اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 22-09-2010, 11:15 PM
صورة Dr.lajo0on الرمزية
Dr.lajo0on Dr.lajo0on غير متصل
©؛°¨غرامي متألق ¨°؛©
 
B10 روايتي الأولى : و أخيراً حسيت يا مغرور / كاملة


في البداية احب ارحب فيكم جميعا بلا استثناء
حبايبي هذي روايتي الاولى بين ايديكم واتمنى منكم التفاعل وبليييز بلا تجريح ..
قبل ابدا احب اوضح كم نقطة:
مافي اي مانع تنقلوا الرواية لكن بشرط انها تكون باسمي ( صاحية لهم)
تنزيل البارتات مافي وقت محدد وبحاااول اني اخلص بسررررعة لعيونكم
انتهينا.. والحين اترككم للقراءة
رواية ( واخيرا حسيت يا مغرووور)
في بداية الاجازة الصيفية تحديدا في بيت ابو مهند والربشة الحاصلة اليوم بسبب عزيمة الغداء المقامة لاستقبال < ماجد > اللي خلص دراسته بامريكا ورجع .. ( نعرفكم بعائلة ابو مهند :ام مهند ماراح نحكي عنها كثير , لجين 23 سنة بنوتة هادئة خجولة خواااافة لان ابوها شديد وفية عنييييدة لون بشرتها قمحي شعرها اسود طوييييل ملامحها هندية مثل ما يعايرونها نحيفة طولها يعني , ليان 12 سنة الاخت النشببببة ثقيلة الدم , مهند 8 سنين وابو مهند اكبر اخوانه العاقل الشديد اغلبية الاجتماعات العائلية تصير ببيته, والعم ماجد 30 سنة مملوح عذاااب هالرجّال شخصيته حتعرفوها من الاحداث نرجع للرواية )
ام مهند عزمت اخوها عبد العزيز وعياله ( بشرى 23 سنة بنت طيوبة هاااااادئة دلوعة شوي كلامها قلييل تجيب النوم >>هع مؤدبة بزيااادة عاقلة, سامية 19 سنة, علا 18 سنة , محمد 8 سنين )
وعزمت اختها ريم وعيالها ( نورة 23 سنة مرجوووجة اتعب وانا اقول مرجوجة فلللة بشكل غير طبيعي تجلسي معاها تموتي ضحك بيضاء شعرها يعني مليانة شوي , عبدالله 25 سنة , تركي 21 سنة ,نهى 19 سنة )
وطبعا اخوان زوجها اللي هم :>>> ترى العائلة كبيرة شوي بتنلحسون ادري..هع, وانا ما وصفت العيال بس مو مشكلة جاي بالرواية تلميحات خخ
العم فارس ( فهد 25 سنة, فيصل 26 سنة , فجر 18 سنة)
العمة مريم ( عبدالرحمن 26 سنة , عبدالملك23سنة>>مرجوج , دانيا 19 سنة , دلال12 سنة)
واخيرا العم ناصر( مصعب 25 سنة , يزيد23 سنة , فاطمة 22سنة اما هذي عربجية كل شي عندها ايزي تحب المغامرات والتهور كل يوم لها مشكلة مع احد خصوصا بشرى بنت خال لجون وشهد بنت خالها شعرها ايمو قصير وهي اسمن من لجين , خالد 21 سنة , رغد 18 سنة)
اوكي الحريم جوا البيت والرجال الشيبان بالمجلس الكبير والشباب نصهم في المجلس الصغير والنص الاخر بالحوش..
داخل البيت عند البنات.. نورة : سلاااام
لجين : اهليييين يادبة وحشتيني موووت
نورة : هههههه انتي اكثر وينهم لسة ماجو؟؟
لجين : انتي نمبر ون .. هذي طمطم وراك
فطوم : سلاااام يا وجيه العنزززز
نورة باستغرااب : خيييير انتي وجه العنز يا بقرة
فطوم بنبرتها المشكلجية المعروفة : نعم نعم؟؟
لجين : ياهووووه بس .. عليك السلام فطوم حياك
نورة : احترمي الناس عشان يحترمونك فاهمة؟
فاطمة : مو شغلك يالعنزة.. هيه لولو خذي شنطتي لغرفتك ماودي اضيعها تدرين فيني .
لجين : خذيها الغرفة قدامك
فطوم : اوكي برب.
نورة باستهبال : توني ادري اني جالسة عالمسنجر هع
فطوم بعباطة اكبر : لانك فاهية توك تلاحظين
وراحت وطنشتها.. نورة: بنت عمك مهلوسة؟؟
لجين : هههه ادري تراها طيوبة والله الحين تشوفين بتجيك تمزح لاتاخذين عليها
نورة : ادري بها ملحوسة قولتك شاربة شي؟؟
لجين : اوص لاتسمعك اوص .. خلاص لاتحشين فيها. جات فطوم تركض
فطوم : بناااات ههههه بنات لايفوتكم هعهع طيحت العبيطة اختك لياان هههههه وااااه بطني هه هههه والله يا نويّر فاااتك شلون هههه طاحت هههه
نورة : احسسسن تستاهل ياهي مستقعدة لي بكل حركة كرهتني بحياتي هههه شلون شلون؟؟
بالمجلس الكبير الشيبان جالسين وماجد وفيصل وعبد الرحمن , دحوم وفيصل ماسكين ماجد تحقيييق عن الاشياء اللي صارت له بامريكا , وبالحوش:
عبدالله مسوي بزر : مابي مابي <ويلوي براطمه> مابي اسلم عليك
مصعب : وليه يابابا؟؟ ايش سويتلك انا؟؟
فهد : وقف وقف بصوره هههه شكلك نكتتتة وقف
عبدالله مات ضحك ما استحمل
مصعب : اقول وينك عنا من زماان عنك ياشيخ.
عبدالله : اسال نفسك ياحمار
فهد : اقول انا عطشان وانتوا؟؟
الشباب : واحنا كمان يللا نروح المجلس



وهذي التكملة:
عالمغرب ماجد جالس بالمجلس الصغير لحاله والشباب راحوا يهجولون شوية والشيبان في المجلس الكبير
دخلت لجين تسلم على ماجد...
لجين : عمووو سلاااام يادب
ماجد بشووق : اهلا اهلا باللي تذكرتني المغرب
لجين : يلا عاد فديتك.. شلون بجيك وانت مسنتر مع الشباب شلوووون؟؟ وتخصرت
ماجد : ههه ادري بس امزح حياتي , كيفك ياحلوو و( صفّر)
لجين : انا بخير دامك بخير مجوودي
شوي دخلت فاطمة..
فطوم : سلااام ( ببحة صوتها الخشنة )
ماجد : هلا .. فطوم : حمدلله عالسلامة
ماجد : الله يسلمك , وطالعها بنظرة يتفحصها
ماجد يكمّل: وعععع سمنتي يالشينة
فطوم بضيقة خلق : مو شغلك يالأمريكي
ماجد : ماااالت .. بعض ناس يحلوون (وطالع لجون).. والبعض الاخر...>> يموووت على نرفزة فطوم خخخخ
فاطمة : تصدق عاااد مالت عليك واللي يسلم عليك بعد يا ثقيييل الدم.. وطلعت معصبة بنفس المشية الصبيانية
ماجد ولجين : ههههههههه
ماجد : اقول لولو شعرك طاال مو؟؟
لجين : يب .. وش رايك؟
ماجد : والله يهبل بس لو تفتحينه وتسمعي كلامي يطلع خقق
لجين : ههه مشكووور لالا يعني لا ما احب وانت عااارف خلاص انتهى الموضوع
ماجد : عنييييدة طول عمرك طيب ليه؟؟ جاوبي
لجين : كذا مزاااااج لاتزود حكي بالموضوع
دق الباب
ماجد : مييين؟
مصعب : انا ووراي الشباب ادخل؟
ماجد : لالا اصبر شوي
لجين : يللا اتركك تفتك من ازعاجي شوي
ماجد : وربي ازعاجك ولا شي قدام استجواب فيصل ودحووم هع
لجين : اوكي باااي
وطلعت لجين من المجلس وراحت للبنات
نورة : اقووول مو كأنها طولت عند عمها؟؟
فاطمة بتكشييير : وعع ياشينه رفع ضغطي
بشرى باستهزاء : بسم الله عليك من ارتفاع الضغط
لجين من وراهم : ومين هذي اللي مرتفع ضغطها؟؟
فاطمة : أنــــــــــــا
لجين : هههه وليه ياحظي؟؟
فطوم : من عمك البااااايخ
لجين : هههه حرااااام عليييييك
نورة : الظاهر لجون لقيت لها احد يعطيها وجه خخخ
بشرى بصوتها الهادئ : بنات ماتسمعون الصوت؟
سكتوا كلهم..
نورة : اي صوت؟
لجين : الا صوت وشوشة (كلام بصوت خفيييف)فطوم : بروح اشوف
نورة : بجي معك.. وراحوا الثنتين
وصلوا لمصدر الصوت ألا وهو : الشباك
والصوت هو عبارة عن اصوات العيال وسواليفهم ولعبهم
فطوم : وش رايك نطل عليهم متحمسة ابي اشوف اشكالهم
نورة : والله ؟؟ قداااام
وهم يطلون.. نورة : مين ذاك الأبيض ابو غمازة اللي يضحك هناك؟؟
فطوم : قصدك اللي جالس جنبه واحد لابس كاب؟
نورة هزّت راسها بالايجاب..
فطوم بتناحة : مدري.. بس اصبري شوي
نورة : وش بتسوين؟؟؟
فطوم طنشتها وصرخت بصووت عاااالي : لياااااان
جاتها ليان طايرة وتخصرت وهي تطالع فطوم بحقد
فطوم : تعالي حبيبتي
ليان مصدووومة: حبيبتك؟؟
فطوم : ايه اخلصي تعالي .. مين هذاك المزيون ابو غمازة؟؟
ليان الخبيرة : قصدك اللي جالس جنب فيصل ابو كاب اسود؟
فطوم : ايه اللي جنب ابو الكاب ميييين اخلصي؟
ليان : هذا عبدالرحمن ولد عمتي مريم
وتوها بتسال لييييش؟؟ فطوم سبقتها : طيب انقلعي الحين.. ليان وهي معصببببة : والله اردها لك دبل
فطوم : اقول تحركي قبل لا اكسر راسك
راحت وهي تدور خطة تلعن فيها خااامس فطوم
ونورة مسسسررررحة مع دحوم
فاطمة : الووو يا بطة وين وصلتي؟؟
نورة : هاه , معك معك
فطوم : اعجبك دحوووم؟؟؟
نورة بفلسفة : هو مملوح لكن مو ستايلي
فطوم : لاه.. احلفي؟؟
جات لجين تررركض : بنااااااات
نورة بخوف: هاه وش صاير
لجين : البسوا عبايتكم ولننطلق للسووووق
فطوم : ومين بيودينا؟؟
لجين : بااااابي انا
فطوم : طيب يا هندية..
لجين : على تبن.. وش شايفتني؟؟ يللا بس استاذنوا امهاتكم وتعالوا
نورة : ايش المناسبة؟؟
لجين : انا كنت باطلع اليوم بس صارت عزيمة عمي وتاجلت طلعتي بس الحين بنطلع سوااا ونااسة
نورة : امي ما بترضى عشان ابوك ما يصير لي ياحبي
لجين : مين قاال؟ الا يصير لك زوج خالتك ولفطوم عمها وابوووي انا.
نورة : وين بشرى؟؟
لجين بضيق : رااااحت
نورة : لااااا .. اووف ماشبعت منها عالعموم بشوف امي
رضيت ام نورة بالشدددة وفطوم ماحد يقدر عليها المهم:رن جوال لجين : الووو
ابو مهند : الو حبيبتي انا اضطريت اطلع بس عمك بيوديك اوكي؟
لجين : عمي ماجد؟؟ ونااااسة. اوكي باااي
فطوم: وش فيه الخايس؟
لجين : ابوي برة البيت وهو بيودينا
نورة: اوووف وكملت باستهبال وعمك كمان يصير زوج خالتي؟؟
لجين : لا بس احنا معك مو مشكلة
رن جوال لجين مررة ثانية وسكرت بطفش
نورة : خير اللهم اجعله خير؟؟
لجين : عمي تعبان وقال واحد من عيال عمك بيوديك
فطوم: عز الله رحنا .. اقوول قوموني لا تاكدتوا
مين يوديكم اوكي؟
نورة : اقوول عن الاستهبال فطوم
وجلسوا ينتظرون بالصالة بملل
رن جوال فطوم..
فطوم: الووو خييييير؟؟
مصعب :اعوووذ بالله على طوول خيير؟؟؟ المهم البسوا عباياتكم ولا تتاخرون سامعة؟؟انتظركم برة
فطوم: انت بتودينا؟؟
مصعب : ايه ومعي عبدالله ولد خالة مهند وفهد ولد عمي اخلصوا بسرررعة
وسكر بوجهها..
لجين : ميين مييين؟
فاطمة وهي تمطط اسمه: مـــصــــعـــب الزفت
لجين : ياكرهك له .. وليه مدري
فاطمة : لانه عبييييط وكرييه اشين اخو عندي
نورة : بتروحون وتخلوني
فطوم : مين قااال اخوك بالسيارة معه اخلصوا ولاّ بيعصب عليّ
لجين : وانتي ام لسانين ما تقصريين
جاء مهند يركض: مصعب يخاصم ويقول انه بيروح اذا ما نزلتوا الحين الحين
فاطمة بلعت ريقها: يا وييييلييي بتهزّأ
مشوا البنات وركبوا السيارة الجمس ورى
وهم في الطريق :
مصعب واخلاقه بخشمه: انا ما قلت لك بسرعة؟؟
سنة تلبسي عباية سنة؟؟
فطوم بنرفزة: خلاص الحين احنا جينا لاتجلس تسويها سالفة اووف
مصعب : بعد تردين؟؟ اذا ما تنطمين بنزلك ساااامعة؟؟
فطوم تسلّك له: طيب طيب
المهم وصلوا المول والبنات يمشوا قدام العيال
نورة مشتغلة تقز بالشباب
نورة: اقول لجون
لجين: هلا؟ .. نورة : شوفي ذاااك فديته
لجين : وبعديييين سيبي الرجال بحالهم خلاص
نورة: هو حلو شسويله؟؟
لجين : سيبيه بحاله واخلصي شوفي وش رايك بالبلوزة؟
نورة : اوووه حلو حلو. اقول ما ودك تحبين واحد مزيون؟؟
لجين : يااالـــيــــــل مطولك ..
نورة : لاتغيري الموضوع .. ليش دايما تغيري الموضوع لاحكينا فيه؟؟
لجين : لانو موضوع سخييييف
نورة بصوت عالي: الحب موضوع سخييييف؟؟؟
لجين :اولا وطي صوووتك وانا ماقلت الحب سخيف
نورة : اجل وش قلتي؟
لجين : موضووع الشباب سخييييف
نورة : والحب؟؟
لجين : ايش فيه؟
نورة : ماحسيتي انك مخققة مع واحد مثلا؟
لجين : لا
نورة : افااااا شلون عايشة بذمتك؟
لجين : ههههه نورة حبيبتي انا مؤمنة بالحب من اول نظرة لكن يهمني الأسلوب قبل الشكل
نورة : شلون يعني؟
لجين: يعني يهمني يكون محترم وشخصيته قوية كلامه مرتب و يغار علي بقووة يهمني الاتسان اللي يخليني اخجل من نظرة يانورة
نورة : وضحي اكثر
لجين : يا خبلة يعني اذا طالعت عيونه ابغى احس ان الوقت يوقف نواري.. انا ابغاه اعند مني
نورة : اما بهذي مرييييضة معلييش
لجين لاحظت ان فطوم ساكتة غريييييب لافي شي مو طبيعي.. التفتت لها شافتها تمشي جنبها ساكتة
لجين : توومي فيك شي؟
فطوم : تكفووون جوعااانة تكفووون بمووووووت ابغى اكل بمووووت>>> مين يسكتها الحين؟؟
لجين : طيب خلاص طيب اوووص
نورة : وجع فضحتينا انطمي
لجين : وليه ساكتة من اول؟؟
فطوم : انتظركم تخلصون سالفتكم الساااامجة
لجين ونورة :ههههههه مشينا المطعم
وهم بالمطعم يتعشون مرت مجموعة من الشباب جنبهم واحد من هالشباب سمع صوت لجين وهو ما جمبهم
(صوت لجين طفووولي) المهم عجبته وحب يعاكسها
جلس بالطاولة قدامهم وقام يغمز ويسوي حركات نوري انتبهت له : لجييين فيه واحد ياشر لك
رفعت لجين راسها ووطته بسرررعة وهي خاااايفة
نورة : حطي عينك بعينه واستحقريييه خليه يكسر نظرته هالوقح بس انتبهي انتي تنزلين عينك
فطوم: واذا ما فاد اقوم له العن شكله
نورة : كفووو بنت رجّال
فطوم : وش يدريك انتي وانتي يازفت يللا
لجين : ما اقدر ما اقدر
نورة : الا تقدريييين يللا
لجين :لالالا وبدت ايديها ترجف وبردت اطرافها
نورة : يا هبلة وش فيييك؟؟
الحيوان لما شافها موطية راسها قام وحطلها الرقم وفي هالأثناء مصعب وعبدالله وفهد جايين للمطعم وشافوه
فهد : مصعب شووووف يرقمهم
مصعب اشتعل نااااار لانه غيووور بزيااادة على اهله بالذات هو وخالد اخوه وتركي اخو عبدالله
ركض مصعب ووراه الشباب
نورة بخوف: فطوم هذا اخوووك جاي يركضضض
فطوم التفتت بقوووة : ياويلي لايكون شافه
نورة : احسن خليييه يتربى
ومسكه من بلوزته من ورى وصرخ بقوووة: تعاكسها يالحقييييير يالسااااافل يابن ..........
المهم تطاقوا بقوة مع هالشباب وجاء أمن المول وطردهم كلهم برررة والبنات لحقوهم ولما انتهت المضاربة
فطوم :ياويلي يامصعب وش ذا لازم نروح المستشفى
مصعب : وليه المستشفى كلها كم خط عاادي
فطوم تكلم لجين : ماهانت عليييه بنت العم
لجين عطتها نظرة وسكتت
نورة تكلّم عبدالله : كل هذا يطلع منك ؟؟
عبدالله : انا بس فزعت وبعدين بنت خالتي يعني اختي
ولجين ساكتة ومنزلة راسها وتسمع
فاطمة تحاكي مصعب: تصدق عااد انا غرت كل هالمطاقة عشان لولو صارت
مصعب ماله خلق : اقووول خلي الدلع لأهله مووو لايق عليك
فطوم : ومين اهله يالرااايق؟؟
مصعب : اهله .. هم اهله ياماما
فطوم : لا انا ادري انت تقصد مين؟؟ قصدك لجوون صح؟؟
مصعب: انا ما قلت شي لاتقعدين تألفيييين
لجين انقهرت وقرصت فاطمة بايدها
فطوم :آآآآآآه وجع وش قلت؟؟
رفعت لجين راسها وطالعت فطوم بنظرة حاااارة عشان تسكت
ومصعب يطالع فيها ويضحك على خبال اخته
التفتت لجين قدامها أي لمصعب اللي واقف قبالها وشافت عيونه اللي جات بعيونها لجين بجد حست ان الوقت وقّف .. كل هذا بثانيةونورة تراقب ولجين وطّت راسها
مصعب تنرفز من نظرة لجين ومشى وقال:انتظركم بالسيارة ومشى وراه عبدالله وفهد ولجين وجها احمررر تحت الغطاء ونورة ملاحظة وفطوم فااااهية
الحين انا بجد تعبت اخليكم باذن الله ونكمل بكرة اذا الله اراد




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 22-09-2010, 11:22 PM
صورة اكرهكَـ حبيبي الرمزية
اكرهكَـ حبيبي اكرهكَـ حبيبي غير متصل
©؛°¨غرامي مجتهد¨°؛©
 
الافتراضي رد: روايتي الاولى / واخيرا حسيت يا مغرور


بدايه موفقه..

اتمنى تطولين البارت وتصغرين الخط شويات بس..

وماعندي توقوعات ولا انقادات لأنو لسى ماعرفت شي..

واتمنى تحطين بارت الحين اذا تقدرين..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-09-2010, 11:30 PM
صورة Dr.lajo0on الرمزية
Dr.lajo0on Dr.lajo0on غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


عيوني هذي بداية البارت الاول ومن عيوووني الحين ابدا الا اذا تعطلت وطلعلي واحد من العفاريت اللي عندي وخرب علي .. يسلمووو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-09-2010, 11:32 PM
3SHK ALKITAABH 3SHK ALKITAABH غير متصل
©؛°¨غرامي جديد¨°؛©
 
الافتراضي رد: روايتي الاولى / واخيرا حسيت يا مغرور


بدايه موفقه
يعطيك العافيه على الطرح
وبآنتظآآآآآرك



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-09-2010, 11:33 PM
صورة • Ņṩєэṫ aήśảқ « الرمزية
• Ņṩєэṫ aήśảқ « • Ņṩєэṫ aήśảқ « غير متصل
©؛°¨غرامي مجتهد¨°؛©
 
الافتراضي رد: روايتي الاولى / واخيرا حسيت يا مغرور


آهلـن آهلــن ،’

سجـــليني من متــأإأإأإبعينك قلــبوٍ ..

بدأإيــــــــه قِـِِـِـممممممـِـِه فـ آلروععه ..

بـ آلتوفييق حبيبتي ..

،’
،’
،’

دمتي بـ سعأإدهـ ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-09-2010, 11:34 PM
صورة {~حكآية زمن الرمزية
{~حكآية زمن {~حكآية زمن غير متصل
©؛°¨غرامي جديد¨°؛©
 
الافتراضي رد: روايتي الاولى / واخيرا حسيت يا مغرور


مششاء الله بدييييه جمييييله

ننتظر الباقي من البارتات

موووفقه عزيتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-09-2010, 11:35 PM
صورة Dr.lajo0on الرمزية
Dr.lajo0on Dr.lajo0on غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


فديتكم انا حااااضرين عيوني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 23-09-2010, 01:57 AM
صورة Dr.lajo0on الرمزية
Dr.lajo0on Dr.lajo0on غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


هذا انا سويت تعديل وطولت البارت تقدرون تشوفون الحين
وترانا لسة بالبارت الاول بس لانه طويييل ما امداني اكمل لاني تعباااانه
اعتذر وترى بروايتي هذي اشين بارت هو الاول والله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 23-09-2010, 10:22 PM
صورة Dr.lajo0on الرمزية
Dr.lajo0on Dr.lajo0on غير متصل
©؛°¨غرامي متألق ¨°؛©
 
الافتراضي رد: روايتي الاولى / واخيرا حسيت يا مغرور


وهم رايحين للسيارة ورى العيال .. نورة بصوت واطي : بايش حسيتي يوم طالعتي مصعب؟
لجين بضيق : ماحسيت شي يا حيوانة امشي وانتي ساااااكتة
نورة : ووين بتروحين مني وييييييين؟؟؟... طنشتها لجين ومشت بسررعة
وهم بالسيارة لجين ساكتة وسرحااانة وفطوم ونورة يسولفون بصوت واطي وعبدالله وفهد بسالفتهم قدام ومصعب اخلاقه بخشمه من اللي صار >>> تراه داايم معصب
عالاف ام جات اغنية العيوون لسندباد الخليج راشد الماجد لجين تعشق هالفنان بشكل مش طبيعي .. المهم مد مصعب يده بيطفي الراديو لمحته فطوم وهي دارية لجين تبغى تسمع الأغنية
فطوم : لالا مصعب لاتطفيه
مصعب بطفش : ليه عساك تحبينه هالخايس ( مصعب كررره حياته راشد يقول عنه خكري وراعي بنات )>>>مريييييض
فطوم : لا وجع انا ما احبه بس لجين تحبه
فهد : خليه يا رجّال وش عليك خلّيه
خلاّه مصعب وكمّل سواقته وهو متقررف من بنت عمه .. في بداية الأغنية السندباد يغني موّال:
سووود العيوون كباااااار .. والشامة حلوة
شااايل جمال الكوووون .. وباليني بلوة
ابتسمت لجين وهي تطالع المراية بدون ما يحس احد عليها وهي تسمع الأغنية وتشوف عيون مصعب السود الوااسعة وذابت البنت وهي مش حاسة بشي
اول ما وصلوا البيت ونزلوا البنات ودخلوا الصالة ...
نهى ودانيا ورغد وفجر جالسين يتفرجوا على فيلم توايلايت وجنبهم الليز والبيبسي ومرررة داخلين جو مع الفيلم.. جلسوا معاهم فطوم ولجين ونورة
بعد الفيلم كل الناس راحوا ... ولجين تتمشى بالصالة وسرحااانة ومبتسمة
جات العلة ليان
ليان : يللا اشووف قدامي ع غرفتك
لجين ببرووود : تدرين شلووون ما نرفزتيني .. تدرين ليييه؟؟ لأني مرووووقة
موووتي قهرررر
ليان وهي تمسك اعصابها : طيب يللا ع غرفتك اشووف يللا
لجين بابتسامة : حاااضر يللا كوابيس سعيدة
ليان : يممممممااااااه ... وراحت تركض لأمها تعلمها على لجين
دخلت لجين غرفتها... وهي تمشط شعرها تذكرت عيون مصعب
ابتسمت ووجها قلب احمرررر .. رمت المشط وضحكت على نفسها وانسدحت تبغى تنام
كل شوي تسمع اغنية راشد وتتذكر اللي صار تقلبت يمين يسااار بالقوووة ناامت

في بيت ( العم ناصر : ابو مصعب ) تحديدا بالمطبخ
فطوم تشرب موية ودخلوا عليها يزيد ومصعب
يزيد فاتح الثلاجة يتفرج بالمنظر الطبيعي >>>خخخخ
ومصعب يدندن وراه ... فطوم : غريييبة ايش الروقان هذا يا مصعب ؟؟
مصعب : حرام اروق يعني حرااام ؟؟؟
فطوم : لامو حرام لكن يمكن من اللي صار اليوم
مصعب : والله مخفة توني اتأكد من هالشي .. فيه احد يروق بسبب مطاقة؟؟
فطوم : يالعبييييط مو المطاقة
مصعب : اجل ليش؟
فطوم : لـجــــــــــيــن
مصعب تضايق بس انطرت قدامه : وش فيها بعد؟؟
فطوم : اعصابك ما قلنا شي
مصعب : الظاهر انك ما راح تسكتين الا بكف
فطوم : خلاص خلاص كل هالنرفزة عشانها وَل
مصعب بصراخ : بتسكتين ولا كيييف ؟؟؟
يزيد : وايش فيها بنت عمي يا فاطمة؟؟
مصعب : ما فيها شي بس اختك مهسترة ما نامت .. روحي نامي الله يهديك روحي
يزيد ابتسم بمكر : وش سويييييت مصعب عادي قول قول انا اخوك عادي
مصعب شوي وينهبل : ماسويت شي .. انقلع من قدامي يللا .. تصبحون خير يا كلاب
فطوم : يزيييد حرام سيبه بحاله يفكر في .... احم احم
طنشها مصعب وطلع لغرفته ... ويزيد وفطوم ميتين ضحك
يزيد : ليش تنرفز من اسمها ؟ وش فييه ؟؟
فطوم : ما فيه شي بس تدري باخوك هع انا قلت كذا عشان انرفزه بس تصبح على خييير

في نفس التوقيت في بيت (ابو عبدالله )
نورة جالسة بغرفتها وتفكر باللي صار اليوم دخلت نهى وجلست جنبها
نهى : ليش عبود مجروح؟؟
نورة : صارت مطاقة اليوم في المول
نهى : يووووه شكل السالفة قويية خلاص انا الحين تعباانة ابغى انام قوليها لي بكرة اوكي؟
نورة : اوكي تصبحي على خير
في اليوم الثاني ... الساعة 6 المغرب
لجين تسولف مع عمها ماجد بالمجلس شوي وتمووت من الضحك من كثر النكت اللي قالها ماجد
ماجد :هههههه طيب شوفي....
لجين : هههههههه لالا خلاص كفاية بمووووت هههههه لا اووووص لاتنكت طلبتك كمّل بكرة
ماجد : ههههه طيب طيب مو نكتة اسمعي يابنت
لجين : وآآآآآآه بطني اصبررر اصبر شوي ههههه
اول ما هدت لجين .. ماجد : مابغيتي تسكتين
لجين : اووص بس ما كأنك انت السبب يلعن ابليييسك من وين تجيب هالنكت يالفاصل
ماجد : ههههههه طيب شوفي بطلب منك طلب بس لاترديني
لجين : على حسب الطلب
ماجد : اجل خلاص بطّلت بسكت اصرف لي
لجين : يللا عااااااد قووول عيوني لك
ماجد : حتى بسواليفك راشد؟؟؟
لجين انتبهت ان (عيوني لك ) اغنية لرشوود
حطّت ايدها على فمّها : اوه .. تصدق ما انتبهت قوول طلبك اخلص
ماجد : اوعديني تنفذين
لجين بملل : اوووكي وعد .. يللا تكلم
ماجد : فكي شعرك الحيييين
لجين : غش غش مابي .. انت عارف اني ما احب مجوود بلاها هالطلب تكفى
ماجد : ماااااالي دخل انتي وعدتي اخلصي
لجين بقل حيلة : آخر مرررة اسويها لك فاهم اووووف
فكّت شعرها... اللي انسدل على جسمها على طوووول بس سحبت البكلة
كانت لابسة فستان ناااعم رمادي فاتح لتحت الركبة بشريطة سوداء تحت الصدر وروج وردي خفيف وكحل اسود بعيونها..
ماجد بتصفير : حركاااااات يا حلوووو هههههههه
وبنفس الوقت كان مصعب واخوانه خالد ويزيد توهم واصلين بيت عمهم بالسيارة ,,,,
يزيد : يوووووه نسيت علبة السجاير بالبيت اوووف
مصعب : تدل طريق البقالة ياخوي
يزيد : اوكي يللا انزلوا وانا اروح وارجع
خالد : لا انا بعد ابغى كم شغلة من البقالة خذني معك
مصعب : اجل انا اسبقكم وانتوا روحوا
نزل مصعب ودق الباب بايده ... مهند كان يلعب لحاله بالحوش
فتح مهند الباب ... مهند : تفضل مصعب
مصعب : كيفك مهند ؟؟؟ ابوك فيه؟
مهند : لا ابوي بالشغل
مصعب : وعمي ماجد؟؟
مهند : الا موجود .. بالمجلس الكبير
مصعب : عنده احد؟؟
مهند : لا (هو عنده لجين بس مهند كسلاااان )
مصعب : اوكي متاكد؟ .. هز راسه بايه
مشى مصعب للمجلس ..... كانت لجين واقفة بتطلع بس تكمل السالفة مع ماجد ومعطية الباب ظهرها .. احرجها ماجد بكلمة وطلعت تركض وهي تضحك
بس جات رجلها برة المجلس صدمت بمصعب ..... لحظات صمت
بغت تطيح لو ما مسكها جسمها ضعيف وهو جسمه قوي وكتوفه عريضة
رفعت راسها وشافته ... ابو العيون السوووود
مصعب : احم اسف ... (مصدوم كيف قدر يتكلم ؟؟؟ شلون طلعت الكلمة مايدري )
وخرها عنه بشكل غريب كأنه رافض وجودها حوله
ركضت بدووون اي حركة راسا لغرفتها ,,,,, طالعت نفسها بالمرايا
خدودها حمر وعيونها مدمعة اووووف حر ...
اما عند باب المجلس مصعب لسة ما دخل واقف مصدوووم
يحاكي نفسه : مستحييييل تكون هي بنت عمي تغيرت يا عااالم ... ملعووون مهند الورع كذاااااب ما قال لي ان اخته هنا ) ضبط شكله ودخل...
مصعب برزانته : سلام
ماجد : هلا والله حيّاك ... وين اخوانك الكلاب ما يجون
مصعب: هههههه جايين وراي بس راحوا البقالة وبيجون الحين
فوق عند لجين .... رن جوالها وردت بدون ماتشوف مييين
نورة : سلام يا بطة
لجين : نورة ... ااا هلا هههلا ...كيفك؟؟
نورة : انا تماااااام بس انتي صوتك مو عاجبني ليش مرتبكة ؟؟؟
لجين : مو مرتبكة انا
نورة : اوكي اوكي تبغيننا نكذب على بعض مو مشكلة
لجين : تبغين الصراااحة انا بموووووت .....>>>> حكت لها اللي صار
نورة : هههههههههه هههههههههه
لجين : مدري من وين طلع لي بسم الله ... ليش تضحكييين ؟؟
نورة : ولاشي بس احس ان مصعب عاجبك .. بعد قولي لا ؟؟؟
لجين :بلا قلة ادب ايش عاجبني ذي بعد ؟؟؟
نورة : الظاهر ما شفتي نفسك شلون تناظرينه امس
لجين : نووووورة
نورة : اوكي اوكي خلاص آسفة



وبكذا انتهى البارت الأول يا حباااايب وش تتوقعون يصير؟؟؟؟
لكل اللي ساندوني بالردود وغيره الف الف شكر باذن الله اشوفكم بكرة ببارت جديد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 24-09-2010, 12:04 AM
صورة غريبه الناس الرمزية
غريبه الناس غريبه الناس غير متصل
©؛°¨غرامي مشارك¨°؛©
 
الافتراضي رد: روايتي الاولى / واخيرا حسيت يا مغرور


بدايييييييييه روووووووووعه
استمرررررررررررررررري



الرد باقتباس
إضافة رد
الإشارات المرجعية

روايتي الأولى : و أخيراً حسيت يا مغرور / كاملة

الوسوم
اتمنى لكم قراءه ممتعه.... , اتمنى القا التشجيع منكم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : معاناة الشباب / كاملة حمودالشمري روايات كامله - يتم نقل الرواية هنا بعد اكتمالها 941 02-10-2014 12:14 PM
روايتي الأولى : و إنت يا الفجر البعيد نامت عيونك / كاملة الووو__بتول__وورد روايات كامله - يتم نقل الرواية هنا بعد اكتمالها 109 26-09-2014 12:53 PM
روايتي الأولى : أربعة عشر اخوه يعيشون في صراع مع الزمن / كاملة قاتلني ويموت فيني روايات كامله - يتم نقل الرواية هنا بعد اكتمالها 1758 17-08-2014 06:35 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 04:43 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم