سخر لي شياطيني

[زهرة التوليب]

[align=center] السلام عليكم ورحمة الله صباح الخير أحيانا كثيرة نقصر في حقوق والدينا من دون قصد .. ولكن حتما سنحاسب على كل تقصير وأنا أشعر بأني مقصرة جدا رغم حبي الشديد الذي لايضاهيه حب أجدني أقصر أحيانا .. ولكن عندما تضيق بي الدنيا لا أجد سوى قلب أمي يحتويني .. ويستمع لي ويرشدني حفظ الله لي أمي وحفظ لكم أمهاتكم..

[/center]


[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يا يمة جيت واخطائي بيَدِّي أطلب الغفران =يايمة جيت كلي ذنب ولكن وش بيديني
يا يمة جيت أبي ادفى ويدفى خافقي البردان =ابي حضنك ولا غيره حنانه بس يكفيني
أقصر دوم فحقوقك احبك بس ماينبان =اذا صار المحبة قول ما أظن القول يرضيني
يايمه حبك بقلبي كبير ويشهد الرحمان =يايمة لمسة يدينك تراها دوم تشفيني
تعبت كثير يايمه وبقلبي قايدة نيران =وكل عروق في قلبي تصارخ "بس يكفيني"
يايمة ليه أنا مدري حياتي كلها أحزان =أنا أمشي بطريق صعب رجيتك بس دليني
اسير الدرب مجبوره سفينة ساقها طوفان =أقاوم موج طوفاني وخوفي ينكسر فيني
تعبت ادوّر المرسى "غريبة"تهت في العنوان =عبث ألقى طريقي الحين ابعرف بس أنا ويني
أبي أغفى على صدرك مثل طفلة تبي التحنان =ابي انسى جروح الأمس وألملم ما أنتثر فيني
ياليتي بس لو أقدر أشوف الدنيا بالألوان = مثل ما كنت اطالعها بفرحةْ غابر سنيني
ياليتي بس لو أرجع مثل زهر(ن) وسط بستان =تسر القلب ألوانه ويبهج منظره عيني
وياليت ان ليت تنفعني لردد ليت بالألحان = ولكن نطقها يزرع جروح دوم تأذيني
ياربي بس تكفيني شياطين البشر والجان= واهدي قلبي الصادق وسخر لي شياطيني

[ملـك الغـرام]

اختي العزيزة زهرة التوليب جميعنا مقصرين اتجاه امهاتنا ولا راح نفيهم حقهم حتى لو عملنا لهم المستحيل راح نبقى مقصرين

اختي العزيزة اهنيك على القصيدة الرائعة والله يخيلك امك

ياربي بس اكفيني شياطيـن البشـر والجـان
واهدي قلبي الصادق وسخر لـي شياطينـي


صح لساااانك اختي وشكرا

[ند يم الجرح]

احسنتي اختي الغاليه
المبدعه
والمبحره بنا الى
كل ما هو جديدكي
تسلمي والتقصر مننا
اختي
يعطيكي الف عافيه
ولا هنتي على
هذي القصيده
تحياتي لك

[جزل العطايا]

صباح الخير صباح النور صباح الورد والالحان
صباح لزهرة التوليب قطفته من بساتيني


يزهرة وين مارحتي وانت قصدك السلوان
غير امك ابد مافيه واللي قلتي يكفيني


صح لسانك وقلبك صح احساسك الفنان
صح للي رسم لوحه ارضت كل مافيني


قصيدك هيض احساسي قصيدك هيض البركان
قصيدك لامس جروحي وذكرني بطواعيني


انا قبلك تعبت ابحث تعبت ابحث عن العنوان
والى يومك وانا تايه مدري وين انا ويني


وكل ماضاقت الدنيا وغرقت فموجة الطوفات
صرخت بصوتي العالي تعالي يمّه لحقيني


تعالي امسحي دمعي تعالي واسي التعبان
تعالي ضمدي جرحي تعالي يمه داويني


انا بالحيل يايمه انا بالحيل لك ولهان
تعالي بحضنك وابكي تعالي بسرعه ضميني


زهرة التوليب

رائعه رائعه رائعه

انتظارنا شاعرتنا الكريمه لبوحك لانلام عليه

طالما اننا سنتشرف بمثل هذه وتلك

كم هذا البيت رائع اعجبني كثيرا

أبي أغفى على صدرك مثل طفلة تبي التحنان
ابي انسى جروح الأمس وألملم ما أنتثر فيني

اسمحي لي لو غيرت الكلمه من الامان الى التحنان

هو عبث طالب امام معلمه

اكرر عذري

تقبلي خربشتي

نلتقي على الخير

جزل العطايا

[خلبوص]

ابيات غايه في الروعه
احسدك على سلاسة قلمك
واحسدك على كيفية اللجواء
إلى الشعر وانتقاء الكلمات
مــاشـــاء الله عليك
وتقبلي فائق احترامي
وانتظر جديدك
..
.
..
حبيت اخربش شوي
تقبلي مني مااثرتيه فيني

يازهره ذكرتيني يوم كثرو العدوان
يوم كلن تركني حتى نفسي تجافيني

حنان الام صادق ينبع من الوجدان
مامثل امي لا جت جمبي تواسينـي

مهما عطتني من عطفها دايمن عطشان
يكفي في غيابي تسأل عني تناديني

حنان الام مايجي في قلب بني انسان
حنان الأم يروي العطشان ويرويني