من أنا يا للي سألتي .. من أكون ؟حياتي سؤال أحتار فيه الكون إنتي سألتيني ... وأنا بسأل زماني اللي عطى .. وقف عندي.. نساني دنيتي عشت في حضنك غريب طبعك معي دايم التعذيب دنيتي كم ترجيتك كفا .. صرخة من جوفي أنا ومين أنا ؟أنا اليأس... أنا المحروم ... أنا من عافت عيونه النوم أنا المنسي ... أنا المظلوم ... أنا من الفرح بدنيته معدوم ماضي بلا ذكرى ...حاضر بلا بكرى أنا جريح الزمان يصرخ ينادي.... وين الأمان ؟تاه....تاه.. الأمان ..حرمان في حرمان أنا دمعه في عين محتارة... تبي الدفىتبي تنثر الدمعة اللي جمدها الشتى .. وعاشت شقى وأقدار تلعبي ...مره يمين ... ومره شمال كل يوم لي دنيا ... كل ساعة على حال بسمتي ساعة ... ودمعتي سنين وأستغرب لين شفت قلب حزين !!واسأل نفسي وأحكي وأقول....ألم باقي لأحد غيري.. معقول دنيا غريبة ... تضحك للي يخونها ... وتقسى على اللي يصونها أناجي ولا أدري من أناجي..وأسمع أصوات من بعيد تنادي تشره على سوالف ذكرياتي وأتوه في دنيا واسعة.. وأحلم في عيون كاذبة وأحتار .. ألوم الدنيا .. وإلا الزمان.. وإلا نفسي أو ألوم الظروف.. أو ألوم الناس اللي جرحتني ياللي سألتي .. هذي صفحة من كتابي قلت لك المهم... وتركت الأهم شهور ما تكفي قصة حياتي..وكفاني اهيض اجروحي للألم ياللي سألتي من أنا ؟ ... هذا توقيعي بإخلاص غريب في دنيا الهنا
بقلم / خالـــــد
من انا.......؟؟؟ 
العرض العادي
