اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-10-2010, 05:34 PM
صورة rahiq الرمزية
rahiq rahiq غير متصل
©؛°¨غرامي مشارك¨°؛©
 
و فيه أحلى من بنات القطيف ؟


السلام عليكم ورحمه الله وبركاته ..
اما بعد..

قرات قصه مره جميلة عن حقيقة 4بنات وهي قصه حقيقية فاخدتني الافكار في اعماقي بان اترجم حياتي وحياة ممن حولي من اهلي واصحابي وباذن الله تنال اعجابكم ولاتنسوا رايكم يهمني في كل جزء من قصتي ..
هده القصه عباره عن قصه حقيقية ممزوجه بقليل من الخيال لعدم ادراكي بحياه كل شخصيه من شخصيات قصتي مع تغير الاسماء والعائلات حفاظا ع سمعتنا من الانتشار ..
هدف قصتي .. الاستمتاع فيها لانني في كل جزء سوف اطرح قضيه تعانيها شخصياتي ..وشكرا.سوف اغير المنطقه والمدرسه والاسماء والعوائل حفاظا ع شرفنا شاكره لكل شخصيه شاركتني الحلوه والمره معا واشكر صاحبتي حلا وزينب وقمره و ياقوت
لمساندتهم لي ومساعدتهم لي وحلا اعز صديقه لي في الدنيا بسرد قصتها لي وبدوري مترجم لحياتها
مع شخصياتي الحلوه ..
حلا ،ريم ،زينب ،قمره ،ياقوت ،فَي ،خجل ،ورده،ملاك..
وغيرهم سوف تتعرفون عليهم ادا تابعتم القصه ..
مع احلي قصه في الوجود ***وفيه احلي من بنات القطيف؟! ***
للكاتبة..**رحيق **
العمر **السنوات الماضية والايام المقبلة**
وباتاكيد اشكر والداي عسي الله يطول بعمرهم لنا ...
اترككم مع سرد قصتي ...وطبعا بلهجه المحليه ..اتحداكم تعرفوا فين ..
فيه احلي من بلدتنا القطيف مستحيل نويه ما اصدق وفيه احلي من بنات القطيف مستحيل نويه تقول ياقوت : اكككككككككككككككككككككيد مافيه القطيف بس والباقي خس ..
اقول لكم من كثر حبي لازم اطلع كل اشعارها ..
********************^.^***************
النهي بين شاطئيك غريق والهوي فيك حالم ما يفيق
ورؤى الحب في رحابك شتي يستفز الاسير منها الطليق
ومعانيك في النفوس الصديات الى ريها المنيع رحيق
--------
اليكي ياقطيفي كل الحب والاحترام والاعتزاز والفخر بك فلولا بناتك لما وضعت الاشعار ..اسمعوا شعر بنت القطيف..
من سحرها صار قلبي بيه نزيف..
ودمعتي سالت ع خدي حرام وكل قصدي ياعرب شي شريف..
بس نظره وما امانع باسلام..
اه منها بنت مالها وصيف..
اه منها فادلاعه والكلام يابعد شبدي انا بنت القطيف..
يالقطيفيه بقلبي لك مقام من سنابس حد لوجام ورديف...
حد صفوي وحد سيهات الكرام وبنت عوام قلب حساس ونظيف...
وحله محيش بنتها والله تمام ...
ومن توبي ومثلها نسمات وحفيف...
ومن خويلديه لها كل احترام...
وااه من بنت لقديح ويالطيف ...
ومن تاروت في الحلا حازت وسام ماتشوف الا حلاها له رفيف من يشوفه طاااح في سحره وهام...
لو تسبيني وقلتي ياغفيف ما ابي غيرك فديتك يالغرام ...
والقهر اسمع قطيفي بكل صيف يقول ابغى الشام ياحلو الشوام...
باتزوج صاحبه خصر النحيف اه منها كلها كنها ريش النعام اه منك ياابو عقل خفيف ...
والله الحسن في ديارك والقوام في بنات كلهم طبعا عفيف..
ساترات نعماتا بالدوام ماعليهن من كامك ياظريف... خل شامك ينفعونك بلملام وانا مالي غير حسره بالخريف ...
وفي ربيعي كل مافيني حطام ادوب واغرق في حلا بنت القطيف واتجنن في الدلاعه والكلام من جمالك دوم اصرخ يالطيف...
واتحسر كل ما اجلس وانام ....
كان تعرفوا ان بنت القطيف لها سحر غير عليكم دايم ماسمع من صاحبتي تقول ان لماتروح المجمعات تسمع اخواننا السنه يكلمونها ويقولون انها مخلوق فضائي بصراحه لم تعرف وش المقصود ولكن ادا شخص منكم يعرف يخبرني تراني في الخدمه 24 ساعه ع خدمه س ام س تحت الارقام الضاهره اسفل الشاشه العربيه 050 --- والباقي ع شاشه العربيه هههههه
***************************
فيه احلي من ديرتي؟؟ كثثثثثثثثثثثير بس ديرتي اني احبها موت واموت في حبها واتمني اني ما اطلع منها لدا احببت ان ارويكم ديرتي الحبيبه ..اليكم ..

هدي جزء من ديرتي .. طبعا حنا حاره روعه.. مو لكدا اني اموت في ديرتي ..
الشاطر يعرف فين ..*.^ قال تغمزقال خخخ.

***********************************************
الجزء الاول من قصتي **وفيه احلي من بنات القطيف ؟؟**للكاتبة رحيق ..
في عام 1430-1431...2010م.في المنطقه الشرقيه..وبتحديد القطيف ..
نعم القطيف .. اخواننا السنه يموتون في بناتهم وفي جمالهم ..
المهم ..كانو في الباص الطويل شوي كانوا 6بنات ..
حلا .شعاع .خجل.ملاك.فَي.ورده ..
كانت السوالف قايمه والضحك والمصخره كان السواق والد حلا وكانت مستحيه منهم لانهم مصخينها مايتكلموا الا عن سوالف المخطوبين ..
ملاك كانت مخطوبه ع واحد من ديرتنا وهي اجمل وحده في الشله كانت مره بيضه وعواينها خظران فاتحين وشعرها طويل وحرير واشقر وظعيفه عيبها الوحيد ان وجهها مو صافي ..اما الباقي كلهم بنات لسى مانخطبوا ..خجل كانت حنطيه ومو مره جميله وشعرها طويل وحرير لاكن ظعيف شوي وجسمها زين مو رشيقه ولا نشيطه ..ياقوت هم مو ظعيفه امتن من خجل بشوي او من جسمها تقريبا قالت لي ان وزنها 72كغم وقالت لا اقول لحد >>خخخخ..شعرها مره جميل مو حرير واجد بس مو مجعد وطويل ماخد ظهرها كله واشقر مرررررررررررره كانت حلا تفكره صبغه بس طلع مو مصبوغ سالتها ..بس عيبه انها الهبله ماتعرف تسوي فيه موديلات مثل الجهال ..>>خخخخ سامحيني ع السخريه ..تراني قلتها في وجهش ...حنطيه وبشرتها مو صافيه
فَي ..كانت ظعيفه ولازالت ..اضعف وحده في الشله وحنطيه اللون وشعرها ضعيف وقصير وحرير ..
ورده ..انشط وحده في الشله يمكن وزنها فوق 100كغم الا اكيد>>خخخخخخ بتنتف ريشي بعد ويه..
مره مره نشيطه وشعرها مجعد ولكن بيظه اللون ..
حلا ..كانت ثاني اجمل وحده في الشله حليبيه اللون انشط من ياقوت بشوي قالت ان وزنها 79كغم ..اقصرهم وشعرها قصير ,,تحب الشعر القصير ,,واسود ومو حرير داك الزود بس حلو ..السشوار ماخلي شي ..كل يوم موديل شكل ..شعرها روووعه ..ملامحها حلوه بس عيبها ..ماتحف ولا تشيل شنب >>>خخخخخخخخخخخ ههههههههاي مثل لرجال لرجال ينظفوا وهي مو راضيه ..تقول لما تنخطب ...ههههههههههاي الكل ينصحها بس البنت راسها يابس ...
المهم هادي الشله بس ناقصه في بنات غيرهم بس هم راحوا قبلنا وحنا الحين نروح بعدهم الا وهم ..حوريه ..زهراء ..ساره .زينب ..
اوه نسيت ان حنا بنات ثالث ثانوي علمي في السمستر الاول من السنه اعمارنا ..ورده ..19س عايده ثالث ماجابت نسبه 69%
ملاك ..19س انقطعت اللعام في الامتحانات النهائيه لانها انخطبت
زهراء..19س عادت ماجابت نسبه ..
زينب ..19س عايده ثالث لانها ما امتحنت كانت في العراق هي مو من بلدتنا من الجاروديه بس جت الينا وانظمت الي شلتنا
ساره ..19 س عادت لما كانت في ابتدائي ..
فَي ..19س عادت ثاني ما نجحت ..رسبت
اما حلا وشعاع وخجل 18س وكانوا اقرب الي بعض من الشله ..
كانت اشطر وحده فيهم حلا من 10 الاوائل في الدفعه ..
..............................................
في الباص والسوالف قايمه عن سوالف المخطوبين قالت خجل ..تدكروا اللعام بنات فاطمه الي من الجاروديه كانت توها مخطوبه مو لهدرجه طلعت من المدرسه وركبت سياره خطيبها ونزلت البوشيه ..الشيله ..وقالت له بوسني واشرت ع خدها بصراحه مو لهدرجه توها مخطوبه وبعدين السياره مو ضلله ..
في ..ايه صحيح
في كانت قريبه من خجل اقرب من حلا وياقوت كانو اصحاب من ثاني
حلا بهمس ..ياعلي خلاص نزلو ع اصواتكم ابوي يسمع فشلتوني وش هسوالف البايخه
حلا مادبه ماتحب هادي السوالف والشله ماخدين عليها انها كل عيب وحرام >>خخخخ واني منهم ..دوبتنا بتفلسفها
ورده ..ماعليكم منها اسالوا ملاك عن هادي السوالف تراها في الخدمه هههههههه
ملاك.وشوه خير ان شاء الله ماحد عليه مني اني حره
والكل قعد يظحك ..
وصلنا الي دوره القدرات في العواميه ..وكانت اول يوم وفي ايام الاسبوع وكل يوم ناخد شي كانت مره روعه اول يوم علمنا وش نسوي في الامتحانات وثاني يوم اخدنا الكمي وثالث يوم اللفظي وبعدين اخدنا امتحان اليوم الرابع المهم في امتحانات الاكوز الي يسوها لينا ..حلا شربت عصير وهي تشرب طلع منها صوت وهي مو منتبه >>هههههههه وافشلتاه ..المهم وخجل طلعت فيها باستنكار وحلا تفشلت من جد وفي هادي المواقف ماتقدر تسكت فقامت تضحك يمكن صار ليها نص ساعه وباقي البنات الي في الدوره قامويضحكوا لانها ضحكت من زمان ولا هي راضيه تسكت حتي باقي الشله ماسكتت عليها حتي المدرس قام يقول لينا ..شو هلازعاج ومن هيك شي يعني ...ههههه روعه ..
المهم البنات هناك اشكال و الوان وحنا ماعلينا الا التعليق والمسخره الي نسويها عليهم وادا سخرنا عليهم نسخر تحتهم عشان نفشلهم ..كنا مجانين بجد ..خربنا الدوره خراب ..
بس اشهد لله انهم مررررره جميلين وجنونوا بجد كانت حلا دائما ما تمدحهم وخجل تنقهر منها ادا قالت جميلين بس ياقوت ورده قامو يسموا مثلهم يفلوا الشعر وطلعوا ملابسهم ومن هيك شي تقول ليهم حلا من عاب استعاب والعيب رجال واقف ع الباب تقولوا مصدقين الي يتشيكوا دكوه انتون سويتوا مثلهم وباقي البنات قاموا يضحكوا عليهم اما هم سكتوا من الفشله ولا تبعتهم في بعد ..اما ملاك وحلا وخجل ما عجبهم الموضوع انهم يسوا كدا ....<<عاد ماتسويها الا حلا كان تنبط شبدتها ..هههههههههههاي سامحيني
هناك تعرفوا ع بنت مره جميله سمها زهراء الصايغ حلوه وقامت بعد اخر الايام تسوي مثل ياقوت وورده ..
بصراحه استمتعنا في دوره الرام وسوف نعيدها في السمستر الثاني بس اعتقد ان رح ننقص لانه ورده ماتبي تطلع برا البلده لانه رجل خالتها بسوي دوره وبتروح ليها بس بصراحه مرررررررررررره روعه ..
ابو حلا راح الحج يشتغل هو مع ولده ...المهم البنات توهقوا فصار كل يوم يودينا واحد وكل يوم تصير سالفه مع السواق مثل اخر مره السواق كان من طرف ملاك وكان من بره البلده وركبنا معاه وفي الجيه اتصل وقال طلع عنده ظرف فتصل وقال انه رح يجيب بداله واحد ثاني فقلنا احنا اوك ..<<مسكين السواق لعبنا بيه لعبه فشلناه وش ش نسوي اسمعوا السالفه واحكموا ..
ركبنا الباص وشتمينا ريحه دخان <<<ويييع يربي ماصخ هرجال كلش ماعجبني ولا دخل مخي ...
المهم والبنات فقعوا في الضحك قالوا عنه قليل حيا ماصخ مايستحي ع وجهه يوووووه ماخلوا ولا بقوا عنه ولا كلمه ..ولا رضوا يسكتوا من الضحك وكانت اكثر وحده حلا وياقوت وخجل والي كملتها ورده وفطسنا بجد بعدين هوه الي قال عنا قليلين حيا >>اتحداه يحترم حاله لايشوف حقه شان والله اخد صبعي وابط عيونه ..ول ول شلبه ..ههههه
المهم لما ركبت ورده وكانت اخر وحده ماعرفت تسكر الباب وحاولت حاولت ماعرفت قال ليها السواق خليه انا باسكره وبحركه سريعه سكر الباص وياريته ماسكر الباص ورده سوت مصخره علينا ..يربي عليها قال ليها خلاص خلوه انا باسكره رجع الي وراء شوي وبحركه سرريعه مشي ع قدام وسكر الباص ورده بغت تطيح من الباص علينا وقعدت تصارخ وحنا قمنا نضحك وانتقدنيها مفروض ماتصرخ والل فشلتنا وقالت بكره مانبيه ما ابيه ادا بنجي وياه ماني راكبه تحته <<بصراحه ورده الله يسامحش فشلتي الرجال مو كديه مره وحده المهم صار الي صار ..
في نص الطريق حلا شافت لافته فيها جوال بلاك بيري الي تحلم فيه في يدها المهم قالت ل ..في .شوفي هاد الجوال الي ابيه مره مره حليو ..
قالت في ..يماه مالت عليش يفشل مو حليو
قالت حلا ..ماعليه يجنن يهبل يدبح ابيه مو ..
خجل ..ايلاويش تبيه من حلاته اعكسي الكلام بتشوفي كلاب يربي..
حلا ..رووووووووووووووووحي عني بس ماتبيني اشتريه مسوا بشتريه يعني بشتريه
ياقوت ..هيه تباه لانه معاذ الي في 37درجه عنده مثله
حلا ..ايه يربي يييييييييييييجنن معاد والجوال
ملاك ..ايه متي بتشتريه
حلا ..نهايه السنه لما اتخرج
ورده ..ول ول
امهم وماخدتنا السوالف وصلنا الديرهوكل وحده وصلها السواق بيتهم بقت حلا وخجل وفي وقالت حلا بصوت واطي لخجل ..ياعلي بتخلوني بروحي
خجل ..وش نسوي لش
حلا ..ياعلي خايفه
في ..بياكلش هوه لاتخافي
المهم نزلوا بيوتهم وبقت هيه الاخيره وكانت مره خايفه من الرجال الغريب عنهم المهم دلته فين يوديها...بتروح بيت خالتها لانه هي اليوم متغديه هناك والجهاز هناك ..وهناك صارت لها حاجه المهم وصلت للمكان وسالها يمين والا يسار فقالت ..لا لا خلاص وقف منيه فوقف يمين بس بيت خالتها كان ع اليسار وراحت ..
راحت بيت خالتها وفي هناك خرت كل الي صارالي بنات خالتها وسووا العشاء وقعدت ع الاميل شوي وراحت بيتهم ومعاها بنات خالتها بعد..
بنات الخاله ..زينب ..المعدل 70.78%تداكر بس ماتعرف كيف اكبر من حلا بسنه ..نحيفه بمعني الكلمه ودائما مانسميها اني وحلا معصوي وسمره وشعرها طويل لاخر الظهر ومره حرير يعني الي محلينها شعرها
قمره ..لا اعلم بلمعدل بس هم خايبه في الدراسه ..اصغر من حلا بسنه مفروض تكون في ثاني بس رسبت ..حليبيه البشره ابيض من حلا وخشمها طويل شعرها مو حرير مثل زينب ختها بس حلو ويستاهل التعب عليه ورشيقه حلو جسمها ..
هدول الثلاث احلي ثلاثي بلعالم ..حلا وزينب وقمره ..
تدروا ..<<سامحيني حلا ع الفضايح ....المهم خخ تدروا ان حلا كلامها زي وجها والي تحتها لازم تطفره من قرونه وهدي الصفه ميزتنها بينا يعني نموت عليها حنا كدا بس ادا تبونها تنقط عسل وسمنه وحلا ..ماعليكم الا انكم توضعوها مع بنات خالتها وربي بتصير شي ثااااااااااااااااااااااااااااني .تدروا اني ما اسمعها تقول كلام الا السب بس لما قعدت معاهم احسهم خطيب وخطيبته ..ثلاثهم ..خخخخخخ سامحيني داريه اني مابسلم من لسانش..
حلا دخلت اميلها ووجدت اضافه جايتنها وضافت قامت تكلمها حلا وتقول ليها ليش مطنشه ومدري ايش صار ليها كدا يومين
......
.................................................. ..
**كشفتك ياحرامي!! ليش حادف اسمي.. **
)................................................. ...(
حلا دخلت اميلها وجدت اضافه جايتنها وضافت وقامت تكلمها حلا وتقول ليها ليش مطنشه ومدري ايش صار ليها كدا يومين.وصارت تكلمها ع انها صاحبتها ياقوت وفي اليوم الثالث قالت ليها يلا باي بروح انام قالت ليها ان هي مو ياقوت وهي ولد ..طبعا حلا اخترعت وماتت خوف وجف حلقها وتصمرت مكانها وماشافت روحها الا وتطلع من الاميل ما استوعبت الموضوع ..
في نفس اليوم قالت لختها ريم..ريم شخصيه موجوده في القصه سوف نتعرف لها لاحقا ..وطبعا ختها فهمت الموضوع وتصرفت >>ماصارت اي مشكله لانه ريم متفهمه ماشاء الله عليها والشي الاهم انها واثقه من ختها حلا..وحلت الموضوع بكم سبه وشتيمه وذكر المداهب وانتهي الخلاف بحضر الولد..وحدفه من الاميل ..وانتهت السالفه ..بس ريم ماشاء الله عليها عرفت بطاقه عائلته بطريقتها الخاصه ..اسمه علي ..اخصائي مدني او يمكن في الجمارك في شركه ..من منطقه الخامسه عمره 26سنه وبصراحه راوتني ريم صورته طبعا تعرف تبوق الصور الي في المسن..صارووووووخ بشكل ماتتوقعوه اسمر ومادري ايش احلي مافيه حواجبه خفاف مره حلوين والا هوه يادافع يامانع ..خخخخخخخخخ >>سامحني ع القصور في الوصف..تراك فشله
..............................
..........................
ريم..بنت مخطوبه عمرها 22سنه في السنه الرابعه في الجامعه ..تدرس تمريض في جامعه الملك سعود.اخر سمستر ليها هدي السنه
بتعرس ربيع الاول 4-3-1431ه
حلا ..عدها اكثر من شله اول شله الي هم فيها الحين المكونه من 9بنات والشله الثانيه مكونه من 4بنات الا وهم ..انهار ولاء وفاطمه وزينب وطبعا هم شله ثالث ادبي بس انهار صاحبتها من اربع سنين من لما كانت في ثالث متوسط وهي المقربه ليها في هادي الشله وطبعا هي مخطوبه ويتتزوج في الاجازه الكبيره 14-8-1431ه
اما الشله الثالثه مكونه من 5بنات الا وهم قمره وتكون بنت خالت حلا خليصتها وفاطمه وتكون بنت عمها فريدتها وزهراء وزينب ويكونوا اخوات وبنات خالت حلا فريدتها >>معقد مو..
اقول ليكم كيف ..
ان جد ام حلا..مسلم.. معرس ع 4 نساء اول وحده جده ام حلا وطبعا ماتوا من الاربع ثنتين والاخ جد حلا يبي يعرس بس صارت بعض الضروف الي حتمت عليه عدم العرس وطبعا كون عائله ماشاء الله كبيره ومتفرعه جدورها ع كبر الديره وطبعا هو بطران ..الهم صلي ع محمد وال محمد ..تاجر سمك من الدرجه الاولي وهيك صاروا بنات الخاله ..
وجد حلا الي من امها ..عنده اخ..مهدي.. وهاد الاخ معرس ع ثنتين
تكون الاولي اخت الي معرس عليها اخوه مسلم فريدتها >>لااااااااااحول رجعنا لتفرع ..
وطبعا عرس عليها لما ماتت وعندها ولدان وثلاث بنات ماشاء الله كبروا وصاروا اولادهم معرسين ..مهدي اخو مسلم عرس ع الثانيه لما ماتت مرته الاولي وجاب منها ولد وبنتان ومن هادي البنتين جابت وحده الي هيه فاطمه ..وهادي فاطمه من بتوع شله حلا >>>
لاحوول كل فضه هراس عشان هلفاطمه صاحبه حلا ..والله فاضيه بس .
وهدول هم شلات حلا الثلاث ..
مر هاد السمستر مثل البرق وانتهت الدراسه واتت الاجازه الي تطل بانوارها ع السمستر الثاني ..
وفي هده الاجازه تحمل في طياتها احلام ريم وذكريات حزينه لاهلها في هاده الاجازه سوف تعرس ريم ع محمد ..وكانت حلا مره مزحومه من روحه اسواق وتغريض للعرس ومادري ايش بس اعدرها وكنت مره مقهوره منها لانه ماشفتها بجد وكنت مره مستاحشتنها المهم وطبعا كنت مواصله معها ع الجوال واسمع اخبارها وداني انقلها ليكم ..
كانت مررره متضايقه ومو بس هي كان كل بيتهم متضايق ومخنوق وبلاخص اخوها رائد الي اكبر من ريم بثلاث سنوات فقط اي عمره25سنه ..دارس في كليه الجبيل الصناعيه ..سوف يكمل دراسته في البعثه..
نرجع لمحورنا ..كان متضايق ودايم مايعصب عليهم وحتي خلي ريم تبكي من تصرفاته ..طبعا هي متفهمه موقف اخوها لانه تربي معها ومن عمرها وصديقها كمان ..كان جو بيتهم جو عرس مرره حلو بس فيه زعل ع افراق اختهم ريم >>في هادي بصراحه هم صادقين لانه ريم رووووعه وطيوبه وحبوبه وربي خيال في خيال ..
%%اجواء العرس %%
طبعا العرس له طعم غيير ادا كان مصحوب بالاهازيج والناس ..استغرق عرس ريم اربع ايام متواصله وكل يوم احلي من الثاني
اول ايام العرس –الحناء –
لغساله ..الغساله هي ان تروح العروس العين>>قصدي البركه حنا نسميها عين.. وتسبح فيها ..
في الصبح الساعه 10راحت العروس واخواتها وخالاتها وبنات خالاتها الي العين ..المزرعه رووعه جنان مره حلوه كانت كبيره وفيها صالتين كبار والعاب وغيره فمره حلوه ..وتسبحوا اهل العروس في العين فتره الصباح ..
في الظهر جت الام مع باقي الاهل والمعازيم وتغدوا وتسبحوا ..لين المغرب ..
وبصراحه رحت وكششششخه موت واني عرسي باسويه هيك بعد..لاكن العروس مافلت الحجاب من عليها لما راحوا باقي الاهل لانه صابغه شعرها صبغه هاي لايت وميش وصايره فيها جناااااااااان بشكل مو طبيعي
في الغرب جاء الكل والي يروح بيته عشان يسبح من الحاله الي هم فيها ..واهل العروس يروحوا بيتهم وووعشان في هادي اليله يكون الحناء ..
ريم العروس ليها حنايه خاصه وتحنيها هندي وابشركم صار روعه جنان حناها
ولاخوات العروس وخالاتها وبنات خالتها محنيه ثانيه وهم تحني هندي
كانت العروس لابسه بدله حناء ولونها بني قاني ع الاحمر القاني هيك شي ومستشوره شعرها ومسكته من الخلف ..ولفته
حلا كانت لابسه تنوره قصيره لفوق الركبه بكثير ولابسه شراب بس مع دلك مبين بياض رجلها ,ولابسه بلوزه بنيه وفيه اصفر شفافه >>بصراحه مو مستره شي ماشاء الله صدرها الكل شافه داك اليوم..بس وربي طلعت رووووعه ..وكانت مخليه شعرها مفلول طبعا مستشور
اما رشاء الي اصغر من حلا بسنتان طلعت روعه كمان ..كانت لابسه تنوره اقصر من حلا يعني ماتستر الي المكان لحساس ولابسه شراب اسود من تحت >>اشواء بعد لانه هناك الناس في بيتهم زحمه موت وهي كل واقفه ..ولابسه بلوزه ع الرقبه بسلسال عاريه الضهر سوداء مرررره روعه ..وشعرها لافته ع روراء بسبب الحر
قمره كانت لابسه تنوره لتحت الركبه وبلوزه مره حلوين سوداء ومخليه الشعر مفلول
وزينب صارت مره كيوت >>اقول ليكم زينب بنت مافيها روح بس عظم..لابسه تنوره قصيره مبين الفخد كله لونها بيج وبلوزه مافيها اكمام بس ع الصدر لونها احمر وفيها سير ع الصدر بيج ومخليها شعرها الناعم الطويل لاخر الضهر مفلول وصارت مره كيوت
..
اما اخواتها الصغار زينب وزهراء>>زهراء صف سادس وزينب صف ثالث.. لابسين مثل بعض كانهم توم ..لابسين تنانير قصيره لتحت الركبه سوداء وفيها ورد بينك وقميص بينك..ومسوين شعرهم معكرش =مجعد=مرول..الي تبونه >>بصراحه هدول البنات رووووووووووعه شعرهم كان نفسي اسوي مثلهم وطبعا هادي الي شيكتهم حلا مافيه كلام
وطبعا غير الطقاقه والغناء وحناء نتحناء والبانزين الي في الحناء يخليك غصب تصيحي من الحراره واكيد جو اعيال ريم وتعرفناء عليهم وعشناء جو غير ..ايه صحيح ما انساء العشاء كان مره لذيد.امم وبس كان هاد لليوم الاول
اليوم الثاني يوم الفاصل ..
يوم الفاصل يكون لراحه العروس من التعب ليوم الحناء وطبعا حناء ماقعدنا هيك من دون شي ..رحنا لخضر اول شي جت العائله الكريمه وتغدوا في بيت حلا وكان البيت زحمه موت في الطابق الارضي العائله ..
في الطابق الثاني العروس واصحابها واخوات العروس لكبار ..حلا ورشا..وبنات خالته العروس ..زينب وقمره
اصحاب العروس ايمان وابرار وازهار وفخريه ..وبنت عمته ريم ازهار..طبعا ازهار صاحبه ريم الروح بروح من يوم ماكانوا اصغار
واصحاب حلا ..اني وياقوت
ورشا وزينب وقمره اول شي تغدينا وبعدين حطينا مواليد ورقصنا وهيصنا وكان اكثر من ونااااااسه موت >>بصراحه وبيني وبينكم اول مره احس بطعم العرس لانه الحين الناس بس يوم الدخله الي يسونها ..
العروس كانت لابسه ثوب ناعم وقصير لنص الفخد مبين بياضه ونعومته ومخليه شعرها ع ضهرها وغير ان الحناء مبين فيها رووعه ولونه بنفسجي غامق ..
حلا كانت لابسه تنوره غجريه طويله لونها بيربل ومدخل الون البلو وبلوزه بيضه مافيها اكمام وشعرها الي رفعته بحركه طايحه طالع مره حلو ..
رشاء كانت لابسه بلوزه سكريه فيها بني واسعه وصروال لازق قصير بني مبين ضعفها ولافه شعرها ..
اما زينب فلابسه بلوزه وبنطرون وخليه الشعر مفلول وهم كدلك قمره وصايرن هاااي ..
بعد الغداء ..جت ثلاث باصات ودت العائله والمعازيم للخضر
اني ركبت الباص الي فيه العروس واخواتها وبنات خالتها حتي اصحابها مو معاها في هاد الباص وقام الغناء والشفيخ وياااااااااي رووووعه ورحناء الخضر وقروا حلال المشاكل وقام الغنا والرقص وقسموا اكل حلو ..
وصرنا هيك لين المغرب بعدها رجعوا وباقي اليل قام الرقص وجت الحنايه تحني الي ماتحنوا ...
وقضينا اليل في الوناسه ..
اليوم الثالث يوم العرس ..
في الصباح الباكر جلسوا العائله العروس مع العروس عشان يفطروا ويجهزوا ..كنا نايمين في بيت العروس عشان نحس بيه من جد اني وبنات خالاتها زينب وقمره وخالاتها ..غاليه وزهراء وهدي
جلسنا الصباح وجت الينا بت عمه حلا ازهار عشان تروح مع العروس الكوفير وبعدها راحوا الكوفير ريم العروس واخواتها حلا ورشاء وخالتها غاليه وبت عمتها ازهار وصلهم اخوهم الكوفير ..المسه الي في الدمام ..وخالتهم غاليه دايم ماتقول ثلاث ليالي وليلتين وليله ههههه ..غاليه ..مره بيضه وخشمها طويل مثل السيف وطويله ومعرسه ع ولد خالها علي وحامل مارح اقول ضعيفه بسبب بروز الحمل فيها ..هم مايسمونها خاله لانه يعتبرونها اختهم حتي باقي خالاتهم >>والله فله مو حنا
عمرها 26سنه..وطبعا علقت ع ثلاث ليالي وليلتين وليله طول اليوم حتي في الكوفير عاشوا في هناك جو رهيب ..خوف قلق بكي ..>>الا البكاء حلا ماوقفت من الصيح حتي مكياجها سال عليها
وبعده طلعوا من الكوفير الساعه التاسعه مساء راحوا ع طول الصاله وفي الصاله لبسوا فساتينهم وصوراو ليهم كم صوره
العروس ريم ..لابسه ثوب طرحه سكري من فوق مافيه شي يعني بس ع الصدر ماسك والضهر كله طالع ومن بدايه الخصر منفوش مووووووووووووت وله ديل طويل وعامله في شعرها منفوخه ويفي وصايره روووووعه وع جنب الشعر كرستاله فخمه ونازله الطرحه من اسفل الشعر لتحت وصارت روووووووووعه جنان والي كاسر الون السكري مسكه الورده مره حلوه صايره.والميك اب شي ثاني خيال كان سايد عليه الون الازرق وفيه الوان ثانيه بس حلو خطييييير.بصراحه طلعت العروس شي روعه خياليه وربي حلوه ..
غاليه خاله العروس ..لابسه ثوب بيجي منفوخ بس مو كثير لانها حامل وفيه خيوط زرقاء كاسر البيج ومسويه شعرها ويفي مفلول ومن فوق منفوخ وفي اخر الشعر رابطته بربطه طلعت مره حلو وغير اليك اب الي مسويها احلي ..
حلا ..اخت العروس لابسه ثوب احمر فيه اصفر وفضي والضهر كله طالع وفيه خيوط حمراء ع شكل اكس بطول الضهر ومغطي البطن شال شفاف يعني الي متستر بس الصدر ومن الخصر فيه نفشه مووت كبيره وطالعه خطيره مسويه شعرها ويفي مرفوع وماحطت ميك اب كثير لانها مو حلوه بيه ..بس طلعت رهيبه ..
رشاء ..لابسه ثوب تركواز ومنفوش والضهر كله طالع ومافيه سير وشهرها الويفي المفلول وغير الميك اب صايره خياليه وربي حلوه موت ..
ازهار بنت عمعه العروس وخواتها ..لابسه ثوب اسود طويل وع الصدر شريط احمر وفيه كرستال احمر ورافعه شعرها ..والميك اب الي مسوينها احلي >>تدروا ان ازهار في اول عرس تطلع هيك حلوه ..الكل عجب بيها ...
اوه نسيت اقول ليكم ان ازهار اكبر من ريم بسنه بس وهم اصحاب من يوم هم صغار ..حلو كدا مو يكونوا اصحاب للكبر ..
غير بنات خالته العروس واخواتها الصغار وامها راحوا كوافير غير ..
والكل يقول الحلا والزود عندي >>يا ارض احفظي ماعليكي ..
قبل مارح يدخل المعرس مع اهله دخل ابو العروس واولاده وما اخفي عليكم حلا ماوقفت من البكاء تحس ان خلاص رح تفارق ختها صاحبتها ..وكل شي في دنيتها ..قامت تدكر انها لما كانوا اصغار ولما مكانت ريم في الثانويه وحلا في المتوسطه الخناق الي كانوا يسونه وتدكر طفولتها مع اختها ..وتبكي اكثر ..
ودخل ابوها واخوانها وقام بكيها بشهيق بصراحه رحمتها اكثر لانها صارت اكثر حياء اخدت شيله ولبستها عن ابوها واخوها استحت لانه ما اكنها لابسه شي خخخخخ والكل في العرس يرقص ويغني وغير الطقاقه ماقصرت >>ايه والله ماقصرت ماسوت فعله سوت دالك العرس روووووووووعه..
وقبل مايدخل ابوها واخوانها سووا عرضه .
زينب .حلا.قمره.رشاء ..>>ع فكره كل وحده اكبر من الثانيه بسنه بس ..بترتيب..وبنات خاله واصحاب وماتفرقهم هادي الدنيا ان شاء الله ..
كانو لابسين مثل بعض اقمصه بيضه وبناطرين جينز ضيقه ..
زينب وقمره لونه ازرق ..وطلعوا اول الناس ع الكوشه وحاملين سليل ورد وينثرونه ع الجسر لين ماوصلوع الكرسي الي تجلس عليه العروس ونثروا الباقي عليه وقفوا ع جنب ..
بعدها طلعت رشاء الي لابسه بنطرون لونه برتقالي وفي يدها سله من الشمع ع شكل تفاح ولما وصلت عند الكوشه وزعتهم ع شكل دائره ووقفت في الجه الثانيه ..
اما حلا طلعت اخر وحده ولابسه بنطرون احمر >>طبعا كلهم ضيقه ع الموضه ..
وكانت حامله سله فيها بيض بس من داخل فيهم ترتر ولماع ولما وصلت ع الجسر صارت تاخد بيض وترميه ع اعلي لين مايوصل لسقف وتتكسر البيضه ويتنثر الي فيها وصار اكثر من خيال روعه ولما وصلت اخر الجسر وقفت جنب ختها رشا ..
وطبعا كانوا لابسين اقنه فصاروا واااااااو حلوه الكل قال ان العرضه مره حلوه وجنان ..
في اخر شي دخل المعرس واهله وهو يمشي نثروا عليه بعض الملح والفلوس .. وماتلاقي الي الكل يتجمع ع الفلوس ..
>>بصراحه مره حلو ..بس خساره اني كنت قاعده ع الكرسي ولا اخدت الي ريال خخخخ
...وكانت حلا مشغوله بلبكاء والتصوير في الكمراء الفيديوا..
وانتهت هادي اليله ع خير ...
وفي اليوم الرابع للعرس يوم الجلوات ..
عادتن تكون الجلوات قبل العرس بس صاروا الحين يسونها بعد العرس يقولون عشان يشوفهم المعرس كيف متشيكين ..
في يوم الجلوات العروسه لابسه بدله هنديه منفوشه ولونها عنابي مره حلوه ..
مسويه منفوخه ويفي وحاطه ع جبينها بلعرض خلخال دهب عليها ..
صارت مره حلوه مع الصبغه ..
ولابسه تنوره منفوشه مره مره ..
ولابسه ستيانه مغطيه بس الصدر ومن تحت فيها اربوع وطبعا الظهر كله طالع ..وغير الدهب الي لبسته مثل لهنود مزنط ومعاضد وتراكي كبار هنديه ..الهم صلي ع محمد وال محمد..
وصارت شي رهيييييييييييييييييييييييييييب
حلا ..لابسه ثوب ناعم لونه رصاصي قصير لتحت الركبه وفاله الشعر القصير وبنعومه صايره مره كيوت ..
رشا ..لابسه ثوب ناعم لونه بينك وفيه فصوص دهبيه قصير لفوق الركيبه يعني نص الفخد..وفاله الشعر ..وطالعه حلوه مره
ازهار بت عمتهم لابسه تنوره لتحت الركبه سوداء وبلوزه بيضه وشعرها فالته سشوار مره حلو صارت بعد
وقمره وزينب لبسوا بناطرين وفالين الشعر ..صايرين كيووووووووووت
المهم هدول كدا ..
الجلوات ..اليوم تكون العروسه مثل لبس الهنود ..
واليوم الخامس يكون بعد خمسه ايام من العرس ويسمي اليوم الخامس بس ماسووه وحتي ثياب الي حقه للحين مالبسوها ..لانه راحت شهر العسل سرلنكا ..وشفنا لصور طبيعه خياليه تجنن..
...بصراحه كانت ايام العرس رووعه جنان ان شاء تنعاد علينا ..
هاد كله لهاد البارت ..تابعوني البارت الجاي واحداث مثيره مرره معي انا ..رحيق..
تشاو..
ابيكم تقولون لي عجبتكم القصه وش الي تنتقدوه فينا واي اسئله اخري تبونها اني في الخدمه..
تشاو..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-10-2010, 05:40 PM
×..هذيـ..ـآآآن طفــله..× ×..هذيـ..ـآآآن طفــله..× غير متصل
©؛°¨غرامي مجتهد¨°؛©
 
الافتراضي رد: **وفيه احلي من بنات القطيف **


ايووآآآ فديت بنآآت القطيف انااا
البنآآت بس اماا اولااد القطيف كلش وعووو
احم مااعدى الاقليه
ههههههههه


بأنتظآآرك كملي



.............,,,


(:



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-10-2010, 05:55 PM
صورة لشموخي رواية الرمزية
لشموخي رواية لشموخي رواية غير متصل
©؛°¨غرامي مشارك¨°؛©
 
الافتراضي رد: **وفيه احلي من بنات القطيف **


تسلمين ع الرواية يالغلا ونعم بنات القطيف كلهم
المهم عندى انتقاذ بس تكفيين لاتزعلي
احس الاحداث دخله بعض يعني مافيه تنسيق
عجبتني الرواية مرررة وهااااااه ترى بتابعك اول باول
تقبلي مررروري


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-10-2010, 07:12 PM
صورة angel jolly الرمزية
angel jolly angel jolly غير متصل
©؛°¨غرامي متألق ¨°؛©
 
الافتراضي رد: **وفيه احلي من بنات القطيف **


عزيزتي لك حق تفتخري بتراب مدينتك
بس اهم شيء تراعي ان هنا منتدى ماعندنا طبقيات
واتمنى ماتدخلي كلام مثل سني وشيعي
كلنا سعوديين وكلنا نفخر بترابنا
تقبلي تعليقي بروح رياضيه
اتمنى ما اكون ازعجتك او ضايقتك
هارد لك خيتو
وان شاء الله تكون الروايه حلوه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 20-10-2010, 12:05 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: وفيه احلي من بنات القطيف


,’




بسم الله
و عليكم السلام و رحمة الله


و نعم بـ بنـــات المملكة كلهن
اقتباس:
موقع غرام موقع سني سعودي خليجي عربي يحترم كافة الطوائف والأديان ومختلف الجنسيات
:)




ننتظـــر جديدك




,’



الرد باقتباس
إضافة رد
الإشارات المرجعية

و فيه أحلى من بنات القطيف ؟

الوسوم
**وفيه , القطيف , احلى , بنات
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
القطيف تزف قطافها الاثنى عشر فائز وفائزة والتوافق خطوة نحو الجائزة صبراً يازمن أخبار عامة - جرائم - اثارة 10 14-06-2010 04:12 AM
جريمة مروعة تهز القطيف وتفتح ملف العنف على مصراعيه شَآمْوَآهْ أخبار عامة - جرائم - اثارة 37 17-01-2010 10:38 AM
المرشحة أماني المغلق لـ جائزة القطيف الإنجاز 2010 م فوفو الدلوعة أخبار عامة - جرائم - اثارة 11 01-12-2009 09:27 PM
الهيئة توقف سيارة تقودها سيدة أربعينية في محافظة القطيف فتى ســيهات أخبار عامة - جرائم - اثارة 18 22-08-2008 02:33 PM
تفاصيل القصه الحقيقيه لفتاة القطيف memo659 ارشيف غرام 1 26-11-2007 08:22 PM

الساعة الآن +3: 04:35 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم