ملـك الغـرام
"
"
كويس إنك كاتب العنوان
(( على ذمة مجلة كواليس ))
بس ياترى مجلة كواليس دى
بتصدر فين ؟؟
وتنطبع فين ؟؟
وبتتباع فى أى بلد ؟؟
والعدد رقم كام نزل فيه الخبر اللى يضحك ده ؟؟
"
"
يا أخونا الغالى
فيه مجلات مش موجودة غير على النت فقط
ولها عمل واحد فقط
هو فبركة (( الفضائح )) بصور مختلقة
ونظرة واحدة للصورة المرفقة
ها تعرفك وتعرف كل المشاهدين
إن الإدعاء الوحيد لكل القصة المفبركة دى
قائم على كلام المحرر
>> يعنى مش مكتوب جنسية (( مصرية ))
على جبين كل بنت منهم
"
"
وبعدين ماشاء الله
1- مين اللى إلتقط الصور ؟؟
ياترى الصحفى والمصور 00 تم السماح لهم
بدخول وحدة عسكرية إسرائيلية ؟؟
2- وهل من أجل عيون المصور والصحفى
تم (( إقتياد )) المجندات اللواتى (( يدعى )) الخبر
إنهم مصريات 00 للتصوير ؟؟
3- وبعدين الخبر يحمل جملة شديدة الغرابة
تحت إحدى الصور
(( النقيب سميرة هى المجندة الوحيدة
التى عادت لمصر من بين 650 مجندة ))
طيب معلش عشان أنا بأحب أشغل عقلى
1- رتبة النقيب يا طيب لا يحملها المجندون
وإن حملها كمتطوع فى أى جيش
بيستغرق الأمر على الأقل 20 سنة
وأظن سن المجندة واضح إنها لم تقضى بعد
20 سنة متطوعة فى أى جيش
حتى لو كان جيش بلدها
2- ولما هى عادت لمصر
ياترى إتصورت معاهم إزاى
ولا كانت سايبة لهم صورتها للذكرى والتاريخ
عشان أخينا كاتب الخبر ما يتعبش فى محاولة
إستكمال ألبومه
"
"
ملك غرام
الخبر من أوله لآخره مفبرك كالعادة
وشفت مثله كتير
مثل الزوجات المصريات اللى بيبيعوا أزواجهن
ومثل طبيب مصرى متخصص فى
عمليات التحويل من رجال لنساء
وغيره وغيره وغيره
وكلها أخبار مفبركة
بنسمعها من الأذن دى
ونفوتها من الأذن الأخرى
"
"
يعنى إطمئن
ماكناش بنحارب إسرائيل 7 سنوات متتالية
ومكناش البلد الوحيد فى العالم
(( قبل الغالى حسن نصر الله ))
اللى تجاسرنا وضربنا إسرائيل
وجبنا أنفها فى التراب
وإسترجعنا أرضنا كاملة من بين أنيابها
عشان ف الآخر 00 نروح نتطوع فى جيوشهم
ونحارب عشان سواد عيونهم
و
و
و
كملحوظة أخيرة :
هى إسرائيل بتخاف من
(( المجندين المصريين )) الرجالة
وبتستعين بالبنات فقط ؟؟
ولا صحفى هذه المجلة المجهولة النسب
هايتدارك الأمر فى العدد القادم
وينزل خبر عن (( المجندين الرجال )) فى جيوش إسرائيل ؟؟
و
و
و
بس خلاص
على ذمة مجلة كواليس ( فضيحة المجندات المصريات في الجيش الاسرائيلي 
العرض العادي
