذا؟؟
آلبوم
زادت تعقيدة حواجبها لما فتحته
بنت لابسة الفستان بالأصح عارضة بالـ...
صرخت
لتيــــــــــــــــــــــــــــن
دموعها نزلت وهي تقلب الآلبوم كله صور لتين بهالفستان
واللي زاد بكاها صور بسام معها
وربي شكلا لايقين لبعض لكن هالحقير بسام ماحد يعرفه كثري
بعيونها واضح الألم كيف ما أعرفها وهذي أختي اللي ما جبتها أمي
دخلت ليلى وهي لافه عليه روب النوم بسم الله عليك ربى فيك شـ..
فستانك !
رمت نفسها عليها وهي تبكي هذا فستان لتين يا خالتي
فستانها شوفي الصور
وتمد لها الآلبوم
ليلى بابتسامة وهي تمسح دموعها لا تبكين ربى خليني أشوفها
قلبت صفحات الآلبوم
رفعت عينها لها وابتسمت والله صديقتك حلوه مشاء الله
ربى وهي تمسح دموعها وترجع تنزل أنا مو مصدقه ما بنسى هالشي لماجد لآخر عمري
تركتها وراحت له
دخلت غرفته وهو نايم
قربت منه باست راسه وطاحت دمعه منها ع خده
فتح عيونه وهو لسى ما نام ربى!
ربى ببكى فهمني ماجد كيف جبته
جلس ع السرير وفتح الأبجورة جنبه ومسك يدها
اوكيه جدة بسام عندها دور أزياء صممت لها الفستان ولبسته وما حبت تحتفظ فيه
وطلبت إنه ينباع بشرط إنها تعرف مين اللي اشتراه ورحت أنا وجبته لك
ضمته وهي تبكي الله لا يحرمني منك ماجد
همس وهو يمسح ع ظهرها ولا منك

انسدحت ع السرير بروب النوم الليموني
فتحت شعري وحطيت البكلة ع الكمدينة
ناظرته بضيق جنبي بسام ليه ما تركتني عند ماما صار لي مده أبي أشوفها
لما تلزمني بشي معك تمحي شخصيتي وكأني لتنفيذ الأوامر بس وهالشي يقهرني
قام بطريقة خوفتني
مسك يدي وبعد البطانية قومني من السرير
أخذني عند الشباك بعد الستاير شوفي!
طالعت مكان ما يأشر تحت
سيارة سوده نزل منها سايق فتح الباب وركبت وحده
استوعبت إنها أمي
رفع ذقني ناظري الساعة
كانت
11:45 بالتمام
ناظرني وقال بهدوء
أنا ما بحرمك من أمك ولا بتجبر عليك أنا لأني أحبها ما أبي أحرجها معك اللي ما تعرفينه يا لتين إنه أمك اللي تشوفيه وتظنيه عايشه بكل هالنعيم زوجها ما تجي الساعة 12 إلا لازم تكون قدامه ما شفتيها ما قالت شي يوم قلت بنطلع ننام
نزلت عيوني بربكة من قربه وطريقة كلامه
رجع رفع ذقني وباس جبيني وهو مغمض عيونه أرجوك افهميني يا لتين
لمعت عيوني أفهمك؟! ليش إنت تركت مجال للتفاهم
وببطأ باس جفن عيني ورجع بصعوبة من رجوله ع السرير بعد ما طفى النور

....!ّ لو أمدح الدنيا على مر الأيام
مالحق جزاها يوم فيك اجمعتني....!ّ
احمم طلال
طلال بابتسامة وهو يشرب من كوب الكوفي قدامه وشو؟؟
ورى الحمحمة هذي في سالفة
ابتسم بجدية جد والله طلال بكلمك بموضوع
عدل جلسته انزين اسمعك تفضل
تكتف وافي وهو يعدل كابه اممم نويت أتزوج وأفرح الوالده
طلال بفرحه احلف قول انك غرت مني
هههههه لا والله بس أمي زنانة وما حبيت أردها هالمرة بعد
آهاا وبيت مين بتاخذ إن شاء الله
واثق من نفسه وراكز يجذب الناس لما يتكلم بثقافة وصوت هادي
ابتسم حبيت أناسبك قلت للوالدة تشوف لي وحده من عائلتكم تعرف أنا رجال ما أحب الصدعه وعوار الراس بمشاكل الحريم ودامك خويي قلت نسبه وحسبه معروف وأتشرف إني أناسبك
طلال يناظره بصمت مو صدمة بقد ما هو عاجز يدور وحده من بنات أخوانه وإخواته تناسب عقلية خويه الغريبة نوعا ما أو الصحيحة بس إحنا مو متعودين عليها
سكت وافي ينتظر رده
وهو يدق ع الطاولة باصابعه اممممم شوف عاد وافي إنت خويي وشاريك وعارفك زين وشرف لك إنك تاخذ من عيلتي
ابتسم وافي اترك غرورك على جنب واتكلم بجد
طلال بابتسامة اوكيه بس اختيارك هذا تحمل الشخصية اللي بتختارها أمك
وافي باستغراب ليه تقول كذا على قرايبك؟؟
طلال بصراحة بنات خواتي وإخواني الكل يتمناهم لكن المشكلة بشخصيتك إنت كيف لازم تاخذ وحده عقلها كبير ومتفتح وبنات خواتي واخواني كلهم بحدود الـ 22 أعمارهم يعني لسى ما نضجوا زين حتى يستوعبوا طريقة تفكيرك
حسستني إني جاي من المريخ لا تخاف أقدر أتكيف أنا
طلال بنظرة تكيف زين أحد ماسكك وربت على كفه ع العموم نتشرف فيك وهذا خبر جد أسعدني
وافي بإحراج اوكيه طلال أنا عارف إنه فيصل بالمستشفى ووقت مو مناسب عشان كذا قلت نأجل الموضوع لبـ...
قاطعه طلال بجدية وافي فيصل بغيبوبة يعني ما ينعرف متى بيقوم خلينا واقعيين
إذا ظليت تأجل ما بتسوي شي حياك بكره إذا تبي بعد خلي أهلك يجوون
ابتسم له بصفاوة ما أعرف كيف أشكرك ياخوي
ابتسم طلال ما بينا شكر وافي

فندق موفنبيك الخبر// قاعة الإحتفالات

بالوقت نفسه كانت وديم واقفه يلبسونها الفستان
ربى وهي تسكر الأزرار من الجنب وديم ارفعي ظهرك
سندته وهي تبلع ريقها أقول ربى هونت
ليلى بضحكة سمعتها هونتي ايييش تبين ماجد ينجلط لا سمح الله
شوي وتبكي من الربكه والله خايفه
باستها برقة سارا وعطتها بوكيه الورد الأبيض بموجه وردية والورق الأخضر ظاهر فيه
مبروك عليك وديم
ابتسمت بارتباك الله يبارك فيك عقبالك
دقت الباب ودخلت فاتحه يدينها هلا وغلا والله بأغلى بنت على قلبي ضمتها
وديموووه صرتي عروس
وديم بنظرة جمانة خليني رايقه قبل لا أشوف ماجد
جمانة بخبث هههههههههههههههه تبين نجيبه بسرعه قبل لا تعصبين
ربى بابتسامة رحمت وديم جمون وينها خالتي ناديها عشان تصور معها وديم
جمانه هزت راسها اوكيه انتظري وقربت من وديم وهمست بإذنها خليك ع طبيعتك عشان ننسي ربى أمها
رفعت حاجب وظهرت على حقيقتها ما يحتاج أعرف اتصرف
جمانة حاست بوزها ماااااالت ما صدقنا تسكت دقيقتين
دخلت لمار وكأنها نسمة هوا من هدوءها ورقتها
ناظرت وديم
تنهدت بفرحة لها تذكرت فيصل غرقت عيوني غمضتها بقوة عشان لا أخرب مكياجي الخفيف
فتحتها على شكل وديم كأنها فراشة بفرحتها
فستان بلون المشمش المطفي
وبذات النعومة رسمة مكياجها الفرنسي
ابتسمت لها لموور ما بتسلمين علي
ردت الإبتسامة وهي تقرب منها مشاء الله عليك وديم طالعه قمر
ابتسمت يسلموو
لا تصطنعين الخجل لأنه دايما يوضح الشي الأصلي من التقليد
وديم ودخان بدا يطلع من راسها جماااانه
جمانه وهي تاكل الشوكلت وحاطه رجل ع رجل بدلع نعممم!
ممكن تورينا مقفاك؟
وقفت باستعباط ولفت ظهرها ممكن ليه لا شوفي
سارا ولمار ويارا اللي توها دخلت وشافت اللي صار ضحكوا من قلب
حتى وديم المتنرفزة ضحكت
جلست جمانة بضحكة أموت وأناقرك دمون
وديم بوزت وش دمون هذي بعد
رمشت بود like my name
ابتسمت بفرحة يللا يللا اطلعي بيجي سامر وماجد يا حبي لهم بيخلصوني منك
ربى اللي واقفه من مده جايه تخبرها بدخولهم ابتسمت بصدمة مشاء الله عليك كل هذا شوق
جمانة هههههههههههههههههههههههههه
وديم بإحراج أخفته لا بس عشان تخلصوني من لصقة جونسون هذي
وبالفعل فضى المكان وكلها دقايق ودخل ماجد والمحارم

.
.
.
من ايطاليا.. كثرة مال الميت تسلي ورثته عنه
>> نهاية الجزءالثالث و العشرون

[صرخة قلم~]

يسلمووووووووووووووووو روووووعه البارت

[ابنة أبيها]

والله ما اعرف ايش اقولك ...... غير الله يوفقك ويسعدك
والبارت يجنننننننننننننننننننننننننننننننننننننننننننننننن ننننننننن
ابنة أبيها

[اجمل طيف بحياتي]

واااااااااااااااااااااااااو
البارت روعه يعطيك العافيه ..
لاغلا ولاعدم ..
بس بليييييييييييييييييييييييييييز لاتوقفي كتابه وربي روايتك خوووووووووووووقاااااااااااقيه