السلام عليكم
انا عشووق <<< فرحاان بنك الجدييد الله يرجك
المهم انا اليوم جاايب قصه بنت <<< الله يسر عليها
المهم في مرره من المرااارير اتصلت عليه خوويتي وقالت لي القصة اللي مرره انا اندمجت فيها
لدرجه اني قلت لها لحظه بروح اجيب شيبس واجي وانبطح واسمع القصه <<< داخل على فلم رامبوو
كانت هذي المقدمه
والأن اترككم مع قصة البنت
----------------------------------------------------------------------------------------------------
هاااي ازيكم اخباركم صار لي زمان ماشفتكم ..؟؟ <<< اقوول اركدي اللي يشووفك يقوول انك من زماان جدك ماشفتيهم
هذه قصتي ..
وقفت السياره ... يلالالالالا بسرعه حولو ... أمي تقومني يلا باسكن وصلنا مكه يلا بنيتي بيروحون يوفقون السياره بالمواقف بسرعه
طيييب ... طيب اخذت شنطتي ونزلنا انا وامي وابوي وخواني راحو لحالهم
ومشينا بسرعه .... كنا نبي نلحق ناخذ مكان قبل الزحمه .. وقبل لا يخطب الخطيب الجمعه مشينا انا وامي
وناطايره عيوني بالزحمه ...
يوووو يمه تغيرت مكه وكثرو الناس لان اخر مره طبيت فيها مكه ونا برابع ابتدائي وامي ماسكه يدي ومشوته بي
الا ولا فيه واحد يصلي وقدامه شايب منسدح وامي سبقتني وناا دخلت بينهم ابلحقها واثناء ما انا داخله بينهم الا واللي يصلي ركع وخبطني ونسدحت فوق الشايب وقوم مختبصه بسرررعه بلحق امي ومسكها مع يدها
ونا مسبهه طايره عيوني بالعالم هذي منسدحه ترضع بزرها وذيك رابطه بنتها وراها وتمشي والبساطات مايحتاج
وتلحقنا وحدتن تكرونيه ذات بريق لامع وتنشب في حلقي حجه حجه حب حب
حبها قرد أحول مليان ثمه سوس
وش تبي يمه ذي وأمي تجرني وتقول لي اسفهيها
دخلنا الحرم ونا الي انسبه صحت شوي كااان موقف عظيم والكعبه لها نظره ثانيه غير عن التلفزيون
وصلنل للمكان المخصص للحريم ودخلنا انا وامي وقالت لي صلي ركعتين ...
ونا اللي يتقلب وجهي ماتوضيت شلون نطلع ؟؟؟؟ وحنا يالله لقينا مكان وزحمه مااااااااره
يؤؤؤؤؤ باقي نص ساعه ويذن ...
وقلت لأمي : يمه تراي ماتوضيت للصلاه ........
(..........)ماني قايله لكم هواش أمي
كمن كلمه جامده توتس تقولينه باسكن زحنا ياله لقينا ذا المكان
وقالت لي خلاص روحي لحالتس وأمشي ولا تحاتسين أحد ووصفت لي مكان دورات المياه ..أصلن سجلت وصف أمي بالجوال لأنه طويل ومايستوعبه مخي
ونا أطلع من شنطتي شباصه حمراء وأِبصها في عباة أمي
وجع بلامبزره وش جاتس باسكن وتجدعها علي وأقولها يمه خليها عشان إذا جيت من بعيد أشوفتس وأعرفتس ...قالت لي جوالتس معاتس خلااااص دقي علي لامن جيتي وأرفع يدي
وأخذت شباصتي ورحت تبون الجد والله اني أمشي وقلبي يخفق وركبي تنافض
عااااالم وزحمه وأشكال و ألوااان وأمشي مع نفس الطريق اللي قالت لي أمي و أشوف ناس واجد رجال وحريم عراض وطوال نفس اللبس متماسكين ويمشون مع بعض أنا اللي أدخل من بينهم وياله طلعت وبعد كتم الأنفاس وسد الخشم طلعت
بس مالقيت الخط الأخضر اللي تقوله أمي وأمي قايله لي لاتحاتسين أحد ياربي وش أسوي وأدق على أمي
عدم تسديدك للفاتوره أدى لفصل الخدمه عنك مؤقتن ساااارع بالتسديد حتى لاتفصل الخدمه نهائين عن هاتفك ....
ونا اللي اصرخ لالالالالالالالالالالالالا
وأٌعد أركض كني مهبوله والناس يكثرون والزحمه تزيد وأقعد أًصيح يارب ساعدني وش أسوي الحين
وألقى باب وزحمتن عنده ونا اللي أركض له جا الفرج وأفعص عمري لين ما طلعت
طيب الحين طلعت وين اروح معه واسمع الوصف بالجوال ورحت للمكان ...
وشكلي بعد الضياع ينرحم امشي كني مروعه وطايرتن بوهتي وأذن ...
ولا فيه ثلاث تكرونيات يلاحقوني أئطيني ياكاله الله يسئدكي <<<الترجمه اعطيني ياخاله الله يسعدكي
طبعن هذا اللي فهمته اما الباقي دوقو دوقا هوقا توقا
ونغزتني مع كتفي وقالت : تبقي تشتري أطر هلوووو <<الترجمه تبغي تشتري عطر حلو
شوووومي شوووومي <<التكرونيه تتكلم
قلت لها مابي الا غصب لحووول يلا بس خلني اشمه برجع لامي تاخرت
ونا لالي امسك التوله (طبعن كان دهن عود)
انصرعت دخت ماعاد ادري وين انا فيه وبعدين حسيت ان فيه احد يقومني ويصطرني كفووووف وريحه بصل يعععععععع
وافتح عيوني لالالالالا تكروني وتكرونيه قدامي وين انا فيه
وقبص نفسي احسب اني اتخيل لكن الا صدق وناظر زين .....
الا ونا في غرفه حوسه مخيسه يميت دولاب مخروع بابه ويسار قز(فرن) ودبه غاز وشيشه وكيس فحم
والجدران الله لا يوريكم مقشعه والارض سمنت وظلماااا ومافيه الا لمبتن وحده وعلى اللمبه عش عصفور شلون مدري
وارفع راسي ولابرصي يمشي على الجدار والفيران في الارض تزورق
ونا الى الآن ما استوعبت شي أحس أني أقوم شوي وأضيع شوياااات
راسي ثقيل وعيوني ما أقدر أفتحها تعبانه
ويديني مربطه ورجليني بعد ....
ونا أصيح وأولول وبغا يصير في مكه بحر من دموعي حالتي حااااله والبرصي يقرب ويروح وكل ماقرب صرخت
وتجي ذيك الحرمه طوووويله ودوووبا وسمرا وحاطه روج ازرق شلون مدري لاتسألوني ؟؟....
وتشدني مع شعري ونا أصيح لالا وش تبين وخري عني لالالالا
ورمت علي شنطه ..وتذكر شنطتي جوالي فلوسي شباصتي الحمرا أمي أبوي أخواني ....
وقامت ترطن مدري وشهي تقووول ونا دميعاتي على خدي وشهااااق ماعاد اقوى اصيح وجت معها وحدتن اعرض منها وعيونها حمر ويطيح قلبي في سروالي
وحاولت أفهم لغتهم بس ماش مافهمت شي
قلت لازم اتعلم تكروني<<<<هذا وقته
وتجيب لزاق وتربط فمي ونا اقول لها لا مابي يطلع مكانه شعر مابي يشوووه
عاد كنها بتفهم ...
وتقولي : أسمئي انت يابنت لازم انت في يسهد يزمئ فلووس أو يسرق زوال(جوال) بس مايبقى موديل قديم يبي كاميرا أقلى(أغلى) وهذي (تأشر على خويتها) يمسي مع انتي ونتي في ينهاااش في موت أنتي ....
وقشعت اللزاق الله ياخذها بقوه بغت تروح خشتي وتشربني كاس فيه شي لونه أصفر راح بالي لشي ثاني ... بس ماش كلش غصب عندها قلت لها موتيني أحسن مابي وشربتني غصب يعععععع طعمه مر بغيت ارجع عليها...
وتلزق فمي مره ثانيه ...وتقولي انتي في يسرب سهر(سحر) انت ازا مافي يزي (يجي ) كل يوم تسربي في موووت مئلوووم ...
وبعد كمن بوقس وتلفيخ وياااعليها شلوطي (الرفس بالرجل) يقص الظهر ...
وفقعت عيوني وورمت شفايفي وحاست شعري ... شالتني وحطتني بكرسي متحرك وربطتني فيه .. وحطت الشنطه جنبي وياعليها لون في الشنطه خطير أصفر يفقع العيون ويجيب الحول ذوووق ..
ربطت عيوني ومشت بي واتذكر أمي وأخواني ياحبيلهم ماكنت اصدق انه بيجي يوم ولا عاد اشوفهم ... وياترى وش سوت اميمتي يومني تأخرت ولا جيتها ..
والكرسي وقف وازعاج عالم فكرت الرباط ولانا بالتوسعه وتقولي يلا اسهدي (اشحذي) آخرت عمري اشحذ<<<شفتو الدنيا
ونا قول في نفسي خل انحاش اموت بالحرم ولاببيتها الخايس وأحاول ادف الكرسي ولاه مايتحرك بنت بليس رابطته بسلسله ... ومعلقتها على باب المحل اللي وراي (وراعي المحل يرطن معها حسيت انهم ربع )<<أبوك يا الذكاء ..
وجرتني مع اذني وتقوا انا في روه ويرزئ(يرجع) بئد شوي في لاقي مئاك (معاك) قرنقش فلوس وااازد (واجد) وغمزت بعينها للي وراي وراحت ...
وأدنها بتسوه وصياح ...
وكل من مر تطل علي عشره وخمسه الكريم خمسين ..
وقلبي من جوا يتقطع آخرة التربيه الخاصه وسنتين بالجامعه اشحذ...
ويمر قدامي هندي يبيع مرايات كسر سوقي الناس صارو يروحون له وهيتوني ..
التكرونيه سرقت نقابي وخلتني فاتشه واحتري احد من اخواني يمر يعرفني ..
ويفل الهندي بسطته شكل الرجال مطول ويصف مراياته بس الجد كانت على الطراز الهندي القديم حلوه ويحط جنبه مرايه كبيره ..
وناضر يؤ من ذا السودا اللي بالكرسي وع وراها كذا .. الحمدلله .. كل ماسويت شي سوت مثلي ... وناظر ولا اللي بالمرايه انا ...
لالالالالا مستحيل مالطه وجهي بسنو..(السنو هو:ضرب السواد وهو مايعلق من الفحم بالاشياء)
قلت بس خلاص بصير تكرونيه ماعاد فيه امل وتخيل نفسي حاطه عظم على راسي ولابسه ورق شجر وانطط عند النارهونقا دونقا..
وفجأه مادريت الا بشي ثقيل طاح على راسي توقعت انه مشروع مكه للانشاء والتعمير (أول شي قريته لما دخلت مكه خخخ)
وارفع راسي ولاها التكرونيه مره ثانيه مدت يدها حسبتها كريك ..القرنقش الفلوس
قلت لها عندالعروس والعروس تبي ولد والولد يبي حليب والحليب عند البقره ..
توي بكمل الا وبقستني آآآآه كنت احاول اسوي خفت دم وصداقه معاها ونصير ربع ونفتح مشروع شحاذه لحالنا ونكرش التكرونيه الزعيمه ..
وناضر ولا معها ببسي وتتاغر وفي يدها ساندويتش كودو..
ونا جوعاااانه مغير اتخيل الهندي بطاطس مقلي من الزيت اللي براسه ..
وفكتني وراحت بي وانا احاول ارص عمري واثقل عليها عشان تتعب تمنيت ساعتها اني دوبا مالي حيله وش اسوي ..
ودخلتني في طرق اظلم موحش كله تكارنه قلت بس وصلنا افريقيا بس مافيه ادغال ..
ودخلتني في بيت والا المعزبه قاعده ومعاها شيشه وفكتني البودي قارده حقتي ونا الي بنحاش واطامر واركض واشوت الشيشه وتشب الستاره والزوليه وقبست الدنيا كلها ونحاشو وخلوني ونا اصايح مدري وين بابهم معه وقولهم موييييه مويه قلت اكيد بيعرفون وش مويه
موووووووووووووووويه موووووووووويه
وابوي يقولي يابنت خير ان شاء الله بس فشلتينا راحت المضيفه تجيب لك مويه
وناظر ولانا في الطياره مابعد وصلنا جده ...
---------------------------------------------------------------------------------------------
تم بحمد الله
اتمنى انكم سووويتو مثلي<<< اقصد انكم جبتو الشيبس وانبطحتو قداام الشاااشه واتفرجتو وانتو مندمجي
هع هع هع
كان معكم محدثكم من البيت
عشووق
اقصد
ألــــ دمعه ـــم:050103hrm_prv:
عارفين
انا ليش خليت اسم البنت باسكن رووبنز
<<< الاخ كل يووم يرووح ويضرب عسكريمين
بالشوكلاته
^_^
رد: يلعن أبو التكارنه ياااااااشيخ... 
العرض العادي
