اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-03-2011, 02:37 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
B10 روايتي الثانية : إسمحيلي من النظرة الأولى و كوني أم أولادي / كاملة


روايتي الثانيه
بقلمي لفانتا
اسمحيلي من النظره الأولى اوصلك احساسي فيكي وكوني ام اولادي مع
بنات كيوت في احضان المجهول أتمنى تعيشون معاي قصص الحب
الي راح تبحرون فيها مع ابطالي
روايتي يمكن تضحكون ويمكن تبكون بس راح تعيشون مع اروع قصص الحب الرومانسيه والجريئه

الصداقه شي مهم في حياتنا
صديق يصدقك القول وصديق
في وقت الضيق
اجتمعو ابطالنا على الصداقه من
ايام الثانوي وكملو مشوار الدراسه
للجامعه مع بعض
خمس بنات صديقات لكل واحده
حياه وقصه مختلفه
حبيبه بنت صالح عندها اختين
منى وشهد وابوها حالته الماديه
كثير متواضعه ساكنه في حي قديم
وبيت متواضع ابوها قيل سنتين
تعرض لفشل كلوي وصارو يغسلونها
له ثلاث مرات في الأسبوع
ام حبيبه عندها اثنين من الأخوان
ابراهيم الكبير وسعود وكان ابراهيم
ساعد أبوه في الشغل وبعد ماتوفى الأبو
ابراهيم طمع في الورث وعطى اخوانه
شي قليل بحكم انه تعب مع أبوه في
تجميع الورث وصارت هوشه كبيره
بينه وبين اخوانه بخصوص الورث
لما عطاهم نص احقوقهم وصارت
قطاعه بعدها بينهم
*******
فاطمه ودلعها فطوم او طومه بنت حمد
عندها 3 اخوان أمنه اصغر منها
ونواف الكبير واخر العنقود سالم
بيت فاطمه مايخلى من المشاكل
اليوميه بين بعض حالتهم الماديه
متوسطه
**************
شريفه ودلعها شوشه او شوشانه
بنت عبدالرحمن وحيدة ابوها وامها
بعد ماتوفت امها قبل سنتين عاشت
مع جدتها لأمها وابوها تزوج
وعاش في الدمام وهي بنت غنيه
كثير وابوها فاتح لها حساب خاص
وشوشه عندها حريه تسوي الي تبيه
ومحد يحاسبها وعندها سر في
حياتها محد يعرفه من ربعها
وهو انها تحب نواف اخو فاطمه
من الثانوي انعجبت فيه من
كثر ماتكلمت فيه اخته
***************
مها بنت ناصر حالتها الماديه وسط
مخطوبه وزواجها في العطله وكان
زواجها تقليدي اهله شافوها في
مناسبه واخطبوها لولدهم عماد
موظف في البنك ومركزه حلو كثير
ومشكلة مها انها غيوره من
الدرجه الأولى يعني استجواب يومي له
****************
ليال بنت سعود تقرب لحبيبه
بنت عمتها ادرست لثانوي بس
ماكملت لأنه مجموعها ماساعدها
ادرست حاسب سنتين وتخرجت
واشتغلت في مؤسسه عالميه
تبيع ماركات من كل شي وماشالله
عليها لسانها حلو يخلي الواحد
غصب يشتري ويدفع بالسعر الغالي
******************
البارت الأول



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-03-2011, 02:40 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي


يوم الأربعاء الساعه 10الصباح
في الكليه الأدبيه بالأحساء وعلى نهاية
الشتاء والسماء مليانه غيوم
اطلعو البنات من قاعات الأختبار كان البعض
مستانس والبعض متضايق
حبيبه اخير خلصنا بصوت عالي
شوشه قرصوني عشان اصدق
خلاص هذي اخر سنه لنا هنا
فطوم كلللللللوش وتقطع اورقة الأسئله
مها واي ماني مصدقه اني
تخرجت لحد مايصفعوني بالملف في وجهي
فطوم من قدها الشيخه زواجها بعد اسبوع
حبيبه تبقين احد يصفعك روحي
لحبيب القلب عمادوه ويصفعك عدل
شوشه شتبقين في الملف خليه عندهم
وفتحي ملف عند الحبيب
مها الله يسلمك فاتحته من زمان
بس ان شالله الوظيفه مضمونه عنده
قال بيشغلني في البنك الي اهو فيه
حبيبه حبيبتي مهاوي لا تنسيني
وانا اختك ترا محتاجه وظيفه توسطي لي
مها ولا يهمك دام انا مرت المدير
بوظفك
فطوم مدري الي يسمعك بنك أبوه
الي جابه عشان يوظفكم
شوشه بنات حرام عليكم تونا
مخلصين وتفكرون في وظيفه
لا تنسون هذا اخر يوم نقابل بعض
فيه من كل يوم نشوف بعض
والله بتوحشني هذي الأيام
دمعت عينها
فطوم صج ماراح نقابل اشيف بعض
كل يوم
حبيبه ولا راح نصبح في وجه الدكتور السوداني يازول
مها ماصدقت وخرتها صياح
وصارو يمسحون ادموعهم
فطوم شفيكم الي يسمعكم بنتفارق
خلاص خلونا نحدد كل اسبوع
عند وحده نتجمع زين
صار المطر ينزل كم قطره
وبعدين نزل بقوه
حبيبه اطلعت في الساحه وبللها المطر
وصرخت تعااااااااااااااااالو اخر مره نكون هنا
اطلعت مها وشوشه وطومه
تحت المطر وصارو يصرخون
..............
الساعه 11الظهر في حي
قديم وبيت متواضع
تدخل حبيبه البيت وماشافت احد
وصارت تنادي
يمه يبه ياهل البيت
شهد نازله من الدرج
مافيه احد توهم رايحين المستشفى
مع ابوي تعب اشوي علينا
حبيبه الله يشفيه الغالي والله تعب
من صار له الفشل الكلوي وهو
حالته ماتسر ولا وحده فينا
تطابقت معاه واذا حصلنا متبرع
مافيه فلوس نعطيه
شهد لو خالك ابراهيم فيه خير كان
سأل عن اخته واخوه ماصدق خذ
الورث ولا بين
حبيبه ربك كريم وماينسى عباده
بكلم منى وأسألها عن ابوي
..........
في بيت شوشه الكبير
جدتها هلا بحبيبتي هلا بالسميه خلاص خلصنا اختبارات
شوشه تحب راس جدتها
الحمدلله مابقينا نفتك بس ادعيلي
ماأحمل مواد واعيد السنه
الجده ان شالله ناجحه الحين روحي
بدلي وتعالي تغدي معاي
شوشه والله ماني مشتهيه ابي انام
الجده افا وانا مسويته من بدري
عشان اتغدا معاك
شوشه ولا يهمك بروح ابدل وحطوه
الجده شريفه ابوك كلم وقال
بينزل الحسا كم يوم وبياخذك معاه الدمام
شوشه من قال بروح معاه
جدتي احنا تكلمنا في الموضوع مابي
اعيش معاه ولا مع حرمته
الجده لا تخافين كلمته بس قال يبيك
تجلسين كم يوم عندهم لأنه مايشوفك كثير
شوشه بتنهيده الله يرحمك يمه ياليت
خذتيني معاك
الجده شريفه بسم الله عليك ليه تقولين كذا
وتوجعين قلبي انتي من ريحة الغاليه
شوشه سامحيني جدتي بس ابوي
قهرني مانتظر الا كم شهر من وفاة امي
وتزوج عليها
الجده محد يقدر يلومه امك كانت
تعبانه عنده الله يرحمها
ولا تحاتين قلت له خلها اسبوع
عندك ورجعها لأني بسافر معاك
شوشه صج وين بنروح
الجده خليها مفاجأه
.........
في بيت مها كانت منسدحه على السرير
وكلها نوم
خلاص حبيبي ابي انام سكر
عماد افا الحين داق اتطمن عليك
واشوف سويتي في الأختبار
وتقولين سكر
مها قلت لك حليت الي اقدر عليه
وصدقني من امس مواصله ابي انام
حتى ماأكلت شي
عماد زين خمدي وبعد صلاة العشى بجي لك
مها لا خلها بكره عشان اكون مصحصحه لك
عماد لا مقدر انتي مع وجهك نسيتي
كلام ابوك قال لي لا عاد اشوفك
الا يوم الزواج انا بجي عشان اعطيك
كروت الزواج
مها انت تعال بكره ومالك الا الي تجلس معاك
بكره ابوي بيروح مع امي البحرين
عماد شيطانه تعرفين ترتبين بعد
مها اعجبك حرمتك
عماد طيب اشوفك بكره على خير
يالقلب فمان الله
......
في بيت فاطمه
جالسين على الغدا
حمد خلاص ياعيال خلصتو اختبارات
امنه ايه مابقينى نخلص
فطوم عاد انا هذي اخر سنه لي ارتحت
سالم ايه يالساحره خلصتي مو احنا
باقي خير علينا
الأم مثل مادرسو انت بعد بتدرس
سالم يمه انا توني ثاني متوسط
وامون اولى جامعه
باقي علينا
امون تكلم عن روحك انا كلها
3 سنين واتخرج الحمدلله
سالم معليه وانتي بس يالدبه
مابقى شي وكلتيه
فطوم وجع في بطنك صلي على النبي
طول الأختبارات مااكل شي
منسده نفسي عمى بعينك
امون اجل الله يعين بتصير مفتوحه
على طول وبعد شهر بتصيرين برميل
فطوم سكتوا عيالكم احسن لهم
لأذبحهم الحين
حمد شفيكم على بنتي اكلي يمه عليك بالعافيه
فطوم لو نواف هنا كان علمكم
كيف تتكلمون فيني يالكلاب
سالم نواف حبيبي وينك اخوك
في المغرب ولا يدري عنك بالمخفه
امون صج متى بيرجع ماكلم
الأم كلم اليوم وقال الجمعه بيوصل


فطوم الله يجيبه بالسلامه
وصج يمه انا عزمت ربعي يوم
الجمعه عندنا هنا
الأم حياهم الله
امون وناسه فيها جمعه فطوم
اختي الغاليه الي تبين بسويه لك
سمبوسه معجنات امري انتي
سالم شعندك فريتي الموجه
فطوم انا ادري ليه بس اوريك بعدين
حمد خلاص ياعيال كل يوم
معاكم هذره و مناجرحتى الواحد
مياكل بهدوء
فطوم انا شبعت وبروح انام
ولا راح اجلس الا الفجر
امون روحي يانظر عيني
واذا تبين اسوي لك مساج في الخدمه
قامت فاطمه وغسلت ايدينها
واصعدت غرفتها وتوها بتنام
تدخل امنه عليها
فطوم خير شعندك
امون بسأل فطوم حبيبتي
ليال بتكون معاهم
فطوم اكيد بتجي وانا ادري
ليه تسألين عنها
امون شفيك فطوم انا احبها
كذا لأالله
فطوم كذابه انتي تحبين اخوها بسام
من شفتي صورته عندها وانتي دوم
تسألين عنه وتبين تعرفين اخباره
امون طيب وشفيها الولد حبوب
وماينعاف بس انتي مدحيني
عند اخته
فطوم ومن قال ماامدحك عندها
امون صج
فطوم دوم اذكرك وامدحك صج
اني كذابه بس عشانك
قامت امون واحضنتها بقوه وباستها على خدها
مشكور يالغاليه
واطلعت من الغرفه
...............
في بيت ليال
سعود توه داخل البيت
ليال هلا يبه شلونك اليوم
سعود الحمدلله بخير
ليال وزوج عمتي هند شلونه الحين
سعود يجلس
الله يشفيه كل يوم حالته تزيد
والدكتور خوفني عليه ومااقدر اقول
لأختي وبناتها
ليال الله يشفيه ويساعده
احط لك الغدا
سعود وامك وينها ليكون للحين هايته في
زياراتها
ليال لا جات بس تغدت وراحت ترتاح
سعود يتنهد روحي الله يسترعليك حطيه
سعود عانه مع زوجته كثير وصبر
عليها عشان اعياله ليال وبسام
هي حرمه متسلطه وقويه
كل همها طلعات وجمعات حريم
وكشختها والبيت محملته ليال والشغاله
والي زاد الفجوه بينهم انها صارت
تنام في غرفه بروحها
.........
اليوم الجمعه في بيت فطوم
الساعه 4ونص العصر
في غرفتها البست بنطلون جنز
وبلوزه صفراء مرسوم عليها
قطوه واقفه بمياعه
ارفعت شعرها ونزلت كم خصله صار شكلها كيوت
امون تدخل عليها
هاتي البشاره الحين
فطوم خير قولي
امون حبيبك نواف وصل الحين
سلوم قالي
فطوم اصرخت صج وينه
امون للحين مادخل البيت عند السياره
فطوم راحت بسرعه عشان تستغبله
..
نواف داخل المجلس
تفضل حياك بوغيث
مطر الله يحيك ماكان ودي اكلف عليك
نواف افا بزعل عليك يعني
طيارتك تفوتك واخليك بالمطار لبكره
مطر عادي متعود ايلس انتظر الطيارات مو اول مره
نواف ماراح ارضى هذا بيتك
حط الشناط على الأرض
وتدري ابوي بيفرح فيك
من شافك السنه الي راحت وهو مستانس عليك
بس اسمح لي بدخل اسلم على اهلي
وخذ راحتك
مطر فديتك ابويه انا راعي بيت خلاص
توكل
<ملاحظه نواف ومطر تعرفو على بعض
في المغرب قبل 3 سنين ومنها صارو
ربع ويسافرون مع بعض>
....
فطوم وهي حاضنته
حمدالله على سلامتك يالغالي
نواف الله يسلمك
سالم من قدك عضيدك وصل
نواف طوم يالشيخه احد ضايقك
قولي لي ترا ولا واحد بياخذ
صوغته الا لما ترضين
امون من قال احد زعلها احنا
دلعناها افا عليك ياخوي
فطوم ايه معليه بس يالله صادقه
ام نواف حمدلله على سلامتك ياوليدي
نواف الله يسلمك
جلس معاها يسولف
فطوم ايه امون روحي سوي جمر
ببخر المجلس قبل لا يجون البنات
امون تامرين كم فطوم عندنا
فطوم ابوها المصلحه
بعد ماراحت امون المطبخ
"اكيد نواف جايب اشياء حلوه بروح
اشوفهم قبلهم بس وين الشناط يمكن في المجلس"
قامت وسيده للمجلس ادخلت و
؟؟؟؟؟؟؟؟؟

شافت الشناط خذت وحده بتفتحها
بس يدق جوالها
فطوم هلا ام الول ماوصلتي
ليال يمكن مقدر اجي
فطوم نعم اقول بلا سخافه
والله اذا ماجيتي بزعل عليك
ليال شسوي بساموه مارضى يوصلني
مع حبيبه
فطوم وجع في عينه ان شالله
زين وين بابا سعود يجيبك
ليال وهي تضحك حتى ابوي مشغول
فطوم ازعلت زين يالويل انسي
ان عندك صديقه اسمها فطوم
ذلفي
ليال تصرخ بقوه
فتحي الباب بسرعه احنا واقفين بره الحين
فطوم ايه تعدلو معاي يالله جايه
سكرت وقامت بتفتح الباب
ببببببببببببببببببببببببببببببس
تفففففففففففففففففاجأأأأأأأأأأأأأأأت
بالأخ مطر واقف وماسك فوطه
وماخذ راحته وهو يناظر
قامت بسرعه وركض لداخل
الصاله اصدمت بنواف
نواف من وين جايه
فطوم ها من هناك
وتأشر على المجلس
نواف يالثوره صديقي داخل
درعمتي ولا تسألين اذا فيه احد
فطوم وانا شدراني انه صديقك هناك
وبعدين انا مجهزه المجلس لي مع ربعي
نواف روحي مجلس الحريم
يدق جوال فطوم
نعم
ليال معصبه افطيم عمى فتحي الباب
فطوم زين نسيتكم
راحت وافتحت الباب لهم
نواف في المجلس
السموحه منك بو غيث اختي ماتدري
انك معاي ودرعمت
مطر لا حصل خير بس شكلها
ارتاعت المسكينه
نواف بلاها ثوره ولا أسألت
...
حبيبه شعندك لاطعتنا عند الباب
ليال زين ماكلمت بسام يرجع ياخذنا
فطوم خلاص السموحه منكم حصل
عطل فني وتأخرت عليكم
حبيبه عطل فني تنكتين مع وجهك
فطوم ماتدرون صار فيني
ليال شصار ياحظي
فطوم اخوي رجع من المغرب
حبيبه وليال حمدالله على سلامته
فطوم ألزبده مو هني انا دخلت المجلس
وكان صديقه معاه من الأمارات وشافني
حبيبه امانه لا تقولين شافك وشفتيه
فطوم والله مدري انه موجود شكله
كان في دورة المياه ولما قمت افتح
لكم الباب كان واقف وراي
ويناظر الحمار
ليال لحظه بسوي قصه تعجبينه ويخطبك
وتتزوجون وتروحين الأمارات تعيشين هناك
فطوم مالت عليك يالسخيفه
هذا الي باقي اخذ بو كندوره وع وع
انا ابي سعودي
حبيبه زين انا اخذه نو بربلوم
مها توها داخله عليهم هاي بنات كيفكم
فطوم ماشالله الوجه ينور
يالدبه خليه حق يوم الخميس الجاي
مها هذا وجهي وماراح يتغير
ناقصتكم شوشه وينها
حبيبه للحين ماجات
فطوم زين بنات عن اذنكم خذو راحتكم
ليال اذنكم ولا خشمكم
حبيبه ومها هههههههه
فطوم الي تبين بروح اجيب العده
ليال وين المسجل وبنرقص والأخير
مافيه شي
مها ايه لازم ترقصون لي
ابي حفلة نهاية العزوبيه
فطوم والله مجهزته في المجلس
الحين بخلي نواف يجيبه لي واطلعت
شوشه واقفه برا عند المرايات
تعدل روحها
ونواف توه طالع يجيب جواله من السياره
وشافها بس وقف محله عشان ماتشوفه
ومثل مايقولون نظره لشيطان ونظره لك
ظل يناظرها بدون ماتحس عليه
وكانت شوشه مغيره شكلها
قاصه شعرها كثير مره ومخصلته اشقر
خلها مثل بنات امريكا وتوها
حاطه خزامه لخشمها عشان
تفاجأ البنات تعطرت وادخلت
شوشه هاااااااااي بنات
حبيبه ومها وليال منبهرين فيها
مها منهو الحلوه نعرفك تعرفينا
شوشه بلا سخافه انا شوشانه شفيكم متغيره كثير
ليال ماشالله عليك صايره جنان
أي مشغل سويتي لك كذا
حبيبه شجعتيني اسوي مثلك
تغير شامل ونيو لوك لي
قويه بنت عبدالرحمن غامرتي بروحك
شوشه بنات مايبقى لها شي دخلو
النت وشوفو القصات والصبغات
فيه اشياء حلوه كثير
ادخلت فطوم وامون مع الأغراض
فطوم ماشالله من بنته انتي
شوشه فطوم لا تصيرين لغيزه علي
انا شوشه عمى
امون صايره حلوه انا بسوي مثلك
عطيني اسم المشغل
مها لحظه صبايا الحين انا بتزوج
مو انتو شوشه شجعيني اسوي مثلك
خاطري احط خزامه بس تعور
شوشه لا مافيه ألم عادي
حبيبه سمعو يوم الأثنين نروح كلنا
المشغل ونسوي تعديل لأشكالنا
بس شي واحد ماني مسويته الوشم
الي على كتفك ياشوشه ماراح اسويه
اخاف منه
شوشه هذا الي سويته في لبنان قبل 3
سنين شفت الرسمه واعجبتني كثير
وماعتقد عندنا احد يسويه هنا
فطوم يعني مايروح كلش
شوشه الا باليزر بس انا ابيه
مها طيب واذا زوج المستقبل قال مايبيه
شبتسوين
شوشه مو على كيفه هذا شي في جسمي واحبه
وانا ماراح اتزوج مسؤليه وهذره
حبيبه متى ماصار النصيب بتوافقين
غصب عليك
شوشه متى ماصار الحين جاين ننبسط
قامت فطوم وشغلت المسجل وطولته
ورقص وضحك
بعد 4ساعات من الوناسه
قامت فطوم ترجع الأغراض المطبخ
شوشه خليني اساعدك
فطوم لا ارتاحي امون قومي ساعديني
امون انا تعبت مافيني حيل
وشوشه راعية بيت
شوشه خلاص عادي
شالت كم صحن وراحت المطبخ
الي قبال غرقة الحريم على طول
شوشه اقول فطوم وين خالتي ماهي موجوده
فطوم تدرين كل عصر مع حريم
الفريج وعندهم وحده والد كل يوم عندها
دخل سالم كان جايع بياكل شي
ولما شافها رجع
شوشه ها سلوم كبرت وانا مدري تعال
سالم دخل لا بس كبرت
شوشه ثاني متوسط ورجال مو علي
شلونك وسويت في الأختبارات
سالم الحمدلله وان شالله انجح
شوشه والله وكبرت ياسلم من يذكرك
كنت قزم في ابتدائي
فطوم انا بجيب باقي الأغراض
شوشه شرايك فيني حلوه احسن من قبل
سالم وهو مستحي ايه حلوه
شوشه تقلد صوته ايه حلوه
بس شرايك في استايلي الجديد
سالم صايره مثل بنات امريكا الي يجون في الافلام
شوشه think yoy رفعت معنوياتي
هذا الأخو يمدح اخته
وجاي مسرع وشايل صينية القهوه
بيدخلها واول ماشاف شوشه رجع
وقف برا عند الباب
سالم طلع
نواف انت ماتستحي مقابلها وسوالف معاها
سالم هذي شريفه شفيك نسيتها
نواف وتبن فيك وفيها ماتستحي
رجال طول بعرض وتكلم وحده موحلال عليك
شوشه واقفه تسمع
فطوم جات نعم شعندك انت معاه هنا
نواف جايب معاي الصينيه
فطوم حطها على الأرض وانا بدخلها
ويالله من غير مطرود خلو البنت ترجع
نواف صج بنات صايعات ومشى
شوشه اطلعت فطوم ياليت تعتذرين له عني
وانا مو صايعه ياليت تقولين له
فطوم لا تزعلين نواف اذا عصب
يقول أي شي بس مايقصده
خلينا نرجع للبنات نوسع صدورنا
ارجعو وكانت امون جالسه قريب
من ليال وتسمعها مع حبيبه يمكن تتكلم
عن حبيب القلب بسام
حبيبه تتكلم بشويش من متى يعرفها
ليال مدري بس اهو كلمني قبل اسبوع
عنها وقال يبي يخطبها من اهلها
وانا متأكده ان اهلها ماهم موافقين عليه
امون وهي تسمع كأنه احد يقطع
قلبها بسكين بسام حبيبها يحب وحده ثانيه
ويبي يرتبط فيها اخنقتها العبره وامسكت روحها
وكانت تبي تعرف منهي البنت
حبيبه ماتدرين يمكن لاعبه بعقله
بنت ابليس
ليال لا تظلمينها اهي ماتدري عن اخوي
ان يحبها شافها بالصدفه بحوش
بيت اهلها ومنها وهو يفكر فيها
معطي روحه امل خاصه انه يشتغل
عند اخوها الكبير
حبيبه انتي مسويه شان للبنت منهي
ليال ماتصدقين اذا قلت لك انها
ابدويه لما قال لي اسمها وعيلتها
حبيبه بصوت كبير
بدوووووووووويه
الكل يناظرهم
مها شفيها البدويه قايلين نكته
شوشه صج شفيها
الكل ينتظر جواب من حبيبه وليال
امون من حرة قلبها
اخوها يحب ابدويه
فطوم بسام يحب ابدويه لا تقولين
اظطرت ليال تخبرهم السالفة
من جديد
مها من خبرتي الي اعرفه انهم
مايزوجون البنات الا من جماعتهم
استحاله يعطونها احضري بس
اهم عادي يزوجون ولدهم احضريه
ليال الي يسمعكم الحين صار شي
انا خايفه على اخوي لما يعرف
جوابهم انه مرفوض ماتتصورون
كيف يتكلم فيها كأنه قلبه بيطلع من مكانه
وهو يوصفها
شوشه كسر خاطري الحب من طرف
واحد يوجع القلب خاصه لما تشوف
الي تحبه قدام عيونك ولا تقدر
تعبر له عن مشاعرك شي يوجع والله
كلام شوشه اثر كثير على امون
الي ماتحملت وقامت اطلعت
البنات يناظرون شوشه ؟؟؟؟
حبيبه على كلامك انتي تحبين واحنا مندري
مها صادقه كلامك كلام وحده تحب
ومن زمان
شوشه شفيكم هذا كلام منطقي
يعني لازم احب عشان احسه
واقوله واذا فيه احد انتو اول ناس
تدرون
فطوم ايه اقول سمعو ياويلكم
اذا وحده عندها سر مني مناك ولا نعرفه
ليال على طاري مني مناك خبريهم
على الي صار العصرلك
فطوم ام الول هذا شي ثاني
شوشه لا نبي نعرف صاير
ليال اقول لكم
وعلمتهم واضحكو عليها
كملو سهرتهم وتعشو مع بعض وارجعو بيوتهم
الساعه 9 اليل
فطوم راحت غرفة اختها امون ودخلت
وشافتها تمسح دموعها
فطوم حبيبتي ماهي اخر الدنيا اذا تزوج
وتأكدي لو هو لك لو ربع بتاخذين
الربع الي الله كاتبه لك
وماتدرين يمكن الله بيرزقك واحد احسن منه
امون انا مؤمنه بالله بس شي يوجع
القلب الله يصبرني واقدر انساه
ويرزقني احسن منه
....
شوشه جالسه في غرفتها على الكرسي
الهزاز وحاضنه دبدوبها
وتتذكر كلام نواف لما قال صايعه
يعني بنت محد يحكمها
وهي بنت احلامها معاه بس
ياخساره يانواف صحيح الحب من
طرف واحد يوجع القلب بحاول انساك
عشان ما اظلم نفسي معاك
....
نواف منسدح على الكنب في المجلس
ماهو قادر ينام ويناظر مطر
كان رايح في سابع نومه
جالس يفكر في شوشه
"والله وكبرتي ياشريفه وتغيرتي اذكر
شفتك مره لما كانت في الثانوي لأنها
ماتتغطى بس الحين صايره غير
بنت جريئه في شكلها كثير
ليه يانواف تفكر فيها الحين البنت جريئه
في لبسها اكيد جريئه في شي ثاني
مو ستايلي انا ابي بنت مؤدبه
وتستحي مابي بنت متفتحه وعينها قويه"
ابتسم وغمض عيونه عشان ينام
.............................
ترقبو الفصل الثاني
مع الأحداث التاليه
حبيبه تصيح منهاره وجاتها حاله هستيريه
ليال اكيد ماني موافقه
فطوم لا ماني مرتبطه
شوشه لحقيني يافطيم لحقيني
مها ماراح تلمسه سامع



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-03-2011, 02:48 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي رد: روايتي الثانيه اسمحيلي من النظره الأولى وكوني ام اولادي بقلمي لفانتا


مراحب للجميع وإن شاء الله تعجبكم روايتي الثانيه قراءه ممتعه للجميع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-03-2011, 04:08 PM
صورة قلبي نصراوي الرمزية
قلبي نصراوي قلبي نصراوي غير متصل
©؛°¨غرامي مشارك¨°؛©
 
الافتراضي رد: روايتي الثانيه اسمحيلي من النظره الأولى وكوني ام اولادي بقلمي لفانتا


مساء الخير والورد للكاتبه المتألقه الروايه من بدايتها حلوه ولأني اعرفك
شخصيا اكيد بتكون مثل الأولى بالتوفيق يالغاليه



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-03-2011, 05:06 PM
صورة ميسوالدلوعه الرمزية
ميسوالدلوعه ميسوالدلوعه غير متصل
©؛°¨غرامي فعال ¨°؛©
 
الافتراضي رد: روايتي الثانيه اسمحيلي من النظره الأولى وكوني ام اولادي بقلمي لفانتا


رووووووووووعه ياقلبي كملي وحنا معك

ما اقدر احدد لك توقعاتي الحين لين نشوووف البارت الجاي

قطعت قلبي امووون صدق اللي يحب من طرف واحد يتعب

ونواااف شنو هالنظريه الهبله اللي ببااله مالت عليييه


سي يووو
تقبلي مروري


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-03-2011, 08:01 PM
صورة sinking moon الرمزية
sinking moon sinking moon غير متصل
©؛°¨غرامي فعال ¨°؛©
 
الافتراضي رد: روايتي الثانيه اسمحيلي من النظره الأولى وكوني ام اولادي بقلمي لفانتا


اهلين اهلين البو روايه من بدايتها بالتاكيد روعه
وشوشه ياعيني عليها ليش هيك نواف بيعصب وبيحكم عليها من اول نضره
حبيبة بتمنى انها تاخذ ورثها او يمكن بتشتغل وهيك بتكون ثروتها الشخصيه
امون كسرت خاطري اي يابسام حس ع دمك البدويه ماتبيك اووووف
وناطرييييييييييينك عمري



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-03-2011, 09:15 PM
صورة على شاطئ النسيان الرمزية
على شاطئ النسيان على شاطئ النسيان غير متصل
༻حِـﮘآيَةِ عِشَقْ مَبَتُوَرهَـْ ༺
 
الافتراضي رد: روايتي الثانيه : اسمحيلي من النظره الأولى وكوني ام اولادي


بسم الله الرحمن الرحيم


بالتوفيق في طرحك

أطلعي على قوآنين القسم
القوانين ، تحديث جديد ؛

وهذآ الموضوع بيفيدك

محتوى الروايات ! / دعوة لـ النقاش ؛




موفقه بإذن الله



~





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-03-2011, 10:06 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي رد: روايتي الثانيه اسمحيلي من النظره الأولى وكوني ام اولادي بقلمي لفانتا


اقتباس:
المشاركة الأساسية كتبها ميسوالدلوعه مشاهدة المشاركة
رووووووووووعه ياقلبي كملي وحنا معك

ما اقدر احدد لك توقعاتي الحين لين نشوووف البارت الجاي

قطعت قلبي امووون صدق اللي يحب من طرف واحد يتعب

ونواااف شنو هالنظريه الهبله اللي ببااله مالت عليييه


سي يووو
تقبلي مروري
اهلين يالغاليه ومشكوره على مرورك وللحين ماصارشي انتظري وشوفي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-03-2011, 10:09 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي رد: روايتي الثانيه اسمحيلي من النظره الأولى وكوني ام اولادي بقلمي لفانتا


اقتباس:
المشاركة الأساسية كتبها ميسوالدلوعه مشاهدة المشاركة
رووووووووووعه ياقلبي كملي وحنا معك

ما اقدر احدد لك توقعاتي الحين لين نشوووف البارت الجاي

قطعت قلبي امووون صدق اللي يحب من طرف واحد يتعب

ونواااف شنو هالنظريه الهبله اللي ببااله مالت عليييه


سي يووو
تقبلي مروري
اقتباس:
المشاركة الأساسية كتبها sinking moon مشاهدة المشاركة
اهلين اهلين البو روايه من بدايتها بالتاكيد روعه
وشوشه ياعيني عليها ليش هيك نواف بيعصب وبيحكم عليها من اول نضره
حبيبة بتمنى انها تاخذ ورثها او يمكن بتشتغل وهيك بتكون ثروتها الشخصيه
امون كسرت خاطري اي يابسام حس ع دمك البدويه ماتبيك اووووف
وناطرييييييييييينك عمري
مراحب يالغاليه نورتي وتابعي لأن الأحداث راح تبتدي اكثر واكثر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-03-2011, 10:13 PM
صورة لفانتا الرمزية
لفانتا لفانتا غير متصل
©؛°¨غرامي مجتهد¨°؛©
 
الافتراضي رد: روايتي الثانيه : اسمحيلي من النظره الأولى وكوني ام اولادي


اقتباس:
المشاركة الأساسية كتبها على شاطئ النسيان مشاهدة المشاركة
بسم الله الرحمن الرحيم


بالتوفيق في طرحك

أطلعي على قوآنين القسم
القوانين ، تحديث جديد ؛

وهذآ الموضوع بيفيدك

محتوى الروايات ! / دعوة لـ النقاش ؛




موفقه بإذن الله



~





الرد باقتباس
إضافة رد
الإشارات المرجعية

روايتي الثانية : إسمحيلي من النظرة الأولى و كوني أم أولادي / كاملة

الوسوم
لفانتا , الأولى , الثانيه , النظره , اسمحيلي , اولادي , بقلمي , روايتي , وكوني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6249 20-10-2014 05:39 AM
بنات الرياض / كاملة َفٍلسَِفٍة جَرٍحِ روايات كامله - يتم نقل الرواية هنا بعد اكتمالها 23 19-10-2014 06:01 PM
روايتي الثانية : سما غابة الأوهام ، كاملة أيـات أحـمد روايات كامله - يتم نقل الرواية هنا بعد اكتمالها 1296 20-05-2014 06:49 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM

الساعة الآن +3: 01:55 AM.
Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.1
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم