love to be loved by you / بقلمي ، كاملة

ساحرتهم بعيوني · 23-09-2010, 11:33 PM

بسم الله الرحمن الرحيم

يسعدني ان اعود من جديد وبحوزتي كل ماهو جديد لكم اعزائي

يسرني في هذا اليوم الخميس الموافق 14 /10/1431هـ

ان اضع بين يديكم روايتي الثآنيه~

في منتدى التألق ..في بيتي الثآني ..في ايدي اخوتي واحبتي اعضاء (منتدى غرآم)

اتمنى ان اجد من التفاعل كما شهدت تفاعلكم الكريم في روايتي الاولى

وانا كما وعدتكم العام بانني ساضع بين يديكم روايتي الثانيه العآم المقبل وها مر العام

وعدت لكم من جديد في نفس اليوم الذي وضعت به روايتي الاولى منذ سنه فائته

وبهذه المناسبه الكريمه احب ان اهنيء السعوديه حكومة وشعبا بمناسبة مرور 80 على تولي الحكم

ودآم عزك ياوطن وكل عآم والشعب السعودي بخير وصحه وسلامه

ارجو من ناقلي الروايه ذكر مصدرها للامانه

وانا كلي فرح بعودتي لكم احبتي في روايتي الثاني

التي تتضمن الرومانسيه والعاطفه ...الجراه والمغامره ....الضحك والفرح وكل ماهو جديد

ومثل مادايم اقول فيها من كل شي شي

بكل الحب ابدأ روايتي الثانيه تحت عنوان

(ابي حضنك ابي اضمك واشمك ابي اسمع انفاسك وهي تقول انا احبك)

♥~~~~~~~~~~~~~~~~♥

أبي حضنك.. ..أبي أشمك ..وأضمك ..

أبي أسمع أنفاسك.. وهي تقولي ..أنا أحبك..

أبي أسولف لكل الناس عن عطفك وعن قلبك..

أنا ودي.. كل الناس... تعرف ....وشكثر... أحبك..

ولو انسى ...أبد مانسى.. يوم لاجلي بكت عينك..

فديتك يابعد عمري ....عسى يومي قبل يومك..

أحزان العمر أنساها.... يوم أكون.... أنا بقربك..

أنا مقصر ..أنا بالحيييييل مقصر ....في حقك..

ولو أقدر ..ورود الدنيا.... أفرشها ...أنا لأجلك..
عسى ..الله يطول في عمرك ولايحرمني من حبك .

كلمة أحبك من شفاتك .. تكفيني

♥~~~~~~~~~~~~~~~~♥

المقدمه~

قآل العبآس بن الاحنف:

اميرتي لاتغفري ذنبي,,, فاءن ذنبي شدة الحب

حدثت قلبي دائما عنكمو,,, حتى قد استحيت من قلبي

ماأجمل معنى الحب ومااجمل اللقآء...ومااجمل تلك الصدف التي تجمع بين القلوب بلاموعدا

روايتي اعزائي تحلق بكم في سماء اجمل واسمى معاني الحب...انه الحب الصادق~

ولايمكن ان يكون الحب صادقا إلا اذا كان متبادلا..روايتي منتقاه من واقع ومن وحي الخيآل ايضا

فرأيت في تواجد الخيآل والحقيقه لوحه فنيه باهره اردت تقديمها لسموكم الكريم..فالخيال كمايقال

هو الحد الفاصل بين التاجر والشاعر وهو ايضا اداة لاحتواء التجربه فهو اخصب انواع الحقول

لنمو المشاعر هذا باءختصار الخيآل....تسرد روايتي بين طياتها مفهوم الحب المجنون الذي

يجعل من الناس وحوشا فيهجم الحب كالاسد وينصرف تارة كالحمل..نقلع بكم الى موقع اكثر سحرا

فليس ثمة حبآل او سلاسل تشد بقوة او بسرعه كما يفعل الحب بخيط واحد..فما من انجاز عظيم

يمكن تحقيقه بلاعاطفه..فلنعش الحلم الذي قد يتقق غدا~

ساحرتهم بعيوني · 23-09-2010, 11:38 PM

البدآيـــــــــــــهـ ~

منى قصتهآ مع الزمن قصه ...عندما كانت طفله في السنه الثالثه من عمرها سافرت امها للخارج لتلقي العلاج اللي كانت تعاني من مرض مزمن (السرطان ) الله يكفيكم الشر صابهاعقب ولادتها للتوأم منى واخوها عبدالله كانو ياخذون من بعض في الملآمح كثير وتميزهم غميزاتهم وبراءتهم الطفوليه وعندهم اخت تكبرهم سنا وهي رحمه ...

بالمستشفى

ابوعبدالله :ماتشوفين شر يالغآليه ..

ام عبدالله وهي بفراش المرض:الشر مايجيك

منى وعبدالله ببراءه :يبا زوعانين <<جوعانين

ابو عبدالله :انا رايح ياام عبدالله اشتريلهم شي ياكلونه باخذ منى وعبدالله معي وبخلي رحمه عندك

ام عبدالله :زين <<وقامت تكح ...وبصوت مخنوق :ابو عبدالله

ابو عبدالله :سمي يام عبدالله آمري

ام عبدالله :دير بالك على منى حركاتها كثيره الله يهديها ودير بالك بعد على رحمه وعبدالله ..... وقامت تكح :واذاتبي تتزوج عقبي ..وبغصه :تزوج

ابو عبدالله حس من كلامها كلام اللي يودع اللي يبي يرحل :اسم الله عليك ياام عبدالله انا انتظرك تقومين لنا بالسلامه والكلام اللي تقولينه ماافكر فيه

ام عبدالله ابتسمت ابتسامه صفرا:عسا الكدر بعيد عن دروبك انت وعيالك فوداعة الله ياابو عبدالله

ابوعبدالله حس بشي يخنقه :انشاء الله برجع لك كلها نص ساعه اروح اجيب لعيالك اكل وراجع

ام عبدالله :الله معك <<ومسحت دمعه يتيمه نزلت من عينها وحضنت التوأم وودعتهم .

بأحد المطاعم

ابوعبدالله :حبيبي عبود خلك هنا ودير بالك على اختك لاتتحركون زين

عبدالله:دين <<زين

ابوعبدالله:وانتي مناوي ياحلوه خلك عاقله وبلاش شقاوه طيب

منى اللي بيدها لعبتها :تيب

<<راح ابو عبدالله ووقف بالطابور لعيون عياله الجوعانيين ينتظر دوره يحين

من بعيد لمح احد اللصوص المحترفين في الشوارع الالمانيه وكان يراقب حركات منى واعجب بملامحها وبراءتها تلصص حتى قرب منها واختفت بلمح البصر من بين الانظار وصار عبود يصارخ :مناااااوي حراامي ياربي منااوي استخدمي الحركة اللي علمتك <<كان يتلفظ بكلمات طفوليه غير مفهومه و البنت صارت في خبر كآن

ركض اللص فيها ومن بعيد لمحهم احد العرب اللي يتضح انهم خليجيين وعمره لايتجاوز ال28ركض خلف هاللص واعترض طريقه سحبها بعنف منه وبدت تصيح

الرجال :بس خلاص حبيبتي خلاص شطوره انتي خلاص

منى :ابي بابا ابي عبوود بروح عند ماما

فهد :شسمك ياشطوره

منى اللي يتضح انها بدت تهدى :اسمي مناوي

فهد ابتسم :ياسلام اسمك حلوو مره مثلك

منى تلف بشعرها :ادري دايم ماما تقولي <<ياعيني عالثقه

فهد يقرص خدودها :طيب حبيبتي شسمك ؟؟

منى تخصرت :ياربي قلت لك مناوي

فهد :طيب بابا شسمه

منى تضحك ضحكة اطفال:مسكين ماتعرف انا اشطر منك بابا اسمه بابا انت موبطل<<لاانتي البطله ياخيتي يكفي

فهد بقلبه البنت ضايعه صدق:طيب جدك شسمه

منى رجعت تضحك:والله مسكين والله مسكين بعد ماتعرف جدي اسمه جدي مره موبطل سحقا لك <<لاقطتها صح

فهد فقع ضحك :ههههههههههه اجل سحقا لي هاا <<وبعدها سكت ورجع يفكر ضاعت البنت وش الدبره يارب ساعدني المسكينه من لها لاوبعد بديار غربه

شوي الا جات مرته نوره :فهد وينك ادورك لي ساعه نوره توها انتبهت :فهد من هالمزيونه ؟؟

فهد :................

نوره :يااازينك والله يااحلوك شسمك ياقمر

منى بعصبيه:يالبي اسمي مناوي مناوي

نوره :هههههه ياحلوك وانتي معصبه <<لفت على فهد :وين اهلها ؟؟

فهد طالع نوره وحط يده على كتفها:نوره اظن ربي حرمنا من العيال وارسل لنا هالبنت و

نوره تقاطع ووخرت يده بجفا وعقدت حواجبها :شقصدك يافهد ؟؟

فهد:قصدي ان هالبنت ضايعه ومايندرى وين اهلها وبعدين احنا راح نربيها احسن تربيه

نوره قلبها عورها :بس يافهد اكيد امها بيتقطع قلبها على ضناها

فهد من غير قصد :وانا انحرم من الابوه

نوره تجمع الدمع بعينها :بس يافهد كافي انا ماغصبتك نجي لهنا وفكرة العلاج فكرتك اذا موقادر تصبر تزوج علي ارحم من هالتجريح

فهد كسرت خاطره قرب منها وضمها :افا يانوره لوكنتي غير نوره كان ممكن بس انتي نوره نور دنياي وعمري لوذبحوني لوااعدموني حياتي مااسويها يللا يانظر عين فهد امسحي دمع عيونك لجل ينزاح الهم عن قلبي انشاء الله بنربيها احسن تربيه وبكرا تجيبين لي عيال وتترسين لي البيت بعيالك وهالبنيه الله انشاء الله يأجرنا فيها<<لف على منى لقاها نامت على الرصيف شكلها كان يكسر الخاطر ويقطع القلب قربت منها نوره وشالتها وضمتها لصدرها الحنون اللي يحتاج لضنا

اما فهد فكان يتأمل مدى حنانها ومشاعرها اللي عمرها مابخلت في بذلها حتى بدون مقابل

فهد باءبتسامه غمزلها :ماينفع اصير طفله بين احضانك

نوره بحيا :لاماينفع

فهد بغزل :يازين حيآك ومستحآك والله <<شبك يده بيدها لان الدنيا بدت تمطر ودخلوا للفندق خوف على الصغيره من انها تمرض

نروح لااهلها عند ابوها المفجوع على بنته

ابوعبدالله والدنيا سودا بعينه:وينها اختك ؟؟

عبدالله بيده اللعبه :ماادري جا واحد رجال حرامي اخذها كنت بضربه الضربه القاضيه وكان بيساعدني روك مآن بس فلت من ضربتي القاضيه<<ولد ابوك مهجد بس انا علمت منى على هالضربه اكيد بتفوز على الحرامي مثل ماضربت سام اللي بالجاسوسات الحرامي <<لاابوك فاهم

ابوعبدالله وعلامات الاستفهام ارتسمت على محياه وقام يهز بولده :ولدي من وين راح الحرامي واختك

عبدالله يأشر ببرآءه على الجهه اليمين وبسرعه راح يدور ابوعبدالله وصار يسأل الناس كل ماشآف احد سأله بس محد كآن يفيده لانه بالاصل ماراحو من هالناحيه

ابوعبدالله اللي فقد عقله وشح بعينه على ولده الا هو نايم بأحضانه ضآع الأمل بلقيا بنته ....ابوعبدالله والدمع طاع من عين رجل نعم عين رجل :بنتي ضاعت ...وبصراخ بنتي ضااااااااااااااااااااعت

حمل اقدامه اللي أبت تحمله الى المستشفى ليتلقى خبر أليم ...ليصاب بريح تعصف كيآنه ..تهدم احلآمه ... تقسى على انسانيته...الخبر هو

خبر (وفآة زوجتــــه)

كانت حكاية ابو عبدالله عنوآن للحزن ...سطر له القدر مصيبتين في ليله عاتمه فقد فيها الابنه والزوجه ولكن كل من مر من جمبه سمعه يردد جملة :اللهم اجرني في مصيبتي مع الدمع اللي يجري في محجر عينه وهو ضام ابناءه عبدالله وبنته رحمه

ابوعبدالله :انتوا اللي بقيتوا لي بهالدنيا <<وصار يحبهم ويشم ريحتهم :انتوا من ريحة الغاليه الله يرحمك ياام عبدالله

(باءختصار قصة الطفله منى)

<<طوت الليالي صفحة ابوعبدالله ....كبر داخله الصبر ...كان يحس بأن بنته عايشه حوله مجرد احسآس .... وكان مع كل فرض يدعي لها...مضت الايآم وكبر عبدالله وجاب عيال ورحمه كبرت وربت بعد .

كمل فهد مع نوره المشوار وربوا منى احسن تربيه وجابت نوره بنت ثانيه سمتها مهره .... كبرت منى وتزوجت رجل صالح وكبر معها همها حملت الهم وهي صغيره ..طفولتها ماكانت عاديه نضجت قبل سن النضوج ...حملت معها لقب لطالما نظرة المجتمع له كانت بشعه لقب (لقيطه) ...في المجتمع تضطر احيانا تبتسم له ابتسامة سخريه يرون اللقيط وكأنه قد جاء من عالم آخر فعندما يخطيء غلطة بسيطه يذكرونه انت لقيط ...عفوا يامجتمع الا تنظر الى ابناء البيوت كيف لم تثمر بهم التربيه ....وابناء الدار (اللقطاء) كيف اثمرت فيهم التربيه رغم عدم وجود اب او ام حقيقيين لهم ...اترى ان كلمة لقيط شتيمه ...انظروا الى ابناء البيوت كم منهم يفتقر لوجود اب او ام له تحن عليه او اب يحميه من جور الايام رغم وجودهم...لما لاننظر لهم تلك النظره ...نظرة الحزن والاسى نظرة نحملهم خطأ لم يرتكبوه...نحملهم غلطه اقترفها الاسلاف ... لاتنسى يامجتمع هناك من اللقطاء من يستحق الوقوف عنده والتحيه لاجله ... فهم فخر لمجتمعنا كان مثال للخلق رغم فقدان من يقوده للخلق الحسن ... فاللقيط كراكب سفينه بلاربآن عاكس اتجاه الريح وسار في الطريق السليم

تلك كانت بداية قصتي ْ~

$شقأوأه بدلع $ · 23-09-2010, 11:40 PM

شكل الروايه حلوو نتظرج لاتتاخرين قلبوو

ساحرتهم بعيوني · 23-09-2010, 11:42 PM

التعريف بالشخصيآت

بيت ابو رآكان

ابورآكان(مبارك) :رجل في زمن قل به الرجآل 48 سنه ...متفهم ..حنون..بس حاسب تغلط ترى الغلطه بألف وعنده اهم شي العادات<<انا مومع هالجمله ولكن!!

ام رآكآن (منى ) :سبق وان تكلمنا عنها ..ففيها من الحنآن والمشآعر الفيآضه مايكفي قوم <<من يبي سلف <<امزح ...فعلا تستحق كلمة أم همها رآحة عيآالها وهمها الثآني مخليته على ربهآ~

رآكآن :27 سنه جميـــــــــــــــــــــــــــــل فتـــــــــــــــــــــــــــــــــــــــــآآآن وله غمازه تميزه من جهه وحــــده
برونزي له عضلآت تدوخ وعيونه عسليه ...شعره اسود ..يسحر الانظآر يحب بنت عمه المتوفي (حنآن) وقريب الزواج <<ابشركم معزومين <<حسافه مالحقتو تتهنوا

رادا 25 سنه :متزوجه من سنه ونص تقريبا مسافره لكندا هي وزوجها اللي كان يدرس ويشتغل في آن واحد ...ملامحها يغلب عليها الحنان <<تعرفون يوم تشوفون وحده وتقولون شكلها طيبه <<زي كذا ...تشبه امها كثير وتميزها عينها الواسعه

طلال :23 سنه ملامحه عآديه بس الحلو فيه عالموضه يهتم فيها بشكل خيآلي من النوع اللي ستايله يعجبك ...اذا ضيعتوا طلال مالقيتوه بالبيت ...لاترهقون انفسكم ..الاكيد انه بديوانية ابوصفيق يلعب بلوت ..عآطل بآطل كااغلب الشباب السعودي ..جـــآآآري البحث عن وظيفه ويطول البحث نظرا لقلة الفيتامين واو كلما زادت الجرعه كلما كنت في وظيفه ارقى وارقى ..

لجين :22 سنه للجمال اخبار لجين موجزه ...عنوآن للانوثه..نعووومه..وحياويه درجه اولى تحاول تكون عربجيه وتحاول تسوي مثل العيآل بس ترآها من جمبها على قولة اختها صبا كل الناس يصيرون بويه الا انتي فثامن مستحيله تصيرين من عشآق الرقص ..دخلت نادي فنون الرقص ..درست الرقص الغربي بانواعه وبعد داخله بآليه ..من اهم اهتماماتها التسووق وعآلم الموضه ..لون بشرتها قمحيه وعيونها ملونه عسليه وسآع ..خشمها صغير وعيونها وسآع وجسمها خيآل ..شفاها مملوءه شوي ورموشها كثيفه وحاجبها من الله مرسوم..غير كذا خفيفة ظل ..اجتماعيه تهوى الافلام الاجنبيه خصوصا الرعب بس الغريب انها لاحضرت فلم رعب فقعت ضحك <<ماتذكرني بأحد
تحب كتابة القصص والخواطر والنكت عنيده بعنف لكنها بريئه ...تدرس طب مقدمه على بعثه للخارج واختارت اخوها طلآل مرافق <<ونعم الاختيار
تحب اغنية الحب خالد <<لعيون بعض الناس..ودايم تقول اهم شي كرامتيj

متعب 19 سنه :اول سنه جامعه هندسه معماريه فيه شوية قراوه <<مواقولكم توه خريج مدرسه ثانويه لزوم هالشغلات
ثقيل مايعطي وجه مايلبس الا ثياب <<مدري لالبس بنطلون وتيشيرت صار هندي مثلا كلمة المشهوره مالبس الا الثياب وانا ابوذياب..ولد تلقاه عند الفزعات مهجد الحاره من عشآق الهجوله والتطعيس والتخميس بالهاف مون اذا مر ينعرف بليا شي تلقون صوت ميحد حمد يشطح بارجآء الحاره

صبآ18 سنه :آخر العنقود مثل مايقولون كسلااانه جدا بالدراسه همها الناس تموت لومانصحت هذي وذيك دبدوبه لكن شكلها كيوت عشقها الاول والاخير نبيل شعيل<<ابدلايقين لبعض وتهوى تصفيق رابح صقرنكهها بالمنتديات ام عراده ولاتصفيقة رابح <<محد بينصفق
هاجسها بالحياة يصير جسمها مثل عارضة الازياء نعومي <<يجيب الله مطر

هذي عآئلة ابو رآكآن

بيت ابونايف

ابونايف (عبدالله) 50 سنه رجل ثري جدا تشغل الروحات والجيات ثلاث ارباع حياته يعيش ابوه راشد معه بنفس البيت ويصير ملكه
طبعا الجد راشد فهم ولده عبدالله واخته رحمه ان اختهم توفت ماضاعت وكلهم صدقوه يدعي من ربه ان الله يجمع ببنته لو موبالدنيا بدار الحق بالآخره ...بحكم انه في السبعينات من عمره كان كل بعد فتره وفتره ينزل لاملاكه وللمستشفى الخاصه فيه وبعياله ويشوف اوضآعه كان حازم جدا وراح نتعرف عليه بعدين اكثر

ام نآيف (لولوه):47 سنه كما ينعتها البعض من وراءها طعنا بها (شينه الحلايا) تجردت من معاني الامومه فهي لاتملك ذرة امومه هذا اذا عرفتها كل همها اصير صغيره بمظهري انفخ خدود اشد وجهي <<مابقا شي
تكون في قمة سعادتها اذا احد قالها الصراحه بنتك كأنها اختك
رمت بأطفآلها على المربيه لتكون لهم اما ولتكن هي ام لمستحضراتتها وعطورها الباريسيه

نآيف:24سنه كله وســــــــــــــــــــــــــــــــــــــــــــــــ ــــــــــــــــــــــآمه ورجوله شعره اسود سوآد الليل والاحلى لاوقف شعره وخلاه على طبيعته عيونه وساع لونها اسود أسمر مايل على برونزي لون يعذب القلب خشمه واقف مسلول وتزيد تحليه عوارضه يهتم بجسمه كثير كتوفه عريضه وجسمه مفصل كشيخ ورزه هو عادة يلبس سبورت بس لالبس ثوب وششماغ يصير ابو الرز <<محد غلط ...لحد يكلمني عن ابتسامته لابتس تشرق الشمس وتغيب ..له غميزتين تخلي الحجر ينفطر ولاحكى يذوب السآمع ..وعنده نص ابتسامه اذا يبي يخقق يضحكها ..يرمي سهامه بنظرة عيونه ويغدي حبه سم بالحشآ..وعليه مزح يضيع علوم ..وحازم في قراراته اذا اعطى امر ياويل من يعارضه صوته رجولي يهز الكيآن الزبده مزيوووووووون j

ريم :21 سنه قلب طيب تحب النآس هي واختها كأنهم توام يشبهون بعض تدرس علوم طبيه مع انها ماكانت تبي بس اخوها نايف شجعها ملامحها هاديه عفويه في تعاملها متعلقه بأخوها نايف

ديم :19سنه فيها شوية غرور تقيم الناس بلبسهم اذا لبست معناته انت توب عندها <<كذا اغلب العقليات الحمدلله والشكر
ملسوونه تعتبر شادن بنت خالتها القدوه لها منطويه ماتحب الناس تواجه مشكله في التعامل معهم بس قلبها طيب

.................................................. ..........................

بيت ابوعبدالعزيز

ابوعبدالعزيز(سعد):56 سنه سكير راعي شرب 24 ساعه خارج نطاق الخدمه <<لمن يريد الارتباط خمسه خمسه طيييييييط<<اقولكم مافي شبكه الرجال فاصل
وقفــــــــــــــه~

(كلمة الاب تهدى لمن يملك معناها ...الابوه اجمل معنى فمن خلال الاب نذكر الماضي ونحذر من الحاضر اذا فقد الماضي لم ينوجد لنا حاضر يذكر ..نكون تحت رحمة الرياح التي توجهنا لطريق مجهول العآقبه...فالمكواه لو لم تحرق طفل لما تعلم من انها حرآقه ...فالاب كذلك اذا لم يقسو بعض الشي لما عرفنا كيف نمسك خط الحيآه)

ام عبدالعزيز(مهره):<<اخت ام رآكان طبعا خوات بالتربيه فقط
وقف الحظ في طريقها وهي في مقتبل عمرها ...فرماها على رجال مايخاف ربه فيها ولاعرف شلون يصون ويحفظ كرامتها...ام حنون ...قلب كبير ..اهم شي بحياتها تشوف بنتها وولدها باحسن حال

عبدالعزيز:25 سنه موظف في قسم الماليه باحد المستشفيات الخاصه مملوح الوصايف والوصوف ..هو اللي يصرف على امه واخته لان ابوه يصرف كل راتب تقاعده على السم اللي يشربه ..تحمل المسوؤليه في سن صغير ... فكآن الاب لاخته العآئل لامه..كان يسهر الليل ليوفر لهم قوت يومهم ..قست الدنيا عليه بس تعرف عليها وعلى مشاكلها اليوم قبل لاتغدر به بكرا

حلا:23 سنه خريجه كلية التمريض خلصت دراستها من حوالي سنه منعها ابوها من الوظيفه بحجة ان البنت عار عالمجتمع وان مكانها بيتها<<طيب سؤال اذا البنت تشتغل عار اجل اللي يشرب وش يصير <<بيني وبينكم حمآر <<يكرم القاريء
طبعا حلا اسم على مسمى شعرها بني غامق قصير ...وبخدودها في غميزه محليتها وعيونها عسليه وخشمها صوغنن تحب ولد خالتها راكان اللي عرسه قريب <<ياعوين امك

.................................................. ..............

بيت ابومشعل

ابومشعل :رجل كبير بالسن حالته الاقتصاديه جدا ممتازه طبعا الفضل عائد لله ثم لابو زوجته مدلع عياله عالاخر او بالاحرى مادرى عنهم

ام مشعل (رحمه):امراه طيبة القلب على نياتها مدلعه عيالها بس للاسف الدلع على كثر ماتشوف ان له ايجابيات فسلبياته اكثر ..دايم تفكر بالماضي اللي يثير شكوكها في اختفاء اختها

مشعل 23 سنه :يدرس هندسه كيميائيه ...متخذ فكره وحده بباله ان كل البنات مثل بعض وكلهم يخونون ومن هالقبيل<<كلن يرى الناس بعين طبعه
مابقا بنت بالمملكه الا وتعرف عليها لعب عليها يوم وقطها اليوم الثاني بنفس الوقت<<لااسم الله عليك ولد ابوك

شادن22 سنه:تدرس هندسة ديكور..سمره جميله ملامحها حاده ...نفس بنت خالتها تقيم الناس على لبسهم ...دلعها ماااااااااااااااصخ<<اتعب وانا اقول ماصخ ..خبله تصدق كل شي ينقال لها ..تحب ولد خالتها نايف وهو يبادلها نفس الشعور

رزان:18 سنه من شافها يحلف بربي انها ولد ...بالعربي (بويه)..تكرهه احد يلقبها بهاللقب لانها ماتتصنع مثل الاغلبيه هي كذا من الله <<شي عجيب
سمرا تعرفون اللي لاشفتوا بنيه وتقولون لو انها ولد كان تصير شي رزان كذا الناس بحياتها بكوم وصديقتها اسيل بكوم محد يفهمها بهالدنيا كثرها

........................................

بيت ابو خالد (الجيران )

ابوخالد(سالم ) :رجل اعمال جيران ابوراكان الدار بالدار اكثر من 20 سنه
كل همه ان ولده يكبر ويشيل اسمه وهذا خالد كبر ...متزوج من اكثر من 25 سنه بالسر ولااحد يدري لين يومك هذا<<رقآله مالهمش امآن

ام خالد : ام حنوووون تخاف على ولدها الوحيد خالد من هفة الهوا<<مدري صح
هي وام راكان ربيعات الروح بالروح<<مثل تيمون وبمبا <<مزووح

خالد :24 سنه يدرس هندسة بترول ومعادن ...جررررح ...اسمر وعينه ناعسآت لونها بني غامق..شعره مموج رهيب ..خشمه واقف ...اذا طاحت عليه العين محد يقدر يشيلها ياحلوه وياحلوه حكيه حلو باللبس الكاجوال اجل شلون لالبس الثوب وفوقه البشت تغدي العين بخبر كان ..اخلاااق وشخصيه محبوب من قبل الكل ..وسيم جدا جدا جدا <<نموت ونحيا بحب يحيا

مرام:35 سنه قلبها طيب...ملامحهاناعمه ...تتمنى الله يرزقها بولد الحلال ..بس الناس بنظرهم من تشطح البنت الثلاثين عنست <<ياعآلم تو جمآلها برز وين عنست؟؟..الامل بعينهاعمره مامات ...اذا فات القطار بسيطه ياكثر التذاكر وبدل القطار فيه الف

رغد 23سنه ماتدرس حلوه ووجها طفولي تحب لمة الناس طويله وشعرها مايل على الشقآر

رهف:18 سنه دلوعة اهلها شعرها لونه كستنائي نااااااعم طووووووويل وهذا اللي يميزها تحب اخووها خالد بشكل موطبيعي

هذي اهم الشخصيآت

والبقيه راح نتعرف عليهم من خلال تفاصيل الروايه~

ساحرتهم بعيوني · 23-09-2010, 11:45 PM

Part 1

(الأولــــ)

فيـ أحد البيوت السعوديه المنطقه الشرقيه تحديدآ:

لجين:ياربي يمه بسك صيآح تقول كن ولدك اول عريس بالشرق الاوسط

ام رآكان :شلون يابنيتي ماتبيني اصيح وولدي البكر اعرس وبيخليني

لجين ينقالها تخفف الجو:يايما شوفي سواقنا جمال وا عليا المسكين اعرس وخلا مرته عند اهلهاوجا هنا باللهي عمره جا وتشكا لنا قال امي تصيح وناكبه اخواني

ام راكان :ايه مو قطعه من قلبك اللي تزوج هذا قطعه مني ماتعرفون وش معني قطعه مني

صبا بعبط :على طاري القطع يما ماكلت من الكيك اللي بالبوفيه الحريم مفاجيع زطوا كل الاكل

لجين :سبحان الله كلن على كرشه سرى ...انا اقول يايما تعوذي من ابليس وخلي عنك الهواجيس

ام رآكان :اخ يابنتي يارادا بكل ضحكه اضحكها اقول ليتها معي ...ياشين غربه تحول بين ام وعيالها

لجين تصفق:صح لسآنك يما ..<<شوي الا جوالها تن تن تتن تررم شيواواو تن تن تن ترن شيواوا

لجين قاعده تترقص :هااا الطيب عند ذكره :الوووو هلاا رادا ...تبين امي ؟؟ وبكذب :ماتبينها اها طيب مع السلام... <<ام راكان سحبت الجوال بالمقلوب

ام رآكان :الووو ...الووووو

صبا تسدحت ضحك :هههههههههههههههههههههههههههههههههههه

ام راكان :حسبي الله على ابليسك من بنيه

لجين ميته ضحك:يمه الجوااااال هههههههههههه

ام راكان :شفيه الجوال بعد

لجين :مقلوووب هههههههههههههههههه

ام راكان تقلبه :وانا اعرف لخرابيطكم هذي ...ألوووو

رادا :هلااا يمااا ..شلونك شخبارك ولهت عليك يما حييييل

ام راكان تبكي:ياااهلي وطوايفي انتي انا والله اللي ولهت عليك انتي رحتي واخوك راح لبيته وبكرا اخوانك

لجين :لوسمحتي الا انا ...انا حاله استثنائيه بقعد على قلبك وقلب الوالد

صبا وبيدها بايسن :لا وين انا بعرس طلعوني من حسبتكم بكرا يغديني ويعشيني مايستقعد لي

لجين :اليوم ياخذك صباح اليوم الثاني يطلقك المسكين يشك بنفسه ماخذ المصارع يوكازونا ...وربي اتخيلك بالزفه تمشين وبيدك كت كات واليد الثانيه بايسن هههههههههههههههههههههههههههههههههه

ام رآكان :تسمعين خواتك فصخن الحيا مره وحده

رادا:ههههه يما واللي يعافيك لاتصيحين قلبي يصير على نار افكر طول الوقت

ام رآكان : والله يابنيتي وش تبيني اسوي مكانكم بالبيت خالي ...وانتي خل بالك مع زوجك لاتشغلين فكرك وانا امك

رادا :زين يما باركي لاخوي راكان قوليله الف مبروك منه المال ومنها العيآل والود ودي اكون معكم بس وش اسوي بالظروف

ام راكان :معذوره يايما ....بحفظ الكريم

رادا :مع السلامه

ام راكان رجعت تكمل صياحها:يالله ياكريم ان تسعدهم ماابي الا سعادتهم

لجين :ردينا على طير ياللي يمااااا كافي حرام تسوين بنفسك كذا

شوي الا بدخلة ابورآكان :ام راكان افاااا وش هالدموع ...لايكون هالسوستين مزعلينك؟؟

لجين تغني لابوها :خلص حنانك مابقا الا قسوتك اقسى علي اقسى

صبا اللي موحافظه الاغنيه :حلالك قسوتك

لجين :الله يرجك فدوتك ..من وين قسوتك حتى ترقيع ماتعرف

ام راكان تبتسم :والله يابوراكان ماغيرهن هالسوستين اللي مونسيني بدنيتي

ابورآكان :افااا وابوهم مكدرك يعني ياام راكان

ام ركان :لاحشا بالله موهذا القصد

ابو راكان :طيب ماقلتيلي وش اللي مضايقك؟؟

ام راكان :اييه يابو راكان عيالك كل واحد وتزوج وانا صرت اشتاق لحس كل واحد فيهم عساني ماخلا حسهم

ابوراكان :هذا حال الدنيا يام راكان بكرا كل عيالك يتزوجون

لجين :ياليييييييل بديييينا يبا قلنا لكم انا بقعد على قلوبكم

ابو راكان :لاوالله وانا وامك تنهدم احلامنا اللي بنيناها عقب مانزوجكم عشان حضرتك تبين تقعدين باقي العمر على قلبي

لجين :ايييه طلع ياعم طللع وش مخططين بعد ؟؟

ابو رآكان :اقول منى بنتك هذي على من طالع حشريه؟؟

ام رآكان :ههههه على ابوها اللي يبي يعرف كل شي

لجين تغمز لامها :والله وجبتيها عالجرح يام راكان

صبا تتكلم والاكل تارس خشتها :يبااا بخصوص غدا بكرا وش بتجيبون؟؟

لجين :بخصوص الاكل اللي فحلقك ورى ماتقفلينه ترى كله طار بوجهي

ابو رآكان :الله يصلحك يابنتي تونا ماكلين بالعرس وش اكله الحين

صبا :لابس يبا زهقنا كل يوم كبسه

ام راكان :احمدي ربك يابنيتي غيرك يدور اللقمه

صبا :ماقلنا شي الحمدلله لك يارب

ابو راكان :ها يام راكان عسى الحين رضيتي علينا

ام راكان :وانا من متى ازعل منكم يابو راكان

لجين :اخص اخص <<وصارت تسحب بصبا :امشي امشي اظن ماعاد لنا قعده

ابو راكان وام راكان :هههههههههههههههه

ابو راكان :ياعساني مانحرم من هالضحكه

ام راكان استحت :.....................

لجين :يازين امي والحيا ذابحها

ام راكان :من قال اني مستحيه

لجين :المرايا

الكل :ههههههههههههههههههههههههههه

~~~~~~~~~~~~~~~~~~~~~~~~~~~~~~~~~~~~

مبروك عرسك يوم جالك نصيبك
مبروك للي يسعد بشوف لقياك
شفت القدر حقق اني اجيبك
وحقق اني التقي يوم وياك

نروح للعرايس

راكان بغزل :مبرووك ياقلبي مبروك حبك علي الف مبروووك

حنان لفت الناحيه الثانيه وبصوت غير مسموع :الله يبارك فيك

راكان :ابي اصدق ياحياتي انك صرتي لي وانا لك ...ابي اصدق اني معك ولااحد يشاركني فيك....واخيرا حبي حلمي تحقق<<لفها وصار وجهه مقابل لوجهها وبهمس:حنان احبـــــــــك لااستغفر الله شفيني ....انا ميت عليك

حنان :............................

راكان :بسألك حناني تحبيني؟!

حنان:..........................

راكان :هههههههههههه مستحيه..؟! ياليتني الحيا ..ترى بس اليوم بسامحك لكن بكرا ضروري اسمعها منك اتفقنا

حنان تهز راسها

راكان يزيد يقرب منها :كل يوم يزيد غلاك بقلبي ويزيد حلاك بعيني وانا قلبي رهيف مايقدر على كذا... حبك لخبط كياني ..وهواك لعب بحسبتي ...يارب تصبرني ..بس وش اسوي مافيني صبر كل خليه فيني تنادي باسمك وتقول احبك والله ياحناني احبــــــــك

بدت حنان ترتجف ولاحظ هالشي راكان :بردانه ياقلبي <<وصار ياشر على صدره

راكان :اكسر ضلوعي ضلع ضلع واحطك بالحشا وادفيك

حنان وخرته عنها بقساوه ..وبصوت مثل دبيب النمل :وخر عني

راكان انصدم :ماسمعتك قلبي شقلتي..؟

حنان تتمالك اعصابها:قلتلك وخر عني

راكان بقلبه اكيد مستحيه قرب منها اكثر واكثر واكثر ...............................

ساحرتهم بعيوني · 23-09-2010, 11:49 PM

الله خلقني {غ ــيرر}
عن باقي الناس ،!

بيت ابو راكان

لجين :كورتي بالله ابي الجهاز الحين انتي خوذيه بالليل وانا الحين ها شقلتي؟؟

صبا متكدره :يووه مالي خلقك الحين

لجين وقفت :افا وش بك؟؟

صبا:مدري احس بضيقه من غير سبب وبسبب <<حلوه

لجين :تدرين عاد حتى انا احس كن احد خانقني بس مافي سبب معين قلبي قابضني مااقول غير الله يستر حتى امي تقول قلبها يعورها من جد الله يستر

صبا:اووف ماابي المدرسه صرت كاني رايحه لفلم رعب

لجين رفعت حاجبها :ليه يااخت صبا؟؟

صبا:البنات عرفوا بسالفة امي مو ام وحده من البنات تدري بالسالفه وذيك البنت اللي رحت انصحها وقبت بوجهي وصار تكرهني وكل ماشافتني قطت كلام درت بالسالفه وصارت تناديني (بنت اللقيطه) وان تربيتي تربية شوارع

لجين :اسمعيني عدل ياصبا ..... انا واجهت المشكله هذي قبلك وكل بنات المدرسه دروا بالسالفه وطلعت واعترفت وقريت اني انا امي لقيطه جدي وجدتي اللي ربوها خذوها من الشارع ....وربوها احسن تربيه هذي اللقيطه اللي يتكلمون عنها ربتني وربتك واحسنت التربيه انشدي عن اخلاق امي بكل مكان بترجعين لي وراسك مرفوع ايه نعم امي لقيطه ولااعرف لي خال ولاخاله بس الاكيد ان امي بنت رجال ربتنا تربيه غيرك يتمناها

صبا :ماقلنا شي يالجين بس المشكله عندي كبرت وصارت نفسيه ..اول شي هي هالبنت من عائله معروفه صعب اتهاوش معها بيحطون الغلط علي

لجين:اذا قالتلك انا بنت فلان ردي ع عليها وقولي لها لاترفعين الراس وتشوفين البشر تحتك ماتحتك الا التراب اللي بترجعين له واذا كانت بنت فلان يعني تدرين عاد انا ماهمني كلام الناس القيل والقال افتخر امشي حافيه في زمن كله جزم وبعدين لاتقولين لي هذي المويه مدري فول الصويا اللي تسمونه

صبا:بووويه

لجين :بعد بوويه الحمدلله والشكر وجايه بقبح بنت اللقيطه ...ومسويه زحمه وتتحقط لك بس عشان نصحتيها ياختي ماينفع الطيب بهالزمن عمرك شفتي طيب عايش الطيب يامجروح يامظلوم ياميت

صبا:ههههههههههههههههه عجبتني فول الصويا هههههههههههههه

لجين :ايه ياخيتي كذا ابي اشوف ضرس العقل مع ضحكتك اللي تقول مهرج ..اضحك للدنيا مزمز حليب السعوديه مادريتي صار بنكهات بعد

صبا:صدق يبيلي اجربه

لجين:لواادري انك بترضين كان من زمان جبت طاري البلعه

صبا:سخيييييييييييييفه...اقول لج لج

لجين :وشو هذا؟؟

صبا :دلعك الجديد

لجين :لاحبيبتي اعفينا بس لجج هذي مخدرات يامال المغص

صبا:احلفي توني ادري ...الزبده ماعجبني فستان حنان يحوم الكبد

لجين :بكيفها عاجبها هي

صبا:ماتحسين انها مغصووبه على راكان ..ألصراحه كنت اتمنى حلا تاخذ راكان مدري احس قلبها اطيب من حنان اللي بعدت عنا وفجأه قطعتك مع انكم كنتوا الروح بالروح

لجين:مغصووبه احد يحصل له راكان خل تطم فرتها بس ...بعدين علاقتي فيها صاارت رسميه لسبب راجعلي ولقناعه شخصيه اما حلا انشاء الله يجي نصيبها

لجين :صبآ

صبآ:وشو

لجين :شوفي الساعه كم الكل تاخر وطلول ومتعب ناموا برآ صدق مايستحون

صبآ:تصدقين حتى انا موقادره انام احس للحين فيني طرب

لجين:تدرين عاد لموي جمبي بالعرس وتهتز وانا طول العرس ادعي يارب مايركبها الزار<<هذي لموي خويتي الروح بالروح رفيقة الدرب على مايقولون بعدين نتعرف عليها

صبآ:خ خ خ خخ اوما رقص لميا فظيع احلى شي لاعرجت برجليها ولاركضت حسيت انها لاعب كوره

لجين:بالضبط هي اللاعب وانتي الكوره هههههههههههههههههههههه

صبآ وبيدها سكين تقطع التفاح ولفت على لجين:على فكره انا شفت ناس سخيف لكن مثل اختي الوقور ماشف........<<هنا قطعت يدها

صبآ:آآآآآآآآآآآآآآآآآآآآآآآآآآآآه <<وصارت تنزف دم موطبيعي...انا انصدمت من المنظر أي منظر فيه دم انا اكرهه ..اخاف من الدم صرت ارجف ويالله جبت لها فوطه ولفيتها على يدها<<هذا اللي دارس طب

المهم وصرت افكر وصبآ تصييح :لجيين يعوور بمووت

لجين :اصص قصري حسك امي وابوي لايقومون ...ياربي وش الدبره يارب

<<صرت افكر وضاقت علي كل ابو الافكار....ومن بعد صمت :لقييييتها

صبا بألم :وش بتسويين؟؟

~~~~~~~~~~~~~~~~~~~~~~~~~~~~~~~~~~~~~~~~~

..

هُگذِآ .. تِحِمٍلنٍا ~{ رٍيًآحِ آلأَقِدُآرٍ..!!

لحيثلانعلم .. !؟

عند احد اصحاب القلوب الجريحه

حلا بغرفتها تبكي :يحسبون هدوئي يعني اني مومهتمه لاوربي يمكن اكون ميته ومحد دفني ...يارب انت ادرى بحالي يارب زيل حبه عن قلبي ..والله موقادره انساه خيآله وطيفه للحين يلاحقني <<ودخلت في نوبه عميقه مع بكائها (بكائها على فقيد الحب كما كانت تسميه على حبها الضائع على حرمانها من الشخص اللي كانت حاطه فيه كل الامل انه يجي وينقذها من الجحيم اللي عايشه فيه ...كانت بهاللحظه تفكر برآكان ...ايه كانت تفكر براكان حبته بكل مافيه بشره وخيره بس كان للقدر بصمه كبيره في حرمانها منه ليكون القدر عكسا لاتجاه مسار سعادتها(كم يتمنى المرء امور الا مايعاكسها القدر لتكون صاعقه عليه تجرف معه احلام بناها وافنى عمره فيها )

شوي دخلت ام عبدالعزيز عليها الغرفه ولفت وجهها الناحيه الثانيه تداري همها ودمعاتها اللي سطرت على خدها هموم وهموم ..بهاللحظه ماكان ودها تكدر امها اللي ماصدقت لمح الفرحه بعينها اليوم

ام عبدالعزيز :يما حلا ماغيرتي هدومك للحين ؟

حلا بصوت مبحوح :الحين ابدل يمه

ام عبدالعزيز ماطافتها :حلا يابنيتي شفيه صوتك لايكون اخذتي برد

حلا بقلبها لايايما البرد اخذته اعصابي ومشاعري اللي تلفت :ايه يمكن يمه

ام عبدالعزيز حضنت بنتها وبدت تصيح بشكل اقوى من الصياح الاولي كذا الانسان امام الحضن يرجع طفل السنتين ..طبعا ام عبدالعزيز ماجا ببالها ان بنتها كانت تصيح على حب مفقود

ام عبدالعزيز :بس خلاص يايمه لاتوجعين قلبي ..انشاء الله قريب ربي بيفرجها وبتنحل بحول اللي عينه ماتنام ...وابوك الله يهديه ..انا لوبيدي اطلعكم من هالبيت ومن اللي فيه بس يايمه وين نودي وجيهنا من الفضيحه اللي راح تلحقنا ..وبعدين اخوك عبدالعزيز لو درى عن ابوك وعن فعايله السودا طول فترة دوامه وش بيكون موقفه يابنيتي وكلي ربك وانشاء الله هو خير معين

حلا بقلبها هالالم والوجع تعودت عليه بس اخر الجروح تفنن بتجريحي :والنعم بالله

.................................................. ..............

إذا المراجل لبسة شماغ وعقال
قل للعذارى يلبسنّ العمايم’’

ما عاد يفرق زول حرمه ورجال
دام الفعايل تشبه البعض دايم’’

المرجله ما هيب كلمه وتنقال
وتروح ما راحت هبوب النسايم’’

وإلا خشونة صوت أو رفع الأثقال
أو رزة صدور وفعل الزلايم’’

ولا هي بعد مفتاح موتر وجوال
وإلا ردى لسانن حديثه شتايم’

لجين:مالي غير هالحل اوديك الدكتور

صبا:بس جمال عنده اليوم اجازه وابوي نايم

لجين باءبتسامه:لاحبيبتي فاهمه غلط انا بنفسي بوديك

صبا:لامستحيل انهبلتي انتي

لجين:اصصص ولاكلمه قومي شوفي الدم بيدك بسرعه

صبا اللي الفوطه اللي بيدها صارت حمرا:زين بسررررعه لجييين بمووت

لجين :رحت لغرفة طلال واخذت ثوب العيد لانه الوحيد اللي نظيف وشماغه ولبست صبا العبايه...وبعدها رحت لغرفة ابوي وتسللت اخذت المفاتيح..وبسم الله شغلت السياره...وصرت اطالع يمين يسار ماابي احد يشوفني...الا وقتها صادف خروج خالد <<ماغيره خالد ولد جيراننا اللي بالي بالكم J

عاد انا صخيت مكاني:صباا نزلي راسك خالد ولد جيرانا طلع

نزلنا روسنا ولاندري عنه هو داخل ولاطالع وبعدها بفتره شغلت السياره وبديت احركها<<طبعا تعلمت السواقه على يد اخوي طلال ...بالبر كنا نروح ودايم يخليني اسوق طبعا من بعد قشعات وجريات تعلمت

طالعت بعيني وانا متلثمه من المرايا الا وتطيح عيني على خالد اللي كان مازال ورانا

خالد يكلم نفسه ..السياره فيها احد؟؟الا انا متأكد شفتها؟؟معقووله تكون هي؟؟ انا لازم الحقها<<المشكله ان خالد كان حافظ عيني ويميزها بحكم ان عيني الوحيده الملونه من اخواني كلهم

وبعدها طرت والحمدلله الطرق كانت فاضيه ...تقريبا عالفجر طلعت ومسكت خط عالكورنيش لاني اصلا ضيعت المستشفى ....وكنت احاول اضيع خالد اللي كان بالسياره يلحقني والحمدلله ضيعته وصرت ادور عالمستشفى...رحت لخط عام ووقفت باءشاره ...هنا سمعت صوت ون ون ون ون<<الشرررطه

<<توهقت ماعرفت وش اسوي كانت الاشاره حمرا...وصبا ميته خوف ماللي غير اني احوّس بالشرطه ..ويللا صاروا يطاردوني من شارع لي شارع يمكن حول نص ساعه ....الشرطه:ياابو الشباب اسفط ...كرر يابو الشباب اسفط<<هذا الشرطي صراحه اتحفني المشكله صحيح كنت لابسه ثوب وشماغ بس كان واضح ان عيني عين بنت ماهوب ولد بس الظاهر مفطر فول...وين اسفط وش اقوله وانا صوتي كله نعوومه ....مشيت باقصى سرعه وطلع قدامنا تاكسي .....انا وصبآ بصراخ:لااااااااااااااااااااا

ساحرتهم بعيوني · 23-09-2010, 11:52 PM

~\

ودي بك .. وأبيك وأباك وأبغاك ..
.. جمعتها لرضاك واختار فيها

كانك مشكك في الوفا والغلا هاك ..
.. جوالي اقر القائمه كل ابيها

رقمك مع (الصادر) ولا (وارد) أسواك ..
.. والناس في اللي (لم يرد عليها)

عند الشباب

احمد :نايف اسمع نكتة الموسم

نايف :هااات خل نسمع

احمد :هندي بالغ باكل الفلفل جاته بواسير ههههههههههههههههههههههههههههههههه

نايف :يالحبيب ممكن تنطم لانك عنوان للسقااامه والسماااجه ...جوّووك غلط

احمد :ياثقل دمك ياخي النكته تووحفه وانت صنم للامانه النكته دغدغت مشاعري ...الا على طاري المشاعر اخبارك مع الحب؟

نايف: حبيبتي مو مثل اشكالك اللي يجيب طاريها ترى على فكره حتى من طاريها اغار..اه ويلاه بس من حبها ...سرقت قلبي وخلت روحي عندها اه ويلاه منها

احمد يصفق:لالالالا مانقدر واضح يالحبيب طحت بخرايطها ومحدش سمى عليك

نواف داخل عرض:خير شعندكم حسكم طالع

احمد :وانت اي شي تدخل عصك فيه ...تعال ماقلتلنا متى العرس ماحددتوا؟

نواف يمد رجوله :اي عرس واهلها موراضين يقولون اكمل دراستي بعدها اتوظف بعدين الزواج

احمد :عز الله مرتك خللت عند بيت اهلها ....بس عاد انت وياه كل واحد مسوي قصة حب وانه عايش ولا عشان انا ماعندي حبيبه

نايف :انت ..ابد ماعندك حبيبه عندك حبيبات عنبووك هذا فندق ولاقلب اللي قدر يشيل كل هالبنات ....تعرف نظام الحملات حقت الحج ابد نظامك

احمد يتف عليه :تفي من بؤك ..اذكر الله لاتحسدني طيب غيروا السالفه ..ولاتدرون عندي نكته

نايف :ياليييييل النكت السقيمه اللي موراضي يقضي ...ترى وربي لي ساعه اسلك ابد موقاااادر

احمد :اسمعوا يقولك محشش راح للمستشفى وكان حده مستعجل طلبوا منه تحليل بول عطاهم سرواله قالهم خذوه فيه كل اللي تبونه هههههههههههههههههههههههههههههههههههههههههههههههههه ههههههه

نايف :كا كا كا كا كا

احمد :كاكا وبيكام ههههههههههههههههههههههههه

نايف :اسمع هذي للحبيب نواف يقولك واحد مملك سأله خويه وش شعورك وانت مملك ؟؟قال :شعوري شعور بزر ابوه شرى له سيكل وقاله لاتركبه الا بعد الاختبارات هههههههههههههههههههه

نواف فصخ نعاله وانتوا بكرامه اما نايف طار هوا وهو ميت ضحك

اما احمد فطاح بالارض يتحرقص من الضحك :صح عليك يابوعبااادي قووويه جررررح جررررح ههههههههههههههههههههه

نواف تنزل فيه ضرب :وش اللي يضحك انت وياه هاا..ياجعلك تملك وقلبك يتقطع مثل ماهوب متقطع قلبي ياسملّق

يأس منه نواف :تفووو قوم طس عن ووجهي

بقى نواف لحاله يناجي نفسه :آخ بس يمكن اكون بقلبها ضايع بين فلان وفلان بس وش حيلتي وهي فقلبي اغلى انسآنه<<اروح ملح

.........................................

يــآا‘خ’ـۈيُ آنـآ ۈآلله مـآنـي بـنـآسـيـڪ
آنته علي رآسي مخليڪ تـآآج ــي
ۈآطـلـب عسے رَبّ آلـبْـشَـرْ يـع ـتـنـي فيڪ
ۈيـح ــط لڪ دۈن آلـمـشـآڪـل سـيـآج ــي

بيت ابونايف

ديم بدلع :ريووم شفتي لوك وضحى الجديد وااااي حده يهبل بس تدرين دايم يقولون عنها وعن ستايلها انه مره حلوو بس سمعت اسمها بالبدايه ماستسغتها <<الاخت ياتكونين هيفا وهبي ولاماتطل بوجهك صدق عقليات رجعيه للاسف ماشي سوقها بهالمجتمع

ريم :لاعادي لبسها مو مره

ديم :تدرين تقول جاي خصيصا لها من paris التوب حقها بس ب 1000 دولار صراحه خاطري هالصيف نروح ل paris

ريم :لالالالا واللي يعافيك نبي نروح هالصيف لللبنان ولا جا رمضان بننزل مكه والمدينه

ديم ضحكت:هههههههه تقارنينهم بparis صدق ماعندك سالفه

انا بروح مع بنت عمتي شدوون وانتي روحي لمكه والمدينه هههههههههههه

ريم:مكه والمدينه هذي في الآف بأوروبا يتمنون الجيه لها ودموعهم اربع اربع لاشافوا الحرم وانتي تضحكين

ديم :اوووف ماقلنا شي

نايف فتح الباب:السلام عليكم

ديم :هاي ماي برو

ريم تدزها :وعليكم السلام

نايف يقلدها :هاي ماي برو ..تعلمي السنع وردي زي الاوادم قلت السلام عليكم

ديم من غير نفس:وعليكم السلام

نايف بعصبيه :وش اللي انتي لابسه هاا؟؟يوم تتزوجين وتصيرين ببيت رجلك ذيك الساعه البسي اللي تلبسينه

ريم تهدي الموضوع:موكذا يانايف هي ماكانت تدري انك جاي هالحزه

نايف بعصبيه :وانتي من كلمك هاا ..لاتدخلين عصك بشي مايخصك

ريم اللي خذت بخاطرها :طيب يانايف مشكور يااخوي يجي منك اكثر هذا جزاي اللي كنت بهدي الموضوع <<وراحت للصاله

نايف طالع ديم اللي كانت واقفه :كله منك يللا اطلعي ظفي وجهك ماابي اشوفك

طلعت ديم وجلست تبكي عالدرج ..اما نايف راح لاخته ريم اللي زعلها من غير قصد ..راح لها

نايف :ممكن اجلس؟؟ ريم وعينها عالتلفزيون :تفضل

نايف رفع راسها :زعلانه على اخوك ؟؟ صدقيني ماكان قصدي هذا لبس ينلبس بذمتك ياريم <<كانت ديم لابسه شورت لين نص الفخذ وتوب نص

ريم : حتى لو انه كان ماينلبس كل شي يجي باللين ياخوي الحين بالعكس بتعاند اكثر واكثر

نايف:تخسى تعاندني خل تعاند وتشوف وش يجيها بس تدرين العتب موعليها العتب على امي اللي ماعلمتها الصح من الغلط

ريم بقلبها هماك ماتدري ياخوي ان شادن هي اللي تعلمها :يااخوي انا اعرف البنات مايجيبهم الا اللين انت جرب البنت اهم شي عندها مشاعرها لااحد يقرب مشاعرها كل ماسايستها كل ماطاعتك اكثر

نايف غمز لها :ومنكم نستفيد ..المهم عندي الحين انك رضيتي ولانتي شايله بخاطرك على اخوك

ريم :وانا اقدر اشيل اصلا <<طبعا كانوا يشوفون نايف محل ابوهم لان ابوهم شغله اخذه من عياله وصار يجري ورى الحلال ونسى العيال <<حلوه

نايف يهمس لريم :تسمعين هذي ديم وحركاتها تصيح تبيني اراضيها ههههههههههه

طلع نايف من الدرج ولقاها جالسه على الدرج

نايف:اوف اوف ديم ماصارت دموع ماخلصوا؟؟

قرب منها ومسح دموعها :هذي الدموع ومسحناها <<لأاحظ انها غيرت هدومها

نايف :ههههههههههههه غيرتي ؟؟

ديم :موتقول موعاجبينك

نايف :موحكاية موعاجبيني انا ياديم اخوك اللي يحبك ويخاف عليك اذا شفت عليك غلط لازم اقولك مايصارحك باغلاطك الا من كان بالفعل يحبك

ديم اللي ماقد سمعت هالكلمه ولالقت هالاهتمام من احد :والله صدق يعني تحبني

نايف:انا عندي قلب وقاسمه نصين نص لك ونص لريووم

ديم حضنته :فدييييييت نايف انااا

نايف :احم احم في ناس تغار ترى

ديم:تعال اذا انا نص قلبك وريوم النص الثاني شادن وش يبقالها

نايف يرمش بعينه:كل الباقي حلالها يكفي ان الروح ملكها قولي انا وش اللي بقا لي

يللا ديووم بروح تذكرت شغله قالي اجيبها جدي قولي لليما هيفا لاتعمل حسابي بالغدا

ديم :هههه انشاء الله رغم كل اللي تسويه الا اني احبك

<<عسى ربي يخلي كل اخو لاخته آمين يااحلى اربع اخوان:)

.................................................. ........................

ليه؟؟انت دايم وسط عيني وين مااكون J

عند لجين & صبا

انا هنا مت خوف يوم صارت الدوريه تلاحقنا...ماعرفت وش اسوي اختي تعبآنه ولابيدي سواة...صرت احاول اهرب عنهم رغم اني فكرت اني استسلم...وطلعلي واحد بسياره فخمه كانت سبورت ا ظن انها كورفيت كشف حمرا المهم ....وقف جمبي وصار يطالعني....انا ماانتبهت له لان اللثمه طاحت ورجعت تلثمت ..لفيت يميني لقيته مبحلق فيني انا هنا قلبي طاح بمكانه..بدل ماالدوريه تلحقني شاب يلحقني ياعيني....بس الغريب ان الشاب سوا حركه اشغل الدوريه عني ...كان مسرع ويوم سووا الدوريه له ندا وقف ...وخذا له مخالفه ...وبعدها اختفيننا عن الدوريه على قد ماكان ودي اسطر هالشاب اللي كان طول الوقت يطالعني الا اني دعيت له على موقفه معي .

صبا بالم:لجين وصلنا

لجين:ايه هذانا وصلنا ..شلونها يدك الحين؟؟

صبا:ماصرت احس فيها

لجين:ياويل قلبي صدق ....بسرعه يللا هذانا وصلنا

صبا:لجين تهقين الدوريه دروا انك بنت

لجين:لامااظن فيه شاب شافني اللثمه طاحت وانا ماادريت اما الدوريه من جمبها كانوا يلاحقوني مولشي..لاني مزوده السرعه ..بس تدرين اكيد خذوا رقم اللوحه ...ونظام ساهر هاللبشه اللي حطوه نكب اوم البشريه

صبا:الحمدلله وصلنا

لجين :ايه هذي المستشفى لحظه اجي افتح لك الباب

<<فتحت لصبا الباب ونزلتها ...ولفيت الناحيه الثانيه وشفت ...وشفت خاااالد متوجه لنا...بسرعه دخلت انا وصبا لداخل

وشفت الشاب اللي ساعدني وكان هو بعد رايح للمستشفى الظاهر ....دخلت صبا للدكتور وسووا لها غرزتين وصرت انتظر برا

عند خالدْ~

خالد وقف عند السياره وهو يركض وبقق عيونه

خالد:هذي سيارة عمي مبارك ....معناته هي لجين واللي معها صبا لازم اددخل اشوف وش السالفه...خلني اتأكد !!.....لايكون صرت اهوجس فيها بكل مكاننا روحه ؟؟بس هذيك عيونها انا ادرى فيها

ساحرتهم بعيوني · 23-09-2010, 11:58 PM

لو أدري ياناس ان العمر
يرضيه
يفداه عمري ومابقى من حياتي

بكنـــــدا
رادا من سمعت صوت اهلها وقلبها معهم دمعت عينها ومسح دمعتها كفوف بدر
بدر:افا تصيحين ؟؟ حرام هالعيون اللي أسرتني تدمع والله حرام ...والحين قوليلي وش اللي مزعلك؟؟ ومخليك تصيحين؟؟
رادا مازال الدمع بعينها:صدقني بدر ماودي أكدر خاطرك معي كل الحكايه اشتقت لاهلي
بدر بحنيه :ابي منك وعد لاصرتي ضايقه استفزعي بقلبي وانا اجيك كلي وبعدين لاتقولين اكدرك لاجلك يهون الصعب مهما حصل لي
رادا:بس انا ماابي ازعجك
بدر:تزعجيني !! يزعجني كل العالم ولامنك ازعاج همي بس رضاك يابعد كل من لي
رادا:صدق..فديتك
بدربقق عيونه:عيدي ماسمعت
رداداتصارخ :فديييييييييييتك
بدر قرب منها وحوطها بيده وبهمس:ماخبروك انك بالنسبه لي وريد الدم او دم الوريد يعني العيشه بدونك ثامن (ألسبع المستحيلات)
.................................................. .............

يآدمع عيني خف~
جرحت عيني والعين تبكي خوف تفقد بصرهآ

بيت ابوعبدالعزيز
ابوعبدالعزيز وهو سكران طينه:وو يي نن ب ن ت ك يا م هرر ه
ام عبدالعزيز:بدارها شتبي فيها؟؟
ابوعبدالعزيز :ا ش ش وطي حسك لايسمعك افنان
ام عبدالعزيز:افنان!! من هذا؟؟
ابوعبدالعزيز بكلام غير واضح:هذا خطيب بنت لالالالا استغفر الله اسمه احسان احسان هههههههههههههههههههههااااااي
ام عبدالعزيز عصبت:والله ماتقرب من بنتي ولايشوفها الغريب انت جنيت يابوعبدالعزيز
ابوعبدالعزيز دزها وطلع لفوق غرفة حلا وسحبها مع شعرها معه لمجلس الدعاره والمجون حقه
حلا تبكي:يباا واللي يعافيك وخر عني ماابي ارووح
مهره :وخر عنها يابوعبدالعزيز احس لك
ابوعبدالعزيز:ههااااااي مابقا الا مهره ..اسمعي يامره لاتخليني اسويها وادخلك على افنان هالمره <<الرجال مطيوور بحده
ام عبدالعزيز:حسبي الله ونعم الوكيل فيك حسبي الله عليك <<وصارت تبكي وتدعي عليها استغل هالفرصه ودزها طاحت بالارض وقفل عليها الباب
حلا تبكي:يبا حرام عليك انا بنتك عرضك تبي تكون سبب بخسارتي اياه<<سحبها من شعرها بقوه واتجه لمجلس الانس حقه
كان بالمجلس ابوخميس (احسان ) رجل باواخر الستينات كان هو الاخر مقلع من عالم الصحوه لعالم الهفوه والغفوه على طريقتهم الخاصه
ابوخميس وقد اكل حلا بعينه:بنتك قمر تسرق النظرر وبهالمكان احلى من عبرر ..هههااااااااي يابوعزوز الحق علي صرت شاعر
ابوعبدالعزيز:اي شاعر انت رجولك والقبر خلاص انت علبة بيبسي منتهية الصلاحيه ههههههااااااااااااي
ابوخميس سحبها من ايدها وصار يرقص منظر كان جدا فظيع لفيت لابوي استنجده
حلا:يبا يبا الحق علي قوله يوخر عني
ابوعبدالعزيز صار يلتفت حوله :اي ابو ههههههههههههههههههااااااااااي<<وصار يصفق بيده:ولد ولد روووح على قلبي
ابوخميس سحب يدها مره ثانيه وصار يرقص وحلا كل ماله صوتها يعلى ويرتفع:يبا واللي يسلم عمرك قله يتركني برووح لامي بشوف شصار لها
حلا حست ان ابوخميس راح لعالم ثااااني ولاقام يحس باللي حوله سحبت يدي منه وطحت قريب من ابوي وصرت اصييييييييح لكن للا سف ابوي كان يتجرع السم وانا اتجرع الهم سمعت بعدها ضررررب قوووووي عالباب وصار يعلى ويعلي

ساحرتهم بعيوني · 23-09-2010, 11:59 PM

~~~~~~~~~~~~~~~~~~~~~~

أسألك رديبأمانهمن تركتينيعشانه
هو انا عايش بدنياولا ذا عصرالخيانه

منهوفينااللي تغيربدل الثاني وغير
غرتك دنيا غرورهمالك بقلبيمكانه

أسألكأبغىجوابمكتفي قلبي عذاب
قلبي مايهوى حبيبذاق فيحبه إهانه

بس أنا عندي قناعهإنيأنساكفي ساعه
بكره ألقى من يحبنيوأقعد أضحيعشانه

نرجع لرآكان &حنان
ركان يدفها وهو في قمة عصبيته:خنتيني ياحنان ...خنتيني وانا اللي بعت دنيآي وشريتك ..بعت كل هالكون بس عشان اكمل تالي العمر وياك
حنان تبكي :راكان صدقني اناا انااا
راكان يهز كتوفها بقوه:انتي وشو ...انتي حرام تكونين انسانه لها مشاعر واحاسيس انتي منظر ..ماعندك ذره من الانسانيه
حنان تبكي من قلب:راكان شتبيني اقولك حبيت غيرك شلووون...تكفى ياراكان لاتطلقني خلني على ذمتك بكرا راح يطلع علي الكلام انا عرضك انا بنت عمك
راكان :متى ماجنيت خليتك دقيقه على ذمتي ...ليه ياحنان من علمك هالجفا من علمك الخيانه كنتي ورده بعيوني واليوم طلع شوكك ...ابتسم بعدها ابتسامه واحد فقد عقله :تحبينه ياحنان...جاوبي تحبينه؟؟
حنان مازالت تبكي:ايه ياراكان احبه صدقني موبيدي احبه
راكان تجمعت قواه بيده :طااااااااااااااااااااااااااااااااخ<<سطرها كف راح يظل ذكرى وعلامه على وجنتيها
حنان اللي زاد بكاها وطاحت بالارض وطت راسها
راكان بحرقه:ليه نزلتي عينك ارفعيها طالعيني ليش قلتيلي احبك ليش يابنت عمي خدعتيني ..ليش قلتيلي حبيبي كان ممكن مااحبك كان ممكن تخليني ...وتخدعي غيري بدالي ليه انا بالتحديد لعبتي بمشاعري ...ليش انا بالذات؟
بعد غدرك قوليلي وش اللي بقالي وربك عمري ماجرحتك ليش ياحنان تجرحيني
هنت على قلبك !! حساافه ...القهر حبيتك وادري عمرك ماحبيتيني ...كنت دايم اقول المحبه من طرف واحد نهايتها تزول والحين شفت بعيني...كان كل عمري بيدينك قوليلي وش كان بيديني؟؟.....كنت اتجاهل جفآك واقول الحب اكبر..والله كنت احبك ..كنتي قلبي كنتي عيني...اسف اذا بيوم زل لساني وقلت انك راس مالي ....اسالك بالله واطلبك لاتذكريني احرقي كل القصايد وانسي اشواقي ووصالي ...المهم اني ببعدوانتي روحي وانسيني ..روحي له مثلي دور البريئه وفي النهايه قبل لاامشي ابي اقولك كلمتين ترى هذا اللي تحبينه صديقي مازن ...وثاني شي بقووله لك ياحنان انتي طــــــــــــــــــــــــــــــــــآلق طـــــــــــــــــــآلق
حنان تبكي بحرقه :لاواللي يعافييييك لاااااااااااا
راكان :الا ياحنان انتي طـــــــــــــــــــــــــــــــــــــــــآلق
صار يرجف ويتصبب عرق تركها تكمل مسلسل الدموع وحلف بكرا يرسل لها ورقة طلاقها<<الخيانه ياجماعه صعبه صحيح انها بنت عمه والمفروض يستر عليها وهي عرضه ولكن كانت الصدمه له كبيره وتسرع في قراره
طلع راكان مسك جواله ومن غير احساس ارسل مسج لاخته لجين : (لجين ان مت سامحوني قولي لابوي لايزعل علي وقولي لامي اني ابي رضآها واللي سويته غصب عني وحنان لاتكرهونها بسبتي لاني طلقتها L)
بسرعه جنونيه توجه للبحر ليكب همومه عليه .......وفجآءه ظهر في طريقه طفل العشر سنوات ...تمالك السياره ولف الدركسون عالجهه اليمنى من الطريق اللي ارتطمت بالجدار واصبحت بقايا هشيم حديد ...
.................................................. ........................

يآعينهآ ..الم xالم
يانظراتها تعلم على الصدر مثل علامة القلم~

عند لجين & صبا
كانت صبا للحين داخل بغرفة الدكتور وطولت لانها غرزتين...انتظرت برآ وبعدها لفيت الا ولقيت ذآك الشآب ماغيره اللي سآعدني بالطريق
نايف باءبتسامه :سلااام
لجين لفت ومن غير نفس :وعليكم
نايف:ههههههه شدعوه يالطيبه مااظن قلنا شي...عموما كنت بسالك سؤال اذا ممكن
لجين:موممكن ولو سمحت وخر عن هنا
نايف:وليش اوخر المستشفى مستشفى ابونا والغرب حاربونا
لجين:اظنك سمعت وش قلت؟؟....قلتلك ضف وجهك احسلك
نايف بعناد:ماراح اوخر..ليش سويتي كذا؟؟ اهلك يدرون؟؟
لجين:انت مالك صلآح ولاتدخل عصك بشي مايخصك
نايف مسكها من كتوفها بقوه:انتي الظاهر موعارفه مع مين قاعده تتكلمين
لجين صاده:ولاابي اعرف
نايف:صاحب المستشفى يصير جدي
لجين بعدم اهتمام:وخير ياطير
نايف:شف وش عليه الاخت متكبره
لجين :على اني للحين ماقابلت مثل اشكالك ناس ماعندها كرامه <<قويه
لجين توخر يده:نزل ايدك ياولد الرجال
نايف عصب ورجع مسكها بقوه ولفها عليه .........وهنا طاحت عينه بعينها...وبقلبه تبارك اللي صور هالعيون وساع وبحر ولون فتّان...عجز لسانه ينطق ولاحرف انا شفت من العيون انواع بس هذي مستحيل عين بشر لالا انا شقاعد اقول وش قاعد اخربط شادن ا حلى عيون شفيني قمت اخربط وتركها..
وبعدها خزيته نظرة استحقار نزلت مقامه الارض ...وهو تنرفز حده وصاريهدد
نايف بعصبيه:والله يابنت راح تندمين على نظرتك صدقيني راح تندمين انا ولد عبدالله راشد آل........ ترمين علي مثل هالنظره لكن هين
ومن بعيد ~
خالد :لا مستحيل لجين مع واحد قدام عيني ..لالالا مستحيل مااصدق..وش اللي مخليني واقف بمكاني خلني اروح اتفاهم معاه يمد يده عليها وانا موجود ؟؟هين انا اعلمه اصول الرجوله وعلومها
توجه خالد لنا وصار حيل قريب مننا...وشهقت قبل لايوصل وانا واقفه وهالشاب واقف معي وبصوت واطي وبخوف:خآلد
خالد:............................................. .........
نايف:............................................. ...
خلــــــــــــــــــص البارت
ياترى من كان خلف باب مجلس ابوعبدالعزيز ؟؟
وش مصير رآكان ؟؟
كيف راح تتصرف لجين مع الموقف ونايف هل ممكن يسوي شي؟؟
اكيد راح نتعرف على هالاحداث بالبارتات الجايه

اتمنى القى تفاعل في مولودتي الثانيه وانتظروني بالبارتات الجايه

اللي باءذن الله راح تكون مليئه بالتشويق

ودي

( كليــ حلاآ ) · 24-09-2010, 12:31 AM

وآآآآآآآآآو روعهـ الروايهـ

ننتظر البارت بشوووووق