بسم الله الرحمن الرحيم
القصه الاولى : انا سميتها (15 سنه اخوي ماصلى)
كان هناك صاحب تاكسي طيب ويحب الخير للجميع في يوم من الايام صادف احد الشباب وقالو نبغي منك تودينا الشرقيه وهم في الرياض قاله صاحب التاكسي تفضلو وهم في الطريق جاوقت صلاة العصر قال صاحب التاكسي بعد ماوقف في المحطة قالهم نصلي ونكمل المشوار طبعا الشباب عددهم اربعه وريسهم جالس قدام قال وبكل ثقه احنا ما نصلي قال التاكسي موزين عليكم شباب واحنا في طريق على الاقل خل وقت لربك مو كله للشيطان وجلس ينصح لهم شوي قال ريس الشباب كأن صاحب التاكسي احرجنا خلونا نصلي قال الحمد لله
توضا وصاحب التاكسي صلى فيهم وفي نهاية الصلاه سلم الامام اللي هو السائق وشاف ريس المجموعه مازال ساجد قال انشاء الله هداه
طول وهو ساجد حركوه وطاح على جنب وطلع ميت وصارالشباب يبكون بقوه واخوه كان معاهم ويبكي بقوه ويقول اخوي 15سنه ماصلى
سبحان الله ......والحمد لله.......والله اكبر
القصه الثانيه:(انا سميتها انا تائب بعد اللي شفته)
هذا شيخ انا كنت جالس معه امس وقالي هذي القصه اللي حصلت معه
الشيخ رايح مكه للعمره وهو جالس يدعو ربه ويصلي بعد الطواف شاف شاب جنبه شكله محشش وصايع بس على وجهه علامت الخشوع فقال الشيه اذا خلصت من الصلاه بروح اسلم عليه بعد ماخلص الصلاه الشاب هو اللي جا للشيخ وسلم عليه وقاله انا تائب انا تائب قال الشيخ ايش اللي صايرلك قال قصص كثيره واقوى قصه ( كنت انا مع شباب في احد الجلسات اللي فيها الله يكرم الموجودين حشيش وبنات وكنت انا معهم جالس احشش في واحد من الشباب اخذ بنت من البنات وراح معها الغرفه وبعد فتره بسيطه جات البنت خرجت البنت من الغرفه تبكي قالو ايش اللي حصل قالت صديقكم مات وهو علي على صدري ومااااااات قالو اوكي الحمد لله البنت الحين التزمت المهم الشباب جالسين ولا سوو شي لانهم فاقدين الوعي قالو خلونا نودي الشاب المستشفى المهم راحو ودوه وبعد ساعتين اتصل على الشاب التائب المغسل اللي في المقبره قاله تعال قال اوكي راح وقاله هذا صديقكم قال ايه اعرفه وبعد ما فتح الغطاء على وجهه وشافه ما حس الا في المستشفى من الصدمه يقول كأنه مصبوب عليه اسيد محترق ولاحول ولاقوه الا بالله وبعدها عرف ان طريقه خطا ونسأل الله ان يتوب عليه
الحمد لله......الله اكبر
وانشاء الله باقي القصص في الكرجله القادمه وهي ايضا مؤثره وانا مو بس انصح كل الشباب بل حتى انا انصح نفسي واياكم الله يرجمنا برحمته
تقبلو تحياتي اخوكم قمر اسمر يتمنا لكم كل خير
مجموعة قصص واقعيه ومختصره ومؤثره اجو منكم الدخول وييهمني رايكم 
العرض العادي
