اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 03-12-2010, 08:09 AM
بكرا احلى بكرا احلى غير متصل
©؛°¨غرامي جديد¨°؛©
 
الافتراضي آه يا قلبي من وين أجيب لك صبر / بقلمي


السلام عليكم ياحلوين
اليوم حبيت اشاركم بروايتي الاولى وطبعا مالقيت افضل من منتديات غرام واتمنى تعجبكم وتشاركوني بردودكم وحماسكم الي تعودنا عليه نشوفو في كل الروايات الحلوه روايتي جريئه جدا اتمنى تنال اعجابكم
روايتي واقعية وحقيقية 100%



(1)بارت
ابو عابد:ياحيوانة وينك منتي سامعه
سمر :نعم بابا
ابو عابد :نعامه ترفسك ساعة لين ماتردي
سمر :الاسمعتك بس كنت جالسة اغير ملابسي
ابو عابد:انا ابغى افهم شي واحد انتي متى حتصيري زي باقي البنات قومي قامت قيامتك قومي سويلنا غدا اخ ياربي انا ليش ربي باليني ياولاد زي الزفت
وسلسلة طويلة من هلكلام الجارح كان ابو عابد يقولها لبنتو سمر
راحت سمر المطبخ وهي تبكي بصمت تسوي اي شي من الموجود فلبيت غدا ليهم وبعد ماسمعت صوت الباب يتسكر جاها اخوها الصغير الي من سمع صوت ابوه تخبا وقلها ببرائة الاطفال سمر لاتبكي انا مو جوعان خلاص لاتسوي اكل قربت سمر لعندو وحضنتو وصارت تبكي وقالتلو لاحبيبي غير ملابس المدرسه ودحين اسويلك اطيب اكل انا بس عيوني توجعني عشان كدا دمعة عيني هز راسو ومشي للغرفة

نتكلم شوي عن عائلة ابو عابد
ابو عابد رجل في الخمسين من العمر من سكان جده يتصف بلبخل الشديد والاخلاق السيئه مع انو عندو فلوس كتيره بلبنك مخبيها
مطلق ام عابد من ست شهور
ام عابد حرمة طيبه وحنونه وهيا شامية سوريه ومتحررة شوي طلقها ابو عابد تاني يوم زاج بنتو الكبيره كدا عناد فيها وعشان يحرق قلبها على اولادها لانهم كانو معها في الاجازه في سوريا وطلب ترسلهم لوحدهم ومارضيت لاهي ولا اولادها فرجعها معاهم وطلقها وارسلها سوريا لوحدها
عابد الولد الاكبر عمره 25 سنه عايشه في سوريا يشتغل هرب من عيشه ابو وعايش عند اهل امو الطيبين
مرام البنت التانيه 22 سنه متزوجه من رجال متزوج وعندو اولاد كمان عشان تفتك من عيشة ابوها رضيت باول واحد دق بابهم مع انها حلوه ومرحه مره ودمها خفيف


بطلتنا سمر بنت حلوه مره بيضا وشقرا وعيونها زرقا هي الوحيده الي اخدت من اهل امها صفات الشاميين عمرها 16 سنه تدرس اول متوسط في مدرسة حكومية تروح وتجي مشي كل يوم طيبة وحنونة ودمعتها رفيقة دربها تعبة كتير يوم امه تطلقت لانها فجئه اختها تزوجة وامها بعد بيومين تطلقت فصارة فجئه وحيده
وأخر العنقد الولد الصغير اسمو مراد عمره 8سنين انطوائي مره ويخاف من ابوه ومتعلق بامه كتير
نتكلم عن وضعهم عمرهم ماحسو بشي اسمو طفوله عمرهم ما عاشو عمرهم طول وقتهم عايشين بقلق من ابوهم دائما يضرب امهم قدامهم دايما يسبهم ويضربهم وعايشين في بيت غرفتين وصاله كلهم ينامو مع بعض في غرفه وحده لانها الوحيده الي فيها مكيف والتانيه يذاكرو فيها وفيها دواليب الكتب والملابس والفرش حق النوم لان قانون البيت المكيف يشتغل من 12 الليل لين 6 الصبح فقط الغرف التانيه فيها كنب قديم وتلفزيون وماكينة قديمة على جنب مغطا وتعتبر غرفت الضيوف الي يستقبلو فيها زوارهم ونفسها غرفة الجلوس ونفسها غرفت النوم وعايشين وساكتين المهم نرجع لسمر الي تركناها فلمطبخ

وقفت سمر وحسيب الحوار لسمر :كنت واقفه اكلم نفسي ماني عافه اش اطبخ قلت خليني اطبق المكرونه الي اخدناها في حصة التدبير طليت فلمطبخ اليك لو على بعضو مترين فمترين والمهتري طلعت القدر وعبيت موية وحاولة قدر المكان ازبطها بلموجود فلبيت من مكونات معدومه المهم سويتها وكان ابويا رجع وحطيت الغدا وناديت مراد وجلس جنبي يستناني اغرفله طبعا ابويا غرف نص الصحن عندو وغرفت لمراد وحطيت الباقي لي مع مراعات اني احط لمراد حاجتو واكتر جيت اكل اول لقمة والاابويا يقول كلو عيش عشان تشبعو ماتفهمو مراد مسكين مايحب ياكل وحتى انا بلا كيف مكرونه وعيش قلتلو مانحبو قلي عساكي الموت مو لازم تحبي كوليه عشان تشبعو قلتلو مو لما يكون عيش زي الناس عيش مدري من فين جايبو قلي ليش حضرتك بنت الباشا ماتاكلي عيش الا طازه هدي نعمة ربك وانتي تكبري عليها قلتلو لا انا ما اتكبر بس مالي مطره اكل من ورا الناس قلي كلي وانتي ساكته ناس بطاره كل يوم يخرجو العيش الي باقي عندهم ويحطو على يد الباب وانا اخدو مافيها شي رديت علية بكل برود مالي مطره اكلو جلس يسب ويخاصم سبت الكل ورحت الغرفة التانيه ابكي كلعاده على عيشتنا ما نلبس الا ملابس مستعمله يجيبها من الحراج وماناكل الي بقايا اكل الناس وبلموت يجيت اشياء جديده يمكن تفتكرو ببالغ لكن يشهد ربي هدي الحقيقه كان يروح كل يوم خميس على صالة افراح قريبة مننا من غير ماينعزم ويتعشى ويروح المطبخ وفي جيبو كيس يعبيه ويجيبو لنا ولا مراييل المدرسه يايجيبها قصير او انها ضيقه او اها مهتريه عشان نلبسها ويجي فرحان اشتريتو بريالين ولا تلاته ريال وعيش زفت وفقر بس لما كنا كلنا سوا مع امي واخواتي كنا عايشين ومصبرين بعض على امل بكرا يجي نصيبنا ونفتك من عيشتنا هدي كان ابويا ندو صاحب واحد وبناتو صحباتنا انا واختي تقدرو تقولو متربين مع بعض وهما كمان كانو دايقين المر لان ابوهم متزوج وحده ضالمه ومطلق مرتو من زمان
كنا نطلع سوا معاهم البحر لان سيارتهم كبيره وبحكم ابويا مو راضي يجبلنا سياره ماخربت سيارتو المكربعه وكنا عايشين ولله الحمد لاكن بعد طلاق امي صار العيشة تموت كان وزني 82 خلال ست شهور نزلت60 لا اكل زي الناس ولا شي وكان املنا الوحيد يوم الاربعاء الي نروح في عند اختي المتزوجه لان زوجها يوم الاربعاء والخميس يروح مكه عند زوجتو الاوليه اول ما اطلقت امي جابتلي اختي جوال صغير وقالتلي خلي معاكي بلدس عشان اطمن عليكم كانت تقول لبابا ارسل اخواتي لعندي كنت اروح بتكسي انا ومراد ويطلع مراد يجب حساب التكسي وينزل نحاسبو ونطلع عنها طايرين فرح بيت كبير ونضيف وكل وسائل الترفيه في كنا اول شي كنا نسويه اننا نتروش ونغير ملابسنا بلي اختي جايبتهم لنا ملابس جديده نضيفه اشترتهم وخلتهم عندها عشان لما نجي نلبسهمطبعا غير الي جايبتهم لنا في البيت وتكون مجهزتلنا مالذ وطاب ناكل ونضحك ونكلم امي فلتلفون وتخرجنا تمشينا وتودينا انا كنت اموت فيها كنا قريبين من بعض ولا زلنا

وفي يوم صحبتي بلمدرسه عزمتني على عشا في بيتها قلتلها انسي بابا ماراح يرضى
قالتلي اخلي ماما تكلمو قلتلها كيف يافالحه ماعندنا تلفون في البيت قالتلي بسيطه بكرا اخلي ماما تجي تاخدني من المدرسه ونمر عليكي ونرجعك معانا قلتلا خلاص نجرب وطبعا بابا لانو قدام الناس هوا الاااااخلاق قلها ولايهمك قالتلو انا حاخدها من العصر وفليل ارجعها قالها خلاص اوكي
انا طرت من الفرحه دخلت الغرفة ابدل ومبسوطه ولفت نضري مراد جالس وجهو بلمخده ويبكي بهدوء انا جيت عندو وحضنتو وقلتلو حبيبي اشبك اش مزعلك بابا مخاصمك هز راسو بمعنى لا قلتلو اشبك قولي قلي انتي بكرا حتسيبيني مع بابا لحالي جلست اضحك قلتلو وانا حبيبي حاخدك معايا لان سوسو الي هي صحبتي عندها اخوها قدك تتسلى معها طار من الفرحه وانا ماصدقت متى جا بكرا وجات سوسو وامها
ورحنا بيتها على الساعه 4 تقريبا واول ماوصلنا قالتلي اش رئيك نروح ايس لاند وطبعا انا ماقدر خرجت لوحدي ودايما مع اهلي قلتلها لالالالا اخاف الله يخليكي بلاش قالتلي ياهبلة خليكي جريئة لمتى حتفضل محبوسه قلتلها لا ابدا وي وي وي لو ابوي عرف قالتلي ياغبية وابوكي من فين حيعرف هوا بيتنا مايعرفو قلتلها وبلكن مراد قلو قالتلي ومين قلك حناخدو معنا حنروح لوحدنا فتحت عيوني على وسعها وطالعت فيها بفجعة قالتلي بشويش عيونك حتطيح قلتلها انتي مجنونه ولا تستهبلي كيف حنروح لحالنا من غير امك كمان
قالتلي طبعا حنروح انا وانتي وهبة واخواتها البنات شوي وجايين طبعا هبة صحبتنا فلمدرسه وساكنه قريب من سوسو وبعد ماجو البنات وكل وحده تقنعني شوي قلتلها طيب ومراد قالتلي اصلا موداري عنك اخويا مشغل السوني وجالسين يلعبو مع بعض ومبسوط مره واصلا نحنا ماراح نطول بلكثير سبعه ونص نكون راجعين عشان العشى فليل قلتلها انا خايفه بس على رئيك ان شاء الله ماراح يصير شي بس استني شويه رحت لعند مراد فغرفة محمد اخو سوسو ولقيتو يلعب ومبسوط مره ومندمج مع اخوها قلتلو مراد حبيبي انا حروح مع سوسو السوبر ماركت نجيب اشياء واكل للعشا طيب ساب يد السوني من يدو ولف علي وقلي حتسيبيني لحالي قلتلو حبيبي مو لحالك شوف محمد معاك انت مبسوط بلعب ولا مالل ازا مليت تعال معايا قلي حتطولي قلتلو لا نص ساعه وراجعين قلو محمد مراد خليك معايا والله عندي اشرطه العاب تجنن وخطيره وطبعا ببرائه الاطفال عقل مراد الصغير فضل اللعب على السوبر ماركت قلي خلاص انا حاجلس ورجعت لغرفة سوسو ولقيت البنات قالبينها فوق تحت يلبسو ويتمكيجو انا جلست على جنب قالتلي سوسو انتي مطوله بجلستك كدا قومي خلصينا اتمكيجي قلتلها بس انا ما اعرف قالت اخ ياربي صبرني تعالي هبة تحطلك قلتلها طيب بس مو كتير قالتلي وانتي يابيضاء مايليق عليكي الغامق مشاء الله جات هبة ورسمتلي حواجبي لانهم شقر وحتطلي شدو سماوي وزهري طلع مع لون عيوني جنان وكحل داخل عيني ومسكره وروج زهري طلع شكلي رهيييب ونعوم قالتلي سوسو بل بل حتغطي علينا وشفتهم يستشورو شعورهم قلتلهم انشاء الله حتشيلو الطرحه قالولي طبعا بس مو كلها يعني نحطها رمي وطبعا انا شعري ناعم واخرو لفه خفيقه مايحتاج شي خرجنا وانا خايفه من ام سوسو اش حتقول وصلنا عند المطبخ وقالت لامها ماما ماراح نطول طيب قالتلها طيب حبيبتي لاتتاخرو عشان تساعدوني لما يوصلو الناس قالتلها لاتخافي اخو هبة حيرجعنا ام سوسو صديقة ام هبة عشان كدا الوضع عادي ولما طلعنا خرجت هبة جوالها من جيبها واتصلت على واحد اسمو احمد قالتلو تعال ايوه بيت سوسو قلتلها احمد اخوكي قالتلي لا ولد خالتي اخويا مو فاضي وصل احمد وطلعت اخت هبة الاكبر منها في الثنويه قدام وجلست ورا انا وسوسو وهبه واختها الصغيره مو مره صغيره اصغر مننا بسنه ورحنا على ايس لاند قلها احمد ادخلو وانا شويه واجي ودخلنا رحنا دورات المياه طبعا انا بحكم ماما شامية فطرحتي ماكانت قد كدا تمام عادي كنت احطها بس يبان شعري منها وملونه ويمها لما فكيتها كان عادي بلنسبه ليا كنت خلاص مضغوطه من جو البيت ولقيت شي جديد مره عليا وخرجنا نتمشى فاتحين العبي وطلعنا فوق عند المطاعم وطبعا الشباب ماشين ورانا الي يقول اموت ياناس على طقم الالوان الي ماشي والي يقول شوف كيف غزالات يتمشو ونحنا نضحك ومبسوطين شي غريب بلنسبه ليا هدا الشعور اول مره اجربو مشينا لين محل استديو وقفت سوسو عند المحل والاغاني عالية مره وبدئت ترقص وشوفو الشباب كيف تجمعو يصفقو ويصفرو انا وقف ورا شويه وراحت هبة سحبت سوسو وقالتلها انتي غبيه يمكن الهيئة تطب ولا شي انتبهي وفضلنا نتمشى لين ما اجا احمد طبعا هبة وانا وسوسو مع بعض واختها الكبيره مع صحباتها واختها الصغيره معها جا احمد وقلنا تعالو ناخد لفة بلسياره انا كاني من دون شعور وين ماراحو اروح معاهم هبة مارضيت قالت انا بستنى خوي دحين يجي وقالت لاحمد خود سوسو وسمر معاك طلعنا بلسياره وركبت سوسو قدام وانا ورا ورافعين صوت الاغاني وبنتمشى طبعا نسيت اقلكم انو سوسو صحبتي فيها شويه عربجه تضحك زي الشباب وحكركاتها واسلوبها وماعندها مشكله فلحياه فكانت جالسه ترقص وتستهبل وانا ورا اضحك ومبسوطه مره في هل جو الجديد علياوشوي رن جوال احمد فادا لسوسو وقلها ردي ردت قلها الشاب مرحبا قالتلو كهربا وفكت ضحكه طويله قالتلو انت مين قلاها تاج راسك قالتلو تخسى الا انت اقولك تعرف صوت القطار ولا اقولك اسمعو وقفلة بوجهو هدا احمد قلها مجنونه انتي كيف تقفلي بوجهو هدا معارفو كلهم عيال شيوخ وأمرا قالتلو وخير ياطير رجع رن جوالو مره تانيه فرد وقلو اهلين ..لا ياشيخ طيوبه وهبلة حبتين..اي تعال خلاص نحنا حوالين ايس لاند واحمد طول الوقت كان مزبط المراية عليا على ورا اول مره يشوفني متعود على سوسو هوا فقلي ماتعرفنا ياقمر قلتلو سمر قلي تشرفنا ياهلا قلي ممكن طلب قلتلو اامر قلي دحين صاحبي جاي ممكن اجلس انا معاكي وهوا مع سوسو قلتلو ماشي وصل صاحبو واسمو ريان جلس قدام مكان السائق ورجع احمد جنبي ولع سيجاره واداني ياها اخدتها وقلت اجربها طبعا اول نفس كحيت وحالتي حاله بعد كدا صرت اسحف وانفخ على طول وسوسو جالسة تضحك وتستبل كلعاده وشوي اتصلت هبه على احمد وقالتلو اديني سوسو قالتلها تعالي جو بنات خالتي اخوات احمد يسالو عنكم تعالو يلا قفلت وقالت يلا رجعونا اخواتك جو يا احمد الا احمد تنهد تنهيده طويله وقلها انتي فارقي سمر خليها شويه قلتلو لالالا بنزل معها قلي شوي والله مانطول بقولك شي وبرجعك قلو ريان معليش بس تفضل تسوق شوي معنا ريان ماصدق سوسو تروح زهق من هبالها قالو عادي خلاص نزلت سوسو وبدئنا نتمشى قرب احمد مني ومسك يدي انا تجمدت جيت اسحبها قلي عادي شوي بس لاتحرميني امسك يدك الناعمه وانتبهت انو ريان كان يطل فينا بلمرايا الي قدامو الي فنص السياره وشويه احمد كانو حس فقرب وقلو معليش يلحبيب عن اذانك ورفع المرايه لفوق وقرب يبغى يبوسني قلتلو معليش لاتضايقني قلي على راحتك والا ريان يقلو تعال قدام في تفتيش نزل احمد وركب هوا يسوق وركب ريان جنبو انا غطيت وجهي بنائا على طلبهم وعدينا التفتيش بسلام وريان زبط المرايه وصار يطالعني انا رجفت من نضراتو قشعر جسمي كلو منو غير عن احمد الي ماحرك فيني ولا شعره شغل الراديو وطلعت اغنية انا ليك لسامو زين قلي ريان أنا اهديكي ياها قلتلو شكرا سمعتها وحبيتها من اول مره بعدين قلي انت مو سعوديه صح قلتلو الا بس ماما شاميه قلي اها طيب اهرجي سوري ترا يليق عليكي قلتلو مو متعوده اهرج سوري قلي مشاء الله لهجتك الجداوية زاااابطه معاكي قلتلو بس الشكل مو لايقلها صح صار يضحك واتصلت سوسو تقولنا يلا تعالو صارت 8 لازم نرجع البيت وصلنا احمد ايس لاند وقلي استناكم بلسياره نزلت والا اشوف ريان نازل معايا قلي حوصلك ما اقدر اخلي القمر يمشي لوحدو ودخلنا جوا نستنا البنات يجو قلي ممكن رقمك وانا زي التايهه هزيت راسي واخد رقمي وقلتلو انت لاتتصل انا لما يصير عندي فرصه اكلمك...



يلا ياحلوين ابغى اشوف تفاعلكم مع الرواية عشان اكملها
1سمر اش حيصير معها هل حتتصل ولا حتخاف
2ابوها حيعرف شي لما ترجع البيت
3ريان اش ناوي عليه لسمر
يلااااااااااااااااااااااا ردودكم وتوقعاتكم
انا ان شاء الله كل خميس بحط بارت



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 03-12-2010, 08:31 AM
صورة bshayr الرمزية
bshayr bshayr غير متصل
©؛°¨غرامي مشارك¨°؛©
 
الافتراضي رد: اه ياقلبي من وين اجبلك صبر ..رواية جريئة رومنسيه مثيره حزينة


ياي رواية مرره نايس تقفين كمليها
تسلم يمينك غناتي على الروايه



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 03-12-2010, 09:05 AM
صورة دفـــــا الايــــــامْْ الرمزية
دفـــــا الايــــــامْْ دفـــــا الايــــــامْْ غير متصل
» نـبـضـے المـﮙـــــان
 
الافتراضي رد: اه ياقلبي من وين أجبلك صبر / بقلمي


تسسسسلمـيـن يـالـغ ــــــــــــــلآ

بـدايـــه حـلوووووووووووهـ

بــــالـتـوفـيـق









تـقـدـيري

~~



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 03-12-2010, 09:10 AM
صورة روح زايــــد الرمزية
روح زايــــد روح زايــــد متصل الآن
✿ إدارة الإقسام ✿
 
الافتراضي رد: اه ياقلبي من وين أجبلك صبر / بقلمي


وعليكم السلام


بالتوفيق ان شاء الله


قوانين القسم


القوانين ، [ توضيح يختص بـ الردود المحذوفة ( الرد 3 ) ] ؛


يعطيك العافيه



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 03-12-2010, 10:47 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: اه ياقلبي من وين أجبلك صبر / بقلمي


,’



بسم الله
و عليكم السلام و الرحمة



إطلعي على الرابط بـ يفيدك النقد
محتوى الروايات ! / دعوة لـ النقاش ؛
موفقة إن شـــاء الله





,’



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 03-12-2010, 06:38 PM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: آه يا قلبي من وين أجيب لك صبر / بقلمي






بسم الله الرحمن الرحيم

نورتِ القسم

بالتوفيق







~




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-12-2010, 03:56 AM
بكرا احلى بكرا احلى غير متصل
©؛°¨غرامي جديد¨°؛©
 
الافتراضي رد: آه يا قلبي من وين أجيب لك صبر / بقلمي


ياهوووووووووووووووو ليش مافي تفاعل وين الردود والتوقعات ولا ماحبيتوها


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 04-12-2010, 04:00 AM
بكرا احلى بكرا احلى غير متصل
©؛°¨غرامي جديد¨°؛©
 
الافتراضي رد: آه يا قلبي من وين أجيب لك صبر / بقلمي


مشكورين ياغالياتي على المرور والردود واتمنى تكون الرواية مستساغة بشكل غير ممل ومكرر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 04-12-2010, 08:55 PM
بكرا احلى بكرا احلى غير متصل
©؛°¨غرامي جديد¨°؛©
 
الافتراضي رد: آه يا قلبي من وين أجيب لك صبر / بقلمي


لعيوووووووووووووووونكم بارت جديد يمكن يصير في تفاااعل


بارت2

جو البنات لعند سمر ونزلو ركبو مع احمد ورجعو بيت سوسو وطول هلوقت سمر في عالم تاني مو دارية عن شي مبتسمة وتفكيرها كلو عند ريان جات سوسو بتحط السفره لان العشا جهز فقالتلها سمر امسكي معايا رجعت قالتلها سمروووو تعالي زبطي السفره وسمر في عالم تاني ماصحيت الا على خبطه على راسها بلسفره اي اي
سوسو اي فعينك بلاش شغل الدلع الشامي هدا وقومي خلصيني حطي معايا السفره الي ماخد عقلك يتهانبو
سمر بتنهيده طويله اه اخدو وبس هوا اخدو واكلو وشربو كمان
سوسو بققت عيونها وقالت هبة الحقي على ولد خالتك خلاص سمر حبتو سمر صرخت وجع يع مالقيتي الا هلاحمد الخكري ماشفتي كيف يترقص ويتكلم زي البنات
سوسو :لاتقولي المغرور
سمر:مغرور فعينك قولي ثقل قولي هيبة قولي اي شي على سيدالشباب وتنهدت تنهيده من قلب


نتكلم شوية عن ريان شاب جذاب واسمر سمارو يجنن طويل مره ونحيف ومايطيق يلبس ثياب دايم ستايلو امريكي البطلونات الواسعه والبلايز الطويله مع السكسوكه جنااااااااااااااااان
عمرو 20يدرس سنة اولى في جامعة الملك عبد العزيز في كلية المجتمع شاب من عائلة متوسطة الحال اصحابو كلهم من اولاد الاغنياء وبنتعرف علية اكتر فلقصه

نرجع لسمر
خلصو عشا ورجعت لبيتها مع ام سوسو على الساعه 12 ونص ومراد كان حينام على نفسو دخلت لقت البيت هدوء وشافت ابوها نايم بسرعه بدلت ملابسها وبدلت لمراد وجابت فرشهم وحطتهم ونيمت جنبها مراد الي انبسط اليوم مره وغطتو واتغطت وجلست تفكر باحداث اليوم ماهي عارفه تتصل ولا لاء
خايفة متردده وفضلت تتخيل ريان لين مانامت والابتسامه مافارقت وجهها تاني يوم الخميس راحت طيران لعند اختها وخبرتها بلمشوار وكيف انبسطو طبعا بإستثناء احمد وريان واختها قالتلها كويس الي ابوكي ما عرف شي
سمر :لا بس اليوم لما صحينا قلي متى رجعتو وانا ما كذبت قلتلو 12 ونص وبس سكت
راحت مرام ومراد السوق وسمر رفضت تروح وفضلت في بيت اختها
ومسكت جوالها وارسلت رساله كتبت فيها
مساء الخير ريان كيفك انا سمر حبيت اسلم
وهي ثواني ويادوبك وصل الا الجوال يرن برقم ريان
سمر انخبصت وماعرفت شتسوي وردت بكل هدوء بعكس الزلازل الي بداخلها سلم عليها ودردشو شوية مع بعض وقلها اقدر اكلمك فليل قالتلو ايوا لان اليوم انا نايمه عند اختي اقدر اخد راحتي بلكلام وقفلت وهي مو مستوعبه انها كلمت شاب ومرة اليومين الباقية وسمر تكلم ريان وفي يوم قلها ما اقدر اشوفك قالتلو والله صعبه بس احاول وطبعا مافي غير سوسو المنقذ كلمت بابا وقالتلو عيد ميلادها وقلها طيب وهدي المره اول ما وصلنا على بيتها انا جريت وقلتلها اديني مكياج واديني عباية فخمه وكل شي جزمة وشنطه
سوسو بصراخ هي هي مجنونه اشبك هدي مو قادرة افهم ربشتيني
سمر:تفضلي ايش الي مو فاهمتو
سوسو:ليش كل هلاناقه
سمر بقابل ريان اليوم ولازم اكون اخر شياكه
راحو البنات على البحر وجا ريان واتصل على سمر وقلها اركبي ناخد لفة طلعت معاه
واول ماركبت معاه سلمت علية بيدو هوا رفع يدها وباسها تعالو دورو سمر هي خلقة مرتبكه حمرة وارتبكة هوا ابتسم
ومشي بهدوء
شغل المسجل وكان مجهز أغنية سامو زين انا ليك سمر دابت عليه وبدئو يدردشو ويتعرفو على بعض وبعد نص ساعه رن جوال ريان وقلي ابويا فانا سكت طبعا الي فهمتومن مكالمتو انو انزعج من شي قالو ابوه وقفل وهوا مرتبك
سمر:خير ريان في شي
ريان:اعذريني أنا خجلان منك مره اخويا الكبيرمحتاج السياره
سمر: لاعادي وي ماعندك مشكلة خلاص عادي رجعني اهم شي شفتك وانبسطنا
رجعت سمر على بيتها وكلمها ريان بلجوال ومرت الايام وسمر يوم عن يوم تتعلق بريان اكتر واكتر عوضها عن النقص الي عايشتو ومشاكلها مع ابوها مستمره فكانت تشرد وتفرغ كل مشاعرها عند ريان وصار هوا كل هماها في الدنيا وبدئت تهمل دراستها وهي بس هيمانه في حبو اليوم صار لعلاقتهم 3 شهور
وتقدم عريس لسمر وجا ابو سمر ودخل البيت
ابو عابد:سمر ياسمر
سمر كانت تكلم ريان فلغرفة تحت المخده قفلت وراحت جري
سمر :نعم بابا
ابو عابد:اجلسي
سمر فوق راسها ؟؟؟؟؟؟ خير من متى ابويا كدا يكلمنا
ابو عابد : اليوم جاكي عريس وطالب يشوفك وبيجي مع اهلو فانا دليتهم على بيت مرام يشوفوكي هناك احسن بيتها مرتب اكتر
سمر: مدام عارف بيتنا مو مرتب ليش ماترتبه
ابوعابد بصراخ: الله ياخدك وانا من وينلي الفلوس انتو ماتخافو ربكم ماعنكم غير هات وهات بس اقول الخميس بيجو لعند مرام وانتي من الاربعاء تنقلعي فهمتي
سمر من جواها يوووو وهدا وقتو لما بديت احب ريان يجيني عريس لكن مو مشكلة زي مجا نمشي وضحكة بداخلها ضحكه شريره >>>>بس ياشيخه دراكولا على غفلة
خرج ابو عابد كلعاده يلقط اي شي ممكن يبيعه ويستفيد منو وكانت هادي جوله ضمن جولاته اليومي الكتير ورجعت سمر تكلم ريان
ريان:هلا سموره خير اش يبغى ابوكي
سمر:ولا شي جايبلي عريس
ريان : طيب وبعدين
سمر :ولا قبلين عادي برفضو طبعا
وجا يوم الخميس وسمر كان فيها عاده نحيسة تحب تزبط نفسها عشان ينبهرو فيها وهي بعدين بتطلع مية سبب وسبب لرفض العريس سوت شعرها كيرلي ولبسطقم بني تنور لين الركبة مع جكت طقم من عند مرام مع اكسسوار ذهبي رايق وصندل ناعم كعب وسط برونز كانت خيال دخلت وسلمت وجلست والحريم شويه وياكلوها بعيونهم قالت ام العريس ازا مافي مانع نخلي ولدي يدخل يشوفها فطبعا قلنا مافي مانع وخمس دقايق وعريس الغلفة شرف واول مادخل صار يطالع بسمر من فوق لتحت شمال يمين وهوا مبهور هنا بس سمر ابتسمة ابتسامة نصر وخلصت الزياره وطبعا ابو عابد ماخلى وسيلة ولا طريقة عشان يقنع سمر بس هي راكبة راسها ماتبغى والشي الوحيد او الحسنة الوحيده هي انو ابو عابد مايجبرهم بلزواج ابد
وفي يوم ابو عادب طالع مع صاحبو وقال لسمر انا حاتاخر وهنا سمر اتصلت على ريان وقالتلو تعال ابغى اشوفك قلها مجنونه وين اجي قالتلو تعال وانا حطلع معك وحشتني ولبست جرري وحطت ميكئب وزبطت نفسها وقالت لمراد الي كان يتابع التلفزيون انا بطلع عند الجيران شوي وبجي لاتفتح الباب لاحد هز راسو وهيا اول ما اتصل عليها ريان طلعت
سمر:هاي حياتي كيفك :تمام قلبو انتي كيفك ومسك يدها وباسها وفضلت يدها بيدو ويسوق بيد وحده
سمر ماكانت تشيل عيونها من عليه طلعو على البحر الكورنيش قريب من بيتهم وفضلو يتمشو ويتكلمو وشي ريان حط يدو على شعر سمر وصار يلعب بخصلات شعرها وهيا حمرت وصفرت مره وكانت دايبه مالقت الا ريان مقرب منها يبغى يبوسها من فمها طبعا هي مامانعت ابدا وانسجمو مع بعض ثواني عشان كانو واقفين في مخطط وخاف ريان تطب الشرطه ورجعها البيت وكانت طايره مره من الوناسه والخبر السعيد مرام حامل
ومرت الايام والشهور وعلاقتهم من احلى لاحلى لين صار عمر العلاقه 6 شهور
ريان:سمر انا حابب اقولك شي
سمر قول خير
ريان:انا احبك
سمر طارت من الفرحه لانها خلال الشهور الماضية كانت حتموت عشان يقولها ياها بس هدي اول مره ينطقها
قالتلو ليش الحين مو قبل
ريان :لان ماطلعت الا من قلب يحب
سمر :ممكن اسالك سؤال اش نهايت علاقتنا
ريان:الزواج طبعا حبيبتي
فرحت مره سمر وكانت واثقة من حبو لها ومن حبها لي وعدت الايام وفي يوم جا ريان وخبر سمر انو قرر يصارح امو بعلاقتنا عشان نسوي خطبة مبدئيا وقل لسمر اليوم حكلم امي وطبعا سمر انواع التوتر والقلق
وفي الليل اتصل ريان
ريان: كيفك حبيبتي
سمر تمام حبيبي طمني قلبي زي النار
والله حبيبتي ما ادري اش اقول لاكن هي قالت خلص جامعتك وخليك فمذاكرتك وبعدها يصير خير
قلتلو يعني مافي امل قبل قلي لا والله معنده مره
وبعد يومين بلزبط كان في قريبت ابويا من بعيد جات تزورنا وانا كنت لابسة بنطلون جنز غامق ضيق وبلوزه زي الافرول من فوق بيضه وجنز ولامة شعري ومكياج بسيط كنت فلمطبخ احط العصير للحرمه وابويا جوا جالس معاها الا الباب يندق رحت اشوف من العين لقيت حرمة فتحت الباب
سمر اهلين تفضلي طلت فيا من فوق لتحت سمر ارتبكت وحسبتها بنت الحرمه الي عندهم فقالتلها انتي بنت ام وليد
قالتلي انتي سمر
قلتلها ايوا
فقالتلي وين ماما قصدها ام سمر
سمر والله الماما مسافره
الحرمة طيب ابوكي
قلتلها لحضة
دخلت سمر وقالت لابوها بابا في حرمة على الباب تسال خرج ابويا وانا طبعا الفضول دبحني مين هادي الحرمه وقفت من ورا الباب اسمع
وياريتني ماسمعت الي سمعتو مصيبة ونزلت على راسي
الحرمة كيفك يا ابو سمر انا ام ريان وابغى تفهمني بنت على علاقة مع ولدي وانا ولدي لسى صغير ويدرس جامعه الله يخليك خليها تبعد عنو واذا ليها نصيب معاه بعد مايخلص نشوف اش ربنا كاتب وهي لسى صغير واتمنى تفهم موقفي انا ام ويهمني مصلحة ولد
هنا سمر لما سمعت الكلام هدا ماقدرت تكمل جريت على غرفة ومسكت كل الحبوب الي قدام وجهها طلعت وبلبعت ابوها كلها لانها عارفة مسبقا ابوها اش حيسوي مراد كان واقف يتفرج عليها ويبكي على بكاها وهوا مو فاهم شي طفت نور الغرفة وجلست فلارض شافت ابوها قفل الباب وراح الغرفة الي فيها قريبتو وهي فورا مسكت الجوال واتصلت على ريان
سمر: ريان الحقني الله يخليك امك كانت هنا قااالت لابويا وتبكي
ريان: سمر اهدي مو فاهم شي الله يخليكي اهدي
سمر:ريان اقولك بابا اليوم حيموتني امك جات وقالت لبابا كل شي اسمع انا حامسح كل شي اصحك تتصل قلي طيب
وقفلت بسرعه وانا ابكي واستنى الحبوب الي اخدتها تخليني يغمى علي اموت اي شي المهم حل سريع مسحت كل شي وقف قلبي لما بابا صوت صار واضح وهوا يودع الحرمه عند الباب
قفل الباب ودخل عندي وقال لمراد روح هناك شوف تلفزيون
مراد مشي خايف
دخل ابو عابد وجلس وقال انتي تعرفي واحد اسمو ريان
سمر برعب لالالا ما اعرف احد
قلي اجل مين هدي الي جات وتقول انك تكلمي ولدها قلتلو ما اعرف احد انا وماوعيت غير على ضرب على وجهها وجسمها وترفيس فلارض ويمسكها من شعرها ويخبطها فلجدار وانفها كلو دم وهي تصرخ وتبكي ومراد واقف عند باب الغرفة يصرخ ويقولو الله يخليك بابا سيبها وزي المجنون كان ينط في مكانو ومرعوب من شكلي وبلاخر رماني ابويا على الارض وتفل عليا وقلي هنا حتندفني فهمتي مافي لامدرسه ولا زفت ولا طلعة من البيت فاهمة اتكورت على نفسي وانا حاموت من الالم بكل جسمي خرج ابويا وجري مراد لعندي وحضني وهوا يبكي معي بلاخر قام جبلي مناديل وصارح يمسح وجهي واخد الجوال الي صار فلارض مفكوك ابوه وركبة واتصل على مرام وقلها الي شافو مرام زي المجنونه نص ساعه وكانت عندنا دخلت وقلها ابويا كل شي جات عندي متفاجئة تكلمني وانا ساكته بس ابكي مراد قلها شربت حبوب كتيره اتصلت فورا على دكتور باطنية تراجع عندو وقالتلتو فقلها شربيها حليب كتير وازا حست باي اعراض فورا جيبيها المستشفى وفضلت سمر يويمن فلبيت لاتاكل ولاتشرب ومسدوحه بس وابوها يسبها ويهزئها على الرايحه والجايه وماكان كاسر خاطر سمر غير مراد الي مرعوب وماياكل وصار تتكلم معها وتسايره على خفيف ومر على الحادثه اسبوع ونص وسمر محبوسه لاتطلع ولاتدخل وريان زي المجنون خايف مو عارف اش يسوي قلقان مره على سمر لما رجع البيت يومها ددخل لقى امو جالسه فلصاله
ريان امي انتي عارفه اش سويتي اليوم
ام ريان تستهبل لا خير في شي
ريان امي انتي اليوم ممكن تموتي بنت بسببك ليش يامي تسوي كدا ليش بعد ما امنتلك وفتحتلك قلبي كدا تسوي مو حرام عليكي خليتيني ما اثق فيكي ابدا ازا امي ما اهتمت لمشاعر ولادها اجل مين يهمت
ام ريان بكل برود اصلا هدا الي كان لازم يصير بنت مو متربيه تكلمك وتحبك وتحبها تبغاني اخدها بلاحضان يعني
ريان لا ماحد قلك خديها يلاحضان بس اقل شي ارفض الزواج وانتهينا مافي داعي تسوي مصيبة للبنت حرام عليكي واللهحرام وصار عيونه تدمع على خدودو
ام ريان بعصبيه تبكي عشانها تبكي وتزعق فوجه امك عشان بنت صايعه ياحيف ياريان بس انا قايله اكيد ساحرتلك الشامية اكيد لا عبة على عقلك
اجل تستاهل الي حيجرالها وعلما يوصلك ويتعداك ان ماشلت هلبنت من راسك لاجبلها مصيبه اكبر فهمت وخرجت مقهوره منو جلس ريان يبكي بصمت على المصيبة الي صارت لحبيبتو هوا نفسو مستغرب انو يحبها بجنون بلمدة القصيره
نرجع لسمر الي امها اول ماعرفت بلمشكلة حجزت وجات على طول وجلست عند مرام وكانت يوميا تروح تشوف سمر ومرادوفي يوم سمر اخدت جوال امها من غير لاتدري وبلهفة العاشق المحروم اتصلت على ريان واول مارد
ريان الو
سمر ماقدرت تقول شي غير البكاء ريان عرف انها هي سمر حبيبتي هدا انتي ردي علي الله يخليكي لاتقطعي قلبي ردي وبلموت طلع الكلام مع سمر
ايوا حبيبي معاك وحشتني موت شفت ياريان اش صار شفت اش سوت امك انا مكسرة بلفراش من كثر الضرب
ريان سلامت قلبك ياقلبي جعلو فيني ولا فيكي والله ماكنت داري انو الامور توصل لينهنا صدقيني والله لو حسيت بس انو ممكن يصير شي كان ما كلمتها ابدا سامحيني ونا مستعد للي تبغيه تبغي نسيب بعض عشان ما اجبلك المشاكل الي انتي تامري في انا حاضر
سمر:.......



يلا حبايبي ردودكم وتوقعاتكم
سمر حتسيب ريان بعد الي جاها ولا ايش حتقرر
ام ريان اكتفت بكدا واطمنت انها وقفت المشكله عند حدها
ريان حيخاف من امو وحيسيب سمر ولا حيشوف سمر اش ناوية عليه
لاتحرموني من توقعاتكم بليييييييييييييييييييز


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 07-12-2010, 05:53 PM
بكرا احلى بكرا احلى غير متصل
©؛°¨غرامي جديد¨°؛©
 
الافتراضي رد: آه يا قلبي من وين أجيب لك صبر / بقلمي


مشكوررررررررررررررررين بصراحة ابدعتو بلردود والتفاعل يعني مره تحمسو الواحد يكمل الروايه
بلله من جد ماتوقعت كدا مافي تفاعل ابدا ابدا ولا حتى رد غير المشرفات طبعا يحمسني اكتب واكمل خاب ضني فيكم كنت مره متحمسة للروايه بس اللحين للاسف ....


الإشارات المرجعية

آه يا قلبي من وين أجيب لك صبر / بقلمي

الوسوم
روايتي الاولى جريئة مثيرة رومنسية حزينة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أميره بقلمي وحدااااااااااني خواطر - نثر - عذب الكلام 16 24-04-2009 01:33 AM
وهم ومرثية الامل بقلمي وحدااااااااااني خواطر - نثر - عذب الكلام 8 05-03-2009 11:26 PM
وسخ الدنيا بعض البشر بقلمي وحدااااااااااني خواطر - نثر - عذب الكلام 13 18-02-2009 12:14 AM
فيلم غزه مشاهده ممتعه يا بقلمي وحدااااااااااني مواضيع عامة - غرام 11 26-01-2009 11:23 PM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM

الساعة الآن +3: 11:16 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم