اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 25-12-2010, 08:43 AM
صورة قلب امي وروحها الرمزية
قلب امي وروحها قلب امي وروحها غير متصل
©؛°¨غرامي مجتهد¨°؛©
 
الافتراضي رد: شامخة و بنت رجال و جاء من يغلبني / بقلمي


البارت الثالث
عبدالمحسن :قصري لسانك جعله القص والمتربي ما يطول لسانه قدام عمانه اللي هم حسبة ابوه
جات قدام حمد وبكل قهر منهم
ترد عليه:حسبة أبوي ..أبوي اللي نبذتوه ولا اعترفتو فيه. أبوي اللي مات وهو متحسر على شوفتكم. أبوي اللي عمركم ما فكرتم تسالون عنه الحين تذكرتو أبي
وبصوت مرتعش حاولت تخليه ثابت:أبوي اللي لا بحياته عرفتوه وبعد مماته تبغون تاذون عياله حرام عليكم
الجده تأثرت بكلامها لأنها حست ان هي معاهم في كل كلمه قالتها الجوهره
عبدالمحسن تقدم بيسكتها لان الكلام ما عجبه ورفع يده بيعطيها كف ثاني والجوهره غمضت عيونها مستعده للكف الثاني بس استغربت انه ما صار شي فتحت عيونها وشافت حمد ماسك يد عمه
حمد:بس خلاص يا عمي الزواج ما هو بالغصب واعتقد ان جدتي قال الموضوع انتهى
عبدالمحسن يسحب يده بعصبيه ويطالع حمد والجوهره بحقد وطلع من المجلس وخالد وعبد الرحمن وراه
حمد باس رأس جدته:ولا يهمك يالغاليه ما عليكي منهم ولا تتضايقين وآنا موجود
الجده :الله لا يحرمني منك يا وليدي
حمد باس يد جدته :ولا منك
وقف وطلع بدون ما يطالع الجوهره لان تصرفاتها ما تعجبه هو صحيح معها حق بس مهما كان أسلوب الجوهره غلط
نزلت الجوهره لمستوى جدتها الجالسه وهي حاسه بتانيب الضمير من اللي قالته ولانها شملتها معهم بالكلام:انا أسفه يمه
الجده:لا يمه لا تتأسفين أنتي ما قلتي إلا الصحيح
الجوهره :والله ما اقصد سامحيني يالغاليه
الجده:لا يا بنتيتي أنتي ما غلطتي بكلامك بس انا ما كان لي رأي قدام رأي جدك يا ليتني اعترضت أو قلت لا لما طرده من العايله بس وش أقول يا بنيتي ... وش أقول
الجوهره :لا تقولين شي أبوي دائما كان يحكي لي عن وقفتك معاه من وراء جدي وكيف حاولتي تعترضين وان جدي هددك بالطلاق
الجده وهي تمسح دموعها وهي تتنهد :الله يرحمك يا ذياب هذي نتيجة أعمالك
رجعت لعالم لواقع وهي تتنهد وتمسك السلسال اللي في رقبتها اللي كان هديه من أبوها لأمها ولما ماتت احتفظت فيه
تذكرت السبب اللي خلا أبوها يتزوج ريما وكيف انه ظن ان ريما بتهتم فيها بعد وفاة أمها وكيف اعتقد ان أم عبدالمجيد راح تضرها لان أمها كان الزوجة الثانية عليها بس سبحان الله صار العكس مافي احد عطف وحن عليها كثر أم عبدالمجيد
قامت من مكانها بعد ما انتبهت على الوقت اللي مر بسرعة وراحت تتجهز علشان الجامعة

في مكان وبيت ثاني
قام وتروش ونزل ولقى ابوه وأمه وشهد يفطرون باس رأس أمه وأبوه
فيصل : صباح الخير
أم فيصل وأبو فيصل وشهد :صباح الخير
شهد وهي تمد يدها : يله بوس اطلب الرضا
فيصل يرفع حواجبه :شكل في ناس يبغالهم تكفيخ من الصبح
شهد :مالت عليك
أبو فيصل:شهد احترمي اخوكي الكبير واحترمي الموجودين
شهد:يبه امزح وش فيك قلبتها جد هذا فصفص حبيب قلبي
فيصل :فصفص في عينك شايفتني قدامك صحن مكسرات
شوق وهي نازله الدرج:عاد مزح العلماء شين(وتقصد شهد)
أم فيصل :قولي صباح الخير أول
شوق وهي تحب رأس أمها وأبوها:صباح العسل والشهد
شهد :كأني سمعت اسمي
شوق :وع من زينك أجيب طاريك
فيصل :يله عاد بدينا
شهد : أحسن منك يا مفهيه
شوق :انا مفهيه يا أم كشه
شهد شهقت : انا أم كشه يا نمامه يا نقاله الحكي
أبو فيصل بصراخ :بس أنتي وياها ما تتعبون
شهد :يبه هي بدت
شوق:لا والله أنتي بديتي
أم فيصل:الله يصلحكم
أبو فيصل:لا تخلوني اوريكم شغلكم من صباح الله خير
فيصل قام :يله انا رايح تأمرون بشي
أم فيصل:وين يمه ما أفطرت عدل
فيصل :الحمد لله يمه شبعت مع السلامه
ابو فيصل :وآنا بعد رايح مع السلامه
أم فيصل :مع السلامه بحفظ الله
شهد :انا بعد تأخرت مع السلامه
أم فيصل:الله يحفظك يا بنيتي ..يمه شوق ما عندك جامعه اليوم
شوق :إلا يمه على الثمان
أم فيصل:الله يوفقك يله انا بطلع أريح
شوق :طيب يمه صح نسيت أقول لك
أم فيصل :عسى ما شر
شوق :ابغى أروح السوق اليوم العصر
أم فيصل :من معه انا ماهوب فاضيه بتجيني خالتك
شوق :سلماء بتمرني
أم فيصل:مادام مع سلماء روحي
شوق :مشكوره يمه
أم فيصل :العفو
وظلت شوق تكمل فطورها

في مكتبه الكبير قاعد وبيده الأوراق يوقع البريد رفع عينه للي دخل بدون ما يطق الباب
حمد :انت ما تعرف تطق الباب ابد
طلال:ههههههه صباح الخير أول
حمد :صباح النور
طلال:وش حقه أطق الباب مو الشركه شركتي
حمد رفع حواجبه :لا والله
طلال بضحكه :أي والله مو انا وأنت شركاء خلاص
حمد يهز رأسه وهو يبتسم لصديق عمره
(طلال :صديق حمد من أيام الطفوله يفضفض له عن كل شي وهو شريكه بالشركه فيه غرور وعنده كبريائه فوق كل شي وما يحب احد ينقص من قدره وما يحب يدخل أي تحدي إلا ويطلع منه فايز)
طلال:حمد فطرت ترى انا بطني يصوصي
حمد :ههههههه وأنت كله مفجوع ماتشبع ابد
طلال:قل أعوذ برب الفلق بتحسد الفقير على موتت الجمعه
حمد:لا ماني حاسدك وفطورك علي وش تبي بعد
طلال :ياليت كل يوم تحسدني علشان تفطرني
حمد :ههههه اشتغل البخل يا أبو هباش
ضحكو وطلعو يفطرون برا

نروح لفلة أبو خالد
عبير وأمها وعلى الطاوله
عبير :يمه انا بروح عندي محاضره تأمرين على شي
أم خالد بدون ما تطالع بنتها :وش ابغى منك يعني يا حسره
عبير حز في خاطرها كلام أمها وأسلوبها معاها:طيب مع السلامه
أم خالدا ما كلفت نفسها ترد عليها
بعد ساعتين
سحر نازله من الدرج:صباح الخير
أم خالد :أي صباح خلف الله عليك
سحر :يعني لازم تردين الكلام بنغزه
أم خالد :وأنتي دائما ردك جاهز ولسانك طويل
سحر:اووووووف ترى ما ني رايقه اجلي التحليلي النفسي لبعدين
وبصراخ :روز ...روز يا زفته
روز جات تركض :نعم ماما
سحر:ماما في عينك ياحيوانه ساعه أناديك
روز :ماما انا في شغل
سحر :شب انقلعي سوي لي شي أكله وجيبي لي بندول
راحت روز وهي حاقده على سحر
أم خالد :أقول سحر
سحر وهي تأخذ الريموت وتفر القنوات:قولي
أم خالد :آختك جاتني وقالت لي انها بتروح مع بنت عمك اللي ما تتسمى
سحر:جويهر
أم خالد :إيه وتقول بتروح الملاهي
سحر :وبعدين وش أسوي لهم يعني ارقص
أم خالد:رقصت عليكي طوفه ... ركزي معي
سحر:نعم ركزت قولي
خالد:انا ناويه اخلي عبير تروح وأنتي وخالد تروحون معاها
سحر كشرت وجهها:ما ابغى أروح معاهم جعل روحهم تروح
أم خالد :يا بقره تروحين تضبطي عمرك . .أمس عبير لما طلبت إني أرضى سألتها مين رايح قالت لي إخوان الجوهره وحمد وآنا قلت لها إني موافقه بس بشرط تروحين أنتي وخالد معاها
سحر:الحين كل هذول رايحين الملاهي والله بزران
أم خالد وضغطها ارتفع من غباء بنتها : افهمي ابغاكي تروحين تضبطين عمرك مع حمد
سحر: اها الحين فهمت وخالد يضبط الجوهره
أم خالد قلبت عيونها:والله ما ظنتي الجوهره ما ينقدر عليها
سحر:مالت عليها من زينها عاد
أم خالد :المهم فهمتي وش قلت لك
سحر بابتسامه مكر:أكيد فهمت
أم خالد :هذي أبنيتي اللي اعرفها
وقعدو يكملون سوالفهم

في الجامعه جالسه في الكافتيريا وسرحانه وجات من وراها وضربتها على كتفها
عبيروهي تحط يدها على قلبها :بسم الله خوفتيني
الجوهره :ههههههه أسفه ما وقعتك خوافه هالكثر
عبير بابتسامه:وش عندك ما ره علي
الجوهره:يعني امشي شكلها طرده
عبير :لا حبيبتي بس مستغربه
الجوهره:جيت أسالك عن الروحه ها بتروحين معانا
عبير:أي روحه
الجوهره: شكلك نسيتي الموضوع
عبير: قصدك الملاهي
الجوهره :الحمد لله للحين متذكره
عبير بتردد: الصراحه ... انا ودي بس......
الجوهره :بس ايش
عبير:لما قلت لامي قالت لي اخلي خالد وسحر يروحون معاي دام الكل بيروح
الجوهره تضايقت بس ماحبت تبين وابتسمت علشان عبير ما تحس:طيب خليهم يجون
عبير متفاجأه:يجون معانا
الجوهره :إيه
عبير:بس ..
الجوهره :لا بس ولا شي خلاص اتفقنا
عبير بابتسامه:اتفقنا

جاء وقت المحاضره
دخلت بدفاشه والتفت الكل لها
الدكتوره المصريه :أنتي أزاي تدخلي بالطريئه دي
دلال بابتسامه مصطنعه:سوري دكتوره
الدكتوره وهي مكتفه يديها:وأنتي متاخره ليه ان شاء الله ما تئولي السياره عطلانه
دلال:ابد دكتوره كنت أسوي قهوه عربيه فيها هيل وزعفران وكملت بسرعه:تبغين أجيب لك تذوقين
البنات في المحاضرة ماتو ضحك
الدكتوره عصبت وعيونها طلعت من مكانها : أنتي بتتريئي عليا(أنتي تتطنزين علي)
دلال :لا والله هذا الصدق وإذا مو مصدقتني
تمد يدها بالجوال :اتصلي على شانتي
الدكتوره وهي واصله حدها:شانتي مين
دلال :شغالتنا
البنات :ههههههههههههههههه
الدكتوره بعصبيه:براااااااااا
دلال :ليش
الدكتوره وهي تاشر على الباب: بائولك برااااا(اقولك برا)
دلالا :برا برا أصلا انا راسبه في هالماده راسبه
وطلعت وراحت الكافتيريا تفطر

في مكان ثاني يظلم الكثيرون أنفسهم
صحى وشاف جنبه وحده طالعها وضحك بسخريه
خالد في نفسه :شريفه وعفيفه ومن أول كلمه سلمت نفسها
قام وتروش وطلع من الحمام شافها صحت :أخيرا صحيتي ألبسي بسرعه
ميساء :ليه وين بروح
خالد :اخلصي علي استناك في الصاله
وطلع للصاله
لبست وطلعت له
خالد يطلع بوكه ويرمي لها فلوس
ميساء :ايش هذا
خالد بابتسامه سخريه :آجرك يا حلوه
ميساء :ما فهمت
خالد :يعني أنتي الحين تنقلعين ولا عاد أشوف وجهك ما عاد تنفعيني ولا تلزميني
ميساء بصوت باكي :بس انت قلت انك بتخطبني و...
خالد يقاطعها بسخريه:وتحبني وراح نتزوج وغيره من الكلام الفاضي
ميساء :يعني ايش كل اللي قلته كذب
خالد بضحك:يعني ما كان مبين إني اكذب
ميساء:جاي تقول ان كل شي كذب بعد ما آخذت كل شي مني
خالد :ما خسرتي كل شي ربحتي فلوس شفتي وشلون أنتي مو خسرانه كثير ههههههه
ميساء بصوت باكي وحاقد :انت واطي والحقير
قام خالد من مكانه ومسكها من شعرها :محد الواطي والحقير إلا أنتي
جرها لحد باب الشقه فتح الباب ورماها على الأرض برا
اشر بيده على مكانها :هذا مكانك يا زباله أنتي تظنين إني ممكن أفكر في وحده سافله مثلك
وصك الباب في وجهه بعد ثواني رجع وفتحه ورمى عليها عبايتها بكل قرف
وقال بتهديد:لو اشوفك جايه ناحية المكان أو ماره بالشارع بس راح اوديكي وراء الشمس تفهمين
ميساء وهي تلبس عبايتها وتحاول توقف :راح أدفعك الثمن غالي يا حيوان
خالد يضحك بصوت عالي : اعلي ما بخيلك اركبيه
وصك الباب
وهاهي ضحيه جديده تجر ذيول الخيبه والفضيحه خلفها

وهي قاعده في الكافتيريا تاكل بدون أي اهتمام جات لها
الجوهره :أنتي هنا
دلال :لا هناك
الجوهره :أبي افهم ليش ما تجين بدري زي كل الناس
دلال :وش أسوي تدرين إني إذا نمت لو تطيح قنبله ذريه ما حسيت
الجوهره:نفسي يجي يوم واشوفك حاضره بدري
دلال:اغسلي ايدك مني
الجوهره تذكرت :أي أنتي بتجين معانا صح
دلال :الملاهي
الجوهره:ايه
دلال بحماس:أكيد أصلا انا أول من يركب السياره عاد انا من زمان عن اللعب والفله
الجوهره وهي تضحك :ترى الشباب معانا
دلالا وهي مستغربه:ليه احنا ماراح نروح بروحنا
الجوهره :لا إخواني وولد عمي حمد معانا وصديقه وش اسمه اعتقد طلال
دلال:واخوك العله جاي
الجوهره :دلول تدرين إني ما ارضى على مجود
دلال وهي تعفس وجهها:خلاص الله يعينا على مقابل وجهه
الجوهره تبتسم لها وهي عارفه بالحرب اللي بتقوم لما يلتقون فيها
(دلال بنت راعية فله ورجه ولسانها طويل صديقة الجوهره من سنين طويله وهي تعرف الجوهره أكثر من أي احد ثاني تدرس معاها تخصص حاسب وهي وحيده اهلها هي وأخوها علي وهي وماجد بينهم حروب طويلة الأمد من أيام الطفوله)

في المجمع الكبير قاعده وتفرفر من محل لمحل وما خلت شي ما شرته
سلماء :شوق خلاص والله تعبت
شوق:لا باقي أغراض ما بعد نشتريها
سلماء:طيب بس نروح نشرب لنا شي وبعدين نكمل
شوق:خلينا ندخل المحل ( ) وبعدين نروح نشرب أي شي تبغينه
(سلماء اخت خطيب شوق اسامه بنت طيبه ومالها دور كبير في الروايه)
سلماء: لا لا الحين نروح نريح بعدها نكمل
شوق باستسلام:طيب
راحو فوق ودخلو مطعم يطلبون شي يشربونه
شوق:ايش تشربين
سلماء بترد بس دق جوالها
سلماء:لحظه برد وبرجع
شوق باستغراب :اوكي
وراحت وظلت شوق تستنا وتطالع ساعتها حست بأحد قدام الطاوله رفعت عينها وشهقت
مين ياترى اللي كان قدام الطاوله ؟ووش راح يصير في الملاهي لما يلتقون كلهم هناك؟



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 25-12-2010, 11:02 AM
صورة زهر ابيض الرمزية
زهر ابيض زهر ابيض غير متصل
©؛°¨غرامي متألق ¨°؛©
 
الافتراضي رد: شامخة و بنت رجال و جاء من يغلبني / بقلمي


بارتات حلوة يعطيك العافيه
بانتظارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 25-12-2010, 11:23 AM
صورة غرامي وآفــي * الرمزية
غرامي وآفــي * غرامي وآفــي * غير متصل
©؛°¨غرامي مشارك¨°؛©
 
الافتراضي رد: شامخة و بنت رجال و جاء من يغلبني / بقلمي


بــآرت حلـــو .. يعطيييج العااافيه وللله
متشوووقه اعرف من اللي شافته ؟؟

بنتظار البارت الجاي . . . .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 25-12-2010, 12:02 PM
صورة عذآاري الكتبي الرمزية
عذآاري الكتبي عذآاري الكتبي غير متصل
©؛°¨غرامي مشارك¨°؛©
 
الافتراضي رد: شامخة و بنت رجال و جاء من يغلبني / بقلمي


جووووووووونان يا قلبي ..

وه وه على جواهر .. هع

وهذا عمانها بمسكهم واحد واحد وبعذبهم وبشنقهم اما خالد بحطيه بزيت يغلي نياهاهاهاه .. << تنفع مجرمة الأخت ..هع

وحمد وه بس وه .. <<< حبت الأخت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 25-12-2010, 12:44 PM
صورة معانات قلبي الرمزية
معانات قلبي معانات قلبي غير متصل
©؛°¨غرامي مشارك¨°؛©
 
الافتراضي رد: شامخة و بنت رجال و جاء من يغلبني / بقلمي


يسلمو
سؤال متى مواعيد تنزيل البارت؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 25-12-2010, 01:24 PM
صورة *¤©[£]3ashgt fawaz[£]©¤* الرمزية
*¤©[£]3ashgt fawaz[£]©¤* *¤©[£]3ashgt fawaz[£]©¤* غير متصل
©؛°¨غرامي فعال ¨°؛©
 
الافتراضي رد: شامخة و بنت رجال و جاء من يغلبني / بقلمي


يسلمووووووووووووووووووووووووووو

الله يعطيك العافيه


بنتظااااارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 25-12-2010, 04:45 PM
صورة عذآاري الكتبي الرمزية
عذآاري الكتبي عذآاري الكتبي غير متصل
©؛°¨غرامي مشارك¨°؛©
 
الافتراضي رد: شامخة و بنت رجال و جاء من يغلبني / بقلمي


بالنتظاركـ حياتي ..^^

وروايتك جوناااااااااااان شوية عليها ..^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 25-12-2010, 04:55 PM
صورة m&n الرمزية
m&n m&n غير متصل
©؛°¨غرامي مشارك¨°؛©
 
الافتراضي رد: شامخة و بنت رجال و جاء من يغلبني / بقلمي


تسلمي موفقة حبيبتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 25-12-2010, 11:59 PM
صورة قلب امي وروحها الرمزية
قلب امي وروحها قلب امي وروحها غير متصل
©؛°¨غرامي مجتهد¨°؛©
 
الافتراضي رد: شامخة و بنت رجال و جاء من يغلبني / بقلمي


اقتباس:
المشاركة الأساسية كتبها غرامي وآفــي * مشاهدة المشاركة
بــآرت حلـــو .. يعطيييج العااافيه وللله
متشوووقه اعرف من اللي شافته ؟؟

بنتظار البارت الجاي . . . .
منوره غلاي ويعافيك



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 26-12-2010, 12:01 AM
صورة قلب امي وروحها الرمزية
قلب امي وروحها قلب امي وروحها غير متصل
©؛°¨غرامي مجتهد¨°؛©
 
الافتراضي رد: شامخة و بنت رجال و جاء من يغلبني / بقلمي


اقتباس:
المشاركة الأساسية كتبها zohor مشاهدة المشاركة
بارتات حلوة يعطيك العافيه
بانتظارك
يعافيكي اسعدني انه اعجبك



الرد باقتباس
إضافة رد
الإشارات المرجعية

شامخة و بنت رجال و جاء من يغلبني / بقلمي ، كاملة

الوسوم
بداااية روووعة .. ننتظرك .. بس بليز لا توقفينها وكمليهاا , يا لبى علييييييييييييييييييييييييييييييج بث احببببببببببببببببببببببجججججججججججج , يالبىىى جوجو وطلوووووول يسلمووو علىى الابداع احبج كويتيه والقلب اكيييييد سعودىى ♥ , ياحتي عليييييييك ابدااااااع مو طبيعي الى الامام دائما , جعلتني , ريال , روااااايه اكثر من رووعه تسلم يدينك... , صالحة , واااااااااااااااااو يا بت و الله روووووووووعة تجنن تخبل **&رنو&** , وبنت , نداء
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6689 الأمس 03:26 PM
خطاي إني وفيت و ما عرفت ألعب على الحبلين / بقلمي ، كاملة •غٌـمـوضٌ ـآٍْاْلٍْــورد• روايات كامله - يتم نقل الرواية هنا بعد اكتمالها 1293 18-09-2014 01:32 PM
يا قلبي انساها ولو كنت تتنفس هواها / روايه كامله sandybill روايات كامله - يتم نقل الرواية هنا بعد اكتمالها 281 29-07-2013 11:03 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 11:59 PM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم