قــصة وقعت بين شــابين كويتي وسعودي
اثنين كانو يدرسون مع بعض في أحد
الدول العربيه
>
>
خلصو دراستهم وكانو بيرجعون لديارهم
>
قال الكويتي : شرايك تجي معاي للكويت وتجلس عندي اسبوع بعدين ترجع
للسعوديه
>
اعرفك على اهلي واخواني وربعي هناك واراويك الكويت وامشيك
>
>
قال السعودي مافيه مشكله .
>
>
ياو يستعدون للرحلة ياله الكويتي تلفون من اخوه
>
وقاله ان جدتهم توفت
>
طبعا الكويتي من باب الصداقة كتم الموضوع عن السعودي
>
وصلوا الشباب للكويت لبيت الريال
>
>
جاف السعودي العزه استغرب
>
سال صاحبه
>
قاله هذي جارتنا توفت وماعندها قرايب وفتحنا عزاها عندنا بالبيت
>
>
قام بالواجب السعودي وصار يتلقى التعازي وكأنه من أهل البيت من عشرته
مع صديق عمره ودراسته الكويتي
>
>
باليوم الثاني جاف السعودي بنت جيران الكويتي واعجبته وايد وايد وايد
>
>
راح للكويتي قال انا شفت البنت واعجبتني وابي اتزوجها
>
>
البنت هذي يحبها الكويتي وكان مخطط انه اول مايخلص دراسته يتقدم لها
>
>
قام الكويتي واخذ السعودي وراح وخطبها له وتزوجو ا
>
ومشى السعودي للسعودية
>
>
بعد جم سنة تأزمت اوضاع الشاب الكويتي وصار مديون وايد
>
قال مالي الا اخوي اروح له عشان يساعدني ..
>
طبعا من خلال التواصل الي بينهم بالفترة الي راحت عنده خبر ان الله فتح
على السعودي من أوسع ابوابه
>
راح للسعودي طق باب القصر
>
طلع له الحارس قال قل لفلان بن فلتان ينتظرك عند الباب
>
>
بعدين نزل له الحارس قال عمي محد والكويتي يجوف سيارته برع ومتأكد انه
موجود
>
>
مشى الكويتي مكسور ومصدوم من رفيج عمره
>
>
وهو ماشي جاف شخصين
>
يودووه هالاثنين قالو له احنا متراهنين نعطي اول واحد نجووفه مليون
ريال
>
وعطوه ومشى
>
>
>
رجع الرجال للكويت وفتح الله عليه ويسر امورة بعد فترة ضبطت امورة
>
>
مرة من المرات وهو ياي من دوامه للبيت لقى مرة عيوز بالشارع معها بنتها
>
>
>
قالت ياولدي انت ساكن هني بروحك؟
>
قال لا انا واهلي
>
قالت اوكي انا بروح احج وابي اترك بنتي هذي عندكم
>
>
وكاني مارجعتي ياولدي تزوجها
>
>
قال الكويتي ابشري ياخالتي
>
>
>
دخلت البنت للبيت وراحت واختلطت مع اهل الكويتي
>
>
بعد مرور شهر
>
>
مارجعت الام وقرر الكويتي يحدد موعد العرس
>
>
فعلا حدده
>
>
ويوم العرس يتمشى الكويتي بين المعازيم والحضور
>
>
فجأة لقى السعودي موجود
>
>
عصب وتكلم بصوت عالي شد كل الحضور وخلاهم ينتبهون للموضوع
>
>
قال انت ماتستحي مابويهك دم
>
>
والتفت للناس وقال ياناس هذي سالفته كيت وكيت وكيت من يوم دراستهم الا
اخر خبره فيه
>
>
قام السعودي وقال ياناس
>
>
انا عاشرت هالريال وعرفته اكثر من اي احد وعرفت عزة نفسه وكرامته
>
>
يوم ياني ذاك اليوم وماطلعت له ماحبيت اني اشوفه وهو بذي الحال
>
>
والاثنين الي عطوه الفلوس هذلين اخواني دزيتهم عليه يوم اخرته عند باب
بيتي
>
>
>
>
والعجوز الي يت امي
>
>
والبنت الي هي عروس اليوم اختي
>
>
فهل يحق لي ان احضر زواج اختي ولا لا ؟؟؟
:) اخجلتم تواضعنا
ماذا فعلتم ... اخجلتم !!!. 
العرض العادي
