غرور وكبرياء قصه سعوديه لاتفوتكم / كاملة

[Rainy sky]

انا سمعت ان الكاتبه بتكمل القصه هاليومين
شدي حيلك ياهمسات وانقليهالنا كامله علطول(ما بحس بمتعة المتابعه الا بنقلك

باالانتظاااااااااااااااار:)

[الوردة الخجولة]

القصة مررررررررررررررررررة روعة
تسلمي والله
بس ياليت تكمليها بسررررررررررررعة
ننتظر

[الkحيلة]

انا ماسمعت انها(اخت نوير)
لا
انا متأكدة 100% انها راح تكملها لانها الاسبوع اللي راح كانت موجودة في منتدى الم الامارات وقالت راح اكملها وانزلها لكم بشكل سريع



بس ياحلوين منتدى الم الامارات مادري شفية مغلق ... شفتو الحظ ...

[ملكة الأحلام]

ننتظر المـــــــــــــــزيد بفاارغ الصبر ..

[اسيرة الزمان]

الجــزء الخامــس والثلاثــوووون





الفصل الاول




نجود شافت ابوها : بابا وين خالـــي فيصل ...
محمد : نايـــم ..
ابوفهد : وليــش هو ما راح يصلـــي معنا ..
محمد : الا يا عمي... بس انه يوم رجع نام .. لانه ما رجع الا تسع الصبح ..
نجود اللي تركتهم وهم يتكلمون ودخلت على فيصل ..
نجود وهــي تهز فيصل : خالو قووم ... خالو فيصل .. قوم ...
فيصل فتح عيونه ..: وشـــو ..
نجود : خالتي نجلاء تعبانـــه ..
فيصل جلس بسرعه ..: وش تقولـــين ....
نجود : والله العظيم ....بتطيح ...ومسكتها خالتي ريم ... وهي الحين في الغرفه نايمــه ..
فيصل بخوف : تعالي قدامي اذا فيه احد قولي فيصل بيجي ....
نجود : طيب


دخلت نجود لشقه وقالت لهم يتغطون لان فيصل بيدخل
دخل فيصل في الغرفه اللي فيها نجلاء والبنات بعد ما طلعوا لان فيصل دخل ما عدا العنود اللي رجولها تعورها
فيصل قرب منها : نجلاء!!؟
نجلاء : هلا فيصل
فيصل : سلامات وش فيك؟!! تحسين بشي..؟
نجلاء ابتسمت : لا مافيني الا العافيه بس يبالغون ..!
العنود: لا يغرك كلامها بغــى يغمــى عليــها ..!
فيصل : قومي البسي عبايتك انتي واياها...
نجلاء : فيصل والله مافيني شي ..... ماله داعي
العنود : اقول قومي بلا بربره..
فيصل : قوموا انتي واياها كلكم بسرعه ...
نجلاء : اقول لكم مافيني شي والله اني بخييييييييير ...
فيصل : شوفي انا ما جيت اشاورك ...! بتقومين يعني بتقومين ..
نجلاء باستسلام : اوووف منك انت واختك !

قامت نجلاء من السرير وحست بدوخه وحس فيها فيصل ومسكها !
فيصل : اجل مافيك شي هاه؟...
العنود جتهم بعد مالبست عبايتها وشافت فيصل وهو ماسك نجلاء : انتم للحين تتغزلون ببعض ... ما شبعتوا من بعض ...!
فيصل رمى المخده اللي بجنبه عليها : هههههه وانتي وش دخلك!؟



في المكان اللي نشفق عليه وقت رمضان .. اللي الله يصبره علينا وعلى حوستنا
ريم و رغد ورنا ونوف حبوا يستلمون المطبخ اليوم ويريحون اهلهم

رنا : ريـــــــــم وش هالحماس الزايد ! لهالدرجه جوعانه؟؟
ريم ببرائه : لييييه ؟!
رنا : احد يسوي القهوه من الظهر؟... الحمد لله والشكر على نعمه العقل.. بتبرد وتخرب ما اذن المغرب
ريم استوعبت : طيب انا ما اعرف اسوي الا قهوه ...
رنا : عاد من الحييين؟؟!!
نوف : دامك ما تعرفين اجل الله لا يهينك شوفي البصل في الثلاجه خذي بصلتين وقطعيها
ريم تصرخ : انااااااااااااااااااااا ريم بنت خالد اقطع بصل..........!
رغد : اجل ليه مسويه ازعاج من الصبح .. وعلى بالي تكانه .. وانتي ما عندك ما عند جدتي!

دخلت عليهم عبير!
انصدمت القهوه تطبخ والبنات يناظرون بعض... ولا سوو شي !

عبير بعقلانيه : ترا انتم ماسكين مسؤليه عائله ...! وش هالي سويتوه!!؟
ريم : ياربييييييييه وش سويناا!؟
عبير: احد يطبخ القهوه الحين ؟ وترا الساعه 2 وانتم ولا سويتوا شي!؟ دامكم مو قد المسؤليه ليه تستغنون عن خدماتنا !!
رغد : يعني انتم معتمدين على اللي بنسويه!؟
عبير: تنكتين ؟...
نوف : تدرون توني استوعب قدر المسؤليه !؟
ريم : اقول بما اننا مانا بقدها خلونا نطلب من المطعم ونفتك!
عبير: لااااه؟ حليتيها!؟ وشيابنا ؟ شلون صيام بدون شوربه وسمبوسه ؟ استخفيتي انتي!؟
رنا : مافيه شي جديد من يومها مستخفه!
ريم : لاااه نعم الاخت والله
رنا : انا مع الحق
ريم : رناااا ووجع يا اوقفي بصفي والا بقول لمشعل
رنا : وش بتقولين يعني؟ يااااي يمه خفت!
ريم: خليني ساكته احسن
عبير: نعم الخوات والله ... يله يله براااا والله ما عندكم ما عند جدتي روحوا نادولي الهنوف ولمى ما يمدي الوقت
ريم : مستغنين عنا؟
عبير: الله عاد نشوفك سويتي شي!؟



فيصل ونجلاء والعنود وصلوا للمستشفى من ساعه .. العنود طلع معها رضوض سهله ... وعطاها الدكتور علاجات لرجلها ..
اما نجلاء اللي لحد الحين ما يدرون وش فيها ... جالسين يستنون العنود وفيصل برا ... تاخرت الدكتوره جوا يمكن صار لها ساعه الا ربع ....والمصيبه انهم رفضوا يدخلون فيصل...
طلعت الدكتوره ... وقام فيصل على طول ...
فيصل : هـــاه دكتورهـ طمنينـــي ...
الدكتوره : انت قوزها ( انت زوجها ) ...
فيصل : ايــه ...طمنيني عن صحتها ..
الدكتوره ابتسمت : دي مراتك حامل ...( زوجتك حامــل)
فيصل ودهــا يصطرها على بردوت اعصابها : ايــه ادري حامــل وشلونها الحين ...
الدكتوره : القنين سليم الحمد لله (الجنين) ...
فيصل بلهفه : وزوجتي ....
الدكتــوره : مراتك ................. هـــي ما بتكلش ليـــه ...
فيصل بهمس : اللهم طولك يا روح .................(وطول صوته ) دكتــوره زوجتي وش فيهــا
الدكتــوره: دي ما شاء الله امر (قمر) بسم الله ما شاء الله ...
فيصل خلاص اعصابه فارت : بتتكلمين الحين والا شلون ...
الدكتــوره : دي اصل مراتك بتتدلع ....هــي شويــه ارهاق بس... هو دا اول حمل ليها ...
فيصل ارتاح : ايــه اول حمل ...
الدكتوره : ما هو باين اصلا يعني ...
فيصل : وين زوجتي طيب ...
الدكتوره : دي خارقه دلواتي ...
فيصل سكت وجالس يتحلطم في ذا الدكتوره ...
بعد كم دقيقه طلعت نجلاء .. شافها فيصل وراح لها
نجلاء تبتسم : شفت ما قلت لك ما فيني شي ..
فيصل : معليش المهم تطمنت عليك ..
نجلاء : طيب يله خلنا نرجع للشقه ..
العنود : ايه والله فيصل خلنا نرجع مليت ترا ..
فيصل : بسم الله وش فيكم هبيتوا في وجهي .. طيب وانا قلت لا .. يله تفضلوا ..



في شقة الرجال ..
مشاري : هلا حياتي ..
ساره : هلا والله اشتقتلك متى بترجع ..
مشاري : توني امس جااي..
ساره: ادري بس اشتقتلك ..
مشاري : حتى انا .. بس اقول ساره ..
ساره: هلا ماجد ..
مشاري يبي يجس النبض : وش فيه صوتك .. احس ان فيك شي ..
ساره محتاره تقول له او ما تقول : ماجد فيه موضوع ابي افاتحك فيه
مشاري استانس : ايووه وش هو ..
ساره: فيه واحد يهددني ..
مشاري حلوو بدت تتجاوب البنت : منهوا هذا .. ووشلون يتجرا اصلا
ساره : يهددني انه بينشر صوري .. تراضاها علي
مشاري : لا ابد ما ارضاها بس هذا وشلون جاب صورك ..
ساره : زوجته العله هذي ..
مشاري عصب ليش تتكلم عن اخته كذا مو كافي اللي تسويه فيها .. : ايووه وش فيها زوجته
ساره : زوجته تقرب لوحده اعرفها .. وهي تحبه وتموت فيه .. وانا حاولت انتقم لها منه وفي الاخير كل شي طاح على راسي
مشاري : ومنهي ذي ..
ساره : وانت وش بتستفيد اذا عرفت منهي .. خلنا في مشكلتنا الحين ..
مشاري فاضيلك انا : ايووه صح مشكلتنا اهم .. طيب منهو هذا .. وش اسمه
ساره : اسمه فيصل
مشاري : وزوجته وش اسمها
ساره : اسمها نجلاء
مشاري : اهااا .. طيب اللي تقرب لنجلاء هذي وش اسمها
ساره : يووه مجودي وش فيك تحقيق هوو .. يله عاد قلي وش اسوي
مشاري : طيب هو ليش سوا كذا
ساره : يبيني اترك حرمته في حالها
مشاري : طيب اتركيها في حالها
ساره : ما اقدر اتركها في حالها .. لاني ما احبها وبعدين هي انسانه غبيه
مشاري خلااص وده يصرخ عليها صرخه : وليش غبيه
ساره : لانها مو قادره تحافظ على زوجها .. زوجها يحبها بس هي غبيه تصدق كل شي اقوله لها
مشاري : طيب انتي وش تستفيدين ..
ساره : سعادة صديقتي ..
مشاري : طيب انتي قلتي كل شي انقلب على راسك .. بس صديقتك وش جاها اول شخص بينظر هو انتي . مهيب صديقتك ..
ساره : طيب ما اقدر على زعلها انا . وبعدين خلاص تعودت على كذا
مشاري : طيب لو قلت لك عشاني ..
ساره : ماجد انت ما تدري وش قد تعني لي بشكل ما تتصوره .. بس لا تحرجني لاني ما اقدر ..
مشاري : اوكي ساره مع السلامه
ساره : لحظه ماجد ..
مشاري من جد كان معصب : نعم ..
ساره : لا تزعل مني ..
مشاري : مع السلامه ..

سكرت ساره من مشاري ..ما كانت تبيه يزعل كلمة علطول على نوف ..
نوف: هلا والله ..
ساره : نوف ما اقدر .. احبه ..
نوف : وشو وشو كذا علطووول .. يا بنت الحلال سلمي اول قولي شي ..
ساره : نووف انا احبه ..
نوف : منهو هذا وليش توني ادري عنه ..
ساره : هذا واحد اسمه ماجد .. صار لي شهرين اكلمه ..
نوف : ايووه .. وما شااء الله حبيتيه والا زيه زي غيره .. تحبينه اليوم وبكره تدورين غيره
ساره : لا لا والله يا نوف مستعده ما اكلم احد ابد ابد . بس احس انه يحبني
نوف : ليش ما يحبك ..
ساره : ما ادري بس هو غير عن كل اللي كلمتهم .. محترم طيب حبيب. .قبل شوي كنت اكلمه حسيت اني حقيره لمى قلت له عن سالفة نجلاء وفيصل
نوف عصبت : وليش تقولين له ..
ساره : عادي واذا قلت له
نوف : لا المفرووض ما تقولين لاحد زي ما اتفقنا
ساره : بس هذا بعيد عن نجلاء وبعيد عن فيصل .. وبعدين انا واثقه منه .. يا نوف هذا رجال محترم . يعرف ربه .. مو مثلي ..
نوف : وش تقولين انتي ..
ساره تبي تغير الموضوع : وش اخبار نجلاء وفيصل ..؟
نوف : اسكتي بس .. توهم جاين من المستشفى ,, وشوفي ذا السكنيه تخيلي اهم صاير لهم حادث وما جاها شي
ساره : ههههههههههههههههههههههه .. وانتي تبين يصير لها شي
نوف : ايه ابيها تسقط ..
ساره : طيب وش صار عليها
نوف : الدكتور يقول ارهاق .. بس ما راح ارتاح انا وهي كذا بوجهي ..
ساره : طيب ليش ما تحاولين تستفزينها ..
نوف : وش اسوي تعبت .. وبعدين كل اللي هنا يحبونها .. وهي لسانها صاير طويل ..
ساره : حاولي تستفزينها تعصبينها .. يعني انتي نطلي عليها كلام واضحكي حتى لو ردت عليك اضحكي ..
نوف : طيب بحاول ..


بعد يومين في غرفة البنات ..
العنود : رغد شووفي الرقم هذا . .
رغد : وشو رقمه .
العنود صارت تقول الرقم ..
نجلاء تسمع الرقم وفتحت عيونها . هذا هوو متاكده هذا هوو
العنود : تعرفينه .. لانها ارسلت لي رساله وقالت خلي رغد تكلمني لانها مقفله جوالها
رغد : ايه اعرفه .. هذا رقم ساره ..
نجلاء من الصدمه وقفت .. مو عارفه اللي سمعته صدق او لا .. ساره .. هي نفسها اللي تكلم علي .. هي نفسها حبيبة فيصل
وشلون قدرت تتعرف على فيصل .. وشلون قدرت توصل له .. انا لازم اقول لمشاري ..
العنود : هييه انتي وش فيك وقفــتي.؟؟
نجلاء ساكته في عالم ثاني .
العنود : هيييييه انتي نجيل ... وش فيك مبلمه ..
نجلاء تلتفت على العنود : هاااه .. انا ..
العنود : انا لله وانا اليه راجعون .. ايه انتي .. مين يعني ..
نجلاء : وش تبين ..
العنود : وش فيك انتي اكلمك من اصبح وانتي مطيره عيونك ..
نجلاء استوعت الموقف : لا بس مستغربه وين ريم ورنا .. بروح اشوف وينهم
العنود : ما ادري والله وينهم اكيــد عند امهم ..
نجلاء سكتت وجلست تفكر بساره ..ورغد جالسه تحوووس بشنطتها .. العنود شافتهم ساكتين وسكتت ..





في الصاله ..
هدوول: ماما .. ابي ارووح ..
رنا : طيب علميني .. وين تبين تروحين .
هدوول : ابي ارووح النااس برا ..
رنا : ما يصلح يا ماما .. الحين الساعه 11 بالليل ... من يوديك برا ..
هدوول وبدت تخنقها العبره : ما ابي ما ابي.. ابي اطلع برا .
رنا ما عرفت وش تسووي .. اكلم على مشعل بس هوو اللي بيحلني ..
كلمت رنا عليه من اول رنه رد ..
مشعــل : هلا والله وغلا .. وينك يختي .. من اللي شاغلك ..
رنا استحت وما عرفت وش تقوول ونست هي اصلا ليش داقه ..
رنا : هلا والله ..
مشــعل : اخبارك .
رنا والحيا مقطعها : انا الحمد لله .. انت اخبارك ..
مشعل : انا الحمد لله .. فرحان اني سمعت صوتك ..
رنا بعدت الجوال عن اذنها صارت تتنفس بسرعه ما تدري ليش حست ان الهواء خلص
رجعت الجوال: اقول مشعل ..
مشعل اللي يحس انه كل ماله ويتعلق برنا زياده: عيون مشعل ..
رنا يا ربيه ما يبيني اتكلم هو : هدوول تبي تطلع ..
مشعــل : وين تبي تطلع .. وين تروح ..
رنا : ما ادري تقول ابي اروح للناس برا ..
مشعل : تبي تتمشى يعنــي ..
رنـــا : ايــه .
مشعـل : طيب عطيني اياهــا ..
خذت هدوول الجوال ..
هدوول : الوو ..
مشعل : هااه هدووله وين تبين تروحين ..
هدوول : برا ابي ارووح ..
مشعل : خلاص طيب قولي لماما تلبسك ويــله استناك انا
هدوول : انا البس وماما تلبس صح ..
مشعل : ما ادري شوفي اسالي ماما تبي تروح ..
هدوول ترفع راسها لرنا : ماما بتروحين معنا صح ..
رنا يا ربيه ان قلت لا بتزعل بس انا مستحيل اروح : لا ماما انا بجلس عند عميمه نجلاء
هدوول : لا ماما يلـــه ..
رنـا : معليش حبيبتي المره الثانيــه انا لازم اقعد عند عميمه هي تعبانه ..
هدوول ترجع تكلم مشعل : بابا .. ماما تدول لا .. ((تدول = تقول ))
مشعل : عطيني ماما ..
هدول عطت رنا الجوال ..
مشعــل : هلا رنا ..
رنـا : هلا ..
مشعل : ليش ما تروحيـن ..
رنـا : لا بس صعبه اطلــع ..
مشعــل : طيب وش رايك تطلع معنـا ريم ..
رنـا : يمكن ما توافق ..
مشعل : ههههههههههه ترا هي اختك قبل ما تصير اختي ... اكيد بتوافق ما تعرفين اختك..
رنا ابسمت : طيب بقول لها وبقول لامي ..
مشعـل : خلاص وانا انتظركم .. لا تنسين لبسي هدوول ..
رنـا : اكيد ما راح انسى ..
مشعل : الله يخليك لي ولها ..
رنا سكتت مو عارفه وش تقول ..
مشعل عرف انها نحرجت : هههههههههه طيب يله مع السلامه ..
رنا : مع السلامه ..

راحت رنا وقالت لريم اللي علطول وافقت ..
العنود : خير ان شااء الله ..منيب .. منيب ما فيه روحه ريمووه
ريم : رووحي زين .. برووح يعني برووح .
العنود : هين يالانانيه ..
نجلاء : خلاص العنود اقعدي عندي ..
العنود : مليت منك ترا .. ابي اشم هواء ..
نجلاء :انطمي بس .
ريم : يله رنا .. بسرعه لا نتاخر على مشعل ((وهي تناظر العنود عشان تقهرها ))
العنود : لحظـــه ..
ريم : وش تبين انتي الحين ..
العنود تاخذ جوالها ..
العنود : الوو ..
فواز : هلا ..
العنود : حبيبي اخووي .. قلبي انت ..
فواز : استغفر الله .. اخلصي وش تبين .. انتي ما تحبين من الله ..
العنود : حرام عليك والله انا كذا ..
فواز : اخلصي اخلصي .. وش تبين ..
العنود : ابي اطلع معهم ..
فواز : منهم ..
العنود : ابي اطلع مع مشعل وهدوول وريم ورنا ..
فواز : يعني واحد بيطلع مع بنته وحرمته واخته .. انتي وش لك فيهم .
العنود : لحوووول .. الحين وشلون يعني ..
فواز عرف ان ريم بترووح : طيب بس اذا راح مشاري رحت ..
العنود : يا لبــى قلب اخووي .. ايه الله يخليك قل لمشاري حاول فيه ..
فواز : طيب طيب ..


بعد نص ساعه ..
فيصل : الحين الكل بيرووح ..
فواز : الظاهر كل البنات بيروحون .. ورا ما تروح انت وحرمتك ..
فيصل : لا خل حرمتي ترتاح توها راجعه من الحرم مصليه التراويح .. ما تحمل مشوار طلعتين ..
فواز : ايه خلاص يله مع السلامه ..
طلع فواز وفيصل كلم على نجلاء ..
فيصل : هلا والله ..
نجلاء سمعت صوت فيصل وتذكرت ساره .. بس طنشت الوضع : هلا فيـــك ..
فيصل : وشلونك الحين ..؟؟
نجلاء: انا الحمد لله تمام .. بس فيصل خلنا نروح معهم ..
فيصل : لا لا لا لا ..
نجلاء : فيصل تكفـــى ..
فيصل : لا تحاولين نجلاء ..
نجلاء : يا ربيــه ..
فيصل : طيب كل البنات راحوا ..
نجلاء : باقي رغد ونوف ..
فيصل : طيب ترا بجي لك .. قولي لهم يطلعون عن الغرفه ..
نجلاء : وشلون البنات ..
فيصل يبتسم : ما علي منهم انا .. قولي لهم يطلعون ..
نجلاء : ان شاء الله .
سكـرت نجلاء من فيصل والتفتت على رغد ونوف اللي كانوا يسولفون بهمس
نجلاء: لو سمحتوا ممكن تطلعون لان فيـصل بيجي الحيـن ..
رغد بـعناد : لا ماراح نطلع مو على كيفك..واذا الغرفه غرفتك تعالي تحكمي...
نجلاء : طيب وش فيك تردين كذا انا قلت بأدب ...وفيصل هو الي قاله انا قلت له انكم فيه وقالي قوليلهم اني بجي
نوف : طلعه ماراح نطلع والي عندك سويه...
نجلاء عصبت وسمعت صوت فيصل يناديها
فيصل من برا: نجوووووووووووول ..
طلعت له وهـي معصبه وبايــن انهــا معصبــه
فيصل حس فيـها : وش فيك..؟؟
نجلاء : لا ولاشي بس رغد عييت تطلع من الغرفه.. خلاص انا بجلس هنا وانت رح لشقه الثانيه
فيصل : اقول تعالي هناك معاي مافي احد..
نجلاء : لا وين اخاف يجي احد من العيال صعبه...
فيصل يمسك ايدها : اقوول امشي بس.. انا مشتاق لك موووووووووووووووت وابيك تجين معاي
نجلاء وهـي مستحيـه منه : وانا بعد
فيصل: انتي ايش ..
نجلاء تقصر صوتها : مشتاقه لك مووووووووووووت ...
فيصل : يااااااابعد قلبي انتي..يالله معاي ..