:no comint: حمم بركانيه
يقولها اللي من كرى العين محروم والنفس عافت كل شي ومحرومه
اقولها وانا بها اليوم مـــــــــلزوم وارمي بها بين القرابه لزومه
لا عدت يا يوم على العين مشئوم في ليلة سودى عليا مشئومه
قولي صحيح لا تحسبونه علوم وياكم صديق شرفتني علومه
حظي توفى وقلت مرحوم مرحوم وانا احسب الدنيا عليه رحومه
انا رمي لي سم في عرض مطعوم ونصدت مثل اللي تصيده طعومه
اصيح بعلى الصوت وقول مظلوم دنياي هذي كل ابوها ضلومه
اقول هذى الحق يقولون مذموم حتى الحقيقه عند ناس مذمومه
مافيه انسان من الزل معصوم ومافيه ناس قيل عنها معصومه
قلت انما هذى مقدر ومقسوم وهذي حياتي اللي علي مقسومه
اصبحت سلعه للتجاره وللسوم وعزي لمن كثر المنايا تسومه
وادي المنايا من شرب منه مقسوم ولا عدت ياوادي بلتني سقومه
ياطير ياللي حر نفسك وبتحوم ابعد وخذ سته وستين حومه
خايف عليك من القفص صرت متهوم وياكم من العربان ناس متهومه
يوم افتكر في ما مضى اصيح واقوم في ليلتي تسعه وتسعين قومه
يكفي العتاب ويكفي الهرج واللوم واللي بعيد بالنسب مانلومه
بشير من العام والا مس واليوم وما يموت انسان في قبل يومه
بشير انا ارجي فزعتك دايم الدوم واللي كما كم شهم ربي يدومه
يرجيك واحد داخل الصدر مكضوم والله لا يجعل حياتك كضومه
طعن العدى ياخوي بالحيل مسموم والريح لا هبت تذرذر سمومه
وقت الفخر والعز قفا مع الروم واحنا بعصر وجيل بقعا ترومه
الطير فيه الصقر والنسر والبوم ومن تاخر لا دعي ذاك بومه
الله فرض في كل عام شهر صوم ومن يشهد الشهر المبارك يصومه
تمت عساكم ياهلي دايم سلوم والشرع شرع الله وهذي سلومه
العرض العادي
