اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 211
قديم(ـة) 12-05-2011, 03:46 AM
صورة kem sokr الرمزية
kem sokr kem sokr غير متصل
ايش هيا الدونيـا بدون هبــل .. ؟
 
الافتراضي رد: رواية أطباء في الحب / بقلمي


وسام وقف السيارهـ ونزل .. وحسام بيصقع كاسر علي كتفوو يحاول يصحي .. : كاسررر كاسررر ..
كاسر وشو مزرق .. وماعاد لو أي حس ..
وسام لف وفتح الباب : هيا انززززل .. بسررعه
اتساعدو وونزلو كاسر من السيارهـ ..
استقبلوهم المسعفين بالسريرر .. حطو كاسر ودخلو علي جواا ..
حسام مره متوتر وحاسس بالذنب .. ماشي جنب السرير .. وموو عارف ايش يرد للمسعفين الي بيسالو عن الاسم والحاله وايش صايررر
وسام .. كاسرر كاسرر فهد .. لا لا كاسررر سعيد .. مادري مادري كااسرر
المسعف : اشبو ايش فيلووو
حسام يهز كتوفوو : مادري اكل كيووي اكلنا كيوي مادري انخنق انخنق هواا ..مااادري
المسعفين دخلو علي غرفه : لو سمحتو خليكم براا
حسام : لا لا انا دكتوررر
الدكتور طل في من فوق لتحت : اقلكـ خليكـ برااا ..
حسام بعصبيه : اقلكـ مني خاارح .. مني خارج فاهم ..
معتصم سحب الستاره ودخل : ايش عندنا هنا
حسام راح لمعتصم : دكتور دكتور تسمم اتوقع تسمم اكل كيوي اكل كيوي بس وانخنق
معتصم : دكتور كاسررررر
حسام : ايوا ايوااا
معتصم : خلاص اتفضل براا وناديلي دكتوره اعناب ..
حسام : لا خليني انا دكتور معتصم .. اكلنا قال مايبغا ياكل واكلنا هوا ..
معتصم لف علي كاسر : طيب خليكـ
براا وسام واقف ومتكي علي الباب وهوا قلقان .. تخيل صار في الولد شي هما السبب .. ياخي قال مايبغا ياكل ليش نتلبش في ناكلو بالقوه مالنا دااعي
دخل مهند ورا بدرر وهلال وقمر ماسكين ايادي بعض ويطلو في المستشفي ببتسامه كنهم داخلين ملاهي
مهند وصل لوساام : فينو ايش صار علي
ياشر علي الغرفه .. : مادري حسام جوااا
اعناب خرجت من عند المريضه وقفلت الستاره وجالسه بتكتب ملاحظات توديها لمعتصم زي ما طلب منهااا
رفعت عينها وشافت مهند ومعاا البزوره ووسام .. استغربت ..
راحت لعندهم بسرعه وناويه تهززء مهند ..: مهند توكـ جااي ..
مهند لف عليها واتنهد : كااسر تخيلي كاسر اكلنا كيوي وانخنق قرب يمووت ماعرفنا ايش نسووي جبنا المستشفي
شهقت : اما كاسررر ..
: والله ياشيخه خوشي شوفي ايش صاير حسام جواا ..
: طيب طيب روحو اجلسو في الانتظار بدل ماتوقفو كدااا
: روحي شوفي بسررعه
بدرر : يارب مايموت
ابتسمت : لا انشالله ماحد حيموت ..
راحت للغرفه وسحبت الستاره : دكتور معتصم ..
معتصم من شافها صرخ عليها . : اعناب فينكـ من اول انادي عليكي
اعناب بلمت .. ليش ربي دايم يبلاها بناس تصرخ عليهاا : لا دكتور ا اشسمو كنت عند المريض .. توي خلصت منوو ..
: تعالي بسررعه امسكي ..
لفت ورا السريرر ومسكت الاوكسحين وصارت تضغط علي ..
معتصم : عندو حساسيه من الكيوي اكيد ..
حسام يفركـ وشوو : طيب ايش حتسولوو
: غسيل معده لازم .. الله يهديكم ابعد ياحسام اطلع براا خلاص
: لا مارح اطلع .. انا اشسموو ..
معتصم صرخ في : قلت اطلع برااا ..
حسام خرج بعصبيه وقفل الستاارهـ ومره قلقان علي كاسرر ..
نقلو لغرفه تانيه بسرعه بعد ما انتظمت ضربات قلبوو والنفس اتعدل ..
اعناب بطل في وشو مزرق مره شكلو واحد تااني ..
كاسر فتح عيونوو بشويش : روودي .. رااائد ..
اعناب قربت منو : ها دكتور كاسر بغيت شي ..
كاسر : ايه ابي روودي ..
اعناب تتلفت من فين نجبلو رودي دا كمان : انشالله دحين حنعملكـ غسيل معدهـ ونجبلكـ رودي طيب
معتصم يطل فيها تعاملها مع المررضه جدن حلوووو ..
: اعناب تقدري تروحي تشوفي شغل تاني ..
خرجت من الغرفه وهيا طفاشنه خلاص مره تعبت من المغربيه وهيا ما انطقت بس رايحه وجاياا وجاياا ورايحه
مهند وحسام من شافوها راحلو لعندهاا : اعناب ها طمنينيا
اعناب تطل في مهند بحقد .. : بخير بس يعملولو غسيل معدهـ .. وحيتنوم لبكره وبعدها خلاص ..
حسام اتنهد براحه : اووووف خوفت والله
اعناب تزكر مهند : اشوفكـ ساحب علي المناوبه ترا ماسامحتكـ انا انكرفت كرف مو صاحي اليوم طيب .. يكون في علمكـ
قالت كلامها وبعدت عنو ..
مهند ياشر علي اليزووره : حسام انتبه لاخوانكـ ..
حسام بطفش : لازم تزكرني بالمصيبه الي انا فيها كل شويا ادري انهم اخواني لاعاد تقلي اخوانكـ
مهند طنشو وراح ورا اعناب : هي بنت عنوووشه
اعناب : لاتكلمني مهند بجد مالكـ داعي ..
: اقلكـ وقفي دقيقه وقفي ..
دخلت علي الدرج وطلعت ومهند وراها .. : مابغا ولا دقيقه ولا غيروو .. انا احط في الجدول المناوبه معاكـ تقوم ما تحضررر .. والله معتصم كرفني وربي ماجلست من المغرب .. حتي روجولي مو حاسه فيهاا .. ولا قدرت اشربلي كوفي او شي يفوقني من مريض لمريض واليوم الطوايء زحمه بغير العادهـ
مهند حس بتانيب ضمير اكتر من الي حاسو بسبب كاسر ..
مسك يدها وجلسها علي الدرج : نتفاهم
عيونها دمعت مره تعبت : لا مابغا خلاص روح ..
جلس قادمها علي ركبوو .. : شوفي روحت خرجنا اخوان حسام من المدرسه ورحت علي هناكـ .. وبعدها امي كلمتني رجعت البيت رقدت علي السرير اريح عيوني شويا راحت عليا نومه .. وماصحيت الا علي مكالمه حسام ..
تبعد عينها عنو دا مره مو عززر : انته دكتور مافي شي اسمو راحت عليا نومه طيب ..
مهند يبتسم : خلاص عنوشه اسف ..
: روح جبلي كووفي
: بس كوفي طيب حااااضرررررر ..
انفتح باب الدرج ودخل مازن .. طل فيهم كدا من فوق لتحت علي الجلسه الي جالسينها ومقربين لبعض مرااا ..
وقف وحط يدو علي وسطوو : مهند ..؟؟!! مو مناوب اليوم
مهند وقف : احم احم .. اشسمو الا بس احم احم ..
مازن : ايوا
مهند يصرف : دكتور كاسر اتسمم اتخيل
مازن من جد اتصرف : دكتور كاسر ايش سمموو ؟؟!!
مهند نزل الدرجيتن : اكلنا كيوي وهوا متحسس منو جسمو زررق وانخنق .. وتو دكتور معتصم قال يحتاج غسيل ..
: اها طيب انته مو مناوب اليوم
كشر مافي مفر : الا بس .. اشسمو ..
: دكتور مهند تدريبكـ حيتاثر كتير بسبب الي بتسووي طــيب ..
اتنهد : اسف دكتور
: الاسف مارح ينفعكـ لو اتاثرت درجاتكـ .. طيب ..
يفرفر شعروو : اسف دكتورر
مازن : قلتلكـ مارح ينفع الاسف
رفع عينو لاعناب : دكتورا اعناب اتفضلي معاياا
وقفت ونفضت المعطف : مااقدر دكتور في ضغط في الاي ارر ودكتور معتصم حيفتقدني
لف فتح باب الدرج : قلت لكـ اتفضلي معايااا
خرج واعناب اتاففت بس دا الي كان ناقصهاا .. مازن وطلباتو الي مالها داعي
مهند : ايش يبا منك
: ايش يدررريني
مهند : يالطيف بريالين اخلاق
: مو انته الي داير علي رجلينكـ من المغرب طــيب
: خلاص روحي لمازن ودحين اجبلكـ الكووفي .. اوف عليكي لا تصيري نقاقه ..
خرجت وارحت لغرفه مازن دقت الباب بهدووء ودخلت : السلام عليكم
ابتسم : اتفشلي اجلسي ..
دخلت وجلست علي الكرسي : دكتوور
فتح الدرج وخرج كرفتتين .. وحده سماويه عليها خطوط رفيعه بالون الابيض .. والتانيه لونها نيلي غامق
: أي وحده احلي
طلت في بتناجه : دكتور عشان كدا نادتني
اتجاهل سؤالها : أي وحده احلي دكتورا اعناب
جاوبت رغم انها متنحه : النيلي
: اها طيب
وقف وفسخ المعطف .. ولبس الكرفته النيلي علي القميص الابيض الي لابسوو ..
وقف قدام المرايه مشط شعرو علي ورااا .. وبخ بختين عطرر ..
ورجع لبس المعطف .. : ادعيلي عندي اجتماع مهم مع الهيئه الطبيه ..
وقفت : اها الله يوفقكـ ..
: اعناب .. احم اقصد دكتورا اعناب .. في مووضعو مهم ابغا اكلمكـ في بس اخلص من الحوسه الي انا فيها وحقلكـ علي انشالله طيب ..
زفرت : لو ماقلت لي دحين حقعد افكر دكتور
: امممم الموضوع لازملو تمهيد
هزت راسها : طيب ماشي ..
اتوجه للباب وفتحوو : اتفضلي
خرجت من المكتب وهيا تتافف .. مالو داعي مناديني عشان اختار كرفته خير ايش قالولو عني ..؟؟
مازن لف عليهاا : كيف شكلي
طلت في كداا وبالفعل عجبها شكلوو .. القميص مرتب ولون الكرفته حلوو .. وشعروو مرتب وريحتو حلوه .. ابتسمت بدون شعوور ..
مازن علي طول ابتسم لابتسامتها : خلاص الابتسامه دي تكفي يعني شكلي جيد
انحرجت : هههههههههه ايواا
قرب لها خطوتين وطل في عينها : اشبكـ
: ولا شي
: لا عيونكـ .. دبلانه
: لا ولا شي بس شغل كتير تحت في الطوارئ بس
: اها طيب .. ادعيلي ..
: طـــيب
ادعيلي دحين ..؟!!
: الله يوفقكـ يادكتور مازن
ابتسم علي الدعووهـ من فمهاا .. رغم انو دايم يسمعها .. بس منها غيرر ..
: امين يسمع منكـ يلا بالاذن وانتي اتفضلي علي شغلكـ
: طيب
لفت عنو وهيا تتنهد .. وماتدري ايش السبب



~~~~~~~~
A6baa fe al-7o0b
~~~~~~~~




زهاد وقفت قدام السياره وهيا معصبه ..
نزل السواق فتحلها الباب رمت شنطتها ودخلت .. : سلام
اهداب بتعجب : وعليكم السلام مساء التعصيب
اتكتفت وحاولت تبتسم : مني معصبه متنرفزهـ
: هههههههههههههه كولهم اخوان .. اشبكـ ايش منرفززكـ
: وحيد السخيف دااا ..
: وي اشبو ايش سوالكـ هاا
: سخيف ماعليكــي
صلحت جلستهاا : ها حسان حيكون هناكـ ..
اهداب مشقت : ايوا اكيد .. ايش حتسويلوو ..
: مارح اسويلو شي طبعا اجلسي معا وبينيلو كيف انكـ ماصرتي مهتمه بي .. ودا لحالو يكفي
اهداب ترمش : اخاف اضعف قدامو وحشني مراا ..
: لا ماتضعفي ولا شــي .. خليكي عدله قال تحبي قااال ..
اهداب تزفرر بطفش : طبعا ايش يعرفك عن الحب انتي
اهداب تفكرر في وحيد وكاسر .. وتضحك : هههههههههههههههههه مارا ماعرف للحب حدي اعجاب لحد النوخاع وبس وي وي يانو كاسر دا شي ماحصلشي
اهداب قلبها ينغزها من زهاد تجيب سيره كاسر : ليش ايش ساوووااا
زهاد شهقت : ماحكيتكـ يعنـــي ..
اهداب : لا يابقره ايش في
: جاااني هيثم الهم اليوم المستشفي ..
جا دور اهداب تشهق : ليش ايش يبغا الحيوان
زهاد كشرت .. : ايش يبغا غير المشاكل الحماااار
اهداب : طيب وايش صااار
زهاد تبتسم : كاسر ضربوو ههههههههههههههههههههههه
اهداب بتعجب : ليش يضربو اشلو يضربوو
: كدا سمعو يتفلسف علياااا .. واحتكو في بعض وكاسر كسرلو خشموو .. ياني نفسي ابوس ايدوو هههههههههههههه
اهداب : مره مالو شغل .. اشلو يضرب هيثم والله انو ملقووووف
: لا مررره صح علي اساس شكلو حس انو هيثم شريرر .. والله كسرلو خشمو الواطي .. حتي لما خرجنا من المستشفي من كتر معصب نزلني بيتي وراح ولا قال أي كلمه زياده ..
اهداب مقهوره لان كاسر ماقلها .. لانو متعود يقلها علي كل شي يخص .. زهاد بحكم انها صحبتهاا ..
: اهااا طـيب ..
: وكمــ...
قبل تكمل كلمتها رن جوالهاااا رفعتو وطلت في الاسم .. وزفرت : لا ياااربي ايش يباااا ..
اهداب : مين مين ..
صقعت راسها : لاااااااا هيثم هيثم .. اوف ياررربـــي ..
: ردي علي شوفي ايش يباا ..
: ايش حيكون يباا يعني
: ردي طيب ..
رمت الجوال في الشنطه : مارح ارد .. خلي مع نفـــسووو ..
الا شويا صوت بورري السيارهـ علي .. والسواق وقف ..
اهداب تدق علي الشباكـ الفاصل : ايش في .. كياا
: في سياره وقفت قدامنا ومو راضيه تمشي ..
اهداب نزلت القزاززز وخرجت راسها وزهاد نقزت تطل هيا كمان ..
: ايش دا
: مين دااا
: خلصت الاماكن يعني .. الا قدامناا
زهاد تطل في السايرهـ وتكشرر : لااا لااا
انفتح باب السيارهـ ونزل هيثم لابس قميص احمرر مع جنزز ماسكـ .. وشوززز راخي لونو وردي غامق ..
صلح شعرو ولف طل عليهم ببتسامهـ ..
اهداب : لااااااااا هيثم ..
زهاد دخلت راسها بسرعه .. : شكلو كان عند البيت لا ياربي اموووت ..
اهداب دخلت راسها بخوف هيا كمان : ايش يحس في داا ..
هيثم وصل لسيارهـ وحط يدو علي حافه الشباك المفتوح : سلام ياموزز ..
زهاد ترسم علي وشها ملامح متفاجئه : هيثم ياهـ ..
هيثم يقلدها : وووو زهاد ياااهـ
اهداب ماقدرت ماتضحكـ : هههههههههههههههههههــ ..
هيثم طل فيها كدا بلا مبالهـ .. ولف علي زهاد : ماتردي علي جوالكـ ..؟
خرجت الجوال وطلت في : اووووهـ سوري الجوال سايلنت
هيثم رفع جوالو بسرعه وطلب رقمها ورن في يدهاااا .. وملامحها صفرت : اجل صامت ..
: لا مادري وووو كان صامت دبابه انتي حولتي ..
اهداب بفجعه : لا ما مسكــت جوالــ
غمزات زهاد سكتتها : اقصد ايوا قبل شوياا .. احم احم
هيثم كافش ترقيعاتهم : يلا اتفضلي ..
زهاد بترجي : لا بروح مع دبابه رايحين الصالون مارح نطول ..
: انا اوديكي الصالون انزلي خلصيني ..
: لا هيثم انــا ..
سكتت لما طل فيها طلات تخووف : انا بستنا
راح وتركهم زهاد زفرت وهيا تشيل شنطتها : ياااربي اموووتـ ..
: قولي يارب هيثم يمووت ..
: يارب كولنا نموت ياشيخه اوف بس ..
كيا فتحلها الباب ونزلت
اهداب : هي هي ايش اعمل مع حسان ..
: مادري ياشيخه خليني في الي انا في .. بلا هم
قفلت الباب بعصبيه وراحت لسياره هيثم ..
اهداب طلت حوالينها طبعا مارح تروح لحسان لحالها عشان كدا رفعت جوالهاا .. وطلبت رقم كاسرر ..
رد عليها حسام .. : ايوا مــين ..
كشرت : كاسر
: لا كاسرررر مريض مين انتي ..؟؟؟
تنحت : مريض ..
: ايوا جالو تسمم .. مين انتي ..
: انا انا انا فينو هوا دحين
: انتي مين بعدين اقلكـ فينوو ..
: انا اهداب اختو ايوا اختوووو
حسام يكشرر مرهـ ماهي اختو : طيب هوا في مستشفي الـ .... اساعدكـ في شي تاني ..
: لا شكرن
قفلت الخط : كيا علي مستشفي الـــ ....
يهز راسوو كالعادهـ : اوكـ مس ..
في سيارهـ هيثم مشغل اغنيه قديمه بيــض .. ومستمتع بيهاا ..
وبعد فتره سكوت طويله .. لف عليها : ايوا مين المحترم اليوم .. ؟؟
طلت في الصقه علي خشموو .. وضحكت علي طول : ههههههههههههههـ مين .
طل فيها بنص عين .. : مابنكت
: وانته دا سؤال .. مين يعني دكتور واسمو كاسر زي ما شفت وعرفت
: مو دا الي بسال عنو انتي عارفه ولا تسوقي العبط عندي لا اوضبكـ
خافت من نبرتو لما قلبت : انا بس ايش اقول
: مين هوا يعركفـ تعرفي ليش يدخل ؟؟!!!
اهداب بسررعه : لا والله ماعرفوو ماعرفوو ..
: وقف في الاشاره ولف عليهاا وضيق عينو بتهديد : زهاد لو عرفت انكـ تعرفي باي شكل من الاشكال تعرفي ايش حيصيرلكـ فاهمه ...؟؟
بلعت ريقها بخوف : والله ماعرفوو والله ..
سند ضهرو علي وراا .. : طيب اتركي الشنطه ..
زهاد بسرعه تركت الشنطه : ليش ..
: حطي حطي الجوال ..
حطت الجوال في الشنطه وطلت في بتعجب : ايش في هيثم ..
طل في رجلها : فسخي الشووزز
زهاد بدت تخاف : ايش في هيثم
اشتغلت الاشارهـ وبدت البواري تضرب بازعاج ..
هيثم صرخ : خلصيني .. هيااا ..
زهاد فسخت الجزمه الراخيه وعلي راسها علامات التعجب والخوف : ايش في هيثم ..
اشرلها علي الباب : انزلي هيااا .. خلاص ..
زهاد بصدمه : هيثم انا هيثم ..
اتقدم لعندها وفتح باب السيارهـ : قلت انزلي
زهاد تطل في الشارع والسيارت والبواري المزعجه من السيارت الي خلفهم .. وعيونها غرغرت
ليش يحب يسوي كدا ليش يستمتع وهوا يبهدلها كسرلها اصابعها بهدلها وبهدل اخوها وقرفهم في عيشتهم .. كل دا مو كافي
هيثم رفع رجلو ودفهاا : قلت انزلي بسرعه وراياا ناس ..
زهاد نزلت وداست علي الاسفلت برجلها الحافيه : هيثم اسمع هيثم .. هيثم ..
مد يدو وسك باب السياره ومشي
وزهاد من الصدمه والتحطيم والفجعه واي شي ماقدرت تمشي .. واقفه في نوص الشارع والسيارت من حولينها تعدي مع اصوات البوااري المزعجه
ماقدرت تتحرك بس تطل حولينها بخوف ..
صارت تسمع تعليقات من الناس الي بيتعدوو . حولينها بشويش ..
وقفت سيارهـ جنبهاا .. ونزل منها ولد موز بمعني الكلمه .. لابس اسود في اسود .. وسيارتو كمان كشخه ..
مسكها من يدها سحبها بقوه دخلها السياره وسك الباب ..
لف رجع مكانوو ومشــي ..
زهاد تحت تاثير ماندري ايش .. صارت ترمش بفهاوه وتطل في الولد .. وكيف ملامحو جزابه والسوالف مرسومه بدقه وخط الشنب الرفيع معطيلو جازبيه شي اخرر .. غير النغز الخفيفه الي علي خدو الي تبان عند اقل حركه وتكــشيررهـ ..
تركت ملامح وشوو وطلت في ايدوو والساعه الانيقه الي ملفوفه حولين معصموو .. والي تنم عن ذووق رفيع وعاالي ..
نسيت الي هيا في وابتسمت وهيا سرحانه في وتفكر عارفين في ايش .. في الاستغلال اكيـد ..
لف عليها لما وقف عند اشارره : شنو عندكـ بنص الشارع ..؟؟!!
زهاد خقت مع الكلنه .. : انا انا اشسمووو .. ايواا
ابتسم علي تلبكها : سؤال واضح ايش عندكـ بنص الشارع .. تبين تنتحرري ..
هزت راسها : لا لا ابدن لاا ..
: اجل .؟؟!
: بس انا ايوا اضاربت مع صحبتي ونزلتني من سيارتها كنا واقفين في الاشاره بس ..
: وخذت شوزكـ وخزت شنطتكـ وكل شي .. وتركتيهاا ..
حست انو كافش كدبتها : ايوا ايوا مره عصبت منها كان همي انزل وبس ..
: همك تنزلي وبس .. ويوم نزلتي واقفه بنص الشارع ..
عصبت منو اشبو معلق علي نوص الشارع .. رخت عينها ولفت عنو
: اوصلكـ مكان .؟؟
: لا ايوا لا اقصد ايواا ممكن جوال ..
خرج جوالو واعطها هوا : تفظلي ..؟؟!!
طلبت رقم اهداب بسررعه وحطت الجوال علي ادنها ولصقت في القزاز عشان لا يسمعها
اهداب تطل في الرقم وترد بحذر : مين ..
زهاد بسرعه .. : الو دبابه الحقيني
اهداب بتعجب .. : ايش في ..
: هيثم نزلني من سيارتوو .. تخيلي في نص الشارع واخد جزمتي وشنطتي وجوالي ايش اسااوي
: فينكـ دحين من فين بتكلميني
سرقت نظرهـ سريعه للولد : مو وقتو دحين ارجعيلي بسررعه
اهداب تطل في المستشفي : ماقدرر صحبه ماما في المستشفي ووصلتها دحين ..
: اهداب بلا في شكلكـ انزلي لصحبه امكـ وارسليلي كياا ..
: اوف مادري كيا مايمشي بدوني ..
: عمي في عينكـ طـيب فينكـ اجيكي ..
اهداب نزلت من السيارهـ وتحاول تصرف زهاد تبغا تشوف كاسر : في مستشفي الـ .. .. اشوفها بسرعه واجيكي
: لا دبابه ايش الي تشوفها انا في سياره واحد ماعرفوو
اهداب : اقلكـ انا دخلت اكلمكـ بعدين
قفلت الخط في وشها
وزهاد صقعت الطاقه بقوهـ : وجع وجع وجع ..
طل فيها بتعجب : اقدر اساعد ..
طلت في بكسفه واصطنعت ابتسامه ترقيع : ايوا ايوا حم احم .. معليش وديني للـ ..
ووصفتلو بيت اهداب ..
طبعا تفكيرها اولا واخيرن في الكشخه .. تسوي انو بيت اهداب بيتهاا .. وانكسفت توصفلو حيها المعدوم
الولد ابتسملها وشغل برنامج تحديد الاماكن في السيارهـ .. واتكلم بصوت هادي .. قال اسم الحي والشارع ورقم الفله ..
ولف عليهاا بنفس الابتسامه الي وقفت قلبها : نوص ساعه وحنكون هناكـ
ابتسمت ابتسامه مغزليجه رغم انو .. شكلها مبهدل .. : طيب
لف يطل في طريقوو ومتنساي وجودهااا
وزهاد كل شويا تسرق نظرات لوو وتهف علي وشها بشويش .. أيش الادمي دا الي ربي طيحني علي ..
وطبعا تفكر كيف تجيبووو .. وتشبكوو .. وتسحب منووو .. دا شغلها الشاغل ..



~~~~~~~~
A6baa fe al-7o0b
~~~~~~~~



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 212
قديم(ـة) 12-05-2011, 03:49 AM
صورة kem sokr الرمزية
kem sokr kem sokr غير متصل
ايش هيا الدونيـا بدون هبــل .. ؟
 
الافتراضي رد: رواية أطباء في الحب / بقلمي


حنين جالسه قدام ندي في كووفي مفتووح علي البحررر .. كل وحده في ايدها كوبها وسرحانه ..
طرحهم بتطاير بنعومه .. واغنيه فيرووز معطيتهم جو رومانسي ..
لكن للاسف الي بيفكرو في مو رومانسي ولا جنب الرومنسيه
تفكيرهم في خوطه ينتقمو فيها من حسام .. ويشوهو صورتو قدام مهند .. او بالاحري يخلو يشوفو علي حقيقتووو ..
ندي بطفش : خلاص ماعندي افكاار
حنين تحط يدها علي خدها : اكرهو واكره جمانه ..
: حتدوامي بكره
: طبعا حداوم مع نفسهم لا ابوهم ولا ابو من خلفهم
: ايش دخل ابائهم دحين
: دخلهم انهم خلفو عيال كدا وماربوهم عدل الله ياخدهم كولهم
: لا تدوامي بكره
: طبعا حداوم وحريقه فيهم كولهم .. اخ بس يا ندوو جمانه من فينلها كل دا الشي دا حيجنني
ندي بحيره : جمانه مايعجزها شــي ..
: الموصيبه ايش دخل صوركـ انتي ..
ترفع كتوفها : مادري ياشيخه لاتزكريني .. والله ولا ادري انو هوا حسام
حنين تتنفس بطفش : المووضع كلو فيلو انه .. ياخوفي من بدايتو لنهايتو تخطيط من جمانه الواطيه دي
ندي تهز كتوفها : اكيد واطيه وماعندها الا الوطايه
حنين تكشرر : عشان تعرفي لما اقلك ابعدي عنهم تبعدي ..
ندي تصرف : مو موضوعنا ايش حتعملي مع حسام ..
زفرت ورخت راسها علي الطاوله : مادري مااادري ياشيخه ساعديني
: انا كمان مااادري
حنين تاشر باصباعها : اوس خلينا نفكــررر تاني
: طــيب سكتناا ..
رجعو سكتو وخشوو جووو مع اغنيه فيرووز
في جه تاني من الكوفي .. اجوان ونسيم ومعاهم كم بنت من البنات الي مالهم داعي في الحياه
وميتين ضحكـ .. علي نفسهم
اجوان واقفه من الحماس : وبس اختي شغلت التسجيل .. والبنت لو تشوفي وشها كيف قلب الوان ههههههههههههههههههه وربي تشخوو ..
نسيم باسف : اه ليتني في الجامعه معاكم
: هههههههههههههههه خليكي احسن هنا الجامعه فيها بهادل
: احلي شي ..
: طيب وهوا الي هوا صاحب اخوها من جد ..
: ايوا صاحبوووو .. وهيا مسويا شررريفه ..
نسيم تفكر في مهند كيف مؤدب وخجول حتي لما طلت في خدودو حمرت .. اكيدد اختو مؤدبه زيوو .. ماحبت الي صارلها او بالاحري الي اجوان واختها عملو بس ماحبت تبين
اجوان تفركـ بطنهاا : يلا نطلب اكل .. جوعت انا
البنات كلوهم : اوكـي طـيب نطلب ..
اجوان : بما اني واقفه حطلب واطلبلكم .. كل وحده تقول ايش تبغاا سرريع ..
البنات كل وحده صارت تقول طلبها علي السريع .. واجوان تكتب في الجوال
: قومي معاياا نسوو
نسيم وقفت وصلحت عبايتها والطرحه : طيب يلا ..
خرجو بين الطاولات .. وهما يهرجو في كزا هرجه شويا نسيم بلمت لما انتبهت لحنين حاطه راسها علي الطاوله .. وسرحانه ..
بعدت عينها بسررعه ..
لكن اجوان كفشتها وطلت مكان مابطل .. ومشقت : يع هيا هناا ..
نسيم تسوي انها ما انتبهت : ايش في مين هياا
: تاشر بيدهاا : العفنه دي .. هههههههههههههههه مادري باي وش تخرج .. بعد فضيحتها
نسيم تسحبها : ماعليكي منهاا امشي نطلب
اجوان تموت في المشاكل .. : لا لاا
قربت لعند طاولتهم وتتكلم بصوت عالي : انا مكانها اروح امووت
حنين رفعت راسها وعرفت الصوت الوسخ دا علي طول ..
طلت في اجوان وهيا تمسكـ اعصابها لا تروح تطب عليها تقتلها وتطلع كل حرتها من اختها عليهاا ..
ندي كشررت : اجوان ايش تبغي
التفتت عليها وانها توها تشوفهم : يااهـ انتو هنااا
طلت في حنين وضحكـت ضحكه مستفززهـ : ههههههههههههههههههههههااي انتي هنا كمان
حنين وقفت واتقدمت خطوتين : ايوا هنا
ندي وقفت بسرعه تعرف قد ايش حنين عصبيه ووممكن ماتقدر تمسكـ نفسها
وقفت قدامها : اجوان اقصري الشر
اجوان بلا مباله : هوا انا سويت شر ههههههههههههههههه
نسيم تسحب اجوان : يلا نروح نطلب ..
حنين طلت في نسيم بقرف .. دي الي يعرفها مهند كمان تطلع صاحبه اجوان يالله أيش القرف دا الي انا في ..
اجوان ماعجبتها ردة فعل حنين .. كانت تبغها تصرخ تسوي شي ..
بس حنين حست انها اكبر من كداا ..
لفت ورجعت جلست مكانها وهيا تشد علي يدينها تحاول تمسك اعصابهاا ..
نسيم سحبت اجوان بالقوهـ : امشي اقول
اجوان راحت علي مضض .. طلبولهم الي مشتهينيو .. وحنين طلبت عصير جوافه مسكتو في يدها وعلي فمها ابتسامه
رن جوال نسيم طلت في اسم اختها وكشرت : ايواا ..
نسيم بختصار : انا و بابا في المستشفي تعبان شويا ومخنوق قلت اقلكـ يعني فلو عندكـ شويه دم تعالي علي المستشفي ولو ماعندكـ دم ودا المتوقع خليكي في الي انتي في ..
خلصت كلامها وقفت الخط في وش نسيم ..
نسيم بلمت : بابا في المستشفي
اجوان بقله زوق : هههههههههه وايش يعني ابوكي كل يوم والتاني في المستشفي ..
نسيم طلت فيها بتكشره ولفت عنهاا راجعه لطاوله تاخد اغراضها وتروح لتسنيم ..
اجوان مشيت وراها وهيا تطل في الطاولات الي علي اليمين .. ولما وصلت لطاوله حنين عملت انها اتعكفت رجولها .. وكبت عليها عصير الجوافه وابتسمت : اوووبس ..
حنين وقفت وشهقت .. وندي ولعت .. ونسيم زفرت بطفش .. ايش تحس في اجوان
اجوان : اووبس سووري .. حطت الكوب علي الطاوله ومشت وعلي فمها ابتسااامه ..
حنين اتجاهلت عصير الجوافه الي مكبوب علي عبياتها وصارت تركب الامور في بعض ..
الصوره لما كانت مع مهند حسام في الــ .. ووقتها كانت اجوان الهم مع حسام .. يعني اجوان تعرف حسام بالتالي حسام يعرف جمانه .. ؟؟
يعني ممكن .. يكون .. شهقت : ندوووو
ندي مسكتها تحسبها تبغا تروح ورا اجوان تلطشها : اسمعي صلي علي الــنـ
حنين قاطعتها : عرفت الصوره من فين جاااتــ
: مــن فـــين ..!؟؟؟
في الجه التانيه اجوان ماشيه وهيا تغلي : كبيت عليها العصيررر ولا سوت شي ولا اتحركت اشبها صايره باردهـ وجع
نسيم : يعني تبغي مشاكل تدوري مشااكل
اجوان بعصبيه : ولا شي غير المشااكل
بعدت عنها والجوال في ادنها : رايحه لاوختي .. كلو بالعافيه ونكشي علي المشاكل لين تطيح فوق راسكـ
اجوان : هي اصبررري
نسيم خرجت من الكوفي وهيا مقهوره علي حنين ماتدري ليش حزنت عليها ولا عشانها اخت مهند يمكن ؟؟!! ماتدري ايش السبب الموهم ماعجبها الي بيصيرر ..




~~~~~~~~
A6baa fe al-7o0b
~~~~~~~~



جلست جنب ابوها بعد ماركبولوو الاكسجين .. وسحبو منو دم .. عشان يجروو شويات فحوصات ..
وعلي قد ماهي مهتمه في .. معدل الضغط والدم مو طبيعي ابد ..
حاطه يدها علي راسو وبطل في بقلق .. كل ماتشوفو بدا الوضع افكارها تروح لابعد مكان وانو مات وكيف حتكون حياتها بدونو .. كيف حتقدر تعيش من غيرووو ..
بدون شعور دموعها ادحدرت ونزلت من عينها ومشيت علي خدها الناااعم وقطرت من خدها علي جبه ابوهاا ..
حس بيها فتح عينو وابتسم : ليش بتبكي يابنتي
مسحت دموعها بسرعه : لا ماببكــي ..
رفع يدو ومررها علي خدها : الا بتبكــي .. لا تخافي انشالله مارح اموت لما ازوجكـ انتي واختكـ واطمن عليكم ..
رجعت عينها اتعبت دموع : لا تقول تموت ومدري كيف بابا
: انتي دكتورا يابنتي .. وشايفه انو وضعي كل مالو يدهوور .. الحمد لله علي كل حال
دا الي ماتبغا تقنع نفسها بيلو : لا انته بخير بابا انته بخير لا تقول كدا
: اذا انا بخير انتي ليش بتبكي
تمسح عينها وخشمها : لا ماببكي بس انا ماببكي بابا ..
شال يدها وباسها : الله يرضالي عليكي يابنتي ..
رجعت تبوس يدو وراسوو : ولا يحرمني منكـ ياباباا ..
طـيب انا بخير دحين متي حنمشي
طلت في باسف : حتتنوم اليوم بابا ..
انرسمت ملامح ضيقه : قلتكـ مابغا اجي هناااا
نزلت يدها علي صدروو : بابا بس عشان يطمنو عليكـ بس يوم واحد واللهـ ..
: مابغا اتنوم ياتسنيم مابغا اتنوم
: لازم يابابا عشان الفحص
سكت ولف وشوو عنها بضيقه ..
تسنيم قلبها مايتحمل كل دا .. ابوها تعبان .. وصحتو مو كويسه .. وكمان مضايق ..
: بابا بس يوم واحد
هز راسو : طيب .. ناديلي الممرضه تعطيني منوم .. ابغا اليوم يعدي بسررعه
تمسح عينهابقفا يدها : طيب
باست راسو وخرجت من الغرفه وهيا متحطمه .. وخايفه تفقد ابوها الي حالتو كل مالها بتزداد سووء ..
تكت علي الجدر واتناست وجود يامن وبهاء .. وماجد .. والي ماتدري ايش يبو منها التلاته ..
في الممشي هما التلاته
وصلت بيتها هما التلاته
وصلت المستشفي هما التلاته
خرجت من غرفه ابوها وتلاقهم هما التلاته واقفين لها
ماعندهم اي شغله تانيه في الحياهـ ..
جلست علي الكرسي ودفنت وشها بيدينهاا .. وسيبت بكيتها تطلع وبصووت .. ماتحب تبكي قدام ابوها عشان لا يسمعها كلام يزعل .. كولنا حنموت .. وانا صحتي مو كويسه ومش عارفه ايش ..
بهاء وماجد ويامن يطلو في بعض .. وكل واحد يستني التاني يتقدم عشان يعترض طريقوو ..
ماجد طل فيهم بحقد قبل مايلف ويتركـ المكان ..
يامن وبهاء واقفين وكل مين يرمي لتاني طله ..
لين رن جوال يامن .. راح لعند تسنيم .. : انا حمشي طـيب ..
هزت راسها بدون ماتطل في
: عمي حيتنوم
هزت راسها انو ايووواا
: اذا احتجتي أي شي كلميني ..
هزت راسها انو طيب ..
يامن يتنهد .. : طيب انا مارح اتاخر ..
لف عنها وراح وخلي الجو لبهااء .. راحلها بسرعه وجلس جنبها : اشبكـ تسنيم
استمرت في البكا ولا عبرتوو ..
بهاء سند ضهروو علي الكرسي .. وتركها تبكي لين تشبع ..
بعد فتره .. وقفت وهيا تمسح عينها بيدها .. بهاء وقف بسرعه واعطها منديل ..
اخدتو ومسحت عينها وخشمها كويس ولفت وهيا تكلم نفسها : بابا يبغا منوم ..
: طيب اوكــي
مازلت تكلم نفسها : بابا مافي احد يرافق معااا
بهاء يفكر ماعندهم عمان خيلان اولاد عم اقارب أي شــي .. : اهاا ..
تسنيم : ليتيني ماجبتوو ولا انو يضاايق
بهاء معها علي الخط : اهاا
لفت علي وصرخت : مابكلمكـ بكلم نفسي ..
بهاء نشف من صرختها ووقف مشي : طــيب ..
راحت لنيرس طلبتلو منووم .. خفيف .. ورجعت جلست علي الكرسي وهيا تحس حلقها ناشف جيعانه وعطشانه وكمان قلقان .. والتفكير الكتير تحسو طير كل طاقتها ..
طلت حولينها فينهم الثلاثي القلق .. : كولهم اختفو فجااءهـ ..
افتقدت بهاء دوبو كان وراها فينوو .. اتزكرت انها صرخت علي ..
وقفت ورجعت من نفس الطريق تدور علي : بهااء ..
: بهاااء ..
خرجت من القسم وطلعت لمكتب ماجد اكيد هوا هناكـ ..
وصلت للمكتب دقت الباب بهدوء .. نو رد ..
جاها صوت ماجد من وراها ومره قريب منها : اتفضلي ادخلي
لفت ولصقت في الباب : لا بس بهاء بهاء بدور علي
ماجد بكدب : بهاء مشي راح لبيتوو ..
بتحطيم : رااح
ماجد اتقدم وسند يدو علي الباب جنبها يقفل عليها الطريق .. وبيدو التانيه فتح الباب
: اتفضلي ارتاحي اشربي شي
بخوف : لا بابا تحت باب لازم ارحلو
ماجد مايبغها تخاف منو .. نزل يدو وباسلوب مؤدب ومقنع : باباتكـ حولبنو الممرضين .. اتفضلي ادخلي
تسنيم طلت في الكرسي ودخلت جلست علي بدون مقدمات وسندت ضهرها .. تحس الخوف من ماجد تلاشي .. فجاءه كدا ماعاد في داكـ الخوووف
قفل باب المكتب وصار يطل فيها خوشمها محمر عيونها محمره خدودها محمره .. كل شي محمر بسبب البوكاا .. اتمني شي واحد في دي الحظه .. يضمها ويمسد علي ضهرها .. يحسها تحتاج ضمه وبشدهـ
راح لمكينه الكوفي وعملها كوب واعطها هو : لا ترديني
حست انها محتاجه لو اخدتو بدون تردد وبدت ترشف منوو .. بهدووء ..
ماجد وقف وخرج من المكتب : ثواني ..
طلت في بلا مباله ورجعت ترشف من الكوب وبالها عند بهاء .. معقوله زعل وخرج من المستشفي .. ؟؟!!
بعد دقايق رجع ماجد وفي ايدو كروسان بالجبنه وبالزبدهـ .. وكووب شاهي .. ومويا باردهـ حطها علي الطاوله الصغيره وجلس قدام تسنيم ..
: اتفضلي
كان نفسها ترفض .. بس الجوع عامل عماايلوو .. والكروسن كدا شكلو يشهي والبخار بيطايرر منو
اخدتلها حبه بسرعه وقطمت منهاا .. قطمه كبيره .. متعوده لما تحزن ولا تبكي تطلع حرتها في الاكل ..
خلصت الحبه في ثواني وشالت التانيه ..والتالته .. والي بعدوو .
وماتصحي الا والصحن البلاستكـ فاضي .. وماجد بيطل فيها ببتسامه ..
شالت المويه فتحتها وشربت كميه كبيرررهـ .. قبل ما تنزلها وتتنفس براحه ..
فجاءهـ وبدون قصد كرعت .. فاقت للواقع حطت يدها علي فمها بصدمه ..
ماجد ماقدر يمسك نفسوو : هههههههههههههههههههههههههههههه
تسنيم وشها قلب الوان .. اخضر اصفر واخر شي حمر وقربت تنفجر ..
ماجد لا تدورو علي .. شافها تشخر وفاتحه فمها .. ودحين يسمعها تكرع اقوي شب
:هههههههههههههه
نسيم كل مايضحك بزيادهـ وشها يزيد حمار
ماجد انتبه لنفسوو وحسها حتبكي من الكسفه : عادي خدي راحتكــ .. أيش التكريعه دي ..
: لا احم انــا .. اسفه ماقصدت
مازن شال نفس قاروره المويا وشرب منها كميه كبيررهـ .. وبعدها بلع ريقوو وطلع تكريعه قويه ..
تسنيم قرفت علي طول وكشرت ملامحهاا : .. دكتوور
ماجد يضحكـ : هههههههههههه .. حتي انتي كرعتي ..
تسنيم : ههههههههههههههههههههه دكتور .. هههههههههههههههه
فجاءه صارو يضكحو هما الاتنين بهبل .. ..
انتفح الباب ودخل بهااء .. من شافو سكتو وكل واحد ملامحو لسا فيها اثر الضحك
بهاء اتعجب .. تسنيم .. وماجد .. وجالسين مع بعض وضحكاتهم تنسمع من بدايه الممر ..
: ؟؟؟؟؟
ماجد انبسط انو بهاء جا وشافهم بيضحكو .. : اتفضل بهاء ..
بهاء يتجاهل ماجد : تسنيم في حال ابوكي يحتاج مرافق اقدر اجلس معاا ..
تسنيم وقفت وراحت لوو : بهاء سوري اول عصبت بس ماقصدت
ماجد راحلهم : مايصير ترافق انــ
بهاء يقاطعو : بكلم تسنيم ..
تسنيم : بهاء زعلت مني
ماجد انفرس .. اشبها مهتمه اذا زعل او لاا
بهاء ابتسم : لا تعالي نشوف ابوكـي اذا اقدر ارافق معا او لاا
اتحمست : طيب
لفت علي ماجد : شكرن دكتور علي الكرسوون ..
خرجت وقفلت وراها الباب
ماجد حط يدو علي وسطو واتنهد .. ايش مسويلها بهاء .. ليش تعاملها معا غيرر .. ايش معنا ايش بيسويلها هوا ..
شد شعرو وزفرر : اوووووف ..




~~~~~~~~
A6baa fe al-7o0b
~~~~~~~~



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 213
قديم(ـة) 12-05-2011, 03:50 AM
صورة kem sokr الرمزية
kem sokr kem sokr غير متصل
ايش هيا الدونيـا بدون هبــل .. ؟
 
الافتراضي رد: رواية أطباء في الحب / بقلمي


في نفـــس المستشفي طبعا .. بوت في جه تانيااا ..
كاسر راقد علي السرير ومعطيهم ضهروو .. >> زعلان جدن ومايبغا يكلمهم
والشباب ناشبين لو نشبه مو صاحيه ..
مهند : ياخي ايش يدريناا
حسام : طيب طل في الناحيه الاجابيه احنا دحين في المستشفي
كلهم طلو في حسام بتكشيره
حسام يدارك المووضع : اقصد كولنا حولينكـ
بدر طلع علي السرير جنب كاسر : كاسر خلاص لا يصير دمك تقيل
كاسر ابتسم علي جمله بدر طول عمرو دفش ..
هلال طلع جنب بدرر : هيا كاسر خلاص لا تصير زعلان ..
حسام يدف قمر : روحلو يلاا ..
قمر لف من الجه التانيه : كاسر قوم بعدين تجيكـ الدكتورا تظزكـ ابرا انته حر
كاسر : هههههههههههههههههههههههه ..
الشباب اتنهدوو : اخيررن ..
كاسر رجع لسكوتو وبالفعل مو ناوي يكلمهم .. بسببهم .. حيتنوم في المستشفي .. صح انضف من غرفه حسام .. بس برضو اسمها مستشفي .. والواحد مايحبذ النوم فيها ..
بس حيطل من الناحيه الاجابيه علي قول حسام .. بكرا اجازه عن التدريب وحيتمدد طول اليل في السريرر يتقلب ويتامر علي حسام ومهند بالتحديد حيطلع عينهم
حسام زفر بياس .. : خلاص شباب يلا نمشي بزوروا وراكم مدرسه
مهند اتقدم ومسد علي كتف كاسرر وهوا حاسس بتانيب الضمير : اسفين من جد ترا اسفين
وسام اتقدم ونفس الشي : يلا اسفين وماتشوف شــر ..
حسام : ابو كسررهـ .. لما تبطل زعل حتاسفلكـ اما دحين مع نفسكـ
بدرر .. : ابغا اجلس معاا ..
حسام : هي هي اقول قدامي قدامي
بدر مسكـ يد كاسر : حرام يجلس لحالوو .. ابغا اجلس معاا
حسام : هي ابو هند امسك امسكـ ..
مهند مسك هلال وخرج ..
حسام : هي وسااام يلا امسكـ ..
وسام مسك قمر وخرج بيلو وحسام قرب يشد بدر : يلا خلصني انته التاني ..
بدر ماسكـ يد كاسر : مارح اروح بجلس معاا
كاسر اخيرن نطق بكلمه : اتركه ..
بدر بسرعه : اتركني ..
: هي من جدكـ طفل ممنوع يجلس هناا .
كاسر : اقول خلي وهويني انا اتصررف
حسام : ابو كسره ترا احسن لي تخفف عني .. بس لو تتصل عليا تقلي تعال خدو ار***** فاهم
كاسر كشر علي الكلمه : روح زين .. ولا تقول ذا الافاظ قدام اخوكـ الصغير
حسام دا الي ناقصو نصايح من كاسر .. خرج من الغرفه ورقع ورا الباب ..
بدر طلع جنب كااسر .. : حكيني
كاسر : ياليل بديناا ..
برا مهند واقف بيستنا حسام .. وقدامو هلال بيتانكف معاا ..
من شاف حسام لحالو : فين بدرر
: بدو يجلس مع كاسر يصطفلووو
مهند : مايصيرر
حسام متوجه خارج من القسم : قلت يسطفلو
مهند ورا وافكارو بعيد : كيف يصطفلوو مــ
سكت لما شاف نسيم داخله وبتتلفت حولينها والظاهر مضيعه المكان الي تبا تروحوو
تركـ هلال : اجري امسكـ حسام
هلال بسررعه جري ومسكـ حسام من بنطلونوو ولف يضحكـ لمهند
مهند مالقالو بال راح لنسيم : نسيم مسا الخيررر
نسيم من شافتو خقت : مسااء النور مهند .. كيف حالكـ
مهند : بخير الحمد لله ايش عندكـ في المستشفي عسي ماشرر ..
: ايوال ا بس بابا تعبان شويا وشكلو حيتنوم هناا ..
: يوو سلامات مايشوف شــر يارب
تسنيم : ممكن اعرف فين القسم دال جناح الف ..
: الدور التاني من المصاعد الرئيسيه .. تاخدي يمين ..
ابتسمت : طيب شكررن
مهند : في الخدمه شي تاني كمان
نسيم ولوله سرحت في حنين والي سوا فيها البنات وحسام .. والصور والتسجيل .. وكل دا .. يمكن يساعد اختووو ..
: امممم ايوا اممممم في هرجه بقلكـ عليها بعدين طـيب
مهند يتكتف : ليش مو دحين ..
: لا اشسمو .. بابا بابا واختي فوق بيستنوني مايمدي دحين
مهند ويفكر ايش ممكن يكون المووضع : اها طــيب ماشي
نسيم تحمسو : ترا مووضع مره مهم
: اوكـي .. مااشي ..
قربت لعندو مــرهـ وقربت خوشمها : ريحتكـ حلوه
مهند بعد علي ورااا وخدودو حمرت : طــيب ..
رفعت يدها ومشتها علي بلوزتووو ومسحتها علي خدها وضحكت : باخد من ريحتكـ شوياا
مهند بلم : طــيب ..
لفت عنو : شكرن اشوفكـ وقت تاني ..
مهند الشريط عندو علق : طــيب ..
طل فيها لين اختفت عن عينوو .. حط يدو علي صدرو واستغرب لما حس دقات قلبو سرريعه ..
ناهيك عن الحرراه الي بيحس بيها بسبب لمساتهاا ..
مو متخيل الجراءه الي فيهااا .. هوا ولد مايفكر يسويها حتي ..
خرج من القسم وافكاروو جوا عند نسيم ..
اهداب من شافت مهند خرج اتنهدت .. مابغو يخرجو كانو حيباتو جواا لها ساعه تستنا حضراتهم يطلعوو
وقفت بسرعه وصلحت عبايتها وراحت لغرفه كاسررر .. قبل ماتدخل دق جوالها برقم بيتهاا
حسبت انها شغالتها : ايواا..
صوت زهاد .. : آآآآآهـ يادبابه آآآهـ فينكـ
: لسا في المستشفي ايش بتسوي في بيتي ..
بتعجب : كل دا مستشفي الموهم لا تتاخري انا في بيتكـ
: ادري انكـ في بيتي السؤال ايش عندكـ هناكـ ..
: آآآآآهـ يادبابه أأأهـ سالفه طويله اقلكـ عليها لما تجي لا تطولي
اهداب تصرفها : اوكــي ماشي باي
قفلت الخط ودقت الباب بهدووء ..
بدر من جوا : اتفضل ...
ابتسمت ودخلت : السلام عليكم
كاسر لما شافها اتعجب .. صلح جلستو : اهداب
بدر يقلد كاسر : اهداب
كاسر يخبطو علي راسوو : اهداب شنو جابكـ
اهداب : امممم اتصلت علي جوالكـ رد حسام وقالي انكـ هنا وجيت اشوفكـ
ابتسم : زين تفضلي
بدر : فين تفضلها شايف نفسكـ في بيتكـ ..
كاسر يرجع يخبطو واهداب تضحك : ههههههههههههههه انتو لايق عليكم اخوان
كاسر : اعوذ بالله ذا اخوي
بدر : من الي يجلس معاكـ
: اهداب انتو زي توم اند جيررري ..
بدر : هههههههههههههه انا جيري انا جيري هوا توم .. كبير وهبيل
كاسر عصب : هي احترم نفسكـ ومنو قالكـ اجلس معي
اهداب : هههههههههههههه خلاص اشبكم
كاسر طنشو : ماتخيلين لو جبتين معكـ حليب شنو كان صار فيني كان مت من الفرحه ..
اهداب باسف : والله نفسي بس قالت ماعاد تبا تسووي
كاسر : زين لا تذكريني بذا السالفه ..
بدر : انا اعرف اسوي حليب ..
كاسر يخبطو : الموشكله موهب في الطريقه انا اعرف بعد الحليب يابدر موب أي حد يزبطه
بدرر انو فاهم : اهااااا كيف يعني ..
كاسر : اسكت زين
اهداب : هههههههههه خلينا من الحليب تشتهي شي تاني اطلبلكـ هواا .. اكلت كاسر
بدر يغمز لكاسر : مين قدكـ ياعم ..
كاسر : او هوا انت ورا مارحت ويا اخوانكـ
بدر : مادري مين قالي اجلس ..
ويقلد كاسر : اتركه .. خلي وهويني انا اتصرف وياهـ
اهداب : ههههههههههههه بدر عيب
كاسر : اتركيكـ منه واذا علي طاري الاكل انا جوعان حدي
اهداب وقفت : اوكي اخلي السواق يجيب من المطعم الي دايم
كاسر : ايه زين ..
: اوكي حكلمو وراجعه
خرجت اهداب وكاسر اتمدد في السريرر .. وهوا يتنهد .. ياتري لو رودي دري اني في المستشفي ممكن يهد الي بايده ويجي .. خلني اجرب
شال جوالو وطلب رقم رائد
: هلا كسوور فديتكـ شلونكـ
: موب بخير تخيل رودي الشباب اكلوني كيوي
رائد شهق : شنوو .. كيوي .. شنو صار عليكـ انته بخيرر
يتاوب : ايه صدق بغيت اموت .. لكن انا بخير الحين .. ومترقد بالمستشفي بروحي ويا بززر لسانه طول سور بيتنا بالريااض
رائد : كاسر انت وينكـ . باي مستشفي .. مستشفي زينه ولا شلون حكومي ولا خاص
: انا بالمستشفي الي اتدرب فيهاا ..مدري من زود شنو جابوني لها الشباب .. بس زين تطمن
رائد بقلق : وانت شلونكـ بخيرر ..؟؟؟
كاسر .. : ايه بس اشتقتلكـ بالحيل يارودي ..
رائد يتنهد : وانا اكترر لبي قلبكـ ..
: رودي تخيل البنت الي تعملي حليب تقول ماعاد بوه حليب اطفشت مني الظاهر
: وماعليكـ منها كلها يومين بكون عندكـ ولك احلي حليب مني ..
: ايه يومين .. من سافرت من شهرين وانت تقول يومين
رائد حس انو كاسر خلاص سكتلو كتيررر : لا المره ذي يومين صدق ..
دخلت اهداب : خلاص رسلتوو
رائد كشر : منو ذي
: اهداب كل مره بتسالني
: اها اهداب .. وشفيها بكل مكان وياكـ ذي .. شنو حكايتها ماتقولي
: مافيه أي حكايه يلا بقفل الحين تبي شي رودي ..
: لا فديتكـ انتبه علي ورحكـ زين
: زين وانت بعد فمان الله
قفل ورمي الجوال جنبووو وهوا يتنهد .. لين هنا وخلاص ..
اهداب وه بس ليش التنهديه دي فيا ولا فيكـ .. طبعا دا الكلام في قلبها
: هههههههه اشبكـ تتنهد
بدر : وحشو صاحبو ولا مو سامعه
كاسر يفرفر لبدر شعرو : لاول مره تقول كلام صح ..
بدر : ههههههه طول عمري انته لاول مره تفهم صح
اهداب : ههههههههههه عليكـ لسان
بدر : قولي ماشالله ..
عدا الوقت .. وقضوها فله وتحشيش .. ظاهريا ..
لكن كل واحد فيهم مخبي في قلبو الي ربي عالم .. بي .. وبس ..


~~~~~~~~
A6baa fe al-7o0b
~~~~~~~~



نهايه البارت الرابع عشــر ..
اطبـــاء في الحـــــب ..
قطـــعه شوكلاتــه ..





..
..



اتمني اشوف ردود اكتر وتقيمات يا موززز ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 214
قديم(ـة) 12-05-2011, 04:04 AM
صورة kem sokr الرمزية
kem sokr kem sokr غير متصل
ايش هيا الدونيـا بدون هبــل .. ؟
 
الافتراضي رد: رواية أطباء في الحب / بقلمي


دا قروووب الرواايه في الفيس .. لناس الي ماتحب شغل المنتديات ..
..
..
http://www.facebook.com/pages/%D8%B1...02034826493149

..
..

ودا القرووب لمناقشه اي شي بخصووص الروايه
..
..
http://www.facebook.com/home.php?sk=...95011907206208


تصبحو ع خير يا موزز ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 215
قديم(ـة) 12-05-2011, 12:28 PM
صورة Joooooodi الرمزية
Joooooodi Joooooodi غير متصل
©؛°¨غرامي مشارك¨°؛©
 
الافتراضي رد: رواية أطباء في الحب / بقلمي


يعطيك الف الف الف عااافيه



يسلمووووووووو


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 216
قديم(ـة) 16-05-2011, 11:37 AM
صورة رمہآنہي حہظہي بہدربگ الرمزية
رمہآنہي حہظہي بہدربگ رمہآنہي حہظہي بہدربگ غير متصل
©؛°¨غرامي جديد¨°؛©
 
الافتراضي رد: رواية أطباء في الحب / بقلمي


يسلموووو ع البااارت

حسام&مهند&وسام
وش تناكه دى عجبكم الله ستر ولا روح الولد بعدين ياويلكم من رائد

اياد&اسراء
عجبتنى حركتو مع راكان بس ان شاء الله يخلى اسراء تحبه وتبطل تروح عند حسام

بدر&هلال&قمر
يعجبنى حلو حركاته خاصتة مع اخو حسام هلال مرره مسالم قمر دلوع احلى مافيه

اعنااب&لا تعليق

تسنيم&اتوقع راح توافق ع يامن يوم يطلبها من ابوها مراح ترفض طلب لبوها

وبـــــــــــثـــــــــــــ


بنتظــــــاركــــــــــ



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 217
قديم(ـة) 18-05-2011, 08:28 AM
صورة kem sokr الرمزية
kem sokr kem sokr غير متصل
ايش هيا الدونيـا بدون هبــل .. ؟
 
الافتراضي رد: رواية أطباء في الحب / بقلمي


اقتباس:
المشاركة الأساسية كتبها njo0od مشاهدة المشاركة
يعطيك الف الف الف عااافيه



يسلمووووووووو

ربي يعافيكي حبيبي ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 218
قديم(ـة) 18-05-2011, 08:29 AM
صورة kem sokr الرمزية
kem sokr kem sokr غير متصل
ايش هيا الدونيـا بدون هبــل .. ؟
 
الافتراضي رد: رواية أطباء في الحب / بقلمي


اقتباس:
المشاركة الأساسية كتبها رمہآنہي حہظہي بہدربگ مشاهدة المشاركة
يسلموووو ع البااارت

حسام&مهند&وسام
وش تناكه دى عجبكم الله ستر ولا روح الولد بعدين ياويلكم من رائد

اياد&اسراء
عجبتنى حركتو مع راكان بس ان شاء الله يخلى اسراء تحبه وتبطل تروح عند حسام

بدر&هلال&قمر
يعجبنى حلو حركاته خاصتة مع اخو حسام هلال مرره مسالم قمر دلوع احلى مافيه

اعنااب&لا تعليق

تسنيم&اتوقع راح توافق ع يامن يوم يطلبها من ابوها مراح ترفض طلب لبوها

وبـــــــــــثـــــــــــــ


بنتظــــــاركــــــــــ

منوره موززتي ..
نايس تعليقات وكداااا ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 219
قديم(ـة) 18-05-2011, 09:10 AM
صورة رمہآنہي حہظہي بہدربگ الرمزية
رمہآنہي حہظہي بہدربگ رمہآنہي حہظہي بہدربگ غير متصل
©؛°¨غرامي جديد¨°؛©
 
الافتراضي رد: رواية أطباء في الحب / بقلمي


واااااااو البااارت اليووم

بنتظـــــــــاركــــــــ


لا تطــــولى علينااااا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 220
قديم(ـة) 18-05-2011, 01:28 PM
طموح أمل طموح أمل غير متصل
©؛°¨غرامي جديد¨°؛©
 
الافتراضي رد: رواية أطباء في الحب / بقلمي


ياهلا والله اممم شكلي متأكر كتير
بس البارت حلواتوقع ياااربي
ان تسنيم قلبي تختار من الثلاثة بهاء
واعنااب يافديتها الله يسهل عليها
اما اياد )اخيرا ظهر بشخصية تخوف الخبلة اسراء اوف منها المشكلة متى تبطل من روحتها لحسام
مهند )مسكين مهو عارف بالسالفة بس نسيم راح تقول له كل شيء وبتصلح المشكلة
واتوقع زهاااد اللي بدت نوعا ما شخصيتها تعجبني بس لو تترك الكدب راح تعرف عن كاسر ان بالمستشفى ويمكن تدخل على اهداب وهم بالغرفة
وووه بس منتظرة بصمت

كيمو
ربي يسعد ايامك يالغلا
ويسهل عليك
ترى قصدي يابطتي ان ياريت تناديني كرزتي بدل موزتي )محب الموز
فهمتي ياقلبي

لك نبضي



الرد باقتباس
إضافة رد
الإشارات المرجعية

رواية أطباء في الحب / بقلمي

الوسوم
انشالله , تعجبكم , حجازيه , روايتي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية يا ليت أعرف / بقلمي Julie أرشيف الروايات المغلقة - لعدم إكتمالها 95 17-06-2011 05:41 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2030 15-04-2011 07:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 11:08 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم