اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-09-2010, 06:44 AM
دعــاني الشــوق دعــاني الشــوق غير متصل
©؛°¨غرامي مشارك¨°؛©
 
B11 رواية أنا و خلي كل دار وطنّا .. عيني و قلبي كلها له هديّه / بقلمي


السلام عليكم ياحلوووووووووووين
هذي اول روايه لي بالنت انزلها
اتمنى حفظ حقوقي الأدبيه وياليت أي احد ينقلها ينقلها بأسمي
انا سبق ونزلتها في منتدى ثاني لكن مالقيت تفاعل كان المنتدى مرررره بارد
لكن بنزلها هنا لعيونكم واكملها هنا عندكم
وهي روايه رومانسيه اجتماعيه جريئه
والله الله بالردود والتقييم
ابي حمااااااااااااااااااااس
ماراح انزل البارت الثاني لين ألقى تقريبا خمس ردود>> طماعه
طبعا الروايه يتخللها الكثير من القصائد الجميله للشاعر الكبير الذي اعشقه بدر بن عبد المحسن وغيره
طبعا طريقتي في سرد الروايه راح تكون مختلفه عن الباقين لأن لكل شخص طريقته الخاصه
برضو كل جزء راح احط له عنوان مستقل مختصر للأحداث
ويمكن في حاجه ماراح تعجبكم وهي اني يمكن اتاخر
بين كل جزء وجزء لأني اكتبها اول باول وانشغل كثير
وفرصه اخليكم تتلهفون عالبارتات وتخمنون الأحداث

==

شخصيات الروايه حسب الظهور

بدر: موظف بنك حسه راقي واخلاقه عاليه لكن لاقفلت معه ابعد عنه 28 سنه مقبول الشكل وانيق ساكن عند اخوه سلطان بالرياض واهله بحفر الباطن يعشق الشعر وخصوصا شعر الأمير الجميل بدر بن عبد المحسن

ماجد : صديق بدر وهو صاحب محل الكترونيات وجوالات 29 سنه وسيم جدا وهو شاب راعي بنات

ممدوح : صديق بدر الثاني بالإستراحه ويكون ولد خالته بنفس الوقت عمره 26 سنه شاب عاطل فاشل سكير وبدر متحمله بس عشان خالته توصيه عليه دايم

سلطان: اخو بدر الكبير عمره 30سنه وهو متزوج وعنده بنت اسمها شوق

نجود : معلمة لغه عربيه 30 سنه مطلقه وجميله ودبدوبه
ملاك: معلمة تربيه خاصه 26 سنه جميله نعومه وهي بنت خالة نجود
البندري : معلمه وهي صديقة نجوووود متزوجه وعندها ثلاثة اطفال رهف وعلي وشهد ورهف طالبه بمدرسة امها بالصف الأول والباقين صغار

خالد : شقيق نجود المراهق عمره 14 سنه

وهناك شخصيات اخرى ستظهر في سياق الروايه وهم عائلة نجود وعائلة بدر وغيرهم











الجزء الأول :


(( نجود والبلاك بيري))


قبل المغرب ماجد في محله وعنده خويه بدر توه طالع من دوامه المتعب وزاير خويه فالمحل يشتكي له كالعاده عن هم الدين وعن ابوه الشايب اللي يبي يزوجه بنت عمه نوره وهو مايبيها متردد يوافق والا لاءءءء

بدر: تدري باماجد ان ابوي قد خطب لي نوره وانها موافقه

انا احبها بس ماادري احسها ماهي اللي فبالي يعني هي نحيفه كذا وبيضاء مرررره يعني وشعرها ناعم وانا ما........

يقاطعه ماجد قائلا: اقول الحمد لله والشكر بس الحمد لله

بيضاء ونحيفه وشعرها ناعم ياخي احمد ربك تبي خاله ومتينه وشعرها ليفه

انت وش تبي هالحين من جد ناس ماتحمد ربها

بدر: ياخي خلني اكمل خلني اتكلم يوه منك تسد النفس دايم محبطني دايم

ماجد : اقول ورى ماتسكت انت ووجهك لا اشوتك بها الغلايه

بدر : اقول انت ووجهك يعني بتكسر هالغلايه على راسي انا مدري وش نظامك تشرب منها ولاجا زبون حطيتها بكرتون وبعتها غشاش ياخي انت ههههههههههه

ماجد : يابابا مو غش هذي شطاره والتجاره شطاره

ثم شف المحل طول بعرض هنا غسالات هنا تلفزيونات هنا لابتوبات هنا جوالات

اما الجوالات هي اللي سوقها ماشي من نزل هالبلاك بيري

وحنا في نعمه الله يديمها البنات عليه مثل النمل ههههههههههه

يرن جوال ماجد : الو نعم هلا يمه ..... ايه وش فيك يمه .... وش تحسين فيه.... لاحول ........... انا جاي جاي

يالله يالله

ثم ينظر لبدر قائلا : بدر تكفا خل بالك من المحل بروح اودي امي المستشفى شكل السكر مرتفع معها

وينطلق خارج المحل

بدر: بس بس انا ماافهم شيء والله مخسرك مخسرك

بعد دقائق تدخل نجود للمحل مسرعه والشرر يتطاير من عينيها ومعها علبة جوال بلاك بيري

ولين وصلت مكان بدر وتقول : هيه انت ياغشاش تبيعني جوال خربان ياللي ماتخاف الله هذا مايشتغل

رد لي فلوسي والا جب لي واحد غيره

يرتبك بدر ويقول خير خير يااختي انا ماادري انا ماني صاحب المحل انا صديقه هو راح وبيجي

تقاطعه نجود : اقول حركات نص كم ماتمشي معي انا ماني غبيه انا محد يلعب علي فاهم والا لاء

عطني فلوسي عطني الالفين ريال قيمة الجوال الخربان اللي غشيتني فيه

ارتبك بدر ورد عليها طيب انتي وش فيه جوالك وراك تقولين خربان قولي طيب وش فيه الجوال

نجود : انا شبكت البلاك بيري في شريحتي وكل صديقاتي يعرفون رقمي ولاجاني رسايل عالبلاك بيري

يعني خربان

بدر ههههههههههههههههههههههههههه

نجود وش فيك قلت نكته انا

بدر لالالالا بس فعلتي خدمة البلاك بيري

ثم الرسايل تجيك عن طريق البن كود حق جهازك

مو عن طريق رقم جوالك اللي هي الشريحه

نجود وش يعني

بدر ههههههههههههههههههههههههههههههههه

نجود قايله نكته انا ثم ترتبك احم احم المهم انكم غشاشين ومحلكم فاشل

بدر هههههههههههههههههههههههههههه

اخذ الجوال وفعل لها خدمة البلاك بيري

وقال تفضلي جوالك والرسايل تجيك من هنا ووراها كيف تفتح مسنجر البلاك بيري هع

نجود خلاص خلاص شكرا احم احم ووجهها احمر خجلا وفشيله

بدر : دامكم مو قد البلاك بيري وجاهلين فيه وشوله تشترون بلاك بيري

نجود : يكون بعلمك احنا مو جهله احنا مربيين اجيال محترمين

احم احم

طبعا قائمة نجود فاضيه مافيها ولاوحده مضافه في مسنجرها حق البلاك

وفضول بدر خلاه ينسخ الببي كود حقها ويحفظه

المهم تطلع نجود من المحل واخوها ينتظرها برا المحل

وتروح له نجود خالد يالله مشينا صلحو الجوال

اجل هو كان خربان ههههههههههههههههههههههههههه

خالد : انا احبك يانجود يااحلى اخت اموااااح عشانك شريتي لي بلاك بيري قبل خوياي كلهم وعشان اقهر خوياي وخليتي نفسك ماشريتيه الا امس وعشانك الحين بتشترين لي همبرجر من ماكدونالدز وايسكريم من كون زون

نجود: اقول ياحبك لبطنك امش امش مابقى الا تقول اشتري لي سياره زي ابوك

خالد: لا السياره بعدين لامني تخرجت من الثانوي

نجود يارجال بتخيس ماطلعت من الثانوي بس امش امش وكان ذالك قدام المحل وبدر قاعد يشوف المشهد برا وهومنبهر بقوام نجود وعيونها اللي كلها جاذبيه بالنقاب وهو يقول بنفسه هذي والله اللي ابيها ياماجد

آه بس آه

بعد مده يعود ماجد للمحل

ويقول بدر خلاص انا الحين قمت بالامانه انا رايح البيت ودي اخذ شاور

والوعد الليله بالاستراحه

ماجد : خلاص الوعد الليله ان شاء الله

يخرج بدر ويلفلف في الشوارع العامه

واذا بها مازالت تلف الشوارع على اقدامها بصحبة اخيها الصغير

بدر في نفسه : لاياربي مو معقوله صدفه مره ثانيه اشوفها

كانت توها طالعه من كون زون وبيدها ايسكريم هي واخوها

اشروا للتاكسي وركبو فيه

بدر في نفسه شكلها من اهل الحاره

مو بعيده من هنا

وترتفع اغنية محمد عبده في سيارة بدر الفورد

بحر العيون :

تقول اللي طرف عينك أنا مدري هدب أو عود

أحس اني من اللي صابها ماشوف قدامي



ضحكت .. وقلت لاتخافي على بحر العيون السود

على شط الكحل مريت .. وهذا موضع أقدامي



أدور عن ذهب عمري .. أدور كنزي المفقود

وأشوف الموج يطوي الموج ويبحر مركب أحلامي



عيوني بسمة اعيونك ولو صارت مطر ورعود

أبا اشرب من ظما دمعك واباغسل جرحي الدامي

عطيني عيونك الليلة .. وباكر ياعساه صدود

أمانه لا مسحتي الكحل خلي طيف أحلامي



أحبك كان يكفي الحب جروحي في هواك شهود

أنا اللي راس مالي حلم .. وهم الدنيا قدامي

==

يردد معه بدر الاغنيه : اه يابو نوره اه صدقت وهذا موضع اقدامي

امانه لامسحتي الكحل خلي طيف احلامي

ويروح بيت اخوه سلطان وهو داخل يداعب بنت اخوه شوق ويضمها

ويروح ياخذ شاور

=

نجود تكلم امها بالجوال

الام : نجود ياامك حولي لي فلوس بشتري تلفزيون لاخوانك

نجود : ليه التفلزيون وين راح

الام: وين راح يعني طار مثلك خابره صحينا الصبح مالقيناه

باعه اخوك يشتري له بلاوي وخواتك لجوني من الطفش مايستغنون عن التلفزيون مسكينات مايونسهن الا هو

نجود : لاحول ولاقوة الا بالله يعني وبعدين مع هالحاله كل شوي مسروق غرض من البيت نجود تشتري من هنا والاغراض تنباع بخساره من هنا

الحين ابوه ليه مايوديه لمستشفى الامل والا يعالجه والا يفكنا منه

الام: يعني ماتعرفين ابوك ., ابوك ماهمه الا يجمع بذا الفلوس ماعليه من يعيش ومن يموت وترى ابوك يقول جهزي المية الف حقة الخلع كان تبين الطلاق

نجود : يمه وش مية الفه التبن ماعطاني الا ستين الف ياخذ مية الف ليه

يكفي القرض الاول اللي بلعه ابوي تبيني اروح اخذ ثاني

يمه خليني اروح المحكمه واقول كل عيوبه يمكن الشيخ يطلقني منه بدون ماياخذ قرش

الام: انتي خابره ابوك خويه ولايبي يزعله ولو تموتين ماوادك المحكمه

نجود: انا الاقيها منين والامنين والا منين ارحمني ياربي

وتغلق الخط

وتضل تكلم نفسها ياربي رحمتك

انا من وين لي مية الف والله لو اني بنك متنقل

ياربي انا وش اسوي بها الحياة اخو محشش وابو راعي فلوس وبلاوي

والاخو الثاني مطلوب امنيا والزوج بياع حبوب

مافي هالبيت احد صاحي الا امي وخلودي فديت خلودي حبيب قلبي ماحد يحس فيني الا هو صح يحب الاكل بس حبوب هههههههههههههههه

الله يخليه لي هالدب

يوه نسيت خواتي بعد مسكينات مكسورات ابوي محطمهن تحطيم

الوحده منهن مالها وجه تقابل الناس كاسر شخصيتهن كسر حسبي الله عليه ونعم الوكيل انا لازم افرحن واشتري تلفزيون

طبعا ابو نجود شخص قاسي القلب لايعرف من الابوه الا اسمها

عنده ان البنت ملك له هي وكل ماتملك يزوجها على كيفه وياخذ منها على كيفه مايملى عينه شيء كثير الدعاوي والولوله وكأنه عجوز مقطوعه

انسان شمات ويحب يتشكى للناس عن عقوق ابناءه كما يحكم عليهم في نظرته لهم الخاطئه طبعا

زوّج نجود غصب عنها بالمره الاولى ولد عمها وطلبت الطلاق منه

وزوجها مره ثانيه واحد يطلبه فلوس وهو محشش قبيح مزواج

خدعها فيه لكن ماحست انها انخدعت الا لما الفاس وقعت بالراس

==

يرن جوال نجود

نجود : الو نعم

رجل : هلا وغلا بكل الحلا

نجود: خير من انت

رجل : انا واحد ميت عليك , خاق عليك, فديت العيون السود انا

فديت الجسم المربرب انا

نجود: اقول ياقليل الادب حدك ولاعاد تتصل هنا مرهـ ثانيه فاهم والا لاء

طااااااااااااااااخ وتسكر بوجهه الخط

ياربي انا عندي شك بها الرجال احساسي يقول انه هو والله انه هو ابو رهف بس مسكينه هي ماتدري وش يسوي من وراها حسبي الله عليه

طبعا المقصود زوج صديقتها البندري

رجل لعوب وراعي حريم درجه اولى واي حرمه عنده تعجبه لو كانت زباله

لكنه ساحر مع زوجته يعاملها احسن معامله تخليها ماتشك فيه ابداااااااااا

والفضل يعود لاخوانها اللي مأدبينه وابوها اللي مخليه يعبدها عباده الخوف زين ههههههههههههههههه

نجود في نفسها : هذي اللي وراها رجال محد يقدر يدوس لها على طرف

مو انا ماوراي الا اشباه رجال

وتبكي

في المدرسه نجود: ام رهف تكفين رصيدي خلص ممكن جوالك بدق اتطمن على امي

البندري: اكيد حبيبتي ولاخلصتي حطيه بالشنطه بروح عندي حصه

تقلب نجود بالجوال لين لقت رقم زوج البندري حافظته باسم نور عيني

قالت هذا هو الكلب يعني شكي جا بمحله

وترجع الجوال بالشنطه

تدخل ابلا هند : هلا نجود كيفك مع البلاك بيري

نجود: اسكني بس ياهو عله مااعرف له

هند: والله احلى مافيه المحادثات

نجود : ياشيخه اسكتي شكلي ببيعه هو ومحادثاته ههههههههههههه

هند انا قلت لك اشتري ايفون حلو يهبل

نجود : انا قلت لك مااحب اللمس

هند: احلى شيء اللمس ههههههههههههههههههههه

طبعا هند متزوجه وقصدها باللمس شيء ثاني هههههههههههههههه

نجود: ياشيخه وخري بس

==

بعد اسبوع

بدر في مكتبه في بنك سامبا

جالس يشرب كابوتشينو وسماعات البلاك بيري بااذنه جالس يسمع

اغنيته اللي يعشقها لمحمد عبده بحـــــــــر العيون

ويردد أي والله اني امس ضعت ببحر العيون

ويكمل شغله عالكمبيوتر وحسابات العملاء

ويقول اه يالقهر تشوف الملايين قدامك ولاتقدر تاخذ منها ولا ريال

اه بس اه

ويضل يقلب بالجوال

ويدخل بالرسائل ويلقى رقم محفوظ وهو كود لجهاز بلاك بيري

امممممممم وش ذا يابدر وش ذا يابدر

ايه هذا حق ذيك البنت الخبله ام العيون السود اللي جت محل ماجد هههههههههههههه

وراي ماضيفها اطقطق عليها هذا ان كانها تعرف له

والله الغبيه شكلها للحين ماتعرف له ههههههههههههه==

==

طبعا نجود تدرس بديره برا الرياض واهلها بديره ثانيه برى الرياض

لكن لما شافها بدر بالرياض كانت جايه زياره عند خالها وكان لها موعد

بمستشفى التخصصي الطبي عشان معها الم بالصدر وتراجع عشان العلاج

==

نجود بالمدرسه عندها حصة فراغ وقاعده تقلب بجوالها

الا وتجيها اضافه وتقبلها

من ذا يالله عادي انا القائمه عندي فاضيه

خلني اتونس وتقبل اضافة بدر

نجود اسمها بالمسنجر حق البلاك بيري : نجود والسما رعود

بدر: اسمه الأمير بدر بن عبد المحسن ههههههههههه

نجود تدردش معه :

وتقول : من معي انت مين

بدر: انا الامير بدر بن عبد المحسن الشاعر هههههههههه

نجود : ماشاء الله الامير مره وحده يتنازل لي هههههههههه

بدر: لي الشرف يااميرتي

نجود: يالله يالامير كانك انت امير عطنا من هالقصايد اشوف

بدر انتي تامرين امر ههههههههههه بس اطلبي

نجود : اممممممممممممممممممممم ابي قصيدة الله العالم

طبعا نجود تحب الشاعر بدر بن عبد المحسن كثير وتحب قصايده خصوصا اللي غناها محمد عبدهـ

بدر: ابشري هالحين تجيك الله هذي من اجمل قصايدي

ويرسلها لها

الله العالم .. وين ياخذنا الهوى.. الله العالم

يا ترى جرح أو دوا.. الله العالم

قلي يا فجر ضوى

وين ياخذنا الهوى

ليه نسأل والسفر.. في بداياته

المهم نبعد كثير.. عن نهاياته

قلبي بالشوق ارتوى

وين يأخذنا الهوى

أنتي أحلامك بحر.. ملحه دموعي

وأنتي جروحك قمر.. ليله ضلوعي

وأنتي يا عمري الهوى

وين ياخذنا الهوى

أنا أحبك ما أبي.. للوله آخر

الحزن يوم مضى.. والفرح باكر

دام أنا وأنتي سوا

حنا يا عمري الهوى

نجود : الله الله روووووووووووعه القصيده شكرا تسلم

بدر : احم احم انتي بس تامرين وانا البي

نجود: خلاص لاتلبي الحين ضف خشيشتك عندي حصه بروح

بدر: وش فيك قلبتي من جد نفسيه

نجود: انت اللي نفسيه يالله وخر

بدر: ههههههه عندك حصه ليه طحت بطالبة ثانوي

نجود: وانت الصادق معلمة ثانوي

بدر: أي صح نسيت

نجود: وش اللي نسيت

بدر ولا شيء ولاشيء ههههههههههههه

نجود : والا تدري لاتروح رحمتك هع هع انت اكتب لي هنا وانا لاجيت اتسلى فيها لاتروح باي

بدر: باي قال تتسلى قال حاطتني تسليه

المهم نجود تروح حصتها وبدر بالمكتب ويطقطق بها البلاك بيري

ويرسل لها اشي نكت واشي رسايل شعر واشي مقاطع مضحكه

واشي حركات حلوه

........................الخ

في اخر شيء كتب لها برب الجوال طفا شحنه

في طريقها للبيت نجود تتصفح الببي حقها

وتقرا رسايل بدر طبعا هو الثاني بالقائمه غير البندري اللي فعلت الخدمه وانقطعت عنهاااااااااااا

يعني تقريبا هو الوحيد خبركم البنات مايهتمون بالجوال خصوصا المتزوجات هههههههههههههه

نجود تقرا بالنقل حق المعلمات وتضحك وتقول هالولد مره دمه خفيف

والله زين استفدت منه يضحكني ويونسني بالطريق

استمروا بالدردشه اسابيع مع بعض

لين تعودت عليه وتعود على هبالها وغباءها المفاجي اللي ينتابها احيانا وهو اللي حببه فيها

==

في يوم من الأيام راحت نجود البنك وخذت قرض بقيمة مية ريال

ناويه تعطيه زوجها عشان تنتهي من همه

وهي جالسه تنتظر باقي الاجراءات كانت الساعه عشره الصباح

جلست تتصفح الببي حقها

الا بدر كاتب الحاله : احلى هديه لأحلى خوات انا جاييكم

نجود بفضول: أي هديه

بدر : ههههههه لا انا بالمول جالس اتقضى لخواتي لأني مسافر لهم

نجود: وين؟؟؟ رايح

بدر: حفر الباطن

نجود اها يعني انت مو من الرياض زي ماقلت لي

بدر : لا بس وظيفتي بالرياض

نجود ووش جالس تشتري لخواتك

بدر: عطورات

نجود: تحب اساعدك تراني خبيره بالعطورات

بدر: وبدون اسلوب لاء شكرا انا حتى خبير ويمكن احسن منك

كان بدر انيق مره مايخلي ماركه مايعرفها و مايلبسها ويحب التي شيرتات مع البنطلونات والبرمودات ويالله يتحمل الثوب والشماغ بالدوام بس

اما باقي الايام يحب يلبس تي شيرتات وبنطلونات

نجود: مااااااااااااااااااااااااااالت

بدر: على وجهك هههههههههههههههههههههههههههه

نجود: وخر برب بروح عندي شغل وتناديها مديرة البنك عشان توقع عقد القرض وفي نفسها تقول ليت اخواني زيك يابدر

بدر: وين؟؟

نجود: بكمل القرض وارجع لك

بدر : أي قرض

نجود بعدين بعدين

==

في الاستراحه بدر يشيش ويكلم خويه ماجد

بدر تتوقع الحب كيف يجي

ماجد: بعد الزواج

بدر: يلعن ام التحطيم ياشيخ اسكت اسكت

ويكمل شرب الارجيله او الشيشه

ماجد : قلت لك بعد الزواج وتأكد أي بنت تكلمك قبل الزواج تكلم غيركـــــــ

البنات كذابات ولعابات

بدر: والله كلن يشوف الناس بعين طبعه ويشرب شيشه

ماجد: وش قصدك

بدر : ولا شيء ويشرب شيشه وهو يقول بالله ارسل هالخبل يجيب لنا عشا ترى حدي بموت جوع

=

نجود في بيت اهلها والصياح يعلو منزل اهلها وكانت تتشاجر مع ابوها

صحيح تطلقت لكن اكتشفت ان زوجها مااخذ غير خمسين الف وكان متفق مع ابوها يطلب ميه ولاجت الميه يتقاسموها النص بالنص مو ابو هذا وحش بشري

نجود: يبه ليه تلعب علي ليه تسرق بنتك

الاب : يشدها من شعرها انتي وفلوسك ملكي فاهمه والا لا ويشوتها عالجدار ويضرب راسها فيه ووتطيح عالارض ويجي يشوتها برجله ويقول ان فتحتي فمك مره ثانيه والله ماعاد تداومين وانسي شيء اسمه وظيفه والله لاقطع رزقك والله

الام: حسبي الله عليك ياللي ماتخاف الله البنت تخاطر بحياتها عشان هالوظيفه وانت سالبها كل لا وتبي تقطع رزقها

قام الابو وشات الام فوق البنت وطلع برا البيت الدنيا شوت في شوت متأثر بكأس العالم هههههههههههههههههههه

منال طالبة الكليه واخت نجود الصغرى تركض لها نجود قومي قومي الله ياخذه ان شاء الله جعله للحادث قولي اميييييييييييييييين وتجلس ترش اختها بالمويه وخالد ماسكها ويبكي مابيده شيء يسويه غير انه يبكي ويحقد على ابوه من قلبه

==

بعد ساعات هدت الاوضاع ونجود راحت غرفتها المهترئه

=

بدر فالاستراحه كعادته كل مساءءءءء يشرب شيشه

ويفكر

ويرجع يسأل مره ثانيه ماجد : تتوقع الواحد متى يكتشف انه حب

ماجد: والله يكتشف هالشيء بعد الزواج ههههههههههههههههههه

بدر: ياسمجك من جد سااااااااااااااامج اسمج من ممدوح

يتدخل ممدوح: هاه اشوفك بديت تغلط

بدر: هههههههههههه توه يوصلك الارسال من زمان نغلط بس انت ماعندك مراره متبلد الاحساس ههههههههههههه

ممدوح: اقول لايكثر بس لا اعلم خالتي لطيفه هع هع

بدر: حنا مابلانا فيك الا لطيفه

طبعا لطيفه هي ام بدر

يقاطعهم ماجد: انا شفت لي شوفه اليوم اويلي بس اويلي بنت ولاكل البنات جماااااااااااال وجسم

يقاطعه ممدوح: واخلاق ههههههههههههههههه

ماجد: لالالا الا هذي ماهي موجوده فيها

بدر: بسكم عيب ترى والله عيب تكلمون بنات الناس وتسبون فيهم

ماجد: والله محد قال لهم يعطونا وجه

ممدوح: الا بدر تبي تعرف متى تحب لامنك طلعت البنت ونمت معها ساعتها تحبها وبجنووووووووووووون ههههههههههههههههههههههههه

بدر كلكم وصخين وتفكيركم وصخ

ممدوح: الله اكبر يالمؤدب ياللي ماتتكلم عن الاجسام ابي وحده صدرها كبير ومؤخرتها برازيليه هههههههههههههههههههه

بدر: ايه وش فيها هذي مواصفاتي وانا حر فيها انقلعوا بس

ويطلع جواله ويدخل المحادثات وهو يشرب شيشه زي العاده

نجود موجوده , الحاله متضايقه

بدر: سلامتك من الضيقه ياحلالي تتضايقين والامير بدر بن عبد المحسن معك على سن ورمح

نجود تمسح دموعها وترد عليه وهي تضحك وفي نفسها تقول يابختك بروحك الحلوه

نجود: متضايقه صار مشكله بالبيت

بدر: عسى ماشر

وتحكيله نجود السالفه

ويتعاطف معها ويقول وش هالعيشه ووش هالاب الوحشي

بدر يصارح نجود بكلام كبيييييييييييير ويقول لها الصراحه

انه حفظ رقم جهازها لما جته المحل وانه معجب فيها وانه ذاك الشاب اللي كان لابس نظاره طبعا هو نظره ضعيف

زعلت نجووووووووووووود وقامت تسب وتشتم لأنه طول المده اللي فاتت خدعها وقال انه ضايفها بالصدفه صار ضايفها عن قصد

وقامت حذفته

بدر ووجع وراها حذفتني ذي وش فرقت بالصدفه والا بالاصرار والترصد

لكن انا وراك وراك يانجووووود والسماء رعووووووود

هههههههههههههههه

==

نجود تنام وتحط راسها على مخدتها ودمعتها مانشفت وتناااااااااااام

==

بدر قفلت معه ورمى راس الشيشه وطلع الساعه ثنتين الفجر وهو حده وحده

طبعا دوام البنك يهد الحيل وانتم عارفين من ثمان الصباح لين اربع العصر

راح رمى نفسه على سريره وناااااااااااااااااااااااااااام

==

نهاية البارت



طبعا البارتات متفاوتة الطول حسب المود والمزاج

توقعاتكم وش راح بيصير في البارت الجديد

وكيف راح تبد|أ العلاقه بين نجود وبدر

في انتظار توقعاتكم واتمنى ان تنال الروايه على اعجابكم

ولاتنسون انتم الدافع الأول لي في الكتااااااااااااابهـ

وانتم ((ملهمتي))

كل الشكر لكم




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 27-09-2010, 09:21 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية أنا وخلي كل دار وطنّا قلبي وروحي كلها له هديّه


,’



بسم الله


يعطيك العـــافية
إطلعي على هـ الموضوع بـ يفيدك النقد
محتوى الروايات ! / دعوة لـ النقاش ؛

موفقة إن شــاء الله

القوانين ، تحديث جديد ؛





,’



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-10-2010, 04:08 PM
صورة روح زايــــد الرمزية
روح زايــــد روح زايــــد غير متصل
✿ إدارة الإقسام ✿
 
الافتراضي رد: رواية أنا و خلي كل دار وطنّا قلبي و روحي كلها له هديّة / بقلمي


اقتباس:


3 / إغلآق الموآضيع :
تُغلق الروآية في حآل طلب صآحبـ / ـة الموضوع الأصلي ‘ تأخره ‘ توقفه ‘ تجآوزآت في االردود

تُغلق الروآيآت حين تأخر الكآتبة لأكثر من 10 أيآم و تُفتح في حآل جآهزية الأجزآء و يتم مرآسلة المُشرفة أو مرآقبة القسم لذلك


يُـــغـــلـــق


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-11-2010, 12:22 AM
دعــاني الشــوق دعــاني الشــوق غير متصل
©؛°¨غرامي مشارك¨°؛©
 
الافتراضي الجـــــــــــــــــــــــــزء الثــــــــاني


السلام عليكم مالقيت تجاوب بالبارت الأول نظرا لزحمة الروايات لكن إلحاح صديقاتي علي خلاني انزل هالبارتين
وهي البارت الثاني والثالث
واتمنى لكم مشاهدهـ ممتعه

==




الجزء الثاني


((ملهّي الرعيان))
==

في صباح اليوم التالي يخرج بدر إلى دوامه وكذلك نجود

في الطريق بدر:آه انا مليت من هالدوام دوام يسد النفس والراتب حتى زي قلته اف من هالعيشه شكلي انا بستقيل من هالدوام

يوووووووووووووووه من هالزحمه

وكانت السيارات امام بعضها امم

والكل معصب من هالزحمه ويضربون اجراس سياراتهم

يطلع بدر راسه مع الدريشه

ياخي لجيتونا ياخي قدامي سيارات اصدم يعني

كان الجو كله امطار ايام ماكانت الرياض تطفح بالمويه يوم جت الامطار الغزيره اللي بغت تغرق عاصمتنا العزيزه

واخيرا وصل لدوامه الحمد لله

نزل وكأنه بدا يروق شوي طلب قهوته كالعاده وبدا شغله اليومي

نجود عندها حصه ومناقر مع البنات كانوا قليلات ادب الله يعين على هالجيل يرفع الضغط

والمعلم عندهم ماعاد له قيمه زي اول والاهل بعد صاروا يشجعون عيالهم على قلة الادب مع المعلم

كانت هناك ام تشتكي على المديره من سوء تعامل نجود مع ابنتها

الام: هالنجود هذي ياهي يابنتي بالمدرسه فهمتي يالمديره

المديره: والله اجل خذي بنتك انقليها من مدرستنا نجود احسن معلماتي وعمرها ماغلطت على احد وان كان تبين تشتكين قدامك التوجيه روحي اشتكي فيه

ابتسمت نجود من انصاف مديرتها لها وتقول في نفسها اخيرا احد انصفني

وتخرج مبتسمه دون أي تعليق

تجلس على مكتبها تقلب جوالها اه من هالطفش الروتين بيذبحني

دوام نوم اكل دوام نوم اكل ودي اتمشى ودي اطلع ودي اغير جو

تدخل محادثتها اووووووف حتى هالخبل مدري وين راح

شكله زعل والله له فقده انا ورى ماارجعه يسليني بسوالفه وخرابيطه ونكته

وتروح تضيفه مره ثانيه

بدر يقلب بجواله ويلقى طلب اضافه قال هذا هي رجعت هههههههههه

ويقبل الاضافه

ويدردشون شويْ

نجود : سلام

بدر: هلا

نجود : كيفك

بدر : بخير الله يسلمني

نجود: ههههههههههه نذاله اجل دوم تكونين بخير يانجود

بدر: وانتي انذل ههههههههههههههههه

نجود: استفزيتني

بدر: ليه

نجود: تقول عني جاهله

بدر: ليه

نجود: تقول كانك جاهله بالجوال ليش تشترينه قهرتني

بدر: وانتي عجبتيني عيونك حلوه وجسمك بطل شديتيني من اول نظره

نجود : !!!!!!!!!!!!!!!!!!!!!!!!!!!!!!!!!!!!!!!!!!!!!!!!

بدر: كنت اتمنى اتزوج وحده زيكـ

نجود: !!!!!!!!!!!!!!!!!!!!!!!!!!!!!!!!!!!!!!!!!!!!!!!

ويكمل قائلا : مستغرب وحده حلوه زيك ليش مالها حظ وليش تتطلق مرتين وليش اهلها قاسين بدال مايحطونها ببرج عاجي

نجود: لو سمحت بدر لاتكمل انا راضيه بنصيبي المهم ارسل لي حركات حلوه نكت ودي اضحك قصايد ودي اعيش جو واغاني ودي اسلطن هههههههههه

بدر : ابشري باللي تبين

نجود: مشكور ياصاحب السمو الملكي هههههههههههه

بدر : هههههههههههههههههههه

ثم يقول : نجود انا ما ابي اضغط عليك لكن هذا ايميلي ان بغيتي تضيفيني badddddor@hotmail.com

وهذا رقم جوالي ان احتجتي شيء 0555342 الخ

نجود: اوكي باي عندي حصه

تروح نجود حصتها وبدر بس جالس يرسل ويرسل ويسولف ويرسل ويسولف ويرسل وهكذا

يوم رجعت نجود لقت المحادثه فل مالحقت تقراها لاخرها

يجي وقت العصر يطلع بدر من دوامه

ونجود في سابع نومه نايمه القيلوله مغيره حالتها وكاتبه قيلولتي

فالطريق بدر مسرع وكان ماسك الجوال يقلب فيه ويقول هالبنت ذي بتجيب لي حادث بس اقلب بها الجوال لا وبعد مقيّله وخليتني اسولف على عمري ايه تلهابي هالبنت حاطتني لهايه مهرج

اضحكها وساحبه علي صدق اني مضحكه

ويدخل بيتهم وياخذ شاور ونوووووووووووووووومه لين الليل كان مره مرهق

=

في الاستراحه الشباب ينتظرون بدر اللي تأخر مو عوايده

ماجد: ممدوح دق على جوال بدر وش فيه لايكون صاير له شيء عشرين مكالمه مارد علي

ممدوح: يارجال ذا قطو بسبع ارواح تلقاهـ رايح يقابل له وحده وخاش جو وحنا منتظرينه على نار مالت عليه وعلى اللي ينتظره

ماجد: هههههههههههههههه بدر يطلع وحده ياخي بدر ذا لو تمره وحده مفصخه ماطالع فيها خويي وانا اعرفه ماعمره خربها حدها يقزقز بعيون محد يملا عينه شايف نفسه على وش مدري هههههههههههههه

ممدوح: تكفى ياماجد توسط لي عنده ابي اتزوج نوره اخته وهو رافض واخوانه وابوه وخالتي موافقين ياخي ناشب لي بالبلعوم

مسوي فيها محترم من زين خشته

ماجد: لالالا الا هذي مقدر اتوسط فيهاااااااااااا انت عارف بدر وعارف عناده مستحيل يوافق يارجال تبيه يوافق يرمي اخته على واحد سكير زيك

ممدوح: أي سكير كلنا نسكر ترى

ماجد: بس انت ماتجمع ابد ممدوح انتبه لنفسك ترى بتذبح عمرك بهاالبلا عمرك ماميزت ابد عمرك ماتفيق ياشيخ الناس عاشت وانت على وضعك

ممودح يعصب : اللي يشوفك يقول شيخ زمانك وانت ماعندك الا الدجّه مغير تشيل وتنزل من هالبنات بالشقق المفروشه هههههههههههههه

ماجد: بنات هاه بنات مو عيال

ممدوح يعصب: وش قصدك ترى مااسمح لك هاهـ

ماجد: تسمح والا ماتسمح يابابا تبي تخطب اخطب من ناس ماتعرف بلاويك من جد وقاحه ههههههههههههههه

ويرتفع شجارهم ويدخل بدر عليهم

بدر: هاهـ سلامات تماسكوا ريا وسكينه هههههههه

ماكان مروق ابداااااااا

نومته كانت ثقيله ولسانه ثقيل وطوالي قعد يشفشف الشيشه

وهم قاعدين يتناقرون عالفاضي والمليان

كان الجو امطار حلووووووووووووه وغزيره تكاد تغرق السيارات

ماجد: انا والله رايح المحل مخلي الهندي فيه لاياكلني مايؤتمن

ممدوح: وانا بروح المقهى مواعد شباب بنلعب بلياردو

ينظر لهم بدر باشمئزاز قائلا: اقول الشرهه مو عليكم على اللي يجيكم بها الليول روحوا روحوا مالت على هالوجيه

ويفتح الاب توب ويقول لهم اقفلوا الباب من وراكم لأني بنام فالاستراحه

يفتح ايميله ويقعد يدردش مع اصدقاءه وتجيه اضافه

يقبل الاضافه تطلع نجود ضايفته بالماسنجر يدردش معها شوي ويقول زين هالحين جا المسنجر وبكره يجي الجوال ههههههههههههههههه

نجود لالالا جوال مافيه وش يضمني انك صاحي

بدر: وانا وش يضمني انك صاحيه اخاف انك من ربع اشحن لي ههههههههههههههههههههههههههههه

نجود: يابابا انا اشحن لقبيله ماني محتاجه شحن منك

بدر: اوووووووووووف يعني تشحنين للشباب اللي تكلمينهم هههههههههههههه

يستفزها وتقول مالت عليك الحق مو عليك اجل يالله سقها

قال شباب قال

قامت نجود واحذفته من المسنجر

وست له بلوك

بدر: وجع وش فيها ذي زعلت من جد نفسيه هههههههههههه

ويروح يفتح الجوال ويقول ليش حذفتيني

نجود: يكفي جوال وش تبي بعد

تعال ابي قصيدة محمد ابن فطيس اللي يقول فيها خبرتو حدن يبكي

بدر: ليه مايطلبه المستمعون هههههههههههههههههههههه

نجود : مالت

بدر: ابشري ولو اني ماارسل قصايد غيري انا يابدر عبد المحسن

لكن هاك اسمعي :

خبرتوا حدٍ يبكي على واحدٍ يبكيه

وخبرتوا حدٍ مسجون ما يبغي إفراجه

***

أحبه ولا أبغضته على شيٍ يسويه

ولا زالت رقاب الرجا فيه معاجة

***

عسى منزلٍ ضمه حقوق الوسم تسقيه

وتضحك له الدنيا وهو يضحك حجاجه

***

فقد خاطري شي من الضيقة مسليه

وغدت روحي من الناس والليل هجاجة

***

أروح لمكانٍ خابره .. خابره تآتيه

أسوق القدم صوبه وهي مالها حاجة

***

مكانٍ نزيه وأول مواجهي له فيه

وأنا خابرٍ ما رجل مثله بدواجة

***

لعل وعسى ما حدني للمجي يدعيه

وأشوفه وأنا ما ودي أسبب إحراجه

***

يحب الجريح آخر دروب اللقى ويجيه

وتحب القدم جية مكانٍ أول مواجه

***

نجود: يعطيك العافيه

بدر زين رديتي علي بس اسولف على نفسي ونص كلامي ماتقريني قاعد الهيك تقول ((ملهّي الرعيان))

هههههههههههههههههه

اما ملهي الرعيان فهو لمن لايعرفه : طائر السّبد المصري(ملهي الرعيان) .

سمي ملهي الرعيان لأنه يقال أنه يحط بين الإبل أو الغنم

فيراه الراعي فيحاول صيده برمي الحجارة عليه

لكنه كلما اقترب منه الراعي طار وحط قريباً منه

فيتبعه حتى يلهيه عن رعيه.

وهذي صورة ملهي الرعيان الاصلي ههههههههه

http://www.mekshat.com/pix/upload/im...Nightjar_1.jpg



نجود : هههههههههههههههههههههههه

وتقول في نفسها من جد هالولد مجنون ودمه خفيف

وتكمل دردشتها معه لين قرب الصبح وخذاها الوقت

قام هو قال يالله انا اظن ونستك اليوم بما فيه الكفايه يالله الحين جا دور ملهي الرعيان ينام ههههههههههههههه

نجود: اوكي تصبح هلى خير بكره بكلمك

بدر : جوال ههههههههههه

نجود : ههههههههههههههههه لالالا بيجر هههههههههههههههه

بدر: مالت عليك الشرهه على ملهي الرعيان اللي مضيع وقته معك

ههههههههههههههههه

قام سكر الجوال وغير اسمه بالقائمه الى ملهي الرعيان

وناااااااااااااااااااااااااااااااااااااااااااااااا اام على طرف مخدة كانت مرميه بالاستراحه

ياشين العزوبيه بس هههههههههههههه

ونجود مانامت ليلها كله تتخيل طوله وعرضه وشكله وصوره اللي ارسلها لها بجميع الاشكال مره يشيش ومره يشرب كابتشينو ومره يكتب بالمكتب

فتقول نجود في نفسها : نوم العوافي يااحلى ملهّي رعيان فالعالم

ههههههههههههههههههههههه







نهاااااااااااااية البارت



اتمنى يعجبكم هالجزء المختصر اللي كتبته على عجاله والسبب اني مشغوله وعندي ضيوف ولاحبيت اتاخر عليكم بالجزء الثاني وانتظر ردودكم الجميله التي تحفزني على العطاء والإبداع اكثر واكثر كما انتظر منكم توقعاتكم لأحداث الجزء الثالث

دمتم بود وتحياتي لكم

(( شقـــاي الصمت ))






















  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-11-2010, 12:29 AM
دعــاني الشــوق دعــاني الشــوق غير متصل
©؛°¨غرامي مشارك¨°؛©
 
الافتراضي رد: رواية أنا و خلي كل دار وطنّا قلبي و روحي كلها له هديّة / بقلمي


الجزء الثالث


(( بيت العز يابيتنا ))


نجود في زياره لأهلها في ايام العطل الاسبوعيه

تروح لاهلها لأن شقق المعلمات تفضى من جميع المعلمات لأن كل معلمه تروح لاهلها ماعدا نجود فقررت انها تروح لاهلها بدال ماتجلس لحالها حاطه يد على خد تروح تدور الاستقرار وتلقى قدامها الهموم والتشكي من جميع افراد اسرتها بيت اهلها كله مشاكل اب متسلط وام ضعيفه مسكينه

واخوه مشردون

فهد اخو نجود عمره 25 سنه تارك البيت له سنتين ولايدرون وين ارضه

المباحث كم مره تجيهم تسأل عنه وبيتهم مراقب لأنه مطلوب امنيا في قضايا منها حيازة الاسلحه والمتاجره فيها والاعتداء على رجال الامن في احد المجمعات التجاريه

واخوها عبد العزيز اكبر محشش بالمملكه كلها كان موظف وانفصل من وظيفته بسبب الغياب

وعايش حياته سرق من الام ومن الاخت ومن اثاث البيت ومن الشوارع

احلى شيء في حياة نجود هو اختها الكبرى المتزوجه وهي منيره وعيالها عايشين برا في امريكا

وتموت بعيال اختها وتحسهم احلى شيء في حياتها وتجلس معهم بالساعات تدردش معهم على المسنجر

تستلقي نجود في لحظة صمت تسترجع فيها ذكريات حياتها الأليمه

من كانت طفله كانت شقيه مرحه ذكيه كبرت وكبر معها الهم والشقا

والحظ الردي زي مايقولون

فتحت جوالها تقلب في صور بدر اللي ارسلها لها وتقول في نفسها

: يعني حرام اتزوج واحد بها المواصفات الشفايف والعيون ولو ان النظاره داخله عرض هههههههههه

آه يابدر مدري كيف اقتحمت حياتي بقوه كذا وبدون استئذان

ياترى انا اشغلك زي منت مشغلني كذا ياترى اللي انا احسه حب والا بس تضييع وقت انا اخاف انه مراهقه متأخره

تدخل عليها اختها منال وتنادي

يانجود يانجود انزلي جارتنا ام عادل جت وتبي تسلم عليك وتعالي سوي قهوه للرياجيل وانا بسوي قهوة الحريم ابوي جايه ضيوف

نجود: لاحول الواحد يدور الراحه بها البيت وانتم تبون تكرفوني طيب طيب انا جايه ياربيه بس حتى شغاله رافض اننا نجيب شغاله كلها عشان مانعطيها راتب وهو لا وش هالعيشه يارب

=

بدر معزوم على عشا عند ناس قرايبه وجالس يفكر

ويقول :

ياترى نجود وينها مو مبينه اليوم ماكلمتني عالببي ابدااااااااااااا

وش فيها الله يستر لايكون صاير لها شيء

ياترى هل بتكلمني جوال والا لا انا مشتاق لها مرررررررررهـ

انا ابيها مشتهي اسمع صوتها وصراخها مشتهي تهزئني زي ذاك اليوم والله ما ارد بس هي تكلمني فديت عيونها انا

ثم يرجع يرد على نفسه : لالالالالا لاتحلم كثير يابدر ماظنيت نجود بتسويها ابد

سلطان اخوه يقاطع افكاره ويقول : ورى ماتترك عنك هالجوال فضحتنا عند الرياجيل يسولفون وانت منت يمهم بالمره وين اللي ماخذ عقلك ركز شوي ياخوك والجوال لاحق عليه

بدر: طيب طيب لاتزيد فهمنا ويدخل جواله بجيبه

=

في بيت نجود المتواضع ام عادل تسأل نجود

نجود ماقلتي لي ماجاك احد يخطبك كم لك متطلقه

نجود: والله الحين ماافكر بالعرس ابدا لين الله يرزقني بواحد يستاهلني

ام عادل: والله وانا امك لاتضيعين الفرصه انتي منتي صغيره أي احد يجيك اقبلي فيه لو تجيبين منه ولد ترى العمر يمشي زي البرق

نجود: الله يعين

ام عادل: الله يعين الجميع بس ترى ام سعيد تدور لولدها حسن بنت حلال انتي خابره له عشر سنين متزوج ومارزقه الله بعيال وانا اشوف انه مناسب لك مره كانك موافقه عليه تبين اكلمها عنك

نجود: لالالالالا ياخاله لاتكلمينها ولاشيءءءء

ام نجود: لالالا نجود خلاص ماعاد تبي تتزوج اضربت عن الزواج

تقول نجود في نفسها الا والله ودي بالزواج بس وين اللي يملاعيني وقلبي وين آه منك ياحظ



نجود تكلم صديقتها البندري أم رهف

نجود: الو

يرد زوجها : الو

نجود : لو سمحت ممكن ام رهف

ابو رهف: وعليكم السلام اخت نجود كيفك

نجود: اللهم طولك ياروح

ابو رهف: السلام سنه سلمي

نجود: طوووووووووووووووووط قفلت بوجهه الخط وهي معصبه يعني

كيف يرد على جوال زوجته صدق مايستحي

تجيها رساله على طول من رقم صديقتها

يقول فيها(( نجود انا والله قاصد خير وانتي عاجبتني وانا احبك وان بغيتين طلقتها انا ابيك بالحلال))

نجود في نفسها : ياربيه وش اسوي به اعلم البندري عليه واخليها تتصرف معه بس اخاف اخرب بينهم او يمكن من حبها له ماتصدقني

بس انا بخلي الرساله ماراح امسحها احتياط لين اشوف وش بيصير

ياربي وش اسوي وكيف اتصرف معاه الله يعيني بس هذا ابو رهف

وهذا صاحب الشقق ياربي ليه كل الناس صارت وصخه وتفكيره وصخ منحط واذا شافوا المره مامعها رجال طمعوا فيها من جد وحوش ذولا مو بشر الله يحميني منهم بس

==

بدر نايم بسريره ونجود جالسه على طرف السرير تصحيه

بدر بدر قوم حبيبي قوم جهزت لك الفطور يالله قوم شوف وش انا لابسه عشانك بنطلون جنز اللي تحبه شوف شكله عليّ كيف يالله قوم

يتحرك بدر وبعد ماكان نايم على بطنه ينام على ظهره ويطلع لها يده من تحت البطانيه ويمسك يدها ويسحبها له ويحط وجهه مقابل لوجهها انفاسه تعانق انفاسها شفايفه تلامس شفايفها يهمس لها

ويقول : نجود انا احب .................................................. .

طااااااااااااااااااااااااااااااااااااااااااااااااا ااااااااااااااااااااااااااااااااااااخ

وطاح بدر من فوق السرير

بدر: يلعن ام الحاله يوم جيت ببوسها يوم جيت ببوسها

المسكين ياهو متعلق فيها وبقووووووووهــ

كانت الساعه سبعه الصباح قام اخذ شاور ولبس ملابسه وراح دوامه كالعاده

==

يوم السبت نجود حست بتعب ولا داومت ضلت عند اهلها ومتمدده على سريرها صحت الساعه 11 الضحى فتحت جوالها لقت مليون مسج من بدر يسأل عنها

نجود: انا تعبانه وغايبه عند اهلي

بدر: سلامتك حبيبي اشتقت لك وينك ثلاث ايام ماشفت منك شيء

نجود: والله انشغلت

بدر: بس كنتي تقرين مسجاتي ولاتردين علي ليه ياشيخه بغيت احذفك

نجود: ههههههههههههههههههه

بدر: تعالي عندي لك قصيده تعجبك

نجود : قول هات ماعندك

بدر: اللي عندي شيء كبير ماله أي تفسير يانجود اللي عندي اني من شفتك ماقدرت انام الليل لي كم اسبوع عجزت انساك صوتك للحين بأذني تذكرين يوم جيبتي المحل اه لو بيدي كان صكيت عليك الباب ولاخليتك تطلعين يانجود

نجود: القصيده وين

بدر: !!!!!!!!!!!!!!! طيب طيب خربتي جوي ياشيخه ولاكني اكلم قلب يحس حشا اكلم جدار انا مااكلم انثى

نجود: اقول لايكثر وهات القصيده ههههههههههههههه

بدر: مــــــــــالت هاك اسمعي

وديأضمك لين توسم بصدري علامه

اذا قالو اهلي عسى ماشر من صابكبسهامه

أقول حيل ضميته وكواني بحنانه

إتركوني ياهلي ذبحنيهيامه

رميت سهمي وصابتني سهامه

أموت ياهليوناسي....

بس ولا يوم أفقد احضانه

نجود: حلوووووووووووووووووووووووووووووهـ

وتقول في نفسها أي والله حتى انا ودي اضمك

بدر: هاه وش رايكـ؟؟

نجود : حلووووووووووووووووووووووهـ شكرا

بدر: اصلا انا حلو وكل شيء يجي مني حلووووووووو فديتني بس وفديت البطن اللي جابتني

نجود: انا اول مره اشوف واحد واثق لها الدرجه

بدر: ههههه ياماما انا بدر بدر بن عبد المحسن مو أي كلام انا بدر عبد المحسن الحقيقي ذاك اللي بالمجلات والتلفزيون هو المزيف

نجود: ههههههههههههههههههههههههه

بدر: حتى يسرق كل قصايدي ههههههههههه

نجود: بس بس عاد تراك سكرت وقمت تحوس بالكلام اسكت

بدر: هههههه يعني انكشفت

نجود: انكشفت ياملهي الرعيان هههههههههههههه

بدر: يعني مافيه امل امشيها

نجود : مافيه بتاتا ههههههههههههههههه

بدر: يالله قدري كذا هههههههههههههههه

نجود : ههههههههههههههههههههههه

بدر: لبا قلبك تعالي مافيه الو جوال مافيه ترانا على احر من الجمر

نجود: لامنك استويت قل لي يمكن افكر

بدر:انا قايل يحس الجدار وانتي ماحسيتي مالت عليتس بس

نجود: وبعدين معك انت ضايفني تهزئني والا وش سالفتك

بدر: ماتبيني احذفيني ههههههههههههههههههههههههه

نجود : طيب طيب واحذفته

تم الحذف هههههههههههههههههههههههههههه

بدر من جدها ذي حذفتني والله خبله لا وانا مسليها ومونسها وتارك شغلي عشان ارسل لها ومطنش خوياي بالاستراحه مااسولف معهم عشان ارسل لها واخرتها تمسحني طيب يانجود طيب ان ماوريتك مااكون انا بدير >>>> بدير تصغير بدر ههههههههه

نجود طبعا حذفت بدر وريحت راسها بس كلها يوم بالكثير وترجع تحن له وترجع تضيفه من جديد

==

في المساء بدر لابس تي شيرت بنتي وبنطلون بيج مع جزمه بني ورايح يتسوق بالمول عشان ناوي يسافر برى اول الاجازه

وماجد صديقه معه لابس بنطلون جنز مع تي شيرت ابيض فيه رسمات باللون الازرق يمر من جنبه بنتين حلوااااااااات مره

كل وحده تأشر عليه كان معه خويه ماجد وكله ودهم يشبكون مع بدر وخويه

البنات قربوا لبدر سلموا عليه مارد عليهم لف ظهره وقام يطالع ببعض الملابس المعروضه ماجد رد قالت له وحده اذا معك بلاك ممكن تضيفني قام ماجد ضافها

قام بدر طلع برى المحل ماعجبه الوضع

وجلس يستنى ماجد يطلع له وهو يقول لنفسه اما انك غريب يابدر هالحين هالبنتين يقربون لك وتطنشهم ووحده مسفله فيك مره تضيفك ومره تحذفك حتى صوتها ماسمعته الا مره وزولها ماشفته الا مره ومتعلق فيها وتتحلم فيها كل ليل من جد امري غريب والله اني مجنون

يداهمه ماجد ياهووووووووه مشينا مشينا شكل الصيد ثمين

في الطريق ماجد جالس يكلم البنت اللي من شوي ضافها بالبلاك بيري

قالت له البنت : انت أي واحد ابو بيج والا ابو جنز

قال ماجد: حلوه ابو بيج لا انا ابو ازرق ههههههههههههه هلالي

البنت : انا عاجبني خويك ابو بيج اللي لابس نظاره ودي اكلمه

يمد ماجد الجوال لبدر خذ كلمها

بدر: من اكلم ؟؟؟؟؟؟

ماجد : البنت اللي قبل شوي بالمول

بدر: وش ابي فيها مابيها ماابي اكلمهااااااااااا

ماجد: مايبي يكلمك وش اسوي له طيب انتي ماتبيني عطيني خويتك اللي معك هههههههههههههه

بدر: انت مجنون انت ماتشبع ياخي وحده ماتكفيك الا لازم تكثر بنات

ماجد: ياخي هم يتحرشون فيني وش اسوي مزيون وهذي ضريبة الزين

بدر: اقول لايكثر بس والله من الدجه عندك انت وياهن ثم اشكالهن ماعجبتني

ماجد : تلقى الوحده منهن عليها كيلو مكياج عادي ماهموني اهم شيء اتونس معهن يومين ونسحب عليهن السيفون

بدر: لاحول ولاقوة الا بالله انت ماتفهم

ماجد: ورى الاخلاق قافله اكيد مجنونتك حذفتك كالعاده

بدر: نجود مو مجنونه نجود بنت ناس وظروفها صعبه

طبعا بدر كلم ماجد عن نجود لكن ماحكاله التفاصيل

بعدين وصلوا للإستراحه ونزلوا من السياره ونزلوا الاغراض ولقوا قدامهم ممدوح معه شلة شباب مايندرى من وين جايين يعصب بدر ويقتحم عليهم الجو وطردهم كلهم

قام ممدوح زعل وطلع وترك الاستراحه وهو يهدد ويتوعد بدر

ماجد: وراك تطرده مسكين يتيم

بدر: يارجال خل ينقلع يوم وبيرجع ماكن فيه شيء والله مابقى الا يخلي الاستراحه مشبوهه بحركاته اللي تشيب الراس ترى انا وظيفتي حساسه وانا خايف على رزقي فهمت انت وياه والا لا

ماجد: طيب اهدا اهدا وتعال اجلس وخذ لك نفس وانا طالع وبرجع شوي

يهدأ بدر ويبدأ يشيش وياخذ نفس وماجد يروح يجيب عشا

=

نجود تصارخ يممممممممممممممممممممممممممممه

يممممممممممممممممممممممممممممممه

مناااااااااااااااااااااااااااااااااااااااااااااااا ااااااااااااااااال

مناااااااااااااااااااااااااااااااااااال

يتجمعون عليها اهلها وش فيه

نجود: يمه وين جوالي من شاف جوالي احد يجيب لي جوال من اخذه

ام نجود: اجل مالقيتي جوالك اجل اطلبي العوض من ربي اكيد اخوك اخذه وباعه اكيد مافيه غيره

نجود: يمه كيف يبيعه وصوري فيه يمه صوري بالجوال وارقامي وكل شيء فيه يمه تكفين والله مااخليه ولدك هذا جوالي بالفين ريال شاريته يروح يبيعه عشان بلاويه وخرابه والله مااخليه

تتضايق نجود جوالها انسرق وهو رقمها العام اللي فيه كل ارقامها المهمه صحيح هي عندها رقم شحن لكن ماتستخدمها الا قليل عشان الدوام والمعلمات والنقل بس زين بعض الارقام محفوظه فيه من بينها رقم بدر

هدت نجود شوي وتضرب راسها بالجدار من القهر على فلوس الجوال طبعا هي ماصورت فيه بس تبي تخوف اهلها عشان يتحمسون ويدورونه

ومن ذاك اليوم اختفى اخوها عبد العزيز زي عوايده يدور بلاوي ومخدرات لين تخلص فلوسه ولامن خلصت فلوسه يرجع البيت ويد من ورى ويد من قدام والله يعينك يانجوووووووووووووووووووود على هاتي وعطيني

=

مرت ايام وايام ونجود وكأن شيء كبير ناقصها كان البلاك بيري مونسها ضلت تدعي على اخوها الحرامي ضلت تشتاق لبدر وسوالفه افتقدت كثير ملهي الرعيان وراح ملهي الرعيان الحين من يلهيني يادنيا جاوبيني ومن يقرب مابين حبيبي وبيني ومن يجيب لي نور عيني



==================

ابو حمد يكلم رجال مجهول:

ابو حمد : انا اوصلها من الشقق حقتها لين مدرستها وبين مدرستها وبين الشقه ساعه الطريق وعر وبعيد والله يشهد ان ابلا نجود ماعمري شفت منها الا كل خير حتى المعلمات كلهم يخصمون علي الا هي ماتخصم علي

الرجل: كم تعطيك نجود

ابو حمد : الف ريال

الرجل: اعطيك الفين بس لاتاخذها

ابو حمد: سم

الرجل: مثل ماسمعت اعطيك الفين ولاتاخذها معك

ابو حمد: وليه ماتبيني اخذها تبي تقطع رزقي والا مطلع لك نقل معلمات وتبي تسحب البساط من تحت رجلي

الرجل: الفين وخمس وهذي اخر كلام وش قلت

ابوحمد: قلت تم تم

الرجل : تم من بكره لاكلمتك قل لها دبري نفسك ودوري نقل ثاني

ابوحمد: ابشر مالك هم

==

بدر في مكتبه اوووووووووووف ملل ملل

يقلب جواله ويقول يعني هي بالعاده لاحذفتني ماتبطي ترجع تضيفني

بس هالايام مابينت لايكون صاير لها شيء والا ابوها قايل لها شيء

==

نجود من تركها صاحب النقل ماداومت لانها مالقت نقل يوديها لمدرستها غابت اسبوع وضلت تجيب مرضي لين الله يفرجها وهي بس تتحسب على ابو حمد اللي تركها وماعاد يوديها لمدرستها خبرت اهلها دورت نقل مالقت مالها حل الا انها تداوم من الرياض مع معلمات الرياض اللي بمدرستها لأن هذا هو الحل الوحيد ضغطوا عليها اهلها عشان تسكن مع خالها لكن رفضت بحجة ان بيت خالها بعيد من المخرج اللي يودي لطريق مدرستها طبعا مشوارها ست ساعات ثلاثه رايح ثلاثه جاي وقيمة النقل الشهري الفين ريال على الاقصاد البنكيه ماراح يبقى لها الا القليل من الراتب فوق تعبها كله لكن لجل الرياض كل شيء يهوووووووووون

لكن من يجي الرياض ويشم هواها ينسى كل هموم الدنيا

سكنت بسكن معلمات جنب المخرج

وبدت حياة جديده ورب ضارة نافعه

ويازينك يانجد ويازين قربك يابدر

ويازين نجد وليالي نجد



وعلى قولة ابو نورهـ:



ليالى نجد مامثلك ليالي

غلاك اول وزاد الحب غالي

ليالي نجد للمحبوب طيبي

امانه نور عينى ياليالي

حبيبي لى ذكرت انه حبيبي

دريت انى حظيظ وزان بالي

على شانه تهاونت المصايب

اذوق المر لاجل رضاه حالي

والى من الزمان اشتد حره

لقيت بقرب مظنوني ظلالي

عفا الله عنه مما جاني اول

غسل حبه جميع الهم تالي

==

تعبت نجود من المشوار الطويل وضلت تنام طول الطريق

وفي يوم من الأيام وهي راجعهوفي طريقها للشقه جاها اتصال من مجهول ماردت لأنها اخذت درس انها ماترد عالارقام الغريبه دق الرقم كم مره لكن ماردت فالاخر جتها رساله :

(( نورت الرياض بوجودك يا احلى نجود بالدنيا))

نجوووووووود بسم الله الرحمن الرحيم من ذا ووشلون عرف اسمي ووش دراه اني جيت الرياض ياربي سترك يااااارب



في الليل نجود تتقلب بفراشها ماجاها نوم حست ناقصها شيء ماتقدر تتحمل

وبدر في الاستراحه يشرب شيشه كالعاده مسلطن على اغنية محمد عبده

هذا المسا للحب للشوق للمواعيد

فجأه يدق جواله

يوطي صوت الاب توب

ويرد

بدر: الو

نجود: ألو

بدر: هلا مين

نجود: أنا

بدر: انتي مين

نجود وبكل خجل : أنا ................................

ويفضي شحن الجوال طوط طوط طوط طوط طوط طوط طوط طوط طوط

وينقطع الخط بينهم



(( نهـــــــــــاية البـــارت))





===============

اتمنى منكم التفاعل وابي اشووووووووووووووف ردووووووووووود كثيره

ياترى من هو الرجل المجهول

ووش موقف بدر لما يدري ان اللي اتصلت نجووووووووووووووووووووود

ووش بيصير في الجزء الجاااااااااااي

في انتظار توقعاتكم

وكونوا دائما بالقرب





مع تحيات :

(( شقــــــــــــــــاي الصـــــــــــــــــــمت))












  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-11-2010, 12:31 AM
دعــاني الشــوق دعــاني الشــوق غير متصل
©؛°¨غرامي مشارك¨°؛©
 
الافتراضي رد: رواية أنا و خلي كل دار وطنّا قلبي و روحي كلها له هديّة / بقلمي




الجزء الرابع




(( ملاك الكون ))


قفز بدر من جلسته بقوه وكأن عقرب اقرصته مين مين الو الو

يلعن ام الفقر مالقت تكلم الا بنص الشهر والواحد مفلس نجود انا متأكد انها نجود

والله انها نجود

ويصرخ بصوت عالي يانجوووووووووووود تكفين لاتروحين تكفين لاترووووحين وين رحتي تعالي تعالي

ويركض لسيارته بيحاول يفتحها عشان يروح يشتري شحن لجواله

وينسى المفتاح جوا

لالالالا ياربي مومعقوله المفاتيح وين راحت وين

ويبحث بجيوبه مالقى شي يرد يرجع لمكانه يرفع اللاب توب ويرميه يرفع الشيشه ويرميها يدور المفتاح يووووووووووه الشيشه احرقت الفرشه يقوم يدور مويه مالقى قام صب عليها ترمس الشاهي يلعن ام اللخبطه اللي هو عايشها كله عشان يلقى المفتاح وين اختفى المفتاح يلعن ام الحاله يلعن ام الحاله انا ليه حظي كذا

معقوله تروح نجود معقوله مااسمع صوتها تكفين يانجود تكفين لاتنامين قبل اسمع صوتك والله لشحن بألف واكلمك والله

ياويلك ان نمتي يانجود ياويلك

ويجلس يردد

وشلون نمت وعاشقك مابعدنام

ماتدري اني منتظر اتصالك

الحال هذا صعب جداَ اذا دام

تعبت ادور في غيابك وصالك

انا تعبان يانجود تعبااااااااااان ماعاد اقدر اتحمل

==



تنظر نجود لجوالها يوه فضى الشحن احسن احسن انا ماأتجرأ اكلمه وتقفل جوالها وتنام وهي مرتبكه ومازال صدى صوت بدر يطرب مسامعها

وتقول في نفسها: فديتك يابدر بس جت من ربي هذي اول مره يفضي رصيد جوالي يمكن ينكتب لنا فرصه ثانيه ويمكن لا يالله مااحلى صوته فديته وشكله واحد جدي مو لعّـاب ولا راعي حركات

==

في اليوم التالي

تفتح نجود جوالها وتلقى مليون مكالمه من بدر ومن ملاك

وتقول في نفسها : يوووووووووه ياويلي من ملاك اكيد بتاكلني بلسانها الطويل لادرت اني بالرياض ولا عطيتها خبر

فديت انا الرياض واهل الرياض ومن سكن فيها تقصد بدر ههههههههه

وتجلس تردد هالاغنيه اللي حافظتها من الطفوله :

قلبي تولّع بالرياض..

عشقٍ ورثته من الجدود

يا صفحه ناصعة البياض

..زرعتي الصحراء ورود

يانجدي يا ارضي وسماي..

يعجز عن الوصف اللسان

الحب.. مالي فيه راي!..

و ما اظن لي غيرك مكان!

اما من هي ملاك فمن ذا الذي لايعرف ملا

تلك الانثى التي تميزت بالانوثه والجمال والدلال والتي انحلها الهوى حتى اصبحت كغضن البان

ملاك

ملاك

ومن في الدنيا

كما ملاك

من في الدنيا

تحمل ملكة حنان

الوطن العربي

سوى ملاك

من في الدنيا تحمل

قلبا من ورد

سوى بنت بلادي

من سواك

انت كل الأمان أجتمع في أنثى واحدة

سبحان اللذي سوّاك

دعيني أنسج لك شعرا

وأكتبه لك معطفا

قد تحتاجينه

في الشتاء

دعيني أسقي حروفي العطشى

من عبيرك

من جمالك

من حنانك

من شذاك

دعيني أنزف لك شعرا

لم يكتبه شاعرا

من قبلي

يا من كنت لشعري

مظلّة شرفة وشباك

دعيني أكون مشطا عاجيا

في جدائل شعرك

نسمة

بسمة

خيمة

غيمة

تعبر فضائك في الصيف

فكيف يكون شعري شعرا

لولاك

دعيني آخذ قيلولة

في ظلال جفنيك

فقد أظناني السفر

وقتلتني المحطات

كل على طريقتها

هنا وهناك

أريدك أن تكوني آخر من

تقتلني بعينيها

وآخر من تكفـّنني بجفنيها

وآخر من تذبحني بحاجبيها

وآخر من تراني وأراها

وفي عينيك أتمنى

الهلاك

==

ملاك بنت خالة نجود عمرها 26 بنت رقيقه نعومه وليه ماتكون كذا وهي من بنات الرياض بنت طويله رشيقه لما تمشي بجنب نجود الكل يضحك ويوصفهم بالرقم ( 15 ) ههههههههههههه

نجود : يوووووووووووووه ملاك الحين بتزعل علي اني ماعلمتها اني جيت الرياض اكيد امي قالت لها اني بالرياض

وتتصل نجود على ملاك الكون كما تسميها في جهازها الجوال

نجود: الو

ملاك : هلا وغلا هلا يالقاطعه ياللي متخبيه بنص الرياض ولاقلتي لي

وتصرخ ملاك ياحمووودي اجلس وين رايح تعال لاتطيح تعال عشان الاعبك باللعبه الثانيه والا والله نرجع البيت

نجود: سلامات وينك فيه يا ام الاسواق

ملاك: بالمول جالسه اتسوق وحمودي معي جالسه الاعبه بالالعاب ويرتفع صوت الالعاب

نجود : الو الو مااسمعك ياملاك

ملاك: تصرخ وتقول نجوووووووود انا مااسمعك زين بعد بس شوفي انا بكره بمرك بعد المغرب عشان تجين عندنا ونتعشى مع بعض وتحكين لي كل سوالفك

نجود: أي والله زمان عنك ياملاكي

ملاك: طيب طيب بمرك جهزي نفسك لاتنسين مو تطقينها نومه وتنسين ترا ماني طاقه مشوار مع السواق عالفاضي وتسحبين علي

نجود: ههههههه لالالاتخافين محد يفوت مشاوير الرياض لاتخافين انا ودي بالطلعه من هالشقه الكتمه

ملاك: طيب يالله بااااااااااااي

نجود: بااااااااااااااي

في أحد المجالس الرجاليه رجلان يتحادثان

الأول: يقولون نجود سكنت الرياض عشان دوامها

الثاني: وانت للحين تتابع اخبارها

الأول : اكيد بتابع اخبارهاا وماراح اخليها سويت لك فيها موقف ماراح تنساه في حياتهاااااااااا

الثاني: ليه وش تبي فيها مو طلقتها خلاص

الأول: أي طلقتها الا قل هي اللي طلقتني وخلعتني خلع وخلتني على كل لسان

الثاني: انت الغلطان دامها ماتبيك كان طلقتها من غير ماتطلب فلوسك

الأول: انا طلبت فلوسي عشان اصعب عليها الطلاق عشان تنساه مادريت انها بتطق الدين وتتحمل القرض عشان تفارقني

انا تذلني مره انا لكن انا اوريهاااا ماكون نايف ان ماوريتها قيمتها زين

الثاني: اقول خل عنك نجود وقل لي الشباب اللي مسكوهم المكافحه لايكون صار عليهم شيء انا مره قلقان عليهم

الاول : هههههههههههههههه لاتخاف وش بيصير عليهم يعني انت خابر كل الشرطه والمكافحه حاطينهم بالجيب هههههههههههههههههههه كالعاده يومين بالتوقيف والثالث عندنا

بس انت ارقد وامن

الثاني: على قولتكـ

==

بعد المغرب بدر جالس بالاستراحه وطفشان حدهـ وكل خوياه عنده فلّه ووناسه وهو لااااااااااا طفشان وماهو مع الناس

جالس يفكر ويقول هالحين هانت ان كلمتني بطلب يدها واتزوجها مستحيل اخليها تروح من يدي يعني

بس بس ويفكر ببنت عمه ويقول والله النشبه هالحين وش يفكني من ابوووي وبنت اخوه يعني هنا ولد اخت امي ومبلشيني فيه يقصد ممدوح وهناك بنت اخو ابوي وبيبلشوني فيها يبوني اتزوجها اجلس بها يابدر انا هالحين وش حادني على الشيء اللي ماابيه ابوي يشور علي من هنا وامي تشور علي من هنا وكلهم يمشوني بكيفهم عشاني طيب وحبوب

لالالا انا برفض زواجي من نوره وبقول اني ماني معجب فيها ولا ابيها وخلوها تشوف نصيبها ويضل يفكر يفكر يقاطع افكاره احد اصدقاءه قائلا : اقول يابو الشباب خل عنك الهواجيس وترانا معزومين اليوم على عرس واحد من الربع

بدر: لالا انا مالي خلق اصلا تعبان وبروح البيت

محمد: افا الاخلاق اليوم تجاريه

بدر: لاتجاريه ولاشيء بس مصدع وماشي تبي شيء

محمد: لالالا سلامتك بس ارتح ارتح

ويطلع بدر برا الاستراحه وهو قاعد يلفلف بسيارته بدا

يتصل ويتصل في نجود وهو يقول وراك وراك والله ماخليك ومره يلقى الخط مغلق ومره مايرد

بدر: يووووووووووه ياربي من هالبنت بتجنني

ونجود حاطته على الصامت لما مرتها ملاك عالمغربيات وراحوا للمول ومن بعده بتروح لبيت خالتها تتعشا عندهم

وفجأه لما كانت نجود بطريقها للمول دق عليها بدر من غير ماتدري الجوال بالشنطه انضغط الجوال وطلع رد لبدر

بدر: الو الو نجود حبيبي ردي علي

نجود: وشوشه وشوشره لأنها بالطريق والجوال رد وهي ماتدري

بدر: نجود لاتستحين انا بدر تكفين ردي تكفين ماتدرين وش صار فيني امس بغيت احترق وانا ماادري كله ادور مفتاح السياره واخر شيء طلع المفتاح تحت المخده اللي نمت عليها هههههههههههههه

نجود: نفس الشيء ماترد

بدر: نجود ليه مستحيه ياربي من هالبنت بتجنني

كان بدر يسوق سيارته ويكلم نجود ماترد عليه استمر يتكلم

لما سمع كلام نجود مع ملاك سكت

كانوا يدردشون مع بعض فالاخر عرف ان الرد جا بالغلط لكن فضوله خلاه يستمر بالمكالمه ويتسمع وش يقولون

نجود: لالالالا ياملاك انتي تعرفيني احب هالسوق ولا ابي غيره وحياة مول بعيد وانا ماابيه خلينا بالعثيم قريب وحلو وفوق مطاعم والعاب لحمودي وفلّه

ملاك : خلاص خلاص لاتنقين هالمره بسمع كلامك لأنك توك جايه الرياض وبنروح للعثيم بس المره الجايه لا بتمشين على كيفي

نجود: اقول اخلصي بس لايكثر ههههههههههههه

وتستمر المكالمه

ملاك: مع أي بوابه ننزل البوابه رقم واحد زحمه مره خلينا ننزل في البوابه رقم ثلاثه

نجود: طيب يالله وقف وقف عند بوابه ثلاثه

وفجأهـ !!!!!!!!!!!!!!!!!!!!!!!!!!

ملاك: يمه يمه حاسب حاسب الله يلعنك

طااااااااااااااااااااااااااخ

الا بسياره من وراهم صدمتهم

بس جت خفيفه

بدر طوالي قفل الخط وراح مسرع للمول نفسه ووقف عند البوابه نفسها لأن طريقه نفس طريقهم تقريبا وكان قريب منهم مره وهو يقول طلعتي من اهل الرياض يانجود وانا ماادري طيب يانجود طيب ولقى حادثهم

نجود وملاك وحمودي والسواق نازلين من السياره والناس متجمعه عليهم والحمد لله مافيه أي اصابات الصدمه كانت خفيفه

نجود: ياربي وهذا توني جايه للرياض وصار فيني كذا ليه بس ليه يالرياض

ملاك اللي ماسكه حمودي : الحمد لله ان الخطا عليهم مو علينا عشان مايلجوني اهلي ويقولون رحتي بالزحمه وسويتي لنا حادث

وتجلس توصي حمودي : شف ياحمودي لو رجعنا لاتقول ان صار شيء والا ترى ماتلعب بالالعاب

طبعا الحادثه مره خفيفه بس ضربه بالسياره من ورى وكان المخطيء الشاب اللي وراهم اللي نزل معصب ويلعن شافهم بنات وسواق قال افرد عضلاتي

ينزل بدر من سيارته ويقرب لهم ويطالع نجود وملاك

ويقول هي وين الطويله والا القصيره

والله اني غبي نجود ماكانت طويله ولانحيفه

وييقول لنجود: سلامات سلامات يانجود وش صاير

وسط ذهول وعلامات تعجب من نجود وملااااااااااااااااااااك

ويكلم السواق ويقول له يالله روح بيت بسرعه يقوم السواق ويحرك سيارته ويطلعها من الزحمه ويبعدها عن طريق السيارات ولحقه الشاب اللي ضربهم وكلهم في انتظار المرور

يقوم بدر يقدم سيارته ويلحق السواق والشاب ويبدأ يتفاهم معهم

تمشي نجود وملاك تجاه البوابه لازم يدخلون للتسوق بنت تقرب لسوق ولاتدخله مستحيل ههههههههههه وخصوصا انهم مافيهم الا العافيه والحمد لله وملاك جالسه تسحب في حمودي الدلوووووووووع

اللي دلعه رافع ضغط نجود

ملاك تكلم نجود بعصبيه وهم داخلين: نجود من هالرجال اللي طب علينا لا ويعرفك انتي مواعده احد هنا اعترفي

نجود: ملاكوه وش قاعده تقولين والله لااعرف احد ولايحزنون والله مااعرفه

ملاك: بلاش حركات براءه تراني فاهمه حركاتك تقولين مااعرفه اجل وش عرفه فينااااااااااا

نجود: ترتبك ماادري ماادري

وتقول في نفسها حسبي الله عليك يابدير وين جيتني ذا بيفضحني ثم وش دراه اني هنا فالمول يمه مب ادمي ذا جني بسم الله الرحمن الرحيم

تقاطعها ملاك: نجودوه عندك رصيد عطيني بكلم امي واقول لها يمكن نتأخر عشان نلاعب حمودي فالالعاب

نجود: طيب طيب خذي الله ياخذك وتاخذ ملاك الجوال من نجود وهي تنظر لها نظرة غضب واستحقار

وتكلم امها وتقفل الخط وترمي الجوال على نجود وتمشي قدامها وهي زعلانه ولاعطت نجود فرصه انها تتكلم وتحكي ويستمرون بالمشي تطلع نجود جوالها وتبدأ تقلب فيه فتحت المكالمات الصادره

يممممممممممه وش ذا متى دق علي بدر مكالمه مدتها خمس دقايق

يممممممممممممه

بس بس عرفت الحين الحين عرفت

الله ياخذ الجوال فضحني رديت بدون مااحس وهو بالشنطه عشان كذا سمع كل شيء وعرف اننا هنا بس كيف جا بها السرعه من جد مجنون جني مب صاحي والله ماادري ملهي رعيان والا جني بهيئة انسان

وتقعد تضحك

وتنظر لها ملاك معصبه مبسوطه حضرتك

نجود: انتي موفاهمه شي ياملوكتي ههههههههههههه

ملاك: لا وتضحك تبي تغيظني يصير خير نتفاهم فالبيت يالمجنونه يالدبه

نجود: روحي يالمسواك يالعود يالمصاصه وتبدأ كل وحده تقول للثانيه عياره شكل ههههههههههههه

ولاكأنهم لهم شهور ماشافوا بعض ههههههههههه

طلعواااااا الدور الثالث عند الألعاب والمطاعم وبدوا يلاعبون حمودي

الا فجاه يطلع بدر فوق للدور الثالث وينهم وينهم الحين اكيد يلاعبون حمودي بالألعاب وين بيروحون مني صايدهم صايدهم ويبدأ يتمشى في الألعاااااااااااب وهو يدور حمودي

والله من جد جن الولد

ملاك راحت تشتري وجبه لحمودي وابعدت شوي عن نجود

ونجود ضلت تلاعب حمودي اللي شوي يبكي وشوي يسكت

لين رفع ضغطهاااااا

حمودي عمره خمس سنوات امور مره لكن برضو دلوع مره ومتعلق في ملاك اخته الكبرى

كانت نجود لاهيه مع حمودي وواقفه تراقبه وهو يلعب بالألعاب الا فجأه حست صوت جنبها

لا مو معقوله

مستحيل

لالا اكيد اني اتوهم ماطالعت جنبها لكنها لفت عينها عالخفيف ولمحت نظاره ايه والله هو يلبس نظاره معقوله رجع لحد هنا

ووش دراه اني هنا والسوق طويل عريض لا ياربي مو معقوله

تحاملت على نفسها ولفت يمينها وطالعته من فوق لتحت هو نفسه اللي شافته بالمحل وهو نفسه اللي شافته عند البوابه ثلاثه بعد الحادث

انصدمت ماتدري وش تسوي قام كل جسمها يرجف ياربي لا مو معقوله

جلس يناظر فيها بدون ولاكلمه

ابعدت عنه طلع لها حمودي يصارخ ويقول : انا دوعان انا دوعان يعني انا جوعان انا جوعان

هدته شوي وقالت خلاص خلاص ملاك الحين بتجي وتجيب لك اكل

كلمها بدر: وقال واخيرا

ماقدرت ترد

قام طالع لحمودي وقال حمووووووووووووووودي

قام حمودي رفسه برجله

بدر : أي وحش ذا مو بزر

نجود: !!!!!!!!!!!!!!!!!!!!!!!!!!!

ابتسمت نجود

بدر وبصوت واطي مثل الهمس : واخيرااااااااااااااااااااااا شفتك يالظالمه تدقين وتسكرين امس خوفتيني عليك رجيتيني ماقدرت انام بس اتحلم فيك

ماقالوا لك ان ابو رنه مايخش الجنه ههههههههههههههه

مسكت حمودي وبعدت عنه وظل هو يطالعها وهي تتأمله وفي نفسها تقول : الله اللي جابك لي الله اللي جابك لي

وطرت عليها اغنية نوال يوم تقول :



لقيت روحي بعد مانا لقيتك

بعد اللقا ارجوك لا لا تغيبي

صعب علي ألقاك وأنا مانسيتك

إحساسي كني بين ربعي غريبي

كل ماتبي من عمري انا عطيتك

حتى الخفوق ينطق بكلمة حبيبي



فجأه طبت ملاك عليهم وهي تقول بصوت عالي: شريت لكم وجبات يالله كلوا وخل نمشي بسرعه ...............................................

الا فجأه وجهها بوجه بدر

انصدمت البنت تطالع يمين يسار سحبت حمودي بقوه من يده وهي تعطيه الكولا ومعصبه مره من نجود

وقالت ملاك : يالله ياحمودي يالله ماما اتصلت لازم نرجع للبيت وطالعت لنجود بطرف عينها ومشت,,,,

نجود تلحقها : ملاك ملاك دقيقه دقيقه انتي مو فاهمه شيء ملاك ملاك وكانت نجود مره مرتبكه وخجلانه وراحوا كلهم ملاك تسحب حمودي وهي متسارعة الخطى ونجود تركض من وراهم لين ابعدوا

وبدر ظل يطالعها من بعيد وهو يقول فمان الله يالبّا قلبك

فمان الله يا دربٍ على الهجر يتحراني

خذاه الوقت من جنبي ولا جاني ولاجيته

قصيدي يا قصيدي اسكن في قلبي طرف ثاني

قبل يسكن بيوتي جنّه وتمسي عفاريته

تعال اسأل نجوم الليل يا هاجر من ألهاني

وانا أعلمك بالوقت الطويل وكيف قضيته

-----------------------------------------------------------------------------------------------

ويضل يردد :

فمان الله يانجود فمان الله فمان الله









نهايـــــــــــــة البارت

اتمنى ان يعجبكم الـــبارت المختصر والاحداث

اتمنى ان ارى تعليقاتكم الرائعه وتوقعاتكم للأحداث في الجزء التالي

وياترى هل ملاك بتتفهم موقف نجود

وماموقف نجود من بدر

وأكيد انكم عرفتوا من خلال هالجزء من هو الرجل المجهول

اترككم في رعاية الله وحفظــه



مع تحيات


(( شقـــاي الصمـــت))



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-11-2010, 12:43 AM
دعــاني الشــوق دعــاني الشــوق غير متصل
©؛°¨غرامي مشارك¨°؛©
 
الافتراضي رد: رواية أنا و خلي كل دار وطنّا قلبي و روحي كلها له هديّة / بقلمي




الجزء الخامس


(( الحبيب الأولي))


تاخذ ملاك ليموزين وتروح للبيت مع نجود وهي معصبه على نجود

وتهاوش وتقول : فضحتينا خليتينا شبهه من هو هالرجال اللي يلاحقنا

نجود: والله زي ماقلت لك ماناديته ولا ادري من وين طلع

ملاك: اكيد تكذبين وش عرفه اسمك صدفه يعني نجود بلا لف ولادوران قولي الحقيقه وريحيني

نجود: خلينا نروح البيت ويصير خير فضحتينا اسكتي شوفي السواق يطالعنا من صوتك العالي ويسود الصمت مده حتى وصلوا لبيت ملاك وينزلون للبيت وسط استغراب الاهل من عودتهم بدون السياره والسواق اللي راح يصلحها



بدر بغرفته على غير عادته بها الوقت جالس مبسوط اخر انبساط والسبب راجع لأنه شاف نجود وملا عينه منها وشبع من النظر لها

ويقول في نفسه : الحين صارت قريبه مني طلعت من اهل الرياض خلاص قربت قربت والله ماخليها والله لا وتكذب علي وتقول انا من قريه وانا قرويه وربي لو انها مية قرويه انها عاجبتني وهالشكل ذا مب شكل قرويه بس يصير خير يانجود يصير خير تخبين عني انك من اهل الرياض

انا اوريك يصير خيررر ويقوم يطفي النور وينام بس هالمره بدري نام ايه وده ينام وينام ويحلم فيها يمكن تجيه بالحلم يمكن تكون اقرب من انفاسه

حط جواله صامت وحضن وسادته وناااااااااااام او يمكن مانام

لكن اكبر همه انه يحضنها لو بالحلم

خذني بحضنك ابغفي اه مبطي ما غفيت



ون لمحت ادموع عيني سو نفسك ما لمحت



خذني بحضنك وبعثر جروحي ون قضيت



هزلي كتفي وقلي عيب تبكي لو سمحت



اضحك وعلم زماني من انا ومن وين جيت



وطق باب الحزن واصرخ فيني لامني فتحت



ضمني يمك وكمل ضحكتي لا مني بكيت



ودي اذكر كيف كانت ضحكتي لا مني فرحت

آه يانجود آه

==

في غرفة ملاك الجميله وعلى سريرها تجلس نجود وملاك مقابله لها

وبعد مافهمتها كل السالفه ترد ملاك:

والله من جد صدف غريبه هالحين هو دل مكاننا ولحقنا بالمول عشان الجوال الغبي حقك رد بالغلط قام لحقنا بس من جد مب صاحي يناديك باسمك قدام الناس وكنه اخوك والا يقرب لك ههههههههه

لاو يلحقك فوق عند الألعاب

حتى يوم ركبنا الليموزين لقيته برا عند البوابهـ

نجود: انا بصراحه ماادري هو خبل والا مجنون والا معتوه بس الحقيقه انا حابته احسه ذوق وعنيد وفنان

ملاك: تكفين يالفنان انا اشوفه عادي واقل من عادي

نجود: هههههههههه لأنك حولا

بس انا خايفه عليك خايفه لايكون من هاللعابين اللي كل يوم مع بنت

وانتي اعرفك مسكينه وتصدقين على طول لأنك ذابحتك الرومانسيه,,

تدفعها نجود لين طاحت من على السرير وتقول لها : انتي خبله انتي بقره هالحين اقولك كل هالكلام عنه وتجين تقولين لي لعاب والله لو انه لعاب مالحقني كان دور من هالبنات اللي زيه مب وحده بنت قرويه مسكينه على باب الله زيي ههههههههههههه بالله عليك وش يبي بوحده قرويه

ملاك : هههههه والله مدري عنك

نجود: ثم تراه احسن من مشاري اللي ابلشتينا فيه ابي مشاري ابي مشاري كن مافيه رجال الا مشاري

لا واللي مضحكني انه ولد عمك ولاتقدرين تتزوجينه هههههههه ليت بدر ولد عمي كان امورنا خالصه من زمان

ملاك : اقول وخري بس كلش ولامشاري حبيبي وولد عمي مو واحد جاي من الشارع ماندري وش اصله ووش فصله وماتدرين يمكنه متزوج ... والا عنده عيال بعــد...

هذا مشاري حبيبي هذا الحبيب الاولي وتقول :

ما الحب إلا للحبيب الاولي

الجرح من ايده يطيب وينجلي



لو راح عني وصد وقسى



لو عشت عمري بلاه في هالحياة

يكفيني من حبه غلاه و الذكريات



بحر الهوى يا سامعين ماله دوى

مايروي قلب العاشقين مهما روى



نجود: هههههههههه انا اخبر دايم يقولون البنت لولد عمها اما انتي حالتك خاصه هههههههههه عكس التيار ههههههههه

ملاك: انتي اسكتي بس لاتقلبين المواجع علي ترا ببكي هذا هو ولد عمي ولا اقدر اخذه حسبي الله ونعم الوكيل ذكرت القصيده اللي تقول :

ليتني بنت عمك وبالزواج اغصبونا



ويحددون الملكه وبعدها يكلمونا ..



لاجبرتنا ظروف



ولا مدري اشوف ’



كل شي مخطط ومرسوم ,



وامي حولي تحوم ..



يابنيتي هذا فستانك جربيه !



والزواج هذاالخميس ولاتناقشين فيه



والله مادروا اني من الفرحه بطير



واني احلم به قبل مايصير

احب اقولك ياراعي الأبيات هذا هو ولد عمي ولا اخذته ولا احد غصبنا بالزواج

ليتهم يغصبونا بالزواج كان صدق بفرح واعيش احلى حياةةة واكون اسعد بنت بالدنيا...

نجود: يااختي ابوك السبب ماله شخصيه وعمك بعد ماله شخصيه وكلهم يمشون على كلام حريمهم صدق رجال اخر زمن

ملاك: طيب وش اسوي انا احس العمر يركض وانا مااستفدت شيء ,, لي ست سنين وانا اتمنى الوضع يطيب وللحين ماتغير شيء

نجود: انتي اسمعي كلامي وبتاخذينه بتاخذينه صدقيني

ملاك: لالالالا انتي خططك مجنونه ومقدر اسويها اخاااااااااااااف

نجود: أجل اكرهيه ودوري غيره

ملاك: ليش اجل الدنيا فوضى ى ى ى ليت كل شيء على كيفي

آه بس آه

==

طبعا ملاك تموت بولد عمها مشاري وهو ضابط كبير ومثقف جدا ورومانسي لحد الجنون ويعشق بنت عمه
ويموت فيها وهي ترفض الخطاب كلهم علشانه وهو رافض الزواج علشانها مايبي غيرها لكن المصيبه وش المصيبه الامهات متسلطات وكل وحده تكره الثانيه وهذي رافضه تزوج بنتها وذيك رافضه تزوج ولدها ومحد ضاع فيها الا ملاك ومشاري....

والآباء مايمشون الا على كلام الامهات حتى انهم مقاطعين بعض لهم مدهـ

==

تقول ملاك لنجود وهي خانقتها العبره: نجود مشاؤي يخاف علي تخيلي رفض اروح اداوم بديره بعيده يقول انا خايف عليك من الطريق والسفريات ولو تبين راتب ارسلت لك راتب بس لاتحرميني منك

نجود: ياعيني ياعيني ياليت لي ولد عم كذا المشكله الابو يجيب الهم وماله اخو عشان يجيني ولد عم هههههههه

ملاك: فديت ولد عمي



تقاطعهم ام ملاك وهي تنادي للعشاء يقومون مرتبكين

والام معصبه علشان الحادث اللي صار وكل اللوم على ملاك لأنها خذت السواق للسوق وصدمت بالسيارهـ وكل هالخوف عشان بس السياره لأم ملاك وكانت خايفه عليها

==

في إحدى الشقق المفروشه اللي مستأجرها ماجد ايجار سنوي

يجلس ماجد مع احدى صديقاته اللي ماينعدون

ماجد: هاه وش عندك ابلشتيني بالجوال ابيك ابيك مليون مكالمه كل هذا وله وشوق وحب ياهند

تتردد هند وتقول بسرعه: ماجد طلبتك بس شهر نتزوج وطلقني والله ماابي منك ولا شيء ولاحتى مهر ولاحتى شهر عسل ولا فلوس

ماجد: انا اسف ما أقدر انا كم مره قلت لك أكلي حبوب منع الحمل يعني بحركتك هذي تبين تحطيني امام الأمر الواقع

هند: أرجوك ماجد والله ماابي منك شيء انت بس تعال اخطبني وين راح الحب اللي تقوله وين راح ماجد أبوس ايدك تعال اخطبني

ماجد: لا انا واحد خاطب ومااقدر اتزوجك ثم تعالي هنا شوفي انتي حامل من مين انا صرت اشك فيك انتي وحده لعابه وجايه ترمين بلاك علي

تقف هند وتقترب منه وهي ممسكه بيديه وتبدأ تبوسها وهي تبكي ماجد أرجوك كلها كم شهر وبطني بيكبر والفضيحه بتبان ارجووووووك ياماجد ارجوك حبيبي لاتتخلى عني

يقف ماجد ويبعدها عنه وهو يقول انا اسف انا اسف واذا قصدك تستعطفيني اوعدك ماراح تشوفين وجهي مره ثانيه وروحي للي حملتي منه خليه ينفعك

هند: ماجد حرام عليك انا ماحبيت غيرك ولاعمري خنتك انت حبيبي انت اول واحد اعطيه اغلى ماعندي

ماجد: ههههههههههههه من جد ضحكتيني ويبعد عنها ويقول انا داخل اخذ شاور ولا اطلع الا وانتي طالعه فاهمه والا لاءءءءء

تنهمر دموع هند بغزاره معقوله هذا هو ماجد اللي حبيته معقوله تخدعني كذا معقوله ياماجد معقوله ياويلي ياويلي وين اروح وش اسوي ياربي ساعدني وش اسوي وين اروح ياربي وين

وتطلع ودموعها على خده وهي ماتدري كيف تخفي فضيحتها

==

في الإستراحه يخبر ماجد صديقه بدر بكل ماجرى له في الشقه

ويرد بدر: انت ماتخاف الله ياخي حرام عليك خاف ربك خافه بسك لعب ببنات الناس حرام عليك ليه تكثرذنوبك ياخي بالله عليك كم بنت لعبت عليها وكم بنت ورطتها مع اهلها انت يرضيك خواتك يصير لهم كذا ويلعب عليهم واحد

ماجد: اصلا ماعندي خوات

بدر: لاحول ولاقوة إلأ بالله مايفهم ذاك كيف افهمه وكيف اعلمه وياخذ نفس شيشه وبعد ماخلص قام طلع وهو يوصي ماجد: لاوصيك ياماجد راجع نفسك وارحم بنت الناس ترى بنات الناس مو لعبه

ويخرج بدر من الاستراحه ويركب سيارته وهو يفتح جواله ويرسل رساله لجوال نجود :

(حبيبي وينك لاحس ولاخبر ودي ادق بس اخاف ازعجك فاضيه الليله واكلمك وليش ماتردين على البلاك بيري هاه حبيبي لحقتي تملين من الخدمه اللي مابغت تجي ههههههه)

==

كانت نجود سهرانه فبيت خالتها لأنه يوم خميس ومافيه دوامات وقمة الفله إلّا فجأه جتها الرساله اللي لخبطتها قامت ردت عليه برساله :

(هيه انت وراك تلاحقني بالمول امس فضحتني وانا لاتزعجني لو سمحت لا بمكالمات ولا برسايل صدق ناس فاضيه)

يقرا بدر رسالته ويقول مجنونه ذي قام رد عليها برساله: ( هيه انتي وراك معصبه صدق نفسيه وش فيها الاخلاق تجاريه اليوم هاه اكيد عشانك ماشريتي شيء من السوق ياحرام فقيره والا مفلسه ههههههه)

نجود قرت الرساله وعصبت وقالت وش دراه اني ماشريت شيء من السوق وقامت ردت عليه : ( هيه انت انا ماني معصبه والحمد لله الفلوس واجد وكان انت مفلس أنا اللي بسلفك )

بدر يقرا الرساله : ويضحك ويقول من جد مجنونه هالبنت وخبله انا وش محببني فيها الا هالخبال ويرد عليها بها الرساله : ( طيب تكفين ابي سلف الفين لين الراتب حق الزيادة حقة شهر واحد ههههههههههه )

نجود: تقرا الرساله: من جد مايستحي وتقضي الليل رسايل هي وياه وبعدها يرسل لها رساله: ( اذا طق الباب افتحوه انتي وخويتك راعية السوق لاتنسين باي)

تتعجب نجود من هالرساله وتقول وش بابه شكله مجنون ذا

بعد عشر دقايق يطق الباب تقوم الشغاله تفتح الباب وتلحقها نجود وملاك الاهو باقة ورد وعلبة قاتوه كبيره وكرت مكتوب عليه حمدا لله على سلامتك يانجود ونورت الرياض بقدومك

تقرى ملاك الكرت وهي معصبه وتطرد الشغاله لداخل البيت

وتبدا سب وشتم لنجود وتجي ام ملاك وتسألهم وش السالفه قامت ملاك ردت لا يمه بس وحده من صديقاتي مرسله ورد بمناسبة سلامتنا من حادث امس وتدخل الام

وتطالع ملاك لنجود وتقول : الليله موتك على يدي لا ودليتيه بيتنا بعد

تركض نجود لداخل البيت وهي ماسكه الكيكه وتصارخ: ملاك لا ياملاك لاتتهورين والله ماعطيته عنوان والله لو لمستيني ماتذوقين الكيكه ويبدون يتطاردون بالساحه حقة الحوش وحده ماسكه الكيكه والثانيه الورد ويبدون يتضاربون تقوم تدخل نجود لغرفة ملاك وتقفلها

وتقعد ملاك تصارخ : نجودوه احسن لك افتحي الباب هالحين دليتي بدر على بيتنا مابقى الا يجي يخطبك من ابوي يالدبه

نجود: ياملاك يالعصقوله والله مادليته والله وكانك مو مصدقه تعالي والله لكلمه واعطيه تهزيء بعد بس خلينا نروق وناكل من الكيك تكفين لاتعصبين يالولاعه مالت عليك

ملاك: طيب افتحي عشان نجيب القهوه

نجود: والله

ملاك: والله

ويروقون ويهدون ويتقهوون وكأن شيء ماصار

لكن حركة بدر لايمكن تعديها نجود بالساهل كذا

==

((ليلة خميس((

ليلة خميس طرَّز بهانور القمر

شطَّ البحر .. نِصف الشَّهر

والَّليل مِن فرحُه عريس .. ليلةخميس

ليلة لُقانا .. مَوعدي السَّاعه ثمان

كان النَّدى موعود مع رِمشِ الزَّهر

والزَّهر سهران عطَّربالحنان

فيها الفرح ثوبي الجديد

لُقياك عِنَّدي يوم عيد

موج البحر مغنى وقصيد

والَّليل من فرحُه عريس .. ليلةخميس

ليلة خميس والناس تفلها وتسهر وتستانس لأن ماوراها دوامات وخصوصا كان هالخميس غير عند البندري ام رهف صديقة نجود اللي تحتفل بعيد زواجها الثامن مع زوجها محمد أبو رهف ووين كان الاحتفال كان في افخم فنادق جده كان يعاملها زي العروسه وهي مبسوطه لأنها ملكت قلب زوجها الوسيم اللي بنظرها هي الوحيده اللي فازت فيه

البندري: حبيبي ليه كل سنه بها اليوم احس اني عروسه

محمد: انتي مو يوم بالسنه عروسه انتي كل يوم بعيني احلى عروسه فديتك ياعمري وفديت هالزين والحلى كله

البندري: أنا مرهـ مبسوطه تدري وش كان ودي يامحمد

محمد: وش ودك فيه ياعيون محمد كان ودي ان نجود تكون بجده بنفس الفندق تدري ليش؟؟

محمد: ليش ياعيون محمد وحياته

البندري: لأنها قالت والله نذر ان تطلقت اني بعيد زواجك أنا اللي بسويلك حفله على حسابي وانا ودي اخسرها ههههههههههههه بما انها تطلقت

محمد: ههههههههههه خليك منها ثم نجود هذي ماحبيتها احسها مغرورهـ ومدري ليه احسها تحسدك لأنك متزوجه وعندك عيال وهي لاء

البندري: لالالا حمودي حرام عليك نجود مو كذا أبدا بلعكس طيوبه وحبوبه وعسل ماعلينا منها الحين خليني فيك انت حبيبي وش بتعشيني

محمد: اممممممم باللي تامرين فيه امشي اوديك احلى مطعم

البندري: لالالا حبيبي مابي مطاعم مشتهيه تروح تجيب لي عشا من برى ثم انت تدري مااحب اكل الفنادق احس مافيه جوده ولا لذه

محمد: انتي تامرين امر انا اروح الحين طيران واجيب لحبيبي اللي يبي من عيوني ياجميييييييييييييييييييييييل

تضحك في خجل وهي تنظر له وهو يخرج ليحضر لها العشاءءءء

يخرج من الفندق مسرعا ويجلس بسيارته ويطلع الجوال ويدق

==

نجود وملاك خلاص صاروا راضين على بعض ولافيه أي مشاكل بينهم صاروا كأنهم القط والفار مره أصحاب ومره اعداء

مشغولات بأكل القاتوه اللي ارسلها بدر

ملاك والله ذويق هالبدر وش دراه اننا نحبها بالفراوله

نجود: اقولك مو سهل ذوق ومن شكله ذوق مو بعض الناس بس يجمع بها النجوم هههههههههه

ملاك: حدك هاه الا ابو نجوم

اسكتي اسكتي جوالي يدق كان رقم غريب

نجود: وش هالرقم

ملاك: ردي محد ماكلك

نجود: لا مااحب ارد عالارقام الغريبه يطلع لي مزعج ثم ينشب لي ماعاد افتك منه

ويدق الرقم مره ثانيه وثالثه ورابعه ثم يرسل رساله (( نجود ردي أنا فهد))

وترد بسرعه تحسبه فهد اخوها : ألو هلا فهد حبيبي وينك سلامات انا خايفه عليك طمني عليك اسمع فهد مو لازم تتكلم انا ادري انك ماسويت شيء وانك مظلوم بس انت لازم تسلم نفسك عشان تطلع من هالورطه اللي حطيت نفسك فيها

وتسمع المفاجئه !!!!!!!!!!!!!!!!

ابو رهف : هلا نجود كيفك نجود انا والله ماقدرت انساك تخيلي الحين انا بجده وافكر فيك اللي تبينه اطلبيه ووالله لنفذه لك بس انتي تامرين امر

نجود: نعم من أنت

ابو رهف: نجود تكفين انا من شفتك فبيتنا ماقدرت انساك وتعلقت فيك لاتقولين البندري البندري عمري ماحبيتها واهلها هم اللي مخليني متمسك فيها لين الحين

نجود: انت واحد قليل ادب انا سكت عنك كثير ومستحيل اعديها لك هالمره والله لقول للبندري عن كل شيء انا خلاص ماعاد اقدر اصبر خلاص خلاص

أبو رهف : حتى لو قلتي لها مابتصدقك ابدا لأنها مجنونه فيني وانتي بكيفك قولي اللي تقولينه

نجود: اسمعني زين والله لو دقيت علي مايصير لك طيب فاهم والا لاءء وهذي اخر مره اسمح لك فيها تكلمني بها الطريق وتقفل الخط بوجهه

وينزل زعلان ويروح للمطعم

==

تعصب نجود من هالمكالمه وترمي بالجوال وهي متضايقه مره تسألها ملاك عن المكالمه وتخبرها بكل شيء

وترد عليها ملاك: الله يعينك يانجود انتي تلقينها من وين والا من وين من ابوك والا من زواجاتك الفاشله والا من ابو رهف والا من صاحب الشقق النذل بس تدرين زين انك سكنتي بالرياض عالاقل ارتحتي شوي وانزلح لو شيء بسيط من هالهم

نجود: وين برتاح ياملاك وين برتاح تكفين انا ماعاد فيني حيل مابقا لي قلب ولافيني حيل لكل هالهموم تعبت والله تعبت حتى ليلي ماعاد انامه زي الناس وتقول :

عيا يجيني النوم والنـوم كايـد -- لواحـدمثلـي همومـه كثـار

حظه من الدنيـا فضلـة طرايـد -- ماتنفرج لو صار بالحظ ماصـار

يالله بأمـرك تنقلـب هالنكايـد -- ويزول هم بداخلي لوعتـه نـار



ملاك : الله يعينك مالك الا الصبر يانجود واكيد ربي بيفرجها

نجود: عاد تصدقين ان هالنذل اليوم عيد زواجهم البندري قالت لي

ملاك: من جد نذل وهالاشكال ينخاف منها

نجود: لاتخافين علي كثر الألم خلاني قويه

ملاك: الله يقويك اكثر واكثر

تدخل والدة ملاك عليهم مقاطعه جوهم كالعاده : بنات ماجاكم النوم الساعه 12 الفجر

ملاك: خلاص يمه شوي وننام

وتطلع الأم وتلتفت ملاك لنجود قائله: الخبل ذا فهميه لاعاد يعتب بيتنا مره ثانيه فهمتي والا لاءءء

نجود: مالي خلق اكلمه

ملاك: انا اخاف يتمادى ويقعد كل شوي مار على بيتنا

نجود: لاتخافين ماراح يجي انا بأدبه لك

ملاك: المهم انا نعست وبروح انام وتطلع ملاك وهي عند الباب

نجود: وين وانام بروحي

ملاك: حمودي تعبان وامي تقول خليك معه وبروح اسليه شوي وانتي نامي بغرفتي خذي راحتك

نجود: لاتوصين اكيد باخذ راحتي يعني بستحي منك انتي وخشتك

ملاك: ادري انك ماتستحين ولاعندك حتة انوثه زيي هههههههه مالت بس مالت

وترميها نجود بالدبدوب وتطلع ملاك وتقفل الباب بقوهـ وهي تضحك

تظل نجود تتقلب بفراشها ماجاها نوم طانت مطفيه النور وبس تتخيل بدر وطول بدر وجسم بدر وسكسوكة بدر ونظارة بدر تلف يمين يسار مافي مجال يجيها النوم الا شوي ويدق جوالها رساله فتحتها وكانت :

عتيم الليل ...

قمرنا من زمان والله ... فقد نوره ...

عتيم الليل ...احسالنظره تتكسر ...

على سوره ..



سهرنا ... في عتيم الليل ... حزين الهمس ...

قدرنا ... ننتظر باكر ... شعاع الشمس ...

تعالي ... طالت الغيبه ... وانا مشتاق ...

انا مشتاق ... انا الاشواق ... انا العشاق ...

تعالي من جسورالليل ... تعالي ضي ...

تعالي في هجير العمر .. حنان وفي ..

وربي ... طالت الغيبه

حنون الليل ... وصوتك همسة التحنان ..

حنون الليل .. بيروي بالامل عطشان

ثم ارسل تحتها إسمه ( بدر) ...

وكانت لبدر عبد المحسن انبهرت نجود من القصيده اللي تحبها قامت ارسلت باقي رد القصيده اللي هي حافظتها من كثر حبها لبدر عبد المحسن

وهي :

حنون الليل .. وانت بتسمعي صمتي ...

تحسي بي ...

تقاسي في تعذيبي ...

تشديني من الامواج ...

ترسيني على مينا ... وصوتك في ليالينا ...

أبدساري ...

حنون الليل ... وانت الريح والساري ...

تعالي ... طالت الغيبه

وربي طالت الغيبه

ثم ارسلت إسمها تحتها ( نجود) ..

قام ارسل لها رساله وقال ((حلو حافظتها ذوقنا واحد ههههههههههههه))

قامت ردت عليه وقالت(( اصلا انا غلطانه المفروض مارسلها لك عقب الحركه اللي سويتها لي فبيت خالتي انت تبي نفضحني عندهم مالت عليك )

قام رد عليها : ( وش فيك قلبتي وش زينك من شوي صدق نفسيه )

قامت ردت عليه : ( أنا نفسيه طيب طيب)

ولما جا بيرسل لها رساله الا هي تدق عليه

نجود: ألو

بدر: الو هلا وغلا ومرحبا اهليييييييييييييييييي.....................

نجود تقاطعه: هيه انت وبعدين معك بالمول لحقتني وفبيت خالتي لحقتني انت وش تبي مني هاه وش تبي ماتقول وش تبي مني ثم من وين عرفت بيت خالتي هاه من دلك عليه

بدر: ياليل النفسيات على هالفجريات نجود وش فيك ثم مو ملاحظه ترى ذي يمكن اول مكالمه وماكلتني اكل كذا الاولى لاتحسبينها ترا فضى الشحن هههههههههههههههه

نجود: من جد رايق وقليل أدب

بدر: الظاهر تحسبين نفسك بالصف وانا من طالباتكـ شوفي شوفي يابنت لاتعصبين زي تعصيبة البلاك بيري تذكرينها

نجود: احم احم وشو

بدر: بلا وشو بلاهم ههههههههههه واخرتها طلعتي ماتفهمين هههههههههههه انا سألت السواق عن البيت وهو دلني اياه وش ذنبي ان سواقكم بنقالي غبي وخبل بنفس الوقت من خبالته يحسبني من آل البيت حق خالتك ههههههههههه

نجود: ههههههههههههه بس انت ورطتني مع بنت خالتي

سرقهم الوقت واخذهم الكلام والتعليق وراح الليل وهم يسولفون ويفضفضون لبعض وخبرته عن سبب جيتها للرياض وخبرها هو عن اقامته ببيت اخوه سلطان وعزمها على الغداء في بيت اخوه بكره وقال ترى العزيمه عزيمة حريم وانا ابيك تجين وتتعرفين على مرة اخوي ولاتخافين بقول لهم اخت صديقي بالشغل لأن اخوي يقول ان زوجته مسويه حفله كبيره بالبيت بمناسبة قومة ابوها بالسلامه من الحادث والحفله نسائيه

نجود: هههههههه اول مره اشوف حفله بالظهر من جدك انتم غير الناس

بدر : أقول لايكثر بتجين والا لاءءء ثم هي بالنهار عشان اختها عندها رحله المغرب الى لندن والبيت قريب لبيت خالتك مو بعيد صدقيني مره قريب .. ’’ ويعطيها العنوان

نجود: لايابابا وش يضمني افرض انها شقة دعاره مو بيت أخوك

بدر: طالع هالخبله وش تقول اقولك تدرين هاتي خالتك وجدتك ان بغيتي

نجود: وانت وش تستفيد دامها حفلة نسائيه ليه تبي تعزمني

بدر: ياخبله انا البودي قارد فالشقه واخوي يقول خلك عند ام شوق لو احتاجت شيء هاته لها أخوي مسافر ثم لاتخافين انا كل هدفي انهم يشوفونك ويقارنون

نجود: يقارنون في ايش يقارنون

بدر: هاه لالالا ولاشيء

هاه بتجين والا لاءءء

نجود: مدري مدري ماظنيت بفكر

فجأه نجود صرخت : أنت الحين قاعد تاخذني بالسوالف والكلام عشان تضيعني ونسيت اني كلمتك عشان اوقفك عند حدك واقولك لاعاد تعتب باب بيت خالتي فاهم والا لا ويالله تصبح على خير باااااااااي

وتقفل الجوال بوجهه

بدر: من جد ذي مو صاحيه ذي من جد نفسيه صدق عندها (قرين )

عاد نجود سبق وقالت له قصتها مع القرين الوهمي اللي عاشقها واللي هو جنيّ وهذا القرين من أوهم الناس انه موجود مع نجود هوابوها والسبب انها تزوجت مرتين وتطلقت مرتين وهي اللي طلبت الطلاق في كل الزواجتين وقام ابوها يقول للناس ان نجود مجنونه معها عاشق جني يخليها تكره الزواج والرجال لكن نجود مالقت الشخص المناسب للأسف عشان كذا سموها ( أم قرين)

يقوم بدر يرسل لها : (نجود يا أم قرين الوعد بكره الظهر استناك)

تقرا نجود الرساله وتضحك وهي تقول من جده مجنون

وترد عليه برساله: ( الله يخلي لي قريني ههههههههه تصبح على خير)

وينامون ليلتهم وهم كلهم وله وشوق للقيا بعضهم ’’’

وبدر يرمي جواله ويرفع على أغنيته المفضله ويظل يسلطن عليها طول السهره وهو يقول احلى ليله هي ليلة خميس متى يجي بكره والقى حبيبتي معزومه من ضمن المعازيم

=

في ضحى اليوم التالي نجود تصحى من نومها وهي تحس بألم في صدرها لكنها تتصبر وتحاول تتناسى الألم وتروح تصحي ملاك وهي معصبه : ملاك قومي قومي تروحين معي انا معزومه على غدا عند وحده من صديقاتي امشي خلينا نلحق نروح المشغل ونكشخ وان بغت خالتي تجي معنا حياها لأن العزيمه كبيره ماهي للبنات بس

ملاك تتثاءب وترد بكسل : من عازمك ياحظي

نجود: بدر

تفز ملاك من نومها وترمي اللحاف وهي تصرخ : نعم وش تقولين

بدر بدر عازمك على الغدا لا وتبين امي تروح معنا مجنونه انتي لالا

اكيد مجنونه مصخنه انتي وتلمس جبهة نجود

وتروح ترميها بالمخده بقوه وتقول : تعالي بس تعالي لاتحاولين ابدااااااااااااااا

شايفتني مجنونه زيك هاهـ لالالا اكيد مجنونه وتروح ملاك للمطبخ ونجود تلحقها وتعلوا اصواتهم في المطبخـ





قبل صلاة الجمعه رجلان يخرجان إلى المسجد وهم يتحادثان امام سياراتهما

الأول: انا قلت للرجال ينفذ كل اللي قلناه له بالضبط

الثاني: أكيد بكره السبت بيتم الموضوع

الأول : مابكون نايف ان ماتم الموضوع

الثاني : على خير ان شاء الله بكره قريب ونشوف يالحبيب هههههههههههههه

الأول : ههههههههههههههههههه

ويركب كل واحد منهم سيارته

==

بدر عند الحلاق يضبط نفسه وهو مبسوط على الأخر وهو طالع من الحلاق مر السوبر ماركت يشتري بعض الحلويات والاغراض اللي وصته فيها ام شوق واللي هي بمثابة اخته

ويقول في نفسه : انا متاكد انها بتجي وليه ماتجي يعني كل العزيمه حريم وماعليها خوف ابد انا احساسي يقول اني بشوفها لو من بعيد مره ثانيه ماني طمعان ابي زولها يمرني واشبع منه ودي اشوفه لو بالاحلام

ويردد :

قالوا تزوره قلت أنا وين أبلقاه

قالوا تحاول قلت كيف الطريقة



قالوا تشوفه قلت أنا واحلالاه

أشوف زوله في حياتي دقيقة



قالوا لي أصبر قلت أنا الصبر ماقواه

الصبر عن مضنون عيني مااطيقه











نهايه البارت



ترى ماموقف ملاك من عزيمة بدر وهل ستوافق على جنون نجود وتهورها ؟؟؟؟

وعلى ماذا يخطط نايف ؟؟؟

واحب انوه عن القصائد في الروايه بأنها ليست لي بل لشعراء مختلفين من بينهم الشاعر المبدع مهندس الكلمه بدر بن عبد المحسن

واعتذر عن الاخطاء الإملائيه الغير مقصودهـ اللي ماجت الا من السرعه فاعذروني جميعا





إلى اللقاء في البارت السادس

وكونوا دائما بالقرب


لاتنسون التقييم فديتكم




مع تحيات



(( شقــــــــــــــاي الصمـــت))



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 04-11-2010, 10:30 PM
دعــاني الشــوق دعــاني الشــوق غير متصل
©؛°¨غرامي مشارك¨°؛©
 
الافتراضي رد: رواية أنا و خلي كل دار وطنّا قلبي و روحي كلها له هديّة / بقلمي


وين الردود انتظركم عشان انزل باقي البارتات

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 05-11-2010, 03:14 PM
دعــاني الشــوق دعــاني الشــوق غير متصل
©؛°¨غرامي مشارك¨°؛©
 
الافتراضي رد: رواية أنا و خلي كل دار وطنّا قلبي و روحي كلها له هديّة / بقلمي




الجزء السادس


(( معزومه من ضمن المعازيم))


احلى ايام الاسبوع هو يوم الجمعه وابرك الايام

ويمكن احلى يوم راح يمر بحياة نجود اللي ماعمرها شافت يوم حلو بحياتها

نجود في غرفة ملاك وبس تطامر فوق السرير وهي مره مبسوطه

تدخل عليها ملاك وتقول لها وهي تضحك : بس بس من صغرك هالحين كسرتي سريري انزلي انزلي يالله كل هذا عشانك اقنعتي امي بعزيمة بدر قصدي بدريه اللي كذبتي على امي فيها لا وتبين امي تروح معنا والله انك مجنونه وماتوقعت يطلع منك كل هذا

تنزل نجود من على السرير وتقول : اولا انا اعقل منك ثانيا حبيبتي وش فيها بيت عوائل ونزور الناس خل نغير جو ثالثا بدر ماراح يدخل على الحريم وش قالولك ديسكو هههههههههههه

ملاك: بس انتي وش ضمنك انه صادق افرضي شقة شباب عزوبيه مثلا

نجود: لالالا وينا فيه اصلا على حسب الشقه بنسأل اذا هي عوائل والا شباب ويالله لاتأخرينا خلينا نلحق عالمشغل مابقى شي بتجي الساعه وحده

ملاك: انا ماني رايحه

نجود: ملاك بلا دلع وش منتي رايحه الا بتروحين وغصب عنك لاتنكدين علي فرحتي

ملاك : انا خايفه

نجود: ليش الخوف خايفه تنخطفين انتي ووجهك ومن بيخطفك بدر مثلا

لالالا محد مطالع فيك ولاتخافين من شيء

ملاك: اخاف مايطلعون حريم

نجود : اجل وش يطلعون جنس ثالث ههههههههههه

ملاك: يوووووووووووه مدري مدري بس ان جاني شيء ترى ذنبي فرقبتك

نجود: ههههههههههههههههه خلاص خلاص لاتخافين بكفر عن هالذنب وبصوم شهرين متتابعين

ملاك: يووووووووه منك سخيفه انتي مرهـ

نجود : هههههههههههههههههههه

ملاك: طيب طيب دامك خططتي بنفسك نفذي بنفسك وشوله تاخذيني معك

نجود: وهل نستغني عن وجودك معي ياخبله طيعيني وتوكلي على الله وخلينا نروح يمكن يكون لبدر اخو صغير نخليه ياخذك وينسيك ابو نجوم هههههههههههههه

ملاك: لالالا حبيبتي لو يجيني ملك الملوك مابدل مشاري ابد

نجود : المهم انتي وملك الملوك ذا يالله نمشي توكلنا على الله

يروحون ملاك ونجود للكوافيره تلبس نجود عباة مره كشخه كلها زخرفه وشك وحركااااااات طبعا عباة ملاك لأن نجود ماجابت معها شي وبما انها عباة ملاك طلعت ضيقه مره العبايه ومبينه تفاصيل جسم نجود

وقامت حطت لها الكوافيره مكياج لبناني ناعم بين جمالها وابرز ملامحها وطلعت حلوه حلوه مره وتسريحه بوف مع تنعيم لكامل الشعر

اما ملاك فسوت مكياج قوي شوي لكن حلو ولبست عبايه من عباياتها الكشخه

وطلعوا من الكوافيره وعلى ركبتهم للسياره قالت ام ملاك والله يابنات هالعبايات مره تفتن وماتصلح

نجود: خالتي اكيد بتفتن بس ياخالتي هذي عزيمة حريم ومافيها ولارجال لاتخافين محد شايفنا من السياره للشقه

الام : خلاص خلاص الله يستر عليكم ويحميكم من العين يابناتي ويركبون ثلاثتهم في السياره

يدق جوال ام ملاك وترد : الو هلا هلا ....ايه من رجال هالحزه..... والله انا طالعه معزومه على غدا مع البنات صديقاتهم عازماتهم مانقدر نأجله البنات متجهزات من بدري ......طيب طيب

ثم تقفل الخط

ملاك : يمه وش فيه

ام ملاك: ابوك جاه رجال ويقول لازم نرجع نوجب الضيوف قلت معزومين قال تعالي وخلي البنات يروحون لحالهم ثم ولد اختي جاي وبيسافر مستعجل لازم اسلم عليه

ملاك: بسسسسسس يمممممممممممه

نجود: بسسسسسسس خاله

الام : لا بس ولاشيء ثم وش فيكم خايفين ترا منتم صغار روحوا ساعه وتعالوا لاتطولون وزين ان بيت صديقتكم قريب ماهو بعيد ومابينا وبينه الا شارعين بس

ثم تقول الام للسواق يرجعها البيت

اما نجود وملاك فظلن في ذهول وكأنهن خائفات او بالاحرى مصدومات ومترددات وكلهن قلق من الروحه لحالهم للعزيمه لكن توكلن على الله مايبون فلوس الكوفيره تروح بلوشي

((في بيت أهل نجود ))



كان خالد توه طالع من غرفة ابوه بالخش محد شافه وفي يده لفه كبيره فلوس تقريبا عشرة الاف وراح ركض لأمه

خالد: يمه يمه خذي فلوس عشر الاف

الام: من وين جبتها ياوليدي هذي كثيره

خالد: يمه اخذتها من غرفة ابوي

الام تضرب صدرها : وشو انهبلت انت تبي ابوك يموتك

تبيه يقطعك تقطيع رح رح رجعها

خالد: لايمه والله مارجعها هذي فلوس نجود المسكينه ابوي بس ياخذ منها ويجمع في هالغرفه والله مارجعها

الام: اقولك رجعها بسرعه ويعلو صوتها عليه

خالد: لالالالا وانا بتصرف فيها ويطلع من عند امه

طبعا ابوهم مسبب لهم رعب الكل يخافه وبشده حتى منال اللي من كثر خوفها منه تفز من نص نومها تتخيله يناديها وتروح ترد نعم يبه نعم يبه جايه يبه جايه يبه

اما نجود فمن كثر ماهي حاقده على ابوها مسميته هادم اللذات

يطلع ابوهم من الحمام بعد مااستحم ويروح ركض لغرفته ويلقى الباب مردود شك ان فيه احد دخل الغرفه من بعدها قام يركض ركض للغرفه وهو يصارخ الفلوس الفلوس طبعا هو مايحفظ فلوسه في البنك عشان محد يكشف ان عنده فلوس ولايبلشونه الديانه

لقى الغرفه معفوسه فوق تحت

طلع يركض لهم وهو يصارخ خالد خالد يالكلب وينك ويلقى خالد توه داخل للصاله بعد ماخبى الفلوس العشر الاف ويشده من شعره وهو يصرخ بوجهه محد سرقني غيرك ياملعون وين الفلوس ياكلب

خالد مايرد عليه

قم يضربه ويرفسه على بطنه وطرحه عالارض وبدا يدوس ببطنه والام تتدخل : وخر عن ولدي وخر قام ضربها معه

قام خالد يبكي ويصرخ وهو يقول : والله مارجعها والله اصلا الفلوس مو فلوسك والله ماتشوفها بعطيها نجود ويحاول يهرب من بين ارجل ابوه وهرب وطلع برا

ويقوم الاب يحاول يلحقه وهو يلعن فيه وفي نجود وفي اليوم اللي جوا فيه

ويلحقه برى للشارع وهو ماعليه الا فوطه لافها على جسمه كنه واحد رايح للعمره

يقوم خالد يحاول يبتعد عن ابوه حتى مايمسكه ويركض يركض يركض يركض يركض لين طلع بوجهه سياره

وطاااااااااااااااااااااااااااااااااااااااااااااااا اااااااااااااااااااااااااااااااخ

الام تخرج من المنزل وهي تسمع صوت الصدمه اللي خلته يطير من مكانه

والاب مصدووووووم ولم ينطق بكلمه بل دخل بكل برود ليبدل ملابسه وهو يقول : يستاهل يستاهل هذا ذنب العاق لأبوه

تجمعوا الناس على خالد والام تبكي وتنوح وتضل تبكي وتنوح وهي تقول: اه ياولدي اه لاتموت لاتموت ماعندي غيرك ماعندي غيرك لاتموت لاتموت وتبدأ تردد :

كلموا نجود كلموا نجود كلموا نجود

لين جتهم الإسعاف وشالتهم

والام حاضنه ولدها وهي تتحسر على حضها اللي ماعمره قام لاعيال زي الناس ولازوج زي الناس ولا اخوان ينشد فيهم الظهر زي الناس

ماعندها الا خالد الصغير ونجود

اما باقي العيال الله اعلم بحالهم اللي مطلوب امنيا واللي مدمن مخدرات

والأم بسيارة الاسعاف بس تتأمل ولدها وهو مغطى بالدم من راسه لين رجوله وكلها رجاء ان الله ينجيه ويعافيه

تتحسر على حياتها وتتحسر على عمرها اللي راح وهي تعاني من القهر والظلم لمتى هالظلم بيستمر متى بتعيش متى بتعيش بدون قهر آه يالقهر

آه يالقهر يكفيني آهالهم في كل اتجاهأمشي وأهوجسوكل من شافنيقال اش بلاهآه يالقهر آه يالأنينالله يعين الله يعينحتىالعطر خان الزهوروالطيبة ملتها الصدوربعيد عن عيني الفرحبينيوبينه ألف سوربين الشقا وبين العذابألقى الحزن في كل بابأركض ورا حلم الأملبعد التعب شفته سرا

نجود وملاك وقفوا قدام البنايه اللي فيها الشقه

نجود: وااااااي وش هالمبني كبير مره كم شقه فيه شوفي كم دور

ملاك: مدري مدري يمكن خمس ادوار بس اتوقع كل دور فيه ست شقق واو كم يطلع صاحبه فالسنه

نجود: والله انك رايقه مالومك مدرسة حساب ماعندك الا العد والجمع والطرح

ياررربي هو قالي شقه تسعه الدور الثاني

ملاك يالله نصعد وطلعوا الدرج ولفوا يمين طوالي الا الشقه مقابله لهم وطالع منها واحد شايل منها ثياب بكيس شكلها توه مطلعها من المغسله وكان الثوب بطوله مغطي وجهه وكان باب الشقه مفتوح والحريم يدخلون لها الشقه

نجود : هذي هي الشقه

ملاك : زين الحمد لله صدق شقة عوايل شوفي حرمه دخلت ومعها ولد صغير

وثم قالت ملاك بصوت عالي : يالله نجود ندخل

سمعها بدر والتفت لهم وهو اللي ماكان متوقع ان نجود تجي طاحت الثياب من يده وطالع فيها هلا هلا بنجود هلا وكان مفتح عيونه عليها اربع اربعه ومذهوووووول

انصدمت نجود يوم شافته وملاك ارتبكت تقول هذا وش هذا منين طلع يمه يمه

نجود: اووووص اوووص بندخل ووقفت شوي تتأمل ببدر

قام بدر يطالعها وهو يردد

ويـــــا فــرحــتــي

الـحـظ هالليـلـه كـريــم

مــحــبـــوبـــتـــي

معزومه من ضمـن المعازيـم

يــا عـيــون الـكــون

غــضـــي بـالـنـظــر

واتـركـيـنـا اثـنـيــن

عـيـن تـحـكـي لـعـيـن

اتركينا الشوق ما خلّى حـذر

بــلا خـــوف بنلـتـقـي

بــلا حـيــره بنلـتـقـي

بـلـتـقـي فـعـيـونـهـا

وعيونـهـا أحـلـى وطــن

وكـــــل الأمــــــان

ويـــــا فــرحــتــي

الـحـظ هالليـلـه كـريــم

مــحــبـــوبـــتـــي

معزومه من ضمـن المعازيـم



بدر ماكان متوقع ان نجود تجي عشان كذا قال لخوياه انه بيجيهم لكن من شاف نجود عند الباب غير رايه وقال والله لجلس في حر السياره ولا اخسر نظره لزول نجود وفعلا جلس بسيارته وهو مشغل مكيفها ومشغل محمد عبده وجالس يسلطن عليه

=

ابتدت الحفله البسيطه كانت الساعه وحده ونص الظهر الكل مبسوط واحلى شيء واللي خلا نجود وملاك يرتاحون نفسيا ان المعازيم كثير كثير مره لدرجه خلت ام شوق ماتميز بينهم لذلك هي مااحتكت في نجود وملاك اللهم سلموا عليها وقالوا احنا خوات محمد مين محمد عاد هذا خطة نجود وبدر على اساس ان محمد صديق بدر وبدر قاله الاهل عازمين الاهل ولازم يجون

طبعا احتفلوا وتغدوا وخلصوا وبدوا يشربون قهوه ويحلون من هالشكلاتات الراقيه شيء سويسري وشي فرنسي

ملاك تهمس لنجود : بسك خلاص خلاص بتنفجرين ارحمي نفسك

نجود: اش شوفي لايكون بس احد يطالعني راقبيهم شكلي بحط في بشنطتي من هالحلاو تكفين نجود يهبل ماقد شفته في السعوديه حتى بقالة اللي براس شارعنا البنقالي ابو العيون مايبيعها

ملاك: اووووص فضحتينا أي بقاله اصلا من اسمه تعافين بضاعته يالقرويه المتخلفه

نجود: اقول وخري اهاااااااا وتاخذ كم قطعه تحطها بشنطتها طبعا محد انتبه لها

كانوا الحريم لاهين ويسولفون ويضحكون وكانت بنت سلطان اللي هي شوق الحلوه ام اربع سنوات واللي بدر متعلق فيهااااا مره كانت نجمة الحفل بفستانها الوردي اللي كله ريش على بياضها وخدودها البيضاء الحلووه المدوره وشعرها الاسود الناعم

اما امها كانت متواضعه وهذي سمة الكبار ام شوق صاحبة مشغل نسائي ومستوى اهلها المادي عالي جدا وساكنه مع زوجها بشقه لين تنتهي فلتهم وينتقلون لها

وبعد ماتغدوا واستانسوا نجود وملاك يتهامسون لبعض (هاه يالله نمشي) ( هاه لا يقلقون علينا الساعه جت ثلاث العصر )

وقرروا يطلعون وعلى قومتهم

الا فجأه تسقط شوق بنت سلطان ارضا وهي تشاهق وتشاهق وكأن الروح تطلع منها ومايدرون وش السبب امها انجنت وقامت تصارخ وهي تهزها وتقول بنتي ماتت بنتي ماتت يمممممممممممممه يمممممممممممه ياررررررررررربي بنتي لالالا

بنتي لالالا

انصدمت ملاك وقامت تصارخ وغطت عيونها قامت نجود ركض للبنت وسحبتها من يد امها والبنت مازالت تشاهق وتصرخ على امها وهي تقول هاتيها هاتيها وتسحبها بقوه من امها والام تسحبها لها وهكذا سحب وسحب

طلعت البنت غصت بقطعة شكلاته قامت نجود ودخلت اصبعا بفم البنت وقامت تحركه وتحركه بقوه والام تسحبها الا فجأه طلعتها كانت قطعة شكلاته كبيره غصت فيها البنت

فجأه البنت هدت وقامت تبكي وبدت تستعيد تنفسها ببطىء

وتمسكها امها وتضمها والبنت تبكي وتبكي وفقدت الوعي مره ثانيه

تقوم الام تصرخ وتكلم بدر : الو بدر الحقني شوق بتموت

ونجود بدت تهديها تقوم ام شوق تكفين انا مااقدر بنتي بتموت سوي شي ارجوك نجود سوي شي تقوم تمسك نجود وهي تبكي بنوديها المستشفى

نجود: أي أي عادي وديها

ام شوق : ايه تروحين معي يالله يالله بنروح المستشفى عشان لو جاها شيء تسوين لها زي قبل شوي

نجود: تقول بنفسها حلا هو خلاص البنت طابت

ام شوق تقاطع افكارها : يالله انا كلمت بدر بيودينا يالله يالله

وتسحب نجود من يدها وتلبس عبايتها على السريع وتطلع وهي ماسكه بنتها بيد ونجود بيد وتبكي وتصيح بصوت عالي وتركض بهم لسيارة بدر

ملاك تلحقهم محد التفت لها وتنادي نجود نجود وين تعالي نجود ركبت معهم وراحوا للمستشفى

وملاك مقهوره ماتدري وش تسوي نجود راحت وتركتها لحالها

=

في المستشفى

بعد كشف الدكتور على شوق صحت شوق وصحتها تحسن بقوه

الدكتور : لا الحمد لله مافيها الا العافيه الحمد لله انكم لحقتوا تطلعون من فمها الشكولاته اللي كانت غاصه فيها قبل يروح نفسها لو راح نفسها كان يمكن تموت لاسمح الله

تلتفت ام شوق لنجود وهي تقول : مشكوره مشكوره لولا الله ثم انتي كان ماتت بنتي وتقعد تضم نجود وتبوس فيها

وكان بدر معهم وهو يطالع نجود ويقول بنفسه وش هالحظ نجود ركبت بسيارتي ووراي بعد وش هالحظ وش هالحظ اه اه

نجود : تخجل من قبلات ام شوق لها وتقول لالا عادي ماسوينا شيء والاعمار بيد الله والله اللي نجاها والحمد لله على سلامتها يالله انا استأذن



ام شوق : لالالا والله ماتروحين بنوصلك تعالي تعالي

نجود: لالا باخذ تاكسي وبروح امر ملاك بنت خالتي نسيتها ببيتك

يدق جوال نجود : الو صارت ملاك الو ياحيوانه ياغبيه يادبه رحتي وخليتين عند الحريم اللي ماعرفهم وينك تعالي انا باخذ ليموزين واجيك

نجود: يالله ملاك جايه جايه وتروح تطلع وتمشي وام شوق تلحقها احنا بنوصلك

وبدر مقهور وده يمسكها بيدها وغصب ياخذها معه ويوصلها

نجود : لالالا مشكوره باخذ ليموزين وبمر ملاك نطلع للبيت

وتسبقهم وهي مسرعه وتوقف ياربي وين ليموزين مستحيل اركب مع ليموزين بلحالي يمه مستحيل

وقف بدر وراها وام شوق تطالعها وتقول: طلبتك نجود بنوصلك

نجود: خلاص خلاص والله احرجتيني وهي بنفسها تقول انقذتيني

ويركبون السياره وكان العصر قد خلص وقته بمدره يمكن وصلت الساعه اربع وبدر مبسووووووووط بها الفرصه اللي لو تمناها ماصارت لكن الصدف تسوي سوايا

يقوم يرفع صوت المسجل وهو يقول هذا اهداء لننننننننن لشووووق

كانت اغنية ماجد المهندس مع منصور زايد روحي بلقاك

روحي بلقاك تفز فزة حمامه

وتحوم حولك من غلاك واملها

يا لين من نضرة غلا وابتسامه

ترد روحي الغاليه في محلها



يكفي فضى صدري فؤادن غرامه

يحمل محبة انسى تلقى مثلها

يعني إذا قلت احصي شوقه وهيامه

تقدر تقول بكثر هالدنيا كلها





أهواك وأرسم للتعجب علامة

كلما بنورك عيني خطت كحلها

واسأل هواك إلي عظيم مقامة

هل خلى فيني ذرة ما وصلها



رح للقصيد ودور اعذب كلامه

وان جبت كلمة توصف احساسي كلها

دام اعجاز تلكالي وصفي وما دامه

حبك يسد بلاد ويكفي أهلها



ويصرخ بدر وهو يقول اهواك ياشوق اهواك ويضمها وهو يسوق ويقول حبك ياشووووق يسد بلاد ويكفي اهلها احبك احبك احبك والبنت تزيد في ضمها له كانت شوق راكبه جنب بدر ونجود وراه وام شوق جنبها وبدر ماشال عينه من المرايه بس يطالع نجود ولثمتها وعيونها

يوصلون بيت ام شوق وتركب نجود مع ملاك اللي من خوفها خلت السواق يجيها وتركب معه ويسنترون عند بناية شقة ام شوق

وتنزل نجود وتركب مع ملاك ويروحون بيتهم

وينتهي هاليوم وكان طوووووووووويل بالنسبه لملاك ونجود خصوصا يوم رجعوا للبيت كانت الساعه حوالي الخامسه مساء وام ملاك حدها معصبه وواقفه لها عند الباب الرئيسي كانوا واعدينها يرجعون ثلاث العصر لكن هم تأخروا ثلاث ساعات

وقدام بيت ام ملاك تطلع نجود جوالها بتكلم اهلها الا الجوال طافي شحن تقوم تسمك الحلاو بيدها وهي تضحك

وملاك تطالعها وتقول: هذا سبب بلاوي وترميه بالحوش وتدخل وهي تضحك وكلهم يستمرون بضحك هستيري

اما بدر فجالس بغرفته على غير العاده ماهو فاضي للأستراحه واهلها جالس يستنى اتصال من نجود وهو يكلم نفسه

اه يانجود اه يعني معقوله تجازف وتجي للعزيمه والله ماجت الا من غلاي عندها فديت زولك يانجود فديته ودي ادق بس اكيد بنت خالتها معها الحين

انا مالي خلق احد ابداااااااااا انا بجلس هنا لين تفضالي نجووووود

ويقوم يطفي نور الغرفه ويتمدد بسريره وكانت الدنيا توها بدت تصير ظلما

وبدا يقلب بجواله ويغني :

حلو على قلبي هواكم

عايش مع اايامي سعيـــــــد

غايتي اطلب رضاكم

وان حصل فاليوم عيد

ياليتني مسافر معاكم

واترك الغربه بعيد

قلبي مايهوى سواكم

وانتو بس حبه الوحيد

حلو على قلبي هواكم

عايش مع ا ايامي سعيد

غايتي اطلب رضاكم

وان حصل فاليوم عيد

بعدها بكم ساعه يبدأ يتصل ويتصل بنجود من كثر شوقه ماقدر يصبر لين هي تدق عليه بس المفاجأه ان الجوال مغلق





في احد الاستراحات المشبوهه

نايف جالس مع واحد من ربعه بالإستراحه وهو بمثابة يده اليمنى واسمه سعيد

نايف : آه آه انا متحمس شكلي ماراح انام اليوم

سعيد : ليش لها الدرجه السالفه شاغلتك

نايف: اكيد انا مره متحمس لها تدري ياسعيد ان بكره بيكون احلى يوم مر علي في حياتي بكره بفرح فرح ماقد فرحته في حياتي كلها

سعيد: انت متأكد من الرجال

نايف: مثل ما انا متأكد منك ثم الرجال بكره طالع من الرياض عشانه بيودي غنم لمزرعه واحد وعلى دربه ينفعنا ثم دسمنا شاربه بالفلوس لاتوصي ههههههههههههه

سعيد : هههههههههههه غنم والله ان الحريم كلهن غنم ههههههههههه

نايف : هالحين قم قم خلنا نمشي والله الظاهر شكلي ماني نايم لين اتطمن ويطلعون كلهم من الاستراحه وكل واحد يركب سيارته



نجود مستلقيه على سرير ملاك تعبانه كان صدرها يعورها

ملاك: والله يانجود نصيحه لاتداومين بكره انتي مره تعبانه ولاتهملين نفسك روحي عالجي وسوي كشف كامل

نجود: لالا عادي انا يجيني هالالم كثير لكن اقرا على نفسي واشرب مويه فيها قرايه واحط زيت على جسمي مقري فيه ويخف الالم بس انتي يالله خلي السواق يوديني بكره دوامات والا نسيتي ان بكره السبت

ملاك: ياعمري والله مانسيت بس جلستك ماتنمل احلى يومين مروا علي هالخميس والجمعه اللي جيتينا فيها والله غيرتي روتين بيتنا الممل

نجود: ولايهمك كل خميس وجمعه اذا ماطلعت لاهلي بجيكم وانام عندكم

ملاك: والله هذا احلى خبر سمعته وتروح تبوسها وهي مبسوطه

نجود: يالله خلينا نروح الشقه وتروح نجود وهي تعبانه وشكلها يكسر الخاطر حتى جوالها ماالتفتت له من رجعت من الحفله حقة ام شوق طفى شحن ولا شحنته من كثر الإرهاق والتعب

ملاك وصلت نجود لشقتها مع السواق وحمودي ورجعت بيتها وهي حاسه بالملل لأنها بترجع بيتها بدون نجود

اما نجود فتروح لفراشها وتسمي بالله وتقرى المعوذات واية الكرسي وتنام وهي كلها تعب وارهاق ومرض وتنام نومه عميييييييييييييييييييييييييييييييقه



اما بدر زعلان عليها مره وهو يقول : طيب يانجود طيب تقفلين جوالك عشان ماأكلمك انا اوريك انا يصير خير طيب طيب وكان ناوي لها نيه لو فتحت جوالها وماقدر ينام ذيك الليله بس يتقلب بفراشه ولايرد على مكالمات اخوياه بالاستراحه

وكل واحد منهم يقول خلوه خلوه اكيد جايته النفسيه ويضحكون عليه

لأن بدر لما يضيق خلقه مايرد على احد لأنه مايحب احد يقوله وش فيك وليه متضايق لأنه مايحب يشغل احد ايا كان بهمومه ومشاكله



في اليوم التالي وفي الساعه العاشره صباحا وفي احد مراكز الشرطه مكالمه هاتفيه بين ضابط واحد الضباط الاخرين في مراكز اخرى

الضابط مشاري: لاحول ولاقوة إلا بالله لاحول ولاقوة إلا بالله كم عدد الضحايا

الضابط الاخر: والله ست معلمات وسايقهم كلهم احترقوا حتى سيارتهم تدمرت ياخي موت جماعي والعياذ بالله والحادث صار على طريق ال ...............................

مشاري: ايه يعني ورى الرياض بثلاثين كيلو بس إنا لله وإنا إليه راجعون طيب الرجال الثاني وش صار عليه

الضابط الاخر: والله ماصار له شي مثلك خابر يسوق تريله وكلها محمله غنم يمكن الغنم تطايرت بس هو ماجاه شي بس رضوض بسيطه

يتأثر مشاري بالخبر وبعدها يذكر نجود انها تروح يوميا على نفس الطريق

لكن تعوذ من بليس وقال بنفسه سيارات نقل المعلمات كثيره ومو شرط تكون نجود بينهم

بس حب يتأكد قام دق على جوال ملاك يستفسر منها عن نقل نجود ونوعه وقال لها تدق على جوال نجود تتطمن عليها

قامت ملاك صرخت بقوه وهي تقول الا هذا نقل نجود هي تروح كل يوم بها الطريق هذا نقلها ورمت جوالها وهي تركض لأمها مثل المجنونه نجوووووووووووووووووووووووووووووود

نجوووووووووووووووووووووووووووووووووووووود

نجووووووووووووووووووووووووووووووووووووووووووووووود

ياحسرتي عليك يانجود ياحسرتي عليك يانجود ياخسارة شبابك يانجود ياخسارة شبابك يانجود

يمه يمه يمه نجوووووووووووود ماتت ماتت ماتت

















نهاية البارت











اتمنى ان ينال البارت على اعجابكم تقبلوا خالص تحياتي وشكري لردودكم المشجعه









مع تحياتي






(( شقــــاي الصمــــت))





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 05-11-2010, 03:17 PM
دعــاني الشــوق دعــاني الشــوق غير متصل
©؛°¨غرامي مشارك¨°؛©
 
الافتراضي رد: رواية أنا و خلي كل دار وطنّا قلبي و روحي كلها له هديّة / بقلمي










الجزء السابع


(( يـــــوم الصدمـــــــات 1 ))


يوم السبت الساعه العاشره صباحااا

في بيت ملاك يسود الحزن الأرجاء الكل يبكي من صغير لكبير

ام ملاك احتارت كيف بتخبر اختها أم نجود عن هالخبر الكارثه

ملاك في حالة صدمه نايمه بفراشها ومتلحفه ببطانيه بعز الحر وهي تبكي وتون وتقول : آه يانجود آه ياحسرتي عليك يانجود ياحسرتي عليك يانجود

عمرك ماتهنيتي بحياتك لا أهل زي الناس ولا زواج زي الناس حتى اللي اللي حبيتيه ماتهنيتي فيه ياربي ياربي ياربي انا بحلم والا بعلم انا مو مصدقه ان نجود تروح كذا بشربة مويه تروح من غير ماتقول لي

نجود اللي مااخطي خطوه الا بشورها نجود اللي دايم تقوي عزمي وتبني شخصيتي وتساعدني نجود اللي عن ألف رجال تروح مني تروح ماتهنت بشبابها ولاصارت أم ولاحققت حلم الامومه اللي تحلم فيه ياحسرتي عليك يانجود آه يانجود آه آه آه

حمودي الصغير في حالة صدمه وخوف ورهبه مايدري وش اللي مخلي حالة اخته ملاك كذا جالس جنبها على السرير ويبكي ويحاول يرفع عنها البطانيه عشان يشوف وجهها

تدخل ام ملاك تهديها لكن مافيه فايده كانت ملاك تعاني وكأنها وحده صادمتها سياره وتنازع من اجل البقاء

الأم تبكي : قومي يابنتي قومي بنروح بيت خالتك لازم تجين معنا

ملاك: .............................. ماترد مجرد بكاء لا غير

الأم: يابنتي لازم تجين وتواسين بنات خالتك وانا والله مدري وش بيصير في امها لادرت اخاف تنجلط والا تموت مالها الا الله ثم نجود مايمشي امورها الا هالبنيه ياويل حالي قومي قومي يابنتي انا علمت ابوك وبيجي يودينا لهم وتبكي الام بكاء خفيف حتى لاتزيد من هم ملاك

فجأه يدق جوالها تنظر للشاشه هذا رقم ام نجود ياربي سترك اكيد درت اكيد درت وش اقول لها الحين كيف اهديها

ام نجود تبكي وماتدري وش تقول كانت داقه على جوال نجود مليون مره والجهاز مغلق دقت على اختها منيره تبلغها عن حادث ولدها خالد ولاهي داريه عن سالفة نجود

ام ملاك: الو هلا وضحى وشلونك >> وضحى ام نجود

ام نجود: ياويلي ياويلي ياويلي يامنيره الحقيني يامنيره>> منيره ام ملاك

ام ملاك: لاحول ولاقوة الا بالله لاحول ولاقوة الا بالله امداه يوصلك الخبر من اللي علمك الناس هذي تحب الاخبار الشينه ادعيلها ياوخيتي ادعيلها بالرحمه ادعيلها هذي تعتبر شهيدهـ الله يرحمها نجود والله يعوضك فيها خير

وضحى ماركزت بكلام اختها وضلت تبكي وتقول خالد خالد يامنيره خالد اصدمته سياره ثم 000 تسكت فجأه وتسترجع ماقالته لها اختها ام ملاك وتشهق بقوه وتصرخ وتقول : هاااااااااه انتي وش تقولين من هي اللي ماتت من هي ؟؟؟

نجود بنتي وش تقووولين انتي وش تقولين هاااااااااااااه وتصارخ بقووووووووه وبدون شعور

وترمي بالجوال ويغمى عليها

ام ملاك: ياوضحى ياوضحى ياوضحى وتقول :

يارررررررررربي وش جاها وش فيها انا وش سويت انا وش قلت الله يصبرك ياوخيتي البنت ماتت والولد بالمستشفى وتبكي بحرقهـ

تركض تلبس عباتها وترجع لملاك وتسحبها من سريرها وملاك غرقانه بدموها ووجهها احمر وحالتها ماتسر ابد ويركبون ويشدون الرحال لبيت عائلة نجود

==

يوم السبت الساعه الواحدهـ بعد الظهر وصلت ملاك وامها لبيت اهل نجود وخلاص الخبر انتشر وأبو نجود يوم سمع الخبر من ابو ملاك راح للرياض يدور أشلاء بنته فلا عزاااااااااء قبل الدفن وكيف سيجد اشلاءها وهي بين كومة حريق قد لايجد منها شيء حيث أن من قرروا الحادثه قالوا بأن الجثث السته مجهولة الهويه لولا تعرفهم على لوحة السياره الخلفيه اللي طارت من شدة الاصطدام لما تعرفوا على اصحاب السياره

ملاك عند بنات خالتها اللي زمان ماشافتهم ماقدرت تدخل غرفة نجود البيت كله كان كئيب وجوّه محزن ام نجود في المستشفى مع ولدها اخوات نجود استغربوا زيارة ملاك وامها في بداية الاسبوع ووقت الظهر أكيد في الامر إنّ ومن شافتهم ملاك الا بدت بالصراخ وهي تخبرهم بالخبر حتى شاركوها الجميع الصراخ وذهبوا جميعا للمستشفى حيث ام نجود التي تحتاج هي الاخرى مواساة

أب قاسي القلب لم تدمع له عين ولولا خوفه من ملامة الناس كان مافكر يروح يدور جثمان بنته تدفن حيث تكون لايهم ماتت وخير ياطير كل الناس بيموتون بس الحين من بيصرف على البيت بطلق امها وبحط حرمه جديده واطردها هي وعيالها الفاشلين العاقين من بيتي انا لازم اعيش حياتي ماابي احد ينكد علي كانت كل هالهواجيس تدور في باله وهو في طريقه للرياض

==

بدر في دوامه جالس على مكتبه طفشااااااااااان حدهـ توه داق على جوال نجود ولقاه مقفل زين يانجود زين كل هذي سحبه كل هذا تطنيش طيب يانجود طيب انتي مرتاحه وانا منشغل بالي عليك حتى مافكرتي تكلميني ولاتقولين لي وش سويتي في العزيمه حقة امس ولا انطباعك عن ام شوق ولا حتى فكرتي تسأليني هي وش قالت عنك اخ بس اخ مغروره يانجود مغروره مررررره وغرورك هذا ماينفع من جد نفسيه هالبنت ولا يكون جايك قرينك وقالبك علي يالحيوانه زين انا اوريك بكره تعرفين من هو بدير

الظاهر شكلي انا بكلمها ياررربي اخاف هالخبله صاير لها شيء و الا شيء حتى ان عصبت والا قلبت تقلب بوجهي مو تطنشني كذا ايييييييييييييييه لقيتها مافيه الا ملاك بنت خالتها شكلي بدق عليهاااا نسسسسسسسسسسسسسيت فاتتني هي قد ارسلت لي مسج من جوال ملاك يارب مااكون مسحتها يااااااااارب ويدور بالجوال ويلقى الرساله ويقول زين الحمد لله مامسحتها اجل انا مهبول امسح شيء من يدها مرسلته لي بس اطلع من الدوام اتفرغ لك يانجود صبرك علي صبررررررررررركـ

==

إلا فجأه يدق جوال بدر

بدر : ألو

ماجد: ألو بدر بدر إلحقني ياخوك إلحقني

بدر: سلامات سلامات وش فيك

ماجد: الشرطه ماسكتني الحقني يابدر انخرب بيتي انخرب بيتي محلّي صاير وكر لبيع المخدرات العامل خرب بيتي انخرب بيتي انقطع رزقي الشرطه سكروا محلـّي تكفى ياخوك تكفى الحقني بمووووووووووت انا بالسجن الحين وينصدم بدر ويفز من محله ويصارخ بوجه صديقه ماجد

انت مهبول انت انجنيت وش تقول انت هاه وش تقول مخدرات مخدرات ياماجد مخدرات

ماجد: اقولك الهندي يستغفلني ويتاجر بالمخدرات في محلي والحين متهميني والهندي اختفى اه يابدر اه هذي مخدرات مخدرات التهمه لابستني لابستني

يصرخ بدر : انا ولد ابووووووووووووووووووووي انت بأي مركز جايك جايك ويوقف بسرعه ويروح ركض ويطيح كاس الكابتشينو من فوق طاولته ويوسخ اوراقه كالعاده الفوضويه بمكتبه دائمااااا والمشكله انه يرتب المكتب وفي دقايق ترجع الفوضى من جديد

==

يوم السبت الساعه الرابعه عصرا

نايف وصديقه سعيد جالسين يسولفون

نايف: انا ماني مصدق ماني مصدق ماني مصدق خلاص راحت نجود راحت

سعيد: وش فيك كنك زعلان مو انت تبي تنتقم منها مو هي اللي طعنتك برجولتك مو انت تبي تكسر خشمها هذاك نحرتها نحر ههههههههههه

نايف: اسكت اسكت انا ماني مصدق ماني مصدق انها خلاص راحت يعني ماعاد اشوفها مره ثانيه انا وش سويت انا وش سويت انا مهبول انا خبل انا ثور كيف قتلتها كيف

سعيد: اقول لاتسوي فيها ضميرك يأنبك ههههههههههه ثم لاتنسى ياما ذبحنا شباب وبنات حتى البنات ماسلموا من البلا اللي نبيعه والله اننا دواهي تجارتنا واصله لين كلية البنات هههههههه

الحمد لله تصدق اني ماني مصدق اني مليونير كله من هالتجاره الزينه ياويلي بس ياويلي

نايف : اقول اسكت بس اسكت آه بس آه هي عنيده والله اني كنت بعيشها ملكه بس هي وجه فقر

سعيد: يعدل جلسته ويقرب لنايف وهو يهمس له: الا ماقلت لي خويك اللي يبي يشتري بخمسه مليون وينه تأخر علينا ترى ان مارد بصرفها بطريقتي

نايف: اسكت اسكت لاتتكلم فاللي مالك فيه لاتنسى انت مين وانا مين فاهم والا لااااااااااااء شكلك ذقت الملايين وانهبلت ههههههههههههههه

سعيد: هههههههههه مالك الا اللي يرضيك ياأمير انت هههههههههه

يدخل عليهم الهندي قهوجي الإستراحه بالقهوه والشاهي والحلويات ويشربون وياكلون ولا كنهم قتلوا اوادم كثار من كثرة جرايمهم صار عادي ياكلون وقدامهم قطع لحم بشريه بل قد يأكلون البشر أنفسهم

لكن بشر القاتل بالقتل ولو بعد حين

يدخل عليهم واحد من شاكلتهم ويسلم ويجلس يتقهوا معهم ويبدون يخططون لما هو قادم أو بالأحرى للضربه القادمه

==

سلطان اخو بدر توه راجع من سفرته وجالس فشقته بالصاله يلاعب بنته الحلوه شوق ويضمها ويبوسها بقوه

أم شوق: تصدق ياحبيبي بغينا نفقدها لولا ستر ربي ثم نجود

سلطان: وش تقولين انتي بسم الله على بنتي فال الله ولافالك ثم وش فيها وش صاير ومن هي نجود قامت ام شوق حكت له القصه اللي صارت بعزيمة امس كلها من طقطق لسلام عليكم ويعصب سلطان عليها ويقول: ليه ماقلتيلي بالتليفون ليه بنتي بغت تموت وانا اخر من يعلم

ام شوق: حبيبي مابغيت اخوفك زي ماخفت انا على بنتي وش فيك الله يهداك لاتعصب ثم بدر قام بالواجب ماقصر تصدق مرابط تحت عند البوابه لو احتجنا شيء والا شيء ونجود ذي اخت صديقه محمد جت فالعزيمه بدر قال لصديقه يعرفهم علينا كذا يعني

سلطان: من محمد صديق بدر ماخبرت لبدر صديق الا ماجد وماجد ماله خوات

ام شوق: يمكن زميله بالدوام مايهم بس تدري البنت شيء والله تصلح لبدر تصدق يوم ودانا المستشفى عينه مانزلت عنها ومنعفس فوق تحت يحسبني ماانتبهت له ولاهيه فبنتي بس لايغرك لي عينين اشوف بهم واعرف ههههه

سلطان : هههههه اتركي عنك الخرابيط بدر لنوره بنت عمي ونوره لبدر لامفر ابداااااااا ,,,, ثم انتم يالحريم مالكم عينين وبس الا لكم عشرين عين الله يكفينا شركم هههههههههههههه ويبدا يضم بنته بقوه ويبوس فيها

ويقول لها انه بياخذها هي وبنته ويمشيهم يغيرون جو

ويطلعون يتمشون ويستانسون وكانوا رمز العائله المثاليه السعيده التي لطالما بدر حلم بأن يكوّن أسره زي أسرة اخوهـ من كثر التآلف والتفاهم والإحترام اللي بين سلطان وام شوق

بدر بعد مازار صديقه ماجد بالتوقيف وتطمن عليه راح يحاول يدور له محامي والا أي أحد يمكن يساعد ماجد في قضيته لكن الحل الوحيد لخروج ماجد من السجن هو انهم يلقون العامل اللي يشتغل عنده يمكن بالقبض عليه تظهر براءة ماجد من ترويج المخدرات لكن حتى ذلك الحين سيظل ماجد في التوقيف....

بدر جالس يدور بسيارته في شوارع الرياض وبسرعه جنونيه مايدري وين يروح صار همه همين هم نجود اللي قافله جوالها وماكلمته وهم صديقه ماجد اللي ان ثبتت عليه التهمه يمكن يجيه اعدام ,,

ومن كثر مايدور بدر بالشوارع تجيه مخالفات كثيره والفضل يعود لنظام ساهر اللي يرصد السرعه ويسجل المخالفات وبمئات الريالات ويبدأ يكلم نفسه : الله يهديك ياماجد الله يهديك يمكن احد داعي عليك والا انت اعرفك منت راعي مخدرات حدك بنات الله يصلحك كم مره اقولك لاتلعب على بنات الناس واترك بنات الناااس فحالهم هذا صار لك بسبب ظلمك لهم

إلا فجاه يدق جوال بدر كان رقم غريب اول مره يشوفه

بدر: ألو

طلع له صوت بنت كانت البنت مخنوقه من الهم من البكاء ماتقدر تتكلم

بدر: ألو مين انتي

البنت: ألو هذا جوال الاستاذ بدر

بدر: نعم امريني وش بغيتي

وتجهش البنت بالبكاءءءء

بدر: ياربي من ذي خير يااختي وش فيك تبكين ومن انتي

البنت: اخوي بدر طلبتك الله يستر على خواتك ساعدني الله يساعدك ابوس ايدك ابوس رجولك ارحمني انا يمكن انقتل

بدر: بسم الله الرحمن الرحيم ياربي سترك بس انتي مين يااختي تكلمي ومنين جبتي رقمي ووش تبين فيني ياربي وش هالحظ اليوم

البنت تبكي وتبكي وكل كلمه تقولها تخنقها العبره ماتقدر تكلم لكن اخر شي فهم انها هند ماغيرها صديقة ماجد اللي غدر فيها وتركها بعد ماحملت منه فهمته هند السالفه وقالت له انها جابت رقمه بطلوع الروح وبطريقتها الخاصه وطلبت منه يساعدها ويقنع صديقه يتزوجها مؤقت بس يستر عليها ويطلقها

بدر: لاحول ولاقوة الا بالله يااختي وانا وش في يدي

هند: ارجوك انا ماطلبتك الا لأني عارفه انك منت زي ماجد وانت فيك خير ومنت راعي بنات ارجوك اخوي بدر اهلي ان دروا بيذبحوني وتستمر في البكاء الشديد

بدر: تدرين يااختي ان ماجد مسجون والتهمه ترويج المخدرات في محل الكترونيات تدرين انه ان ثبتت عليه بيروح فيها وينعدم تدرين والا لا

هند: تبكي والله اني دعيت عليه شكله من دعاي والله اني رحت للحرم واعتمرت وطول ليلي ادعي عليه وربي استجاب لي وان ماتزوجني يمكن انتحر وذنبي برقبته ليوم الدين

بدر: استغفري استغفري ربك ومالك الا اللي يرضيك انا بحاول اقنع ماجد وماعليك ان شاء الله مشكلتك محلوله وماتشيلين هم هو الحين الله اعلم بحاله

هند: الله يسعدك ويوفقك ويستر على خواتك

بدر: امين امين الله يجزاك خير

هند: ليت كل الرجال مثلك ليت ماجد مثلك ياليت,,, سبحان اللي جمعكم مع بعض لكن فرق بين طبعكم

بدر: خلاص تطمني يااختي تطمني تقفل هند الخط وهي مرتاحه نفسيا لأن لها مده ماتعرف النوم اللي البشر يعرفونه وكله خوف من ان فضيحتها تنتشر بين الناس,,,

يتضايق بدر بقوه يحس كل هموم الدنيا كابسه على صدره نجود مختفيه ماجد بالسجن وصديقة ماجد كلهم همومهم فوق راسه يبي يستر على البنت ويساعدها والسبب نخوته وشهامته اللي متربي عليها صح خفيف دم ويحب المزح والفرفشه لكن هذا مايمنع انه يكون رجل مواقف عند اللزوم ,,,

بعد هاللفلفه الطويله بالشوارع يرجع للسجن من جديد ويقابل صديقه ويمسكه من ثوبه وهو معصب اسمع البنت بتتزوجها يعني بتتزوجهااااااااااااااااااا فاهم والا لااااااااااااااااااااءءءءءءء ويخبره عن مكالمة هند

ماجد: والله وعد وانا اخوك والله وعد ان طلعت اني لتزوجها انت تامرني امر تامرني امر والله مالك الا اللي يرضيك

بدر: مابيك ترضيني ارض ربك اول شيء وترى كل اللي صار لك من دعاها عليك لأنك كذاب وظالم وحقير

ماجد بدا يبكي منهاررررررررر ويبدا يتأسف وهو ندمان على اللي سواه بهند ويوعد بدر انه متى ماطلع بيتزوج هند ويستر عليها

وينهار ماجد ويبكي ويقرب له صديق عمره ويضمون بعض بقوه,,,

لكن هم بدر لايمكن يوصف لأنه خايف من هالقضيه اللي مالها نهايه خايف على صديق عمره يروح في شربة مويه

==

بين اوساط المعلمات في مدرسة نجود وماجاورها من المدارس

انتشر خبر حادث معلمات نقل الرياض وقاموا يتناقلون الاخبار بينهم

البندري ام رهف صديقة نجود جالسه فبيتها تبكي على صديقتها اللي فقدتها والمدرسه بمدرساتها مالهم سيره الا هالحادث الشنيع وقررت المديره بعد مااتصلت على كل المعلمات انها تعلن حداد على فقدان معلماتها

ابو رهف زوج البندري قافل على نفسه بغرفته الباب ويبكي على نجود وماهو مصدق انها راحت كان يخطط عليها وكان ناوي يخطبها و يتزوجها لأنها عاجبته حيل لكن اسلوبه معها كان جدا وضيع وكانت حركاته دنيئه ولو ان غايته الزواج لكن يشوه صورتها امام صديقتها البندري عشان يفرق بينهم ويخلي زوجته تكره نجود لأنه عارف ان نجود ماراح توافق عليه لأنه زوج صديقتها ودايم يحاول يقنع زوجته ان نجود تغار منها ومن استقرارها ويحب دايم يحذرها من نجود يبي زوجته تكره نجود بأي وسيله وتتهاوش معها وتقطع علاقتها فيها عشان ينفذ كل مخططاته

جته حالة حزن عميقه اخذ الجوال وقام يدق على رقم نجود مقفل ويظل يدق ويقفل ويدق ويقفل وهو يبكي ولا شعوريا يتصل بجوالها وينفعل ويبدأ يكسر أغراض التسريحه من عطورات وواغراض وتدخل عليه زوجته ويطلع برى البيت منفعل ماكان يبيها تشوف انفعاله أو تحس بشيء

==

يوم السبت الساعه التاسعه ليلا

بدر يوووووووووه انا ماعاد اقدر اصبر لازم اكلمها لازم اشوف اخبارها للحين قافله جوالها ياربي هالبنت وش فيها كذا ترفع الضغط ودمها ثقيل ولا كأن فيه واحد غبي يموت عليها خلاص بكلم ملاك مافيه الا ملاك ومالي شغل يبدأ يتصل على ملاك: ماترد ويتصل ماترد طبعا ملاك مو فاضيه ابدا للجوال وراميته بيد حمودي يلعب فيه يقوم يرسل لها رسالهـ (( سلام ملاك أنا بدريه صديقة نجود طمنيني عليها ليش جوالها مقفل))

ومحد رد على رسالته قام دق مره ثانيه و ثالثه ثم رد عليه حمودي

بدر سكت مايبي يورط البنت جلس بس يسمع طلع صوت ولد صغير ومن طبع حمودي يسولف لو دق احد على أي جوال وهو ماسكه سواء جوال اخته او امه المهم حمودي رد وبدا يسولف : الو مين انتي تبين ملاك ملاك تبكي تبكي

بدر: يحاول يغير صوته يخليه صوت بنت ويكلم حمودي : الو ابي ملاك بسرعه يقوم حمودي يركض بالجوال لاخته ملاك ويرميه عليها ويقول كلمي بنت تبيك كلمي بنت تبيك ملاك خانقتها الدموع ترمي الجوال بوجه حمودي قام حمودي قال لها كلمي مشاري يبيك مشاري يبيك طبعا حمودي مرسول الحب بين ملاك ومشاري تاخذ ملاك الجوال بسرعه وتكلم بصوت متقطع وترد : ألوووووووووووووووو

بدر: الووووووووو

ملاك ترد نعم ماميزت الصوت تحسبه مشاري ولد عمها اللي ان سمعت صوته يمكن ترد لها روحها مره ثانيه

بدر: ملاك انا بدر انا اسف ازعجتك بس نجود وينها ادق جوالها مقفل

تصيح ملاك وبقووووووووه مين بدر وآآآآآآآآآآآآآآآآآآآآآآآآآآآآآآآآآآآآآآآآآهـ

بدر: وش فيك تصيحين

ملاك: نجود ماتت ماتت ماتت يابدر ماتت ماتت في حادث سياره اليوم الصبح هي والمعلمات كلهم وآآآآآآآآآآآآآآآآآآآآآآآآآهـ وتقفل الخط وهي ماتدري وش تقول ولا تميز كل كلمه قالتها كانت منهاره تماما

بدر: وش وش تقولين الوووووووووووو الووووووووووووووووو الوووووووووووو لالالا مو معقوله نجود تموت لا ما ماتت نجود لالالا يبدا يهلوس ويدق على واحد من اصدقاه بالشرطه ويسأله ان كان سمع شيء عن الحادث ويرد عليه صديقه : نعم الحادث صار اليوم الصباح الساعه ست الفجر وبكره بتشوف كل التقرير كامل بكل الجرايد وترى النت نزلوا كل شيء عن الحادث لأن فيه ناس صوروه ونزلوه بالنت حتى بعضهم منزل أسماء المعلمات المتوفيات الله يرحمهن

وثم سأل بدر وقال : هم صح معلمات المدرسه الفلانيه في الديره الفلانيه

بدر : ايه معلمات من قرايبنا بالمدرسه ذي

يقفل بدر الخط مذهول مصدوووووووم شوي وينجن وش هاليوم اللي مامر على خير وش هاليوم اللي من اوله نكد لا مستحيل حبيبتي تموت وانا ماعشت معها مستحيل تموت وانا ماحققت لها احلامها ولا أسعدتها بحياتها مستحيل تموت وانا نصيبي منها بس عيونها معقوله تكون مجرد طيف عابر في حياتي معقوله تكون ضيفه خفيفه مرت ورحلت مستحيل تموت آه يانجود آه آه ياحبيبتي آه ويبدأ يضرب على صدره ظلمتها ظلمتها وقلت طنشتني وتركتني آه آه وين اروح ووش أسوي آه ليتني ماكلمت بنت خالتها ياليت ياليت ماكلمتها ياليت

:



غابـت عنـي ولا ادري وشحالتهـا





ولاأدري وشلون قلبي بتنـام عيونـه



قلت أقوم أنشـد عنهـا بنـت خالتهـا





عله يرتاح قلـب تلعـب بــه ظنونـه







ردت علي بصياح تسابــقه دمعتهـا







قالت ياولـد البنـت بالقبر مدفونـه





وقفت مذهول وصدمتني بصرختــها







وقفت صامتن وعقلـي جنـت جنونـه





منلام روحي علـه يعيـش حسرتهـا







ويعيش طـول الدهـر تبكـي عيونـه







يـالايميـن قلبـي شوفـوا صورتهـا







بعدها تبون تلومونـه لكـم تلومونـه







ماأبي غيرهـا أبـي أسعـد بضمتهـا







ماأريد غيـر قليبـي تنجلـي حزونـه





لعنبو عين عقبك مـا تنحـدر دمعتهـا







ولعنبو خلقن كان إسمك مـا يطرونـه





ياليتني ساكن اليـوم بوسـط حفرتهـا







وروحي بجنب روحها اليـوم مدفونـه





=





(( القصيده منقوله بتصرف مني))





==









وآآآآآآآآآآآآآآآآآآآآآآآآآآآآآآآآآهـ آآآآآآآآآآآآآآآآآآآآآآآآآآآآآآآآآه يانجود آآآآآآآآآآآآآآآآآآآه

====







نهاية البارت





اتمنى ان يحوز على إعجابكم





ويا ترى وش بيصير في الجزء الثامن وماهي الاسرار اللي ممكن تظهر لنا في الجزء الثامن وماهو مصير ماجد وكيف بيعيش بدر صدمة فراقه بمحبوته اللي توهـ ماتهنى معها





أحدااااااااااااااااااااااااث كثيره تنتظركم في الجزء الثااااااااااااااامن ولاننسى أننا مازلنا في يوم السبت واليوم توهـ ماانتهى بصدمآته











مع تحيات








(( شقـــاي الصمت ))





الإشارات المرجعية

رواية أنا و خلي كل دار وطنّا .. عيني و قلبي كلها له هديّه / بقلمي

الوسوم
أنا وخلي كل دار وطنا
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية دنيا الاقدار/ بقلمي t3abt ashky أرشيف الروايات المغلقة - لعدم إكتمالها 43 10-05-2013 12:20 AM
رواية يا نعيش مع بعض حبيبي .. يا نموت إحنا الإتنين / بقلمي JoDa ^_^ أرشيف الروايات المغلقة - لعدم إكتمالها 23 22-12-2012 02:10 AM
رواية يرحم أمك يا ضيقه الصدر طسي لغيري / بقلمي ڪبرياء الغواليـﮯ أرشيف الروايات المغلقة - لعدم إكتمالها 453 30-04-2012 06:45 PM
رواية باحط قلبي بين ايديك هدية / بقلمي غيروك العواذل أرشيف الروايات المغلقة - لعدم إكتمالها 61 29-12-2010 06:50 PM
رواية عاشقة و ما تؤمن بالعشق / بقلمي نظرة حـب أرشيف الروايات المغلقة - لعدم إكتمالها 48 18-09-2010 06:03 PM

الساعة الآن +3: 05:09 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم