 وشرايكم راح انوع الناس مثل تنوع الفواكه والخضروات ...ممكن
عنوان يضحك لكن والله فيه شبه بين تنوع الناس وتنوع الفواكه والخضروات (اضحكوا قد ما تقدروا)
بسم الله نبدأ :
الجزر بعض الناس مثل الجزر قاسي جدا لكنه يجلي ويبصرك على حاجات غافل عنها يعني
يقوي نظرك ويجعلك تقايس امورك
الليمون بعض البشر مثل الليمون حامض سلوكيا لكن ترتاح له فهو طيب القلب ناصع الصدر
وهذا شي يريحك كثير مثل ما ترتاح بعد حموضة الليمون من الزكام
الجرجير والخس بعض الناس مثل الجرجير والخس رقيق لطيف لكن يعطيك نشاط وهمة يشجعك
اذا شاف فيك ميزة نبهك عليها وهذا يقويك ويجعلك صاحب شخصية قوية نشطة
مثل الجرجير والخس اوراق بسيطة لكن غنية بالنشاط والقوة واسألوا المتزوجين .
التفاح وياعيني على التفاح يفك ازمة الامساك وكربة الانتفاخ فهو مفيد وزي ماقالوا الاطباء
كل تفاحة ما تحتاج طبيب وهذا ينطبق على بعض العالم يفك عنك ازمة يساعدك وقت الازمات
ويريحك من صنوف العذاب وهموم الحياة واخلاقه حلوة تذكرك بحلاوة التفاح.
البرتقال يذكرني بأشخاص فيهم حموضة مع شوية سكر فتلاقيه بعض الاحيان حامض
لكن حموضة مخلوطة بشوية سكر واكثر حاجة تذكرني بهذولا الناس البرتقال المصري
البطيخ او الحبحب يفك العطش وقد ما تأكل منه ما تشبع خفيف على المعدة حلو
وهذا مثل الانسان اللي تجلس معاه ويرويك بسوالفه الزينة مرة مزحة مرة كلام حلو
مرة حوار يعني ما تشبع منه مثل الحبحب ودك تجلس معاه ليل نهار
اليوسف افندي يذكرني بناس اجسامهم صغيرة لكن اغنياء بالعقول والحلاوة
لما تشوفه اول مرة يجذبك و لما تجلس معاه تعرف انك امام انسان جبل بعقله
واخلاقه وحلاوته مثل اليوسف صغير لكن جذاب وحلو
البطاطس اه من البطاطس شي يرد الروح وطعم يتربص على لسانك ويزيد
وزنك ويعطيك عافية مثل بعض الناس يزيد عقلك وثقافتك ويرد لك روحك
المفقودة
الخيار بارد بالفم بارد بالمعدة يخفف الحموضة لكن لما تشتكي من القولون يا ويلك
يحرقك حرق مثل بعض الناس حلو وجيد كبداية خفيف لكن بعدين تنصدم فيه
في اول موقف تحتاجه فيه وتعرف انك عند انسان مصلحجي فيه نفاااق
الثوم والبصل بعض الناس مثل الثوم والبصل تشم منه رائحة الخيانة لكن تكتشف انك ظلمته وانه طلع
انسان قمة مفيد ينشط دمك لكنه حار كبداية وهذا اللي خوفك منه 00
تقبلو تحياتي ,,,مجنونهاااا
| 
العرض العادي
