اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 61
قديم(ـة) 13-11-2010, 09:35 PM
شآمخــه شآمخــه غير متصل
©؛°¨غرامي مجتهد¨°؛©
 
يوم مميز يبقى بالذاكرة


جايبه لكم موضوع لك ولزوجك ولبيتك ومابي منكم الا الدعاء لي حبيت افيدكم لي الاجر ان شاء الله هذا البرنامج للبنات اللي مثلي ازواجهم يداومون دوام صباحي وما يجون الا العصر والبرنامج قابل للتعديل على حسب نظامك انتي وزوجك
بسم الله نبداء
1- لما تصحين صلاه الفجر قلنا الفجر مو الساعه 7 بعد ماتخلصين الصلاه وانتي على سجادتك وتقولين الاذكار ترفعين ايدينك وتقولين ( اللهم اني استودعتك قلب زوجي ولسانه وبصره وفرجه في ودائعك فاحفظهالي يامن لا تضيع ودائعه ) 3 مرات
2- وانتي تجهزين الفطور حاولي انك تستغفرين وتكررين سبحان الله والحمد لله ولااله الا الله والله اكبر
3- جهزتي فطورك وصحيتي زوجك وفطرتيه ولبستيه ودعيه عند الباب مثلا الله معك الله يرعاك الله يوفقك ترجع ل بالسلامه
بالنسبه للفطور تقدين تجهزينه قبل بليله مثلا البيض اسلقيه وحطيه في الثلاجه ما يخرب ترا
القهوه اغليها قبل بيوم بدون اضافات وغطي فتحه البريق بقصدير وحطيها في الثلاجه
ولما تجي تستخدميها سخنيها وحطي في الدله الاضافات هيل زعفران 000 الخ
4- بعد مايروح زوجك لاتنا مين تعالي اهتمي شوي بنفسك وبيتك حطي زيت على شعرك وخلطه على كامل جسمك مكونه من كريم جلسوليد +كريم سودو [+عصير ليمونه اخلطيها وحطيها على كامل الجسم = نعومه وبياض
لوجهك خلطه مكونه من 2 م ك دقيق +ماء ورد م ك +عصير ليمونه اخلطيها لين تصير متماسكه وحطيها على وجهك = بياض صفاء حيويه اشراقه
شفايفك خلطه مكونه من عسل اي عسل + بودره دم الغزال = شفايف ورديه
5- خصصي لك ملابس خاصه وفضفاضه للشغل وللخلطات
ابدي نظفي البيت وخلي الكنس ااااااااااخر شي نظفي ورتبي وامسحي الغبار بعدين لما تكنسي افتحي المكنسه وحطي فيها من عطر المفارش عشان لما تكنسي تطلع ريحه العطر في البيت بعد ماتكنسي نجي نمسح البلاط كبك من الفلاش والداك والخرابيط هذي اللي بس تتعب الصدر وتجيب الكحه واخلطي كلوركس + صابون فيري+ ملح الليمون +كمفورت
وكبيها في البيت واحمامات وامسحي وشوفي الدلع تشوفين صورتك في البلاط
بالنسبه للمطبخ نفس الخلطه في بخاخ وبخي على الفرن والدروج والطالوله والثلاجه والمجلى كل شي يلق يلق
الحمام نفس الحكايه على المرايه المغاسل الكرسي كل شي
بعد ما تمسحي ترجعين مره تانيه تكنسين البيت بالنسبه للغسيل مره في الاسبوع غسيل ملابس ومره في الاسبوع كوي فقط البنات اللي عندهم غساله عاديه مثل غسالتي تغسل الملابس بصابون وكلوركس طبعا الملابس البيضاء واغسليها زين زين ولما تخلصين صرفي الماء وشيلي ملابسك وحطيها في النشافه وكبي عليها طشت ماء وشوي كمفورت لا تقولون فيها صابون ما تنظف لا صدقيني تطلع شي وريحتها جنان
والملابس الملونه نفس الحكايه بس بدون كلوركس واذا جيتي تكوينها حطي في بخاخ ماء وكمفورت واكوي شوفي كيف كوي سريع وناعم وريحته جنان طيب خلصنا من البيت والملابس
نجي للمطبخ حطي مع الصابون حق الصحون شوي خل واغسلي شوفي كيف صحونك تنظف وريحه الزفر تروح
وللمجاري المسدوده شوي من بيكنج صودا كبيها في المجاري وتنفتح باذن الله وللحنفيات المصديه افركيها بخل وملح ليمون وبيكنج صوداء
ولما تجي تجهزي الغداء سكري باب المطبخ عشان الريحه ما تطلع وبالنسبه للخضار اول ما تشتريها غسليها وحطيها في علب بلاستك الجزر قشريه وشوفي كيف ما يسود البصل افرميه وكيسيه وحطيه في الفريزر الطماط اطحنيه مع شوي ثوم وكيسيه وحطيه في الفريزر النعناع قطعيه وحطيه في علبه بلاستك وفي الثلاجه على طول وما يسود ابد على فكره هذي طريقه جدتي اول تطحن الطماط والبصل وترتاح من الحمسه والقرف
بالنسبه لزيت القلي لاتكبيه ف المجاري ترا تنسد لكن كبيه في كيس وطلعيه في الزباله وانتو بكرامه
ولا تنسون طول ما انتي تشتغلين على طول استغفر الله واتوب اليه استغفرالله واتوب اليه كرريها
بالنسبه للاباريق والقدور افركيها بملح الليمون وبيكنج صوداء تطلع تلق
خلصنا من المطبخ
واكيد بيكون اذن الظهر وخلاص الغداء على وشك يستوي تروحين تتحممين وتفركين جسمك
وتغسلين شعرك وتحطين خلطه بدل البلسم جنان والله تصيرين كنك فلبينيه من نعومه شعرك انا سويتها وصار شعري لااصق على وجهي وتستخدمينها بعد الشامبو وشعرك نظيف تحطين 4 م ك حمام زيت +م ص زيت +2 م ك عسل =نعومه لمعه دلع دلع لاتقولون تلبد الشعر لا جربوا وشوفوا طبعا للشعر الجاف
بالنسبه للرجلين اذا جيتي تنظفينها ماراح اقولك حطيها بماء حار ومدري وش لا احسن طريقه ومجربه للعرقوب او مدري وش اسمه انك تفركينها بفازلين بعدين تجيبين حجر الخفخاف وتفركين رجلينك بدون ما تنقعينها بماء افركي افكري لين تنعم وبعدين غسليها
بعد ما تخلصين حمام افركي جسمك بملح الحليب اليوكو سبا +فازلين افركي كل جسمك بعدين اشطفيه بماء وبلسم مو شور جل لا خذي بلسم شعر ريحته حلوه واغسلي به جسمك
بعد ما تطلعين وتلبسين وتجهزين لزوجك
طبعا تستقبلينه عند الباب وانتي مبتسمه وترحبين وتهلين وبعد الغداء مسااااااااااااااااج للزوج حطيه من ظمن جدولك اليومي مساج للجسم وماء حار للرجلين لازم
واذا جا ينام لاتخلينه يروح ينام لحاله مهما كان السبب روحي نوميه عوديه انك تنوميه
في الويك اند او وقت اجازه زوجك لا تشتغلين ابد حاولي تخلصين شغلك قبل بايام وفظي نفسك له مساج كامل حمام مغربي بدكير منكير تنظيف بشره ممكن تحلقين دقنه اذا تعرفين بعدين تحممينه وتجهزين له بيجامه وعصير بارد صدقوني بيحطك فوق راسه لا تقولون مابيعطيني وجه مستحيل سويها وجربي وانتي لاتنسين تخصصين لك يوم حمام مغربي ونظافه كامل طبعا اسبوعيا بس وزوجك مداوم مش وهو عندك لان الرجال ما يحب الحرمه تنشغل عنه
وقت فراغك اقري لك سوره من القران واستفيدي من الوقت
يابنات ترا مع الترتيب والنظام في كل شي صدقوني بترتاحون والله يترتاحون
انا عن نفسي بيتي صغير ولا عندي اطفال ومع ذلك احيانا ما يصير عندي وقت وما يجي الليل الا وانا عين مفتحه وعين مغمضه لكن لما نظمت وقت ارتحت
بالنسبه للترتيب يوميا لكن مسح البيت كل يومين والغسيل والكوي قلنا مره بالاسبوع
بالنسبه لوقت الدوره تخصصين لك ملابس للدوره تكون ترينقات بناطيل وتي شيرتات قطنيه بيجامات في الليل تلبسينها بس في الدوره وبعد ما تخلصين ترفعينها في درج مخصص لوقت الدوره اما الايام العاديه اللبسي ملابس سهره شورتات بناطيل تنانير قصيره واستمتعي واسعدي زوجك حتى لو ماكان يجلس في البيت مع الوقت بيشوفك وبيجلس معك لو انتي غيرتي من نفسك لا تجون تتبكبكون وتتباكون وتشتكون من رجالكم ترا الرجال يحب الحرمه الجميله ما تشوفونهم يبحلقون عيونهم في التلفزيون لانه مالقى اللي تعطيه جوه في البيت والله احنا احلى منهم القرده والخنازير هيفاء واليساء لكن اهملنا انفسنا
نجي للعطور هذي خلطه يوميه للبيت يعني تحطين منها وانتي في بيتك يوميا بدل ما تخلصين عطرك الغالي وانتي ماعندك احد نجيب علبه من جل مابعد الاستحمام من بيبي جونسون ونخلط معه توله من عطرك المفضل وحطي منها على جسمك وهو رطب
مزيل عرق - كريم جلسوليد +بودره اطفال +شوي مسك ابيض =ريحه حلوه وبياض
ولا تنسون طول الوقت نكرر استغفر الله واتوب اليه
نجي لوقت النوم حاولي انك تقرين في زيت زيتون سوره البقره ولما تجون تنامون انتي وزوجك
سوي مساج فيه لك ولزوجك بس لاتقولين له انه مقري فيه تعرفون الرجال ما يحبون ذي الاشياء بس قولي له بسوي لك مساج وحطي منه انتي في جسمك صدقيني مفيد وبتلاحظين انه علااج مع الوقت لكل ما تشتكين منه
الاشخاص اللي يفزون او يفزعون وقت النوم رشوا على السرير وعلى اجسامكم مسك ابيض الشفاف تراه رخيص ربع توله ب10 ريال خذي المسك الابيض وخففيه بماء وحطيه في بخاخ ورشي على جسمك وفراشك منه لان سبحان الله الجن والشياطين ما يحبون المسك وصدقيني بتنامين بدون ما تفزين او تفزعين وكانك طايحه من مكان مرتفع
اي شخص يصدع من ريحه المسك هو شخص مسحور او فيه مس واسالوا المشايخ وتتاكدون من صحه كلامي
ولا تنسون اذكار النوم
ولاتنسوني من صالح الدعاء ولا تنسون صلاه الليل التهجد
تذكروا
ركعتين وسجدتين قبل الفجر بساعتين تفعل المستحيل
ومع النظام والترتيب صدقيني بيكون عندك وقت للصلاه في الليل
مقتطفات 00
اغسلي الشماغ بشامبو ريحته حلوه وبخريها وهي رطبه راح تمسك فيها الريحه
عندك بودره معطره ما تبينها كبيها على الوكيت وبعدين اكنسي شوفي الريحه كيف
ما تبين تحطين كريم اساس دايم استخدمي يودره الاطفال امسحي على وجهك شوي منها +مرطب = شفت فلبينيه تسويها وتبيض بعد
لا ترمين الجرايد المكومه عندك حطيها بطشت وكبي عليها ماء +كلونيا ريفدور او معطرك المفارش او مسك ابيض وانتظري لين تنشف وحطيها بالدولاب ورتبي فوقها الملابس تلقين ريحه الدولاب حلوه
عندك شمع وما تبينه يذوب بسرعه حطيه في الفريزر
عندك قطع صابون لوكس او غيره لا ترمينها ابشريها وحطيها بتل ووزعيها على الملابس الشتويه في كراتين او شنطه السفر اذا بتسافرون
ريحه رجول زوجك مو حلوه وتفقع الراس انقعيها بماء حار وشوي بيكنج صوداء
متضايقه من ريحه العرق او ريحه الافرازات او ريحه ريقك او فمك اشربي دائما عصير برتقالمظاف اليه ماء ورد وعسل وبتلاحظين على طول الريحه كيف
واخر شي
لا تسمعون اغاني ترا الاغاني تقطع الرزق
دعواتكم لي بالذريه الصالحه المعافاه



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 62
قديم(ـة) 13-11-2010, 09:40 PM
شآمخــه شآمخــه غير متصل
©؛°¨غرامي مجتهد¨°؛©
 
الصعب يهون...


لاشك إن الحياة تتقلب بين المرارة والحلاوة بحسب ظروفها ومتغيراتها..وبحسب نظرتنا لها وتعَاطِينا معها...
بعض النساء إذا واجهتها مشكلة واستعصى عليها حلها..شعرت بأنها على حافة الهاوية وتملكها اليأس خشية أن يكون ذلك هو نهاية المطاف في درب السعادة!

فنجد عبارات مماثلة لـــ:الحقوني سأموت!!
أو ليس بيدي حل سأنتحر!أو حياتي انتهت خلاص!!
لماذا اليأس يحدونا مع ان الحلول جميعها بيدنا؟
ولكن الانسان إذا استسلم للحزن والفشل فلابد أن تكون النتيجة مرة..
غاليتي...
تذكري دائماً عند مواجهتك لأي مشكلة مع زوجك إن الاستسلام للحزن ضعف وهزيمة!
تذكري إن هذا الزوج عبارة عن انسان..أي مخلوق ضعيف لايستحق الأمر أن تقتلي نفسك من البكاء والحسرة لما بدر منه تجاهك..
تذكري إن الحياة دار عمل وثوانيها تلحق بساعاتها بسرعة البرق فلاداعي لأن نحزن على مافات ونأسى على مامضى...
ازرعي بداخلك قوة...لاتنهاري...
اجعلي روحك مفعمة بالأمل والإيمان...
اعتبري ان بيدك سلسلة مفاتيح باستطاعتك أن تفتحي بها كل مااستغلق عليكِ..
اصرخي بداخلك صرخة عميقة:أنا قوية وبإمكاني النجاح!
لاتستسلمي للوهن من أول هزة..يظل زوجك انسان له قلب ومشاعر مهما أخطأ في حقك لابد وأن يعود إلى وعيه إذا تفوقتي في اشعاره بفداحة ماارتكبه...
حاولي تصغير المشكلات وتضييق اطارها لأقل مدى ممكن..
أرى البعض كذلك يبكي بمرارة من تصرفات أهل الزوج ويرى أن المقاطعة أفضل حل!
لكن لو تذكرتي إنهم مجرد بشر وأنهم مثلك محاسبون عن كل خطأ...ومعرضون لكل مايمكن أن تتعرضي له..وليس بيدهم موتك أو حياتك.. وإنهم لو اجتمعوا أن يضروك بشي لم يكتبه الله لك فلن يستطيعوا...لأدركتي إن الموضوع أبسط من أن تعلني الثورة عليهم بالقطيعة..
إذا كنَّا في هذه الحياة سواسية..فلماذا نخشى بعضنا؟
لماذا لانتحلى بالثقة ونعزز في النفس أن الغد سيأتي بالأفضل ان شاء الله؟؟
لماذا لانتخطى العقبات والصعوبات كما نتخطى يوم السبت لنعيش الأحد؟!
صدقوني..
الحياة أيسر وأحقر من أن نهلك أنفسنا بها بالأشجان والأحزان والانهزام والضعف..
وأعظم سلاح يكون لك كوقاية قبل الاضطرار للعلاج..هو التسلح بالقرب من الله..
احفظي الله يحفظك...احفظيه ستجدينه تجاهك
لاتفعلي شيء الا لرضاه ولاتتفادي شيء إلا مخافة سخطه..
اقرأي كلامه ودعي القرآن زادك وراحتك من كل هم..ستنعمين بحلاوة الايمان ورضى الرحمن.
ستشعرين كم هي الحياة أسهل مما ظننتي..

ولكن دعواتي المخلصة بالتوفيق في حياتكن..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 63
قديم(ـة) 13-11-2010, 09:57 PM
شآمخــه شآمخــه غير متصل
©؛°¨غرامي مجتهد¨°؛©
 
فضل سورة البقرة على الزوج والاولاد


السلام عليكم ورحمة الله وبركاته
قصة ترويها من عاشت احداثها تقول هي امراة متزوجة وعندها ولدان
تقول كانت السعادة تخيم على منزلنا وفجاة بدات المشاكل في هذا البيت
الزوج دائما غاضب لا نراه يضحك الابناء دائما في مشاكل الزوجة دائما في غضب
البيت كان ناراً احاطت به
حتى قارب الأمر على الطلاق
تقول فجائتها امرأة ناصحة اسال الله ان يجزيها خير الجزاء فقالت:أين أنتي عن سورة البقرة؟!
فقالت:سورة البقرة ؟ماخطر الأمر على بالي!!
قالت:اقراي سورة البقرة
تقول فأخذت اقرا سورة البقرة و زوجي كذلك اوصيته ان يقرا سورة البقرة وابنائي كذلك أمرتهم بقراءة سورة البقرة
ووضعنا شريطا في المسجل فيه سورة البقرة
أصبح البيت كله يردد سورة البقرة
يوم تلو يوم تلو يوم بدات المشاكل تخف وتنتهي من البيت الى أن انتهى الامر وعادت الامور هادئة كالسابق
تقول:و عاد زوجي ذلك الضاحك الذي كنت أعرفه، وعادوا أبنائي اولئك الابناء الطيبين الذين اعرفهم
تقول: وفي يوم من الايام جاء زوجي وأكلنا طعام الغداء ودخل لينام قبل صلاة العصر
ودخلت لانام،فلما نمت رايت رؤيا عجيبة
ما هي هذه الرؤيا؟!
تقول:رايت كأن امرأة هي أسوأ وأقذر وأبشع امراة رأيتها في حياتي،ما رأيت أقذر ولا أبشع من هذه الصورة ومعها أطفال على شاكلتها
هذه المرأة رايتها داخل بيت تريد أن تخرج من بيتي
فقلت: من أنتي؟!
قالت:نحن من اهل الأرض، نحن من الجن أردنا مجاورتك في بيتك ولكنكِ طردتينا بسورة البقرة حسبي الله عليك طردتينا بسورة البقرة!!
تقول: وأَخَذَت تردد هذا الكلام فلما استيقظت الام واذا الابناء يذاكرون والزوج نائم والسكينة ترفرف على البيت وكأن الملائكة تحف بهم..



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 64
قديم(ـة) 13-11-2010, 10:12 PM
شآمخــه شآمخــه غير متصل
©؛°¨غرامي مجتهد¨°؛©
 
كيف ترجعين عروس خلال أربعين يوم من نفاسك


كيف ترجعين عروس خلال أربعين يوم من نفاسك

"طبعا الكل يعرف كيف تكون المرأة بعد الحمل؟؟؟؟!!!!!!!!!!!
الرقبة سمراء....الجسم مترهل......البشرمليئة بالحبوب .........والكلف...البياض شبه منعدم..

فما رأيك أن تبدئي معنا سمكرة خاصة لجسمك ولتكن فترة الاريعين فرصة لتعديل ما أفسدته التسعة أشهر الماضية.
التشققات والخطوط البيضاء:
1-- خل التفاح : ضعي 4م ك عسل أصلي .1 م ص خل التفاح -2 م ك شب أبيض .*اخلطي جميع المقادير وضعيها على الجسم بامكانك اضافة ماء ورد لتخفيف الرائحة ثم يلف بالنايلون على المنطقة حتى يتعرق الجسم .

2-- زيت جنين القمح : التدليك يوميا" بالزيت ويترك لمدة ساعة ثم يغسل مرتين باليوم صباحا ومساء"

3- بامكانك استخدام كريم يحتوي على زبدة الكاكاو متوفر في الصيدليات.

4- الأملج: وصفة من الدكتور عبد الباسط للخطوط البيضاء ودلك باستخدام الأملج (عشبة متوفرة لدى العطار) يؤخد منها ملعقة وتغلى في كأس ماء ثم انتظري الى ان تدفأ وتدهن بها المنطقة حيث ان الأملج مفيد في تفتيح البشرة وتوحيد اللون.

5- لاتنسي القيام بالتمرينات الرياضية الخاصة بالحمل وبعد الولادة.

للتخلص من الكلف والبقع الداكنة بعد الولادة:
1-يوجد كريم طبي في الصيدلية اسمه دوكين يزيل الكلف والبقع الداكنة يعد الولادة.
2- قشري بشرتك
بخليط من ( الحليب الدافئ مع ملعقتين من الشوفان)حتى تكون كالعجينة ويقشر بها الوجه برقة وتغسل بماء دافئ .

3- 2 م ك ترمس مطحون +3 م ك زبادي يفرك بها الوجه ويترك لمدة ثلث ساعة يغسل الوجه بالماء ثم يمسح بقطنة مغموسة في ماء ورد....

4-- عسل مع كركم وتوضع على الوجه لمدة ساعة.

وطبعا يا بنات راح اكتبلكم المرة القادمة عن ..........التخلص من الكرش بعد الولادة -----بياض غير طبيعي للرقية ------العناية بالقدمين المتعبتين------لسمار الرقبة بعد الحمل ----------طريقة خطيرة لشد الصدر----------طريقة رائعة لشد الجسم...........اتمنى اني اكون افدت خواتي العزيزات



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 65
قديم(ـة) 13-11-2010, 10:15 PM
شآمخــه شآمخــه غير متصل
©؛°¨غرامي مجتهد¨°؛©
 
طريقه تعطير الجسم الملكيه للعرايس


وحده تقوول من كثر مازوجي حب هالشغله يقوول صرت ادمان عليها .. ويومن رحت لأهلي نفااس ورجعت الا هو مشتري الاغرااض ويستخدمها ..



يمكن بعضكم عاارفينها . لكن لاتحرمني من دعواتها .. واللي ماتعرفها هي :



طريقه تعطير الجسم الملكيه للعرايس


اولا .. بعد ماتتروشين رطبي جسمك كااااااااااااااااامل بزيت جونسن للاطفال وانتظري لمن تمتصه البشره .. واخلطي جونسون وشب من العطار مطحون وليمون وحطيها بالابط والمنطقه الحساسه ( علشان ماتسمر مع التعطير ) وبعدها خذي مسك روز من أجمل (20 ريال) افضل وانعم ريحه مسك جربتها .. وحطيها بالابط والمنطقه الحساسه من الفخذين لاتقربووها للمنطقه مااره .. وخليها بعد شووي لمن تحسينه جف ..


ثانيا .. خذي بودره هدير من أجمل بعد (20ريال) وحطيها بالجسم والابط والمنطقه الحسااااسه .. ووشووفي الانووثه كيف ..



طبعا في عطر يذووب يدووخ واتحدى اي زووج مايعجبه .. وهو عطر بلاك اكس اس .. black X S ... وربي له مفعوول عجيب .. والذكيه تخليه عطر خااص بغرفه النوم .. يعني ماتستخدمه بالخرجات والمشااوير .. لأنه بيعطي الزوج احساس خااص .. وشعور غير يجذبه دائما لغرفه النوم ..



مثل ماقلت لكم .. ما ابي منكم الا الدعااااااااااااااااااء





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 66
قديم(ـة) 13-11-2010, 10:33 PM
شآمخــه شآمخــه غير متصل
©؛°¨غرامي مجتهد¨°؛©
 
برنامج عناية ممتاااااااااااااااااز




برنامج عناية ممتاز لوحدة مشاء الله تبارك الله عليها مهتمة بنفسها صح ....

وحبيت ياغراميات تستفيدون منه وادعولي وادعولها..............



أول شي اسويه لما اصحى اخذ شاور عشان استوعب اني خلاص صحيت

الشامبوهات ماخذتهم من صيدلية Boots
نوعية شعري جافه فـ اخذت اللي بالعسل والجوجوبا للشعر الجاف
اللي بالفراولة والزبادي لتغذية وترطيب الشعر الجاف والطويل
اللي عاليمين يحمي من الحرارة استخدمه لما اكون ناوية اسوي شعري بالفير او الستريتنر

~ ملاحظاتي عليهم :
اول مره اجرب شامبوهات بوتس،كانت ممدوحة لي من البنات
يعني مهيب ذاك الزود بس ريحتها حلوة....


انا ما استخدم هذي الليفه كثير صورتها عشانها نفس لون الشاور جل
اللي احبها حقت بودي شوب اللي زي القفازات لانها تنظف كويس وتنعّم كاني مسوية سكرب....

بالموليف بالكرز واللي وراه بالرمان ريحتهم حلوة.....
وحق نيفيا ريحته تجنن نظافة .....
الباقين استخدمهم مب شينين بس انا مدحت اللي واو



هذول شاور جل طقم مع العطر حقه
ما استخدمهم بشكل يومي لانهم معطرين واستخسر على نفسي كل يوم بس في المناسبات
حق clinique الطويل لما اتروش فيه ريحة الحمام تفحفح ....



بما اني ريّحت ملايكتي من الحلاوة والشيل وسويت ليزر لجسمي فـ خلاص
بس لما احتاج ، استخدم الموس ..
رغوة Gillette for woman هذي روعة .. طبعا مافي اي مانع اننا نحط بلسم طايح بكبدنا لو خلصت الرغوة
الموس هذا ابي اممممدح فيه .. راااااااائع!! فيه قطعتين بلاستك ناعمه هي اللي تلمس الجلد،الموس ما احس فيه وتنظف كويس!....
برضو من Gillette اسمها spa على ما اعتقد



تقريبا مره في الاسبوع اسوي سكرب لجسمي
احطه وجسمي ناشف وافرك الين ماينشف ويصير زي البودرة وبعدها ابدا الشاور
اخذته من صيدلية بوتس وتعليقي عليه : ممتـــــــــــاز....



تقريبا مرتين بالاسبوع اسوي سكرب للاقدام من بودي شوب مره كويس حقهم
والحكاكه هذي ميب مره واو اللي حلوة الثانيه حقتهم اللي لونها ازرق بس مالقيتها
والفرشة هذي افرك اظافر رجولي فيها عشان لونها يصير نظيف و حلو





::
::



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 67
قديم(ـة) 13-11-2010, 10:41 PM
شآمخــه شآمخــه غير متصل
©؛°¨غرامي مجتهد¨°؛©
 
برنامج عناية ممتاااااااااااااااااز


::
::






بعد كذا اغسل وجهي بـ هذا الغسول
قاعدة اعالج بشرتي عند د.نوال الحبيب في عيادات Mid Art
باحماض الفواكه لعلاج حب الشباب




لو باقي كحل انظفه بعود اذان بهذا المنظف
رائع ...






وجهي نفس الشي مسويته كله بالليزر
من فترة لفتره احتاج انظف شنبي وبداية خدودي تطلع فيه شعرات متفرقة وخفيفه بس ما احبها تبان.....
فـ شريت هذي الامواس مهيب حادة عشان لا تجرحني


~ حواجبي
اشقرها مرتين في الصالون
"الثلاثاء عشان لو انعزمت في الويك اند تصير نظيفه ، و السبت عشان بداية الاسبوع برضو تصير مرتبة"
، اصبغهم مره في الاسبوع بني غامق يطلعون ....





افرش اسناني طبعا
والبس عدساتي لو بطلع من البيت ، لو بجلس مايحتاج في البيت اقعد بالنظارات


بعد كذا اتاكد انو وجهي منشفته زين احيان ارجع امسح كويس بكلينكس عشان كريمات وجهي لو احطها و هو رطب تمتصه البشره بزيادة و ممكن تضره


~احط سيروم فيتامين سي بعد كاتبتلي اياها دكتورتي هو اللي زي القطره
مضاد اكسدة ويحمي من علامات الشيخوخة ومدري لو فيه احماض فواكه يمكن


~ بعدها احط واقي من الشمس ، قالتلي احطه حتى لو ماراح اطلع من البيت لان الشمس تدخل من الشباك والاضائه كمان تضر البشره
الزبدة اني صرت احطه حتى لو اقوم العصر متاخر
لونه مهب ابيض زي اغلب واقيات الشمس ، لونه زي كريم الاساس يعطيني لون حلو ..






على بال ما احط كريمات والبس ، اخلي شعري مرفوع بالفوطه ينشف ...


اوكي ما احاول انشف جسمي زين بالفوطه عشان لا حطيت كريم يترطب زين
اغلب المرات استخدم اللوشن اللي عاليسار ماخذته من برا مكتوب عليه made in usa ولا قد شفته هنا احبه لانه مب معطر ويرطب ....


اللي بالنص هذا كريم طقم مع عطر clinique ....
ريحته اعشقها اذا حطيته مايحتاج عطر ولاشي ريحته قوية وثابتة !...........


المدوّرة كريم تبع عطر chloe
العطر اعشقه اموت فيه عطري المفضل بس كريمهم مب شي ....
يعني اشتروا الشاور جل والعطر بس الكريم لأ ، اصلا ريحته مختلفه عنهم ....
استخدمه ابحلله حرام ينرمي والا تخلص صلاحيته




اليوم اللي اسوي فيه سكرب لجسمي استخدم هذا الزيت لانه البشره بتحتاج ترطيب زيادة
من "لوكستيان" زيت باللوز رووووووووووعه ........


اللي بجمبه حليب الجسم بـ اللوز
يعطي لمعة حلو على الزنود والسيقان لو بلبس شي مفتوح وريحته كمان حلوة ....





بعد كذا استخدم "المسك الابيض" من القرشي + بودرة "المسك الابيض" من بودي شوب ...
شسمه احط المسك بين فخوذي وحوالين المنطقة الحساسة ....
مهب تجيبون العيد! حوالينها بس ....
وبعدها البودرة كمان بين فخوذي وحوالين المكان


ومره في الشهر لما اخلص الشسمه اتبخر من تحت ....





المناديل اليومية ما اقدر الا استخدمها .....
ما احس بالنظافه الا فيها ....






::
::



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 68
قديم(ـة) 13-11-2010, 10:45 PM
شآمخــه شآمخــه غير متصل
©؛°¨غرامي مجتهد¨°؛©
 
برنامج عناية ممتاااااااااااااااااز


::
::






بعد كذا احط سيروم للشعر من "كيراستاس" ....
يحمي الشعر +يمنعه انه ينفش + يعطيه لمعه +منظر صحي ولا يدهن لي اياه بس احطه عالاطراف

امشطه بالمشط العريض هذا لان الشعر وهو مبلول يتكسر لو انشد والا تمشط بالفرشة



مع اني عارفة انه غلط يضر بالشعر بس ما اقدر اعشق هالريحة .....
احيانا قبل لا انشف شعري بالسشوار احط نقطة صغييييرة دهن عود "سيف العرب" من أجمل على فروة راسي من تحت جمب رقبتي

و احيان ثانية احط كم بخة من مخلط فواح من محل معروف عندكم في الرياض



بعدين أبخ شعري بالسبراي اللي يحميه من الحرارة
انشفه بالهوا .. اعششششششق هذا السشوار .......

انا مسوية "كيراتين" لشعري من شهر تقريبا
معليش ابي اقعد ١٠ دقايق امدح بالكيراتين واللي اخترعه الله يجزاه خير وين ماكان
قممممممممة الراحة والسعادة بنات لازم كلكم تسوونه شي يجنن !!! .........
كذا بس انشفه بالسشوار يصير يلمع ولا ينفش زي قبل !
جتني وحدة البيت سوت لي اياه ، اللي حطتلي اياه هو الكيراتين البرازيلي الاصلي مكتوب عليه maxi وريحته زي الموز
حمدالله للحين ماشفت تساقط





احيانا بعد ما انشف شعري احط الـ curling cream اللي عاليمين رااااااااااائع....
ما اعرف لو موجود هنا انا شريته online

او استخدم كريم بانتين واحيانا انشف شعري بالهوا وبس ما احط اي كريم ، ارجع احط شوي من سيروم "كيرستاس" وخلاص




لو بسوي شعري بالستريتنر على طول مايحتاج اسشوره قبل "طبعا من عقب الكيراتين "
و لو بسويه بالفير بس اضربه سرييييع بالسشوار .. لان جربته على شعري على طول بدون لا اسشور ولا عجبتني النتيجه

الستريتنر هذا كويس مب شين ، اصلا ما اسوي شعري كثير فيه فا ماتفرق معي
الفير هذا رااااااااااااااائع jose eber طبعا الحين صار اشهر من نار عى علم كل البنات عندهم اياه ......
جايبته من لندن بس تقدرون تشترونه اونلاين وكاني شفت بنات بالاقلاع يبيعونه
يعطي شعر ويفي وطبيعي ، بدون تميلح بس كثير يسألوني عن شعري كيف سويته لما اكون عاملته بهذا الفير ........





مالنا غنى عنهم
دوف ريحته الـoriginal غنية عن التعريف .....
هذا سبراي مدري لو ينباع هنا بس ماقد شفت انا اشتري كومة لا سافرت

اللي عاليسار ريحة باودر باختصار ....




نجي لعطوري .....
هذول الاثنين جايبتهم من برا ولا لقيتهم هنا
اللي عاليسار مااااااااااا ادري كيف كنت عايشه بدونه وكيف بعيش من دونه .....
ريحته اقرب مالها باودر،نظافه،بيبي،ملابس طالعه من الغسالة
ريحته ثااااابته احب ابخه على جسمي اماكن النبض كذا كل ماتحركت تطلع ريحته .....

اللي عاليمين كولونيا "جو مالون" بالنكتارين ريحته زي الخوخ برضو احب ابخها على جسمي اماكن النبض



برضو هذا من العطور اللي احب ابخها على جسمي ريحته كذا على صابون ونظافة ......
الكريم حقه زي قلته مب من زينه خذته لان العطر بلحاله نفس سعر البوكس اللي فيه عطر وكريم........




عطري بالعزايم وكثير يسألوني عنه ......
Aromatics elixir من clinique
ريحة قوية بس ماتغث ولما تنخلط مع البخور تعطي فخامة .....
الزيت حقه مالقيته الا عندكم في الرياض في دبنهامز مملكة المرأة
قالت لي البنت حطيه على جسمك وشعرك مايضر وتبخري تطلع ريحه واو .....



عطر tom ford المسك مايحتاج اتكلم هو شارح نفسه ...
ريحة ما اعرف اوصفها او اقربها لكم بس مرررررررررره حلوة ....
جايبته من برا مالقيته عندنا بس شفته في مطار البحرين .. اظنهم limited عطوره بس مب متاكده

عطر chloe حبيب قلبي ........
ما اعرف اشتري منه علبه وحده لانه يخلص بسرعه لما اسافر اقل شي اجيب ٣ علب منه
بعد ما اعرف اوصف الريحه بس تجنن ......




اخر عطرين اشتريتهم
كنت في مطعم ودخلت وحده ريحتها تجنن
سألتها قالت تخلط مونتال الوردي + عطر Lalique
فـ طبعا اقلدها صرت واخلط العطرين سوا




::
::



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 69
قديم(ـة) 13-11-2010, 10:49 PM
شآمخــه شآمخــه غير متصل
©؛°¨غرامي مجتهد¨°؛©
 
برنامج عناية ممتاااااااااااااااااز


::





~
اظافري
مره في الشهر اسوي "مناكير+بدكير" اول ما تشرّف الشسمه عشان احط مناكير
احب اروح the nail launge اللي في بوليفارد الراشد .....

مره في الاسبوع اسوي سكرب ليديني بهذا الشي من سيفورا
على يدين ناشفه افرّك الين ماتحومر
بعدين اغسلها واحط شوووي فازلين



بما انه كل شهر اسويهم في المحل فـ مايحتاج اسويهم في البيت اصلا ما اعرف

احب اخليهم دايم يلمعون وما اقدر احط لون شفاف عشان الوضو فـ ألمعهم بهذا المبرد البطل حق the body shop

المقص وانتوا بكرامه لاظافير رجولي ما اتحملها تطول لازم تكون مقصوصه عاللحم مدري كيف البنات يطولون اظافير رجولهم

مسحات الكحول من فتره لفتره بعد الشاور امسح فيها اظافري
احسها مكان ممكن تطلع فيه بكتيريا وجراثيم تسبب امراض وحبوب للجلد




<< اناظر مناكيراتي واقول ياليت اقدر احطكم طول الوقت ....
الكورتين هذول ماخذتهم من محل في دبي مول .. الازرق base coat قبل اللون ويفيد لو كنت بحط لون زي الاحمر او البني او الازرق ، الوان ازالتها صعبه وتوصخ الظفر فـ البيس يخفف
البنفسجي top coat بعد اللون عشان يلمع ولا يتقشر

المناكيرات هذي ممتازه امريكيه آخذهم من the nail launge ....
البني chocolate kisses
الوردي الغامق island hopping
التركواز huckle buckle
الاحمر الغامق bordeaux
الاحمر الناري اللي من ماك shirelle




نرجع لكريمات وجهي
هذي مسحات احماض الفواكه امسح فيها وجهي ورقبتي الظهر- العصر
نبهتني ما احطها حوالين العين
تحرق شوي




بعد الغدا اخذ حبة "رواكوتان" كاتبتلي اياه لعلاج الحبوب
مايحتاج اتكلم عن هالدوا اللي اعتبره سحر مب دوا ، لي اسبوع بس و وجهي نشف ماصار دهني واختفت الحبوب بس باقي اثارها

وكتبتلي بعد كبسولات فيتامين E اخذها مرتين باليوم مره بعد الغدا ومره قبل ما انام
هي كويسه للبشره تحسن تركيبها وتساعدها تتعافى من اثار الحبوب والجروح




::
::





  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 70
قديم(ـة) 13-11-2010, 10:56 PM
شآمخــه شآمخــه غير متصل
©؛°¨غرامي مجتهد¨°؛©
 
برنامج عناية ممتاااااااااااااااااز


::
::






~ مكياجي ....

بما انه بشرتي مختلطه فـ ماينفع لي اي اساس تركيبته دهنيه زي الستيك والكومباكت .. شي قالتلي اياه دكتورتي لازم كل الاساس اللي تحطينه يكون oil free عشان لا يسد مسامات البشره ويطلع حبوب .....

- استخدم نوعين اساس من clinique وكلهم oil free
الاول تغطيته خفيفه اذا ابي شي خفيف ولا يبان

- الثاني تغطيته كويسه اصلا هو لتغطيه الشوائب اللي في البشره اسمه anti blemish solutions

- بعد كذا احط كونسيلر من بوبي براون

- لما اكون معزومة احط على خدودي وخشمي وجبهتي شوي من اضاءة ميك اب فور افر رقم ٥ وسمعت انه انقطع

- اخر شي احط بودرة جيرلان البرونز بالفرشة حقته رقمها 03




ميك اب عيوني مافي ابسط منه ما احب الخرابيط والدمج والالوان وقوس قزح

-احط لون واحد على كل الجفن من ماك اسمه Grand Entrance مرررره حلو....
احطه بالفرشه هذي من بوبي براون

- حواجبي اصلا اصبغها بس احيان تحتاج تضبيط فـ اسويهم بالتاتو حق ميك اب فور افر

- امشطهم بالفرشه هذي من ماك ، احب امشطهم عكس اتجاههم بعدين ارتبهم عشان تكثف ...




سويت لكم زوم عشان تشوفون اللون كيف .......
طبيعي ويعطي لوك حلو




- اكحل عيني من تحت بخط خفيــــــــــــــف بكحل جيرلان ....
واغلب الاحيان خلاص احط ماسكارا كثيره وبس بدون كحل فوق عيني ، لوك طبيعي و "راقــــــــي" .....

- احيانا ارسم خط ثقيل فوق عيني باللاينر حق بوبي براون وبالفرشه حقت ماك باين رقمها
بعض المرات اكحل عيني من تحت مع اللاينر ومرات بس لاينر من فوق .....




Extase اقسم بالله كاني مركبه رموش ........
اصلا احسها نص الميك اب لما احطها تغير لي شكلي
احبها مره ..........
بس لما اجي احطها لازم امسح شوي الفرشه بـ طرف العلبه عشان لا تتكتل على رموشي ، يعني ما تكون الفرشة مليانه ماسكارا

iconic برضو تطول لي رموشي بس ماتعطي تاثير وكثافة الثانية



- الثلاث علب المدوره اللي بجمب بعض هذي بلشرات
اول واحد من تحت اللي فيه رقع ملونه
من جيرلان بلشر بلمعة برونز وينفع بودرة للوجه بعد ، summer bronzing powder light

- العلبه الاورنج بلشر بلمعة برونز من ماك x-rocks

- اخر بلشر فوق من ماك مررررة طبيعي ويصلح لاغلب درجات البشره دايم مخلص اسمه sunbasque

- الكور هذي لمعة برونز للوجه من جيرلان تنحط اخر شي .....
بس مهيب لمعة من قلب لا تصلح في النهار اسمها summer stones

- العلبه اللي تحت عاليسار هذي بعد بودرة لمعة بس انها من قلب و دهرة ماتصلح الا باللليل وعزايم وزواجات .....




وهــــ يا ارواج ديور خلتني اطلق ارواج ماك بالثلاثه ، اعوذ بالله تنشف الشفايف واللون اصير كاني مهرج لازم اخففه بكلينكس ......
خلاص ديور + جيرلان وبس.....
- اول اثنين من اليمين هذول فيهم سيروم مرطب كاني حاطه معهم فازلين ...........
و ترا الالوان غيـــــــــر عن شكلها عالورق بس هذا اللي طلع معاي ......
الاول لونه طبيــــــعي كذا على طوبي .....
الثاني احمر شفاف يجنن سويت له دعايه تقريبا اغلب صديقاتي شروه

- الاخير اللي عاليسار هذا عششششششق خلاص بيخلص
طول الوقت في شنطتي داااايم حاطته ....
ان بغيته خفيف حطيت شوي تحت بس ، واكثر ان بغيته يغمق .. لون توتي طبيعي ومناسبني احبه ..........



- اول واحد عاليمين احمر ناري طبعا مايصلح الا بعزايم والا بيصير شكلك over

- حق addict لون غريب وفيه لمعة حلوة بعد احبه ......

- اخر واحد عاليسار هذا من جيرلان بالعزايم والزواجات ما احط الا هو
تعرفون لون "دم الغزال" ؟ هذا هو
واللي عاجبني اكثر انه منه وفيه مرايه فتحتها لكم تشوفونها باينه؟ ........
فـ ينرمي بالشنط الصغيره هذا الحلو فيه
رقمه مدري اسمه greta 22




و لا يهون ابو الشباب اللي كل ماتوهقت والا مالي خلق احطه ......
كانك مسوية تاتو شفايف ...........





::
::



موضوع مغلق
الإشارات المرجعية

مملكة المرأه

الوسوم
ياعروس الكون ياحورية حسناء
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لمسات ساحره بين الأزواج من مقال الدكتوره فوزيه الدريع الفجــ البعيد ــر الحياة الزوجية - الحمل - مشاكل الزواج - خاص بالمتزوجين 23 14-09-2009 06:55 AM
اسلوب المرأه في الفراش حسب برجها‎ ريمار ارشيف غرام 15 24-06-2009 04:01 PM
سياقة المرأه *mmm999* نقاش و حوار - غرام 115 18-09-2008 03:36 AM
شخصية المرأه المسلمه... من اهل السعوووديه مواضيع إسلامية - فقه - عقيدة 7 30-10-2007 11:19 AM

الساعة الآن +3: 06:36 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم